Plattdüütsch Singdag

9. September 2012 Klock twee

in´n Telt up den Sportplatz in Bokel

in de Gemeen Wiefelstede

De Ollnborger Spieker hold de Hand över ditt Fest

För dat Inrichten un Klaarmaken van dissen Dag is de

Männergesangvereen „Frohsinn“ ut Bokel toständig

Gemeinsomet Leed to`n Abschluss

Mien Ammerland Ick hang an Di mien Läben lang, mien lewet Ammerland. – Ick will Di bringen mien Gesang – woll plattdüütsch is mien Leederklang, doch tro mien Hart und Hand.

Wie hebbt hier starke Eekenböm, und Dannen slank und lang. Dorbi de Wischen vuller Blöm, un morgens weckt us ut de Dröm de helle Vogelsang.

Hier waßt de Rogg, hier waßt de Weet, hier waßt von jede Frucht, hier waßt, wat man Gemüse heet, dorto smeckt rökert Schinken söt van use Swienetucht.

Wi willt jo spiesen hier mit Lust ut use Pott und Pann. De Ammerländer mehnt dat good, sien Herdfüer rookt vör lütt und groot gastfree vör Jedermann.

Text: Wilhelm Geiler Melodie: Johannes Ehlers Satz: Paul Hötzel

Grötniswöör van´n Ollnborger Spieker

Vör twee Johr hett de Männergesangverein „Frohsinn“ Bokel sien 100-Johr-Fier hatt. Dat wiest us, wo oolt, aktiv un lebennnig das Singen, ok dat plattdüütsche Chorsingen, in de MGV Bokel is. Un nu, in dit Johr 2012, plaant de Vörstand

van de MGV en groot plattdüüsch Chor-Festival in Bokel, mit Vereene un Chöre nich blots ut us Ammerland, nee, ok ut Oostfreesland, Bremen un dat heele Ollnborger Land. De SPIEKER is blied doröver, dat dat plattdüütsche Chorsingen, wat en lange un gode Tradition hett, nu wedder beläwt worrn is. Un ik dank van

Harten de Vörstand van de MGV „Frohsinn“ Bokel dorför, dat he dit Festival up de Been stellt hett – nadem us „Singkring“, na de Dod van us langjährig Singkring-Baas Günter Wempe, en lütt Stillstand hat hett. Dat plattdüütsch Singen höört jüst so to de nedderdüütsch Pläge as dat Snacken, Schrieven, Danzen, Predigen un Ünnerrichten. Ok wenn de oolen Römer mol seggt hebbt „Frisia non cantat“ – de spinnen, de Römer! Wi bruukt man blots na Bokel henngahn un bi de MGV „Frohsinn“ un sien Frünnen un Gäste tolustern, denn hebbt wi de historisch Wohrheet. Ik dank all Deelnemers, Mitmakers un ok Tokiekers un Tolusters vandag bi dit Chor-Festival för ehr aktiv, plattdüütsch Singen – un wünsch us all een vergnögden Festival-Dag. Erhard Brüchert (Spiekerbaas)

Grötniswöör van`n Männergesangvereen „Frohsinn“ Bokel

Leeve Frünn von de plattdüütsche Spraak un dat Plattdüütsch-Singen!

Wi, de Männergesangvereen „Frohsinn“ Bokel heet al Sängerinnen un Sänger, Dänzer von de Danzköppel, Gäste von wiet un siet, off old, off jung, von Harten willkomen.

To’n ersten Mal gifft dat in us schöne Bokel in de Gemeen Wiefelstä eenen plattdüütschen Singdag. Us Gesangvereen leggt väl Wert dor up, de plattdüütsche Spraak to beleben. Wi möt nich blos öber Plattdüütsch snacken, sondern wi möt

plattdüütsch snacken; mit us Kinner un Enkelkinner. Nur so könt wi us Moderspraak holen. Un dat plattdüütsche Singen drägg säker ok dor to bi.

Ik segg nu ganz väälen Dank an al de Lüe, de us mit Geld, mit ehr Arbeit un mit’n goden Rat ünner de Arms gräpen hebbt. Ik wünsch allen Mitmakers een good Gelingen.

Mit Sängergröten

Dieter Buschmann

1. Vörsitter

Gröten för den Plattdüütsch-Singdag

Leve Fronslüe, leve Mannslüe,

leve Gäste,Raat un Verwaltung van de Gemeen Wiefelstä freit sik bannig daröver, dat de Männergesangvereen „Frohsinn“ Bokel e. V. an’n 09. in’n September-Maand 2012 in Bokel sien Plattdütsch Singdag up’e Benen stellt.

Ünner dat Dack van den „Spieker“ schüllt plattdüütsche Leder vördragen weern. Dat is nich blots een moi Ünnerhollen för all Lüe, de darbi sünd, dat is ok een wichtig Teken för dat Wahren van de plattdüütsche Spraak.

För dit bedüden Doon för use Heimat seggt wi van Harten Dank.

Heel besünners för de Veranstaltung is, dat dar so vele verscheden Gruppen van wiet un siet tohoop kaamt. Dat alleen garanteert al een bunt Programm un een komodig Namiddag.

Dat gah Jo goot!

Helmut Völkers Börgermester

Grötniswöör van de Ollnborger Landschup De plattdüütsche Spraak un Musik: Dat geiht goot tosamen. Plattdüütsch is jüst as de lebennige Chorlandschup in't Ollnborger Land een besünnert Kennteken van us Heimatrebett. Musik is een Weltspraak, de al Lüe versteiht un de faken mehr seggt as Dusend Wöör. Plattdüütsch maakt as "Weltspraak van de Hanse" tegen Hochdüütsch un Saterfreesch dat Ollnborger

Land to een Dreesprakenland. Een Riekdom an Kultur, de wi erholln mööt.

De Ollnborger Landschup hett van Gesett her de Updrag an de kulturellen un historischen Bedüden van't ole Land Ollnborg Pleeg un Stütt to geven. Üm dat Kulturgoot to plegen un dat kulturelle Tosamenwarken up Padd to bringen, hebbt

wi vele Hölpers, de sick ehrnamtlik in us Warkkopels bi de Landschup un in de bannig grote Antahl Verenen un Verbännen in't Ollnborger Land för Kultur insett.

De Männergesangsvereen "Frohsinn" Bokel e. V. hett ünner dat Regeer van "De Spieker" (Heimatbund för nedderdüütsche Kultur) een "Plattdüütsch-Sing-Dag" up de Been stellt. Verscheden Chöre ut't Ollnborger Land un Norddüütschland pleegt dat plattdüütsche Leedgoot un de plattdüütsche Spraak, de siet 1999 in de "Europäiske Sprakencharta för Regional- un

Minnerheitenspraken" ünner een besünner Schuul steiht. Dat Tradition leevt un lebennig holt ward, wiest us de Chöre un Singers, de bi dissen "Plattdüütsch-Sing-Dag" mitmaakt: Vele Chöre sünd al in't 19. Johrhunnert grünnt wurrn un tellt so to de öllsten in us Kuntrei. Man wat de Ollnborger Landschup besünners freit is dat de Kultur, dat Leedgoot un de plattdüütsche Spraak ok in de Chöre un Verenen an de Kinner un jungen Lüe wietergeven ward! Meist jedeen Chor hett ok een Kinner- un Jugendchor, wo junge Lüe mit Spraak, Kultur un Heimat tosamenbrocht ward. De Regionalspraak Plattdüütsch över dat Singen an us Kinner wietertogeven, is een Verbinnen de seker goot tosamengeiht.

Gesang kaamt van't Hart un de plattdüütsche Spraak van de Tungen. Dat disse wunnerbar Beleevnis van plattdüütsch Chormusik us noch lang erholln blifft! Ernst-August Bode Vizepräsident van de Ollnborger Landschup

Programm

Begröten van den 1. Vörsitter van`n MGV „Frohsinn“ Bokel,

Herrn Dieter Buschmann

Grötniswöör van den Spiekerbaas van`n Ollnborger van den Oldenburgischen Heimatbundes för Kultur, „De Spieker“, Herrn Erhard Brüchert als Schirmherr Grötniswöör van den Vizepräsidenten van de Ollnborger Landschup,

Herrn Ernst-August Bode

Gröten van den Börgermester van de Gemeen Wiefelstäe,

Herrn Helmut Völkers

Leedvördräge: Männergesangverein „Frohsinn“ Bokel e.V. Leitung: Matthias Bösch Jan-Hinnerk up de Lammerstraat Hamburgisches Volkslied Text: Dieter Buschmann

Trina kumm mol vör de Dör Niederdeutsches Volkslied

De Heiloh Text: Hinrich Frehrs Satz: Heinrich Paulsen

In´n Swiensgalopp Niederdeutsches Volkslied Satz: Rudi Reich

Sänger vom Schwarzen Brack. Leitung: Axel Göttschenberg

Vigelinland Musik: Trad.,

Text: Jan Cornelius

Wenn över´t Meer Text und Musik unbekannt De vulle Buk

Text und Musik: Luise Rost, 1985

An de Eck steiht´n Jung mit´n Tüdelband Text und Musik: Leopold und James Wolf, 1911

Up Samos, da giv´t dat veel Samos Text und Musik: Helmut Debus

Gemischter Chor Nethen e.V. Leitung: Bärbel Bollen

Ammerlandgruß Worte und Musik : Fritz Hadeler

De Leev, de dä mi fangen Joh. Steuerlein 1546-1613

Leeder so moi as de Norden Text: L. Holder Musik: Jean Frankfurter

Kükentanzgruppe Leitung: Agnes Klare Pause 45 Minuten

De Plattsingers van´n Möhlenhoff Leitung: Kornelia Gabrysch

Us Modersprak Musik u. Text: Willi Köpcke

Sing mol met Musik u. Text: unbekannt

Nordseemelodien Musik u. Text: Willi Köpcke

Lat di man Tied (is ok een Walzer) Musik u. Text: Willi Köpcke

Mien Ammerland, moi Land umt Meer Musik u. Text: Erich Oltmer

Mien Rastä Musik u.. Text: Jan Niemeyer

„Harmonie“ Torsholt Leitung: Katharina Kapustin

De ole Heimat Text: Georg Droste Musik u. Satz: Hermann Lürs

Goode Luun Musik u. Satz: M. Scheelken / T. Bruns

Wenn dat Brot Musik u. Satz: Hermann Lürs

"Gemischter Chor Ocholt e.V." Leitung: Elke Schmidt

Lüttje Deern Text u. Satz : Heinz Lemmermann

De Hamborger Veermaster Satz: Karl-Heinz Steinfeld

Leed an use Heimat Text: Friedrich Renken Satz: Erich Oltmer

Lütt Matten, de Has Satz: Schacht/Stock

Mambo Text: nach Herbert Grönemeyer; Satz: Lorenz Maierhofer

Mühlenhofmusikanten Westerloy Leitung: Helma Hollander Luster mol mien Kind Musik u. Text: Marianna Scheelken

Schunkellied Musik u. Text: Marianna Scheelken

Moin, moin Musik und Text: Hans Hee

Dat noch in 100 Johren Musik und Text: Hans Hee

Un Opa snackt plattdütsch Musik und Text: Hans Hee

„Singköppel Överlannen“ Leitung: Ernst Wagner Komposition und Text aller Lieder: Anneliese Kiehne - Tecklenburg

Musik

To Huus

Denn wi nehmt dat Fohrrad

De Linnenboom

En Dag as Vondoog Gemeinsamet Leed

De Männergesangvereen `Frohsinn` Bokel e.V. stellt sik vör Ik grööt jo mit een hartlich „Moin“ ut Bokel. Mien Noomen is `Frohsinn`. Ik bün een Gesangvereen för Mannslü. Gründt wurn bün ik an`n 14.1.1910. Dat heet, 2010 kunn ik mien 100. Jubiläum fiern. Dorto is bannig wat up de Been stellt wurn. Dat Fiern gung över dat ganze Johr. To Tiet singt bi mi 35 Mannslü. Dorto koomt noch 55 Lü, de nich mitsingt, aver ehrn Bidrag betohlt. Mien Vörsitter is Dieter Buschmann.

Ünner dat Leit van Matthias Bösch ward van September/Oktober bit Mai jeden Donnerdag van Klock 8 bit Klock 10 in Martens Kroog in Bokel üüvt. Miene Leder goht van Operetten över Volksleder bit hen no moderne musikolische Stücke.

Groten Weert legg ik up de Plääg van plattdüütsche Leder. Opträen do ik bi hoge Geburtsdoge, Golden Hochtieden, inne Kark bi

Konfirmationen, Beerdigungen un to`n Advent, aver uk bi`t Gemeende-Sängerfest. Uter dat Singen liggt mi de Spooß un de Geselligkeit düchtig an`t Hart, wat mien Noomen `Frohsinn` jo uk utseggt.

All Johr laad ik in`n Vörjohr to dat `Singen im Wald` bi de Jagdhütt in`n Mansholter Busch in. Dorto kummt ümmer een Barg Lü, de sik to den Gesang in de frische Buschluft freut. No dat Gemeende-Sängerfest stiegt miene Sänger up`t Rad un mookt `ne Tour dör use moje Gegend.

Goot kummt uk de `Bokeler Obend`an, den ik jedet Johr in`n Oktober afholen doo. Dorbi geevt Laien-Künstler ut Bokel un Umgebung wat to`n Besten. De Nofroog na Korten is mittlerwiel so groot, dat dit Spektokel sieht vergoh`n Johr tweemol afholen ward. All twee Johr mook ik `n Utflug, de över veer Doog geiht. Dorto sünd uk Lü willkommen, de nich bi mi mitsingt.

Up`n `Nikolausmarkt` in Bokel bün ik mit`n Grog- un Glühwienbude verträen. Bi`t Dörpfest in Wiefelstä kann man mi mit eene Getränkebude un `ne Boßelbohn andropen.

Ji seht, för mien Öller van 102 Johr bün ik noch rüstig un fein to Weeg. Ik hööp, dat geiht noch lang so wieter.

Mühlenhof-Musikanten Westerloy Us „Mühlenhof-Musikanten“ gifft dat siet 1979. Wi sünd also 33 Johr in`t Volksmusikgeschäft. In usen Chor singt um de 30 Froonslü un Deerns, to`n Deel al de Döchter, mit. Us Kennteken sünd de mojen blau-witten Trachten un besünners de roten Holschen. Toeerst hebbt wi use Leder, de van use Froonslü sülbens schreven wurrn, bi lüttje Fiern to hoge Geburtsdoge, Hochtieden usw. vördrogen. Siet 1990 sünd wi mit use Leder in`n Rundfunk un Fernsehen vertreen. Dör den Wettbewerb `Lieder so schön wie der Norden`, bi den wi mit use Leder up de eersten dree Plätze komen sünd, hett Rudi Carell us in`e Kunnen kregen. He hett usen Köppel tohoop mit use Leedschrieverin Marianne Scheelken, de uk bi us mitsingt, to de Fernsehsendung „Lass dich überraschen“, inlaadt. Dorbi sünd wi Hans Beierlein van`n Musikverlag Montana upfulln. Een korte Tiet later hett he mit us „Mühlenhof-Musikanten“ een Verdrag afsloten, de vandogen noch besteiht. Van de Tiet an hett Hans Hee ut Bremen een groten Barg moje Leder vör us schreven. Bit vandogen sünd dat 13 CD`s mit üm de 180 Leder wurrn. Dat neeste Album heet „Dann geht die Sonne auf“. Siet Mai 2012 gifft dat van de „Mühlenhof-Musikanten“ eene CD-Box mit 4 CD`s „So schön sind unsere Lieder“ un eene nee`e DVD, för de in`n Fernsehen ünner „Shop 24 direct“ wurben ward un de man dor uk bestelln kann. Use lüttjen Deerns werd öller, grötter un Mudder. Ehre Döchter singt to`n Deel al woller bi us mit. Wi bringt junge Deerns mit Talent an de Musik ran. Se lehrt dat Singen und dat Spelen van Musikinstrumenten, wi Gitarre Geige, Akkordeon, Trompete, Fleut un Rythmusinstrumente. Wi hebbt in ganz Düütschland veel Uptritte. Dat richt sik uk dorno, wi use Deerns van de School freestellt werd. To use Uptritte föhrt wi mit een groten, tweestöckigen Bus. In dissen Bus köönt wi uk up de Fohrt to Ruh komen. Van de langen Fohrten komt wi foken eerst an`n fröhen Morgen na Huus trüch, sünd denn aver meist utslopen. Dorno geiht dat denn af no School oder an de Arbeit. Wi beduurt, dat us Lederschriever Hans Hee in`n Öller van 85 Johr van us gohn is. Wi hebbt aver noch nee`e Leder ut siene Föller in Bearbeitung.

.De Plattsingers van´n Möhlenhoff Bi een Skatrun´n hebbt ´n poor Lü dat in`n Kopp kregen, een Köppel up de Been to stelln, de plattdüütsche Leder singt, um de plattdüütsche Spraak un dat plattdüütsche Leedgoot hoch to holen.

Dorna is 1987 up de Generalversammlung van´n Heimatvereen Rastä de Chor „ De Plattsingers van´n Möhlenhoff“ gründt wurrn. Siet de Tiet hebbt de Froonslü un Mannslü mit eer plattdüütsch Singen dat kulturelle Leven - nich blots in Rastä – in´n groten Rohmen mitbestimmt.

Up de Fier to dat 25-jährige Jubiläum 2012 hett Gerhard Hass, seggt, siene 1. Amtshandlung na siene Wahl to´n 1. Vörsitter van´n Heimatvereen Rastä 1987 weer dat Grünnen van de „Plattsingers“ ween.

Veele Chöre, mit de de „ Plattsingers“ Fründschup sloten hebbt, sünd to de Jubläumsfier komen. Van all Sieten geevt dat Dank.

Antje Böning is siet 2006 Ledermudder. Da Leit över den Chor hett siet 13 Johr Kornelia Gabrysch. Beide wurrn besünners ehrt.

.

Wi sünd de „Singköppel Överlannen“ Överlannen is en Stadtdeel von Bremen, man seggt ok „de gröne Lung`n“ un de liggt twüschen Marktplatz un Fischerhude, an de Wümm.

De Lüüd bi us snackt noch veel platt un wi singt platt. Hochdüütsch aver ok, eben allens wat wi köönt un wat us Spooß mokt.

1993 hebbt wi us tosamenfunnen un de „Singköppel Överlannen“ op de Been stellt. Us Chorleiter is Ernst Wagener („Abbi“),

he is Pastor i.R. Ik wull noch seggen, en Chor sünd wi nich, wi sünd en Singköppel (Gesangsgruppe). Wi singt, wiel us dat Freud mookt un de Lüüd us tohört!

Us grotet Glück is, dat Anneliese Kiehne-Tecklenburg in us Reeg`n steiht. Se hett de Versen un de Singwies von de plattdüütschen Leder mookt, de wi hüüt toon Besten geven wüllt!

Veel Spooß ! !

De „Sänger vom Schwarzen Brack“ sünd in dat beschauliche, freeske Neustadtgödens to Huus. Se besingt in ehre Leder de See un de Seefohrt. De rüstigen Seebären versprüht Seelü-Charme. Gründt wurrn is de Chor 2001. Dat musikolische Leit hett Axel Göttschenberg. Sungen werd Leder to`n Mitschunkeln un Smuustergrien, to`n Deel up Platt, mit Unnerstützung van Akkordeon, Gitarre un Schlagtüüg. De 15 Sänger werd geern to`n Ünnerholn bi Jubiläen, offiziellen Anlässen un Vereensfeste inlaadt.

"Gemischter Chor Ocholt e.V." und Young Voices Ocholt": De Gemischte Chor Ocholt e.V. is an`n 17.09.1980 in`n `Ocholter Hof` van 25 Lü gründt wurrn. To Tiet hett he 44 aktive un 17 Fördermitglieder. An`n 04.09.2009 kemen de “Young Voices Ocholt” at 1. Jugendchor in`n Gemeende-Sängerbund Westerstede dorto. Hier singt 16 junge Lü. 1. Vörsitter is siet 07.03.2012 Egon von der Pütten, Hausmannstraße 4 a, 26655 Ocholt, Tel. 04409/970240, Internet gudrunundegon@yahoode. 2. Vörsitterin : Margrit Cramer Schatzmeister : Mathias Schmidt Schrieverin : Gudrun von der Pütten Notenwartin : Margot Gertjejanßen Homepage : www.chor-ocholt.de Dirigentin : Siet 1998 Elke Schmidt Co-Dirigent för den Jugendchor „Young Voices Ocholt“: Stefan Schulte

Leedgoot: Volksleder in mehrere Spraaken, Klassik, Gospel, Shanty, A-capella, Versionen van moderne Leder, Evergreens, Solo-Variationen Aktionen: An`n 2.10.1999 hett de Chor bi den Gesangswettbewerb „Niedersachsen

singt“ mitmookt un is bi den Kommunalentscheid up den 2. Platz komen. Uk an CD-Upnahmen hett de Chor deelnahmen, 2000: „Das Oldenburger Land singt“, 2008: „Westersteder Weihnacht“, 2010: „Weihnachten mit den Chören der Stadt Westerstede“, „Westersteder Frühling“ un

„Lieder zur Rhodo“. All Johr givt dat een Sängerball. Siet 3 Johr mookt de Chor een Sommerfest un een Wiehnachtskonzert för all Lü. De Intritt is free. De Chor singt uk bi Konfirmationen, Geschäftsjubiläen, Hochtieden, Geburtsdoge un kulturelle Anlässe. Mehrere Lü ut den Chor hebbt sik to eene „Showtruppe“ tosomenslooten. Dor kann jedeneen mitmooken, de Lust hett un sien Humor ünner Bewies stellen will.

De Männergesangvereen „Harmonie“ Torsholt is in us Dörp een wichtig Deel för dat kulturelle Leven. He is al 1884 gründt wurrn un dormit de öllste Vereen in Torsholt. Neben veele wichtige Doog in siene Geschicht hett de Vereen an`n 20. Dezember 2009 sienen glanzvullen Höhepunkt beleevt, kunn he doch an dissen Dag den 125. Geburtsdag fiern. In siene 125johrige Geschicht hett de Vereen 11 Gemeendesängerfeste utricht. Dat letzte, in`n Mai 2010, hebbt säkers noch vele in`n Kopp. Präägt wurrn is de Vereen, uter van de Gründer, van sien Ledervadder Gerhard Hisje un Ehrenledervadder Heinrich Wöbken, de dat Amt van Hisje övernohmen hett. Beide sünd al sturven. Heinrich Wöbken hett dat Amt 33 Johr utüüvt. Groten Andeel an de Vereensgeschichte hett uk Johann Scholljegerdes, de 17 Johr Vörsitter weer. At Chorleiter hebbt sik dree Persönlichkeiten üm den Vereen verdeent maakt. Dat sünd Hauptschoolmester Heinrich Klees, de 1973 sturven is, sien Nohfolger un Sweegersöhn Hinrich Boy un Hermann Lüers, de meist 40 Johr den Chor leit`t hett. Ünner dat Leit van Heinrich Klees is de Gesang van `ne „Harmonie“ up een ganz hooget Niveau stegen, wat dorto bidragen hett, dat man Torsholt at dat „Dat singende Dörp“ beteekt hett. Dat Vereenslokal is siet 125 Johr de Gastwirtschup Dierks.Dor ward uk vandogen noch in`n Winterhalfjohr ümmer mondags obends, üm Klock 8, üüvt.To Tiet hett de Vereen 34 aktive un 22 passive Mitglieder. De Vörstand besteiht ut: 1. Vörsitter un Ledervadder Holger zur Brügge, Rostruper Str. 3,Tel. 78856 2. Vörsitter: Michael Gertjejanßen, Rostruper Str. 22, Tel. 04403/71724 Schriever: Helmut Meyer, Osterkamp 5,Tel. 860533 Kassenwart: Jörg Leffers, Ostermoorstr. 22, Tel. 763724 Chorleiterin: Katharina Kapustin Wer nu Lust kregen hett, bi us mittosingen, is van Harten inlaadt. Un noch eens, de Geselligkeit kummt dorbi uk nich to kört.

De Gemischte Chor Nethen

Een Chor geevt dat in Nethen all fröher. In ole Upteknungen is to lesen, dat um 1906 een Chor för Mannslü mit den mojen Nomen MGV „ Brüderschaft“ bestunn. Twüschen 1949 un 1959 geev dat offiziell kien Chor in Nethen.. 1960 keem dat to de Neegründung. Junge Lü wulln eenen Chor för Frooslü un Mannslü. Ünner dat Motto „Singe, wem Gesang gegeben“ hebbt 8 Lü den hütigen Gemischten Chor Nethen 1960gründt. In

dat 1. Johr sungen dor 25 Lü. Vandogen hett de Chor 34 aktive un passive Sängerinnen un Sänger. 2003 hett Bärbel Bollen den Chor övernahmen, de mehr at 200 Leder instudeert hett. Drogen wurrn is, un ward de Chor uk vandogen noch dorvan, dat sik all, de dor

mitsingen dot unnerannern, un uk mit de Dirigenten, al jümmer goot verstaht. 1. Vörsitterin is Ursel Meyer. To Siet stoht ehr in`n Vörstand Dirk Busker at 2. Vörsitter, Manfred Hofer at Schriever un Günther Meyer at Kassierer. Jedet Johr mookt de Chor dat Stifungsfest, in Johr 2010 al to`n 50. mol. Uk bi dat Gemeende-Sängerfest mookt de Chor jedet Johr mit.. 2011 weern de Nethener dormit an Tour. To`n Nethener Wiehnachtsmarkt singt de Chor bie`n Gottesdeenst, just so bi den adventlichen Nomiddag van`n Ortsbürgervereen Nethen. Geern droopt man sik uk in frohe Runn to`n Grillen oder to de vereensegene Adventsfier. Siet 1998 üüvt de Chor in`t Vereensheim van`n Schützenvereen Nethen an`ne Warkstraat ümmer Mondagabend, van Klock 08.00 bit Klock 10.00. Wer Lust to`n Mitsingen hett, is van Harten willkomen. Informeern köönt ji jo ünner Tel. 04402/7678 bi Ursula Meyer un ünner Tel. 04402/961210 bi Dirk Busker. An`n Sonndag, 28.Oktober, mookt de Gemischte Chor Nethen een Ledernomiddag in`n Dringenborger Kroog, Ollnborger Straat 3, in Dringenborg. Dorto sünd 3 Gastchöre inlaadt, Intritt 3 Euro. Af Klock 2 gifft dat Koffee un Koken. De mött extra betohlt weern. De Leedvördräge fangt Klock 3 an. Ünner Tel. 04402/7678 un 04402/961210 kann man sik een Platz säkern.

De Küken-Danzköppel van`n Heimatvereen Rastä Den Küken-Danzköppel van`n Heimatvereen Rastä givt dat al siet mehr at 40 Johr. Ut em is uk de Chor `De Plattsingers van`n Möhlenhoff` entstohn. De Köppel besteiht ut bit to 18 Kinner in`n Öller van 3 – 6, utnahmswies uk mol bit 8 Johr. Jümmer middewäken nomiddag, van Klok 4 bit Klock 5, werd in`n Möhlenhoff Volksdänze inüüvt. Annegret Ahlers speelt dorto Akkordeon. Agnes Klare, Tel. 04402/83318 hett dat Leit. To Siet steiht ehr dorbi Annegret Ahlers. De beiden mokt dat al siet 1997. Bi Uptritte danzt de Kinner in Trachten, de all sülvst neiht un bestickt sünd.

Wi bedankt us bie all de, de us ünner de Arms gräpen hebbt:

touristik

Salon Neumann in Bokel, Inh. Beate Minnemann

Salon Neumann in Wiefelstede, Inh. Anita Bäkermann

Frank Grote Zimmerei GmbH

Friedrich Wilken - Bauunternehmung

Hartmut Haake Axa Versicherungen

Heil dir, o Oldenburg!

Heil dir, o Oldenburg! Heil deinen Farben! Gott schütz dein edles Roß, er segne deine Garben! Wie deine Eichen stark, wie frei des Meeres Flut, Sei deutscher Männer Kraft Dein höchstes Gut! Ehr’ deine Blümelein, pfleg’ ihre Triebe. Blau und rot blühen sie, die Freundschaft und die Liebe. Schleudert den fremden Kiel der Sturm an deinen Strand. Birgt ihn der Lotsen Schar mit treuer Hand.

Wer deinem Herde naht, fühlt augenblicklich, Daß er hier heimisch ist, er preiset sich so glücklich. Führt ihn sein Wanderstab auch alle Länder durch, Du bleibst sein liebstes Land, mein Oldenburg!

Die Melodie wurde komponiert von der Großherzogin Cäcilie von Oldenburg, geb. Stockholm 22.6.1807, gest. Oldenburg, 27.1.1844. Den Text dichtete Theodor v. Kobbe 1844, geb. Glückstadt 8.6.1798, gest. Oldenburg 22.2.1845. Textkürzung nach einem Vorschlag des Ollenburger Kring 1929.