PRODUKSIENOTAS

 

 

The  Showroom  Theatre  en  Advantage  Entertainment      

bied  aan    

 

DIE  ONTWAKING    

 Draaiboekskrywer  &  Regisseur  

JOHNNY  BREEDT    

 Vervaardigers    

VLOKKIE  GORDON  JOHNNY  BREEDT  GREIG  BUCKLE  

   

Uitvoerende  Vervaardigers  CHARON  LANDMAN  

     

Rolverdeling    GYS  DE  VILLIERS  

JUANITA  DE  VILLIERS  GERARD  RUDOLF  PAUL  EILERS  

MORNE  VISSER  JACO  MULLER  

ARMAND  AUCAMP  TERTIUS  MEINTJIES  

   

SINOPSIS    Die   Ontwaking   is   ’n   grusame   en   aksiebelaaide   misdaadriller   wat   die   psige   en   motivering   van   ’n  reeksmoordenaar   ontgin.   Abel   (Gys   de   Villiers),   eienaar   van   ’n   klein   galery   wat   in   Afrika-­‐maskers  en  -­‐kuns  spesialiseer,  is  ook  die  kurator  van  ’n  versameling  tatoeëermerke  wat  aan  pragtige  vroulike  slagoffers  behoort  het,  wat  by  sy  kosmiese-­‐joernaal-­‐tema  pas.    Die  Ontwaking   is   op   die   eerste   boek   van   die  Abel-­‐trilogie,  Abel   se  Ontwaking,   gegrond   (in   Engels  vertaal   as   The   Skin   Collector)   deur   die   bekende   misdaadskrywer   Chris   Karsten.   Abel   se   geestelik  versteurde  persoonlikheid  is  ’n  denkbeeldige  samesmelting  van  die  persoonlikhede  van  die  berugste  reeksmoordenaars   in   fiksie,   en   sluit   Norman   Bates,   Sweeney   Todd,   Dexter,   Leatherface,   Freddy  Krueger  en  Jame  Gumb,  die  reeksmoordenaar  in  The  Silence  of  the  Lambs  in,  wat  vrouens  agtervolg  het   en   hulle   vel   verwyder   het   om   ’n   pak   klere   van   vroulike   vel   te   maak.   Die   Amerikaanse  moordenaar  en  lykrower,  Ed  Gein,  was  egter  die  groot  inspirasie  vir  Abel.  Gein  het  lyke  uit  plaaslike  begraafplase  opgegrawe  en  trofeë  en  aandenkings  van  hulle  bene  en  vel  gemaak.      In  die  rolprent  is  Ella  Nesser  (Juanita  de  Villiers),  die  aantreklike,  maar  onervare  speurder  in  beheer  van  die  moordsaak.  Haar  hoofopdrag  is  om  die  reeksmoordenaar,  wat  jag  maak  op  die  stad  se  jong  vroue,  vas  te  trek.  Terwyl  sy  haar  bes  probeer  om  haarself  aan  haar  meer  senior  kollegas  (Paul  Eilers  en  Gerard   Rudolf)   te   bewys,   sukkel   sy   ook   om   haar   gebroke   verhouding  met   haar   kêrel   (Armand  Aucamp)  te  verwerk.    Abel  is  ’n  uitgeslape  kalant  en  die  jong  speurder  maak  stadige  vordering  met  die  saak.  Namate  al  hoe  meer  slagoffers  opgespoor  word,  verskyn  die  welaf  sakeman  (Morne  Visser)  wat  ’n  band  met  al  die  slagoffers  het  op  die  toneel  –  ’n  man  wat  maklik  as  die  skuldige  gesien  kan  word.  Terwyl  hy  Ella  se  aandag  van  die  werklike  moordenaar  aftrek,  gaan  Abel  voort  om  sy  grusame  werk  te  doen.      En  Abel  het   vir   sy  naderende  vyftigste   verjaarsdag   ’n   spesiale   geskenk  vir  homself   in   gedagte  –   ’n  nuwe  gesig:  die  gesig  van  ’n  beeldskone  jong  vrou,  soos  dié  van  die  jong  vrouespeurder.    Die   rolprent   is   ’n   spanpoging   van   The   Showroom   Theatre,   Advantage   Entertainment   en   Enigma  Pictures.    Die   Ontwaking   is   in   2014   vir   die   eerste   keer   by   die   Silwerskermfees   vertoon   waarna   dit   die  toekenning  as  beste  vollengteprent  by  die  Indie  Karoo  Film-­‐fees  gewen  het.      Sosialemediaplatforms:  Facebook:  www.facebook.com/DieOntwaking  Twitter:  twitter.com/DieOntwaking  Instagram:  instagram.com/dieontwaking/  

MEDIAVRYSTELLING    Afrikaanse  misdaadskrywer  se  angsaanjaende  riller  word  verwerk  vir  die  wye  doek  (19  Oktober  2015)    Die  Ontwaking  (The  Awakening)  is  ’n  grusame,  aksiebelaaide  riller  wat  die  psige  en  motivering  van  ’n  uiters  intelligente  reeksmoordenaar  ondersoek.  Die  prent  sal  op  26  Februarie  2016  landwyd  in  uitgesoekte  rolprentteaters  begin  draai.      Die  bekroonde  ontwerper  Johnny  Breedt  (van  Paljas,  Hotel  Rwanda  en  A  Long  Walk  to  Freedom  faam)  maak  met  hierdie  rolprent  sy  debuut  as  regisseur  en  die  prent  word  allerweë  as  ’n  vars  nuwe  bries  in  die  Suid-­‐Afrikaanse  rolprentbedryf  gesien.  Die  Ontwaking  is  op  die  eerste  boek  van  die  Abel-­‐trilogie,  Abel  se  Ontwaking,  gegrond  (in  Engels  vertaal  as  The  Skin  Collector),  en  kom  uit  die  pen  van  die  bekende  misdaadskrywer,  Chris  Karsten.    Abel  Lotz  (Gys  de  Villiers),  die  eienaar  van  ’n  klein  kunsgalery  wat  in  Afrika-­‐maskers  en  -­‐artefakte  spesialiseer,  is  ook  ’n  kurator  van  ’n  heel  ander  aard:  hy  het  ’n  verskeidenheid  tatoeëermerke  wat  hy  van  die  liggame  van  sy  pragtige  jong  slagoffers  verwyder  het  en  wat  deel  uitmaak  van  sy  versameling  “kosmiese  joernale”,  ’n  bisarre  projek  waarin  hy  die  storie  van  die  kosmos  herskryf.          In  die  rolprent  speel  Ella  Nesser  (Juanita  de  Villiers)  die  aantreklike,  maar  onervare  speurder  in  beheer  van  die  saak.  Haar  taak  is  om  die  reeksmoordenaar  vas  te  trek  voordat  nog  ’n  jong  vrou  haar  lewe  verloor.  Sy  is  in  ’n  langtermynverhouding  met  Bam  (Armand  Aucamp)  en  terwyl  sy  hard  probeer  om  haarself  aan  haar  meer  senior  kollegas,  Fred  Lange  (Gerard  Rudolf)  en  Silas  Sauls  (Paul  Eilers)  te  bewys,  met  sy  ook  haar  persoonlike  krisisse  oplos,  soos  die  verbrokkeling  van  haar  verhouding.      Abel  is  ’n  slim  ou  en  hy  is  vas  van  plan  om  sy  kosmiese  joernaal  te  voltooi.  Op  die  vooraand  van  sy  vyftigste  verjaarsdag  besluit  hy  dat  dit  tyd  is  vir  ’n  nuwe  toevoeging  tot  sy  joernaal:  hy  gaan  die  gesig  van  ’n  houtgeruste  slagoffer  by  sy  versameling  voeg  en  dit  moet  verkieslik  ’n  beeldskone,  vroulike  slagoffer  wees  aangesien  sy  ma  altyd  ’n  dogter  wou  gehad  het.  En  die  jong  speurdertjie  is  uiters  geskik.    “Ek  het  ’n  paar  jaar  gelede  besluit  dat  dit  lekker  sal  wees  om  ’n  film  in  Afrikaans  te  regisseer  en  het  by  ’n  boekwinkel  ingestap  vir  inspirasie”,  het  Breedt  vertel.  “Toe  kom  ek  op  Chris  Karsten  se  boek  Abel  se  Ontwaking  af.  Ek  het  dit  op  ’n  vlug  na  die  VSA  gelees  en  kon  dit  nie  neersit  nie.  Ek  het  net  geweet  dat  dit  ’n  wonderlike  rolprent  sal  maak.  Die  riller-­‐genre  is  baie  donkerder  as  wat  ek  vir  my  eerste  vollengteprent  in  gedagte  gehad  het,  maar  dit  het  my  juis  aangemoedig  om  die  projek  aan  te  pak.  Ek  wou  myself  as  draaiboekskrywer  en  regisseur  uitdaag  en  dit  was  die  perfekte  medium.  Ek  was  vasberade  om  die  gehoor  saam  met  my  na  plekke  te  neem  wat  mense  bitter  ongemaklik  laat  voel.”    Die  rolprent  ontgin  hoe  verwronge  samelewings  getraumatiseerde,  diep  gekweste  individue  produseer  wat  hulle  uiteindelik  tot  gewelddadige  gedrag  wend.  Die  kern  van  Die  Ontwaking  is  om  die  komplekse  dinamika  tussen  die  versteurde  dog  simpatieke  Abel  Lotz  en  die  groentjie  polisie-­‐ondersoeker  wat  lewenskragtig,  fiks  en  gefokus  is,  te  ondersoek.  Die  rolprent  smokkel  met  die  koppe  van  die  gehoor  en  hou  die  kykers  op  die  puntjie  van  hulle  sitplekke  terwyl  hulle  wonder  wat  op  aarde  in  die  kop  van  ’n  psigopaat  aangaan.    

Die  motief  van  vel  –  wat  die  hele  liggaam  bedek  terwyl  dit  die  membraan  tussen  die  self  en  die  wêreld  is  –  vorm  die  basis  van  ’n  ondersoek  na  die  maniere  waarop  ons  onsself  sien,  die  manier  waarop  ander  mense  ons  waarneem  en  die  manier  waarop  ervarings  op  ons  velle  afgeëts  word.      Die  Ontwaking  is  gekies  om  tydens  die  openingsaand  van  die  Eden  Independent  Film  Festival  in  George  vertoon  te  word,  wat  van  30  Oktober  tot  1  November  2015  duur.  Dit  sal  ook  op  6  November  by  die  laaste  aand  van  die  South  African  Horror  Fest  in  Kaapstad  gewys  word.    

 DIE  MAAK  VAN  ...  DIE  REGISSEUR  SE  AANTEKENINGE     Ek  het   ’n   paar   jaar   gelede  besluit   dat   ek   ’n  Afrikaanse   rolprent  wil  maak  en  het   by   ’n  boekwinkel  ingestap  in  die  hoop  dat  ek  inspirasie  vir  die  fliek  daar  sal  kry.  In  die  rakke  het  ek  toevallig  die  boek,  Abel  se  Ontwaking  deur  Chris  Karsten  raakgeloop.  Ek  het  die  boek  op  ’n  vlug  na  die  VSA  gelees  en  kon  dit  nie  neersit  nie.  Chris  het  hierdie  bekroonde  boek  as  die  eerste  deel  van  ’n  trilogie  geskryf  en  ek   het   dadelik   gevoel   dat   dit   in   ’n  wonderlike   rolprent   omskep   kon  word.  Die   genre  was   heelwat  donkerder  as  wat  ek  aanvanklik  vir  my  eerste  vollengte  prent  in  gedagte  gehad  het,  maar  juis  hierdie  aspek   het   die   projek   vir   my   onweerstaanbaar   gemaak.   Ek   wou   myself   as   skrywer   en   regisseur  uitdaag  en  dit  het  na  die  perfekte  projek  gelyk  om  dit  te  doen.      Die   fliek   is  deur  Charon   Landman,  The  Showroom  Theatre  en  die  Departement  van  Nywerheid  en  Handel  befonds.  Ek  was  ook  in  die  gelukkige  posisie  om  twee  swaargewigvervaardigers  as  deel  van  die  span  te  hê:  Vlokkie  Gordon  van  Advantage  Entertainment  en  Greig  Buckle  van  Enigma  Pictures.  Hulle  ervaring  was  van  onskatbare  waarde.    Omdat   ek   voorheen   ’n   produksie-­‐ontwerper   was,   het   ek   terwyl   ek   die   draaiboek   geskryf   het,   ’n  visuele  konsep  van  die  rolprent   in  my  kop  gehad.  Toe  ons  na  geskikte  plekke  waar  ons  kon  verfilm  begin  soek  het,  het  ’n  paar  van  hierdie  idees  nuwe  lewe  gekry  terwyl  ’n  paar  ander  gesneuwel  het.  Ek  het  Cecelia  van  Straaten,  saam  met  wie  ek  voorheen  aan  ’n  hele  paar  prente  gewerk  het,  gevra  om  die  produksie-­‐ontwerper  te  wees.  Ons  deel  nie  net  dieselfde  visie  nie,  maar  sy  weet  presies  hoe  my  kop  werk,  waarvan  ek  hou  en  waarvan  ek  glad  nie  hou  nie.  Cecelia  het  gesorg  dat  die  rolprent  ’n  eenvoudige  maar  lewensegte  gevoel  het.      Hoewel  die  boek  in  Johannesburg  afspeel,  het  ons  besluit  om  die  rolprent  na  Kaapstad  te  verskuif.      Ek  en  Cecelia  moes  toe  plekke  opspoor  wat  “werklik”  gevoel  het  en   in  die  proses  het  ons  areas   in  Kaapstad  herontdek   (waarvan  ons   vergeet  het)   en  op  nuwes  afgekom   (wat  ons  nooit   geweet  het,  bestaan  nie).  Hierdie  gebiede,  waarna  dikwels  as  “agter  die  boereworsgordyn”  verwys  word,  was  die  perfekte  agtergrond  vir  die  storie  en  die  rolprent  in  sy  geheel  is  binne  18  dae  in  Kaapstad  geskiet.      Om  die  produksie-­‐ontwerp  te  komplementeer,  was  ek  gelukkig  genoeg  om  saam  met  die  regisseur  van  fotografie,  Jacques  Koudstaal,  te  kon  werk  wat  onlangs  die  lokettreffer,  Pad  na  jou  Hart,  verfilm  het.  Hoewel  sy  vorige  werk  nie  hierdie  genre  insluit  nie,  was  hy  sonder  twyfel  die  regte  keuse.  Hy  het  byvoorbeeld  presies  die  regte  beligting  vir  die  stelle  gebruik.      Ons  wou  hê  dat  die  rolprent  ’n  meer  internasionale  gevoel  het  en  ons  het  dit  reggekry  deur  middel  van   die   kunsregissering   en   kinematografie.   Mandy   Roberts   wat   voorheen   by   Verraaiers   betrokke  was,  was  die  redigeerder  en  sy  het  ’n  gespanne  atmosfeer  by  die  vloei  van  die  tonele  geskep.     Johnny  Breedt,  regisseur  en  skrywer

ROLVERDELING      Gys  de  Villiers  –  Abel  Lotz  Abel   is   ’n   alleenloper,   ’n   versamelaar   van   etniese  maskers,   dierepelse   en   ’n  man  met   ’n   dors   na  menslike  tatoeëermerke.  Hy  is  die  koel,  kalm  reeksmoordenaar  op  ’n  missie  om  ’n  nuwe  gesig  by  sy  versameling  te  voeg.    Abel   word   deur   Gys   de   Villiers   gespeel,   alombekende   en   gewilde   akteur   wat   al   in   verskeie  teaterproduksies,   televisiereekse   en   bekende   rolprente   gespeel   het.   De   Villiers   is   seker   die  bekendste  vir  sy  rol  as  Zieg  Combrink  in  M-­‐Net  se  sepie,  Binnelanders.  Sy  eerste  teaterrol  was  saam  met  Lochner  de  Kock  en  Marie  Human  in  The  Three  der  Walts.  Dit  het  hom  oorreed  om  ’n   loopbaan  as  akteur   te  kies  en  hy  het  drama  aan  die  Universiteit  van  Kaapstad  gaan  studeer.    In   1983   sluit   hy   by   TRUK  aan  waar   hy   saam  met   akteurs   soos  Marius  Weyers,   Sandra   Prinsloo   en  Tobie  Cronje  gewerk  het.  Gedurende  die  eerste   tien   jaar   van   sy   loopbaan   fokus  De  Villiers  net  op  teaterwerk.  Sy  eerste  groot  rol  in  televisie  was  in  1993  in  Triptiek  1  en  2  en  later  Die  Vierde  Kabinet.  Hy  speel  ook  die  hoofrolle   in  gewilde  sepies  soos  7de  Laan,  Binnelanders  en   Isidingo  en  verskyn   in  rolprente   soos   Boetie   Gaan   Border   Toe   (1984),   Paljas   (1998),   Jimmy   in   Pienk   (2013)   en   Strikdas  (2015)   en   hy   vertolk   FW   de   Klerk   in   Mandela:   Long   Walk   to   Freedom   (2013).   By   die   2012  Silwerskerm-­‐filmfees  wen  hy  die  prys  as  beste  akteur  vir  sy  vertoning  in  Verraaiers  (2013).  De  Villiers  en  sy  vrou  het  aan  die  begin  van  2015  na  New  York-­‐stad  verhuis  waar  hy  in  Athol  Fugard  se   nuutste   toneelstuk,   The   Painted   Rocks   at   Revolver   Creek,   te   siene   was.   Hy   het   ook   groot   lof  ontvang  vir   sy  vertolking   in  Fafi,  wat  deel  van  die  New  York  Fringe  Festival  was  en   tree  ook   in  die  stuk,  Elsie  se  Nommers,  by  die  InniBos-­‐fees  in  Nelspruit  op.    

 

Juanita  de  Villiers  –  speurder  Ella  Neser    Ella  Neser  se  eerste  moordsaak  val  in  haar  skoot  toe  ’n  lyk  in  hulle  polisiestasie  se  jurisdiksie  opduik.  Sy  besef  baie  vinnig  dat  sy  meer  gekry  het  as  waarmee  sy  gemaklik  is  toe  nog  lyke  ontdek  word.  Die  moordsake  dreig  ook  om  haar  lewe  oor  te  neem  omdat  sy  vasberade  is  om  die  elke  moord  op  te  los.      Juanita  de  Villiers  wat  die   rol   van  Ella   speel,   is   ’n  uiters   talentvolle   aktrise,  danser  en  uitvoerende  kunstenaar.   Sy   het   in   2006  haar   professionele   debuut   by   die  Grahamstadse   Fees   in   die   produksie  Lost  in  Thought  gemaak  wat  deur  Christa-­‐Louie  van  Heerden  geregisseer  is.    In  2009  doen   sy  onder  die   regie   van  Shareen  Swart  die   komiese   teaterproduksie,  Hemelbed.  Haar  televisiedebuut  maak   sy   in   die   bekende   sepie,  7de   Laan,  en   daarna   is   sy   ook   te   sien   in  M-­‐Net   se  Binnelanders.  De   Villiers   het   ook   die   geleentheid   gehad   om   onder   die   regie   van   Pieter   Bosch   Botha   in   die  toneelstuk,  Noises  Off,  te  werk  asook  in  Mis,  deur  die  bekroonde  dramaturg  Reza  de  Wet,  met  Andre  Stolz  as  die  regisseur.    Sy   het   sedertdien   in   rolprente   soos  Bakgat   2,   Koringberg,   Knysna,   Somer   Son  en   Die   Pro  gespeel.  Haar  grootste  rol  tot  nou  toe  was  die  vroulike  hoofrol  in  Die  Ontwaking.      Gérard  Rudolf  –  Fred  Lange  In   vergelyking  met   Ella   is   Fred   ’n   veteraanspeurder.   Hy   is   redelik   vies   toe   Ella   die  moordsaak   kry  maar  help  haar  nietemin  om  die  moordenaar  op  te  spoor.    Gérard  Rudolf  is  ’n  bekende  akteur,  stemkunstenaar,  skrywer,  regisseur  en  digter.    Hy  gradueer  aan  die  Universiteit  van  Pretoria  met  ’n  BA-­‐graad  in  Drama  en  Engelse  Letterkunde.    

 Hy   begin   sy   loopbaan   in   1992   in   die   televisiereeks   Arende   II   en   was   sedertdien   in   verskeie  televisiereekse   soos  Getroud   met   Rugby,   Binnelanders   en   Bloedbroers.   Hy   word   ook   deur   SAFTA  genomineer  as  beste  akteur  vir  sy  toneelspel  in  Donkerland.  Sy  mees  onlangse  rolprenthoogtepunte  was  Jadotville,  Jimmy  in  Pienk  en  Wolwedans  in  die  Skemer.  Rudolf   was   ook   in   die   Bengali-­‐prent,   Chander   Pahar,   die   ambisieuse   verwerking   van   die   Indiese  roman  met  dieselfde  naam.  In  2015  wen  hy  die  toekenning  as  die  beste  akteur  by  die  Silwerskerm-­‐fees  vir  die  ontstellende  kortfilm,  Vryslag.  Hy   is   ook   ’n   digter   en   wat   sy   eerste   bundel   poësie   in   2009   met   die   titel   Orphaned   Latitudes  gepubliseer  het.    

   Paul  Eilers  –  Silas  Sauls  Silas  is  die  bevelvoerder  van  die  polisiekantoor  –  ’n  bloedhond  op  sy  dag,  maar  nou  naby  aan  aftree.  En  omdat  hy  ’n  sagte  plekkie  vir  Ella  het,  gee  hy  haar  haar  eerste  kans  met  ’n  moordsaak  hoewel  hy  altyd  byderhand  is  om  haar  te  help  en  te  lei.    Paul  Eilers  se  loopbaan  in  die  vermaaklikheidsbedryf  het  40  jaar  gelede  begin  as  redigeerder  en  later  as  regisseur  van  televisierolprente  en  -­‐reekse.    In  1963  sluit  hy  by  Johan  Fourie  se  teatermaatskappy  aan  en  reis  die  volgende  drie  saam  met  hulle  deur  die  land  as  maatskappybestuurder,  verhoogbestuurder  en  akteur.  Hy  werk  later  vir  KRUIK  waar  hy  honderde  vertonings  van  Die  Laaste  van  die  Takhare  doen  en  byna  al  die  streeksteatergroepe  se  regie  behartig.  In  1972  word  Paul  deel  van  die  Afrikaanse  Diens  van  die  SABC  as  radio-­‐omroeper  en  redigeerder  van  verskeie  radiodramas.  In  1984  vestig  hy  homself  as  ’n  immergewilde  akteur  in  die  Afrikaanse  televisiereeks,  Vyfster,  wat  in  ’n   gevangenis   afspeel.   In   1996   word   hy   die   bemarkingsdirekteur   (as   deel   van   die  organiseringskomitee)  van  die  Klein  Karoo  Nasionale  Kunstefees.  Terwyl  hy  in  Oudtshoorn  woon,  stig  hy  die  gemeenskapsradiostasie,  Suid-­‐Kaap  Stereo.  Maar  met  sy  terugkeer  na  die  verhoog  om  die  titelrol  in  Faan  se  Trein  te  speel,  bewys  hy  weer  eens  dat   hy   een   van   Suid-­‐Afrika   se   beste   akteurs   is.   Met   die   toneelstuk   ontvang   hy   landwyd   staande  ovasies  en  wen  die  Herrie-­‐Kanna-­‐toekenning  as  die  gehoor  se  gunsteling.    Mettertyd  verskuif  sy  fokus  egter    weer  na  regie  nadat  hy  in  2011  gevra  is  om  Roepman  te  regisseer.  Die   rolprent   was   ’n   lokettreffer   en  word   deur   resente   sowel   as   gehore   groot   lof   toegeswaai   wat  Eilers  weer  stewig   in  die   regisseurstoel  plaas.  Hy  behartig  hierna  die   regie  van  Verraaiers  en   Stuur  Groete  vir  Mannetjies  Roux,  maar  werk  steeds  as  akteur,  veral  “as  ek  van  die  rol  hou”,  sê  hy.        Morne  Visser  –  Dawid  Eigelaar  Dawid  is  ’n  hartebreker  onder  die  vrougeslag,  ’n  ryk  plaaslike  sakeman  met  ’n  konneksie  met  al  die  slagoffers,  wat  hom  gou  ’n  verdagte  in  die  moordsaak  maak.    Morne  Visser  speel  die  rol  van  Dawid.  Hy  het  al  rolle  in  internasionale  rolprente  soos  City  of  Violence  (Zulu),  Mandela:  Long  Walk  to  Freedom  en  Racing  Stripes  gehad,  was  in  die  derde  seisoen  van  Black  Sails  en  daarna  in  The  Odyssey  met  Audrey  Tautou,  wat  binnekort  vrygestel  word.  Hy  is  in  Suid-­‐Afrika  bekend  vir  sy  televisierolle  in  S.O.S,  Scandal,  Orion  en  Vallei  van  Sluiers  en  speel  ook  in  die  rolprente,  Skoonheid,  Retribution,  Cape  of  Good  Hope  en  nou  in  Die  Ontwaking.    Hy   deins   ook   nie   sommer   weg   van   moeilike   rolle   nie   was   in   die   internasionaal   bekroonde   en  omstrede   prent,   Skoonheid,   te   sien.  Hy   is   onlangs,   by   die   2015   Silwerskermfees,   as   beste   akteur  aangewys   vir  Dis   ek,   Anna,  waarin   die  moeilike   onderwerp   van   kindermolestering   onder   die   loep  geneem  word.    

 Armand  Aucamp  –  Bam  Bam  is  Ella  se  kêrel,  maar  net  totdat  sy  hom  in  die  bed  met  ’n  ander  meisie  betrap.  Hy  probeer  sy  bes  om  haar  terug  te  wen  en  kom  mettertyd  agter  dat  die  reeksmoordenaar  ook  op  haar  spoor  is.    Armand  Aucamp  het  in  televisie,  rolprente,  teater  en  radio  as  akteur  sowel  as  vervaardiger  gewerk.  Vir   die   afgelope   ses   jaar   werk   hy   plaaslik   en   oorsee,   en   sy   teaterkrediete   sluit   in  Mary   and   the  Conqueror   (Kaapstad,   Johannesburg,  Dublin)  waarin   hy  Alexander   the  Great   speel,   Iago   in  Othello  met  Mary  Dreyer  as   regisseur,  Bladsy  3  deur  Vicky  Davis,  Huis  Toe   (die  Afrikaanse  verwerking  van  Harold   Pinter   se   The   Homecoming  met   die   regie   deur   Henry  Milne)   en   die   titelrol   van   Cardenio:  Shakespeare’s  Lost  Play  by  Maynardville.    Sy  nuutste  televisierolle  sluit  Sterlopers,  Pandjewinkelstories,  HBO  se  Homeland  Season  4  asook  die  CBC  se  mini-­‐reeks   (in  ses  aflewerings),  The  Book  of  Negros,   teenoor  Cuba  Gooding   Jr  en  Aunjanue  Ellis  in.    Hy   was   ook   in   internasionale   prente   soos  Mandela:   Long  Walk   to   Freedom,   21st   Century   Fox   se  Chronicle,  BBC  se  Mankind  en  meer  onlangs  in  Gavin  Hood  se  nuutste  vollengteprent,  Eye  in  the  Sky.      Op  die  plaaslike  rolprenttoneel  was  hy  in  onder  meer  Knysna  en  Die  Ontwaking.  Aucamp  is  tans  op  die   groot   skerm   te   sien   as   die   nuwe   Jacques   Rynhard   in   Ballade   vir   ’n   Enkeling.   Hy   het   ook   die  hoofrol   in   ’n  nuwe  kykNET-­‐dramareeks,  Die  Boekklub,   losgeslaan  en  verfilm  tans  aan  seisoen  twee  van  Sterlopers  vir  kykNet  en  werk  volgende  jaar  aan  die  epiese  biofilm,  Krotoa,  waarin  hy  die  rol  van  Jan  van  Riebeeck  vertolk.      Jaco  Muller  –  Andy  Collipepper    As  ’n  ondersoekende  joernalis  vir  die  plaaslike  koerant  dek  Andy  die  storie  oor  die  reeksmoordenaar  en  word  onwetend  ’n  pion  in  die  moordenaar  se  speletjie.      Jaco  Muller  het  oudiovisuele  produksiebestuur  by  die  Universiteit  van   Johannesburg  studeer  maar  het  sy  liefde  om  akteur  te  wees,  aan  die  gang  te  hou  deur  by  die  UJ-­‐kunsakademie  op  te  tree.  Hy  sit  sy   studies   aan   die  Universiteit   van   die  Witwatersrand   voort   en   behaal   in   2005   ’n   BA  Honneurs   in  drama  met  rolprent  en  regie.    Muller  is  sedertdien  ’n  professionele  akteur  en  buiten  rolprente  en  televisie  geniet  hy  dit  steeds  om  op  die  verhoog  te  wees.  Hy  het   ’n   lang   lys  oorspronklike  en  klassieke  musikale  produksies  gedoen,  onder  andere  Showboat,  waarmee  hy  in  2004  deur  Engeland  gereis  het.  Sy  bekendste  vertolkings  is  in  Liefling,  Pad  na  jou  Hart,  Angus  Buchan’s  Ordinary  People,  Angel  of  the  Skies  en  Kite.  En  in  2016  kan  ons  hom  sien  in  Modder  en  Bloed  en  Die  Ontwaking.  Muller   was   in   vele   televisieprogramme   te   sien,   soos   Unsung   Heroes,   Erfsondes,   Donkerland   en  Swartwater.    Hy  sien  baie  uit  na  die  reeks  Bloedbroers  en  die  tweede  seisoen  van  Sterlopers,  waarin  hy  in  2016  sy  rol  as  Henk  hervat.    In  sy  vrye  tyd  regisseer  hy  ook  musiekvideo’s  en  kortvorminhoud  vir  ’n  verskeidenheid  korporatiewe  kliënte   en   as   musikant   geniet   Muller   dit   om   basghitaar   te   speel   –   hy   speel   juis   nou   saam   met  T.A.B.O.  en  Steyn  de  Wet,  saam  met  wie  hy  ook  skryf,  opnames  maak  en  optree.      Tertius  Meintjies  –  Dr  Koster  Dr  Koster  is  die  patoloog  wat  die  outopsies  uitvoer  om  vas  te  stel  hoe  Abel  se  slagoffers  gesterf  het.      Akteur   en   fotograaf   Tertius  Meintjies   speel   die   patoloog.  Hy   is   baie   bekend   vir   sy   rolprentrolle   as  Joyboy  in  Agter  Elke  Man  (1990)  en  luitenant  Bloem  in  Sarafina!  (1992),  asook  vir  sy  rolle  in  Mandela  and   de   Klerk   (1997)   en   The   Librarian:   Return   to   King   Solomon's   Mines   (2006).  

FILMSPAN    

Johnny  Breedt  –  skrywer,  regisseur  en  vervaardiger  Johnny   Breedt   het   ’n   nasionale   diploma   van   vier   jaar   in   teater   en   verhoogontwerp   met  onderskeiding   aan   die   Tshwane   Universiteit   van   Tegnologie   behaal   en   daarna   posisies   in   ’n   paar  kunsdepartemente  van  plaaslike  en  internasionale  rolprente  beklee,  gewoonlik  as  die  kunsregisseur.  Sy  deurbraak   as  produksie-­‐ontwerper   kom  met  die  plaaslike   rolprent,  A  Woman  of   Colour,   gevolg  deur   Paljas,  waarvoor  hy   ’n  M-­‐Net  nominasie  vir  die  All-­‐Africa  Award  kry.  Paljas  wat  deur  Katinka  Heyns  geregisseer  is,  was  die  eerste  Suid-­‐Afrikaanse  film  wat  ingeskryf  is  vir  ’n  Academy  Award  in  die  kategorie,  beste  buitelandse  rolprent.  Breedt   het   ook   Terry   George   se   Hotel   Rwanda   (United   Artists)   en   Phillip   Noyce   se   Catch   a   Fire  (Universal  Pictures)  se  ontwerp  behartig.  Vir  laasgenoemde  word  hy  vir  ’n  Suid-­‐Afrikaanse  rolprent-­‐  en  televisietoekenning   (SAFTA)  genomineer.  Hy  was  ook  verantwoordelik  vir  die  ontwerp  van  Wes  Craven   se   hermaak   van  The   Last  House   on   the   Left   (Rogue   Films/Universal   Pictures).   Breedt  werk  saam  met  Anthony  Minghella  vir  HBO,  BBC  en  HWC    op  The  No.  1  Ladies’  Detective  Agency,  en  hierna  ontwerp  hy  die  biorolprent  Mandela:   The   Long  Walk   to   Freedom  wat  deur  Anant   Singh  (VideoVision)  vervaardig  en  Justin  Chadwick  geregisseer  is  en  ontvang  die  SAFTA  vir  beste  produksie-­‐ontwerp   daarvoor.   Hy   was   ook   vir   Gavin   Hood   se   nuwe   Film   Eye   in   the   Sky   se   ontwerp  verantwoordelik,  asook  die  televisiereeks  Of  Kings  and  Prophets  vir  Disney/ABC.  Breedt  het  in  2011  die  kortfilm  The  Far  Far  Tree  geskryf  en  geregisseer.  Die  Ontwaking   is  sy  eerste  vollengteprent.      Vlokkie  Gordon  –  vervaardiger,  Advantage  Entertainment  Vlokkie   Gordon,   die   stigter   van   Advantage   Entertainment,   werk   al   vir   30   jaar   in   die  vermaaklikheidsbedryf,   spesialiseer   in   die   struktuur   van   finansies   en   is   dikwels   betrokke   by   Suid-­‐Afrika  se  belangrikste  befondsingsliggame.    Met  meer  as  50  groot  rolprent-­‐  en  televisievervaardigingskrediete  op  haar  naam,  wat  prente  insluit  soos  Mandela:   Long  Walk   to   Freedom,   Chronicle,   Wes   Craven   se   The   Breed   en   Academy   Award-­‐wenner  Anthony  Minghella  se  The  No  1  Ladies  Detective  Agency,   is  Gordon  een  van  Suid-­‐Afrika  se  suksesvolste   lynvervaardigers   en   baie   gesog   as   toesighoudende   vervaardiger   vir   internasionale  produksies  wat  in  Suid-­‐Afrika  geskiet  word.    In  2014  het  sy  vier  plaaslike  rolprente,  Die  Ontwaking,  Hollywood  in  my  Huis,  Breathe  /  Umphefumlo  en  Uitvlucht  vervaardig.  Sy   is   tans   die   fasiliteerder   van   twee   internasionale   televisiereekse:   Jamillah   &   Aladdin   is   ’n  kinderrreeks   van  26  episodes  deur  Kindle   Entertainment   vir   die  BBC;  Of  Kings  and  Prophets   is   die  nuwe  vlagskipreeks  vir  ABC  Network  wat   in  sy  geheel   in  en  om  Kaapstad  geskiet  word.  Advantage  Entertainment   is   ook   die   plaaslike   vervaardigingsvennoot   van   Pathê   se   nuwe   vollengteprent,   A  United  Kingdom,  wat  in  Botswana  en  Zambië  verfilm  word.  

 ROLVERDELING  

 GYS  DE  VILLIERS           Abel  Lotz    JUANITA  DE  VILLIERS           Speurder  Ella  Neser    GERARD  RUDOLF             Fred  Lange    PAUL  EILERS             Silas  Sauls    MORNE  VISSER             Dawid  Eigelaar    ARMAND  AUCAMP     Bam    JACO  MULLER         Andy  Collipepper  

       TERTIUS  MEINTJIES     Dr  Koster  

     

FILMSPAN    

Regisseur           JOHNNY  BREEDT    

Vervaardiger           VLOKKIE  GORDON    Vervaardiger         JOHNNY  BREEDT    Vervaardiger         GREIG  BUCKLE  

 Kinematograaf           JACQUES  KOUDSTAAL            Produksie-­‐ontwerper       CECELIA  VAN  STRAATEN          Kostuumontwerper           DIANA  CILLIERS          Kostuumontwerper     PHILIP  STAPELBERG    Redigering               MANDY  ROBERTS      Oorspronklik  Musiek       IAN  THOMAS      Uitvoerende  Vervaardiger     CHARON  LANDMAN          Draaiboekskrywer     JOHNNY  BREEDT    

     Gebaseer  op  die  roman,  Abel  se  Ontwaking,  deur  Chris  Karsten