Upload
others
View
2
Download
0
Embed Size (px)
Citation preview
BEETHOVEN foi un compositor que non se atou ás normas imperantes. Un espírito libre que se mantivo en constante evolución ata o fin dos seus días. Dise que Beethoven se atopa a cabalo entre dous estilos: o clasicismo e o Romanticismo, non obstante, outros autores rexeitan esta idea: non se trataría tanto dun cambio de estilo, senón unha busca incansable por novos recursos de creación artística. Sexa como for producíronse dous fenómenos culturais, filosóficos e artísticos que, aínda que parten ambas do pensamento ilustrado, evolúen en sentidos contrarios: CLASICISMO E ROMANTICISMO
ACTIVIDADE 1: Realiza unha liña do tempo dende 1775 a 1850 na que coloques pola parte superior os
acontecementos máis relevantes da vida de Beethoven (explicación anterior). Visita este sitio web: https://www.timetoast.com/timelines/changes-in-europe-1700-1900 Coloca na parte inferior da liña os acontecementos históricos máis relevantes deste período:
1770 VIDA DE BEETHOVEN 1850
ACONTECEMENTOS HISTÓRICOS
ACTIVIDADE 2. Responde as seguintes preguntas: 1.- Que acontecementos históricos puideron influír na vida de Beethoven? 2.- Infórmate: Cales eran os ideais da ilustración? 3.- Busca o nome de catro pesadores da Ilustración. 4.- Cres que foi importante para a cultura o proxecto de Diderot e D’Alambert de facer unha Enciclopedia? Por que? 5.- Busca o nome dun dos grandes compositores do Clasicismo musical. Escoita unha das súas obras. 6.- Das dúas obras que se escoitan no vídeo cal che ten máis similitude con esta: a primeira ou a segunda? Sinfonía nº 6 «Pastoral»: https://www.youtube.com/watch?v=aW-7CqxhnAQ&t=156s Romanza nº 2 para violín: https://www.youtube.com/watch?v=YsSI1V713jk 7.- Redacta un comentario no que compares as sensacións que che produce a escoita dunha e outra obra de Beethoven.
CLASICISMO E ROMANTICISMO NA PINTURA
De maneira moi abreviada podemos describir o clasicismo como un estilo que busca o equilibrio, a simetría e a sinxeleza. Inspirábanse nas obras da antigüidade grecorromana. Pretende plasmar con obxectividade a realidade. O romanticismo preocúpase pola expresión do mundo interior de cada individuo, gaña moita relevancia a percepción subxectiva da realidade. É un estilo de contrastes: da miniatura á obra de enormes dimensións. Da obra para piano só a sinfonías con grandes orquestras e coros. Ímonos achegar a ambos estilos musicais dando un rodeo pola arte pictórica. ACTIVIDADE 3: Clasifica as obras da páxina seguinte segundo creas que pertencen ao Clasicismo ou ao
Romanticismo.
1.- O pesadelo. H Füssli
2.- Atlanta e Hipómenes. Colombel
3.- O rapto das Sabinas. David
4.- Tempestade. Turner
5.- Liberdade guiando ao pobo. Delacroix
6.- Templo de Neptuno (gravado). Piranessi