Upload
others
View
1
Download
0
Embed Size (px)
Citation preview
1
PROXECTO
LECTOR
Ler é
Disfrutar, compartir, investigar... aprender.
C.E.I.P. Eduardo Pondal
2
Curso 2.012 – 2.013
ÍNDICE PÁXINA
1. Introducción
2. Análise da situación da lectura e da escritura no centro
2.1. Características do centro..........................................................2
2.2. Prácticas escritoras e lectoras do alumnado............................3
2.3. Identificación de logros e dificultades.......................................4
2.4. Análise das metodoloxías empregadas....................................7
2.5. Recursos materiais e humanos: situación da
biblioteca escolar e outros recursos....................................................8
2.5.1. A Biblioteca Crocaiono Centro...................................................8
2.5.2. Recursos humanos...............................................................................8
2.5.3. Espazos e instalacións....................................................8
2.5.4. Os fondos................................................................... ....9
2.5.5. Xestión Técnica............................................................10
2.5.6. Divulgación dos fondos.................................................11
2.5.7. Usuarios e empréstitos..................................................12
2.5.8. Necesidades de formación do profesorado...................12
3. Obxectivos, fundamentos e organización.
3.1. Obxectivos................................................................................13
3.1.1. Obxectivos xerais...........................................................13
3.1.2. Obxectivos específicos................................................. .15
3.2 . Fundamentos e organización.
3.3 Esquema da organización das actividades da biblioteca.
4. Intervencións que compre sistematizar
4.1. Fomento de hábitos de lectura en todas as áreas....................20
4.2. Actividades de educación documental. ....................................22
4.3. Integración das TIC...................................................................23
4.4. Implicación das familias e do entorno.......................................24
5. Criterios e procedementos de avaliación...........................................25
2
1 INTRODUCCIÓN.
Segundo o Decreto 130/2007, de 28 de xuño, polo que se establece o currículo
da Educación Primaria na Comunidade Autónoma de Galicia, no Anexo IV
determínase que “o proxecto lector de Centro será un documento deseñado para
desenvolver a medio prazo no que, a partir da análise do contexto en materia de
lectura, se articulen todas as intervencións que se van realizar no centro en relación
coa lectura, a escritura e as habilidades informativas, coa participación do profesorado
das distintas áreas, materias e ciclos, incorporando a biblioteca escolar e as
bibliotecas de aula como recursos fundamentais para a súa posta en marcha. O
proxecto lector de Centro será a referencia para a elaboración de programas ou plans
anuais de lectura que se incluirán na Programación Xeral Anual”.
2 ANÁLISE DA SITUACIÓN DA LECTURA E DA ESCRITURA NO CENTRO.
2.1 Características do centro.
O C.E.I.P. Eduardo Pondal é un centro de ensino público que depende da Xunta
de Galicia, da Consellería de Educación e Ordenación Universitaria.
Impártense as ensinanzas de Educación Infantil e de Educación Primaria. Os
mestres de Audición e Linguaxe e a Orientadora, así coma a mestra de relixión son
itinerantes.
Centro: CEIP Eduardo Pondal
Dirección : Rúa Rosal Florido Nº24 .Sampaio. C.P. 36215
Localidade: Vigo
Teléfono e Fax : 986 278 479
Email : [email protected]
Blog da Biblioteca: http://crocaiodesampaio.blogspot.com
Blog do Centro : http://eduardopondalvigo.blogspot.com
3
O Centro está ubicado no barrio de Sampaio, a uns 3 km. aproximadamente do centro
da cidade de Vigo, município ao que pertence, ainda que está encravado nunha zona
semiurbana, con acceso en autocar (a uns 50 metros da porta) pero sen transporte
escolar, e escaso servizo de transporte urbano.
As características socioeconómicas e culturais da poboación do entorno son:
Nivel cultural medio-baixo na maioría das familias.
Nivel económico e social medio-baixo
Vivendas unifamiliares.
Dentro das familias, hai un interese desigual pola educación dos seus fillos/as.
2.2 Prácticas lectoras e escritoras do alumnado.
A realidade e actitude lectora da familia e do entorno do alumnado van
favorecer ou condicionar o seu interese, actitude e desenvolvemento lector. Este feito
provoca que o nivel de competencia lectora dalgúns dos nosos alumnos/as sexa
preocupante. Dende o centro, e a Biblioteca Crocaio, intentaremos desenvolver un
proxecto que permita descubrir, afianzar e disfrutar da lectura en todo momento e
lugar, coa colaboración de todo o Equipo Docente.
A lectura e a escritura entenderanse e planificaranse como dous procesos
independentes, pero paralelos e complementarios, que aproveitarán tódolos medios
existentes, incluíndo os medios de comunicación de masas e as tecnoloxías
avanzadas da información.
Durante o curso 2011-12 puidemos constatar que as prácticas lectoras do noso
alumnado van en aumento, se ben precísase un esforzo do profesorado para que a
lectura se convirta nunha rutina e nun desexo na maioría dos alumnos, constatamos
que, polo labor realizado desde Infantil a favor da lectura, hai lectores formados e
interesados en ler cada vez máis.
As prácticas escritas van en desventaxa coas prácticas lectoras, pero
traballamos con técnicas de Rodari, escritas libres, e sobre todo redaccións, contos e
crónicas das saídas e actividades diversas con ilustracións.
O xornal axuda tamén nestas dúas actividades.
4
2.3 Identificación de logros e dificultades.
O traballo que se ven realizando dende hai uns anos, facilita o desenvolvendo
en toda a comunidade educativa dunha serie de hábitos e estratexias que favorecen o
proceso lector nas distintas vertentes e que van mellorando paso a paso, dende que
comezou a súa andaina a biblioteca Crocaio.
O condicionamento social e familiar é grande e difícil de modificar polo que
temos unha responsabilidade dende o centro de fomentar, favorecer e potenciar a
lectura : comprensión lectora, velocidad lectora, gusto pola lectura, a investigación...
en tódolos casos para cambiar esas actitudes e hábitos.
A biblioteca escolar é un recurso imprescindible para formar ao noso alumnado
na consulta e selección das diversas informacións, así como na formación do
autocoñecemento, actualmente é xa un espazo para o achegamento á lectura de
textos literarios e informativos, en formato impreso, audiovisual ou multimedia, para
que adquiran o hábito lector e se forme unha comunidade lectora.
Para a transformación da biblioteca nun centro de recursos para a aprendizaxe
propuxémonos os seguintes obxectivos:
Obxectivos propostos:
Organizar o espazo da biblioteca escolar e equipala adecuadamente.
Seleccionar o fondo bibliográfico adaptado ás necesidades do Centro.
Realizar a catalogación dos fondos segundo as táboas da C.D.U.
Utilizar o Programa Meiga, integrando así as TICS na xestión e organización
dos fondos da biblioteca escolar.
Organizar os servizos bibliotecarios apropiados para o Centro.
Organizar actividades de formación do alumnado para que aprendan a usar
fontes de información diversas.
Planificar estratexias para que os alumnos desenvolvan a competencia lectora
en cada unha das áreas do currículo.
Ampliar e mellorar os fondos da biblioteca, tanto das bibliotecas de aula como
os da Biblioteca Crocaio.
5
Enriquecer a nosa biblioteca con máis libros en castelán, galego e inglés.
Completar os fondos existentes con cds, dvds, e programas lúdicos e
didácticos tanto para o profesorado como para o alumnado.
Conseguir que o profesorado colaborador coñeza e manexe o programa Meiga
oara o seu uso cos seus alumnos.
Obxectivos acadados:
A transformación da biblioteca nun centro de recursos para a aprendizaxe
aínda non está acadada totalmente, xa que por falta de tempo está sen
rematar o proceso de catalogación .
O espazo está organizado pero é o fondo documental en tódolos ámbitos.
A selección dos fondos fíxose despois de realizar o expurgo e en función do
presuposto A biblioteca conta con libros de consulta variados e libros de
lectura en galego, castelán e inglés. Temos tamén un armario con material
audiovisual e musical para todas as idades.
A catalogación dos fondos segundo a C.D.U. estáse realizando.
Temos a Biblioteca informatizada co programa Meiga, polo que cada
alumno ten o seu carnet e pode coller libro en préstamo no horario
establecido. A nosa mascota é CROCAIO, o Crocrodilo de Sampaio e un
Blog: http:// crocaiodesampaio.blogspot.com con publicacións periódicas así
como un correo electrónico propio: [email protected].
Cada titoría dispón dunha sesión na biblioteca para lectura, préstamo ou
investigación nos ordenadores que para este fin están nela.
Temos Bibliotecas de aulas, con préstamos periódicos de cestas de libros
ás aulas.
Dende Educación Infantil ata cuarto de Educación Primaria puxemos en
marcha as Mochimaletas, maletas viaxeiras con libros en galego, castelán,
música, películas…
Facemos formación de usuarios e dous nenos do segundo e terceiro ciclo
por trimestre colaboran voluntariamente como bibliotecarios facendo un
labor moi importante.
A planificación de estratexias para que os alumnos/as desenvolvan a
competencia lectora lévase a cabo no plan anual de dinamización que xunto
6
ca HORA DE LER son as planificadas, outras poden surxir ó longo do
curso.
A dificultade máis importante é o pouco tempo libre para preparar actividades
de dinamización, de ordenación, de expurgación e de catalogación moi necesarias
nunha biblioteca que ten o 75% dos seus fondos sen catalogar, xa que son de
recente ou nova adquisición. Tódolos mestres temos moitas obrigas non soamente
como docentes, se non a que conleva formar parte de a lo menos tres equipos, que
requiren compromiso, traballo e desenvolvemento de diversos proxectos, isto impide
en ocasións que poidamos realizar todas as actividades que nos gustaría.
Análise das metodoloxías empregadas:
O proceso será dinámico e flexible, intentando achegar a lectura aos alumnos/as
dun xeito natural e atractivo, partindo dos seus intereses...
Ten en conta as distintas idades e características dos participantes e as
distintas modalidades de lectura.
A interdisciplinariedade, posto que a comunicación abrengue tódolos campos.
Búscanse estratexias para mellorar a mecánica lectora, como a entoación/ritmo
e a comprensión.
O proceso da lecto-escritura é contínuo e consensuado por todo o Equipo
Docente.
Realízanse actividades de cooperación e investigación.
Emprégase a Biblioteca de forma sistemática concebíndoa como centro de
recursos e apoio a aprendizaxe de tódalas áreas e campos do saber.
En canto a estratexias para mellora-la mecánica lectora, como a
entoación/ritmo e a comprensión e aos métodos didácticos empregados polo
profesorado co seu alumnado nas sesións en que acude á biblioteca escolar ou
realiza actividades de fomento da lectura na aula, destacan os seguintes:
Método expositivo: presentación de libros e recomendacións de lecturas.
Método demostrativo: lectura en voz alta para que os alumnos/as o/a imiten,
escoita nun CD audio ou nun PC da lectura.
Método interrogativo: conversas sobre os libros e as lecturas, encontros con
autores.
Método inductivo: en proxectos arredor dun libro, un tema ou a obra dun
7
autor/a.
Métodos individuais: en traballos de documentación, onde cada un busca
información sobre algo concreto, ou en actividades de comprensión lectora.
Métodos grupais: traballos en grupo de documentación ou doutro tipo, onde
cada membro se encarga dunha tarefa e entre todos levan a cabo o traballo
encomendado.
Obradoiros de lectura: preparación previa de lecturas para facer despois ó
grupo.
2.4 Recursos materiais e humanos: situación da
biblioteca escolar e outros recursos.
2.4.1 A Biblioteca Crocaio no centro.
O P. C. do Centro recolle a presenza da Biblioteca Crocaio, como recurso para o
desenvolvemento do Proxecto Lector de Centro. Na Programación Xeral Anual,
incluimos un Plan de dinamización anual.
Coa colaboración de todo o profesorado e dos distintos equipos elaboramos un
pequeno proxecto ao longo do curso , que procura a adquisición das competencias
básicas do alumnado, que temos presente ao longo do curso na práctica cotiá da vida
pedagóxica, e que non só ten como finalidade o fomento da lectura, sinón que
abrangue todos os contidos curriculares; témolo presente no entroido como tema e
nos corredores e paredes da Biblioteca, serve de eixo vertebrador das actividades, en
Infantil fanse pequenos proxectos trimestrais en relación co tema do proxecto máis
amplio e elaboramos un libro colectivo que vai pasando pólas familias e que
presentamos colectivamente no que ó esforzo de cada un súmanse e fan posibles
resultados positivos para todos.
Conseguimos recomendar libros em Nadal para a súa compra e posterior traballo
na aula com autores desde a etapa de Infanatil ata 6º curso de primaria.
Intercambiamos lecturas entre aulas facendo obradoiros e contacontos entre eles
em dias especiales e tamén facemos apadriñamentos lectores dúas veces no curso.
2.4.2 Recursos humanos.
8
Todo o Equipo Docente está implicado no Proxecto Lector, responsables da
preparación e seguimento das actividades da Biblioteca, da atención ás necesidades
específicas do alumnado, da programación e desenvolvemento das actividades e da
súa valoración.
Existe un Equipo da Biblioteca Crocaio, sendo a coordinadora unha persoa que
realizou diversos cursos de formación sobre Bibliotecas Escolares. Os membros do
equipo, pertencentes a todos os ciclos, contan con sesións para traballar en diversos
aspectos da biblioteca, pero non son suficientes e resulta complexa a organización e
realización das tarefas.
Dentro das actividades organizadas ao longo do curso o alumnado participará e
colaborará nas múltiples actividades realizadas e participarán dun xeito u outro nas
mesmas.
As familias, motivando, orientando os seus fillos/as en colaboración co centro.
Outras persoas: bibliotecarios, escritores, ilustradores, .. que poidan colaborar
co centro.
2.4.3 Espazo e instalacións.
O centro conta cun espazo para uso exclusivo da Biblioteca Escolar que está
ubicado no primeiro andar do edificio. É unha sala ampla, luminosa e acolledora.
Os medios dos que dispoñemos son limitados, pero dentro das nosas
posibilidades imos enriquecendo os nosos recursos, tendo que priorizar para poder ir
pouco a pouco dotándoa de material diverso, atractivo, lúdico e de interese para
todos.
Distínguense as seguintes zonas dentro da Biblioteca Crocaio: recuncho para
Educación Infantil, zona de lectura informal, zona de traballo, zona de audiovisuais,
zona de préstamo e catalogación, zona de consulta, postos informáticos 3 con ,
impresora, máis o posto informático e a impresora do profesorado,contamos tamén
con Pizarra dixital e canón.
2.4.4 Os fondos.
Existen rexistrados no meiga actualmente máis de 2000 volumes.
9
A Biblioteca Crocaio cando comezou a súa andaina hai cinco anos, contaba
con algúns libros en galego e poucos en castelán, dicionarios, enciclopedias, hoxe
preocupámonos de que contemple todas as áreas do saber ademais de outros
recursos: cds, dvds, material didáctico...
En canto á tipoloxía, existen obras de referencia, libros de consulta,
enciclopedias, dicionarios, textos de carácter didáctico dirixidos ao profesorado, libros
de literatura infantil e xuvenil, libros de literatura clásica en lingua castelá en en lingua
galega, tamén temos fondos en inglés,libros de lectura axeitados a todas as idades,
temos libros de lectura de matemáticas e naturais, dicionarios visuais para os máis
pequenos, libros de arte e de cociña, libros de bos modais e de adiviñas, biografías e
cómics que resultan moi atractivos.
Polo que respecta á ubicación dos fondos, a maioría están ubicados na
Biblioteca Crocaio, pero periodicamente subimos cestas de libros ás aulas para facer
a Hora de ler.
O noso obxectivo é centralizar os datos e saber en todo momento onde está
cada material.
2.4.5 Xestión Técnica.
A xestión realízase a través do Programa Meiga, rexistrándose todo tipo de
materiais.
A Biblioteca Crocaio ten distribuídos os libros dos distintos idiomas tendo en
conta a táboa simplificada da C.D.U. (Clasificación Decimal Universal). A continuación
indicamos a organizacion da nosa biblioteca dentro de cada categoría:
O : Diccionarios, enciclopedias, bibliografías, publicación periódicas,
informática, ...
1 : Ética, educación para a cidadanía, psicoloxía, filosofía,...
2 : Relixión: libros e material sobre a relixión cristiana e outras relixións.
3 : Ciencias sociais : educación, ensinanza, consumo, tempo de lecer, turismo,
folklore, ...
4 : Baleiro
5 : Matemáticas e Ciencias Naturais : medio ambente, matemáticas,
astronomía, bioloxía, física, química,...
10
6 : Medicina e Tecnoloxía : saúde, tecnoloxía, industrias, ...
7 : Arte, música, deportes, espectáculos, fotografía, ...
8 : Lingüística e literatura :
o 81 : Lingua. Lingüística, Gramática.
o 82 : Historia da literatura. Teoría literaria.
o 83 : NARRATIVA. PRIMEIROS LECTORES
Primeiro Lectores. Para favorecer que eles poidan desenvolverse na bibliteca
e atopar os libros que desexan. Ademáis do tellolo cada libro ten un icono que
identifica o tipo de libro que é.
o 83 - C : Contos para ler conmigo.
o 83 – M : O mundo ao meu arredor.
o 83 – R : Libros con ritmo-música.
o 83 – S : Libros son sorpresa.
o 83 – V : Contos para ler só / Libros para ver.
o 84 : NARRATIVA . LECTORES EN MARCHA.
o 85 : NARRATIVA. LECTORES AUTÓNOMOS.
o 86 : TEATRO. Marionetas, Títeres.
o 87 : POESÍAS. Xogos e cancións. Rimas infantís e adiviñas.
o 88 : Libros en Lingua Inglesa.
o 89 : BANDA DESEÑADA. Cómic.
9 : Xeografía, biografías, historia,...
Dentro da biblioteca temos exposto un carteis, para que todos poidan buscar a
información que desexa e atopala.
Tamén temos un correo electrónica e un blog no que os distintos membros da
comunidade poden realizar aportacións, suxerencias ou comentarios.0 4 (Baleiro)
11
2.4.6 Divulgación dos fondos.
Neste apartado aínda nos queda traballo por facer: temos que sinalizar ben as
diferentes seccións, temáticas, CDU… Temos un taboleiro informativo na entrada da
Biblioteca informando sobre as actividades que se levan a cabo, e tamén informamos
e realizamos comentarios no blog.
Animamos á lectura cos boletíns informativos que publicamos e repartimos en
distintas épocas do ano, e facemos suxerencias de lecturas en determinadas datas: o
entroido, día da poesía,dia da Muller..
2.4.7 Usuarios e empréstitos.
Os usuarios habituais da biblioteca son o alumnado e o profesorado e
esporadicamente outros membros da comunidade educativa.
Cada grupo de alumnos ten unha sesión semanal co titor, para desenvolver na
mesma diversas tarefas de consulta, investigación, lectura libre ou dirixida.
O noso alumnado ten a posibilidade de acudir á biblioteca todos os xoves e
venres nos recreos para ler, realizar consultas tanto nos libros coma en internet,
afianzar coñecementos con diversos xogos educativos de ordenador, levar libros ou
entregalos.
Tamén contamos cun grupo de alumnos/as do segundo e terceiro ciclos que
colabora activamente na biblioteca.
0 4 (Baleiro)
Os empréstitos dos libros catalogados realízanse a través do Programa de
Xestión Meiga e os que aínda non puidemos catalogar non se prestan . Para realizar o
empréstito o alumnado e profesorado conta cun carné da Biblioteca Crocaio.
Ademais dos empréstitos individuais, cada aula conta cunha cesta de libros
que van renovándose ao longo do curso, en función das necesidades do grupo, e que
permite ter na propia aula libros de interese para todos na HORA DE LER, que se
realiza todos os días despois do recreo.
2.4.8 Necesidades de formación do profesorado
Os membros do Equipo de Biblioteca,van coñecendo o sistema de Xestión do
Programa Meiga, tarefa imprescindible. O blog da biblioteca permite unha maior
12
apertura das actividades, suxerencias de libros, así como un posible intercambio de
información, consulta entre os distintos membros da comunidade.
É necesario formar a todo o profesorado na xestión do programa e tamén nas
novas tecnoloxías: blog, pizarra dixital, para que todos puidésemos desempeñar
varias das funcións da biblioteca e non houbera persoas sobrecargadas de traballo,
ou evitar que nun momento dado se paralizase a tarefa desenvolvida por esa persoa
ao non contar as demais con esa formación.
Cada ano melloramos na utilización das tecnoloxías da información e
comunicación como ferramenta para a dinamización da biblioteca.
3 OBXECTIVOS, FUNDAMENTOS E ORGANIZACIÓN.
3.1 Obxectivos
Tendo en conta os resultados do traballo diario nas aulas e vistas as dificultades
que presentan os alumnos, presentamos un plan lector que posibilite a corrección das
deficiencias en canto ó manexo da lectura e da escritura como ferramenta básica para
o estudo e para entender calquera mensaxe que sexa preciso descifrar tanto nas
diferentes áreas como nos contextos habituais da vida cotiá.
3.1.1 Obxectivo xerais.
Fomentar a lectura recreativa e a lectura para aprendizaxe de todo tipo de texto
e soporte.
Proporcionar un contínuo apoio ó programa de ensino-aprendizaxe. O proxecto
lector está integrado no Proxecto Educativo do Centro e no Proxecto Curricular,
sendo deseñado e posto en práctica por todos os membros do Equipo
Docente.
Favorecer a compensación das desigualdades de orixe do noso alumnado
aplicando métodos e procedementos para mellorar e resolve-las dificultades
que teñan na comprensión lectora de acordo coa súa idade e as súas
características persoais.
Transmitir valores, actitudes e normas para considerar a Biblioteca Escolar
como espacio compartido, cultivar o espíritu crítico e xerar actitudes de
cidadanía.
13
Colaborar na consolidación dunha rede de bibliotecas escolares galegas e
participar dos recursos culturais do entorno, colaboración cos bibliotecarios dos
centros próximos.
Contaxiar a curiosidade, o interese, o descubrimento ou profundización na
lectura e polo saber a os nosos alumnos/as e a toda comunidade educativa,
implicándoa no proceso.
Utilizar a biblioteca escolar, integrándoa na práctica docente, transformándoa
nun centro xerador de actividades que desenvolvan hábitos lectores,
competencias escritoras e habilidades de aprendizaxe.
Deseñar e elaborar materiais de traballo e propostas para a promoción lectora.
Selecionar libros infantís e de imaxinación, informativos e documentais para
dotar a biblioteca e realizar recomendacións de lectura.
Habituar á comunidade educativa á utilización das bibliotecas con finalidades
informativas, recreativas e de educación permanente.
Dotar aos estudantes das capacidades básicas para obter e usar de forma
autónoma diferentes recursos e servizos.
Incluir na P.X.A. e na Memoria final os plans de traballo e actuacións, incluíndo
unha avaliación final e unhas propostas de mellora.
Incluír dentro da formación lectora dos alumnos/as o emprego das novas
tecnoloxías .
O obxectivo final que perseguen os anteriores é formar lectores competentes
iso é que lean comprensivamente, que saiban interpretar o que len, que sexan
capaces de emitir xuízos críticos, que escriban para expresar e comunicar. Para
conseguir isto precisamos a colaboración de todos: profesores, pais e sociedade.
Para a creación e consolidación dos hábitos de lectura o centro contempla
espazos e tempos para a lectura nas aulas, así acordamos no Claustro en realizar a
HORA DE LER media hora diaria de lectura silenciosa en todas as materias, despois
do recreo, repartidas de xeito proporcional ás horas semanais de cada materia. Os
textos empregados polos alumnos serán elexidos libremente entre os existentes no
fondo da biblioteca e que estean no momento na aula.
Este tempo rexerase polas seguintes normas que estarán á vista de todos nas aulas:
A lectura desenvolverase durante media hora de forma silenciosa, nun
14
texto elexido libremente polo alumno.
Durante este tempo non se poderán facer deberes nin outra cousa
diferente á actividade de lectura libre e silenciosa.
O profesor cuidará de que os libros para tal fin queden colocados.
3.1.2 Obxectivos específicos.
3.1.2.1. Educación Infantil.
Acudir a biblioteca e coñecer as normas básicas.
Converterse nun lugar de lecer, entretemento e disfrute.
Identificar onde están os seus libros para ler.
Lugar de encontro de actividades conxuntas de todo o centro.
3.1.2.2. Educación Primaria.
Respectar as normas da biblioteca, para que todos poidamos ler,
disfrutar, aprender, investigar, ...
Desenvolver hábitos de cuidado e respecto polos distintos materiais
existentes na biblioteca.
Realizar actividades de formación de usuarios para axudar e aumentar a
autonomía dos que acuden á Biblioteca Crocaio.
Identificar as distintas zonas da Biblioteca, para desenvolverse con
comodidade nela.
Espertar o gusto pola lectura e acrecentala.
Descubrir un mundo cheo de posibilidades, onde nós como lectores
somos protagonistas.
Decatarse das posibilidades que ten á biblioteca como lugar de lecer,
entretemento, investigación, ...
Buscar, clasificar e aproveitar os recursos para ampliar os
coñecementos adquiridos na aula ou de interese persoal.
Ampliar a súa visión do mundo, coñecendo outras realidades e culturas
cunha actitude de curiosidade e respecto.
15
3.2 Fundamentos e organización.
Os fundamentos e organización comezan dende o momento en que se
constitúe en setembro o equipo e noméase ao coordenador da Biblioteca Crocaio.
En primeiro lugar, explicamos ao profesorado novo neste equipo como están
distribuídos os diversos materiais da biblioteca, para que poidan situarse e orientar ao
seu alumnado, desenvolver na biblioteca actividades da súa área, ou actividades
relacionadas coa lectura.
Damos a coñecer o plan lector do centro a todos os seus membros, para
valoralo, realizar suxerencias, facer modificacións... e ser aprobado para incluílo na
Programación Xeral Anual.
Escollemos unha temática que permita realizar diversas actividades de
dinamización ao longo do curso académico para as distintas idades, sendo o fío
condutor para actividades relacionadas cos traballos doutros equipos: actividades
complementarias e extraescolares, equipo de dinamización e normalización
lingüística, ...
Unha vez aprobado polo Equipo Docente, e comprometido este no seu
proceso, os membros do Equipo da Biblioteca Crocaio, facemos un horario con
sesións de traballo de cada un dos membros do equipo, así como un horario semanal
de cada aula co seu titor. Verificamos o contido das Mochila viaxeiras, para continuar
a súa andaina nos distintos niveis, tanto na Educación Infantil como en Educación
Primaria e preparamos outras para o curso académico.
Na Biblioteca revisamos os fondos para priorizar as inversións que se
realizarán tendo en conta o proxecto escollido, comprobamos se é necesario o
expurgo de material, arranxar libros, se os materiais novos están selados para
proceder a súa catalogación. Dentro do material non catalogado, organizamos os
nosos estantes de traballo, para que teña sentido e continuidade.
A xestión dos diversos materiais da Biblioteca lévase a cabo co Programa
Meiga. Ensínase como realizar empréstitos e devolucións a cada un dos membros do
equipo. O rexistro e catalogación é organizado pola coordinadora e polas profes do
equipo que lles corresponde dita tarefa. Unha vez rexistrados, imprímense os tellolos
e sitúanse no lombo do material inventariado, para ubicalo na zona correspondente.
Para evitar o deterioro dos libros forramos os máis usados.
Os préstamos realízanse do material etiquetado e rexistrado.
16
Hai libros de interese xeral do alumnado: libros de experimentos, xogos,
manualidades,… que son atractivos para o alumnado pero que non son emprestados
individualmente pero si cando van a casa nas Mochimaletas.
Antes de inaugurar oficialmente a biblioteca cada ano, realizamos os carnés
dos novos membros do centro: tanto alumnado como profesorado. Lembramos nas
aulas as normas da biblioteca e organizamos algunha actividade na que eles
participen.
Unha vez distribuídas as funcións dentro do grupo e as tarefas a realizar do
Equipo Docente adoptamos as medidas que son necesarias en cada momento para
modificar, mellorar ou levar a cabo o noso proxecto.
3.3 Esquema da organización das actividades da
biblioteca.
Na seguinte táboa recóllense un conxunto de actividades comúns a
todo o centro, que permitirán acadar os obxectivos propostos:
ACTIVIDADES XERAIS DO PROXECTO LECTOR DA BIBLIOTECA
CROCAIO
ACTIVIDADES RESPONSABLES TEMPORALIZACIÓN
Revisión do P. Lector Equipo da Biblioteca Setembro.
Aprobación do P. Lector
polo Equipo Docente,e
incorporación na P.X.A.
Claustro de profesores e
Equipo Directivo
Setembro
Análise da situación da
Biblioteca: realización de
expurgo, rehabilitación
de material, distribución
de tarefas.
Equipo de Biblioteca Setembro.
Plan anual de
dinamización da B.
Equipo de Biblioteca e
Equipo Docente.
Setembro.
17
Traballo na Biblioteca:
selar,rexistrar,seleccionar
material…
Equipo de Biblioteca coa
colaboración do Equipo
Docente.
Ao longo de todo o curso
académico.
Elaboración co Programa
Meiga dos novos carnés
da Biblioteca CROCAIO
Equipo de Biblioteca Outubro.
Dar a coñecer os
Recursos Meiga
Equipo de Biblioteca Outubro
Lecturas e Actividades
sobre o Magosto e
Samaín
Equipo de D. e
N.Lingüística e E. da
Biblioteca
Outubro.
Inauguración da
Biblioteca. Entrega das
cestas de libros para as
aulas.
Equipo de Biblioteca,
mestres e alumnos/as
24 de Outubro.
Día das Bibliotecas
O blog e o correo da
Biblioteca Crocaio.
Equipo de Biblioteca Ao longo de todo o curso
académico.
A hora de ler. O Equipo Docente 25 de Outubro
Sección O Poema
Semanal
Equipo de Biblioteca, e
colaboradores
Ao longo de todo o curso
Boletín de lecturas de
Nadal.
Equipo de Biblioteca Decembro
Conmemoración día da
Paz.
Equipo de Biblioteca e o
Equipo Docente
30 de Xaneiro
Mochimaletas. E.Biblioteca en
colaboración de titores.
Xaneiro e ao longo de
todo o curso
Actividades de formación
de usuarios.
E. de Biblioteca, titores e
colaboradores.
Ao longo do curso
Ler en rebaixas. Levar
dous libros emprestados
en lugar de un.
Equipo Docente Febreiro
Libros e actividades
sobre o entroido.
Equipo de ACE, E. de
Biblioteca e E. Docente.
Febreiro
18
Homenaxe a Rosalía Equipo de N.Lingüística
e E. da Biblioteca
24deFebreiro Aniversario
do seu nacemento.
Día da Muller Equipo de N.Lingüística
e E. da Biblioteca
8 de Marzo
Día da Poesía Equipo de Biblioteca 21 de Marzo
Semana da Prensa.
Equipo de Biblioteca e
Equipo Docente
Marzo
Día Internacional do
Libro Infantil e Xuvenil
Equipo de Biblioteca 2 de Abril
Homenaxe a un escritor Equipo de Biblioteca e
Equipo Docente
Mes de abril
Boletín de lecturas día do
Libro
Equipo de Biblioteca Entregarase o 23 de
abril.
Día Internacional do
Libro. Apadriñamento
lector
Equipo de Biblioteca e
todo o Equipo Docente
23 de Abril.
Día das Letras Galegas.
Equipo de N. e
D.Lingüística e E. da
Biblioteca e E. Docente
17 de Maio.
Xogos e Apadriñamento
lector.
Equipo de N e D
Lingüística e E. da
Biblioteca e E.Docente
17 de Maio.
Boletín lecturas verán Equipo de Biblioteca e
Equipo Docente
Xuño
Comprobación
devolución de todo o
material emprestado,
realización de expurgo,
restauración.
Equipo da Biblioteca e
Equipo Docente
Xuño
Análise e valoración das
actividades ao longo do
curso académico
Equipo de Biblioteca e
Equipo Docente
Xuño
19
As actividades que figuran na táboa anterior son un exemplo ao longo do curso
académico, pero poden xurdir outras que teñan a Biblioteca como base relacionadas
con calquera ámbito do saber: música, ciencias, investigación, contacontos, autores,
actividades da horta escolar, e cantas outras consideremos oportunas e viables
durante o curso académico.
Tamén teremos en conta as distintas suxerencias, aportacións do alumnado e das
súas familias, porque este feito permitirá unha vía de comunicación de ida e volta
sobre a lectura, a comprensión lectora, os intereses dos rapaces e das familias.
4 INTERVENCIÓNS QUE CÓMPRE SISTEMATIZAR
4.1 Fomento de hábitos de lectura en todas as
áreas:
4.1.1 Dende o libro:
. suxerencias e recomendacións (presenciais, impresas, paneles)
. presentacións de libros
. libro-forum, coloquios, debates
. mochilas viaxeiras
. guías de lectura (das distintas materias do currículo)
. programas sobre temas, xéneros
. visitas de autores (escritores, ilustradores)
. exposicións.
-apadriñamentos lectores
-lecturas en xornais
4.1.2 Dende a escritura:
. xogos coa linguaxe (diccionarios fantásticos…)
. a tradición oral e a poesía (recopilar-recrear-crear)
. provocación de historias (individuais, colectivas, con cartas,…)
. dossieres, diarios
. revista escolar
. creación de libros (libros viaxeiros…)
20
4.1.3 Dende a oralidade:
. xogos fonéticos coas palabras
. traballo oral co folclore infantil
. cantar
. recitar
. contar contos, historias e relatos
4.1.4 Dende outras formas de expresión:
. debuxos a partir da lectura de contos
. a ilustración,
. o cómic
. a fotografía
. a publicidade
. o cine
. o teatro, a música
. proxeccións, audicións, espectáculos
4.2 Actividades de formación de usuarios e
educación documental
Primeiro ciclo.
- Seleccionar contos, narracións e libros de consulta sobre un tema concreto
e comparar os resultados obtidos, poñendo en evidencia os distintos
tratamentos da información.
- Relacionar nun caderno de lector os títulos dos libros lidos.
- Buscar libros dun mesmo autor.
- Seleccionar na biblioteca os libros do seu interese para realizar o préstamo.
Segundo ciclo.
- Clasificar os documentos obtidos nunha búsqueda realizada polo mestre-
bibliotecario en función dos soportes (libros, vídeos, cassettes, carteis…).
21
- Visionado de vídeos explicativos.
- Clasificar uns libros a partir do primeiro número da C.D.U.
- Identificar o signo relativo aos niveis de lectura e ordealos alfabéticamente
por autores.
- Nun plano da biblioteca, indicar a localización dos materiais en función do
sistema de clasificación.
- Comparar as informacións obtidas nunha búsqueda de diccionario e
enciclopedia.
- Localizar unha información concreta a partir do sumario.
Terceiro ciclo.
- Charlas e conferencias a cargo de profesionais do libro: autores e
ilustradores, bibliotecarios, etc.
- Clasificar varios documentos en función dos dous primeiros números da
CDU e determinar a materia correspondente a eses números.
- Buscar as informacións obtidas sobre o mismo tema nunha enciclopedia e
nunha monografía.
- Identificar nun conxunto de libros: esquemas, glosario, recadro, gráfico,
citas e notas a pé de páxina.
- Extraer as informacións que poidan obterse no prólogo, a presentación e/ou
a contraportada nun libro de ficción.
4.2.1 Actividades complementarias e extraescolares
Contacontos de adultos e nenos/as.
Acudir a representacións teatrais.
Emprego xeneralizado no segundo e terceiro ciclo do diccionario,
enciclopedias e outros materiais de consulta, incluída a búsqueda en
Internet.
Fomentar e colaborar con outras bibliotecas do entorno.
22
4.2.2 Actividades referidas a Biblioteca do Centro
Coñecer a organización e funcionamento da Biblioteca do centro.
Fomenta-la utilización da biblioteca escolar, continuando con horarios
para cada grupo, préstamos e desenvolvendo diversas actividades na mesma.
Realizar concursos, xogos de pistas,.... para a utilización e a ubicación
do diverso material da biblioteca.
Aplicación das tic na búsqueda de información e nas investigacións
4.3 Integración das TIC
A busca e selección de información a través das TIC formará parte das
actividades do plan lector no ciclo, especialmente nas areas de lingua e coñecemento
do medio:
Uso de buscadores para buscar información.
Visitas virtuais a museos, e webs infantís e xuvenís
Bibliotecas e enciclopedias virtuais.
Uso do blog da biblioteca, aportando comentarios sobre os diferentes
contidos e elaborando textos para a súa incorporación ao blog.
Realización de proxectos e traballos.
Manexo do email da Biblioteca.
4.4 Implicación das familias e do entorno.
Nas reunións de principio de curso prestarase especial atención a explicar aos
pais os aspectos máis destacados do Proxecto Lector de Centro, para que estes
animen aos seus fillos a ler e compartan con eles algúns deses momentos, dando
exemplo e procurando que o libro e as TIC formen parte da conversa diaria na casa,
así como a importancia de aproveitar calquera ocasión para regalarlles un libro e
acompañalos a que eles mesmos o elixan.
Plan de formación e actuación coas familias
23
Non cabe dúbida que a mellor aprendizaxe é o exemplo, cando os pais, os
avós, os irmáns len, os nenos/as senten curiosidade, imítan e interésanse nesa
actividade. Este sería o primeiro paso, dar exemplo: ler na casa, ter libros de diversos
tipos onde se poida escoller.
Estratexias con nenos/as de Educación Infantil :
Converter á lectura nunha rutina. O deitar os teu nenos cóntarlles un conto,
lerllo ou que o conte el.
Facer unha lectura viva: cambiando as voces, xesticulando, facendo vivir o
relato.
Explicar as ilustracións que aparecen, e motivalo para que faga deduccións
e indique el que vai pasar...
Percorrer co dedo as palabras, para que vaia pouco a pouco
recoñecéndoas.
Agasallar cun libro e disfrutar xuntos co mesmo.
Facer os carnés da biblioteca pública . Coller libros en préstamo para ler.
Facerlle preguntas sobre o conto lido ou contado.
Estratexias con nenos/as de educación primaria.
Ademais de todas as anteriores animalos a que lean buscando diferentes
libros de temáticas similares ou varias obras do mesmo autor.
Que lean en voz alta, calquera tipo de lectura, nos distintos formatos.
Habitualos a ler antes de deitarse.
Buscar diverso material que poida interesarlle: revistas, xornais, cómics,
contos...
Axudarlle a investigar, na búsquea de información non aportando os
resultados, se non os pasos que debe seguir para atopalo que busca.
Inculcar nos pais a necesidade de intercambio de libros entre os propios
alumnos/as.
Implicar as familias en diversas actividades que fomenten o gusto pola
lectura.
24
5 CRITERIOS E PROCEDEMENTOS DE AVALIACIÓN.
A avaliación do Proxecto está presente en cada un dos procesos dende o inicio
ata a elaboración das conclusións finais.
Será continua ó longo do curso e terá en conta as necesidades, modificacións,
e opinións de todo os membros implicados no mesmo, levándose a cabo un diario do
proceso lector, onde figurarán as incidencias, logros e fracasos, tanto do alumnado
como do profesorado; permitindo a obxectividade necesaria para a súa valoración, así
como aspectos positivos que a favorecen, ou que afloran en determinados momentos,
e que é importante ter en conta.
AVALIACIÓN INICIAL
Nesta fase analizaranse todo os factores
Hábitos lectores.
Actitude do Equipo Docente ante a estratexia.
Obxectivos que se pretenden conseguir.
Medios e recursos necesarios.
AVALIACIÓN DO PROCESO
Avaliaranse dous aspectos:
A) A elaboración do Proxecto:
Adecuación dos obxectivos.
Adecuación das actividades para conseguir los obxectivos.
Actitudes e motivacións dos alumnos e mestres.
Recursos.
Modificacións que se consideran necesarias.
B) En canto ó desenvolvemento do Proxecto:
Actitude, participación do profesorado, alumnos e familias.
Grado de satisfacción da Comunidade Educativa.
Cumprimento das actividades e actuacións propostas.
Modificacións que se consideran necesarias.
25
AVALIACIÓN FINAL
Grao de consecución dos obxectivos.
Análise dos obxectivos non conseguidos e por que.
Valoración das actividades.
Dificultades atopadas.
Aspectos susceptibles de mellorar.
Progresos detectados na lecto-escritura.
26
ANEXOS PARA LEVAR A CABO A AVALIACIÓN DO PROXECTO.
ALUMNO _________________________________________________ EDUCACIÓN _________________ NIVEL _____ IDADE __________ (Infantil ou Primaria)
1. Les :( Marca con un X)
S no colexio 1 día a semana
3 días a semana Todos os días
2. Cando estás de vacacións ( De Nadal ou de Vran)
Non les ningún libro Les 1 libro
Les dos libros 3 ou máis libros
3. Cando queres ler, escóllelo:
Na túa casa Na biblioteca do colexio
Noutra biblioteca Dun amigo
4. Cando recibes un regalo, algún deles é un libro:
Si Non
5. Os libros para ler
Elíxelos Les os que che dan
6. Os libros que tes na casa están no grupo: (Marca cun X)
Entre 20 e 100 Entre 101 e 300
Entre 300 e 500 Máis de 500
7. No teu tempo de lecer ( Indica do 1 o 8)
8.Xogas cos amigos Fas deporte Ves televisión Les
Fas actividades coa familia Ordenador-Videoxogo
27
SEGUIMENTO DOS LIBROS LIDOS NAS DISTINTAS AULAS
( Cubrirano os alumn@s)
NOME DO ALUMNO :_____________________________________
EDUCACIÓN _________________ NIVEL _____ IDADE __________ (Infantil ou Primaria)
8. Data elección do libro: ________________________________
9. Título : ___________________________________________
10. Autor: ____________________________________________
11. Temática: _________________________________________ (Misterio, Humor, Investigación, ...)
12. Data da conclusión do libro: ____________________________
13. Reacción do alumn@ ( Marca cun X unha das opcións)
Non o lin enteiro Non me gustou
Gustoume ¡Tedes que lelo!
Observacións ou suxerencias: _____________________________
___________________________________________________
28
SEGUIMENTO DOS LIBROS LIDOS NA AULA
( Cubrirano tódolos mestres)
NOME DO ALUMNO :_____________________________________
EDUCACIÓN _________________ NIVEL _____ IDADE __________ (Infantil ou Primaria)
1 Data elección do libro: ________________________________
2 Título : ___________________________________________
3 Autor: ____________________________________________
4 Temática: _________________________________________ (Misterio, Humor, Investigación, ...)
5 Data da conclusión do libro: ____________________________
6 Reacción do alunmno:
Non o lin enteiro Non me gustou
Gustoume ¡Tedes que lelo!
7 Dificultades advertidas
Atención Comprensión
Vocabulario Non tivo dificultades
Observacións ________________________________________
__________________________________________________
29
SEGUIMENTO DOS LIBROS LIDOS NA AULA MENSUALMENTE
( Cubrirano tódolos mestres)
TITOR :_________________________________ NIVEL _____ Nº ALU ___
1. Actitude do grupo ante a lectura : (Indicar en cada casilla o nº de alumn@s)
Non se centran na actividade Queren cambiar de actividade
Len por obrigación Disfrutan coa lectura
2. Temáticas coas que tiveron éxito: ________________________
_____________________________________________________
3. Valoración das lecturas:
Non o concluiron Non lles gustou
Gustoulles Recomendarían a súa lectura
3. Colaboración das familias nas lecturas:
Non fan ningún comentario, non lle dan importancia
Interésase nas lecturas que fai o seu fill@
Gústalle as seuxerencias que periódicamente recibe
Na súa casa fomenta o proceso lector
Colabora co centro no plan lector
30
MODELO PARA O DESENVOLVEMENTO DO PLAN LECTOR MENSUAL
AULA: ________________ MES: _____________
TEMPORALIZACIÓN MOMENTOS ACTIVIDADES
ESTRATEXIAS
AVALIACIÓN
1ª semana Antes da lectura -
-
-
2ª E 3ª semana Durante a lectura -
-
-
4ª semana Despois da lectura -
-
-
OBSERVACIÓNS:
31
SEGUIMENTO DA PROGRAMACIÓN ANUAL DO PLAN LECTOR DA AULA
ETAPA NIVEL Nº LIBROS TÍTUOS DOS LIBROS
EDUCACIÓN
INFANTIL
3 anos
4 anos
5 anos
EDUCACIÓN
PRIMARIA
1º
2º
3º
4º
5º -6º