Upload
others
View
21
Download
1
Embed Size (px)
Citation preview
UNIVERSITETI I GJAKOVËS ‘’FEHMI AGANI’’
FAKULTETI I EDUKIMIT
PROGRAMI: Edukim Fillor
PUNIM DIPLOME
“Aplikimi i Teknologjive në mësimdhënien bashkëkohore”
Mentori: Kandidatja:
Prof.Asoc.Dr. Edmond Beqiri Vesa Haxhijakupi
Gjakovë, 2020
2
Ky punim diplome u mbrojt më _____________ para Komisionit vlerësues në përbërje:
1. _______________________________, Kryetar
2. ________________________________ Anëtar
3. ________________________________ Anëtar
Komisioni vlerësues e vlerësoi punimin me notën ____(_____________).
Nënshkrimet e anëtarëve të Komisionit vlerësues:
1. ___________________ Kryetar
2. ___________________ Anëtar
3. ___________________ Anëtar
Ky punim është realizuar në Fakultetin e Edukimit, me qëllim të arritjes së titullit:
Bachelor i edukimit-Programi Fillor
3
PËRMBAJTJA
Mirënjohje ........................................................................................................................ 5
Abstrakti ........................................................................................................................... 6
Kapitulli 1 ........................................................................................................................ 7
1.1. Hyrje .................................................................................................................. 7
1.2. Qëllimi ............................................................................................................... 8
Kapitulli 2 ........................................................................................................................ 9
2. Disa koncepte metodologjike për mësimdhënien bashkëkohore .............................. 9
2.1. Planifikimi modern në mësimdhënie ................................................................. 9
2.2. Kuptimi i metodave në mësimdhënie .............................................................. 10
2.2.1. Metoda kur në qendër gjendet mësimdhënësi ........................................... 11
2.2.2. Metoda e mësimdhënies ku në qendër gjendet nxënësi ............................. 13
2.3. Metoda të rëndësishme që shfrytëzojnë TIK-un në mësimdhënie .................. 13
2.3.1. Bashkëveprimi në një klasë me shumë kompjuterë ................................... 14
2.4. Ç’kuptojmë me nocionin metoda bashkëkohore ............................................. 15
2.5. Aplikimi i metodave interaktive në arsimin fillor ........................................... 15
2.5.1. Karakteristikat e mësimdhënies interaktive në arsim ................................ 16
Kapitulli 3 ...................................................................................................................... 18
3. Teknologjia në mësimdhënie .................................................................................. 18
3.1. Çfarë është tekonologjia? ................................................................................ 18
3.2. Rëndësia e teknologjisë ................................................................................... 18
3.3. Teknologjia në edukim .................................................................................... 19
3.4. Avantazhet e përdorimit të tekonologjisë në mësimdhënie ............................. 21
4
3.5. Benefitet nga shfrytëzimi i tekonologjive në meimdhënien bashkëkohore ..... 21
3.5.1. Mbajtja dhe drejtimi vëmendjes ................................................................. 21
3.5.2. Kënaqësia ................................................................................................... 22
3.5.3. Autonomia.................................................................................................. 22
3.5.4. Përshtatshmëria .......................................................................................... 22
3.5.5. Ndjenja e vlerësimit ................................................................................... 22
3.6. Si duhet të përdoret teknologjia në procesin mësimor për të arritur rezultatet e
dëshiruara mësimore? ................................................................................................................ 23
Kapitulli 4 ...................................................................................................................... 26
4. Ndikimi i mësimdhënies digjitale ........................................................................... 26
4.1. Ndikimi pozitiv i teknologjisë në mësimnxënie .............................................. 27
4.1.1. Përdorimi i teknologjisë për nxënësit me nevoja të veçanta ...................... 29
4.1.2. Përdorimi i teknologjisë për nxënësit me dhunti ....................................... 29
4.1.3. Përdorimi teknologjisë në mësimdhënien e të shkruarit ............................ 29
4.2. Ndikimi negativ i teknologjisë në mësimnxënie ............................................. 30
4.2.1. Problemet në komunikim si pasojë e përdorimit të tepërt të teknologjisë . 31
4.2.2. Përdorimi i tepruar i teknologjisë dhe ndikimi negativ në shëndetin e
nxënësve 32
5. Përfundim ................................................................................................................ 34
6. Biografia e kandidates............................................................................................. 35
7. Literatura ................................................................................................................. 36
7.1. Burime nga interneti ........................................................................................ 36
5
Mirënjohje
Përgjatë këtyre katër viteve të studimit, ky rrugëtim nuk do të ishte i mundur, pa
ndihimën e personave shumë mbështetës e shumë me rëndësi.
Së pari, dëshiroj të falënderoj dhe i jam mirënjohëse udhëheqësit tim Prof.Asoc.Dr.
Edmond Beqiri, i cili me idetë dhe mbështetjen e tij ndihmoi në realizimin me sukses të këtij
studimi, me të cilin dhe shënoj përfundimin e studimeve të mia bachelor pranë Fakultetit të
Edukimit në programin Fillor.
Falenderoj të gjithë shoqërinë time për ndihmën e ofruar gjatë gjithë kësaj periudhe, si
dhe të gjithë ata persona të cilët kanë ndihmuar dhe kontribuar në realizimin e studimit.
Në përfundim, një falenderim dhe mirënjohje e veçantë shkon për familjen time, e cila
më është gjendur gjithmonë pranë, si dhe më ka mbështetur në çdo moment të realizimit të këtij
studimi.
JU FALEMINDERIT!
Vesa Haxhijakupi
6
Abstrakti
Interneti në ditët e sotmë është bërë mjet shumë i rëndësishëm për fëmijët, duke
zavendësuar shumë gjëra, ky mjet më shumë se çdo mjet tjetër e përgatit fëmijën dhe sjelljet e tij
për jetën në shoqëri.
Qëllimi i këtij punimi ishte që të shohim se si ndikon teknologjia në mësimdhënien
bashkëkohore.
Nga studimet e bëra rezultoi se në kohën bashkëkohore ndikimi i teknologjisë
informatike dhe të komunikimit (TIK) gjithnjë e më shumë bëhet i gjitheperfshires në shumë
sfera shoqërore. Ky zbatim nuk e anashkalon as arsimin. Arsimimi dhe dituria janë baza e çdo
zhvillimi njerëzor dhe ato janë e drejta fondamentale për çdo qenie njerëzore.
Dominimi i metodave tradicionale të cilat e fuqizojnë njohurinë enciklopedike dhe jo
specifike apo praktike, mungesa e mësimdhenies interaktive dhe inovacioneve bëjnë që
teknologjia informatike e komunikimit të shfrytëzohet si reformator për ti plotësuar kërkesat
globale për mësimdhënie sa më pragmatike dhe për ti ndjekur trendet bashkëkohore arsimore ku
nxënësi vendoset në qëndër të vëmendjes dhe ku amplifikohet të menduarit kritik dhe zgjedhja e
problemeve.
Nevoja dhe arsyeja e aplikimit të TIK-ut në arsim niset nga fakti i përgatitjes së të
rinjve për tu bërë liderë dhe të suksesshëm në këtë shoqëri të udhëhequr nga informacionet.
Fjalët kyçe: TIK, Teknologji, Arsim parauniversitar, Metodologji, Informacion,
Internet, Mësimdhënie
7
Kapitulli 1
1.1. Hyrje
Ky punim paraqet një pasqyrë të aplikimit të teknologjive në mësimdhënien
bashkëkohore. Shoqëria e bazuar në dituri nevojitet që të posedojë aftësi të mira komunikuese
dhe sociale, të jetë e mirë informuar dhe të jetë gjithmonë e gatshme të mësojë gjëra të reja. Për
t’u bërë pjesëtar të kësaj shoqërie qytetarët duhet të marrin pjese në mënyrë aktive në këtë
shoqëri dhe ti ndjejnë benifitet e ofruara nga ajo. Atyre duhet t’ju jepet mundësia që ti kenë dhe
arrijnë ato dituri dhe aftësi të nevojshme. Ato gjithashtu duhet që në mënyrë kreative ti arrijnë
dituritë dhe eksperiencat duke krijuar zgjidhje origjinale për problemet. Në kohën bashkëkohore
ndikimi i teknologjisë informatike dhe të komunikimit (TIK) gjithnjë e më shumë bëhet i
gjitheperfshires në shumë sfera shoqërore. Ky zbatim nuk e anashkalon as arsimin. Arsimimi
dhe dituria janë baza e çdo zhvillimi njerëzor dhe ato janë e drejta fondamentale për çdo qenie
njerëzore. Nevoja dhe arsyeja e aplikimit të TIK-ut në arsim niset nga fakti i përgatitjes së të
rinjve për tu bërë liderë dhe të suksesshëm në këtë shoqëri të udhëhequr nga informacionet.
Aftësitë e komunikimit, proçesimit, mendimit kritik dhe zgjedhjes së problemeve si dhe puna në
grupe janë esenciale në shoqërinë teknologjike dhe socioekonomike të shekullit 21. Arsimimi në
këtë mjedis të sofistikuar do të bëjë më shumë se vetëm lexim , shkrim apo përvetësim të
shkathtësive aritmetike. Duhet të ofrojë edhe shkathtësi pune që do ti ndihmonin të rinjtë ta
arrijnë potencialin e tyre njerëzor.
Zhvillimi i shoqërisë informatike paraqet një nga detyrat prioritare të të gjitha qeverive
botërore. Nuk ka dyshim se arsimimi është njëri nga segmentet kryesore në nxitjen dhe
përkrahjen e zhvillimit të shoqërisë informatike, edhe atë në dy aspekte. Pikë së pari, ky
segment duhet të jetë promotor i shoqërisë informatike dhe të inicojë krijimin e kuadrove
profesionale dhe kompetente të cilët mund tju përgjigjen sfidave të shoqërisë informatike dhe
nevojave të ekonomisë së bazuar në dituri. Së dyti, cilësia e proçesit edukativo arsimor në
mënyrë të drejtë mvaret nga zbatimi i teknologjisë informatike dhe komunikimit në po atë
proçes.
8
1.2. Qëllimi
Qëllimi i këtij punimi është të informohemi rreth aplikimit të tekonogjive në
mesimdhënien bashkëkohore.
Për të kuptuar rëndësinë e tekonogjis në procesin mësimor shtrojmë pyetjen se si dhe sa
përdorimi i pajisjeve kompjuterike në arsimin fillor dhe arsimin mesëm të ulët do ta stimulonte
motivimin e nxënësve për të mësuar, për t’i angazhuar ata gjatë aktiviteteve të mësimdhënies dhe
nxënies dhe si e sa teknologjia do të mbështeste metodat e të nxënit. Për t’iu përgjigjur kësaj
pyetje e cila do të shpjegonte rolin dhe rëndësinë e përdorimit të teknologjisë në procesin
mësimor, metodistë të arsimit kanë kryer studime të shumta gjatë të cilave kanë vërejtur se
përdorimi i pajisjeve kompjuterike në klasë paraqet me të vërtetë përfitime të veçanta. Ata
theksojnë se intervistat me mësuesit, nxënësit, prindërit dhe vëzhgimet në klasë tregojnë se
motivimi dhe përqendrimi i nxënësve gjatë aktiviteteve të të nxënit rritet kur ata përdorin paisje
kompjuterike për t’i përfunduar këto detyra.
Pajisjet teknologjike janë veçanërisht të dobishme për nxënësit e ciklit fillor gjatë
shkrimit të detyrave duke stimuluar kështu aftësinë e të shkruarit (kompetencën gjuhësore), por
kjo ndodh atëherë kur pajisja që përdoret ndërtohet nga një tastierë e plotë shkrimi. Përdorimi i
pajisjeve teknologjike mbështet metodat e të nxënit për nxënës me aftësi të ndryshme për të
nxënë, kështu përdorimi i tyre ndihmon nxënësit me aftësi të ndryshme konceptuale si dhe
nxënësit me nevoja të veçanta në përthithjen më të shpejtë të koncepteve të reja gjatë një teme
çfarëdo mësimi.
9
Kapitulli 2
2. Disa koncepte metodologjike për mësimdhënien bashkëkohore
2.1. Planifikimi modern në mësimdhënie
Kuptimi i planifikimit ka të bëjë me planin, projektin, hulumtimin dhe në fund gjetjen e
një zgjidhje optimale rreth një problemi të caktuar. Në jetën e përditshme dëgjojmë shpesh fjalën
plan, projekt, etj. ku njerëz të lëmenjve të ndryshme, si: ekonomistet, inxhinierët, politikanët,
hulumtuesit e natyrave të ndryshme, shpesh merren me projekte apo plane që kanë për qëllim
zhvillimin dhe realizimin e ideve të reja të një fushë të caktuar.
Kur kemi të bëjmë me planifikimin në mësimdhënie, nënkuptojmë interesimin,
motivimin dhe aktivitetin e nxënësit. Nuk është asgjë e tepruar nëse themi se ky planifikim
pedagogjik e ndërron në mënyrë substanciale mësimdhënien. Në krahasim me metodën klasike të
cilat thelbin e mësimdhënies e shohin në formën e përshtatjes së nxënësit përball materialeve
mësimore, ndërsa planifikimi bashkëkohor parasheh që materialet mësimore ti përshtatën
nxënësit. Ku vlera më e madhe e këtij planifikimi është demokratizimi në edukim. Me ç’rast
krijohet një situate në nxënie të mësimeve ku i mundësohet nxënësit të gjendet në qendër të
vëmendjes dhe të jetë aktiv në procesin mësimor. Edhe pse definimi i planifikimit në
mësimdhënie nuk është mjaft i qartësuar, por e vetmja gjë që është identifikuar është se zbatimi i
këtij planifikim në shkolla nënkupton diçka më tepër se sa aplikimi i mësimit tradicional gjatë
një ore mësimore.
Aplikimi i kësaj strategjie në arsim, ku nxënësit munden të punojnë në mënyrë
individuale apo grupore në realizimin e detyrave të tyre, është e një rëndësie të veçante për orën
mësimore dhe klasën në përgjithësi. Rezultati i këtij planifikimi gjithnjë paraqet një produkt
mental apo fizik, i cili rezultat mundet të paraqitet apo prezantohet.
Planifikimi në mësimdhënie përmban në vete disa etapa, si:
- caktimi e detyrave,
- planifikimin (definimin e objektivave të detyrës),
10
- organizimin,
- mbledhjen e të dhënave,
- analizën dhe krahasimin e të dhënave,
- ndërtimin e detyrës,
- vendosjen e rezultateve në një formë, të cilat mund të prezantohen,
- vlerësimin e punës, korrigjimin,
- bashkëpunimin e ngushtë nxënës-mësimdhënës,
- prezantimin e punës,
- veprimtaritë pas përfundimit të detyrës.1
2.2. Kuptimi i metodave në mësimdhënie
Integrimi i teknologjisë në arsim nuk është vetëm një mundësi, por edhe një
domosdoshmëri për të bërë procesin e mësimdhënies më atraktiv. Përdorimi i teknologjisë në
arsim duhet të fokusohet jo vetëm në pajisjet teknologjike, por gjithashtu është shumë i
rëndësishëm të përfshihet edhe në metodat pedagogjike.2
Në procesin arsimor mësimdhënësit përdorin metoda të ndryshme për përvetësimin e
njohurive, shkathtësive dhe shprehive, të cilat kushtëzohen nga përmbajtja e mësimit, por edhe
nga format që përdoren në organizimin e procesit mësimor.
Metodat e mësimdhënies ndahen në dy grupe:
- metoda e mësimdhënies ku në qendër gjendet mësimdhënësi, të cilat synojnë dhënien e
informacionit, në pajisjen e nxënësit me njohuri ,dhe
- metoda e mësimdhënies ku në qendër kemi nxënësin, të cilat ndjekin parimin që nxënësi
nxë më mire duke vepruar vetë.
1 http://www.scribd.com/doc/122335798/Kompjuteri-ne-shkolle
2 http://data.planetar.edu.al/files/Natyra%20e%20teknologjis%EB%20m%EBsimore416.pdf
11
Metodat ku në qendër gjendet mësimdhënësi Metodat ku në qendër gjendet nxënësi
- shpjegimi - metodat e punës ne grup
- biseda - diskutimi
- ligjërata - debati
- demonstrimi -
- të pyeturit -
2.2.1. Metoda kur në qendër gjendet mësimdhënësi
Roli i kësaj metode qëndron në pajisjen e nxënësve me njohuri që do të sigurojnë bazën
e të menduarit të mëtejshëm. Kjo paraqet mënyrën tradicionale të mësimdhënies dhe përfshin:
shpjegimin, ligjëratën, bisedën, demonstrimin dhe të pyeturit.
- Shpjegimi - kjo metodë ndryshe quhet edhe “ mësimdhënie e drejtpërdrejtë “. Ajo
synon sqarimin e koncepteve, ideve, shtjellimin dhe paraqitjen me hollësi të një teme
a koncepti. Tradicionalisht shpjegimi është bërë nga mësuesi, por sot bashkëvepron
edhe nxënësi.
- Biseda- është një nga metodat më të hershme në procesin e mësimdhënies dhe të të
nxënit. Që në Greqinë e lashtë, Sokrati, përdori me sukses këtë metodë, ndaj quhet
metoda sokratike ose euristike. Mësimdhënësi, gjatë dhënies së informacionit tërheq
nxënësit në bashkëbisedim që ai (informacioni) të përvetësohet sa më mire. Kjo
metodë organizohet mbi bazën e dialogut mësues-nxënës, ajo shërben:
a) për të paraqitur dijet e reja
b) për të kontrolluar të dhënat që kanë nxjerrë nxënësit nga hulumtimet e tyre
c) për përforcimin e dijeve
d) për të shkëmbyer informacion.
- Ligjërata - nëpërmjet metodës së ligjëratës, mësimi bën një paraqitje gojore të fakteve, ,
ideve, duke përdorur minimumin e ilustrimeve para nxënësve, të cilët mbajnë shënime.
12
- Anët negative të kësaj metode janë:
a) stimulon të nxënit pasiv, pasi nxënësi vihet në rolin e dëgjuesit dhe jot ë vepruesit
b) nuk i jep mundësi nxënësit të hulumtojë, të bashkëpunojë, të studiojë në thellësi, por
e lë atë në pozicionin e marrësit të informacionit.
c) shton probleme të disiplinës në klasë, pasi vëmendja e nxënësit nuk mund të jetë e
përqendruar për një kohë të gjatë.
- Demonstrimi - demonstrimi është metodë e pavarur, ai ndihmon për të komunikuar me
nxënësit gjatë përdorimit të metodave të tjera, si: kallëzimi, shpjegimi, ligjërata etj.
Demonstrimi nxit diskutimin krijues, shton veprimtarinë dhe pjesëmarrjen aktive të
nxënësve në mësim. Demonstrimi është një nga metodat më të vjetra të mësimdhënies.
- Të pyeturit -“Të dish të bësh pyetje, do të thotë të dish të japësh mësim. Arti i bukur i
mësimdhënies varet nga mjeshtëria e përdorimit të pyetjeve”. Xhon Djui (John Dewey).
- Të pyeturit nënkupton teknikën që bazohet në përdorimin e pyetjeve për të marrë
përgjigje nga nxënësit për një çështje të paraqitur.3
3 Musai, B. Metodologji e mësimdhënies, Tiranë, 2003
13
2.2.2. Metoda e mësimdhënies ku në qendër gjendet nxënësi
Kjo metodë përfshin mënyrën bashkëkohorë të mësimdhënies, dhe përfshin: punën në
grup, diskutimin dhe debatin.
- puna në grup u jep mundësi nxënësve të realizojnë qëllimet mësimore duke
bashkëvepruar me të tjerët. Nxënësit përmes punës në grup paraqesin idetë, pikëpamjet e
veta dhe informacionin që zotërojnë,
- diskutimi paraqet metodën e mësimdhënies ku në qendër ka nxënësin. Kjo për arsyeje se,
në ndryshim nga metodat e tjera, diskutimi mësimor hyn në metodat e punës në grup dhe
krijon në mësim një atmosfere të gjallë e të ngrohtë,
- debati është një metodë që karakterizohet nga një procedurë formale për paraqitjen e
argumenteve për një çështje të caktuar nga dy grupe kundërshtare para dëgjuesve duke
ndjekur një ecuri standarde. Një prej grupeve është pro problemit kurse tjetri kundër.
Për të zhvilluar një debat është e domosdoshme të kesh një problem, dy skuadra
debatuesish dhe një procedurë për të debatuar çështjen. Secila skuadër përbehet nga dy
ose tre debatuesë.4
2.3. Metoda të rëndësishme që shfrytëzojnë TIK-un në mësimdhënie
Bashkëveprimi gjatë mësimit bëhet në disa mënyra - për shembull: nxënës me nxënës,
nxënësi me grupin, dhe grupi me grupin.
4 Strukturë për zhvillimin e mendimit kritik (Të nxënit ndërveprues), (2001), Udhëzuesi 1, Prishtinë: QAK
14
Fig. Komunikimi dhe bashkëpunimi
Nxënësit munden që gjithashtu të bashkëveprojnë me njerëz të ndryshëm si me shokët
e klasës, mësuesin, nxënësit e klasave të tjera, anëtare komunitetit, ekspertë nga jashtë, dhe
njerëz nga e gjithë bota.
Faktorët e rëndësishëm janë:
- Të përpiqemi që të gjithë nxënësit të jenë aktiv në orë.
- Gjetja e mënyrës që nxënësit të dëgjojnë dhe të përgjigjen.
- Bashkëveprimi në laboratorin e kompjuterëve.
2.3.1. Bashkëveprimi në një klasë me shumë kompjuterë
Në klasat me shumë kompjutera mund të bëhen më shumë aktivitete grupore, sesa
mundet në një laborator tradicional të kompjuterëve.
15
2.4. Ç’kuptojmë me nocionin metoda bashkëkohore
Në teorinë dhe në praktikën e punës mësimore çështja e metodave është një nga
përmbajtjet me rëndësi të veçantë, meqë ato përcjellin tërë ecurinë e zhvillimit të proçesit
mësimor.
2.5. Aplikimi i metodave interaktive në arsimin fillor
Aplikimi i mësimit interaktiv në grupe të vogla kryesisht mund të organizohet në dy
mënyra:
1 Mënyra e parë është kur të gjithë grupet punojnë në një përmbajtje mësimore ose
zgjidhin një detyrë, realzojnë një eksperiment apo një detyrë laboratorike, një vëzhgim.
2 Mënyra e dytë është kur secili grup punon në detyra të ndryshme.
16
Zakonishtë grupet janë si tërësi, mikroklasë, por jo mikroklasë e rastësishme. Këto
grupe janë si tërësi të veçanta të klasës, të organizuara mes vedit me detyra të caktuara nga
mësuesi. Secili grup ka detyrat dhe planin e tij mësimor që do të duhet ta realizoj gjatë orës
mësimore.
Mësimi interaktiv - të nxënit aktiv promovon cilësinë e proçesit të të dhënies, por
paraqet një sistem dhe model inovator të punës mësimore e cila mbështetet në elemente të
ndryshme të mësimit problemor, mësimit zbulues - kërkimor, mësimit ekipor e të
individualizuar. Në këtë kontekst mësimi interaktiv ka ecuri dhe trajtim tjetër të përmbajtjeve, të
planifikimit dhe të përgatitjes së arsimtarit për punë.
2.5.1. Karakteristikat e mësimdhënies interaktive në arsim
Zbatimi i mësimdhënies interaktive kërkon mjete të ndryshme ndihmëse për mësim,
hapsirë të volitshme për punë, rregullim të interierit, aftësim të arsimtarëve për të zbatuar
mësimdhënie interaktive,aftësim i nxënësve e të tjera që do të thotë se mvaret nga shumë faktor
të rëndësishëm. Që të ndryshohet pasqyra e mësimit tradicional si çështje mjaft e rëndësishme
është vendosja e risive në mësim. Në teoritë praktike të didaktikës është pranuar qëndrimi për
17
ndryshimin e mësimit pasiv ndaj atij aktiv. Mënyra aktive e organizimit të mësimit e
karakterizon mësimin bashkëkohor, ndërsa mënyra pasive e karakterizon mësimin tradicional.
Proçesin e të nxënit aktiv e dallojnë disa karakteristika nga mësimi i rëndomtë, ndër të
cilat me rëndësi janë :
1. Strukturim tjetërfare i përmbajtjes së temës, njësisë mësimore, planifikimit
dhe pregatitjes për mësim;
2. Trajtim gjithpërfshirës i temës mësimore;
3. Kombinim qenësor i materialit teorik dhe praktik;
4. Dominim i punës së individualizuar ose i punës së kombinuar indviduale -
grupore;
5. Punë e pavarur e grupeve brenda orës mësimore për disa lëndë ose
aktivitete mësimore dhe ndërrimi i roleve në orën tjetër;
6. Dominimi i pozitës aktive të nxënësve dhe roli drejtues e organizues i
arsimtarit;
7. Qasje e punës në grupe, kontroll i drejtpërdrejtë, ndihmë nga nxënësit tjerë
dhe kooperim ndërmjet nxënësve;
8. Klasa transformohet në një ambient pune dhe nxënijeje;
9. Ka organizim të të nxënit;
10. Nxitja pozitive sipas shfrytëzimit të metodologjive dhe teknologjive
efikase mësimore.
18
Kapitulli 3
3. Teknologjia në mësimdhënie
3.1. Çfarë është tekonologjia?
Bota karakterizohet nga ndryshime të shumta dhe të shpejta, një pjesë e të cilave ka
ardhur dhe nga zhvillimi i shpejtë i teknologjisë së informacionit dhe komunikimit.
Arsimi duhet t’u përshtatet ndryshimeve të vazhdueshme të teknologjisë, dhe t’i përdorë ato
gjerësisht në procesin mësimor. Këtyre ndryshimeve arsimi duhet t’u përgjigjet, me ritme të
shpejta, me zhvillime të brendshme sasiore e cilësore për të transmetuar njohuri e aftësi
sistematike, koherente e të qëndrueshme te nxënësit, duke i reflektuar më pas këto në shoqëri
për krijimin e një të ardhmeje më pozitive për të gjithë. Në epokën e zhvillimit të teknologjisë së
informimit dhe komunikimit, përdorimi i kësaj teknologjie gjatë procesit mësimor është bërë një
domosdoshmëri për mësuesit. Ky zhvillim lidhet drejtpërsëdrejti me përditësimin e njohurive
dhe të aftësive të reja në fushën e edukimit nga mësuesi. Teknologjia ka fuqinë dhe potencialin
për të transformuar mjedisin profesional të mësimdhënies.
Ajo ndikon mësimdhënien e suksesshme dhe u krijon mundësi mësuesve për të mësuar dhe
bashkëpunuar me njëri-tjetrin, nëpërmjet shkëmbimit të ideve e përvojave dhe zgjidhjes së
problemeve të përbashkëta pedagogjike. Teknologjia e informacionit Shoqata e Amerikës
(ITAA) e përcakton Teknologjine e informacionit si: "Studimin, projektimin, zhvillimin,
zbatimin, mbështetjen apo menaxhimin e informacionit bazë të sistemeve kompjuterike,
veçanërisht aplikacionet softëare dhe hardëaret kompjuterike."
3.2. Rëndësia e teknologjisë
Para shekullit të njëzetë, tre mjetet kryesore të mësimit ishin mësuesi, teksti dhe tabela
e zezë. Librat, letrat, lapsat ishin mjetet themelore për të hyrë në komunikimin dhe shkëmbimin
e informacionit. Shekulli i njëzetë, solli mbizoterimin e teknologjisë në arsim. Shumë individë
19
do të argumentojnë se kjo është ende e vërtetë sot, por nuk mund të mohohet ndikimi në rritje i
teknologjisë në arsim. Roli i mësuesit si burimi kryesor i informimit në klasë ka ndryshuar në të
mësuarit organizativ, i cili çon nxënësit apo studentët për të kërkuar informacion të pavarur. Një
tipar dallues i arsimit në të gjitha nivelet në vitet e fundit është përfshirja e teknologjisë në
procesin e të mësuarit Përdorimi i teknologjive të reja përbën një nga ndryshimet më dramatike
në arsim. Kombinimi i kompjuterave dhe i përparësive të tjera teknologjike, si: videove me
karakter didaktik, hiperteksteve e programeve të tjera përbën një aspekt reformues në fushën e
arsimit. Në të gjitha vendet e botës janë bërë përpjekje të vazhdueshme për të inkorporuar
arritjet teknologjike në mjedisin shkollor dhe për t’i pajisur ato me infrastrukturë informatike.
Përdorimi i teknologjisë së komunikimit dhe të informacionit gjithnjë e më shumë në të gjitha
aspektet e shoqërisë, bën të rëndësishëm futjen e TIK-ut si një lëndë me rëndësi të veçantë. Kjo
bën të mundur që përdorimi produktiv dhe i besueshëm i TIK-ut të trajtohet si një mundësi
thelbësore për jetën. Kjo lëndë përfshin jo vetëm mjeshtërinë e aftësive teknike, por edhe
kuptueshmërinë për të zbatuar dhe aplikuar këto aftësi në jetën e përditshme, deri dhe në
punësimin e nxënësve, menjëherë pas përfundimit të gjimnazit. TIK-u u krijon mundësi
nxënësve të marrin pjesë dhe të angazhohen në shoqërinë bashkëkohore.
3.3. Teknologjia në edukim
TIK nënkupton të gjitha llojet e teknologjisë, të cilat përdoren për të shfrytëzuar dhe
manipuluar informacionin, pra kemi një kombinim të Teknologjisë me Informacionin dhe
Komunikimin. TIK në edukim kuptohet si një implementim i pajisjeve dhe mjeteve teknologjike
në procesin mësimor për të regjistruar dhe përpunuar informacionin në formë digjitale.
Përdorimil i teknologjisë në shkollat tona ka ndryshuar në mënyrë të ndjeshme këto vitet e
fundit. Kështu, për të pajisur nxënësit me aftësitë e nevojshme teknologjike, duhet të përdorim
metoda të reja të të mësuarit në krahasim me metodat e përdorura në të mësuarit tradicional.
Teknologjia dhe mjetet teknologjike janë bërë pjesë e edukimit në shkolla dhe synimi është të
përdorim teknologjinë në klasa si një mjet që zhvillon dhe nxit më tej procesin e të mësuarit.
Nxënësit, nga përdorimi i këtyre mjeteve të reja teknologjike kanë përfituar aftësi kompjuterike,
aftësi të cilat do të mund ti përdorin në të ardhmen në vendet e tyre të punës. Shkollat në sisemin
20
arsimor shqiptar kanë krijuar një infrastrukturë teknologjike, e cila optimizon integrimin e
teknologjisë në procesin edukativ. Përdorimi me efikasitet i teknologjive të reja që mbështet
procesin e të menduarit te nxënësit, rrit aftësinë e nxënësit për tu përqendruar në mësim,
përmirëson të kuptuarit dhe transferon përmbajtjen në një memorje afatgjatë. Duke u mbështetur
në këtë arsyetim, është synuar f i kthejmë klasat tradicionale në klasa të konceptuara mbi bazën
e teknologjisë. Ky proces kërkon që mësuesit të pajisen me aftësitë e duhura teknologjike dhe të
mësojnë të përdorin mjetet e reja teknologjike që mbështesin procesin e mësimdhënies te
nxënësit dhe progresin e tyre. Ja disa nga teknologjitë që mësimdhënësit duhet të përdorin:
- Kompjuteri: Shihet si një nga teknologjitë më të nevojshme në fushën e
mësimdhënies, deri para pak kohësh ai konsiderohej si një risi, tashmë ai është i
domosdoshëm për shkak të orientimeve teknologjike që kanë përfshirë
mësimdhënien.
- USB: Është njëra nga teknologjitë më të përparuara përsa i përket ruajtjes dhe
transmetimit të informacioneve të ndryshme, ato ekzistojnë në madhësi të
ndryshme dhe janë pjesë e pandashme tashmë e realitetit arsimor.
- CD/DVD: Janë mënyrat e vjetra të transmetimit dhe të ruajtjes së materialeve.
Por që janë mjaft frytdhënëse në rastet e prezantimeve të ndryshme. • Aparatet
fotografike dixhitale shumëfunksionale: Këto paisje kanë mjaft rëndësi në
fushën e mësimdhënies së gjuhëve të huaja, pasi me anën e tyre realizohet
regjistrimi dhe prezantimi i aftësive të çdonjërit nga nxënësit përsa i përket
aftësimit gjuhësor.
- Intemeti: Është teknologjia e cila ka revolucionalizuar mësimdhënien në çdo
skaj të botës. Me anën e tij, tashmë mësuesi nuk është e vetmja pikë e referimit,
por është koodinatori i hyrjeve të reja në kulturën arsimore të nxënësit.
- Tabela Interaktive: Është një teknologji mjaft e përparuar e cila ende nuk është
futur në masë në sistemin arsimor shqiptar, por ama për shkak të thjeshtësive,
risive dhe avantazheve që ajo paraqet, është mjaft e dëshiruar në dobi të punës
së tij (saj) nga çdo mësimdhënës.
21
- Video Projektori: Është një teknologji e cila gjendet mjaft në sistemin arsimor
shqiptar. Me anën e tij realizohet prezantimi i punimeve të ndryshme në fushën
didaktike dhe shkencore. Në të vërtetë ai është paraardhës i tabelës interaktive,
por ama për vetë kushtet e sistemit tonë arsimor ai ngelet si teknologjia më e
përparuar e cila përdoret në mësimdhënie.
3.4. Avantazhet e përdorimit të tekonologjisë në mësimdhënie
Fillimisht mësuesit duhet të dallojnë qartë lidhjen midis përdorimit të TIK dhe
programit të mësimdhënies.
- Ne duhet të dijmë ta përdorim teknologjine para se të mësojmë me ndihmën e
saj.
- Ne përdorim teknologjinë për të mësuar të njëjtat gjëra si më përpara sepse TIK
na lejon që të kemi një mësimdhënie: më të lehtë, më të shpejtë, më efikas.
- Shtrirje në një gamë më të gjerë materialesh njëkohësisht.
- Kemi të bëjmë edhe me një barazi mbi zgjedhjet e akseset e informacioneve.
Përshembull edhe nxënësit e krahinave rurale të izoluara kanë mundësi të kenë
informacione mjaft të vlefshme për mësimdhënien.
3.5. Benefitet nga shfrytëzimi i tekonologjive në meimdhënien
bashkëkohore
3.5.1. Mbajtja dhe drejtimi vëmendjes
Kompjuteri e tërheq vëmendjen me ndihmën e ngjyrave, zërave dhe fotografive
interesante. Vëmendja është më e madhe para kompjuterit pasi që njohuritë fitohen përmes lojës.
Shembull: Nxënësit të cilët kanë probleme me sjelljen (nxënës hiperaktiv, nxënës me vështirësi
gjatë mësimit) mund të kenë vëmendje më të gjatë para kompjuterit gjatë mësimit klasik.
22
3.5.2. Kënaqësia
Kompjuteri është burim i kënaqësisë, që paraqet faktor të rëndësishëm për sukses. Çdo
detyrë e kryer me sukses për të cilën nxënësi merr lavdërime i jep vetë besim dhe e rritë
dëshirën e tij për sukses.
3.5.3. Autonomia
Kompjuteri lejon që të tejkalohen një pjesë të mossukseseve me të cilat zakonisht has
nxënësi kur punon me mjetet shkollore. Nxënësi mund të realizojë ndonjë aktivitet në tërësi me
pjesëmarrje minimale të personit të tretë, i cili do t’i ndihmojë gjatë punës me veglat. Shembull:
Nxënësi me paralizë cerebrale ka vështirësi gjatë të shkruarit me laps në fletore. Përjeton
pengim dhe mossukses gjatë realizimit të këtij aktiviteti. Me ndihmën e aparateve asistive dhe
kompjuterin pavarësisht shkruan, është më i shpejtë dhe i lumtur për kryerjen me sukses të
aktivitetit.
3.5.4. Përshtatshmëria
Llojshmëria e mbështetjes dhe të veglave teknike lejon që të përshtatet vegla
kompjuteristike dhe/ose përmbajtjet e nxënësve të ndryshëm. Shembull: Aparatet e ndryshme
asistive dhe softueri përshtatet ndaj nevojave, mundësive dhe interesimeve të çdo nxënësi. Nuk
ekziston nxënës me nevoja të veçanta arsimore i cili nuk do të mund të përdorë kompjuter.
3.5.5. Ndjenja e vlerësimit
Kompjuteri ofron ndjenjë të vlerësimit dhe vetë vlerësimit të nxënësit. Ai është burim i
marrjes së përgjegjësisë dhe pjesëmarrje në grup dhe kontribuon në stabilizimin e sjelljeve.
23
3.6. Si duhet të përdoret teknologjia në procesin mësimor për të arritur
rezultatet e dëshiruara mësimore?
Teknologjia mund ta ndihmojë dhe e ndihmon nxënësin të zhvillojë të gjitha llojet e
aftësive nga ato më të thjeshtat deri te ato më të ndërlikuarat. Megjithatë, që teknologjia të jetë e
suksesshme, mësuesi duhet të bëjë zgjedhje të informuara në lidhje me qasjen pedagogjike,
nevojat e nxënësit dhe rezultatet e të nxënit. Për mësuesin, sa e rëndësishme është të dijë se për
çfarë do ta përdorë teknologjinë, po aq e rëndësishme është të dijë dhe mënyrën se si e nxëna
mund të përmirësohet përmes teknologjisë.
Integrimi i teknologjisë në klasë nënkupton shumë gjëra për mësues të ndryshëm. Kur
mësuesit pyeten se a e integrojnë teknologjinë në lëndët e tyre ata japin përgjigje të shumta të
tilla si:
- E përdor kompjuterin në klasë për të përforcuar çështjet që unë kam shpjeguar.
- Nxënësit e përdorin kompjuterin për të gjetur informacion.
- Nxënësit e mi përdorin word-in për të kryer detyrat e shtëpisë.
- Përdor power –pontin për të bërë prezantime në klasë.
Por a janë këta shembuj të integrimit të teknologjisë? Dikush mund të mendojë se secili
prej këtyre shembujve integron teknologjinë në klasë. Por çështja e vërtetë nuk qëndron në faktin
24
nëse teknologjia përdoret në klasë, por nëse ajo po përdoret për të përmirësuar procesin e të
nxënit.
Teknologjia nuk të garanton mësimdhënie/nxënie të dobishme, madje përdorime të
papërshtatshme të saj mund ta bëjnë të nxënit më të vështirë. Ky është rasti për shembull kur
nxënësi shpenzon më të shumtën e kohës për selektimin e shkrimit dhe zgjedhjen e ngjyrave në
detyrat e tij në vend që të planifikojë, të shkruajë dhe të rishikojë idetë e tij lidhur me detyrën e
dhënë.
Megjithëse për integrimin e teknologjisë flitet shumë, pak mësues kanë një vizon apo
filozofi të qartë për mënyrën e integrimit të saj në kurrikul me qëllim rritjen e cilësisë së
mësimdhënies dhe të nxënit. Tri pyetje ndihmojnë mësuesin për të përcaktuar meritat e
teknologjisë në një orë mësimi apo në një situatë të caktuar. Ato janë:
- A është përmbajtja mësimore e vlefshëm? (A janë rezultatet e të nxënit të qarta,
të lidhura me kompetencat kyçe dhe nivelet e arritjes së nxënësve).
- A e angazhojnë nxënësin aktivitetet e përzgjedhura mësimore?
- Sa e ka përmirësuar teknologjia mësimin në mënyrë që pa të, nuk do të ishte e
mundur?
Mësuesi duhet të jenë sa kompetent në lidhje me dijet, aftësitë dhe qendrimet që ai
dëshiron t’u mësojë nxënësve, po aq sa dhe vëzhgues i aftë i mjedisit në të cilin nxënësit
ndërtojnë dijet dhe ndërveprojnë me njëri tjetrin. Për këtë qëllim, filozofia e arsimit dhe qasja
arsimore luajnë një rol të rëndësishme në kornizën teorike të integrimit të teknologjisë për
përmirësimin e orës mësimore.
Për t’u siguruar se mjetet e teknologjisë janë përdorur në mënyrë efektive mësuesi
duhet t’i përdorë ato nëpërmjet zbatimit të teorive të përshtatshme të mësimdhënies. Filozofia e
kurrikulës së re të arsimit bazë është bazuar në qasjen konstruktiviste. Kjo qasje përkufizon: "të
mësuarit ndodh kur personi ndërton së bashku mekanizmin për të mësuar dhe versionin e tij unik
të dijeve, plotësuar këto me përvojat dhe aftësitë e tij personale" (Roblyer, 2006).
Sipas kësaj qasjeje dija ndërtohet, nuk transmetohet ndaj nxënësi gjeneron dije të reja
nëpërmjet aktiviteteve, përvojave dhe eksperimenteve. Qasja konstruktiviste me fokus nxënësin
25
në qendër, nxit përfshirjen e nxënësit në procesin e ndërtimit të dijeve dhe kërkon mënyra që
mësuesi të jetë lehtësues në procesin mësimor dhe jo të diktojë informacionin. Kjo qasje
dukshëm lidhet më mirë me integrimin e teknologjisë.
P.sh. mësimi zbulues si një formë e qasjes konstruktiviste inkurajon angazhimin aktiv,
nxit motivimin, autonominë, përgjegjshmërinë dhe pavarësinë e nxënësit. Nxënësi udhëzohet nga
mësuesi të bashkëveprojë dhe kryejë eksperimente për ta ndihmuar atë të ndërtojë dije dhe aftësi
duke u nisur nga dijet dhe aftësitë paraprake.
Detyra e mësuesit është të bashkërendojë informacionin e duhur në një mënyrë të
përshtatshme për të ndihmuar nxënësin ta kuptojë atë. Aktivitetet vizuale me programet
kompjuterike mund të jenë komponentë thelbësorë për të ndihmuar nxënësin të shohë se si
konceptet zbatohen në situata reale. Kjo i jep mundësi nxënësit për të eksploruar mjedise më
komplekse.
Një shembull i përdorimit të teknologjisë janë simulimet nëpërmjet lojërave
kompjuterike ku nxënësit luajnë rolin e vendimmarrësit në situata historike në mënyrë që të
shikojnë rëndësinë e këtyre ngjarjeve në jetën e tyre të përditshme dhe të zhvillojnë më mirë
aftësitë e të menduarit kritik dhe të zgjidhjes së problemit. Forma të tjera të përdorimit të
teknologjisë janë dhe udhëtimet virtuale në kohë. Nxënësit mësojnë rreth kulturave të ndryshme
duke parë fotografi, filma, videoklipe, prezantime në power-point dhe tekste të përzgjedhura.
Nxënësit, gjatë navigimit nëpër udhëtimin virtual, u përgjigjen pyetjeve të mësuesit.
Duke përdorur teknologjinë në qasjen konstruktiviste mësuesit e kanë më të lehtë të
përfshijnë nxënësit në aktivitetet mësimore. Ata mund të krijojnë aktivitete për nivele dhe stile të
ndryshme të të nxënit si dhe mund të zgjerojnë gamën e informacioneve që janë në dispozicion të
nxënësit.
Teknologjia është më shumë sesa një mënyrë tjetër/ndryshe e prezantimit të
informacionit, ajo është sistemi nëpërmjet të cilit informacioni prezantohet. Teknologjia, si pjesë
e teorisë konstruktiviste të mësimdhënies, është korniza e metodologjisë së
mësimdhënies/nxënies e cila siguron aftësitë për të suportuar të gjitha format kryesore të kësaj
teorie.
26
Kapitulli 4
4. Ndikimi i mësimdhënies digjitale
‘’TEKNOLOGJIA ËSHTË E ARDHMJA!’’
Kohët e fundit një pjesë e madhe e mësuesve kanë metoda të reja përsa i përket fushës
së mësimdhënies. Një prej tyre është pikërisht mësimdhënia teknologjike ose dixhitale.
Megjithatë, mbetet fakti për t’u theksuar që kjo është një punë tepër e vështirë për t’u realizuar
plotësisht me standardet e saj, në një vend të vogël si Shqipëria, ende të panjohur më këto lloj
metodash, bashkëkohore dhe moderne.
Kjo lloj mësimdhënieje është paraqitur eficente dhe frytdhënëse në shumë shkolla.
Bëhet fjalë për një orë mësimi me pajisje moderne, duke përmendur këtu: prezantimin e çdo
pune nga nxënësit me Powerpoint , shpjegimi nga ana e mësuesit në orë të veçanta me
videoprojektor, punimin dhe dërgimin e detyrave nga ana e nxënësve me e-mail, grupe të veçanta
në rrjetet sociale për të rritur aftësitë e tyre komunikuese, veçanërisht në gjuhët e huaja : anglisht,
italisht, spanjisht etj.
Metoda e kësaj mësimdhënieje është e përhapur në të gjithë Europën, madje
mbarëbotërore, duke siguruar rezultate mjaft të larta. Shtrohet pyetja: Pse ndodh kjo?
Të japësh mësim me këto pajisje moderne ndihmon në zhvillimin e aftësive mësimore të çdo
nxënësi, madje e ndihmon atë që të kuptojë më lehtë mësuesin. Nëse ndodh që ka pyetje nga ana
e nxënësve, atëherë mund të kthehet gjithçka mbrapsht vetëm me një klik. Çdokush duhet të
mësohet me idenë që teknologjia është e ardhmja dhe të sigurohet e të punojë të ketë një zotërim
të plotë të saj. Normalisht flasim gjithmonë për anët e saj pozitive dhe duke siguruar një eficencë
të plotë tek nxënësi.
Përveç kësaj, teknologjia realizon një orë tepër argëtuesë dhe jo lodhëse. Kuptohet që
nxënësit e sotëm janë të lidhur mjaft pas teknologjisë dhe kështu, duke e pasur orën mësimore
teknologjike, gjithçka do të ishte e thjeshtë dhe zbavitëse duke përfshirë këtu: kuize të ndryshme,
pyetje mësimore, gjithashtu dhe lojëra, të cilat në vetvete kanë hapjen e horizontit e të dijeve për
nxënësit.
27
Një orë mësimore teknologjike mund të përfshijë këtu dhe realizimin të çdo testi më
anë të këtyre pajisjeve moderne e bashkëkohore duke përfshirë tabletat, kompjuterat, madje dhe
smartphone-t, tendenca e sotme e çdo adoleshenti.
Gjithmonë nëse shfrytëzohen funksionet e tyre pozitivisht, duke siguruar kështu më
shumë dije dhe njohuri të reja. Realizimi i testeve në këto pajisje është i thjeshtë dhe të themi i
pagabueshëm, sepse ju e dini : ‘’Teknologjia nuk gabon’’. Çdokush ka tezën ë tij përkatëse duke
marrë në të vërtetë nxënësi atë që i takon, mundin e djersën e tij.
Megjithatë, kjo metodë është thuajse ende e parealizueshme në vendin tonë, edhe pse një pjesë e
madhe e shkollave te qyteteve të ndryshëm në Shqipëri , janë duke e vënë në funksion dhe duke
u përpjekur për ta arritur këtë qëllim.
4.1. Ndikimi pozitiv i teknologjisë në mësimnxënie
Sot, teknologjia informative ka një ndikim të shumanshëm në mësimdhënie dhe
mësimnxënie. Aq shumë ka ndikuar teknologjia saqë, sipas parashikimeve, në të ardhmen mund
të ndryshojë krejtësisht procesin mësimor, përkatësisht mund t’i ndryshojë raportet e faktorëve
që e determinojnë procesin e arsimit e këta janë: nxënësi, lënda mësimore, metodologjia e
mësimdhënies, mësimdhënësi dhe prindërit. E dimë se qysh në antikitetin grek, pedagogët e parë
janë munduar që ta konkretizojnë sa më shumë dhe ta bëjnë më të qartë atë që kanë dashur ta
transmetojnë tek nxënësit e tyre. Nëse duam të shkojmë edhe më thellë në histori, atëherë
përpjekjet e para për futjen e mjeteve ndihmëse në edukimin e brezave të rinj, i vërejmë qysh tek
njerëzit e pare. Le të fillojmë me format e para: Në shpella të ndryshme, 30.000 vite para erës
sonë, në vende të ndryshme të botës janë gjetur vizatime të ndryshme. Këto vizatime janë një
mesazh që u është drejtuar kryesisht njerëzve të asaj kohe dhe sigurisht mjetet që janë përdorur
për t’u dhënë formë këtyre vizatime janë eshtrat e kafshëve dhe guri. Më vonë, pas erës sonë,
revolucion në teknologji paraqet zbulimi i letrës nga kinezët, pastaj shkrimi me dorë i librave apo
i ashtuquajturi manuskripti etj. Në vitin 1450, teknologjia merr një hov edhe më të madh me
zbulimin e shtypshkronjës nga Gutenbergu. Viti 1700, shënon përdorimin e dërrasës së zezë dhe
shkumësit. Viti 1800-libri futet si element i tretë në mësimdhënie. Që nga viti 1940 e tutje,
hyjmë në të ashtuquajturën epokë audiovizuale, me ç’rast vit pas viti në mësimdhënie futen:
radio, televizioni, projektorët e ndryshëm, videot, informacioni zgjerohet, kemi zbulime të
28
rëndësishme në shkencë, zhvillime në kulturë etj. Ndërkaq që nga 1990 e tutje, praktikisht hyjmë
në epokën e kompjuterit, me ç’rast futet në masë përdorimi i tyre, pastaj tabelat smartbord,
interneti, laptopët e ndryshëm, rritet interaktivieti elektronik etj. Por, si do të ndikojë teknologjia
në të ardhmen në procesin mësimor? Ka shumë pikëpamje, por do të theksoja tri elemente që do
të mund të ndikonin dukshëm në procesin mësimor.
Këto janë:
1. Teknologjia e bazuar në Cloud,
2. Teknologjia e bazuar në biometrikë dhe
3. Teknologjia e bazuar në hologram.
- E para, teknologjia e bazuar në Cloud, mundëson ruajtjen e të dhënave, përpunimin e
tyre dhe akses online të palëve të interesuara. Shfrytëzimi i kësaj teknologjie në shkollë,
do ta shkarkonte nxënësin nga barra e madhe e librave, po ashtu do t’u jepte qasje
prindërve Grup autorësh (Charles G. Morris, Albert A. Maisto), Psikologjia, Tiranë 2008.
Për ta përcjellë evoluimin e fëmijëve në procesin mësimor e mësimdhënësit do të mund të
vëzhgonin thuajse pandërprerë punën e nxënësve edhe në klasë edhe në shtëpi.
- Biometrika është gërshetim i bioteknologjisë dhe teknologjisë së informacionit.
Kryesisht është e përqendruar, përveç të tjerash, në ngritjen e një sistemi identifikimi dhe
verifikimi të personave. Po ç’hyn kjo në procesin mësimor? Nëse flasim për një botë
gjithnjë e më të digjitalizuar, atëherë qasja në biblioteka elektronike, verifikimi në ditarët
shkollorë digjitalë e aspekte të tjera, biometriken e bënë të domosdoshme.
- Hologrami nënkupton një fotografi tredimensionale e cila edhe në pjesët më të vogla të
saj përfshin krejt foton. E gjithë kjo bëhet me ndihmën e laserëve, që përthyejnë pamjet
për t’u krijuar figura interference. Kjo teknologji bën të mundur ruajtjen e qindra fotove
dhe pasqyrimin e tyre në kohë reale. Nëse në një njësi mësimore nga historia, ne do të
kishim nevojë për t’i parë piramidat e Egjiptit, atëherë hologrami, do të na e mundësonte
t’i kishim para syve “live”. Madje, përmes hologramit, edhe vetë mësimdhënësi do të
mund të zëvendësohej. Mbase,për t’u përsosur interaktiviteti i hologramit-mësimdhënës
me nxënës e studentë do të duhet edhe pak kohë, mendoj në atë masë që mësimdhënësi
do të zëvendësohej plotësisht nga hologrami. Sigurisht, në Kosovë për të arritur kjo
29
teknologji duhet kohë, por këto janë tendencat e përfshirjes se teknologjisë informative
në procesin mësimor.
4.1.1. Përdorimi i teknologjisë për nxënësit me nevoja të veçanta
Ligji mbi përmirësimin e arsimit të individëve me paaftësi (IDEA – Individuals with
Disabilities Education Improvement Act) kërkon që për të gjithë nxënësit në nevojë për shërbime
arsimore të posaçme, të shihet mundësia e përdorimit të teknologjisë ndihmëse. Teknologji
ndihmëse është çdo product, pajisje ose sistem që përdoret për të ruajtur, rritur ose përmirësuar
aftësitë funksionale të individëve me nevoja të veçanta. Për nxënësit që kanë nevojë për tempo
më të ngadaltë dhe përsëritje të shumta për të mësuar një concept të ri, kompjuterët janë mësuesit
private më të mire e më të duruar, sepse përsërisin hapat dhe mësimet sa here që është e
nevojshme.
4.1.2. Përdorimi i teknologjisë për nxënësit me dhunti
Për nxënësit me dhunti, kompjuterët mundësojnë lidhje me bazat e të dhënave dhe me
kompjuteret ne universitete, muze e laboratore kerkimore. Rjetet e kompjutereve u krijojne
nxenesve mundesi te punojne me projekte dhe te ndajne informacione me te tjeteret ne mbare
vendin. Eshte gjithashtu e mundur qe nxenesit me dhunti tem und te ngarkohen te hartojne
programe per nxenesit e tjere e mesimdhenesit. Shume drejtore shkollash ne te gjithe vendin
mbeshteten te nxenesit, te cilet kontribuojne qe teknologjia kompjuterike ne shkolla te jete
funksionale
4.1.3. Përdorimi teknologjisë në mësimdhënien e të shkruarit
Studime të shumta janë bërë edhe në lidhje me disa qasje të tjera që lidhen me bazat e
mësimdhënies kompjuterike, sepse udhëzimet i ndihmojnë nxënësit të jenë në gjëndje të
korrigjojnë direkt në letër atë që kanë prodhuar pa patur nevojë për të riprodhuar tërë
dokumentin. Nxënësit, duke patur mundësi të korrigjojnë gabimet e tyre, kanë një mundësi më të
madhe që shkrimet e tyre të kenë një cilësi më të mirë. Kështu nxënësit bëhen më të përfshirë në
caktimin e materialit dhe ndihen më mirë sepse ata kanë një kontroll të drejtpërdrejtë të procesit
të tyre të të shkruarit duke rezultuar edhe më shumë entuziast. Një pjesë e mirë e studimeve kanë
30
analizuar avantazhet e shkrimit me kompjuter si një mënyre edukative e cila i ndihmon nxënësit
që shkruajnë në gjuhën e tyre.
4.2. Ndikimi negativ i teknologjisë në mësimnxënie
Përdorimi i teknologjisë e internetit është nevojë e njëherit edhe lehtësim i kryerjes së
punëve të shumta duke kursyer kohë. Mirëpo keqpërdorimi dhe përdorimi për kohë të gjata i tij
po dërgon në rezultate jo të mira.
- “Bota e trishtuar dhe e vetmuar zbulohet në hapsirën kibernetike”
- “Izolimi rritet me rritjen e përdorimit të internetit” .
Këto janë disa nga titujt qe hasen nëpër mediume, hulumtues të shumtë kanë parë që
ashtu siç thonë edhe rreshtat lartë, se përdorimi i internetit mund të shkaktojë izolim, vetmi e
depresion, interneti mund të jetë i dëmshëm për gjendjen psikologjike të disa njerëzve dhe se
rritja e përdorimit të internetit çon në zvogëlimin e raporteve njerëzore dhe në rënien e nivelit të
lumturisë. Përoruesit e mëdhenj të internetit manifestojnë një ulje të lehtë në disa aspekte të
31
marrëdhënieve të tyre shoqërore dhe vetëm një rritje të lehtë në vetë-raportimet për vetminë dhe
depresionin.
“Fëmijës duhet dhënë atë që i duhet, jo atë që e kërkon”, kjo është një shprehje e Sami
Frashërit e cila zë shumë vend në realitetin e sotëm ku fëmijët po bëhen gjithmonë e më shumë
pjesë e ambientit virtual. Mënyra e jetës, por edhe ambienti jonë ka ndryshuar shumë në
dhjetëvjeçarin e fundit. Është shtuar trafiku rrugor dhe dendësia e ndërtimit, duke bërë që
aktiviteti fizikë dhe mendorë i fëmijëve të jetë pothuajse i vdekur. Zhvillimi i teknologjisë ka
bërë që fëmijët të rriten në një ambient virtual duke marrë për bazë edukative të gjitha
informacionet e pakontrolluara që i ofron teknologjia. Deri në moshën 18 vjeç të rinjtë janë të
dhënë pas atij që quhet konsum mediatik, duke qenë më tepër të ekspozuar ndaj televizorit dhe
internetit. Por ajo që është kthyer në një fenomen dhe shqetësim për prindërit dhe specialistët
janë video lojërat ose siç quhen ndryshe lojërat kompjuterike. Për këtë çështje ka disa qëndrime.
Disa hulumtues mendojnë se video-lojërat ndikojnë në rritjen e inteligjencës dhe përmirësimin e
notave të fëmijëve. Ndërsa të tjerë thonë se ato kanë një sërë pasojash negative,si një qëndrim të
keq të trupit, probleme në komunikim në mjedisin e tyre,izolim social, obeziteti, ekspozimi ndaj
dhunës, etj. Kjo problematikë nuk është lokale por ka një përhapje ndërkombëtare.
4.2.1. Problemet në komunikim si pasojë e përdorimit të tepërt të
teknologjisë
Përdorimi pa kontrollë i paisjeve teknologjike mund të dërgoj në varëshmëri dhe izolim
nga familjarët e shoqëria, kjo mund të sjellë dhe mangësi në komunikim. Si pasojë e përdorimit
të tepruar, të pakontrolluar nga të rriturit shembulli kopjohet edhe nga fëmijët, qasja është e
thjeshtë e shumë herë e palimituar për të lundruar në internet.Nuk vihet aspak në dyshim
dobishmëria dhe rëndësia që ka interneti në zhvillimin edukativ, kulturor e arsimor tek nxënësit,
sepse në internet përveçse informacioneve ka edhe lojëra e materiale të dobishme të cilat
zhvillojnë inteligjencën e fëmijëve.
Rezultatet e pritshme i detyrohen më së shumti, përdorimit pa kriter, me orë të zgjatura
të internetit dhe pa kontroll nga të rriturit, duke zbuluar pasojat që sjell përdorimi i tij dhe së
fundi por jo më pak i rëndësishëm rekomandimet kryesore lidhur me masat që duhen marrë për
shmangien e këtyre problemeve nga institucionet arsimore, familja dhe shoqëria në përgjithësi.
32
Kohët e fundit zhvillimi i teknologjisë informative, sidomos i internetit dhe i telefonave mobilë,
po ndikon ndjeshëm dhe në shkallë shqetësuese në riorientimin e të rinjve, sidomos të nxënësve,
ndaj mësimit duke krijuar dhe pengesa në komunikim. Kjo tashmë nuk mund të quhet dukuri,
sepse ka marrë shtrirje aq gjithëpërfshirëse sa nuk duket e mundshme të ndërhyhet në mënyrë të
organizuar nga instanca të ndryshme shoqërore.
I mbetet familjes të shtojë përkujdesjen ndaj fëmijëve të saj që së paku përdorimi i
internetit të marrë qasje të kontrolluar, ngase shkëputja nga ai tashmë duket e pamundshme dhe,
për më shumë, kërkesë absurde. Nga bisedat në familje të shumta janë shfaqur shqetësime nga
prindërit, pa përjashtim, se trendët aktualë të përdorimit të internetit çojnë në përmasa të
pakontrolluara të qasjes ndaj tij,e kjo pashmangshëm në rënien e interesimit për mësim.
4.2.2. Përdorimi i tepruar i teknologjisë dhe ndikimi negativ në shëndetin
e nxënësve
Kompjuterët me siguri mund tju ofrojë fëmijëve mundësi te reja të edukimit ,
kreativitetit dhe zbavitjes. Fëmijët janë mësuar ta përdorin kompjuterin në mosha fare të hershme
dhe ata janë duke konsumuar gjithnjë e më shumë kohë para ekranit të tij duke parë filma, duke
bërë lojra apo duke parë emisione informative.
Koha që femijët harxhojnë para kompjuterit i largon ata nga ndërveprimet dhe
komunikimet me bashkëmoshtarët e tyre , nga aktivitetet sportive , nga eksplorimi i natyrës , nga
aktivitetet artistike si muzika , vizatimi , baleti , këndimi e shumë e shumë të tjera. Ja disa rreziqe
shëndetësore që janë identifikuar gjatë përdorimit për një kohë të gjatë të kompjuterit nga ana e
femijeve.
- Dëmtimet: Kur fëmijët përdorin kompjuterin për orë të tera ai krijon një tendosje
të muskujve , tendinave dhe nervave te qafës , krahëve dhe të duarve dhe i vë këto
pjesë të trupit nën një kërcënim që quhet “ sindromi i lëvizjeve të përsëritura. Ky
sindrom ndodh edhe tek të rriturit në rastet kur ata i nënshtrohen një pune te gjatë
dhe të lodhshme në kompjuter. Kjo mund të jetë e dhimbshme dhe është
veçanërisht e rrezikshme kur trupat e tyre (fëmijeve) që janë akoma në rritje.
33
- Problemet me shikimin: Fëmijët mund të rrezikohen nga strabizmi kur ata
qëndrojnë për ore të tëra pa shkëputje para ekranit të kompjuterit. Sidomos tek
grupmoshta deri në 10 vjec nuk këshillohet absolutisht qëndrimi para ekraneve të
kompjuterave apo edhe televizorëve më shumë se 1 orë në ditë .Kur sistemi i tyre
pamor është në zhvillim ai ka nevojë për stimulim nga bota reale , përvojat
vizuale dhe një mundësi për të parë objektet që janë afër dhe larg, të sheshtë dhe
3- dimensionale, të palëvizshme dhe te levizshme dhe me plot ngjyra të
ndryshme, etj.
- Mungesa e palestrës dhe problemet me peshën : Fëmijët të cilët kalojnë shumë
kohë perpara kompjuterit kanë tendencë që të shpenzojnë më pak kohë duke bërë
aktivitet fizik. Ata kanë nevojë për tu ushtruar çdo ditë për të permiresuar forcën
fizike me ate te aktivizimit te muskujve. Gjithashtu aktiviteti fizik është i
nevojshëm edhe për të djegur kaloritë. Fëmijët të cilët nuk merren me aktivitete
fizike janë në rrezik per të zhvilluar sëmundje të zemrës , obezitet , diabet dhe
probleme emocionale që kanë të bëjnë me çështjet e vetë besimit dhe kurajos.
Parandalimi i këtyre dëmtimeve në shëndet mund të bëhet përmes këtyre
shprehive që duhet përcjellur fëmijëve:
- Siguroni një pozicion qëndrimi korrekt dhe të shëndetshëm të fëmijës përpara
kompjuterit:Sigurohuni që ndriçimi i ambjentit në të cilin fëmija qëndron para
kompjuterit të jetë optimal. Merrni masa që pozicioni i karrikës të jetë ai i duhuri
dhe të sigurohet edhe mbështëse për këmbet. Kur duart e fëmijës suaj janë në
tastierë duhet që ato të jenë pak më poshtë se niveli i bërrylave të tyre. Ekrani
duhet të jetë në nivel me kokën në mënyrë që të parandalohet tendosja e muskujve
dhe nervave të qafës.
- Caktoni limite kohore: Ekspertët rekomandojnë jo më shumë se një apo dy orë
përpara ekranit në total në ditë (kompjutera, televizion, filma dhe video games).
- Bilanci i kohës para ekranit me aktivitetet e tjera të shëndetshme:Sigurohuni që
fëmija juaj harxhon të pakten 75 % te kohës së lirë duke luajtur me fëmijët e tjerë,
duke bërë stërvitje, duke eksploruar natyrën jashtë dhe duke shijuar aktivitetet
krijuese dhe argëtuese.
34
5. Përfundim
Për fund, për t’u përballur me ndryshimet themelore që po sfidojnë komunitetet
arsimore sot, veçanërisht me integrimin e teknologjisë, është më se i nevojshëm hartimi i
politikave dhe i strategjive me synime arsimore afatgjata dhe arritje të reja arsimore. Teknologjia
informative nuk është vetëm një mjet për të prezantuar përmbajtet ekzistuese përmes mjediseve
të reja, por ai është gjithashtu një mjet për paraqitjen e modeleve të reja të të nxënit. Në shkollat
tona nuk ekziston mënyra e organizuar e mësimit përmes përdorimit të kompjuterit nga nxënësit
dhe mësimdhënësit, në mënyrë që nxënësve t’u mundësohej qasje më e lehtë për përdorimin e
kompjuterit për qëllime arsimore. Disa shkolla kanë kompjuterë e disa jo, mirëpo nuk është e
rëndësishme vetëm prania e kompjuterëve në shkolla, por kërkohet aftësim pedagogjik për
përdorimin e tyre si për mësimdhënës, ashtu edhe për nxënës. Mësimdhënësit vetëm janë trajnuar
për disa programe kompjuterike.
Ekzistojnë dy kategori kryesore të shfrytëzimit të kompjuterëve: mësim "nga"
kompjuterët dhe mësim "me" kompjuterët. Për të realizuar këtë, kërkohet orientim dhe udhëzim i
mësimdhënësve për t’i stimuluar nxënësit që teknologjinë ta përdorin për arsim. Shumë nxënës
kanë shkathtësi që ta përdorin kompjuterin, por ekziston një dallim i dukshëm në mes
shkathtësive në teknologjinë informative dhe përdorimit të teknologjisë informative për qëllime
pedagogjike. Disa nxënës kompjuterin e përdorin për lojëra të ndryshme në internet, që po
ndikojnë në shpenzimin e kohës për shkaqe argëtuese dhe po krijojnë edhe varshmëri te fëmijët.
Komunikimi në rrjete sociale në mes të nxënësve është shpenzim i madh i kohës për biseda me
shoqëri dhe që nuk rezulton me kurfarë rezultati mësimor. Po ashtu edhe mos kujdesi i prindërve
për mbajtjen nën kontroll të fëmijëve të tyre lidhur me atë se çka shohin në televizor, çka luajnë
në internet dhe me video lojra, si dhe me kë komunikojnë është shqetësim i mësimdhënësve, të
cilët kërkojnë kujdes më të shtuar ndaj fëmijëve të tyre, që kjo po ndikon shpesh në sjellje jo të
mira, në mënyrën e jetesës dhe në suksesin e tyre në shkollë.
Pra, teknologjia informative është e domosdoshme, mirëpo kohëzgjatja, përdorimi e
përmbajtja duhet të jenë nën mbikqyrjen e të rriturve.
35
6. Biografia e kandidates
Autorja e këtij punimi të diplomës quhet Vesa Haxhijakupi, e lindur më: 11.09.1996.
Shkollën e mesme të ulët e përfundoi në shkollën “Ramiz Sadiku” në Pejë. Shkollën e
mesme të lartë e përfundoi në gjimnazin “Bedri Pejani” në Pejë.
Pastaj vazhdoi studimet në Universitetin e Gjakovës “Fehmi Agani”, në Fakultetin e
Edukimit – Programi Fillor.
36
7. Literatura
1. Bardhyl Musai, Mirjana Rrapo, “ Aspekte të mësimdhënies “, Prishtinë, 1997
2. Beqiri, Edmond, Bazat e informatikës, Universiteti i Prishtinës, Prishtuinë, 2006
3. Grup autorësh (Bardhyl Musai, Jonila Godole, Tidita Abdurrahmani), Edukimi mediatik,
Tiranë, 2011.
4. Grup autorësh (Charles G. Morris, Albert A. Maisto), Psikologjia, Tiranë 2008.
5. Islam Krasniqi - “ Sisteme e Strategji të Mësimdhënies Bashkëkohore “ Prishtinë, 2005
6. Statovci-Shala, Safete, Shkaqet e humbjes së interesimit të nxënësve për mësim,
Prishtinë, 2014
7. Woolfolk, Anita, Psikologji edukimi, Tiranë 2011.
7.1. Burime nga interneti
1. http://elisareci.weebly.com/uploads/2/0/3/7/20379979/teknologjia_ne_mesimdhenie.pdf
2. https://archive.org/stream/TeknologjiaNMsimdhnie/Teknologjia%20n%C3%AB%20m%C3%ABsimdh%C
3%ABnie_djvu.txt
3. http://ukschool-ks.com/perdorimi-i-teknologjise-ne-mesimdhenie/
4. http://www.portalishkollor.al/kuriozitet/arsyet-dhe-rendesia-e-perdorimit-te-teknologjise-ne-klase
5. http://omi.al/slider-2/shendeti-i-femijes-dhe-perdorimi-pa-kriter-i-kompjuterit/
6. https://www.academia.edu/31792185/METODAT_EFEKTIVE_T%C3%8B_KOMUNIKIMIT_N%C3%8
B_M%C3%8BSIMDH%C3%8BNIE_Msc._Aurora_Gixhari_