Upload
others
View
1
Download
0
Embed Size (px)
Citation preview
Page 1 of 17
Republika e Kosovës
Republika Kosova-Republic of Kosovo
Qeveria –Vlada-Government
Ministria e Financave
Ministarstvo Finansija – Ministry of Finance
Raporti i punës për vitin 2016
për
Ministrinë e Financave
(përmbledhje)
Page 2 of 17
1. PËRGATITJA E LEGJISLACIONIT
Ministria e Financave ka realizuar 85% të Programit të saj Legjislativ për 2016,
që është një rritje prej 20% krahasuar me vitin paraprak.
Në vitin 2016, janë paraparë 18 Projektligje nga Ministria e Financave1. Nga këto,
14 Projektligje janë miratuar në Qeveri, 1 Projektligj është në procedurat e
miratimit në Zyrën e Kryeministrit, dhe 3 Projektligje janë në procedura brenda
Ministrisë së Financave. Me këto 14 ligje të aprovuara në Qeveri, Ministria e
Financave ka kontribuar me 35% në programin legjislativ të Qeverisë.
Disa nga ligjet më të rëndësishme janë:
1. Ligji për Ndihmën Shtetërore;
2. Ligji për parandalimin e pastrimit të parave dhe financimit të terrorizmit;
3. Ligji për Fondet Pensionale;
4. Ligji për Prokurimin Publik;
5. Ligji për Kontrollon e Brendshëm të Financave Publike;
6. Ligji për Financat e Pushtetit Lokal
7. Ligji për Faljen e Borxheve Publike.
8. Ligji për Buxhetin e Republikës së Kosovës për vitin 2017;
9. Disa ligje për ratifikim të marrëveshjeve financiare ndërkombëtare.
Sa i përket akteve nënligjore, Ministria e Financave ka miratuar/sponsorizuar 13
akte nënligjore, prej të cilave 7 i ka miratuar Ministri i Financave dhe 6 janë
miratuar nga Qeveria. Krahasuar me vitin 2015, janë miratuar 4 akte nënligjore
më shumë.
1 Sipas Programin Legjislativ të Qeverisë së Republikës së Kosovës, e përditësuar më 23.11.2016.
Ministria e Financave
35%Të gjitha ministritë e
tjera65%
Ligjet e miratuara gjatë vitit 2016
Page 3 of 17
2. DOGANA E KOSOVËS
Të hyrat
Dogana e Kosovës gjatë këtij mbledh 1,040 mil euro, që është 88 mil euro (apo
9.3%) më shumë se vitin paraprak, me gjithë zvogëlimin e të hyrave doganore
prej 22.8 mil euro për shkak të zbatimit të MSA-së. Krahasuar me fillimin e
mandatit të Qeverisë, Dogana e Kosovës sot mbledh 171 mil euro më shumë.
Përmirësimi i kushteve të të bërit biznes
Dogana ka bërë progres të madh në thjeshtëzimin e procedurave doganore, të
dëshmuar në raportin e Bankës Botërore për vitin 2016. Indikatori “Tregtia
përmes kufijve”, që ka të bëjë me Doganën, ka pasur ngritje për 8 pozita krahasuar
me vitin paraprak.
Rangimi në kushtet e të bërit biznes lidhur me “Tregtinë përtej kufijve”
2016 2017 Ndryshimi
Rangimi i përgjithshëm 59 51 +8 vende
Koha për eksport: Pajtueshmëria kufitare (orë) 56 42 14 orë më pak
Kosto për eksport: Pajtueshmëria kufitare (USD) 137 137
Koha për eksport: Pajtueshmëria dokumentare (orë) 50* 38 24 orë më pak
Kosto për eksport: Pajtueshmëria dokumentare (USD) 177** 127 100 USD më pak
869,000,000
951,000,000
1,040,000,000
2014 2015 2016
Te hyrat e mbledhura nga Dogana
Page 4 of 17
Ky përmirësim në rangim është bërë falë zbatimit të procedurave të thjeshtëzuara
të eksportit, ku eksportuesve ju ofrohen shërbime gjatë 24 orëve, kalimi i
kontrollit doganor përmes kanalit të verdhë për 5 minuta, zbatimi i procedurave
siç parashihen me MSA etj.
Reformat kryesore të ndërmarra në Doganë
Reformat kryesore që janë ndërmarrë deri më tani përfshijnë:
1. Operacionalizimi i plotë i sistemit ASYCUDA World:
• Ka ndikuar në vlerësimin e kostos kohore dhe financiare
• Në veçanti, ka pasur ndikim në përmirësimin e rangimit si rezultat i
lehtësirave në procesin e eksportit
2. Koridori për Transit Kosovë - Shqipëri:
• Ka eliminuar nevojën për “Dokument Tranziti”
• Ka rezultuar në uljen e kohës së nevojshme kalim kufitar të mallrave
• Ka ofruar lehtësi për eksportin e mallrave përmes rrugëve ujore
3. Thjeshtëzimi i procedurave të zhdoganimit:
• Dogana-pa-letër
• E-pagesa
• Përzgjedhja e terminalit më të afërt doganor
• Kontrollet sipas përzgjedhjes së bazuar në risk
Kjo reformë është shembull që po përdoret në nivel ndërkombëtar nga Banka
Botërore
Reformat e ardhshme:
1. Ofrimi i statusit të Operatorëve Ekonomik të Autorizuar, që mundëson
përfundimin e procedurave të zhdoganimit pas kalimit kufitar të mallit
2. Krijimi i një dritareje të vetme kufitare me Agjencionin e Veterinës dhe
Ushqimit (AVUK), Policinë e Kosovës, dhe AKPPM-që mundëson
përfshirjen e këtyre institucioneve ne ASYCUDA dhe shkurtimin e
mëtutjeshëm të kohës së nevojshme për tregtim
3. Krijimi i Portalit Tregtar për të ngritur transparencën dhe monitorimin e
kohës dhe kostos për pajtueshmëri dokumentare dhe kufitare nga sektori
privat
Page 5 of 17
3. ADMINISTRATA TATIMORE E KOSOVËS
Të hyrat
ATK sivjet realizon të hyra prej 393 mil euro, që është 60.2 mil (apo 18%) më
shumë se në vitin paraprak. Krahasuar me fillimin e mandatit të Qeverisë, ATK
mbledh 88 milion më shumë të hyra.
Pajisja me arka fiskale
Janë pajisur me arka fiskale 2,308 biznese të reja.
Progres i mirë është arritur në fiskalizimin e pikave të karburanteve, ku rreth 60%
e tyre janë fiskalizuar apo janë në proces të fiskalizimit.
Në pajisjen me arka fiskale ka ndikuar shumë projekti i nxitjes së qytetarëve për
të mbledhur kopunët fiskal me rastin e blerjes së mallrave. Në tremujorin e tretë,
janë dorëzuar 277 mijë pliko me kuponë fiskalë nga qytetarët.
Shuma e TVSH-së të rimbursuara nga fillimi i aplikimit të kësaj politike në
tremujorin e dytë të vitit 2015 e deri në tremujorin e tretë të vitit 2016 është 13.2
mil euro.
305,000,000 334,000,000
393,000,000
2014 2015 2016
Te hyrat e mbledhura nga ATK
Page 6 of 17
Falja e borxheve
Nga Ligji për Faljen e Borxheve Publike, ATK ka falur borxhe prej 216 mil euro,
ndërkaq janë mbledhur të hyra si rezultat i këtij ligji në shumë prej 24.2 mil euro.
24,263
56,219
127,376
171,436
215,342
277,304
0
50,000
100,000
150,000
200,000
250,000
300,000
TM2 / 2015 TM3 / 2015 TM4 / 2015 TM1 / 2016 TM2 / 2016 TM3 / 2016
Nr i plikove të dorëzuara
342,105
910,770
2,209,645
2,994,270
3,919,635
2,812,865
0
500,000
1,000,000
1,500,000
2,000,000
2,500,000
3,000,000
3,500,000
4,000,000
4,500,000
TM2 / 2015 TM3 / 2015 TM4 / 2015 TM1 / 2016 TM2 / 2016 TM3 / 2016
Shuma e TVSh-se te rimbursuar, Euro
Page 7 of 17
Përmirësimi i kushteve të të bërit biznes
ATK ka bërë reformë të thellë në shërbimet për tatimpagues. Në raportin e të bërit
biznes të Bankës Botërore, Kosova ka përmirësuar rangimin ndërkombëtar për 34
pozita në fushën e pagesës së taksave, nga pozita 77 në pozitën 43.
Rangimi në kushtet e të bërit biznes lidhur me “Pagesën e taksave”
2016 2017 Ndryshimi
Rangimi i përgjithshëm 77 43 +34 vende
Numri i pagesave (deklarimeve) 32 10
Koha për deklarim (orë) 155 155
Norma e Përgjithshme Tatimore 15.2 15.2
Reformat në ATK
Reformat kryesore të ndërmarrë nga ATK gjatë kësaj periudhe përfshijnë:
1. Deklarimi online për 100% të Deklarateve Tatimore;
2. Ofrimi online i shërbimeve administrative tatimore, që shkurton koston dhe
kohën e kryerjes së shërbimeve në zyrat e ATK-së,
3. Njohja e shpenzimeve të trajnimit si pjesë e pakos së fundit fiskale, e cila
ulë barrën tatimore për bizneset që investojnë në ngritjen e kapacitetit të
fuqisë punëtore;
Si rezultat i këtyre reformave, është përmirësuar perceptimi i bizneseve për ATK-
në.
Reformat e ardhshme përfshijnë:
1. Digjitalizimi i plotë i shërbimeve administrative tatimore, ku shumë shpejt
pritet të fillojë lëshimi i certifikatave tatimore online për bizneset;
2. Avansimi i procesit të rimbursimit të TVSH-së bazuar në analizë risku,
duke targetuar periudhë maksimale kthimi prej një muaj;
3. Riorganizimi i procesit të kontrollit 100% bazuar në risk për të minimizuar
koston kohore nga kontrolli tatimor
Page 8 of 17
4. ZBATIMI ME SUKSES I MARRËVESHJES SË STABILIZIM-
ASOCIIMIT
Ministria e Financave me sukses është duke e zbatuar MSA-në. Sipas vendimit të
Qeverisë (nr.06/22, dt.03.04.2015), Ministria e Financave është përgjegjëse për
nëntë kapituj:
Blloku 2 - Kriteret Ekonomike
Ekzistenca e ekonomisë funksionale të tregut
Blloku 3 - Standardet Evropiane
Kapitulli 4: Lëvizja e lirë e kapitalit
Kapitulli 5: Prokurimi publik
Kapitulli 9: Shërbimet financiare
Kapitulli 16: Tatimet
Kapitulli 17: Politikat ekonomike dhe monetare
Kapitulli 29: Unioni Doganor
Kapitulli 32: Kontrolli financiar
Kapitulli 33: Dispozitat financiare dhe buxhetore
Gjatë vitit 2016, Ministria e Financave ka përfunduar 39 aktivitete (22 masa
legjislative dhe 17 masa zbatuese). Dogana e Kosovës nga data 1 prill 2016 ka
filluar me zbatimin e MSA-së. Gjatë kësaj periudhe është përshtatur sistemi i
doganimit në përputhje me kërkesat e MSA-së.
Sot rreth 75% e mallrave që vijnë nga vendet e BE-së i nënshtrohen normës së
reduktuar të tatimit doganor, me tendencë që sipas planit deri më 2022 rreth 99%
e mallrave që vijnë nga vendet e BE-së të jenë të liruara nga tatimi doganor. Si
rezultat i kësaj, kjo marrëveshje i ka reduktuar të hyrat nga Dogana për 22.8 mil
euro.
Page 9 of 17
5. EFEKTET E PAKOS FISKALE
Disa nga efektet e pakos fiskale që ka hyrë në fuqi në shtator 2015 janë si në
vijim:
1. Gjatë vitit 2016 bizneset kanë përfituar lirime në shumën prej 47 milion
euro.
2. Trend pozitiv vërehet në qarkullimin e shoqëritë tregtare të mëdha. Numri
i shoqërive tregtare të mëdha që, për shkak të qarkullimit të madh apo
numrin të madh të të punësuarve, obligohen të dorëzojnë pasqyrat
financiare në Këshillin Kosovar për Raportim Financiar është rritur nga
221 në 248. Kjo është një rritje prej 12% e numrit të kompanive të mëdha
në vend. Rritja e punësimit vetëm në këto kompani ka qenë 11% apo 4,924
punëtorë më shumë (rritja nga 44,101 punëtorë në 49,029 punëtorë).
3. Përfitimet nga qytetarët për shkak të lirimeve në normën e TVSH-së nga
16% në 8% kanë qenë në vlerë prej 21 mil euro (6.06 mil euro për tetor-
dhjetor 2015 dhe 14.9 mil euro për periudhën janar-tetor 2016).
4. Numri i bizneseve me llogari aktive në TVSH është rritur me 3 mijë gjatë
këtij viti, nga 16 mijë sa ka pasur më 2015 në 19 mijë.
5. ATK ka lejuar rreth 1.3 mil euro zbritje të bazës tatimore për shpenzimet e
kompanive për pagesa në emër të bamirësive apo për asete speciale, bazuar
në ligjin për të ardhurat e korporatave dhe ligjin për të ardhurat personale.
6. ATK ka pranuar mbi 871 mijë pliko të kuponëve fiskalë nga qytetarët nga
tetori i vitit të kaluar, dhe ka rimbursuar TVSH në total prej 13.2 mil euro
për qytetarë. Ky projekt ka ndikuar shumë në rritjen e vetëdijes së
qytetarëve për të blerë vetëm nga kompanitë e fiskalizuara, duke ndikuar
kështu në rritjen e ekonomisë formale.
Page 10 of 17
6. AVANCIMI I POLITIKAT EKONOMIKE DHE FISKALE
Propozim-politikat e reja fiskale
Ministria e Financave ka hartuar politikat e reja fiskale për përmirësimin e
ambientit për biznes. Këtu përfshihen:
1. Zgjerimi i listës së produkteve që konsiderohen si lëndë e parë për lirim
nga tatimi doganor;
2. Heqja e normës së akcizës në mazut;
3. Ndryshim/plotësimi i listës së produkteve që i nënshtrohen normës 0
për qind apo normës së reduktuar 8 për qind të TVSH-së;
4. Udhëzimi Administrativ për Pushimet Tatimore;
5. Nxjerrja e akteve të nevojshme legjislative për kushtet e veçanta të
evidentimit, kontrollit dhe shënjimit të miellit i cili vendoset në
qarkullim të lirë në tregun e Republikës së Kosovës;
6. Nxjerrja e akteve të nevojshme legjislative për kushtet e caktuara nën
të cilat pranohen (njihen) humbjet nga prishja, avullimi apo humbja e
peshës së naftës dhe produkteve të saj;
7. Krijimi i kodeve doganore për disa produkte, sipas praktikave të BE-së
Krijimi i Agjencisë së Tatimeve dhe Doganës së Kosovës
Me Programin e Qeverisë për 2015-2018, është planifikuar që të bëhet unifikimi
i ATK-së dhe Doganës. Deri më tani është draftuar dhe proceduar për në Qeveri
Ligji për Agjencinë e Tatimeve dhe Doganës së Kosovës dhe është hartuar plani
detal për themelimin e Agjencisë. Ky proces është përkrahur me ekspertizë nga
FMN, GIZ, Komisioni Evropian dhe Ambasada Britanike.
Programi i Reformave Ekonomike
Në përputhje me agjendën e integrimit evropian, Ministria e Financave në janar
2016 ka dorëzuar “Programin për Reforma në Ekonomi 2016” në Komisionin
Evropian. Ky dokument është bazë për vlerësimet për raportin e progresit të
Komisionit Evropian.
Page 11 of 17
7. PROGRAMI ME FONDIN MONETAR NDËRKOMBËTAR
Kosova është në program me FMN nga muaji korrik 2015. Të gjitha kriteret e
programit janë përmbushur me sukses dhe në afat nga Ministria e Financave. Si
rezultat, këtë vit është disbursuar transhi i dytë i paraparë me këtë program prej
35 mil euro.
Në masat dhe reformat strukturore të parapara në program me FMN janë:
(i) rregulla për pagat në sektorin publik, e aprovuar në fillim të vitit 2016
nga Kuvendi përmes ndryshimit të Ligjin për Menaxhimin e Financave
Publike dhe Përgjegjësitë;
(ii) aprovimi i klauzolës së investimeve nga Kuvendi, ku i lejohet Qeverisë
të financoj projekte me interes publik përmes huamarrjes mbi nivelin e
deficiti prej 2%. Kjo i ka mundësuar Qeverisë të planifikojë projekte të
mëdha kapitale për vitin 2017 e tutje,
(iii) Agjencia Qendrore e Prokurimit ka kompletuar procesin e prokurimit
për tri produktet/shërbime bazike, që mbulojnë një numër të
konsiderueshëm te organizatave buxhetore, dhe ka zgjeruar listën e
mallrave dhe shërbimeve përmes prokurimit të centralizuar në të
ardhmen.
Page 12 of 17
8. DISIPLINA, MENAXHIMI DHE TRANSPARENCA BUXHETORE
Ministria e Financave në baza mujore ka raportuar në Qeveri për të hyrat dhe
shpenzimet, përfshirë gjendjen e projekteve kapitale.
Këtë vit për herë parë, janë trajnuar dhe pritet të certifikohen 105 auditorë të
brendshëm për mbikëqyrje të financave publike.
Me rastin e rishikimit të buxhetit në korrik 2016, për herë të parë është rritur
parashikimi i të hyrave dhe si rezultat janë shtuar projekte të reja kapitale.
Ministria e Financave ka marrë vlerësim të lartë nga Departamenti i Shtetit për
Transparencën Buxhetore.
Gjatë vitit 2016, Agjencia Qendrore e Prokurimit ka kryer 49 aktivitete të
prokurimit, përfshire prokurimet e centralizuara. Janë nënshkruar kontrata në
vlerë prej 44.7 mil euro, krahasuar me vlerën e parashikuar prej 51 mil euro. Kjo
i ka kursyer buxhetit të shtetit 6.3 mil euro.
Page 13 of 17
9. MARRËVESHJET NDËRKOMBËTARE
Marrëveshjet për kredi, grante dhe garancione shtetërore
Janë nënshkruar 5 marrëveshje për kredi në vlerë prej 182.5 milion euro:
(i) Protokolli Financiar me Qeverinë Franceze në vlerë prej 66 mil euro
kredi për impiantin e ujërave të zeza në Prishtinë;
(ii) marrëveshja me Qeverinë e Hungarisë për themelimin e programit
kornizë për bashkëpunim financiar në vlerë prej 62 mil euro kredi;
(iii) marrëveshja për ndryshimin e marrëveshjes për bashkëpunim financiar
me qeverinë Austriake në vlerë prej 30 milionë euro kredi;
(iv) marrëveshja me KfW për projektin për masat e Efiçiencës në Energji në
nivel komunal (pjesa e kredisë 2.5 mil euro);
(v) marrëveshja me Bankën Botërore për rehabilitimin e kanalit të Ibër-
Lepencit në vlerë prej 22 mil euro kredi (në proces të
nënshkrimit/ratifikimit);
Janë nënshkruar 4 marrëveshje për grante në vlerë prej 88.5 milion euro:
(i) marrëveshja me KfW për projektin për masat e Efiçiencës në Energji në
nivel komunal (pjesa e grantit 5 mil euro);
(ii) marrëveshja për asistencë teknike me Qeverinë Federale të Gjermanisë
për vitin 2014 dhe 2015 në vlerë prej 20 mil euro grant;
(iii) Minutat e Takimit me Qeverinë Gjermane për periudhën 2016-2017 në
vlerë prej 46.9 mil euro grant;
(iv) Marrëveshja me KfW dhe Qeverinë Zvicerane për projektin për
trajtimin e ujërave të zeza në Pejë në vlerë prej 16.6 mil euro grant;
Janë nënshkruar 2 garanci shtetërore prej 34 mil euro për institucione/ndërmarrje
publike:
(i) marrëveshja e garancisë shtetërore për projektin Trafiku Urban i
Prishtinës në vlerë prej 10 mil euro si garanci shtetërore;
(ii) marrëveshja e garancisë shtetërore për linjën e re kreditore të FSDK-së
në vlerë prej 24 mil euro si garanci shtetërore (në proces të
nënshkrimit/ratifikimit);
Marrëveshjet për eliminim të tatimit të dyfishtë
Ministria e Financave ka avancuar negociatat për eliminimin e tatimit të dyfishtë
me vendet ku kemi diasporë të madhe. Janë iniciuar bisedat për marrëveshje të
tillë me Gjermaninë, Francën, Danimarkën, Bullgarinë, Luksemburgun, Suedinë
dhe Malin e Zi. Sivjet, një marrëveshje të tillë është nënshkruar me Qeverinë e
Emirateve të Bashkuara Arabe.
Page 14 of 17
10. BORXHI PUBLIK
Borxhi total i shtetit të Kosovës është 842 mil euro, prej të cilit 473 mil është
borxh i brendshëm nga emetimi i letrave me vlerë dhe 368 mil është borxh
ndërkombëtar. Përqindja e borxhit ndaj Bruto Prodhimit Vendor është vetëm
14%, që është më e ulëta në rajon dhe më gjerë.
Përmbledhje e borxhit publik të Kosovës
Gjatë këtij viti, janë mbajtur 19 ankande për shitjen e Letrave me Vlerë. Janë
ngritur 100 milionë euro për financimin e buxhetit dhe 320 milion euro për ri-
financimin e maturimeve. Është zgjatur koha mesatare e maturitetit si rezultat i
emetimit të intrumenteve 3 vjeçare dhe 5 vjeçare. Është shtuar interesimi i
personave privat për Letra me Vlerë, duke dyfishuar pozicionin e tyre krahasuar
me vitin paraprak në total prej 17 mil euro.
Indikatorët e rrezikut të borxhit publik të Kosovës
Page 15 of 17
11. BUXHETI PËR 2017
Kuvendi i Kosovës ka aprovuar buxhetin për vitin 2017 prej mbi 2 miliard euro.
Ky është buxheti më i lartë që ka pasur Kosova ndonjëherë. Buxheti është
paraprirë nga konsultime e shumta me të gjitha palët e invovluara, përfshirë në
veçanti shoqërinë civile.
Ky është buxhet që merr parasysh objektivat zhvillimore dhe sociale, të
përcaktuara në: Strategjinë Kombëtare për Zhvillim, Programin për Reforma
Ekonomike, Kornizën Afatmesme e Shpenzimeve dhe Strategjitë sektoriale.
Ky është buxhet i ndërtuar mbi këto parime: ruajtjen e qëndrueshmërisë dhe
rezervës fiskale, rifinancimi i projekteve në vijim, rritjen e shpenzimeve kapitale,
dhe ofrimin e insentivave fiskale që zhvillojnë sektorin privat. Ky buxhet ka
pajtimin e plotë të Fondit Monetar Ndërkombëtar dhe me aprovimin e tij ne kemi
plotësuar kriterin kryesor për vitin 2016 në kuadër të këtij programi.
Buxheti për 2017 dhe projeksionet për dy vitet në vijim siguron rritje ekonomike
prej mbi 4%, përmes dy elementeve: rritjes së investimeve kapitale dhe
mbështetjes për reforma strukturore.
Të hyrat e buxhetit për 2017 prej 1 miliard e 725 milionë Euro janë të
qëndrueshme dhe kanë një rritje të konsiderueshme prej:
6% në raport me vitit 2016
17% në raport me vitin 2015
28% në raport me vitin 2014.
Pothuajse e gjithë kjo rritje është rezultat i rritjes të të hyrave të rregullta
buxhetore nga ATK dhe Dogana, në shumë prej rreth 380 mil euro më shumë. Të
hyrat nga ATK rriten me 9% në krahasim me vitin 2016, 23% në raport me vitin
2015 dhe 40% më shumë në raport me fillimin e mandatit të kësaj Qeverie. E
njëjtë edhe me Doganën, të hyrat rriten me 6.5% në krahasim me 2016, 16.4% në
raport me vitin 2015 dhe 27% më shumë në raporti me vitin 2014.
Për vitin 2017, shpenzimet janë mbi 2 miliard euro, një rritje prej:
15% në raport me vitin 2016,
28% në raport me vitin 2015,
38% në raporti me vitin 2014.
Page 16 of 17
Pavarësisht kësaj rritje, ne mbajmë shpenzimet rrjedhëse nën kontroll, të cilat
rriten vetëm me 3.5%. Shpenzimet kapitale do të arrijnë vlerën prej 723 milion
EUR, që është një rritje prej:
45% në krahasim me vitin 2016.
77% në krahasim me vitin 2014.
Me këtë qasje të investimeve kapitale, ne e rrisim pjesëmarrjen e investimeve
publike në Bruto Prodhimin Vendor nga 7% sa ka qenë më 2014 në 11% më 2017.
Ndërkaq investimet totale arrijnë afër 2 miliard euro, përfshirë edhe investimet
private prej 1.25 miliard euro. Si raport i Bruto Prodhimit Vendor, investimet
totale rriten nga 25% në 31%. Këto investime sigurojnë rritjen ekonomike mbi
4% në afat të gjatë.
Sa i përket buxhetit në nivel të organizatave buxhetore, dëshiroj të theksoj rritjen
që kanë pasur disa organizata në veçanti:
Këshilli Prokurorial i Kosovës 12%
Këshilli Gjyqësor i Kosovës 5%
Ministria e Punëve të Brendshme 3%
Forca e Sigurisë së Kosovës 9%
Buxheti i komunave merr pjesë me 22% në shpenzimet e përgjithshme. Të gjitha
komunat, pa përjashtim, i kanë aprovuar buxhetet sipas qarkores buxhetore.
Buxheti i komunave është në vlerë prej 440.2 milionë euro, që është një rritje prej
15 milionë EUR krahasuar me vitin 2016. Kjo ka ardhur për shkak të rritjes së
granteve qeveritare për komuna dhe ka shkuar në pjesën më të madhe për
investime kapitale. Formula e granteve për komuna është zbatuar me përpikëri
për të siguruar barazi në shpërndarje të buxhetit për komuna.
Ne kemi planifikuar një deficit buxhetor prej 1.5% të Bruto Produktit Vendor, që
është mjaft nën limitin ligjor prej 2%, që mbulohet nga emetimi i letrave me vlerë
dhe nga huamarrja e jashtme. Këtë vit, ne e shfrytëzojmë plotësisht Klauzolën e
Investimeve siç është paraparë në Ligjin për Menaxhimin e Financave Publike.
Në kuadër të financimit total, janë përfshirë edhe mjetet e privatizimit të aseteve
shoqërore nga AKP në shumë prej 88 milion euro. Të gjitha këto mjete pa
përjashtim janë ndarë për projekte kapitale.
Page 17 of 17
12. KËSHILLI KOMBËTAR PËR INVESTIME
Këshilli Kombëtar për Investime ka mbajtur 5 takime të rregullta, ku ka aprovuar
20 projekt të ndryshme me vlerë totale rreth 900 mil euro kredi dhe grante.
Ministria e Financave, pas aprovimit të projekteve këto Këshill, bazuar në ligjet
në fuqi ka filluar identifikimin e burimeve të financimit. Si rezultat, gjatë këtij
viti janë nënshkruar 14 marrëveshje dhe janë negociuar apo janë në procedura të
nënshkrimit edhe 6 marrëveshje.
13. KOMITETI PËR PARTNERITET PUBLIK-PRIVAT
Komitetit për Partneritet Publik Privat ka mbajtur 7 takime të rregullta, ku ndër
të tjera janë marrë këto vendime: ndërtimi i mbikalimit në Mitrovicë; qendra e
turistike BOREA në Pejë; procedimi në Qeveri i projekteve ENVIDITY dhe
SHARRCEM etj.