Sakkutuut Nunanut Allanut Sior-natigut Aallartitaanikut, Kalaallit Nunaanni najugallit Veterancenteri tassaavoq qitiusumik Sakkutuunut, Sakkutuut Nunanut Allanut Aallartitaanikut aammalu Sakkutuut qanigisaanut tapersersuiffik, Sakkutuutut Nunanut Allanut aallartitaannginnermi, Nunanut Allanut Aallartitatut Atorfeqarnerup nalaani aammalu Nunanut Allanut Aallartitaasimasutut atorfeqareernerup kingorna.

Nunanut Allanut Aallartitatut sulereer-nerup kingornatigut arlaatigut ippi-gisaqaruit Veterancenteri tassaavoq Sakkutuunut tapersersuiffik. Veteran-centeri siunnersortitut tapersersortit-tullu neqerooruteqarpoq inuunerup sin-neranut Sakkutuunut qanigisaanullu.

Tapersersuineq annerpaaq pitsaaner-paarlu anguniarlugu Veterancenterip tarnip pissusaanik ilisimasallit aam-malu nammineq kajumissuseq atorlugu ikiuisartut qanimut suleqatigalugit Sakkutuunik Sakkutuullu qanigisaanik tapersersuisarpoq aammalu siunnersu-isarluni.

Imminut ikiorsinnaaneq qitiutillugu sulisarpugut. Tassa imaappoq ulloq taanna ikioqqullutit saaffiginnikkuit, ikiorsiineq ingerlaannaq aallartittarpoq, ajornartorsiutip aaqqinnissaa tikillugu.

Ilinnut ikiorsiineq iluarnerusoq angu-niarlugu tarnip pissusaanik ilisimasallit aaliangiisinnaapput Veterancenterimi sulisunik allanik peqateqarlutik ikiussa-neraatsit.

Sakkutuunut tapersersuiffik, Nuna-nut Allanut Aallartitatut Suliartunn-ginnermi, Nunani Allani Sulinerup Nalaani aammalu Nunanut Allanut Aallartitatut Sulereernerup kingorna

Nipangersimasus-saatitaaneqNipangersimasussaatitaavugut. Paasissutissat ilinnut tunngasut allanut tunniussinnaanngilagut illit nammineerlutit tamanna akuerisimanngikkukku.

Angutit Arnallu Nunanut Allanut Suliartorlutik aallartitaasimasut Nunarsuaq allanut peqataasimanngitsunut paasiuminaassinnaasoq naammattoortarpaat. Tamak-kununnga akuupput suliassat imartuut, ikinngutigiinneq immikuullarilluinnartoq Sakkutuut akornanniittoq, aammalu maqaasineq, akiuunneq, annaasaqarneq aammalu sorsunnerup piviusuunera. Kikkulluunniit aallartitaasimasut arlaatigut qanorluunniit sunninneqartarput, pitsaasumik imaluunniit ajortumik kinguneqar-sinnaasumik.

Amerlanerpaat utertarput naleqarluinnartunik misigisaqarsimallutik aammalu im-minut inuttut ilisimaarillualersimanermik nassataqartumik. Ajoraluartumik aamma aallartitaasimasut ilai tarnikkut eqqugaasarput tarnilunnermik (PTSD), nikalloqqa-jaanermik immaqaluunniit tarnikkut atorsaateqarnerit assigiinngitsut.

Sakkortuumik misigisaqarsimanerup kingorna, PTSD-mik tarnikkut qisuariarsinna-aneq takkussinnaavoq, siornatigut taama sakkortutigisumik misigisaqarsimanngik-kaanni. Taamaammat Sakkutuut PTSD-mik tarnikkut artorsarnartumik qisuariar-sinnaanermik eqqugaasinnaapput.

Sakkutuut Nunanut Allanut Suliartorlutik Aallartitaasimasut akornanni PTSD-mik tarnikkut qisuariarnermik eqqugaasimasut, eqqugaasinnaasulluunniit suliassap qanoq ittuuneranik aammalu qanoq artornartigineranik aallaaveqartarpoq. Qal-lunaat Nunaanni Imminut Illersornissamut Aqutsiviup misissuisimanerisa takutip-paat, Sakkutuut aallartitat akornanni 10 pct-iisa missaanni tarnikkut qisuari-aartinik eqqugaasartut, tamannali piffimmiit piffimmut assigiinngilluinnartarpoq suliassap qanoq ittuunera apeqqutaalluni. Aammalu tarnikkut qisuariaatsit qanoq sakkortutiginerat aamma assigiinngitsuusarpoq inummiit inummut, qanorlu anner-tutigisumik ikiugassaaneq aamma assigiinngitsuusarluni.

Tarnikkut qisuariaatsit

PTSD tarnikkut qisuariaat sunaava? PTSD tassaavoq tuluit oqaasianneersoq, Post Traumatic Stress Disorder, kalaal-lisuunngorlugu Siornatigut Sakkortuumik Misigisaqarsimanerup Kinguneranik Sakkortuumik Tarnikkut Artorsarluni Qisuariaat.

PTSD takkuttarpoq naviarluinnartumik imaluunnit toqu ajaperlugu sakkortuumik misigisaqarsimanerup kingornatigut.

Veterancenteri Kalaallit Nunaanni PTSD-mik Tarnikkut Artorsarlutik Qisuariartunik Tarnip pissusaanniik immikkut ilisimasallit suleqatigalugit ikiorsiilluni tapersersu-isarpoq.

Tarnip Pissusaannik immikkut ilisimasallit ikiortigalugit PTSD-mut katsorsartin-niaruit pingaaruteqarpoq inuttut aamma tunniusimanissat piareersimanissallu, tarnikkut atorsaateqarneq qaangerniarlugu suliaqarnermi.

Piaartumik tarnikkut katsorsartinneq aallartinneqarpat, sukkanerusumik tarnik-kut atorsaateqarnerit qaangerneqarsinnaapput.

Katsorsartinneq Kalaallit Nunaanni Tarnip pissaanik immikkut ilisimasallit inuk qitiutillugu tamak-kiisumik katsorsaariarseqartarput. Veterancenterimut ikioqqullutit saaffiginnikkuit tamatigut illit najukkanni Tarnip pissusaanik immikkut ilisimasallit innersuunne-qartarput. Taamaalilluni suliaq aammalu katsorsaaneq aallartinneqartarpoq.

Inuk tarniluuteqarluni nalilerneqarpat ima isumaqanngilaq inuk tarnikkut nappaateqartuusoq. PTSD-mik tarnikkut qisuariarneq takkuttarpoq tamatigullu katsorsarneqarsinnaavoq.

Sakkutuujuguit, Sakkutooq Nunanut Allanut Aallartitaasimasoq imaluunniit Sakkutuunut qanigisaaguit, ulloq unnuarlu tapersersuiffimmut sukkulluunniit qaqugukkulluunniit saaffiginnissinnaavutit oqarasuaat +45 7281 9700 aqquti-galugu.

Ammasarfiit nalaanni Nalinginnaasumik Veterancenterip allaffiata ammasarfiisa nalaanni sumik ikiugas-saanerit apeqqutaatillugu Veterancenterip Tarnip pissusaanik immikkut ilisimasal-lit, isumaginninnermut siunnersortit, inulerisut aammalu suliffeqarnermut sulias-saqarnermullu siunnersortit sulisut attavigisinnaavatit.

Veterancenteri ammasarpoq ataasinngorneq-marlunngorneq nal. 8.00-16.00 (Danmark-imi nalunaaqutaq malillugu) aammalu pingasunngorneq-tallimanngor-neq, nal. 8.00-15.00.

Ammasarfiit avataatigut Veterancenterip allaffiata ammasarfiisa avataatigut ulloq unnuarlu saaffiginnittar-fiup veterancenterip isumaginninnermut siunnersortaa attavigineqarsinnaavoq. Isumaginninnermut siunnersortip toqqaannartumik imaluunniit qanoq pisariaqar-titsinerit naliliiffigisinnaavaa.

Isumaginninnermut siunnersortip piginnaatitaaffiginngisaanik allatigullu ikiu-gassaaguit pisariaqartitsinerit tunngavigalugu sulisumut aaliangersimasumut ulloq naliginnaasoq suliffik aallarnerfigalugu ingerlateqqissaavaatit, tassalu nalunaaqutaq ullaakkut 9.00 aallaavigalugu, ulloq nalinginnaasumik suliffiup nalaani.

Pinarluinnartumik ikiugassaaguit, saaffissannik allanik innersuussinermik piaar-luinnartumik ikiorneqarumaarputit.

Ulloq unnuarlu oqarasuaat taperser-suiffik saaffigineqarsinnasoq

Tapersersorneqarnissat aammalu neqeroortinik innersuunneqarnissat pisari-aqartikkukku soorlu assersuutigalugu illit inigisat pillugu, ilaquttatit imaluunniit soraarnerussutit pillugit illit kommuunigisannut saaffiginnissaatit.

Sermersooq Kommuunimi saaffissaq tassaavoq Meeqqanut Ilaqutariinnernullu Immikkoortortaqarfimmut imaluunniit Suliffeqarnermut Isumaginninnermullu Immikkoortortaqarfik. Immikkoortortaqarfiit saaffigineqarsinnaapput kommuune-qarfik@sermersooq.gl aqqutigalugu imaluunniit oqarasuaat (299) 36 70 00.

Ilaqutariinnut katsorsartinnissamut Sermersooq kommunimi centeri neqerooruta-avoq. Neqeroorut ilaqutariinnut naleqquttuuvoq, soorlu aamma inuttut ataasiak-kaatut katsorsarneqarsinnaanermut neqeroorutaalluni. Kommuunimi najugaqar-tutut periarfissaraat toqqaannartumik attaveqarsinnaavoq C.P. Holbøll-ip aqqutaa nr. 8, ataasinngornermi nal. 13-15.

Innuttaasoq sioqqutilluni soraarnerussutianik pillugu Suliffeqarnermut Isuma-ginninnermullu immikkoortortaqarfik saaffigalugu qinnuteqartoqarsinnaavoq imaluunniit innarluutimit inatsimmit (inersimasunut) pissarsiaqarnissamik qin-nuteqarsinaavoq. Innuttaasunut sullissisoq oqarasuaatikkut ataasinngorner-miit-pingasunngornermut nal. 8:30 – 10:00 nalaanni inniminniiggigisinnaavaa, sisamanngornermi nal. 16 -17.00 nalaani nammineq takkulluni aammalu tali-manngornikkut nal. 8.30 – 10.00 nalaanni. Ammasarfiit ataasinngorneq-pinga-sunngorneq nal. 10-15.00, sisamanngornerit nal. 12-17.00, tallimanngornerit nal. 10 – 12.00

Periarfissaq alla aamma tassaavoq peqqinnisaqarfik aqqutigalugu ikiorneqarneq. Nuummi nakorsiartarfimmut saaffiginnittoqarsinnaavoq soorlu illoqarfinni allani aamma peqqinnissaqarfimmut saaffiginnittoqarsinnaasoq.

Kalaallit Nunaanni Kommuuninit tapersersoneqarneq

Sakkutuut Nunanut Allanut Aallartitaasimasut Naapittarfiat sakkutuunut qani-gisaanullu ammasuuvoq.

Piffissani assigiinngitsuni akuttunngitsumik naapisimaartarpugut, akaageqatigiin-nerput ataatsimoornerpullu malunnartinniarlugu. Ataasiusutut misigisat amma-sumik, killerlersugaanngitsumik nuannersumillu paarlaasseqartigiiffigisarpagut. Ilaatigut aamma suliffeqarfiit assigiinngitsut pulaartarpagut, assigiinngitsunillu sammisaqartarluta.

Kalaallit Nunaanni Sakkutuut Nunanut Allanut Aallartitaasimasut Naapittarfiata Sakkutuut Nunanut Allanut Suliartorlutik Aallartitaasimasut pillugit ilisimasanik paarlasseqatigiinnissaq siammarterinissarlu anguniagaraa. Veteracenteri attavi-gilluartarparput, suliassaqarfiillu assigiinngitsut.

Ataatsimoortarpugut immitsinnullu tapersersortarluta.

Attavik Rasmus Lohse

E-mail: lohse116@gmail.com

Atassuteqarnermut allattorsimaffitsinnut allagit ilaasortanngorlutillu.

Facebook-imi “Veterancafé Grønland” ujaruk.

Sakkutuut Nunanut Allanut Aallarti-taasimasut Naapittarfiat

Assisi uani

veteran.forsvaret.dk

Veterancenterip ulloq unnuarlu oqarasuaataa Sakkutuunut, Sakkutuut Nunanut Allanut Aallarti-taasimasunut, Sakkutuut qanigisaannut saaffis-saavoq pisariaqartitsiffimmi sukkulluunniit - qaqu-gukkulluunniit.

+45 72 81 97 00

Veterancenterip ulloq unnuarlu oqarasuaataa