sasawali leqsebi

გიორგი სიჭინავა

ნანა ვემიმდურუათ

ბაბას ვაგვანჭყორათჷ დო

ნანა ვემიმდურუათ,

მარგალურო მარგალეფქ

კითხირი ქიდიბგურუათ.

ჩქინი არზეფი დობჭარათ,

ართო აკვოკათუათ,

ვარა შორშა ვამალნენა

"ჯანსულოში" სხაპუათ.

შხვანერ მაფუდ ორთა

ბაღანობას შხვანერ მაფუდ ორთა,ვამოგინუდ მორკება დო ძინა,მოხიოლჷდ ახალ თუთაშჲ მორთა,დო უშქირატ მურიცხეფიშ ჯინა.

ასე მუთუნ ვამენარღებ შხვაშო -ჸუდე, ფარა, გურაფა დო რჩქინა,ხვალე კინე დჷმართუდას აშო,ჭიჭანობაშ უსქვამაში რინა.

ჭიჭე მეშარე!

რინაში ჯვარც ვორექ მუკოჭკადილიდო გურც მუმოგუ ჭიფე ლისმარი,სი მირაგადუქ: სქვამას ხანტილი,ათე ქიანა ორე სისმარი.

ვაგონჯარუდას მაფაში დიარა,ვართ თავადეფიში ორქო–ვარჩხილი,ცაშჲ თუდო ირ კოჩი ღურაში თია რედო დიხას ონტუ ცოდაში დაჩხირი.

,,მუსუთ ქარწყექჷნ, ირფელ სქან ქორდას?“ –ათე ჩილათას ჸუნც მარებელი,მუთუნ ვაიჸორდას, მითინ ვაიჸორდას,კოჩიში თოლეფიში მაღორებელი.

გურც ოხიოლჷნ, შურც ანგარინე,თე ოქიანე ნარღით ეფშა რე,სი ქოულ, მარა სოთა გალინე,უგუთებ შარაში ჭიჭე მეშარე!

ორთაში ზარალი

http://wikisource.org/wiki/%E1%83%9D%E1%83%A0%E1%83%97%E1%83%90%E1%83%A8%E1%83%98_%E1%83%96%E1%83%90%E1%83%A0%E1%83%90%E1%83%9A%E1%83%98

http://wikisource.org/wiki/%E1%83%92%E1%83%98%E1%83%9D%E1%83%A0%E1%83%92%E1%83%98_%E1%83%A1%E1%83%98%E1%83%AD%E1%83%98%E1%83%9C%E1%83%90%E1%83%95%E1%83%90

მუ გოჭირ, მარგალი,სი გუგულიშ მარქვალი,დუდიშ მაღორებელიმიწკჷმა რექ მართალი.

გამგონებ, ზოთონცდღალეფჲ ურსხებ მარტის,მი მეჩანც მარდის,შხვაშ ოგვაჯეს ნარდის.

* * *ირფელც მუში ოჩი გეძჷ,ირფელ მუშის გაფულენცბორჯიშ ელასირელ ხამიმენდეფც ცაფულანც.

წყარეფ ვეგიხუნუანცხვამარდეფიშ ნაულას,კოჩიშ თოლი ვაძირჷნცღორონთიშ ნაფულას.

დოთჷნცჷ დო დოჭვენცჷნი,ცა გოსარკჷნც მუნაფილიდო ბჟაცალო გამწოდირთშურ, ჸოროფათ ფუნაფილი.

კინე დირთუ აფუნი დოგეითოფალუანც ხუმაფილი...სი ღორონთიშ ნაჭყოლოფაშხვაშა გაფუ თხუაფილი.

მუ ოკოდ სქან მარქვალცტურტურუაშ ოგვაჯეს,ინეფქ შხვადო მირდესჷ დოფსუა შხვადო გოფაჩეს.

აკა აშო მიკირთი დოგონწყი გური, წყუნაფილი,ცოდა იზმა მონკა ვარეჩილამურით რტუაფილი.

ნართეფქ გურც დიხვილჷდანტერიში ჯინშენ იბირით,დო სი ხოლო ონირზუდიათე რინას, კიდირით.

უკულ ოჭიშ ქურთინე დოვამიჩქ, მი მუს თქუანცჷნი,მუშ მაქექა ჸოფე შარამასქური გიჯიკუანცჷნი.

თუდო დოლო, სქანიცალო,დუც სიჭიჭათ იჩუანც,მარა ირ კოჩი, მით ქორენი,კუჩხის გიობიჯგუანც.

ნგერი მუთუნ ნგერი ვარეომანეშა ინტებუნი,დუდ გაფუ ონგარალი,მითინ ვაგენირზებუნი.

* * *აკაბურცხა სამარგალო,აკა, ბუცუცუნია,რაგადანა ლეხი რე დო,მალას დოღურუნია.ათეზჷმა გაჭირებასთინა ვაგურზუნია...ლეხ ვაბადენც სქუალეფც,ლეხის უცენც მუნტურეფ,უმინჯურო მეტებული,ქომწი შურო მუთუ რექ.სო დარღვი დო სოლე მარღვიათეზჷმა უთურეფი...ქორჭკუმუნა სქან ტანიშეგიშნაულა მუნტურეფი.

* * *გუგულეფი გურღვინჯებ,ართ დღას, მუნაფილც,ათე ჩქიმ ჸავავაშირაგადი დო ჸურაფის.მაჩინეს: ,,მარგალიშიმანგი ვარე გუგული,ინა დუც ქიჩინენცჭიჭეს მირდუნ უკული.“

* * *მართალი რე დო მუ უწუა,ქიმუჩინა ბოდიშის,ნარღი გურც, ოღურალო,

მიძგვიტუანს ოდგიშის.

ორთაში ზარალი ვორექ დოცოდა მუნობძ ოჭიშის...გუგულეფიშ ჭკუა ვაძამდღანერი ოდიშის.

მარგალური

სი დაჭყაფურ ნინა რექ,დიო ფულირ რჩქინა რექ,ორთაში დორთაში თოისერცდუდშე გინნაჯინა რექ.მაჟრა მულაში ნინა რექ,მოკითხირიში ნინა რექ,ქანას ჟიშე მინარექ,ბჟა დო თუთაში ჯიმა რექ,სი ლაზარეში ნინა რექ,საღორონთო რჩქინა რექ.

დონ კიხოტიში აგაგა

ჩელაში უღუ გილამიღუჭურია დო ნაბადას,დიბშირი დო ქუვაგურიდონ კიხოტიშ აგაგას.

თუდო რზენიშ ფართანასმობწყინდი დო აკა დღასიმენდეფიშ იმენდითგეკვაკითხე ლაკადას.

გილურქუ დო ხვათახვალეგილვობარდა ლებარდეს,

მა დო ჩქიმი ჭკოლა ცხენცონჯუაშა ვემმართეს.

თავრე ხოლო მითინ ვარეულირ ბორჯიშ გინაფასდო ვოცადუქ კირიბიშიშურიშ გოკურცხინაფას.

ითამ, ქიდიბურძღინუო,მასქური ქექას ირქენცჷნი,ვამიჩქ, თუთა დო მურიცხიმუშენ გიმაძიცენცჷნი.

ჟი, გვალაშე მუკნახარცქა,შხუმინ ორე წყარეფიშიდო ვარ ნგარა ელმასჷმეულირ ანთას წანეფიში.

უჩა დღაში ჩილამურიშურშა ნარღო ენომწენცდო უშარე შარეფითგილუნთირუქ ჭკოლა ცხენც.

„დულსინეა“ სო მაგორე,ჩე დო უჩათ გორთილ შურც,„სანჩოქ“ ხოლო ჩქიმ საჸალე.შორშე ქიმიობორდიშუ...

დაჸვერებე მარგალონა,დაჸუნგებე მარგალური,მა, თე ცა დო დიხაშქას,ჟირშა დებაბდი დო ბღური.

მენდი შურშა ენომიხე,მუჭოთ თოლი მარწკინდიში,გონირზჷქდა, რჩქინა მოკოდომფული დო ვამწინ თიში.

ქარ–ბორია ვაიჩქუდა,შარას გილემანგარუნი,მა ვორექ დონ კიხოტი,ჩქინობურა, მარგალური.

მეურქუ დო ირ დიხაშეეკმოძიცუ გვალა–რზენქ,მუშ მოხოლეთ ვამიჩინ

http://wikisource.org/wiki/%E1%83%9B%E1%83%90%E1%83%A0%E1%83%92%E1%83%90%E1%83%9A%E1%83%A3%E1%83%A0%E1%83%98_(%E1%83%90%E1%83%AE%E1%83%90%E1%83%9A%E1%83%98_%E1%83%95%E1%83%90%E1%83%A0%E1%83%98%E1%83%90%E1%83%9C%E1%83%A2%E1%83%98)

ჩხოროწყუ და ნარაზენქ...

დო სი ხოლო საწმოხონოთმუთუნ მენდის ვამარზენქ,მუ გოწყინეთ თეშ მანწარამა დო ჩქიმი ჭკოლა ცხენქ.

დიო სქანი მოსაწონი,ვამკებუნა ხეს მუთუნი,ღორონთი თოლეფც გომინჯანს,ჩე გვალაშა გეშურქუნი.

თეიშა მუთუნ ვამიწუა –საჸალე დო უმარდული,ვაფირქენდა, მარსხებელო,გუბაზ მაფა დუგართუნი.

ინა ხობის დუჸვილჷნა,ისტორია რაგადანც,დო მა ასე ეკოპუნქდონ კიხოტიშ აგაგას.

ოხვამერი

მარდობა, ქრისტე,მუჟამც მებდინი,აშო მორთი დოპატი გებდვინი.

შურც ვაკო ჸუნდასდიხას მოჯგირე,მა ღურუს ღურათოკო ვორჯგინე.

"ნახარებ" მუჩი -გურიშ ოგინე,თიშ უმშო შურივამატყობინე.

ხანდაქ დო შიბაქთოლონჭ გონირსჷ,,,მოკო" დო ,,მოკო"ირ დღას მონირზჷ.

ბორიაშ პოფექმა თაქ მაყარე,მარდიშ საგამათცოდა ბშაყარე.

კათა დუდიშულრინათ მიაშქვი,მონტუ ჸავავაერემიაში.

სო იშაყარუწანეფ ჸოფილი,სო მეურც შარააკოსოფილი?

ვარა, სო ტყობუღორონთიშ ნარდი,ჯიმალობა დოჸოროფა მარდი?

მითა მაგორემუთუნ უჩქუნი,კისერც გებძუნაევაშ უშქური.

მოგურეს ხვალერკება დო ძინამეტ მუთა ჸოფეოფუტეს რჩქინა.

ღორონთ, თე ღულაშარა გომთინი,შურც ოკო ულა,სქანდა დორთინი.

მარდობა, ქრისტე,მუჟამც მებდინი,ქუგომშინი დოპატი გებდვინი.

ნარღი დო ხიოლი

დღალეფი იკიონტ,ჩერიას გერთელი,ხიოლი სუმარ მაფდო ნარღი - მენძელი.

თინეფც მუდგარენიირო აფ გართალი...ხიოლი მაღორენც,ნარღი რე მართალი.

მარგალონა

სქანო ჸოფე ეხანტილიეთი ამბე, გვალო ჯვეში,სი ორექ ბიბლიურიობინეხე ნაბოთეში.

სქუალეფი ქასქილადშარას გილამარქაფისდო ორქოშფერი ტიანეფიდოუწილ აქაბის.

მარა იში გახარებარინაში კირბის ვაჭარჷდ,კოცჷ ოჩქარჷდჷნ, თინაღორონთც დიო ვაჩქარჷდ.

თაკილი დო ნარღიში ჭუატყურათ გჷმათაკარჷდ,"წყარი ურც ნაწყარჷთ,შარა ურც ნაშარჷთ".

ვავორექჷნი თინა ბჯოხო

ათე ჭიჭე ოფუტესრკება რე დო ძინა ვარ,ვავორექჷნი თინა ბჯოხოდო ვორექჷნჲ ინა ვარ.

საონჯღორო თელა ნობღვე,კოჩანიერი რინა ვარ,ტყურა დომგურუაფუ დოჯვეშიში დჷნაჩინა ვარ.

სახიოლო მუ გიწუა,რკება რე დო ძინა ვარ,ვავორექჷნჲ თინა ბჯოხოდო ვორექჷნი ინა ვარ.

ჯგირობუა მუ მუღალ

ჯგირობუა მუ მუღალ,წანეფიში მოძინას,მუთ მიძირუნ, ირიფელივადანტირე გოშინას.

ბორჯი გასაჭყოლიდესხოლო მუჟამს მოძირანც,დიო ვონირზჷქჷ მარა,ღურუ იშენ მორჯგინანც.

სო ორე დო სო ზოჯჷნცწკუმონტილიშ მათინალი,

ათაქ იფრელ სისმარი რე,მუთუნ ვარე გაშინალი.

მაკვირენც

"ჟღურტული – მეგრელთაგან მრუდი ლაპარაკი, გინაჩხიკვთა და კაჭკაჭთა ლაპარაკი. ესე არის მეგრელთადა მისთანათა ავენოანთა ლაპარაკი"...სულხან-საბა ორბელიანი"ლექსიკონი ქართული"...

სულხან საბაში ნარაგადგურც ბჭუნცჷ დო მაკვირენც,კვარიაშა მუ უგუდოდოიაში მაბირეს.

ურთას ურთე ურთა იჸი,სოლე გოკონი ურთინე,აშო თოლც ქელარწენც,ცასჷ ელაფურტინე.

მინაჩინა

შურ, მონკა დო წყუნაფილი,ნარღიქ გომიფურუ,ჭკვერეფც ვანოჩქვენი თინახანგაქ დუმოგურუ.

ართშა შარას ვფჩირთი დოჸვერექ გიმოწურუ,მართალ ზიტყვაში რაგადიქჯიმა მომინდურუ.

თუმაქ გემერჩიალ, მარა

ვორექ იშენ ჸურუთე ქიანაში მუორექშურო ვადმაგურუ.

სოდეთ დიხა ითებუნი

ამდღა ზღვაშა მიდაფრთი დოწვალებურჲ შური მიდეპუნი,ეგებ თაქ რდას უჯგუში რინასოდეთ დიხა ითებუნი.

ვამიჩქ ანწი, ონჯუაშა,ზღვაში ჯინა მუს მუჩანც,მემიჩქჷდა, თაქი ხოლო,ცოდა ფუნც დო იბურჯანც.

გაჭირებულც ირ დიხასქუა მოთხოზ დიკოხონც,თე ზღვას ხოლო თენა ჸოფე-დიდ ჩხომი ჭკუმუნც ჭიჭე ჩხომც..

მუშო მოკო თე ფირქეფი,დუც მუ ჭირი აუჩემი,ვაუჯგუნო, გილართე დომუთუნც გური ვაუჩენი

მა დუართი აიას

მი ვორდი დო სო პოფექ,ასე ხოლო გურ მანგარც;მა დუართი ჩქიმ ღობერც,მა დუართი ჩქიმ ჯარგვალც

კოც, დუდიში უბედურცმუქ აღოლჷნ ქიმეჩიჲს;მა დუართი ჩქიმ ყებურც,მა დუართი ჩქიმ ნერჩის.

უფერუა იმენდის,ანწი მუჭო მიდინას..მა დუართი ჩქიმ ბედის,მა დუართი ჩქიმ რინას.

ორქოში ოკვანწაიასმიდგაქ ოკონი მაძღირკას;მა დუართი აიას,მა დუართი ლაზიკას.

ღორონთც ვემუდინუაფ

ათე ლერსეფც, მარგალურც,ნამუთ გურცჷ გაფუანდ,ეშმაკი მივარანდჷ, მარაღორონთი მოჭარაფუანდ.

ჩქიმი ნინა ამდღარ დღაშასოთინ ვემიშინუაფ;კოჩქჷ მიოდინუ, მარაღორონთც ვემუდინუაფ.

ცასჷ ორდუ ჩუალირი,ასე აშო აზარეს,თოლეფც კინე გოუნჯანა,მუჭოთ ქრისტექ ლაზარეს.

დიო ცოდათ ნაგოლოფაშური ოკო დოჩხაპას,უკული ქეშმოტყვინუანაახალი რინაში დოჭყაფას.

სო მითორე უჩქიმეთ

ბაღანობაქ მიდართჷ დოაშო ვაცად დორთას,ასე შორშე უფერუა,მუჭოთ ჭიჭე მოთას.

სო მითორე უჩქიმეთეთი რინა, ჸოფილი,მა ბორიას გილუღუქ,ბორჯიშ აკოსოფილი.

უჩქიმეთ

აკისერ დო მუმულიშიჸიონუას ურჩქილექ,დისერჷდა, მუ ფქიმინა,კინ გოთანდ უჩქიმეთ.

ჸუდეში ჭიჭე ოსინთეშე,მუნაფილ ცას უჯინექ,თენა ხოლო ვამონარღ-გობჟათჷნც უჩქიმეთ.

ფირქეფი დო არზეფითჭკუას ტყურათ მუქინე,ქარ-ბორიას ჟინი ორთადარჩქალუანც უჩქიმეთ.

რინა მითინც ვაუკითხირ-უკითხირო გოფრჩქინექ,ღურა ხოლო სოდგარენიგინომჭყვიდეს უჩქიმეთ.

მათ ქდომტეს ოქიმნალი,ჭიე-ჭიე მუდგარენი.. ..ყებურც დაჩხირი ქოშქირტჷდაშური ოკო უმბარენი.

ვაშინერც დო ვაში ნერჩი

ღურელც ტაბაკი მუშო ოკო – ვაჸუმენც დო ვაშქირენც, მარა თია ვეგლუდვენი იშენითჷ ვაშინერც.

მარდი ცოდათ გინუგაფ ჯგირობუა ვარჩქინელც,

გურქ მოირთჷ-და, ვადოჭყუა, ჭყალა იშენჲ ვაშინერც.

შანქარქ გაჸუ ჭკუმუნქჷ-და ხუთნერი დო ამშვინერც, მარა ომბოლც, ხიტა ვარა, ვამკუტახე, ვაშინერც.

კოჩი ტანიში სინთელეს ოდინუანც ორჩინელც, უმინჯურო მიწოტება ცოდა რე დო ვაშინერც.

სქან მაჸალეს გოუზგირტია, სოლედგარენი მაჩინეს... კოჩქჷ დუდი ქიმგენდჷ-და გითოჩამა ვაშინერც.

გური აფუ ფშინაფილი ჰარამ თოლით მაჯინეს, მეძობელიში ჯგირობუა გოწყინდასჷნი, ვაშინერც.

ირფელი ართი გაფუდას,თენა ხოლო ვაშინერც,ჸოროფა რე ოთასალი,უბადობას ვაში ნერჩჲ.

ირფელს მუში ოჩი გეძ

ირფელც მუში ოჩი გეძჷ,ირფელი მუშის გაფულენც,ბორჯიშ ელასირელი ხამიმენდეფც ცაფულანც.

წყარეფ ვეგიხუნუანცხვამარდეფიშ ნაულას,კოჩიშ თოლი ვაძირჷნცღორონთიშ ნაფულას.

დოთჷნცჷ დო დოჭვენცჷნი,ცა გოსარკჷნც მუნაფილი

დო ბჟაცალო გამწოდირთშურ, ჸოროფათ ფუნაფილი.

კინე დირთუ აფუნი დოგეითოფალუნც ხუმაფილი...სი ღორონთიშ ნაჭყოლოფაშხვაშა გაფუ თხუაფილი.

მუ ოკოდ სქან მარქვალცტურტურუაშ ოგვაჯეს,ინეფქ შხვადო მირდესჷ დოფსუა შხვადო გოფაჩეს.

აკა აშო მიკირთი დოგონწყი გური, წყუნაფილი,ცოდა იზმა მონკა ვარეჩილამურით რტუაფილი.

შარეფ გინოფორჩილ ორდკაკლარი დო ძიგირითდო სი ხოლო ონირზჷდიათე რინას კიდირით,

უკულ ოჭიში ქურთინე დოვამიჩქ, მი მუს თქუანცჷნი,მუშ მაქექა ჸოფე შარა,მასქური გიჯიკუანცჷნი.

თუდო დოლო, სქანიცალო,დუც სიჭიჭათ იჩუანც,მარა ირ კოჩი, მით ქორენი,კუჩხის გიობიჯგუანც.

ნგერი მუთუნ ნგერი ვარეომანეშა ინტებუნი,დუდი გაფუ ონგარალი,მითინ ვაგენირზებუნი.

შურობუმუ

შურობუმუში მინდორეფცშურიშჲ შარეფი გაფჷ ნალჲ,მიქ მერკვათჷ ფსუალეფიმურიცხეფშა მაფურნალჲ.

სქან ოცქვაფურ ისტორიასხეჭკურელო მუკურექ,გოღანერი კოლხიში სქუაამდღა ჭიჭე ძუკუ რექ.

ქოგურაფუქ აგაგას,უჩხონჩხე დო უგურეს;თელეფწკჷმა რგორი, მარალეგენდეფშა მოწურეს.

სქან დინაფას თე ქიანასშურო მითინ ვანარღენც,ბორო რექ დო ეშმაკისგიძახჷნა გამაღეთ.

დოღურიდა, მუ გიწუა,მეტის ვადოიბანძღუანქ,გოცქვენი გვალო ქჷდგარულ,ეგებ მოირთას ლანძღუაქ.

მოძირაფა

დიმუნუ დო ბჟადაალშეცა გოხირიტ ვალუაქ,გურგინჲ გილებურჯანცჷ დოდიხას უცანცალუანც.

ჯა, ბორიაში მუკნასოფა,მწვანე ჸალეფც იჭუანც,ჭვემა მოფთხოზ უკახალე,მალას გიმოჭიშუანც.

ჭარა მითინც ვაურაგადმორდება დო ბოდიშის,კოხი, ჭვემას წყორაფილი,მიზღვინდუანც ოჭიშის.

სათოისერო ღურა მოძრინას, ქვინჯშა გენჭაფილც,ბჟა დო თუთა გეურყინტ

ჩხორო დუდამ გვერშაპის.

გერეფ გილებუძოლჷნამინდორც, ჭითათ ნაღაფას,პაპაში გინძე ანაფორაქუმკუქუნუ ტყაშ მაფას.

ჭინკეფი რე, ოხვამეს,სარაკუნას რეკჷნცჷნი...მუთუნ ვერსხენც ქიანას,ცოდა ეშე გეფუნცჷნი.

აჸონება

პოპორც მუ არზენც ჭყანას,წყარ ეშე ეთმოწენცჷნი,გვალა ქარწყენო გვალას,ჭვემას ქუჩქუნო ჭვენცჷნი.

ქარაგადენო მითინც,მუ შარათ მოურც აფუნი,ვარა მუ ოკო ნირსის,მინდორეფს მიწიფაფუნი.

მი უგანც ორთას მარდის,მაფალუს ცუნდის ჩანცჷნი,ქაგინნო ეთი ვარდისჰამო შურჲ გაფურკანცჷნი.

რჩქინა ქოძჷნო სოთინი,მითინც ქუჩქუნო მუთუნი,მი მიწინც, სოლე მოფრთინიდო ვარა სო მეურქუნი.

პოპორც მუ არზენც ჭყანას,

წყარ ეშე ეთმოწენცჷნი,გვალა ქარწყენო გვალას,ჭვემას ქუჩქუნო ჭვენცჷნი.

მუშენი?

ვაძირიო, დღა დო სერცორთა შქაშა გურთუნი?გიჩქჷდუნი მიჩქჷდ, მარავანორჩქვენო მუთუნი?

ტვინცჷ გიხიცინუანც„მუშენი“ დო „მუშენი“დო სამოთხექ მეგიდინშურცინცობაში გურშენი.

ვეფირქა დო ვეჩაკვირა,გეფშვათ თინჩას თუთუმი,ასე დიხას ვემიოხეგოწოს ათაქ უთუნი.

უკულიანც წჷმოხონიშჲვაგაშინე მუთუნი,ჩქინ გოშინათ ვეჸუაფ,მუჟამც დობღურუთუნი.

რამაზ კუპრა

ვემგოტე დო ვემმოტუა

გურს დაჩხირი ელმორზუნისი შეილებ თიშ შქირიტუა,ოდო შური ქენმაქანცჷნვემგოტე დო ვემმოტუა...

სქანი უმშო ვეგნმაღინეკაკალია დღა დო სერი,თეს ვარწყექო, გირაგადუქდო კოს თოლშა ეწმასერუ...

იმენდ მიღუ, დუმართუქჷ,შურსჷ თისჷ გინვორთუა,ცა დო დიხაქ ეკინწყვასჷნვემგოტე დო ვემმოტუა...

მა მილინდას, სი ჸოფედა,სასაფულეს ქიგმოთუას,ჩქიმ შურ თევრე ვემგოტენსჷ,მა სი ათაქ ვემმოტუა...

DUM SPIRO, SPERO!...

რინი ჩქინ ითებვალიშ მამალას,თე ამბე თაში ვარენო, მორო,მა მიდურქუნი, თე ქიანაშაშხვა ქუმურსუჩქიმ მანგიორო...

ქიანერობა ოდო ირთუნი,-გვიგვილ გოპირანსატამაშორო,რინი ართიანსქუგიმუანათ ხიოლ მაშინათაქ ანდანერო...

ღორონთქ ტვერიშეგჷმორჩქინესჷ,ჩქი არძა კინიგინიფრთუთ ტვერო,იმენდ იშენითვავოდინუათ,ოდო შურ მიდგნან:DUM SPIRO, SPERO!...

(დუმ სპირო, სპერო - ლათ. მარგალურო - ოდოშურ მიდგ)

https://wikisource.org/wiki/%E1%83%A0%E1%83%90%E1%83%9B%E1%83%90%E1%83%96_%E1%83%99%E1%83%A3%E1%83%9E%E1%83%A0%E1%83%90

ვედირთუნ ეფერ დღა

ელახიქჷგელესარკ,დუდი გეშაჭოფუბჟაქ,ქიანერობაშ გვერდისამდღარ დღაიჭყაფუ თაქ...

მინშე იჭყაფჭიროთით,მინშე ხოლოხიოლით,მუჭო გოჭყაფილრენ თეშიიროიანრსიოლით...

ელახიქჷგელესარკ,დუდი გეშაჭოფუბჟაქ,ვაგგოჭყორდან,დღას ვედირთუნ,ვედირთუნ ფერდღა იჭყაფ...

ვადმარინე

ბჟაქ გვალაშეგელეჸვინთელ,ჸიონუნამუმულეფი,ონდე-ონდეთთოლს ონჯანაარძაშურიდგუმილეფი...ბჟაქ გვალაშეგელეძიცუ,ცაქ დიღაფუბიაშნერო,თე სისქვამემეტებულოვადმარინემუთუნნერო...ქჷდამჯერით,-ვადმარინე,ვადმარინე,მუთუნნერო...

ექსპრომტი უჩინებ ცირას

ცირა მიკვანწ ტანზღვინდალი,კაბა გარწკიპ სატორონჯო,მირე, დიდაშმაჸვილარი,თე ზესნახეშ საქომონჯო...

თის მანწარას ქიმმეწონი,გურ ელალ დო ვაგამდღანა,სით თოლს ქენმოფურინანდიქუორდენი სქან მახანა...

გურქ ქოიგინუ, გომიძიცე,სინთუანო, თუთაცალო,სი მა ხანით ვაგოსქუქდამა დორშანა სანოსალოთ...

აშ მაკინი, ვეონჯღორა,ქუმარჩქილი, ცირა, ჯგირო:ომარგალეს ქომძირუდაჩქიმ უჯგუში კოჩიშ ჩილო...

შურობუმუშ

შურობუმუშ მოჸოროფემსღურა შურო ვა ნარღუნა,"თელო ღურას ირო უჯგუკოჩიშ კოჩანიერ ღურა"...

მაფა ნინა

ჸუდე - გედგჷ, ჯა - გეჩანს,ხოჯ - გებიჯჷ, კოჩი - გერე...შხვა ნინეფშა: ჸუდე - გერე,ჯა გერე დო კოჩით გერე...სოთინ, ნამთინ ნინა ვარენინა მარგალურიშ გერე!.. ვო, მარგალი,სი სქან ნინას მუკულე დოქუმუფერე... აიეტიშ, ქუჯიშ ნინააღორონთი დღა დო სერეფს...ვო, ჩქიმ ორქო, გოლვაფირო,ძალამს ქორთხინქ ქუდამჯერე:თე ცაშ თუდო კოს ვაგორე ნინამარგალურიშ გერე!..

გიწორუ ბორჯიქ

სი თე ქჲანაშამორთ თოლწკურელიმუჭო უკოროცხსქან თურეფქითი,თოლი განჯინისი ქოძირიჟი მურიცხეფიდო გოდირაკილქვიშნაშ ნოყელა,მონდა ბულეფითგინოკასილი......მენცარულ რჩქინათმოხორცქი დიხას,ამდღა სი კუჩხიგეიდგ თუთაშადო ჭიჭე-ჭიჭეთ გურაფულეთე საარიკოდო უთანჯოგალაქტიკეფსჷ...სი ირ დღას ონჯანქუშულად დოურძღაფელ თოლეფსდო ოკვირუქთი მურიცხეფს,ნამუთ სი ძირიდებადინ თიწკმა...ბრელ ხანიშ კინოხგოხუმუ ქვიშნაქგეგლეპირტოლუნოჸელაქ თიში,ნამუთ ორდუსქან ჭიჭანობასმონდა ბულეფითგინოკასილიგიწორუ ბორჯიქდო ათე შვანოსი თევრეშე გაძახუ გურისოთჷ დებადიაკაბურცხათოლეფწკურილო...

ალიო ქობალია

ნირსიშ ფელუკეფი

ზღვაშ მორია, თუთაშ მორთა ართო აკოშაყარელი,ძინულენსუ რუმე წყარი, ოკიდირეს მორინელი,კიბოია გილეღვარღვუ, ტყასუ მიშახვიარელი,ნანწყვიშ არფის მიკოკირუქ, თოლეფ გაფუ დონირსელი.

ულირ ბორჯემქ ქინოიტუ, ჩხოროფათუ დოხართელი,მორო ესუთ ვეკაწამა, ვაგურქიე შურო ხენი,დუდი მედვალირი გაფუ, ზღვაში ლუბას დოკარელი,შურიშ ვესუ მეჭირხინუნს თოლეკირილ სქანი ცხენი.

ქვინსუ მურე გიწონებუ – კოკიშ კოკი, ფერთიშ ფერთი,ექ ნათუნსუნ, შხვა მუთა რე – მუკნაციმა მურიცხეფი…ელე ცაშა ქელეჯინი, ქიგიშინი ორგიეფი,ჯვეში ნიშიშ არფიშ გამა მოჩქუ ნირსიშ ფელუკეფი.

დადი სინთუანიში

დადი, სინთე ქუმოძირი,ვენმოქოსა გარამემს,

აფხაშ რხვილქუ ქიგმაწკურუ,გილვოგაგა წკვარამემს.

კურუმემსუ ვემიოხემენცარეფიშ ნაჭარეფი,ჸურუმულო გეგნოსქველემითაჟამიშ ნაჭარეფი.

ქარ-ბორიას ქოთხოზაფუნაშილუა ნოსეფეფი,იშო დიხას ქიმთოფულეოხვამე დო ნოგეფეფი.

არძა ართო გამკოცუმეჭკარჭკუნტია მურიცხეფი,მებდინაფუ თუთაშ გურ დომუში ჩელა ოროეფი.

სო ვორექ დო სოლე იბდა,დინაფასუ მევორექ,ვესინთორუ უსქანეთუსოფელიში მუორექ.

ჭითა ჭაპუ

კისერს გობძუ ჭითა ჭაპუ,არძა შიბიშ მოტოლუა.ჯერღვი აკოცალირ მაფუ,

https://wikisource.org/wiki/%E1%83%90%E1%83%9A%E1%83%98%E1%83%9D_%E1%83%A5%E1%83%9D%E1%83%91%E1%83%90%E1%83%9A%E1%83%98%E1%83%90

ვადმოკორდუ მომბოლუა.

ხოლო დუსუ ვევერგიდა,ვაკნიკინანს გოლოფუა,ძივავაში მენდით ვეჸიღორონთიში ჭყოლოფუა.

ლერსი

ბრელი ფირქით, ბრელი არზით, დასუსტებექ, ანწი,ღურა-რინაში მუმალი ღაზი, ხოლოს რე კვანწი.დღაში დო სერით სქანო ვორდით შურობუმუში მენდით,გჷმასოფუთ მუჭოთ ნოდი რზენიშე დო ფერდით.ოსერდებელი ქორე ოში, თი, ჸვანა დო ყანწი,ულერსეთ, მარგალი კოჩი, დღას ვაჸოფე კვანწი;მა მიდურქუნ, ქათხოზი გერს, კურცხას ორდა ირო,სქანი ქიანას ქიმკაჯინი, ტერს გინართი ჭირო,სქანი იმენდით, მა დიფრთუქუ, დიო ქორე ქანცი,მა მაჸვენუ, სქანი ნერი, სი დოდირთი, კვანწი.

ფაშქუნჩიშ მუორე

შქასუ მურე აშაჸუნს ტომბა ზღვას დო მუშ პოპორს,აკამურიცხიში ცას დო კამარეფიშ სარსიოლს,სოფელსუ დო მოსოფელსუ, ოლე ჯას დო ტყაფარონს,სამარგალოშ უღურ შურს დო კუნტა ხანიშ მარგალ კოს?

ეში გამაშ გორუასუ ნიშ დობრაქუ სარაქონს,სერით გვალო გამწობლაფექ, აჸუნაფილ სანარღოს..ფაშქუნჩიში ორქოსუა ქუგორზამუ ტებე ჭყონს:,,სითი ღურაშ უკულ გენწყუნქ მუორელი ირიათონს.”

ზურაბ ცხონდიაჩქიმი ღორონთი

უბადო დო შური წიკვილი, რინას მითი ოცილ, ორჩჷ, თე ქიანაში გჷმარჩქინექჷ არძა გიმე ქჷდაფორჩჷ.

https://wikisource.org/wiki/%E1%83%96%E1%83%A3%E1%83%A0%E1%83%90%E1%83%91_%E1%83%AA%E1%83%AE%E1%83%9D%E1%83%9C%E1%83%93%E1%83%98%E1%83%90

სქანჲ ბჟალარაშ გაფაჩალო, ჩქიმჲ ფაცხაში კარეფჲ ვონჯი, ირფელი გურშა იბხუტოლე, მუთ მიზალჲ დო მუთჲ მიზოჯი.

ცა დო დიხაში ართინერო, მოჸოროფე ვორექ კოჩი, ჩქიმჲ ოჯახის ქოურგებე დო, ჩქიმი ნახანდი, ჰამასჷ ქოფჩი.

ენა მის რე ვაუჩქჷნი, უჩილათ რე ხვალე ბორჯი, აზრი ვემმარკა, ჩქიმჲ ღორონთი, ვარა გვალო ამაბორჯი.

სქანი მარდის გილაპუნთუ

ირფელც სინთე გაბარჩხალუ მუთ გარჩქინ დო მუთ ქიმინი, სქანი მარდის გილაჸუნცუ, შურუდგუმ დო შურდგუმილი.

უსქანეთჷ ჯალეფი ხოლო ვეხერენც დო ვაპირანცჷ... გემოს ხოლო სი მიშუდგუ, მაფშალიაშ ნაბირასუ.

აკა სი გიღჷ ირფელიში, ძირაფა დო რჩქინაშ ნება...

სქანზმა მითინც ვაფიქრინე, კოცჷ მუქ მეჩჷ თიშ შელება.

ჸოროფათი მიხერხინე, ღორონც ჭიჭეთ ქაგურენი, შური ირსხე დო ღურა დღაშა, საონჯღოროთ ვაღურენი.

ოკო თიზმას ქინინტირე, კოჩიშ დუდი მუსუთ განჭუ, მართალი შარას გეფჩირთით-და თე ქიანა აკიპანჯუ.

ზაალ ჯალაღონიაშ ნათანგეფი

რუდაქი

უჩა გვალა ჩეთ გეგნუთუ

უჩა გვალა ჩეთ გეგნუთუჩე ჯა ქაშკვილს ქოგურაფუ.ბწალიკანდუნ იქ ემიშქუმიორდუნი, გობჯოგაფუ.

https://wikisource.org/wiki/%E1%83%A0%E1%83%A3%E1%83%93%E1%83%90%E1%83%A5%E1%83%98

https://wikisource.org/wiki/%E1%83%96%E1%83%90%E1%83%90%E1%83%9A_%E1%83%AF%E1%83%90%E1%83%9A%E1%83%90%E1%83%A6%E1%83%9D%E1%83%9C%E1%83%98%E1%83%90

ემილი დიკინსონი

თაქ ვორეთჷნ წორო გილაბრთათ

თაქ ვორეთჷნ წორო გილაბრთათ, გამათ ვამწუა დღას ვარია. მა მი ვორექ?– შურო მითინ ვარ, სი მირექ ჩქიმო?– მითავარია. გასაჯოგე რე არძა თენერი, ლეტას იდღვებ დო ფურინ ოკონი. იშენ გორდი რე, წურწუხ ლეყეპიშ, დო თის იძახუ მუდგა ჯოხონი."

უილიამ ბლეიქი

გიკალიფუქჷ სი სკვამჲპეული.უკმელაშჲ ცხვანტი ქუგგოხოხანცჷ.ქუმურცჷ თე ბორჯი,თენა გიჩქუდას,სოთინ ვადინდო მუთას ოჸოთანც.სი ეს ვერჩქინა,სკანი თოლეფქჷ,შხვა უჰამაში მეტ მუ ძირასჷღურუ ქუმურცჷ ჸოროფილშოროდო რინაშჲ დღალეფცქიმგოხირანსჷ.

რიჩარდ ბროთიგანი

გილებგეგულუქ

გილებგეგულუქ.გვალაში ბორკშეელვოჯინექ ცაში კონკას.არძა აკანც დუც გუთმუოშინაგაარგამებულ აგაგაცალო,სოდეთ ოკო ქუნწობსკიდემა სკან უმშო.

გოეთე

გესერელი მეშარეშ ნაბირა

ათე სერი მიქუ მაშქუქიმკუდვალნა გვალეფც თოლი.მასქურ ხოლო ვეგლექვაჩუირულუანც ელი – მოლი.ჩიტი ხოლო შურუბუმოეკმოღანცჷ თოლცჷ ნარას,ქიმითვინი ჭიჭე მუ რე,ქიმისვანჯუქ სითი მალას.

ომარ ხაიამი

სოიშა შური ეშმოლუნა ძათანძალო ჩქინი,გეშაბრუწკათ კულა დო კინ ქიგვობათჷ ღვინი,

https://wikisource.org/wiki/%E1%83%9D%E1%83%9B%E1%83%90%E1%83%A0_%E1%83%AE%E1%83%90%E1%83%98%E1%83%90%E1%83%9B%E1%83%98

https://wikisource.org/wiki/%E1%83%92%E1%83%9D%E1%83%94%E1%83%97%E1%83%94

https://wikisource.org/wiki/%E1%83%A0%E1%83%98%E1%83%A9%E1%83%90%E1%83%A0%E1%83%93_%E1%83%91%E1%83%A0%E1%83%9D%E1%83%97%E1%83%98%E1%83%92%E1%83%90%E1%83%9C%E1%83%98

https://wikisource.org/wiki/%E1%83%A3%E1%83%98%E1%83%9A%E1%83%98%E1%83%90%E1%83%9B_%E1%83%91%E1%83%9A%E1%83%94%E1%83%98%E1%83%A5%E1%83%98

https://wikisource.org/w/index.php?title=%E1%83%94%E1%83%9B%E1%83%98%E1%83%9A%E1%83%98_%E1%83%93%E1%83%98%E1%83%99%E1%83%98%E1%83%9C%E1%83%A1%E1%83%9D%E1%83%9C%E1%83%98&action=edit&redlink=1

ვარა მუჟამც ქუმოტყობუნც თევრე ულაშ ბორჯი,წყარი ხოლო ვამაშინა, ჭარაშ გეშა შინი.

ოდიარე რე ორწყექუნი, მერეს ალარე.მუ ანგილოზიქ გიორგუ დო მუნერ ნძალა რე.ათაშ უგურეთ კუჩხი თისუ ვეგიობიჯგუა,სკვამ ცირეფიში თინა ტანშე ენაფალა რე.

შარდენ ვორდი, ფურინუა მოკოდ ქანაში გალე,ცარიატა მონარტუდუ, ეკმოღვარანდ შხიფი.ადამიერქ ვამაძირუ გურიშ მელამოსექდო მუნობრთინ თი ხიბაშე გალე გაგმობჟღიფი.

ვენანჭუქუ არზის თინცჷ, ვაგაჩქვენუ მი რექ, მუ რექ,დო ათეშენჲ სქანჲ თელარას უმოღე დო ტყურათ გურექ.ქოუჯგ კულას უფერუენჲ, ვეგოჩირთუ ღურუშ ქურეფჲ,საფულაშო არძა ართ რე – ხერზელ, შუმას მიშაღურელჲ.

რაბინდრანათ თაგორი

გიტანჯალი

თაქ ვორექ ამდღა, შურშე ბირა ჩქიმი გარჩქილე,სქანჲ დოხორეში კუნთხუს ვორექ მიკოპონილი.სქანჲ ჟინ ნერჩიშო, მა მუთა მაფ ონარღებელი,ათე ჩქიმ რინა უმოღე რე, მა ურგებელი.გვალო პოტიკის ქუმგაბარე არძა ნაბირას.მუჟამც შქასერიშჲ ბორჯი ქუმოურც,დო ოხვამეს თოლუკმელა იშენი ქორძირუნც,მუდგა მიზოჯი, ჩქიმი მორსხე იჸი ნაბირაჩქიმი თოლიგე, შურს ქავოტე სქანჲ ჸოროფას.ორდო ოჭმარეს ორქოში ჩანგით თოლც ქუმგობინა,რთხინქ, ჩქიმ თელარა სქანჲ ოროს ქათიტყობინე.

წუნ ვადინუა,

წუნ ვადინუა,გამკოწილი ჸათე პეულიდო ულა ბორჯის კინ ქეკიჸუნე -ვაგიფურცელას, ბორიაშე ვაგიკალიფას

დო ვარა დიხასვემთიტუას მუში დღალეფი.ქიანა ვენწყუ,პიორეფიშ ჸათე კორობილს ვემშესქვამუდა.გამკოწილი ინა იშენიდო სქან ჭიროთი ქაგინაფე, ხეშ მესუმალათ...გვალო შხვეფშორო სასიაქ ვეჸუასუნქიანა ვენწყუ,გამკოწილი სქვამი პიორი,დო სქან ღორონც, გურიშ ნოფერთოცაშა ქუჯღონი

რინოს კვარაცხელია

კოჩიშ რინა თე ქიანასმუკე–მუკე რთაფა რემულა ვალიში გედვალარეულა ვალიში გაფა რე.

გივი გ. ქარჩავა

ვაშინერს, წყარმალუს!

მინ იხცალო გილექაქალუ,მინ გესქვილ რე ხაჯალურს,კოც ოხოშქვა მიდუღენი,ვაშინერს,წყარმალუს!

მინიშ ნინას დაჩხირ ონტუ,წურწუფა დო წარმაქ უსუ,სით ნინა გიწარმაქუენი,

https://wikisource.org/wiki/%E1%83%92%E1%83%98%E1%83%95%E1%83%98_%E1%83%92._%E1%83%A5%E1%83%90%E1%83%A0%E1%83%A9%E1%83%90%E1%83%95%E1%83%90

https://wikisource.org/wiki/%E1%83%A0%E1%83%98%E1%83%9C%E1%83%9D%E1%83%A1_%E1%83%99%E1%83%95%E1%83%90%E1%83%A0%E1%83%90%E1%83%AA%E1%83%AE%E1%83%94%E1%83%9A%E1%83%98%E1%83%90

https://wikisource.org/wiki/%E1%83%A0%E1%83%90%E1%83%91%E1%83%98%E1%83%9C%E1%83%93%E1%83%A0%E1%83%90%E1%83%9C%E1%83%90%E1%83%97_%E1%83%97%E1%83%90%E1%83%92%E1%83%9D%E1%83%A0%E1%83%98

ვაშინერს,წყარმალუს!

ართ ხანდენს დო უფის ნჩურუნს,მაჟრას ოროს ჰამას ლურს;ეშენ სი კოჩი გეგშაგორენი,ვაშინერს,წყარმალუს!

ართ ჟინ-ღორონთი ჭყიშუნს არძას,უნორმეს დო ნორმალურს,სი ნამდგა რდას, დოჭყუენი,ვაშინერს,წყარმალუს!

შური ძიუთ ინუქაქუ,ლაზურს დო მარგალურს,კოლხის კო

ლადი გაგუა

ნანაში ნინა

მარგალ ვორექ, ძალამც მიჸორცნანაში ნინა მარგალური,ენა ოგორაფალი ვარე,აქ მუთა რე უსქვამური.

მის ვაუჸორც მუში ქიანამუში ჸუდე დო მუში ყებური,ეშენ მითინქ ვედმენდურადო ვართ მომიჸუნა გური.

გალაკტიონ ტაბიძე.

ზურაბ ხასაია ნატანგრფი

მთაწმინდაშ თუთა

დღას ვაჸაფე დიო თენერ თუთა ჩელაია,თუთა ოქროპუტალერჷ, ოჟერჟელაია.ქანა ცაშფერ ლანდეფით დო სისმარეფით გაფშუ...თენერ ლილჷ შურუქალუ ცა მა დიო ვაფშუ,თუთა ითამ ზამბახიე, ჩქჷჩქჷშ სისმარცალოთიშ ორო დო ოქრუონს ტკვარი მისარსალუ;ტკვარს მეტეხი გინაჯინე, ჭიფე წელაია...დღას ვაჸაფე დიო თენერ თუთა ჩელაია.თაქ აკაკიშ აგაგას ხენცფეშ ლურით ლურსუ,თაქ ნახუტურ გვირალ ვარდეფს გინართუანს შურსუ.გვალა ორე მურიცხეფიშ გოთანთალერ ბინა.ბარათაშვილს ათაქ უჸორდ ომბოლურო რინა.ნოტე, ბირას ქოპუნაფდა, გედიშ ბედიქ მერგჷ,ოღონც გეშმარაგადუას, მუჭო დობჟამ სერქჷ.მუჭო სისმარს ეკი–დიკი ვაჸუნს მოვარიე,ფსუაშ შქიორ–შქიორით მიდეღ ოარიე.მუჭო ხონარ თიშენ მიღუ ოჟერჟელაია,ვორექ ღურამონჭაფილი გედი ჩელაია.ათე ცა დო თუთაშ ნარდიქ მუჭო ფთქუა, ვარაღურუშ შარა ხვალე ართ რე–იავარდიშ შარა.მუჭო ქარგჷნს თე შარას მოლერსეში ჭკუა,მუჭო დიო კოც ვოუძირ სერი ათეჯგუა;დიდ აგაგეფ! თქვან თოლოწო მუჭო მიდაფრთია,მუჭო ლერსიშ ხენცფე ვორექ, ხანგურ ლერსიშ თია.მუჭო ქანას ქავოსქიდუქ მათი თქვანიწკელა...დღას ვოუძირ დიო კოც თენერ თუთარჩელა.

https://wikisource.org/wiki/%E1%83%92%E1%83%90%E1%83%9A%E1%83%90%E1%83%99%E1%83%A2%E1%83%98%E1%83%9D%E1%83%9C_%E1%83%A2%E1%83%90%E1%83%91%E1%83%98%E1%83%AB%E1%83%94.

https://wikisource.org/wiki/%E1%83%9A%E1%83%90%E1%83%93%E1%83%98_%E1%83%92%E1%83%90%E1%83%92%E1%83%A3%E1%83%90

გომორძგუა, სააფხაზო სქანი!..

გომორძგუა, სააფხაზო სქანი!..გვალათ, რზენით ირფელამო სქვამი.

ბჟა ბარჩხალა მომნატრებუ სქანი,ზღვა ვამძირუ ქორე მუზმა ხანი.

ქუდმოხვამლე პალმაშ რგილი ოროშხვა ვამოკო სქანი მანგიორო.

კვარკვანტია ნიშჲ მენჩურუნც ზღვასჩქინ ჸოროფა ვენდაღინე შხვას.

ჯიმალობათ ვორდით ანგიშ–მანგიქიგომშინი ჯვეში ამხანაგი.

სააფხაზოშჷ ჭვიმა მიჸორცჷ

სააფხაზოშჷ ჭვიმა მიჸორცჷმისჷ უჩქჷ მუში მანწარასჷ.მოლერსეში ხუმა უღუ,ფიქრიქჷ ოკო მაწვალასჷ.ჯაში ფურცელცჷ მოწენცჷ დოდიხასჷ დოუჩხაპალანცჷ.

ცასჷ ოსქვანს ჭვიმა თუდო ბუნილი,ძეწკვიცალო ჭვეთიშჷ გათობუმაფა.სქვამჷ ქიანაშჷ ჸოროფასჷ ვაცილჷცა რუმილი ვართი უჩა მუნაფა.

იცურცხინჷ დამორჩილიშჷ მაჭარი,გეგშვანდუანცჷ შორიშჷ მალი მეშარეჭვიმაშჷ ჭვეთი იბირცჷ თიში მასქვამათჷუსქვამაში პოეზია ვეჭარე.

წყარტიბუშე ქუთეშიშა

წყარტიბუშე ქუთეშიშაქარჷ მუჭო რსხია!ეგებ რკითხას ქუთეშიქმინორექ სია;მა ვორექშო შურიშღალა,მარა დუფულჷ მიშიინას თეში ქიმეიხვადუჩქიმჷ ქუთეიშჷ.

ედემ კვირტია

ჰამლეტიშ ქნარით'

https://wikisource.org/w/index.php?title=%E1%83%94%E1%83%93%E1%83%94%E1%83%9B_%E1%83%99%E1%83%95%E1%83%98%E1%83%A0%E1%83%A2%E1%83%98%E1%83%90&action=edit&redlink=1

ჸათე ქიანა, ჸათე რინა,გვალო პოტიკჷ ჸოფენია,მეუ.. მეუ მონასტერშა,მონასტერშა, ოფელია!უბედობა ხატის ქეჩი,გურც დაჩხირი დუბარბანჯე,შულადირი შურჷ დო გურიმონასტერსუ ქჷმასვანჯე!ცაშჷ ვარიაშჷ მორაგადემუშო გოკო სოფელია...მეუ... მეუ მონასტერშა,მონასტერშა, ოფელია!..

გიორგი შენგელია

ჰამლეტიშ ქნარით

პოტიკი რე, თე ცხოვრებახვალე ნარღი ჸოფენია,

მეუ, მეუ ოხვამეშაოხვამეშა ოფელია.ჰამო ნანა, შურს ქუბირინარღი ხატის ქალუსვანჯენაკეკინა შურჷ დო გურიოხვამესი ქიმასვანჯე.შორს დიხა დო მუში მტვერიცაშ მონტერე ჸოფენია...მეუ, მეუ ოხვამეშაოხვამეშა ოფელია.

უილიამ შექსპირი.

სონეტი 7

ა, ბჟაქ თოლი განჯუ, გეშაჭვიუ ფიჭვიშ ჭვარჭვალით,გეშაბარჩხალუ ელახჷშე ნოთე ჩხორიათ,უკულ მუშ სინთეთ ცას ქიმკაჸუნ, ნოქურ ვარვალით,დო დიხაქ ქიგინ მატაროზე ცაში მორია.

ონდღეშო ჩხანაქ ქიგუნჭირუ გეგთითაკარუ,მუშ ახალობა ქიგიშინუ, ვანტინ წვადილშა.მაღურუცალო მაჩხანალი, მიდაშაყარუმარა ვენკანტინ ოქრო შუშელ შარა კვათილშა.

იშო ქინიქოსჷ ვართ აჭიშუ, ართ მებირაფაქ,წკვარამ ქაოსის ქიმთაპუროსკჷ მუშ გიმარჩქინექ.პოტიკიქ აჸუ, შორ ქიაჩშა თოლიშ მენჭაფაქმუთუნქ ვადასქიდ, თაქ ოფუტეს მუშ გჷმაშინეთ.

სით თე ბჟაცალო, ხვათახვალე ოკო ვემკინტენ,დო სკან ღურაშა, ართი სკუა ვარა ქემკიტე.

მამანტი კვირტია

აკაკი წერეთელი.

სულიკო

ჸოროფილიში საფულესბგორჷნდი, მუშე ფუბლიკო,გილებში ნგარა - ღურღულით

https://wikisource.org/wiki/%E1%83%90%E1%83%99%E1%83%90%E1%83%99%E1%83%98_%E1%83%AC%E1%83%94%E1%83%A0%E1%83%94%E1%83%97%E1%83%94%E1%83%9A%E1%83%98.

https://wikisource.org/wiki/%E1%83%9B%E1%83%90%E1%83%9B%E1%83%90%E1%83%9C%E1%83%A2%E1%83%98_%E1%83%99%E1%83%95%E1%83%98%E1%83%A0%E1%83%A2%E1%83%98%E1%83%90

https://wikisource.org/wiki/%E1%83%A3%E1%83%98%E1%83%9A%E1%83%98%E1%83%90%E1%83%9B_%E1%83%A8%E1%83%94%E1%83%A5%E1%83%A1%E1%83%9E%E1%83%98%E1%83%A0%E1%83%98.

https://wikisource.org/wiki/%E1%83%92%E1%83%98%E1%83%9D%E1%83%A0%E1%83%92%E1%83%98_%E1%83%A8%E1%83%94%E1%83%9C%E1%83%92%E1%83%94%E1%83%9A%E1%83%98%E1%83%90

„სო რექ სი, ჩქიმი სულიკო.“

ძიგირონც პირი ქობძირითი ომბოლს მოკოდ გულიკო;გურაბაძგილო ქობკითხი:„სი ხოლო ვარექჷ სულიკო?“

ფურცელონც მაბშალია რდჷ,ხიოლით მოკოდ ბჯუნიკო,ქიმუჰამე დო ქობკითხი:„სი ხოლო ვარექჷ სულიკო?“

ქიმმოხვამილუ ოჸიას,დიქანცუ, ქიდიხვარხვალუ...ცაშმარწკიმდეფი ჟინიშიჩილამურც გაიშახვარჩალუ.

ქიდიხვართქალუ მაბირექ,პირცჷთ ქაცვანგჷ თექია...ქოთ კუსუ, ქოთ ქოღურჭულუ:„იახა, მა ვორექია!“

ილია ჭავჭავაძე.

ჯალონც ართო გოუფალჷ

ჯალონც ართო გოუფალჷმარჭიხოლიში ხვართქალი რებინეხი აჩიჩქორებე დოჩილამურიში ხვარჩალი რე.

გვალეფი გინორთე ჯგიროგაფართანებე ქუჩა

მამული გოლუაფირო,სი მუ იმენდის მუჩა.

1987 წ.

https://wikisource.org/wiki/%E1%83%98%E1%83%9A%E1%83%98%E1%83%90_%E1%83%AD%E1%83%90%E1%83%95%E1%83%AD%E1%83%90%E1%83%95%E1%83%90%E1%83%AB%E1%83%94.

Documents

sasawali leqsebi