694
DIOSEN JOI JACONASH DIOS BETAN JANOSHON JATÍSHONBI ONANTI JOI El Nuevo Testamento de nuestro Señor Jesucristo en el idioma shipibo — conibo

Shipibo bible new testament

Embed Size (px)

Citation preview

  • 1. DIOSEN JOI JACONASH DIOS BETAN JANOSHON JATSHONBI ONANTI JOI El Nuevo Testamento de nuestro Seor Jesucristo en el idioma shipibo conibo

2. El Nuevo Testamento en el idioma shipibo-conibo Primera edicin, 1983 Segunda edicin, 2008 Publicado por La Liga Bblica 2008 Usted es libre de copiar, distribuir y comunicar pblicamente la obra bajo las condiciones siguientes: Reconocimiento. Debe reconocer los crditos de la Liga Bblica (pero no de una manera que sugiera que tiene su apoyo o apoyan el uso que hace de su obra). No comercial. No puede utilizar esta obra para nes comerciales. Sin obras derivadas. No se puede alterar, transformar o generar una obra derivada a partir de esta obra. 3. NDICE Mt. 5 Jesucristo icbo yoiquin Mateon huishani SAN MARCOS Mr. 98 Jesucristo icbo yoiquin Marcosnin huishani SAN LUCAS Lc. 146 Jesucristo icbo yoiquin Lucasen huishani SAN JUAN Jn. 235 Jesucristo icbo yoiquin Juaman huishani HECHOS Hch. 306 Non Ibo Jesusen joi yaiaibo in ROMANOS Ro. 374 Roma jeman ic joi acaiboqui, Pablon quirica bomani I CORINTIOS I Co. 419 Corintoainoa joi acaiboqui, peoquin Pablon jato quirica bomani II CORINTIOS II Co. 456 Corintoainoa joi acaiboqui jahuen rab itin Pablon jato quirica bomani GALATAS G. 482 Galacia janeya main ic joi acaiboqui, Pablon quirica bomani EFESIOS Ef. 497 Efesoain ic joi acaiboqui, Pablon quirica bomani FILIPENSES Fil. 513 Filiposainoa joi acaiboqui, Pablon quirica bomani COLOSENSES Col. 523 Colosas janeya jeman ic joi acaiboqui, Pablon quirica bomani I TESALONICENSES I Ts. 534 Tesalnicainoa joi acaiboqui, peoquin Pablon quirica bomani 4. II TESALONICENSES II Ts. 542 Tesalnicainoa joi acaiboqui, jahuen rab itin Pablon quirica bomani I TIMOTEO I Ti. 547 Peoquin Pablon Timoteoqui quirica bomani II TIMOTEO II Ti. 558 Jahuen rab itin, Pablon Timoteoqui quirica bomani TITO Tit. 566 Titoqui Pablon quirica bomani FILEMON Flm. 572 Filemnqui Pablon quirica bomani HEBREOS He. 574 Hebreo joni aquin acanai judoboqui quirica bomani SANTIAGO Stg. 606 Diosen jonibo janbisaqui, Santiagon quirica bomani I PEDRO I P. 619 Joi acaibo janbisaqui, peoquin jato Pedron quirica bomani II PEDRO II P. 631 Joi acaibo janbisaqui, jahuen rab itin Pedron jato quirica bomani I JUAN I Jn. 638 Peoquin Juaman quirica huishani II JUAN II Jn. 648 Jahuen rab itin, Juaman quirica huishani III JUAN III Jn. 650 Jahuen quimisha itin, Juaman quirica huishani JUDAS Jud. 652 Criston yonotiribi ishon, joi acaiboqui Judasen quirica bomani APOCALIPSIS Ap. 656 Jascara itibo onancannon ishon, Diosen yoia Jesucriston queshana, Juaman huishani 5. 5 Jesucriston requenbo (Lc. 3.23-38) 1 1Nato riqui Jesucriston requenbaon jane. Ja Jesucriston requenra ic iqui apo David. Ja Davican requenbiribira ic iqui Abraham. 2Nescatira peocootai, ja Jesucriston requenbaon jane. Requempari iqui Abrahamana. Ja Abrahaman baquera ic iqui Isaac. Ja Isaacnin baquebiribi ic iqui Jacob. Ja Jacobnabiribi ic iqui Jud. Jainoash huetsa jahuen baquebo jarbaa iqui. 3Ja Judacan baquebo ic iqui Fares betan Zara; jaton tita ic iqui Tamar. Jatian Faresen baquebiribi ic iqui Esrom. Ja Esromanabiribi ic iqui Aram. 4Ja Araman baquera ic iqui Aminadab. Ja Aminadabcanabiribira ic iqui Naasn. Ja Naasoman baque ic iqui Salmn. 5Ja Salmman baque ic iqui Booz; ja jahuen titan jane ic iqui Rahab. Ja Boozen baque ic iqui Obed; ja jahuen tita ic iqui Rut. Ja Obednin baque ic iqui Isa. 6Ja Isaican baquebiribi ic iqui apo David. Jascara icashshiqui, ja Abrahamhainoash Davican senen, chonca chosco ja Criston requenbo. Ja Davican baquera ic iqui Salomn. Ja ic iqui Uras ictiaiton ahuin betan baqueaa. 7Ja Salomman baquebiribi ic iqui Roboam. Ja Roboaman baque ic iqui Abas. Ja Abasnin baque ic iqui Asa. 8Ja Asan baque ic iqui Josafat. Ja Josafatcanabiribi ic iqui Joram. Ja Joramana ic iqui Uzas. 9Ja Uzasnin baque ic iqui Jotam. Ja Jotaman baquebiribi ic iqui Acaz. Ja Acazen baque ic iqui Ezequas. 10Ja Ezequasenabiribi ic iqui Manass. Ja Manassen baque ic iqui Amn. Ja Amomana ic iqui Josas. Ja Josas janontian, jaton rahubaon ja Israel jonibo bocana iqui, Babilonia mainco. Jascara icashshiqui, ja David inainoash, Babilonia mainco jato bocanni senen, chonca chosco ja Criston requenbo. 11Jato jascacannontian Josasnin baqueaa iqui Jeconas. Jainoash huetsa jahuen baquebo jarbaa iqui. 12Jascaquin jato Babiloniain bocana basi iiti, moa jaquiribi berbacannontian, Jeconasen baqueaa iqui Salatiel. Ja Salatielnin baque ic iqui Zorobabel. 13Ja Zorobabelnin baquebiribi ic iqui Abiud. Ja Abiudcanabiribi ic iqui Eliaquim. Ja Eliaquimana ic iqui Azor. 14Jatian ja Azornin baquebiribi ic iqui Sadoc. Ja Sadocninbiribi baqueaa iqui Aquim. Ja Aquiman baquebiribi ic iqui Eliud. 15Jatian ja Eliudcanabiribi ic iqui Eleazar. Ja Eleazarnin baque ic iqui Matn. Ja Mataman baquebiribi ic iqui Jacob. 16Ja Jesucristo icbo yoiquin Mateon huishani SAN MATEO Jesucristo icbo yoiquin Mateon huishani 6. 6 Jacobnabiribi ic iqui Jos. Ja Josra ic iqui Maran bene. Jatian ja Maran baquebiribi ic iqui Jess; jahuen huetsa jane Cristo. 17Jascara icashshiqui, ja Abraham inainoash David in senen, chonca chosco jonibo ic. Jainoash David inontian Babiloniain israelitabo bocannontian ic iqui, chonca chosco joniboribi. Jatian ja Babilonia mainco israelitabo bocannontian, Cristo picni senen iqui, chonca chosco joniboribi ic. Icashbi ja chonca chosco janencora, Jesusen requenbo betanbi iqui Josecan jane, itan Jesusen janeribi. Jesucristo picni (Lc. 2.1-7) 18Nescatashsha Jesucristo picnique: Marara ic iqui, Josecan binoshon onantiaa; ishonbi bimapari ic iqui. Jascara Josecan bima iitibi, Mara toota iqui; Diosen Ochaoma Shinaman imaa. 19Jatian ahuinhati shinanshon onantiaa ishonbi, Josecan moa bitiaquin shinanyamaa iqui; jab icma icashbi toota iquetian oinshon. Icashbi ja Jos ic iqui pont shinanya. Jascara ishonbi, moa Mara biamaquetian jaconmaquin yoicanaquetian, jonshoco jeneti shinana iqui. 20Moa jascanoshon shinan shinanainbi, nam meran, non Ibo Diosen anjirinin nescaquin yoia iqui: Davican chinbaque Jos, mesc shinanyamaquin, Mara birsue. Ja toota baquera, Diosen Ochaoma Shinaman ic iqui. 21Ja ainbaon baque picotara, benbo baque inshiqui. Ja baquera, Jess aquin, min janeti iqui; jaton ochabo soanaanshon jahuen jonibo jatbitian Dios betan jaconbires jacannon ishon, jato quishpinmati iquetian aquin anjirinin ac iqui. 22Moatianbi, Diosen jahuen Shinaman yoyo icai joni yoimani quesc senennon icash, Mara toota iqui. Nescaquinra Diosen jahuen Shinaman yoyo icai joni yoimanique: 23 Jonin tanatama shontacora toonoshiqui. Ja jahuen baque picotara, benbo inshiqui. Ja baquera, Emanuel aquin, janenoshicanai, aquin Diosen yoimanique. Ja Emanuel iqu ic iqui, Dios riqui noobetan, iqu ic. 24Jascaquin yoia, Jos osh besoa iqui. Besoshon ja anjirinin yoia quescaquin, Josecan Mara bi iqui ahuinhanoshon. 25Moa jab huanoshonbi Josecan teayamaparia iqui, Mara baquenai caman. Iiti ja baque picquetian, Jess aquin janea iqui. Jess picquetian, onan jonibo ja oinhanan rabii bocanni 2 1Ja Jesssa picota iqui, Beln jemameash. Ja Beln jemara ic iqui Judea main. Jatianribi Herodes ja main apo ic iqui. Jascquetian, jahuetii onan jonibo becana iqui, bari picotaioqueash. Beash, Jerusalnhain noccana iqui. 2Jain nocshon, ja jainoabo yoccana iqui: Jahueranorin ja judobaon apo iti baqueshoco picota? Bari picotaioriqueara, jahuen huishtin non oinbeiranque. Huetsatianbires picisma icashbi, ja huishtin picquetianra, non onanbeiranque apo picota. Ja copra noa joque, ja bebon chirancooshon rabii aquin acana iqui. 3Jascara nincatash, apo Herodes rateta iqui. Jatbi ja Jerusalnhain ic joniboribi rateta iqui. 4Jascati ratshon, jato Dios yoishonaibo iquinai jatbi jato Herodesnin quenamaa iqui. Jainshon Diosen es onanboribi quenamaa iqui. Jato quenamaa tsinqucanquetian, jato yocata iqui: 1 2 7. 7 Jahueranoash Diosen raana joash Cristo pictiqui, ja Diosen Shinaman yoyo icaibaon yoicatitai? aquin jato ac iqui. 5Jatian huestoran yoia iqui: Ja Judea main ic, Belnhainoash itira yoicanique. Jainoash iti yoiquinra, ja Diosen Shinaman yoyo icai jonin nescaquin huishanique: 6 Ja Judea main ic, Belnhainoashsha huestora apo picnoshiqui. Janra ja Israel jonibo iquinhanan, jato aquinnoshiqui. Jascara copra, ja Jud main ic jemabo bebonbires, ja Beln jema quiquinbires nincacaati iqui, ishon huishanique aquin ac iqui. 7Jatian Herodesnin, ja onan jonibo jonshoco jato quenamaa iqui. Jahuetianshaman ja huishtin picotarin, ishon jato yocshon onancasquin, jato quenaa iqui. Jato jascaquin yocata, huestoran yoia iqui: Moara rab baritia iqui aquin. 8Jatian jato yoia iqui: Ja Belnhain botancanhue. Boshon ja baque benatancanhue, jahuequescarainrin ishon onannoshon; moa nocoshon, jaquiribi joshon maton ea queshannon. Jatianra cashon, enribi jabebon chirancooshon rabiti iqui aquin jato ac iqui. 9Jato jasca, jen icana iqui. Jascatash bocana iqui. Boquin, ja huishtin oinribicana iqui; ja bari picotaioquea oinyantancana huishtin. Jascatash bocanaitian, ja huishtin jato bebon iicaresa iqui; jaribi tanai bocannon icash. Caash, jain baque ic shobo pontshamanbi ja huishtin tsasia iqui. 10Ja huishtin jain tsasia oinash, quiquinbiresi ja onan jonibo raroa iqui. 11Jascatash, ja shobo meran huecana iqui. Hueshon, baque oincana iqui; jahuen tita Mara betanbi. Jascatash ja baque bebon chirancooshon, rabicana iqui. Jainshon jaton bonantishocobo quepencana iqui. Quepenshon, jahuquibo ja baque menicana iqui. Ja menicanabo ic iqui, oro, incienso ininti bepon, mirra ininti bepon; jabo menicana iqui. 12Jascquetian, Diosen jato nam meran yoia iqui; moa jaquiribi Herodes icin bocantima. Jato jasca, moa jain boetsayamai, jaton main bo, huetsa bain bocana iqui. Jahuen anibaon, Jess Egiptonco jabquinni 13Moa onan jonibo bocana peco, non Ibo Diosen anjirinin nam meran Jos yoia iqui, nescaquin: Osh besohue. Besoshon, ja baque betan jahuen tita, Egipto mainco jabquiinquin iotanhue. Ja Herodesninra jato retemanoshon, ja baque jato benamati iqui. Caash, jaimpari itanhue; jaquiribi mia joti en mia queshanai caman aquin ac iqui. 14Jascatianbi, Jos osh besoa iqui. Besoash huenshon, yambi ja baque betan ja baquen tita jabquiina iqui. Jascatash, jabo yambi Egiptonco jabati bocana iqui. 15Jain boash, Herodes mahuatai caman, jaimpari icana iqui. Moatianbi, Diosen jahuen Shinaman yoyo icai joni yoimani quesc senennon ishon, ja baque jabquiincana iqui. Nescaquinra, Diosen jahuen Shinaman yoyo icai joni yoimanique: Nocon baquera, Egiptonconia en quenamaa iqui, aquin yoimanique Diosen. Benbo baquebo queyoquin reteti jato Herodesnin yoini 16Jatian onan jonibo moa jaqui nocyamaitian, Herodesnin onana iqui; eara moa parancanque, ishon. Jascatash, quiquinbiresi sinshon, jahuen sontrobo raana iqui Belnhain, 2 8. 8 itan ja ochma ic jemabaonribi. Jato raana iqui, jatbi ja jainoa benbo baque rab baritiayabo, itan huestora baritiayabo jato reteti. Jainoash mashcoshocobo inonbi, jato retequin queyotiribi jato raana iqui. Onan jonibaon, ja huishtin picota moa rab baritia yoiibaquetian, jat baritiaya benbo baquebo retecana iqui. 17Jascatash, ja Diosen Shinaman yoyo icai Jeremasen quirica huishani quesc, ja Belnhainoa ainbobo huinia iqui. Ja Jeremasenra, quirica meran huishanique nescara: 18 Ram jemameashsha ainbo sion icai. Quiquinbiresaquin masbires shinanira huiniai. Ja huiniai ainbo ic iqui Raquel, jahuen baquebaon mas shinani. Tantimacascanabi, huinii jenyamaa iqui; jatbi jahuen baquebo mahuati queyquetian, iqu inique. Egiptonconiash Nazaret icin berbacanni 19Jascatash moa basi iiti, Herodes mahuata iqui. Ja Herodes mahunontian, Jos Egiptoncobipari ic iqui. Jain iquetian, non Ibo Diosen anjirinin nam meran yoia iqui: 20Osh besohue. Besoshon, ja baque betan jahuen tita, jaquiribi Israel mainco iotanhue. Jan nato baque retecasaira moa mahuque aquin ac iqui. 21Jasca osh besotaanan, Jos huenita iqui. Huenshon, ja baque betan ja baquen tita jaquiribi jato Israel main ioa iqui. 22Caaitian yoicana iqui: Herodesnin baque Arquelora, Judeain apo jiquique; jahuen papan toan aquin acana iqui. Jascacana, moa jain catin raqueta iqui. Jascatash, moa Judeain cacshamaa iqui. Jainshon Diosen nam meran yoia iqui, Galilea main cati. Jascaquin yoia jain caa iqui. 23Caash, Nazaret acanai jeman iaquea iqui; jainbi moa jatiaash. Moatianbi Diosen Shinaman yoyo icaibaon yoicana ic iqui, Nazaret jemamea riqui, aquin Jess acanti. Jabaon jascara yoini senennon icash, ja baque Nazaret jeman iaquea iqui. Nashimamis Juaman, jahuebi yamaa manamanshon jato Diosen joi yoini (Mr. 1.1-8; Lc. 3.1-9, 15-17; Jn. 1.19-28) 3 1Jatianribi, ja Nashimamis Juan Judeain caa iqui. Jain cashon, jaiba beaibo, jahuebi yamaa manamanshon jato Diosen joi yoia iqui, nescaquin: 2Jaconma shinanbo jeneshon, Dios queenai quesccaya jati shinancanhue. Jahuen jonibo quishpinmaanan, jato Diosen iquinti netera moa senenibishoco iqui aquin jato ac iqui. 3Juan jascti, moatianbi ja Diosen Shinaman yoyo icai Isaasen, quirica meran huishani quesc ic iqui. Ja Isaasenra quirica meran huishanique nescara: Jahuebi yamaa manamameashsha joni sa icai: Non Ibo joti bai benshoashoncanhue. Jan joti baishocobo ponteshoncanhue, ishon Isaasen yoinique; jaton shinanbo benshoacanti yoiquin. 4Ja Juan ic iqui, camello rani chopaa sahuya. Jainoash bichi sintranin chinesheeya. Jahuen piti ic iqui champo. Jahuen sheati ic iqui bona jene. Jascarabo, itan huetsa jahuquiboribi merashon pictiai. 5Ja Juaman joi yoiai nincatira jaticashbichaashaman Jerusalnhainoash becana iqui. Judea maimeashshibi icha becana iqui. Jordn hueamameash, itan ja ochma ic maimeashshibi icha joni becana iqui. 6Beash, jaton ochabo queshacanquetian, Juaman jato Diosen janenco nashimaa iqui; Jordn hueaman. 2 3 9. 9 7Jasccanaitian icha fariseobo betan saduceoboribi Juaman nashimanon icash becana iqui. Jabo ic iqui, Diosen es jato onanmaibo. Jabo becanquenbi, Juaman jato nescaquin yoia iqui: Mato riqui rono tsamata quescbo, jonibo jaconmaibo icash. Maton requenbaon an quescribiaquinra, jaconma jahuquibores aquin maton jeneama iqui. Jascara ishonbi, jonibo paranira mato Dios bebonbi ochai. Mato jascatainra, matoqui sinshon Diosen mato castganoshiqui. Jahueaquiqui mato joai? Tsonqui mato yoia, nescati nashiashshes Diosen castganti iitibi mato quishpinti? 8Jascaquin Diosen castgantin queenyamai, rama maton jaconma shinanbo jenecanhue. Jeneshon jacon shinanres biash, Dios queenai quescatires jacanhue. Mato jascquetiampariressa en mato imati iqui nashimaquin. 9Jascara copra maton shinantima iqui: Ja non requen Abrahamra Diosen joni ictiai. Jascara copra, noa Diosen castgantima iqui, ishon. Jascara iquenbira en mato yoiai: Diosenra matobo queyotaanan, nato macanbo inonbi, Abrahaman quiquin chinbaquebo itiaquin imati atipanque. 10Matora jihuibo quesc iqui. Jahuerato jihuiboqui jaconi bimiamai, jabora yamin tashteanan moa menocantires iqui. Aconquin shinanshon jaconma shinanbo jeneash, Dios queenai quescati jayamaibo iquen moa castganshon, chiican ehua meran Diosen potatiresbo icashsha jascara icanai. 11Epecaora huetsa joni moa jobiribi iqui, ja iqui ea shehuina quiquin shinanya icash eb senenma. Jascara iquenra, ea ja namanbires quiquinmashocoyora iqui. Jaconma shinan jeneshon, jacon shinan bicana onancannon ishonra, en jato Diosen janenco nashimai. Icashbi, jahueratoboqui ja iconhaash jaqui coshiai, jaboressa Diosen Ochaoma Shinaman jaton shinan tsaimashonti iqui. Jatian ja iconhacashamataanan jaqui coshiamaibobiribira, castganshon chi tiritai meran potashon, jato mas tenemati iqui. 12Jascara ishonra, jan moa jahuen payti tsomaa quesc iqui. Ja paytininra trigo bimibo payanai, jahuen shacbo potamaquin. Jascashonra ja bimibobichores benshoanoshiqui, jain benshoatinco. Jatianra ja shacbobiribi menonoshiqui. Ja trigo bimibo atiquescaribiaquinra, ja pont shinanya jonibo jatbitian Dios betan imataanan, ja jaconma shinanyabobiribi queyyosma chi meran potashon, jato mas tenemanoshiqui aquin Juaman jato ac iqui. Diosen janenco Juaman Jess nashimani (Mr. 1.9-11; Lc. 3.21-22) 13Jascquenbi Jess Galileanconiash jo iqui, Jordn huean icin; jain Juan iquetian. Joshon, ja Juan yoia iqui: Ea Diosen janenco nashimahue aquin. 14Jascabi queenyamaquin, Juaman yoia iqui: Miincayara ea atiqui Diosen janenco nashimaquin, enra mia imayamai. Jascara iquenbiqui jahueaqui mia eiba jo? aquin ac iqui. 15Jasca, Jesusen yoia iqui: Jabi ea imaresue. Jascaquinra, Dios queenai quesc non jatbi ashonti iqui aquin Jesusen ac iqui. Jatian Juan jen iresa iqui. 16Jascashon, Jess nashimaa iqui. Nashimaa mapquin, nai chopetai Jesusen oina iqui. Nai chopquetian, ja Diosen Ochaoma Shinan, nonbesh quesc bochiquiash joash, jaonbi mayacaitian, Jesusen oina iqui. Jatian Juamanribi oina iqui. 17Jascquenbi, ja naicameash Dios yoyo ic iqui: Nato riqui en noia Baque. Jaonra ea beneai iqu ic iqui, Jess yoii. 3 10. 10 Satansen Jess ochamacasquin tanani (Mr. 1.12-13; Lc. 4.1-13) 4 1Jatian Diosen Ochaoma Shinaman jahuebi yamaa manaman Jess ioa iqui; yoshinbaon coshi Satansen tananon ishon. 2Jain cashon, chosco chonca nete, jainshon chosco chonca yamribi jahuquiayamaa iqui. Moa jatio basiora icash, jahuquiacasaitian 3yoshinbaon coshi jo iqui, Jess ochamacasquin tanai. Joshon nescaquin yoia iqui: Diosen Baquecon ishon, min shinamanbi nato macan pan ahu min pinon aquin ac iqui. 4Jascabi, Jesusen yoia iqui: Diosen quirica meranra yoiai: Jahuquiaatoninbichora joni jacon jayamaque. Diosen yoiai joibo nincshon senenhashonashibicayara, joni jacon jati iqui, ishonra Diosen quirica meran yoiai. Jascara iquetianra, en ayamai nato macan pan aquin aquin ac iqui. 5Jainshon, yoshinbaon coshin Jess Jerusalnhain ioa iqui. Jain ioshon, Dios rabiti shobo bochiqui penchina iqui. 6Jain nichinshon, yoia iqui: Diosen Baquecon icash, nenoash naman choronhue. Choronashbira, mia jahuebi isinhametima iqui. Jascara yoiira Diosen quirica meran nescatai: Diosenra jahuen anjiribo raanti iqui; naman paquetamabi mia jabaon yatannon ishon. Jatianra min tae macanqui choshcaintima iqui, ishon yoiai. Jascara cop, oinnon choronta, aconmayantiqui jan yoiai quesc Diosen senenhaquin aquin ac iqui yoshiman. 7Jasca, Jesusen yoia iqui: Icon riqui ea Diosen coiranai. Icashbira, jahuen quirica meran yoiribiai: Non Ibo Dios aresbiresquin tanatima, ishonra yoiai. Jascara iquenra ea iamai naman choroni aquin ac iqui. 8Jainshon yoshinbaon coshin, manan quey icin ioribia iqui. Jain ioshon, jatbi nato nete oinmaa iqui. Jainshon nato neten jaa mets jahuquiboribi oinmaa iqui. Jatbi nato neten ic jemabo, itan ja jemabaon apoboribi oinmaa iqui. 9Jascarabo oinmashon yoia iqui: Ebebon chirancooshon, min ea rabiquetianra, jatbibaon apo en mia jiquimati iqui. Jainshon, ja en mia oinmaa jahuquiboribi en mia iboamati iqui aquin ac iqui. 10Jatian jascaquetian, Jesusen yoia iqui: Catanhue, Satans. Diosen quirica meranra icai: Non Ibo Diosbichores rabiananbi, jabichores jahuen queenabo ashoncanhue, iqu. Jascara iquetianra en mia rabiamai aquin ac iqui. 11Jasca, yoshinbaon coshi Satans caa iqui. Ja caquetian, Diosen anjiribo be iqui. Beshon, Jess jahuquiamacana iqui. Jahuquiamashon, coshi shinanribi bimacana iqui. Galileancoshon Jesusen Diosen joi yoiquin peoni (Mr. 1.14-15; Lc. 4.14-15) 12Jatian iiquin, crcel meran Juan acana Jesusen nincata iqui. Jascara nincatashbi, Galileanco carbaa iqui. 13Caash, Nazaretinco nocotashbi, jain banyamaa iqui. Jainoash caash, Capernaum main iaquea iqui; jainbi jatiaash. Ja Capernaum iqui Galilea ian quesh. Ja jema iqui, Zabuln jonibo betan Neftal jonibo in mainribi. 14Jascara iti, Diosen Shinaman yoyo icai Isaasen quirica huishani quesc senennon icash, Jess jain caa iqui. Ja Isaasenra, quirica meran huishanique nescaquin: 4 11. 11 15 Ramara icai nescati, ja huetsa main jaa jonibo yoii. Jabo iqui nato: Ja Zabuln main, itan Neftal main jaa jonibo. Ja maibo iqui aniparo ochmaqueabo. Jainoashshibira icai ja Jordn acanai huean queiba icbo, itan ja Galileanco jaa joniboribi yoii. Ja Galileancora jacanque icha judoma jonibo. Jabo yoiira nescatai: 16Ja maimea jonibora quiquinbires onsin, itan yam meran jacana quesc iqui. Ochaya ishon mescaquinbo shinancanai cop. Jascara icashsha, Dios betan jaconshaman jati atipanyamacanque. Jascati qushpimeetamabo icashsha, jahuetianbi Dios betan jacon iti atipanyamaribacanque. Ja jonibaonra quiquin penbires jo quesc oinnoshicanai. Ja joecanra jato tenanoshiqui, ishon Isaasen yoia iqui; ja huestora jonin, jascashon ocha jeneash quishpinti joi jato yoiaitian, oincanti yoiquin. Jascara yoini senennon icashsha, Jess jain caa iqui. 17Jain canontianbi, Jesusen jato Diosen joi yoiquin peoa iqui, nescaquin: Jaconma shinanbo jeneash, Dios queenai quescatires jaticaya shinancanhue. Ja Dios iconhashon jaton Ibo imaibo quishpinmashon, jato Diosen iquinti netera moa senenibishoco iqui aquin jato ac iqui. Jahuen jonibo imanoshon, peoquin Jesusen jato yoini (Mr. 1.16-20; Lc. 5.1-11) 18Jainshon Galilea ian quetanquin, Jesusen rab joni oina iqui. Jabo ic iqui, Pedro aquin acanai Simn betan jahuen huetsa Andrs. Ja rab ricani iibecona iqui; yapa biaibo icash. 19Jatian jato oinshon, Jesusen yoia iqui: Eb cabconhue. Jatianra enbiribi mato onanmati iqui, jascashon jonibo Diosen joi iconhamati; ja iconhaabo Diosenabo inon ishon aquin ja rab ac iqui. 20Jato jascatianbi, rica jainbi jenebaini, jab cabcona iqui. 21Jatian orichaa caquin, Jesusen huetsa rab joni oinribia iqui. Ja rab ic iqui, Zebedeon baquebo; Jacobo betan jahuen huetsa Juan. Ja Juan ic iqui, Nashimamis Juanma. Ja rab jaton papa betan icana iqui; botinshon rica onai. Jain iquetian, ja rab jahuen joni inon ishon, Jesusen quenashon yoia iqui, jab cabconti. 22Jatian jascaquin yoiatianbi, jaton papa botinbi potabaini, Jess betan cabcona iqui. Icha joni Diosen joi Jesusen jato yoini (Lc. 6.17-19) 23Jascatash bocana iqui, ja Galilea main ic jatbi jemabaon. Caquin, ja jemabotiibi ic, jaton es nincti shobo meran jiquishonbo, Jesusen jato eseboa iqui. Jato yoia iqui: Dios iconhashon maton Ibo imaquetianra, quishpinmashon mato iquinti iqui, aquin jato yoiboa iqui. Jascashon, mesc isinyabo jato benshoaboa iqui. 24Jascatash moa jatbiain nincacaata iqui; Jesusen jato jascai. Jatbi ja Siria main icbaonbi ninccana iqui. Jascara nincshon, jatbi jaconma isinyabo beshoncana iqui. Ja isinaibo ic iqui, yoshinabo, beyosaibo, ratsasinabo; jainoash mesc isinyabo. Jascarabo Jess beshoncana jato benshoaa iqui. 25Jainshon quiquinbires icha jonin Jess chibancana iqui. Jabo be iqui, Galileanconiash; Decpolis jemanconiashbo; Jerusalnhainoash; Judea maimeash; Jordn bequeibaqueash; jainoashbo becana iqui. 4 12. 12 MANAMANSHON JESUSEN JATO ESENI (Captulos 5-7) Jascarabo icash, raroshaman icanti (Lc. 6.20-23) 5 1Jatian Jesusen ja icha joni oina iqui. Jato oinbaini manaman caa iqui. Jain caash yacquetian, jaomea onanaibo be iqui. Becanquetian jato yacmaa iqui. 2Jain yaccanquetian, jato esea iqui; Diosen jonibo icash, jascshamani jatiquiriaquin. Nescaquin jato yoia iqui: 3Jahueratobaonqui shinanai: Nocon coshinbira ea jaconshamani jati atipanyamaque. Ja copra ea queenai Diosen ea jaconmainoa quishpinmashon, ea aquintinin, ishon shinanaibora, quishpinmaanan Diosen iquinti iqui. Jabora raroshaman Diosen imati iqui. 4Jahueratobaonqui aconbiresquin mas shinanquin, ea shinan raromahue, aquin Dios acai, jabora Diosen raromati iqui, jabo Diosen jascara, raroshaman icanti iqui. 5Jahueratoboqui mas tenequinbi, itan huetsabaon jaconmaquin acbi, mas shinanyamaquin jaconhaquinres shinanai, jabora Diosen iquinti iqui; jascatash Dios betan jaconbires jacanti iqui. Jabora raroshamanribi icanti iqui. 6Jahueratoboqui Dios queenai quesc atin queenshamanai, jabora Diosen aquinti iqui. Jabora raroshaman icanti iqui, jato jascaquin aquina. 7Jahueratoboqui noibamisai, jabora Diosenbiribi noibashocoti iqui. Jaboribira raroshaman icanti iqui. 8Jahueratoboqui aconquin shinantaanan, Diosaquinbicho shinani jaai, jabora Dios betanbiribi jaconshamanribi jacanti iqui. Jabora raroshaman icanti iqui. 9Jahueratobaonqui, sinacananash jaconmacanaitian jato raemai, jabora, nocon baque, aquin Diosen ati iqui. Jabora raroshaman icanti iqui. 10Jahueratoboqui Diosen queena quesc acaitian, huetsabaon jaconmai, jabora jaconshaman jatbitian Dios betan jacanti iqui. Jabora raroshaman icanti iqui. 11-12Jahuetianqui, nocon joi acaibo iquetian, mato jaconmacanai; mato ichcanai; matoqui shirocanai; jainshon mato icmainbi mato join imacanai, jatianra mato raroresti iqui. Matonra onanque, jascaquin mas tenequetian, iiquin mato Diosen jacon imaanan, jatbitian mato jabbi jamati. Shinancanhue, moatianbi mato yamaatian japaoni Diosen Shinaman yoyo icaibora, jaconmaquinbo apaocannique. Jascara copra, matoribi ramatian acanai jascaquin. Ja jascacanabi teneashsha raroshamanres icanti iqui. Tashi betan joqui jato Jesusen yoinni (Mr. 9.50; Lc. 14.34-35) 13Ramara en mato yoiai, jahuequescatiqui ja huetsabaon oinnon icash, mato jatiqui ishon. Matonra onanque, tashi iqui, jaconmaanaquetian jan piti tashinhati. Jahuetianqui ja tashi jahuen moca moa toshcotai, jatianra moa jahuemabi banetai. Moa jaquiribi moca imati atipanyamashon, potati iqui. Potaquetianra, jain huinquin jonibaon jamatai; moa jahuemabi iquetian. Jascribi riqui matobo. Jahuenabo mato iquetianra, Diosen mato jaconshaman jamai; jahuen coshi shinaman. Jascati mato jaconshaman jaa oinashsha, mato icai quescati jonibo jashococasti iqui; moa jaconma jahuquibo acshamaash. Icashbi jahuetianqui mato Dios queenai quescati jayamai, jatianra 5 13. 13 jahuequescashonbi huetsaboribi maton aquinti atipanyamaque. Jatianra moa mato jahuemabi iti iqui. 14Nocon jonibo mato iquetianra, jonibo sharan jo quesca iti mato Diosen imaabo iqui. Jonibo sharan jaash, jahuen queena quescati mato janon ishonra, Diosen mato jascara imaa iqui. Jascati jaash, mato iti iqui, manan mashcaten jemaacana quesc. Jascarain jemaacana, jishtibires iquetiancayara jatshonbi oincanai. Jascribii mato onantibiresi jaconi jaquetian oinshonra, mato onancanti iqui, icon mato Diosen jonibo. 15Jascribiaquinra ramprin quetashon, tsonbi quentican mapoyamai. Ja ramprin quetashoncayara, bochiquishaman peysancanai; joecan tenaquetian, jatbi ja shobon icbaon jaconhaquin oinnon ishon. 16Jascaquin jatbi tenai jo quesccayara mato iti iqui; Diosen queena quesc jatbitian aqu jaash. Mato jascati jaconi jaquetian oinashsha, mato quesc ishococasquin non Papa Dios rabishococanti iqui; jan mato oinabaon. Rabiananbi yoicanti iqui: Minra jato quishpinmaa iqui. Jascashon min jato jaconbires jamai, aquin acanti iqui. Jascara copra, Dios queenai quescres aqu mato jati iqui. Judo jonibo Diosen es picoshoniquiri Jesusen jato eseni 17Diosenra jahuen Shinaman yoyo icaibo betan Moiss jato yoimanique; ja queenai quescatishaman jahuen jonibo janon ishon jato esecantiaquin. Ja jato yoicanni joibora, Diosen quirica meran huish jaque. Jabaon yoini quescati mato ja jennon ishon, mato yoii ea jo shinanyamacanhue. Eara jo iqui, jabaon yoini quesc senenhanosh, itan matonribi jascaquin senenhashoconon ishon, mato onanmai. 18Iconshamanra en mato yoiai: Nato mai betan nai japariquetianra, iicaash jascarabo senenti Diosen jahuen jonibo huishamani quesc, huinyamai senenti jaque. Jatbi jascara itibo, jahuen jonibo Diosen yoimanira, iconti jaque jascarabo seneni. 19Jascara iquetian, jahueratobaonqui ja Diosen jato huishamani es icinoa, iresa shinanquin huestora es senenhayamashonbi, ayamashococannon ishon, ja esribi huetsabo senenhamayamai, jascara jonibora Diosen jato catotabo sharan, jahuemabi icanti iqui. Jatianra, minra jacon aque, aquin Diosen rabitimaribi iqui. Ishonbi, jahueratobaonqui jascayamaquin, ja es senenhashon, ashococannon ishon, huetsaboribi yoiai, jabobiribira moa jab icanquetian, rabiananbi Diosen anshiqui, jaconra min aque, aquin. 20Enra mato yoiai, jarcanque jatribi fariseobo betan saduceobo; jabo iqui Diosen joi aconquin onanabo. Ja jonibaonra Diosen joi jato yoiai ishonbi, jahuen es meran Diosen eseai quescbo senenhayamacanai; jaton jaconma shinanbo jeneamabo ishon. Jabo icai quescatiribi mato icaitianra, matora nocon jonibo iqui, aquin Diosen mato atima iqui. Mato jascanaquetiancaya, Dios queenai quesc ashoncanhue. Jatianra, nocon jonibishamanbo riqui matobo, aquin Diosen mato ati iqui. Jascashonra, jatbitian mato jabbi jamati iqui. Sintimaquiriaquin Jesusen jato eseni (Lc. 12.57-59) 21Matonra moa onanque, ja maton requenbo nescaquin Moissen jato yoini: Tsoa jonibi reteyamacanhue. Jahueratobaonqui joni reteai, jabora 5 14. 14 bocanti iqui joi benshoaiboiba; jabaon castganon ishon, aquinra Moissen jato anique. 22Jascara iquenbira, enbiribi mato yoiai: Jahueratoboqui jab joniqui sinatai, jabora joni reteash ochacanai quescribii ochai. Jascara iquetianra, jaconma aquetian joi benshoaiboiba castganoshon bocanti quescati ochaaribi Diosen shinanai. Jahueratobaonqui jab jonibo jaconmaquin ashon ichatai, jabora jaconma aquetian, joi benshoaibaon coshiboiba bebonbires castganoshon bocanti quescati ochaaribi, Diosen shinanai. Jahueratobaonribiqui jab joni, yoshin baque, aquin sinshon acai, jabora chiican ehua meran potanoshon, moa Diosen shinana iqui. 23-24Jishaman, maton ati iqui, maton ocha cop Diosen mato castganaquetian, ja ocha mato Diosen soashonnon ishon yocquin. Jatian jascaquinbi maton shinanriti iqui, ja mib jonin miqui joi tenea. Jascara iquetianra, min atimapari iqui; Dios yocquin. Requemparira mia cati iqui, ja miqui jaconma shinanai joniiba. Cashonra, min jabpari joi benshoati iqui; raearibanoshon. Moa jasca pecoparira, min ati iqui Dios yocquin, ja min ocha mia soashonnon ishon. 25-26Jascara iquetianra en mato yoiai: Maton jaconma acbo moamabi benshoacanhue; mato castgamenaquetian. Jahuequesca ishon, huetsa jonin mia ati iqui, minra jaconma aque, ishon rimantanoshon, joi benshoaiboiba mia boquin. Jatian min jaconma acona iquetian onanshonra, ja joi benshoaibaonbiribi mia policiabo yatanmati iqui; jabaon mia crcel meran nianon ishon. Jascara copra, iconshaman en mato yoiai: Ja crcel meran niashonra mato picocantima iqui, mato castgana ishon, jat copaash picti mato yoiatii, maton queyoquin copai caman. Jascara iquetianra, moamabi ja joi maton benshoati iqui; ja joi benshoaiboiba mato iocanamatianbi. Jascribiaquinra, ochashon maton amencayati iqui, ja ocha benshoaquin; Diosen mato castganamatianbi. Jaton ahuinmabi teatima, itan jaton benemabi teamatimaquiriaquin Jesusen jato eseni 27Matonra onanque, ja Moissen maton requenbo nescaquin yoini: Jahuequescashonbi maton ahuinmabi teayamacanhue; ainbobaon jaton benemabi teamayamacanhue, aquin jato an. 28Jascara iquenbira, enbiribi mato yoiai: Jahueratobaonqui jahuen ahuinma iquenbi, teatiaquin shinanshon ainbo oinash jaon queenai, jabora moa teaash ochai quescatiribi ochaa moa Diosen shinanai. 29Jascara cop, min mecayaoquea beron mia ochamacasai onantaanan, ja bero tsecahue. Jatianra min huetsaoriquea berobicho potacaati iqui. Jascara yoiira icai, ja min oinai jahuquinin queentaanan, mia ochati jis iquetiancaya, ja jahuquiaquin moa min ointima yoii. Min jascayamaitianra, ja min ocha copbi castganshon, chiican ehua meran mia Diosen potati iqui; jatiobi min yorayabi. 30Jainshon min mecayaoquea mequemanribi mia ochamacasai onantaanan, shateshon ja mequen potahue. Jatianra min huetsaoriquea mequenbicho potacaati iqui. Jascara yoiira icai, huetsa jahuquibires min mequeman acaibaon mia ochamati jis iquetian onantaanan, moa ja jahuquibo min atima yoii. Min jascayamaquetianra, min ocha copbi castganshon, chiican ehua meran jatiobi min yorayabi mia Diosen potati iqui. 5 15. 15 Jaton ahuin potatima, itan jaton bene potatimaquiriaquin Jesusen jato eseni (Mt. 19.9; Mr. 10.11-12; Lc. 16.18) 31Matonra onanque, ja Moissen maton requenbo nescaquin yoini: Jahueratobaonqui jaton ahuin potai, jabaonra quirica huishashon, ja potai ainbo meniti iqui; moa potaa icash jahuen ahuinma onanti inon ishon, aquin jato an. 32Jascara iquenbira, enbiribi mato yoiai: Jahuerato joninqui jahuen ahuin tsinima iquenbi potai, jatianra ja joni moa ochai. Jascaquin jonin potaara ja ainbo tsinima icashbi, moa huetsa joni betan benoash, janbi joni potaama icashbi, ja ainbo tsinia quescribi icai. Jascatash ja ainboribi moa ochai. Jahueratobaonqui, tsinima iquenbi, jahuen benen potaa ainbo biai, jabora ocharibiai; ja pot beneya ainbo biash. Diosenra onanque, iqu iresbiresi yoyo itimaquiriaquin, Jesusen jato eseni 33Matonra onanque, ja Moissen maton requenbo nescaquin an: Diosenbira onanque en icon yoiai, jansoaitian ea castgampainon riqui, iqu yancabires iamacanhue. Moa jascati yoyo ishonra, maton aconti jaque, jatbi mato jascati yoyo icbo senenhaquin, aquin jato anique; jaton ash jascara iquetian. Matora jascatai, mato iconhayamacanaquetian jato iconhamacasires. 34-37Jascara iquenbira, enbiribi mato yoiai: Maton ash iqui, ja maton yoiai huetsabaon iconhanon ishonres, nescaquin yoiti: Iconshamanyora nato nai jaa quescaribiaquinra en senenhanoshiqui, iqu iti. Mato irbai: Nato mai jaa quescaribiaquinra en senenhanoshiqui, iqu iti. Matora nescribiai: Iconshamanyora ja Jerusaln jema jaa quescribiaquinra en senenhanoshiqui, iqu iti. Jainoash mato irbai: Iconshamanyora ea jaa quescaribiaquin en senenhanoshiqui, iqubo mato icai. Mato jascatibo yoyo icai riqui, Diosenbira onanque ea paranmisshamai, iqu iti quescribi. Jascara icash, ja nai iqui jain Dios jaa. Ja mai, itan Jerusaln jemaribi iqui Diosena. Ja Diossibi riqui jan mato joniaa. Jascara ishonra, maton boribi huetsaressibi raisa maton imati atipanyamaque; matonbi acma ishon. Ja copra, Diosenbira onanque, iqu iti quescaribi iqui, mato jascati yoyo icaibo. Jascatibo yoyo ishonbi, senenhayamaashsha Dios bebonbi mato jaconmabires icai. Yoyo ishonbi senenhayamai joniresparira icai jascatibo yoyo iqui. Icashbi pont shinanya jonibiribira, jahuetianbi jascatibo yoyo iamai; yoyo icaitian icon shinancanai icash. Ja copra, en mato yoiai: Jahuetianbira jascatibo mato yoyo itima iqui. Jascyamaira mato nesccayati iqui: Enra acai, iqures; ja maton yoiabo senenhaconti icash. Iamaash mato iti iqui: Icon riqui, iqures; ja maton yoiai joibo icon iquetian. Jahuetianqui yoyo ishonbi, maton senenhayamai, jatian mato iti iqui nescati: Enra ayamai, iqures. Iamaash, mato yoyo ic joibo iconma iquetianribi: Iconma riqui, iqurescaya mato iti iqui. Jascarabo ati yoishonbi ayamaira, yoshiman shinanmaa acaibores mato iti iqui; ja yoshiman noa jansomai icash. Noa jaconmacanaitian, non jato jaconharestiquiriaquin Jesusen jato eseni (Lc. 6.29-30) 38Matonra onanque, ja es onanbaon mato nescaquin eseni: Miqui sinshon, huetsa jonin mia betoshquetian, copiquin 5 16. 16 jaaribi min ashocoti iqui. Jahuequesca ishon, rishquiquin mia sheta sequenaanquetian, copiquin jahuenaribi min acanshocoti iqui, aquin mato anique. 39Jascara iquenbira, enbiribi mato yoiai nescara: Jahueratobaonqui mato jaconmai, jabora copamaquin maton amaresti iqui. Jahuequesca ishon, huetsa jonin mia tantash aquetian copamaquin huetsaori min amaribiti iqui. 40Jainshonra en mato yoiai, huetsa jonin mato sinshon jaconmaquin acainbira, copamaquin maton jaconharesti iqui. Jainshon, mato arbacanti iqui, rimantanshon coton bichinnoshon, joni coshiboiba mato ioquin. Mato jascacanaitianra, jay ishon, tariribi maton meniti iqui; ibcannon raroi ishon. Jascara yoiira icai, huestora jahuqui noa bichinrescanaitian yoashiamaquin, jahuetii inonbires non jato meniresti yoii. 41Jainshon, mato arbacanti iqui, jaton jahuqui papimashon, huestora kilmetro caman boshonti mato yoiquin; mato cacshamainbi. Mato jascacanaitianra, chiquishshamaquin rab kilmetro caman maton boshonti iqui. 42Jainshon, mato acanti iqui, mato jayata jahuqui bichinnoshon yocquin. Mato jascaitianra, yoashiamaquin maton meniresti iqui. Jahuequesca ishon mato arbacanti iqui, meniribinoshon mato jahuqui bichincasquin. Mato jascacasaitianra, maton meniresti iqui; yoashiamaquin. Jascara iquetianra, jatbibo noishon maton jato jaconharesti iqui; jatbi jato noishon, Diosen jato jaconharesai quescribiaquin. Rahubo noitiquiriaquin Jesusen jato eseni (Lc. 6.27-28, 32-36) 43Matonra moa onanribique, es onanbaon mato nescaquin eseni: Mib jonibora min noiti iqui; ishonbi min rahubobichoressa min omisti iqui, aquin mato acanni. 44Mato jascaquinbo esecana iquenbira, enbiribi mato acai: Maton rahubo noicanhue, aquin. Jahuequesca ishon mato Cristonabo iquetian mato acanti iqui jaconmaquin. Mato jascaquinbo jaconmacanabira, matonres jato noishon, maton jatoqui oranresti iqui. 45Mato jascatai oinshonra, mato onancantiqui, icon mato Diosenabo; ja non Papa Diosen noa acai quescribiquin maton jato acaitian. Ja Dios iqui jan bari oshnamai, itan oi maanmairibi. Jan jascatoninra non yobo shoshomai. Janra jatbi jaconma shinanya jonibaona, itan jacon shinanya jonibaona inonbi jato jascmashonai. Jainoash yoitibo, itan yoitimabo noa iquenbira, Diosen noa bari betan oi imashonai. Huetsa quescbires jonibo inonbira Diosen jato jaconharesai. 46Oincanhue, jan mato noiaibobichoressa maton jato noinaque. Mato jascataitian, jaconra maton aque, aquin Diosen atiqui maton shinanai? Enbiribi jisra mato atima iqui. Jascaquin noa noiaibo betanres noiananira, noabicho iamai jascati; joi ayosmabobicayara jasccanai. 47Jishaman, mato iti iqui, ja Diosen jonibo betanbichores jaconi raenani. Jabo betanbichores mato jascatai cop, Diosen mato rabitiqui maton shinanai? Enbiribi jisra mato atimabires iqui. Jascati jaconi raenantira, noabicho iamai; ja Dios onanma jonibobicayara icai jascati, jaton cabobo betan. 48Jascara iquetian, jaconra maton aque, aquin Diosen mato anon ishon, itan jonibaonribi Diosena mato icon onancannon ishonra, en mato yoiai. Matonra jato jaconharesti iqui. Jainshonribira jato jaconhashon maton jatbibo iquinti iqui. Tsoa jonibi omisshamaquin, itan jato 5 17. 17 jaconmaresshamaquin maton jaconhati iqui. Jan mato jaconhai, itan jan mato omisai jonibo inonbira, maton jato jaconharesti iqui; jato aconquin noishon. Matonra jato jascati iqui, naicamea non Papa Diosen, huetsa quesc jonibires inonbi aconquin noishon, jato acai quescribiaquin. Jascashon huetsabo jaconhatiquiriaquin Jesusen jato eseni 6 1Jainshonribira en mato yoiai: Dios queenai quesc atiaquinrescaya shinancanhue; Dios maton raromanon. Jatianra raroshaman ishon, mato ati iqui: Jaconra maton aque. Ja copra enribi mato jaconhai, aquin. Ja Dios queenai quesc aquinbi, jonibaon mato rabinon ishonres maton acaitianra, non Papa Diosen mato rabiti atipanyamaque. Ja copra, matonbinish mato coirameti iqui; mato Diosen jascanaquetian. 2Jahuequesca ishon maton arbati iqui, jahuquinin yoronaibo jahuqui meniquin. Jascaquin jato menishonra, jahuetianbi maton tsoabi queshantima iqui. Iresi jacoman rabitaiboressa icai, jato jascaquin jahuqui meniashbo queshai; jato jascai jatshonbi onancannon icash. Jascashonra, es nincti shobonco tsinqucanabo, jabaon jato jascara queshanai. Jainshonra jato queshanribicanai, huetsancobires inonbi; jain joni tsamataincobo. Jabaonra jato jascai, jonibaon rabinon ishonres, itan jacon shinanyaton nincacaacasquinres. Jascara iquenra en mato yoiai: Jascatai jonibora moa Diosen rabitima iqui; jascaquin rabicantin queenaitian, moa jonibaon acana iquetian. 3Jascara copra, yoronaibo jahuqui menishon, maton tsoabi queshantima iqui. Ja mato betan quiquinyorai raenanai joni inonbira, maton queshantima iqui. 4Jato jascaquin jahuqui meniquinra, huetsabaon jishnonma maton ati iqui. Maton jascaquin, jonshoco jato meniquenbira, non Papa Diosen moa oina iti iqui. Jascaquin oinshonra, mato rabiti iqui. Jainshonribira mato jacon imati iqui, moa mato jab iquetiampari; rama camanbi mato huetsatianbo acai quescribiaquin. Jascaquin oranti Jesusen jato asheani (Lc. 11.2-4) 5Jainshonribira, en mato yoiai: Oranquinra maton atima iqui, ja iresi jacoman rabitaibaon acai quescaquinribi. Jascataibaonra jonibaon oinnon ishonres, es nincti shoboncoshonbo Dios rabiai, itan nishonboribi orancanai. Huetsancobires inonbi, jain joni tsamataincoshonbo acanai jascaquinbo oranquin; jonibaon rabinon ishonres. Jascara iquenra, en mato aconquin yoiai: Jascatai jonibora, moa Diosen rabitima iqui; jascaquin jonibaon rabitinin queenaitian, moa jonibaon rabicana iquetian. 6Jascara iquetianra, jabaon acai quescaquin maton atima iqui. Matobicho ishon orancasira, maton shobo meran mato jiquiti iqui. Jiquishonra, maton shobo shepti maton shepoti iqui, huetsabaon mato oinnaquetian. Jascashompari maton oranti iqui, non Papa Dios yocquin. Jascashon maton oranaitian oinshonra, Diosen mato rabiti iqui; raroshaman ishon. Jascara iquenra, huetsabaon rabinon ishonres, maton orantima iqui. 7Jainshonribira en mato yoiai: Oranquin jahuetii joishocotoninres oranhanan yoicasquinra, ichayora iresa joibaon maton yoitima iqui. Ja Dios onanmabaompariressa acai jascaquin; jaton aresa diosbo oranhanan yocquin. Jascaquin oranquinra jabaon shinanai, 5 6 18. 18 ichayora joibo yoiaitian, jaton diosen nincshonti. 8Jascara iquetian, maton oranquin jabaon acai quescaquin, ichayora iresa joibo yoiamacanhue. Maton jascati icashbira, non Papa Diosen moa jatbi onanque; ja maton yocatamatianbi. Jascara copra, oranhanan jahuqui yocati mato ichayora yoyo itima iqui. 9Oranquinra maton nescaquin ati iqui: Mia riqui, non Papa naican ic. Miabicho riqui, non ja rabiti. Jatbi jonibo aconquin onanmahue, mia Dios; jatian mia rabicantiaquin. 10Mia riqui jatbinin Ibo. Miabi johu, jatbi jonibaon apo iqu. Jatianra, naicameabaon acai quescaquin, nato main icbaonribi min queena quescres acanti iqui. 11Rama non jahuquiatibo noa menihue. 12Noa ochaa iquetian, ja ochabo soashon noa jahueayamahue; noqui jaconmacanaibo non jato jahueayamai quescribiaquin. 13Ja jaconma shinanya yoshiman noa ochamashon, miqui chipmaquin jenmanaquetian, noa coiranhue. Mia riqui jatbibaon joni coshi; jatbibo shehuina coshi icash. Jascara copra, jatshonbi mia rabicanti iqui, jatbitianbires, aquin anshicanhue oranquin. 14Jascara iquenra, en mato yoiai: Huetsabaon mato jaconmaabira, moa jaaquin shinanyamaquin maton jato jahueatima iqui. Jascaquin jaconmacanabi, maton jato jahueayamaitianra, ja naican ic non Papa Diosen, jahueayamaquinribi maton ochabo mato soashonti iqui. 15Ishonbi mato jaconmacana, jaaquin shinanquin maton jeneyamaitianra, non Papa Diosenribi maton ochabo mato soashonti atipanyamaque. Jascara iquetianra, mato jaconmacana moa ja shinanyamaquin, maton jato jahueatima iqui. Dios shinanquin jahuquiatimaquiriaquin Jesusen jato asheani 16Jainshonribira en mato yoiai: Jahuetianqui Dios shinanquin maton jahuquiayamai, jatianra ja iresi jacoman rabitaibaon acai quescaquin, maton atima iqui. Jabora icai, Dios shinanquin jahuquiayamai mas shinanai quescbo. Jabora jasccanai, jascataitian oinshon, Diosen joi meran yoiai, jabaon aconquin senenhai quescbo shinancannon icashshes. Jascara iquetianra, en mato aconquin yoiai: Jabo jascataitianra, jahuetianbi Diosen jato rabiamanoshiqui; jascacantinin queenai quescaquin moa jonibaon rabicana iquetian. 17Maton jascaitian Diosen mato rabinon ishonra, enbiribi mato yoiai: Jahuetianqui matonbiribi Dios shinanquin jahuquiayamai, jatianra mas shinanai quescbo mato icantima iqui. Jascyamaicaya, maton bemanan chocaash, boesheetaborescaya mato icanti iqui. 18Mato jascataitianra, Dios shinanquin maton jahuquiayamai tsonbi mato onantima iqui. Jascaquin tson onanama iquenbira, ja shinanquin maton jahuquiayamai non Papa Diosen moa oina iti iqui. Jascaquin oinshonra, mato jan rabiti iqui. Jascashon naican jahuqui caiati (Lc. 12.33-34) 19Jainshonribira, en mato yoiai: Icha jahuquia icashparira, nocon shinan beneshaman ea iti iqui, ishon shinanash icha, itan cop jahuquiboya 6 19. 19 iti shinanyamacanhue. Nato neten jaa jahuquibora, basimashoco queyotaibores iqui. Ja copra, noa jatbitian jay iti atipanyamaque. Jishaman, ja non sahueai chopabo acai jahuquinin piquin. Huetsa jahuquibobiribira, jahuen ibon piai. Jatribi jahuquibora icai rapoiash queyoti. Jatribira yometsobaon bo manoti queyotai. Ja jascati basima queyotai jahuquiboya icashsha, noa basimashocoribi non shinan beneshaman icai; ja queyotai camanres. Jascara iquetianra, ja basimashoco queyotai jahuquibaon noa bebonyora jaycastima iqui. 20Icashbi, jatbitian raroshaman inoshonbiribira, Diosqui chiptaanan, jahuen queena quescres jatbitian ashonti shinanya noa iti iqui. Jascaquin, ja Dios queenai quesc non ashona iqui, naican non jahuqui catai quesc. Jainra huestora jahuquibi manti, itan queyti atipanyamaque. Jascaquin, jahuen queenares maton ashonaitianra, maton beneanan, mato raroshaman imashon, jabbi mato Diosen jatbitian jaquinnoshiqui. 21Jahueratoboqui icha, itan cop jahuquiboya icasai, jabora moa ja jahuquiaquinres shinani, moa Diosen queena quesc ashontinin shinanbenocanai. Icashbi, jahueratobobiribiqui Diosen queena quesc ashontiaquinres shinanai, jabaonra icha jahuquia itiaquin shinanyamai. Non bero, itan non shinan yoiquin, Jesusen jato an (Lc. 11.34-36) 22-23Non bero jaconshaman iquetianra, onantiaquinshaman non oinai. Jatianra jahuequescabi shinanyamairibi, jaconshamanres noa jaai. Icashbi, non bero jaconma iquetianra, onantiaquinshamanribi non ointi atipanyamaque. Jatian jaconshamanribi noa jati atipanyamaribaque. Jascribi riqui, non shinan. Jahuetianqui non queena quescres acshamaquin, Dios queenai quescbichoshamanres acai, jatianra non shinan pontshaman icash, noa jaconiressibi jaai. Jahuetianqui Dios queenai quesc acshamaquin non queena quescres non acai, jatianra noa pontshaman shinanash, jaconshamanribi jati non atipanyamaque. Jascatash noa Dios betan jaconshamanribi iti atipanyamaque. Dios, itan corquiquiriaquin Jesusen jato eseni (Lc. 16.13) 24Jascara iquetianra, en mato yoiai: Tsonbira rab patoronin yonoa, jatianbicho ja rabbi te ashonti atipanyamaque. Huestora patoronbichocayara ashontiqui, jan yoiabo senenhashonquin; jares noishon. Jatian ja huetsa, jahuen joi nincshonyamaquin ashontima iqui; jan yonoabo. Jatian jabiribi omisresti iqui; noiama ishon. Jascribi riqui, Diosqui chipota ishon jahuen queenabores ashonhananbi, non queenaboribi aquin icha corquiares iti non shinana. Jascara ishonra, ja rab jahuquibi jatianbicho non ati atipanyamaque. Jahuquiaquinbichoira shinanyamai, Diosquibichores coshiti (Lc. 12.22-31) 25Ja icha jahuquia iti shinanhananbi, Dios queenai quesc ashonti aticonma copra, enbiribi mato yoiai: Bebonyora jahuquiaquin shinani, mato itima iqui nescati: Jahue iresaipanon, ramaqui en jahue jahuquiai? iqu. Iamaash: Jahueranoamein nocon sahuetibo en 6 20. 20 bitiqui? ishon maton shinantima iqui. Jaayoraaquinra maton shinan shinantima iqui. Janbi mato jamaabo ishon, Diosen mato jamaboresti iquetian; jainshon mato mashcata jahuquiboribi mato meniboresti iquetian. 26Shinancanhue ja noyai jahuquibo. Jabora noa quescma ishon, jahuquibo banati atipanyamacanque; nin jatonbi banaananribi bimibo tsecatiribi atipanyamacanque. Jainshon, ja non acai quescribiaquin, huetsatianbo ja jahuquianoshon, berobo benshoati atipanyamaribacanque. Jascarabo iquenbira, non Papa Diosen jato jahuquiatin mashcmayamai. Matocayara, jahuen jonibo iquen abiresti iqui; jahuquiatin mashcmayamaquin. Ja copra, jahuquiboaquinyora, maton shinantima iqui. 27Oincanhue, tsoabira quiquin basibires jati atipanyamaque; jahuquiboaquinbicho shinani; mahuyamaparinoshmein ea jahue itiqui, ishon shinanash yoyo icashbi. 28Jainshonribira, en mato yoiai: Ja maton sahuetiaquinyora shinani, jahuemein en sahuetiqui, metsshaman inoshon, iqu iamacanhue. Oincanhue ja manish meran ic joabo. Ja joabora tsonbi banaama iqui; nin tsonbi coiranyamaribai. Jascara icashbira, ja joabo jaconi shoshoash, jahuen joa metsshamanbo icai. Jatonbinish teeti atipanyamaashbi, nin jatonbi chopaatiribi atipanyamaribaashbi. 29Shinancanhue, ja apo Salomnribi ipaonique, jaconyora chopabo sahueai. Jascara chopabo sahueibira, joabo queshmiaa metsshaman iti atipanyamaa iqui. 30Moa basichaati jahuemabiribi cainbira, Diosen acai, ja joabo quiquin metsshoco imaquin. Jatian matocaya iqui jahuen jonibo icash, ja jatbitian jabbi itibo. Jascara copcayara, acontibi maton ja sahuetibo, mato mashcmatima iqui. Jascara iquen, rama bebonbirescaya Diosqui coshicanhue. 31Jascati Diosquires coshishonra, bebonyora maton jahuquiaquinres shinantima iqui. Jascaquin shinani mato itima iqui: Jahuemein non jahuquiaipanon, iqu. Iamaash, jahueranoaqui non ja sahueti bitiqui, iqubo mato itima iqui. 32Non Papa Diosenra, jatbi jan mato mashcatabo moa onanque. Jascaquin onanshonra, mato meniti iqui; mato jahuen jonibo iquetian. Ja copra, en mato yoiai: Ja Dios onanmabaonbichoressa acanai, jascara jahuquiaquinyora shinanquin. Jascara iquenra, maton ja jahuquiboaquinyora shinantima iqui. 33Diosquires chipshon, ja jahuquibo shinanyorayamaquin, Dios queenai quescres anshcayara, jascashon ati noa onancasti iqui. Jascaquin ati moa onanshompariressa, non ashonti iqui, ja Dios queenai quesc. Maton jascaitianra, Diosen mato menitiqui, jan mato yoronaibo. Jainshon ja jahuquiatibo, itan ja maton sahuetiboribi mato meniti iqui. 34Ja cop, bebonyora jahuquiboaquinres shinani mato itima iqui, nescati: Baquish, itan huetsa netebaonmein, ea jahuequesca icaipanon, iqu. Baquish, itan huetsa netebaonqui, jahuequescabo icai ishonra, maton onanyamaparique. Jascarabo iti onanyamashonbira, maton yancabires shinannaque, ja neten mato jascara itibo. Jascara iquetian, ja rama neten aticonma jahuqui icaibobichorescaya shinancanhue; Diosen mato aquinai shinanshon. Huetsabaon jaconma aquetian, jaconmanin yointimaquiriaquin jato eseni (Lc. 6.37-38, 41-42) 7 1Jainshonribira, en mato yoiai: Diosen matoribi castganaquetian, tsoabi jaconmanin yoinyamacanhue; jainshon jaconma acanquetianribi onanconshonmabi timenbires jato 6 7 21. 21 yoiyamacanhue. Jahuequesca ishonra, acanama iquenbi maton jato jascanaque. 2Jascara iquetian, huetsabaon jaconma ac iquen, jan yoinquin maton jato ac iquetianra, Diosenbiribi mato ashocoti iqui; ja matonbiribi ac jaconmabo yoishon mato castganquin. Jainshon, jahuequescaqui maton jato acai, jascribiaquinra maton acbiribi yoishon, Diosen mato ashocoti iqui. 3Ja copra, ja iresi jacoman rabicaatai quescbo yoiquin, en mato acai: Maton ati iqui, ja mato betan jaa jonibaon, huestaquintanibo jaconma acana iquenbi, ja yoishon maton jato jaconmanin yoinquin. Jahuequesca ishon matoncaya ichabiresaquin jaconma acai ishonbi, ja shinanyamaquin maton huetsabores ati iqui jascaquin. Matocaya jascara ishonbi, maton jato jasca riqui, mashcoshoco bepocoocana oinshon, matocaya quiquinbires ani bepocoota ishonbi, maton onanyamaresai quesc. 4Matocaya jascara ishonbi, maton huetsabo ati iqui, nescaquin: Mia mashcoshoco bepocootapari en mia bishonbanon, aquin. Jatian matocaya quiquinbires ani bepocoota ishonbi, maton atiqui jato jascaquin. Nescara yoiira icai jascati: Ichabiresaquin jaconma jahuquibo aquin jeneama ishonbi, huetsabores jacon imacasquin maton jato aquincasti iqui; jabaoncaya huestaquintani ac iquenbi. 5Jabocaya jascara ishonbi, jato jascaibo riqui iresi jacoman rabicaataibo. Jascara iquetianra, enbiribi mato yoiai: Matomparicaya ja ichabiresaquin jaconma jahuquibo maton acaibo jenecanhue. Jascaquin matompari jeneshonressa, mato betan jonibo maton aquinti atipanque; jaton jaconma acbo benshoati. 6Jainshonribira, en mato yoiai: Jahueratoboqui quiquini Diosen joi ninctinin queenyamai, jabo teaboshon nincmacasi iamacanhue. Jascaquin maton teaboara, Diosen joiqui shiroshon, jaconmanin yoincanti iqui. Jatianra matoribi jaconmacanti iqui. Jascaquin ninccashamainbi, maton jato jasca riqui, quiquinbires jacon jahuqui picshamai onanshonbi, maton ochti menia quesc. Ja maton meniabi piamai sinresquinra, ja ochtinin mato nateshti iqui. Jascribi iqui, ja perlas acanai teoti quiquinbires cop. Ja teoti maton cochi meniti iqui. Meniabi queenyamaira, jaonbi penresti iqui. Jahuen jonibaon oranaitian, Diosen nincshonai (Lc. 11.9-13; 6.31) 7-8Jainshonribira, en mato yoiai: Ja yoccana jahuquibora Diosen jato meniai. Jainshonra jato meniribiai, jahue inonbires mashcshon, jaqui chipshon yoccanquetian. Jatian jahueratobaonqui jab jaconshaman icasquin yoiai, jabora jaconshamanhaquin iquinai. Jascara iquetian, jaqui chipshon Dios yocrescanhue, jan mato queenaibo. Jahuquinin mashcshon yoirescanhue. Jahuetianqui mato jab jaconshaman icasai, jatianra maton yoiti iqui. 9Shinancanhue; matonra jahuequescashonbi, maton baquen mato pan yocquetian, macanres maton meniti atipanyamaque. 10Jainoash, mato yapa shoi yocquetian, maton ronores meniti atipanyamaribaque. 11Matobocaya jaconma shinanyabo ishonbira, jacon jahuquibores maton baquebo meniti, maton onanque. Jatian non Papa Dioscaya iqui, bebonbires jacon shinanya. Jascara ishonra, 7 22. 22 aconquin mato jan meniti iqui, ja biash mato jacon iti jahuquibores. Matora jascati iqui, jahuen baquebo ishon, maton ja yocquetian. 12Jainshonra en mato yoiribiai: Huetsabaon mato jascatin queenai quescribiaquin, matonribi huetsabo acanhue. Jascaquin jato acaibaonra, Moiss betan Diosen Shinaman yoyo icaibaon, moatianbi ja maton requenbo, eseni quesc senenhai. Rab bai (Lc. 13.24) 13Jascatibo mato jati yoishonbira, mato jatbitian Dios icin janon ishon, en mato yoiribiai: Jatbitian Dios betan janosh, ja nashbmashoco shepti quescoricaya jiquicanhue. Ja huetsa sheptira quiquinbires nashb iqui. Ja jiquiashsha, mato nashb bain cati iqui. Ja baira tsoa benti jisma iqui. Icashbira ja bain caash, chiican ehuaqui mato nocti iqui. Iconbires ichara icanai, ja bain boaibo. Ja jonibo riqui, Diosqui chipyamataanan, jahuen queena quesc ashonyamaquin, jaton queena quescres acaibo. 14Jatian ja huetsa sheptira, quiquin nashbmashoco iqui. Ja jiquiashsha, mato nashbma bain cati iqui. Icashbira, ja bai onantimashoco iqui; onanyamaash catima. Ja bain caashsha, jatbitian jaconbires Dios betan jatinco mato nocti iqui. Ja bain boaibora, jahuetiishocores iqui. Jabora, jaton queena quesc ayamaquin, Diosqui chiptaanan jahuen queena quescres ashonaibo iqui. Jabaon acai quesccaya acanhue, matoribi Dios betan jatbitian jaconbires janon. Diosen Shinaman yoyo icaiboqui paranaibo (Lc. 6.43-44) 15Jainshonra, en mato yoiribiai: Coirameshamancanhue, matora Diosen Shinaman yoyo icaiboqui paranaibaon parancannaque. Jabaonra, mato sharan jashon, Diosen joniconbo icai quesc iquin, jascatash Dios betan jaconash jati mato asheai. Icashbi mato jaconhaquin asheai quesc ishonbira, paranhanan mato jabaon jaconma imai. Mato jasca, jabo joi nincshonashsha, mato Dios betan jaconshaman jatima iqui. Jascara cop, quiquinshamani coiramecanhue; jascarabo icashbira, jabo onantimabo icanai. 16Moa jihuibo bimiquetian non onanai quescribiaquinra, matonribi ja jonibo onanti iqui, jaton icbo oinshonbiribi. Jishaman, tsonbira cocotima jihuimea, cocoti bimibo biosma iqui; nin cocoti bimiai jihuimeabiribi, cocotimabo biosma iqui. 17Jascara icashsha, jacon jihuiboribi jahuen bimi jacon icai. Jatian jaconma jihuibobiribira, jahuen bimibo jaconmaribi icai. 18Jatian ja jacon jihuibobiribira, jahuen bimi jaconma iamai. Jainoash, ja jaconma jihuibobiribira, jahuen bimi jacon iti atipanyamaque. Jatbi jihuibora jahuen bimi itibobiribi icai bimii. 19Jahuerato jihuiboqui jaconmai bimiai, jabora tashteshon menoti iqui. Jascribiaquinra, ja jaconma jonibo, chiican ehua meran Diosen jato potanoshiqui. 20Jascara jaton icbo oinshonressa, maton jato onanti iqui. Ja Diosen Shinaman yoyo icaiboqui paranaibo. Jabora maton onanti iqui, ja Diosen joi yoiaibo ishonbi, ja Diosen queena quesc ayamaibo iquetian oinshon. Ja jatbitian Dios betan itibo (Lc. 13.25-27) 21Enra mato yoiribiai, icha joni riqui, ja ea nescaibo: Mia riqui nocon Iboshaman, mia iconhaashsha ea miqui chipotai, aquin ea acaibo. Jascatibira, raroshaman icash jain Dios icin, 7 23. 23 jaticashbishaman iti atipanyamanoshicanai. Ja equi coshishon, nocon Papan queena quesc acaibobichoressa inshiqui, jatbitian Dios betan ja. 22Iitira nete nocnoshiqui, castganshon chiican ehua meran ja jaconma jonibo Diosen jato potati nete. Ja nete nocquetianra, ichashon ea nescanoshicanai: Pap, nonribira min coshi shinan yocshon, Diosen joi jato yoia iqui. Jainshonribira mia janeshon, jonibo meranoa non yoshinbo picoa iqui. Ja min coshi shinan yocshonribira, shinamanres non jahuquibo ac iqui. Jascarabo non ac iquenbiqui, jahueati min noa Dios icin jiquimayamai? iqubora inshicanai. 23Ea jascacanainbira, en jato nescanoshiqui: Matora jahuetianbi nocon jonibo icma iqui. Jascara ishonra, Dios queenai quescres maton ayamacatiai. Matora ochayabo icash yoitimabo iqui. Jascara icashsha, mato eb itima iqui; ono chiican ehua meran botancanhue, aquinressa en jato anshiqui. Jahueratoboqui onan jonibo iqui, ishon yoini (Lc. 6.47-49; Mr. 1.22) 24Jainshonra en mato yoiai: Ichashonra nocon joi ninccanai. Ishonbira, jahuetiishocotoninres acanai ja nincshon senenhaquin. Jascara iquetianra, en mato yoiribiai: Jahueratoboqui nocon joi nincshon, ja en yoiabo senenhai iqui; jabo riqui, shinanya jonin mai queyacan shoboaquin, coshishamanhaquin nichinni quesc. 25Ja jonin jasca peco, oi queshtoya nihueaba coshi be iqui. Jainoashshibi ani jenetiata iqui. Jascatainbi ja shobo poshyamaa iqui; coshishamanhaquin mai queyacan nichina icash. 26Icashbi ja nocon joi nincshonbi, en yoia quesc ayamaibo riqui, shinanhomatani jonin, mashin shoboani quesc. Ja joninbiribi mashin shoboaa iqui. 27Jasca peco, oi queshtoya nihueaba coshi be iqui. Jainoashshibi ani jenetiata iqui. Jascquetian ja shobo poshota iqui. Poshotash, quiquini jatiobi ras ic iqui; coshimashocoaquin nichina icash. Jascashon, ja jonin yancabires shoboaa iqui aquin jato ac iqui Jesusen. 28Jascarabo jato yoiai caman, joni icha moa tsinquita ic iqui. Moa jascara joibo jaomea onanaibo yoiquin senenhaquetian, ja icha joni bebo ratcana iqui. 29Es onanbaon jato acai quescayamaquin, shinanyashon jato quiquinhaquin eseaitiancaya ratcana iqui. Rasaro isinya joni Jesusen benshoani (Mr. 1.40-45; Lc. 5.12-16) 8 1Jato jascaquin yoiquin senenhaash, Jess caa iqui manamameash. Caaitian, joni ichan chibana iqui. 2Jascquenbi rasaro isinya joni jo iqui. Joash, Jess bebon chirancooshon yoia iqui: Queenshonra nocon yoramea isin potamashon min ea benshoati iqui, pap aquin ac iqui. 3Jasca, Jesusen ja jonin yora tii ac iqui. Tii ashon yoia iqui: Eara queenai. En mia benshoabanon aquin ac iqui. Jascatianbi, jahuen rasaro isin joni benshoa iqui. 4Jainshon Jesusen yoia iqui: Caquin tsoabi queshanyamatanhue. Pontcainshon, jato Dios yoishonai jonibicho oinmatanhue; iconi min yora benshoa mia onancannon ishon. Oinmashon, ja Moissen yoini quescaquin, Dios jahuqui menitanhue. Jatianra moa min isin benshoa mia onancanti iqui aquin ac, joni caa iqui. 7 8 24. 24 Capitn romanonin joni, Jesusen benshoani (Lc. 7.1-10) 5Jainoash Jess tequcainribia iqui. Caash, Capernaumhain nocota iqui. Jain nocquetian, capitn romano jo iqui. 6Joshon, Jess yoia iqui: Nocon itincora, huestora nocon joni niticomatash bachin racata iqui. Jaconmabires teneira onitsai. Eapari benshoashonhue, pap aquin ac iqui. 7Jasca, Jesusen yoia iqui: En aqu cabanon, mia benshoashonquin aquin ac iqui. 8Jatian capitnman yoia iqui: Ea quiquinmashoco iquetianra, nocon shobon mia jiquiti jisma iqui, pap. Nenonshonbi yoihue, benshotiaquin; jatianra nocon joni benshoti iqui. 9Nocon joni coshibora jaque; jabaon yonoara en senenhashonai. Jainoash earibi iqui, ja nocon sontrobaon coshi. Jascara ishon, jahuqui ati raanquin, ja atanhue, aquin en huestora acra, caai en jascatianbi. Jatian en huetsaribi jahuqui aqu joti yoiquin, jomenhue, aquin en ac, en jascatianbi joai. Jainshon nocon joni en arbai, ea jahuqui ashonti yoiquin: Ea nato ashonhue, aquin. En jascatianbi, ea jan ashonribiai. Jascara copra en onanque, mia huestorai yoyo ictoninbichores nocon joni benshoti aquin Jess ac iqui. 10Capitnman jasca, Jess rateta iqui. Ratshon, ja jab boaibo yoia iqui: Iconra en mato yoiai: Nato jatiobi Israel maincora nescara shinanya joni en jahuetianbi nocoyosma iqui. Nato jonira quiquinbiresi equi coshiai. 11Jascara iquenra, en mato yoiai: Icha jonira bari picotaioqueash, itan bari jiquiaioqueashbo tsinquiti benshicanai. Beshsha, jain Dios icin huenoshicanai. Moa jain hueshonra, jahuquianoshicanai, Abraham, Isaac jainoash Jacob jatshon. Nescara iti yoiira ea icai jascati: Jatbiainoa judo jonimabaonbira, equi chipshon nocon joi nincshonnoshicanai. Jatianra, ja Abraham, Isaac jainoash Jacob, jabo betanbi inshicanai, jain Dios icin; jatbitian raroshaman ja. 12Icashbira icha judo jonibores, ea iconhayamaa cop, jain Dios icin iamanoshiqui; jabocaya jabbi jati Diosen shinanshonni icashbi. Jatianra, moa castganquin jatbitian jain icannon ishon, jaconma mas tenetiain Diosen jato potanoshiqui; jaconma mas tenei sheta querosh aananbi huinicantiaquin aquin jato ac iqui. 13Jainshon capitn yoia iqui: Carestanhue, min shobon. Equi coshishon min shinana quescra en mia imashonai aquin ac iqui. Jascaquin, Jesusen ja capitn yoiatianbi jahuen joni benshoa iqui. Pedron rayos ainbo Jesusen benshoani (Mr. 1.29-31; Lc. 4.38-39) 14Jainoash Jess caa iqui, Pedron shobon. Cashon, Pedron rayos ainbo yon aqu bachin racata oina iqui. 15Jascara oinshon, metsona iqui. Ja metsonatianbi yon jenea iqui. Moa yon jeneash, ja ainbo huenita iqui. Huenshon, jato jahuquiati ashona iqui. Icha isinaibo Jesusen benshoani (Mr. 1.32-34; Lc. 4.40-41) 16Jascatash moa yameta iqui. Yamquetian, icha joni yoshinabo Jess beshoncana iqui. Jatian Jesusen jato meranoa yoshinbo picoa iqui; huestoraaquin yoiatonres. Jainshon, ja isinaibo beshoncana, jatbi jato benshoaa iqui. 17Jato Jesusen jasca iqui, moatianbi Diosen Shinaman yoyo icai Isaas yoimani quesc senennon 8 25. 25 ishon. Nescatira ja Isaas yoyo inique, Cristo yoii: Janbira non isinbo noa bichinaanoshiqui. Noa jan cheshacaataiboribira noa potamanoshiqui, ishon yoinique. Jess chibancasi icanni (Lc. 9.57-62) 18Jatian ichashon moa catecanaitian ointaanan, jaomea onanaibo Jesusen yoia iqui: Ian queiba bonon bocanhue aquin jato ac iqui. 19Jato jascaquenbi, es onan joni jo iqui. Joshon, Jess yoia iqui: Jahuerano inonbi mia caainbira, en mia chibancasai Maestr, miomea onancasquin aquin ac iqui. 20Jasca, Jesusen yoia iqui: Nii ochtibora jain jati quinia iqui. Ja bochiqui noyai yoinnabora, jain jati naaya iqui. Icashbi eabiribira, Diosen Baque icashbi, nin jain jatiomabobi iqui. Eb caashsha, mia jascribi banti iqui. Quiquinshamanhaquin shinanconshomparira min ea chibanti iqui aquin ac iqui. 21Jatian ja jaomea onanai huestoran Jess yoia iqui: Nocon papa betamparira ea icasai, pap; ja mahuatai caman. Minqui ea raantima iqui? Jascata pecoparira, en mia chibanti iqui aquin ac iqui. 22Jasca, Jesusen yoia iqui: Cayamahue, abnon ja ea iconhacashamaibaonbiribi ja mahuataibo miinquin. Icashbi, miabiribi eb cahu aquin ac iqui. Jatian jasca, joni jab caa iqui. Nihueaba betan bechon Jesusen tantimani (Mr. 4.35-41; Lc. 8.22-25) 23Jascatash Jess botin naneta iqui. Nanquetian, jaomea onanaiboribi jab naneta iqui. Moa napocooshon, ian shitai icana iqui. 24Ian shitacanainbi, quiquinbires coshi nihueaba be iqui. Jatian bechoman moa boti jene nachita iqui. Jascatainbi, Jessbiribi oshaa ic iqui. 25Jatian osh rateshon yoicana iqui: Noa quishpinmahue, pap. Noara jenen queyocanai aquin acana iqui. 26Jascacana besoshon jato yoia iqui: Diosenra mato aquinai. Jahuecopiqui mato jascati iorai raquetai? Matora Diosqui coshiconamabo icanai aquin jato ac iqui. Jainoash huenita iqui. Huenshon, nihue notsina iqui. Jeneribi notsina iqui. Jasca, ja nihue tantiquetian, bechonribi nesea iqui. 27Jascquetian oinash ratcana iqui. Ratetash, yoyo icana iqui: Jahuequescata jonimeinqui nato? Nato jonira quiquinbires coshi shinanyabira iqui. Ja copra acai, ja nihue betan jenen jahuen joi nincshonquin iqu icana iqui. Gadarainoa joni rab yoshina in (Mr. 5.1-20; Lc. 8.26-39) 28Jascashon ian shitabaini caash, tashncana iqui, ja gadarenobaon main. Jain noccanquetian, pantionhainoash rab joni jobcona iqui; Jess bechii. Ja rab ic iqui, yoshina icash quiquinbires sin. Jascara iquetian, tsoabi ja icana bain huinti atipanyamaa iqui. 29Joshon Jess bechiash, sa ibecona iqui: Mia riqui Jess, ja Diosen Baque. Minqui noa jahueai? Noa jahuequescabi ayamahue. Nete senenamabi noa castganshon mas tenemaiqui mia jo? iqu icana iqui. 30Jatian jato ochmaribi ic iqui, icha cochi pii tsamata. 31Jatian ja rab joni meranshonbi, yoshinbaon Jess yoia iqui: 8 26. 26 Noa joconhati ishon, huetsanco raanyamaquin oa cochibo tsamata meran noa raanhue aquin acana iqui. 32Jatian Jesusen jato yoia iqui: Jascara iquetian, cochibo meran huetancanhue aquin jato ac iqui. Jasca, ja joniboibaqueash joconash boash, cochibo meran yoshinbo huecana iqui. Jascquetian jatbi cochibo, ishtobainash quetori boshon, jene tsacacana iqui. Jascquetian, ja jatbi cochibo jenen retea iqui. 33Jatian ja cochi coiranai jonibo, ratetash jabcana iqui. Jabati boquinbi, jemanco nocshon, ja cochibo jascatash queyotabo jato queshancana iqui. Jainshon ja yoshina joniboribi jascatash benshoa, rebestanquin jato yoicana iqui. 34Jato jascaquin queshancana, ja jemameash jatbi jonibo becana iqui, Jess oini. Beshon, moa raancasquin acana iqui: Huetsanco catanhue, aquin. Jascacana, moa Jess caa iqui. Quishi jirioma joni Jesusen benshoani (Mr. 2.1-12; Lc. 5.17-26) 9 1Jascatash caash, botin naneta iqui. Nanetash carbaa iqui; jaquiribi shitati. Caash, jahuen jemanco nocribia iqui; ja jema iqui Capernaum. 2Jain iquetian, quishi jirioma joni ractinin ashon, Jess beshoncana iqui. Jan bebo jaqui coshicanai onanshon, Jesusen ja isinai joni yoia iqui: Jacon shinanhue, jon. Min ochara en mia soashonque aquin. 3Ja joni jascaitian nincatash, jahuetii es onan jonibo icana iqui nescati: Dios betan senen icasira, nato joni jaconmaibires Diosqui yoyo icai. Diosenbichora non ochabo noa soashonti atipanque, iqu icana iqui. 4Jasccanaitian, Jesusen jaton shinan onana iqui. Jascara onanshon, jato yoia iqui: Jahuecopiqui maton jascaquin jaconmabires shinanai? 5Jahueraqui isinaibo yoiticayaqui, atibires iqui? Min ochabora en mia soashonque, aquin yoiti, o huenitash catanhue, aquin ati? 6Jascara iquenra, ramacaya en mato oinmai, Diosen Baqueshbi ea naicameash jo icash, nato maimeash ea jaton ochabo soashonti shinanya aquin jato ac iqui. Jato jascashon, ja isinai joni yoiribia iqui: Huenshon, min racti bibaini, min shobon catanhue aquin ac iqui. 7Jasca huenitash, ja joni moa jahuen shobon caa iqui. 8Jatian jascataitian oinash, jonibo raqueta iqui. Raququin Dios rabicana iqui; ja Jess, jascara coshi shinanya joni iquetian oinshon. Jesusen Mateo quenani (Mr. 2.13-17; Lc. 5.27-32) 9Jainoash Jess carbaa iqui; joni benshoabaini. Caquin, Mateo janeya joni oina iqui. Ja joni ic iqui, shoboshoco meran yacata. Ja meranshon, apon join jato cop yocati ic iqui. Jain yacata oinshon, Jesusen yoia iqui: Eb cahu; eomea onanai en mia imanon aquin ac iqui. Jasca, jab caa iqui. 10Jainshon ja Mateonin Jess betan jatribi jaomea onanaibo jahuen shobon ioa iqui; jato piquinnoshon. Jascatash Jess, itan jaomea onanaibo pii yaccana iqui. Jainribi icana iqui icha joni, ja apon join jato cop yocataibo. Jainoash huetsaboribi becana iqui, ja ochaya, aquin acanai jonibo. Jatbi jabo ic iqui jain yaccana, ja Jess, itan jaomea onanaibo sharan; jaboribi Mateonin jato piti quenaabo icash. 11Jain yaccanquetian, fariseobaon jato oina iqui. Oinshon, Jesusemea onanaibo yoccana iqui: 8 9 27. 27 Jahueatiqui maton maestron ja cop yocmisaibo, itan ja non asheai quesc senenhayamaibo betan jahuquiai? Jabora jaconma jonibo iqui aquin jato acana iqui. 12Jato jascacanaitian, Jesusen nincata iqui. Nincshon, ja fariseobo yoia iqui: Isinyamaibaonra benshoamis joni benayamai. Ja isinaibaonbichoressa acai benaquin; ja raonmacasquin. 13Ja jacoman shinameetaibo, Dios betan jaconbires icannon icashsha, ea joyamaa iqui. Eara jo iqui, ja ochayaton shinameequin mas shinanaibo aquini; jabo jaconbires Dios betan icannon ishon. Ja copra, mato betan iamai ea jato betanres iqui. Jascati mato jato betan jahuquiatin queenyamaitianra, Diosen jahuen quirica meran yoiai quesc mato ashenon ishon, en mato yoiai: Eara queenyamai, maton ea yoinnabo rete reteshontinbicho. Mato noibamisti shinanya itinribicayara ea queenai, iqu ic. Jascara icashsha Dios queenai, jatoqui jaconma shinanyamaquin ja ochacanabo, jaton shinan benshonon ishon, non jato aquintinin aquin jato ac iqui. Dios shinanquin jahuquiatimaquiriaquin Jess yoccanni (Mr. 2.18-22; Lc. 5.33-39) 14Jainoash huetsa neten, ja Nashimamis Juamamea onanaibo becana iqui. Beshon, huestoran Jess ac iqui: Nonra ichabiresaquin acai, Dios shinanquin jahuquiayamaquin; non ashbiribi jascara iquetian. Jascarara non acai, non jascaitian oinash, Dios raronon ishon. Jainshon fariseobaonribira acai jascaquin. Jascara iquenbira, ja miomea onanaibaon, huestoratanibiaquin acanamabires iqui. Jahueatiqui ja miomea onanaibaon jascashocoyamacanai? aquin acana iqui. 15Jascacana, Jesusen jato yoia iqui nescaquin: Maton onanque, ja huanoai joni jato betanbi iquetian, ja chania bebaon mas shinanyamaquin jahuquiacanai. Ja huanoai joni jascati jato betanbi iquetiancayara, raroshaman ishon, ja chaniabaon jahuquiacanti iqui. Jascribiaquinra, eomea onanaibaon raroshaman ishon, mas shinanyamaquin jahuquiacanai; ea jato betanbipari iquetian. Icashbira nete nocnoshiqui. Ja netenra, ea huanoai joni quesc iquetian, jato boonnaancanti iqui. Jatiamparira acanti iqui, ja eomea onanaibaon mas shinanshon, Dios shinanquin jahuquiayamaquin; ea moa jato betanma iquetian aquin jato ac iqui. 16Jascashon, Dios shinanquin jahuquiatimaquiri jato yoishonbi, jato yoiribia iqui: Tsonbira chopa ritas ben bishon, jan chopa payo onayamai. Aquetianra jan onaa ritas topo, ja chopa payo noshribiti iqui. Jascatash, ja chopa payo jahuen nosh anicaresti iqui. 17Jainshonra, tsonbi ben vino, ja moasheni bichi chomon nachamai. Acra moa vino paequetian, ja bichi chomo to iti iqui. Jascatash ja vino yoyocooti iqui. Jatian ja moaequiatimaquiri jato yoishonbi, jato yoiribia iqui: Tsonbira chopa ritasheni bichi chomoribi moa jaconma iti iqui. Jascnaquetianra ja ben vino, bichi chomo benacanribi nachti iqui. Jascapari ja vino betan bichi chomo, jahuequescabi iamai. Jatian, ja Juamamea onanaibo betan fariseobaon ashbiribi iqui, ja jascaquin asheacana quescribiaquin ati; Dios shinanquin 9 28. 28 jahuquiayamati. Ishonbira eomea onanaibaonbiribi, arbaquinbi ash quescaquin shinanshon ayamacanai. Moa ea jato betanma iquetianra, jabo huetsatianbo onisshoco inshicanai. Jainoashsha aticonma jahuquibo jatoqui joti iqui. Jatiampariressa jabaon Dios shinanquin jahuquiayamanoshicanai; en jato aquinnon ishon aquin jato ac iqui Jesusen. Jairon baque ainbo jiriani betan jimi boanai ainb onanaibaonbiribi, arbaquinbi ash quesc Jesusen chopa tii acashshes benshoni (Mr. 5.21-43; Lc. 8.40-56) 18Jascaquin Jesusen jato yoiaitian, judobaon joni coshi jo iqui. Joash, Jess bebon chirancoota iqui. Chirancooshon yoia iqui: Nocon baque ainbora ramabi mahuque. Jascara iquenbi, mamepasi cahu. Min jascara, jiriti iqui aquin ac iqui. 19Jasca, Jess jab caa iqui. Jatbi jaomea onanaiboyabi. 20-21Bocanainbi, huestora ainbo jo iqui. Joash, Jess peco nitoshia iqui. Ja ainbo ic iqui, chonca rab baritia jimi boani peocoota. Joshon, ja ainbaon shinana iqui: Jesusen chopa tii acashshessa ea benshoti iqui, ishon. Jascara shinanshon, ja ainbaon Jesusen chopa queb tii ac iqui. 22Jascaquin tii ac, Jess bechiaquecaina iqui. Bechiaquecainshon, jan tii ac ainbo oina iqui. Oinshon, nescaquin yoia iqui: Jaconbires shinanhue, baqu. Equi coshiashsha, moa mia benshoque aquin ac iqui. Jascatianbi, ja ainbo benshoa iqui. 23Jainoash caash, ja coshin shobon Jess jiquia iqui. Jain jiquishon, ja quina acaibo jato oina iqui. Jasccana iqui, ja mahu moa jay maiai bonosh. Ja ichash huinii saa icanaiboribi oina iqui. 24Jasccanaitian oinshon, Jesusen jato yoia iqui: Nenoash joconcanhue. Nato baque shontacora mahuatama iqui. Oshaaressiqui aquin jato ac iqui. Jato Jesusen jascabi, iconhayamai jaqui shiroresi, osanai quescati saa iricana iqui. 25Jasccanaitian, Jesusen jato jatbi joconhaa iqui. Jato joconhaash, ja jain mahu ic chitain jiquia iqui. Jiquishon, ja shontaco metsona iqui. Jascaquin metsona, jiritaanan huenita iqui. 26Jatian ja jascara huinotabo, jatbi ja main icbaon ninccana iqui. Benche rab Jesusen benshoani 27Jascatash, Jess tequcainribia iqui. Caaitian, benche joni rabecan chibana iqui. Ja chibani sa ibecona iqui nescati: Davican chinbaque ishon, noibashon noa benshoahue. Diosenra mia raana iqui noa aquinti iqu ibcona iqui. 28Jascacanabi, Jess shobo meran jiquia iqui. Jain iquetian, ja rab joniribi caash, jain jiquibecona iqui. Jiquicanquetian, Jesusen jato ac iqui: En mato benshoati atipanaqui maton iconhai? aquin jato ac iqui. Jato jasca, yoibecona iqui: Jenjn. Nonra iconhai, pap aquin abcona iqui. 29Jascshon, Jesusen jato bet ac iqui. Bet ashon,tian, benche joni rabecan jato yoia iqui: Maton shinana quescra en mato acai aquin. 30Jascatianbi, jaconhaquin oinbecona iqui. Jainshon, Jesusen jato yoia iqui: Jahuequescatashbi queshayamacanhue, en mato jasca aquin jato ac iqui. 9 29. 29 31Jato jascabi, picbainashbires boshon jatbi ja main jaabo, jato queshancana iqui. Yoyo iti atipanyamaa joni Jesusen benshoani 32Ja rab joni moa shobomeash piccainbeconaitianribi, yoyo iosma joni Jess beshoncana iqui. Ja joni ic iqui yoshina icash, yoyo iti atipanyamaa. 33Ja beshoncanatianbi, ja jonimea yoshin Jesusen picoa iqui. Ja yoshin picquetian, ja joni moa yoyo iqu peocoota iqui. Jascara oinash, ichash ratcana iqui. Ratetash icana iqui: Jahuetianbira, Israel main non jascara jishosma iqui iqu icana iqui. 34Jatian fariseoboribi icana iqui; Jessqui jaconmai yoyo iqu nescati: Nato jonira yoshinbaon coshia iqui. Jascara ishonra, jan amaares, yoshinbo joconhai iqu icana iqui. Jesusen jato noibani 35Jascatash iiti, jatbi ja judobaon main ic jemabaon, Jess iaquetana iqui. Jain ic jemashoconcoboribi caa iqui. Caquin, ja jemabotiibi ic, jaton es nincti shobo meran jiquishonbo, Jesusen jato eseboa iqui. Jaconbires joi yoiquin jato ac iqui: Dios iconhashon maton Ibo imaquetianra, quishpinmashon mato jan iquinti iqui, aquin jato yoiboa iqui. Jascshon, mesc isinyabo jato benshoaboa iqui. 36Jascatash caquin, icha joni ja oini beaibo oina iqui. Jabo oinshon, Jesusen jato noibaa iqui. Jaton shinan onitsaibo quesc ic iqui; jan jato aquinti yamaquetian. Jascshamanhashon, jaton jaconma shinanbo jeneash qushpimeeti onanyamacana ic iqui. Jabo Jesusen oina ic iqui, huestora tonb carnero, jan coirantioma icash, jain shobi, itan ompash yamainco tsamcana quescres. Jabo jascara oinshon, aconbiresquin Jesusen jato noibaa iqui. 37Jato jascara oinshon, jaomea onanaibo Jesusen yoia iqui: Jarque icha joni, ja Diosen joni itin queenaibo; jaton shinan onitsai quescbo icash. Jabo riqui ani huainco jahuqui icha banaa, bimiconshamanash moa tsecatires quesc. Icashbi iqui, ja tsecai teetaibo ichamashoco. Jascara icashsha, ja bimibo moa jaconmaatires iqui. 38Jascara copra, en mato yoiai, ja huai ibo yoccanhue oranhanan; ishtontani jahuen jonibo Diosen raannon ishon; jatbi jonibo jahuen joi yoitiaquin. Jatianra, ja nincshon iconhaaboribi Diosen joni iti iqui aquin jato ac iqui. Jahuen chonca rab raantibo coshi shinan Jesusen menini (Mr. 3.13-19; Lc. 6.12-16) 10 1Iiquin, huetsa neten Jesusen jahuen chonca rab jaomea onanaibo tsinquia iqui. Tsinquishon, coshi shinanya jato imaa, jonibo meranoa yoshinbo picoti shinanya icana iqui. Jainoash huetsaquescabires isinyabo inonbi, jato benshoatiaquin, coshi shinanya jato imaa iqui. 2Ja Jesusen chonca rab raantibaon janebo iqui nato. Ja requempari iqui Simn, jahuen huetsa jane Pedro. Jainoash jahuen huetsa Andrs. Ja peco iqui, Jacobo betan Juan; ja rab iqui, Zebedeon baque rab. 3Jainoash ic iqui, Felipe, Bartolom, Toms; jainoash Mateo. Ja Mateo iqui, apo cop yocshoni ipachoai. Ja peco iqui, Alfeon baque Jacobo. Jainoash iqui Lebeo; ja jahuen huetsa jane ic iqui Tadeo. 4Jainoashshibi ic iqui Simn; ja cananeobo betan rabetai ipachoai. Ja peco iqui Judas Iscariote, ja ic iqui jan jato Jess yatanmati. 9 10 30. 30 Diosen joi yoiti, jaomea onanaibo Jesusen raanni (Mr. 6.7-13; Lc. 9.1-6) 5Ja chonca rab jaomea onanaibo, Diosen joi yoiti Jesusen raana iqui. Raanquin, jato nescaquin yoia iqui: Ja Samaria main ic jemabaon boyamatancanhue; nin jain judomabo jaa huetsa maibaonribi, mato catima iqui. 6Jain boyamaicaya, maton cabo judoboibares botancanhue. Jabora ochayabo icash, Dios betan jaconshaman iti atipanyamacanque. Jascatash quishpincannon ishon, tson jato aquinyamaara, moa chican ehua meran botires icanai. Jabo betancaya jaconbires inoshon, moabi Diosen shinanni iquenbira, jabo jascara icanai. 7Jascara iquetian, boquin jato yoitancanhue: Ja Dios iconhashon, jahuen Ibo imaibo quishpinmaanan, jato Diosen iquinti netera moa ochmashocoyora iqui, aquin jato abotancanhue. 8Jascaquin jato joi yoiananbira, isinaibo maton jato benshoati iqui. Mahubo jaquetian, maton jato jiriati iqui. Jainshon ja rasaro isinyaboribi, maton jato benshoati iqui. Jainshon jonibo meranoaribi, yoshinbo maton jato joconhashonti iqui. Jascaquin jato benshoashonbo, jato cop yocyamatancanhue; copribira en mato ja shinan meniama iqui. 9Caquin, jahue corquibi boyamacanhue. 10Jainshon bolsaribira maton botima iqui. Ja sahu chopayabichora mato bocanti iqui; jahuequesca icash, ja sahu zapatoyabichoribi mato cati iqui. Jainoash jay bain cati quectibi boyamacanhue. Enra mato yoiai, ja teetai jonibora, jan temaibaon jan mashcyoraabo meniai, aquin. Jascribiaquinra, ja maton aquinai jonibaon, mato meniti iqui; jan mato mashcatabo. Jascara copra, caquin maton jahuebi botima iqui. 11Jahuetianqui mato jemancobo nocotai, jain maton benati iqui, Diosen joi ninctinin queenaibo, itan jahuen shobon mato imati shinanya jonibo. Jascatash, ja jonin shobompari mato iaqueti iqui, mato huetsanco tequribiai caman. 12Cashonra maton jato benati iqui. Moa jato nocoshonra jaton shobonco jiquishon, maton jato saludantiqui; matomein jaton shobon imatiqui ishon onannoshon. Nescaquinra maton jato saludanti iqui: Diosen mato jaconbires jamabanon, aquin. 13Maton jascara, ja shobon icbaon mato jain imati iqui. Jatianra Diosen jaconbiresaquin jabo jamati iqui; ja maton yoia quescaquin. Jatian jaton shobonco mato imacashamacanaitianra, maton jato yoia quescaquin Diosen jato imatima iqui. 14Jahuequesca ishon, jaton jeman nocshon, itan jaton shoboncoshon maton jato Diosen joi yoiabi ninccashamai mato jain itin queenyamacanaitianra, mato moa jainoash cati iqui. Cara, maton ja icanainoa jamata mai poto, mato tahuasaacainti iqui. Matora jascti iqui, moa queenyamacanaitian jahuequescatashbi jato betan mato raenanantima onancannon icash. 15Iconshamanra en mato yoiai: Iicaashsha, nete senennoshiqui, ja jacoma jonibo Diosen castganti nete. Ja nete senenquetianra, jahuen joi ninccashamaquin mato jan omisa jonibo, Diosen castganoshiqui. Ja Sodoma betan Gomorra jemamea jacoma jonibo an bebonbirescayara, jato castganoshiqui. Ja jainoa jonibo castganshon queyoquinra anique, oi maanai quescaquin Diosen jatoqui chi paquequin. Joi yoii bocanquetian, joi ayosmabaon Jesusemea onanaibo jaconmacanti yoini 16Jascara copra, en mato yoiai: Nescaquin en mato joi yoiti raana cashonra, mato jaconmacasai jonibo 10 31. 31 maton noconoshiqui. Jascaquin en mato joi yoiti raana iqui; jahueamisma carnerobo, sin yoinnabo sharan en raana quesc. Jascara cop, mato jatoiba caquetian mato jaconmacascana, oinshamanshon jato amayamatancanhue; onan icash, non retecasa rono aticonmatai quescaquin. Jahuetianqui mato yatanshon jaconmacanai, jatian jahue iamaquin maton jato coptima iqui; non shot yatana noa isinhayamaquin, noa jahueayamai quescaquin. 17Jascara iquen, oinshamanash itancanhue. Mato yatanshonra, ja jemamea joni coshiboiba mato bobocanai. Es nincti shoboncoshonribira mato rishquicanti iqui. 18Jainshonribira, yatanhanan mato bocanti iqui, joni coshibaon coshiboiba; jainshon mato jaconmanoshon. Apoboibaribira mato bocanti iqui. Nocon jonibo ishon, Diosen joi yoiaitianra, mato jascacanti iqui. Jascaquin, jato bebonbo mato bocanabira, jato bebonshonbi maton nocon joi jato yoiti iqui. Ja joni coshibobichora maton jato yoitima iqui; jatbi jaton joniboribicayara maton nocon joi yoiti iqui. Ja jaton jonibo iqui, judoboyabi judomabo. 19-20Jatian moa jascaquin, joni coshiboiba mato bocana; jahuemein en yoiti iqui, itan jahuequescaashonqui en yoiti iqui, iqu icash, shinan onitsayamanoshicanhue. Matonbinishsha mato itima iqui yoyo iqu. Moa mato joni coshibo bebon iquemparira, ja non Papan Shinaman, jascara maton yoitibo mato shinanmati iqui. 21Jainshonra, en mato yoiribiai: Joi ayosmabora, jaton quiquin huetsaboquibi jansoanan jaconmanoshiqui. Jabaonribira ea iconhacanquetian jato amacashamai. Jascati jatoqui jansoananbo jaconmai yoyo ishonra, ja yoishon jato retemanoshicanai. Jascribiaquinra, ja joi ayosma jonibaon, jaton baquebibo jaconmanoshicanai; ea iconhacanquetianribi. Jainoashsha jarbanoshiqui, ja joi ayosmaboribi, jaton anibaon ea iconhaquetian, jatoqui jaconmashon jato retemaiboribi. 22Jascara iquenra, mato nocon jonibo iquetian, omsanan ichashon mato jaconmanoshicanai. Icashbi jahueratobaonqui, jascaquin jaconmacanabi Diosqui chipshon, jab icai caman ja iconhaquin jeneyamai, jaboressa jatbitian raroshaman Dios betan jacanti iqui. 23Jahuetianqui huetsa jemancoshonbo, Diosen joi ninccashamaquin mato jaconmacanai, jatianra ja jemameash moa mato jabti iqui. Jabati caash huetsa jemanco nocshon, maton jainribi jato joi yoiti iqui. Jascara iquenra, iconshaman en mato yoiai: Ja Israel main jaa jonibo, jatbi maton jato queyoquin ea iconhamati mashcbiresquenbira, ea jorbanoshiqui nocon Papaibaqueash. Jascara icashsha, jaquiribi ea joai caman jayaquerescanti iqui, ja ea iconhai jonibo jaconmaibo. 24Eabi jaconmacana ishon, ja ea iconhaibo jascribiacanti yoiquinra, en mato acai: Huetsabomea onanai jonira, ja jaomea onanai joni shehuina iti atipanyamaque. Jainoash ja yonocaatai joniribira, jan yonoai joni shehuina iti atipanyamaribaque. 25Jascara ishonra, ja jahuen maestro acanai quescribiaquin ja jaomea asheai joni acanti iqui. Jatian ja yonocaatai jonibiribira, jan yonoai joni acanai quescribiaquin acanti iqui. Equi jaconmaquinbora acanai ea nescaquin: Mia riqui, yoshinbaon coshi Beelzeb quesc, aquinbo. Eabi jascacana 10 32. 32 ishonra, matocaya abirescantiqui quiquinbiresaquin jaconmaquinbo; mato nocon jonibo iquetian. Diosquires coshia icash, jonibaon ramiatiqui raqutima (Lc. 12.2-9) 26Ichashon mato jaconmacanabira, jatoqui raquyamaquin, ja en mato asheaaboribi maton jato yoiti iqui. Ja nocon joi, jatbi jonibo maton nincmatincayara ea queenai. Jatianra ja jon jahuquibobi jatshonbi onancanti iqui. 27Jascara iquenra, en mato yoiribiai; ja matobicho en asheaa joibobira, huetsaboribi maton quiquinshamanhaquin jato nincmaconti iqui. 28Nocon jonibo ishon, maton jato joi yoiaitian retecascanabira, mato jatoqui raqutima iqui. Jascaquin reteshonbira, mato Dios betan imayamati atipanyamacanque; ja Diosqui chipshon, maton jahuen joi senenhashonai cop. Mato retecanabira, maton caya moa Dios betan iti iqui. Icashbi jahueratoboqui, Diosqui chipyamashon jahuen joi senenhashonyamai, jabora castganshon, jaton yora betanbi jaton caya chiican ehua meran Diosen jato potanoshiqui. Jascara iquen, joniboqui raquyamaquin Diosquires chipshon, jahuen joi senenhashoncanhue. Maton jascayamaquetianra, chiican ehua meran mato Diosen potati iqui. 29Raquyamacanhue, Diosenra mato coiranai. Jishaman icanai, ichamashoco corquininbi rab isshoco maroi. Jatian ja isshocobo jahuemabi iquenbira, Diosen coiranai. Jascara copra, Diosen imayamaa, ja isshocobo jahuequescatashbi huestorabi mahuti atipanyamaque. 30-31Ja isbo jahuemabi iquenbi coiranai ishonra, matocaya abiresti iqui, Diosen aconquin coiranquin; mato jahuen jonibo iquetian. Jascaquin mato jan coirana icashsha, Diosen imayamaa, huestoratanibi maton bo paquti atipanyamaque. Jascara cop, tsoa joniquibi raquyamacanhue; Dios queenyamaquetianra, tsonbi mato jahueatima iqui. Jahuequesca inonbi raquyamaquin, Cristo riqui non Ibo, aquin jato yoiti (Lc. 12.8-9) 32Jainshonra en mato yoiribiai: Jahueratobaonqui, jahuequesca inonbi, Cristo riqui nocon Ibo, aquin jato aananbi nocon joi senenhashonai, jabora Diosen jatbitian jabbi iquinnoshiqui; ja ea iconhaibo iquinti nete nocquetian. Ja netenra, enbiribi nocon Papa Dios yoinoshiqui: Icon riqui jabo nocon jonibo, aquin. 33Icashbi jahueratoboqui, Cristo riqui nocon Ibo, aquin jato aquetian, jonibaon jaconmatin raququin, moa Cristo queenai quesc ayamaquin jato joi yoiamai, jabora Diosen jatbitian jabbi iquinyamanoshiqui; ja ea iconhaabo iquinti nete nocquetian. Jatianra, enbiribi nocon Papa Dios yoinoshiqui: Jabora nocon jonimabo iqui, aquin. Cristomea onanaibo jascarabo huincanti (Lc. 12.51-53; 14.26-27) 34Jainshonra maton rama shinantima iqui, ea jo copi jatbi jonibo huetsabo betanbires jaconbires jacanai. Jascara iquenbira, ea iconhayamashon, ichashon nocon joi ea senenhashoncantima iqui. Ea omisshonra, ja equi coshiaibo jaconmacasnoshicanai. Jascara copra, jatbibo betan jaticashbi jaconshamanbires jati 10 33. 33 atipanyamacanque. 35Jainoashshibira, joni jahuen papaquibi sinti iqui. Jatian ainbobiribi jahuen titaqui sinti iqui. Jonin ahuinbiribira jahuen baban ehuaqui sinti iqui. 36Jascatashsha, jaton quiquin rarebobo betanbi sinacananash, rahuicanancanti iqui. 37Jascara iquetianra, en mato yoiai: Jahueratobaonqui jaton anibo quiquinbiresaquin noishonbi ea noiamatanicanai, jabora nocon joni iti atipanyamaque. Jahueratobaonribiqui, quiquinhaquin jaton baquebo noishonbi ea noiconyamatanicanai, jaboribira nocon jonibo iti atipanyamacanque. Jainshon, jahueratobaonqui nocon queena quesc acaitian, jaton rarebobaon jaconmanaquetian jeneai, jabora nocon joni iti atipanyamaribaque. 38Icashbi jahueratobaonqui, huetsabaon jaconmaabi, iamashon retecanti onanshonbi, equi chipanan teneshon, nocon queena quesc aquin jeneyamai, jaboressa nocon joni iti iqui. 39Jascara iquenra, en mato yoiai: Jahueratobaonqui nocon queena quesc acaitian, jaconmacana raququin, itan retecascana raququin, moa quiquinhaquin jeneai, jabora jati neteoma icash, raroshaman jain Dios icin jatbitian iti atipantima iqui. Icashbi jahueratobaonqui jaconmacanabi, itan retecascanabi nocon joni ishon, ea queenai quescres aquin jeneyamai, jaboressa Diosiba jati neteya inshiqui. Jahuen jonibo jaconhacanaitian, Diosenribi jato jaconhati (Mr. 9.41) 40Jainshonra en mato yoiribiai: Jahueratonqui, ja Diosen joi maton yoiai nincshon, mato onanyamashonbi jahuen shobon mato biai, janra eabi jahuen shobon imai quesc iqui; nocon jonibo iquen, en mato raanabo iquetian. Jatian, jahuen shobon eabi imaa quesc icash iqui, non Papa Diosbi jahuen shobon bi quescribi; janbiribi ea raana icash. 41Jainshonra en mato arbai nescaquin yoiquin: Jahueratobaonqui ja Diosen raana joni iquetian jaconhashon jahuen shobon imaanan jato aquinai, jabora Diosenbiribi jaconhati iqui; jan raana joni ati quescribiaquin. Jatian jahueratobaonqui, ja nocon queena quesc acai joni iquetian jaconhashon jahuen shobon imaanan aquinai, jabora Diosenbiribi jaconhati iqui; ja nocon queena quesc acai joni ati quescribiaquin. 42Jainshon jahueratobaonribiqui nocon joni onanshon, jato aquinai, jatianra raroshaman ishon, jan aquina joni Diosenbiribi jaconhashocoti iqui. Jahuequesca ishon, nomiaitian ompashbires inonbi jato sheamacanquenbira, Diosen jato jascati iqui aquin jato Jesusen ac iqui. Jascaquinbo jato yoishon, jaomea onanaibo Jesusen jato esequin senenhaa iqui. Jato jascaquin senenhaa, bocana iqui moa jato joi yoii. Ja Nashimamis Juan yoiquin, Jesusen jonibo an (Lc. 7.18-35) 11 1Jascaquin jahuen chonca rab jonibo esequin senenhabaini Jess caa iqui. Caquin, jato Diosen joi yoianan eseboa iqui; ja main ic jemabaon. 2Jatianribi crcel meran ishonbi, Juaman nincata iqui, Criston jato jascaibo. Jascara nincshon, jahuetii jaomea onanaibo Juaman jato Jessiba raana iqui; miarin Diosen Shinaman yoyo icai, ja moatianbi Diosen raanti 10 11 34. 34 yoipaoni? aquin Jess yoccannon ishon, jato raana iqui. 3Jascati jato raana boshon, Jess yoccana iqui: Miarin Cristo, ja moatianbi Diosen Shinaman yoyo icaibaon joti yoipaoni? Mia jaama iquetianqui, huetsapari non manati iqui? aquin yoccana iqui. 4Jatian jascacana Jesusen jato yoia iqui: Ja matonbi jascara oinabo, Juan queshantancanhue. 5Boshon yoitancanhue, benchebaonra moa jaconhaquin oinai. Ja niticomabora moa jaconi niai. Rasaro isinyabora moa benshoai. Ja pabebaonribira moa jaconhaquin nincatai. Mahuatabora jiriai. Jainshonribira, ja onitsapitaishocobo jascatash qushpimeeti jacon joibo, en jato yoiai. 6Jainshon nescararibi queshantancanhue: Jahueratobaonqui ea iconhaananbi mesc shinanyamai, itan jahuequesca inonbi, equi chipoti jenyamai, jabora Diosen raroshaman imai aquin jato Jesusen ac, ja Juamamea onanaibo moa bocana iqui. 7Moa bocana peco, ja Nashimamis Juan yoiquin, Jesusen nescaquin jonibo ac iqui: Ja Nashimamis Juan oini mato jahuebi yamaa manaman canontianqui, jahuequesca joni iti shinanshon oini mato catanyantana? Huestora joni, shinan mesc icash jonibo queenai quescatishaman yoyo icai icash tahua ni nihuen shaconai quesc iti shinanshon oinira, matobira catanyantanque. 8Jatian jascatai ninccasima mato caa icashqui, jahuequesca jonishaman iti shinanash mato caa iqui? Matonra shinanbiraa iqui, quiquin chopa sahuya joni, cashon maton nocoti. Jascara icash, quiquin jonibo betan raenantin queenai joni iti shinanshon oinira, matobira catanyantanque. Matonra moa onanque, ja quiquin jonibo betan jasccasai jonira, jahuetia