Upload
dangtruc
View
298
Download
8
Embed Size (px)
Citation preview
www.Qsi-ks.com
Ta njohim Allahun
Faqe | 1
TTAA NNJJOOHHIIMM AALLLLAAHHUUNN HHooxxhhëë EEnniiss RRaammaa
Parathënie
- Pse duhet ta njohim Allahun1
“Allahu ka emrat më të bukur (mirë), prandaj thirreni Atë me ta.” (el-A’raf,
180)
Po e fillojmë këtë shkrim duke e lutur Allahun سبحانه و تعالى që këtë temë ta
bëjë të rëndësishme për përmirësimin e jetëve tona dhe raporteve me
Allahun سبحانه و تعالى, si dhe për të gjitha ato dobi të cilat do t’i përmendim e
që priten të realizohen përmes kësaj teme, meqë është me rëndësi të dimë
qysh në fillim të çdo teme se çfarë dëshirojmë përmes saj.
Dikush mund të përkufizohet vetëm në një pikë të këtyre ligjëratave. Këtij i
themi se, nëse e synon vetëm një gjë prej këtyre ligjëratave, është pak dhe të
marrësh vetëm kaq është varfëri. Më me vend do të ishte të marrim të gjitha
aspektet të cilat synohen përmes trajtimit të kësaj teme.
Edhe pse dijetarët islamikë, kur kanë folur për trajtimin e kësaj teme, kanë
thënë se dobitë e saja janë të panumërta dhe nuk ka numër që mund t’i
përkufizojë dobitë e të folurit për Allahun سبحانه و تعالى, ata janë munduar t’i
përmendin përmbledhtazi disa dobi, në mënyrë që besimtari së paku të jetë
më i përqendruar dhe i orientuar drejt qëllimeve të caktuara.
Allahu سبحانه و تعالى është Ai, që krijoi të gjitha krijesat dhe ndër to edhe
njerëzit. Çdo krijesë të cilën Allahu سبحانه و تعالى e krijoi ka të instaluar në
brendinë e vet një natyrshmëri të caktuar, në bazë të së cilës ajo rregullon
jetën e vet.
1 Vërejtje: Për një kuptim më të saktë të këtij mësimi ju sugjerojmë që të dëgjoni audio-
ligjëratat nga të cilat është transkriptuar ky tekst në web-adresën: http://www.qsi-
ks.com/webi/videoligjerata.php?hoxha=Enis%20Rama, nën titullin “Ta njohim Allahun.”
www.Qsi-ks.com
Ta njohim Allahun
Faqe | 2
Për shembull, natyrshmëria në të cilën Allahu سبحانه و تعالى e krijoi luanin
është që ai të jetë sulmues dhe agresiv, jo që të jetë sikurse pula, e cila është e
qetë dhe e butë. Dhe ky është caktim i Allahut سبحانه و تعالى, dhe nuk ka të bëjë
me madhësi, meqë kemi kafshë shumë më të vogla sesa një elefant, por që
kanë natyrshmëri tërësisht të kundërta.
Allahut سبحانه و تعالى përzgjedh formën, natyrën dhe sjelljen e dikujt. Kur
kemi të bëjmë me njeriun, natyrshmëri e tij është që as të mos jetë i butë, as
agresiv; as i fortë, as i dobët. Natyrshmëria themelore në të cilën Allahu e
krijoi njeriun është që ai ta njohë Allahun سبحانه و تعالى. Çdo ngjyrim tjetër që
ngadhënjen mbi këtë, do të bëjë që njeriu të largohet dalëngadalë nga
natyrshmëria e tij.
Ibn Hazmi هللا رحمه konsideron që, nëse njeriu theksohet më shumë me
muskujt e tij sesa me besimin e tij, ai fillon t’u afrohet kuajve. Nëse njeriu u
afrohet me zërin e tij shpendëve që kanë zë të bukur dhe nis të theksohet me
këtë më tepër sesa me besimin në Allahun سبحانه و تعالى, ai do të jetë më afër
shpendëve sesa natyrshmërisë së njeriut. Kjo sepse, duke huazuar ose duke
favorizuar natyrshmëri tjera, tek ai fillon të zbehet natyrshmëria themelore
në të cilën e krijoi Allahu سبحانه و تعالى.
Allahu سبحانه و تعالى thotë në Kur’an:
هاالناسفطرالتياللـهفطرت... لك اللـهلخلقديلتـبل عليـ ين ذ أكثـرولـكنالقيم الد﴾٠٣﴿يـعلم ونلالناس
“Natyrshmëria në të cilën Allahu i krijoi njerëzit. S’bën të ketë ndryshim të
krijimit të Allahut. Ajo është feja e drejtë, por shumica e njerëzve nuk e
dinë.” (Rum, 30)
Ajeti i mësipërm nënkupton dy gjëra:
Së pari, nuk ka mundësi të shkëmbimit të natyrshmërive, në mënyrën që ne
t’ia marrim luanit natyrshmërinë e tij ndërsa atij t’ia japim tonën. Allahu
vendosi që të kesh natyrshmërinë të cilën e ke.
Së dyti, nuk ka ndryshim të natyrshmërisë së krijuar nga Allahu. Allahu
e krijoi njeriun në natyrshmërinë që ai ka dhe, përderisa ai سبحانه و تعالى
www.Qsi-ks.com
Ta njohim Allahun
Faqe | 3
dëshiron të mbetet vetja e vet, duhet të ngjyroset me këtë natyrshmëri.
Mirëpo, nëse ai e ndryshon këtë natyrshmëri, do të ndryshojë edhe qenia e
tij; jo në kuptim fizik, por në kuptim të përkatësisë.
Allahu سبحانه و تعالى përmend disa kategori njerëzish në disa vende në Kur’an,
të cilët arrijnë deri në shkallën ku bëhen më të degraduar sesa kafshët.
Pejgamberi ملسو هيلع هللا ىلص tha:
“Çdo fëmijë lind në natyrshmërinë e pastër të Islamit. Pastaj prindërit e tij e
bëjnë atë të krishterë, çifut ose zjarrë-putist.”
Duke pasur parasysh që kjo natyrshmëri nuk karakterizohet me njohje të
hollësishme të saj, por ajo është vetëm një kornizë anësore, e cila e mban
njeriun të mos dalë jashtë të lejuarës, njeriut nuk i mjafton që ta njohë
Allahun vetëm përmes kësaj natyrshmërie në të cilën është krijuar. Për këtë
arsye, Allahu سبحانه و تعالى e ndihmoi këtë natyrshmëri me dërgimin e
pejgamberëve dhe zbritjen e Librave.
Në qoftë se shikojmë se cili ishte fokusi kryesor i misionit të pejgamberëve
dhe çfarë është përmbajtja e Librave të zbritur, do te vërejmë se kemi të
bëjmë me një përqendrim në besimin në Allahun سبحانه و تعالى dhe në njohjen
e Tij, me qëllim që njerëzit ta adhurojnë Atë përmes kësaj njohjeje. Kjo njohje
realizohet përmes mësimit të emrave dhe cilësive të Tij, gjë që Allahu سبحانه و
e mundësoi përmes gjuhëve të pejgamberëve dhe Librave të cilët Ai i تعالى
zbriti.
Pejgamberi me të cilin edhe u përmbyll misioni i pejgamberëve dhe i cili
njëherësh ishte më i dijshmi për Allahun dhe më i afërti me Të, është
Muhamedi ملسو هيلع هللا ىلص. Andaj, asnjë popull nuk e ka pasur nderin ta njohë Allahun
ashtu siç e ka nderin umeti i tij. Asnjë pejgamber nuk kishte hapësirë t’ua
shpjegonte dhe t’ua bënte të qartë umetit të vet njohjen e Allahut سبحانه و تعالى
ashtu siç ua bëri Muhamedi ملسو هيلع هللا ىلص.
Padyshim që secili pejgamber e kreu misionin e tij siç duhej dhe aq sa u
duhej pasuesve të tyre në atë kohë, mirëpo gjërat shtesë që ne i kemi e bëjnë
këtë umet të veçantë në njohjen e Allahut سبحانه و تعالى.
www.Qsi-ks.com
Ta njohim Allahun
Faqe | 4
Për këtë arsye, kur pejgamberi ملسو هيلع هللا ىلص e pa Omerin رضى هللا عنه më një letër në
dorë, e cila ishte pjesë nga librat e mëparshëm të ithtarëve të Librit, e
urdhëroi ta linte atë, ngase edhe sikur Musai عليه السالم ishte gjallë, do ta
pasonte Muhamedin ملسو هيلع هللا ىلص.
Po ashtu, Isai, عليه السالم, kur të vijë nga fundi i kohës, do të gjykojë me
Sheriatin e Muhamedit ملسو هيلع هللا ىلص.
Allahu mori besatimin e secilit pejgamber, para se ai të dërgohej, që, kur do
të dërgohej Muhamedi ملسو هيلع هللا ىلص si i Dërguari Allahut, ata do ta ndiqnin, do t’i
besonin dhe ta mbronin. Pra, jo vetëm t’i besonin, por edhe të luftonin
bashkë me të. Musai ملسو هيلع هللا ىلص dhe pejgamberët tjerë e kishin obligim të vdisnin
për Muhamedin ملسو هيلع هللا ىلص. Shikoni se çfarë nderi Allahu i dha Muhamedit ملسو هيلع هللا ىلص
dhe çfarë nderi na bëri ne përmes tij ملسو هيلع هللا ىلص!
Ky nder padyshim që përfshihet në tërë atë më çka erdhi Kur’ani dhe
Suneti, ku më të vlefshmet janë mësimet që flasin për Allahun, pra, për
njohjen e Allahut سبحانه و تعالى.
Tema me të cilën po fillojmë dhe që ka të bëjë me emrat dhe cilësitë e
Allahut سبحانه و تعالى, është temë e gjerë dhe nga dijetarët është trajtuar në dy
kahe:
Kahu i parë, që është ndjekur në trajtimin e kësaj teme, ka të bëjë me
rregullat apo kuptimet e drejta të këtyre emrave dhe cilësive karshi
grupimeve të ndryshme të bidatçinjëve, filozofëve dhe të devijuarve të
ndryshëm, të cilët kanë tentuar të imponojnë kuptime të ndryshme
filozofike të njohjes së Allahut سبحانه و تعالى.
Kështu, shumë dijetarë nga Ehli-Sunetit janë ngritur dhe e kanë mbrojtur
kuptimin e drejtë të këtyre emrave nga devijimi i kuptimit të drejtë të cilin
Muhamedi ملسو هيلع هللا ىلص ua kishte mësuar shokëve/sahabëve të tij. Një pjesë e këtyre
rregullave dhe termave të cilat dijetarët i kanë trajtuar për të ruajtur
vërtetësinë dhe saktësinë e besimit në Allahun سبحانه و تعالى, është shtjelluar
në librin tashmë të komentuar Akide Vasitije2.
2 http://www.qsi-ks.com/webi/ligjerata.php?hoxha=Enis%20Rama, nën titullin “Komentim i
librit Akideja e Vasitit të Ibn Tejmijes.”
www.Qsi-ks.com
Ta njohim Allahun
Faqe | 5
Kahu i dytë ka të bëjë me ndikimin e këtyre emrave në jetën e besimtarit. Në
këtë kah, përfshihet e tërë ajo se si duhet të ndikohet pozitivisht një besimtar
nga ndonjë emër i caktuar i Allahut سبحانه و تعالى, siç thotë edhe Ibn
Kajimi:”Të edukohet nën hijen e emrave të Allahut.”
Çdo emër i Allahut سبحانه و تعالى i mundëson besimtarit një adhurim dhe një
edukim të caktuar. Prandaj, është projekt i veçantë për një besimtar që,
përmes emrave të Allahut, ai të përmirësojë kualitetin e adhurimeve, të
tejkalojë sprovat e kësaj bote, ta kuptojë këtë botë, e kështu me radhë. Dhe
ajo që do të trajtohet në këto ligjërata, është kahu i dytë.
Përmes kësaj hyrjeje të shkurtë, u munduam të shpalosim kahun nga do të
shkohet dhe çfarë po kërkohet nga ne, ndonëse, kur do të flasim më poshtë
për dobitë dhe synimin që kemi me këto ligjërata, me lejen e Allahut, do të
na qartësohen shumë gjëra.
Lidhur me frazën “njohja e Allahut,” Ibn Tejmije thotë se Selefët shumë e
kanë përdorur këtë term, andaj thoshin për dikë se filani e njeh Allahun ose
kanë thënë “dija rreth Zotit.” Çka kishin për qëllim Selefët me këtë? Ibn
Tejmije thotë se ata kishin për qëllim dy gjëra. Kur thoshin për një njeri se
është i dijshëm për Allahun, kishin për qëllim se ai njeri e njihte Allahun më
mirë se të tjerët jo në kuptim të formës apo mënyrës së qenies së Tij, meqë
këto gjëra janë të papranueshme qysh në fillim, por e njihte Allahun سبحانه و
përmes emrave dhe cilësive të Tij, andaj dhe ishte i tillë që me një fjalë të تعالى
vetme ndikohej pozitivisht nga këta emra. Një ditë prej ditësh, një njeri e
thirri Imam esh-Shabin “O dijetar...,” dhe ky imam, i cili ishte një dijetar i
madh, iu përgjigj: “Dijetar është ai, që ia ka frikën Allahut سبحانه و تعالى.” Pra,
nuk kemi të bëjmë edhe aq më sasinë e informatave sa kemi të bëjmë me
ndikimin e këtyre informatave në zemrën. Sepse një njeri mund të ketë
shumë informata, por ato informata të kenë pak ndikim te zemra e tij. Në
anën tjetër, ndodh që dikush të ketë pak informata, por ato të kenë ndikim
të madh në zemrën e tij në raport me Allahun سبحانه و تعالى, dhe kjo është ajo
që kërkohet nga ne.
Gjëja e dytë të cilin e kishin për qëllim Selefët me këtë dije ishte se dikush i
njihte më së miri rregullat dhe dispozitat të cilat të afrojnë tek Allahu سبحانه و
.meqë edhe kjo është një çështje e rëndësishme ,تعالى
www.Qsi-ks.com
Ta njohim Allahun
Faqe | 6
Sa i përket njohjes së Allahut سبحانه و تعالى, njerëzit ndahen në tri kategori:
Kategoria e parë janë ata të cilët e njohin Allahun në kuptimin e
përgjithshëm. Ata janë të devotshëm, por nuk njohin atë që të shpie tek
Allahu. Pra, ai nuk di rregulla të shumta, por e njeh Allahun. Për shembull,
ai ia ka frikën Atij apo, nëse përmendet Allahu, i rrjedhin lotët; ai falet kohë
të gjatë, lexon Kur ‘an, etj. Pra, ai e njeh Allahun سبحانه و تعالى dhe, nga
dashuria e kësaj njohje, e adhuron Atë, por ai nuk di shumë rregulla; nuk di,
për shembull, të shpjegojë rregullat e abdesit, rregullat e namazit, etj.
Kategoria e dytë janë ata të cilët i njohin rregullat të cilat shpijnë tek Allahu,
por, fatkeqësisht, nuk e njohin Allahun سبحانه و تعالى. Për shembull, ai mund të
japë një shpjegim të thatë, si: kjo është farz, kjo është haram, etj., dhe këto i
di shumë mirë. Mirëpo, ai s’ka gjallëri në këtë dhe kjo atë nuk e shpie tek
Allahu سبحانه و تعالى. Kjo kategori e njerëzve njihen si të dijshëm rreth hallallit
dhe haramit.
Kategoria e tretë janë ata të cilët i kanë bashkuar këto dy kategori. Ata edhe
e njohin Allahun سبحانه و تعالى, edhe janë ekspertë të njohjes se hallallit dhe të
haramit. Dhe kjo është më e mira e mundshme që një besimtar mund ta
arrijë.
Dijetarët kanë përmendur se dobitë të cilat i arrin një besimtar me studimin
e kësaj teme ose me ndjekjen e këtyre ligjëratave janë të shumta. Më poshtë,
do të përmenden vetëm disa dobi sa për të kuptuar se me çfarë teme kemi të
bëjmë. Po ashtu, do të mundohemi të bëjmë një verifikim të
kohëpaskohshëm të realizimit të këtyre qëllimeve për atë se a jemi duke
shkuar aty ku duhet, apo kemi devijuar nga qëllimi. Prandaj, kjo ligjëratë e
parë dhe këto pika që do të përmenden me poshtë, do të na e mundësojnë ta
mbajmë veten të përqendruar brenda një qëllimi të caktuar:
1. Qëllimi kryesor dhe final i besimtarit është që Allahu سبحانه و تعالى të jetë
i kënaqur me të. Të gjitha qëllimet tjera renditen nën këtë qëllim, si:
futja në Xhenet, ruajtja nga Xhehenemi, etj.
Besimtari e di se kënaqësia e Allahut سبحانه و تعالى nuk mund të arrihet,
nëse Allahu nuk i jep sukses robit për të ndjekur rrugën e kësaj
kënaqësie. Dhe kjo kënaqësi është e ndërtuar mbi besimin në Allahun
www.Qsi-ks.com
Ta njohim Allahun
Faqe | 7
dhe mbi veprat e mira. Kurse, ajo që e stimulon dhe e motivon
besimtarin dhe i ndihmon atij për ta ngritur këtë peshë deri në
kënaqësinë e Allahut, është njohja e Tij سبحانه و تعالى. Ngase besimi nuk
është i lehtë, dhe këtë gjë e thanë edhe kodrat, kur u qe kërkuar të
besonin (në kuptim të kryerjes së obligimeve):
هاإناعرضن االمانةعلىالسماواتوالرضوالجبالفأبـينأنيحملنـهاوأشفقنمنـنسان كانظل وماجه ول وحملهاال ﴾٢٧﴿إنه
“Ne ua ofruam amanetin (obligimet) qiejve, tokës dhe maleve, e ato
nuk deshën ta merrnin përsipër atë dhe u frikësuan prej tij, ndërsa
njeriu e mori mbi vete. (Me këtë) Ai i bëri padrejtësi vetes dhe ishte i
padijshëm.” (el-Ahzab, 72)
Pra, këtë barrë, të cilën nuk e morën përsipër kodrat e mëdha apo
bjeshkët e larta, e mori përsipër njeriu me lejen e Allahut سبحانه و تعالى.
Por, për ta mbartur me një mbartje të suksesshme, që e shpie te
kënaqësia e Allahut, ai duhet të jetë gjithmonë i furnizuar me njohjen e
Tij سبحانه و تعالى. Dhe çdo shkëputje mes tij dhe njohjes së Allahut do të
reflektohet me zbehje të besimit në Allahun dhe në kualitetin e
adhurimeve. Kështu, kjo njohje na nevojitet, meqë çdo gjë që mësojmë
pas kësaj njohjeje, do të jetë më e sigurt, ndërsa çdo gjë që kemi mësuar
para kësaj njohjeje, mund të jetë e diskutueshme dhe e pasigurt.
2. Dijetarët islamikë, kur e kanë bërë ndarjen e shkencave islame, kanë
thënë se njohja e Allahut me emrat e Tij është baza e çdo dijeje. Ai që
nuk e njeh Allahun سبحانه و تعالى, nuk ka njohur asgjë. Andaj, Ibn Kajimi
thotë:
”Dija rreth emrave të bukur të Allahut është baza e çdo diturie dhe
bazë për çdo dituri (të re). Ngase çdo dije tjetër përveç asaj që ka të bëjë
me njohjen e Allahut ose është dije e ndërlidhur me krijimin, ose është
dije e ndërlidhur me urdhrin. Pra, çdo dije e njerëzve ose ka të bëjë me
krijimin (dhe këtu janë të përfshira të gjitha shkencat), ose ka të bëjë
me urdhrin (atë për çka na ka urdhëruar Allahu).”
www.Qsi-ks.com
Ta njohim Allahun
Faqe | 8
Pastaj Ibn Kajimi pyet se cili është burimi i krijimit dhe i urdhrit?
Burim është Allahu, andaj nga ky aspekt njohja e Allahut سبحانه و تعالى
bëhet bazë e çdo shkence dhe bazë për çdo shkencë. Për këtë arsye,
njerëzit të cilët e njohin vetëm një aspekt të caktuar të krijimtarisë së
Allahut سبحانه و تعالى, shpeshherë bëjnë dëm më shumë sesa dobi. Në
këtë mënyrë keqpërdoret shkenca dhe rrjedhimisht zbulimet
shkencore shndërrohen në armik të njeriut duke i sjellë njerëzimit
luftëra e armiqësi në vend që t’u sjellin lumturi e kënaqësi.
Pse ndodh kjo? Kjo ndodh sepse dija nuk është nisur nga njohja e
Allahut سبحانه و تعالى. Ngjashëm me këtë u ndodh edhe atyre të cilët nuk
kryejnë ndonjë urdhër. Ndonëse personi mund të dijë se një urdhër i
caktuar është obligim, ai nuk e kryen atë. Kjo ngase ai nuk e ka nisur
njohjen e kësaj dijeje nga njohja e Allahut سبحانه و تعالى.
Pastaj Ibn Kajimi thotë se aq sa ke përfshirë (ke marrë) nga dija rreth
emrave të bukur të Allahut, aq ke përfshirë nga njohuritë e tjera, ngase
kjo është bazë dhe të gjitha njohjet tjera kanë dalë pikërisht nga kjo.
Për shembull, në qoftë se ti e njeh si duhet kuptimin e emrit të Allahut
Krijuesi, a nuk do ta kesh më të lehtë më pas ta kuptosh se qysh/الخالق
ka filluar krijimi, etj? Padyshim se do ta kesh me të lehtë. Por, kur
përjashtohet ky emër i Allahut, atëherë lindin kuptime të gabuara, siç
është rasti i atyre të cilët mendojnë se njerëzit e kanë prejardhjen nga
majmunët, çka bën që të degradohet njerëzimi.
Një nga dijetarët e njohur thotë se gjëja e parë që Allahu ua ka bërë
obligim krijesave është ta njohin Atë سبحانه و تعالى, sepse, kur njerëzit ta
njohin Allahun, do ta adhurojnë Atë سبحانه و تعالى. Andaj, muslimani
është i obliguar që ta njohë Allahun dhe t’i njohë kuptimet e këtyre
emrave, me qëllim që ta madhërojë Allahun me një madhërim të
vërtetë.
Kështu, në qoftë se një person dëshiron të krijojë raporte me një person
tjetër, ai paraprakisht interesohet për emrin e tij, vendin ku ai jeton si
dhe për informata tjera të rëndësishme. Pra, ai interesohet për çdo
detaj të tijin, të vogël a të madh, vetëm ngaqë dëshiron të
bashkëpunojë me të në një rrafsh të caktuar. E, si mund të lidhësh
www.Qsi-ks.com
Ta njohim Allahun
Faqe | 9
kontratë adhurimi me dikë që nuk e njeh?! Pra, ne duhet ta njohim
Allahun që të ketë kuptim marrëveshja dhe kontrata jonë e lidhur për
adhurim të Allahut سبحانه و تعالى.
3. Njohja e Allahut سبحانه و تعالى ndikon në shtimin e imanit. Ne dëshirojmë
që, përmes këtyre ligjëratave, të na shtohet imani. Dhe dihet se çfarë
reflektimesh ka në jetën e besimtarit shtimi i imanit.
Shejh Sa’di thotë:
”Besimi në emrat e bukur të Allahut dhe njohja e tyre me kuptimet që
kanë, në realitet, përfshin tri llojet e teuhidit (njësisë së Allahut). Këtu
është i mbledhur krejt teuhidi, pastaj nga këtu ndahet. Në qoftë se
dëshiron të dish se kush meriton të adhurohet, mund ta dish përmes
emrave që ai ka. Në qoftë se dëshiron ta dish se i kujt është pushteti
dhe sundimi, do ta dish përmes emrave që ai ka. Andaj, krejt ajo me
çka i obligohemi Allahut sa i përket besimit, përfshihet në këtë lloj të
besimit (dmth emrat dhe cilësitë). Dhe këto tri lloje të besimit janë
shpirti i besimit, ngase, realisht, sa më shumë që këto të fuqizohen, aq
më shumë fuqizohet besimi në Allahun.”
Ibn Kajimi thotë:
”I tërë gëzimi, kënaqësia dhe jeta e këndshme, e mirë dhe e lumtur janë
të garantuara për ata të cilët e njohin Allahun. Po ashtu, kënaqësia në
shoqërinë me Të, përmallimi për takimin me Të, të përmbledhurit e
zemrës drejt Tij si dhe përmbledhja e vullnetit dhe e ambicieve për t’u
ngritur kah Ai janë të kushtëzuara me njohjen e Allahut. Dhe jeta më e
vështirë dhe më e rëndë është jeta e atij që e ka zemrën të shpërndarë
dhe brengat të shpërndara. Kurse, besimtari e ka vetëm një brengë, atë
se si të futet në Xhenet. Ajo që i ka bërë të dallojnë brengat e këtyre dy
kategorive të njerëzve, është njohja e Allahut.”
4. Përmes emrave të Allahut, mund të zbulojmë shumë urtësi të
dispozitave të Sheriatit. Pse Allahu e ka bërë obligim ndonjë vepër?
Ngase Ai është i Urti, i Gjithëdijshmi. Kështu, përmes njohjes së
emrave të Allahut, ne mund të argumentojmë për shumë dispozita të
Sheriatit, të cilat nuk dimë t’i sqarojmë.
www.Qsi-ks.com
Ta njohim Allahun
Faqe | 10
Sa fuqizuese do të ishte, nëse ti do ta kuptoje një obligim në kuadër të
ndonjërit nga emrat e Allahut? Dhe çfarë kënaqësie do të paraqiste për
ty kryerja e këtij obligimi!
Allahut عالىسبحانه و ت i takon shembulli më i lartë, por ne do të
mundohemi ta ilustrojmë këtë me shembullin e dy planeve të biznesit,
nga të cilët njërin e ka përgatitur një ekonomist joprofesional, kurse
tjetrin e ka përgatitur një profesionist, i njohur ndërkombëtarisht si
shumë i suksesshëm. Dhe ty të thuhet që, para se të jepet autorizimi
për ta zbatuar planin e këtij profesionisti, së pari duhet ta zbatosh për
tre muaj planin e biznesit të cilin e ka përgatitur personi që s’është
profesionist. Gjatë tërë kohës sa do të jesh duke praktikuar
rekomandimet e personit i cili s’është profesionist, ti do ta kesh
mendjen te profesionisti. Dhe, posa të kalojë periudha tremujore, do të
fillosh menjëherë dhe me kënaqësi të realizosh planin e përgatitur prej
tij, madje as që do ta shikosh se çfarë ka thënë, ngase ai është i dijshëm
dhe ekspert në këtë lëmi.
Në mënyrë të ngjashme, edhe ty ta bëri obligim një urdhër Ai i cili ta
do më së shumti të mirën. Dhe, nëse të gjithë njerëzit të mblidheshin
për ta bërë një sheriat më të mirë vetëm për ty, nuk do të mund ta
bënin ashtu siç ta ka bërë Allahu سبحانه و تعالى. Madje, sikur edhe nënës
sate t’i thuhej që ta përgatiste për ty një sistem të jetës, nuk do të mund
ta bënte të mirë ashtu sikurse ta ka bërë Allahu سبحانه و تعالى.
Prandaj edhe disa nga Selefët kanë thënë se, sikur të më jepej
mundësia për të zgjedhur në Ditën e Gjykimit se a të më gjykojë nëna
ime apo Allahu, do ta zgjidhja Allahun. Kjo sepse drejtësisë dhe
mirësisë së Allahut سبحانه و تعالى nuk mund t’i afrohet askush. Prandaj ti
me ëndje dhe me kënaqësi duhet t’i zbatosh dhe t’i kryesh urdhrat e
Allahut سبحانه و تعالى, meqë e di se kjo buron nga Ai i cili është i
Gjithëdijshëm, i Urtë, i Plotfuqishëm.
Po ashtu, edhe shumë adhurime të cilat duhet t’i vësh në praktikë,
qofshin ato adhurime të zemrës a të gjymtyrëve, do të mund të ishin
pjesë e praktikës dhe e jetës tënde, nëse ti do ta njihje Allahun سبحانه و
.si duhet تعالى
www.Qsi-ks.com
Ta njohim Allahun
Faqe | 11
Prandaj, Ibn Kajimi thotë:
“Çdo cilësi e Allahut te ti duhet të prodhojë një adhurim të posaçëm.
Nëse e ke mësuar se Allahu është el-Alijm (i Gjithëdijshmi), përballë
këtij emri duhet të ketë një reflektim të caktuar të adhurimeve. Emri es-
Semij (Dëgjuesi) ta përmirëson gjuhën e dëgjimin, ngase e ti e di se
Allahu dëgjon çdo gjë që ti flet. Dhe këtu dalin në pah adhurime të
shumta në raport me Allahun. Çdo emër të cilin e mësojmë, duhet të
prodhojë një apo më tepër adhurime të posaçme që kanë të bëjnë me
këtë emër.”
Prandaj, njohja e emrave të Allahut mundëson që ne vazhdimisht të
shtojmë adhurime të reja, të cilat kanë munguar nga jeta jonë, duke u
pasuruar kështu në rrafshin e adhurimeve ndaj Allahut سبحانه و تعالى.
Dhe ky pasurim do të jetë i vonuar për aq sa të vonohemi në njohjen e
Allahut. Prandaj, sa herë të mësojmë për ndonjë nga emrat e bukur të
Allahut, kërko në vetën tënde se me çfarë adhurimesh do të
pasurohesh kësaj radhe. Ngase do të jemi të varfër në rrafshin e
adhurimeve, në qoftë se jemi të varfër në rrafshin e njohjes së Allahut
.سبحانه و تعالى
5. Po ashtu, prej asaj që mësojmë është se besimtari di se si të reagojë në
situata të caktuara. Besimtari ballafaqohet me zullumin e dikujt duke e
ditur se Allahu është exh-Xhebar apo el-Kaëij (I Gjithëfuqishmi apo Ai
që i thyen zullumqarët). A kalon ky më lehtë, apo ai që është i
zhveshur nga kjo mburojë? Andaj, nëse njeriu e njeh Allahun سبحانه و
,do të dijë si të sillet përballë zullumit, kërcënimit, presionit ,تعالى
shtypjes. Ai ka guxim dhe dije të mjaftueshme se si të sillet, ngase këtë
ia ka mësuar njohja e Allahut سبحانه و تعالى.
6. Po ashtu, në qoftë se e njohim Allahun سبحانه و تعالى, e kemi më lehtë t’i
tejkalojmë sprovat e ndryshme të kësaj jete.
7. Njohja e Allahut سبحانه و تعالى ta mundëson t’ia kesh Atij frikën më
shumë dhe të shpresosh më tepër tek Ai. Njohja e emrave të Allahut
është rruga e vetme e sigurt për njohjen e Kur’anit. Nëse dëshiron të
meditosh mbi Kur’anin ashtu si duhet, atëherë duhet edhe ta kuptosh
www.Qsi-ks.com
Ta njohim Allahun
Faqe | 12
atë si duhet. Ti mund ta kuptosh Kura’nin nën hijen e njohjes së
Allahut سبحانه و تعالى, ngase Ai e zbriti atë.
Në kuadër të kësaj që u tha më sipër, Ibn Kajimi thotë:
“Në qoftë se ti mediton mbi Kur’anin dhe e ruan nga shtrembërimet e
ndryshme, të cilat janë munduar t’ia veshin filozofët e ndryshëm, dhe e
njeh Kur’anin sipas asaj që Ai e zbriti e që tani ti po e di, dhe duke u
zhveshur nga vesveset e të tjerëve, ky Kur’an do ta prezantojë ty një
Mbret i cili është mbi Arshin e Tij, mbi shtatë qiejt; që i rregullon, i
sistemon dhe i menaxhon punët e robërve të Tij; që urdhëron e ndalon,
që dërgon të Dërguar e zbret Libra; që kënaqet e hidhërohet, që
shpërblen e dënon; që dikujt i jep e dikujt nuk i jep; që dikë e ul dhe
dikë e ngrit; që sheh prej mbi shtatë qiejve dhe dëgjon; që e di të
fshehtën dhe atë që është publike; që bën çfarë të dëshirojë; që është i
cilësuar me çdo cilësi të plotë e absolute dhe është i patëmeta; as
thërrmija më e vogël dhe apo ajo që është më e madhe nuk lëviz veçse
me lejen e Tij, dhe asnjë gjethe nuk bie veçse me lejen e Tij; dhe askush
nuk guxon të ndërmjetësojë te Ai pa lejen e Tij, dhe, përveç Tij, robërit
e Tij nuk kanë mik dhe shpëtimtar.”
8. Njohja e Allahut سبحانه و تعالى na mëson të jemi të edukuar me Allahun,
meqë kjo kërkohet nga ne. Njohja e Allahut na bën të jemi më të
turpshëm para Tij, më të përulur dhe më të nënçmuar para Tij. A ka
mundësi për një njeri që e njeh Allahun me njohje të mjaftueshme të
jetë i paedukatë dhe mendjemadh? Kjo është e pamundshme.
Çdo njeriu mendjemadh i mungon njohja e Allahut سبحانه و تعالى. Një
njeri i cili e lakmon këtë dynja ashtu sikurse e lakmojnë kafshët,
vrapon pas saj për çfarëdo çmimi vetëm e vetëm që ta ketë atë. Andaj,
nuk mund të jemi me edukatë karshi Allahut, në qoftë se nuk e njohim
Atë. Për këtë arsye, synojmë që të edukohemi në raport me Allahun
duke e njohur Allahun سبحانه و تعالى.
9. Njohja e Allahut سبحانه و تعالى na e mundëson të plotësohemi e të
përmirësohemi, ngase njeriu ka të meta të shumta. A nuk është e metë
e njeriut hasedi/zilia? Pse njeriu mund të ketë hased? Ngase nuk e njeh
Allahun si duhet. Kush ia ka dhënë begatinë atij ndaj të cilit ai ka
www.Qsi-ks.com
Ta njohim Allahun
Faqe | 13
hased? Dhe kush të ka privuar ty nga kjo begati? Allahu سبحانه و تعالى. A
bën Allahu zullum, kur bën këso ndarjesh? Jo, sepse unë e njoh
Allahun si i Drejti. Atëherë, përse duhet të kesh hased, urrejtje, mendim
të keq, lakmi apo vese të tjera që vijnë nga brendia jote? Pra, kështu e
përmirëson veten tënde.
Për këtë arsye, shumë të meta të njerëzve nuk mund të rehabilitohen,
për shkak se janë të meta të cilat nuk largohen me medikamente dhe
me trajtime të ndryshme psikologjike, por largohen dhe përmirësohen
vetëm me njohjen e Allahut سبحانه و تعالى.
Synim i këtyre ligjëratave, po ashtu, është që, përmes njohjes së
Allahut سبحانه و تعالى, të shtohet dashuria mes nesh dhe të largohen veset
dhe të metat të cilat po na pengojnë në raportet tona, siç janë armiqësia
e zilia, meqë jemi duke e përdorur ilaçin adekuat. Por, në qoftë se kjo
nuk kryen punë, atëherë ne jemi të prishur, mu ashtu siç tha edhe Ibn
Kajimi:
”Në qoftë se rënia e shiut nuk e bën tokën të mbijnë të lashtat në të,
nuk është problemi te shiu, por te toka.”
Andaj, Allahu سبحانه و تعالى na ruajt që zemrat tona të jenë sikurse toka
në të cilën nuk mbijnë të lashtat! Ti e kultivon zemrën tënde dhe ajo
prodhon përmes njohjes së Allahut. Ka njerëz te të cilët nuk lë gjurmë
rënia e shiut, ngase ai është një “shkëmb” tek i cili mund të mbjellësh
sa të duash dhe ta ushqesh me plehra të llojllojshme, por ai mbetet si
guri ku nuk mbin asgjë. Siç thotë Allahu سبحانه و تعالى në Kur’an:
ولالناسرئاءماله ي نفق كالذيوالذىبالمنصدقاتك متـ بطل والآمن واالذينأيـهايالصلدافـتـركه وابل فأصابه تـ راب عليهصفوان كمثلفمثـل ه الخرواليـومباللـهيـ ؤمن
﴾٧٦٢﴿ ...شيء علىيـقدر ون
“O ju që besuat, mos i prishni lëmoshat tuaja me të krenuar e me
ofendim siç bën ai që e jep pasurinë e vet sa par sy e faqe e nuk e beson
Allahun dhe botën tjetër. Shembulli i tij është si një gur i madh e i
lëmuar, mbi të cilin ka pluhur dhe, kur e godet një shi i madh, e lë të
zhveshur (lakuriq)...” (el-Bekare, 264)
www.Qsi-ks.com
Ta njohim Allahun
Faqe | 14
Ibn Kajimi, po ashtu, thotë:
“Shtyllat e kufrit (mosbesimit) janë katër: mendjemadhësia, hasedi/zilia,
hidhërimi i tepruar, dhe epshi. Pra, këto mangësi apo shtylla të kufrit e
kanë burimin te mosnjohja e Allahut dhe shërimi prej tyre bëhet
përmes njohjes së Allahut.”
Sikur njeriu ta njihte Allahun سبحانه و تعالى me cilësitë e Tij të përsosura
dhe të pranonte realitetin se vetë është i mangët, nuk do të bëhej
mendjemadh. Çfarë ka në ty që të bëhesh mendjemadh!? Kush je ti!?
Pra, ti duhet ta nënçmosh veten tënde përballë njohjes së Allahut سبحانه
الىو تع dhe kjo do të të shërojë dhe do të të mbrojë nga kufri.
Pra, këto mangësi, të cilat janë burim i kufrit, i rregullojmë duke e
njohur Allahun me lejen e Tij سبحانه و تعالى.
10. Dhe në fund, prej dobive është edhe që t’u shpëtojmë pasojave të
shëmtuara të mosnjohjes së Allahut سبحانه و تعالى. Ai i cili nuk e njeh
Allahun, nuk e di se sa shumë ka humbur. Andaj, sa më shumë që ta
njohim Allahun سبحانه و تعالى, aq më larg këtij përfundimi të tmerrshëm
do të jemi.
Ibn Kajimi thotë:
“Çka ka njohur ai njeri i cili nuk e ka njohur Allahun? Dhe çfarë të
vërtete ka arritur ai njeri që i ka ikur ky realitet? Dhe çfarë dije ka
marrë ai njeri që i ka ikur dija për Allahun dhe veprimi në përputhje
me kënaqësinë e Allahut si dhe njohja e rrugës që shpie tek Allahu?
Dhe çka i takon atij pas kësaj rruge?”
Po ashtu, prej thënieve të Ibn Kajimit është:
“Gjallëria e një njeriu nuk matet me lëvizjen e gjymtyrëve, por me
gjallërinë e shpirtit dhe të zemrës. Dhe nuk ka mundësi që një zemër të
jetojë dhe ajo, patjetër, është e gjykuar të vdesë, nëse nuk furnizohet
me njohjen e Allahut. Sepse kjo është gjallëria e saj dhe ky është
ushqimi i saj. Dhe, në momentin kur nuk ushqehet, ajo vdes; ashtu siç
tha poeti: “Njeriun e vdekur nuk e dëmton plaga.”
www.Qsi-ks.com
Ta njohim Allahun
Faqe | 15
Kush dëshiron të ruhet nga kjo pasojë e tmerrshme e vdekjes së
zemrës, le ta ngjallë atë me njohjen e Allahut سبحانه و تعالى. Ibn Kajimi
thotë:
“Shpeshherë e kam dëgjuar Ibn Tejmijen duke thënë se kishte dëgjuar
dhe kishte lexuar nga njerëzit e dijshëm, të cilët e kanë njohur Allahun,
se nuk ka ilaç më të mirë për ngjalljen e zemrës, sesa të thirrurit e Tij
me emrat: Ja Hajju, ja Kajum, ياقـيم “ ياحي
Dhe ne do ta mësojmë, in sha Allah, se çfarë do të thotë el-Hajj/i Gjalli.
(Ai është) I Gjalli, ngase Ai i jep gjallëri çdo gjëje. Meqë Ai e ngjallë
tokën e vdekur, a nuk e ngjallë edhe zemrën tënde? Ai e ngjallë, kur ti
e thërret Atë, dhe ti e thërret Atë atëherë kur ta njohësh, ngase Allahu
ka thënë عوه بها نى فادأ ماء الأحسأ سأ الأ ولله
“Allahu ka Emrat më të bukur (mirë), prandaj thirreni Atë me ta.” (el-
A’raf, 180)
- Çka na ndihmon ta njohim Allahun
Mendoj se duhet të bëjmë edhe një lloj hyrjeje me disa këshilla të
rëndësishme, të cilat do të na ndihmojnë, me lejen e Allahut سبحانه و تعالى, që
të përfitojmë edhe më mirë nga ajo që do të thuhet. Andaj, siç e kemi cekur
edhe më herët, të flasësh për emrat dhe cilësitë e Allahut do të thotë të
flasësh për vetë Zotin dhe të flasësh për një temë e cila është baza e të gjitha
temave, është dija e të gjitha dijeve.
Nga trajtimi i këtyre ligjëratave në presim përmirësim të jetëve tona. Presim
përmirësim të kualitetit të adhurimeve tona. Presim një ndryshim pozitiv në
jetët tona të përditshme. Mirëpo, në qoftë se nuk dimë se çka të presim, ka
mundësi që të ketë ndonjë ndikim apo reflektim jo të mirë tek dëgjuesi i
këtyre ligjëratave, kur ai të dëgjojë atë që është më e mira.
Andaj, kur ai ta dëgjojë atë që është më e mira, a është normale të presë dhe
atë që është më e mira? Apo normalja fillon diku tjetër? Mbi cilat shtylla
ndërtohet përfitimi jonë nga këta emra të Allahut سبحانه و تعالى? Të gjitha këto
duhet të trajtohen dhe t’i kemi parasysh gjatë shtjellimit të kësaj teme. Pra,
www.Qsi-ks.com
Ta njohim Allahun
Faqe | 16
ne po kërkojmë që ta adhurojmë Allahun dhe ta përmirësojmë kualitetin e
këtij adhurimi përmes emrave dhe cilësive të Allahut سبحانه و تعالى.
Mirëpo, nuk kemi mundësi ta bëjmë këtë dhe nuk kemi mundësi ta arrijmë
këtë, në qoftë se i tërë ky proces, i tërë ky angazhim dhe përpjekje nuk
ndërtohet në dy shtylla themelore.
Shtylla e parë, ndoshta, teorikisht tingëllon lehtë, por praktikisht kërkon
punë. Ku është dallimi? Shtylla e parë, me të cilën ndërtohet përfitimi i çdo
besimtari në këtë rrafsh, është që ai të jetë i bindur se çdo emër i Allahut
është i bukur, i plotë dhe i takon Allahut سبحانه و تعالى. Asnjë nga këto tri pika
të përmendura nuk përmbushen te askush tjetër veç Allahut سبحانه و تعالى.
Për shembull, në qoftë se ti ke takim me ndonjë person dhe nga suksesi i
këtij takimi varen shumë zhvillime të mëtutjeshme të jetës tënde, padyshim
se, para se të takohesh me të, e ke një lloj ngarkese, njëfarë shqetësimi apo
nervoze se si do të kalosh me këtë person. Në ndërkohë, shumë njerëz të
këshillojnë që të mos mërzitesh, ngase ky person është shumë i mirë, i butë
dhe, të gjithë njerëzit të cilët kanë shkuar tek ai, kanë kaluar mirë.
Pavarësisht këtyre fjalëve, te ti mbetet një dozë shqetësimi, derisa ta provosh
edhe vetë se si është ai në të vërtetë, prandaj dhe nuk mjaftohesh me
përshkrimin dhe cilësimin paraprak që i është bërë. Dhe është normale që
ky shqetësim të ekzistojë karshi kujtdo, por jo dhe karshi Allahut سبحانه و
.تعالى
Rregull i domosdoshëm: Në qoftë se për ta kuptuar drejt emrin e Allahut
ne duhet që paraprakisht ta provojmë atë, kurrë nuk do ta سبحانه و تعالى
kuptojmë. Allahu është Bujar dhe, në qoftë se kurrë nuk të jep,
prapëseprapë, Ai është Bujar. Kurse, në qoftë se ne e kushtëzojmë këtë duke
thënë se po që Ai është Bujar, por përse mua nuk me ka dhënë, atëherë
emrin e Allahut “Bujar” kurrë nuk do ta marrim vesh.
Dhe kjo vlen edhe për emrat tjerë. Prandaj, emrat e Allahut janë të bukur, të
plotë dhe të përkryer. Allahu سبحانه و تعالى është ashtu siç Ai e cilësoi vetveten,
jo ashtu siç “unë e kam përjetuar” apo “siç e di unë.”
Prandaj, nuk duhet të nisemi nga përvojat individuale apo nga dija jonë e
kufizuar dhe në bazë të kësaj të përcaktojmë emrin e Allahut الىسبحانه و تع .
www.Qsi-ks.com
Ta njohim Allahun
Faqe | 17
Ngase nuk emërtohet Allahu në bazë të veprave, por Ai emërtohet ashtu siç
e emërtoi vetveten.
Për këtë arsye, kërkohet një dorëzim i plotë dhe bindje e prerë se kjo çështje
është kështu. Aq sa të mungojë ky dorëzim dhe kjo bindje, po aq do të
mungojë edhe përfitimi nga kjo që po flasim. Ky është një kusht themelor
dhe një rregull mbi të cilin ndërtohet përfitimi jonë në këtë rrafsh.
Ibn Kajimi, kur foli për grupin e Mua’tileve3 (Këto mësime janë përmendur
tek Akide Vasitije4), tha:
”Për shembull, Allahu tha er-Rrahman, kurse ata thonë se ky emër nuk ka të
bëjë me mëshirën, ngase mëshira është cilësi e njeriut dhe njeriu nuk është si
Zoti. Duke pasur parasysh se nuk mund të ketë përngjasim mes tyre (Zotit
dhe njeriut), atëherë ata mundohen ta zhveshin Allahun nga mëshira duke
thënë se Ai nuk ka mëshirë. Pra, e zhveshin Allahu nga mëshira vetëm pse,
sipas tyre, del problem nëse e përmend mëshirën e Tij karshi mëshirës së
krijesave. Pra, për shkak të disa problemeve të tyre mendore (dilemave të
paqena), janë munduar që tërësisht t’i neutralizojnë dhe t’i nxjerrin nga
kuptimi dhe përdorimi cilësitë e caktuara të Allahut. Këta njerëz kanë
dilema të këtilla dhe ka edhe njerëz të tjerë të cilët kanë dilema të tjera, siç
është cekur më lart, e të cilët thonë se, për ta kuptuar drejt emrin e Allahut,
duhet ta provosh atë. Andaj, Xhehmitë apo Mu’tezilitë nuk e kanë pasur
problemin e cilësive të Allahut në kuptimin se ende nuk i kanë provuar këto
cilësi, por e kanë pasur problem përngjasimin (me cilësitë e njerëzve).”
Kur Ibn Kajimi flet për këtë kategori të njerëzve, thotë:
“Kjo është një derë (dera e kuptimit të emrave të Allahut, e cila të çon në
Xhenet) që u është bërë haram Xhehmijëve. Dhe atyre u është bërë haram
era e Xhenetit, edhe pse era e tij mund të ndihet në largësi prej
pesëdhjetëmijë vjetësh, meqë Allahu është el-Aziz/Pushtetploti, el-Ëehab/Ai
që dhuron e jep. Nuk ka mundësi t’i ndalen të mirat atij të cilit Allahu i jep,
dhe askush nuk mund t’i japë atij të cilit Allahu nuk i ka dhënë. Dhe i tërë
suksesi është prej Tij.”
3 Teatil: do të thotë të neutralizosh tërësisht ndikimin ose kuptimin e ndonjë emri të Allahut.
4 http://www.qsi-ks.com/webi/ligjerata.php?hoxha=Enis%20Rama, nën titullin “Komentim i
librit Akideja e Vasitit të Ibn Tejmijes”.
www.Qsi-ks.com
Ta njohim Allahun
Faqe | 18
Dhe, kur Ibn Kajimi përmend perdet mes robit dhe Allahut سبحانه و تعالى, ai
thotë se ka perde të cilat pengojnë që të shihet5 Allahu, por ka dhe njerëz të
cilët e kanë parë Atë edhe në dynja, kanë ndenjur me Të, kanë folur me Të,
janë shoqëruar me Të, janë miqësuar me Të, janë kënaqur me Të. Pra, ka
njerëz të tillë. Dhe ka të tjerë të cilët, edhe pse kanë pasur perde, gati e kanë
parë Atë, por nuk kanë pasur mundësi ta bëjnë një gjë të tillë nga pengesa e
perdes.
Disa të tjerë kanë pasur dy e më shumë perde. Dhe Ibn Kajimi thotë se ka
njerëz të cilët i kanë pasur dhjetë perde. Prandaj, shtrohet pyetja se nga ta
ndiejë ky njeri fjalën e Allahut, nga ti vijë kënaqësia atij?
Perdja me e trashë është moskuptimi i drejtë i kësaj teme. Kjo është perdja
me e keqe. Në qoftë se ke dilema, hamendje e vesvese në këtë pikë, qofshin
këto dilema të përvojës, përngjasimit apo të tjera të reja, të cilat për ditë
mund t’i pjellë shejtani, atëherë dijetarët e kanë rregulluar punën e këtyre
dyshimeve me një rregull:
كمثلهشيء ليس ﴾١١﴿وه والسميع البصير
“Asnjë send nuk është si Ai; Ai është Dëgjuesi, Shikuesi.” (Shura, 11)
Për këtë arsye, nuk pritet të kënaqen me Allahun سبحانه و تعالى ata të cilët e
kanë të paqartë akiden në këtë drejtim; kjo gjë pritet nga ata të cilët e kanë të
qartë këtë akide.
Prandaj, ata të cilët do ta përjetojnë mirë dhe do të kënaqen me këtë kaptinë,
janë pikërisht pasuesit e Ehli Sunetit dhe Xhematit; ata të cilët e kanë
kuptuar si duhet besimin në Allahun سبحانه و تعالى në rrafshin e emrave dhe
cilësive të Allahut.
Për këtë shkak, bazë e rëndësishme dhe themelore është që ta kesh të qartë
se mbi çka ndërtohet ky besim, mbi cilat kuptime dhe rregulla ndërtohet
kuptimi i drejtë i emrave dhe i cilësive të Allahut سبحانه و تعالى, dhe cila është
bindja dhe besim që i flakë të gjitha vesveset, dilemat, e kështu me radhë.
5 Jo shikim në kuptimin e shikimit të Qenies së Allahut, ngase kështu Ai do të shihet vetëm
në Ditën e Kijametit.
www.Qsi-ks.com
Ta njohim Allahun
Faqe | 19
Shtylla e dytë është ajo për të cilën ulematë kanë thënë se, ai që dëshiron të
përfitojë prej saj është ai, që sjelljet dhe veprimet e tij i rregullon në
përputhje me emrat e Allahut سبحانه و تعالى.
Si shembull këtu mund të merret transmetuesi i cili i transmeton valët deri
te dëgjuesi. A është transmetuesi i këtyre valëve ai i cili ua përshtat valët
dëgjuesve, apo janë dëgjuesit ata që i kërkojnë frekuencat e tij dhe i
përshtaten atij? Padyshim se janë dëgjuesit ata të cilët e bëjnë këtë përshtatje,
ngase shumë njerëz, edhe pse nuk e shprehin këtë haptazi, dëshirojnë që
Allahu سبحانه و تعالى t’u përshtatet atyre. Ky grup i njerëzve nuk përfitojnë.
Ata të cilët përtojnë të lëvizin, kur kjo kërkohet prej tyre, qoftë djathtas apo
majtas, të tillët nuk përfitojnë. Ne nuk kemi çfarë të bëjmë, nëse dikush është
ulur gabimisht dhe na duhet ta ngritim nga vendi ku është ulur. Sikur ai të
ishte ulur qysh në fillim aty ku duhet, askush nuk do ta lëvizte nga ai vend.
Ndodh ndonjëherë që dikush të ulet në fillim, pavarësisht që vendi i tij është
në fund, dhe pastaj të ankohet se po e ngritin nga vendi i tij. Në fakt, i këtilli
s’do të duhej ta sillte veten e vet në situatën ku dikush do ta ngriste nga
vendi i tij dhe duhet ta dijë qysh në fillim se ku duhet të ulet.
Kështu, shumë njerëz janë të pozicionuar gabimisht. Gabimisht flasin.
Gabimisht veprojnë. Gabimisht fitojnë. Të gjitha gjërat i bëjnë gabimisht
dhe, kur kjo t’u bëhet me dije, ata reagojnë duke thënë: “Nuk mbeti gjë që
nuk e paskëshim bërë gabimisht!” Ky është realiteti i tyre dhe nuk është që
dikush ua ka imponuar këtë pozicion, kështu që ata duhet t’i përshtatin
vetët e tyre me emrat e Allahut. Por, nuk ka mundësi të komunikohet me
Allahun, nëse nuk je në valët e duhura. Andaj përshtatu me emrat dhe me
cilësitë e Allahut dhe, kudo që të shohësh mospërputhje, ji ti ai i cili lëviz
dhe mos prit që Allahu سبحانه و تعالى ta ndryshojë pozitën e Tij, për shkak se ti
e ke problem të lëvizësh. Pra, mos prit që Allahu ta ndërrojë urtësinë e Tij
për atë se ty po të prishet rehatia në shtëpinë tënde.
Domethënë, kurrë nuk do të mund të përfitojnë nga emrat e Allahut ata që
përtojnë të ndryshojnë qoftë dhe një gjë të vogël në jetën e tyre duke u
arsyetuar me: “Kështu jemi mësuar...” Atëherë (u themi), nëse kështu
qenkeni mësuar, vazhdoni, por kurrë nuk do të mund të shijoni ëmbëlsinë e
emrave të Allahut سبحانه و تعالى. Pra, mësohu të përshtatesh, të lëvizësh, të jesh
më i lakueshëm, dhe të veprosh në përputhje me valët (argumentet).
www.Qsi-ks.com
Ta njohim Allahun
Faqe | 20
Shembull tjetër që mund të përmendet është shembulli i personit i cili është
duke biseduar nëpërmjet telefonit dhe, në momentin që ka ndonjë problem
me valët, ai lëviz dhe fillon të kërkojë vendin ku ka më shumë valë. Nëse ka
nevojë, ai del edhe nga shtëpia e tij vetëm për të pasur valë, ngase është
duke biseduar me të dashurin e tij.
Njerëzit më së paku mundohen ta ruajnë lidhjen me Allahun سبحانه و تعالى.
Shkëputjen eventuale të kësaj lidhjeje ata e përjetojnë me një lehtësi të
madhe. Dikush, për shembull, nuk mund të përqendrohet në ndonjë ibadet
të caktuar dhe këtë thjesht e trajton me një “Hajr in sha Allah!” O vëlla,
lëviz!, se diku tjetër ka më shumë valë, diku tjetër lidhja është më e fortë,
kur ta përmendësh Allahun سبحانه و تعالى. Lëviz nga pak dhe shih se çfarë po
kërkohet nga ti. Ai i cili nuk është i gatshëm të lëvizë, nuk përfiton.
Andaj, prej tash bëhu gati ta prishësh rehatinë që ke, ngase pa dyshim që do
të ta prishë ndonjë nga emrat e Allahut. Në qoftë se nuk hyn me këtë
gatishmëri (për t’u ndryshuar), nuk do të mund të përfitosh. A e kuptove
tani (qasjen për) ligjëratën?
Sahabët ishin shumë të lakueshëm në këtë aspekt. Gjithashtu, ajo që vlen të
theksohet, është se në këtë derë apo në këtë rrafsh lejohet kategorizimi i
njerëzve dhe nuk është kusht që ose te arrihet në një nivel apo shkallë të
caktuar, ose të mos arrihet asgjë. Pra, hyrja e pjesshme është e pranueshme,
dhe kjo është rahmet.
Krahas dijes që e marrim për emrat e Allahut, duhet ditur se, për t’u
funksionalizuar kjo dije, duhet të na vijë dritë nga Allahu سبحانه و تعالى.
Kështu, nuk duhet ta pengosh këtë dritë me ndonjë errësirë, sepse nuk do të
mund të shohësh.
Dijetarët thonë se prej kësaj drite disa nga njerëzit marrin shkëndija. Pra,
drita ndizet, por shumë shpejt fiket. Për këtë arsye, ata thonë se dikush nga
besimtarët mund të këtë shkëndijëz e cila i ndizet dhe kënaqet me të, por
pastaj, për shembull, një muaj ditë nuk i vjen më, ngase ajo ishte vetëm një
shkëndijëz e cila u ndez diku dhe ky pati hise në të parët e saj.
www.Qsi-ks.com
Ta njohim Allahun
Faqe | 21
Dikush tjetër këtë dritë e ka si një qiri të ndezur, por nuk sheh shumë dhe i
duhet ta lëvizë qiririn për t’i parë gjërat tjera. Për këtë person nuk është e
mjaftueshme që të qëndrojë vetëm në një vend.
Dikush e ka këtë dritë sikurse një llambë, ndërsa dikush tjetër ka dritë aq sa
e mbush hapësirën mes qiejve dhe tokës. Pra, ka dritë e cila nuk fiket kurrë
dhe, ngado që të shkojë, ai ka dritë.
Kur Allahu سبحانه و تعالى ia zgjeron gjoksin ndonjërit prej robërve të Tij me
këtë dritë - meqë, me ardhjen e dijes, duhet të hapet edhe gjoksi (zemra) në
mënyrë që ta pranojë këtë dritë, dhe gjoksi zgjerohet vetëm me fuqinë e
dritës së Allahut -, nën hijen e kësaj drite do t‘i shfaqen kuptime të gjëra të
emrave të Allahut, të cilat s’ka mundësi t’i kuptojë me mendje të kufizuar.
Në anën tjetër, në mungesë të kësaj drite, ai do të lajthisë dhe do të devijojë.
Nën hijen e kësaj drite jo vetëm që atij i shfaqen këto kuptime, por i shfaqen
kuptime të thella të besimit dhe të adhurimit. Kështu, me anë të këtij
kuptimi, çdo herë e më tepër atij i bëhet e qartë se si t’i ruajë veprat e veta
dhe të mos i prish ato. Po ashtu, ai do të kuptojë se pasurinë më të madhe që
e ka janë veprat të cilat i ka bërë për Allahun و تعالىسبحانه , dhe këtë pasuri të
tijën hajnat më së shumti ia sulmojnë.
Ibn Kajimi thotë:
“Ata që kanë dritë më shumë te emrat e Allahut, kanë edhe rojtarë më
shumë; te ata që kanë me pak dritë hajnat shfrytëzojnë mungesën e kësaj
drite dhe ia vjedhin punët. Argument për këtë është ajeti 122 në suren Ali
Imran:
كمنمثـل ه فيالظل ماتلي ناه وجعلناله ن ورايمشيبهفيالناس كانميتافأحيـيـ أومن سبخارج ها كان وايـعمل منـ لكز ينللكافرينما ﴾١٧٧﴿ونكذ
‘Vallë, a është ai që qe i vdekur kurse Ne e ngjallëm dhe i dhamë dritë me të
cilën ecën mes njerëzve si ai që ka mbetur në errësirë (i humbur) dhe nuk
mund të shpëtojë nga ajo? Ja, kështu (si këtij në errësirë) u duket mirë
mohuesve ajo që veprojnë.’” (Ali Imran, 122)
www.Qsi-ks.com
Ta njohim Allahun
Faqe | 22
Për këtë arsye, kur njeriut i duket mëkati normal, kjo tregon se ai është në
errësirë më të madhe, ngase i është zbukuruar e keqja që e vepron dhe
anasjelltas (e mira i duket e shëmtuar).
Sa më shumë që adhurimi t’i duket i nevojshëm dhe i domosdoshëm, ai
është në dritë më të madhe. Dhe kjo dritë vjen nga kuptimi i emrave të
Allahut سبحانه و تعالى, pastaj atij i mundësohet (ndriçohet) rruga se ku të
shkelë e ku jo, sa duhet ta urrejë një gjë dhe sa duhet ta dojë një tjetër.
Në qoftë se Allahu سبحانه و تعالى ka kërkuar nga ne që ta duam një punë dhe
ne nuk e duam, kjo nënkupton mungesë të dritës. Ose, për shembull, në
qoftë se Allahu të futë në Xhenet dhe të mundësohet ta shohësh se si duket
ai dhe pastaj kthehesh përsëri në këtë botë, me siguri që së paku një muaj do
ta falësh namazin shumë më mirë, gjë që ndodh për shkak të dritës së
bindjes.
Sa herë të mungojë kjo dritë, do të ketë reflektime negative në raportet me
Allahun عالىسبحانه و ت , si p.sh: përtaci, shpërqendrim në namaz, në dhikr, etj.
Kështu, disa nga njerëzit kënaqen me dritën e shkëndijëzave. Disa të tjerë
me dritën e qirinjve, të cilën duhet ta marrin me vete, ngase kjo dritë u varet
nga vendi, situata, koha. Disa e kanë këtë dritë ngado që të shkojnë , dhe
kështu ishte rasti me Ibn Tejmijen, kur ai u burgos dhe rojeve të burgut ua
lexonte ajetin të cilin banorët e Xhenetit do t’ua lexojnë banorëve të
Xhehenemit në Ditën e Kijametit:
نـه مبس ور له باطن ه فيهالرحمة وظاهر ه منقبلهالعذاب فض رببـيـ ﴾١٠﴿باب ...
”Atëherë, ndërmjet tyre vihet një mur që ka një derë, brendia e së cilës është
mëshirë (Xheneti), kurse nga ana e jashtme e tij është dënimi (zjarri).” (el-
Hadid, 13)
Po ashtu, edhe rasti me Enes Ibn Nadhr, i cili e kishte ndier erën e Xhenetin
duke qenë në këtë dynja.
Me këtë është për qëllim të thuhet se janë disa zbulime, shfaqje, drita dhe
erëra që ndihen, dhe kjo nuk është temë e Sufive të cilët, për shembull,
presin t’u vijë drita duke pirë alkool, apo t’u vijë kënaqësia ndërsa nuk e
www.Qsi-ks.com
Ta njohim Allahun
Faqe | 23
falin namazin; por fjala është për njerëzit të cilët janë angazhuar me dije dhe
me vepra dhe këtë dritë e kanë shijuar dhe e kanë parë. Dhe ti mund të jesh
argument i gjallë për këtë.
Ti mund të kesh vetëm pak dritë të cilën Allahu سبحانه و تعالى ta ka dhënë dhe
të çuditesh me një person tjetër se si mund ta veprojë një punë (gjynah). Kjo
për arsye se ti tani je duke parë diçka që nuk e ke parë deri tash. Pra,
paramendo si je tani, me këtë gjendje të cilën e ke vërejtur se e ke. Dhe
paramendo se si ka mundësi të ndryshosh, kur të të vijë drita (më e plotë)?
Pastaj paramendo se si mund të bëhet gjendja jote, nëse drita jote arrin deri
në qiell.
Për këtë arsye, është e rëndësishme të dihet se kjo dije te dikush ndikon më
shumë e te dikush më pak. Por, me rëndësi është që të fillohet të vërehet
ndikimi i saj te ne dhe të investojmë vazhdimisht në rritjen e dritës (nga
shkëndijëza në qiri, në llambë, në poq, në shtyllë...) Shpresojmë që Allahu
të mos na bëjë të vdesim para se ta mbërrijmë dritën e madhe me سبحانه و تعالى
të cilën edhe do të shikojmë në Fytyrën e Allahut në Xhenet.
Ibn Kajimi në librin e tij Medarixhu Salikin thotë:
“Njeriu më i plotë në adhurim ndaj Allahut është ai, që ka vënë në praktikë
të gjithë emrat dhe cilësitë e Allahut që ua ka mundësuar të tjerëve t’i dinë.
Paramendo, pra, se si ai në çdo situatë është në adhurim ndaj Allahut më
ndonjë prej emrave të Tij.”
Nga këto që u thanë më sipër e kuptojmë se ne kemi disa probleme të cilat
duhet t’i eliminojmë. Problemi i parë është ta fusim në funksion tërë atë që
dimë për ta adhuruar Allahun سبحانه و تعالى. Problemi i dyte është që të mos i
fusim në konflikt emrat e Allahut mes vete, për atë se ne, derisa jemi duke e
adhuruar Allahun me një emër, e kemi vështirë ta kuptojmë emrin tjetër. Për
shembull, paaftësia për të kuptuar shoqërimin e emrit të Allahut el-Kadir/i
Gjithëfuqishmi me emrin er-Rrahman/i Gjithëmëshirshmi, apo er-
Rrezak/Furnizuesi me el-Hakim/i Urti, etj. Por, kjo (mosvënia në konflikt
mes emrave) është një pozitë të cilën Allahu ia jep atij që e kërkon atë.
Siç po shihet, kuptimet e këtyre ligjëratave kërkojnë një përgatitje më të
posaçme shpirtërore dhe një qetësi më të veçantë, ngase jemi duke folur për
www.Qsi-ks.com
Ta njohim Allahun
Faqe | 24
disa gjëra në të cilat është problem të kthehemi, në qoftë se largojmë
vëmendjen prej tyre.
Dhe është mirë që, për ta kuptuar dersin, personi të investojë dhe të
përgatitet edhe para dersit, si p.sh: të prezantojë në ligjëratë me abdes, të
falë namazin e Duhasë, të bëjë dhikër më shumë, ta lusë Allahun që ta
kuptojë këtë që po ligjërohet dhe që kjo të ndikojë tek ai. Ngase këto ligjërata
kërkojnë përqendrim dhe gjendje shpirtërore të posaçme. Me këtë çfarë po
thuhet është për qëllim përfitimi, meqë përndryshe Allahu e begaton kë të
dojë dhe askujt nuk i bën zullum.
Pra, i kuptuam shtyllat, i kuptuam shkallët dhe i kuptuam synimet. Ajo që
ka mbetur të kuptohet janë edhe rrugët të cilat duhet t’i ndjekë besimtari, në
mënyrë që të përfitojë nga emrat e bukur të Allahut سبحانه و تعالى.
Te ligjërata e kaluar (teksti i mësipërm), te qëllimet në pikën e parë, kur
përmendëm se çfarë synon një besimtar me mësimin e emrave të Allahut, ti,
nëse je i shkathtë, mund të marrësh prej qëllimeve dhe t’i bësh mjete, pastaj
mjetet prapë t’i kthesh në qëllime, sikurse kemi folur më herët për punën e
agjërimit dhe të sabrit. Si mund besimtari ta përdorë sabrin e agjërimit për
sabrin i cili i duhet në veprat tjera? Dhe është thënë se, përderisa ti agjëron,
tashmë ke një sasi të sabrit, andaj përdore atë edhe diku tjetër. Apo sikurse
shembulli i dikujt i cili i ka njëmijë euro, prej të cilave ai di të ndajë gjysmën
për t’i investuar diku tjetër që pastaj t’i kthejë prapë dhe të marrë fitimin
edhe nga gjysma tjetër në të cilën ka investuar.
Rrugët të cilat na shpijnë deri te përfitimi nga emrat dhe cilësitë e Allahut
:janë سبحانه و تعالى
1. Ta realizojmë praktikisht hadithin i cili flet për këtë punë.
Transmetohet nga Ebu Hurejra se pejgamberi ملسو هيلع هللا ىلص tha:
“Allahu i ka nëntëdhjetenëntë emra; njëqind pa një. Ai është tek dhe e
do tekun. Ai i cili i përmbledhë (përfshin) këta emra të Tij, do të hyjë
në Xhenet.”
Fakti se janë përmendur nëntëdhjetenëntë emra nuk do të thotë që
Allahu سبحانه و تعالى i ka vetëm kaq, por për të hyrë në Xhenet mjaftojnë
këta nëntëdhjetenëntë emra.
www.Qsi-ks.com
Ta njohim Allahun
Faqe | 25
Rruga e parë që të shpie te përfitimi dhe te kuptimi i drejtë i cili të çon
në destinacionin e duhur, është kuptimi i fjalës ahsaha/përmbledhur
(përfshirë). Kuptimi i parë i kësaj fjale është ashtu siç thotë Ibn Kajimi:
“Sa më shumë që të kuptosh dhe të meditosh mbi këta emra, aq më
shumë realizohet ahsaha (përfshirja) dhe je më afër që të hysh në
Xhenet.”
Dhe pikërisht kjo që jemi duke e bërë në këtë ligjëratë është në shërbim
të kësaj, meqë ne po mësojmë për kuptimin e këtyre emrave dhe
shtjellimi i detajuar i tyre paraqet një lloj meditimi, kështu që jemi në
rrugë të mirë – elhamdulilah - për të përfituar nga këta emra, në
mënyrë që të arrijmë në Xhenet.
2. Rruga e dytë më tepër është angazhim i natyrës individuale. Dhe kjo
ka të bëjë me meditimin mbi veprat e Allahut سبحانه و تعالى, siç është
kozmosi, dielli, vetja jote, etj. Në lidhje me këtë, dijetarët e kanë thënë
rregullin e mrekullueshëm se emrat dhe cilësitë e Allahut nuk
përfitohen nga veprat e Tij. Dhe kjo u tha edhe në shembujt e
mëhershëm, ku u mësua se Allahut سبحانه و تعالى nuk i është dashur të
jetë Bujar ndaj nesh për t’u cilësuar si Bujar, çka është e kundërta me
njeriun i cili përfiton grada e pozita në bazë të veprave. Për shembull,
personi nuk është i dijshëm, por, duke mësuar, ai bëhet i dijshëm. Pra,
përmes Allahut, ne e njohim kozmosin, jo anasjelltas; dhe besojmë që
Allahu ekziston para se ne ta shohim se çfarë ka krijuar Ai. Sepse disa
njerëz besimin e tyre e fillojnë nga dyshimi për të shkuar pastaj në
bindje, gjë që është gabim.
Andaj, kërkohet që, kur ta kuptosh ndonjë emër të Allahut, ta fuqizosh
ndikimin e tij duke medituar në krijesat dhe në veprat e Tij سبحانه و تعالى.
Ibn Kajimi thotë:
“Meditimi dhe të shikuarit në argumentet e paraqitura është dy llojesh:
a) Shikim me sy, si p.sh. shikimi në kaltërsinë e qiellit, ngjyrën e gjelbër
të barit; dhe b) Shikim në thellësitë e gjërave, si p.sh. shikimi në ndonjë
pikë të caktuar, që është fillim i meditimit të personit, por pastaj ai
mund të zhytet në një det të madh kujtimesh e zhvillimesh (për
www.Qsi-ks.com
Ta njohim Allahun
Faqe | 26
shembull, kujtimet e fëmijërisë personale, etj). Pra, shikimi në një pikë
të caktuar nuk ndalet aty, por është një derë për të hyrë diku tjetër.”
Pra, është pjesë e akides sonë që të meditojmë kështu.
﴾٧١﴿تـ بصر ونأفل أنف سك موفي
“Po edhe në veten tuaj. A nuk po e shihni!?” (edh-Dharijatë, 21)
Ne duhet t’i shfrytëzojmë provat e Allahut për ta kuptuar më mirë
ndonjë emër të Allahut ىسبحانه و تعال , siç është meditimi mbi madhërinë e
Allahut përmes detit, përmes vetës sonë dhe lëvizjeve tona, përmes
ngrënies së ushqimit, pirjes, gjumit etj.
Ose, për shembull, të marrësh ndonjë emër të caktuar të Allahut që e
ke mësuar dhe menjëherë të vizitosh malet, varret, lumenjtë, etj., ku
mund ta shohësh drejtpërdrejt se si funksionon emri i Allahut سبحانه و
Prandaj, dil dhe noto me këtë dituri në krijimtarinë dhe në veprat .تعالى
e Allahut, ngase këtu (në ligjëratë) e mëson dersin vetëm teorikisht.
Dhe, po ashtu, një shembull tjetër i cili mund të përmendet këtu është
ajo se si njerëzit mahniten me lëshimin në treg të ndonjë telefoni të
mirë, rreth të cilit flasin një kohë të gjatë se si është bërë ai, si
funksionon, etj., ndërsa nuk u shkon ndërmend të bisedojnë për një fije
bari, e cila herë është e gjelbër, herë e verdhë. Kush e bën këtë? Edhe
nëse të gjithë njerëzit ngrihen për ta ngjyrosur këtë natyrë apo
ndryshimet që bëhen në të, kurrë s’do të mund ta bëjnë një gjë të tillë.
3. Gjithashtu, prej rrugëve të cilat ndihmojnë për ta njohur Allahun سبحانه
dhe për t’i kuptuar më drejt emrat e Allahut është meditimi mbi و تعالى
begatitë dhe dhuntitë të cilat Allahu t’i ka dhënë.
Andaj, medito rreth begative të shumta, të cilat Allahu سبحانه و تعالى t’i
ka dhënë dhe të gjitha këto shndërroji në dashuri ndaj Tij. Pra, emrat të
cilët do t’i mësosh përgjatë ligjëratave mundohu t’i fuqizosh me
begatitë të cilat Allahu t’i ka dhënë, ngase ky është një meditim shumë
i domosdoshëm dhe i rëndësishëm për neve. Dhe në fund të meditimit
thuaj:
www.Qsi-ks.com
Ta njohim Allahun
Faqe | 27
﴾٠٢﴿وإنتـع دوانعمتاللـهلت حص وها ...
“Edhe në qoftë se përpiqeni t’i numëroni të mirat e Allahut, nuk do të
mund të arrini t’i përkufizoni (në numër).” (Ibrahim, 34)
4. Pika tjetër e radhës, që është edhe kulmi i këtij meditimi, është
meditimi mbi argumentet sheriatike të Allahut سبحانه و تعالى. Medito mbi
bukurinë e Islamit dhe mbi mirësitë të cilat Allahu t’i ka mundësuar t’i
shijosh dhe t’i përjetosh përmes kësaj shpalljeje.
Në qoftë se e merr vetëm bukurinë e sures el-Ikhlas dhe mediton mbi
atë se çfarë dëlirësie të besimit e të monoteizmit (teuhidit) Allahu ta ka
mundësuar, kjo do të jetë e mjaftueshme për të kuptuar se sa Bamirës
është Allahu سبحانه و تعالى ndaj teje.
Baza e besimit tonë është surja e parë të cilën e mësojnë fëmijët tonë, jo
siç është rasti me të tjerët, të cilët nuk e kuptojnë bazën e fesë së tyre,
atë se çfarë, për shembull, do të thotë Trinia, edhe nëse arrijnë
doktoratën. Për ta është problem dhe sfidë që të shpjegojnë se çfarë
realisht është Zoti dhe çfarë i biri. Pra, cili prej tyre ka më shumë
pushtet? Kush i kujt është? Ata nuk dinë ta shpjegojnë këtë çështje.
Pra, edhe në kulmin e dijes se tyre ata e kanë problem ta shpjegojnë
këtë çështje, ngase, sipas tyre, kjo çështje është më e lartë se dija e tyre.
Domethënë, thelbin e besimit (Trinisë) e kanë jashtë logjikës.
Po ashtu, besimtari mediton rreth dobive, mirësive dhe mrekullive të
agjërimit, namazit, zekatit, haxhit e rregullave tjera që i ka zbritur
Allahu se a mund të vijnë të gjitha këto nga dikush që nuk është el-
Alijm/i Gjithëdijshmi. Pra, ti e fuqizon kuptimin e emrit të Allahut el-
Alijm/i Gjithëdijshmi më të gjitha këto meditime.
Dhe aq sa të kesh meditim të detajuar mbi këto kuptime të sekreteve të
Sheriatit, aq më shumë ato do të reflektojnë me përfitim në rrafshin e
emrave të Allahut سبحانه و تعالى. Prandaj, nga ne kërkohet që të njihemi
më tepër me disa dobi, mirësi dhe sekrete që bartin në veten e tyre
adhurimet që i kryejmë për Allahun.
www.Qsi-ks.com
Ta njohim Allahun
Faqe | 28
Dhe për fund, vëllezër të nderuar, me të kuptuar të drejtë të këtyre dy
ligjëratave të para, nëse në këtë fazë fillestare i marrim vetëm dhjetë
emra të Allahut سبحانه و تعالى, do të jetë e mjaftueshme. Mirëpo, pa
kuptimin të tyre të drejtë, edhe në qofte se i marrim edhe
nëntëdhjetenëntë emrat e Allahut një nga një, marrja e tyre do të jetë
problematike.
Andaj, këto dy ligjërata janë vendimtare për vazhdimin e udhëtimit.
Për këtë arsye, mundohu t’i bësh pjesë përbërëse të ligjëratave të
ardhshme ashtu që, nëpërmjet tyre, të tregosh korrektësi para Zotit
tënd, meqë je duke u futur në një shteg të rëndësishëm dhe vendimtar.
Të gjitha rrethanat dhe kushtet të janë përgatitur si duhet, kështu që të
ka mbetur vetëm që të udhëtosh ashtu si duhet.
E lusim Allahun سبحانه و تعالى që ta bëjë këtë udhëtim tonin të
suksesshëm dhe të dalim faqebardhë para Allahut, apo së paku ta
përjetojmë atë që kanë thënë dijetarët: “Nuk ka më mirë, sesa të flasësh
për Allahun. Nuk ka më mirë, sesa të jetosh për Allahun. Nuk ka më
mirë, sesa ta njohësh Allahun.”