Upload
shaina-mavreen-villaroza
View
879
Download
0
Embed Size (px)
Citation preview
Talento at Kakayahan
Ni: Shaina Mavreen D. Villaroza
Tunay na talentadong manunulat si Francisco ‘Balagtas’
Baltazar sapagka’t siya’y nag-akda ng Florante at Laura na puno
ng himagsik. Humugot siya ng inspirasyon mula sa kanyang mga
karanasan at sa mga pangyayari sa kanyang kapaligiran. Sino pa ba
ang makakapig-isip ng ideyang gawing metapora ang isang madilim
at masukal na gubat sa kaharian ng Albanya para maihalintulad sa
bansang Pilipinas noong panahon ng pananakop ng mga Kastila?
Naging ebidensya ang Florante at Laura sa mga kanser ng
lipunan na laganap na noon pa. Nagkakagulo ang mga tao dahilan
lamang sa mga ‘di-kaayaayang mga katangian. Dahil sa pagiging
mainggitin ay nagiging mapaghiganti at mang-aagaw ng kayamanan at
pag-ibig ng iba ang mga tao. Malamang ito ay dahil sa
pagpapalayaw ng mga magulang sa kanilang mga anak, ang hindi
paghubog ng wasto sa mga kabataan. Iilan lamang ito sa mga
‘Social Cancer’ kung tawagin ni Dr. Jose Rizal na kanya ring
ginawang paghimagsik sa kanyang dalawang nobelang Noli Me Tangere
at El Filibusterismo.
Hangarin ng bawat tao ang kapayapaan. Ang kapayapaan ay
hindi lamang ang absensya ng mga giyera at digmaan ngunit ito ay
ang presenya ng Diyos. Sa ikalawang himagsik ni Balagtas sa
1
kanyang awit, nakasaad ang pagiging hiyang ng kahit sino, mapa-
Muslim man o Kristiyano, sa relihiyon ng bawat isa. Ipinakita
niya na hindi sa relihiyon nagdedepende ang bawat aksyon ng isang
tao ngunit ito ay nanggagaling sa kanyang ugali. Ang pagiging
matulungin ng isang Muslim na si Aladin ang isang katangian na
ipinakita sa pelikulang binase sa awit.
Sa panahon ng pananakop ng mga Kastila ay matindi ang naging
pagdurusa ng mga Pilipino. Ang kalayaan ay mahirap matamo dahil
sa sakim na pamamahala ng mga Kastila. Ganito kahirap ang
suliranin ng mga Pilipino noon. Ngayon, hindi na tayo nagkulang
sa ating kalayaan sapagka’t demokrasiya ang ating pamahalaan. Ang
kapansin-pansin na suliranin ng ating lipunan ay ang kahirapan.
Paano nga ba ako, bilang bahagi ng lipunang Pilipino at bilang
isang mag-aaral, makakatulong upang maibsan ang suliraning ito?
Alam na alam ko ang sagot dito at kakayanin kong maabot ito. Sa
aking munting paraan, makakatulong ako sa pamamagitan ng pag-
aaral ng maayos, pag-aalay ng aking mga pagsisikap at pangarap sa
bansang tinubuan. Maglilingkod ako ng tapat sa bansa natin upang
tayo ay mas maging malaya, matagumpay at masagana. Hindi lamang
ang kabataan ang pag-asa ng bayan; mas mabuting isa-isip natin na
“nasa bawat Pilipino ang pag-asa ng ating bayan”, mahirap man o
mayaman, bata man o matanda, babae man o lalaki.
2
Anong pag-asa ang ibig-sabihin ng adhikain? Pag-asang
sumikat, umunlad, lumaya, luminis? Kung ano man iyon, maaaring
ikaw ang pag-asa na hinahanap ng ating bansa.
Napakagaling ng mga nalikhang panitikan ni Balagtas. Kahit
mahigit limampung taon pa ang dumaan bago muling natalakay ang
mga suliraning panilipunan ni Rizal mula noong unang paghimagsik
ni Baltazar ay buhay pa rin ang pag-asang matamo ang kalayaan.
Katulad sa dalawang mga repormistang nabanggit, talento at
kakayahan ang kakailanganin ng taong sambayanan na maaaring
magpapaunlad sa ating Inang bayan.
3