Tazwart ɣef tullist taqbaylit (Talalit, anerni d tulmisin)-ḤAMUM

TIGDUDA TAZZAYRIT TAMAGDAYT TAΓERFANT

AΓLIF N ULMUD UNNIG D UNADI USSNAN

TASDAWIT AKLI MUḤEND ULḤAĞ N TUBIRET

AGEZDU N TUTLAYT D YIDLES AMAZIΓ

AKATAY N TAGGARA N MASTER

Asentel:

S ɣur : S lmendad:

ḤAMUM Raḥima Dr: ǦELLAWI Mḥemmed NEṢṢAḤ Faṭima

2012/2013

Asnemmer

Tanemmirt tameqqrant i mass Mḥemmed ǦELLAWI i

d-yellan ɣer tama-nteɣ segmi nebda axeddim-agi armi d

taggara.

Ad as-nini tanemmirt tameqqrant ɣef uweṣṣi, awelleh

akked wafud i aɣ-d-yefka, ayen i aɣ-yessawḍen ad nessali

axeddim-agi.

Tanemmirt i wid akk i aɣ-d-yefkan afus n tallelt akken

ad nexdem axeddim-agi, ad t-id-nessiweḍ ɣer yifassen n

yimeɣri.

Abuddu

Ad buddeɣ axeddim-agi:

I baba akked yemma ad ten-yeḥrez Ṛebbi.

I wayetma d yessetma.

I temddukal-iw ḥemmleɣ, tid ideg d-sɛeddaɣ ussan ur

tettuɣ ara.

I yinelmaden d tnelmadin n ugezdu n tutlayt d yidles

amaziɣ deg tesdawit n Tubiret.

I yiselmaden n ugezdu n tutlayt d yidles amaziɣ akken

llan.

Raḥima

Abuddu

Ad buddeɣ axeddim-agi:

I yimawlan-iw ɛzizen.

I wayetma d yessetma.

I temdukkal-iw akk, yal yiwet s yisem-is.

I yinelmaden d tnelmadin n ugezdu n tutlayt d yidles

amaziɣ deg tesdawit n Tubiret.

I yiselmaden n ugezdu n tutlayt d yidles amaziɣ akken

llan.

Faṭima

Tazwart tamatut

Tazwart

6

Tazwart

Tasekla n tmaziɣt d tanesbaɣurt deg tmeslayt akked yidles. Deg teɣzi

n yiseggasen yezrin, tebna ɣef timawit i yellan d lsas i d-tettak tsuta i tayeḍ.

M. IMAREZENE yenna-d deg wawal-is ɣef tsekla-agi timawit :

“Tasekla-agi akken ma tella tettruḥu seg yimi ɣer tmeẓẓuɣt, d ayagi i tt-

yeǧǧan tezger idurar d yisaffen, ussan d yiseggasen, akken ad taweḍ si lǧil

ɣer wayeḍ”. (1)

Ihi d timawit i aɣ-d-yessawḍen ayen d-nnan d wayen gan yimezwura-

nneɣ, d waṭas n tewsatin n tsekla ama d tamedyazt, neɣ d tasrit s tewsatin-

is, am: Tumgist, taqsiṭ, tamacahut…

Ad naf anagmay-agi kan daɣen yenna-d : “Ma yella si zik i tettidir

tsekla-agi s timawit, ass am wass-a ur ilaq ara ad nettkel ɣef ubrid-agi, ilaq

ad tt-naru, ad tt-nesdukkel i wakken ur tettezzer ara di tesraft n tatut”. (2)

Tasekla n tmaziɣt timawit d yiwet gar tsekliwin n ddunit

timerkantiyin, s wayen tekseb d tiwsatin n tsekla. Ad d-nkemmel awal s

wayen i d-tenna C. L. Dujardin : “Lezzayer tezmer ad tzux s tgemmi akked

tsekla-ines tamerkantit, tin i yes-s tezmer ad d-tas deg umkan amezwaru gar

tsekliwin timawiyin n ddunit akken llant”. (3)

Maca abrid-agi n timawit ur idum ara, acku aṭas n tewsatin n tsekla i

iruḥen zrent deg tesraft n tatut, ɣef waya i d-tusa tirawit akken ad tesfeḍ

leɛyub n timawit, ad teḥrez tasekla-agi i lebda.

Tirawit deg tsekla taqbaylit tban-d deg tallit n unekcun arumi ɣer

tmurt n Lezzayer, anda ad naf adabu-agi ibeddel taɣara n useddu n tmurt,

maca seg tama nniḍen aɣerbaz n Yirumyen yeslal-d imusnawen imezwura i (1) Moussa IMARAZENE, Timɛayin n Leqbayel, HCA, Alger, 2006 -2007, p. 06. (2) Ibid. p. 06. (3) Lacoste Dujardin C., Le conte Kabyle, Etude ethnologique, Edition Bouchène, Paris, 1991, P. 37.

Tazwart

7

yuran tasekla taqbaylit, skelsen-tt-id seg timawit rran-tt-id ɣer tirawit, am

“Bulifa”akked “Belɛid At Ɛli”.

Ɣef waya ad d-naf Salem Chaker yenna-d : “Ilaq ad nerǧu tallit n

urumi akked tezrirt n uɣerbaz akked tsekla tafransist akken ad d-ilal usnulfu

n tsekla tirawit s tutlayt tamaziɣt”. (1)

Yedda zzman tuɣal tsekla taqbaylit tettwaru, tettwaḥrez deg yidlisen,

am wakken daɣen i d-banen waṭas n yinagmayen akked yimura i iqeddcen

ɣef tsekla-agi, kkaten amek ad tt-snernin, ayen i yeǧǧan tiwsatin nniḍen n

tsekla ad d-banent, ad d-kecment ɣer tsekla-nneɣ, am: Amezgun, ungal,

tullist.

Ihi tazrawt-agi-nteɣ nexdem-itt ɣef tullist, imi nwala tawsit-agi d

tamaynut i d-tekcem ɣer tsekla taqbaylit, yerna ulac fell-as aṭas n yidlisen

akked tezrawin, armi d iseggasen-agi kan ineggura i d-tejbed lwelha n

yimura akked yinagmayen. Iswi-nteɣ mi nextar asentel-agi, d asnerni n

tektiwin akked tmussniwin ɣef tewsit-agi n tsekla ɣas ulamma cwiṭ.

Amahil-agi d win nebḍa ɣef tlata n yixfawen igejdanen :

Deg yixef amenzu, nenna-d d acu i d tullist, nefka-d tibadutin i as-fkan

kra n yimura akked yinagmayen i iqeddcen ɣef tewsit-agi. Am wakken

daɣen i d-newwi awal ɣef tullist tagraɣlant: Amek, melmi d wanda i d-tban,

akked kra n yimedyaten n wamuden n tullisin tigraɣlanin yettwarun.

Ixef wis sin, newwit-id ɣef tullist taqbaylit, anda i d-nemmeslay ɣef

tlalit akked unerni-ines, am wakken daɣen i d-nefka tulmisin timuta iɣef

tebna tullist taqbaylit akked kra n wamuden yettwarun.

(1) Chaker. S., « La naissance d’une littérature écrite : Le cas du bérbère (Kabyle) », in Bulletin d’étude Africaine N° 17/18, Paris, 1992, P. 8.

Tazwart

8

Ixef wis kraḍt, d tasleḍt i wamud n tullisin “Allen n tayri” i yura

“Ayt Iɣil Muḥend”. Deg tazwara newwi-d awal ɣef tmeddurt n umaru-agi

akked leqdic-is deg unnar n tsekla taqbaylit, syin ɣur-s newwi-d awal s

umata ɣef udlis-agi d wayen akk d-yeddan deg-s, syin d asawen nekcem ɣer

tesleḍt n wamud seg tama n ugbur.

Ɣef waya, yessefk fell-anteɣ ad d-nefk yiwen usteqsi i nwala d

agejdan, win iɣef ad nebnu tazrawt-agi-nteɣ : D acu-tent tulmisin timuta

iɣef tebna tullist taqbaylit?

Ixef amenzu Awal ɣef tullist s umata


10

Deg yixef-agi amenzu, ad neɛreḍ ad d-nawi awal ɣef tlata temsal

tigejdanin, tid i d-icudden ɣer tullist. Deg tazwara ad d-nefk tabadut n tullist

akken ad tt-id-nessegzi, ad tt-id-nessefhem d acu-tt, melmi d wanda i d-tlul,

am wakken daɣen ad d-nefk tibadutin i as-fkan yimyura akked yimawalen n

tsekla.

Deg temsalt tis snat, ad d-nemmeslay ɣef laṣel n tullist, d wamek i d-

telḥa seg leqrun iɛeddan armi i d-tewweḍ ɣer tallit-agi-nneɣ akked ubeddel i

d-yellan deg-s.

Ma yella deg tamsalt tis kraḍt, ad d-nefk kra n yimedyaten n tullisin

tigraɣlanin yettwarun.

1_ Tabadut n tullist:

Laṣel n wawal « nouvelle » iban-d deg lqern wis 15, seg wawal

«Novella» i d-yekkan seg tutlayt taṭelyanit, inumek awal “tullist” deg

tmaziɣt. Tettawi-d ɣef yineḍruyen yettidir umdan deg tillawt. Akken i d-

yenna Pierre-Louis Rey : “Tullist d taḥkayt wezzilen, temmal-d s umata

agraw n yineḍruyen”. (1)

Ad naf daɣen amawal n “Le Littré” yefka-d tabadut i tullist, anda i d-

yenna : “Tullist d ṣṣenf n wungal meẓẓiyen, d taḥkayt i d-yettawin ɣef

yineḍruyen yesɛan azal, neɣ yesseḍsayen”. (2)

Deg tsekla, tullist d tawsit n wullis, ad tt-naf deg tsekliwin merra, tella

deg yal tallit, deg yal tamnaḍt deg umaḍal.

(1) Pierre-Louis Rey, le roman et la nouvelle, HATIER, 2001, p. 84. (2) Selon Le Littré : « Une nouvelle est une sorte de roman très court, un récit d’aventures intéressantes ou amusantes.


11

Muḥend Akli Salḥi d yiwen seg yinagmayen n tsekla taqbaylit. Deg umawal-

ines asegzawal n tsekla, ad t-naf yefka-d tabadut i tullist, yenna-d : “D tawsit

n tsekla, talɣa-ines d tawezzlant. Tullist temxallaf ɣef tmacahut, acku ayen

iɣef d-tettawi yeqqen ɣer tudert n yal ass; mačči am tmacahut, ittuqqet

umakun d wayen ur nezmir ad yili deg tillawt. Rnu ɣer wannect-a, tullist d

tawsit yettilin s tira; ma yella d tamacahut d tawsit n timawit. Temxallaf

diɣen tullist ɣef wungal: tullist d aḍris wezzilen mačči am uḍris n wungal. Di

tullist ur yettili ara waṭas n uglam d yiwenniten d yiwudam”. (1) Seg tbadut-

agi i d-yefka akka mass Salḥi iban-aɣ-d mliḥ unamek n tullist, d umgired

yellan gar-as d tewsatin nniḍen n tsekla i tt-yettcabin am tmacahut akked

wungal.

Ihi tullist tettbeddil seg uḍris ɣer wayeḍ, acukan tettili-d wezzilet ɣef

ungal, tesɛa tagnit n tazwara i yellan d tazwert, tagnit talemmast anda i

ḍerrunt tigawin-ines, ttnernint, ttbeddilent seg tegnit ɣer tayeḍ, akked

tegnit n taggara swayes tkeffu tullist. Sumata tullist ur tettili ara iman-is deg

udlis, maca tettas-d deg wamud.

Am wakken i d-yusa deg “Le Vocabulaire des études littéraire” :

“Tullist s umata tettawi-d ɣef yiwen usentel neɣ yiwen uneḍruy, tlemmed

anerni n tnefsit, ur ṭṭaqaten ara deg-s yiwudam am tmacahut, am wakken d

aɣen ur ttilin ara d izamulen neɣ d isugnanen, maca ttawin-d ɣef tillawt

tanefsanit”. (2)

Seg tbadut-agi ad nefhem belli tullist tettawi-d ɣef wayen icuban ayen

yettilin deg tmetti neɣ deg tudert n yal amdan, s umata d ayen yettilin deg

tillawt.

Pierre-Louis Rey d yiwen seg yinagmayen i ixedmen tazrawt ɣef

tullist, anda i as-d-yefka aṭas n tbadutin i d-icudden ɣur-s, amedya : (1) Muḥend Akli Salḥi, Asegzawal ameẓẓyan n tsekla, Ed L’ODYSSEE, 2012, p. 71. (2) Disponible sur : http:// home. ican. net/galandor/ litter/ nouv.htm


12

1.1 Tullist d aḍris n tesrit:

Yekcem lqern wis 17, mazal tullist tettas-d s wudem n tmedyazt,

amedya : Tid yura Jean De la Fontaine. Syin d asawen ɛerḍen yimyura akked

yinagmayen ad d-skecmen tasrit deg tullist, ad t-id-rren deg umkan n

tmedyazt.

Syin d asawen, mi walan tullist twulem ad tili s wudem n tesrit, uɣalen

rran-tt d yiwet seg yilugan iɣef ilaq ad tebnu. (1)

1.2 Tullist d aḍris wezzilen:

Asefren n teɣzi d win yuzzlen neɣ mucaɛen s waṭas ɣer yimyura n lqern

wis 18 d wis 19. Amedya : “Eugénie Grandet” i yellan d ammud n tullisin i

yura Balzac, yeffeɣ-d deg useggas n 1833, yesɛa ugar n 200 n yisebtar.

Am wakken daɣen i tezmer tullist ad tili wezzilet, amedya : Tullisin i

yura Guy De Maupassant, sɛant seg 4 ɣer 5 n yisebtar i yiwet n tullist.

Ɣef waya, nezmer ad d-nini asefren-agi n teɣzi neɣ n tewzel zik-nni ur

yelli ara d ccerṭ deg tira n tullist, acku yal amyaru amek itt-yettaru; llan wid

itt-yettarun ɣezzifet, tikkwal tettaweḍ alma d 500 n yisebtar, llan wiyiḍ

ttarun-tt wezzilet. (2)

1.3 Tullist d aḍris asugnan:

Ɣef wakken i d-yenna Segrais : “Tullist d tin iqerben ɣer teqsiṭ akter n

wungal”. Imi taqsiṭ tcudd ɣer usugen, s waya nezmer ad d-nini tullist deg

lqern wis 18 d wis 19 tcud ɣer usugen.

(1) Pierre-Louis Rey, Op. cit. p. 87. (2) Ibid. p. 87. 88.


13

Seg umenzay-agi i tuɣal “La Princesse de Clèves” tettuneḥsab d tullist.

Syin d asawen yuɣal unatal ɣef usala d taɣawsa tagejdant iɣef ilaq ad tebnu

tullist n lqern wis 19 d wis 20 d asawen. (1)

1.4 Tullist d aḍris i d-iḥekkun taḥkayt:

Ineḍruyen n tullist tezzin ɣef yiwet n teḥkayt. Tewzel-nni-ines tettaǧǧa

amaru ad yekkes isemsiyen isnaniyen ad ten-ileqqem s tmukrist tagejdant,

neɣ tikkwal timukrisin tisnaniyin ttawint ɣer tmukrist tagejdant.

Amedya ɣef waya, d ineḍruyen i itezzin deg tullist “Colomba” i yura

Mérimée deg useggas 1840, anda ineḍruyen n tullist s lekkmal-is d wid i

yettawin ɣer uneḍruy agejdan i yellan d “la vendetta” neɣ d ttar i tebɣa ad

d-terr yiwet n teqcict isem-is Colomba, anda i tettweddiɛ gma-s Orso ad ineɣ

iqettalen n baba-s “le Colonel Della Rebbia”.

Colomba tezga teṭṭafar, tettweddiɛ gma-s ɣer temsalt-agi n ttar, armi d

taggara n tullist Orso yenɣa irgazen-nni deg tlata yid-sen, ɣas akken ayagi

mačči d lebɣi-s. (2)

Am wakken daɣen i llant waṭas n tullisin nniḍen i d-yettawin ɣef

teḥkayin yelhan, lemtel n : “Le Saut du berger” akked “La Ficelle”, tid i yura

Guy De Maupassant.

1.5 Tullist d aḍris s yiwudam:

Tullist am nettat am tewsatin nniḍen n tsekla, tesɛa iwudam i

yesselḥawen ineḍruyen akked tigawin-ines, yal yiwen seg yiwudam-agi

yesɛa tamlilt weḥd-s.

Pierre-Louis Rey yenna-d : “Am wakken nuɣ tanummi, tamlilt n wasaḍ tettili d tagejdant”. (3) Acku d netta i d-yettafen tifrat i tmukrist.

(1) Pierre-Louis Rey, Op. cit. p. 88. (2) Ibid. p. 88. 89. (3) Ibid. p. 90.


14

Yenna-d d aɣen : “Ɣur Guy De Maupassant, awadem deg tullist mačči kan

d ameggi aḥerfi, maca yesɛa azal acku ula d netta yesselḥay tigawin d

yineḍruyen n tullist”. (1)

Am wakken nuɣ tanummi, iwudam n tullist d wid yeqqnen ɣer tillawt,

maca deg kra n tullisin n tussna n yineglan, iwudam ttilin d isugnanen

lemtel : les martiens, les extraterrestres, am wakken daɣen izemren ad ilin d

iwudam igejdanen deg tullist.

2_ Laṣel n tullist:

Deg uḥric-agi, ad d-nawi awal ɣef laṣel n tullist, amek i tella d wamek i

d-tedda deg leqrun i iɛeddan armi d-tewweḍ ɣer tallit-agi. Am wakken

daɣen ad d-nawi awal ɣef tulmisin n tullist deg yal tallit akked yisental iɣef

d-tettawi.

2.1 Tullist deg teglest:

Am wakken i neẓra, tullist d yiwet seg tewsatin n tsekla i yellan seg

zik. Deg lawan-nni ad tt-naf s sin wudmawen : Tamedyazt akked tesrit.

Gar tullisin n tsekla tayunanit akked tlatinit i yettwarun s wudem n

tesrit, ad naf : “Daphins et Chloé” i yura Longus yeddren deg lqern wis “2”

neɣ wis “3” seld talalit n Sidna Ɛisa. Adlis-a yebḍa ɣef “4” n yiḥricen i d-

yeffɣen wa deffir wa. Ineḍruyen-is tawin-d ɣef sin warrac : Aqcic isem-is

Daphins, ma yella d taqcict isem-is Chloé. Arrac-agi kkren-d deg sin yid-sen

melba imawlan, kessen lmal, asmi imɣuren myeḥmalen. Ɣer taggara n teqsiṭ

ad afen imawlan-nsen.

Idlisen-agi i yura Longus d wid iwumi semman “une Pastorale”, d wid i

ixulfen akk idlisen nniḍen i itezzin ɣef kra n yisental kif kif-iten, maca netta

(1) Pierre-Louis Rey, Op. Cit. p. 90.


15

yeslal-d asentel d amaynut, i yellan d asentel n tayri yezdin gar sin

yilmeẓyen seg temẓi-nsen, d wamek i d-sɛeddan tudert-nsen d iwḥiden. (1)

2.2 Tullist deg leqrun ilemmasen:

Gar wammuden n tullisin i d-yeddan deg tallit-agi : “Les Fabliaux” i

yettwarun deg lqern wis 13.

Les Fabliaux, d tullisin timecṭaḥ yettwarun s wudem n tmedyazt,

isental-nsent xfif-it, seḍsayen, tawin-d ɣef tudert n umdan n yal ass akked

wamek ttidiren “les bourgeoisie”. (2)

Yella daɣen « le roman du renart », d agraw n tullisin yemxallafen ɣef

« les Fabliaux », imi wagi tullisin-is meqqerit cwiṭ. Le roman du renart, d

adlis i ijemɛen aṭas n tullisin ɣef yiɣersiwen, kra seg-sent ttwassnen

yimyura-nsent kra ur ttwassnen ara. Gar yimyura n « le roman du renart » :

Richard De Lison, Pierre De Saint Cloud, Prêtre De La Croix en Brie.

2.3 Tullist deg tillelt:

Gar wammuden n tullisin i d-yufraren deg tallit-agi :

« L’Héptaméron », i tura Marguerite De Navarre, yeffeɣ-d deg useggas n

1558 d asawen (lqern wis 16).

Qqaren-d azwel-agi « l’Héptaméron » yettwakkes-d seg teqsiṭ-is i

iḍran deg 07 wussan kemmlen, ass wis 08 ur yekkmil ara.

Ineḍruyen-is ttawin-d ɣef « Les personages noble » : Xemsa yirgazen

akked xemsa tlawin i yettmeslayen ɣef waṭas n temsal, abeɛda ɣef tayri.

(1) Pierre-Louis Rey, Op. cit. p. 84. (2) Ibid. p. 85.


16

Tullist-agi tettwassen s tdiwennit i yellan gar yiwudam-ines, tin i

yellan d tafukt tamaynut i d-ibanen imir-nni ɣer Margueritte De Navarre,

abeɛda deg wamud-agi.

« Les douze nouvelle exemplaires », d amud nniḍen n tullisin id-

yufraren deg tallit-agi, yura-tent umyaru aspenyuli « Miguel De Cervantès »

yeffeɣ-d deg useggas n 1613. (1)

2.4 Tullist deg lqern wis 17 akked lqern wis 18:

Tullist deg tallit-agi tettawi-d ɣef yineḍruyen yellan deg tillawt,

amedya : Tullist « Don Carlos » i yura « Cesar Vichard De Saint-Réal »,

yeffeɣ-d deg useggas n 1672.

Tullist-agi tḥekku-d ɣef tiɛdawit yellan gar “Philippe 2” n L’espagne

akked mmi-s Don Carlos ɣef Elisabeth de France, imi deg sin yid-sen

ḥemmlen-tt, ttnaɣen anwa ad yawin tayri-s. (2)

3_ Kra deg wamuden n tullisin tigraɣlanin:

Deg uḥric-agi neɛreḍ ad d-nebder kra n tullisin, neɣ kra n wamuden

yettwarun deg tlata n talliyin yemxallafen. Tullisin-agi mmeẓllant tmura

ideg d-ffɣent akked yimyura itent-yuran, acku yal yiwen yesɛa isental akked

tarrayt swayes yettaru, tid yemxallafen seg umaru ɣer wayeḍ.

Iswi-nteɣ deg waya, d asiwseɛ n tmussni n yimeɣri deg unnar-agi n

tullisin, imi neẓra aṭas n wid ur nessin ara neɣ ur nesli ara s wamuden-agi d

akken llan. S waya, yal yiwen deg-neɣ yezmer ad yefk i yiman-is afud, akken

ad inadi ɣef tullisin-agi, ad tent-iɣer wa ad iẓer acḥal tewseɛ tsekla.

(1) Pierre-Louis Rey, Op. cit. p. 85. (2) Ibid. p. 86.


17

3.1 Tullisin yettwarun deg leqrun ilemmasen:

*L’Héptamèron : D amud n tullisin i tura Margueritte De Navarre. D

tamarut n tutlayt tafransist, tlul deg 11 yebrir 1492, deg Angoulême deg

tmurt n Fransa. Temmut deg 21 duǧember 1549 deg Odos-en-Bigorre. Amud-

agi n tullisin yeffeɣ-d deg useggas n 1880.

*Le Décaméron : D amud n tullisin i yura Jean Boccace. D amaru

aṭelyani, ilul ass n 16 yunyu 1313 deg Certaldo, yemmut deg 21 duǧember

1375.

*Les nouvelles exemplaires : D amud n tullisin i yura Miguel De

Cervantès. D amaru aspenyuli, ilul ass n 29 ctember 1547 deg Alcala de

Henares, yemmut ass n 22 yebrir 1616 deg Madrid. Amud-agi yeffeɣ-d deg

useggas n 1613.

3.2 Tullisin yettwarun deg tallit tatrart:

*Ligeia : D tullist i yura Edgar Allan Poe. D amaru amarikani, ilul ass n

19 yennayer 1809 deg Boston, yemmut ass n 07 tuber 1849 deg Baltimore.

Tullist-agi teffeɣ-d aseggas n 1838.

*La Parure : D tullist i yura Guy De Maupassant. D amaru n tmurt n

Fransa, ilul ass n 05 ɣuct 1850 deg Dieppe, yemmut ass n 06 yulyu 1839 deg

Passy. Tullist-agi teffeɣ-d aseggas n 1884.

*Le Caméléon : D tullist i yura Anton Pavlovitch Tchekhov. D amru

arusi, ilul ass n 29 yennayer 1860 deg Taganrog, yemmut ass n 15 yulyu 1904

deg Adenweiler. Tullist-agi teffeɣ-d aseggas n 1884.


18

3.3 Tullisin yettwarun deg tallit tamirant:

*Le dernier mot : D tullist i yura Graham Mansfield. D amaru n

tmurt n Britanya, ilul ass n 02 tuber 1904 deg Berkhamsted, yemmut ass n 03

yebrir 1991 deg Corseaux. Tullist-agi teffeɣ-d Aseggas n 1990.

*Bliss (Félicité) : D tullist i tura Katherine Mansfield. D tamarut n

tmurt Néo-Zélanda, tlul ass n 14 tuber 1888 deg Wellington, temmut ass n 09

yennayer 1923 deg La Fontaine bleu.

*Tahta al Midalla : D tullist i yura Najib Mahfoud. D amaru n tmurt n

Maṣer (Le Caire), ilul ass n 11 duǧember 1911 deg le Caire, yemmut ass n 30

ɣuct 2006. Tullist-agi teffeɣ-d aseggas n 1969. Suqqlen-tt-id ɣer tutlayt

tafransist, semman-as : Sous l’abri.

Ɣer taggara n yixef-agi, nezmer ad d-nini tullist tban-d aṭas aya. D tin

yuɣen amkan wessiɛen deg tsekla tagraɣlant akked tmetti-ines, s luluf n

wamuden i d-yeffɣen. Tullist tagraɣlant tettawi-d ɣef wacḥal d asentel,

abeɛda win n tmetti. S umata tettas-d s wudem n tesrit, tebna ɣef tdiwennit

akked yiwudam i yesseddayen ineḍruyen-is, ma yella d asefren n teɣzi neɣ n

tewzel ur yelli ara d ccerṭ.

Ixef wis sin Awal ɣef tullist taqbaylit


20

Deg yixef-agi wis sin, ad d-nawi awal ɣef tlata n yisental i d-icudden

ɣer tullist taqbaylit. Deg tazwara ad d-nemmeslay ɣef tullist taqbaylit,

melmi i d-tban akked wamek i tennerna. Syin ɣur-s ad d-nefk tulmisin

timuta iɣef tebna tullist taqbaylit. Ɣer taggara ad d-nefk imedyaten ɣef

wamuden n tullisin yettwarun.

1_ Talalit d unerni n tullist taqbaylit:

Tullist d yiwet seg tewsatin n tsekla yellan seg zik, maca d yiwet seg

tewsatin timaynutin n tsekla taqbaylit.

Iwakken ad d-nemmeslay ɣef tlalit-ines, yessefk fell-anteɣ ad d-

nemmeslay qbel ɣef yimusnawen imezwura i yuran tasekla taqbaylit itt-id-

iskelsen seg timawit, rran-tt-id ɣer tirawit, timital n Belɛid At Ɛli, imi yes-s i

d-yebda usnulfu deg tsekla taqbaylit.

Belɛid At Ɛli d azamul n tẓuri akked yidles amaziɣ. Aṭas i yeqdec ɣef

tsekla-ines, ayen it-yeǧǧan yugem-d aṭas seg yidles n yirumyen, maca diɣen

d win yeṭṭfen deg yidles-is akked wansayen-is iqburen.

Tira-s tuzzel deg terga n wayen iceɣben amdan anda ma yella, d tin

yeccucufen deg tidmi n tallit ideg-nettidir. Awal yezga deg yimi-s am targa

ur nettɣar, imi d win kan i yesɛa d amwanes deg wayen akk yedder.

Ayen yura ama d isefra neɣ d timucuha yegla-d s umaynut i tsekla

taqbaylit ama deg uɣanib, tugna, tikta neɣ d isental.

Deg tallit-nni, ur asen-yettunefk ara yisem n ungal neɣ tullist i

yeḍrisen n Belɛid At Ɛli, armi d iseggasen n 2000 d asawen i d-llant tezrawin

i yettwaxedmen ɣef yeḍrisen n Belɛid At Ɛli, tid i d-ibeggnen belli yura

ungal, yura tullist. Amedya, d ayen yexdem Rachid Titouche, Ɛmer Ameẓyan

akked Saɛida Muḥend Sɛaydi, d acu kan agemmuḍ iɣer ssawḍen yemgarad.

Ma nemmuqel tazrawt n Magister i texdem Muḥend Sɛaydi Saɛida ɣef “Le


21

récit Tafunast igujilen de Balaid At Ali : du conte a la nouvelle”, anda i

texdem tasleḍt i uḍris-agi-ines, ɣer taggara n tezrawt-is tessaweḍ tenna-d

tafunast igujilen d tullist. Ayen i d-yettbegginen aya d ayen i d-tenna : « Ma

nemmuqel ɣer yixeddim-agi n usnulfu i yexdem Belɛid At Ɛli, nezmer ad d-

nini aɛraḍ-agi i yeɛreḍ ad iɛiwed tira i wayen yellan deg timawit yeslal-d

tawsit-nniḍen n tsekla i yellan d tullist, tafunast igujilen i yura Belɛid At Ɛli

d tullist ». (1) Imi deg tsekla, aḍris-agi d tamacahut, Belɛid At Ɛli yules-as tira

maca mačči d tturrin kan itt-yerra ɣer lkaɣeḍ, maɛna yella deg-s ubeddel.

Ɣas ulamma yella umgirred-agi n leryuy gar yinagmayen-agi i

ixedmen tizrawin-nsen ɣef tira n Belɛid At Ɛli, maca neẓra yura tullisin.

Aṭas n yiseggasen i yezrin ɣef tira n Belɛid At Ɛli, ulac win it-id-iḍefren

armi d iseggasen n 1990 d asawen i d-tban tullist i tikkelt-nniḍen ɣef wufus n

Kamel Buɛmara, s wamud i yura aseggas n 1998, win iwumi isemma « Nekkni

d wiyiḍ », syin d asawen aṭas n yimyura i d-iḍefren abrid n Belɛid At Ɛli

akked Kamel Buɛmara.

Nezmer ad d-nini tullist taqbaylit ggten yisental iɣef d-tettawi. Llan-t

tullisin i d-yettawin ɣef zzman aqdim, llan-t tid i d-yettawin ɣef tallit

tamirant d wayen akk i iḍerrun deg-s, abeɛda tid n tmetti am : tayri, lɣerba,

tasertit.

(1) Saida Muhand Ssaydi, le récit Tafunast igujilen de Belaid At Ali, du conte a la nouvelle, Mémoire de Magister, 2011, p 145.


22

2_ Tulmisin n tullist taqbaylit:

Tullist taqbaylit am nettat am yal tawsit deg tsekla taqbaylit, tesɛa

tulmisin tilsasiyin iɣef tebna, tid yeṭṭafar yal amaru akken ad yaru tullist-is.

Deg uzwel-agi, ad neɛreḍ ad d-nebder akk tulmisin iɣef tebna tullist

taqbaylit, akken ad tent-issinen akk yinelmaden, anda ad tent-naf ur

mxallafent ara s waṭas ɣef tulmisin iɣef tebna tmacahut akked wungal, imi d

snat n tewsatin-agi n tsekla i yettcabin ɣer tullist deg waṭas n tɣawsiwin.

Ihi gar tulmisin n tullist taqbaylit ad naf:

2.1 Tutlayt:

Ma nuɣal ɣer tutlayt n tullist, ad tt-naf d tushilt, d tusridt, teshel akk

ɣef yimdanen. Amawal n yinnan-is d ushil, yefruri-d seg tutlayt tamaziɣt

tanaṣlit, tin i ttmeslayen yibabaten akked lejdud-nneɣ seg zzman aqdim,

acku amaru d win yettextirin awalen-is, anda ad ten-naf fessus-it maca

ččuren d lemɛani.

Seg tɣuri-nteɣ i kra n wamuden n tullisin, nufa tutlayt i ssemrasen

yimyura Iqbayliyen deg tira n tullisin-nsen ur teṣfi ara, anda ad ten-naf

ssemrasen kra n wawalen ijenṭaḍen, wid yuɣen amḍiq deg tutlayt-nneɣ

taqbaylit.

Amaru mi ara yessexdam awalen n tutlayin nniḍen, abeɛda wid i d-

yekkan seg tutlayt taɛrabt akked tefransist ur ten-id-yettawi ara akken llan s

talɣa-nsen, maca yettbeddil-asen yettarra-ten s talɣa n tmaziɣt, am wakken

i ten-yettmeslay yal amdan deg tutlayt-is n yal ass.

Asemres n wawalen-agi deg tutlayt taqbaylit, ssebba-s d adabu i

iɛeddan ɣef tmurt-nneɣ anda yeqqim acḥal d aseggas, armi imdanen lemden

tutlayt-is mebɣir lebɣi-nsen, ayen iten-yeǧǧan ttmeslayen yes-s, neɣ


23

ssexdamen-tt tikkwal deg tmeslayt taqbaylit, rnu ɣur-s amxaleḍ yellan gar

leǧnas, ayagi yebda yesruḥuy ṣṣfawa n tutlayt taqbaylit taqburt.

Ad d-naf daɣen amaru n tullist yessemras tigemmi-nneɣ deg tira-ines,

abeɛda inzan d lemɛun. Iswi-ines deg waya, d asicbeḥ n tutlayt d usiweḍ n

yizen i yimeɣri akken iwata, anda yal tadyant ara yeḍrun deg tullist ad as-d-

yaf ayen itt-iwatan deg yinzan d lemɛun n teqbaylit.

2.2 Adeg:

Adeg d amkan i d-yemmalen anda i ḍerrunt tigawin akked tɣawsiwin

n tullist. Yezmer ad yili d tidett neɣ d win i d-yessugun wallaɣ n umdan.

Jean-Yves TADIE yenna-d deg wawal-is : “Deg uḍris, adeg yettebdad s

yimerna it-id-yeskanen”. (1)

Imerna n wadeg i itezzin deg tullist, d imataren i yettɛawanen imeɣri

ad d-yessugen ineḍruyen akken ad tt-yefhem. Ma yella ur yessin ara adeg-

nni, ad as-yefk tugna s wayen yesɛa deg wallaɣ-is akked yimedyaten i as-d-

yefka umyaru deg uḍris-nni, imi yal amaru yettak-d aglam n yimukan i d-

yeddan deg tullist.

Adeg-agi, yezmer ad yili d tidett yessen-it yimeɣri, imi mucaɛ deg

tudert-is n yal ass, am wakken daɣen i yezmer ad yili d asugnan, d win i d-

yeddem umaru deg wallaɣ-is akken ad as-yefk rruḥ deg tullist, s yineḍruyen

akked yiwudam i itezzin deg-s, ad as-yefk i yimeɣri tagnit ad d-yessugen

imukan-agi ur nelli ara deg tidett, ad t-yeǧǧ ula d netta ad yinig s wafrayen-

is ɣer yimukan-agi.

Ihi adeg deg tullist d uwsiɛ, ur yesɛi ara tilas, imi yal tullist ad naf

ttwabedren-d deg-s waṭas n yimukan, yerna yal tadyant ur tḍerru ara kan

(1) Ch. ACHOUR, A. Bekkat, D’après J. Y. TADIE, Le récit poétique, PUF, Ecriture 1979, p. 51.


24

deg yiwen wadeg, imi iwudam zgan tembiwilen seg umkan ɣer wayeḍ, ayen i

d-yeslalayen imukan imaynuten.

2.3 Akud:

Yal amyaru yessexdam akud deg tullist-is, akken ad d-ibeggen melmi i

ḍrant tigawin akked yineḍruyen-is.

Tugett n wakud-agi, yemmal-d belli ineḍruyen akked tigawin d ayen

yezrin neɣ d ayen yellan deg zzman aqdim.

“Yella wakud nniḍen i d-yettbegginen acḥal yeṭṭef wakud n tigawt, ma

yella ɣezzifet tigawt lmeɛna-s teṭṭef aṭas n wakud, ma yella wezzilet ur

tettawi ara aṭas n wakud”. (1)

Akud deg tullist ur yesɛi ara tilas, yettnerni s tigawin yettemseḍfaren.

Ayagi yettɛawan imeɣri ad iẓer amek i ileḥḥu wakud, imi yal tigawt acḥal n

lweqt i tettawi.

Yal tullist tbeddu s umernu n wakud i d-yettbegginen melmi i bdan

yineḍruyen-is, amedya : “Zik-nni”. Ayagi d ayen yettaǧǧan imeɣri ula d

netta ad yuɣal ɣer tallit n zik, ad yekcem deg yineḍruyen-is.

Yal tigawt izeggir-itt umernu n wakud, imi d netta i yettcuddun

ineḍruyen n tullist wa zdat wa, amedya : “Deg tallit-nni, taswiɛt kan, yiwen

wass, yiwen yiḍ, zrin tlatin n yiseggasen …” .

2.4 Iwudam:

Iwudam d iferdisen ilsasiyen deg tullist, ur nezmir ara ad tt-id-

nessugen mebla yes-sen, imi fell-asen i tebna, d nutni i yesselḥawen tigawin

d yineḍruyen. Nezmer ad ten-naf d imdanen neɣ d iɣersiwen.

(1) Ch. ACHOUR, A. BEKKAT, Clefs pour la lecture des récits, Convergences Critiques 2, Ed, Tell, Blida, Algérie, 2002, p60.


25

“Amaru yessexdam iwudam akken ad d-yejbed lwelha n yimeɣri, tin

ara yeččaren d leḥmala akked lferḥ i kra n yiwudam, akked tin ara yeččaren

d lkerh akked ustehzi i kra nniḍen”. (1) Imi iwudam yelhan yettnadin ɣef lxir

d lehna deg tullist, yettḥemmil-iten yimeɣri, yettmenni-asen taggara

yelhan, ma yella d iwudam yeččuren d ccer akked lefɛayel n diri, yettɣacca-

ten, yettmenni-asen taggara n diri.

Llan kra n yiwudam deg tullist yettsemmi-asen umaru, amedya :

Werdya, Cacnaq, Jeǧǧiga, Ɛmer, Tiziri… llan wiyaḍ ur asen-yettak ara

ismawen, acku ur seɛɛun ara azal ameqqran deg tigawin n uḍris, amedya :

Yiwen urgaz, taqcict, tameṭṭut tamezwarut, tameṭṭut tis snat, aɛessas.

Iwudam deg tullist ur ttilin ara s waṭas. Ma nuɣal ɣur-sen ad naf :

A- Iwudam igejdanen:

D iwudam iɣef bnan yineḍruyen n tullist, ttilin seg tazwara alma d

taggara. D nutni i d asaḍen, d ul n tullist, tigawin akk cuddent ɣur-sen.

Asaḍ deg tullist yemgarad ɣef wasaḍ deg tmacahut, anda i t-nettaf yal ass

d bu tebɣest, iḥemmel lxir yettnadi ɣef lḥeq, ḥemmlent akk medden,

ssaramen ad ilin am netta neɣ deg umkan-is. Ma yella deg tullist asaḍ

yemxallaf seg tullist ɣer tayeḍ, imi tawsit-agi n tsekla d tin i d-yettawin ɣef

wayen yellan deg tillawt, am wakken yezmer ad yili d taqsiṭ yeḍran, ihi asaḍ

nezmer ad t-naf d amdan yelhan, am wakken i yezmer ad yili d win n diri,

imi ayagi yuɣal ɣer usentel iɣef d-tettawi tullist.

B- Iwudam isnaniyen:

D iwudam i yettilin deg yal tullist, ɣas ulamma ur ten-nettaf ara deg-s s

waṭas, maca d nutni i yellan d ssebba imi ḍran kra n yineḍruyen.

(1) Ch. ACHOUR, A. BEKKAT, d’après TOMACHEVSKI, Théorie de la littérature, Ed, Seuil, 1866, textes des formalistes russes traduits par T.TODOROV, p, 45.


26

Wigi d iwudam ur d-nettuɣal ara s waṭas deg tullist, neggar-iten-id kan

mi ara ten-neḥwiǧ. Yal awadem yesɛa tamlilt-is deg tullist, iwakken ad

yebnu ineḍruyen-is. Ineḍruyen-agi ttemxallafen akken i ttemxallafen

yiwudam, am wakken i d-yenna J. P. GOLDSTEIN : “Ayen nettwali deg

tigawin i xeddmen yiwudam-agi, ad nesteqsay acu, acuɣer, i xeddmen

yiwudam akka …”. (1)

2.5 Tigawin:

D ineḍruyen iɣef yettwabna yal aḍris ullis, am tullist. D nutni i d-

yefkan tudert i tullist, imi ttuneḥsaben d lsas. Ineḍruyen-agi beddun mi ara

tekres taluft neɣ mi ara yili kra n wugur, win i d-igellun s yineḍruyen

wezzilen neɣ wid ɣezzifen.

Tullist tesɛa kraḍ n tegnatin am yal aḍris ullis.

A.Tagnit n tazwara:

D aḥric amenzu i yes-s tbeddu tullist, nettaf deg-s isallen ad aɣ-d-

yesfehmen ayen i d-iteddun deg tullist. Deg tegnit-agi tamezwarut ur ttilin

ara wuguren, maca nẓer iwudam amek d wanda ttidiren.

_ Nettaf deg-s isallen ɣef wadeg : “Deg yiwet n tgelda, yiwet n taddart, deg

temdint, deg yiwet n tmurt…” .

_ Nettaf isallen ɣef wakud : “Zik-nni, yiwen wass, tafsut, deg tallit n ṭrad…” .

_ Nettaf d aɣen isallen ɣef yiwudam : “Yiwen ugellid, yiwen urgaz, Jeǧǧiga,

Muḥend…” .

(1) Ch. ACHOUR, A. BEKKAT, d’après J. P. GOLDSTEIN, pour lire le roman, Duculot, Bruxelle, 1983, p. 48.


27

B.Tagn it tis snat (Tigawin):

Deg tegnit-agi yettili-d wugur “tikerrist”, ara yerren iwudam ttidiren

deg ccwal, ayen i d-yettawin “tigawin” xeddmen yiwudam ladɣa “awadem

agejdan”, tigad yessawaḍen ɣer ferru n wugur iwumi neqqar tifrat.

Deg tegnit-agi kan ttbinen-d yiwudam imaynuten, wid ur d-

nettwabder ara deg tegnit n tazwara.

C.Tagnit n taggara:

Tagnit-agi tettas-d mi ara yefru wugur yellan deg tegnit tis snat, anda

ad d-naf lexṣaṣ yettwakkes. Temmal-d amek i d-teggra tudert n yiwudam mi

ifukk wugur, ama telha ama diri-tt. Taggara n tullist tettas-d s lemɣawla

melba ma nḥulfa yes-s belli tewweḍ-d. Tettili d tamecṭuḥt mliḥ, xas ma yella

ɣezzifet cwiṭ, ad tt-naf kan deg kra n yijeṛṛiḍen.

2.6 Tadiwennit:

D yiwet seg tulmisin tilsasiyin iɣef tebna tullist. D ambiddel n

yimeslayen akked yisteqsiyen gar yiwudam-ines.

Tadiwennit tesselḥay ineḍruyen n tullist, tettcuddu-ten wa ɣer wa, am

wakken d aɣen i as-d-tettak ccbaḥa i uḍris s usteqsi akked tririt i yettilin gar

yiwudam, ayen itt-yettaǧǧan teqreb neɣ tcuba ɣer tilawt.

2.7 Aglam:

Aglam d yiwen seg tulmisin d yiferdisen ilsasiyen i yettilin deg tullist,

yeslalay-d deg-s ṛṛuḥ, yettak-as-d ccbaḥa d wudem n tilawt.

Deg tullist ttilin tlata n tewsatin n uglam :

Aglam n yineḍruyen akked tigawin.

Aglam n tɣawsiwin.


28

Aglam n yiwudam.

Yal amyaru mi ara d-yaru aḍris-is, igellem-d adeg ideg ḍrant tigawin,

akked yiwudam i yekkin, ladɣa iwudam igejdanen. Ad d-nkemmel awal s

wayen i d-yenna J. M. Adam : “Aglam mačči kan d tiwin n wawal ɣef tidett

akken i tella, maca aglam d aweṣṣef d usewseɛ n tidett”. (1)

Tikkal aglam yettak-d i tullist udem n tilawt, mi ara s-isel yimeɣri ad

yiɣil d ṣṣeḥ d ayen yeḍran.

(1) Ch. ACH OUR, A.BEKKAT, d’après J.M.ADAM, linguistique et description littéraires, Paris, Larousse, 1976, p. 55.


29

3_ Amuden n tullisin n teqbaylit yettwarun:

Deg uḥric-agi neɛreḍ ad d-nejmeɛ-d amuden n tullisin n teqbaylit i

yettwarun. Ɣas akken mačči aṭas i yellan, imi tawsit-agi n tsekla mačči aṭas

aya seg-mi i d-tennulfa ɣur-neɣ, maca s immal tettzad tettneri seg useggas

ɣer wayeḍ.

Amuden-agi nsettef-iten ɛlaḥsab n useggas n tuffɣa-nsen:

1.Nekkni d wiyiḍ: D ammud n tullisin i yura Kamel Buɛmara. Yeffeɣ-d deg

tezrigin HCA “Asqammu Unnig n Timmuzɣa”, deg yunyu, Aseggas n 1998.

Ddant-d deg-s xemsa n tullisin:

Iḍ amcum

Ul d tasa

Kra yella kra yerna

Taqsiṭ n ɛziz d ɛzuzu

Tirgara

2. Allen n tayri: D ammud n tullisin i yura Ayt Iɣil Muḥend. Yeffeɣ-d deg

tezrigin TALANTIKIT deg Bgayet, Aseggas n 1999.

Ddant-d deg-s sebɛa n tullisin:

Amsebrid

Ababa-t d mmi-s

Allen n tayri

Timlilit deg ssilul

Tayri tawessart

Taddart-iw

Agellid n yimelḥanen


30

3. Atlanta: D ammud n tullisin i yura Ayt Iɣil Muḥend. Yeffeɣ-d deg

tezrigin “Tiddukla Tadlsant Tamaziɣt” deg Bgayet, deg yebrir Aseggas n

2001.

Ddant-d deg-s setta n tullisin:

Crif d Crifa

Tayri n tasa

Atlanta

Seg sin ɣer wulac

Bu tqacuct

Aqettal ur yettwacukkten

4. Lǧerrat: D ammud n tullisin i yura Brahim Tazarart. Yeffeɣ-d deg

tezrigin TALANTIKIT, deg yebrir Aseggas n 2003.

Ddant-d deg-s 12 n tullisin:

Iɛeṭṭlen

Tikli deg yiḍ

Akka kan

Targit

Ferruǧa

Lexmis

Dda Ɛmer

Yemma Lkahina

Tuber

Tuffɣa

Lǧerrat

Ssuq


31

5. Tuɣalin: D ammud n tullisin i yura Ɛmer Mezdad. Yeffeɣ-d deg tezrigin

Ayamun, deg yunyu aseggas n 2003.


Tuɣalin

Timlilit

Inebgi n yiḍ-nni

Am iẓiwec deg waddad

Yerra-tt i yiman-is

D tagarfa i aɣ-tt-igan

Eux, le corbeau et nous

6. Tchekhov s teqbaylit: D tasuqqilt i tullisin i yura umyaru arusi Anton

Pavlovitch Tchekhov, yerra-tent-id ɣer teqbaylit Ayt Iɣil Muḥend. Yeffeɣ-d

deg tezrigin TALANTIKIT, deg tuber aseggas n 2003.


Ajawwaq ( le pipeau )

Tafermasyant ( la pharmacienne )

Leḥzen ( tristesse )

Tamacahutt-nni n wučč ( la sirène )

Tata ( le Caméleon )

Taɣdemt ( la malveillance )

Anna ( la damme au petit chien )

7. Tikli: D ammud n tullisin i yura Murad Zimu. Yeffeɣ-d deg tezrigin HCA

(Asqammu Unnig n Timmuzɣa), deg useggas n 2004.


32

Ddant-d deg-s xemsa n tullisin:

Taẓebbujt n tafat

Abrid n tatut

Tabratt

Agni n Mḥend

Tikli

8. Akli ungif: D tullist i yura Remḍan U Slimani, teffeɣ-d deg useggas n

2004.

9. Am tmeqqunt n tzeǧǧigin: D ammud n tullisin i yura Yazid Bulma

akked Smaɛil Ɛebdenbi. Yeffeɣ-d deg tezrigin n HCA (Asqammu Unnig n

Timmuzɣa), deg useggas n 2006.

Ddant-d deg-s xemxa n tullisin:

War isem

Ammer

Tiɣimit d lbaṭel

Lunǧa

Kker a mmi

10. Asqif n ṭmana: D tullist i yura Ɛli Mɛemri, teffeɣ-d deg tezrigin

COLORSET, deg useggas n 2006.

11. Gar zik d tura: D ammud n tullisin i yura Saɛid Cemmax. Yeffeɣ-d deg

tezrigin HCA (Asqammu Unnig n Timmuzɣa), deg useggas n 2008.

Ddant-d deg-s tesɛa n tullisin:

Taninna neɣ tudert n tlemẓit taqbaylit

Laman d leɣder


33

Tadyant n mmi-s uciban

Ad gen tameɣra

Tuɣalin

Ɛecrin duru

Iminig

Tizqaqin n taddert

Ih! Lukan ad tezreḍ

12. Akli n tayri: D tullist i tura Tnaṣlit. Teffeɣ-d deg tezrigin HCA

(Asqammu Unnig n Timmuzɣa), deg useggas 2009.

13. Akal d wawal: D ammud n tullisin i yura Arezqi Ǧamel. Yeffeɣ-d deg

tezrigin Tira deg Magu, Aseggas n 2009.

Ddant-d deg-s 11 n tullisin:

D acu i ixeddem Rebbi!

D ddker neɣ d llenta

Irgazen kkaten uzzal

Taqsiṭ n ugellid d wakli

Tadyant n ccix

Aqelmun ɣer yiḍarren

Teẓram neɣ ur teẓrim ara

Winna imecḥen aḍad-is

Bu snat n tlawin

D acu i txeddem temẓi

Yaya tamedyazt


34

14. Amneṭri: D tasuqqilt i tullisin i yura Guy De Maupassant, yerra-tent-id

ɣer teqbaylit Ḥmed Ḥamum. Yeffeɣ-d deg tezrigin TALANTIKIT, Aseggas n

2009.


Amecṭuḥ ( le petit )

Cciṭan ( le diable )

Ttar ( une vendetta )

Agujil ( l’orphelin )

Aderɣal ( l’aveugle )

Deg tferkiwin ( aux champs )

Amneṭri ( le vagabond )

15. Ameddakel: D ammud n tullisin i yura Murad Zimu. Yeffeɣ-d deg

tezrigin Tira, Aseggas n 2010.

Ddant-d deg-s ɛecra n tullisin:

Amerdax

Akarni azeggaɣ

Zina

Ameddakel

Litidyu

Yeɣra meskin

Ad nerreẓ wala ad neknu

Anwa i d abrid ay abrid

Yella yiwen yella ulac-it, ittmeslay kan i waḍu

Ne nous somme pas des Arabes

16. I kečč kan: D tullist i tura Tnaṣlit

17. Limmer ad d-yuɣal zzman: D tullist i tura Tnaṣlit

Ixef wis tlata Tasleḍt n wamud

“Allen n tayri”

Ixef wis tlata Tasleḍt n wammud

36

Ixef-agi d taṣleḍt i wamud n tullisin “Allen n tayri” i yura Ayt Iɣil

Muḥend. Ɣef waya yessefk fell-anteɣ deg tazwara ad d-nawi awal ɣef tlata n

tɣawsiwin. Tamezwarut, d tameddurt n umaru-agi d wayen akk yeqdec deg

unnar n tsekla taqbaylit. Tis snat, d awal ɣef udlis d wayen d-yeddan deg-s s

umata. Tis tlata, d tasleḍt i wamud-agi n tullisin seg tama n ugbur.

1_ Awal ɣef umyaru:

Ayt Iɣil Muḥend d amaru aqbayli, ilul ass n 11 unbir 1960 deg Bgayet.

Tudert-is akked lweqt-is akk yesɛeddaten d leqdic ɣef tsekla akked yidles

amaziɣ.

Deg useggas n 1983, yessuqel-d “Mere courage” i yura B. Brecht.

1985 : Yessuqel-d « Voix de femme » n Kateb Yasin.

1986 : Yessuqel-d « Pour Jean Lmouhoub Amrouche » n Racid Sufi.

1987 : Yella d aselway n ugraw n umezgun « Tadukkli », anda yekki deg

usalay akked tira n yiwet n tceqquft isem-is « Agerruj n yigujilen ».

Yulyu 1987 : Ikefeḍ-d asarag-ines amenzu, win yeddmen azwel « Amour et

desir ».

1988 : Ikefeḍ-d asarag nniḍen, deg yiwen uɣerbaz deg Bujlil « Allaɣen »,

win yeddmen azwel « Evolution du théatre bérbère ».

1989 : Yesnulfa-d « Tiddukkla tadelsant n Bgayet », anda yexdem aṭas n

leqdicat idelsanen, amedya :

_ Ihegga-d sin n yimsizwaren n tezlit tamaziɣt.

_ D aselmad, d amsuddes deg teswirin timezwura n tutlayt tamaziɣt

deg yiseggasen (1990, 1991, 1992).


37

_ Yekki deg usnulfu n tesɣunt tamenzut n wawalen inmigdanen s

tutlayt tamaziɣt.

_ Yesnulfa-d agraw yetturaren amezgun, isem-is « Tiɣri » i d-

yetturaren ticeqqufin-is.

Yura taceqquft umezgun “Tazemlaṭ texser, tayeffust ur terbiḥ ara”.

1990 : Yura taceqquft “Amezruy n Numidya” i warrac imecṭaḥ.

1991 : Tuddsa d utekki deg teswirt n tutlayt tamaziɣt.

Yura taceqquft nniḍen “Anwa yextaren”, tin i d-yettawin ɣef wanda

tessawaḍ yir ttrebga.

1992 : Tuddsa d utekki deg teswirt tis snat n tutlayt tamaziɣt.

1993 : Yura taceqquft “Teddez tebrez”, i d-yettawin ɣef yineḍruyen i

ibeddlen tamurt n Lezzayer deg tallit n 90.

Ikefeḍ-d yiwen usarag deg Imezzayen, ɣef “Yennayer Imaziɣen”, anda

yella d inebgi n Tiddukkla At Ɛmer Wali.

1994 : Yura taceqquft “Axeddaɛ”.

Yewwi araz amenzu “Mulud Mɛemri” deg tira n tceqqufin.

1995 : Yura taceqquft “Tamenkart”, i d-yettawin ɣef wadeg n tmeṭṭut deg

tmetti.

Yekki deg tuddsa, aheggi akked useɣti n yikayaḍen n teglellit tamenzut n

yiselmaden n tmaziɣt.

1996 : Yessuqel-d « Huis-clos » i yura J. P. Sartre.

1997 : Yessuqel-d « Le Fhoen » i yura M. Mɛemri.


38

1997 ɣer 2001 : D ufrin ɣer ugraw amagday n tɣiwant n Bgayet.

1998 ɣer 2003: Deg tallit-agi yura tlata yedlisen :

Allen n tayri: D tullisin.

Atlanta: D tullisin.

Tchekhov s teqbaylit: D tullisin.

Yiwen seg yigmamen n L’UNICEF n tmurt n Ṭṭalyan, yessuter-it-id

akken ad as-yeǧǧ ad d-yessuqel taceqquft-is “Tazelmaṭ texser, tayeffust ur

terbiḥ ara”, seg tutlayt taqbaylit ɣer tṭelyanit.

Yebrir 2000: Ikefeḍ-d yiwen usarag deg Bgayet ɣef tefsut Imaziɣen, anda i d-

yettwaɛreḍ sɣur Tiddukkla “Faṭima Remṭani”.

Yebrir 2001: Agraw “Numidya n Wehran” uraren-d taceqquft-is “Anwa

yextaren”.

2002: Agraw n umezgun n uxxam n yidles “Mulud Mɛemri”, yurar-d

taceqqugt-is “Timlilit”.

2003: Agraw n umezgun n uxxam n yidles “Mulud Mɛemri”, yurar-d

taceqquft-is “Ilef”.

Yebrir 2003: D yiwen gar yigmamen n umsekrid deg umsizwer n tmedyazt, i

d-thegga Rradyu Sumam.

Am waken daɣen i d-yessuqel i waṭas n yimyura Irumyen, lemtel: (A. Dandet,

G. de Maupassant) akked tmedyazt yura (J. Brel, G. Brassens, Leo Ferré).

Yekki deg waṭas “Les sites”, lemtel: “Ayamun, Bgayet.net, Tamazɣa.fr”

D yiwen seg wid i d-yesbedden isebtar n tmaiɣt deg uɣmis « La Dépèche de

Kabylie ».


39

21 ɣer 27 ctember 2005 : D amsuddes, d agmam amsekrid n tfaska tis 07 n

tezlit tamaziɣt, i d-thegga tɣiwant n Bgayet.

Tuber 2006 : Yessuqel-d taceqquft « Faṭima », i yura Mḥemmed Bengeṭṭaf,

seg tutlayt taɛrabt ɣer tutlayt taqbaylit.

Ctember 2007 : Taceqquft « Taṭima » n Mḥemmed Bengeṭṭaf, i d-yessuqel

ɣer teqbaylit, turar-itt-id Ḥamida Ayt Ḥaǧ deg umezgun n Lezzayer.

Yennayer 2008 : Ikefeḍ-d yiwen usarag deg Bni Mɛuc asentel-is « Calendrier

et rites Bérbères », i d-thegga Tiddukkla « Imnayen n tɣerma ».

Furar 2008 : Turart n tceqquft « Faṭma » deg Tamenrasset.

Yebrir 2008 : Yessufeɣ-d ungal « Tiɣersi » deg tezrigin « Afromed ».

19 Ɣuct 2008: Ikefeḍ-d yiwen usarag deg Tifra, azwel-is « Mouvement

associatif en Algérie », i d-thegga tiddukkla « Tifra ».

01 ɣer 06 unbir 2008 : Yella d agmam amsekrid deg tfaska tadigant n uẓawan

akked tezlit taqbaylit.

18 ɣer 22 dujember 2008: D amsuddes, d agmam amsekrid deg tfaska n tezlit

tamaziɣt.

12 yennayer 2010: Anemhal n T.R. n Bgayet, yessuter-it-id ad yili d yiwen gar

tlata yiwudam i d-yufraren deg tsekla, deg tɣiwant.

Magu 2011: D yiwen seg yigmamen i d-yesnulfan tirkeft n tmeɣriwin n

temdint n Sedduq.

Yunyu 2011: Yura adewwan “Tabalizt”.

Yura daɣen “Tagelda uyaziḍ”, d taceqquft umezgun i warrac imecṭaḥ.


40

24 ɣer 29 yulyu 2011: D agmam amsekrid n tfaska tis 09 n tezlit tamaziɣt, i d-

thegga tesqamutt n tmeɣriwin n temdint n Bgayet.

Deg waggur n ctember, taceqquft-is “Ccix Aḥeddad” iḍleb-itt-id uɣlif n

yidles akken ad d-tɛeddi deg umuli wis 50 n timunnent n Lezzayer.

20 ctember 2011: Yura taceqquft “Melɛez U Lmuhub”.

14 yennayer 2012: Iqeddem-d asarag ɣef “Le calendrier Bérbère et ces rites”,

i d-thegga tiddukkla taseklant “Tadukkli n Sedduq”.

20 yebrir 2012: Iqeddem-d netta d tlata yimaswaḍen n tutlayt tamaziɣt,

yiwen usarag ɣef “L’evolution de Tamazight a l’école”, tin i d-thegga

tiddukkla taseklant “Tagmatt Ugemmun” n Bni Mɛuc.

06 dujember 2012: Tiddukkla n yinaẓuren n Bgayet, terra-as tajmilt i

Muḥend Ayt Iɣil.

10 ɣer 18 dujember 2012: D inebgi n lḥerma deg tfaska tadelsant taɣelnawt n

umezgun amaziɣ n Batna.

D inebgi ɣer yiwet n tedwilt deg rradyu “Awras”.

30 yennayer 2013: D inebgi ɣer T.V Tamaziɣt 4.

D inebgi ɣer Canal Algérie, deg tedwilt “Bonjour Algérie”.

09 furar 2013: D inebgi n lḥerma ɣer yeɣmisen n ṭnac deg rradyu Sumam.

09 ɣer 16 yebrir 2013: D agmam amsekrid deg wass “Yawm lɛilm”, i d-thegga

tirkeft n tmeɣriwin n tɣiwant n Bgayet i yiɣerbazen imenza.

13 yebrir 2013: Amsawa u ungal “Akal d yidim” i yura Mulud Ferɛun, ɣer

umezgun.


41

14 ɣer 17 yebrir 2013: D aselway amsekrid n umsizwer gar yiɣerbazen n

tɣiwant n Bgayet.

2_ Awal ɣef udlis “Allen n tayri”:

“Allen n tayri” d amud n tullisin i yura Ayt Iɣil Muḥend. Yeddem-it-id

seg tefransist. Yeffeɣ-d deg useggas n 1999 deg tezrigin TALANTIKIT n

Bgayet. Tazwart n udlis-a d tin i as-yexden Ɛmer Mezdad, anda i d-yewwi

deg-s awal ɣef tsekla s umata. Syin ɣur-s ad naf deg-s sebɛa n tullisin, yal

yiwet d acu-t usentel iɣef d-tettawi.

Tullist tamezwarut, d tin i d-yettawin ɣef usentel n lɣerba i imucaɛen

deg tmetti n Leqbayel. Ineḍruyen n tullist d wid i d-yewwin ɣef umsebrid i

ijaḥen, yeǧǧa tamɣart-is i lḥif akked lixṣaṣ, asmi i d-yuɣal ur t-teɛqil ara

maca mi teẓra yesɛa idrimen yewwi-tt ṭṭmeɛ, tenɣa-t.

Tis snat, d tullist n tmetti tewwi-d ɣef yiwen ubabat asmi i icukk belli

d mmi-s i yettnuɣun tilawin, imi lɣerba akked tmetti taberranit tbeddel

mmi-s tessexser-it, terra-t d amdan nniḍen. Ɣer taggara asmi d-iban belli

mačči d mmi-s i d aqettal yuɣal ubabat d mmi-s msefraqen, ur ɛawden ad

mwalin.

Tis tlata, d tin i d-yettawin ɣef usentel n tayri, yezdin gar Jeǧǧiga

akked yiwen urgaz i tufa deg ubrid, tejmeɛ-it, tdiwat. Tayri tezdi-d gar sin

n yilmeẓyen-agi ɣas akken Ɛmer werǧin iwala Jeǧǧiga.

Tis rebɛa, d taqsiṭ n sin n yilmeẓyen yennuɣen, kecmen ɣer lḥebs, zdin

deg yiwen n ssilul ur ẓrin ara. Armi s-d-yeḥka Belɛid i Muḥend ssebba iɣef

d-yekcem ɣer lḥebs, yeẓra Muḥend belli d ameddakel-is deg ssillul i d

ssebba iɣef d-yekcem ɣer lḥebs.


42

Tis xemxa, d tin i d-yewwin ɣef usentel n tayri yezdin gar sin

yilmeẓyen seg-mi meẓẓiyit, ɣas akken timetti ur teqbil ara tayri-nsen,

maca asmi meqqer-it wḍen lebɣi-nsen, myezwaǧen.

Tis setta, tewwi-d ɣef yiwet n teqcict i ittmennin ad d-tẓur taddart-is.

Asirem-agi yusa-as-d deg targit, anda i tt-yewwi yitri n zzher tẓur-d

taddart-is.

Tis sebɛa, tettawi-d ɣef yiwen n ugellid amesbaṭli i iɣucen ad iwali

agdud-is yecbeḥ, imi ma yella iban-d zdat-s yiwen yecbeḥ ad as-igzem

aqerruy. Imezdaɣ n tmurt-nni yeḥkem ugellid yezga fell-asen lxuf, rrwan

lbaṭel d temḥeqranit, armi d-tlul Texnanast i ibeddel ugellid ssira, yuɣal

ḥnin.


43

3_ Taṣleḍt n wmud n tullisin:

Ammud-agi n tullisin “Allen n tayri” d win ideg d-ddant sebɛa n

tullisin. Deg uḥric-agi i d-iteddun, ad neɛreḍ ad as-nexdem tasleḍt seg

tama n ugbur, akken ad d-nbeggen ɣef wacu i tebna yal yiwet deg-sent.

3.1 Amsebrid

3.1.1 Tutlayt:

Tutlayt d allal n tenfalit d usiweḍ n yizen i wiyiḍ, yal awal yesɛa izen i

wid yesmeḥsisen, wid yettwalin neɣ wid yeqqaren.

Muḥend Ayt Iɣil d argaz n tsekla, d win yesɛan tirmit deg tira. Ɣef

waya ad d-naf tutlayt ɣur-s d tin yesɛan azal akked yiswi ameqqran.

Tutlayt yessemres umyaru deg tutlayt-agi d tusridt, d tin n yal ass, d

tin ttmeslayen yimdanen deg tudrin n Leqbayel, fehhmen-tt akken ma

llan, ama d win yeɣran ama d win ur neɣri, ama meẓẓi ama meqqer.

Amyaru yettextiri awalen-is, yessexdam tutlayt fessusen maca teččur

d lemɛani.

Awalen yettwasxedmen deg tullist-agi, d wid n tutlayt taqbaylit n yall

ass, rnu ɣer waya ad t-naf yessemras kra n wawalen ijenṭaḍen akked kra n

lemtul.

A-Asemres n wawalen ijenṭaḍen:

Akken i nwala, aṭas n yimyura i yessemrasen awalen ijenṭaḍen deg

tira-nsen, ayagi ssebba-s d abeddel yeḍran deg tallit-agi tamirant, d umxaleḍ

gar leǧnas d yimdanen akked umbiddel n tmussniwin, ayen i yebdan

yesruḥuy ṣfawa n tytlayt taqbaylit.


44

Amyaru deg tullist-agi “Amsebrid” yessexdem kan sin n wawalen

ijenṭaḍen, yiwen yekka-d seg tutlayt taɛrabt “dderǧa”:

Yetthella: یتھال

Wayeḍ seg tutlayt tafransist:

Abulis: Un policier

Awalen-agi ijenṭaḍen senṭaqen-ten-id Leqbayel amzun d awalen n

teqbaylit, wid i ikecmen s amawal-is. Ma yella d iswi n umyaru deg usexdem

n wawalen-agi, d asiweḍ n yizen akken iwata i yimeɣri akken ad t-yefhem,

am wakken daɣen i yebɣa ad d-ibeggen, ɣas akken aṭas n leǧnas i iɛeddan ɣef

tmurt-nneɣ, maca tameslayt-nneɣ ur tengir ara, maca nerna newwi-as-d

awalen imaynuten seg tutlayin nniḍen, nesnerna amawal-is.

B-Asemres n lemtul:

Tutlayt taqbaylit d tutlayt i imucaɛen s waṭas s usemres n tgemmi-

ines (inzan d lemɛun). Ayagi irennu-as lmeɛna d ccbaḥa i umeslay, ijebbed-d

lwelha n yimeɣri i tɣuri n udlis.

Amyaru deg tullist-agi yessemres kra n lemtul, amedya:

_ Yiwen wass n tefsut, yif tlatin n wussan n ḥertadem.

_ Ad yeɛdel Ṛebbi lecɣal-im.

_ Ur sɛiɣ la ḥnin la lwali.

Wigi d lemtul i nessexdam deg tmeslayt n yal ass. Ɣef waya amyaru

yessemras-iten deg tira-ines akken ad d-yessicbeḥ tifyar, wa ad as-yefk i

uḍris udem n tmetti taqbaylit s wawalen-agi i icebḥen, wid i d-newret ɣer

lejdud-nneɣ, am wakken daɣen i sɛan wawlen-agi tamlilt tagejdant deg

useḥbiber ɣef tutlayt taqbaylit tanaṣlit.


45

Deg tullist-agi ad naf kra n wawalen i d-yettbegginen d akken timetti

d taqdimt, wid yecban: Lkanun, mirruj, tazerbit, takeddust n yisɣaren,

lmetred, akufi, timeṣleḥt.

3.1.2 Adeg:

Deg tullist-agi ad naf kra n wawalen i d-yemmalen adeg anda ḍerrunt

tigawin akked tɣawsiwin. Imukan i d-yeddan deg tullist-agi:

1_ Amadaɣ: D adeg amenzu i d-yettwabedren deg tullist. D abrid i

yeḍfer Ḥmana abulis akked ufellaḥ akken ad ruḥen ɣer umkan anda yenṭel

umsebrid.

2_ Amdun: D adeg anda nnejmaɛen yifellaḥen ttrajun melmi ad d-

yaweḍ ubulis. D adeg anda yettwanṭel umsebrid yettwanɣan.

3_ Axxam n temɣart: D adeg anda ḍrant tugget n tigawin n tullist. D

amkan anda tettidir Werdya Selman, am wakken daɣen i yella d axxam n

umsebrid (argaz n temɣart) uqbel ad ijaḥ 30 n yiseggasen ayagi. Deg-s i

yensa umsebrid asmi t-yeṭṭef yiḍ berra, din i yettwanɣa, din i yesqar Ḥmana

tamɣart.

Ihi, s umata d wigi i d-imukan i d-yeddan deg tullist n umsebrid.

3.1.3 Akud:

Yal amyaru mi ara yaru tullist-is ad yessexdem deg-s akud akken ad d-

ibeggen melmi ḍrant tigawin.

Akud deg tullist ur yesɛi ara tillas, la yettnerni s unerni n tigawin

yettemseḍfaren, ayen i yettɛawanen amseflid ad iẓer amek yebna wakud deg

tullist.


46

Deg tullist n umsebrid ddan-d aṭas n yimataren i d-yettbegginen akud

ideg ḍran yineḍruyen. Llan wid i d-yusan s wudem usrid, llan wiyiḍ s wudem

arusrid, ur ten-id-yebdir ara umyaru, maca yefka-d nɛut i d-yettbegginen

annect-nni. Ad naf:

1_ Ccetwa: D amatar i d-yemmalen akud ideg teḍra tullist-agi. D win i

d-yusan s wudem arusrid, imi awal “ccetwa” ur d-yeddi ara deg uḍris, maca

yefka-d imataren it-id-yettbegginen, amedya: Adfel, times…

2_ Azal: D amatar i d-yusan s wudem arusrid. Yemmal-d belli iɛedda

lweqt n tṣebḥit yewweḍ-d uzal, yeffeɣ-d yiṭij. Awalen it-id-yettbegginen: Iṭij,

aẓɣal…

3_ Iḍ: D amatar n wakud i d-yusan s wudem usrid, anda ad naf awal-

agi yedda-d srid di tefyirt, amedya:

_ Werdiya tḥulfa s yiḍ yeɛjel tikli, mačči am wuḍan nniḍen.

4_ lefjer: D amatar n wakud i d-yusan s wudem arusrid, tafyirt it-id-

ittbegginen:

-Tafat n wass tebda-d aflali ɣer Tizi.

3.1.4 Aglam:

Yal tullist yella deg-s uglam. Yettili uglam n tigawin d yineḍruyen,

tiɣawsiwin akked yiwudam, win yettɛawanen deg usugen.

Aglam deg tullist “amsebrid” d win yeggten, amedya:

A-Aglam n yineḍruyen:

Wagi yebda seg tazwara n tullist armi d taggara, amedya:

- Yufa din tafekka tedreḥ.


47

- Tṭfen abrid zdaxel umadaɣ.

- Afellaḥ-nni yeḥbes, iwehha ɣer yiwet n tama.

- Ḥmana yekkes-d takerḍa n tnekkit.

- Isakked seg ṭṭaq ɣer zdaxel.

- Yiwet n temɣart tberrez tiɣerɣert.

B-Aglam n tɣawsiwin:

- Axxam yeɛmer s kra n yigerwazen.

- Lkanun iqubel tawwurt.

- Deg-s yessaɣ mirruj, tres fell-as tɣellayt.

- Yiwet n teqdiḥt tebrek s wambuxen.

- Yiwen ukufi d ilem.

C-Aglam n yiwudam:

Aglam n yiwudam ur yelli ara s waṭas deg tullist-agi, ɣas ma nufa kra n

tenfaliyin, maca ttilint seg yiwet n tama, amedya:

1- Ḥmama abulis: Ur yelli ara fell-as waṭas n uglam, maca mi neɣra

aḍris nefhem belli d argaz yeɣran, yefhem yesɛa tigzi akked tḥerci. Ayagi

yettban-d seg usqirri i yesqar tamɣart, amek armi yessaweḍ ad tt-id-yesseɣli

seg umeslay.

Tafekka-s d tin meẓẓiyen: ayagi yettban-d seg lǧerrat i d-yettaǧǧa, tid i d-

yettbanen d azgen zdat n tid n ufellaḥ.

2- Afellaḥ: Yettban-d akken d argaz yesɛan tafekka meqqren, yerna

yeǧhed, ayagi yettban-d mi d-yenna umyaru: “lǧerrat i d-yettaǧǧa usebbad n


48

Ḥmana ttbinent-d d azgen zdat n tid i d-yettaǧǧa uḍar n ufellaḥ-nni

yeṭṭafar”.

Tella tenfalit nniḍen i d-yessebganen belli afellaḥ-agi meqqer di leɛmer, mi

d-yenna: « yeldi imi-s: d afermuc ».

3- Amsebrid: Am wakken i d-yenna fell-as umyaru: d argaz, udem-is

yekmec, tafekka-s mazal-itt tebdd ur tekni ara, yuɣ aṭas n tyitwin armi

yemmut, acku aqerruy-is ɣer deffir yeldi.

3.1.5 Tadiwennit:

Tadiwennit, d yiwet gar yiferdisen ilsasiyen i ɣef tebna tullist, am

nettat am leṣnaf nniḍen n tsekla taqbaylit.

Deg tullist-agi “amsebrid”, tadiwennit tebda segmi bdant tigawin armi d

taggara, amedya:

1-Tadiwennit i yellan gar Ḥmana abulis akked yifellaḥen:

Ḥmana: Drus aya segmi yella da ?

Afellaḥ: Segmi yefsi udfel.

2-Tadiwennit gar Ḥmana akked temɣart:

Ḥmana: Ttxil-m a tamɣart ma ur yi-d-tennid tidett. Ur ilaq ara ad

teskeɛrireḍ yess-i.

Tamɣart: Ur skeɛrireɣ ara yess-k, d kečč i yebɣan ad d-qirreɣ s wayen

ur xdimeɣ.

3-Tadiwennit yellan gar temɣart akked umsebrid:

Tamɣart testeqsa argaz-nni ansi i d-yekka.

Argaz: Yebɛed sansi i d-usiɣ.


49

Ihi, sumata d wigi i yimedyaten n tdiwennit i d-yellan gar yiwudam n

tullist “amsebrid”.

3.1.6 Iwudam:

Am wakken neẓra, iwudam llan deg yal tullist, d nutni i d-lsas, fell-asen

i tebna, acku d nutni i syesselḥayen ineḍruyen d tigawin.

Ma nuɣal ɣer yiwudam n tullist-agi ad naf:

A-Iwudam igejdanen:

1_ Ḥmana abulis: D yiwen gar yiwudam ilsasiyen yesselḥan ineḍruyen

tullist. Tamlilt-is ad d-yaf anwa yenɣan amsebrid. S tiḥerci-ines akked tigzi-

ines yessaweḍ yufa-t-id, win yellan d tamɣart-is.

2_ Werdiya Selman: Ula d nettat d awadem agejdan deg tullist-agi. D

tameṭṭut n umsebrid. Ṭṭmeɛ akked lḥif n ddunit i tt-yessawḍen ad tt-neɣ

argaz-is, akken ad tawi taḥawact n yidrimen i as d-yeǧǧa d lamana.

B- Iwudam isnaniyen:

1_ Amsebrid: D argaz n Werdiya Selman. 30n yiseggasen aya segmi

iruḥ, yeǧǧa tameṭṭut-is weḥdes. Ass-a yuɣal-d s axxam, maca ur as-yenni ara

belli d argaz-is, yefka-as kan taḥawact n yidrimen ad as-tt-teffer, tin i yellan

d ssebba n lmut-is.

2_ Afellaḥ: D yiwen seg yimezdaɣ n taddart. D netta i issawḍen lexbar

n tmenɣiwt n umsebrid i yibulisen, am wakken daɣen i yessaweḍ Ḥmana s

amkan n temḍelt n umsebrid.

3_ Ifellaḥen: D nutni i yufan tafekka n urgaz-nni yettwaɣan, mi ɣazen

aẓekka-ines asmi yefsi udfel. D nutni i iwehhan axxam n temɣart i Ḥmana.


50

3.2 Ababat d mmi-s:

3.2.1 Tutlayt:

Amyaru d win yesɛan tirmit deg tira, ɣef waya ad naf tutlayt yesseqdec

deg tullist-agi d tin n yal ass, teshel, tettwafham ama ɣer umecṭuḥ ama ɣer

umeqqran. Imi lemɛani i d-yewwi deg-s d usriden. Ad t-naf yessexdem

tutlayt fessusen, d wawalen ushilen yeččuren d lemɛani.

Ad t-naf daɣen yessemres kra n wawalen ijenṭaḍen i d-yekkan seg

tutlayt taɛrabt akked tefransist:

Lɛesker : العسكر

Lkaẓirna: Une caserne

Lakul: Un école

Lḥirfa: حرفة ال

Aqettal: القاتل

ad naf amyaru yesseqdec kra n lemtul deg tullist-agi, imi asemres n

tgemmi d yiwet seg tulmisin iɣef bnant tullisin n umyaru-agi, amedya:

- S yiwet ad iḥaz snat.

- Am win yettḥufun ɣef tsegnit deg walim.

- Seg ucrured ɣer tikli.

3.2.2 Adeg:

Imataren n wadeg i d-yeddan deg tullist-agi:

1_ Axxam n tumeṭṭut: D adeg anida i iɛreḍ uqettal ad ineɣ tameṭṭut

tamezwarut.


51

2_ l’australie: D tamdint anda yettidir Cacnaq, syin yeḍfer-it baba-s

ɣer din. Daɣen anda i ḍrant tmenɣiwin n tlata tlawin.

3_ lkaẓirna: D adeg anda i ixeddem Cacnaq ɣer lɛesker amarikani.

Daɣen anda i nudan lɛesker ɣef uqettal armi i t-ufan.

4_ New York: D tamdint tamenzut ideg ixedem Cacnaq deg yiwet n

tḥanutt, uqbel ad nadin fell-as lɛesker.

5_ Asečču: D adeg anda yettemlili Sitaw akked Cacnaq tetten,

ttmeslayen ɣef waṭas n tɣawsiwin.

6_ Axxam wis sin: D adeg anda tettwanɣa tmeṭṭut tamezwarut.

7_ Tazniqt: D adeg anda tettwanɣa tmeṭṭut tis-snat.

8_ Targa: D tin i d-yezgan zdat n lkazirna, daɣen anda i tettwanɣa

tmeṭṭut tis tlata.

3.2.3 Akud:

Imataren n wakud i d-yeddan deg tullist-agi, d wid i d-yemmalen belli

ineḍruyen n tullist-agi mačči deg tmetti taqbaylit i d-ḍran, amedya:

1_ Yiwen n wass di tefsut, deg yiḍ n ttraḍ amaḍal wis-sin: Yemmal-d

akud melmi iɛreḍ uqettal ad ineɣ tameṭṭut tamezwarut deg uxxam-is.

2_ Ass n 03 Mayu deg tafrara: D ass ideg tettwanɣa tmeṭṭut

tamezwarut.

3_ Ass n 09 Mayu deg tafrara: D ass n tmenɣiwt n tmeṭṭut tis snat.

Am wakken daɣen ad naf amyaru issexdam aṭas n yimerna n wakud

mi d-yettmeslay ɣef yineḍruyen n tullist-agi, amedya: Ass-nni, deg tallit,

azekka-nni, ɣer tmeddit, deg teswiɛt-nni, yiwen wass.


52

3.2.4 Aglam:

Tullist-agi “Ababat d mmi-s”, am nettat am tullisin nniḍen, yella-d

deg-s uglam, ama d win n tigawin ama d win n yiwudam.

A-Aglam n tigawin:

_ Ameddakel-nni-ines immazeḍ yexneq-itt.

_Tefka-as kra n yiceqqiren, syin teɛna tanawalt tegla-d s waman

tesmar-iten ɣef wudem n tmeṭṭut-nni.

_Imir kan refden tameṭṭut-nni ɣer sbiṭar anda tḥeqqen s tmettant-is.

_Syin uɣalen nudan acu akk texdem tmeṭṭut-nni iḍelli-nni.

_Sitaw, ababat yerza ɣer lkazirna.

_Sitaw yeɛna imḍebbren n lkazirna, iccetka ɣef Cacnaq.

C-Aglam n yiwudam:

_Amgerḍ n tmeṭṭut izegzew.

_Aqettal ɣezzif nezzeh.

_Aqettal rqiq nezzeh.

_Tameṭṭut-nni icebḥen aṭas.

_Cacnaq yeḥrec aṭas di lakul.

_Cacnaq d baba-s ttkacbin nezzeh.

3.2.5 Tadiwennit:

Deg tullist-ag,i tadiwennit ur telli ara deg tegnit n tazwara, maca deg

tegnit tis snat, gar yiwudam mi bdan yineḍruyen ttnernin, amedya:


53

1-Tadiwennit yellan gar Sitaw akked Cacnaq:

Sitaw: Nnan-iyi-d tessuguteḍ tissit n ccrab. !

Cacnaq: D askerkes i skerkisen fell-ak.

Sitaw: Ur yi-d-nnan ara akka armi d tidett.

Cacnaq: Mačči nekk kan i itessen ccrab.

Sitaw: Acuɣer i tuɣaleḍ d adɣer ɣef tissit. ?

Cacnaq: Acu ara txedmeḍ nniḍen deg tmurt-a. ?

2-Tadiwennit yellan gar Sitaw d umddakel n mmi-s:

Sitaw: Acu tettxemmimeḍ ɣef mmi ? Ma ur d-yelli umaynut. Ma yella

ur yenbeddal ara ?

Aɛsekri: Limmer mačči d taluft-a n tmenɣiwt n tullas, ur yenbeddal

kra deg-s.

3.2.6 Iwudam:

Ma nuɣal ɣer yiwudam n tullist « ababat d mmi-s » ad naf:

A-Iwudam igejdanen:

1_ Sitaw: D baba-s n Cacnaq, lḥirfa-s d amzenzu, yewɛer deg uxeddim,

maca ḥnin. Yezweǧ yesɛa tlata n warrac, yiwen d Cacnaq. Iḥemmel Cacnaq

yettiḥnin fell-as, yesteqsay ɣur-s yal ass. Asmi icukk belli mmi-s d aqettal

yenna yif ad yeddez tasa-s fell-as, wala ad t-yeǧǧ deg berra ad yernu ad ineɣ,

yekker yeccetka fell-as ɣer yimḍebbren n lkazirna.

2_ Cacnaq: D mmi-s n Sitaw. Yeḥrec aṭas deg lakul, yewwi-d aserhu

asmi yessaweḍ 18 n yiseggase. Yella d axeddam deg tḥanutt deg temdint n


54

New York, yuɣal iruḥ ɣer lɛesker. Mi d-yufa iman-is d awḥid yerra-tt i tissit

n ccrab.

B-Iwudam isnaniyen:

1_ Tameṭṭut 01: D tameddakelt n uɛsekri aqettal. D nettat i d

tamezwarut i iɛreḍ ad ineɣ, maca ur yessaweḍ ara ɣer lebɣi-s. D nettat i d

ssebba n tmettanin nniḍen i d-yeḍran, acku limmer teccetka i yibulisen ɣef

uɛsekri tili tadyant ur tettaweḍ ara akka.

2_ Taǧarett: D nettat i d-iselken tameṭṭut gar yifassen n uqettal, acku

mi-tt-iwala yerwel. D nettat i d-yerran tameṭṭut-nni ɣer ddunit, tefka-as kra

n yiceqqiren, tesmar-as aman ɣef wudem-is akken ad d-taki.

3_ Aqettal: D yiwen seg lɛesker n Lmarikan, d netta i inɣan tlata n

tlawin-nni, yesker ẓẓuc deg temdint.

4_ Anehhar: D netta i yufan tafekka n tmeṭṭut tamezwarut i

yettwanɣan deg uxxam-is, yessawel i yibulisen, am wakken daɣen i d-

icehhed belli aqettal d yiwen seg lɛesker.

5_ Ibulisen: D nutni i yewwin tameṭṭut tamezwarut ɣer sbiṭar, anda i

tḥeqqen s tmettant-is. Ttnadin ad d-afen aɛsekri aqettal.

6_ Tameṭṭut 02: Isem-is Lǧida, tesɛa 40 n yiseggasen deg lɛemr-is. D

tameṭṭut tamezwarut i yenɣa uɛsekri.

7_ Aselmad: D netta i ixebbren Sitaw belli Cacnaq ur yezmir ara ad yili

d aɛsekri yelhan, imi yessumes iman-is s tissit n ccrab d udebbez akked

yimerẓi.

8_ Tameṭṭut 03: Tesɛa 32 n yiseggasen deg leɛmer-is. D tameṭṭut tis

snat i yettwanɣan.


55

9_ Arfiq n Cacnaq: D arfiq n Cacnaq deg texxamt. Yeskerkes ɣef Sitaw

asmi i d-iger fell-as lbaṭel belli d netta i yenɣan tilawin-nni.

10_ Tameṭṭut 04: D tameṭṭut tis tlata i yettwanɣan.

S umata, d wigi i d iwudam i d-yeddan deg tullist n ubabat d mmi-s, d

wigi iɣef zzin yineḍruyen n tullist seg tazwara armi d taggara.


56

3_ Allen n tayri:

3.3.1 Tutlayt:

Tutlayt i yessexdem umyaru akken ad d-yessenfali ineḍruyen n tullist-

agi d tin i isehlen, tettwafham, awalen-is d wid yessexdam umdan yal ass.

Ad tt-naf tusa-d s wudem usrid, anda ad teɣreḍ tafyirt ad tfehmed

lmeɛna d lmeqsud n umyaru seg-s, acku s lemḥadra i yettextiri awalen-is,

anda ad ten-naf d awalen fessusen maca ččuren d lemɛani.

Akken nwala, tutlayt n umyaru d tin yeṣfan, texla seg wawalen

ijenṭaḍen.

Tutlayt deg tullist-agi tettbeggin-d belli timetti d taqdimt, tudert i

ttidiren yiwudam deg-s d tamensayt. Nɛut i d-yemmalen ayagi d awalen i d-

yeddan deg uḍris, ad naf: Taddart, tizenqatin n taddart, axxam ɣur-s sin n

leqrun segmi yebna, tikeddanin ur d-zgint ara di lqis, lkanun, ifellaḥen yiwet

n tḥanutt i tekseb taddart.

3.3.2 Adeg:

Deg tullist-agi “Allen n tayri” ttwabedren-d aṭas n yimukan, anida i

ḍran yineḍruyen ad naf:

1_ Taddart: D adeg anda ḍran yineḍruyen n teqṣiṭ s umata. D adeg

anda tezdeɣ Jeǧǧiga d ultma-s, d wid akk tessen.

2_ Abrid: D adeg anda temlal Jeǧǧiga d Ɛmer i tikkelt tamezwarut,

anda i t-tufa yettwet ur yezmir ad yelḥu.

3_ Axxam n tlust n Jeǧǧiga: D adeg amenzu anda tewwi Jeǧǧiga Ɛmer

mi t-tufa yettwet, ɣer din i as-d-tewwi ṭṭbib iwala-t.


57

4_ Axxam n Jeǧǧiga: D adeg ideg tettidir Jeǧǧiga akked ultma-s. D adeg

anda yeqqim Ɛmer armi yeḥla.

5_ Taḥanutt: D adeg anda i d-tqeṭṭu Jeǧǧiga akked wat taddart, imi

ḥaca tin i sɛan d taḥanutt.

6_ Sbiṭar: D adeg anda i d-idiwa Ɛmer, armi i as-d-tuɣal tmuɣli.

7_ La gar n tmacint: D adeg anda i temlal Jeǧǧiga akked gma-s n Ɛmer,

asmi d-yusa ad as-d-yawi isallen n Ɛmer. D adeg anda i temlal Jeǧǧiga akked

Ɛmer mbeɛd mi ɛeddan ugar n tlata n wayyuren segmi msefraqen.

3.3.3 Akud:

Deg tullist-agi “Allen n tayri” ad naf ddan-d kra n yimerna n wakud i

d-yettbegginen anwa lweqt i ḍrant tigawin-is, ad naf:

1_ Iḍ: Yemmal-d lweqt i deg i tella Jeǧǧiga tettraju deg ubrid, d lawan

ideg i tufa Ɛmer i tikkelt tamezwarut deg ubrid. Ineḍruyen-agi d wid iḍran

deg ttnaṣif n yiḍ, amyaru yessefrez-iten-id s umernu n wakud: ddaw tziri.

2_ Ccetwa: D amernu n wakud i d-yusan s wudem arusrid, imi amyaru

ur d-yebdir awal “Ccetwa” deg uḍris, maca yefka-d kra n yimataren id-

yessebganen tasemgut-agi, amedya: Adfel yessaɣ tamurt, igenni yessules…

3_ 06 Dujember: Dass i deg-temlal Jeǧǧiga akked gma-s Ɛmer, mi d-

yusa ad as-d-yawi isallen ɣef gma-s, wa ad as-yini belli yebɣa ad tt-iẓer.

4_ Ssebt: D ass i deg i temlal Jeǧǧiga akked Ɛmer mbeɛd mi tɣab fell-as

ugar n 03 n wagguren.


58

3.3.4 Aglam:

Aglam deg tullist “Allen n tayri” d win i yellan seg tazwara armi d

taggara.

Ad naf tlata tewsatin n uglam: Aglam n yineḍruyen, aglam n tɣawsiwin

akked uglam n yiwudam.


- Aterras iga-d tili.

- Jeǧǧiga tḥebbes deg ubrid tettbijjiw.

- Yesred deg ubrid.

- Keččmen deg tzenqatin n taddart.

- Yeckenṭeḍ deg tayett-nni.

- Tegzem abrid tekka, seg tezniqt yellan deg ufrag.

- Tesfeḍ-as idammen.


- Tikeddanin weɛrent i usebbu.

- Taqwirt yellan deg ufrag, ideg ssaɣen yijeǧǧigen.

- Tawwurt teldi.

- Idammen qquren.

- Axxam yexla.

- Rrwaḍi n tkerrust ujaqent.

- Adfel yessaɣ tamurt.


59

- Igenni yessules.

C-Aglam n yiwudam:

- Jeǧǧiga tecmet.

- Allen tiẓerwalin n Ɛmer.

- Aqcic amelḥan.

- Tesbur aqefṭan, acebbub yerwi, allen gelment s yimeṭṭi.

3.3.5 Tadiwennit:

Deg tullist-agi, tadiwennit tella seg tazwara armi d taggara, amedya:

1-Tadiwennit yellan gar tṭbib akked Jeǧǧiga.

Ṭṭbib: Argaz-a yenṭer! Ansa i d-yekka?

Jeǧǧiga: Jemɛeɣ-t-id deg uzniq.

Ṭṭbib: D ta i wumi qqaren timexlelt. Niqal akka dili teglid yes-s ar

sbiṭar.

Jeǧǧiga: Amek yenṭer?

2-Tadiwennit yellan gar Ɛmer akked Jeǧǧiga:

Ɛmer: Dayen a Jeǧǧiga. Wwiɣ-d lexbar akka ara kemmleɣ ussan-iw, ur

zerreɣ. Dayen nziɣ.

Jeǧǧiga: Ur ttxemmim ara akka a Ɛmer. Ṭebbat nnan-d yeffeɣ ccek, ma

d nekk umneɣ ad tejjiḍ.

Ɛmer: Teskerkiseḍ fell-i.

Jeǧǧiga: Ṭṭebbat sefran fell-as zdat-i. Nnan-d anagar ḥellu ara teḥluḍ.


60

3-Tadiwennit yellan gar Jeǧǧiga d ultma-s:

Ultma-s: Acuɣer ur trecleḍ ara yid-s?

Jeǧǧiga: Isuter-iyi-d anect-a, maca ttraǧuɣ ad yeḥlu, ad t-id-tuɣal

tmuɣli. Assa d wa i d-aɣbel-iw kan.

3.3.6 Iwudam:

A-Iwudam igejdanen:

1_ Jeǧǧiga: D tameṭṭut i d-yesɛeddan aṭas n lmeḥna deg tudert-is.

Baba-s yemmut yeǧǧa-tt-id tettidir weḥdes deg uxxam, gar rebɛa leḥyuḍ,

amwanes-ines d tugdi. Jeǧǧiga tecmet, ɣur-s xemsa u tlatin n yiseggasen deg

leɛmer-is, d tigellilt, maca tesɛa lḥenna d rreḥma deg wul-is. Tejmeɛ ilemẓi-

nni tufa deg ubrid, tewwi-t s axxam-is tdiwa-t, tbedd ɣur-s armi yeḥla, ɣas

akken medden ur tt-qalen ara s tmuɣli d yimeslayen. Tḥemmel Ɛmer, tebɣa

ad tezweǧ yid-s.

1_ Ɛmer: D argaz i tufa jeǧǧiga deg ubrid yettwet yerna yedderɣel.

Ɣur-s xemsa u ɛecrin n yiseggasen deg leɛmer-is, d aɣezfan, yecbeḥ deg

ṣṣifa, anda i d-iɛedda tiqcicin ad ttmuqulent deg-s. Akud i d-isɛedda d

Jeǧǧiga yeǧǧa-t ad tt-iḥemmel, ɣas ur tt-yessin ur tt-yeẓri yiwwas deg

ddunit-is. D netta i iskecmen lferḥa s ul n tmeɣbunt-agi, yeɛmer fell-as

axxam.

B-Iwudam isnaniyen:

1_ Talust n Jeǧǧiga: D nettat i ildin tawwurt n uxxam-is i Jeǧǧiga asmi

d-tewwi Ɛmer i tikkelt tamezwarut. Tessawel i ṭṭbib ad idiwi Ɛmer.

2_ Ṭṭbib: D ṭṭbib n taddart yerna yeẓwer. D netta i idiwan Ɛmer deg

uxxam; am wakken daɣen i iweṣṣa Jeǧǧiga ad tessufeɣ seg uxxam, limmer ad

t-id-afen din ɣur-s yesred.


61

3_ At taddart: D wid yettmuqulen Jeǧǧiga s yir tamuɣli mi tejmeɛ

Ɛmer deg uxxam-is, imi ayen yeḍran akk ɣef lbal-nsen.

4_ Lal n tḥanutt: D tameṭṭut i ittɛassan taḥanutt tekseb taddart, mi d-

tqeṭṭu ɣur-s Jeǧǧiga, tettkettir fell-as asteqsi ɣef Ɛmer d wayen i ten-yezdin.

5_ Gma-s n Ɛmer: D netta i d-yettawin isallen n Ɛmer i Jeǧǧiga asmi

terwel fell-as tugi ad t-twali. D netta i ijemɛen gar-asen, iqenneɛ Jeǧǧiga belli

Ɛmer iḥemmel-itt, ur yezmir ara ad yidir ma ulac-itt yid-s.


62

4_ Timlilit deg ssilul:

3.4.1 Tutlayt:

Tutlayt yessexdem umyaru deg tullist-agi am nettat am tiyiḍ, d

tushilt, d tusridt, yal yiwen seg-neɣ yezmer ad tt-yefhem s yiwet n tɣuri.

Ayagi, acku amyaru yettextiri imeslayen ushilen i tɣuri, wid yesɛan lmeɛna,

ssawaḍen izen i yimeɣri akken iwata lḥal.

Ad naf amyaru deg tullist-agi yessemres kra n n wawalen ijenṭaḍen,

wid i d-yekkan seg tutlayt taɛrabt akked tefransist, amedya:

Yetthella: یتھال

Amrafeq: الرفیق

Timatrayitin: Les matriettes

Lbiru: Un bureau

Ssilulat: Les cellules

Ɣas akken amyaru yessemras awalen-agi n taɛrabt deg tutlayt-ines,

maca ɣur-s mačči d ijenṭaḍen, acku d wid i yessemras yal amdan aqbayli mi

yettmeslay, uɣalen kecmen deg tutlayt-nneɣ bla ma nfaq yes-sen. Ihi iswi n

umyaru deg usexdem n wawalen-agi, d asiweḍ n lmeɛna s tutlayt n yal ass.

3.4.2 Adeg:

Deg tullist-agi “Timlilit di ssilul”, ddan-d kra n yimukan i d-yemmalen

anda i ḍran yimeḍruyen akked tigawin, amedya:

1_ Tazniqt: D adeg anda i yewwet Belɛid argaz-nni i d-yusan ad

iḥewwes deg temenaḍṭ, yuker-as aṭezdam n yidrimen yerwel. Mḥend din i

yella iwala acu yeḍran, ula d netta yewwet Belɛid s aqerru isemlelli-t, yuker


63

aṭezdam-nni. D adeg anda yettwaṭṭef Mḥend s txeddimt-nni-ines, iruḥ ɣer

lḥebs.

2_ Ssilul: D adeg anda ttilin yimeḥbas, ttxelliṣen din ayen xedmen ama

d timenɣiwt neɣ d tukerḍa. D adeg anda yella neɣ d anda yettwaḥbes Mḥend

akked Belɛid. D adeg anda yennuɣ Mḥend akked Belɛid, d adeg anda i d-tban

tidett belli Mḥend ur yenɣi ara Belɛid, imi mazal-it yettidir.

3_ Annag n wadda: D adeg anda ttawin imeḥbas asmi ad nnaɣen neɣ

ad xedmen tadyant meqqren, imi amkan-a yewɛer ɣef wiyaḍ, deg-s ṭṭlam,

llaẓ… D adeg anda i gren yiɛessasen Mḥend akked Belɛid asmi nnuɣen.

3.4.3 Akud:

Akud deg tullist-agi d win yettnernin s unerni n tigawin

yettemseḍfaren, ad naf:

1_ Iḍ: D akud melmi i yewwet Belɛid amsebrid yerna yuker-it. D akud

melmi i yewwet Mḥend Belɛid daɣen ula d netta yuker-it, am wakken daɣen

i yella d akud melmi i ittwaṭṭef Mḥend ɣer lḥebs.

2_ Tlata n wagguren: D akud i isɛedda Belɛid zdaxel n wannag wadda.

3_ Tmanya n wagguren: D akud i isɛedda Mḥend deg wannag wadda.

4_ Setta n yiseggasen: D akud i isɛedda Mḥend deg ssilul.

3.4.4 Aglam:

Aglam deg tullist-agi “Timlilit deg ssilul” d win i yellan s waṭas, ad naf:

A-Aglam n tigawin:

- Mḥend yettuɣal ɣer deffir.

- Belɛid yeṭṭef taqernit.

- Asuɣu yettfukti.


64

- Yecneq tamitrayit ɣer yidis-is.

- Yuzzel-d, ineggez ɣer yiḍarren n uɛessas.

- Idemmer ameḥbus ɣer zdaxel.


- Deg wannag wadda, llant setta n ssilulat.

- Tafat ulac.

- Awexmi yessaɣ tiɣemmar.

- Lḥebs-a yebna acḥal aya.

C-Aglam n yiwudam:

- Imagen kemcen.

- Allen jexrent ɣer zdaxel.

- Amrafeq immug am wuccen.

- Tanzarin nnejbadent ɣer zdat.

- Mḥend yuɣal am lexyal.

- D amexlul.

- Yekref.

3.4.5 Tadiwennit:

1-Tadiwennit yellan gar uɛessas akked Mḥend:

Aɛessas: Wa Mḥend! Ata nerna-ak-d amrafeq!

Mḥend: Ur ḥwaǧeɣ ara amrafeq.


65

Aɛessas: Timeslayin-agi ini-tent i unemhal! Neɣ tenwiḍ tekriḍ taxxamt

iman-ik ? Llant da xemsin n ssilulat, ma d imeḥbas llan mya u-rebɛin, af-as-d

kečč tura tifrat!

2-Tadiwennit yellan gar Mḥend akked unemhal:

Mḥend: Zemreɣ ad meslayeɣ?

Anemhal: Meslay-d, acu tesɛiḍ ad tiniḍ?

Mḥend: Nekk, ur xdimeɣ kra ay anemhal.

Anemhal: Ur texdimeḍ ara kra? Amek isem-ik a wa teɣleḍ teɣdemt?

Mḥend: Mḥend, ay anemhal.

Anemhal: Iwimi i d-tkecmeḍ ɣer lḥebs?

3.4.6 Iwudam:

A-Iwudam igejdanen:

1_ Mḥend: D yiwen seg yimeḥbas yellan deg ssilul, yettxelliṣ ayen ur

yexdim. Yekcem ɣer lḥebs acku ɣilen-t yenɣa yiwen urgaz, maca tuɣal tban-

d tidett, argaz-nni i iɣil ula d netta yenɣa-t yeffeɣ-d d amuddir, ur yemmut

ara, yernu d amrafeq-is deg ssilul. D netta i iwten Belɛid ifeddex-it, yuker-as

aṭezdam n yidrimen.

2_ Belɛid: D win i yewten amsebrid-nni aḥewwas, yuker-as aṭezdam n

yidrimen. D amrafeq n Mḥend deg ssilul. Icehhed-d d akken Mḥend yewwet-

it ur t-yenɣi ara.

B-Iwudam isnaniyen:

1_ Aɛessas: D win i yettɛeddin ɣef ssilulat deg yal lawan yessefqad i

yimeḥbas. Yewwi-d Belɛid ɣer ssilul anda yella Mḥend.


66

2_ Anemhal: D netta i yeṭṭfen tanmehla n lḥebs, d netta i yettḍebbiren

ɣef yal taɣawsa ara yeḍrun deg lḥebs. D netta i yesmuzegten i teqsiṭ n

Mḥend, yessaweḍ-itt ɣer uxxam n teɣdemt.

3_ Aɣella n yiɛessasen: D netta i yettrayen ɣef yiɛessasen n lḥebs.

4_ Inẓurfa: D wid i iɛawden tamuɣli deg taluft n Mḥend akked Belɛid,

beggnen-d belli Mḥend ur yenɣi ara Belɛid.

5_ Aɛessas nniḍen: D netta i d-yeẓẓuɣren Mḥend ɣer wannag wadda,

yefka-as tiyita yessemlellit.


67

5_ Tayri tawessart:

3.5.1 Tutlayt:

Tutlayt yessexdem umyaru deg tullist d tafessast, d tusridt, d tushilt, d

tin i ttmeslayen yimdanen yal ass, teččur d lemɛani, ifehhem-itt ama d win

yeɣran ama d win ur neɣri, ama meẓẓi ama meqqer.

Am wakken nettwali, aṭas n yimyura abeɛda wid n tallit-agi i

issemrasen kra n wawalen ijenṭaḍen deg tira-nsen, ama d wid n taɛrabt ama

d wid n trumit. Ayagi ssebba-s d amxaleḍ yellan gar yimdanen d umbiddel n

tmussniwin.

Awalen ijenṭaḍen i d-yeddan deg tullist-agi d wid i d-yekkan seg

tutlayt taɛrabt, amedya:

Lqanun: القانون

Liɛana: اإلعانة

Awalen-agi, deg kra n temnaḍin kecmen deg umawal n tutlayt

taqbaylit i ttmeslayen yimezdaɣ-nsent, rnu ɣer waya beddlen-asen talɣa,

armi nuɣal ur nferreq ara ma d taqbaylit neɣ d taɛrabt.

Ma nuɣal-d ɣer lemtul, ad naf d akken amyaru yessemres kan yiwen:

_ Ameyyez yezwar aneggez

3.5.2 Adeg:

Deg tullist-agi ad d-naf kra n wawalen i d-yemmalen adeg anda ḍrant

tigawin, amedya:

1_ Taddart: D adeg anda ḍrant tigawin n tullist s umata, am wakken

daɣen i yella d adeg anda yezdeɣ Maǧer d Selma. Taddart-a tebḍa ɣef sin

leɛrac: Imrabḍen akked Leqbayel.


68

2_ Axxam n Maǧer: D adeg anda yettidir Maǧer akked yimawlan-is,

aṭas n lḥif i d-isɛedda deg uxxam-agi.

3_ Axxam n Selma: D adeg anda tettidir Selma akked yimawlan-is

imrabḍen.

4_ Fransa: D adeg anda ijaḥ Maǧer asmi yella d ilemẓi. Din i izweǧ d

trumit yesɛa-d yid-s dderya.

3.5.3 Akud:

Yal amyaru mi ara ad yaru tullist-is, yessexdam deg-s akud akken ad

d-ibeggen melmi ḍrant tigawin.

Deg tullist-agi “Tayri tawessart”, ur d-ddin ara aṭas n yimataren n

wakud, ad naf kan:

1_ Tafrara n wass: D akud i d-yemmalen melmi yeffeɣ Maǧer deg

uxxam akken ad iruḥ ɣer Fransa.

2_ Xemsin n yiseggasen: D amatar i d-yemmalen acḥal n lweqt i

iɛeddam seg-mi ijaḥ Maǧer, akked lefraq-is netta d Selma.

Ad naf deg tullist-agi yiwen umernu n wakud i d-yusan s wudem

arusrid:

_“asemmiḍ yezlez”, yesɛan anamek n ccetwa.

3.5.4 Aglam:

Yal tullist yella deg-s uglam s leṣnaf-is: Aglam n tigawin d yineḍruyen,

aglam n yiwudam akked uglam n tɣawsiwin, win i yettɛawanen imeɣri

akken ad d-yessugen ayen akk yellan deg tullist.

Aglam deg tullist-agi “Tayri tawessart” d win ur neṭṭuqqet ara s waṭas.


69

A-Aglam n tigawin:

- Selma truḥ ad ttḥewwes nettat d Maǧer.

- Mi d-tuɣal.

- Testeqsa-tt yemma-s.

B-Aglam n yiwudam:

- Selma d yelli-s n umrabeḍ.

- Fell-as ɛecrin n yiseggasen.

- Temleḥ nezzeh.

- Maǧer d ilemẓi.

3.5.5 Tadiwennit:

1-Tadiwennit yellan gar Selma akked yemma-s:

Ǧuher: Nniɣ-am ansa i d-tuɣaleḍ?

Selma: Lliɣ tḥewwiseɣ deg yigran.

Ǧuher: D Maǧer?

Selma: Ih

2-Tadiwennit yellan gar Maǧer d yimawlan-is:

Imawlan: Ansi i d-tekkiḍ a mmi?

Maǧer ihuz tuyat-is.

Imawlan: Telliḍ d Selma?


70

3.5.6 Iwudam

A-Iwudam igejdanen:

1_ Selma: D yelli-s n umrabeḍ, d tamerkantit, tḥemmel Maǧer seg

temzi-s.

2_ Maǧer: D mmi-s n ugellil, iḥemmel Selma seg temẓi-s. Ijaḥ ɣer

tmurt n Fransa, yuɣ tarumit, asmi yesɛa 70 n yiseggasen yuɣal ɣer taddart-

is, yezweǧ d Selma.

B-Iwudam isnaniyen:

1_ Imawlan n Selma: D imrabḍen, sɛan cci, ayen iten-yeǧǧan ad agin

tayri n Maǧer akked yelli-tsen Selma acku d igellil.

2_ Imawlan n Maǧer: D igellilen, tweṣṣin mmi-tsen ad yettixer i Selma

imi ẓran ur t-id-ttṣaḥ ara.

3_ Ǧuher: D yemma-s n Selma.

3_ Tarumit: D tameṭṭut n Maǧer deg Fransa.

4_ Muḥend: D mmi-s n Maǧer, yettidir deg Fransa.


71

6_ Taddart-iw:

3.6.1 Tutlayt:

Tutlayt yessexdem umyaru deg tullist-agi d tushilt, d tusridt, d tin i

nettmeslay yal ass. Fessus-t, fehhmen-tt akk yimdanen acku teččur d

lemɛani.

Amyaru deg tullist-agi, yessexdem kra n wawalen ijenṭaḍen i d-

yekkan seg tutlayt taɛrabt akked tefransist, ad naf :

Tterbiya : التربیة

Twella : تولت

Ameṣruf : المصروف

Ssuq : السوق

Lakul : l’école.

Lluzinat : Les usines

Amyaru yessemres kra n lemtul, amedya

- Bedd ad twaliḍ, qim ulac.

- Yugar aggur acrireq.

Ma yella nuɣal-d ɣer yiwen n ttawil n ccbaḥa, win ur nettaf ara deg

tullisin nniḍen, am tmedyazt, i yellan deg tullist-a.

3.6.2 Adeg:

Deg tullist-agi, ad naf aṭas n wawalen i d-yemmalen adeg anda i ḍrant

tigawin, amedya:

1_ Tamdint: D adeg anda tettidir Tiziri akked twacult-is.


72

2_ Taddart: D taddart n lejdud n Tiziri, tessaram ad tt-id-tẓur yiwen

wass.

3_ Lakul: D aɣerbaz anda teqqar Tiziri.

4_ Idurar: D wid i d-yezzin i tudrin.

5_ Axxam n Tziri: D adeg anda tettidir Tiziri akked twacult-is.

3.6.3 Akud:

Deg tullist-agi “Taddart-iw”, ddan-d yimataren i d-yemmalen melmi

ḍran yineḍruyen, ad naf:

1_ Zik: D amatar i d-yemmalen melmi teḍra tullist-agi.

2_ Acḥal d aseggas: D amatar i d-yemmalen d akken tawacult n Tiziri

acḥal aya ur truḥ ɣer taddart.

3_ Iḍ: D amatar i d-yemmalen melmi i truḥ Tiziri ɣer taddart.

4_ Iḍ yeḥma: D amatar i d-yemmalen d akken tullist teḍra deg unebdu.

3.6.4 Aglam:

Deg tullist-agi, yedda-d s waṭas weglam n yiwudam akked tɣawsiwin.

A-Aglam n tɣawsiwin:

- Itri n zzher d ameqqran.

- Yettcuɛu-d mebɛid.

- Tignewt teṣfa.

- Afeǧǧeǧ n tziri yessaɣ yal tiɣmert.


73

B-Aglam n yiwudam:

- Tiziri d tamaẓuẓt n uxxam.

- D tilemẓit, tecbeḥ, temleḥ.

- Udem-is d imdewwer.

- Allen-is d tizerqaqin.

- Acebbub yegzem.

- Setta n yiseggasen deg ticett-is.

- Tetturebba mliḥ.

- Teḥrec di tɣuri.

3.6.5 Tadiwennit:

D tin yeggten deg tullist-agi, amedya:

1-Tadiwennit yellan gar Tiziri d yemma-s:

Tiziri: A yemma ayɣer i sseqdacen wat taddart akit-nsen zḍan s ufus?

Yemma-s: Deg tudrin yezgan deg yidurar-nneɣ ulac lluzinat, yerna

drus lɣaci i yellan.

Tiziri: Ihi medden irkell ɣur-sen tamurt.

Yemma-s: Ih, tugett n lɣaci ɣur-sen tamurt.

2-Tadiwennit yellan gar Tziri d yitri n zzher:

Itri n zzher: Tebɣiḍ ad kem-awiɣ nekk ɣer taddart?

Tzemreḍ: i as-tenna Tiziri.


74

3.6.6 Iwudam:

A-Iwudam igejdanen:

1_ Tiziri: Fell-as akk i tezzin yineḍruyen n tullist. D taqcict i

yessaramen ad truḥ ɣer taddart-is ur teẓri deg leɛmer-is.

B-Iwudam isnaniyen:

1_ Amɣar: D awessar deg leɛmer, yusa-d seg taddart ɣer temdint anda

tettidir Tiziri, imi d netta i as d-ixedmen assirem-agi akken ad truḥ ɣer

taddart-is.

2_ Imawlan n Tziri: D wid yeǧǧan taddart-nsen, ruḥen zedɣen deg

temdint.

3_ At taddart: D imdanen i issnen azal n yinebgi, streḥben s Tiziri mi

truḥ ɣer taddart-is, ferrḥen yis-s.


75

7_ Agellid n yimelḥanen:

3.7.1 Tutlayt:

Ma nuɣal ɣer tutlayt yessexdem umyaru deg tullist-agi, ad tt-naf d

tushilt, d tusridt, win ad tt-yeɣren ad yefhem awalen-is akked lemɛani-ines

srid.

Awalen yessexdem umyaru d awalen i ssemrasen yimdanen deg

tutlayt n yal ass, fessus-it yerna ččuren d lemɛani.

Amyaru deg tullist-agi yessexdem kra n wawalen i d-yessebganen d

akken timetti ideg teḍra d tin n zik, wid yecban: Agellid, tiɣremt, aqeddac,

tukksa n uqerruy.

3.7.2 Adeg:

Am wakken neẓra deg yal tullist, amyaru yettader-d aṭas n yimukan

anida d-ḍran yineḍruyen, yal amkan swayes yettwassen.

Imukan i d-yeddan deg tullist “Agellid n yimelḥanen”:

1_ Tamurt n ugellid: D adeg anda i d-ḍran yineḍruyen n tullist s

umata. Deg-s i tella tgelda n ugellid i iḥekkmen s ẓẓur ? Deg-s i zewǧen sin

yilmeẓyen-nni sɛan-d taqcict-nni i ibeddlen tudert-nsen.

2_ Tizenqatin n tmurt: D adeg anda yettruḥu ugellid yal ass, itezzi din,

yessikkid ma ad yaf yiwen seg yimezdaɣ yecbeḥ, dɣa mi ten-yufa lufḍan

cemten, ad yebdu azuzer n yedrimen fell-asen.

3_ Tagelda: D adeg anda yettidir ugellid akked yixeddamen-is.

4_ Agelmim yellan deg teẓgi: D adeg anda yessared yilemẓi akked

tlemẓit ilefḍan-nsen, dɣa mi mwalan, mseɛǧaben dɣa zewǧen s tuffra.


76

5_ Axxam: D adeg anda myezwaǧen sin n yilmeẓyen, uɣalen ttidiren

deg-s, sɛan-d Taxnanast.

3.7.3 Akud:

Akud deg tullist-agi ibeggen-d d akken ineḍruyen-is llan deg lweqt-

nni ideg ḥekkmen yigelliden, deg zzman aqdim. Nɛut i d-yettbegginen aya:

Zik n zik, agellid.

1_ Zik n zik: D amtar i d-yemmalen d akken zzman ideg-teḍra tullist-a

d aqdim mliḥ.

2_ Yiwen yiḍ: D akud i d-yemmalen melmi i mlalen sin yilmeẓyen deg

lɣaba, sarden ilefḍan-nsen dɣa mi mwalan myeɛǧaben.

3_ Ass n tlalit n Texnanast: D ass anda yerza ugellid ɣer uxxam n

teqcict akken ad asen-tt-isserbeḥ i yimawlan-is wa ad asen-yawi tarzeft. Deg

wass-nni yeggul ugellid ad ineɣ taqcict mi tt-iwala tecbeḥ. Am wakken

daɣen i yella d ass ideg ibeddel ugellid, yuɣal d amdan yelhan, teffel-d temlel

ɣef wul-is, yuɣal ḥnin, iḥemmel agdud-is.

3.7.4 Aglam:

Deg tullist-agi, aglam d win yellan s waṭas. Ad naf aglam n yineḍruyen,

aglam n tɣawsiwin akked yiwudam.


- Iruḥ yiwen umezdaɣ n tmurt.

- Yessikkid deg yitran yessaɣen igenni.

- Itezzi deg tzenqatin n tmurt.

- Ad yebdu azuzer n yidrimen.

- Gulu ad yuɣal ɣer teɣremt-is.


77


- Itran ssaɣen igenni.

- Lqecc i icemten.

- Abernus ɣezzif.

- Aserwal s tfawtin.

C-Aglam n yiwudam:

- Agellid yecbeḥ.

-Yewɛer nezzeh.

- Acebbub yexreb.

- Imezdaɣ n tmurt zelgen.

- Tafat deg wudem n Texnanast, tecba tin n tziri.

- Iqeddacen i s-d-yezzin teṭṭef-iten tawla, tuɣmas-nsen ṭṭerḍiqent,

tafekka tettergigi.

- Aṭufan-nni yecbeḥ, yemleḥ dayen kan.

3.7.5 Tadiwennit:

Deg tullist-agi, tadiwennit ur telli ara s waṭas. Ad tt-naf deg tegnit tis

snat, amedya:

_ Tadiwennit yellan gar ugellid akked uxeddam-is:

Agellid: Ɛni deg nniya-k yezmer ad yili yiwen yif-iyi deg ccbaḥa?

Axeddam: Amek akka ay agellid? Annect-a d awezɣi, ur yezmir ad k-

yif yiwen deg ccbaḥa. Yiwen ur yezmir ad yekseb ccbaḥa nnig-k. Yal ass

iɛeddan ccbaḥa-k tettfeǧǧiǧ.


78

Agellid: Akka i k-qqareɣ. Atan trebḥeḍ-d isurdiyen, ax. Azekka ma

yehwa-ak, uɣal-d ad turareḍ da, abrid yeldi.

3.7.5 Iwudam:

A-Iwudam igejdanen:

_ Agellid: D agellid n tɣerma, yecbeḥ nezzeh, deg-mi ad d-yekker zdat

n lemri. D amesbaṭli, yezreɛ lxuf d tugdi deg ulawen n yimezdaɣ n tɣerma

akken llan. Ur iqebbel ara ad d-iban win icebḥen zdat-s, maca deffir n

wudem-agi n umesbaṭli, yella wudem nniḍen yeffren tayri d leḥnana akked

wafrayen yelhan zeddigen i wegdud-is. Yuɣal iteddu lebɣi i yemdanen, anda

bɣan yessaweḍ-iten, iɛawen-iten, yezga ɣer yidis-nsen.

B-Iwudam isnaniyen:

1_ Axeddam: D aqeddac n ugellid, d netta i as-d-yettawin isallen n

tɣerma i ugellid d wayen akk i iḍerrun deg-s.

2_ Argaz: D bu tebɣest, d amezwaru i irẓan awal n ugellid, yessared

ilefḍan-is iban-d yecbeḥ nezzeh.

3_ Tameṭṭut: D tamenzut i yerẓan awal n ugellid, tekkes lxuf d ukukru,

tessared ilefḍan-is, tban-d ccbaḥa-s i ifazen.

4_ Imezdaɣ n tgelda: D wid yettagaden agellid-nsen. Aṭas n lbaṭel

akked temḥeqranit i iɛeddan fell-asen, tmeḥnen, uɣen awal n ugellid,

ṣebren, maca ɣer taggara tban-asen-d tafat, uɣalen zhan, ḥlan wulawen-nni-

nsen i ihelken seg wurfan, uɣalen ḥemmlen agellid.

5_ Aɛsekri: Ixeddem ɣer ugellid, ula d netta d yiwen deg wid i t-

yettagaden. Ɣas ḥnin maca ilaq ad yaɣ awal n ugellid mi t-iweddeɛ ad ineɣ

Taxnanast.


79

6_ Taxnanast: D agummu n tayri yezdin gar sin yilmeẓyen

yemḥemmalen, yemyezwaǧen s tuffra. Talalit-ines deg tazwara d tin i d-

izeɛfen agellid, tegla-d s lxuf i yimezdaɣ n tgelda, am wakken daɣen i tella d

lfal lɛali fell-asen, imi d nettat i izerɛen rreḥma, leḥmala akked tayri deg wul

n ugellid, tessemneɛ-d imawlan-is akked ugdud akken ma yella seg lmut

akked reffu n ugellid.

Tagrayt tamatut

Tagrayt

81

Tagrayt

Ɣer taggara n tezrawt-agi, iban-aɣ-d belli tullist ur temxallaf ara ɣef

tewsatin nniḍen n tsekla, am umezgun neɣ ungal. Ayagi iban-aɣ-d mi

nexdem tasleḍt i tullisin-agi, anda ad tt-naf ula d nettat tettawi-d ɣef waṭas

n yisental akked temsal yettidir umdan deg tudert-is n yal ass, ama d ayen

yelhan, ama d ayen n diri. Rnu ɣur-s tesɛa aṭas n yiferdisen ilsasiyen iɣef

tebna, ad naf deg tazwara:

Iwudam igejdanen akked yisnaniyen, wid yesselḥayen ineḍruyen

akked tigawin, llan gar-asen wid yessekrasen tilufa, llan wiyiḍ ttafen-d

tifrat.

Tutlayt deg tullist taqbaylit s umata tettas-d d tushilt, d tusridt,

amyaru ur yessexdam ara deg-s inumak akked lemɛani uffiren, acku tawsit-

agi ur teḥwaǧ ara aya, imi d tin i d-yettawin ɣef tidett akked tilawt n umdan,

ɣef waya i ilaq ad d-tas d tusridt. Tikkal amyaru yessemras deg-s kra n

yinzan d lemɛun n teqbaylit, akken ad yessicbeḥ tutlayt, wa ad d-yefk yes-

sen udem n tmetti taqbaylit.

Adeg deg tullist s umata, d win yellan deg tillawt. Yezmer ad yili

mucaɛ, ssnent akk medden, yezmer ur t-tissinen ara. Adeg yettnerni ilmend

n unerni n tigawin, imi skud ttnernint tigawin akked yineḍruyen n tullist,

tbanen-d yimerna n wadeg imaynuten.

Yal amernu n wakud ad d-yeddun deg uḍris, ad naf yesɛa ineḍruyen i

d-yeḍran deg-s, imi tigawin akk cuddent-d ɣur-s.

Aglam deg tullist, yesɛa tlata tewsatin, ad naf : Aglam n tigawin d

yineḍruyen, aglam n tɣawsiwin akked uglam n yiwudam.

Am waakken daɣen ad naf adiwenni yettcuddun ineḍruyen n tullist

wa ɣer wa, yettak-as udem n tillawt.

Tagrayt

82

I wakken ad nessiweḍ ad nexdem tazrawt-agi, yessefk fell-anteɣ deg

tazwara ad nɣer idlisen akked tezrawin i d-yettawin ɣef tewsit-agi n tsekla,

akken ad nẓer d acu-tt seg tbadutin i as-fkan yimyura akked yinagmayen i

iqedcen fell-as, akked tulmisin iɣef tebna. S yin neddem-d ammud-agi n

tullisin “Allen n tayri” nexdem-as tasleḍt, nbeggen-d d acu-tent tulmisin

iɣef tebna yal tullist. Ɣer taggara nufa d akken amyaru-agi iquder tulmisin

timuta iɣef i ilaq ad tebnu tullist taqbaylit.

Ɣer taggara, ad d-nini tullist taqbaylit ɣas mačči aṭas aya seg-mi d-

tban, maca ur txulef ara tullist tagraɣlant seg tama n tulmisin, ɣas akken

taneggarut-a aṭas aya seg-mi d-tban.

Amud n tullisin

« Allen n tayri »

Ammud n tullisin « Allen n tayri »

84

Tamawt:

Amud-agi n tullisin “Allen n tayri”, temxallaf tira-s cwiṭ ɣef tira n

tmaziɣt tamirant, ɣef waya it-neǧǧa akken i yella, ur as-nbeddel ara.


85

AMSEBRID

_Le vegabond_

P. Ballemare - J. Antoine

« Les dossiers extraordinaires »

Yiwet n temɣart teẓleḍ, tezdeɣ berra i taddart, yeɛna-tt-id yiwen n

wemɣar, isuter deg-s ad tesnes-it.

Deg yiḍ, amɣar-nni yenna i temɣart : « Axx, jmeɛ-iyi takemmust-

a,…Ma yeḍra kra yid-i, jmeɛ-iten i kem. »

Tamɣart-nni, mi tfaq takemmust-nni d tadrimt i teččur, tenɣ amɣar-

nni.


86

Ḥmana abulis d ufellaḥ, dduklen akken. Abrid zdaxel n umadaɣ.

Lǧerrat i d-yettaǧgâ usebbaḍ n Ḥmana ttbinent-d d azgen zdat n tid i d-

yettaǧga aḍar n ufellaḥ-nni, yeṭṭafar. Adfel deg tamnaḍt-a n tmurt yegget,

yettsiɣ-itt aṭas, anda tesakdeḍ allen ad mlilent temlel.

Nnig n tregwa, i d-yettlalen s wedfel yefsin, ttengayen tmiqwa deg

wafriwen n yisekla.

Afellaḥ-nni yeḥbes iwehha ɣer yiwet n tama s uḍaḍ-is, yeldi imi-s, d

afermuc, yenna :

_ Wali…dihin.

Abulis iwala ɣer tama n wadda anda iwehha ufellaḥ.Tella dinna yiwet

n terbaɛt n yirgazen, zzin-d i tmesssaɣen deg lkanun, ttraǧun.

Ḥmana icerreɛ iḍarren-is irs ɣer lqaɛa yeḥnunef akken armi d terbeɛt-

nni. Anagar yewweḍ, izul fell-asen, s iḍaḍ-is yessuli acemma tacacit s-d-

yezgan ɣef wallen-is.

« Azul fell-awen, ay imeddukal. »

Din din Ḥmana yekna ɣer wemdun i d-ɣzan : iwala ɣer zdaxel, yufa

tafekka teḍreḥ din.

« Drus aya segmi yella da. I sen-yenna.

_ segmi yefsi wedfel, i t-d-yessefhem yiwen deg yergazen-nni. Acku

mi ara yewwet wedfel da, s yiɣil ara d temlileḍ d wakal.

_tessnem argaz-a yemmuten ? »

Ɣas akken abulis yettmeslay s taḍsa deg yimi d taɣect ḥnin d

yifellaḥen-a, maca cukten yella kra, bdan ttemsikkiden gar-asen. Abulis,


87

tasertit neɣ ma tebɣan, da deg taddart, tugett wayen i d-yettelaḥaqen seg

temdint seg temdint rewwlen fell-as zun d ajeǧǧiḍ.

« Fehmeɣ. Ur t-tessinem ara. Ɛiwnem-iyi ad t-id-nessuffeɣ seg

wemdun-a. »

Mi d-tessulim afuḥḥu n yihwah ibda iserreɛ wid i s-d-yezzin. Ḥmana

yejmeɛ-d akk tazmert yesɛa, yeqleb aqerruy-is yerra nnefs, yebren-d ad iḥuf

leǧyub n tlaba yelsa wergaz yemmuten.

Amdan-a yemmuten d awessar, udem yekmec, tafekka mazal-itt tbedd

ur tekni ara. Aqerruy-is ɣer deffir ifelleq, ad twalem rsent fell-as aṭas n

tyitiwin s tɣawsa ẓẓayen qeṭṭiɛen am tgelzimt.

Talaba yelsa d tin n medden d tirni,zeddiqet, teḥma, yettbin-d d

amsebrid. Ḥmana yufa deg lǧib n umsebrid-nni atezdam ;yeldi-t yufa deg-s

lekwaɣeḍ.

Yekkes-d Ḥmana takkerḍ n tnekkit yufa, yeɣra-d i wiyiḍ isem yufa din.

Ifellaḥen-nni wehmen mi slani yisem i d-yeɣra ubulis.

Ḥmana yeǧǧa tekerrust-is deg wemḍiq-nni, iqeddem azal 400 n lmitrat

anda i d-yettbin yiwen n wexxam ;akken i d-ssfehmen ifellaḥen-nni, tezdeɣ

din yiwet n temɣart. Ar tura ur yeẓri acu t-yettraǧun din.

Iṭij ass-a yeɣqleb tagut, yessaɣ yal tama. Ḥmana abulis iḥulfa s wezɣal

gar tuyat-is am ufus l ayeslufay. Ass-a icuba ussan n tefsut, tudert tecceɛceɛ.

Yella usefru i d-yeqqaren « yiwen n wass n tefsut yif tlatin n wussan n

ḥertadem. »

Mi yewweḍ ubulis ɣer wexxam-nni, yefra d yiman-is ad yebdu

axeddim sya.


88

Isakked seg ṭṭaq ɣer daxel, iwala yiwet n temɣart tberrez tiɣerɣert.

Yezwi aluḍ i d-inetḍen deg sebbaḍen-is ɣer yiwen n wedɣeɣ, yedhem seg

usefreg ɣer daxel.

Ḥmana yeɛqel,segmi i d-yebda tikli ɣer wexxam-a,tamɣart-nni

tettwalleh-as-d, tettraǧu deg-s. Anagar yewweḍ ɣer tewwurt, iheyya-d

iman-is ad iseqreb, teldi-d temɣart tawwurt.yemlal-it-id. Teǧǧa abulis-nni

ɣer wemnar n tewwurt, tuɣalɣer tmesleḥt. Ḥmana, akken ibedd ɣer

tewwurt, yemla-yas acu-t, iheyya-d iman-is ad tt-yesteqsi : Acu txeddem,

amek tedder…

« Yemma Werdya selman? »

Tamɣart-nni tewhem amek yessen isem-is.Din din abulis yefhem :

_ D ifellahên i d-mlaleɣ d webrid-iw i yi-d-yemlan isem-im.

_ Acu tebɣiḍ ?

_ Ihin d kem i d Werdya Selman ?

_Ih d nekk, acu tebɣiḍ ?

_ Nekk, d abulis. Usiɣ-d ad kem-steqsiɣ.

Tamɣart-nni yellan tekna ɣer tɣerɣert tberrez, tbedd-d, tebren ɣur-s

tenna-yas :

« Kcem… »

Axxam yeɛmer anagar s kra yigerwazen, am netta am wexxam n yal

ameɣbun. Lkanun iqubel tawwurt, deg-s yessaɣ mirruj, tres fell-as tɣellayt,

zdat-s tellatezribt. Ɣer yiwet n tesga ters din yiwet n tkeddust n yesɣaren d

yiwet n teqdiḥt tebrek s wanbuxen. Ɣer yidis nniḍen, yella lmetred d yiwen


89

n ukufi d ilem, ɣer tɣalaṭ zdat n tewwurt yeffeɣ-d yiwen n yiggig ideg ɛelqen

kra n yiceṭṭiḍen.

Werdya, tamɣart-nni, tesres yimesleḥt teɛna yiwet n tqernit zdat

lkanun tuɣ amḍiq teqqim.

« Ussan yezrin, i s yenna Ḥmana. Yejba-d ɣur-m yiwen n wemsebrid. »

Allen tibei zṭuhin, n temɣart-nni, yellan zemment, ldint-d; tewhem

amek i d-yewwi lexbar.

« Mekti-d kan s lɣerḍ-im, ɣur-neɣ lweqt. Ur ẓriɣ anwa ass ideg d-yusa

wemsebrid-a, maca neẓra yerza-d ɣur-m.mekti-d yelsa abelṭu n taḍut… »

Ḥmana abulis, yezra tura, akken ad yeslek, ilaq ad yeskerkes ɣef

temɣart-nni :

« Wwiɣ-d lexbar yerza-d ɣur-m ;mi d-yehwa ẓrant ifellaḥen yeḥbes

ɣer wexxam-im.

_ Anwa it-yeẓran? » I testeqsa temɣart.

Tura ilaq ɣef ubulis ad yaf isem ara yefren tikerkas i d-yebda, ur yessin

isem ula n yiwen n wemsedrar da. Dɣa yefra d yiman-is, ad d-tawi neɣ ad

truḥ.

« sliman. »

Anagar tesla i yisem, tamɣart terfed-d ixef-is ad temmeslay. Ma d

abulis yefhem askerkes yuɣ amur. Yeslek :

« D tidett, i d-tenna. Tura cfiɣ,azal ɛecra neɛ tnac n wussan, ur

ttḥeqqeɣ ara, dɣa leḥsab d nekk, nebḍa. yeɛna-yi-d yiwen n wergaz deg yiḍ,

yesqerbeb-dɣef tewwurt n wexxam-iw. Yufa-yi-d akken kan kfiɣ

imensi,sendeɣ ttḥessiseɣ rradyu ttwilliheɣi wayen iyi-d yezzin ;da


90

zedɣeɣttelf lxali, ur sɛiɣ la aḥnin la lwali, anagar nekk. Ula d tirza ulacwin i

wumi ara d-yeɛreq webrid ɣer da. Mi d-yekcem,nemmeslayeɣ akkeni sin

tawwurt tendel. Nniɣ-as : « Acu tebɣim ? » Yesteqsa-yi-d ɣef taddart ma

teqreb neɣ tabɛed…Nniɣ-as mazal tebɛed.

Tamɣart-nni, akken tettmeslay, tečča s usekkud Ḥmana akken ad tẓer

ma yumen s wayen i s-d-teqqar, neɣ ad tbeddel abrid i tmacahut. Ḥmana seg

tama-s idemmir degt-s s westeqsi ad tkemmel ameslay :

« S-akkin, acu yellan ?

_ Ur cfiɣ ara.

_Teldi-dtawwurt, yekcem-d. Sliman, seg tizi anda ibedd,yeẓra-t-id.

_ ih yekcem-d, akka ih. Yenna-yi-d : « Ur zmireɣ ad kemleɣ abrid, iḍ

yessaɣ-itt,abrid ur t-ssineɣ : ixxamen da ɣur-wen beɛden wa ɣef wa, am

lqaɛa ɣef wayyur. » Anagar i sliɣ i wayen d-yenna, iɣaḍ-iyi. Sekneɣ-as tasga

anda ara yeṭṭes ma yebɣa. Iḍ-nni nemwanas akken i sin. »

Abulis yessefti taluft deg yixef-is : tamɣart-a yenḥafen deg temnat-a,

tettwillih i kra i s-d-yezzin, amsebrid-a twala-t deg tikkelt tamezwarut mi d-

iger ɣur-s.

« Yenna-yi-d », i d-tkemmel tamacahut temɣart-nni : « Ad yeɛdel

Rebbi lecɣal-im. Iban ḥnin ur yelli d afenṭazi. Sɣameɣ-t zdat lkanun. Yesres-

d gar yiḍarren-is aqrab. Steqsaɣ-t ansi i d-yekka. Yerra-yi-d s wawal ẓiden :

Yebɛed ansi i d-usiɣ. Steqseɣ-t ma yelluẓ. Yessusem, isetḥa ad yini yelluẓ,

zdiɣ lqed-iw, wwiɣ-as-d ayen i d-yeggran d učči, yečča.

_ S-yin akkin? I tt-yesteqsa Ḥmana.

_ Mi yekfa učči, smareɣ-as-d cwiṭ n lattay.

_ Ih, ih ! Ayen teqqimem, acu temmeslayem? »


91

Terra-as-d temɣart-nni yesteqsa-tt-id amek isem-is, temla-yas-t. Ayen

akk ranan mmeslayen akken, amɣar-nni d temɣart-nni, d ayen yeɛnan

leḥwal n ddunit. Tenna-yas d taǧǧalt i tella, neɣ tettxemmim d taǧgâlt ;

argaz-is, 30 n yiseggasen segmi iruḥ ur d-yuɣal. Iruḥ yiwen ur yeẓri anda

yella, ijaḥ. Ma d tudert-is, tetthella yess s tfellaḥt txeddem deg wakal i s-d-

yeǧǧa.

« yemmeslay-am-d ɣef yiman-is? I tt-yesteqsa Ḥmana.

_ Steqsaɣ-t, maca yugi ad yerr awal.

_ yenna-yam-d amek isem-is ?

Thuz aqerruy-is temɣart-nni :

_ Ala »

Degmi yemlal Ḥmana d temɣart-nni, yefhem d nettat kan ara yilin d

tasarutt n tedyant. Yugi ad yebru i tuttra ;ikerreb deg temɣart-nni yeqqar

mazal : « tecfiḍ ayen i m-d-yenna wemsebrid ? »

D tidet, amsebrid ur d-yessefti ara aṭas n umeslay d Werdya : Ussan yedder

yegget deg-s unezgum, seg wasmi d-yekker netta d axeddim, maca ur

yeksib kra nnig leɛtab i t-d-ikeflen ɣer taggara. Yebḥaf aṭas : yedda ɛeryan i

usemmiḍ, učči drus, nadam ɣef wakal. Ḥmana mazal yebɣa ad d-iseqcer kra.

« S-akkin acu i d-yellan ?

_ Ɣer tafrar iruḥ. _ Ur am-yeǧǧi kra ?

_ yefka-yi-d cwiṭ n yisurdiyen.

_ Ilaq a tamɣart ad tiniḍ tidett. »

Ḥmana, yeḥnunef-d ɣer wemḍiq anda teqqim Werdya, yeṭṭef-itt deg

tuyat yezlez deg-s.


92

« Ilaq ad tiniḍ tidett, ur tesɛiḍ d acu ara tefreḍ. Tadyant ẓriɣ amek

tella ! Amsebrid, d kem i t-yenɣan : tewteḍ-t s tgersa-a » iwehha s uḍaḍ-isɣer

tgesrart ideg yettwali.

Werdya tefjeɛ. Terra-d awal :

« Ayen i d-teqqareḍ ur yelli d tidett. Acu nnfeɛ sɛiɣ ma nɣiɣ-t ?

_ Acku teẓriḍ amsebrid-a mačči d argaz-im ! Argaz-im tḥemmleḍ zik !

Argaz-im iɣaben fell-am 30 n yiseggasen. Yeǧǧa-kem iman-im, 30 n

yiseggasen kem d amɛetni ! Ass-a yuɣal-d zun kra ur yelli ! Ahat tsuɣeḍ kra,

neɣ temceqlalem ? Semxellen-kem wurfan,teddmeḍ-d tagesrart tewteḍ-t !

Ẓriɣ akka i tella. Agerbuz n umsebrid nufa-t, Ɣriɣ lekwaɣeḍ-is : isem-is

kifkif-it d yisem-im. »

Werdya, anagar lḥess n unehhit i d-tessuffuɣ s taɣect-is i d-yeggran

deg-s. Teḍsa-d s wurfan.

« Ttxil-m a tamɣart ma ur yi-d-tenniḍ tidett. Ur ilaq ara ad teskeɛrireḍ

yess-i.

_ Ur skeɛrireɣ ara yess-k, i s-d-terra awal. D kečč i yebɣan ad d-qirreɣ

s wayen ur xdimeɣ . »

Twenneɛ-d iman-is,urfan deg-s qqazen ;azgen s tugdi azgen s wayen i

s-d-yemla Ḥmana, amsebrid-nni d argaz-is.

Mi twala werdya, amsebrid-a ibedd-d ɣef wemnar n tewwurt n

wexxam-is, ur tumin ur tcukket ad yili d argaz-is, ɣef waya ur tnuda ara ɣef

yisem-is neɣ ad tesmiɛqel deg-s. Mi d-iwenneɛ iman-is ad yeṭṭes ɣef ugertil i

s-d-tessa, iger afus-is pqer wrqrab yesres zdat-s, yekkes-d yiwet n

tkemmust, imudd-itt i temɣart, yenna-yas.


93

« Ax, jmeɛ-iyi takemmust-a. nekk tura meqqreɣ, afud yeǧǧa-yi, anwa

yeẓran ma d-akiɣ azekka. Ma yeḍra yid-i kra,jmeɛ-itt i kem. »

Werdya temmazeḍ teṭṭef-d takemmust-nni i s-d-yefka wemsebrid-nni,

argaz-is, teɛna ussu-ines,tger-itt ddaw usummet. Iḍ-nni naddam yerwel fell-

as, tebɣa ad tawi lexbar acu yellan deg tkemmust-nni, acu izemren ad yili

ɣlay akka ɣef wemsebrid-a ? Acuɣer i tt-id-yefka i nettat ur tt-yessin ?

Tger afus-is ddaw usummet tebda asferfed, mi tennul takemmust-nni,

tebda teslufay-as : Zuret, talɣa-s zun d tin yisurdiyen, teseɛwej-itt, tufa

tefka-d talwit.

Werdya tefhem takemmict-a d taḥawact n yisurdiyen. D ayen ur

iqebbel leɛqel n wemdan, amsebrid-a awessar ziɣen d amerkanti.

Akken ad tettḥeqqeq d idrimen i tennul, tcerreg yiwet n tqernit n

lkaɣeḍ-nni ideg mttuttlen isurdiyen. D idrimen.

Din din allaɣ n werdya yebda axemmem : Limer isurdiyen-a d agla-s,

acḥal n tlufa deg ddunit-is, ara tbeddel. Ad taɣ axxam deg temdint, ad tesɛu

taqeddact, ur tettɛiwid ad tnadi ɣef wesɣar deg tegrest neɣ ad tettemɛentay

deg yigranɣef tleqqimt n wučči, degmi twala idrimen-a, ixef-is yemmed

stirga.

Amek ara texdem akken idrimen-a ur as-ttruḥun ara ? Ad taker

amɣar-a ? Ur tezmir ad tennaɣ yid-es, ula d netta-t tazmert-is d tameɛlalat.

Mi tukerḍa, ur telli d ayen i wumi tezmer, acuɣer ur tettiḥnin ara ɣef

uwessar-a,ad as-tefk amḍiq deg wexxam-is, ad zdin akken tudert, limer ad

as-tini, ahat ad yeqbel, anwa yeẓran ? uggaɣ ula d amsebrid-nni am

temɣaer-nni, ur yesɛi aḥnin deg dduniy-is, limer yesɛa imawlan dili ur d-

yettak ara isurdiyen-is i werdya. Limer ad tercel yid-es ? anaɣ am netta am

nettat wessirit. Ad t-tesedhu azal wayyur neɣ sin alamma yeqbel, s-akkin ma


94

yebɣa ad yuɣal ɣer tikli ulac fell-as, acku ad tili tewret azgen deg tḥawact-

nni n yisurdiyen. Aḥqa ur tezmir ad tercel yid-es acku ɣur-s yakan argaz.

Amɣar-a, s tlaba am tin lsan medden d tirni, deg lǧib agerruj, d amdan

iɛeqden d webrid, acḥal yebɣu yeqqin d werdya, maca werǧin ad yesseḥmu

amḍiq.

Imeslayen, i d-yenna wemsebrid-nni i werdya, zedɣen deg wallaɣ-is :

« ma yella ur d-ukiɣ ara azekka, taḥawct-a ad tuɣal inem. » dayen tefra, anaɣ

isefhem-itt-d ma ur d-yuki ara , tezmer ad tawi idrimen-nni. Anaɣ ma tenɣa-

t ur d-yettaki ara.

Yiwen ur yeẓri amsebrid-a yerza-d ɣer werdya : axxam izelmeḍ ɣef

tmuɣli, abrid i d-yessadaren ɣur-s ur yeɛmir ara. Ad twalem mi d-yusa, ur d-

yemlal ula yiwen.

Werdya tḥulfa s yiḍ yeɛjel tikli,mačči am wuḍan-nniḍen. Ixef-is yecɣel

d yisurdiyen n wemsebrid.ur teẓri anda tleḥḥu.

Tafat n wass tebda-d aflali ɣer tizi, ma yuki-d tura wemsebrid-nni, ad

isuter taḥawact-is.

Ur teẓri acu texdem : temmaẓed^ɣer teftilt yersen nnig uqerrut-

is,tezdi lqedd-is s tazzla, teffeɣ s twafra, temended akken ue teskar lḥes ur d-

tessakay ara amɣar-nni teddem tnafa. Times deg lkanun tensa, ṭṭaq teǧga-t

yeldi, mi yella wemɣar-a axxam yestewḥac. Deg berra tiziri tettecrurud ɣef

wedfel.

Tamɣart-nni, mi tewweḍ ɣer tewwurt, teɛna tagersa teddem-itt-id.

Mi tekfa ccɣel-is,tzuɣer amsebrid-nni armi d wemḍiq anda i s-d-teɣza

amdun,tdemmer-it ɣerzdaxel terrafell-as aka.

Ḥmana abulis, mi yesla i tmacahut-a,yesteqsa tamɣart-nni :


95

_ Ur tnuḍaḍ ara ɣef yisem n umɣar-a ?

_ Acuɣer ara d-nadiɣ ɣef yisem-is ?

_ Ihi ur d-tewwiḍ ara s lexbar tenɣiḍ argaz-im ?

_ Argaz-iw ?

_ Yekkes-d Ḥmana lekwaɣeḍ seg iǧib imudd-iten i werdya :

_ Umneɣ-k. I s-d-terra awal fiḥel ma tger-d afus-is. Imeṭṭi yemmar-d

deg wallen n temɣart-nni ta meɣbunt. Ur t-ɛqileɣ ara. Anwa ara yamnen ad

yuɣal win iɣaben 30 n yiseggasen-aya ?

Ziɣen i yelha ssber, limer truǧa kra dili yenna-yas-d d argaz-is _ d-

yuɣalen.


96

ABABAT D MMI-S

Stewart senior et Stewart junior.

2 Les dossiers extraordinaires.

(P. Ballemare - J. Antoine)

Sitaw, yerza ɣer yiwet n temdint anda yella mmi-s, Cacnaq, d aɛsekri.

Deg tallit-nni, Sitaw yeɣra deg weɣmis taluf yeḍran deg temdint-nni.

Mi yekfa taɣuri n uwessef i d-fkan ineɣmasen ɣef uqettal, din din

yenna: « Amdan-a yezmer ad yili d mmi-s. »


97

Yiwen wass deg, di tefstut, deg yiḍ n ttrad amaḍal wis-sin, yiwet n

tmeṭṭut tebda-d tikli deg wezniq d ilem, tuɣal-d ɣer wexxam-ix deg usehher

n yiwet n lmuta. Anagar teldi tawwurt n wexxam, tḥulfa s kra yiwen din

zdaxel tzeqqa. Tqeddem s ukukru aemi i tt-d-yesduqqes wergaz-a yellan din.

D ameddakel d win tger azeṭṭa n tdukli. Yuɣal-itt-id rruḥ, terra-d anehhi.

Dduklen akken i sin ɣer wusu, anagar snesren talaba yellan ɣef

yirawen-nsen, ameddakel-nni-ines, imazzeḍ yexneq-itt.akken kanwwḍen

ifassen n uqettal ɣer wemgerḍ n tmeṭṭut, tebda asuɣu. Tjarett,tawwurt ɣer

tewwurt,yellan din tuzzel-d ad ttwali acu yellan, aqettal-nni,s tɣawla

iseḥtutel-d igerwazen-isyerra-iten ddaw yiɣallen-is, yeṭṭef-itt d amecwar.

Tajarett-nni, mi tt-yerra wemnar n tewwurt ɣer daxel, teẓra acu

yeḍran, tebda alag ilaqen ad terr tameṭṭut ɣer ddunit : tefka-yas kra

yiceqqiren, s-yin teɛna tanawalt tegla-d s waman tesmar-iten ɣef wudem n

tmeṭṭit-nni.

Mi d-tuki tmeṭṭut-nni, tefka asekkud i wayen i s-d-yezzin, zun d

tikkelt tamezwarut i t-twala. Dehcent, teḍra yid-sent am tid yettnadin ɣef

kra iruḥ-asent. Walant yiwen n utriku ; yeɣli-d i wergaz-nni. Ɛeqlent-t d

talaba n yiɛsekriwen n Lmarikan yellan deg tegzirt.

Akken taluft ur tfetti ara, tameṭṭut-nni tbeddel tamdint, teɛna

imawlan-is ad teffer aqerruy-is ɣur-sen armi tensa tedyant.

Limer tebɣa tmeṭṭut-a ad tessishel alag, ad teɛnu ibulisen ad tcetki,

dili tadyant tefra. Maca leḥwal bernen akken nniḍen, aqettal ur nenɣi, yuɣ

amḍiq deg yiberdan n temdint am netta am yemdanen nniḍen.

Ababat-a, ad as-neg isem Sitaw, lḥirfa-s d amenzu, ɣas akken medden

qqaren yewɛer deg uxeddim, maca tella tekwat i lḥenna deg wul-is. Yezweǧ

yeǧǧa-d tlata n warrac. Asmi yesɛa22 n yiseggasen deg ticcett-is, iḥettem


98

fell-as baba-s ad yercel : Tameṭṭut-is tamezwarut yellan ar wass-a, di sbiṭar

n yimexlal. Tarwa-s, yiwen yeḍfer yemma-s ɣer sbiṭer s tigti n tissit n ccrab,

wayeč yenza uqerruy-is deg lḥebs, ma d wis-tlata, i wumi ara nsemmi

Cacnaq, yesbeɣ-itt d lɛesker amarikani, yellan deg Australie.

Yiwen n wass, Sitaw abba-s n Cacnaq yerza ɣer Australie, i t-yewwin

ɣer din d axeddim, deg nniya-s ad yeznez kra. Dɣa, tasa ur tettaǧga win i d-

turew, yenna-yas « s yiwet ad nḥaz snat. » Mi yekfa alag-is, yerza ɣer

lkazirna anda yella mmi-s d aɛsekri. Yesteḥla, mi yufa leḥwal-is gerzen.

Ababat yenced mmi-s ɣer wučči.

Ɣas ulama Cacnaq tezdeɣ-it tuysa, D temlilit d baba-s, Yesteḥla zun

kra ur yelli. Cacnaq d baba-s ttkacbin nezzeḥ am snat n tmiqwa n waman,

limer mačči d ccib i icab ucebbub n baba-s dili tenwiḍ d sin n wakniwen.

Cacnaq yeḥrec aṭas deg lakul asmi yeqqar ; yeḍfer timsirin n usaɣ d

uzenz, yerbḥ aserhu asmi yessaweḍ 18 n yiseggasen. Mi yekfa taɣuri yebda

axeddim deg yiwet n yimɛelmen, yekka akken din kra tallit. Asmi d-nudan

fell-as ɣer lɛesker, yufa-t-id lḥal d axeddam deg tḥanut tameqqrant di New

York, ass yezrin fell-as din, netta, irennu-d deg temrest n tmusni.

Ixeddamen i yas-d-yezzin, s tismin, seftin fell-as yir awal, qqaren-as yettaker

deg yemsaɣen, ur sen-yettara sserf yemmed. Baba-s n Cacanaq yerfa mi

yesla s yir-awal qqaren ɣef mmi-s. taluft-a tezder deg yiger n tatut degmi

iruḥ Cacanaq ɣer lɛesker. Imir baba-s yellez, yenna i yiman-is : ayen i t-

yettraǧun di lkazirna ad as-ibeddel tiktiwin d uxemmem.

Sitaw, yesteqsa mmi-s :

_ Amek leḥḥun lecɣal-ik da, i tullas teṭṭfareḍ kra meqqar ?

Yerra-yas-d Cacnaq awal s uɣiwel, am win ineḥcamen yebɣa ad

yessrɛreq asentel, baba-s yewhem, yefhen ur ilaq ara ad iḥettem fall-as.


99

Cacnaq, ur yeskir ara aɣbel ɣef tullas, tikkwal yettmeslay fell-asent d

yerfiqen-is, d aya kan. Ula yiwen deg lkazirna, ur t-iwala ara kra n wass

yeddukel d tmeṭṭut.

Baba-s, yezdi lqedd-is, yeddukel akken d mmi-s armi d lkazirna, mi

msebḍan, Sitaw iseḍfer asekkud i Cacnaq, yettemdudduɛen d yisurifen

yeggar armi yeɣba deg tallast. Ababat ihuz tuyat, kra s leḥzen kra s uɣiḍi ɣef

mmi-s yeswan ccrab nnig wayen i wumi yezmer. Maca ulac fell-as, anaɣ d

aɛsekri, abrid-is yenǧer ɣer umennuɣ, acu yellan ma yerna lkas neɣ sin,

awi-d kan ad yedder.anaɣ ula d ababat-a, llant tikkwal ideg iteffel akkin i

tlisa yezmer ad yerfed uɣebbuḍ d wallaɣ deg tissit.

Zrin wussan, ass , 03 mayu, ɣer tafrara, yiwen n unehhar yeɛna aɛsekri

yellan ibedd ɣer wemnar n tewwurt n yiwen n wexxam. Aɛsekri-nni, mi

yeẓra anehhar yuẓ-d ɣur-s, yerwel. Anehhar icukket yella kra, yuẓa ɣer

wexxam-ni isakked seg tewwurt ɣer daxel. Ineggez-d ɣer deffir mmi yeẓra

tameṭṭut, agerbuz ɛeryan, tesred deg wegens. Din din yuzzel ɣer tiliɣri ad

yessiwel i yibulisen.

Iruǧa aṭas ɣer tiliɣri s wamek i d-telḥeq tkerrust n yibulisen. Anagar i

d-rsen ibulisen, uzzlen ɣer wexxam i sen-d-yesken unehhar. Mi kecmen

ufan tameṭṭut tečča tiɣrit ɣer uqerruy, amgerḍ izegzew. Imir kan

refdentameṭṭut-nni ɣer sbiṭar anda ttḥeqqen s tmettant-is.

Ayen akkit wwten ibulisen i wakken ad d-afen aɛsekri-nni ur-t-ufin.

Zun tečča-t tmurt. S-yin uɣalen nudan acu akkit texdem tmeṭṭut-nni iḍelli-

nni.

Ufan-d wi-tt-ilan : isem-is lǧida, rebɛin n yiseggasen deg ticcett-

is,tezdeɣ tamdint.Ibulisen wwin-d lexbar tesɛedda iḍ d yerfiqen-is, tfureq-

iten ɣer tafrara akken ad tnejbar s axxam, deg uṭram n yiḍ. Dɣa gezmen

tadyant : mi tezgel tamacint, truǧa ad taweḍ tayeḍ, deg tɛessast-nni, temlal


100

d weɛsekri-ya. Aɛsekri-nni isuter lǧida ad as-d-tmel abrid. Ṭṭbib-nni yeẓra

tameṭṭut yefra-tt : Aɛsekri, d netta, i ifeddxen Lǧida send ad tt-yexneq.

Baba-s n Cacnaq, yesla s tedyant, akken slan imezdaɣ n temdint. Ula d

netta Yefhem taluft d tin ara yessamsen iɛsekriwen n Lmarikan yellan da d

tirni. Deg wayen yeɣra yerna yesla, yewhem deg snat n tneqqiḍin : aqettal,

yeswa ccrab… ɣezzif nezzeh,rqiq nezzeh… « Amcum-a yettkacba ɣer mmi, i

yas-yenna ubabat. Ulad wa, ad twalem mazalbaba-s d yemma-s… »

I wakken ad sbedden acahi ɣef uqettal, ibulisen, drus lexbar i d-leqḍen

ɣer unehhar. S tlata n yiɛsekriwen n lmarikan, bdan asebrurez ;

steqsayeniɛsekriwen yeffɛen i lkazirna deg yiḍ ideg teḍra taluft.

Ulac, Deg tallit-nni, aṭas n yiɛsekriwen i yewwin bermesyun ; tamdint

akkit mmɣen deg-s. Imsulṭa n temdint, sersen-d ssaɛa n tar-taaffɣa : Ugden

ad tili twaɣit ma mlalen iɛsekriwen d yimezdaɣ n temdint. Iɛsekriwen, lǧib

yeččur, uysen melmi ara rẓen tadrimt kesben, send amenɣi.

Deg teswiɛt-nni, d iɛsekriwen i iḥekmen ɣef yibulisen, anaɣ d lgirra.

Ibulisen, mi walan yewɛer fell-asen ad afen aɛsekri yenɣan, acku ass-

nni, tugett yiɛsekriyen uɣen bermesyun n tawaffɣa, dɣa bernen ad ḥuffen

ɣef tlaba yeḍlan s yidammen. Teḍra yid-sen am win yettḥuffun ɣef tsegnit

deg walim. Kra uzzlen, ur ufin.

Sitaw, ababt, yerza-d ɣer lkazirna, wissen ahat ad iwali mmi-s i tikkelt

tis-snat, maca ur t-yeẓri. Yemlal d yiwen n uselmad n mmi-s. Deg wayen

yemmeslay d uselmad, Sitaw ikukra ɣef mmi-s, s wayen ɣef wacu i s-d-yemla

ɣef Cacnaq. Di lkazirna faqen, Cacnaq ur yezmir ad yili d aɛsekri igerren.

Cacnaq, yeɛna imsulta n lkazirna, yenna-yasen : « Xussen imawlan-iw zdat-i,

d ayen ur tezmir ad yi-d-tefk lkazirna. » Akken ur iḥeqqer iman-is deg


101

lkazirna, refden rray imsulta rennun-as deg usellum, maca Cacnaq yugi ad

yeǧǧ deg tnumi-s ; isumes iman-is s tissit n ccrab.

Segmi i d-yewweḍ ɣer temdint, tidyanin n cacnaqyal ass ttimɣurent ;

akken i s-qqaren : seg wecrured ɣer tikli. Mi yekfa tissit n ccrab deg ttberna,

ad yerr qbala ɣer yisensuyen dinna yettarra-tt i udrbbuz d yimerẓi. Tissit n

ccrab, tessishil ameslay i win iberrun i wallen-is zdat tlawin.

Sitaw ababat, yuyes deg yixef-is ur ɛad frint ɣas akken ur icukket kra

deg mmi-s, yezzi-d i tqerna d tirni armi yufa abrid akken ad yemlal d mmi-s.

Aṭas i qqimen akken deg usensu anda yekra sitaw taxxamt, s-yin hwan-d ɣer

wučči, mi kfan rran ɣer wurti ad bɛuẓlen. Akken yebɣu yemmeslay-it baba-s,

Cacnaq ur as-d-yensir wawal :

_ « nnan-iyi-d tessuguteḍ tissit n ccrab.

_ d askerkes i skerkisen fell-ak.

_ Ur yi-d-nnan ara akka armi d tidett.

_ Mačči nekk i itessen ccrab.

_ Acuɣer i tuɣaleḍ ɣer tissit ?

_ acu ara txedmeḍ nniḍen di tmurt-a ? »

Isusem cwiṭ baba-s, yuɣal yenṭeq-d :

_ D tidett tceḍhaḍ imawlan-ik ?

_ Ur ken-cedhaɣ ara.

_ Iles-ik yezga igezzem, akken kan i k-mazal.

_ Sel a baba, ini-yi-d d anwa i d imawlan-iw ?...

Anagar kečč ! ayetma ? Yiwen yemxel wayeḍ ur yeswi tibselt yerkan.


102

_ Ihi acuɣer tettmeslayeḍ teqqareḍ teqqareḍ i medden tdedhaḍ-aɣ ?

_ Ini-yi-d kan akka anwi d imawlan-iw ? Mačči d kunwi i d-cedhaɣ,

cedhaɣ tamdint anda luluɣ.

Seg usebrurez n wawal ɣer wayeḍ, armi d-wwḍen ɣer tullas.

Ɣer westeqsi-ya, cacnaq yebra i wallen-is. Ababat yeɛqel yella kra

yeffer mmi-s. tullas uɣent amḍiq deg wul-is, awal i d-iserreḥ cacnaq ɣef

tullas d win ara d-iseknen aksan yeksen tullas.

« acuɣer akka i d-tessawaleḍ fell-asent ? I s-yenna baba-s.

_ Acku tugett deg-sent ur uklalent timir-a. i as-d-yerra awal mmi-s.

Yerna-d baba-s awal :

_ yemma-k, asmi tseḥḥa, tettakk tiṭ-is ɣef kra yellan.

_ Ini-d tecbeḥ, ad ak-d-sleɣ. Ccbaḥa iman-isur telhi… dɣa nekk, i

ḥemleɣ deg tullas anagar tuɣac-nsent… maca ur ttayes, a baba, ɣas

ttmeslayeɣ akka fell-asent, maca aksan ur tent-ksineɣ ara. »

_ ababat yewhem deg mmi-s amek armi yuɣal akka, tura mačči am zik

asmi i d-yemmal tiswiɛin yelhan yesɛedda netta d tlawin. Am yal ababat,

Sitaw yugad ɣef ddunit n mmi-s. Mi msebḍan, ababat iḥulfa s wul-is

yetthenna, yemmeslay d mmi-s.

Ass n 09 mayu ɣer tafrara, setta n wussan segmi teḍra tmettant

tamezwarut, deg yiwet n tezniɣt yiwen n uɛessas, yufa tameṭṭut nniḍen

tekref agerbuz ɛeryan.

Acahi, i d-bdan ibulisen s lexbar, isaweḍ-iten ad ɛeqlen wi tt-ilan

tmeṭṭut-nni icebḥen aṭas : wwin-d lexbar fell-as 32 n yiseggasen, medden

walan-tt teffeɣ-d ɣer tlemmast n yiḍ yezrin, nettat d yiwen n weɛsekri d


103

amarikani seg yiwen n usensu. Ma d lewsayef n weɛsekri aqettal, kifkif-iten

d wid n win yenɣan tameṭṭut tamenzut : d argaz ɣezzif nezzeh, rqiq nezzeh.

Sitaw, mi yeɣra deg weɣmis lewsayef n uqettal, din din ixemmem ɣef

mmi-s.

Am yibulisen am yimḍebbren n lkazirna zedren deg lekwaɣeḍ i d-

yesnin zdat-sen, ttḥuffun s wacu ara tefru tedyant-a. Iɣmisen, seg tama,

bdan yir awal ɣef yibulisen acku acahi ur iqeddem ula s terdast. Anezgum d

tugdi ssaɣen deg yimezdaɣ, segmi slan s tedyant n tmenɣiwt n tullas deg yiḍ,

deg yiwet n tezniqt yezgan zdat lkazirna.

Lkazirna-ya d tin anda yella Cacnaq, mmi-s n Sitaw. Yiwet deg tullas-

nni yettewten tenna i yibulisen, aɛsekri i tt-yesḥebsen send ad tt-yewwet

yenna-yas : « Nwiɣ ɛeqleɣ-kem deg taɣect ». Din din Sitaw yemmekta-d

awalen i s-d-yenna mmi-s : « Ḥemleɣ tuɣac-nnsent mi ara ttmeslayent. »

Ɣer tmeddit, Sitaw ababat, yettḥebbir ɣef mmi-s. Acu i t-yewwin ad

isuget tissit n ccrab.

Lewsayef d-fkan ɣef uqettal kifkif-iten d wid n mmi-s, yekreh

tullas,lkazirna…

Sitaw meskin, yenna : « Ulac da tidett, ma lewsayef ṭṭfen ibulisen

kifkig-iten d wid n mmi-s, kra yellan d agacar » Maca mazal-it yuyes ɣef

mmi-s. Ira ad yemlil yid-es. Yeɛna-t ɣer lkazirna. Mi ue t-yufi ara, iger

tamusni d werfiq n mmi-s, deg texxamt. Sitaw yebda asteqsi deg weɛsekri-

ya : Acu yettxemmim ɣef mmi-s,... Ma ur d-yelli umaynut… ma yella ur

yenbaddal ara ?

« Limer mačči d taluft-a n tmenɣiwt d tullas, ur yenbaddal kra deg-s. »

i as-d-yerra awal weɛsekri.


104

Din din ababat yeggugem.

« Dɣa aya sliɣ-as deg yimi-s, d netta i yi-t-d-tennan ». aɛsekri, arfiq n

texxamt, yebda-d taqsiṭ n tuffirin n Cacnaq, amek yenɣa tullas.

« Ur cetkapq ara fell-as… aql-i weḥleɣ, ur ẓriɣ abrid ara d-aɣeɣ ».

Ababat, akken yewḥel, yeqqim din yettgani mmi-s melmi ara d-

yennejbar ɣer lkazirna. Mi t-iwala itaddu-d, yezwar yegzem-as abrid :

« Cacnaq, d kečč i yenɣan tullas-a ? »

Cacnaq yewhem deg wawalen-a :

« _ Acuɣer iyi-tcukkteḍ ?

_ Ihi tebda-k-id tyffɣa n leɛqel !

_ D tidett, mi tuɣ aẓar deg yimawlan-iw, i s-d-yerra Cacnaq. Acu k-

idemren ad tiniḍ mxelleɣ ?

_ D ayen sliɣ fell-ak… D tuffirin temliḍ i werfiq-ik n texxamt. »

Cacnaq, ayen yesla ur ibeddel kra deg-s. Ma d tadyent n tmenɣiwt n

tullas, ayen yessen d ayen yesla neɣ yeɣra deg yiɣmisen.

« Tura ma tumneḍ uɣaleɣ d aqettal, tessneḍ abrid anda ara tcetkiḍ ».

Cacnaq ikemmel tikli ɣer lkazirna, yettuɣu yesseḍfer-as asekkud armi

yeɣab :

« Ini-yi-d tidett a Cacnaq, anaɣ d baba-k i lliɣ… ttxil-k henni ul-iw…

ini-yi-d tidett ».

Ababat yettiḥnin ɣef mmi-s mi ara yili yuker neɣ yexdeɛ, maca ma

yenɣ, yenɣ aṭas medden yerna d tullas, ddunit-is tenza ur as-d-yettɣimi

wayra s wacu ara d-iseggem tudert-is.


105

Sitaw ababat, yenna ma yekcem ɣer lḥebs ad as-d-ggrin tlata n

yiberdan : amenzu yezmer ad yili yexḍa, wis-sin ad yili d aqettal ad t-nɣen,

akka ad yekkfu d unezgum n tudert ara s-yerren ddunit am ǧahennama.

Taneggarut ad as-fken taxxamt deg sbiṭar n yimexlala. Ahat kra wass ad

yejji. Akka baba-s ad yellez, ma d netta i d aqettal, ur yettaqqal ad ineɣ.

Sitaw yenna yif ad yeddez tasa-s ɣef mmi-s, wala yeǧǧa-t di berra ad yernu

ad ineɣ.

Azekka-nni ɣer tafrara, Sitaw yeɛna imḍebbren n lkazirna icetka ɣef

cacnaq.

Dɣa deg tallit-nni yewweḍ-d lexbar ibulisen ɣef tmenɣiwt n yiwet n

tmeṭṭut iḍ yezrin. Ufan tameṭṭut-nni deg yiwet n terga n yiwet n teqwirt

zdat lkazirna. Aqettal iseɣres-as talaba ; yeḍla aluḍ i yiceṭṭiḍen i s-yekkes.

Ufan igerwazen n tmeṭṭut-a d tirni anagar aqrab-ines.

Imḍebbren, mi slan i sitaw, ur whimen ara. Din din nudan ɣef Cacnaq.

Sbedden ababat d mmi-s udem ɣer wudem. Cacnaq yeggugem, am win ur

yumin deg wayen yettwali, allen-is ttiriqent s wayen bubbent.

Tiwwura n lkazirna nedlent ɣef yiɛsekriwen akken ur teffeɣ. Ibulisen

bdan asteqsi deg weɛsekri iɛussen iḍelli-nni.

Cacnaq werǧin yeqbel ad yili d aqettal.

Yiwen deg yiɛessasen-nni n lkazirna, yenna i yibulisen yeẓra yiwen n

weɛṣekri ineggez-d i tɣalaṭ ɣer zdaxel n lkazirna, yumes s waluḍ… aqettal n

tmeṭṭut-a taneggarut yezmer ula d netta ad yames d aluḍ. Taɣalaṭ-a ansi i d-

ineggez weɛsekri teqreb ɣer teqwirt anda ufan agerbuz n tmeṭṭut

yemmuten.

Aɛessa mi yendah ɣef weɛsekri-nni, aneggary-ya yerra-yas-d : « Nekk

d aɛsekri n terbaɛt tamenzut. »


106

Ibulisen, din din uzzlen ɣer weḥric anda tella terbaɛt tamenzut, nudan yal

idis, tal tardast. Armi tezri ssaɛa s wamek ufan deg yiwet n teqrabt kra tlaba

n weɛsekri, d takeddust, tumes d aluḍ. D talaba n weɛsekri nniḍen, ur telli n

Cacnaq… Ufan-d anwa-t.

Send ad bdun tuttra n weɛsekri bab n teqrabt, ibulisen ddmen cwiṭ n

waluḍ deg terga n teqwirt anda ufan tameṭṭut-nni rnan sqecren-d kra deg

tlaba-nni, ɛeyren-ten ; ufan d yiwen-is deg tuddsa d tiɣmi.

Ibulisen sawlen-d i yinagan ad smiɛqlen deg weɛsekri-ya. Amenzu i t-

iɛeqqlen d aɛessas-nni n lkazirna.

Aɛsekri-nni yeẓra ḥudden-as tilisa, ulac anda ara yerwel. Dɣa

yesteɛref, yeḥka-d ayen d wamek yexdem. Yebda-d tamacahut, s tmenɣiwt n

tmeṭṭut taneggarut.

Yemlal yid-es zdat lkazirna tettuddu deg ufus-is terfed ssiwan,

yenced-itt ɣer tddukla teqbel, idis ɣer yidis ddan akken di sin, « taɣect n

tmeṭṭit-a ẓidet » i d-yenna weɛsekri i yibulisen. Mi tt-yenɣa, yeǧǧa-tt din

zdaxel terga, yuɣal s tazzla ɣer lkazirna. Mi d-ineggez nnig n tɣalaṭ yeɣra-

yas-d uɛessas-nni ɣer tewwurt n lkazirna.

Deg tallit ideg aɛsekri aqettal yemmal-d tamacahut-is,ibulisen slellin

Cacnaq.

Sitaw yella yettraǧu deg-s :

« teẓriḍ a mmi… nwiɣ xedmeɣ ayen ara yexdem yal ababat… s yiɣil

iɣallen i qedceɣ rray-a… sulef-iyi a mmi, ɣelḍeɣ. »

Yal yiwen tura ad ixemmem anda ar yerr, limer taluft-a fell-as i d-

teɣli.


107

ALLEN N TAYRI

« Les yeux de l’amour »

(P. Ballemare _ J. Antoine)

« 2 Les dossiers extraordinaires »

Di ttrad amaḍal wis-sin, Jeǧǧiga, d webrid n tuɣalin ɣer wexxam,

temlal-d yiwen n wergaz, wten-t lɛesker ɣilen yemmut, ǧǧan-t yesred din.

Jeǧǧiga, ur tugad, tejmeɛ argaz-nni i tent-yuɣen deg wallen. Tuɣ rray-

is mgal win i s-d-fkan ṭtbib d uletma-s.

Asmi yeḥla Ɛmer, isekked, yufa lḥal Jeǧǧiga terwel fell-as.


108

Ddaw tziri, aterras iga-d tili. Jeǧǧiga, ɣas tecmet xemsa u-tlatin n

yiseggasen deg ticcett-is, teḥseb deg webrid tettbijjiw. Tettḥulfu s wergaz-a

yedder, yeddari taqernit deg yiḍ.

Tameɣbunt tekmumes deg ubalṭun-ines aberkan, tessawal s taɣect

tesfa :

« yella kra triḍ ay isem-ik ? »

Din din argaz-nni yeqqel ɣef rebɛa, isakked-itt yerra-yas-d awal s

unazeɛ. Jeǧǧiga, ur teẓri ma yesker neɣ yuɣ-itent, taẓ ɣur-s. Zun yesmehṣis

deg lǧerra, argaz-a iwehha ameẓẓuɣ-is ɣer yidis ansa i d-tekka jeǧǧiga, s-yin

yesred deg webrid.

Jeǧǧiga, tenna ad twalem argaz-a yedderɣel :

« Ur tsekdeḍ ara, tuḍneḍ ? »

Jeǧǧiga, tekna ɣer wergaz-a teẓra idammen sumsen udem, d ucebbub

d yimi n wergaz-a, tefra ur yezmir ad yemmeslay.

« Mmiẓed-d ɣur-i, ṭṭef-d deg-i ».

Tekna ɣur-s tennul-it deg teyett. Imar, ayen ur truǧa jeǧǧiag, yeḍra-d

yid-s. d tikkelt tamezwarut ideg is-d-imudd wergaz iɣallen.

Argaz-nni yegra-yas iɣallen, anagar rsen ifassen-is ɣef ubalṭun n

Jeǧǧiga, yenṭeḍ deg-s am llazuq akken ad yesbedd lqedd-is. Aqerruy-is i d-

tessaɣ tziri, ttiriqen-d idammen-nni yeqquren fell-as, isenned ɣef tayett n

Jeǧǧiag. Dɣa tefjeɛ deg wayen twala, tenna-yas :

« Eyya-d… »

Mi d-yezdi lqed-is wergaz-nni yefka asekkud i yiman-is, yejtuttel deg

tayett n Jeǧǧiga. Azal wezgen n ssaɛa nutni d tikli ar taddart. Argaz-nni


109

yuḍen, ahat deg tɣesmart ahat ula deg wallen, yebda anazeɛ d wesmermeg.

Wa isenned ɣef wa bdan keccmen deg tzenqatin n taddart. Mi wwḍen ɣer

wexxam n tlust n Jeǧǧiga, bedden. Jeǧǧiga,tqeddem ɣer tewwurt, tesqerbeb :

« Siwel-d i ṭṭbib ad yas, argaz-a yuḍen. »

Talust n Jeǧǧiga, mi d-teldi tawwurt, tewhem deg wayen tettwali,

sende ad tlaɛi i ṭṭbib,tbedd akken tbat, tessikkid deg sin n yemdanen-nni.

Mi ten-terra tewwurt n wefrag akkin, bdan taguri n tkeddanin yellan

din, weɛrent i usubbu acku ue d-zgant ara deg lqis. Argaz-nni imended ɣef

yisurifen-ines yeckenṭeḍ deg tayett-nni yesummet.

Axxam n Merrad, ɣur-s sin n leqrun segmi yebna, ass-a yeggra-d d

lurata i Jeǧǧiga. Deg wass ; tettili yid-es tqeddact-is.

Akken ur tettɛettib ara amuḍin-nni, Jeǧǧiga tegzem abrid tekka seg

teqwirt yellan din deg wefrag, ideg ssaɣen ijeǧǧigen. Amuḍin-nni ɣur-s dɣa i

yesserwet s yiḍarren-is deg yijeǧǧigen yessan din afrag.

Ijeǧǧigen-a teẓẓa-ten Jeǧǧiga sufus-is akken ad tessiɣ deg wexxam

cwiṭ tafat n lferḥ ara yesneɣsen tallast igelden din.

Tuzzel Jeǧǧiga ɣer tewwurt, tufa-tt teldi, teǧǧa aderɣal-nni din kra

teswiɛt, akken ad tessiɣ tafat.

Mi d-tuɣal tufa argaz-nni, yeɣli ɣef tgecrar isenned ɣer tɣalaṭ, zdat

tewwurt. Jeǧǧiga mi teẓra udem n umuḍin-a tettḥeqqeq ur meqqer ara di

leɛmer, wissen ma uewweḍ ɛecrin n yiseggasen.

Terfed-it-id tenher-it ɣer texxamt i d-iqerben anda yessaɣ lkanun.

Tura, yeggra-d i Jeǧǧiga, ad terfed-it neɣ ad tzeɣer-it. S yiɣil i t-tessaweḍ

armi d usu. Tḥulfa ẓẓay nezzeh.


110

Tuzzel ɣer tnawalt, mi d-tuɣal tegla-d s waman ḥman deg telyant,

tessew-as i weqcic ayen i wumi tezmer n tmiqwa n yisufar i d-theyya, tesfeḍ-

as idammen-nni yeqquren ɣef wudem-is. Tefhem d tiɣrit i yečča. Ɣas akken,

ulac acu ara yesmiɛqel yiwen deg weqcic-a, maca, mi s-tesfeḍ tixnanasin

yeɣman udem-is,iban-d yif deg ccbeḥa Jeǧǧiga. Qqimen akken di sin, akud

iteddu, amuḍin-nni iɣab-as laɛqel s ɛeyyu d wayen yeḍran yid-es, jeǧǧiga

teqqel amendad seg ṭṭaq tettraǧu deg ṭṭbib melmi ara d-yaweḍ.

Deg wexxam, tessal i ssut n ureqqas n umesdekwal d wenhat n

umuḍin.

Baba-s n Jeǧǧiga, yemmut, asmi yedder, kra yettiwsir, akken ad yekker

ilaq-as win ara t-id-irefden. Akka tesɛedda acḥal sswayeɛ, acḥal wuḍan,

acḥal wussan, deg wexxam-a yexlan, imesli yellan ad as-tesleḍ, seg ubeḥri

mi ara d-ihubb armi d izi ma yettafeg. Aya akkit tqubel-it, amsaɛef-is d

tugdi, tessemxel-itt tudert-is.

Jeǧǧiga, tecmet tesɛa drus yisurdiyen, d tigellilit : Ulac abaxsis-nnig

wa i tugi tmeṭṭut.

Tura, Jeǧǧiga tameɣbunt, leɛqel-is yenza deg weɣbeln ḥellu n wergaz-

a. ur tettwalleh armi tufa argaz-a yuɣ amur deg tudert-is. Tasusmi-ya i tt-

yessaɣen tsebleɛ deg yixef-is. Asekkud iteddu yettaqqal seg yideddicen

yellan deg wamag azelmaḍ yesfan…

Taswiɛt kan Jeǧǧiga tesla i rrwaḍi n tkerrust ujaqent zdat tewwurt n

wexxam. Teɛqeld ṭṭbib i d-yewwḍen.

Tawwurt n wefrag teǧǧa-t teldi, ṭṭbib yeṭṭef-itt-id d amecwar ɣer

wexxam. Mi rsant wallen-is ɣef umuḍin yewhem :

« Argaz-a yenṭer ! Ansa i d-yekka ?


111

_ Jmɛeɣ-t-id deg wezniq.

_ d ta i wumi qqaren timexlelt. Niqal akka dili tegliḍ yess ar sbiṭae ».

Ṭṭbib yunez ɣer umuḍin, s tɣawla iwala-t.

« Mačči d azdaḥ i yettwazdeḥ, a Jeǧǧiga. Ur tezmireḍ ad teǧǧeḍ argaz-

a da deg wexxam-im. Yezmer ad yili d amerwal, d imɣewweɣ. Ur teẓriḍ acu

ara yeḍrun yid-em limer ad t-id-afen da ɣur-m yesred deg wusu-inem. »

Jeǧǧiga teẓra, maca di tazwara tebɣa ad tawi lexbar ma yenṭer :

« Amek yenṭer.»

Ṭṭbib-a yettwassen drg taddart-a, yeẓwer.

Yuẓa-d ṭṭbib taftilt-nni yessaɣen, yeldi aqrab sway i d-yegla, yebda

yettmuqqul ideddicen n umuḍin :

« Taɣesmart-is teqleɛ, amag-is yeldi, serɣen-as allen. Xdem ayen i m-

yehwan maca, ma tcawreḍ-iyi, ur tetteǧǧa ara da. M atuɣeḍ awal-iw, suffeɣ-

it s-ya.

Anagar yekfa ṭṭbib alag, ineggez yezga-d deg berra.

Teggra-d Jeǧǧiga tesikkid deg uderɣal-nni: fell-as 25 n yiseggasen,

aqerruy-is d yiḍarren-is ttnalen ixfawen n ssrir. Ɣef tsumta, aqerruy n

weqcic-a yettbin-d zun d aṭerrez i iṭerrez ufus sufella.

« Ma tcawreḍ-iyi, ur tettaǧǧa ara da… » Akka . Aqcic-nni yettuɣal-d

ɣer yiman-is, yesres ifassen-is ɣef wallen-is, yellan recqent deg yigenni,

yesmermug :

« Ah a Rebbi, ur ttwalaɣ ara ! Ah a rebbi, ur ttwalaɣ ara ! »

« Ma tuɣeḍ awal-iw suffeɣ-it s-ya. »


112

I s-yin d afella, acu ara yexdem ? Aqcic-a i d-temlal deg webrid iger-

as-d iɣallen…

Seg yimir kan, ṭebbat ur ḥbisen ara rrwaḥ d tuɣalin ɣer wexxam n

Jeǧǧiga : Merra-nnsen sefran ad yeqqim akken yedderɣel.

Imir kan Jeǧǧiga tefra-tt d yiman-is, ad teḥrez aqcic-a ɣur-s armi

yestaḥla, ayen yebɣun yeḍru.

Azal wayyur nettat teseghay Ɛmer akken ad yettu tidderɣelt i t-

yessaɣen, teqqar-as ad yuɣal ad iwali. Yiwen wass tejba-d ɣur-s, tufa

tawwurt n texxamt temdel s teclalt, ayen merra tesqerbeb deg tewwurt

Ɛmer yugi ad tt-id-yeldi.

Tnuda fell-as deg wexxam, teffeɣ ɣer teqwirt. Tebda tettayes s tugdi.

Tesburr aqefṭan ɣef yiri-s, acebbub yerwi, allen gelment s yimeṭṭi, Tuɣal-d

armi d tawwurt tesqerbeb :

« ttxil-k a Ɛmer, ldi-d tawwurt, err-iyi-d kan awal, awal kan akken ad

llzeɣ… »

Teldi-d tewwurt.

Mlalen udem ɣer wudem. Ur tt-yeẓẓar ara, maca yettnadi s ufus-is

udem n Jeǧǧiga.

« Dayen a Jeǧǧiga. Wwiɣ-d lexbar akka ara kemmleɣ ussan-iw, ur

ẓẓerreɣ. Dayen nnziɣ. »

Jeǧǧiga, s uqefṭan, tecmet nezzeh, yerna mi tefjeɛ tkemmel tiqqit n

yidammen ue d-teggri ɣef wudem-is. Taẓ ar zdat, zun isikkid deg-s.

« Ur ttxemmim ara akka a Ɛmer. Ṭebbat nnan-d yeffeɣ ccek, nekk

umneɣ ad tejjiḍ. »


113

Din din Ɛemr yessekna aqerruy-is yesres-it ɣef tayett n Jeǧǧiga ur

iwala deg ddunit-is.

« Teskerkiseḍ fell-i.

_ Ṭebbat sefran fell-ak zdat-i. Nnan-d anagar ḥellu ara teḥluḍ. »

Jeǧǧiga tbedd ɣer Ɛmer am tyemmat, am leɛyal-is. Ma yettru ad tru

yid-es. Mi ara d-yettwaqreḥ, d nettat i yettḥulfun s lqerḥ. yedderɣel, netta-t

i d tamuɣli-s. Anda tebɣu tili, ɣas udem ar wudem, asekkud aneggaru n

Jeǧǧiga I Ɛmer i wumi i d-yettsaḥ. D ayen ur tettamneḍ, mi ara twalaḍ

aterras yezmer ad yezwir neɣ ad yeḍfer wayeḍ, amek i s-yehwan. Jeǧǧiga d

Ɛmer, akka : tezwaray i uderɣal teṭṭafar argaz.

Asmi dduklen Ɛmer d Jeǧǧiga, ar berra i tikkelt tamezwarut, netta d

aderɣal, maca d nettat ur nezri yiwen. Ixef yunez, tettwali anagar iḍarren n

Ɛmer amek yeggar isurifen, anda yesrusu iḍarren-is.

Tnehher deg-s. Fiḥel awal mifhamen, s limara kan ɣer yiɣil-is, iɣer

tejgugel, ttmibdalen isalen. Am uḥeddad-nni mi telḥeq zdat-s, am lɣar-is mi

d-iɛedda, ur teẓri ula yiwen. Arrac-nni n lakul yesnekkren lharaj deg webrid.

Ula d nutni, xedmen zun yiwen deg-sen ur yeẓri Jeǧǧiga ; setḥan mi walan

aderɣal-nni yestewtiw-as i tmeṭṭut-nni i t-id-inehren. Ur temmeslay d yiwen

ula d ifellaḥen-nni, zik i wumi tettak azul, ass-a, tettu-ten.

Ayen yeḍran merra ɣef lbal n taddart, maca, zdatuxessar am wa, ur

telli tifrat. Imezdn taddart wehmen armi ggugmen.

Jeǧǧiga d Ɛmer, wwḍen ɣer yiwet n tḥanut-nni tekseb taddart. Jeǧǧiga

tekcem, Ɛmer yextar ad tt-iraǧu din zdat tewwurt. Deg teswiɛt am ta,

taḥanut-a tettbain-d meẓẓiyet , mi teɛmer.


114

Akken kan tekcem Jeǧǧiga, textar amḍiq ansi ara tettwilleh ɣer berra

i Ɛmer, tiṭ tefka-tt i lqeḍyan tayeḍ i Ɛmer. Tameṭṭut-nni din, lal n tḥanutt,

teggar ɣer uḍellaɛ ayeni s-d-tessuter Jeǧǧiga, dɣa ur testeqsay deg-s :

« Aqcic-a, d tidett, yettili-yam, Acu i t-yesxesren akka ? Ur yuklal !

Acḥal yiseggasen fell-as ? Yedd rɣel meskin ?

_ Ala…Ala… Ṭṭbib yenna-yi-d ad yejji. »

Acemma acemma, armi yuɣal Ɛmer ur yezmir ad yemfaraq d jeǧǧiga,

tayri tebda teggar gar-asen.

Tikkwal deg wexxam, ultma-s n Jeǧǧiga d gma-s n Ɛmer ttseḍḥin mi

ara walin tayri i d-ilulen gar weqcic amelḥan d tmeṭṭit icemten. Jeǧgǧa,

tecmet nezzeh ; ula d tiqit n ccbaḥa ur d-tres fell-as, mi tt-tẓriḍ ad as-

tenwuḍ tettkerrib, qrib ad temmet. Xemsa u tlatin n yiseggasen ɣef yiri-s,

maca zun d tawessart. Ula d tamuɣli tettagi-tt i medden.

Ma d Ɛmer, tal tikkelt ara d-tessiwel , ad yeḍs.

Teḥrured-d ultma-s n Jeǧǧiga, tenna-yas :

« Acuɣer ur trecleḍ ara yid-es ? »

Jeǧǧiga terra-yas-d :

« Isuter-iyi-d anect-a maca ttraǧuɣ ad yeḥlu, ad t-d-tuɣal tmuɣli. Ass-a

d wa i d aɣbel-iw kan. »

Yezri wayen yezrin n wakud. Jeǧǧiag tewwi Ɛmer ɣer sbiṭar anda ara

s-d-rren tamuɣli.

Di sbiṭar, Jeǧǧiga tettraǧu. Taswiɛt, ata yejba-d ṭṭbib :

« Dayen kfant fell-as tillas. »


115

Ata suffɣen-t-id seg tzeqqa. Tmuqqef Ɛmer yellan yesred, yeṭṭes mazal

yennesraɛ. Allen n Jeǧǧiga gelment-d s yimeṭṭawen n lferḥ d wurfan.

Ass-a, Ɛmer yelḥeq ad iwali s Jeǧǧiga.

Cwiṭ cwiṭ, Ɛmer yettuɣal-d ɣer ddunit. Yeskar tismaqqal, qrib ad

yezmer ad yenher takerrust. Qrib ad yeldi tawwurt n ddunit-is. Ɛmer

yecbeḥ, ansi i d-yekka tullas ttmuqqulent deg-s.

Tlata n wagguren aya segmi teɣba Jeǧǧiga. Seg wasmi i s-kksen iƐmer

ɣef wallen-is, Jeǧǧiga teserwel iman-is. Ayen din inuda Ɛmer anda ara yaf

Jeǧǧiga, ar wass-a kra din yeffeɣ-as mxalfa.

Ad twalem Jeǧǧiga attan din kan, teddari taqernit, dɣa ɣas tebɣa ad

truḥ ur tezmir. Teffer kan din, terked deg yiwen yidis, anda ulac win ara s-

yinin tella din.

Ɛmer yefhem ayɣer Jeǧǧiga teserwel iman-is. Akken ur wwiten ad t-

sfehmen Jeǧǧiga tecmet, maca yeẓra mačči d anect-a izemren ad isens taftilt

n tayri yessaɣen deg wul-is ɣef Jeǧǧiag.

Ass n 06 Dujember, ar wemḍiq anda ḥebbsent tmacinin, yemlal

gma-s n Ɛmer d Jeǧǧiga. Jeǧǧiga tsetḥa s temlilt-a, ma d gma-s n Ɛmer

yewhem. Fiḥel ma isuget awal fell-as, Teqbel ad teqqim yid-es akken ad

tennal isalan ɣef Ɛmer. Tefreḥ mi tesla s Ɛmer yejji : yuɣal ɣer uxeddim,

yekfa iman-is. Tewwi-d dɣa lexbar s Ɛmer yettnadi fell-as. Tura tebda

tesxuntuc deg wayen i d-yezzin i tudert n Ɛmer.

Qqimen akken deg sin azal n tlata n tsaɛtin. Gma-s n Ɛmer

yessefham deg-s acḥal ira Ɛmer ad tt-yemlil. Macatugi ula d timesliwt n

wawalen-a. Gma-s n Ɛmer yewwi-d ayen yezmer,taswiɛt yetterḍeq-d :

« Seɣleb ɣef yiman-im. »

Dɣa mi tugi, ula d netta yerna fell-as wurrif :


116

« D ayen isehlen, ruḥ cebbeḥ-d iman-im lmed ad teḥerqseḍ uɣal-d

ddurt- i d-iteddun. Ɛmer yugi ad kem-yettu. Aya ɣur-s d awezɣi. »

Jeǧǧiga, terfed afenǧal n lqahwa, tejɣem deg-s cwiṭ.

_ Dɣa Ɛmer acḥal tikkwal i d-yenna : « Ma mlaleɣ yid-es ad tt-

ɛeqleɣ. »

_ D tidett ?

_ Akka, amek i m-qqareɣ ! ula d nekk umneɣ s wayen iyi-d-yeqqar.

Ad kem-yeɛqel. Aha, tura teggra-d deg-m kan… »

Jeǧǧiga teggugem.

« Anaɣ d tamacint kan i d-tettaṭṭafeḍ mi ara d-taseḍ ! Ihi qqen

timlilit yid-es i ssebt d-iteddun. Ayen i m-d-nniɣ ad tettḥeqqeḍ yess, s

wallen-im. »

Ssebt-nni i d-iḍefren, adfel yessaɣ tamurt. Mi d-tewweḍ tmacint,

igenni yessules. Wid yettraǧun din d tirni kkren ɣer temlilt n wid ttraǧun,

anagar Jeǧǧiga ; teseḥma amḍiq, teqqim. Dɣa d taneggarut iterna ɣer

lhamaj-nni yekkren din. Yal wa ansi i d-idemmir deg-s. Tebda asmiɛqel deg

Ɛmer, seg yidis anda tella ; ma yedda-d deg tmacint neɣ ala. Kra tettqeddim

tfeccel, armi tuɣal d tawraɣt, dɣa simmal tatticmit.

Zdat uɛessas n tmacint, twwala yiwen n wergaz ɣezzif. D Ɛmer.

Yesker tismaqal, ula d azeɣṭuṭ ur ibeddel deg-s.

Ɣer zdat Jeǧǧiag, yella yiwen n wemɣar yelsa abalṭun deg ufus

yeddem aqrab, iteddu akken yezmer, am netta am wiyiḍ ; Jeǧǧiga tawwet ad

teffer deffir-s, ur teẓri acu tebɣa : Ad tt-yeɛqel neɣ ala. Zdat tewwurt, lɣaci

ttemdemmaren, kra tedda tehri tettnekmac.

Din din tesla i taɣect g ufus yeṭṭef tayett-is. Allen tizerwalin n

Ɛ<mer recqent deg wallen n Jeǧǧiga :


117

« Acuɣer i tesɛrqeḍ akka iman-im ? »

Seg wass-nni, akken i d-yerna wass, Jeǧǧiga d Ɛmer ttemlilin.

Jeǧǧiga tettraǧu sɣur Ɛmer limara neɣ awal ɣef wercal, maca ur d-

yelḥiq kra. Awal yugi ad yeffeɣ.

Ayen yettxemmim Ɛmer, amek tefra taluft deg wallaɣ n Jeǧǧiag,

yal wa yeḥrez-itt deg wallaɣ-is.


118

TIMLILIT DEG SSILUL

_ Quand l’assassin rencontre sa victime _

P. Ballemare- j. Antoine

« Histoires vraies 3 »

Deg yiḍ yiwen n umakur ad iɛerri yiwen n wemsebrid. Deg tallit-

nni, yiwen n umakur nniḍen iqureɛ-d amakur-nni armi d-iwweḍ n tqernit,

yuker-it.

Kra yimsebriden, walan amennuɣ, nudan i yibulusen. Amakur

amezwaru yerwel, wis-sin yubba lbaṭel yexdem umakur amezwaru.

Mi zrin kra wussan, sin n yimakuren-nni mlalen deg yiwet n ssilul.

s-yin ara d-teffel tidett ara d-iselken aneḥbus yettwaḥebsen ɣef

wayen ur yexdim.


119

Tawwurt n ssilul anda yella Mḥend teldi-d.

« wa Mḥend ! Ata nerna-yak-d amrafeq ! »

Mḥend, d aneḥbus iɣef ẓuzren s lḥebs steɣzi n tudert-is, iqeddem-

d ɣer uɛessas, imagen kecmen, allen jexrent ɣer daxel.

« Ur ḥwaǧeɣ ara amrafeq !

_ Timeslayin-a ini-tent i unemhal ! neɣ tanwiḍ tekriḍ taxxamt

iman-ik ? Llant da xemsin n ssilulat ; ma d ineḥbas llan mya u-rebɛin, af-as-d

kečč tura tifrat ! Ma tugiḍ wid k-ittkacaban, ulac kra ara k-xedmeɣ, lleh

ɣaleb d kečč i ten-yextaren. Ɣurwat imenɣi ! »

Lḥebs-a, wid yuɣen amur deg-s ẓran aɣella n yiɛessasen isugut

awal tiɣrit ma d ameslay drus. Deg wannag wadda, llant setta n ssilulat,

ɣzant deg temra. Wid yesɛeddan ussan deg-sent cfan fell-asent. Učči cwiṭ

kan akka abrid deg wass, aman kifkif, talyant i wass i tissit d usired, tafat

ulac, ur teẓẓareḍ ur k-iẓẓar yiwen, awexmi yessaɣ tiɣemmar.

Mḥend yettuɣal ɣer deffir. Tlata n wayyuren segmi yella da.

Amrafeq-a i s-d-ceyɛen imugg am wuccen, allen bezṭuḥit ḥercent, tanzarin

nejbadent ɣer zdat.

« Ur ttxemmim aṭas, ay amrafeq, aqli da ɣef setta n yiseggasen, ad

k-zwireɣ ɣer twaffɣa, ma d kečč mazal ad twaliḍ wid nniḍen ! »

Tawwurt n ssilul temdel ɣef sin n yineḥbasen-a yeṭṭafaren s yimejj

lḥes n lǧerra n uɛessas-nni yettibɛiden. Deg lḥebsa yebnan acḥal aya ,seg

wasmi yeldi ar wass-a, werǧin yerwil yiwen deg-s. Ula d ɛtaq ssaramen

ineḥbassɣur taɣdemt ; ur d-trezzu ɣer da ; ayen ḥekkmen fell-ak deg lḥebs

ad tt-tesɛeddiḍ armi d ass aneggaru. Yiwen ur yelhi seg wid i d-ttawin ɣer

lḥebs-a. Mi ara nnaɣen gar-asen yineḥbas, iɛessasen ferrun-ten s teɣrit.


120

Win iɣef ḥekkmen ad yejbed ussan deg lḥebs-a, am Mḥend, yeẓra

ilaq ad yegzem layas. Ɣas akka ineḥbas d tirni gren azeṭṭa d tudert, ula

yiwen wass mačči yenɣa uneḥbus iman-is da. Mi ara yekker umennuɣ gar-

asen idammen ttazzalen d tiregwa.

Tamacahut n Mḥend, amakur ɣef yiman-is, 25 n yiseggasen deg

ticcett-is, d amsebrid, kra yedda iḍarren-is ḥefyan. Da iḥulfa s tikli-s ad

teḥbes. Yettwaẓuzera acku yenɣa argaz, yesqer-d, agerbuz n win yenɣa ar

tura ur t-ufin maca ur ḥaren ara. D ssilul-ai d aẓekka n Mḥend, yeẓra da ara

yemmet. Ata i wumi yebɣa ad yili iman-is yugi amrafeq-a i s-d-gran.

Deg tugett n tallit, ameslay gar yineḥbas deg ssilul ur tḥebbes ;

ttidiren tikkelt nniḍen s wawal ayen iɛeddan fell-asen di berra, wa

yettzuxxu-d wa isqneɛ ad yini tidett. Mḥend, ur yesɛi ara d yini. Tidett-is

yessen-itt, tayeḍ tin n yibulisen d yinẓurfa d tikerkas. Tikerkas yeqqbel s

taɣrit. Dayen ifukk fell-as uḥewwes d tukerḍa n yimdanen i d-irezzun ɣer

yillel tekseb temdint akken ad cfen. Mḥend, akka i iḥulfa s tlelli-ines. Ass-a

ixelles-itt ɣlayet, ɣlayet nezzeh.

« Isem-iw Belɛid ! Tessneḍ ad turareḍ tiddas ? Nekk, kecmeɣ-d

yakan ɣer lḥebs. Da i lemdeɣ turart n tiddas. S teɣzi n setta n wayyuren kkiɣ

yakan da, angar aya i xedmeɣ. Ishel ma tebɣiḍ ad tlemdeḍ ; ad tebduḍ s

ujerriḍ deg lqaɛa…

_ Efk-iyi lehna ! Ḥsu ssilul d wannag n wadda ur tt-ugadeɣ ara. M

aur yi-thennaḍ ad bduɣ asṭubbel deg-k, s-yin ad aɣ-zuɣren i sin yid-neɣ

sadda ! »

Belɛid yeṭṭef taqernit, mi ara d-ters talwit ad iẓer acu ara yexdem.

Ur yezmir ad yennaɣ, yettagad tillas d wergaz-nni yettwali zun d tili kan.

Yettḥebbir akken ad imekti, zun yemlala yid-es yakan… yettkacban ɣer


121

yiwen n wemdan yebɣan, yiwen n wass ad t-ineɣ. Yif limer isusem tura,

taswiɛt ad iwali.

Zrin sin wussan segmi tanmehla n lḥebs semlalen Mḥend d belɛid

deg yiwet n ssilul. Ass n 25 furar ɣer tlemmast n yiḍ, asuɣu, i d-yekkan seg

ssilul anda gren sin n yineḥbas-a, yesdekwel-d ineḥbas d yiɛessasen.

Tuqeɛ-itt tazzla n yiɛessasen srid ɣer ssilul anda yella Mḥend d

Belɛid. Din din tafat tassaɣ.

« Acu yeḍran akka ! Ur tettsusumem ara » I d-isuɣ aɣella n

yiɛessasen.

Simmal asuɣu yettfukti. Gar tuɣac-a tufrar-d tin n Belɛid :

« Ay asessas, ttxil-k ! Yebɣa ad yi-ineɣ ! Ɛteq tarwiḥt ay aɛessas ! »

Aɣella n yiɛessasen iwehha s yixef-is, i wid d-izuɣr yid-es, ad ldin

tawwurt. Yecneq tamitrayit ɣer yidis-is imended ɣer daxel, ldin-d tawwurt.

Belɛid, anagar yesla i usxerwec n tewwurt yuzzel-d, ineggez ɣer yiḍarren n

uɛessas :

« Yebɣa ad yi-ixneq, ay aɛessas ! Yemxel ! Suffeɣ-iyi s-ya ! ttxil-

k ! »

Aɣella n yiɛessasen, imugg am udebbiw, ur iḥemmel ara asuget n

umeslay n yineḥbas. Yendaḥ i yiwen n uɛessas :

« Glu myes-sen ɣer wannag wadda ! Azekka ad nẓer acu ara

nexdem. »

Belɛid yefreḥ : tiyiti s ttkel d useḥnunef ifen tiddukla d tiɣimit n

Muḥend.


122

Ma d Muḥend, deg yidis nniḍen yekres iwekkimen-is yekkat deg

tɣalaṭ-nn n udɣaɣ yugin ad terr ssut. Yebda asuɣu :

« Bɣiɣ ad meslaye$q d unemhal, tura ! ur ttraǧuɣ ara ! tessalem-

iyi-d ? »

Ineḥbas nniḍen, dɣa d aya i ttraǧun, ula d nutni ttnadin kan sebba

s wacu ara d-kkren ; bdan ademmer deg twwura-nni n wuzzal. Mḥend mazal

yettsuɣu :

« Bɣiɣ ad waliɣ anemhal ! Ur lliɣ d aqettal akken ad kerfeɣ ! ma

rniɣ kra da, ad nɣeɣ yiwen ! »

Aɣella n yiɛessasen, tamiṭrayit deg ufus yeddukel d yiɛessasen,

hwan ɣer wannag wadda anda rran Mḥend, mi d-yewweḍ yendeh i yiwen n

uɛessas, yenna-yas : « Semlelli-t ! »

S lemɣiḍa yesɛa ɣer uneḥbus, aɛessas-nni yugi ad at-iwet, acku

yeẓra ur d-usuter ara lmuḥal. Idemmer aneḥbus ɣer zdaxel :

Semlelli-t ! Neɣ tebɣiḍ ad isenker tagrawla ! »

Aɛessas nniḍen yerfed afus-is yefka tiyita i Muḥend ɣer tmelɣiɣt,

isemlelli-t.

Ineḥbas, yal wa deg ssilul-ines, ur ẓran ur fhimen acu yellan,

sekrenlhiḍ. Aɣella n yiɛessasen mi d-yuli, s wurfan, yerfed tamiṭrayit ɣer

yigenni yessufeɣ lujeh. Din din tres-d tsusmi.

Deg lḥebs-a, lehna tessaɣ s yisem n Lhadi, aɣella n yiɣessasen. La d

netta yeẓra, yeqqar i yiman-is : « Asmi ara ffɣeɣ, imar ma tebɣa ad terwi

awer d-tuɣal lehna. »

Zrin tmanya n wayyuren. Mḥend yejbed-iten deg wannag wadda.

Deg wakud-a d tirni, tamuɣli-s angar yeẓẓar tili n uɛessas mi ara s-d-yesres


123

cwiṭ n wučči ɣer yiḍarren-is : Kra yibawen ragten deg waman d lkas n

waman.

Ass n 18 tuber, Tawwurt n ssilul teldi-d, yekcem-d yiwen n uɛessa,

yenna-yas-d i mhênd :

« Eyya-d a Mḥend, yebɣa ad k-iẓer unemhal. »

Ur d-yeggri kra wafud deg tfekka n Mḥend, yuɣal am lexyal, ilufḍa,

tilkin fell-as am ugemmum n tweṭṭufin, zun d amexlul. S tigti n tallit yekka

deg ssilul n wannag wadda yekraf, s Yiɣil iɣallen i t-d-refden iḍarren-is,

teffeɣ deg-sen tezmert. Akken kan d-mugrent tafat wallen-is nedlent.

« Senned ɣer tɣalaṭ-a a Mḥend ! »

Mḥend yuɣ rray akken yeggugem. Aɛessas-nni ikemmel yeldi-d

tafat n tewwurt nniḍen n ssilul, ansi i d-ffɣen daɣen tlata n yineḥbas. Gar

yineḥbas-a yella Belɛid, ula d netta shant din deg wannag wadda. Yenbeddal,

allen salwent, deg yidmaren-is tenṭeḍ deg-sen tusut.

Mḥend, mi d-yeɛqel Belɛid, iwehha-yas… yesmermeg-as :

« Ɛiwen-iyi… »

Yebren-d uɛessas-nni :

« Susem ! Ddum, ad truḥem ad tecfem akken ad temlilem d

unemhal. »

Amek ara xedmen imeɣban-a akken ad ddun. Gar yineḥbas-a llan

wid yekkan deg wannag wadda tlata n wayyuren, ma d Mḥend d Belɛid,

wwten da tmanya n wayyuren, arfiq-nnsen anagar tallast d uwexmi, ur

ttmeslayen ur ttembiwilen, d wučči drus.


124

Mi wwḍen ar wemḍiq anda ccfen, anagar i d-mmaren waman fell-

asen mlellin acemma. Ḥulfan s tlaba tamaynut i sen-d-fkan leggaɣet ɣef

yirawen-nnsen. Mi kfan aseṭṭel, glan yes-sen ɣer lbiru n unemhal, kecmen.

Akken bedden, snin-ten wa zdat wa, ɛussen fell-asen sin n yiɛessasen, gar

yifassen-nnsen timitriyitin.

Deffir n lbiru, ɣer yidis n unemhal, aɣella n yiɛessasen yebda-d

ameslay :

« Atna, ay anemhal, ineḥbas iɣef i k-d-meslayeɣ. D Lhadi i ten-

yegren ɣer daxel n ssilul wannag wadda, yura fell-asen : Segrewlen. »

Anemhal, wesser acemma, am win yeɛyan yerra-yas-d awal :

« Lhadi ar yexdim akka, armi yeẓra iwimi. »

Mḥend yewhem, s uḥeccim yerfed-d aḍaḍ-is ad isuter ameslay :

« Zemreɣ ad meslayeɣ ? »

Anemhal am win ifeclenn yerna-d awal :

« Meslay-d, acu tesɛiḍ ad tiniḍ…

_ Nekk, ur xdimeɣ kra, ay anemhal…

_ Ur texdimeḍ ara kra, Amek isem-ik a wa teɣleḍ teɣdemt ?

_ Mḥend, ay anemhal

_ Iwimi i d-tkecmeḍ ɣer lḥebs,

Mḥend, aḥeccim yezdeɣ udem-is, s yiɣil iɣallen i d-iteffeɣ wawal

seg yimi-s. Ikemmel-as uḥulfu yeqqen-as taɣect. Iwehha ɣer Belɛid.

« Fell-as i lliɣ da, d netta i nɣiɣ. »


125

Tezḍa-d taḍsa ɣef yicenfiren n unemhal.

Argaz-a yemxel ! Ay aɛessas ! »

Mḥend iqeddem-d s usurif, yejmeɛ-d tezmert-is. Dɣa ulac d acu ara

yexser, ma yella ugin ad amnen ad yuɣal s ansi i d-yekka. Ma yeggugem tura,

ulac melmi ara d-isefhem taqsiṭ yeḍran yid-es.

« Ala, ur mxelleɣ ara, ay anemhal.walim lekwaɣeḍ ad tafem deg-

sen iwimi d kecmeɣ ɣer da, rseɣ d aqettal, d argaz-a i nɣiɣ ! Ini-yasen a

Belɛid. Ini-yasen ur temmuteḍ ara… »

Din din anemhal yerfed-d allen-is, isakked deg –sen akken

yewhem.

« Acu-tt teqsiṭ-a ? lekwaɣeḍ uran fell-ak tettwaẓuzreḍ acku tenɣiḍ,

trewleḍ, uzzlzn-d deffir-k ṭṭfen-k. Ula d kečč testɛerfeḍ tedyant. Amek tura

ad tiniḍ ala,

_ ayen i wen-d-qqareɣ tura i d tidett. Ad wen-d-ggaleɣ s wayen

tebɣim. Ula d nekk, imir nwiɣ nɣiɣ, ɣas akken deg ddunit-iw nɣiɣ. Tukerḍa d

tidett ukreɣ ma d timenɣiwt werǧin nɣiɣ ! Ttxil-wen slem-iyi-d, ad wen-d-

sefruɣ taqsiṭ amek tella… »

Anemhal iwehha ɣer yiɛessasen ad suffɣen ineḥbas nniḍen ad

ǧǧen Mḥend d Belɛid.

« Ad awen-d-iniɣ, ɣur-wat ad tesreksem fell-i. Ihi kečč a Mḥend… d

anwai d-teqqareḍ tenɣiḍ ?

_ werǧin ẓriɣ anwa nɣiɣ, da i tres tiyita qessiḥet. Armi d-yewweḍ

Belɛid. Anagar i d-yekcem yebda-d asefti n wawal, yemmal-iyi-d acu yexdem

di berra qbel ad yettwaḥbes. D amakur am nekk…

_ Acu i k-d-yemla ?


126

_ Ata acu i yi-d-yemla. Asmi ttwaṭṭfeɣ, ufan-iyi ttnaɣeɣ d wa.

Aanaɣ akka a Belɛid, Ini-d ur ttagad… »

Belɛid s taɣect tazurant, yerfed awal :

« D tidett, ay anemhal, ass-nni lliɣ tedduɣ deg tezniqt i d-yuder

Mḥend, mlaleɣ-d yiwen n wergaz yettḥewwis. Mi d-yekcem ɣer temnaṭ

isullsen, serseɣ-as tiyiti ɣer uqerruy, semlelliɣ-t, kniɣ ɣur-s ḥuffeɣ-t, mi kfiɣ

yid-es ruḥeɣ ǧǧiɣ-t din yesred zdaxel terga. Imi d iḍ nwiɣ ula c win iẓran

ayen xedmeɣ, mi d-ddiɣ azal xemsa n lmitrat, ineggez-d fell-i yiwen n

umakue, ur ẓriɣ d anwa-t ! »

Ikemmel-d ameslay Mḥend :

_ D nekk, ay anemhal… mi walaɣ acu yexdem ḍefreɣ deffir-s.

_ Iwimi tḍrfreḍ deffir-s ?

_ Akken ad t-akreɣ. Dɣa ma ukreɣ amakur ulac acu ara agdeɣ :

argaz yettewten ur yi-yessen ara. Ddmeɣ-d tahrawt-nni i wumi yebra din

belɛid, mi nedda kra, nebɣed ɣef wemḍiq anda yettwet uḥewwas-nni,

neggzeɣ ɣef Belɛid fkiɣ-as tiyiti, yeḍreḥ din. Sferfdeɣ-as deg lǧib akken ad

akreɣ atezdam-nni i d-yuker.

_ S-yin akkin. I s-yenna unemhal.

_ Imar kan tewweḍ-d yiwet n tkerrust, zdaxel-is rekben-d rebɛa n

yemdanen. Ẓran-iyi-d, rsen-d uzzlen-d ɣer Belɛid, mi rewleɣ ḍefren-iyi-d.

Ssaleɣ-asen ttuɣun : « Yemmut ! » mi yi-d-leḥqen, seqlalḥen-iyi s teɣrit

akken zuɣuren deg-i ɣer uselɣu anda wwtaɣ Belɛid. kkaten-iyi qqaren-iyi-d

ay aqettal. Yiwen deg-sen yerkeb takerrust yeɛna ibulisen. Mi newweḍ ɣer

uselɣu, argaz-nni wwteɣ ulac-it. Ulac lmeyyet-nni. Gar-aneɣ tella tehrawt-

nni d lǧerra d yidammen i d-yeskunan ansi izuɣer aman-is argaz-nni wwteɣ.


127

Ibulisen, mi wwḍen, ḥuffen drus kan akka, taswiɛt fran lmeyyet-nni yeglalez

armi d iɣzer, s-yin zuɣren-t waman. Werǧin ufan lmeyyet, dɣa ɣur-sen

lweqt. Ata iwimi ttwaẓuzreɣ d aqettal. Ula d aḥewwas-nni yewwet Belɛid

yenna-yasen d nekk i t-yesɛuẓlen, mi ḥuffen leǧyub-iw ufan atezdam. Din i

fran fell-i d amakur d aqettal. Ula d irgazen-nni i d-yeɣran i yibulisen nagen

ẓran argaz yemmut. Dɣa din, ula d nekk umneɣ.

Anemhal isekmec anyir-is, am win yebɣan ad yini ur yefhim kra.

« Teqqareḍ-d d wa i tenɣiḍ ? Anemhal, yettmeslay i Mḥend iwehha

s uḍaḍ ɣer Belɛid.

_ Akka, ay anemhal ! tamacahut-a, yeḥka-yi-tt-id Belɛid deg ssilul !

_ Iwimi truǧaḍ tmanya n wayyuren akken ad teḥkuḍ tamɛayt-a ?

_ Mi sliɣ i tedyant amek teḍra, di yazwara s wurfan qrib nɣiɣ

Belɛid, ay anemhal ! Nennuɣ deg ssilul, mi d-yewweḍ uɣella n yiɛessasen,

isehwa-yaɣ ɣer wannag wadda.

_ Dili testeqsam-d fell-i, ad yi-d-temmeslayem.

_ d awezɣi, ay anemhal. Aɣella n yiɛessasen, yenna-yaɣ-d : « ad

terkum da ». mi nḥulfa s kra tezmert, am Belɛid am nekk, ad tt-nerr ɣef

usuɣu, din din ad d-yazzel uɛessas ad aɣ-yefk tiɣrit, mi yekfa wafud, nerra-tt

nessaram kra yelhan ad yekk seg tɛessast d ssber. Limer nerna drus kan

zdaxel ssilul wannag wadda, dili nemxel. Taɛessast deg yilem tessuffuɣ

leɛqel, ay anemhal, maca acu nniḍen ara txedmeḍ ! S lxiq n umeslay ; ula d

Belɛid ira ad imel tamɛayt yeḍran yid-es d nekk, maca ulac tawwurt. »

Anemhal yebren ɣer Belɛid, yenna-yas :

_ Ad tiliḍ d anagi ɣef wayen tesliɣ d tidett ?


128

_ Ad iliɣ d anagi, ad iniɣ tidett. Ass-nni, wwteɣ argaz wayeḍ

yewwet-iyi. Aqerruy-iw yettcercur s yidammen, mlelliɣ, mi d-ukiɣ, sliɣ i

medden ttsuɣun, d ssut n tkerrust. Din ugdeɣ, ɣileɣ d ibulisen i d-yewwḍen,

ḥrurdeɣ almi d yiɣzer, s-yin rewleɣ. Ur ẓriɣ acu yeḍran d Mḥend, dɣa ur yi-

tuqiɛ deg-s awi-d kan ur yi-ttaṭṭafen ara ibulisen. Mi zrin kra wussan,

ttwaṭṭfeɣ ttakreɣ yiwen wexxam. Ata wamek i d-wwḍeɣ ɣer lḥebs akken ad

mlileɣ d Mḥend di ssilul. Mḥend yugi ad yemmeslay yid-i, dɣa akken ad t-d-

seḍseɣ ḥekkuɣ-d timucuha xedmeɣ di berra, din din Mḥend, am umexlul,

ineggez-d fell-i ad yi-yexneq, ziɣen yiwet deg tmucuha i d-mmliɣ teḍra d

Mḥend, tin i d-yeḥka tura. Ata amek teḍra tedyant ay anemhal. »

Belɛid, akken yefhem anemhal yugi ad yamen, yebda-yas-d

awessef n yiɣzer, yesken-as-d afeddix-nni i s-yexdem Mḥend deg uqerruy.

Anemhal isaweḍ taluft ɣer wexxam n teɣdemt, s-yin inẓurfa

ɛawden-d aẓuzer i Mḥend d Belɛid.

Tidett tettqam-d ɣlayet i Mḥend i wakken ad tt-yissin ; ixelles-itt s

tmanya n wayyuren deg ssilul deg wannag wadda. Ziɣen tella temḥeqranit

ur tezmir ad tennal neɣ ad tekkes ula d taɣdemt.


129

TAYRI TAWESSART

_ Les plus vieux amoureux du monde _

P. Ballemare _ J. Antoine

« Les dossiers extraordinaires »

Yiwet n teqcict, d yelli-s n wemrabeḍ, d yiwe n weqcic, d mmi-s n

ufellaḥ, mmiḥmalen.

Lqanun n taddart yebna-d taɣalaṭ ɣef tayri sɛan, wa ɣer ta,

ilemẓiyen-a. I wakken tayri ad tkemmel gar-asen, ilaq-asen ad afen tifrat

fiḥel ma ɛefsen ɣef lqanun n taddart.


130

Tamacahut teḍra deg yiwet n taddart anda imrzdaɣ bḍan d

iḥricen : llan wid ikesben cci d rray, tugett deg-sen d imrabḍen, llan wid

seqdacem yimezwura-ya, d acriḥ ameqqran, wid iɣef tettrus teɣrit.

Selma, d yell-s n wemrabeḍ, fell-as ɛecrin n yiseggasen, temleḥ

nezzeh. Seg tikkelt tamrzwarut ideg rsent wallen-is ɣeh Maǧer,

tefhemuessaked-d deg-s s tmuɣli ideg tgelmem tayri. Ad tt-ilaɛi yugad, ad

tlaɛi-tur ilaq ara, acku ilugan n tayri mmalen-d d argaz ara ilaɛin i tikkelt

tamezwarut, taḥdayt, mačči d taḥdayt ara yaẓen ɣur-s. dɣa tefhem lecɣal-

nni d tirni, yerna testḥla yes-sen, maca ur tezmir ad terkes lqanun, ilaq ad

traǧu melmi ara tt-ilaɛi Maǧer.

Selma d Maǧer, tekkan ɣer yiwet n terbaɛt n ccna yellan deg

taddart, din i mrẓren i myussanen tikkelt tamenzut. Yal ass, Maǧer

itteḥnunufed ɣer tqernit anda d-tezga Selma akken ad yaɣ amḍiq zdat, mi

d-yewweḍ ɣer yidis-is istehna. Send ad bdun tizlitt, Maǧer isakked Selma

yeḍsa-yas, din din terra-yas-d ur teẓri amek. Akken cennun, deg yiqerray-

nnsen iger uzeṭta n tayri.

Mi kfan ccna, Maǧer yezwar ɣer berra ad yeggani Selma. Mi d-

teffeɣ yessuter deg-s taudkli d webrid ɣer wexxam-nnsen. Ass-a ḥulfan s

webrid wezzil, zun qemcen allen-nnsen, ldint-tent wwḍen. Lxiq yezdeɣ deg-

sen am wid yemyussanen, deg wacḥal-aya ur mlalen. Mi wwḍen ɣer wemḍiq

anda rar d-msebḍun, bedden akken am yisebdad mexẓaren kra teswiɛt,

ṭṭreḍqen s taḍsa n lferḥ igelmen ulawen-nnsen. Ata amek tebda tdukli gar

Selma d Maǧer.

S teɣzi n unebdu, Selma d Maǧer gelden akken tiɣimit, tayri yellan

gar-asen tugi ad temsu. Deg yiḥerqan ur d-teffɣen, zzin i tqerna d tirni, anda

zemren ad afen talwit.


131

Yiwen n wass, ababat d tyemmat n Selma, ruǧan deg yelli-tsen

armi d-twella. Luɛan-tt.

« Ansi d-tekkiḍ akka a yelli ? » I tt-tetter yemma-s.

Ǧuher, yemma-s n Selma, tbedd ɣer yiman-is, am nettat am liḥala

n tullas n yimerkantiyen akkit, ur txus wayra.

« Nniɣ-am ansi i d-tuɣaleḍ akka ?

_ Lliɣ ttḥewwiseɣ deg yigran.

_ D Maǧer ?

_ Ih. »

Din din Ǧuher tekres anyir. Yemma-s,tebren ɣer wergaz-is am tin

yettnadin liɛana. Argaz n wexxam yefhem, isakked tameṭṭut-is am win

yebɣan ad tt-isuter ad teqqel deg yidis, taluft tuɣal-d i netta.

« Selma, deg wacḥal-aya kem d yadukli d Maǧer, newwid lexbar,

maca ur nrbɣi ad nehder nɣil ad tfehmeḍ iman-im, kem deg wass ɣer wayeḍ,

teǧǧiḍ tadyant ad tfukti. Anaɣ twalaḍ a yelli ddyana d tumniyin-nneɣ ur

qebblent timsaɛfa d tdukli d wiyiḍ. Tfehmeḍ-iyi. Twalaḍ acu bɣiɣ ad d-

iniɣ ? »

Tidett kan, Selma ur teẓri ur tefhim ur tezmir ad tsel i wayen

nniḍen nnig tiɣri n tayri yekseb wul-is ɣef Maǧer. Rray-a i s-d-yuder baba-s

ur s-yeɛjib. Maca deg tallit am ta, di tmurt am ta, anda imezdaɣ snin

imdanen am yiguza, yal wa s wazal-is d tmira-s ; yelli-s n wemrabeḍ ur

tezmir ad teddakel d mmi-s uxemmas. Lefhama-ya twala-tt maca tugi-tt.

« Akken kan tebɣiḍ a baba » I d-yekfa umeslay gar ubabat d yelli-s.

Ma d nettat, ccɣel-is texdem-it, acu kan tura mačči am wussan iɛeddan; tayri

gar Selma d Maǧer tuɣal s twafra.


132

Mi ɛeddan kra wussan, yenna Maǧer i Selma:

“Acu tenniḍ limer ad ḍelbeɣ afus-im ɣer yimawlan-im?”

Udem n teqcict yenbeddal; teggugem, tesikkid Maǧer, kra s lferḥ kra s

ugugem ɣef baba-s i s-yennan ad teḥbes tawaffɣa d Maǧer. Acḥal-aya segmi

tettraǧu timeslayin-a sɣur Maǧer. Teẓra imawlan-is ur qebblen ara, dɣa

tiririn ɣef tuttra-ya seg wacḥal-aya segmi tt-d-theyya: “Ala”

Mačči d tayri ur tesɛi ɣer Maǧer, maca lqanun n taddart ɣef tullas,

yeqqar-d rray fell-asent yettuɣal i yibabaten. Ulac ara texdem.

Maǧer, seg tama, yenwa mi ara d-yini imeslayen-a i Selma, ad

tneggez ad as-tger iɣallen ad tsuden-it ad tru s lferḥ. Ziɣen ur d-yelli kra deg

wayen yettxemmim. Yenɛaǧab, iḥulfa s wakal irewwel gar yiḍarren-is.

Yeggugem, ur inuda ad yefhem kra, tiqqit n yidammen ur d-teqqim deg

wudem-is. S-yin s-yin, yebren yeɣba.

Maǧer, mi yekcem axxam, yaf baba-s d yemma-s ttraǧun deg-s.

“Ansi d-tekkiḍ a mmi? ”

Maǧer ihuz tuyat am win yebɣan ad yini fkem-iyi talwit:

“Iwimi ara yi-d-testeqsiḍ, anaɣ teẓriḍ?

_ Telliḍ d Selma?

_ Ih.

Ababat, s uḥeccim isakked tayemmatt, am win isuturen liɛana?

Tayemmatt, seg tama-s, tletha: tettheyyi-d učči, am ur sen-d-ngi ccan, ma d

tmeẓẓuɣt tessal.

“Yemma-k d nekk, nettḥeyyer fell-ak.”


133

Maǧer yessakked yemma-s terra-d “ih” s uqerruy-is.

“Nettḥeyyer fell-ak ɣef waṭas n lecɣal. Di tazwara, taqcict-a, d

yelli-s n wemrabeḍ. Tis-snat, twalaḍ ur nesɛi asurdi s wacu ara nmager ayen

ɣer wacu tettɛerrijeḍ. Ih a mmi, ɣas qḍeɛ layas deg tura.”

Yemma-s n Maǧer, terra taɣellayt ɣef tmes, tesbuḥruy-as akken

trennu asɣar. Tbern-d ɣer mmi-s:

“Yesɛa lḥeq baba-k a mmi! Ilaq ad tḥebseḍ tadukli d teqcict-a.”

Deg uqerruy n Maǧer, xelḍent tlufa. Baba-s, mi t-iwala akken,

yekker-d yewwet-it ɣer tuyat, yenna-as:

“Ur k-nenna ara ad tḥebseḍ tadukli d teqcict-a. Maca, ilaq ad

twalaḍ tidett ɣer zdat, ameyyez yezwar aneggez: jnu-d kra d-yin akin ad

nẓer.”

Iḍ-nni, Maǧer, yura-d tabratt ara iceyyeɛ i Selma, akken ad tt-

ixebber ur tt-yettu ara, tayri yesɛa ɣur-s ur tezmir ad temsu. Yefka-as lweɛd

n temlilit ɣer lmersa, ɣer tafrara.

Selma tebḍa gar nnihwan n yimawlan-is d tayri tesɛa ɣer Maǧer.

Ɣer taggara teddem rray ad teɛna win tḥemmel. Ɣer tafrara n wass tella-d

deg wemḍiq, temlal d Maǧer.

“Ilaq a Selma ad ffɣeɣ i tmurt.

_ Anda ara truḥeḍ?

_ Ad ṭṭfeɣ tababurt ɣer Fransa. Qqaren-d din yella uxeddim. Ilaq ad

geɣ leqrar i ddunit-iw.”

Qqimen akken, Selma d Maǧer, ttemsikkiden. Maǧer yettraǧu

melmi ara d-tneggez fell-as ad temsalam yid-es, neɣ ad s-tini ad teddu yid-


134

es. Selma, tebbajjew, xelḍent-as tlufa, tettḥebbir hah ɣer tmeslayin n baba-s

hah ɣer tid n Maǧer hah ɣur-s.

Teseḍfer s usekkud i Maǧer yettalin ɣer tbaburt.

Teḍra d Selma am tin i wumi tensa tafat n ddunit; anagar imeṭṭi i

s-d-yeggran. Teqqim din deg lmersa, tesikkid tababurt-nni armi teɣba,

teggra-d d yiman-is din. Azal snat n tsaɛtin nettat d asikked deg yillel, s

wallen gelment s yimeṭṭi, teḍmeɛ ahat ad twali tikkelt nniḍen tababurt

yewwin aɛziz-is.

Lxiḍ yeqnen Selma d Maǧer, tura yeggra-d deg yisalan ttaznen

gar-asen s tebratin. Maǧer, ɣas ma yensa i usemmiḍ laẓ, akken ur yeskkar

ara aɣbel i Selma, ur s-d-yettader wayra deg wayen yesɛedda d lḥif. Tal

tikkelt ideg i s-d-terra tabratt Selma, tesutur-as-d ma yella tezmer ad taweḍ

ɣur-s. Netta, yesseɛraq-as.

Seg wayyur ɣer wayeḍ, deg useggas ɣer wayeḍ, tibratin neqqsent.

Liḥala n Maǧer, am tin n yal amdan awerdani di tmurt n madden;

yeẓra akken ad yeḥrez timira-s ilaq ad iseggem tudert-is, ad isellek aqerruy-

is; ad icemmer ɣef yiɣallen-is ad yemlil ayen i t-yettraǧun. Dɣa yessaweḍ

yesbedd axeddim i netta d wiyiḍ: yuɣ ikumya sawaḍen sselɛa i wid

yuḥwaǧen.

Mi yesɛa cwiṭ lweqt zdat-s, ad yeddem amaru ad yaru tabratt i

Selma. Maca lexbar ur d-yelḥiq seg tmurt sɣur Selma. Yenna i yiman-is, ad

twalem tettu-t; ur as-tesmiḥ ara mi s-yugi ad d-terzu ɣer wanda yella. Ahat

tercel tura. Imir dɣa i yefra d yiman-is, ilaq ula d netta ad d-yaf leqrar i

terwiḥt-is, ad yercel.


135

Zrin tlatin n yiseggasen ɣef tayri yellan gar Selma d Maǧer. Maǧer,

di tmurt n lɣerba, yercel yeǧǧa-d tarwa, ur t-ixus kra, yesgel tudert-is ɣef

lsas iseḥḥa. Dɣa yelḥeq leɛmer i wesgunfu, fell-as settin n yiseggasen.

Yerna ɛecra n yiseggasen temmut tmeṭṭut-is. Tura yeggra-d d

yiman-is, tarwa-s meqqret yal wa s wexxam-is, reclen d tirni lethan d lecɣal-

nnsen. Muḥend, mmi-s ameqqran, yeṭṭef amḍiq n baba-s, isedday lecɣal.

Yiwet n tikkelt, yuɣal-d mmi-s seg uxeddim; seg usikel i s-d-yellan

ɣer tmurt n baba-s, yerra-d srid ɣer wexxam anda yettili Maǧer:

_ Amek tettiliḍ a baba?

_ Labas…

_ Anaɣ ur tsetweḥceḍ ara?

Muḥend, yeẓra aɣbel n baba-s d win n lehna n tarwa-s; yetthenni

iman-is mi ara ten-iwali ferḥen. Yenna mmi-s i baba-s:

“Iwumi ur trecleḍ ara a baba?”

Maǧer ihuz tuyat. Ikemmel-d ameslay Muḥend:

“Mi lliɣ di tmurt, wwḍeɣ armi d taddart-nneɣ.”

Din din Maǧer yeduqqes-d, iwenneɛ-d iman-is.

“Ssarameɣ ur tfeqɛeḍ ara fell-i. Ur ẓriɣ amek i yi-iger iɣallen lxiq,

bɣiɣ ad waliɣ atddart anda tluleḍ. Din mlaleɣ yiwet n temɣart isem-is Selma.

Temla-yi-d tamɛayt yeḍran gar-awen.

Leḥya tezdeɣ udem n Maǧer.

_ Ih akka tejbiḍ ɣer taddart! Ahat tbeddel.

_ Ih, jbiɣ! Rniɣ mlaleɣ d Selma.


136

-Teẓriḍ-tt?

_ Ih! Wehmeɣ

_ Iwimi?

_ Ɣer wemnar n wexxam tezdeɣ, mi yi-d-tenceḍ ɣer ukeccum, ufiɣ

tɛelleq deg lḥiḍ tteswira-inek… Mazal ar tura teḥmel-ik, werǧin tettu-k. Dɣa

ɣef lǧal-ik ur tezwiǧ ara . Ilaq tura ad as-taruḍ kra wawalen…”

Anagar yekfa ameslay d mmi-s, Maǧer yekker, yeddem-d lkaɣeḍ d

umaru. Afus yettergigi, azgen s tewser azgen s lferḥ, yebda tira. Yeẓra mi ara

slen warraw-is s tebratt-a ad ḍsen acemma fell-as, maɛna tayri yellan gar sin

n yiwessura-ya tekka-d nnig kulci.

Deg tebratt, Maǧer yeḍleb afus n Selma.

Mi kkan tnac n wussan, tewweḍ-d tebratt i Maǧer sɣur Selma:

“Xemsa n yiseggasen-aya, nekk, d taɛessast deg-k d uxemmem fell-ak. Yal iḍ

m ara nedleɣ allen-iw, ɛerḍeɣ ad waliɣ anda teelliḍ amek telliḍ. Uggaɣ

yenna-yak-d mmi-k, ula d nekk mazal ḥemleɣ-k. Ɣas ulamma meqqreɣ maca

ur setḥaɣ ara deg wawalen-a ad k-tent-id-iniɣ. Tura, ma tebɣiḍ ad iliɣ d

tameṭṭut-ik, ɛnu-yi-d.”

Fiḥel ma isuget taswiɛt, Maǧer iwessa yiwen deg twacult-is ad as-

d-yeṭṭef amḍiq deg tbaburt ata t-yawin ɣer tmurt. Tamurt yeǧǧa segmi

yeffeɣ.

Zdaxel texxamt, di tbaburt, Maǧer iḥulfa s lweḥc yezdeɣ-it, am

wasmi yeffeɣ tikkelt tamezwarut ɣef taddart-is. Maǧer, tura wesser, deg

ticcett-is sebɛin n yuseggasen, ma d ul-is yecreh s temlilit d wakal n tjaddit

anda yekka temẓi-s, d tin yettɛassan ad yeweḍ.


137

Agu yessaɣ lmersa anda i d-teḥbes tbaburt. Deffir liẓar i d-iga

wagu, Maǧer yeẓra tettraǧu deg-s tmeṭṭut yeǧǧa deg wacḥal-aya. Tameṭṭut-

a, Selma, ula d nettat wesret. Deg wul n Maǧer anagar tayri yesɛa ɣer Selma i

d-inagen: zun teddekwel-d seg yiḍes. Mi teḥbes tbaburt deg lmersa, yezdi-d

lqed-is Maǧer, yessejba seg ṭṭaq imdewwer n tbaburt, wissen ahat ad yeɛqel

Selma gar lɣaci-nni i d-yerzan i d-yettcewwiren ɣer tbaburt.

Ihegga-d tibalizin sway i d-yegla ɣer wemnar n tewwurt n

texxamt, yesker-itent gar yiḍarren-is. Yettxemmim wissen ma t-teɛqel? Neɣ

wissen ma ad att-yeɛqel netta daɣen. Mi ara mlilen, wissen s wacu ara

ḥulfun?

Mi d-ires seg tbaburt, ccɣel amenzu yexdem Maǧer, yesakked

zelmeḍ yeffus, ur yeɛqil yiwen. Iḥulfa s ukukru yuɣ deg-s amur. Gar lɣaci-ya

wissen ma tella Selma. Asemmid yezlez Maǧer, yesres tibaliin, yeqfel

abalṭun yelsa, yeddem tubalizin ikemmel tikli. Akken iteddu isikkid anda ara

iwali Selma.

Akukru yuɣal i Maǧer d tindemmit. Yettxemmim iwimi d-yuɣal

imi ulac tin iɣef yebna tuɣalin d yisaramen n tudert i s-d-yeqqimen akka ɣer

zdat.

Anagar yewweḍ ɣer tewwurt n lmersa, yeɛna-t-id yiwen n wergaz,

yelsa talaba n unehhar n tkerrust:

“ D kečč i d Maǧer?

_ Ih!

_ Swalhen-iyi ad k-d-fkeɣ tabratt-a”

S uɣiwel, Maǧer yeldi-tt ad tt-iɣer:


138

“ D nekk, Selma, i k-id-yuran tabratt-a. Nniɣ-as ilaq ad k-id-iniɣ,

qbel ad nemwala, mačči akken i yi-teǧǧiḍ i qqimeɣ, ilaq ad tawiḍ lexbar

beddleɣ, iseggasen yersen ɣef yiri-w beddlen udem-iw. Ugdeɣ ad

tendemmeḍ ɣef tuɣalin-ik mi ara yi-twaliḍ zdat-k; ad tagiḍ arcal yid-i. Akka

tura mi k-sɛelmeɣ, s tebratt-a, ur as-teqqareḍ ara xedɛeɣ-k. Tura, ma tugiḍ-

iyi, ɣbu gar lɣaci, err-d lexbar i unehhar-a, akka am kečč am nekk ad nellez.

Neɣ ma yella ur tendemmeḍ ara mi d-tusiḍ, ini i unehhar ad ak-d-imel

amḍiq anda ttraǧuɣ deg-k.”

Ziɣen Selma tusa-d, tugad ɣef Maǧer ad ibeddel tikti fell-as.

Tettraǧu deg-s zdaxel yiwet n tkerrust iḥebsen din.

Maǧer, ul yekkat s tazzla, yesteqsa anehhar anda teffer Selma.

Anagar i s-d-yemla unehhar-nni amḍiq anda teḥbes tkerrust, Maǧer yebda

tikli ur yeẓra anda yeggar isurrifen-is; yefreḥ ad yemlil d tayri-s. Deg webrid

wa idemmir-it wa idemmir-it-id.

Lxiq ikerreb deg Maǧer: anda ara d-iwali Selma. Uggaɣ nettat,

tettwali-d deg-s.

Anehhar-nni, meskin ameɛlal, yeṭṭafar deffir Maǧer. Mi iɛedda i

tkerrust ideg tella Selma, teldi-d tewwurt, yesla i ḥed yettnadi-yas-d:

“ Maǧer !”

Din din, Maǧer yeḥbes, yeɛqel taɣecy n Selma, yebren-d ɣer deffir

isikkid deg-s. Selma, s lferḥ, tuder-d si tkerrust terra-d ɣur-s, tteswira n

Maǧer gar yifassen-is.

Bedden akken ttemsikkiden, umnen ur uminen deg wayen ddren d

wayen yeḍran yid-sen. Maǧer yebra i tbalizin-nni yerfed; Selma, tekkes

tismaqqal terra ɣef wallen-is.


139

Lɣaci yellan din qqlen ɣef yidis, bnan-d azrug i sin n yiwessura-ya,

yumnen s tayri yesɛa yal yiwen deg-sen ɣer wayeḍ, xemsin n yiseggasen i

yemmiḥmalen, ɣas ulama mibɛaden. Wa yettazzal ɣer wa am yilmeẓyen.

Maǧer iger iɣallen i Selma, yettemsalam yid-es yeqqar-as:

“ Anwa yenwan, a Selma, anwa yenwan…

_ Akka a Maǧer… ɣas akken acḥal-aya… maca zun iḍelli kan i

nemfaraq…”

Qqimen ɣer lqaɛa, wa zdat wa, lɣaci i sen-d-yezzin yefreḥ yid-sen.


140

TADDART-IW

Tiziri, d yiwet n tlemẓit

Tecedha ad twali taddart anda lulen imawla-is. Tessaram ad d-yaweḍ

wass ad tezmer ad terzu ɣer taddart, ad tmeslay d yimezdaɣ, ad tẓer igran…

Maca, akken imawlan n Tziri, ur kfin ara iman-nnsen, dɣa asirem yuɣal-as d

target.

Maca, win ur ngezzem layas, yaweḍ yiwen n wass.


141

Si zik n zik nessal ɣer wanda tewweḍ talsa s tikli, llan yemdanen

teddun fiḥel tuɣalin ɣer tmurt-nnsen, llan wid yeffɣen tudrin zedɣen

timdinin. Mi nesteqsa ɣef sebba n tikli n wemdan-a, ad naf, deg tugett n

tikkal, d yiwet n tedyant iɣef zdin tiddi-nnsen; ǧǧan imeḍqan anda sɛeddan

temẓi-nnsen i waken ad ḥellin talqimt n wučči, wa i netta wa i yimawlan-is.

Maca, tugett yemdanen-a segmi ara ffɣen berra dayen tekfa tezmert-nnsen,

axeddim yečča-yas afud, yeswa-yas tidi.

Tamacahutt-nneɣ s-ya i d-tekka, s waya ara tebdu:

Tella yiwet n teɛrift teffeɣ i taddart-is am wakka acḥal d Aseggas,

akken ad tnadi ɣef weɣrum. Seg wasmi teffeɣ i taddart-is ur d-tuɣal. Ula d

tawacult i d-yernan, di temdint i d-lulen, i d-ttwarebban, ur ssinen wayra

ɣef taddart n yimawlan-nnsen.

Yiwen n wass, tekker-d Tiziri. Tiziri, d tamaẓuẓt n wexxam, d tilemẓit,

tecbeḥ, temlehḥ, udem d imdewwer, allen d tizerqaqin, acebbub yegzem,

setta n yiseggasen deg ticcett-is. Tterbiya, tetturebba mliḥ, teḥrec di tɣuri,

tettsetḥi, tettaɣ rray, ayen teẓra yesleḥ-itt ad tnadi fell-as akken ad telmed-

it;

Tiziri twella-d seg lakul, akken tetteddu, deg webrid tettaɣ yal ass ɣer

wexxam, tufa-d yiwen n wemɣar iqummec, yesres-d gar yiḍarren-is

taqecwalt teččur s tbexsisin. Mi tewweḍ ɣer zdat-s, tefka-yas azul:

_ Azul fell-ak a baba amɣar.

_ Azul a yelli. Acḥal n yemdanen i d-yekkan s-ya, zdat-i, Yiwen deg-

sen ur ixemmem ad iyi-d-yefk sslam, anagar kem. Da, deg temdint, mačči am

nekni deg tudrin: Ameẓyan yettqadar ameqqran, ameqqran inehhu

ameẓyan, win yesɛan ad yefk i win ur nesɛi.


142

Deg yidurar-nneɣ, tidett, ulac idrimen aṭas, maca nxellef-it-id s

lḥenna.

Akken tiwwura n unebdu beddunt leddint, azɣal yessaɣ-itt, yezdeɣ

tiqerna d tirni. Tiziri tessikid deg wemɣar: anyir yettengay s tidi. Iɣaḍ-itt,

tenna-yas:

_ Rǧu ur ttruḥ ara, ar d-uɣaleɣ.

Anagar tewweḍ axxam tesres aqrab-is, teddem-d abuqal yeččur d

aman, tegla yess i wemɣar-nni. Amɣar-nni, mi yekkes fad, yessasmeḍ

agerbuz-is yeḥman, yefreḥ nezzeh. Akken ad inemmer fell-as, iger afus-is

ɣer tqecwalt-nni i d-yewwi, yeddem-d tibexsisin cebḥent ufayit, yeččur yes-

sent amudd n Tiziri. Yenna-yas:

_ Tanemmirt ɣef lxir-im.

_ Tanemmirt i kečč daɣen ɣef tbexsisin d wawalen i yi-d-tenniḍ.

S-yin, teddem abuqal i d-tewwi, tenejbar s axxam. Akken tleḥḥu,

tettxemmim, amek tga taddart-a tura?

Amɣar-a yeqqar-d din yemmed lferḥ d lehna d talwit. Imi akka, iwimi ur

ttuɣalen ara, ar din yemdanen?

TADDART-NNEƔ

Itri mi d-iban

Tiziri tessaɣ idurar

Tezrareg-d ddaw wemnar

Ferḥen akkit igurdan


143

Ccna, iyzaḍ bdan

Assa tan ad yufrar

Tizizwa ɛemrent urar

Tezzint deg yiḥerqan

Acrureg n waman yesfan

Ssut-nnsen d axessar

Yeswa deg-sen wemsedrar

Yesasmeḍ agerbuz-is yeḥman

Imeksawen mi ksan

Ad d-rren lmal aneɛmar

Ɣer tewwurt yebra wemrar

Abrid yiwen ur asen-tiskan

Ar tili n yisekla yeslan

Ad yebdu jeddi amɣar

Tamɛayt n weɣzen aɣeddar

Ddaw tziri n wuḍan

Aqlaɣ yid-wen am yemɣan

Deg yiger uɣen aẓar

Ad neneggez akaddar

Ad nernu i ɣ-d-yezgan


144

Mi tewweḍ axxam, temlal-d yemma-s. tenna-yas :

_ A yemma. Ayɣer iseqdacen n wat taddart, akkit-nnsen ẓdan s ufus?

_ Deg tudrin yezgan deg yidurar-nneɣ, ulac lluzinat, yerna drus n lɣaci

i yellan, dɣa ɣef wakka i ttwassnen gar-asen, lexdeɛ d tkerkas d tukerḍa, ur

zgan gar-asen. Ma d tagmatt, din, tesfa am tignewt-nnsen.

_ Ihi madden irkell ɣur-sen tamurt?

_ Ih, tugett n lɣaci, ɣur-s tamurt.

_ Ihi ula d nekni ɣur-neɣ tamurt?

_ Wama ! Ih ɣur-neɣ.

_ Acuɣer ur nrezzu ara ɣer din ?

_ Acu ara nexdem din ? Ssuq ulac, lakul ulac…

_ Ad nruḥ ad nḥewwes.

_ Mi ara d-yaweḍ baba-m, ini-yas akka.

Tiziri teffeɣ ɣer berra tettraǧu deg baba-s melmi ara d-yuɣal s axxam.

Deg wallaɣ-is, mazal tettxemmim ɣef wemɣar-nni, ɣef tudert deg taddart.

Tenna i yiman-is: “ Ah! Limer zemreɣ ad ruḥeɣ ɣer taddart, ulama ɣef yiwen

n wass, ad awḍeɣ tiqerna yellan din d tirni.”

Taswiɛt kan ata iteddu-d baba-s, tuzzel ɣur-s akken ad as-teḥku

isaramen i tt-izedɣen. Mi tekfa, yerra-yas-d:

_ Ula d nekk bɣiɣ ad jbuɣ kra n wass. Maca ad kem-ɛahdeɣ, asmi ara d-

jemɛeɣ isurdiyen, ad kem-awiɣ ad tḥewseḍ taddart-nneɣ; ad twaliḍ isaffen

deg tmizar, idurar, ad tesleḍ i wesčewčew n yefrax, d wecrured n waman, d


145

useglef n yiḍan, ad tezɣileḍ ɣer lkanun iɣef tres tɣellayt n lqahwa i

umeqqran, d tmellalin zdaxel yirruj i yilemẓiyen.

Segmi i s-d-yenna baba-s lehdur-a, tefreḥ. Tebda tettgani melmi ara d-

yejmeɛ baba-s idrimen akken ad att-yawi ɣer tmurt. Maca, tal tikkelt ideg

ara d-yejmeɛ isurdiyen baba-s n Tiziri, ad yaf ilul-d umesruf d amaynut;

yella-d kra yezwaren tirza ɣer taddart. Ma d Tiziri, tettraǧu melmi ara s-d-

yini baba-s: “ Ass-a, ad akem-ssiwḍeɣ ɣer wayen tessarameḍ a yelli”.

Yiwen n yiḍ, tignewt tesfa, afeǧǧeǧ n tziri yessaɣ tal tiɣmert. Zdat n

ṭṭaq, iḍ yeḥma, Tiziri tefka tamuɣli ɣer yigenni, tesikkid ccbaḥa i tt-

yessaɣen. Tamdint akkit texla, at wexxam d tirni ṭṭsen. Ma d Tiziri, nettat,

teqqim akken ɣer ṭṭaq yeldi; tettxemmim amek ara taweḍ isaramen-is.

Din din, tmekta-d asefru i s-d-yenna wemsedrar-nni i s-d-yefkan

tibexsisin. Yenna-yas-d:

“Bedd, ad twaliḍ, qim ulac”.

Tiziri tebda tettḥebbir amek ara texdem akken ad terbeḥ kra n

yisurdiyen ad ten-tefk i baba-s akken ad tt-yawi ɣer taddart-nnsen. Kra

yellan texdem-as leḥsab, maca ar tura ur tufi tifrat; acḥal tiktiwin i d-yezzin

ɣer wallaɣ-is, yiwet deg-sent ur tlaq.

Din din tebda tesmuɣbun ɣef yiman-is, teqqar-as: “ Iwacu ur sɛiɣ ara

ameddakel i zemren ad yi-d-yefk rray yelhan”. Teqqim akken acḥal, armi

bdant wallen-is ɛeyyunt, naddam yeɛna-tt-id.

Taswiɛt kan twala ɣer yigenni, yiwen n yitri, yettimɣur, yettaẓ-d ɣur-

s. Tafat, i d-yettak yitri-ya tugar tin i d-ttaken yitran nniḍen yellan din deg

yigenni. Itri-ya yugar ayyur deg ucrureq.


146

Acemma, acemma, itri-ya yettaẓ-d, ttwaferzent-d; deg-s snat n

taṭṭucin. Ɣas akken, Tiziri tettwali deg taṭṭucin-a, yersen ɣef yitri-ya, maca

ur tumin: “ Tiṭ tettwali-tent, ul yeskerkes-itent”.

Tiziri, deg ddunit-is temlal d wanect-a, di tazwara tugas, tuɣal

tewhem. Tugi ad terwel, ul-is yeqqae-as-d tiziri-ya tehwa-d i nettat, tban-d

akken ad as-tmel yiwen n wufur. Ad twalem d tidett?

Temmekta-d tamsirt i sen-d-yefka uselmad di lakul, llan yemdanen

rsen ɣef wayyur. Tecfa ɣef wawalen i s-d-yenna:

_ Llant lqaɛat akin i wayyur, beɛdent ɣef tin-nneɣ, anda yezmer lḥal

ad ilin din imezdaɣ. Acḥal wakud yezrin, imezdaɣ n ddunit ttnadin ad afen,

ma llant lqaɛat nniḍen ttwazedɣent. Maca, ma yella imezdaɣ n ddunit

ttnadin, amek, ma llan imezdaɣ nniḍen, nutni daɣen ur ttḥufun ara? D

tidett! Nekni nettḥufu wiyaḍ ur ttḥufun ara ma llan?

Akken tettmeslay, allen-is ugint ad d-qecrent seg tiziri n yitri n

yitri-nni. Ur d-tewwi lexbar amek, Tiziri teɛna tawwurt n berra, s tuffra ɣef

yimawlan-is, teldi-tt, tger-d ɣer wezniq. Anagar i tesres aḍar-is ɣef wakal,

twala, amzun azniq tessen zik ibeddel; deg yiḍ, ur yelli am wass.

Deg tallit-a, azniq d ilem, yesulles, Tiziri tebda tikli tesmermug:

“Uggaɣ ɣelḍeɣ i d-yeffɣen deg tallit am ta.”

Tbedd akken, tettxemmim; ma yella ad tkemmel tikli ɣer tafat

yettfeǧǧiǧen, neɣ ad tuɣal s axxam?

Akken kan tger asurrif amezwaru ɣer deffir, ad tuɣal s axxam, tafat-

nni terna tuẓa-d ɣur-s, acemma acemma, drus drus, cwiṭ cwiṭ… armi d-

yewweḍ ɣer zdat-s yitri-nni zun d nettat iɣef yettnadi. Anagar tesres Tiziri

asekkud ɣef yitri-ya, tewhem s uttireq d ufeǧǧeǧ i d-yeteflen deg-s. Mi d-

yewweḍ zdat Tziri, yenna-yas:


147

_ Azul a Tiziri!

_ Azul! Amek i tessneḍ isem-iw?

_ Kem, ur yi-tessineḍ ara. Nekk d itri n zzher-inem, anaɣ yal yiwen di

ddunit ɣur-s itri n zzher-ines.

Tiziri teqqim akken tebajjew, zun d target i tettargu, s ayen ur

yettamen wallaɣ; itri n zzher-ines atan da, zdat-s. Taswiɛt kan, Tiziri tebda

ameslay:

_ Ass-a aql-i feqɛeɣ.

_ Anect-a walaɣ-t ɣef wudem-im, ur ɛusseɣ ara ad iyi-d-tiniḍ. Faqeɣ di

tazwara. Maca, aql-i da akken ad am-d-sleɣ, ad yi-d-tiniḍ acu tebɣiḍ ad am-

d-xedmeɣ. Nniɣ-am, nekk d itri n zzher-inem.

_ Nniɣ-as i baba ad nerzu ɣer taddart-nneɣ. Yenna-yi-d asmi ara d-

jemɛeɣ idrimen. Maca, ur isekfa-ara iman-is.

_ Tebɣiḍ ad kem-awiɣ nekk?

_ Tzemreḍ? I s-tenna Tiziri, akken tneggez s lferḥ.

_ Yella win tessneḍ din?

_ Ur ssineɣ yiwen.

_ Ihi, ma yella akka, d nekk ara ibedden ɣer kra yellan. Neggez ɣef

weɛrur-iw, sred iman-im, qmec allen-im alamma newweḍ d asawen s wamek

ara tent-teldiḍ.

Dɣa fiḥel ma tessiɣzef tallit, Tiziri texdem ayen i s-d-yenna yitri n

zzher-ines, zun tugad ad yendem.


148

Dayen ur tezmir ad tamen; atta nnig usigna i tettwali am uɣebbar,

telḥeq zdat wayyur i yettkacban lqaɛa, maca lqaɛa-ya tettiriq.

Drus kan akka n tallit, azal uxemmem, atta tewweḍ ɣer taddart.

D tikkelt tamezwarut ideg asekkud n Tziri, ires ɣer taddart-i. Tban deg

wayen tettwali: idurar ɣummen s yisekla, snin wa zdat wa, zun ttmizwaren

anwa ara d-yennalen igenni, da d igran iɣef imɣan gren azeṭṭa yal wa s

rrqem-is am yiḥembel yessan deg tɣeɣert n wexxam…

Kra teswiɛt akka, itri-nni yehwa-d ɣer lqaɛa, yegla-d ɣef yiri-s s Tziri,

yeqqimen akken tbat s wayen twala, ul-is yeskerkes allen-is. Mi d-tres ɣer

lqaɛa, yenna yitri:

_ Ilaq ad kem-id-sfehmeɣ: ma yeffeɣ-d yiṭij, itri ad iɣib neɣ ma ulac ad

yefsex. Ɣef wakka tura, nekk ur zmireɣ ad ddakleɣ yid-em. Kem ad truḥeḍ

iman-in, maca ur ttagad, suffeɣ aɣbel deg wul-im, aqli la d-ttɛassaɣ fell-am

deg wemḍiq-iw. Azekka ad kem-id-awḍeɣ, ad nemlil da, mi ara d-yeɣli yiḍ.

_ D amḍiq ur ssineɣ deg ddunit-iw, imezdaɣ yiwen ur t-ssineɣ,

tiɣawsiwin d tnumiyin n da, yiwet ur tt-ssineɣ!

_ yeffeɣ-ikem weɣbel, ur ttxemmim ara, ur ttseddiɛ ara aqerruy-im s

wanect-a. Awi kan abrid ad tawḍeḍ anda tebɣiḍ. Ur ttkukru, d nekk ara d-

iɛassen fell-am s-yin iwsawen. Ma d da, d imezdaɣ ara kem-id-yeɛnan, mi ara

d yali wass.

Tiziri akken mazal ibat wudem-is, teḍfer abrid I s-d-yemla yitri n

zzher-ines.

Anagar I d-tuli tafat n wass, imesdurar bdan ttakin-d. Amek I s-d-

yenna yitri i teḍra: acḥal n yemdanen i tt-id-yemlalen, bɣan akkit ad tt-awin

ɣer wexxam ad tsew afenǧal n uyefki ad tečč tiziḍanin.


149

Ula d agama yefreḥ, lḥal yella yessules s usigna, mi d-telḥeq Tziri,

tuɣal tignewt tesfa, iṭij yeflali-d tedda-d yid-s teslit n wenẓar. Ifrax bdan

asčewčew.

Imezdaɣ n taddart d tirni, qedcen ɣef Tziri; snulfan-d tarbaɛt ara d-

yawin Tiziri ad tnadi imeḍqan akkit ad ternu ad tekkes lxiq. Imezdaɣ teḍra

yid-sen am wid yeẓran acu i d-yewwin taqcict-a ɣur-sen.

Glan yess ɣer tsirt n zzit, yellan din deg taddart seg zik, yiwen ur d-

yecfi melmi i tt-bnan imezwura n taddart, s-yin ad uɣalen ɣer yigran n

uzemmur yeččuren iḥerqan. Yiwen ur yettu Tiziri. Imezdaɣ n taddart d tirni

ẓran-tt. Mi d-nejbaren, rran ɣer tala, din tesasmeḍ ifadden-is; teswa,

tessared.

Anagar i d-teffeɣ i tala, yemlal-itt-id yiwen n umerkanti n taddart:

_ Mreḥba, lɛeslama yess-m, ɣer taddart-nneɣ a taqcict. Akken kan sliɣ

s tiwḍi-inem, nniɣ-as ilaq ad ruḥeɣ ad tt-ẓreɣ. Ula d nekk bɣiɣ ad ferḥeɣ

yess-m akken ferḥen yess-m at taddrt.

_ Ad k-isellem Rebbi!

Yekker-d yiwen deg yifellaḥen yellan d terbaɛt-nni isawel-d s ufeqqiɛ:

_ A Sidi, anaɣ tilemẓit-a, iceyyeɛ-itt-id Rebbi i nekkni, yess

imeɣban d yifellaḥen, yezha wul-nnsen. Neɣ ula d tabeẓṭiṭuḥt-a tebɣiḍ

ad aɣ-tt-tawiḍ, ad tuɣal inek.

_ Wiyi, usme s cci kesbeɣ, ur bɣin ara mi nekk ɣur-I idrimen

nutni ur sɛin ara, usmen.

Din din, yenṭeq-d yiwen seg yimeqqranen n taddart, yenna:


150

_ Win yesɛan ad as-yernu Rebbi, win ifehmen ad as-yernu

Rebbi. Nekkni, s at taddart, mačči ɣef cci-inek i nusem, maca nrewwel

ɣef lefɛayel-ik.

_ Eyyan, eyyan, a taqcict ad am-d-heyyiɣ imensi.

Din din terra-yas-d Tiziri ameslay, tenna-yas:

_ Ma ddiɣ yid-ek, ilaq imeddukal-iw, iferḥen s yess-i, ad ddun

yid-i. Ur zmireɣ ad dduɣ nekk, ad ǧǧeɣ ɣer deffir imeddukal-iw.

_ Aṭas lɣaci yellan, mačči d yiwen ad t-id-kfuɣ. I s-d-yerra

umerkanti-nni.

_ Aṭas llɣaci yellan, kečč aṭas yedrimen i tesɛiḍ. Akka neɣ ulac.

Ixemmem cwiṭ umerkanti-nni, yerra-d awal:

_ Qebleɣ, ddum-d d tirni ɣer teɣremt-iw, ass-a lferḥ ad yegget

deg taddart.

Tenṭeq-d yiwet n temɣart deg yidis:

_ Ass-a, d ass amewaru ideg tessufɣeḍ leɛcur.

Mi fukken učči, urar yuɣ amur: wa iceṭṭeḥ, wa icennu, wa

iqeddec: imezdaɣ n taddart akkit zhan.

Akken kan yebda yiḍ yettsiɣ-itt, Tiziri temmekta-d imeslayen i

s-d-yenna yitri n zzher-ines: “… ad nemlil da, mi ara d-yeɣli yiḍ.” Ilaq

ad tuɣal armi d wemḍiq anda temsebḍa d yitri.

Din din, am umeẓyan am umeqqran, am weqcic am teqcict

msalamen yid-es. Kra n win i tt-yesudnen ad as-yini; “ Ad tuɣaleḍ kra

wass?”


151

Ula d nettat ur tebɣi ara ad truḥ, maca akka i d ddunit; ilaq ad

tuɣal ɣer wexxam-nnsen nettat daɣen.

Iɣallen ččuren d tirzufin, i s-d-fkan imesdurar, tegla s wayen

tezmer, ayen i d-yeggran tebḍa-t din gar yimecṭaḥ. Send ad truḥ,

tenna-yasen:

_ Anda yebɣu yelḥa wemdan, ad d-yuɣal uḍar-is ad ilḥu s aẓar-

is.

Anagar tewweḍ ɣer wemḍiq anda i tt-id-yesres yitri n zzher-

ines, iḍ yessaɣ-itt, tuɣ amḍiq ɣef yiwen n weẓru, tettḥessis i wecrured

n waman yettazalen din zdat-s.

Tura teẓra, nettat tezzi-d iɣallen i taddart, taddart, seg yidis

nniḍen kifkif, temmaẓeḍ ɣur-s; miḥmalen seg wul.

Deg tɛessast-nni n yitri, deg uqerruy n Tiziri itezzi wayen teẓra

d temliliyin i as-d-yellan deg taddart. Imir kan, temmekta-d awal n

uselmad-is deg lakul i yas-d-yennan:

_ Win iteddun yif win yeqqimen. Win yebɣan a yedder temẓi-s,

ad iḥewwes.

Ula d Tiziri teẓra terna tesla, twala ayen telmed ass-a, ur as-t-

yesselmed yiwen deg lqern. Akken tettqeddim deg uxemmem, tesla i

taɣect ɣer deffir tettnadi-yas-d:

_ Aql-i da a Tiziri, ad nruḥ?

Ayen akkit yezrin fell-as, yesggugem-itt; ur tezmir ad tini “ ih”

ur tezmir ad tini “ala”.

Ɣer tuɣalin, ayen teẓra tazwara ɣef weɛrur n yitri, mi d-tusa, i

tettwali tura. Acu kan, tura, tesla i uqerruy-is itezzi, temlelli. Mi d-tuki


152

tufa-d iman-is zdaxel n wusu deg texxamt-is, baba-s d yemma-s

ttmuqulen deg-s.

Tiziri terfed allen-is, twala itri-nni, akken yebɛed tebɣa ad as-

tinii: “Iwimi yexdem akka”.

Taswiɛt kan tesla tiririn n wawal ɣef westeqsi-ines, deg wul-is:

“Kra n win ixedmen lxir di ddunit, ad yemlil d yitri n zzher-ines. Am

kemmini”.

Tebren-d ɣer yimawlan-is, tenna-yasen:

_ Acu yellan?

_ Ur yelli wayra. I s-d-terra yemma-s.

Baba-s ikemmel deg wawal n yemma-s:

_ Nusa-d di sin ad kem-neseɛlem s lexbar yelha: iceyyeɛ-d

ɛemmi-m seg taddart, yenced-aɣ ad neqqim anebdu deg taddart.

_ Tanemmirt a baba, tanemmirt a yemma.

Msalamen yid-es imawlan-is, ffɣen.

Mi d-teggra Tiziri iman-is, tessakked ɣer yigenni, tufa tallest

tessaɣ, anagar amḍiq n yitri n zzher-ines. Din din gelment wallen-is s

yimeṭṭi n lferḥ.


153

AGELLID N YIMELḤANEN

Le roi des bons-

Herniett Brechnnier

Agellid Gulu, yeḥkem tagelda-s s zzur. Yellugem ɣef tmurt, kra win

icebḥen ad t-ineɣ. Dɣa imezdaɣ d tirni, tticmiten iman-nnsen, myekrahen

ugin arcal gar-asen.

Yiwen n wass, yiwen n wergaz ɣef rrif n ugelmim, yemlal-d yiwet n

tmeṭṭut tessirid. Din din teɛjeb-as, dɣa mmiḥmalen.

D aṭufan ara d-ilalen deg temlilit-a ara d-igen abeddel i yilugan i d-

yesbedd ugellid Gulu.


154

Si zik n zik, deg yiwet n tmurt, ass-a, isem-is d wanda i d-tezga ɣban.

Yeḥkem-itt yiwen n ugellid yecbeḥ, isem-is Gulu.

Agellid Gulu, yumen s ccbaḥa armi yuɣal tugett n lweqt-is yesɛedday-

it ɣer lemri. Ur yettxemmim ɣef wayra anagar ad yili d lemxeyyer deg

ccbaḥa ɣef yimezdaɣ n tmurt yeḥkem. Yewɛer nezzeh: Ma yesla s yiwen

yecbeḥ ad yazen wid ara s-yekksen aqerruy.

Gar lɣaci yeḥkem, yezreɛ tugdi. Yiwen ur yebɣi ad yif agellid deg

ccbaḥa, ula d iqeddacen-is, yal wa amek i yeswaɣ iman-is akken ur teddun

ara di nnmara i ugellid-nnsen. Yal wa amek yexdem; Wa isexnunes iman-is,

wa yezzi-d i taṭṭucin-is s tezweɣ, wa yesnulfuy-d iɛeqqayen deg tamart-is,

way esker deg yimi-s uglan sexlaɛen, wa yezleg tanzarin-is. Yal ass agellid

Gulu itezzi deg tzenqatin n tmurt isikkid ma ad yaf yiwen yecbeḥ. Dɣa mi

ara d-yemlal imezdaɣ n tmurt, yettaf-iten zelgan, cemten, qqlen akkit d

ifɣulen, acebbub yexreb; imir, yettaf talwit, ul-is yestehnay, imir imir ad

yebdu azuzer n yedrimen ɣef madden.

S-yin, agellid Gulu ad yuɣal ɣer teɣremt-ines ad yesteqsi aqeddac:

_ Ɛni, deg nniya-k, yezmer ad yili yiwen yif-iyi deg ccbaḥa?

_ Amek akka ay agellid ? Anect-a d awezɣi, ur yezmir ad k-yif yiwen

deg ccbaḥa. Yiwen ur yezmir ad yekseb vvbaḥa nnig-k. Yal ass iɛeddan

ccbaḥa-k tettfeǧǧiǧ.

_ Akka i k-qqareɣ, i as-yenna ugellid Gulu. Atan trebḥeḍ-d isurdiyen,

ax. Azekka, ma yehwa-yak, uɣal-d ad turareḍ da, abrid yeldi.

Imezdaɣ n tmurt akkit, uɣalen d ifɣulen, cemten: Accaren umsen,

imejjan ččuren d taltext, axenziz deg wanzaren ur itekkes, talaba texnunes.

Imezdaɣ gar-asen yal wa iɣunfa ad iwali wayeḍ. Seg lecɣal-a tennulfa-d

twaɣit, d agejdur gar yimezdaɣ n tgelda yeḥkem ugellid Gulu.


155

Ata acu i d-yennulfan:

Tullas n tmurt ugint ad reclent d yergazen cemten. Akken daɣen ula d

irgazen, mi walan tullas ad bɣun ad d-rren. Segmi yiwen ur yebɣi ad yercel,

yiwen ur yeḥmil wayeḍ, wid yellan bdan ttiwsiren; ma d ilmeẓyen ulac, mi

ugin jjwaj gar-asen. Deg tmurt d tirni, ilmeẓyen wqan.

Dɣa di ddunit-nnsen, leḥzen yebda yessaɣ-itt. Anagar agellid Gulu i d-

yeggran yettaḍsa, yezha iman-is deg tmurt, seg mi ara d-yekker netta d

amuqqel deg yiman-is ɣer lemri. Ma d imezdaɣ imeɣban, yal ass i d-yernan

dɣa yeggar-itn deg tallast.

Ulac ilemẓiyen ara te-yessedhun qbel ad ṭṭsen.

Akken ulac ilmeẓyen, ulac amsalam, yiwen ur yetturar d wa^yeḍ

tiddas neɣ tamrust neɣ ileqqafen. Ulac imdanen-nni n zik iseftayen awal ɣef

tudert. Imezdaɣ akken ma llan, ḥeznen, allen-nnsen ttcercurent d

imeṭṭawen, seg tafrara n wass ar d-yeɣli yiḍ. Simmal ttrun, simmal cemten

wudmawen-nnsen. Lecɣal ɛerqen i yimezdaɣ.

Yiwen n yiḍ, dɣa teḍra-d tedyant tesefraḥ:

Iḍ-nni, d tiziri, iruḥ yiwen n umezdaɣ n tmurt, ad inadi di teẓgi ?

Akken iteddu yettxemmim ɣef yiɣeblan i sen-id-yezzin; amek armi wwḍen

ɣer wanect-a. Din din yerfa, yenna-yas:

_ Dayen! Ddeqs i nqejjem, ula d nekk, seg wass-a d asawen bɣiɣ ad

cebḥeɣ.

Mi yewweḍ zdat yiwen n ugelmim, isikkid deg yetran yessaɣen igenni,

yebda yessirid ilefḍan-nni yezgan ɣef yiri-s.

Imir imir, attaya tus-d yiwet n tmeṭṭut, ula d nettat tebɣa ad tnadi di

teẓgi, imi yerwel fell-as yiḍes. Mi tewweḍ ɣer ugelmim-nni zdat wanda yella


156

wergaz-nni, tebda asired. Ur tuki d yiman-is armi tekkes tixnanasin ɣef

wudem-is.

Argaz-nni, mi yeẓra tameṭṭut, isikkid di ccbaḥa-s ibajjew; din

din,yeffeɣ-d seg wanda yeffer. Mi t-teẓra tmeṭṭut-nni daɣen, ula d nettat mi

t-twala, teqqim tesikkid di ccbaḥa n wergaz-nni. Imir kan, sin n yemdanen-

nni msebɣan, dduklen ɣer yiwen n wexxam myercalen s tuffra.

Mi zrin kra wussan, tameṭṭut-nni terfed s tadist. Tameslayt ɣef sin-a n

yemdanen truḥ seg yimi ar umeẓẓuɣ armi tewweḍ ɣer ugellid Gulu. Agellid

Gulu, mi yesla yerfa, ayen i d-yufa zdat-s yewwet-it s rrkel, ayen yeẓra

yerẓa-t, mi d-ibedd ad yeɣli ad yettegliliz, yebda asuɣu:

_Limer aṭufan-a ad yi-yif deg ccbaḥa, ad as-kkseɣ aqerruy-is am wid i

t-yezwaren.

Iberraḥen d lɛesker n ugellid n ugellid Gulu, zuzren tameslayt n

ugellid. Madden d tirini fejɛen. Deg wulawen n lɣaci, tezdeɣ tugdi ɣef uṭufan

ara d-ilalen. Gar-asen, ẓran aṭufan yif agellid deg ccbaḥa.

Seg yimir, imezdaɣ bdan ttheyyin-d lqec ara icemten aṭufan-nni,

akken ad d-iban d afɣul: Ta teẓda abernus ɣezzif, ta tegni-d aserwal s

tfawtin, aya ma d aqcic ara d-ilalen. Deg yidis nniḍen, tullas qeddcent ɣef

lqec ma d taqcict. Imezdaɣ akkit uzzlen akken ad snesren aṭufan gar yifassen

n lmut.

Yal aterras ansi i d-yejba, yefka-d afus, akken asmi ara d-ilal uṭufan, ad

yidir.

Zrin wussan, aṭufan ilul-d; d taqcict, semman-as Taxnanast, akken ad

sferḥen agellid Gulu.


157

_ Amek tga taqcict-a ? I as-yenna ugellid i uqeddac-is, mi t-iseɛlem s

tlalit n teqcict.

Din din, imeẓẓuɣen n uqeddac n ugellid, zwaɣen. Yerra-yas-d:

_ Tesergagay ay agellid. Tecmet, temmug am warzuz.

_ Akka i bɣiɣ, i d-yerna awal ugellid. Tura ad jbuɣ ɣer yimawlan n

uṭufan-a, ad asen-gluɣ s terzeft.

Akken kan i d-ffɣent tmeslayin-a seg yimi n ugellid, iqeddacen-nni i s-

d-yezzin teṭṭef-iten tawla tuɣmas nnsen ṭṭerḍiqent, tafekka tettergigi. Nutni

walan aṭufan-nni yecbeḥ yemleḥ dayen kan.

Taqcict-a i d-ilulen tecbeḥ am wass mi ara d-yali, ccbaḥa-s tugar tin n

ugellid. Dɣa akken teẓram, aṭufan yezga yecbeḥ. Ayen bɣun selse-as i

teqcict-a d lqec diri-t, akken ad tecmet, ccbaḥa-s trennu, tugar ayen i as-d-

yezzin d tixnanasin.

Ccbaḥa i d-yefka Rebbi i uṭufan-a, ur yezmir ufus n wemdan ad tt-

yekkes. Tafat deg wudem n Texnanast, tecba tin n tziri.

Anagar i tres tmuɣli n ugellid Gulu ɣef teqcict-a, ifaq tecbeḥ. Din din,

yeffeɣ-it leɛqel.

_ Tura! Tura yakan, ad tazlem ad tenɣem aṭufan-a, i d-isuɣ ugellid ɣef

yiqeddacen-is. Da, zdat wallen-iw ara s-d-tekksem ul-is ad t-id-

tessekmumsem deg uceṭṭiḍ.

Allen n lɣaci yellan dinna, glemment s yimeṭṭawen. Yekker yiwen n

weɛsekri, yeddem ajenwi. Ifassen-is, akken ttergigin, yeddem Taxnanast.

Wid yellan din bdan anazeɛ, anagar agellid Gulu, ur t-yecqi kra deg

wayen ara yeḍrun.


158

Anaɣ akken ad sentun ajenwi deg tedmarin n uṭufan, ilaq ad t-ɛerrin.

Dɣa bdan tekksen ɣef uṭufan lqec-nni yumsen, yernan ɣef usutel. Mi

yekfa weɛsekri-nni asenser n lqec ɣef uṭufan, tban-d ccbaḥa n tiniI wumi

semman Taxnanast, zun d iṭij. Akken kan yeẓra ugellid Gulu taqcict-a,

yewhem deg-s. yenna i yiman-is: “ Amek ara nɣeɣ aṭufan-a? Amek ara seɣliɣ

tifettusin-a, neɣ tiqejjarin-a tibezṭuḥin, neɣ ticenfirin-a timelḥanin, neɣ

tiblulin-a timeẓyanin, neɣ allen-a timdewwirin?”.

Tallit kan, agellid Gulu yeṭṭerḍeq d imeṭṭawen. Wid i as-d-yezzin llan

ttrun, mi ẓran agellid yettru fehmen d tasa n ugellid-nnsen i d-yeḥnanen,

dɣa din din ferḥen.

Agellid Gulu yefsi am wedfel yeẓra yiṭij, temlel teffel-d ɣef wul-is.

Yeɣli ɣer lqaɛa, yelwi yugar aceṭṭiḍ. Iqeddacen-is uẓan ɣer-s s

temḥadrit, jemɛen-t-id.

Akka tura, agellid yuɣal ibeddel udem, mačči d win ssnen zik. Tura ur

t-tuqiɛ, ama yecbaḥ ama yecmet, d ayen ur igi d alag ; ɣur-s kifkif.

Seg wass-nni, agellid Gulu yecɣel anagar d teqcict-nni i wumi semman

Taxnanast. Seg tafrara armi yeɣli-d yiḍ, netta yetturar yid-es; armi imawlan

n teqcict-a uɣalen cedhan yelli-tsen. Mi ara yebɣu uṭufan ad yeṭṭeḍ, ad d-yaf

zdat-s agellid ad s-d-yefk ayefki; mi ara yexnunes, d netta daɣen i s-

yettbeddilen, i s-yessiriden. Tilemẓit-nni ur tettixir gar yiɣallen n ugellid,

isedhay deg-s akken s yicewwiqen yessen.

Seg wass-nni, agellid Gulu yuɣal yuɣal d agellid yicebḥanen.

I tafrara, ad yader ugellid, s yiman-is, ad d-yeqḍu ayen yelhan i

Taxnanast.


159

Deg tmurt, imezdaɣ ttmeslayen, qqaren-as agellid-nneɣ yuɣal d netta i

d baba-s, d netta i d yemma-s n teqcict.

Imezdaɣ, tuɣal-d lehna gar-asen, teffeɣ seg wulawen-nnsen tugdi;

ferḥen s wudem amaynut n ugellid Gulu. Tura, imezdaɣ d tirni ttqadaren

agellid, mačči am zik ttagaden-t.

Udem n yimezdaɣ d tirni ibeddel, uɣalen cebḥen melḥen: Argaz mi

yeẓra tameṭṭut teɛjeb-as, ad tt-yessuter i wercal. Tamurt yellan zik teḥzen,

tura yessaɣ deg-s lferḥ.

Seg tmeɣriwin i d-yellan ɣef tikkelt, aṭas n yiṭufanen i d-ilulen.

Tiɣremt n ugellid Gulu teččur d ilemẓiyen i d-ttawin imawlan-nnsen, tal

tikkelt ideg ara d-yekcem uṭufan, ul n ugellid yettnecraḥ. Ayen yexdem zik d

lmenker ɣef yimezdaɣ n tmurt yeḥkem, tura yebɣa ad t-id-yeɣrem s lxir i

yilemẓiyen-nnsen.

Seg wass-nni, ilemẓiyen n tmurt ibedd ɣur-sen ugellid Gulu; medden

akkit ufan iman-nnsen. Ilemziyen gman-d s iciwan: win i id-inazɛen, ad d-

yaf ɣer uqerruy-is agellid, ad iwali acu yebɣa.

Imezdaɣ uysen, maca nnan-as: “Yif ad nesɛu dderya tetturebba s

ttnefcic, wala ma ulac maḍi”.

Amawal

160

Amawal

Awal s teqbaylit Awal s tefransist

Asefren Critère

Amenzay Principe

Anatal Pretention

Asala Authenticité

Asemsi Intrigue

Asegdal, astal Défence

Asaḍ Héros

Ameggi Acteur

Aḥerfi Simple

Ameẓẓyan Court, bref

Amaswaḍ Inspecteur

Anettul Vallée

Asalay Montage

Asarag Conference

Amsuddes, tuddsa Organisateur, organisation

Awalen inmigdanen Mots croisés

Agraw Assemble

Agmam Membre

Amsekrid Jury

Amsizwer Concour

Adigan Local

Adewwan Monologue

Aɣlif Ministère

Amsawa Adaptation

Kefeḍ Animer

Amawal

161

Leqqem Griffer

Sfel Sacrifier

Sumer Proposer

Taggara Dénouement, chute, fin, solution

Tullist Récit

Tasrit Prose

Taglest Antiquité

Tillelt Renaissance

Tagejdant Principale

Tamlilt Role

Tamiḍrant Notion

Tasugnant Fiction

Tussna n yineglan Science de fiction

Tafukkest Technique

Tiɛdawit Rivalité

Tazrirt Influence

Tiddukkla Association

Tiswirt Séminaire

Taglellit Séssion

Tafaska Festival

Tirkeft Comité

Umasan Essential

Tiɣbula

162

Tiɣbula

Idlisen:

1_Chaker, S. « La naissance d’une littérature écrite: Le cas du bérbère

(Kabyle) », in Bulletin d’étuds Africaine N° 17/18, Paris, 1992.

2_Ch. Achour, A. Bekkat. Clefs pour la lecture des récits, Convergences

Critiques 2, Ed, Tell, Blida, Algérie, 2002.

3_Ch. Acour, A. Bekkat. D’après J.Y. TADIE, Le récit poétique, PUF, Ecriture,

1979.

4_Ch. Achour, A. Bekkat. D’après J.M.ADAM, Linguistique et description

littéraires, Paris, Larousse, 1976.

5_Ch. Achour, A. Bekkat. D’après J.P.GOLDSTEIN, Pour lire le roman, Duculot,

Bruxelles, 1983.

6_ Ch. Achour, A.Bekkat. D’après TOMACHEVSKI, Théorie de la littérature,

Ed, Seuil, 1866, texte des formalistes russes, traduits par T.TODOROV.

7_IMARAZENE, M. Timɛayin n Leqbayel, HCA, Alger, 2006-2007.

8_Lacoste Dujardin, Camille. Le conte Kabyle, Etude ethnologique, Edition

Bouchène, Paris, 1991.

9_Rey, Pierre-Louis. Le roman et la nouvelle, HATIER, Paris, 2001.

10_Salḥi, Muḥend Akli. Asegzawal ameẓẓyan n tsekla, Ed L’ODYSSEE, Tizi-

Ouzou 2012.

Tiɣbula

163

Tizrawin :

Muhand Ssaydi, Saida. Le récit Tafunast igujilen de Belaid At Ali, du conte a

la nouvelle, Mémoire de Magister, université de Tizi-Ouzou, Mouloud

MAMMERI, 2011.

Internat:

http : //home. ican. net/ galandor/ litter/ nouv.htm

Imawalen:

1_BOUTLIOUA Hamid. Dictionnaire Français-Tamazight-Arabe, Edition

AZAR- A.C.T.B, 2005.

2_Dictionnaire Français-Arabe, l’Office des Publications Universitaires,

Alger, 1994.

Agbur

164

Agbur

Tazwart………………………………………………………………………………………………………………06

Ixef amenzu: Awal ɣef tullist s umata

1. Tabadut n tullist……………………………………………………………………………………………10

1.1 Tullist d aḍris n tesrit………………………………………………………………………..12

1.2 Tullist d aḍris wezzilen………………………………………………………………………12

1.3 Tullist d aḍris asugnan………………………………………………………………………12

1.4 Tullist d aḍris i d-iḥekkun taḥkayt…………………………………………………….13

1.5 Tullist d aḍris s yiwudam…………………………………………………………………..13

2. Laṣel n tullist………………………………………………………………………………………………….14

2.1 Tullist deg teglest………………………………………………………………………………14

2.2 Tullist deg leqrun ilemmasen……………………………………………………………15

2.3 Tullist deg tillelt………………………………………………………………………………..15

2.4 Tullist deg lqern wis 17 akked lqern wis 18………………………………………16

3. Kra seg wammuden n tullisin tigraɣlanin…………………………………………………….16

3.1 Tullisin yettwarun deg leqrun ilemmasen………………………………………..17

L’Héptaméron…………………………………………………………….……….17

Le Décaméron……………………………………………………………………..17

Les nouvelles exemplaire……………………………………………………17

3.2 Tullisin yettwarun deg tallit tatrart………………………………………………….17

Ligeia……………………………………………………………………………………17

La Parure……………………………………………………………………………..17

Agbur

165

Le Caméleon………………………………………………………………………..17

3.3 Tullisin yettwarun deg tallit tamirant………………………………………………18

Le dernier mot…………………………………………………………………….18

Bliss ( Félicité )…………………………………………………………………….18

Tahta al midalla…………………………………………………………………..18

Ixef wis sin: Awal ɣef tullist taqbaylit

1.Talalit d unerni n tullist taqbaylit………………………………………………………………….20

2.Tulmisin n tullist taqbaylit…………………………………………………………………………….22

2.1 Tutlayt………………………………………………………………………………………………..22

2.2 Adeg……………………………………………………………………………………………………23

2.3 Akud…………………………………………………………………………………………………..24

2.4 Iwudam………………………………………………………………………………………………24

A- Iwudam igejdanen…………………………………………………………………….25

B-Iwudam isnaniyen……………………………………………………………………..25

2.5 Tigawin………………………………………………………………………………………………26

A- Tagnit n tazwara……………………………………………………………………….26

B-Tagnit tis snat (Tigawin)……………………………………………………………27

C-Tagnit n taggara…………………………………………………………………………27

2.6 Tadiwennit…………………………………………………………………………………………27

2.7 Aglam…………………………………………………………………………………………………27

Agbur

166

3. Amuden n tullisin n teqbaylit yettwarun…………………………………………………..29

Ixef wis tlata: Tasleḍt n wamud n tullisin “Allen n tayri”

1.Awal ɣef umyaru…………………………………………………………………………………………….35

2. Awal ɣef udlis…………………………………………………………………………………………………40

3. Tasleḍt n wamud n tullisin…………………………………………………………………………….42

3.1 Amsebrid……………………………………………………………………………………………42

3.2 Ababat d mmi-s………………………………………………………………………….………59

3.3 Allen n tayri…………………………………………………………………………….…………55

3.4 Timlilit deg ssilul………………………………………………………………….……………61

3.5 Tayri tawessart………………………………………………………………..…………………66

3.6 Taddart-iw………………………………………………………………………………………….70

3.7 Agellid n yimelḥanen…………………………………………………………………………74

Tagrayt ………………………………………………….………………………………………………..80

Amud n tullisin………………………………………………………………………………………..83

Amawal……………………………..…………………………………………………………………….159

Tiɣbula……………………………………….…………………………………………………………..161

Agbur ……………………….………………….………………………………………………………...163

Documents

Tazwart ɣef tullist taqbaylit (Talalit, anerni d tulmisin)-ḤAMUM