Upload
others
View
0
Download
0
Embed Size (px)
Citation preview
Tengsl sálvefrænna einkenna unglinga við sálfélagslega skólaumhverfið
Auður Svansdóttir og Katla Stefánsdóttir
HUG- OG FÉLAGSVÍSINDASVIÐ Lokaverkefni til BA gráðu í sálfræði Félagsvísindadeild maí 2017
Tengsl sálvefrænna einkenna unglinga við sálfélagslega
skólaumhverfið
Auður Svansdóttir og Katla Stefánsdóttir
12 eininga lokaverkefni sem er hluti af
Bachelor of Arts-prófi í sálfræði
Leiðbeinandi Kjartan Ólafsson
Félagsvísindadeild Hug- og félagsvísindasvið Háskólinn á Akureyri Akureyri, maí 2017
Titill: Tengsl sálvefrænna einkenna unglinga við sálfélagslega skólaumhverfið Stuttur titill: Sálvefræn einkenni unglinga 12 eininga lokaverkefni sem er hluti af Bachelor of Arts-prófi í sálfræði Höfundarréttur © 2017 Auður Svansdóttir og Katla Stefánsdóttir Öll réttindi áskilin Félagsvísindadeild Hug- og félagsvísindasvið Háskólinn á Akureyri Sólborg, Norðurslóð 2 600 Akureyri Sími: 460 8000 Skráningarupplýsingar: Auður Svansdóttir og Katla Stefánsdóttir, 2017, B.A. verkefni, félagsvísindadeild, hug- og félagsvísindasvið, Háskólinn á Akureyri, 43 bls.
Akureyri, maí, 2017
HUG- OG FÉLAGSVÍSINDASVIÐ Lokaverkefni til prófgráðu á sérsviði (t.d. BA gráðu í sál
Sálvefræn einkenni unglinga i
Yfirlýsingar
„Við lýsum því hér með yfir að við einar erum höfundar þessa verkefnis og að það er ágóði eigin rannsókna“
Auður Svansdóttir
Katla Stefánsdóttir
„Það staðfestist hér með að lokaverkefni þetta fullnægir að mínum dómi kröfum til BA-prófs við Hug- og félagsvísindasvið“
Kjartan Ólafsson
Sálvefræn einkenni unglinga ii
Útdráttur
Óútskýrð líkamleg og sálræn einkenni, svo sem höfuðverkur, kviðverkir, depurð og
taugaóstyrkleiki eru býsna algeng á unglingsárnunum. Þessi einkenni eru sálvefræn og eru
orsakir þeirra taldar vera vegna samspils lýðfræðilegra þátta og hins félagslega umhverfis.
Tilgangur þessarar rannsóknar er að kanna hvort tengsl séu á milli sálvefrænna einkenna hjá
unglingum (11-15 ára) og sálfélagslega skólaumhverfisins. Eftirfarandi þættir sem tilheyra
skólaumhverfinu eru skoðaðir: námsálag, einelti, tengsl við samnemendur, samskipti við
kennara og skólaánægja. Gögnin voru fengin úr rannsókninni Heilsa og lífskjör skólanema
2013/2014 sem er hluti af alþjóðlegri rannsókn, Health behavior in school-aged children
(HBSC). Þátttakendur eru nemendur í 6., 8. og 10. bekk.
Helstu niðurstöður rannsóknarinnar eru að sálvefræn einkenni séu nokkuð algeng hjá
íslenskum unglingum. Tíðni þeirra er mest hjá stúlkum í 10. bekk en kynjamunur er á tíðni
einkennanna og hefur hærri tíðni jákvæða fylgni við hærri aldur hjá stúlkum en ekki
drengjum. Sálfélagslega skólaumhverfið hefur mikil áhrif á tíðni sálvefrænna einkenna hjá
unglingum og eru stærstu áhrifaþættir þess tengsl við samnemendur og álag vegna náms.
Neikvæð upplifun af einelti, að líka illa í skólanum og samskipti við kennara hafa einnig
jákvæða fylgni við hærri tíðni einkenna, sem og aldur og kyn.
Lykilhugtök: Sálvefræn einkenni, sálfélagslega skólaumhverfið, unglingar.
Sálvefræn einkenni unglinga iii
Abstract
Headache, abdominal pain, sadness, nervousness and irritation are common complaints
among adolescents. These unexplained psychological and somatic symptoms, which often
have no biological causes, are commonly referred to as psychosomatic symptoms. It’s
believed that the origins of these symptoms are psychological and/or social in nature as well
as demographic. The experience adolescents have during their school years can have both
positive and negative effects on their physical and emotional health. The purpose of this
study is to examine the connection between psychosomatic symptoms in adolescence and the
psychosocial school environment which includes bullying, academic pressure,
communication with teachers and peers, as well as school happiness. We hypothesize that a
negative psychosocial school environment is an important predictor of psychosomatic
symptoms in adolescence, where girls experience more symptoms than boys. The data used
in this study comes from the cross-national survey called Health behavior in school-aged
children (HBSC). Data collection took place between the years 2013 and 2014, through self-
completion questionnaires. Participants were Icelandic school students at the age of 11,13
and 15.
The main results are that psychosomatic symptoms are quite common in Icelandic
adolescents, with 15 year old girls having the most symptoms. There is a gender difference in
the prevalence of these symptoms with more symptoms being positively correlated with
higher age among girls but not among boys. There is a large effect of the psychosocial school
environment on psychosomatic symptoms in adolescents. Negative school experience such as
being bullied, not liking school and academic pressure are positively correlated with the
severity of symptoms, as well as gender and age. The strongest predictors of the school
variables on psychosomatic symptoms are connections with peers and academic pressure.
Keywords: Psychosomatic symptoms, psychosocial school environment, adolescents.
Sálvefræn einkenni unglinga iv
Þakkarorð
Við viljum þakka leiðbeinandanum okkar, Kjartani Ólafssyni, fyrir veitta aðstoð og leiðsögn.
Einnig þökkum við fjölskyldum okkar og vinum fyrir veittan stuðning.
Sálvefræn einkenni unglinga v
Efnisyfirlit
Útdráttur ........................................................................................................................... ii
Abstract ........................................................................................................................... iii
Þakkarorð ......................................................................................................................... iv
Efnisyfirlit .......................................................................................................................... v
Töfluyfirlit ........................................................................................................................ vi
Fræðilegt yfirlit .................................................................................................................. 1 Sálvefræn einkenni ..................................................................................................................... 2 Sálfélagslega skólaumhverfið ..................................................................................................... 4
Álag vegna náms .......................................................................................................................... 6 Einelti í skóla ................................................................................................................................. 6 Tengsl við samnemendur .............................................................................................................. 7 Samskipti við kennara ................................................................................................................... 8
Markmið rannsóknarinnar .......................................................................................................... 9
Aðferð ............................................................................................................................. 10 Þátttakendur og framkvæmd ................................................................................................... 10 Mælitæki ................................................................................................................................. 11
Fylgibreyta: Sálvefræn einkenni .............................................................................................. 11 Frumbreytur .............................................................................................................................. 14
Samskipti við kennara ........................................................................................................................... 14 Tengsl við samnemendur ...................................................................................................................... 15 Einelti .................................................................................................................................................... 16 Álag vegna náms og skólaánægja ........................................................................................................ 16
Úrvinnsla gagna ........................................................................................................................ 17
Niðurstöður ..................................................................................................................... 17
Umræður ........................................................................................................................ 21 Takmarkanir og frekari rannsóknir ........................................................................................... 23
Heimildaskrá ................................................................................................................... 25
Sálvefræn einkenni unglinga vi
Töfluyfirlit
Tafla 1 Meðaltal, staðalfrávik og tíðni vikulega eða oftar (%) sálvefrænna einkenna eftir kyni og bekk .........13
Tafla 2 Chronbach´s Alpha, þáttahleðsla og fylgni frumbreyta við fylgibreytu ................................................15
Tafla 3 Aðhvarfsgreining ...................................................................................................................................18
Tafla 4 Dreifigreining fyrir allar breytur eftir kyni og bekk ..............................................................................20
Tafla 5 Hlufall nemenda með hæstu stig eftir kyni og bekk ...............................................................................20
Sálvefræn einkenni unglinga 1
Tengsl sálvefrænna einkenna unglinga við sálfélagslega skólaumhverfið
Unglingsárin eru sérstaklega mikilvægt tímabil í þroska einstaklingsins þar sem
félagslegt, efnahagslegt og pólitískt umhverfi hans getur mótað í hvaða átt heilsa hans og
velferð þróast (Viner o.fl., 2012). Grunnskólinn skipar stóran sess í lífi barna og unglinga en
samkvæmt grunnskólalögum nr 91/2008, 28.grein með áorðnum breytingum 91/2011 og
76/2016, eiga nemendur að njóta að minnsta kosti 180 daga á ári í skólanum, fjórar til fimm
klukkustundir á dag. Innan veggja skólans fer tími þeirra þó ekki einungis í lærdóm heldur
einnig í félagsleg samskipti við kennara og samnemendur. Því má segja að skólinn gegni
mikilvægu hlutverki í uppeldi og félagsmótun barna og unglinga. Samkvæmt Bradshaw og
Keung (2011) getur sú reynsla sem nemendur verða fyrir í skólanum haft áhrif á mótun
sjálfsmyndar þeirra, sjálfs-skynjun (e. self-perceptions) og heilsuhegðun, og þar af leiðandi
framtíðarheilsu þeirra og lífsánægju. Jákvæð reynsla af skólanum er talin stuðla að betri
heilsu og vellíðan, en neikvæð reynsla getur að sama skapi verið áhættuþáttur hvað varðar
andlega og líkamlega heilsu nemenda (Currie o.fl., 2012).
Fræðilegt yfirlit
Allt að þriðjungur evrópskra unglinga kvartar undan líkamlegum verkjum á borð við
höfuðverk og bakverk, sem og sálrænum einkennum eins og depurð og pirringi vikulega eða
oftar, án þess að bein skýring á þeim sé til staðar (Gerber og Pühse, 2008; Kelly, Molcho,
Doyle og Gabhainn, 2010; Viner og Christie, 2005). Þessi einkenni og verkir eiga sér í
einhverjum tilfellum líffræðilegar orsakir, svo sem líkamlegar breytingar sem fylgja
unglingsárunum eða sjúkdóma af einhverju tagi, en algengara er þó að engar þekktar
líffræðilegar ástæður liggi að baki (Konijnenberg o.fl., 2006). Því telja sumir að
umhverfisþættir á borð við heimilisaðstæður og neikvæð félagsleg samskipti og/eða sálrænir
þættir líkt og vanlíðan og geðsjúkdómar geti að einhverju leyti, eða jafnvel öllu, skýrt þessi
einkenni (Shapiro og Nguyen, 2010; Viner og Christie, 2005). Hugmyndir hafa einnig verið
Sálvefræn einkenni unglinga 2
uppi um að þessi einkenni kunni að vera svar líkamans við streituvöldum úr umhverfinu og
telja Brill, Patel og MacDonald (2001) orsakir streitu hjá börnum og unglingum geta verið af
ýmsu tagi, svo sem nám, vandamál innan fjölskyldunnar, hópþrýstingur frá félögum,
langvarandi sjúkdómur eða fötlun foreldra. Þá getur skólaumhverfið reynst mörgum börnum
og unglingum erfitt þar sem áskoranir tengdar félagslegum samskiptum og námi geta komið
upp og valdið streitu (Murberg og Bru, 2004). Þessir skólatengdu streituvaldar geta til dæmis
verið vandi í samskiptum við vini og/eða samnemendur, vandi í samskiptum við kennara,
einelti, álag sem tengist náminu og ótti við að ná ófullnægjandi árangri.
Sálvefræn einkenni
Líkamleg og sálræn einkenni sem ekki er hægt að skýra með líffræðilegum hætti eða
engar þekktar ástæður geta útskýrt, kallast sálvefræn einkenni (e. psychosomatic symptoms).
Orsakir þeirra, þróun og birtingarmynd er flókið og margbreytilegt samspil ólíkra þátta og
hefur verið efni mýmargra rannsókna (Beck, 2008; Oatis, 2002; Plenty, Östbert, Almquist,
Augustine og Modin, 2014; Viner og Christie, 2005). Samkvæmt Beck (2008) eru orsakir,
upphaf og þróun sálvefrænna einkenna háð mörgum ólíkum þáttum. Lýðfræðilegir og
líkamlegir þættir einstaklingsins sjálfs (til dæmis aldur, kyn, kynþroski og líkamleg viðbrögð
við áreiti) í samspili við félagslegt umhverfi hans (fjölskylduhagir, áreiti, umbun og
félagshagfræðileg staða (e. socioeconomic status)) eru grunnurinn. Ofan á hann hafa síðan
þættir á borð við bjargráð, alvarleiki einkennanna og hæfni einstaklingsins í félagslegum og
akademískum aðstæðum áhrif. Samkvæmt Viner og Christie (2005) endurspegla sálvefræn
einkenni í flestum tilfellum ekki sjúkdóm af líffræðilegum toga, heldur eru þau tilkomin
vegna vaxandi krafa á ýmsum sviðum samfélagsins svo sem vegna menntunar, félagsstarfs og
þátttöku í íþróttum, ásamt vaxtakippum og líffræðilegum breytingum sem fylgja kynþroska.
Þá geta þau einnig verið viðbrögð við streitu og ýmis konar álagi, til dæmis taugaóstyrkleika í
félagslegum aðstæðum, skilnaði foreldra og álags í skóla (Oatis, 2002).
Sálvefræn einkenni unglinga 3
Sálvefræn einkenni skiptast annars vegar í líkamlega kvilla líkt og höfuðverk, bakverk,
kviðverk og svima og hins vegar í sálræna kvilla á borð við depurð, taugaóstyrkleika,
erfiðleika með að sofna og pirring (Natvig, Albrektsen, Anderssen og Qvarnstrøm ,1999).
Hvaða einkenni eru talin til sálvefrænna er þó nokkuð misjafnt milli rannsókna og hafa
minnkuð matarlyst, þreyta (Kinnunen, Laukkanen og Kylmä, 2010), húðvandamál, grátur og
næturvæta (Fekkes, Pijpers og Verloove-Vanhorick, 2004) einnig verið flokkuð sem
sálfvefræn einkenni.
Samkvæmt rannsóknum á tíðni sálvefrænna einkenna finna um 20-30% barna og
unglinga fyrir sálvefrænum einkennum (Flett, Molnar, Nepon, og Hewitt, 2012; Hjern,
Alfven og Östberg, 2008; Konijnenberg o.fl. ,2006; Natvig o.fl., 1999). Plenty, Östberg,
Almquist, Augustine og Modin (2014) segja stærstan hluta 15-16 ára sænskra unglinga finna
fyrir sálvefrænum einkennum á einhverjum tímapunkti og höfuðverkur og magaverkur séu
algengustu einkennin. Af þeim sem finna fyrir einkennum þjást 30% af höfuðverk og 20% af
magaverk einu sinni í viku eða oftar. Einkennin birtast yfirleitt nokkur í einu en ekki ein og
sér (Alfvén, 1993; Knishkowy, Palti, Tima, Adler og Gofin, 1995) og í rannsókn Kelly,
Molcho, Doyle og Gabhainn (2010) sagðist tæpur helmingur 11– 13 ára írskra unglinga finna
fyrir tveimur eða fleiri einkennum, vikulega eða oftar.
Konijnenberg o.fl. (2006) gerðu rannsókn á hollenskum börnum og unglingum (8-18
ára). Þau þjáðust af líkamlegum verkjum sem ekki hafði fundist líffræðileg ástæða fyrir og
tilkynntu 60% þeirra einnig um sálræna kvilla. Við nánari skoðun fannst líkamleg orsök fyrir
verkjunum hjá hluta barnanna og var hlutfall þeirra sem einnig voru með sálræna kvilla 40%.
Hjá hópnum sem engin líkamleg orsök fannst hjá var hlutfallið hins vegar mun hærra eða
69%.
Rannsóknir á tengslum sálvefrænna einkenna og aldurs gefa ekki skýrar niðurstöður.
Rannsókn Gillander-Gådin og Hammarström (2000) á sænskum börnum og unglingum, 9-12
Sálvefræn einkenni unglinga 4
ára, sýnir til dæmis að magaverkur sé algengari hjá yngri unglingum en þeim eldri. Rannsókn
Petersen, Bergström og Brulin (2003) á 6-13 ára sænskum börnum og unglingum segja
magaverk þvert á móti verða algengari með aldrinum og sama eigi við um höfuð- og bakverk.
Flestar rannsóknir sýna þó fram á að almennt séu einkennin sjaldgæfari hjá yngri unglingum,
algengi þeirra aukist fram að 16-18 ára en minnki aftur eftir það, jafnvel örlítið fyrr hjá
drengjum (Gadin og Hemmerström, 2003; Friberg, Hagquist og Osika, 2012; Isshiki og
Morimoto, 2004; Vanaelst o. fl, 2012 ). Í sumum tilfellum hverfa sálvefrænu einkennin alveg
en það á þó ekki alltaf við og geta þau fylgt einstaklingum fram eftir aldri. Finnskur
unglingur sem finnur fyrir sálvefrænum einkennum þegar hann er 16 ára er þrisvar sinnum
líklegri til þess að finna fyrir þeim 21 árs en þeir sem ekki eru með einkenni 16 ára
(Poikolainen, Aalto-Setälä, Marttunen, Tuulio-Henriksson og Lönnqvist, 2000).
Kynjamunur á tíðni sálvefrænna einkenna er ekki marktækur fyrr en við 12 ára aldur
(Gådin og Hemmerström, 2003; Gillander-Gådin og Hammarström, 2000; Vanaelst o.fl.
2012). Eftir það eru stúlkur allt að tvisvar sinnum líklegri en drengir til þess að skýra frá
sálvefrænum einkennum (Bergström o.fl., 2015; Hellström, Nilsson, Leppert og Aslund,
2015; Plenty o.fl., 2014; Sweeting, West og Der, 2007; Varga, Piko, og Fitzpatrick, 2014;
Yngwe og Östberg, 2012) og eykst sá munur með aldrinum (Östberg, Alfven og Hjern, 2006;
Plenty o.fl., 2014). Það sama á við í niðurstöðum HBSC 2009/2010 og á Íslandi er hlutfall
íslenskra stúlkna sem finna fyrir tveimur eða fleiri sálvefrænum einkennum oftar en einu
sinni í viku: 30% á meðal 11 ára, 35% meðal 13 ára og 44% meðal 15 ára. Hjá drengjum er
hlutfallið 24%, 26% og 29% og er munurinn á kynjunum marktækur í öllum tilfellum (Currie
o.fl., 2012).
Sálfélagslega skólaumhverfið
Ástralskir unglingar, 13-17 ára, sem eru félagslega sterkir utan skólans en finna sig
ekki innan hans eru líklegir til þess að vera með þunglyndis og/eða kvíða einkenni (Bond,
Sálvefræn einkenni unglinga 5
Butler, Thomas, Carling og Glover, 2007). Einnig hefur stuðningur frá kennurum meiri fylgni
við heilsu sænskra 11-15 ára unglinga en stuðningur frá foreldrum þeirra (Sonmark og
Modin, 2017). Þessi fylgni milli þess hvernig nemendum líður í skólanum, heilsu þeirra og
tíðni sálrænna einkenna gefur vísbendingu um það hversu stóran þátt skólaumhverfið hefur á
líðan og heilsu unglinga. Í Aðalnámskrá grunnskóla (Mennta- og menningarmálaráðuneyti,
2016) er tekið fram að starfshættir skóla, samskipti nemenda sín á milli sem og samskipti
milli nemenda og kennara séu mikilvægir þættir sem meðal annars eigi að stuðla að velferð
nemenda. Í skólum fer því fleira fram en einungis miðlun upplýsinga og skiptir líðan
nemenda einnig máli þegar kemur að menntun þeirra. Meilstrup o.fl. (2015) segja að þættir
eins og skólabragur sem og stefna og verklag skólayfirvalda (e. contextual level) skýri
einungis 4,1% sálvefrænna einkenna nemenda og því sé það ekki skólaumhverfið sjálft
heldur upplifun nemandans af því sem skipti mestu máli.
Ýmis hugtök eru notuð til þess að lýsa þessari upplifun nemenda og sambandi þeirra
við sálfélagslega skólaumhverfið sitt. Í yfirlitsrannsókn Libbey (2004) er farið yfir hugtök
sem innihalda þátttöku nemenda í félagslega skólaumhverfinu, hvernig þeir tengjast því sem
og líðan þeirra innan þess (e. connectedness, attachment, bonding, engagement) en aðrir nota
hugtakið sálfélagslegt skólaumhverfi (e. psychosocial school environment) (Elovaionio o.fl.,
2011; Haapasalo, Välimaa og Kannas, 2010; Takakura, Wake og Kobyashi, 2005). Hugtökin
eiga það þó öll sameiginlegt að ná til þess hversu virkur og ábyrgur þátttakandi nemandinn er
í skólastarfinu, hvernig hann tengist félagslegu umhverfi skólans, viðhorf hans til kennara,
námsins og samnemenda, hvort hann upplifi álag vegna námsins og almennt hvernig
nemandanum líður í skólanum. Í þessari rannsókn er er notast við hugtakið sálfélagslegt
skólaumhverfi og það skoðað út frá samskiptum unglinga við samnemendur sína og kennara,
viðhorf til kennslunnar, einelti, álagi og skólaánægju.
Sálvefræn einkenni unglinga 6
Álag vegna náms
Álag sem skandinavískir unglingar upplifa í skólanum (e. School Distress) hefur
sterka fylgni við sálvefræn einkenni (Natvig, Albrektsen og Qvarnstrøm, 2003) og samkvæmt
Hjern, Alfven og Östberg (2008) hefur álagið sem þeir upplifa vegna námsins þar mikil áhrif.
Munur er á kynjunum þegar kemur að því hvort unglingar upplifi álag vegna námsins.
Norskar stúlkur (13-18 ára) upplifa almennt meira álag tengt skólastarfinu en norskir drengir
og eykst sá munur með aldrinum (Moksnes, Moljord, Espnesb og Byrne, 2010). Samkvæmt
upplýsingum úr gagnagrunni sænsku lífskjara könnuninnar (Barns levnadsförhållanden,
2017) segjast 28% stúlkna og 15% drengja 12 til 15 ára upplifa álag vegna verkefna og prófa
en hlutfallið eykst í 58% og 24% í aldurshópnum 16-18 ára. Skýrsla Currie o.fl. (2012) um
niðurstöður HBSC 2009/2010 sýnir einnig kynja- og aldursmun á tíðni upplifaðs álags vegna
náms hjá íslenskum unglingum. Samkvæmt henni eykst tíðnin úr 25% í 62% hjá stúlkum frá
11 til 15 ára en úr 30% í 49% hjá drengjum. Hjá drengjum eykst tíðnin mest milli 11 og 13
ára en milli 13 og 16 ára hjá stúlkum.
Ef rýnt er betur í ákveðna þætti innan námsins kemur í ljós að stúlkurnar upplifa
meira álag tengt árangri (Moksnes o.fl., 2010) og meiri kröfur (Schraml, 2011) á meðan
drengjum þykir lærdómurinn erfiðari en stúlkum. Sá munur minnkar þó með aldrinum þar
sem stúlkurnar standa í stað en lærdómurinn verður drengjum auðveldari eftir því sem þeir
eldast (Gillander-Gådin og Hammarström, 2000).
Einelti í skóla
Einelti er alvarlegt samfélagslegt vandamál og afleiðingar þess geta verið slæmar fyrir
andlega og líkamlega líðan þeirra sem verða fyrir því. Það felur í sér endurtekið líkamlegt
og/eða andlegt ofbeldi þar sem tilgangurinn er að valda öðrum vanlíðan (Pepler og Craig,
2000). Með tímanum aukast völd gerenda (þeirra sem leggja í einelti) yfir þolandanum (sá
sem verður fyrir eineltinu) sem á sífelt erfiðara með að verja sig (Currie o.fl., 2012). Tíðni
Sálvefræn einkenni unglinga 7
eineltis er mismunandi eftir löndum. Samkvæmt niðurstöðum HBSC 2009/2010 (Currie o.f.l.,
2012) um algengi þess að vera lagður í einelti er tíðni þess tiltölulega lág á meðal 11 ára
barna á Íslandi (8% stúlkna og 10% drengja) miðað við þau lönd þar sem hún er hæst (27%
stúlkna og 32% drengja í Litháen). Einnig sýndu niðurstöðurnar að tíðni þess lækkar frá 11 til
15 ára aldurs og á það við um bæði kynin.
Í yfirlitsrannsókn Gini og Pozzoli (2013) kemur fram að þolendur eineltis eru tvisvar
sinnum líklegri til þess að finna fyrir sálvefrænum einkennum en aðrir unglingar. Þeir eru
einnig líklegri til að upplifa sálvefræn einkenni en gerendur, þeir sem aldrei hafa orðið fyrir
einelti og unglingar sem eru bæði gerendur og þolendur (Fekkes o.fl., 2004; Forero,
McLellan, Rissel og Bauman, 1999; Gini, 2008; Gini og Pozzoli, 2013).
Í rannsókn Natvig, Albrektsen, og Qvarnstrøm (2001) kom í ljós að norskir nemendur
á aldrinum 13-15 ára, sem lagðir eru í einelti eru marktækt líklegri til þess að finna fyrir
öllum þeim sálvefrænu einkennum sem spurt var um (fyrir utan svefnleysi) en nemendur sem
hafa aldrei orðið fyrir einelti. Þá er kynjamunur til staðar á fylgni sálvefrænna einkenna og
eineltis hjá 12-16 ára sænskum unglingum en stúlkurnar eru líklegri til þess að finna fyrir
einkennum í tengslum við einelti en drengirnir (Landstedt og Persson, 2014).
Tengsl við samnemendur
Fáir unglingar komast hjá því að eiga samskipti við samnemendur sína og aðra
jafnaldra og geta einkenni samskiptanna haft mikil áhrif þegar kemur að heilsu þeirra og
vellíðan. Allir unglingar tilheyra að minnsta kosti einum hópi og telja Torsheim og Wold
(2001) þau ferli sem eiga sér stað innan hópanna (e. intra-group processes) hafa mestu
áhrifin á neikvæð heilsufarstengd einkenni (e. negative health complaint) unglinga. Gæði
þeirra tengsla sem unglingar eiga við jafnaldra sína eru einnig mikilvæg og stór áhrifaþáttur
þegar kemur að sálrænni aðlögun (e. psychological adjustment) þeirra (Wilkinson, 2010). Þá
eru skert félagsleg samskipti eitt af forspárgildum sálvefrænna einkenna (Konijnenberg o.fl.,
Sálvefræn einkenni unglinga 8
2006). Hjá skandinavískum unglingum er félagslegur stuðningur frá samnemendum einnig
mikilvægur. Því minni sem stuðningurinn er því meiri eru sálvefrænu einkennin (Natvig o.fl.,
2003; Plenty o.fl., 2014) og því meiri sem hann er þeim mun minni hætta er á sálvefrænum
einkennum, sérstaklega meðal drengja (Natvik o.fl., 1999). Í sama streng taka Konijnenberg
o.fl. (2006) sem telja skert félagsleg samskipti eitt af forspárgildum sálvefrænna einkenna hjá
hollenskum börnum og unglingum. Ekki eru þó allir sammála um mikilvægi þessara
samskipta en samkvæmt rannsókn Segura-Jiménez, Carbonell-Baeza, Keating, Ruiz og
Castro-Pinero (2015) á spænskum börnum og unglingum (6-18 ára) er fylgni milli
sálvefrænna einkenna og samskipta við jafnaldra ekki til staðar. Rannsókn Condén, Leppert,
Ekselius og Åslund (2013) á sænskum unglingum (15-18 ára) styður að einhverju leyti þá
niðurstöðu, þar sem þeir fundu aðeins litla fylgni milli sálvefrænna einkenna og þess að vera
til baka í félagslegum samskiptum (e. social inhibition).
Kynjamunur virðist ekki vera til staðar þegar kemur að félagslegum samskiptum
unglinga við jafnaldra sína og samnemendur að öðru leiti en því að stúlkur segjast frekar fá
minni stuðning frá bekkjarfélögum sínum en drengir (Plenty o.fl., 2014).
Samskipti við kennara
Umhyggja og áhugi kennara hefur almennt góð áhrif á heilsu enskra og spænskra
unglinga og á það við um allan aldur og bæði kynin (García-Moya, Brooks, Morgan og
Moreno, 2015). Sá stuðningur sem kennarar veita unglingum er einnig mikilvægur líkt og
McNeely og Falci (2004) komust einnig að, en rannsókn þeirra á 12-18 ára bandarískum
unglingum sýndi að góður stuðningur frá kennurum hefur mikið forvarnargildi þegar kemur
að hvers konar áhættuhegðun hjá unglingum. Hversu vel eða illa þeim líður almennt í
skólanum hefur hins vegar ekki marktæka fylgni við áhættuhegðun, sem sýnir mikilvægi
kennara sem áhrifavalda í lífi unglinga. Þá hefur stuðningur kennara marktæka fylgni við
sálrænt ástand unglinga á þann hátt að því meiri sem stuðningurinn er, því hamingjusamari
Sálvefræn einkenni unglinga 9
eru þeir (Natvig o.fl., 2003) og því minni sem stuðningurinn er því tíðari eru sálvefræn
einkenni (Plenty o.fl., 2014).
Framkoma kennara er einnig áhrifaþáttur þegar kemur að tíðni sálvefrænna einkenna
hjá unglingum (Hjern o.fl., 2008) og eru þeir sem verða fyrir einelti af hendi kennara í meiri
hættu á að upplifa sálvefræn einkenni en þeir sem ekki verða fyrir því (Landstedt og Persson,
2014). Kennslan virðist einnig hafa áhrif á sálvefræn einkenni unglinga en hraði yfirferðar á
námsefni er áhrifaþáttur þegar kemur að tíðni þeirra (Hjern o.fl., 2008) og samkvæmt tölum
frá sænsku lífskjara könnuninni (Barns levnadsförhållanden, 2017) segjast 25% (13-15 ára)
til 31% (16-18 ára) þeirra unglinga sem upplifa álag í skólanum það tilkomið vegna krafa frá
kennurum.
Samkvæmt Colarossi og Eccles (2003) og Joyce og Early (2014) er ekki marktækur
kynjamunur á því hversu mikinn stuðning bandarískir unglingar upplifa frá kennurum en
Johnson, Crosnoe og Thaden (2006) komust hins vegar að þeirri niðurstöðu að stúlkur eigi
almennt betri samskipti við kennara en drengir. Rannsókn Colarossi og Eccles (2003) sýndi
fram á að kynjamunur er ekki til staðar á því hversu mikill stuðningurinn er, en fylgnin milli
hans og þunglyndiseinkenna sé þó mun meiri hjá stúlkum en drengjum. Sama er að segja um
niðurstöður Joyce og Early (2014) en þeir fundu marktæka fylgni milli umhyggju af hendi
kennara og þunglyndiseinkenna hjá stúlkum. Niðurstöður rannsóknar Landstedt og Persson
(2014) voru að ekki væri kynjamunur meðal sænskra unglinga að öðru leiti en því að þegar
skortur væri á stuðningi kennara væri fylgnin við sálvefræn einkenni einungis marktæk hjá
stúlkum.
Markmið rannsóknarinnar
Líkt og fram hefur komið sýna rannsóknir að einelti, upplifun af kennurum og
kennslunni og samnemendur séu áhrifaþættir þegar kemur að tíðni sálvefrænna einkenna hjá
unglingum (Gini og Pozzoli, 2013; Hjern o.fl., 2008; Landstedt og Persson, 2014; Natvig,
Sálvefræn einkenni unglinga 10
Albrektsen og Qvarnstrøm, 2001; Natvig o.fl., 2003 og Plenty o.fl., 2014). Þær rannsóknir
taka hins vegar einungis til ákveðinna þátta innan sálfélagslega skólaumhverfið og vantar því
að skoða áhrif þess í heild sinni. Þar að auki hafa áhrif þess hvernig unglingum líkar almennt
í skólanum ekki verið rannsökuð. Samkvæmt Friberg, Hagquist og Osika (2012), Gadin og
Hemmerström (2003), Isshiki og Morimoto (2004) og Vanaelst o. fl, (2012) eykst tíðni
sálvefrænna einkenna unglinga með aldrinum frá 12 til 18 ára og er skýr kynjamunur á þeirri
aukningu á þá leið að einkennin aukast mun meira hjá stúlkum en drengjum (Currie o.fl.,
2012; Plenty o.fl., 2014 og Östberg o.fl., 2006). Þá sýna niðurstöður Currie o.fl. (2012) að
stúlkur upplifi meira álag vegna námsins en drengir og sá munur aukist einnig með aldrinum.
Markmið þessarar rannsóknar er að bæta við þá þekkingu sem þegar er til staðar um áhrif
kyns, aldurs og sálfélagslega skólaumhverfisins á algengi sálvefrænna einkenna hjá
unglingum og setjum við fram eftirfarandi tilgátur:
1. Eftir því sem upplifun 11-15 ára unglinga af sálfélagslega skólaumhverfinu er verri
finna þeir fyrir meiri sálvefrænum einkennum.
2. Sálvefræn einkenni 11-15 ára unglinga aukast með aldrinum og meira hjá stúlkum en
drengjum.
3. Álag vegna náms eykst einnig meira með aldrinum hjá 11-15 ára stúlkum en
drengjum og er það stærsti áhrifaþáttur sálfélagslega skólaumhverfisins þegar kemur
að algengi sálvefrænna einkenna hjá unglingsstúlkum.
Aðferð
Þátttakendur og framkvæmd
Gögnin sem notuð eru í þessari rannsókn eru fengin úr rannsókninni Heilsa og lífskjör
skólanema 2013/14, sem er hluti af alþjóðlega samstarfsverkefninu Health Behaviours in
School-Aged Children (HBSC). HBSC rannsóknin er unnin fyrir tilstuðlan
Alþjóðaheilbrigðisstofnunarinnar (WHO) og alls taka þátt 45 lönd í Evrópu og Norður
Sálvefræn einkenni unglinga 11
Ameríku (HBSC, e.d.). Rannsóknin er lögð fyrir á fjögurra ára fresti fyrir börn og unglinga í
6., 8. og 10. bekk og er tilgangur hennar að fylgjast með félagslegum, efnahagslegum og
heilsufarslegum þáttum í lífi unglinga.
Á Íslandi stendur Rannsóknasetur forvarna við Háskólann á Akureyri að framkvæmd
rannsóknarinnar (HBSC á Íslandi, e.d.). Öll nauðsynleg leyfi voru fengin fyrir rannsókninni,
en einnig fengu foreldrar barnanna send bréf með upplýsingum um hana og gátu þeir neitað
þátttöku fyrir hönd barna sinna. Kennarar og rannsóknaraðilar sáu um að dreifa
spurningalistanum til nemenda og fór fyrirlögnin fram í kennslustofum á skólatíma.
Nemendur voru beðnir um að skrifa ekki nafnið sitt á listana til að gæta nafnleyndar. Alls
svöruðu 11019 nemendur í 171 grunnskólum rannsókninni skólaárið 2013/2014 en brottfallið
var 253 (2,3%). Kynjahlutfallið var 50,3% drengir og 49,7% stúlkur. Í 6.bekk voru 3509
nemendur, 3740 í 8.bekk og í 3482 í 10.bekk.
Mælitæki
Spurningalistarnir sem notaðir voru til þess að safna gögnunum tilheyra rannsókninni
Heilsa og lífskjör skólanema. Spurningalistarnir voru tvenns konar og var annar lagður fyrir
nemendur í 6. og 8. bekk en hinn fyrir nemendur í 10. bekk. Í listanum fyrir yngri
nemendurna voru 87 spurningar en 25 spurningar aukalega í listanum fyrir eldri hópinn og
voru þær því 112. Í þessari rannsókn er þó eingöngu unnið með spurningar sem eru eins á
báðum listunum og tengjast kennurum, samnemendum, álagi vegna náms, einelti,
skólaánægju og sálvefrænum einkennum.
Fylgibreyta: Sálvefræn einkenni. Til þess að mæla sálvefræn einkenni þátttakenda
var notast við HBSC- symptom checklist (HBSC-SCL) sem inniheldur átta líkamleg og sálræn
einkenni (höfuðverkur, kviðverkir, bakverkir, depurð, pirringur, taugaóstyrkleiki,
svefnerfiðleikar og svimi) (King o.fl., 1996). Rannsóknir sýna að þessi kvarði hefur gott
réttmæti (Haugland og Wold 2001; Ravens-Sieberer o.fl. 2010) og áreiðanleika (Haugland og
Sálvefræn einkenni unglinga 12
Wold, 2001) sem alþjóðlegur mælikvarði á sálvefræn einkenni (Gariepy, McKinnon,
Sentenac, og Elgar, 2016). Í íslenska spurningalistanum eru atriðin 10, þar sem „háls-og
herðaverkur” og „verkir í útlimum” hefur verið bætt við.
Í spurningalistunum voru þátttakendur beðnir um að svara hversu oft þeir höfðu
fundið fyrir eftirfarandi einkennum á síðustu 6 mánuðum: höfuðverk, magaverk, bakverk,
verið dapur/döpur, verið pirruð/aður eða skapvond(ur), verið taugaóstyrk(ur), átt erfitt með að
sofna, fengið svima, verk í hálsi eða herðum, verk í útlimum. Svörin eru mæld á 5 punkta
raðkvarða frá daglega til sjaldan/aldrei (1= hér um það bil daglega, 2= oftar en einu sinni í
viku, 3= um það bil vikulega, 4= um það bil mánaðarlega og 5= sjaldan eða aldrei). Líkt og í
rannsóknum Haugland og Wold (2001) og Walsh, Bruckauf og Gaspar (2016) voru stigin
reiknuð út frá kvarðanum 0-4 þar sem 0 er að finna sjaldan eða aldrei fyrir einkennum en 4 að
finna daglega fyrir einkennum. Líkt og sést í töflu 1 er pirringur algengasta einkennið hjá
báðum kynjum en að meðaltali finna 44,1% drengja og 50,2% stúlkna fyrir honum oftar en
einu sinni í viku. Svefnerfiðleikar eru næst algengasta einkennið, eða 44,7% stúlkna og
39,2% drengja sem eiga erfitt með svefn oftar en einu sinni í viku. Tafla 1 sýnir nánar
dreifingu sálvefrænna einkenna eftir bekkjum og kyni. Til þess að fá heildarstigafjölda
einkenna fyrir hvern og einn þátttakanda voru breyturnar lagðar saman, þar sem minnst var
hægt að fá 0 en mest 40. Áður en það var gert var innri samkvæmni atriðanna skoðuð með
Cronbach´s Alpha áreiðanleikastuðli og var hann 0,88 fyrir öll 10 atriðin. Einkennin tvö sem
bætt var við íslenska listann hafa fylgni (Pearsons r) upp á 0,62 og 0,54 við hin atriðin og
þegar innri samkvæmni var skoðuð fyrir átta atriða skalann lækkaði stuðullinn niður í 0,85.
Því var ákveðið að halda þeim inni. Útkoman var sálvefrænn kvarði, settur saman úr svörum
10299 þátttakenda (brottfall 720/6,5%) og tók gildi frá 0-40. Meðaltalið var 11,17,
staðalfrávikið 8,64, miðgildi 9, með skekkju upp á 0,91 (sjá töflu 1 fyrir meðaltal og
staðalfrávik eftir kyni og bekkjum).
Sálvefræn einkenni unglinga 13
Tafla 1
Meðaltal, staðalfrávik og tíðni vikulega eða oftar (%) sálvefrænna einkenna eftir kyni og bekk
6. bekkur 8. bekkur 10. bekkur
Sálvefræn einkenni Meðaltal Staðalfrávik Vikulega
eða oftar % Meðaltal Staðalfrávik Vikulega eða oftar % Meðaltal Staðalfrávik Vikulega
eða oftar %
Stúlkur
Sálvefræn einkenni (0-40)* 10,27 8,41
12,48 8,79
15,11 9,38
Höfuðverkur (0-4) 1,16 1,31 33,9 1,32 1,3 39,2 1,53 1,31 47,1
Magaverkur (0-4) 1,15 1,24 33,7 1,22 1,16 33,1 1,37 1,21 38,6
Bakverkur (0-4) 0,77 1,19 22,7 1,11 1,29 31,9 1,49 1,42 42,7 Depurð (0-4) 1,17 1,22 34,3 1,37 1,28 39,5 1,74 1,35 52,4 Pirringur (0-4) 1,3 1,22 38,4 1,65 1,23 51,3 1,96 1,24 61 Taugaóstyrkleiki (0-4) 0,78 1,1 22,7 1,23 1,28 36,3 1,71 1,4 51,6
Verkir í útlimum (0-4) 0,67 1,12 19 0,84 1,17 23,4 0,97 1,28 27,4
Háls-og herðaverkur(0-4) 0,97 1,26 26,9 1,18 1,3 33,2 1,44 1,41 42,4
Svimi (0-4) 0,82 1,21 22,6 1,01 1,29 29,6 1,29 1,38 37,3 Svefnerfiðleikar (0-4) 1,46 1,47 42,5 1,54 1,45 44,6 1,62 1,45 46,9
Drengir
Sálvefræn einkenni (0-40)* 9,11 7,73
10,14 7,93
9,71 7,71
Höfuðverkur (0-4) 0,95 1,17 27,4 1,05 1,19 31 0,91 1,09 25,3 Magaverkur (0-4) 0,88 1,11 24 0,95 1,09 25,8 0,79 0,99 21,3 Bakverkur (0-4) 0,64 1,11 17,8 0,97 1,27 28,2 1,06 1,24 29,4 Depurð (0-4) 0,98 1,17 27,7 0,88 1,12 24,5 0,96 1,14 25,8 Pirringur (0-4) 1,27 1,21 37,1 1,5 1,22 46,3 1,54 1,19 48,9 Taugaóstyrkleiki (0-4) 0,7 1,05 20,8 0,86 1,12 25,1 0,87 1,11 24,3
Verkir í útlimum (0-4) 0,71 1,13 20 0,84 1,16 24,2 0,71 1,11 19,6
Háls-og herðaverkur(0-4) 0,85 1,19 23 0,91 1,21 25,1 0,86 1,16 24
Svimi (0-4) 0,72 1,12 20,1 0,83 1,19 23,6 0,79 1,12 22 Svefnerfiðleikar (0-4) 1,4 1,43 42,2 1,33 1,37 39,3 1,21 1,3 36
*Samanlagður skali frá 0-40
Sálvefræn einkenni unglinga 14
Frumbreytur. Til þess að gefa sem besta heildarmynd af niðurstöðunum var gerð
leitandi þáttagreining til þess að fá skýrari mynd af völdum breytum sem tengjast
sálfélagslega skólaumhverfinu. Leitandi þáttagreining flokkar einstök atriði sem mæla sama
hugtakið og setur þau upp í þætti sem eru lýsandi fyrir atriðin. Niðurstöður
þáttagreiningarinnar skiluðu af sér þremur þáttum með eigingildi hærra en 1 (viðmið Kaiser):
samskipti við kennara, tengsl við samnemendur og einelti. Ákveðið var að sameina þær
breytur sem hlóðust undir samskipti við kennara og tengsl við samnemendur en hafa
breyturnar „álag í skóla“, „að vera lögð/lagður í einelti“ og „að leggja í einelti“ einar og sér
þar sem þær hlóðust misvel við hina þættina. „Skólaánægja“ hlóðst mest á þáttinn tengsl við
samnemendur (0,499) en einnig á samskipti við kennara (0,393) og einelti (0,255) og var
ákveðið að taka hana einnig út fyrir þættina. Innri samkvæmni breytanna var skoðuð með
Cronbach‘s Alpha áreiðanleikastuðli sem tekur gildi frá 0 (ekkert samkvæmni) til 1,0
(fullkomin samkvæmni). Algengt er að miða við hærra en 0,6-0,7 til þess að óhætt sé að
sameina einstök atriði.
Samskipti við kennara. Fyrsti þáttur snýr að samskiptum við kennara en undir hann falla 12
atriði (sjá töflu 2). Þátturinn skýrir 40% af heildardreifingu atriðanna. Öll atriðin eru mæld á
fimm punkta raðkvarða (1= mjög sammála, 2= frekar sammála, 3= hvorki né, 4= frekar
ósammála, 5= mjög ósammála). Innri samkvæmni atriðanna er góð eða α = 0,930. Svörin
voru lögð saman í eina breytu og fékk hver nemandi stig á skalanum 0-60 (m=24,9, sf=9).
Allir nemendur svöruðu að minnsta kosti einni spurningu en brottfallið eftir sameiningu var
alls 884. 90% nemenda voru með minna en 37 stig.
Sálvefræn einkenni unglinga 15
Tafla 2
Chronbach´s Alpha, þáttahleðsla og fylgni frumbreyta við fylgibreytu
Breyta m sf α Þátta-hleðsla r
Samnemendura 7,43 2,7 .789 .387*
Hvernig líður þér í frímínútum c 1,6 0,82 .645
Bekkjarfélögunum finnst gaman að vera saman c 1,99 0,85 .755
Flestir bekkjarfélagar eru vingjarnlegir c 1,95 0,85 .798
Bekkjarfélagarnir taka mér eins og ég er c 1,9 0,94 .800
Kennararb 24,9 9,1 .931 .338*
Kennararnir taka mér eins og ég er c 1,65 0,83 .672
Mér finnst kennurunum vera annt um mig sem einstakling c 2,15 0,97 .698
Ég treysti kennurunum mínum mjög vel c 2,0 1,05 .763
Kennararnir eru hvetjandi þegar ég er að vinna verkefni í skólanum c 2,08 0,98 .780
Ef mig vantar meiri hjálp get ég fengið hana c 1,79 0,91 .695
Kennararnir skýra út fyrir mér hvernig ég get gert betur í verkefnum c 1,88 0,93 .756
Kennararnir sýna mér hvernig ég get leyst verkefni c 1,82 0,88 .723
Mér finnst að kennararnir mínir gefi mér valfrelsi í náminu c 2,55 1,12 .707
Kennararnir reyna að skilja mitt sjónarmið áður en þeir stinga upp á nýjum leiðum til að leysa hlutina c
2,42 1,1 .793
Kennararnir skýra út hvað ég á að gera og hvernig ég á að gera það c 1,8 0,86 .719
Kennararnir hlusta á hvernig ég vil gera hlutina c 2,36 1,13 .790
Mér finnst námið og kennslan sniðið að mínum þörfum c 2,44 1,13 .725
Hvernig líkar þér í skólanum? d 1,67 0,71 .361*
Hversu miklu álagi verður þú fyrir vegna skólanámsins? d 2,52 0,9 .275*
Hversu oft hefur þú verið lagður/lögð í einelti í skólanum undanfarna mánuði? c 1,28 0,72 .263*
Hversu oft hefur þú tekið þátt í að leggja annan nemanda í einelti í skólanum? c 1,12 0,43 .124*
Kyn .171*
Bekkur .126*
* p = 0.01 a skali = 0-20 b skali = 0-60 c skali = 1-5 d skali = 1-4
Tengsl við samnemendur. Fjögur atriði féllu undir þátt tvö og eru þau lýsandi fyrir
samskipti unglinganna sín á milli innan skólaumhverfisins (sjá töflu 2) og skýrir hann 11,2%
af heildardreifingu atriðanna. Öll atriðin voru mæld á fimm punkta raðkvarða (1= mjög
Sálvefræn einkenni unglinga 16
sammála, 2= sammála, 3= hvorki né, 4= ósammála, 5= mjög ósammála). Cronbach´s Alpha
sýndi ásættanlega innri samkvæmni (α = 0,789). Eftir að atriðin voru sameinuð gat hver
nemandi hlotið stig á kvarðanum 0-20 (m=7,43, sf=2,69). Allir nemendur svöruðu að minnsta
kosti einni spurningu, brottfallið eftir sameiningu var alls 407 og 99% nemenda voru með
minna en 17 stig.
Einelti. Þriðji þátturinn samanstóð af þeim tveimur atriðum sem mæla hugtakið
einelti og skýrði 6% af heildardreifingu atriðinna. Hins vegar var ákveðið að sameina þessi
tvö atriði ekki, þar sem þau mæla tvö ólík hugtök, annars vegar að vera lögð/lagður í einelti
og hins vegar að leggja í einelti. Þessi atriði standa því sjálfstætt. Spurningarnar sem eiga að
mæla einelti eru tvenns konar, annars vegar „hversu oft hefur þú verið lögð/lagður í einelti í
skólanum undanfarna mánuði?“ og hins vegar „hversu oft hefur þú tekið þátt í að leggja
annan nemanda í einelti í skólanum á undanförnum mánuðum?“. Báðar spurningarnar voru
mældar á fimm punkta raðkvarða: „Aldrei“, „það hefur aðeins komið fyrir einu sinni eða
tvisvar“, „2 eða 3 sinnum í mánuði“, „um það bil einu sinni í viku“ og „nokkrum sinnum í
viku“. Alls sögðust 94% nemenda sjaldan eða aldrei vera lagðir í einelti og 0,6% sögðust hafa
lagt annan nemanda í einelti einu sinni í viku eða oftar. Brottfall í lögð/lagður í einelti var
391 og 421 í leggur í einelti.
Álag vegna náms og skólaánægja. Námsálag er mælt með spurningunni „Hversu
miklu álagi verður þú fyrir vegna skólanáms?“ sem mæld er á fjögurra punkta raðkvarða (1=
engu, 2= litlu, 3= nokkru og 4= miklu). Þeir sem svöruðu spurningunni voru 10793 og
brottfall var 226. Alls sögðust 13,1% ekki verða fyrir neinu álagi og 15% fyrir miklu álagi.
Spurningin „Hvernig líkar þér í skólanum?“ var notuð til þess að mæla ánægju nemenda í
skólanum. Hún er mæld á fjögurra punkta raðkvarða (1= Líkar mjög vel, 2= líkar þokkalega,
3= líkar ekki vel og 4= líkar alls ekki vel). 10846 nemendur svöruðu, brottfall var 123, og
sögðu 45% þeirra að þeim líkaði mjög vel í skólanum.
Sálvefræn einkenni unglinga 17
Úrvinnsla gagna
Tölfræðileg úrvinnsla var gerð með IBM SPSS tölfræðiforritinu, útgáfu 21. Sameinuð
voru tvö gagnasöfn sem innihéldu annars vegar gögn um 10. bekkinga og hins vegar gögn um
6. og 8. bekkinga. Ógild svör voru ekki með í útreikningi og tölfræðileg marktækni var
miðuð við 95% öryggismörk, eða p <0,05.
Fyrir aðhvarfsgreiningu voru fjórar breytur staðgengilskóðaðar á þann hátt að þær
fengu tvö gildi hver. Þeir sem höfðu aldrei eða einu sinni til tvisvar verið lagðir í einelti fengu
gildið 0 og þeir sem höfðu verið lagðir í einelti tvisvar til þrisvar í mánuði eða oftar fengu
gildið 1. Breytan að leggja í einelti var staðgengilskóðuð á sama hátt. Hversu mikið álag
nemandi verður fyrir vegna námsins hafði fjóra svarmöguleika og fékk miklu gildið 1 en
engu, litlu og nokkru fengu gildið 0. Þá var nemendum skipt í tvennt eftir því hvernig þeim
líkar í skólanum en þeim sem líkar ekki vel eða alls ekki vel í skólanum var gefið gildið 1 og
þeim sem líkar mjög vel eða þokkalega var gefið gildið 0. Skalarnir sem sýndu
heildarstigafjölda unglinganna fyrir breyturnar tengsl við samnemendur og samskipti við
kennara voru styttir í 0-10 stig til þess að gera breytileika þeirra sýnilegri í
aðhvarfsgreiningunni.
Niðurstöður
Til þess að skoða hvort tilgáta eitt, um að neikvæð upplifun 11-15 ára unglinga af
sálfélagslega skólaumhverfinu hafi jákvæða fylgni við tíðni sálvefrænna einkenna, var gerð
þrepaskipt aðhvarfsgreining þar sem sálvefræn einkenni voru höfð sem fylgibreyta. Áður en
hún var framkvæmd voru viðeigandi forsendur skoðaðar og metið að þeim væri öllum mætt.
Lýðfræðilegu breyturnar kyn og bekkur voru settar inn í líkan eitt, álag vegna náms í annað
líkan, einelti og skólaánægja í líkan þrjú og samskipti við kennara og tengsl við
samnemendur í fjórða líkan. Líkt og sést á töflu 3 skýra kyn og bekkur 4,9% af dreifni
sálvefrænna einkenna og er líkanið marktækt, F(3,8815) = 150,17, p < 0,001. Með því að bæta
Sálvefræn einkenni unglinga 18
álagi vegna náms við líkanið hækkar skýrða dreifnin í 11,6% og er sú hækkun marktæk,
F(4,8814) = 289,69, p <0,001. Eineltisbreyturnar og skólaánægja hækkuðu skýrðu dreifnina í
19,7% í líkani þrjú eða marktæk hækkun um 8,1%, F(7,8811) = 308,86, p < 0,001. Með fjórða
og síðasta líkaninu verður skýrð heildardreifni aðhvarfsgreiningarinnar 27,1% og er hún
marktæk, F(9,8809) = 364,49, p < 0,001. Mesta forspárgildið hafa tengsl við samnemendur.
Tafla 3
Aðhvarfsgreining
Líkan 1 Líkan 2 Líkan 3 Líkan 4
óstöðluð hallatala
Stöðluð hallatala
óstöðluð hallatala
Stöðluð hallatala
óstöðluð hallatala
Stöðluð hallatala
óstöðluð hallatala
Stöðluð hallatala
Fasti 8,05 7,770 6,960 3,710 Lýðfræðilegar breytur Stelpa 3,120 ,182 2,806 ,164 2,838 ,166 2,348 ,137
10.bekkur 2,670 ,149 1,772 ,099 2,037 ,114 1,507 ,084 8.bekkur 1,710 ,096 1,185 ,066 1,239 ,069 ,675 ,038
Álag vegna náms 6,331 ,264 5,136 ,214 4,287 ,179 Skólaánægja 6,231 ,201 2,626 ,085 Lagður í einelti 6,328 ,162 4,036 ,103 Leggur í einelti 2,290 ,028 1,573 ,019 Samskipti við kennara (0-10) ,737 ,161
við bekkjafélaga (0-10) 2,953 ,214
R² 0,221 0,341 0,444 0,521 ΔR² 0,049 0,116 0,197 0,271 F 150,165 289,69 308,86 364,49
*p<0,05
Samkvæmt heildarlíkaninu er drengur í 6. bekk með 3,7 stig á sálvefræna einkenna
skalanum (0-40 stig) þegar stjórnað er fyrir öllum sálfélagslegum þáttum skólaumhverfisins
og öðrum bekkjum. Ef nemandinn er stúlka hækkar hann í 6 stig, hann hækkar í 4,4 ef hann
er í 8. bekk og 5,2 ef hann er í 10. bekk. Þeir nemendur sem upplifa mikið álag vegna
námsins hækka um 4,2 stig og þeim sem líkar illa í skólanum hækka um 2,6 stig. Allar
breytur sálfélagslega skólaumhverfisins lögðu marktækt til aukningar á tíðni sálvefrænna
einkenna og stenst því tilgáta eitt, að neikvæð upplifun 11-15 ára unglinga af sálfélagslega
skólaumhverfinu hafi jákvæða fylgni við sálvefræn einkenni.
Sálvefræn einkenni unglinga 19
Tafla 4
Dreifigreining fyrir allar breytur eftir kyni og bekk 6. bekkur 8. bekkur 10. bekkur Allir Stúlkur Drengir Allir Stúlkur Drengir Allir Stúlkur Drengir
m sf m sf m sf m sf m sf m sf m sf m sf m sf
Sálvefræn einkenni
9,7 8,1 10,3 8,4 9,1 7,7 11.3 8,5 12,5 8,8 10,1 7,9 12,3 9,0 15,1 9,4 9,7 7,7
Kennarar 2,0 1,7 1,9 1,7 2,2 1,7 2,9 1,9 2,9 1,9 3,0 1,9 3.0 1,9 3,0 1,8 3,0 1,9
Sam-nemendur
0,9 0,7 0,9 0,7 0,8 0,6 0,8 0,6 0,7 0,2 0,7 0,5 0,8 0,6 0,9 0,7 0,7 0,6
Skólaánægja 1,6 0,7 1,6 0,7 1,7 0,7 1,7 0,7 1,7 0,7 1,7 0,7 1,7 0,7 1,7 0,7 1,7 0,7
Álag í skóla 2,2 0,9 2,1 0,9 2,2 0,9 2,6 0,9 2,7 0,8 2,5 1,7 2,8 0,9 3,0 0,8 2,6 0,9
Lögð/lagður í einelti
1,4 0,8 1,3 0,8 1,4 0,8 1,3 0,7 1,3 0,7 1,3 0,7 1,2 0,6 1,2 0,6 1,2 0,5
Leggja í einelti
1,1 0,5 1,1 0,4 1,2 0,5 0,1 0,4 1,1 0,4 1,2 0,5 1,1 0,4 1,1 0,3 1,2 0,5
Ekki marktækur munur
Dreifigreining var framkvæmd til þess að kanna hvort tilgáta tvö, um að sálvefræn
einkenni aukist með aldrinum og þá meira hjá stúlkum en drengjum, standist (sjá töflu 4).
Munur milli kynja á sálvefrænum einkennum var marktækur í öllum bekkjum á eftirfarandi
hátt frá 6. til 10. bekkjar: F(1, 3173)=15,998, p < 0,001; F(1, 3530)=68,790, p < 0,001;
F(1,3314)=327,964, p < 0,001. Meðaltal sálvefrænna einkenna eykst úr 9,71 í 6. bekk í 11,23 í
8. bekk (15,7% aukning) og 12,4 í 10. bekk (10% aukning) eða alls um 27,7% milli 6. og 10.
bekkja og er munurinn marktækur; F(2, 10079)=81,576, p < 0,001). Ef kynin eru skoðuð hvort
fyrir sig er munurinn einnig marktækur á milli bekkja; F(2, 5024)=7,342, p < 0,001 hjá
drengjum og F(2, 4993)=121,962, p < 0,001 hjá stúlkum. Hlutfallslega er aukning einkenna hjá
stúlkum tæp 22% milli 6. og 8. bekkja og 21,5% milli 8. og 10. bekkjar og alls er aukningin
frá 6. bekk til 10. bekkjar 47%. Sálvefrænu einkennin aukast um 11% milli 6. og 8. bekkja
hjá drengjum en lækka hins vegar um 4% milli 8. og 10. bekkja og er aukningin milli 6. og
10. bekkja 8%. Í heildina aukast einkennin því um 27,7% hjá unglingum almennt en einungis
um 8% hjá drengjum á móti 47% hjá stúlkum og er aukningin milli kynja og bekkja marktæk
samkvæmt aðhvarfsgreiningu (t = 8,682, p < 0,001). Tilgáta tvö, að sálvefræn einkenni 11-15
Sálvefræn einkenni unglinga 20
ára unglinga aukist með aldrinum og meira hjá stúlkum en drengjum, stenst því aðeins að
hluta til þar sem tíðni sálvefrænna einkenna hækkar ekki með aldrinum hjá drengjum.
Tafla 5
Hlufall nemenda með hæstu stig eftir kyni og bekk
Sálvefræn einkennia Kennararb Sam-
nemendurc Ánægja í skólad
Álag í skólae
Lögð/lagður í eineltif
Leggur í eineltig
s d s d s d s d s d s d s d
6. bekkur 2,9 1,9 1,4 1,6 1,9 1,1 5,8 9,2 7,7 7,0 6,7 7,7 0,7 2,4
8. bekkur 4,3 2,0 3,2 4,0 1,5 1,4 10,0 10,0 17,2 13,6 6,2 5,0 0,6 1,2
10. bekkur 7,4 1,5 2,8 3,4 1,6 1,2 10,0 8,4 26,7 16,7 4,2 2,9 0,5 2,1 s = stúlka, d = drengur a % hlutfall nemenda með > 30 stig af 0-40 b % hlutfall nemenda með > 45 af 0-60 c % hlutfall nemenda með > 15 stig af 0-20 d % hlutfall nemenda sem svöruðu líkar ekki vel og líkar alls ekki vel e % hlutfall nemenda sem svöruðu mikið álag f % hlutfall nemenda sem eru lagðir í eineilti oftar en einu sinni í mánuði g % hlutfall nemenda sem eru leggja aðra í eineilti oftar en einu sinni í mánuði
Tilgáta þrjú, hvort álag vegna náms aukist meira með aldrinum hjá 11-15 ára stúlkum
en drengjum og sé stærsti áhrifaþáttur sálfélagslega skólaumhverfisins þegar kemur að
algengi sálvefrænna einkenna hjá unglingsstúlkum, var að hluta til einnig könnuð með
dreifigreiningu. Meðaltal álags vegna náms hjá báðum kynjum hækkar um 18% milli 6. og 8.
bekkja og um 8% milli 8. og 10. bekkjar. Samtals er 27% hækkun milli 6. og 10. bekkja og er
munurinn milli bekkja marktækur, F(3,10584) = 31,281, p < 0,001. Hjá stúlkum eykst álagið um
29% milli 6. og 8. bekkja og 11% milli 8. og 10 bekkja eða 43% í heildina. Hjá drengjunum
er heildaraukningin 18%, 14% milli 6. og 10. bekkja en einungis 4% milli 8. og 10. bekkja.
Í báðum tilfellum var aukningin marktæk, F(3,5211) = 305,533, p < 0,001 og F(3,5263) = 87,540,
p < 0,001. Ekki var marktækur munur á kynjunum í 6. bekk en hann var marktækur í 8. bekk
(F(3,3671) = 22,922, p < 0,001) og 10. bekk (F(3,3404) = 44,658, p < 0,001.
Til þess að skoða nánar neikvæða upplifun unglinga af sálfélagslega skólaumhverfinu
voru hlutföll þeirra unglinga sem eru með neikvæðustu upplifunina könnuð (sjá töflu 5). Þar
sést að þó meðaltal upplifaðs álags vegna námsins hækki ekki mikið, fjölgar þeim mjög með
aldrinum sem upplifa mesta námsálagið og mun meira í hópi stúlkna en drengja. Fyrri hluti
tilgátu þrjú stenst en ekki seinni.
Sálvefræn einkenni unglinga 21
Umræður
Markmið þessarar rannsóknar var að bæta við þá þekkingu sem þegar var til staðar
um áhrif kyns, aldurs og sálfélagslega skólaumhverfisins á algengi sálvefrænna einkenna hjá
unglingum. Niðurstöðurnar sýna að hægt er að skýra 27 % dreifni sálvefrænna einkenna með
kyni, aldri og sálfélagslega skólaumhverfinu. Þegar einstakir þættir innan sálfélagslega
skólaumhverfisins eru skoðaðir sést að tengsl við samnemendur er stærsti áhrifaþátturinn á
milli sálvefrænna einkenna og sálfélagslega skólaumhverfisins. Þar á eftir koma hversu mikið
álag unglingarnir upplifa vegna námsins, samskipti við kennara og kyn. Bekkur, skólaánægja
og að vera lögð/lagður í einelti hafa einnig nokkuð mikil áhrif en að leggja aðra í einelti hefur
minnstu áhrifin.
Tíðni sálvefrænna einkenna eykst töluvert með aldrinum hjá stúlkum. Svo er hins
vegar ekki hjá drengjum þar sem hún hækkar milli 11 og 13 ára en lækkar aftur milli 13 og
15 ára. Þessar niðurstöður eru í samræmi við niðurstöður Bergström o.fl. (2015), Hellström
Nilsson, Leppert og Aslundo (2015), Plenty o.fl. (2014), Sweeting, West og Der (2007),
Varga, Piko, og Fitzpatrick (2014), Yngwe og Östberg (2012) og Östberg, Alfven og Hjern
(2006) sem sýndu að stúlkur eru með meiri sálvefræn einkenni og þau aukist með aldrinum.
Álag vegna námsins er annar stærsti áhrifaþátturinn þegar kemur að sálvefrænum
einkennum og skýrir eitt og sér 6,7% þeirra. Það er í samræmi við niðurstöður Hjern o.fl.
(2008) sem telja álag vegna verkefna og prófa stóran áhrifaþátt á sálvefræn einkenni
unglinga. Námsálagið eykst mikið hjá báðum kynjum eftir aldri, eða um 27% frá 11 til 15
ára, sem ætti að teljast eðlileg þróun þegar nær dregur lokum grunnskóla. Áhugavert er þó að
á meðan munurinn á kynjunum er ekki marktækur í 6. bekk er hlutfall þeirra sem upplifa
mikið álag vegna námsins í 10. bekk 27% hjá stúlkum á móti 17% hjá drengjum. Þegar
hlutföll þeirra sem upplifa mesta álagið eru skoðuð má sjá vísbendingar um að námsálagið sé
Sálvefræn einkenni unglinga 22
stærri áhrifaþáttur, og jafnvel stærsti, þegar kemur að tíðni sálvefrænna einkenna stúlkna. Það
er í samræmi við seinni hluta tilgátu þrjú en ekki er þó hægt að staðfesta að svo sé.
Samskipti við kennara og tengsl við samnemendur hafa miðlunaráhrif á milli
sálvefrænna einkenna og þess að vera lögð/lagður í einelti. Það kemur ekki á óvart þar sem
einelti er eitt form samskipta við samnemendur og eðlilegt að það auki neikvæða upplifun af
tengslunum. Þegar stjórnað er fyrir öllum breytum eru áhrif þess að vera lagður í einelti mikil
en að leggja aðra í einelti leggur minnst til heildarlíkansins. Þetta er í samræmi við
niðurstöður Fekkes, Pijpers og Verloove-Vanhorick (2004), Forero, McLellan, Rissel og
Bauman (1999), Gini (2008) og Gini og Pozzoli (2013) sem sýndu fram á að unglingar sem
lagðir eru í einelti eru mun líklegri til þess að finna fyrir sálvefrænum einkennum en þeir sem
leggja aðra í einelti. Drengir í öllum bekkjum eru líklegri til þess að vera gerendur í
eineltismálum en stúlkur og einnig að vera þolendur í 6. bekk. Það snýst hins vegar við í 10.
bekk þar sem stúlkur eru líklegri til þess að segjast vera lagðar í einelti.
Ekki er mikill munur á meðaltali skólaánægju drengja og stúlkna en þegar hlutfall
þeirra sem líkar verst í skólanum er skoðað sést að í 6. bekk líkar drengjum mun verr í
skólanum en stúlkum og í 10. bekk líkar stúlkunum orðið nokkuð verr en drengjum. Í
heildarlíkaninu lækkar hlutur skólaánægju um tæp 60% og eru miðlunaráhrif samskipta við
kennara og tengsla við samnemenda á milli skólaánægju og sálvefrænna einkenna því til
staðar.
Af þeim 27% sem heildarlíkanið útskýrir af sálvefrænum einkennum unglinga skýra
samskipti við kennara og tengsl við samnemendur nærri þriðjung þeirra, eða 7,4%. Mikill
munur er hins vegar á því hversu mikið hvor breytan leggur til og útskýra samskipti við
kennara einungis einn fimmta þess sem tengsl við samnemendur leggja til. Hlutur samskipta
við kennara í heildarlíkaninu er þó samt sem áður nokkuð stór og er það í samræmi við
niðurstöður Hjern o.fl. (2008) og Plenty o.fl. (2014) sem telja samskipta við kennara hafa
Sálvefræn einkenni unglinga 23
áhrif á tíðni sálvefrænna einkenna hjá unglingum. Áhugavert er að skoða hversu mikil
breyting til hins verra verður á samskiptum unglinga við kennara milli 6. og 8. bekkja.
Rannsóknir Plenty o.fl. (2014), Natvig, Albrektsen, Anderssen og Qvarnstrøm (1999)
og Natvig, Albrektsen, Qvarnstrøm (2003) sýndu jákvæð áhrif þess stuðnings sem unglingar
fá frá samnemendum sínum á minni sálvefræn einkenni. Þá telja Konijnenberg o.fl. (2006)
skert félagsleg samskipti unglinga eitt af forspárgildum sálvefrænna einkenna. Niðurstöður
þessarar rannsóknar styðja við þær niðurstöður og þar með ekki niðurstöður Segura-Jiménez
o.fl. (2015) sem segja samband unglinga við jafnaldra sína ekki hafa fylgni við sálvefræn
einkenni. Hjá drengjum eru breytingar á hlutfalli þeirra sem upplifa samnemendur sína á
neikvæðan hátt í samræmi við breytingar á hlutfalli þeirra sem upplifa mestu sálvefrænu
einkennin. Þetta á hins vegar ekki við hjá stúlkum þar sem hlutfall þeirra er lægra í 10. bekk
en í 6. bekk þegar kemur að neikvæðum tengslum við samnemendur á meðan tíðni
sálvefrænna einkenna er hærri. Samskipti við samnemendur virðist því hafa meiri áhrif á
líðan drengja en stúlkna.
Bond, Butler, Thomas, Carling og Glover (2007) og Sonmark og Modin (2017) telja
félagsleg samskipti innan skólans mikilvægari áhrifaþátt en samskiptin utan hans þegar
kemur að heilsu unglinga. Ekki er hægt að styðja við það með niðurstöðum þessarar
rannsóknar þar sem hún tekur aðeins til sálfélagslega skólaumhverfisins en ljóst er að það er
stór áhrifaþáttur. Þó má segja að áhrifin séu ekki mikil miðað við þann tíma sem unglingar
eyða í skólanum. Á sama hátt er heldur ekki hægt að styðja við tilgátu Meilsrup o.fl. (2015)
varðandi mikilvægi einstaklingsins sjálfs og upplifunar hans fram yfir umhverfið.
Takmarkanir og frekari rannsóknir
Takmarkanir þessarar rannsóknar eru nokkrar. Fyrst má nefna að fylgibreytan
(sálvefræn einkenni) sem mæld er á raðkvarða er jákvætt skekkt þar sem flestir finna sjaldan
fyrir sálvefrænum einkennum. Slík skekkja getur haft áhrif á niðurstöður og túlkun þeirra.
Sálvefræn einkenni unglinga 24
Hins vegar er úrtakið stórt og ætti skekkjan því ekki að hafa stórvægileg áhrif. Ekki var hægt
að stjórna fyrir sjúkdómum eða öðrum heilsufarslegum kvillum þar sem spurningalistarnir
innihéldu ekki spurningar um þá þætti. Það er því ekki hægt að fullyrða að einkennin séu í
öllum tilfellum sálvefræn. Í öðru lagi má nefna að kvarðinn sem var notaður í Heilsa og
lífskjör skólanema og í þessari rannsókn var ekki eins og upprunalegi HBSC kvarðinn, þar
sem tveimur atriðum hefur verið bætt við hann. Þó svo að áreiðanleikastuðullinn hafi hækkað
lítillega við að hafa þessi tvö atriði með er ekki víst að þau séu dæmigerð fyrir sálvefræn
einkenni. Því þyrfti fleiri rannskónar á áreiðanleika og réttmæti hans. Spurningarnar um tíðni
sálvefrænu einkennanna taka til undanfarinna sex mánaða en aðrar spurningar eru ekki
miðaðar við ákveðinn tíma. Svör við þeim miðast því við þann tíma sem spurningalistinn var
lagður fyrir og er því ekki verið að mæla fylgnibreytuna á sama tíma og flestar
frumbreyturnar.
Þegar sálvefrænu einkennin eru skoðuð hvert í sínu lagi vekur strax athygli hversu
mikill munur er á kynjunum hvað varðar depurð, en 42% stúlkna finna fyrir depurð oftar en
einu sinni í viku á móti 26% drengja. Einnig eykst taugaóstyrkleiki hjá stúlkum eftir
bekkjum, 22% í 6.bekk á móti 51,7% í 10.bekk. Þessi mikla aukning sést hins vegar ekki hjá
drengjunum. Stúlkur í 10.bekk eru hvað verst staddar þegar kemur að sálvefrænum
einkennum, en tíðni einkennanna er hæst í þeim hópi. Í ljósi þessa mikla kynjamunar ættu
framtíðarrannsóknir að skoða hvort samfélagslegir þættir varðandi mismunandi viðhorf og
kröfur sem gerðar eru til kynjanna geti haft þar áhrif. Vegna þess hve mikið álag vegna náms
eykst á unglingsárunum væri þar að auki áhugavert að skoða það út frá námsefninu og einnig
viðhorfum og upplifun kennara. Þá vakna einnig spurningar um það af hverju tengsl unglinga
við samnemendur sína versna á sama tíma og einelti minnkar. Þar sem tengsl við
samnemendur er stærsti áhrifaþátturinn þegar kemur að sálvefrænum einkennum unglinga er
vert að rannsaka hvaða þættir það eru innan þessara tengsla sem hafa þar áhrif.
Sálvefræn einkenni unglinga 25
Heimildaskrá
Alfvén, G. (1993). The covariation of common psychosomatic symptoms among children
from socio-‐economically differing residential areas. An epidemiological study. Acta
Paediatrica, 82(5), 484-487. doi:10.1111/j.1651-2227.1993.tb12728.x
Beck, J. (2008). A developmental perspective on functional somatic symptoms. Journal of
Pediatric Psychology, 33(5), 547–562. doi:10.1093/jpepsy/jsm113
Bergstrom, M., Fransson, E., Modin, B., Berlin, M., Gustafsson, P. A. og Hjern, A. (2015).
Fifty moves a year: Is there an association between joint physical custody and
psychosomatic problems in children? Journal of Epidemiology and Community
Health, 69(8), 769-774. doi:10.1136/jech-2014-205058
Bond, L., Butler, H., Thomas, L., Carlin, J., Glover, S., Bowes, G., og Patton, G. (2007).
Social and school connectedness in early secondary school as predictors of late
teenage substance use, mental health, and academic outcomes. Journal of Adolescent
Health, 40(4), 357. e9-357. e18. doi:10.1016/j.jadohealth.2006.10.013
Bradshaw, J. og Keung, A. (2011). Trends in child subjective well-being in the UK. Journal
of children's services, 6(1), 4-17. doi:10.5042/jcs.2011.0122
Brill, S. R., Patel, D. R. og MacDonald, E. (2001). Psychosomatic disorders in pediatrics.
Indian journal of pediatrics, 68(7), 597-603. doi:10.1007/BF02752270
Colarossi, L. G. og Eccles, J. S. (2003). Differential effects of support providers on
adolescents' mental health. Social Work Research, 27(1), 19-30.
doi:10.1093/swr/27.1.19
Condén, E., Leppert, J., Ekselius, L. og Åslund, C. (2013). Type D personality is a risk factor
for psychosomatic symptoms and musculoskeletal pain among adolescents: a cross-
sectional study of a large population-based cohort of Swedish adolescents. BMC
Pediatrics, 13(1), 11. doi:10.1186/1471-2431-13-11
Sálvefræn einkenni unglinga 26
Craig, W. M., Pepler, D. og Atlas, R. (2000). Observations of bullying in the playground and
in the classroom. School Psychology International, 21(1), 22-36.
doi:10.1177/0143034300211002
Currie, C., Zanotti, C., Morgan, A., Currie, D., de Looze, M., Roberts, C., . . . Barnekow, V.
(ritstj.). (2012). Social determinants of health and well-being among young people.
Health Behaviour in School-aged Children (HBSC) study: international report from
the 2009/2010 survey (Health Policy for Children and Adolescents, No. 6). (uppfærð
prentun). Sótt af heimasíðu svæðisskrifstofu WHO í Evrópu:
http://www.euro.who.int/__data/assets/pdf_file/0007/167281/E96444_part1.pdf
Elovainio, M., Pietikäinen, M., Luopa, P., Kivimäki, M., Ferrie, J. E., Jokela, J., ... og
Virtanen, M. (2011). Organizational justice at school and its associations with pupils’
psychosocial school environment, health, and wellbeing. Social Science & Medicine,
73(12), 1675-1682. doi:10.1016/j.socscimed.2011.09.025
Fekkes, M., Pijpers, F. I. M. og Verloove-Vanhorick, S. P. (2004). Bullying behavior and
associations with psychosomatic complaints and depression in victims. The Journal of
Pediatrics, 144(1), 17-22. doi:10.1016/j.jpeds.2003.09.025
Flett, G. L., Molnar, D. S., Nepon, T. og Hewitt, P. L. (2012). A mediational model of
perfectionistic automatic thoughts and psychosomatic symptoms: The roles of
negative affect and daily hassles. Personality and Individual Differences, 52, 565–
570. doi:10.1016/j.paid.2011.09.010
Forero, R., McLellan, L., Rissel, C. og Bauman, A. (1999). Bullying behaviour and
psychosocial health among school students in New South Wales, Australia: cross
sectional survey. BMJ, 319(7206), 344–348. doi:10.1136/bmj.319.7206.344
Sálvefræn einkenni unglinga 27
Friberg, P., Hagquist, C. og Osika, W. (2012). Self-perceived psychosomatic health in
Swedish children, adolescents and young adults: an internet-based survey over time.
BMJ open, 2(4), e000681. doi:10.1136/bmjopen-2011-000681
Gadin, K. G. og Hemmerström, A. (2003). Do changes in the psychosocial school
environment influence pupils’ health development? Results from a three-year follow-
up study. Scandinavian Journal of Social Medicine, 31(3), 169–177.
doi:10.1080/14034940210134121
García-Moya, I., Brooks, F., Morgan, A., og Moreno, C. (2015). Subjective well-being in
adolescence and teacher connectedness: A health asset analysis. Health Education
Journal, 74(6), 641-654. doi:10.1177/0017896914555039
Gariepy, G., McKinnon, B., Sentenac, M., og Elgar, F. J. (2016). Validity and reliability of a
brief symptom checklist to measure psychological health in school-aged children.
Child Indicators Research, 9(2), 471-484. doi:10.1007/s12187-015-9326-2
Gerber, M. og Pühse, U. (2008). “Don't crack under pressure!”—Do leisure time physical
activity and self-esteem moderate the relationship between school-based stress and
psychosomatic complaints? Journal of Psychosomatic Research, 65(4), 363-369.
doi:10.1016/j.jpsychores.2008.06.012
Gillander-Gådin, K. og Hammarström, A. (2000). School-related health–a cross-sectional
study among young boys and girls. International Journal of Health Services, 30(4),
797–820. doi:10.2190/K3EN-EAY9-GDTD-002Q
Gini, G. (2008). Associations between bullying behaviour, psychosomatic complaints,
emotional and behavioural problems. Journal of Paediatrics and Child Health, 44(9),
492-497. doi:10.1111/j.1440-1754.2007.01155.x
Gini, G. og Pozzoli, T. (2013). Bullied children and psychosomatic problems: A meta-
analysis. Pediatrics, 132(4), 720-729. doi:10.1542/peds.2013-0614
Sálvefræn einkenni unglinga 28
Haapasalo, I., Välimaa, R. og Kannas, L. (2010). How comprehensive school students
perceive their psychosocial school environment. Scandinavian Journal of Educational
Research, 54(2), 133-150. doi:10.1080/00313831003637915
HBSC. (e.d.). [Upplýsingar um HBSC rannsóknina]. Sótt af
http://www.hbsc.org/about/index.html
HBSC á Íslandi. (e.d.). [Upplýsinar um íslenska hluta HBSC rannsóknarinnar]. Sótt af
http://www.hbsc.is/
Hellström, C., Nilsson, K. W., Leppert, J. og Aslund, C. (2015). Effects of adolescent online
gaming time and motives on depressive, musculoskeletal, and psychosomatic
symptoms. Upsala Journal of Medical Sciences, 120(4), 263–275.
doi:10.3109/03009734.2015.1049724
Hjern, A., Alfven, G. og Östberg, V. (2008). School stressors, psychological complaints and
psychosomatic pain. Acta Pædiatrica 97(1), 112–117. doi:10.1111/j.1651-
2227.2007.00585.x
Isshiki, Y. og Morimoto, K. (2004). Lifestyles and Psychosomatic Symptoms among
Elementary School: Students and Junior High School Students. Environmental Health
and Preventive Medicine 9(3), 95–102. doi:10.1007/BF02898067
Johnson, M. K., Crosnoe, R. og Thaden, L. L. (2006). Gendered patterns in adolescents'
school attachment. Social Psychology Quarterly, 69(3), 284-295.
doi:10.1177/019027250606900305
Joyce, H. D. og Early, T. J. (2014). The impact of school connectedness and teacher support
on depressive symptoms in adolescents: A multilevel analysis. Children and youth
services review, 39, 101-107. doi:10.1016/j.childyouth.2014.02.005
Sálvefræn einkenni unglinga 29
Kelly, C., Molcho, M., Doyle, P. og Gabhainn, S. N. (2010). Psychosomatic symptoms
among schoolchildren. International Journal of Adolescent Medicine and Health,
22(2), 229-236. doi:10.1515/IJAMH.2010.22.2.229
Kinnunen, P., Laukkanen, E. og Kylmä, J. (2010). Associations between psychosomatic
symptoms in adolescence and mental health symptoms in early adulthood.
International journal of nursing practice, 16(1), 43-50. doi:10.1111/j.1440-
172X.2009.01782.x
Knishkowy, B., Palti, H., Tima, C., Adler, B. og Gofin, R. (1995). Symptom clusters among
young adolescents. Adolescence, 30(118), 351. Sótt af
http://web.a.ebscohost.com/ehost/detail/detail?sid=6aee67c2-3e76-4374-8fe6-
23fbeef71c5a%40sessionmgr4010&vid=1&hid=4104&bdata=JnNpdGU9ZWhvc3Qtb
Gl2ZQ%3d%3d#AN=9507210800&db=aph
Konijnenberg, A. Y., de Graeff-Meeder, E. R., van der Hoeven, J., Kimpen, J. L., Buitelaar,
J. K. og Uiterwaal, C. S. (2006). Psychiatric morbidity in children with medically
unexplained chronic pain: Diagnosis from the pediatrician's perspective. Pediatrics,
117(3), 889-897. doi:hdl.handle.net/2066/50167
Landstedt, E. og Persson, S. (2014). Bullying, cyberbullying, and mental health in young
people. Scandinavian Journal of Public Health, 42(4), 393-399.
doi:10.1177/1403494814525004
Libbey, H. P. (2004). Measuring student relationships to school: Attachment, bonding,
connectedness, and engagement. Journal of school health, 74(7), 274-283.
doi:10.1111/j.1746-1561.2004.tb08284.x
Lög um grunnskóla nr 91/2008 með áorðnum breytingum 91/2011 og 76/2016.
McNeely, C. og Falci, C. (2004). School connectedness and the transition into and out of
Health-‐Risk behavior among adolescents: A comparison of social belonging and
Sálvefræn einkenni unglinga 30
teacher support. Journal of School Health, 74(7), 284-292. doi:10.1111/j.1746-
1561.2004.tb08285.x
Meilstrup, C., Ersbøll, A. K., Nielsen, L., Koushede, V., Bendtsen, P., Due, P. og Holstein, B.
E. (2015). Emotional symptoms among adolescents: epidemiological analysis of
individual-, classroom-and school-level factors. The European Journal of Public
Health, 25(4), 644-649. doi:10.1093/eurpub/ckv046
Mennta- og menningarmálaráðuneyti. (2016). Aðalnámskrá grunnskóla - almennur hluti
2011- greinasvið 2013 (3. útgáfa). Sótt af
https://www.menntamalaraduneyti.is/media/frettatengt2016/Adalsnamskra-
grunnskola-3.-utg.-2016.pdf
Moksnes, U. K., Moljord, I. E. O., Espnesb, G. A. og Byrne, D. G. (2010). The association
between stress and emotional states in adolescents: The role of gender and self-
esteem. Personality and Individual Differences, 49(5), 430–435.
doi:10.1016/j.paid.2010.04.012
Murberg, T. A. og Bru, E. (2004). School-related stress and psychosomatic symptoms among
Norwegian adolescents. School psychology international, 25(3), 317-332.
doi:10.1177/0143034304046904
Natvig, G. K., Albrektsen, G., Anderssen, N. og Qvarnstrøm, U. (1999). School-‐related stress
and psychosomatic symptoms among school adolescents. Journal of School Health,
69(9), 362-368. doi:10.1111/j.1746-1561.1999.tb06430.x
Natvig, G. K., Albrektsen, G. og Qvarnstrøm, U. (2001). Psychosomatic symptoms among
victims of school bullying. Journal of health psychology, 6(4), 365-377.
doi:10.1177/135910530100600401
Sálvefræn einkenni unglinga 31
Natvig, G. K., Albrektsen, G. og Qvarnstrøm, U. (2003). Associations between psychosocial
factors and happiness among school adolescents. International journal of nursing
practice, 9(3), 166-175. doi:10.1046/j.1440-172X.2003.00419.x
Oatis, M. D. (2002). Psychosomatic Illness in Children and Adolescents. The NYU Child
Study Center Letter, 6(3). Sótt af
http://ill.library.nyu.edu/illiad/VVU/illiad.dll?Action=10&Form=30&linktype=openu
rl&rft.volume=6&rft_val_fmt=info%3Aofi%2Ffmt%3Akev%3Amtx%3A&rft.genre=
article&rft.date=2002&rft.issue=3&rft.epage=4&rft.spage=1
Pepler, D. J. og Craig, W. (2000). Making a difference in bullying. (Skýrsla nr. 60). Sótt af
http://paideia.synaptium.net/pub/pesegpatt2/violescolar/viol_YorkQueenBullying.pdf
Petersen, S., Bergström, E. og Brulin, C. (2003). High prevalence of tiredness and pain in
young schoolchildren. Scandinavian journal of public health b, 31(5), 367–374.
doi:10.1080/14034940210165064
Plenty, S., Östberg, V., Almquist, Y. B., Augustine, L. og Modin, B. (2014). Psychosocial
working conditions: An analysis of emotional symptoms and conduct problems
amongst adolescent students. Journal of Adolescence, 37(4), 407-417.
doi:10.1016/j.adolescence.2014.03.008
Poikolainen, K., Aalto-Setälä, T., Marttunen, M., Tuulio-Henriksson, A. og Lönnqvist, J.
(2000). Predictors of somatic symptoms: a five year follow up of adolescents.
Archives of disease in childhood, 83(5), 388-392. doi:10.1136/adc.83.5.388
Schraml, K. (2011). Stress symptoms among adolescents: The role of subjective psychosocial
conditions, lifestyle, and self-esteem. Journal of adolescence, 34(5), 987 -996.
doi:10.1016/j.adolescence.2010.11.010
Segura-Jiménez, V.,Carbonell-Baeza, A., Keating, X., D., Ruiz, J. R. og Castro-Pinero, J.
(2015). Association of sleep patterns with psychological positive health and health
Sálvefræn einkenni unglinga 32
complaints in children and adolescents. Qual Life Res, 24(4), 885–895.
doi:10.1007/s11136-014-0827-0
Shapiro, M. A. og Nguyen, M. L. (2010). Psychosocial stress and abdominal pain in
adolescents. Mental health in family medicine, 7(2), 65. Sótt af
https://www.ncbi.nlm.nih.gov/pmc/articles/PMC2939458/
Sonmark, K. og Modin, B. (2017). Psychosocial work environment in school and students’
somatic health complaints: An analysis of buffering resources. Scandinavian Journal
of Public Health, 45(1), 64-72. doi:10.1177/1403494816677116
Statistiska centralbyrån. (2017). Barns levnadsförhållanden: Barn om hur det är i skolan
efter indikator, redovisningsgrupp och kön. År 2014-2015. [Gagnasafn]. Sótt af
http://www.statistikdatabasen.scb.se/pxweb/sv/ssd/START__LE__LE0106__LE0106
A/LE0106Skola/?rxid=5e22b6c9-c473-46e1-b605-c3d39336b253
Sweeting, H. N., West, P. B., og Der, G. J. (2007). Explanations for female excess
psychosomatic symptoms in adolescence: evidence from a school-based cohort in the
West of Scotland. BMC public health, 7(1), 298. doi:10.1186/1471-2458-7-298
Takakura, M., Wake, N. og Kobayashi, M. (2005). Psychosocial school environment,
satisfaction with school and health complaints among Japanese high school students.
School Health, 1, 1-8. Sótt af
http://www.shobix.co.jp/sh/tempfiles/journal/2005/001.pdf
Torsheim, T., og Wold, B. (2001). School-related stress, support, and subjective health
complaints among early adolescents: a multilevel approach. Journal of adolescence,
24(6), 701-713. doi: 10.1006/jado.2001.0440
Ravens-Sieberer, U., Erhart, M., Torsheim, T., Hetland, J., Freeman, J., Danielson, M., . . .
HBSC Positive Health Group. (2008). An international scoring system for self-
Sálvefræn einkenni unglinga 33
reported health complaints in adolescents. European Journal of Public Health, 18(3),
294-299. doi:10.1093/eurpub/ckn001
Vanaelst, B., De Vriendt, T., Ahrens, W., Bammann, K., Hadjigeorgiou, C., Konstabel, K., ...
og Moreno, L. A. (2012). Prevalence of psychosomatic and emotional symptoms in
European school-aged children and its relationship with childhood adversities: results
from the IDEFICS study. European child & adolescent psychiatry, 21(5), 253-265.
doi:10.1007/s00787-012-0258-9
Varga, S., Piko, B. F., og Fitzpatrick, K. M. (2014). Socioeconomic inequalities in mental
well-being among Hungarian adolescents: a cross-sectional study. International
journal for equity in health, 13(1), 100. doi:10.1186/s12939-014-0100-8
Wiklund, M., Malmgren-Olsson, E. B., Öhman, A., Bergström, E. og Fjellman-Wiklund, A.
(2012). Subjective health complaints in older adolescents are related to perceived
stress, anxiety and gender–a cross-sectional school study in Northern Sweden. BMC
public health, 12(1), 993. doi:10.1186/1471-2458-12-993
Viner, R. og Christie, D. (2005). Fatigue and somatic symptoms. BMJ, 330(7498), 1012-
1015. doi:330/7498/1012
Viner, R. M., Ozer, E. M., Denny, S., Marmot, M., Resnick, M., Fatusi, A. og Currie, C.
(2012). Adolescence and the social determinants of health. Lancet, 379, 1641–52.
doi:10.1016/S0140- 6736(12)60149-4
Wilkinson, R. B. (2010). Best friend attachment versus peer attachment in the prediction of
adolescent psychological adjustment. Journal of adolescence, 33(5), 709-717.
doi:10.1016/j.adolescence.2009.10.013
Yngwe, M. A. og Östberg, V. (2012). The family’s economic resources and adolescents’
health complaints—do adolescents’ own economic resources matter? European
Journal of Public Health, 23(1), 24–29. doi:10.1093/eurpub/cks038
Sálvefræn einkenni unglinga 34
Östberg, V., Alfven, G. og Hjern, A. (2006). Living conditions and psychosomatic
complaints in Swedish schoolchildren. Acta Pædiatrica, 95(8), 929-934.
doi:10.1080/08035250600636545