Upload
others
View
2
Download
0
Embed Size (px)
Citation preview
Thekgo ya thuto o le gae: tlhahli ya bahlokomedi
1
Thekgo ya thuto o le gae: tlhahli
ya bahlokomedi
Naa tlhahli ye e bolela ka eng?
Tlhahli ye e diretšwe mongwe le mongwe yo a
dulago le bana. E arotšwe ka dikarolo tše tharo.
Karolo ya 1 e fana ka tshedimošo yeo e e le go
nakong ka ga Covid-19 go go thuša gore o
šireletše lapa la gago go bolwetši bjo. Karolo ya 2
e fana ka thekgo le dikakanyo tša go thuša bana
gore ba ithute ba le gae mola dikolo di sa
tswaletšwe. Karolo ya 3 e fana ka tlhahlo ya gore
naa o beakanyetša bjang ditiro tša tlwaelo tša
letšatši le letšatši .
Karolo ya 1: Ka ga Covid-19
Naa Covid-19 ke eng?
Covid-19 ke bolwetši bjo bo fetelago bja go
hlolwa ke mohuta o moswa woo o sa tšwago go
hwetšwa wa khoronabaerase. Covid-19 ke
bolwetši bja go swana le mokgohlwane. Bo
hlasela gantši tshepedišo ya go hema.
Naa o fetelwa bjang ke khoronabaerase?
• Baerase ye o e hwetša ge o ka kgokagana le
motho yo a fetetšwego ke yona.
• Ge motho yo a fetetšwego a ethimola goba a
gohlola mo kgauswi le wena, marothi ao a
nago le baerase a ka tsena mmeleng wa
gago ka mahlo, molomo goba nko. Ga ešita
le go bolela go ka phatlalatša marothi a.
• Ge o ka kgoma mafelo a go swana le ditafola,
dikhaonthara, ditshwaro tša mabati,
dikhurumelo tša dipitšana tša ka ntlwaneng
ya boithomelo goba le tšona dipompi tšeo di
nago le baerase gomme wa ikgoma
sefahlego, baerase e ka tsena mmeleng wa
gago.
Ke dika dife tša gore o na le
khoronabaerase?
O ka ba le khoronabaerase gomme wa se be le
dika le gatee, goba o ka ba le maitemogela a tee
goba go feta ya tše latelago:
• go gohlola go go omilego
• letadi
• mogolo o bohloko
• go lapa
• bothata bja go hema.
Khoronabaerase e phatlalala ga bonolo kudu
gape, ka gobane o ka ba le yona ntle le dika, o ka
fetetšwa ntle le go tseba! Se ke se se dirago gore
baerase ye go ba kotsi ka mokgwa wo – o ka e
rwala wa e phatlalatša mo gohle pele ga ge o ka
tseba gore o na le yona. Ke ka lebaka leo go le go
bohlokwa KUDU go latela melawana ye tshelela
ya gauta go šireletša wena le ba bangwe – le ge o
sa nagane gore o a lwala. ( O ka hwetša
melawana ye mo karolong, ‘ O itšhireletša bjang
le ba bangwe’,ka mo tlase.)
Naa baerase ye e ka go lwatša ga kaakang?
Go batho ba bantši, bolwetši bjo bo ba
magareng. Eupša go batho ba mengwaga ya ka
godimo ga e 60 le bao ba nago le malwetši a
bjalo ka TB, bolwetši bja swikiri, haephathenšene,
bolwetši bja maswafo bja go se fole goba
bolwetši bja pelo ba ka lwala kudu. Batho bao
ba nago le HIV bao e lego gore ga ba nwe dihlare
2
tša bona ka mehla le bona ba kotsing yeo e
oketšegilego kudu.
Mabarebare ka ga Covid-19
Go tletše tshedimošo yeo e fošagetšego ka ga
baerase.
• GA SE bolwetši bja bahumi.
• GA SE bolwetši bja makgowa goba bja
Matšhaena.
• Baerase ye e KGONA go phela mafelong ao a
fišago.
• Go nwa motswako wa kgemere, kaliki le swiri
GO KA SE fodiše Covid-19.
Naa re ka itšhireletša bjang?
Go na le melawana e tshelela e bohlokwa kudu
yeo ka moka re hlokago go e latelela.
1. Hlapa matsogo kgafetša kgafetša ka sesepa
le meetse, bonnyane sebaka sa metsotswana
e 20.
2. O se ke wa itshwaratshwara sefahlego ka
diata tšeo di sego tša hlapiwa.
3. Gohlolela goba o ethimolele ka thišung goba
setšung. Lahla thišu yeo e dirišitšwego
lefelong la maswanedi.
4. Go o le kantle ga legae la gago, netefatša
gore o bokgole bja 1,5 m go bangwe.
5. Apara sešira sefahlego ge o etšwa ka gae
goba ge eba o hlokomela mongwe ka gae yo
a lwalago.
6. Dula gae ge eba o a lwala. Ikgokaganye ka
mogala le ba setšhaba ba Covid-19 mo go
(0800 029 999 /WhatsApp: 0600 123456)
goba mošomedi wa gago wa tlhokomelo ya
tša maphelo ge e le tšhoganetšo.
Ke ka lebaka la eng re swanetše go apara
dišira sefahlego?
Batho ba bangwe ba go ba le khoronabaerase ga
ba bontšhe dika ka go realo ba ka se tsebe gore
bana le yona. Tsela e kaone ya rena go
itšhireletša le go šireletša ba bangwe ke go apara
dišira sefahlego ge re tšwa ka magaeng a rena.
Bašomedi ba tlhokomelo ya tša maphelo ba
hloka go apara dišira sefahlego tše kgethegilego
tše bitšwago dišira sefahlego N95. Mongwe le
mongwe o hloka go apara dimaseke tša lešela
tšeo di nago le mealo e me raro, ge eba go a
kgonagala. Ge eba ga o na sešira sefahlego, o ka
ikhupetša molomo le nko ga e šita le ka sekhafo
goba sekhipa.
Methalotlhahli ya tirišo ya dišira sefahlego
• Netefatša gore o khupetša nko le molomo
wa gago gomme o lekanela gabotse. Ga go a
swanela go ba le dikgoba magareng ga
sešira sefahlego le sefahlego sa gago tšeo di
ka dumelelago marothi gore a tsene.
• Ge o šetše o apere sešira sefahlego, o se ke
wa o swarasware .
• Ge o apola sešira sefahlego, swara fela
dikgwagetši.
• Hlatswa sešira sefahlego ka meetse a
borutho a go ba le sesepa bonnyane ka
mehla.
Naa kiletšo ya mesepelo ke eng?
Kiletšo ya mesepelo ke e nngwe ya maemo a
mahlano a temošo ao mmušo o a dirišago go
3
thibela bontši bja Ma-Afrika Borwa gore ba
lwatše ke bolwetši bja Covid-19. Kiletšo ya
mesepelo e ra gore Ma-Afrika Borwa ka moka a
swanetše go dula ka gae ka ntle le ge ba:
• diragatša tirelo ya bohlokwa
• swanela ke go yo reka dijo, ditšweletšwa tša
go hlwekiša, ditšweletšwa tša bohlweki
goba dihlare
• go hwetša thušo ya tša kalafo
• yo amogela tšhelete ya mphiwafela.
Maemo ka moka a temošo a beilwe go leka go
fokotša lebelo la phatlalalo ya Covid-19
magareng ga batho. Ge batho ba sa sepela
sepele go tloga lefelong le lengwe go ya go le
lengwe, go boima kudu go baerase go sepela. Go
dula ka gae ke tsela ye kaone kudu ya go emiša
phatlalalo ya baerase efela go boima kudu gape
gore batho ba ka dira se ge magae a bona a le a
mannyane gomme ba sa kgone go gola ditseno.
Ka Kgopelo Lemoga: Tshedimošo ka ga kiletšo
ya mesepelo e fetoga go ya ka gore naa
phatlalalo ya baerase e laolwa gabotse bjang,
efela tshedimošo ka moka ye e lego mo
pukwaneng ye ga bo fetoge.
Go direga eng ge o ka tshela melawana ya “
kiletšo ya mesepelo?
Go tshela melawana ya kiletšo ya mesepelo go
swana le go tshela molao. O ka golegwa le/goba
wa otlwa.
Go thweng ka ga dipoloko tša bahu?
Go dumelelwa batho ba palo ya go se fete 50
polokong ya mohu gomme meletelo ga e a
dumelelwa. O ka kgona go ya lehung, e fela o
swanetše go latela melawana e tshelela ya gauta
go emiša phatlalalo ya baerase.
Naa re ka kgona go ya mošomong mo
nakong ya kiletšo ya mesepelo?
O ka kgona fela go ya mošomong ge eba o
diragatša tirelo e bohlokwa, Bašomi ba ditirelo
tšeo bohlokwa ba tla hwetša phemiti go tšwa go
bengmešomo ba bona go netefatša se gomme
ba swanela ke gore ba di sware mo go bona ge
ba etšwa ka gae. Bontši bja batho ga bo kgone
go ya mešomong mo nakong ya kiletšo ya
mesepelo.
Ke eng seo re swanetšego go se dira nakong
ya tšhoganetšo?
Ikgokaganye le ba ditirelo tša tšhoganetšo. Bona
ba sa butše, go akaretšwa dikliniki le maokelo.
Naa ke neng mo o hlokago go dirwa teko ya
Covid-19?
Go bohlokwa gore o dirwe teko ya Covid-19 ge
eba o lwala goba mongwe kgauswi le wena a
lwala gore :
• o kgone go hwetša tlhokomelo le maele a
nepagetšego le gogo thušago gore o
kaonafale le gore lapa la gago le dule
lebolokegile.
• re ka šireletšana. Go bohlokwa go tseba ge
eba o na le Covid-19 (le ge eba ga o lwale
kudu), gore o kgone go hlokomela gore ga o
phatlaletše baerase ye go ba bangwe, kudu
bao ba ka lwalago kudu , bjale ka bomakgolo
• le borakgolo.
4
Naa ke efe karolo ya batswadi le
bahlokomedi ba bangwe?
Leuba la Covid-19 ke nako ye bothata kudu mo
malapeng Afrika Borwa ka bophara, gomme
legae le lengwe le le lengwe le na le ditlhohlo tša
lona tšeo le swanetšego go swaragana natšo.
Boikarabelo bja gago bja pele ke go lota bana ba
gago le go ba fa tlhokomelo. Ka dinako tše
dingwe ge batswadi ba na le kgatelelo ya
monagano, ba befelwa ga bonolo. Bana ba gago
le bona ba ka no ba ba ikwa ba le ka tlase ga
kgatelelo ya monagano goba ba belaela mo
nakong ye. Ba ka hwetša go le bothata go ka
hlalosa maikutlo a bona go wena ge o bonala o
befetšwe. Leka go:
• diriša polelo ya maleba ge o bolela le bana
ba gago goba o le mo pele ga bona
• laletša bana ba gago gore ba go botše
maikutlo a bona
• dira dilo tša boithabišo mmogo
• ba laletša go go thuša go abelana
mešongwana.
O ka thekga gape bana ba gago ka go dira
mešongwana ye e eleditšwego mo tlhahling ye.
Dikolo di tla dira mananeo a go fihlelela mošomo
wo o šaletšego morago ge di bulwa. Gopola: Go
bohlokwa gore bana ba be sa ithuta gomme
sekolo sa bana ba gago se ka no ba romela
mošomo, efela ga go a letelwa gore o be
morutiši wa bona!
Karolo ya 2: Go thekga go ithuta ga
bana ba le ka gae
Le ge e le gore ditiragalo tšeo di lego mo
tlhahling ye di arotšwe go ya ka mengwaga ya
bana yeo e fapanego, tše dingwe tša tšona di ka
thabelwa ke lapa lohle. Ka mohlala, ge malapa a
ka hlola nako ya dikanegelo letšatši le letšatši,
mongwe le mongwe a ka kgatha tema go
abelaneng ka kaanegelo. Efela, go bohlokwa
gape go beakanya mešongwana e mengwe go ya
ka mengwaga ya bana ba gago gore ba kgone go
hwetša thekgo ye itšego yeo ba ka bago ba e
hloka mo boemong bjo bja kgolo ya bona.
Megopolo ya ba mengwaga e 0 go ya go
ye 3
Bana bao ba ratwago ke bana bao ba thabilego
gomme ge bana ba ikwa ba thabile gape ba
bolokegile, se se thuša mabjoko a bona gore a
gole ka tshwanelo. Tše ke tše dingwe tša dilo
tšeo o ka di dirago go thuša bana gore ba tšwele
pele gabotse.
• Iphe nako le bona ka mehla.
5
• Bapala dipapadi tša bona tša mmamoratwa.
• Bolela lebona gantši.
• Tloga o ba theeletša.
• Ba botše gore ke ka lebaka la eng o ipshina
ge o fetša nako le bona.
Masea le digotlane ba ithuta ka go dira
mešongwana yeo e fapanego le wena le
bagolwane ba bona. Ba ipshina ka go opela
dikoša, go bapala dipapadi, go bolela
merumokwano, go theeletša dikanegelo, go
anegela dikanegelo, go thala le go itira tše o ka
rego ba a bala le go ngwala.
Dikoša, dipapadi le merumokwano
Naa o sa gopola dipapadi tšeo o bego o di
bapala ge o sa le ngwana?
O sa gopola boithabišo bjo o bilego le bjona, le
seo o ithutilego sona ntle le go lemoga? Ke
dikoša le merumokwano efe yeo o ratago go e
opela le go e bolela? Abelana ka dipapadi tše,
dikoša le merumokwano ye. Diriša boitšhišinyo
bja mmele le ditiro tša go swanela mantšu a
dikoša le merumokwano ge o di opela/bolela.
Lebaka leo re dirišago dikoša,
merumokwano, le dipapadi
• Di godiša bokgoni bja bana bja polelo.
• Di thuša go aga kgopolo ya tshepo le go
tiiša tlemagano magareng ga batho ba
bagolo le bana.
• Di aga boitshepo le go ikholofela, gomme di
thuša gore bana ba iketle.
• Bana ba ithuta ga bonolo ka go bapala e bile
ba ithabiša.
Go abelana dipuku
Ke ka baka la eng re swanetše go abelana dipuku
le masea ao a se go a hlwa a kgonago bolela,
goba le digotlane? Gobane ke tsela e botse ya go
tsebana, go tšweletša polelo ya bona le go ba
thuša go ithuta ka ga lefase.
• Go fihlela bana ba ka dula ka bobona, go
bonolo kudu go ba bea mo diropeng ka
mokokotla wa bona o ithekgile ka wena
gomme o swaretše puku ka pele ga bona.
• Dipuku tšeo di nago le diswantšho goba
dinepe tše bonolo tša difahlego tša masea di
šoma botse ka masea.
• Abelana dipuku le leseana la gago goba
segotlana sa gago ka mekgwa yeo e tla bago
le poledišano le kgokagano.
− Šupa le go fana ka maina a dilo tšeo di
fapanego ka mo dipukung. Bolela ka seo
bobedi bja lena le se bonago mo
diswantšhong. Ka go dira se o ba thuša
go ithuta mantšu le go ithuta ka tikologo
ya bona.
− Botšiša dipotšišo. Le ge eba ga ba kgone
go ka fetola, go ba fa sebaka sa go
nagana ka karabo go ba thuša mo go
goleng ga bona.
6
Go boledišana
Go ba le dipoledišano le bana ba gago go
bohlokwa . O ka hwetša gore gantši ba botšiša
dipotšišo tše dintši tša ‘ke ka baka la eng’. O be
pelotelele gomme o ba hlohleletše ka go hlalosa
le go hlatholla gore naa dilo di šoma bjang. Nako
le nako ge o bolela ka tsela yeo dilo di šomago ka
yona goba ke ka baka la eng re dira dilo, o godiša
tlotlontšu ya bana ba gago le tsebo ya bona ka ga
lefase.
• Mohlala, ge eba le dijong gomme ngwana
wa gago o re merogo ya gagwe ya
mmamoratwa ke dikherote, o ka re, “Naa o
be o tseba gore dikherote di gola ka tlase ga
mmu!”
• Ge ngwana wa gago a ka bontšha nko e
telele ya tlou mo seswantšhong, o ka re, “Ee!
seo se bitšwa mmogo gomme tlou e o diriša
go itlhapiša le go fihlelela dijo.”
• Ge ngwana wa gago a bapala ka dibapadišwa
ka meetseng, o ka bolela ka dilo tšeo di
phaphamalago goba di nwelelago.
• O se ke wa boifa go botša bana ba gago
gore ga o tsebe karabo ya potšišo. Ba botše
gore o tla nyakišiša gomme o tla ba fa karabo
ka moragonyana. Se se ba thuša go kwešiša
gore batho ba bagolo ga ba dule ba na le
dikarabo tšohle le gore le rena re sa ithuta.
Mešongwana ya dipalo
• Go bohlokwa go ruta bana megopolo ya go
swana le bogolo le bonnyane, go tlala le go
se be le selo, ge o dutše o bolela le bona.
Mohlala, ge o fepa goba o hlapiša lesea la
gago, o ka bapala ka mantšu a go swana le ‘
lebotlelo le tletše/ga le na selo’, ‘sekotlolo se
tletše/ga se na selo’.
• Kgoboketša dikhurumelo tša mabotlelo le
bana ba gago gomme o di diriše go ruta go
bala.
• Bolela ka maloko a lapa gomme le ba bale
mmogo: tate yo motelele, sesi yo
mokopana, bo buti ba 2, bo sesi ba 3.
Megopolo ya ba mengwaga e 3 go ya go
e 6
Mešongwana ya polelo le tsebo ya go bala
le go ngwala
• Dikoša le merumokwano. Opelang/bolelang
dikoša le merumokwano ka di/polelo tša
segagabo bana ba gago gape le ka polelo ya
tlaleletšo. Ngwala mantšu a koša goba
morumokwano gomme o a šupe ge le le gare
le a opela goba le a bolela. Le ge eba bana ba
gago ga se ba hlwa ba kgona go ka ngwala
goba go bala, go bona mantšu ao a
ngwetšwego a šomišwa go ba thuša go
kwešiša gore seo re se bolelago se ka
ngwalwa fase gomme ra se bala, gape le
gape.
• Go ithuta ka ga mebele ya rena. Bapalang
mmogo dipapadi tšeo go tšona le bitšago,
tša go swana le ye: Lizzy, Lizzy, hudua
7
bogobe… ka letsogo la go ja/ka letsogo la
nngele/ka leoto la gago la go ja/ ka leoto la
gago la nngele.Diriša diatla le maoto go dira
ditiro ge le le gare le bolela mantšu.
• Anegang dikanegelo. Beela nako ka thoko
tšatši le lengwe le lengwe go botša bana ba
gago kanegelo. E dire gore e thabiše ka go
šomiša lentšu la gago, diatla le sefahlego go
oketša tlhagišo . Akaretša bana ba gago
gore ba kgathe tema ka go ba botšiša
dipotšišo le go theeletša diphetolo tša bona.
Bušeletša dikanegelo tša bona tša
mmamoratwa gantši go ya ka mo ba di
kgopelago!
• Bala dipuku. Bala le bana ba gago ka mehla
gomme o tla bona gore naa ba ithuta ga
kaakang le seo ba ka se dirago ka dipuku!
Kgetha dipuku tšeo o di ratago, ga mmogo le
tšeo ba di kgethago.
Maele ka go abelana dipuku
• Bala thaetlele ya puku le leina la mongwadi le
moswantšhi.
• Bala ka tlhagišo ya seo o se balago gantši ka
mo o ka kgonago ka gona.
• Ela hloko seo bana ba gago ba nago le
kgahlego go sona. Eba maleba ge o fetola
go seo ba se bolelago. Mohlala, ge ba ka go
šupetša tamati gomme ba re, “Bona apola!”
o ka re, “Ee, e hubedu go swana le apola, e
feela ga o nagane gore e ka no ba e le
tamati?”
• Botšiša dipotšišo tšeo di thušago bana ba
gago go nagana ka go teba ka ga kanegelo.
Ka mohlala, “Naa seo se go gopotša eng?”,
“Naa o nagana gore ke ka lebaka la eng a
dirile seo?”, “Naa wena nkabe o dirile eng?”
le “Naa o nagana gore nkabe go diragetše
eng ge nkabe …”
• Laletša bana ba gago go ‘bala (bolela)
poeletšo ya dikafoko le mafoko nago le
wena. Ka mohlala, ‘“Ke tla hemela godimo ka
gogomoga ka butšwetša ka wišetša ntlo ya
gago fase”’ goba ‘tho, tha, tho, tha’.
Mešongwana ya dipalo
• Merumokwano le dinomoro. Bolelang
merumokwano ya dinomoro mmogo gomme
le dire ditiragatšo ge le le gare le di bolela.
Tee, Pedi, bofa dieta
Tharo, Nne, kokota monyako
Hlano, Tshela, topa topa dikgong
Šupa, Seswai, ema tsii
Senyane, Lesome, dikgogo tša go nona.
Nonyana tše pedi godimo ga mohlare
Ye nngwe ke Mantsho, ye nngwe ke Mošweu
Fofa Mantsho, fofa Mošweu
Boya Mantsho, boya Mošweu.
8
Maboroso a lesome a go nona a tšhatšhama ka
paneng,
Le tee la re ‘Phuu!’ le lengwe la re ‘Phaa!’
Maboroso a seswai a go nona a tšhatšhama ka
paneng,
Le tee la re ‘Phuu!’ le lengwe la re ‘Phaa!’
(Tšwela pele ka go fetola palo ya maboroso.)
• Go diriša dinomoro. Laletša bana ba gago go
bala go tloga go 1 go fihla go 10. Se se ba
thuša go kwešiša tatelano ya dinomoro. Ba
thuše go ithuta kudu ka ga dinomoro ka go
ba botša gore, mohlala, “Ke kgopela
ontatele diapola tše hlano. Ge re ka di
abelana magareng ga Mme, Tate le wena naa
di tla lekana? Naa re tla ba le tšeo di tla
šalago?”.
• Bapetša bogolo. Thuša bana ba gago go
thala ba latedišiša maoto a yo mongwe le yo
mongwe ka gae gomme le ripe bokantle bja
mothaladi bja leoto le lengwe le le lengwe.
Ba thuše go ngwala leina la ‘mong wa leoto’
mo leotong le lengwe le le lengwe. Mmogo
beakanyang maoto a dipampiri go tloga go le
lennyane go ya go le legolo. Botšiša dipotšišo
tša go swana le “Ke mang a nago le maoto a
magolo/mannyane?”, “Naa motho o
motelele/mokopana o buša gape a ba le
maoto a magolo/mannyane? O nagana gore
naa ke eng go le bjalo?” O ka bapetša gape
bogolo bja dilo tše dingwe ka gae, tše bjalo
ka ditulo goba ditapole.
• E lekantšhe. Bontšha bana ba gago gore naa
ba ka diriša bjang diatla tša bona go
lekanetša botelele le/goba bophara bja dilo
tše fapanego ka gae. Mohlala, “Go tšea
diatla tše kae tša gago go lekanetša go tloga
lehlakoreng le tee la tafola ya rena go ya go
le lengwe?”.
• Latela ditaelo. Bapalang papadi ya ‘Matome
o re’ moo mongwe le mongwe a swanetšego
go latela ditaelo tše tlago ka morago ga
mantšu ao a rego, “Matome o re…”
(Mohlala: “Matome o re, ‘ema mo
setulong’.”) Ge o ka latelela taelo yeo e sa
thomego ka “Matome o re…” (ka mohlala,
“Dula ka tlase ga tafola.”) gona o swanetše
go ba motho yo a fanago ka ditaelo. Mantšu
a go laetša boemo ao a swanetšego go
dirišwa: ka gare ga, mo pele ga, mo godimo
ga, ka tlase ga, magareng ga, ka morago ga,
go bapana le, tloga, mo godimo ga, godimo,
into, out of.
Mešongwana ya Tsebo ya Bophelo
• Go diriša bokgoni bja rena bja go dupelela.
Bapalang papadi ya go phopholetša le bana
ba gago. Ntle le gore ba bone, tsenya dijo tše
mmalwa tša go ba le monkgo o matla ka mo
dikotlelwaneng – ka mohlala, binika,
dipanana, puere ya kheri, kofi. Diriša sekhafo
goba lešela go tswalela mahlo a bana ba
gago. Gomme ba botšiše ge eba ba ka kgona
go akanya gore naa go na le eng ka
sekotlolong se sengwe le se sengwe ka go
no se nkgelela fela.
• Go diriša bokgoni bja gago bja go kgoma.
Bapalang papadi ye nngwe ya go
phopholetša. Ntle le bana ba gago ba go
bona, tsenya dilonyana tše mmalwa tša go se
robege/thubege (tše bjalo ka lehwana goba
9
poraše ya meno) ka selopong. Kgopela bana
ba gago gore ba dule ba tswaletše mahlo
gomme ba ntšhe selo ka selopong. Naa ba ka
kgona go akanya gore selo ke eng fela ka go
no se kgoma?
• Go diriša bokgoni bja gago bja go kwa.
Tlatša ditšhelo tše nnyane ka dilo tše
fapanego tše bjalo ka mohlaba, maswika,
dipheta le/goba dikhurumelo tša mabotlelo.
Kgopela bana ba gago gore ba tswalele
mahlo a bona gomme ba theeletše ge o
tšhikinya le lengwe le le lengwe la ona. Naa
ba ka kgona go akanya gore go na le eng ka
setšhelong se sengwe le se sengwe? Botšiša,
“Naa e dirile lešata la godimo goba la tlase?
Naa o nagana gore ke ka baka la eng e dirile
lešata la godimo/tlase?”.
• Gomarelanang. Ipshineng ka go bapala
papadi yeo le šiedišanago ka go fa ditaelo
tša gore le ‘gomaretše’ dikarolo tše pedi tšeo
di fapanego tša mmele mmogo! Mohlala, ge
yo mongwe wa lena a kare “setšu khurung”
gomme ka moka ga lena le hloka gore le
kgome e tee ya dikhuru tša lena go setšu.
• * Papadi ya meetseng. Ka nako ya go hlapa,
Efa bana ba gago ditšhelo tša polastiki tša
mehutahuta tša bogolo le di bopego tše
fapanego le gore ba bapale ka tšona ka
meetseng. Ba tla ipshina sebaka se se telele
kudu mola ba ithuta tše bohlokwa kudu ka
ga dikgopolo tša saentshe le dipalo tše bjalo
ka tletše/ga ena selo, oketša /fokotša le gore
naa diela di tšea bjang sebopego sa setšhelo
seo di lego ka gare ga sona. (O ka dira se
dinakong tše dingwe gape ka go fa bana ba
gago ka emere e kgolo goba sekotlolo sa go
tlala meetse.) Netefatša gore wena goba
mongwe o šeditše bana ka nako tšohle ge ba
bapala ka meetse.
• Hlola legae. Efa bana ba gago marathana (e
bjalo ka mapokisi a dijo, mapokisana a
mankgwari, dikhurumelo tša mabotlelo,
dikhathone tša mae),
selotheipi/sekgorametši le sekero. Šišinya
gore ba dire legae la sephedi se sennyane, se
bjalo ka seboko, legotlo goba selwana sa
boikgopolelo. Ge ba feditše, kgopela bana ba
gago gore ba go botše ka legae leo ba le
dirilego.
Megopolo go ba mengwaga e 6 go ya
go e 9
Mešongwana ya polelo le tsebo ya go bala
le go ngwala
• Go anega kanegelo le go bala dikanegelo.
Kgetha kanegelo yeo batheeletši ba gago ba
tla bago le kgahlego go yona gape e le ya
maleba go mengwaga ya bona. Ge eba o
anega kanegelo, thoma ka yeo o e tsebago
gabotse . Yona e ka ba kanegelo yeo o bego
o e botšwa o sa le ngwana goba yeo o
ipshinnego ka go e bala. Thuša go thala
diswantšho menaganong ya batheeletši ba
gago ka go diriša mantšu a go kgahliša a go
hlalošega o. Akaretša le dipotšišo (mohlala,
“bjale le nagana gore go diragetše eng seo
se latelago?”) le dikoša tšeo di dirago gore
batheeletši ba gago ba kgathe tema.
10
• Theeletša dikanegelo. Mmogo bjalo ka
lapa, theeletšang dikanegelo mo
seyalemoyeng. O ka kgona go hwetša
dikanegelo tša bana mo go mananeo a
seyalemoyeng a Nalibali mo diteišeneng
tše:
• Go ngwala le go thala. Ka morago ga gore
bana ba gago ba theeletše kanegelo,
megopolwana e mengwe ya go ngwala le go
thala ke ye gore ba e leke:
− Ngwala le go opela koša ya mathomo ya
go re botša kanegelo.
− Thala seswantšho sa boalo bja kanegelo.
Naa o nagana gore ke ka baka la eng
mongwadi a kgethile lefelo le bakeng sa
kanegelo ye?
− Thala moanegwa go tšwa kanegelong.
Dira lenaneo la ditiro tšohle tša
moanegwa. Diriša lenaneo le go go
thuša go tšea sephetho sa gore naa
moanegwa yo ke motho yo a lokilego
goba aowa. Ngwala lefoko leo le
hlalošago maikutlo a gago ka
moanegwa.
• Itireleng puku ya dikanegelo. Latelang
dikgato tše go šoma mmogo bjalo ka lapa go
dira puku ya dikanegelo.
− Mmogo tšeang sephetho sa gore naa
kanegelo e tla ba ka ga eng – mohlala,
kanegelo ka ga lapa leo le ilego
mabenkeleng mo nakong ya kiletšo ya
mesepelo. Nagana ka ga: fao kanegelo e
diregago gona, baanegwa bagolo ke bo
mang, naa bothata mo kanegelong ye ke
bofe le gore naa bo raollwa bjang, ka fao
kanegelo e felago ka gona.
− Anegang kanegelo mmogo.
− Dirang puku yeo e sego ya ngwalwa selo
ka go phutha matlakala a pampiri ka
bogare.
− Kgethang leloko la lapa gore le ngwale
karolo ya kanegelo mo letlakaleng le
lengwe le le lengwe la puku yeo e sego
ya ngwalwa selo mola lena ka moka le
anega kanegelo gape.
− Dumelelang yo mongwe le yo mongwe
gore a hwetše sebaka sa go thala
diswantšho ka mo pukung ya
dikanegelo.
− Ipshineng ka go e bala mmogo!
11
Mešongwana ya dipalo
• Dirang tšhupamabaka ya matšatši a
matswalo. Laletša bana ba gago go dira
tšhupamabaka ya matšatši a matswalo. Ba
tlogele ba diriše matlakala a 12 a pampiri – le
tee bakeng sa kgwedi ye nngwe le ye nngwe.
Šišinya gore mo letlakaleng le lengwe le le
lengwe ba ngwale leina la kgwedi le
matšatšikgwedi a matšatši a matswalo a
bagwera ba bona le maloko a lapa la gabo ao
a welago mo kgweding yeo. Ba hlohleletše
go kgabiša ditšhupamabaka tša bona ba
diriša makgwai a fapanego bakeng sa
kgwedi ye nngwe le ye nngwe. Ge ba feditše
go dira ditšhupamabaka tša bona, iphe nako
o boledišana le bona ka ga tšona – mohlala, o
ka re, “A re bone gore naa ke kgwedi efe
yeo e nago le matšatši a matswalo a
mantši/mannyane?”, “Ke batho ba ba kae
bao matšatši a bona a matswalo a lego ka la
di9 tša kgwedi?”, “Naa boKoko ba tla be ba
na le mengwaga e mekae mo letšatšing la
bona la matswalo leo le tlago?”.
• Eyang mabenkeleng le le ka gae. Wena le
bana ba gago dirang tšhelete ya
maforaforetši gomme le tšee dilo go tšwa ka
rakeng ya lena ya krosari le dire lebenkele la
maforaforetši. Ngwalang ditheko bakeng sa
selo se sengwe le se sengwe mo
dipampišaneng gomme le di bee godimo
goba kgauswi le dilo tšeo. Gomme ipshineng
ka go bapala lebenkele gomme le šiedišana
go ba bo ralebenkele le bareki – le kopanya
sekoloto sa dilo tšeo di rekilwego, le di lefela
ka go diriša tšhelete yela ya maforaforetši
gomme le fana ka tšhentšhi. Le ka nyaka go
boledišana ka ga go ya mabenkeleng mo
nakong ye ya kiletšo ya mesepelo. Laletša
bana ba gago go diragatša maemo ao a
fapanego gomme ba šišinye ditharollo go
ditlhohlo tše fapanego tša go ya
mabenkeleng mo nakong ye ya kiletšo ya
mesepelo.
• E lekanetše. Dumelela bana ba gago go diriša
matlakala ao ba a gagotšego go tšwa
dikgatišobakeng (goba matlakala a
dikuranta) gore ba kgone go ithuta gore naa
le lekanetša bjang tikologo ya selo – mohlala,
bo godimo bja tafola, lebato la ka
phaphošing. Bontšha bana ba gago gore ba
bee bjang matlakala ao fase mo selong
kgauswi le kgauswi go sena dikgoba
magareng ga ona. Gomme ba tlogele ba bale
gore ke matlakala a makae a pampiri ao ba a
dirišitšego go khupetša lebato. Mmogo
bapetšang ditekanetšo – ke selo sefe seo se
nago le tikologo e kgolo/nnyane?
• Ithute ka ga dipalophatlo. E re bana ba gago
ba ithute ka ga dipalophatlo mola ba go
thuša go sega dienywa goba merogo ka
diripa le dira diphatlo goba dikotara go dira
salate ya dienywa goba sopo. (O ka ripa
‘dikotara’ tšeo wa di dira tše nnyane, ge go
hlokega.) Gopola go šetša ka sekgauswi bana
ba gago ge ba diriša dithipa.
• Malea a mahlokwana a mankgwari. Efa bana
ba gago mahlokwana a mankgwari (goba
mahlokwana a difatameno) gomme o ba
kgopele gore ba dire dibopego tša palo e
itšego ka ona – mohlala, “Dira dikhutlotharo
12
tše hlano o diriša fela mahlokwana a
mankgwari a senyane”.
Mešongwana ya Tsebo ya Bophelo
• Go kgarametša goba go goga? Kgopela bana
ba gago ba bone gore ke ditsela tše kae tšeo
di fapanego tšeo ba ka di hwetšago t go
šutiša kgwele goba lepokisi la go ba le dilo ka
mo go lona. Ge ba le gare ba dira se, tšeang
sephetho mmogo sa gore naa le a
kgarametša goba le a goga nako le nako ge
le šuthiša. O ka tlabega go bona gore ke e
me kae ya mesepelo yeo re e šomišago go
šutiša dilo ke ‘go kgarametša’ le ‘go goga’ di
dirišwago ka ditsela tšeo di fapanego!
• Swantšha le go dira lewa. Dumelela bana ba
gago go hwetša ditsela tša go hlola lewa leo
ba ka bapalelago ka go lona mmogo. Šišinya
gore ba diriše malakane, mašela a ditafola
le/goba mapai mmogo le ditafola le ditulo go
dira sebopego. Gomme ba tlogele ba iphsine
ka go tšea sephetho sa gore naa ke eng seo
ba ka se tsenyago ka leweng la bona – le go
bapalela ka go lona!
• Mmino ka galaseng. Tsenya dikelo tše
difapanego tša meetse ka mo digalaseng tša
go nwela tše nne goba tše hlano gomme o
tlogele bana ba gago ba di kokote gannyane
ka mo mathoko go hlola medumo yeo e
fapanego. Mmogo boledišanang ka ga gore
ke medumo efe yeo e lego tlase le gore ke
efe yeo e lego godimo. Thuša bana ba gago
go lemoga gore ge go na le meetse a mantši
ka galaseng, ke gona moo modumo o bago
tlase kudu.
• Dipeu mo dijong tša rena. Dienywa le
merogo e mengwe e na le dipeu ka mo gare
ga yona – mohlala, diapola, dinamune,
ditamati, le dikhukhampa. Ge o lokiša tše
bakeng sa diswariša mala goba dijo, diriša
sebaka se go gogela šedi ya bana ba gago go
ka fao dipeu di lebegago ka gona, ka fao di
beakantšwego ka gona le gore re ka di ja
naa. Leka go tšweletša dibjalo go tšwa
dipeung mo sekhurumelwaneng se sa išego:
tsenya dipeu tšeu mo mobunyaneng goba
pampišaneng ya ka ntlwaneng ye e
thapilego ga nnyane; dira gore di dule di le
thapile ka go di gaša gaša ka meetse
kgafetšakgafetša gomme o o bone gore go
direga eng.
• Swara pukutšatši ya ngwedi. Mmogo le bana
ba gago, ipheng nako ya go lebelela ngwedi
bošego bjo bongwe le bjo bongwe kgwedi
ka moka. Lemoga ka fao sebopego sa
ngwedi se fetogago ka gona. Šišinya gore
bana ba gago ba ngwale fase diphetogo tšeo
ba di bonago ka go thala seswantšho sa
ngwedi bošegong bjo bongwe le bjo bongwe
kgwedi ka moka. Ba gopotše go ngwala
letšatšikgwedi kgauswi le seswantšho se
sengwe le se sengwe.
13
Megopolo bakeng sa mengwaga e 10 go
ya go ye 13
Mešongwana ya polelo le tsebo ya go bala
le go ngwala
• Go anega dikanegelo le go bala dikanegelo.
Diriša ditšhišinyo tša go abelana dikanegelo
tša dihlopha tša ba mengwaga ya ka tlase mo
tlhahling ye gomme o tlaleletše ka tše :
− go fa bana ba gago dibaka tše dingwe
gape tša go abelana dikanegelo tša bona
− go bala goba go anega dikanegelo tše
teletšana
− go hlama dikanegelo mmogo (Thoma
kanegelo gomme o meme leloko le
lengwe le le lengwe la lapa gore le
tlaleletše go fihla bofelong bja
kanegelo.)
− go hlohleletša bana ba gago go
theeletša dikanegelo tša Nal’ibali mo
seyalemoyeng
− go kgoboketša dikanegelo go tšwa
ditlaleletšing tša dikuranta tša Nal’ibali
gomme o balele bana ba gago le/goba o
ba meme gore ba balele baratho ba
bona dikanegelo tšeo.
• Ditiro tša go ngwala. Laletša bana ba gago
go leka ditiro tše tša go ngwala tšeo di
amanago le puku yeo ba e badilego,
dikanegelo tšeo ba di theeleditšego goba ye
nngwe ya dipontšho tša bona tša
mmamoratwa mo thelebišeneng:
− Lokiša poledišano le moanegwa wa
pukung, kanegelo yeo ba e
theeleditšego goba ya pontšho ya
thelebišeneng. Ngwala fase bonnyane
dipotšišo tše lesome tšeo di tla fago
moanegwa sebaka sa go bolela ka ga
megopolo le maikutlo a gagwe ka ga
tema yeo a e kgathago mo kanegelong.
− Ngwala tshekatsheko ya puku. Netefatša
gore o fana ka tshedimošo ka ga boalo le
baanegwa ba puku, le gore kanegelo e
ka ga eng – eupša o se ke wa fana ka
dintlha ka botlalo! Gopola gape go bolela
ka ga seo o se ratilego/o sego wa se rata
ka kanegelo.
− Ngwalela moanegwa mogolo wa
kanegelo lengwalo. Mo lengwalong la
gago botšiša dipotšišo, ipelaetše le/goba
o ngongorege ka ga se sengwe, le/goba
o fane ka tšhišinyo. Dira gore lengwalo la
gago le botelele bja bonnyane bja
mafoko a 10.
− Ngwala tlhaloso ya baanegwa ba bararo
go tšwa kanegelong yeo o e badilego.
Akaretša dintlha tše: gore naa ba bogega
bjang, maikutlo ao ba itemogelago ona
le gore naa ba amana bjang le baanegwa
ba bangwe. Thala seswantšho sa yo
mongwe le yo mongwe wa baanegwa
go sepelelana le tlhaloso ya gago.
− Ngwala mathomo goba mafelelo ao a
fapanego a kanegelo, goba kgaolo ya
pontšho ya gago ya mmamoratwa ya
thelebišene. Ge eba pheletšo e be e le
yeo e nyamišago, ngwala yeo e
thabišago. Ge eba e be e le yeo e
thabišago, ngwala yeo e nyamišago.
− Ngwala kakaretšo e kopana ka ga seo o
ithutilego sona go tšwa kanegelong. Naa
14
o ka hlalosa gape seo o naganago gore
babadi ba bangwe ba ka holega ka go e
bala?
− Kgetha o tee wa baanegwa go tšwa
kanegelong gomme o ngwale leswa go
tšwa lehlakoreng la moanegwa yo.
− Hlola baanegwa ba gago ba ‘soapi’
gomme o ngwale kanegelo ya ‘soapi’.
Mešongwana ya dipalo le saentshe
• Dinomoro gohle. Laletša bana ba gago go
bala dinomoro tšeo ba di hwetšago
dipukung, le mo dilong tša ka mo gae
(mohlala, boima mo dilong tša korosari, nako
mo dišupanakong, dinomoro mo metareng
wa mohlagase) le mo thelebišeneng
(mohlala, thempheretšha ya ka mehla,
kgonagalo ya pula, dipalopalo tša Covid-19).
Šišinya gore ba ngwale fase maswao a
dinomoro le go ngwala nomoro yeo ka
mantšu (mohlala: 19, lesomesenyane).
• Menthele. Dira menthele mmogo le bana ba
gago kgafetša kgafetša le diriša go
hlakantšha, go ntšha le go atiša. Thoma pele
ka dinomoro tša motšo o 1 go fihlela e le
ditsebi tša dipalo tše, gomme o akaretše
dinomoro tša go ba le metšo e 2- le 3-. Thuša
bana ba gago go ithuta maano a ka mehla a
go šoma ka dinomoro. Mohlala, ge re
hlakantšha tšhelete, re thoma ka dipalo tše
kgolo (R100, R50, R20, bj.bj.): 150 +280 = 100
+ 200 = 300 + 50 = 350 ( aroganya 80 go 50 +
20 + 10) + 50= 400 + 20 = 420 + 10 = 430. Ka
go realo, 150 + 280 = 430
• Go bapala ka dikarata. Dumelela bana ba
gago ba beakanye dikarata tša ka pakaneng
go ya ka dinomoro tšeo di lego mo go tšona
– go tloga go ye nnyane go ya go ye kgolo,
goba ye kgolo go ya go ye nnyane. Gomme
tlhohla bana ba gago ka go ba kgopela gore
ba tšee dikarata dingwe tše pedi goba go
feta gomme ba itlwaetše go hlakantšha, go
ntšha le/goba go atiša dinomoro tšeo di lego
mo go tšona.
• Dibopego mo tikologong ya rena.
Hlohleletša bana ba gago gore ba nyakane le
dibopego (dikhutlotharo, dikwere le
dikhutlonnethwii) mo dilong tša ka gae –
mohlala, sebopego sa diforeime tša
mafasetere le mabati, dibopego tša phahlo
le didirišwa tša ka moraleng. Šišinya gore ba
thale selo se sengwe le se sengwe le
di/sebopego seo ba se bonago.
• Naa ke eng? Efa bana ba gago sebaka sa go
lemoga dilo tša diela le tša bothata,
metswako le ditološwa, le diesiti. (Mohlala,
binika le disuru tšeo di lego bodila, ke diesiti.)
• Dibjalo le diphoofolo. Hlohleletša bana ba
gago go šupa, thala le go hlalosa dibjalo le
diphoofolo ka gae le tšeo ba di bonago mo
thelebišeneng.
• Maatla gohle. Boledišana le bana ba gago ka
ga mehuta yeo e fapanego ya maatla
(mohlala, maatla go tšwa phišong), methopo
ya maatla (mohlala, letšatši, setofo) le gore
maatla a a fetoga (ditofo di fetolela maatla a
motlhagase go ya go maatla a phišo).
15
Megopolo ya baswa
• Hlohleletša go ngwala. Šišinya gore baswa
ba ka lapeng ba be le pukutšatši ya nakong
ya kiletšo ya mesepelo goba ba ngwale
direto go tšweletša megopolo le maikutlo a
bona.
• Dihistori tša segae. Dira gore baswa ba ka
lapeng va dire projeke ya histori ka
poledišano/kanegelo ya bophelo le maloko a
lapa. E re ba boledišane nago le batho ba
golo ba bangwe ka lapeng ka ga tšeo le di
gopolago tša kgale ka moo le goletšego
gona, ditiragalo tšeo di bilego gona le gore
naa tše di go amile bjang. (Dipoledišano di fa
baswa sebaka sa go ba borahistori!)
Hlohleletša baswa ba gago go tokumenta
dipoledišano tša bona. Ba ka dira se ka go
ngwala fase dikarabo tša mmoledišwa goba
ka go diriša sellathekeng go gatiša
poledišano. (Ba gopotše gore ka mehla ba
hloka go hwetša tumelelo ya mmoledišwa go
tokumenta poledišano.)
• Bolelang ka ditaba. Mo nakong ya kiletšo ya
mesepelo, magae a rena a hlaselwa ka
“ditaba” ka mahlakoreng ohle go tšwa
diyalemoyeng, thelebišeneng, Dihlopheng
tša WhatsApp le tše dingwe tša dipoledišano
tša inthaneteng. Diriša se bjale ka sebaka sa
gore lapa ka moka le ithute go ba babadi
bao ba sekasekago ‘ditaba’’. Tše ke tše
dingwe tša dipotšišo tšeo le ka ipotšišago
tšona:
− Naa kanegelo e anegwa go tšwa go
ponego ya mang?
− Ke mang yo a bolelago? Ke mang yo go
bolelwago ka yena?
− Ke mang yo a nago le maatla? Naa
maatla a a hlaloswa bjang?
− Ke mang yo a šalelago le/goba a sa elwe
hloko?
− Ke mang yo a holegago?
• Balang. Baswa bao ba balago ka bobona ba
kaonafatša dipoelo tša bona dithutong tše
ntši tša sekolong, e sego fela polelong.
Hlohleletša baswa ba ka lapeng go bala ka
bobona ba balela go ithabiša` . Ge eba ga ba
kgone go fihlelela dipuku, ba thuše go
hwetša bokgobapuku bja inthaneteng bja
FunDza (https://live.fundza.mobi/) goba mo
go WhatsApp (romela molaetša go
0600548676). Ge baswa ba ka lapeng ba
kgetha go bala dipuku tša bana ba bannyane
goba tša di-khomiki, ba hlohleletše gore ba di
bale. Ga go tshwenye gore ke eng seo ba
kgethago go se bala, re thabela fela ge ba
tšwela pele go bala!
• Boledišanang. Boledišana le baswa ba ka
lapeng ka ga seo ba se balago. Ba botšiše
dipotšišo e se go ba leka, e feela e le go ba
hlohleletša gore ba kgone go ntšha seo se
lego mafahleng a bona le megopolo ka ga
seo ba se balago. Mohlala, o ka botšiša:
− Naa o ipshinne ka kanegelo? Ke ka baka
la eng/ke ka baka la eng go se bjalo?
− Ke moanegwa ofe yoo o mo ratago
kudu? Ke ka baka la eng?
− Ke moanegwa ofe yoo o sa mo ratego
kudu? Ke ka baka la eng?
− Naa o nagana gore ke tla rata kanegelo?
Ke ka baka la eng/ke ka baka la eng go se
bjalo?
16
− Naa o nagana gore kanegelo e a
dumelegega? Naa dilo tša mohuta wo di
a diragala?
• Bolelang ka thelebišene. Go bogela
thelebišene ke mokgwa wo o fapanego wa
bokgoni bja go bala le go ngwala! Go a thuša
kudu gore baswa ba tšweletše megopolo ya
bona ka ga seo ba se bogelago ga mmogo le
ka ga seo ba se balago. Ka go realo
boledišanang ka seo ba/le se bogelago mo
thelebišeneng. O ka diriša dipotšišo tšeo di
swanago le tšeo di lego ka mo godimo mo go
‘Boledišanang’. Fana ka megopolo ya gago,
e feela netefatša gore baswa ba gago ba a
tseba gore go lokile gore ba nagane ka tsela
yeo e fapanego. Gomme ge dipotšišo di etla
ka ga pontšho – go swana le, “Naa toropo ye
e kae kua Amerika?” goba “Naa e be e
theilwe kanegelong ya mannete?” – gomme,
ge eba le na le inthanete le data, nyakang
karabo mmogo mo go “Google”.
• Go balela godimo. Go balela godimo ga se
fela ga bana ba ba nnyane. E ka ba seo se
thabišago go go balela kanegelo goba
sengwalwa godimo go baswa. Goba baswa
ba ka balelelana godimo. Hwetša dingwalwa
tšeo ba ka thabelago go di balela godimo mo
go mopisaete ya FunDza:
https://live.fundza.mobi/catalogue/?genre=ch
attalogue
• Go laola dithuto tša bona. Beakanyang
ditlwaelo tša letšatši le letšatši le baswa ba
gago gore ba kgone go swarelela nako yeo e
swanago ka mehla ya go ithuta. Gape, ba
hlohleletše gore ba bolele nago ka ga seo ba
ithutago ka ga sona. Ge ba dutše ba
bonagatša le go swaragana le ditlabakelo –
gomme go bolela ka tšona ke ye nngwe ya
ditsela tše kaone go dira se – ke gona mo ba
ithutago bokaone . Nnete ke gore , ye
nngwe ya ditsela tše kaone tša go lekola ge
eba o kwešiša selo ke gore o swanele ke go
se ruta! Ka go realo, kgopela baswa gore ba
go rute ka ga sererwa – ka leleme lefe goba
lefe leo ba ikwago ba itshepa ka lona.
Mananeo a thelebišene le a seyalemoya a SABC
Go na le mananeo a thelebišene le a seyalemoyeng ao a beilego šedi e kgolo
mo dithutong tša Dikreiti tša 10 go ya go 12 ga mmogo le dithuto tša bjaneng
mo dinakong tšeo di abetšwego ka mo tlase
Seteišene sa
thelebišene
Nako yeo e abetšwego
SABC 1 Mošupologo go ya go La Morena 05h00—
06h00
SABC 2 Mošupologo go ya go Labohlano 09h30—
11h00
SABC 3 Mošupologo go ya go Labohlano 06h00—
07h00
Seteišene sa
Seyalemoyeng
Nako yeo e abetšwego (Mošupologo go ya
go Labohlano)
Umhlobo Wenene 14h30—15h00
Thobela FM 17h00—18h00
Phalaphala FM 13h30—14h00
Munghana Lonene FM 14h30—15h00
Ukhozi FM 21h00—22h00
Lesedi FM 16h15—16h45
Ligwalagwala FM 09h10—09h40
Motsweding FM 19h00—19h30
Ikwekwezi FM 10h30—11h00
1
Karolo ya 3: Peakanyo ya mananeo a tlwaelo a letšatši le lengwe le le lengwe
Ka ye nako, ya ge mananeo a tlwaelo a yo mongwe le yo mongwe a šarakantšhitšwe ke kgopolo e botse go dira mananeo tlwaelo a letšatši le lengwe le lengwe a re
tla go a latela ao a na go le dinako ka mehla tša dijo,mešongwana ya go ithuta, , mešomo ya ka gae, go bala, go ithalokela, boitšhidullo le go robala. Ditlwaelo di fa
bana go ikwa ba bolokegile le go ba thuša go tšea maikarabelo a seo se nyakago go dirwa letšatši ka letšatši ka gae.
Malapa a fapana, ka go realo mmogo dirang seo e lego gore se tla le šomela bokaone ka moka – mohlala, bana ba sekolo seo se phagamego, ba ka nyaka go akaretša
go setlwaedi sa letšatši le letšatši , dinako tšeo ka tšona dithuto tša Kgoro ya Thuto ya Motheo di gašwago ka yona.
Ge le šetše le dirile setlwaelo sa letšatši le letšatši sa yo mongwe le yo mongwe, dingwaleng gomme le di bee mo lebotong goba setšidifatšing moo ka moka ga lena
le ka boago kgafetša kgafetša go di lekola. Ye ke ye mengwe ya mehlala ya mananeo a tlwaelo a dihlopha tše fapanego tša mengwaga.
Bana ba mengwaga ya ECD Bana ba mephato ya tlasana Bana ba sekolo seo se phagamego
07h00—07h30 Tsoga, sefihlolo 07h30—08h00 08h00—08h30 Tsoga, sefihlolo Tsoga, sefihlolo Nako ya go ithuta: dira mešongwana
ye e lego di lego mo tlhahling ye goba dira mošomo woo o rometšwego go tšwa sekolong. Lenaneo la seyalemoya la Ligwalagwala FM (09h10—09h40)
08h30—09h00 Boitšhidullo: mohlala, go sepelasepela ka jarateng goba bapala ka kgwele. Efa ngwana wa gago sebaka sa go sepela le go itšhidulla.
09h00—09h30 Theeletša kanegelo. (Bona lenaneo la programa ya seyalemoyeng ya Nal’ibali mo letlakaleng .)
Abelana kanegelo: bala goba theeletša dikanegelo. (Bona lenaneo la programa ya seyalemoyeng ya Nal’ibali mo letlakaleng.) Dira mešongwana ye mengwe ya ‘polelo le bokgoni bja go ngwala le go bala’ goba ‘tsebo ya bophelo/saentshe’ ye e lego mo tlhahling ye.
09h30—10h00 Hlapa o apare go bao ba kgethago go hlapa mosegare . Mešongwana ya bokgoni bja go bala
Mešomo ya ka gae GOBA Lenaneo la seyalemoya la Ikwekwezi FM (10h30—11h00)
10h00—10h30 Dira mešongwana e mengwe ya ‘dipalo’ goba ‘tsebo ya bophelo/saentshe’ yeo e lego mo tlhahling ye. Goba, dira mošomo woo o rometšwego go tšwa sekolong.
10h30—11h00
2
Bana ba mengwaga ya ECD Bana ba mephato ya tlasana Bana ba sekolo seo se phagamego
Go abelana kanegelo le/goba mešongwana ye e lego mo tlhahling ye
Bogela lenaneo la thuto mo go thelebišene ya SABC 2.
11h00—11h30 Boitšhidullo: mohlala, go sepelasepela ka jarateng goba bapala ka kgwele. Efa ngwana wa gago sebaka sa go sepela le go itšhidulla.
Nako ya go ithuta: dira mešongwana yeo e lego mo tlhahling ye goba dira mošomo woo o rometšwego go tšwa sekolong
11h30—12h00 Ipapalela le go thuša ka mešongwana ya ka gae
Nako ya go dira seo o ithatelago sona le/goba mešomo ya ka gae 12h00—12h30
12h30—13h00 Nako ya go dira seo o ithatelago sona Apea/thuša ka go lokišetša dijo 13h00—13h30 Letena Letena Letena
Lenaneo la seyalemoya la Phalaphala FM (13h30—14h00)
13h30—14h00
14h00—14h30 Borokonyana bja mosegare Ithuta: dira mošomo woo o rometšwego go tšwa sekolong goba mešongwana yeo e lego mo tlhahling ye.
Balela boipshino: nako ya go ikhutša o bala o le noši. (Bala dingwalwa ka mehla.) Mananeo a seyalemoya a Umhlobo Wenene le Munghana Lonene FM (14h30—15h00)
14h30—15h00
15h00—15h30 Nako ya go dira seo o ithatelago sona go ba bangwe & Lenaneo la seyalemoya la Lesedi FM (16h15—16h45)
15h30—16h00 Ipapalela (ka ntle go ge kgonagetše) le/goba nako ya kanegelo mo go thelebišene ya SABC 1
DEAR ka leleme la seisemane ge e fetolelwa ka sepedi e ra gore: (Tlogela Tšohle O Bale): nako ya setu ya go bala o le noši goba o thušwa. Goba, theeletša dikanegelo mo go SABC 1.
16h00—16h30
16h30—17h00 Nako ya go dira seo o ithatelago sona: malea, go thala
Boitšhidullo: mohlala, go sepelasepela ka jarateng goba bapala ka kgwele.
3
Bana ba mengwaga ya ECD Bana ba mephato ya tlasana Bana ba sekolo seo se phagamego
17h00—17h30 Nako ya go dira seo o ithatelago sona le/goba mešomo ya ka gae. Thuša ka go lokiša dilalelo.
Nako ya go dira seo o ithatelago sona goba thuša ka mešongwana ya ka gae Lenaneo la seyalemoya la Thobela FM (17h00—18h00)
17h30—18h00
18h00—18h30 Dilalelo Nako ya go hlapa go bao ba hlapago bošego
Dilalelo, Nako ya go bogela thelebišene Dilalelo 18h30—19h00 Go hlatswa dibjana 19h00—19h30 Kanegelo ya ge ge go iwa malaong le go
robala Nako ya go bogela thelebišene; Lenaneo la seyalemoya la Motsweding FM (19h00—19h30) 19h30—20h00
20h00—20h30 Kanegelo ya ge go iwa malaong le go robala
20h30—21h00 21h00—21h30 Go balela boipshino GOBA
Lenaneo la seyalemoya la Ukhozi FM (21h00—22h00)
21h30—22h00
22h00 Go hlapa le nako ya go robala Lenaneo tatelano le la ditaelo le lengwadilwe ka tšhupetšo godikakanyo tsa Kgoro ya thuto ya Motheo, Kgoro ya Tlhabollo le se Legae le UNICEF
4
Covid-19 ECD and Schooling Group would like to thank the following people and their organisations for their contribution to this caregiver guide. • Benson Henre - Director, CASME • Bloch Carole – Director, Project for the Study of Alternative Education
in SA (PRAESA) • Cassim Hassina – University of KwaZulu Natal – Extended Learning • Cohen Sue – Manager, Teaching and Learning Support, PILO • Dyer Dorothy - Fundza Literacy Trust • Ebrahim Kaathima – Director, Mikhulu Child Development Trust • Giese Sonja - Innovation Edge • Guzula Xolisa – University of Cape Town & Bua-lit Language and
Literacy Collective • Hardie Mignon – Director, Fundza Literacy Trust • Hlatywayo TT – Independent Xitsonga Language Practitioner • Horswell Colleen – Chairperson, Mitchells Plain Education Forum • Huston Katie – COO, Nal’ibali National Reading for Enjoyment
Initiative • Esmeralda Jacobs – Independent Afrikaans Language Specialist,
teacher at Springfield Convent • Jowell Justine – Programme Design and Development, Smartstart • Kaka Mokakale – Setswana National Language Body (PanSALB) • Koopman Arabella – Project for the Study of Alternative Education in
SA (PRAESA) • Kunene Nontokozo - COUNT Africa • Madubedube Noncedo – General Secretary, Equal Education
• Magongoa Mashilo – Independent Sepedi Language Practitioner • Mahlabela Patisizwe - CASME • Mathebula Smangele - African Storybook Partner Development
Coordinator, Saide • McKinney Carolyn – University of Cape Town & Bua-lit language and
literacy Collective • Metcalfe Mary – Education and Change Director, PILO • Mnisi Amukelani- Tshivenda Language Practitioner • Mokapela Sebolelo – IsiXhosa Language Specialist, University of the
Western Cape • Mokoena Thebe – Independent Sesotho Language Researcher • Mpofu Nqaba - IsiZulu Language Practitioner, The Cooking Pot • Msezane Nandi- Pan African Home Education • Nematswerani Funanani- Tshivenda Language Practitioner • O’ Carroll Shelley – Director, Wordworks • Phitidis Kimon - Social Innovations • Pinto Vanashree - Nal’ibali National Reading for Enjoyment Initiative • Scholtz Kayin – Nal’ibali National Reading for Enjoyment Initiative • Shibambu Matimba Reckson, Professional Language Practitioner,
Tshwane University of Technology • Simelane Fikile – Lecturer, Childhood Education, University of
Johannesburg • Trok Lorato – Setswana National Language Body, Pansalb
• Visagie Ashley – Bottom Up