Upload
reniel
View
8.528
Download
728
Embed Size (px)
DESCRIPTION
123
Citation preview
UNIVERSITY OF CALOOCAN CITY
Gen. San Miguel St., Sangandaan, Caloocan City
Masusing pag-aaral ukol sa pagtatrabaho habang nag-aaral ang isang estudyante
Pagbasa at Pagsulat tungo sa Pananaliksik
Akda nina:
Reniel Dacudao
Herbert Gamlanga
Mike Tiongco
ANG KALIGIRAN AT SULIRANIN NITO
Panimula
Lahat tayo ay may karapatan sa ating buhay. Sa mga kabataan, may mga
karapatan sila tulad na lamang ng pagkakaroon ng pangalan, maayos na kalusugan,
makapag-laro, makapag-aral, at marami pang iba.
Edukasyon, ano ba ito? Ang Edukasyon ay ang proseso ng pagkatuto ng isang
indibidwal sa isang institusyon o paaralan.
Ayon nga sa isang kilalang salawikain mula sa ating pambansang bayani na si
Dr. Jose Rizal na “ang kabataan ang pag-asa ng bayan”, subalit paano na ang mga
kabataang sa murang edad pa lamang ay kinakailangan nang magtrabaho kasabay ng
pag-aaral.
Sa panahon ngayon, hindi nabago ang makatagpo tayo ng mga mag-aaral na
nagtatrabaho o mas kilala sa tawag na “working students” sa iba’t-ibang kadahilanan.
Para sa kanila, para makapagtapos sila ay kailangan pa nilang magtrabaho upang
masuportahan ang kanilang edukasyong pang-pinansyal. Anu-ano nga ba ang mga tunay
na dahilan ng mga kabataang mag-aaral upang maagang maghanap-buhay? Dahil nga ba
sa kahirapan? Dahil ba sa gustong masubukan ang mga bagay-bagay na hindi pa
nararanasan? O dahil sa iba pang mas malalim na dahilan?
Sa mga pagkakataong ganito, oras ang isa sa magiging kalaban ng mga mag-aaral
na nagtatrabaho. Paano nila ito kahaharapin? Bakit pa nila ito pinagpapatuloy? Anu-ano
ang mga nag-udyok sa kanila?
Ang paghahanap-buhay habang nag-aaral. Anu-ano nga ba ang mga epekto nito?
Karamihan sa ating mga lumang salawikain ang nag sasabi na ang edukasyon ay
ang makapag-aangat sa atin mula sa kahirapan, kaya nga ganoon na lang siguro
napipilitan magtrabaho ang ibang mag aaral.
Kakayanin kaya nila ang ganito? Makakatulong ba ito o magdudulot din ito ng
panibagong suliranin? Alinman rito sa dalawang ito ang maaring kahantungan ng isang
working student, atin itong alamin sa ating pananaliksik.
PAGLALAHAD NG SULIRANIN
Ang mga sumusunod ay ang mga kakaharapin naming mga suliranin ukol sa
aming pag-aaral patungkol sa pagtatrabaho habang nag-aaral:
1. Ano ang mga mabuting epekto ng pagiging “working student”?2. Ano naman ang masamang epekto ng pagiging “working student”?3. Propayl nang mga estudyanteng nag-aaral habang nagtatrabaho ayon sa kanilang
edad at kasarian.4. Malinawan ang mga kabataan ukol sa prayoridad nila sa pag-aaral o
pagtatrabaho?5. Mga pamamaraan upang matapos ang pananaliksik sa oras na itinkda ng propesor.
LAYUNIN NG PAG-AARAL
Ang layunin ng pag aaral na ito ay matukoy ang mga dahilan ng mga
estudyanteng nagtatrabaho. Layunin rin ng pananaliksik na ito na matukoy ang mabuti at
masamang epekto sa mga kabataang nagtatrabaho habang nag aaral.
SAKLAW AT DELIMITASYON
Ang mga indibidwal na saklaw ng aming pag-aaral ay tatlumpung (30) working
students mula sa University Of Caloocan City bilang taga-tugon ng mga sarbey at
kwestyoner upang makakuha ng sapat na datos na kinakailangan sa pananalksik.
DEPINISYON NG TERMINOLOHIYA
Karapatan - Mga bagay na dapat matamasa ng isang indibidwal.
Salawikain - Isa sa mga matatalinghagang pangungusap na tago ang ideya.
Working Student - Mga mag-aaral na nagtatrabaho.
Edukasyon - Proseso kung saan ang lipunan ay kusang nagpapadala ng kanyang
naipon na kaalaman, kasanayan at mga halaga mula sa isang
henerasyon at iba pa.
KAUGNAYAN SA LITERATURA
LOKAL NA PAG-AARAL
Libu-libong kabataan ang nag-aaral sa University of Caloocan (UCC), mga
iba-iba ang katayuan sa buhay: mahirap, may kaya, at mayaman. Kahit sino ay dito na
kumukuha ng kurso, hindi katulad ng dati ay mga kapos-palad ang karamihang nag-aaral.
Sa libong mag-aaral ng UCC, ang ilan rito ay naghahanap-buhay. Sa
kadahilanang kapos sa pinansyal, gusting kumita ng pera at para sa experience lamang.
Ang mga estudyanteng naghahanap-buhay ay hirap sa sabay na gawaing ito. Oras,
mentabilidad at pisikal ang mga naaapektuhan ng suliraning ito.
Ayon nga sa mga naka-interaksyon naming mga estudyante: “Hindi rin naming
kailangan na iwan o talikuran ang isa sa pag-aaral o paghahanap-buhay dahil kailangan
namin ito parehas”. Kapag working student ka ay sisikapin mong makapagtapos ng pag-
aaral, dahil pinahahalagahan mo ang bawat pawis na ibinubuhos mo dito, kaya malaki
ang pagkakataon mong makatapos sa pag-aaral dahil sa pagtatrabaho.
DAYUHANG PAG-AARAL
Ang buhay ng estudyante ay maaring maging mahirap. Para sa iba, ito ay madali
dahil kailangan lamang nilang mag-aral. Ngunit, hindi ito ang palaging nangyayari. Tulad
ko, sa SDSU, maraming estudyante ang nagtatrabaho at nag-aaral ng sabay. Ang
pagtatrabaho at pag-aaral ng sabay ay mahirap dahil nga kadalasan ay hindi nagkakaroon
ng sapat na oras ang mga estudyante para gawin ang lahat ng kanilang kailangang gawin.
Mahirap din na isipin kung ano ba ang dapat nilang unahin na gawin.
Sa hirap ng buhay ngayon, marami ang walang trabaho o mga naghahangad na
makakuha ng mas magandang trabaho. Kailangan nilang maghanap ng pansamantalang
trabaho at sumali sa iba`t ibang samahan o maghanap ng mga kaibigang mayroong
koneksyon para makahingi ng tulong. Kung may kilalang tao na maimpluwensyahan,
mas madaling makakakuha ng trabaho pero ang karamihan ay hindi maswerteng
nakakakilala ng mga ganitong tao. Minsan, halos walang oras magpahinga ang mga
estudyante dahil nga nagtatrabaho at nag-aaral sila.
At bilang estudyante, siyempre mayroon ka pang mga kaibigan at pamilyang
dapat intindihin. Siguradong hihingian ka rin nila ng tulong. Isa pa, mas maraming oras
din ang kailangan mo kung ikaw ay makikipag-date pa maliban sa ilang bagay na dapat
nating gawin sa weekend tulad ng pagsi-simba, paglilinis ng bahay, at iba pa.
Talagang maraming bagay ang dapat gawin ng mga mag-aaral. Para sa iba,
mayroon silang prebilehiyo na ituon lamang ang oras sa pag-aaral. Ngunit marami din
ang nangangailangan na pagtuonan ng oras ang ibang bagay, katulad ng pagtatrabaho.
Ganoon pa man, kahit na mahirap ang mag-aral at magtrabaho ng sabay, sinisikap at
pinagbubuti ko ang lahat ng ginagawa ko. Sana nga mayroon akong mas maraming oras
para magawa ko ang lahat na balak ko sa buhay para maging maganda ang aking
kinabukasan.
METODOLOHIYA
DISENYO NG PANANALIKSIK
Ang disenyo sa pananaliksik na ginamit ay diretsahang pananaliksik. Ilalarawan sa
pananaliksik na ito ang mga sanhi ng pagiging working student at ang mga epekto nito.
Ilalahad din ang mga maaring maging solusyon sa mga sanhi na mababanggit o
mailalahad ng pananaliksik. Ang pananaliksik na ito ay mayroong eksaktong datos para
sa napiling paksa.
Ang pag-aaral na ito ay nilaan sa mga estudyante ng University of Caloocan City
na kasalukuyang nag-aaral. Gamit ang random sampling, kumuha ang mga mananaliksik
ng tatlumpong (30) estudyante na siyang mga respondante sa ginagawang sarbey at
kwestyoners para sa pag-aaral.
INSTRUMENTO
Ang pag-aaral na ito ay kumalap ng mga datos sa pamamagitan ng pagsasarbey.
Ang mga mananaliksik ay naghanda ng mga sampung (10) katanungan na makakatulong
upang malaman ang dahilan ng pagiging working student at ang mga epekto nito sa
mag-aaral ng University of Caloocan City.
PAMAMARAAN
Ang mga mananaliksik ay naghanda ng ilang mga katanungan upang
maisakatuparan ang pananaliksik na ito. Sa pamamaraang ito, nakapanayam ang ilang
mag-aaral ng unibersidad upang sagutan ang sarbey kwestyoner. Isinakatuparan ito upang
mailahad ng mga respondante ang dahilan ng pagiging working student nila.
TRITMENT NG DATOS
Ginamit bilang istatistikong pamamraan sa pagtitimbang at pagbilang ng mga
datos ang pagkuha ng porsyento. Kinuha ang porsyento upang Makita ang
kinalabasang gagawing pagsusuri batay sa mga sagot ng mga respondante.
Ginagamit din ito upang makuha ang pangkalahatang bahagdang bilang ng mga
sumagot, hindi sumagot at magkakamukang sagot sa isang particular na tanong.
Ang ginamit na pormula ay ang nasa ibaba.
P ¿ FN
x100
P= bahagdan o porsyento
F= bilang ng sumagot
N= kabuuan ng respondent
PRESENTASYON NG DATOS
“Ano ang pinakadahilan ng pagiging working student mo?”
Ang mga sumusunod na datos ay ang mga datos na nakalap mula sa tatlumpong
(30) respondanteng working students ng University of Caloocan City batay sa unang
tanong ng aming sarbey.
Pinansyal
Pamilya
Experience
Iba Pa
0% 5% 10% 15% 20% 25% 30% 35% 40%
35%
27%
35%
3%
Porsyento
Figure Blg. 1
Sa tatlumpong (30) respondanteng working students, mayroong tatlompu’t limang
(35) bahagdan ang nagsasabi na kaya sila pumasok magtrabaho habang nag-aaral ay dahil
sa pinansyal na pangangailangan at dahil sa experience o karanasan na kinakailangan sa
resumé sa pag-aaply ng trabaho. Ang dalawampu’t pitong (27) bahagdan naman sa
respondante ay nagsasabing ng dahil sa pamilya kaya sila nagtrabaho, bilang tulong sa
magulang. Samantala, ang tatlong (3) bahagdan naman ang nagrerepresenta sa iba pang
dahilan ng mga working students kaya sila nagtrabaho.
“Sino ang nag-udyok sa’yo na magtrabaho?”
Ang mga sumusunod na datos ay ang mga datos na nakalap mula sa tatlompung
(30) respondanteng working students ng University of Caloocan City batay sa ikalawang
tanong ng aming sarbey.
Magulang
Kaibigan
Wala
Iba Pa
0% 10% 20% 30% 40% 50% 60% 70% 80%
10%
10%
70%
10%
Figure 2
Ayon sa tatlompung (30) respondanteng working students, mayroong pitompung
(70) bahagdan ang nagsasabi na walang nag-udyok sa kanila na magtrabaho bagkus ito ay
kusang loob. Samantalang nakakuha ng pantay-pantay na bahagdan na sampu (10) ang
nagsasabi na ang kani-kanilang magulang, kaibigan at iba pa ang naghikayat sa kanila.
“Ano ang edad mo nang naging working student ka?”
Ang mga sumusunod na datos ay ang mga datos na nakalap mula sa tatlumpong
(30) respondanteng working students ng University of Caloocan City batay sa ikatlong
tanong ng aming sarbey.
14-15
16-17
17-18
19-pataas
0% 10% 20% 30% 40% 50% 60%
10%
50%
30%
10%
Figure 3
Ayon sa tatlompung (30) respondanteng working students, mas marami
ang pumasok sa pagtatrabaho sa edad na labing-anim hanggang labing-pito (16-17) na
katumbas ng limampung (50) bahagdan. Tatlompu’t-isang (30) bahagdan naman ang
pumasok sa pagtatrabaho sa edad na labing-pito hanggang labingwalo (17-18).
Samantalang parehas na sampung (10) bahagdan ang nagsasabing labing-apat
hanggang labinglima (14-15) at labing-siyam pataas nang sila ay magtrabaho.
“Ano ang kalimitang oras na pinipili sa pagtatrabaho ng isang working students?”
Ang mga sumusunod na datos ay ang mga datos na nakalap mula sa tatlumpong
(30) respondanteng working students ng University of Caloocan City batay sa ikaapat na
tanong ng aming sarbey.
12-6am
6-12am
12-6pm
6-12pm
0% 5% 10% 15% 20% 25% 30% 35% 40% 45%
10%
23%
27%
40%
Figure 4
Ayon sa tatlompung (30) respondanteng working student, mayroong
apatnapung (40) bahagdan ang nagsasabing mas kalimitang pinipili ng mga working
students ang ika-anim ng gabi hanggang ika-labing dalawa ng gabi (6:00PM –
12:00AM). Dalawangpu’t pitong (27) bahagdan naman ang nagsasabi mas kalimitang
pinipili ng working students ang ika-labing dalawa ng tanghali hanggang ika-anim ng
gabi (12:00PM – 6:00PM). Dalawampu’t tatlong (23) bahagdan naman ang nagsasabing
mas pinipili ng mga working students ang ika-anim ng umaga hanngang ika-labing
dalawa ng tanghali (6:00AM – 12:00PM). Habang nakakuha ng sampung (10) bahagdan
ang nagsasabing kalimitang pinipili ng mga working students ang ika-labing dalawa ng
hating gabi hanggang ika-anim ng umaga (12:00AM – 6:00AM).
“Ano ang madalas na epekto ng pagtatrabaho sa iyong kalusugan?”
Ang mga sumusunod na datos ay ang mga datos na nakalap mula sa tatlumpong
(30) respondanteng working students ng University of Caloocan City batay sa ikalimang
tanong ng aming sarbey.
Kulang sa pagtulog
Migraine
Iba Pa
0% 10% 20% 30% 40% 50% 60% 70% 80%
67%
28%
5%
Figure 5
Ayon sa tatlompung (30) respondanteng working students, mayroong
animnapu’t pitong (67) bahagdan ang nagsasabi na ang kulang sa pagtulog
ang isa sa mga naging problema sa kalusugan. Habang dalawampu’t walong (28)
bahagdan naman ang nagsasabing nakaranas sila ng migraine dahil sa sabay na trabaho at
pag-aaral. Samantala, ang natitirang limang (5) bahagdan ang nagsasabing nakakaranas
sila ng iba pang sakit katulad ng pananamlay at iba pa.
“Nakakatulong ba ang iyong pagtatrabaho sa iyong pag-aaral?”
Ang mga sumusunod na datos ay ang mga datos na nakalap mula sa tatlumpong
(30) respondanteng working students ng University of Caloocan City batay sa ikaanim na
tanong ng aming sarbey.
Oo Hindi0%
10%
20%
30%
40%
50%
60%
70%
80%
70%
30%
Series 2
Figure 6
Ayon sa tatlompung (30) respondanteng working students, mayroong
pitompung (70) bahagdan ang nagsasabing nakakatulong sa kanilang pag-aaral ang
pagiging working student. Ang nalalabing tatlompung (30) bahagdan naman ang
nagsasabing hindi nakakatulong sa pag-aaral nila ang pagiging working student.
“Nagagampanan mo pa ba ang pagiging mag-aaral mo?”
Ang mga sumusunod na datos ay ang mga datos na nakalap mula sa tatlumpong
(30) respondanteng working students ng University of Caloocan City batay sa ikapitong
tanong ng aming sarbey.
Oo Hindi0%
10%
20%
30%
40%
50%
60%
70%
80%
73%
27%
Column1
Figure 7
Ayon sa tatlompung (30) respondanteng working students, mayroong
pitompu't tatlong (73) bahagdan ang nagsasabing nagagampanan pa nila ang pagiging
mag-aaral kahit na working student. Ang nalalabing dalawampu’t pitong (27) bahagdan
naman ang nagsasabing hindi na nila nagagampanan ang pagiging mag-aaral nila sa
kadahilanang working student na sila.
“Naaapektuhan ba ang iyong grado ng dahil sa pagtatrabaho mo?”
Ang mga sumusunod na datos ay ang mga datos na nakalap mula sa tatlumpong
(30) respondanteng working students ng University of Caloocan City batay sa ikawalong
tanong ng aming sarbey.
Oo Hindi0%
10%
20%
30%
40%
50%
60%
70%
63%
37% Series 1
Figure 8
Ayon sa tatlompung (30) respondanteng working students, mayroong animnapu’t
tatlong (63) bahagdan ang nagsabing napektuhan ang kanilang grado dahil sa
pagtatrabaho. Ang natitirang tatlopu’t pitong (37) bahagdan naman ang nagsabi na hindi
naman naaapektuhan ang kanilang gradokahit na nagtatrabaho.
“May mga klase ka na bang hindi napasukan dahil sa iyong trabaho?”
Ang mga sumusunod na datos ay ang mga datos na nakalap mula sa tatlumpong
(30) respondanteng working students ng University of Caloocan City batay sa ikasiyam
na tanong ng aming sarbey.
Oo Hindi0%
10%
20%
30%
40%
50%
60%
50% 50%
Series 1
Figure 9
Ayon sa tatlompung (30) respondanteng working students, mayroong limampung
(50) bahagdan ang nagsabing may mga klase silang hindi napasukan dahil sa trabaho at
sa pagod na dala nito. Ang natitirang limampung (50) bahagdan naman ang nagsabi na
hindi pa sila lumiban ng klase dahil sa pagtatrabaho.
“Naranasan mo na bang magkasakit dahil sa trabaho?”
Ang mga sumusunod na datos ay ang mga datos na nakalap mula sa tatlumpong
(30) respondanteng working students ng University of Caloocan City batay sa
ikasampung tanong ng aming sarbey.
Oo Hindi0%
10%
20%
30%
40%
50%
60%
70%
80%
90%
83%
17%
Series 1
Figure 10
Ayon sa tatlompung (30) respondanteng working students, mayroong walompu’t
tatlong (83) bahagdan ang nagsasabing nagkakasakit sila dahil sa sabay na pagtatrabaho
at pag-aaral. At ang nalalabing labing-pitong (17) bahagdan ang nagsasabing hindi pa sila
nakakaranas na magka-sakit dahil sa sabay na pagtatrabaho at pag-aaral.
KONGKLUSYON
Batay sa mga nakalap na resulta ng pananaliksik, ang mga nangungunang dahilan
kung bakit nagiging working student ang isang mag-aaral ay ang pinansyal, bilang tugon
sa tuition fee at iba pang bayarin at bilang tulong na rin sa pamilya. Marahil sa
modernisasyon ng panahon kaya nagiging isa sa pangunahing dahilan ng pagiging
student ang pagkakaroon ng experience o karanasan sa trabaho, bilang esenyal na
ngayon sa paghahanap ng trabaho ang pagkakaroon ng karanasan sa pagtatrabaho.
Katulad ng iba pang bagay, ang pagiging working student ay may maganda at
masamang naidudulot. Ilan na lamang sa mabuting epekto nito ang pagkakaroon ng
sariling pera, karanasan at ang pagiging pagsasanay ng pagtatrabaho para sa magiging
kinabukasan ng isang indibidwal. Ilan naman sa masamang epekto nito ay ang hindi
pagkakaroon ng balanseng oras sa pag-aaral at pagtatrabaho na nagdudulot ng pagliban sa
klase at pagkakaroon ng mababang marka. Isa pang masamang epekto ay ang
pagkakaroon ng sakit dahil sa pagiging working student. Maaring lahat ng mga working
students nararanasan ang lahat ng epektong ito na maaring magpalakas o magpalagapak
sa kanilang karera ng buhay.
REKOMENDASYON
Batay sa mga nakalap na resulta ng pananaliksik, inererekomenda ang mga
sumusunod bilang solusyon sa mga nagiging suliranin ng mga working students:
Ang pagkakaroon ng maayos na time management sa oras ng
pagpasok sa paaralan at sa trabaho, ay ang kasagutan upang maiwasan
ang anumang pagliban sa klase.
Ang pagkakaroon ng schedule sa oras ng pag-aaral tuwing day-off ay
isang paraan upang magampanan pa rin ang tungkulin bilang mag-
aaral at makaiwas sa pagkakaroon ng mababa o bagsak na marka.
Ang disiplina sa sarili, sa pagkain, sa pagtulog at iba pang bagay na
may kaugnayan sa kalusugan ay isang paraan upang umiwas sa mga
sakit upang magampanan pa rin ang pagiging mag-aaral at
nagtatrabaho ng maayos
Ngunit sa bandang huli, nasa kamay pa rin ng working student ang huling pasya.
Sa pagkakaroon ng tamang prayoridad ay maari na nilang masolusyonan ang mga
Suliraning kinahaharap at kahaharapin pa nila.
TALASANGGUNIAN
https://universityofcaloocancity.wordpress.com/
http://sanaysay-filipino.blogspot.com/2011/07/working-
student.com
The Merriam-Webster Dictionary
http://en.wikipedia.org/wiki/Education
http://en.wikipedia.org/wiki/Education_in_the_Philippines
APENDISE
Ang mga susunod na bahagi ay ang mga sarbey na mismong ginamit sa
pagkalap ng mga kinakailangan datos kasama ang mismong sagot ng mga respondanteng
working studenst ng University of Caloocan City.
PROPAYL NG MGA AWTOR:
Dacudao, Reniel
Associate in Health Care Services
Highschool: Caloocan High School
Elementary: Caloocan Elementary School-Central
Gamlanga, Herbert
Associate in Health Care Services
Highschool: Macario B. Asistio Sr. High School
Elementary: Bukandala Elementary School
Tiongco, Mike
Associate in Health Care Services
Highschool: Felipe G. Calderon Integrated School
Elementary: Barrio Obrero Elementary Highschool