Ti Pagannurotan Ti Misa

TI PAGANNUROTAN TI MISA_______________

PANAGSAGANA

Kabayatan ti iseserrek ti Padi ken kaduana, mabalin a maikanta wenno maisao ti maysa nga Himno.

Padi: Iti Nagan ti Ama, ken ti Anak, ken ti Espiritu Santo.

Makimisa: Amen.

Padi: Mannakabalin amin a Dios, a kenka amin a puso silulukat, amin a tarigagay maamoam ket awan palimed a mailemmeng kenka; Dalusam kadi dagiti pusomi babaen ta Nasantoan nga Espiritum, tapno napudno ti panagayat mi kenka, ken maikari ti panagdayawmi ita Nasantoan nga Naganmo; babaen ken Kristo nga Apomi.

Makimisa: Amen.

Padi wenno Diakono:Denggenyo ti sao ni Apotayo a Jesukristo. “Ayatem ti Apo a Diosmo iti amin a pusom, iti amin a panunotmo, ken iti amin nga pigsam.” Daytoy iti umuna ken naindaklan a bilin, ket ti maikadua umasping met laeng. “Ayatem ti padam a tao kas ita bagim.” Kadagitoy dua a bilin, nadagup amin a Linteg ken dagiti Profeta.

Mabalin nga isaruno ti Annong ti Panagconfesar.

Padi wenno Diakono:

Sipapakumbaba tayo nga agconfesar iti Dios gapu kadagiti basoltayo kenkuana ken ti padatayo a tao.

Agparintumeng ken agulimek amin iti apagkanito.

Padi ken Makimisa:Agkonfesar kami iti Dios a Mannakabalinamin, ken iti tunggal maysa, ta nagbasolkami iti panunot, sao ken aramid, ken iti naliwayanmi nga inaramid, ket isuda ti biddutmi. Gapuna a dawayenmi kenka, O Dios, a maasianka kadakami, ken dawatenmi kadakay a Sasanto nga ikararagandakami iti Apotayo a Dios. Amen.

Ti Obispo no adda, wenno ti Padi, tumakder ket sangwenna dagiti makimisa.

Obispo wenno Padi:Ti mannakabalinamin a Dios kaasiannakayo; Pakawanennakayo kadagiti basoloyo, ket pagtalinaedennakayo iti biag nga agnanayon; babaen ken Jesukristo nga Apotayo.

Makimisa: Amen.

Tumakder dagiti Makimisa. Mabalin a saan a maaramat ti KYRIE no naituding ti GLORIA IN EXCELSIS a maikanta wenno maisao.

KYRIE ELEISON

Apo, maasika.Apo, maasika.Apo, maasika.

Kristo, maasika.Kristo, maasika.

Kristo, maasika.

Apo, maasika.Apo, maasika.Apo, maasika.

Maikanto wenno maisao to GLORIA kada Domingo, malaksid iti Adviento ken Cuaresma. Maikanta wenno maisao pay ti unos ti Pascua ti Pannakayanak ken Panagungar, ken kadagiti aldaw ti Fiesta.

GLORIA IN EXCELSIS

Gloria iti Dios iti Kangatoan, ken kappia kadagiti taona ditoy daga. Dios, Apo, nailangitan nga Ari, Mannakabalinamin a Dios ken Ama, agrukbabkam kenka, agyamankam kenka, agdayawkam kenka gapu ita gloriam.

Apo Jesukristo, bugbugtong nga Anak ti Ama,

Dios Apo, Cordero ti Dios, sika a mangikkat iti basol ti lubong kaasiannakami. Situtugawka ti makannawan ti Ama, awatem dagiti kararagmi.

Ta sika laeng ti Nasantoan, sika laeng ti Apo, sika laeng ti Kangatoan, Jesukristo, kadua ti Espiritu Santo, iti Gloria ti Dios Ama. Amen.

Mabalin nga aramaten daytoy a GLORIA.

Gloria, Gloria, Gloria iti Dios sadi langit,Talna’t ditoy daga ken naimbag a nakem kadagiti tattao, manipud iti taudan ti init inggana’t lennekanna,kadagiti tattao, manipud iti taudan ti init inggana’t lennekanna.

Dakkel, O Dios ti Naganmo kadagiti pagpagarian,Ket iti amin, amin nga ayan Maitanggaya ita NaganmoTi sayamusom ken nadalus, ken nadalus a daton,Ti sayamusom ken nadalus a daton.

O Amak a nailangitan, kukuam amin nga adda,Kukuam amin nga adda, ket awan ik-ikutanmi a dakam ti akinkukua.Ngem paagsepam, ngem paagsepam dagiti kararuamiIti nasayamusom unay a banglo ti singpet,a banglo ti singpet ken ti makasarikunag nga incienso ni ayat.Ket isu’t daton, a kasayaatanA daton nga iti laem ti nalaus a panglawmi Mabalinmi nga iparang kenka.Manipud taudan ti init inggana’t lennekanna,Dakkel, O Dios, ti Naganmo kadagiti pagpagarian,Dakkel, O Dios, ti Naganmo kadagiti pagpagarian.

Bendito koma nga ipangruna, ipangruna ngem amin, agnanayon awan ti inggana, awan ti inggana.Sapay koma. Sapay koma.

TI LITURGIA TI SAO TI DIOS

Padi: Ti Apo adda koma kadakayo.Makimisa: Ken kasta met kenka.

Padi: Agkararagtayo:

Agulimek amin iti apagkanito, sa isao wenno ikanta ti padi ti naituding a kararag. Kalpasan ti kararag:

Makimisa: Amen.

Agtugaw dagiti Makimisa ket mabasa dagiti naikeddeng a basaen nga aggapu iti Nasantoan a Biblia.

TI MABASA NGA AGGAPU ITI DAAN A TULAG

Kalpasanna, mabalin a maikanta wenno maisao ti maysa nga Himno.

TI EPISTOLA

Maisaruno ti Gradual. Agtakder dagiti Makimisa.

TI NASANTOAN NGA EBANGHELYO

Padi wenno Diakono:Ti Apo adda koma kadakayo.

Makimisa: Ken kasta met kenka.

Padi wenno Diakono:Ti Nasantoan nga Ebanghelyo kas mayannurot ken San __________, kapitulo ___________, mangrugi iti maika _________ a bersikulo.

Makimisa: Gloria kenka, Kristo nga Apo.

Kalpasan ti Ebanghelyo:

Padi wenno Diakono:Ti Ebanghelyo ti Apo.

Makimisa: Dayaw kenka, Kristo nga Apo.

TI SERMON

No adda Sermon, agtugaw dagiti Makimisa. Kalpasanna, maisaruno ti CREDO, ngem mabalin a labasan malaksid iti Domingo ken Fiesta.

TI CREDO

Agtakder dagiti Makimisa

Mamatikami iti maymaysa a Dios, ti Ama, ti Mannakabalinamin, namarsua iti langit ken daga, kadagiti amin a makita ken di makita.

Mamatikami iti maymaysa nga Apo, Jesukristo, bugbugtong nga Anak ti Dios, nagtaud iti Ama kasanguanan ti amin a lubong. Dios ti Dios, silaw iti silaw, napaypayso a Dios iti napaypayso a Dios. Nagtaud saan a naaramid, maymaysa ti sustanciana iti Ama. Gapu Kenkuana, naaramid amin a banag. Gapu kadatayo ken ti pannakaisalakantayo, bimmaba manipud langit. Babaen ti pannakabalin ti Espiritu Santo, naiyanak ken Birhen Maria, ket nagbalin a tao. Gapu kadatayo, nailansa iti krus idi panagturay ni Poncio Pilato; nagtutuok, natay ket naitanem. Iti maikatlo nga aldaw, nagungar kas pakatungpalan ti Nasantoan a Surat;Immuli sadi langit, ket situtugaw iti makannawan ti Ama. Umayto manen a sidadayag a mangukom kadagiti nabiag ken natay, ket ti pagarianna dinto agpatingga.

Mamatikami iti Espiritu Santo, ti Apo ken mangmangted iti biag, Nagtaud iti Ama ken Anak. Maitimpuyog iti Ama ken Anak a pagrukbaban ken pagdaydayawan. Nagsao babaen kadagiti profeta.

Mamatikami iti Maymaysa, Santa, Katolika ken Apostolika a Simbaan. Bigbigbigenmi ti maymaysa a buniag a pakapakawanan dagiti

basol. Inanamaenmi ti panagungar dagiti natay ken ti biag iti lubong nga umay. Amen.

KARARAG A PANANGIBABAET

Mangidaulo: Ikararagantayo ti Sapasap a Simbaan ni Kristo ken amin a tao kas mayannurot kadagiti kasapulanda.

Agparintumeng dagiti MakimisaMangidaulo: Mannakabalinamin ken Agnanayon a Sibibiag

a Dios, insuronakam’ babaen ti Nasantoan a Saom nga agkararag ken agyaman nga agpaay kadagiti amin a tao: Dawatenmi nga aklonem dagiti karkararagmi nga idatonmi ita Nasantoan a Dayagmo.

Makimisa: Apo, timudem dagiti kararagmi.

Mangidaulo: Ikararaganmi ti Nasantoan a Simbaan a Sangalubongan (nangnangruna ti Simbaan ____________). Punoem koma iti kinapudno, kinalinteg, ken kappia; ket ipaaymo a dagiti amin a mamati ita Nasantoan a Naganmo, agtutunosda koma iti kinapudno ta Nasantoan a Saom, ket agbiagda iti panagkaykaysa ken ayat.


Mangidaulo: Paraburam ti grasya, nailangitan nga Ama, dagiti amin nga Obispo, Padi, ken Diakono (nangnangruna ken ______________); Babaen ti panagbiag ken panursuroda, sipupudnoda koma a mangibunannag ita napudno ken mangted biag a Saom ken mangannong kadagiti Nasantoan a Sakramentosmo.


Mangidaulo: Dawatenmi met kenka nga iturayam ti puspuso dagiti agak-akem iti gobierno iti daytoy ken amin a pagilian, (nangnangruna ken _____________): Agaramidda koma kadagiti nainsiriban ken nalinteg a pangngeddeng, ken tarawidwidanda ti pannakaisaknap ti wayawaya, kappia ken pagimbagan dagiti tao.


Mangidaulo: Itdem ti nailangitan a grasiam kadagiti amin tattaom, (ken ____________), ken nangnangruna iti daytoy a gimong, tapno iti naemma a puso ken maitutop a panagraem, ipangag ken awatenda koma ta Nasantoan a Saom, ken sipupudnoda nga agserbi kenka iti amin nga aldaw ti biagda.


Ditoy mabalin a maidaton dagiti kararag a pagdawat kadagiti kasapulan. Mabalin met ti agulimek.Mangidaulo: Dawatenmi kenka Apo, gapu iti kanaimbag

mo a pakirdem ken tulongam amin a mariribukan, maladingitan, makasapul wenno masaksakit, (nangnangruna ken’ ________________).


Mangidaulo: Lagipenmi met ita sangwanam dagiti amin nga adipenmo a simminan iti daytoy a biag nga addaan pammati ken’ Kristo, (nangnangruna ken’ ______________): Dawatenmi nga ipaaymo ti mataginayon nga irarang-ayda iti panagayat ken panaserbi kenka.


Mangidaulo: Dayawenmi met ta Nasantoan a Naganmo gapu kadagiti amin a Sasantom, (nangnangruna ken’ ___________ a lagipenmi ita nga aldaw): Itdem kadakami ta grasyam ta matuladmi dagiti naimbag nga ulidanda ken mairamankami a mairanud ita nailangitan a Pagariam.

Makimisa: Patgam dagiti kararagmi, O Ama, gapu kenkuana nga agnanayon a sibibiag a Mangibabaet kadakami, ti Anakmo, ni Jesukristo a Mannubotmi. Amen

TI NASANTOAN A EUKARISTIA

TI KAPPIA

Tumakder dagiti Makimisa.

Padi: Kakabsat, datayo ti Bagi ni Kristo; babaen iti maymaysa nga Espiritu, nabuniagantayo amin iti maymaysa a Bagi.

Makimisa: Salimetmetantayo ti panagmaymaysa iti Espiritu babaen iti singgalut ti kappia.

Padi: Ti kappia ti Apo adda koma nga agnanayon kadakayo.

Makimisa: Ken kasta met kenka.

Ti Padi ken dagiti Makimisa itedda iti tumunggal maysa ti kablaaw ti Kappia.

TI OFERTORYO

Irugi ti Padi ti Ofertoryo babaen ti panangisaona kadagiti sumaganad:

Itedyo iti Apo ti dayaw a rumbeng iti Naganna; Mangidaton ket umaykayo iti saklangna.

Siraragsaktayo a mangidatag iti Apo dagiti bunga ti biag ken aramidtayo.

Agtugaw dagiti Makimisa kabayatan ti pannakaisagana ti OFERTORYO. Kalpasanna tumakder amin ket isao ti Padi ken dagiti Makimisa dagitoy sumaganad a kararag a pagidaton.

Iti pannakaidaton ti Sagot:

Padi ken Agnanayon a Dios,Makimisa: Iti kanamanagparaburmo, intedmo amin a

kasapulanmi; Dakami a napakumbaba nga adipenmo, iruknoymi dagitoy a sagot a kas tanda ti panagyamanmi kadagiti di mabubos nga asim. Amen.

Iti pannakaidaton ti Tinapay:

Padi ken Agnanayon a Dios,Makimisa: A nangted biag iti bukel a nagtaudan daytoy a

Tinapay; Idatonmi kenka tapno agbalin koma kadakami a tinapay ti Biag. Ipaaymo kadakami nga umawat ti panagkaykaysa iti singgalut ni ayat. Amen.

Iti pannakaidaton ti Arak:

Padi ken Mannakabalinamin a Dios,Makimisa: Awatem kadi datoy Arak a nagtaud kadagiti

sagutmo; Agbalin koma a naespirituan nga inumen, tapno dakami nga umawat ket mapasalibukag ken mapabileg nga agserbi kenka. Amen.

Ditoy, no Misa Kantada, maaramat ti incienso. Kabayatanna, maikanta ti maysa nga Himno.

Padi: Agkararagtayo kakabsat, tapno daytoy a sakripisyotayo maikari koma nga awaten ti Dios a mannakabalin.

Makimisa: Ti Apo awatenna koma daytoy a sakripisyotayo kas dayaw ken tan-ok iti Naganna, agpaay iti pagimbagantayo, ken iti sibubukel a Simbaan.

TI NAINDAKLAN A PANAGYAMAN

Padi: Iti ginasgasut a tawen, ti napnoan-asi a kinaimbag ti Apo adda kadagiti amin nga agbuteng kenkuana, ket ti kinalintegna adda kadagiti annak dagiti annakna.

Makimisa: Ken kadagiti pay mangsalimetmet iti katulaganna, ken dagiti silalagip nga agtungpal iti bilinna.

Padi: Iti langit, ti Apo inpasdekna ti saad ti turayna, ket ti pagarianna sakupenna amin nga adda.

Makimisa: Daydayawenyo ti Apo, dakay’ nga angelesna: mannakabalin iti pigsa nga agtungtungpal iti bilinna, ken mangipangag iti timek ti Saona.

Padi: Daydayawenyo ti Apo, dakay’ a buybuyotna, dakayo nga agserserbi kenkuana, ken agtungtungpal iti pagayatanna.

Makimisa: Daydayawenyo ti Apo, dakay’ amin a parsuana, iti amin a sakup ti pagturayanna, daydayawenyo ti Apo.

SURSUM CORDA


Padi: Itag-ayyo dagiti pusoyo.Makimisa: Itag-aymi ida iti Apo.

Padi: Agyamantay’ iti Apotayo a Dios.Makimisa: Isu ti rumbeng ken maitutop nga aramiden.

Padi: Maitutop, pagrebbengan ken pagragsakanmi nga iti amin a kanito ken iti amin a disso agyamankam’ kenka, O Apo, nasantoan nga Ama, Mannakabalinamin, agnanayon a Dios;

Ituloy ti Padi ti PANAGYAMAN babaen ti panangbasa wenno panangkantana iti maitutop a Prepasyo; wenno saan ituloyna iti panid 14.)

DAGITI MAITUTOP A PREPASYO

ADVIENTO

Manipud iti umuna a Domingo iti Adviento agingga iti Diciembre 24.

Gapu ta inbaon mo ti dungdungoem unay nga Anak mo a mangsubbot kadakami iti basol ken patay, ken mamagbalin kadakami nga, gapu kenkuana, annak ken agtawid iti agnanayon a biag; Tapno inton’ umay manen a sibibiag ken sibaballigi a mangukom iti lubong, siraragsakkaminto nga awan panagalikaka ken panagbuteng a mangimatang iti panagparangna:

PASKUA TI PANNAKAIYANAK

Manipud Paskua a Pannakaiyanak agingga iti Epifania (“Tallo nga Ari”).

Gapu ta impaaymo nga maiyanak gapu kadakami ni Jesukristo a kaikaisuna nga

Anakmo; a babaen ti mannakabalin a bileg ti Espiritu Santo, napagbalin nga awan kurangna a tao iti lasag ni Birhen Maria nga inana; tapno iti pannakasubbotmi iti pannakaadipen ti basol, awatenmi koma ti bileg nga agbalin nga Annak ti Dios:

EPIFANIA

Manipud Epifania agingga iti Kurkurus (Ash Wednesday), malaksid dagiti Fiesta ti Sasanto.

Babaen ken’ Jesukristo nga Apomi, isu nga iti pannakainaigna iti kababalin ti tao inparangarangna ti gloriana; tapno manipud iti kasipngetan innakam’ iyaon nga iturong iti nakaskasdaaw a lawagna:

PANAGLASAG (Incarnation)

Kadagiti Fiesta ti Presentacion ni Kristo, Anunciacion, Visitacion, ken Transfiguracion.

Gapu iti Misteryo ti Sao a nagbalin a lasag, nangipaayka iti kabarbaro a lawag a mangraniag kadagiti puspusomi tapno maipakaammo ti gloriam iti rupa ta Anakmo a ni Jesukristo:

KUARESMA

Manipud iti Kurkurus agingga iti Domingo de Ramos, malaksid kadagiti Fiesta.

Babaen ken’ Kristo nga Apomi isu nga iti amin a wagas, nasulisog kas kadakami ngem saan a nagbasol; Gapu iti grasyana mabalinmi ti agballigi a mangsaranget iti amin a kinadakes ken saan kamin nga agbiag laeng

gapu iti kabukbukudanmi , ngem ketdi gapu kenkuana natay gapu kadakami ken nagungar manen:

SEMANA SANTA

Manipud Domingo de Ramos agingga iti Huwebes Santo ken dagiti Fiesta ti Nasantoan a Krus.

Intuyangmo a maisalakankami babaen iti kayo ti krus; ti pinuon ti pannakaabak ti tao nagbalin kenkuana a pinuon ti biag, idiay met laeng napasubli ti biag, babaen ken’ Jesukristo nga Apomi:

PASKUA TI PANAGUNGAR

Manipud Domingo Paskua agingga ti Aldaw nga Yuuli.

Ngem nangnangruna a dayawendaka gapu ti nagloriaan a panagungar ti Anakmo a Jesukristo nga Apomi; Ta isu ti Paskal a Kordero isu nga ti ipapatayna pinaksiatna ni patay ket babaen iti ibabangonna nga agbiag manen, linuktanna kadakami ti dalan iti agnanayon a biag:

YUULI

Manipud iti daytoy nga aldaw agingga ti Pentecoste:

Babaen iti ay-ayatem unay nga Anakmo a ni Jesukristo; isu a kalpasan ti nagloriaan a panagungarna, nagpaparang a sibabatad kadagiti apostolesna, ket iti imatang dagitoy, naipan idiay langit a mangisagana iti pagyananmi; tapno iti yanna idiay addakamto koma met, ket sisasadia a makipagturay kenkuana:

PENTECOSTE

Manipud Pentecoste agingga Domingo ti Trinidad ken kadagiti Misa ti Espiritu Santo.

Babaen ken’ Jesukristo nga Apomi, a kas iti pudnonga inkarina bimmaba ti Espiritu Santo, manipud langit a nagsaad kadagiti disipulosna, tapno isuro ken iturongna ida iti amin a pudno, ket ipaayanna ida iti kinatured ken regget a mangikasaba iti Ebanghelyo kadagiti amin a nacion:

TRINIDAD

Sika ken dagiti kaduam nga agnanayon a ti Anak ken ti Espiritu Santo, pagrukbabanmi a maymaysa a Dios, maymaysa nga Apo, iti Tall a Persona ken iti Nagkaykaysa a Pakabuklan; ket rambakanmi ti maymaysa ken agkakatukad a Gloria, O Ama, a kenka ken ti Anak ken ti Espiritu Santo:

TI ALDAW TI APO

Kadagiti Domingo kalpasan ti Pentecoste.

Babaen ken’ Jesukristo nga Apomi, isu nga iti daytoy nga aldaw pinaksiatna ni patay ken ti tanem, ket iti nagloriaan a panagungarna, linuktanna kadakami ti biag nga agnanayon:

APOSTOLES

Kadagiti aldaw ti Apostoles ken Ordinasyon:

Gapu ta sika ti agnanayon a Pastor; saanmo baybay-an ti arbanmo, a babaen kadagiti

nadiosan nga Apostolesmo, pagtalinaedem ti agnanayon a panangsaluadmo, tapno iturayam koma dagiti sunoda a piliem babaen iti Naganmo nga agbalin a Pastor dagiti taom:

FIESTA DAGITI SASANTOS

Ta ti kinaruay dagiti Sasantom, linikmutnakami iti napuskol unay a gimong dagiti mangsaksi kenka; tapno dakami, iti inkam’ panagrag-o a mailangen kadakuada, siaanuskam’ a mairagup iti lumba a naisagana iti sangwananmi, ken dakami agraman kadakuada, inkam’ koma awaten ti nagloriaan ken di-agkupas a korona:

MINATAY

Maaramay kadagiti Fiesta dagiti Kararua ken dagiti Misa nga agpaay kadagiti Pimmusay.

Babaen ken Jesukristo nga Apomi; isu a manglawlawag iti namnama ti nagasat a panagungar, tapno iti leddaangmi inkam’ agrag-o iti napnoan pannakaipatalged nga agnanayon a biag. Ta ti biag dagiti napudno a tattaom, agbaliw ngem saan nga aggibus. No ti bagi ti naindagaan a pagtaenganmi sipapasag iti patay, itedmo kadakam’ ti maysa nga agnanayon a lugar a pagtaenganmi idiay langit:

Padi: Ngarud, makidanggaykami kadagiti angeles ken arkangeles, ken iti amin a bunggoy ti langit, siraragsakkami a mangipaduyakyak ita gloriam ken agnanayon a mangidaydayaw kenka a kunkunami:

Padi ken Makimisa: Santo, Santo, Santo nga Apo,Dios ti bileg ken pannakabalin, Napnoan ti langit ken daga ita gloriam. Hosanna iti kangatoan. Bendito ti umay iti Nagan ti Apo. Hosanna iti kangatoan.

Padi: Amin a gloria kukuam Mannakabalinamin a Dios, nailangitan nga Ama, gapu ita ayat ken asim, intedmo kadakami ti bugbugtong nga Anakmo a ni Jesukristo, tapno aklonnenna ti kinatao ket agsagaba ken’ patay iti krus a maipaay iti pannakasubbotmi. Babaen iti maymaysa a pannakaidaton ti Bagina, inaramidna ti napnoan ken awan pagkuranganna a sakripisyo nga agpaay iti sangalubongan; ket inpasdek ken inbilinna a taginayonnenmi dayta a pakalaglagipan ti napateg nga ipapatay ken sakripisyona, agingga iti yaayna manen.

Ta iti daydi a rabii a pannakaliputna, nangala iti tinapay, ket kalpasan ti panagyamanna kenka, pinisina, ket intedna kadagiti adalanna a kinuna: “ALAENYO, KANENYO, DAYTOY TI BAGIK A MAITED KADAKAYO: ARAMIDENYO DAYTOY A PANGLAGLAGIPYO KANIAK.”

Kalpasan iti panangrabii, innalana ti kopa, ket idi nalpas a nakapagyaman, intedna kadakuada a kinuna:“INUMENYO DAYTOY, DAKAYO AMIN, TA DAYTOY TI DARAK ITI BARO A TULAG, A MAIBUKBOK GAPU KADAKAYO KEN ITI ADU, NGA AGPAAY ITI PANNAKAPAKAWAN DAGITI BASBASOL, NO INUMENYO DAYTOY ITI KAANO MAN,

ARAMIDENYO A PANGLAGLAGIPYO KANIAK.”

Ibunannagtayo ti misteryo ti pammati.

Padi ken Makimisa: Ni Kristo natay.Ni Kristo nagungar.Ni Kristo umayto manen.

Ngarud, O Apo, ken nailangitan nga Ama, dakami a napakumbaba nga adipenmo, rambakanmi ti pakalaglagipan nga inbilan ta Anakmo, ket kas panglaglagipmi iti nagasat a panagtutuok ken ti napateg nga ipapatayna, iti nabileg a panagungarna ken nagloriaan nga yuulina, ken ti panangpaspasungadmi iti nadayag nga yaayna manen, idatonmi kenka daytoy a Tinapay ti Biag, ken daytoy Kopa ti Pannakaisalakan. Ken bulon dagitoy, idatonmi dagiti bagimi a dawatenmi kenka nga aklonem ita nailangitan nga altarmo, dagitoy a daton a pagdaydayaw ken pagyaman.

Managparabur nga Ama, babaen ti bileg ta Nasantoan nga Espiritum, bendisionam, ken pasantoem daytoy a Tinapay ken Arak tapno isuda koma kadakami ti napateg unay a Bagi ken Dara ti Anakmo a Jesukristo.

Amin koma nga umawat iti daytoy Nasantoan a Komunyon, mapnoda koma ita grasyam ken nailangitan a bendisionmo, ket agbalinkam’ koma a maysa bagi kenkuana, ket isu agtaeng koma kadakami, ket dakami kenkuana.

Ket nupay dikam’ maikari, a mangidaton kenka iti aniaman a sakripisyo, dawatenmi ti

panangawatmo iti daytoy nga annong ken serbisiomi;

Babaen ken’ Jesukristo nga Apomi; a gapu kenkuana, ken ti pannakikaduana, iti pannakikaykaysa ti Espiritu Santo,

Ditoy maitayag ti Tinapay ken Kopa.

Amin a dayaw ken gloria kenka,O Ama a Mannakabalinamin,ita ken iti agnanayon.

Makimisa: AMEN!

Agparintumeng dagiti Makimisa, ket agulimek iti apagkanito.

Padi: Kas panangsiguro kadatayo ni Kristo a Mannubottayo, sitatalgedtay’ nga agkararag:

Padi ken Makimisa: Amami nga adda sadi langit,Madaydayaw koma ti Naganmo, umay koma ti pagariam, maaramid koma ti pagayatam, ditoy daga kas sadi langit. Itdem kadakami ti taraonmi nga inaldaw. Pakawanennakami kadagiti basolmi a kas met iti inkam’ panangpakawan kadagiti nakabasol kadakami. Dinakam’ baybay-an nga umannugot iti sulisog no di ket isalakannakam’ iti dakes.

Ta kukuam ti pagarian, ti pannakabalin, ken ti Gloria, ita ken iti agnanayon. Amen.

TI PANNAKAPISI TI TINAPAY

Padi: Wayawayaannakami, agdawatkam kenka, O Apo, Ket iyadayunakam’ kadagiti amin a dakes. Sipaparaburka kadi a mangipaay iti kappia bayat ti panagbiagmi, tapno babaen iti

tulong ta asim, maiyadayukam’ koma nga agnanayon iti basol, ken maikanawakam’ kadagiti amin a riribuk; Babaen ken Jesukristo nga Apomi, isu a makipagbiag ken makipagari kenka, ken iti Espiritu Santo, maymaysa a Dios, ita ken iti agnanayon.

Makimisa: Amen.

Ti Padi pisienna ti tinapay ket dagiti Makimisa ikanta wenno isaoda ti sumaganad nga Agnus Dei.

KORDERO TI DIOS, sika a mangikkat iti basol ti

lubong, kaasiannakami.KORDERO TI DIOS, sika a mangikkat iti

basol tilubong, kaasiannakami.

KORDERO TI DIOS, sika a mangikkat iti basol ti

lubong, ipaaymo kadakam’ ta kappiam.

Agulimek iti apagkanito.

TI NASANTOAN A KOMUNYON

Padi ken Dikam’ ipapan ti umasideg ita lamisaanmo,Makimisa: Manangngaasi nga Apo, nga agtaltalek iti

kinalintegmi, no di ket gapu kadagiti adu ken naindaklan nga asim. Dikam’ maikari nga mangummong kadagiti regreg iti sirok ti lamisaanmo. Ngem naigalad kenka ti agnanayon a kinamannanga-asi: Ipaay mo ngarud Managparabur nga Apo, a lakamenmi ti Bagi ken Dara ing-ingungotem nga Anakmo a ni Jesukristo, tapno dakami, iti inkam’ pannakapapigsa ken pannakapasalibukag babaen iti biagna, agnanayon koma ti inkam’

panagtalinaed kenkuana ket isu kadakami. Amen.

Ti Padi itayagna ti Tinapay ken Kopa.

Padi: Daytoy ti Kordero ti Dios a mangikkat iti basol ti lubong. Naragsak dagiti maayaban iti Pangrabiina.

Agkomulgar ti Padi, sarunoen dagiti agserbi ken dagiti Makimisa.

TI PAMMALUBOS

Mapan ti Padi iti sangwanan ti Altar. Agtakder dagiti makimisa.


Padi: Agkararagtyo:

Padi ken: Agnanayon a Dios nga Amami,Makimisa: Inawatnakam’ a kas sibibiag a kamkameng ti bagi ti

Anakmo a ni Apomi a Jesukristo ken tinaraonannakami iti Sacramento ti naballigian a biagna; Agbalinkam’ koma itan a kas tinapay a maibunong kadagiti tattao, ket ti ayatmo nga adda kadakami isu koma ti mangpaimbag kadagiti sugsugat a naaramidmi, dagiti saom nga agaon kadagiti bibigmi isuda koma iti mangyebkas iti kappia kadagiti amin a tattao; Ibaonnakami nga addaan pigsa ken sirmata nga agserbi ken’ Anakmo iti kanunumoan kadagiti kakabsatna; Tapno iti kasta, ti Naganmo maidaydayaw ken maitantan-ok, ita ken ti masakbayan, agingga a dagiti isu amin maitungpalda iti pagariam. Amen.

No Misa Kantada agparintumeng amin ket maikanta ti Bendision.

Daytoy a Pamendicion ket itden ti Obispo no isu ti mangmisa. No Padi, mabalinna nga aramaten ngem laksidenna ti Responsorio. Agparintumeng dagiti Makimisa.

Obispo: Madaydayaw koma ti Nagan ti ApoMakimisa: Ita ken iti agnanayon.

Obispo: Ti tulong tayo adda iti Nagan ti Apo.Makimisa: A nangaramid iti langit ken daga.

Obispo wenno Padi: Ti kappia ti Dios a mangrimbaw iti amin a pannaka-awat, pagtalinaedennakayo a napigsa iti pannaka-ammo ken panagayat iti Dios ken ti Anakna a ni Apotayo a Jesukristo:

Ket ti Bendiosion ti Dios a Mannakabalin Amin, ti Ama, ti Anak, ken ti Espiritu Santo, adda koma ken agtalinaed kadakayo iti agnanayon.

Makimisa: Amen.

Agtakder dagiti Makimisa.


Padi: Inkayo itan nga agayat ken agserbi iti Apo.Makimisa: Yaman koma iti Dios.

Mabalin a kantaen ti Lupang Hinirang.Mabalin a maikanta ti sumaganad kabayatan ti iseserrek ti Padi ken kaduana iti Sakristan kalpasan ti Misa.

Documents

Ti Pagannurotan Ti Misa