E^fe^so 6:1-3

1 Fu’jueiv aac, weiv zuqc meih mbuo sienx Ziouv Yesu, meih mbuo oix zuqc muangx diex maac nyei waac. Hnangv naaiv zoux se horpc nyei.

2 "Oix zuqc tongx nimc meih mbuo nyei diex maac." Naaiv se da'yietv diuh lingc maaih laengz nyei waac caux jienv.

3 Hnangv naaiv, "Weic bun meih mbuo duqv longx yaac ziangh duqv siouc nyuonh ndaauv yiem baamh gen."

Biux MenghFu’jueiv nyei gong se oix

zuqc tongx nimc diex maac,

tongx nimc diex maac nyei

jauv sebenx Tin-Hungh nyei

lingc (Cuotv I^yipv 20:12).

Cuotv I^yipv 20:12: "Oix zuqc tongx nimc meih mbuo nyei diex maac, meih mbuo cingx daaih ziangh duqv siouc nyuonh ndaauv yiem ZIOUV, meih mbuo nyei Tin-Hungh, jiu bun meih mbuo nyei deic-bung.”

1. Tongx nimc diex maac nyei jauv se benx jienv haic nyei lingc, weic bun mbuo duqv longx. Haaix dauh maiv tongx nimc ganh nyei diex maac nor, zungv zuqc zioux aqv.

2. Dongh ziepc zuoqv hnyouv gan longx Tin-Hungh nyei mienh wuov deix, Hnamv Tin-Hungh, hnamv diex maac, yaac tongx nimc diex maac.

3. Sienx Tin-Hungh nyei fu’jueiv dauh dauh, horpc zuqc hnamv Tin-Hungh, yaac hnamv ganh nyei diex maac. Maiv gunv gorngv diex maac zoux sic maiv puix duqv bun fu’jueiv tongx nimc, mv baac fu’jueiv yaac horpc zuqc tongx nimc nyei, weic zuqc naaiv benx Tin-Hungh hatc nyei waac, weic tengx mbuo duqv longx.

4. Se gorngv diex maac zoux nyei nyungc zeiv puix duqv bun fu’jueiv tongx nimc nor, gauh hungh heic bun fu’jueiv hiuv duqv Tin-Hungh.

Lewic 19:3: "Meih mbuo gorqv-mienh oix zuqc taaih ganh nyei diex maac. Yaac oix zuqc gan longx yie nyei norm-norm Dingh Gong Hnoi. Yie se ZIOUV, meih mbuo nyei Tin-Hungh.”

1. Taaih diex maac nyei mienh, maiv caux diex maac nzaeng jaax. Maiv gunv maaih ziangh hoc, diex maac maiv bieqc hnyouv mbuo. Ninh mbuo njaaux mbuo nyei jauv, mbuo horpc zuqc muangx nyei. Maaih ziex nzunc mbuo maiv oix muangx diex maac nyei waac.

2. Taaih diex maac nyei mienh, dongh diex maac qiemx zuqc tengx nyei ziangh hoc, maiv gunv yiem haaix nyungc jauv, yaac oix longc hnyouv nyei tengx ninh mbuo. Yaac maiv caux diex maac nzaeng jaax, kungx oix zoux longx nyei jauv bun diex maac hnangv.

3. Taaih diex maac nyei mienh se oix ziux goux diex maac, dongh ninh mbuo qiemx zuqc nyei ziangh hoc. Oix zuqc njaaux fu’jueiv muangx waac, mienh lunx mienh oix zuqc ginv muangx nyei waac, benx domh mienh nyei ziangh hoc horpc zuqc laanh muangx laanh.

1. Nzamc Leiz-Latc 5:16: "Oix zuqc tongx nimc meih mbuo nyei diex maac ziux ZIOUV, meih mbuo nyei Tin-Hungh, hatc nyei waac, weic bun meih mbuo ziangh duqv siouc nyuonh ndaauv yaac duqv longx yiem ZIOUV, meih mbuo nyei Tin-Hungh, jiu bun meih mbuo nyei deic-bung.

2. Nzamc Leiz-Latc 27:16: " Haaix dauh maiv tongx nimc ninh nyei diex maac, wuov dauh zuqc zioux aqv.' "Zuangx baeqc fingx ziouc gorngv, 'Aamen.'

3. Matv^taai 15:4: Tin-Hungh gorngv, “Oix zuqc tongx nimc meih mbuo nyei diex maac.' Yaac gorngv, 'Haaix dauh zioux ninh nyei die fai maa, oix zuqc daix wuov dauh guangc.”

Setv Mueiz Waac1 Tongx nimc diex maac nyei jauv se benx jienv haic nyei lingc weic bun mbuo duqv longx, yaac ziangh duqv siouc nyuonh ndaauv yiem naaiv baamh gen.

2. Tongx nimc diex maac nyei jauv se caux diex maac gorngv kuv waac, gorngv longx nyei waac hnangv. Diex maac naaic haaix nyungc mbuo, mbuo yaac dau longx nyei bun ninh mbuo.

3. Tongx nimc diex maac nyei jauv se, diex maac butv baengc, mbuo oix ziux goux ninh mbuo, yaac maiv zoux doqc bun ninh mbuo.