Ucenicki zbor 2015

УЧЕНИЧКИ ЗБОР

Училишен весник на учениците при ООУ „Јонче Смугрески“, с.Обршани Број 2, Февруари 2015

Активности на учениците

Проектни активности

МИО—активности

Детски афоризми

Донации

Интервју со педагогот при

ООУ Јонче Смугрески

г-ѓа Менче Петреска

Млади поети:

Андреј Грашкоски и

Милена Тасевска

Хороскоп

2

3

ВОВЕД

Драги читатели! На наше, а се надеваме и на Ваше огромно задоволство го

имаме вториот број на нашиот училишен весник. Тој е резултат на заедничкото залагање и соработка на наставниците и учениците од нашето училиште.

Овој број донесува избор на интересни написи од различни области, кој планираме да биде уште поразновиден и побогат.

Редакцијата на овој училишен весник секогаш е отворена за соработка, така да во иднина ги очекуваме Вашите трудови, предлози, сугестии кои ќе бидат добредојдени и корисни.

Во оваа прилика Ви го честитаме 26 Февруари—Патрониот празник на нашето училиште.

На учениците кои завршуваат 9-то одделение им посакуваме успех во понатамошното образование, здравје и среќен живот.

Од Редакцијата

Редакција: Милена Димитриеска, Марија Рајчиноска, Моника Ѓоргоска, Ленче Сркески, Марина Глушеска, ученици од VII, VIII и IX одделение

4

Ретроспектива на минатата учебна година

Не се задоволувај со приказните кои те допреле!

Напиши го сопствениот мит!

Една универзална мисла и вечна вистина. Луѓето кои го

направиле својот мит, остануваат вечно недопрени низ времето

и просторот, не потсетуваат на минатото, учевствуваат во

сегашноста, а тоа представува визија за иднината.

На ден 26 Февруари се потсетиме на името и делото на

Патронот на нашето училиште Јонче Смугрески.

Да се биде свој во овој свет, кој постојано се обидува да те

направи поинаков, тоа е вистинското достигнување.

Затоа се обидовме да бидеме свои и да му оддадовме почит на

начин на кој најдобро го знаеме: преку песна, стихови, за

моменти се претворивме во вистински актери и музичари,

водители .

Еве дел од од атмосферата тој ден.

Ден за паметење!

5


Нашите ученици, некои сега веќе средношколци

Прослава по повод патронатот на нашето училиште 26 февруари

6


Музичари, играорци, глумци

7


Прослава по повод 24 Мај денот на Македонските просветители

Моменти за паметење...

8

Интервју со...

Педагогот на ООУ „Јонче Смугрески“ Обршани, Г-ѓа Менче Петреска

Дали сте задволни од местото педагог во нашето училиште?

да, ја сакам работата и си ја работам одговорно Кажете ни нешто повеќе за Вас, за Вашето образование?

Завршив VII степен Филозофски факултет, група педагогија, бидејќи отсекогаш сум сакала да бидам и да работам со деца

Како се одвиваше Вашиот досегашен професионален развој?

На почеток работев како наставник во одделенска настава (1 година), а потоа почнав да работам како педагог и тоа го работам веќе 16 години

Колку сте задоволни од сегашната ситуација во која се наоѓа училиштето?

Спрема постигнувањата на учениците сум задоволна, а тука влијае и соработката со наставниците, родителите

Каква е соработката со директорот на училиштето, секретарот, наставниците?

Одлична, без соработка нема напредок Како го користите Вашето слободно време?

Слободното време го користам за прошетки во природа, покрај домашните обврски сакам да се дружам со моите пријатели

Што би им порачале на нашите ученици?

Му посакувам многу здравје, многу успех, поголемо учество на натпревари бидејќи нивните успеси се воедно и успеси на целото училиште.

9

Почеток на учебната година

На 1-ви Септември одекна ѕвончето за првиот училишен час за првачињата од училштето во Обршани ООУ „Јонче Смугрески“. Со кратка програма на која настапија учениците од погорните одделенија беше одбележан првиот училишен ден. Освен родителите, учениците и наставниците, топло добредојде на првачињата им посакаа: градоначалникот на општина Кривогаштани, г-от Тони Заткоски, советникот за образование Владо Деспотоски, директорката на училиштето Благица Везенкоска и претставници од општина Кривогаштани. Пред да седнат во ученичките клупи, тие им посакаа среќни и весели денови, поминати на училиште, а ГРАДОНАЧАЛНИКОТ заедно со ДИРЕКТОРКАТА им подарија скромни подароци на најмалите и сите ученици добија распоред за часовите.

Најмалите со Градоначалникот за Нова Година

10

Активности на учениците од I до V одделение од подрачното училиште во с. Боротино

Еве еден мал допринес и од учениците од 1 до 5 одд од подрачното основно училиште Јонче Смугрески с.Боротино заедно со нашите наставници да го збогатиме овој училишен весник.

Во овој број се одлучивме да ви дадеме некои наши предлози кои доколку ви се допаднат би можеле да ги реализирате и вие. Ова се дел од нашите активности кои ги реализиравме во изминатиот период

За празникот на Мама 8 ми март Избор на најукрасено Велигденско јајце

Игри без граници

11


Родителите важна алка во нашиот училишен синџир

12


Песна за Гоце Делчев Пред многу зими и пред многу лета, јунакот Гоце се борел за слободна Македонија горел. Во него имало огромна сила, со сето срце ја бранел татковината му мила Неговото име нема никогаш да загине а сеќавањето за него нема никогаш да мине . Пред бистата негова свежо цвеќе оставаме, и голема почит на Гоце ние секогаш му даваме Теодора Илијоска 5 одд П.У.с.Боротино

Моето училиште Моето училиште Јонче Смугрески се вика, на старото место на дружење ме вика. Учење и смеа радост и тага, во него се делам вистина и лага Моето училиште има многу тајни за детските денови за приказни знајни Го чувам во себе тој спомен драг, училиште мое мој роден праг. Марија Кондоска 5 одд П.У.с.Боротино

ЕСЕНТА МИ Е НАЈУБАВА Есента ми е најубава зошто, зошто затоа што ќе почнам да одам на училиште. Есента ми е најубава зошто, зошто ќе одам во Небрегово да собирам печурки. Есента ми е најубава зошто, зошто ќе бериме пиперки,ќе правиме зимница. Есента ми е најубава зошто, зошто ќе печиме пиперки за ајвар и лутеница. И затоа што брат ми секогаш се лути е затоа мене есента ми е најубава. Габриела Најдоска 4 одд – П.У.с,Боротино

13

Активности на учениците од I до V одделение од подрачното училиште во с. Бела Црква

Ученикот Андреј Грашкоски од IV одд. Учествуваше на поетската манифестација „Ракатки“, што се одржа на 11 и 12 април 2014 год. во Скопје. На овој фестивал на убавиот пишан збор, Андреј освои трето место за песната „Книга“ и беше најмлад учесник. Претседателката на фестивалот му додели диплома и други скромни подароци.

Оваа 2015 год. на истиот фестивал Андреј Грашкоски како петтоодделенец освои втора награда со своја лична творба.

14


ПОСЕТА НА СПОМЕНИКОТ ВО БЕЛА ЦРКВА ПО ПОВОД 8-МИ СЕПТЕМВРИ

На ден 9 септември учениците од подрачното училиште од с. Бела Црква заедно со своите одделенски наставнички, го посетија селскиот споменик во близина на училиштето, во чест на паднатите борци од оваа околина кои ги дале своите животи за слободата и за подобра иднина. Одржавме краток историски час, положивме свежо цвеќе и им оддадовме почит и голема блгодарност.

15


Литературно читање во библиотеката Борка Талески, каде имавме награден ученик со своја лична творба—Николче Бозоски ученик во петто одделение.

На 28-11-2014 год. учениците од II до Vодд. од ПОУ во Бела Црква присуствуваа на фестивалот на детски песнички „Тралала“, што се оддржа во Битола. Поминаа прекрасен ден исполнет со смеа , забава, игра и дружење.

16


ВЕЛИГДЕНСКА ЗАКУСКА

На ден 17-04-2014 (четврток), тимот од наставници од прво до петто одделение, заедно

со учениците и во соработка со родителите, во просториите на подрачното училиште во с. Бела

Црква, организиравме Велигденска закуска. На настанот присуствуваа голем број на

родители, кои беа многу задоволни од добрата организација и од изборот на активности.

Ние, наставниците од ова училиште со оваа манифестација сакавме да им се заблагодариме

на родителите за прекрасната соработка, и поддршка што секогаш ја имаме од нив.

На учениците беа доделени награди - дипломи во три категории:

Награда за најдобро декорирано јајце, Награда за најдобар цртеж

Награда за најцврсто јајце - кршаче

Одделенски наставници: Злата Стефаноска Соња Бришкоска

Марина Глушеска Гордана Спиркоска

17


СООБРАЌАЕН БУКВАР На ден 16-09-2014 (вторник), учениците од прво до петто одделение при подрачното училиште во Бела Црква при ООУ „Јонче Смугрески“се вклучија во кампањата за поголема безбедност во сообрајќајот со презентација на материјал кој е добиен од полициската станица во општина Кривогаштани

Во тој контекст беше проследена презентацијата „Сообраќаен буквар“од која учениците уште еднаш се потсетија дека морат да се почитуваат сообраќајните правила, за поголема безбедност на сите

Одделенски наставници:

Злата Стефаноска Соња Бришкоска

Марина Глушеска

18


ЗООЛОШКА ГРАДИНА

На 6-12-2014 год. дел од учениците од четврто и петто одделение од ПОУ Бела Црква заедно со дел од поголемите ученици од централното училиште и врсниците од училиштето од Кривогаштани Манчу Матак, со организиран превоз од локалната самоуправа имаа можност да ја посетат реновираната Зоолошка градина во Битола , и да видат голем број на животни и да уживаат во забавата со голем број на реномирани македонски естрадни имиња.

19

Активности на учениците од V одделение

Евгенија Мискоска - МАСКА

Цртежи и лични творби од учениците од V одд.—ментор Билјана Наумоска

Елена Китаноска—МАСКА

Стефанија Чаушоска—ЛОЗА

Валентин Рувчески—ЛЕБЕДИ

Зима Снегулки снежни паѓаат И нови студови почнуваат да се раѓаат Зимата пристигна кај нас И сите од радост викаат на глас Ветрот надвор вее Секое дете се смее Насекаде изградени замоци снежни За игра во долгата зима Снегот во секоја куќа стои А едно дете само празниците ги брои Сите се радуваат бидејќи е зима И се е убаво и бело Дино Мискоски

Теодора Бегалиноска—ЦВЕТ

Кога цвета цветот Утрово во пет, среде тревки ред, дојде на бел свет еден убав цвет! Сега нова боја око ќе ни смири, сега ново цветче сладок мирис шири. Сега една птица низ светот ќе гласи дека ново цветче полето го краси. Сега една пчела што собира мед, ќе кажува дека изникнал нов цвет. Сега цвета цветот, поубав е светот! Сара Ефтинџиоска

20

Активности на учениците од V одделение

Новогодишна работилница

21

Ученички активности

ПОЕТСКО МАРКУКУЛЕ

На собирното место, „Кај слонот на тронот “, на падините на Маркови кули во

Варош на 16.08.2014 во 19 часот се одржа овогодинешната манифестација Поетско

Маркукуле.

На овогодинешната манифестација

Поетско Маркукуле свое учество имаа над

50 поети од земјава и странство. Исто така

на оваа манифестација учествуваа шест

ученици од нашето училиште „Јонче

Смугрески “

Обршани кои достоинствено се

претставија со својата поезија и

уживаа во целата програма покрај

прекрасната природа и ѕвездениот

раскош. За се' да биде толку добро

организирано најзаслужни се

организаторите Градската

библиотека Борка Талески,

Локалната самоупрва и културното

друштво Пела од Словенија.

22


Активности на учениците по историја

Изработени проекти под менторство на наставничката по историја Снежана Чапкуноска

23


Активности на учениците по Техничко образование—ментор наставник Јова сребреноска

24


И оваа учебна година учениците од второ одделение од централното училиште заедно со нивната наставничка Виолета Палеска доста активно и креативно ги реализираа наставните содржини. Активно беа вклучени во сите културни манифестации во училиштето, почнувајќи од пригодни програми, работилници, новогодишен базар како и учество во свечената програма за Патрониот ден на училиштето. Доста креативно се изразуваат во реализирањето на наставните содржини по Природни науки со новите адаптирани програми по CAMBRIDGE. Така тие замесија, испекоа и го вкусија лебот, направија чоколадни карпи и соѕидаа ѕид , направивме и вулкан. Го имплементиравме и проектот

"Заедничка грижа за правилно насочување на учениците" каде родителот беше во улога наставник и практично покажа како се мери маса во килограми.

25


Активности на учениците од второ одделение

26

Млади поети — Андреј Грашкоски

АНДРЕЈ ГРАШКОСКИ е роден во Прилеп 2004 год., а живее во село Воѓани- општина Кривогаштани.

Учи во ООУ „Јонче Смугрески“ с. Обршани ПУ Бела Црква. Тој е ученик во петто одделение.

Има учествувано на конкурсите на „Колибри“ и „Матица “ „ Ракатки“ и „Мојот јазик -тоа сум јас“, на поетскиот фестивал „ Поетско маркукуле“.

Избран е за најдобар рецитатор од прво до петто одделение во неговото училиште.

„Сакам да творам“ е негова прва поетска книга.

27

Млади поети — Андреј Грашкоски

РЕЦЕНЗИЈА Од срамежливо и тивко момченце Андреј стана вреден и амбициозен ученик, кој

ги прифака сите предизвици и не застанува пред препреките што се испречуваат пред него.

Неговата љубов кон пишаниот збор и првите обиди за пишување, започнаа на часовите по македонски јазик.

Со учеството на фестивалот „Ракатки“ во четврто одделение на кој беше најмлад награден учесник , кај Андреј се повеке се распламтува страста за пишување поезија.

Од самиот наслов на книгата „Сакам да творам“ - се насетува големата желба за творење, а при читањето се гледа и огромниот талент на младиот автор.

Творбите од стихозбирката се со различни мотиви кои имаат една заедничка порака: Да се согледа поубавата и ведра страна на животот, да се радуваме и да ги сочуваме малите работи, кои навидум се ситни и безначајни, некогаш неважни за сите нас . Во своето изразување младиот поет најчесто користи паралелна рима, компарација и епитети, а стиховите изобилуваат со многу описи и контрасти.

Со лесен стих на пишување и употреба на едноставни зборови, малечкиот автор Андреј Грашкоски, успева при творењето да создаде живи и прекрасни слики, и да пренесе силни пораки и емоции до љубителите на пишаниот збор.

Инспирацијата за да ги преточи своите емоции во зборови ја добива од детското секојдневие. Таа е насекаде околу него.Пишува за убавините на годишните времиња, за празниците што ги одбележуваат датумите од нашето славно минато ,љубовта и патриотизмот кон татковината.Пишува за лугето кои му се драги, за своето родно место,животните, инсектите ,птиците, другарството...

Во своите песни инспириран од големата љубов и загриженост кон природата ни

порачува:

Стоп!

силно викнете на глас.

Да не се фрла отпад,

веднаш престанете во овој час!

Да ја штедиме водата

да не користиме вода колку што ни душа сака,

зошто потоа ќе се каеме, ќе имаме мака.

Да го послушаме апелот на овој млад надежен поет и да се надеваме дека ова е првиот

бисер во низата од убав ѓердан на неговото творештво.

28

Млади поети — Милена Тасевска

Нејзината основна порака ја искажуваат стиховите за детството, родното место, пролетта, птиците, празниците, љубовта, книгата, зборовите. Весна Димовска Милена пишува од дното на својата душа, искрено ненаметливо, едноставно, а секој стих како бран Ве носи во далечини и ве прави жедни за уште повеќе!

29

Училишни активности

Проект „МЕЃУЕТНИЧКА ИНТЕГРАЦИЈА ВО ОБРАЗОВАНИЕТО„ Активности со нашиот партнер училиште „Исмаил Ќемали“ с. Црнилиште, Општина Долнени. Прослава на Патрониот празник на ООУ „Исмаил Ќемали“

30


Проект „МЕЃУЕТНИЧКА ИНТЕГРАЦИЈА ВО ОБРАЗОВАНИЕТО“ Активности со нашиот партнер училиште „Исмаил Ќемали“ с. Црнилиште, Општина Долнени.

Нашето училиште ООУ „Јонче Смугрески“ организираше средба со Училиштето во с. Црнилиште. Јас и неколку мои соученици си поминавме прекрасно. Таму запознавме многу нови пријатели. Заедно со девојчињата од Црнилиште игравме ракомет. Во играта се се одвиваше забавно и сите се согласувавме. Исто така имавме можност меѓусебно да се запознаеме со нашите култури. Но во сето ова доживување најважно е дека ова беше еден начин да докажеме дека меѓусебно може добро да се согласуваме и да создаваме нови пријателства без разлика на нашата боја, вера или раса. Моника Тасевска VIII а одд.

31


Проект „МЕЃУЕТНИЧКА ИНТЕГРАЦИЈА ВО ОБРАЗОВАНИЕТО“. Проект за МИО реализиран од учениците од прво до петто одделение заедно со своите одделенски наставници и со помош на наставниците по Техничко образование и Англиски јазик. Благодарност до нив.

32


Ден на дрвото 03. 12. 2014 година По повод Денот на дрвото—Засади ја својата иднина, учениците заедно со

вработените од ООУ „Јонче Смугрески“ засадија убави садници со што се оплемени и уреди нашиот училишен двор. Акцијата се спроведе и во подрачните училишта с. Бела Црква и с. Боротино. Денот помина во прекрасна и весела атмосфера, додека учениците извлекоа воспитна поука дека сите заедно треба да се грижиме за природата и дека засадувањето дрвца значи живот. Низ слики Ви ја доловуваме атмосферата

33


Ден на дрвото 03. 12. 2014 година Низ слики Ви ја доловуваме атмосферата

34

Наградени ученици...

Милена Тасевска ученичка во ООУ „Јонче Смугрески“ доби ДИПЛОМА ЗА ПРВО МЕСТО на

конкурсот за разгледници - за промоција на вредностите „ЕДНАКВОСТ И ЧОВЕКОВИ ПРАВА“, а исто така учествуваше на литературно читање

во ООУ „Кочо Рацин“ по повод одбележување на шеесет години од постоењето и работа на училиштето, а таму доби диплома за освоено

ВТОРО МЕСТО. И посакуваме и во иднина да ја следат вакви успеси !

Моника Тасеска од VIII а одд, доби I место на натпреварот по физика организиран од страна на наставникот по физика при ООУ Јонче Смугрески, Благоја Зојчески и наставничката Татјана Чируноска, наставник по физика при ООУ Манчу Матак Кривогаштани.

Градоначалникот на Општина Кривогаштани Г-дин Тони Заткоски и додели таблет како награда за освоеното прво место.

35


Прво, второ и трето место—ликовна изложба Стефанија Сидороска, Милена Тасевска, Михаела Аџиоска

На љубовта и е доволна љубов Животот ни поставува граници кои не смееме да ги пречекориме. Тој е судбина која мора да ја живееме. А живееме зошто други така сакале. Сакаме, зошто тогаш кога сакаме немаме граници и живееме судбина која сакаме да ја живееме. Одам по еден пат кој ми носи среќа, задоволство, успех. На тој пат се наоѓаат моите родители, сестра ми, роднини, пријатили, ми даваат се она што ме прави среќна, задоволна, а со тоа и успешна. Наеднаш како во сон пред мене се појавува нешто што менува се. Се прашувам дали она за кое живееме, ми се случува и мене и тоа сега! Се уште одам по мојот пат, но не е се исто. Мојата душа е претворена во лавиринт низ кој минува само таа капка роса што ги освежува моите надежи, соништа, желби, се повеќе и повеќе. Никако да го најдам крајот на лавиринтот, никако да сфатам што ми се случува. Поминува покрај мене, ме здогледува со прекрасните очи и ме тера повторно да размислувам. Тоа што ми се случува е за прв пат во мојот живот. Се чувствувам исполнето, среќно, задоволно. Но, се плашам! Зошто? Затоа што сеуште не сум сигурна дали е она вистинското! Дали е тоа љубовта, таа, која не мечтае за ништо друго освен самата да се исполни. Ако на патот по кој сум тргнала, ја најдам правата љубов од која моето срце ќе затрепери, тогаш да го дадам она вистинското и најчистото од мене. „Љубовта не дава ништо освен себе и не зема ништо освен себе. На љубовта и е доволна љубов“. Стефанија Сидороска VIIa

36


„Доделување на наградите за најдобра лична творба за 2014 год.“ каде

со дипломи „ се закитија “ученичката Елена Мискоска од VI/a одделение за

освоено I (прво) место , и ученичката Христина Стомнароска IX/a одделение

за освоено III (трето) место. Награден ученик исто така беше и Никола

Бозоски од подрачното училиште во Бела Црква за најдобра лична творба.

Честитки и уште многу успеси! Се гордееме со вас!

И секако да не заборавиме да им честитаме на организаторите на овој

конкурс, ни беше чест да бидеме дел од него.

37

Меѓуучилишни активности

Игра, дружење и забава—ученици од двете училишта ООУ Јонче Смугрески и ООУ Манчу Матак

Заедничка Новогодишна програма

38

Меѓуучилишни активности

Заедничка Новогодишна програма

39

Проектни активности

Проект „Разумно користење на електричната енергија“

Оваа учебна година во нашето училиште во тек е реализација на проектот „Разумно користење на електричната енергија“. Иницијатор и покровител на овој проект е ЕВН Македонија, истиот е подржан од Министерство за образование, а се релизира од страна на едукатори од партнер организации меѓу кои и „Жетва на знаење“ од Прилеп.

Во рамките на проектот формирана е секција „Зелен енергетски клуб“ во која членуваат ученици од четврто и петто одделение од подрачното училиште во Бела Црква. Нивна задача е развивање на конкретни мерки за енергетска ефикасност во училиштето, поттикнување на свеста за значењето на енергетската ефикасност во локалната средина односно развивање чувство на одговорност и поголема свест за енергетските ресурси.

40

Обуки, предавања

Домашни работи

Борба против Семејно насилство

„Без толеранција за алкохолот и дрогата“

Прва ЕДУ конференција

Едукација за мерки за заштита

41

Донации

Збогатен фондот на книги во ООУ „ЈОНЧЕ СМУГРЕСКИ“

На 11.11.2014 год. во ООУ „ЈОНЧЕ СМУГРЕСКИ“ - Обршани се одржа кратка манифестација по повод донирање на книги од Градска библиотека Прилеп.На оваа манифестација беа присутни Директорот на Градската библиотека г-ин Петар Петрески и Градоначалникот на Општина Кривогаштани г-ин Тони Заткоски со нивни претставници, а од страна на директорката г-ѓа Благица Везенкоска им беа доделени благодарници од име на училиштето и библиотеката поради нивната несебична поддршка која во секој момент ја добива училиштето.

Донирани беа 350 книги и со тоа се збогати нашиот библиотечен фонд. Со оваа донација не само што се покажа хуманоста, ова претставува една голема мотивација за учениците се повеќе да читаат книги. Учениците имаа изработено пораки и слики во кои ја искажуваат важноста на книгата. Исто така имаше поставено хамер под мотото „Зошто да читаме?“ на кој учениците и присутните гости ги запишуваа своите мисли и пораки. Од денес учениците ќе бидат побогати, посреќни и помудри со најубавиот подарок за нив „книгата“.

42

Донации

Во ООУ „ Јонче Смугрески“ од УСАИД преку проектот за меѓуетничка интеграција во образованието беше доделена опрема и алати за заштита при работата и одржување на училишните објекти.

Монтирање лифт платформа за лица со хендикеп.

Поставена е ограда во ООУ Јонче Смугрески

43

Да се насмееме

ТЕПИСИ Во продавница за теписи: - Имате ли нешто за у детска, поиздржливо така? - Колку деца имате? - Пет! - Море поарно е да си асфалтирате...

АЈФОН Трпана му вика на Трпе: - Душо сакам да ми купиш ајфон. - А тој другиот шо го имаш? - Тој ќе ми купи лаптоп.

ДОКУМЕНТАРЕН ФИЛМ Трпе и Трпана гледаат телвизија. За некое време започнува документарен филм за глодари, па Трпе и вели: - Аман Трпано, нема валјда да ги гледаме овие глувци? - Глувци? Па тоа е документарен филм за глодари. - Глодари, глувци, стаорци, се е тоа исто, зарем не мислиш дека сите се подеднакво одвратни? - Секако дека мислам глувче мое.

ВИ – ФИ Влага Цветко во црква и му вика на попот:

- Попе, има ли овде ви-фи?

А попот се крсти и вика:

- Боже помогни!

А Цветко враќа:

- Што е тоа? Име на мрежата или

лозинката?

СОВРЕМЕН ДЕЧКО

Таа: Каде си?

Тој: Види на Fасеbооk.

Таа: Што јадеш?

Тој: Види на Instagrаm.

Таа: Што правиш?

Тој: Види на Twittеr

Таа: Добро, можам ли јас да те

прашам нешто?!

Тој: Прашај ме на Аsk.

44

Да се насмееме

Многу често она што ќе го кажат децата може да звучи многу мудро, некогаш ќе нè насмее, а понекогаш и ќе не изненади. Овие детски афоризми... ...дефинитивно ќе ви измамат насмевка.

Брат ми и јас денес изедовме цела тегла мармалад. Вечер ќе добиеме или пролив, или ќотек!

Не разбирам зошто е мама толку лута што ја скршив вазната. И онака беше кинеска, а не наша!

Во телевизорот работат мали луѓе, а во радио нивните деца!

Баба отиде на оној свет. Сега и ние имаме некој во странство!

Ја погодивме со топка жена му на соседот. Сега соседот ни е главен спонзор.

Сестра ми повторно го заврши одделението со одличен успех – сите петки. Сигурно намерно ми го прави ова!

Мама и тато денес слават годишнина од брак. Сите го знаеме тоа, освен тато.

Го прашав тато зошто тој ја бричи брадата, а мама нозете.

Ми рече дека секој се бричи онаму каде што го гледаат.

45

Забава

46

Хороскоп

Овен 21.3.-20.4 - Постојано се караат, желни се за командување и викање по цел ден. Секогаш нешто им смета, постојано бараат неправда за да ја исправат. Никогаш не им е доста храна, јадат како да стигнале од Африка.

Бик 21.4-21.5 - Спанковци и досадни, се изморуваат и од самите себе доколку не успеат да заспијат. Секогаш имаат креативни идеи, но тешко ги реализираат поради тоа што ужасно се мрзеливи и само размислуваат како да се збогатат за да може уште повеќе да се излежуваат.

Близнаци 22.5-21.6 – Први за зборување и озборување. Секогаш се однесуваат како деца од пет години. Бегаат од одговорности исто како да ги „брка“ некој со стап. Секогаш мислат дека се најпаметни и секогаш тие се во право. Преферираат да работат сами бидејќи живеат со идејата дека секој е господар на својата судбина и не сакаат нештата да им зависат од некого.

Рак 22.6-22.7 – Изгубени и во светот и во универзимот. Живеат во излузии, плачат и се навредуваат по цел ден. Изгледаат наивно, но всушност се себични кои сакаат да ви го „заврзат“ јажето околу вратот.

Лав 23.7-23.8 – Многу комплицираат. Довербата им зависи од пофалбите на другите. Мислат дека се многу важни, исто така се премногу енергични и ги „дават“ сите околу себе. Лесно им здодеваат нештата, па откако ќе западнат во рутина веднаш бараат начин како да ја избегнат.

Девица 24.08-23.09 - Никогаш ништо не им е погодено. Огледалото никогаш не го испуштаат од рака, дури и кога ја чистат куќата и целите се со прашина. Ако не критикуваат некого, тогаш нешто лажат и измислуваат. Целосно неопределени.

47

Хороскоп

Стрелец 23.11-21.12 Се замислуваат дека се паметни и филозофи, а глупоста која излегува од нивната уста нема граници. Цел живот бегаат од љубов, па не ни чудо што најмногу самци има од овој знак.

Вага 24.9-23.10 - Чуствителни личности, љубезни и дарежливи. Подготвени да дадат сè од себе за другите луѓе. Ужива во предизвиците , колку потешка е препреката, толку помотивирана е да ја надмине. Енергична личност која ретко е во лошо расположение. Ги мотивира другите луѓе и е инспирација за многумина.

Скорпија 24.10-22.11 - Замислуваат дека се многу паметни и премногу филозофираат. Природен водач, крстоносец и благородна личност. Држи до себе и е мошне горда. Има силна волја и најчесто знае како да ги донесе најдобрите одлуки. Не сака да прави компромиси, но кога ситуацијата налага знае да попушти во полза на друг.

Јарец 22.12-21.01 -Напатени души кои мислат дека секогаш нив им е најтешко. Тешко се справуваат со самите себе, а камоли со другите . Може да бидат тивки и интровертни, но кога нешто сакаат, ништо не може да им застане на патот. Потполно се фокусирани и самомотивирани. Целиот живот патат за титули.

Водолија 22.01.-19.02 - Тотално „неписмени“ кога се работи за мода и боја. „Летаат“ наоколу како папагали и постојано поставуваат бесконечен број на прашања. Секогаш има креативни идеи, но тешко ги реализира. Најверојатно тоа се случува затоа што наместо да се посвети на една работа, ја распрснува својата енергија во повеќе насоки.

Риби 20.02-20.03 - Плачковци, опседнати со тоа што мислат другите за нив. Живеат

во свој свет, но се вешти манипулатори ,мудри, досетливи и интелигентни. Во некои моменти

може да бидат дволични и лицемерни на кои им треба секогаш некој да ги води низ животот.

2015 година

Documents

Ucenicki zbor 2015