Upload
others
View
41
Download
5
Embed Size (px)
Citation preview
Edukasyon sa
Pagpapakatao Unang Markahan – Modyul 1.1 (Week1)
Ang Pamilya Bilang Natural na
Institusyon
Edukasyon sa Pagpapakatao – Ikawalong Baitang Alternative Delivery Mode Unang Markahan – Modyul 1.1 (Week 1): Ang Pamilya Bilang Natural na Institusyon Unang Edisyon, 2020
Isinasaad sa Batas Republika 8293, Seksiyon 176 na: Hindi maaaring magkaroon ng
karapatang-sipi sa anumang akda ang Pamahalaan ng Pilipinas. Gayunpaman, kailangan muna ang pahintulot ng ahensiya o tanggapan ng pamahalaan na naghanda ng akda kung ito ay pagkakakitaan. Kabilang sa mga maaaring gawin ng nasabing ahensiya o tanggapan ay ang pagtakda ng kaukulang bayad.
Ang mga akda (kuwento, seleksiyon, tula, awit, larawan, ngalan ng produkto o brand name, tatak o trademark, palabas sa telebisiyon, pelikula, atbp.) na ginamit sa modyul na ito ay nagtataglay ng karapatang-ari ng mga iyon. Pinagsumikapang matunton ang mga ito upang makuha ang pahintulot sa paggamit ng materyales. Hindi inaangkin ng mga tagapaglathala at mga may-akda ang karapatang-aring iyon. Ang anumang gamit maliban sa modyul na ito ay kinakailangan ng pahintulot mula sa mga orihinal na may-akda ng mga ito.
Walang anumang parte ng materyales na ito ang maaaring kopyahin o ilimbag sa
anumang paraan nang walang pahintulot sa Kagawaran.
Inilathala ng Kagawaran ng Edukasyon Kalihim: Leonor Magtolis Briones Pangalawang Kalihim: Diosdado M. San Antonio
Inilimbag sa Pilipinas ng:
Department of Education, Region VII, Division of Cebu Province Office Address : IPHO Bldg.,Sudlon, Lahug, Cebu City Telefax : (032) 255-6405 Email Address : [email protected]
Bumuo sa Pagsusulat ng Modyul
Manunulat : Babyline N. Hernaez
Editor : Jane O. Gurrea
Tagasuri : Hipolito Q. Pegarido
(Moderator): Nova C. Pardillo
Tagaguhit : Babyline N. Hernaez
Management Team
Schools Division Superintendent - Dr. Marilyn S. Andales, CESO V Assistant Schools Division Superintendent - Dr. Cartesa M. Perico - Dr. Ester A. Futalan - Dr. Leah B. Apao Chief, CID - Dr. Mary Ann P. Flores EPS in LRMS - Mr. Isaiash T. Wagas EPS in EsP - Mrs. Jane O. Gurrea
i
8
Edukasyon sa
Pagpapakatao
Unang Markahan – Modyul 1:1(Week 1)
Ang Pamilya Bilang Natural na
Institusyon
ii
Paunang Salita
Para sa tagapagdaloy:
Malugod na pagtanggap sa asignaturang Edukasyon sa
Pagpapakatao 8 Alternative Delivery Mode (ADM) Modyul para sa araling
Ang Pamilya Bilang Natural na Institusyon.
Ang modyul na ito ay pinagtulungang dinisenyo, nilinang at sinuri ng
mga edukador mula sa pampubliko at pampribadong institusyon upang
gabayan ka, ang gurong tagapagdaloy upang matulungang makamit ng
mag-aaral ang pamantayang itinakda ng Kurikulum ng K to12 habang
kanilang pinanagumpayan ang pansarili, panlipunan at pang-ekonomikong
hamon sa pag-aaral.
Ang tulong-aral na ito ay umaasang makauugnay ang mag-aaral
sa mapatnubay at malayang pagkatuto na mga gawain ayon sa kanilang
kakayahan, bilis at oras. Naglalayon din itong matulungan ang mag-aaral
upang makamit ang mga kasanayang pan-21 siglo habang isinasaalang-
alang ang kanilang mga pangangailangan at kalagayan.
Bilang karagdagan sa materyal ng pangunahing teksto, makikita
ninyo ang kahong ito sa pinakakatawan ng modyul:
Bilang tagapagdaloy, inaasahang bibigyan mo ng paunang kaalaman
ang mag-aaral kung paano gamitin ang modyul na ito. Kinakailangan ding
subaybayan at itala ang pag-unlad nila habang hinahayaan silang
pamahalaan ang kanilang sariling pagkatuto. Bukod dito, inaasahan mula sa
iyo na higit pang hikayatin at gabayan ang mag-aaral habang isinasagawa
ang mga gawaing nakapaloob sa modyul.
Malugod na pagtanggap sa Edukasyon sa Pagpapakatao 8 ng
Alternative Delivery Mode (ADM) Modyul ukol sa (Ang Pamilya Bilang
Natural na Institusyon) !
Mga Tala para sa Guro Ito'y naglalaman ng mga paalala, panulong o estratehiyang
magagamit sa paggabay sa mag-aaral.
iii
Ang modyul na ito ay ginawa bilang tugon sa iyong
pangangailangan. Layunin nitong matulungan ka sa iyong pag-aaral
habang wala ka sa loob ng silid-aralan. Hangad din nitong madulutan ka
ng mga makabuluhang oportunidad sa pagkatuto.
Ang modyul na ito ay may mga bahagi at icon na dapat mong
maunawaan.
Alamin Sa bahaging ito, malalaman mo ang
mga dapat mong matutuhan sa modyul.
Subukin
Sa pagsusulit na ito, makikita natin kung
ano na ang kaalaman mo sa aralin ng
modyul. Kung nakuha mo ang lahat ng
tamang sagot (100%), maaari mong
laktawan ang bahaging ito ng modyul.
Balikan Ito ay maikling pagsasanay o balik-aral
upang matulungan kang maiugnay ang
kasalukuyang aralin sa naunang leksyon.
Tuklasin Sa bahaging ito, ang bagong aralin ay
ipakikilala sa iyo sa maraming paraan
tulad ng isang kuwento, awitin, tula,
pambukas na suliranin, gawain o isang
sitwasyon.
Suriin Sa seksyong ito, bibigyan ka ng maikling
pagtalakay sa aralin. Layunin nitong
matulungan kang maunawaan ang
bagong konsepto at mga kasanayan.
iv
Pagyamanin
Binubuo ito ng mga gawain para sa
mapatnubay at malayang pagsasanay
upang mapagtibay ang iyong pang-
unawa at mga kasanayan sa paksa.
Maaari mong iwasto ang mga sagot mo
sa pagsasanay gamit ang susi sa
pagwawasto sa huling bahagi ng
modyul.
Isaisip Naglalaman ito ng mga katanungan o
pupunan ang patlang ng pangungusap
o talata upang maproseso kung anong
natutuhan mo mula sa aralin.
Isagawa Ito ay naglalaman ng gawaing
makatutulong sa iyo upang maisalin ang
bagong kaalaman o kasanayan sa tunay
na sitwasyon o realidad ng buhay.
Tayahin
Ito ay gawain na naglalayong matasa
o masukat ang antas ng pagkatuto sa
pagkamit ng natutuhang kompetensi.
1
Aralin
Ang Pamilya Bilang Natural na
Institusyon
1
Alamin
Sa ating mundo ipinanganak tayo na walang kamuwang-muwang ngunit
may mga taong handa tayong mahalin, alagaan at ibigay ang lahat kung anong
meron sila, handang magsakripisko upang tayo’y lumaki ng maayos at may takot
sa Dios. Ipinapakita nila kung gaano sila kasaya noong dumating tayo sa buhay nila
at ipinapadama nila kung ano ang kahulugan ng pag-ibig at pamilya.
Isa-isahin mo ang iyong mga karanasan sa pamilya na iyong nakapulutan ng
aral o nagkaroon ng positibong impluwensya sa iyong sarili.
Suriin mo rin kung paano ka inihanda o inihahanda ng iyong pamilya sa mas
malaking mundo ang pakikipagkapwa
Sa anumang oras ng pangangailangan, anumang hidwaan at hindi
pagkakaunawaan mayroon tayo, sa huli’t-huli ang pamilya pa rin ang ating
natatanging kanlungan sa buhay.
Tayo bilang isa sa mga bansang nabibilang sa Asya ay may kaugalian at kulturang
kinagisnan na may malapit na ugnayan sa bawat miyembro ng ating mga pamilya.
Hindi bago sa atin na nakakakita tayo ng mga uri ng pamilya sa ating lugar na kung
saan ay halos lahat hanggang sa mga lolo, lola at mga tiyahin at iba pang kasapi ng
pamilya ay kasama sa loob ng isang maliit na tahanan.
1
2
Hindi natin iniinda kahit na maliit ang tirahan at nagsisiksikan, ang mahalaga ay buo
at masaya ang pamilya. Ganyan ang buhay pamilya nating mga Pilipino.
Sa modyul na ito, ang mga mag-aaral ay inaasahang:
1. Natutukoy ang mga gawain o karanasan sa sariling pamilya na
kapupulutan ng aral o may positibong impluwensya sa sarili.
EsP8PBIa-1.1
2. Nasusuri ang pag-iral ng pagmamahalan at pagtutulungan at
pananampalataya sa isang pamilyang nakasama, naobserbahan o
napanood. EsP8PBIa-1.2
Pagkatapos mong pag-aralan ang modyul na ito, inaasahang matututuhan at
maipamamalas mo ang mga sumusunod na kaalaman, kasanayan at
pagpapahalaga:
A. nakasusuri ng mabuti ang mga gawain o tungkulin sa pamilya na kapupulutan
ng aral
B. nakagagawa ng matalinong paglalarawan na may kinalaman sa kanilang
pamilya
C. naipamamalas ang mga wastong gawaing naiaambag ng mga kasapi ng
sariling pamilya
2
3
Subukin
Panuto: Basahin at unawain ang mga aytem at piliin ang titik ng pinakaangkop na
sagot.
1. Ang ating lipunan ay binubuo ng iba’t ibang institusyon o sector. Alin sa mga
institusyon sa lipunan ang itinuturing na pinakamaliit at pangunahing yunit ng
lipunan?
a. paaralan b. pamilya c. pamahalaan d. Barangay
2. Sinasabi na ang pamilya ay isang natural na institusyon. Alin sa sumusunod na
pahayag ang dahilan?
a.Ang bawat pamilya ay kasapi ay kasapi ng iba’t ibang institusyon ng lipunan.
b.Ang mga institusyon sa lipunan ay naitatag dahil sa pagdami ng pamilya.
c.Nabuo ang pamilya dahil sa pagmamahalan ng dalawang taong
nagpasiyang magpakasal at magsama nang habambuhay.
d.Sa pamilya nahuhubog ang mabuting pakikipag-ugnayan at pagpapahalaga
sa kapuwa.
3 .Ang bawat pamilya ay ginagabayan ng batas ng malayang pagbibigay ( law of
free giving). Alin sa sumusunod na pahayag ang naglalarawan sa nasabing batas?
a. Isang ama na naghahanapbuhay upang maibigay ang pangangailangan ng
kaniyang pamilya.
b. Pinag-aaral ng mga magulang ang kanilang anak upang sa pagdating ng
panahon sila naman ang maghahanapbuhay sa pamilya.
c. Naging masipag ang anak sa paglilinis ng bahay dahil nais niyang mabigyan ng
karagdagang baon sa eskuwela.
d. Nais ng magulang na may mag-aaruga sa kanila sa kanilang pagtanda kung
kaya’t inaaruga nila nang mabuti ang kanilang mga anak.
4. Kung walang pagmamahal ang pamilya ay hindi matatawag na .
a. pamayanan ng mga tao
b. pamayanan ng may kapangyarihan
c. pamayanan ng lahat
d. pamayanan ng mga masipag at mabait
5. Ang pamilya ang orihinal na paaralan ng .
a. pagmamahal b. pagtutulongan c. pagbibigayan d. pag-uunawaan
4
6. Sinasabi na ang mabuting pakikipagkapwa ay nagmumula sa pamilya. Alin sa mga
sumusunod na pahayag ang hindi nagpapatunay nito?
a. Ang pamilya ang unang nagtuturo ng mabubuting paraan ng pakikipagkapwa
tao.
b. Kung paano nakikitungo ang magulang sa kanyang anak gayundin ang
magiging pakikitungo nito sa iba.
c.Sa pamilya unang natututunan ang kagandahang-asal at maayos na pakikitungo
sa kapwa.
d.Kapag wala ang magulang, ang paaralan ang siyang pangalawang tahanan na
gagabay sa mga bata.
7. Alin sa mga sumusunod ang una at pinikapangunahing pamantayan sa paghubog
ng isang maayos na pamilya?
a. Pinagsama ng kasal ang magulang
b. Pagkakaroon ng mga anak
c. pagtatanggol ng pamilya sa kanilang karapatan
d. mga patakaran sa pamilya
8. Hindi nakakaligtaan ng pamilyang Santos ang manalangin nang sama-sama higit
sa lahat ang pagsisimba ng magkakasama tuwing Linggo. Ano ang ipinakikita ng
pamilyang ito na dapat mong tularan?
a.Buo at matatag
b. May disiplina ang bawat isa
c.Nagkakaisa sa paraan ng pagsamba sa Diyos
d.Hindi nagkakaroon ng alitan kailanman
9. Bilang isang tao saan sa mga sumusunod ang may pinakamalaking impluwensiya
sa katangian mo ngayon?
a. Mga barkada b Mga guro c Pamilya d.Paaralan
10. Batay sa iyong sariling karanasan, kailan mo masasabi na ang isang anak ay
malapit sa Diyos at may takot sa paggawa ng kasamaan?
a. Kung ang pamilya ay pinapaniwala na pinaparusahan ng Diyos ang
taong gumawa ng kasamaan.
b. Kung ang pamilya ay laging nagsisimba
c. Kung ang mga anak ay tinuturuan ng magulang ng mabuting asal at
pananampalataya sa maykapal.
d. Kung ang mga magulang ay nagdidisiplina.
5
Balikan
Panuto: Basahin at unawaing mabuti ang bawat pangungusap na angkop sa mga
gawain o tungkulin na dapat gampanan sa mga kasapi ng pamilya. Isulat
ang tsek (/) o ekis (X) sa patlang.
1. Haligi at sandalan ng pamilya.
2. Haligi at sandalan ng inuman at barkada.
3. Ilaw ng tahanan at ilaw ng party.
4. Inaasikaso ang gawaing bahay.
5. Gumagabay at nagtuturo ng magandang asal sa mga anak.
6. Naglalaan ng oras para sa pamilya
7. Nakikinig at sumusunod sa magulang.
8.Nag-aaral ng mabuti.
9.Nagpaplano para sa ikakaunlad ng pamilya.
10. Nagbibilang ng mga nagawa sa gawaing bahay.
Mga Tala para sa Guro
Basahin at ipaunawa ng mabuti ang mga panuto sa bawat
hakbang at gawain. Ipaalala sa mag-aaral na gumamit ng
hiwalay na papel sa pagsulat ng kanilang mga sagot sa mga
Gawain.Lahat ng sagutang papel at mga proyektong nagawa at
ipapasa sa guro upang mabigyan ng nararapat na marka.
6
Tuklasin
Bawat kasapi ng pamilya ay may bahaging ginagampanan. Madalas nga
lamang ay hindi na nabibigyang-pansin sa isang pamilya ang kontribusyon ng
bawat isa, maliit man ito o malaki. Sa pagkakataong ito ay maglalaan ka ng
panahon upang isa-isahin ang mga naiiambag ng mga kasapi ng iyong sariling
pamilya para sa iyong sarili, para sa mga kapwa kasapi ng pamilya, para sa buong
pamilya at maging para sa pamayanan.
Panuto: 1. Gumuhit ng isang bahay na nagpapakita ng mahahalagang bahagi nito.
2. Gamitin ang istruktura ng bahay o maging ang ilang kagamitan na naririto
upang ilarawan mo ang bawat kasapi ng iyong pamilya at ang
mahahalagang kontribusyon nila sa iyo sa iba pang kasapi ng pamilya, o sa
buong pamilya.
HALIMBAWA:
7
Suriin
Ang isang Pilipino
ay bahagi ng kanyang
pamilya. Kahit siya ay doktor,
manunulat, siyentipiko, o
ano pa man, nananatili
siyang ama o anak,
pamangkin o apo, sa loob
ng kanyang pamilya. Dito ay
iba ang kanyang
katungkulan at ang
pagkakakilala sa kanya. Sa
lahat ng oras ay pangunahin
sa kanya ang kanyang
tungkulin bilang kasapi ng isang pamilya.
Ang pinakaubod ng pamilyang Pilipino ay ang ama, ina at mga anak. Ang
ama ang pinakapuno ng pamilya. Siya ang nasusunod at nagpapasya para sa
pamilya. Sa kabilang dako ay tungkulin niyang pakainin, bigyan ng matitirhan at
papag- aralin ang mga miyembro ng kanyang pamilya. Kaya siya ang
nagtatrabaho at kumikita ng pera. Ang ina naman ang bahala sa bahay at sa pag-
aalaga ng mga bata. Siya ang humahawak ng pera ng pamilya at pinagkakasya
ito sa pangangailangan ng pamilya. Ang mga anak naman ay may responsibilidad
rin. Sagutin nila ang mahusay na pag-aaral at ang pagtulong sa bahay.
Kasama rin sa pag-aalala ng pamilya ang lolo at lola, ang mga kapatid ng
ama at ina, lalo na’t ang mga ito’y nakababata. Kadalasa’y sama-sama sa isang
bahay ang lolo at lola, ang ama at ina, at ang mga anak. Kung minsa’y kapisan din
ang wala pang asawang kapatid ng ama o ina. Kapag ganitong kumpleto ang
pamilya’y tatlong salin-lahi ang nakatira sa iisang bahay. Tulung-tulong sila sa mga
gawain at sa paghahanap-buhay.
Mahalagang
Bahagi Ng Bahay
Kasapi ng Pamilya
Mahahalagang Kontribusyon
haligi ama Nagtatrabaho para sa pamilya.
8
Ano nga ba ang pamilya?
Ayon kay Pierangelo Alejo (2004),ang pamilya ang pangunahing institusyon sa
lipunan na nabuo sa pamamagitan ng pagpapakasal ng isang klalaki at babae
dahil sa kanilang walang pag-iimbot, puro at romantikong pagmamahal kapuwa
nangakong magsasama hanggangn sa wakas ng kanilang buhay.
BAKIT ITINUTURING NA NATURAL NA INSTITUSYON ANG PAMILYA?
• Ang pamilya ay pamayanan ng mga tao ( community of persons ) na kung
saan ang maayos na paraan ng pamumuhay ay nakabatay sa ugnayan.
• Nabuo ang pamilya sa pagmamahalan ng isang lalaki at babaeng
nagpasiyang magpakasal at magsama ng habambuhay.
• Ang pamilya ang una at pinakamahalagang yunit ng lipunan. Ito ang
pundasyon ng lipunan at patuloy na sumusuporta rito dahil sa gampanin
nitong magbigay-buhay.
• Ang pamilya ang orihinal na paaralan ng pagmamahal.
• Ang pamilya ang una at hindi mapapalitang paaralan para sa
panlipunang buhay (the first and irreplaceable school of social life).
Ang bawat isang sanggol na ipinanganganak sa mundo sa bawat
segundo ay nagmumula sa isang pamilya.
Sa pamilya binibigyang – halaga ang kasapi dahil sa pagiging tao niya
hindi dahil sa kanyang kontribusyon o magagawa sa pamilya.
Ang pamilya ang pinakaepektibong paraan upang gawing makatao at
mapagmahal ang lipunan. May orihinal na kontribusyon ito sa pagtatayo ng
mundo sa pamamagitan ng pangangalaga at pagtuturo ng mga
pagpapahalaga.
Ang pamilya ay mayroong misyon na bantayan, ipakita at ipadama ang
pagmamahal. Ito ay itinatag bilang isang malapit na komunidad ng buhay at
pagmamahal.
Nilikha ng Diyos ang tao bunga ng kaniyang pagmamahal at tinawag
siya upang magmahal, kaya’t likas ang pagmahal sa tao. Ang isang lalaki at
babae na nagpasiyang magpakasal at magsama habambuhay ay
tumutugon sa tawag ng Diyos na magmahal.
9
Hindi nilikha ang pamilya para sa kapakanan ng mga miyembro lamang.
Mayroon itong tungkulin sa liunan kung saan ito ay isang mahalagang bahagi.
• May panlipunan at pampolitikal na gampanin ang pamilya.
• Mahalagang misyon ng pamilya ang pagbibigay ng edukasyon,
paggabay sa mabuting pagpapasiya at paghubog ng
pananampalataya.
Pagyamanin
A. Isulat ang salitang TAMA kung ito ay nagpapakita ng wastong pahayag,
MALI naman kung hindi. Isulat ang sagot sa papel.
1. Ang pamilya ay mayroong misyon na dapat bantayan, ipakita, at ipadama
ang pagmamahal.
2. Nilikha ng Diyos ang tao bunga ng kaniyang pagmamahal at tinawag siya
upang magmahal.
3. Ang bawat isang sanggol na ipinanganganak sa mundo sa bawat Segundo
ay hinde nagmumula sa isang pamilya.
4. Sa pamilya, binibigyan –halaga ang kasapi dahil pa pagiging tao nya, sa
kaniyang kontribusyon o magagawa sa pamilya.
5. Ang pamilya ang pinakaepektibong paraan upang gawing makatao at
mapagmahal ang lipunan.
B. Isa-isahin mo ang iyong mga karanasan sa pamilya na kapulutan ng aral o
may malaking epekto/ impluwensiya sa iyong sariling pagkatao.
Halimbawa:
Sa bahay, ako ang inaatasan na tagaluto ng aming pagkain pero minsan hindi ko
nagampanan dahilan na napagalitan at napalo ako.
1.
2
3.
4
5
Bukod sa pagkakaroon ng anak my pananagutan ang mga magulang na
gabayan ang mga anak upang lumaki at umunlad ito sa mga
pagpapahalaga at maisabuhay ang misyon ng Diyos para sa kanya.
10
Isaisip
Panuto: Isa-isahin mo ang iyong mga karanasan sa pamilya na iyong nakapulutan
ng aral o nagkaroon ng positibong impluwensya sa iyong sarili. Piliin at
isulat sa patlang ang titik sa bawat larawan na angkop sa pangungusap.
A B C D E
1.Mula pagkabata alam ko kung gaano kasarap kasama ang pamilya sa
paglalaro.
2.Ang aking pamilya ay nagtutulungan sa mga gawaing bahay.
3.Ang aking pamilya ay palaging nagkakasama kumakain sa hapag- kainan.
4.Sa bawat pagkakataon ang aking pamilya ay nagkakasama sa
pagdadarasal.
5.Ang aking pamilya ay palaging namamasyal buo at masaya.
6. Tinuturuan ako ng aking mga magulang na magpasalamat sa kahit anong
biyaya mula sa Diyos.
7. Kami ay pumupunta sa iba’t ibang lugar kapag walang trabaho ang aking
mga magulang.
8. Kami ay naglalaro sa bahay dahil bawal lumalabas ang mga bata ngayon
may pandemia.
9. Marami kaming natutunan mga gawaing bahay ngayon may pandemia.
10. Palaging nagluluto ng mga masasarap na pagkain si Nanay ngayon may
pandemia.
11
Isagawa
Panuto: Gamitin ang pagkamalikhain sa paglalarawan ng iyong pamilya.
Pumili ng isa na maaaring gawin ng mga sumusunod.
Gumuhit o di kaya ay
gumupit ng mga larawan na
maaaring magamit sa
paglalarawan.
Pumili ng isang awit na
tutugma sa sariling
paglalarawan.
Sumulat ng tula.
d.Lumikha ng isang slide show.
12
Tayahin
Panuto: Isulat sa patlang ang T kung tama ang ipinahahayag sa pangungusap at M
kung mali.
1. Ang tahanan ang huli at pinakamahalagang paaralan.
2. Ang pangunahing layunin ng pag-aasawa ay pagkakaroon ng anak.
3. Tunay na malaki ang bahagi ng magulang sa paghubog ng pag-uugali
at pananaw ng kanilang mga anak.
4. Mahalaga ang pag-ibig sa buhay ng tao.
5. Malayang ibinibigay ng ama ang kanyang kakayahan sa
paghahanapbuhay upang matustusan niya ang pangangailangan sa
kanyang mga anak.
6. Malayang ibinibigay ng ina ang hindi pag-aasikaso sa kanyang asawa at
pag-aaruga sa mga anak.
7. Malayang ibinibigay ng mga anak ang hindi pagsunod at paggalang sa
kanilang mga magulang.
8.Ang uri ng samahan at pakikitungo sa bawat isa sa pamilya ay
pagsasanay ng kanilang pakikitungo sa ibang tao.
9. Ang edukasyon ang magbibigay-daan sa mga anak na magkaroon ng
mayamang isip, maging sandal laban sa kamangmangan at maging
bahagi ng isang lipunang bubuo ng mga mamamayang may
sarilingpaninindigan.
10. Sa pamilya unang natutuhan ang pakikipagkapwa
13
Karagdagang Gawain
Sagutin:
Paano ko maipakita ang pagmamahal, pagtututlungan at
pananampalataya sa aking pamilya sa pagharap sa mga hamon sa
buhay lalo na sa ating kinaharap ng “Pandemic crisis” o “ COVID 19”
ngayon?
14
Susi sa Pagwawasto
15
Sanggunian
*Pinoy Collection.com //tungkol sa pamilya
*https://www.google.com/search?q=mga+larawan+ng+pamilya&rlz=1C1CHBF
* http://digitalwriting101.net/content/how-to-use-windows-moviemaker-to-
compose-a-photo-essay/.
*Book of Edukasyon sa pagpapakatao . modyul para sa mga mag-aaral .
Ikawalong baitang. Unang edisyon 2013
Para sa mga katanungan o puna, sumulat o tumawag sa:
Department of Education, Region VII, Division of Cebu Province
Office Address: IPHO Bldg.,Sudlon, Lahug, Cebu City
Telefax: (032) 255-6405
Email Address: [email protected]