Upload
others
View
37
Download
0
Embed Size (px)
Citation preview
UNIVERSITETI I GJAKOVËS "FEHMI AGANI"FAKULTETI I EDUKIMIT - PROGRAMI FILLOR
PUNIM DIPLOME
Tema
Ndryshimet dhe shkaqet psikologjike të personalitetit gjatë jetës së njeriut
Udhëheqësi shkencor: Studentja:
Prof.ass.dr. Behxhet Gaxhiqi Donika Osmanaj
Gjakovë, 2017
2
Ky punim diplome u mbrojt më ______________________________
Para komisionit vlerësues në përbërje:
1._____________________________kryetar
2._____________________________ anëtar
3._____________________________ anëtar
Komisioni e vlerëson punimin me notën: _________________________
Nënshkrimet e anëtarëve të Komisionit Vlerësues:
1.______________________________
2.______________________________
3.______________________________
3
Falënderime dhe mirënjohje
Ky punim diplome do të ishte i pamundur të realizohej pa ndihmën dhe mbështetjen e
personave që më kanë bërë të mundur këtë rrugëtim kaq të vështirë dhe sfidues. Një
falënderim dhe mirënjohje e veçantë i takon udhëheqësit tim shkencor, prof.ass.dr. Behxhet
Gaxhiqi, i cili me profesionalizëm, mbështetje të jashtëzakonshme dhe me ndihmën e çmuar,
që më ofroi përgjatë gjithë punës sime,bëri të mundur finalizimin e punimit tim të diplomës.
Ndihma e tij ka qenë e vazhdueshme dhe e pakursyer.
Faleminderit të gjithëve për mbështetjet pa kushte, për kohën që ma keni kushtuar dhe për
mirëkuptimin që keni treguar. Mbështetja juaj ka qenë burim i energjive pozitive dhe
frymëzim për përfundimin e këtij punim të rëndësishëm.
Në fund, por jo më pak e rëndësishme, dëshiroj t'i shprehë mirënjohje të thellë familjes
sime të cilës i detyrohem shumë për gjithë kontributin e vazhdueshëm dhe për finalizimin me
sukses të këtij rrugëtimi.
Faleminderit të gjithëve!
4
Përmbajtje
Falënderime dhe mirënjohje.......................................................................................................3
Abstrakt......................................................................................................................................5
Hyrje ..........................................................................................................................................6
1. Kuptimet e personaliteti .........................................................................................................7
2. Faktorëtqë ndikojnë në formimin e personalitetit ..................................................................8
2.1. Faktorët social .................................................................................................................9
2.2. Faktorëtkulturorë............................................................................................................10
3. Etapat e zhvillimit të personalitetit ......................................................................................11
3.1. Etapa e fëmijërisë...........................................................................................................11
3.2. Etapa e adoleshencës......................................................................................................12
3.3. Etapa e pjekurisë ............................................................................................................13
3.4. Etapa e pleqërisë ..............................................................................................................14
4. Temperamenti dhe tipat e tij ...............................................................................................15
4.1. Tipologjia e Jungut ........................................................................................................17
4.2. Tipologjia e Kreçmerit ...................................................................................................18
4.3. Tipologjia e Sheldonit....................................................................................................18
5. Karakteri ..............................................................................................................................20
Përfundim.................................................................................................................................22
Literatura..................................................................................................................................24
5
Abstrakt
Synimi kryesor i këtij punimi është njohja me ndryshimet dhe faktorët që ndikojnë në
formimin dhe zhvillimin gjatë jetës së njeriut. Këto ndryshime personaliteti i pëson gjatë
kalimit nëpër etapa, të cilat janë: etapa e fëmijërisë, adoleshencës, pjekurisë dhe faza e fundit
nëpër të cilën kalon personaliteti është etapa e pleqërisë. Në këtë punim jepen shpjegime
adekuate për këto etapa në të cilat kalon një individ. Që nga lindja çdo individ fillon të
formojë dhe të zhvillojë personalitetin, duke u ndikuar nga faktorë të ndryshëm dhe mjedisi
shoqërorë.
Në këtë punim shtjellohet se si faktorët lënë gjurmë të pashlyeshme në zhvillimin dhe
formimin e personalitetit. Gjithashtu, në këtë punim, tregohet se jo të gjitha ndryshimet fizike
dhe psikike janë të njëjta të secili individ, që varet, në radhë të parë, nga vetë individi, pastaj
nga rrethi ku jeton dhe me mjedis me të cilin është në kontakt të vazhdueshëm.
Mbledhja e informacioneve u realizua nga literatura adekuate dhe në mënyrë elektronike.
Fjalët kyçe: kuptimet, faktorët, etapat, temperamenti, karakteri.
6
Hyrje
Çdo individ është pjesë e shoqërisë dhe lind në një familje, në një rreth të caktuar dhe
është çdo ditë në kontakt me të tjerët dhe kjo i ndihmon në formimin e personalitetit.
Zakonisht kur flasim për personalitetin e dikujt, ne flasim për atë çka e bënë këtë individ
të ndryshëm nga njerëzit e tjerë, madje unik.1 Rruga e zhvillimit dhe formimit të personalitetit
është e gjatë dhe komplekse. Ky zhvillim nënkupton procesin e vazhdueshëm të ndryshimeve
cilësore, në tiparet, strukturën, organizimin dhe lidhjen e tyre në personalitetin e caktuar të
individit. Mbi të gjitha nënkupton një varg ndryshimesh që zënë vend të caktuar në një
vazhdimësi kohore.
Askush nuk lind me personalitet të formuar, por cikli i jetës së personalitetit fillon me
lindjen e individit. Ky cikël përbëhet nga katër etapa të cilat janë: etapa e fëmijërisë, e
adoleshencës, e pjekurisë dhe etapa e fundit, nëpër të cilën kalon personaliteti, është ajo e
pleqërisë. Secila prej këtyre etapave luan një rol të rëndësishëm në jetën e njeriut.
Personaliteti i njeriut formohet ndërmjet veprimit dhe ndikimit të ndërsjellë të njeriut dhe
mjedisit që e rrethon. Shumë ekspertë të psikologjisë mendojnë se rol vendimtar në formimin
e cilësive të personalitetit luajnë kushtet e jetës familjare, në ditët e para si fëmijë, por edhe
etapat tjera kanë një rol vendimtarë në atë se si formohet një individ. Kalimi nga një etapë në
etapën tjetër kërkon një përshtatje, e cila perceptohet si zhvillim dhe që shpesh herë mund të
shoqërohet me vështirësi të shumta.
Pothuajse, çdo ditë kemi të bëjmë me njerëz të ndryshëm, me tipare dhe karaktere që nuk
janë të njëjtë dhe ndikimi i tyre te ne është i madh. Në këtë punim do të trajtojmë edhe
temperamentin dhe karakterin si temë mjaft komplekse, për këtë arsye kam marrë për obligim
të hulumtoj për këtë çështje me të cilën përballemi çdo ditë.
1Dr. C. George Boeree, Teoritë e personalitetit, Tiranë, 2004, f. 9.
7
1. Kuptimet mbi personalitetin
Kuptimi mbi personalitetin është një ndër problemet themelore të psikologjisë që nga
lashtësia e deri më sot. Me termin personalitet (lat. persona-maskë) kuptohej një maskë që
vinin aktorët në skenë që të mos njiheshin dhe me këtë emërtim filluan të cilësoheshin aktorët
e skenës. Me kalimin e kohës, kuptohej se njerëzit e ndryshëm, në ambiente të ndryshme,
kryenin funksione të ndryshme dhe në këto rrethana as njerëzit nuk ishin të njëjtë, ashtu siç
nuk ishin as rolet, as punët që bënin.
Kjo e veçantë unike për të gjithë përbënte burimin e informacionit rreth një personi të
caktuar, duke na dhënë ˝portretin˝ e tij. Kështu u arrit në kuptimin e personalitetit.
Personaliteti është shembull unik i mendimeve, ndjenjave dhe sjelljeve të një individi, që del
në pah vazhdimisht gjatë kohës dhe ndërmjet situatave.2
Përgjithësisht, kuptimi mbi personalitetin jepet në aspektin psikologjik dhe në atë
sociologjik. Në aspektin psikologjik personaliteti e trajton atë si njeri me vetëdije, një njeri
konkret e normal që formohet në kushte dhe rrethana të caktuara nën ndikimin e shumë
faktorëve, që zënë vend në shoqëri. Në aspektin social, me personalitet, kemi të bëjmë me
një njeri të shquar që jep kontributin e tij në fusha të caktuara të veprimtarisë njerëzore, p. sh
në shkencë, art, kulturë, politikë, ushtri etj.
Ka shumë përkufizime për personalitetin, por një që i kënaqë të gjithë në psikologji është:
Personaliteti është tërësi e organizuar e tipareve, inteligjencës, karakterit, të konstruktit trupor
dhe të temperamentit, e cila ka karakteristika relativisht të qëndrueshëm dhe formohet gjatë
veprimtarisë së ndërsjellët të njeriut dhe të mjedisit të tij.
Një tërësi e tillë tiparesh ka tri karakteristika:
1.Integritetin e tipareve të personalitetit. Kjo lidhet me tërësinë e organizuar të tipareve të
shquara në formë të ndryshme të sjelljes.
2. Qëndrueshmërinë e tipareve të personalitetit. Kjo ka të bëjë me ngjashmërinë e sjelljeve të
njeriut në situata thuajse të ngjashme.
2Charles G. Morris, Albert A. Maisto, Psikologjia, Tiranë, 2008, f. 354.
8
3. Veçantia e personalitetit që lidhet me unitetin e tipareve karakteristike dhe ndërlidhjeve të
tyre, në bazë te të cilave një individ ndryshon nga një tjetër3
Shumica e studiuesve e pranojnë se kuptimi mbi personalitetit si një organizëm i cilësive të
njeriut, por jo me një organizëm të çfarë do cilësie që mund të ketë një person dhe as me
shumën e cilësive të thjeshta të një individi, por me ato më të veçanta që një person mund të
posedojë. Personaliteti nuk është i lindur dhe i trashëguar, cilësitë që e përbëjnë atë formohen
gjatë jetës, kështu që trashëgimia është parakusht në formimin e njeriut dhe personalitetit të
tij.
2. Faktorët që ndikojnë në formimin e personalitetit
Sikurse të gjitha funksionet psikike edhe personaliteti e ka bazën e vet biologjike, sepse
çdo njeri lind me karakteristika trashëguese të caktuara. Edhe pse faktorët biologjik kanë
rëndësi të posaçme për zhvillimin e personalitetit, janë vetëm bazë e nevojshme për
zhvillimin e mëtejmë të tij. Rol vendimtar luajnë faktorët e rrethit, e para se gjithash, faktorët
social.4
Numri i faktorëve, si ndikim në bazën e dhënë biologjike për formimin e cilësive të
personalitetit është mjaft i madh si : ambienti dhe kushtet familjare ( në të cilën rritet fëmija),
shkolla, moshatarët, mësuesi, të njohurit, shoqëria në të cilën ai është anëtar dhe roli që ka në
to, literatura dhe filmat, marrëdhëniet bashkëshortore, profesioni dhe shumë të tjerë.
Kushtet socio kulturore luajnë rol të rëndësishëm mbi procesin mësimor të fëmijës. Në
kuadër të këtyre kushteve, fëmija zhvillohet dhe mëson individualisht. Ndryshimet
individuale më së miri vërehen te fëmijët, që lindin e rriten në të njëjtën familje. Rrethanat e
caktuara, në të cilat rritet fëmija, paraqesin një faktor tjetër të rëndësishëm, që mund të
ndikojë mbi procesin e zhvillimit të tij.5
3 Ma. Arben Hoti, Psikologji e personalitetit-Cikël leksionesh, Prishtinë, 1985, f. 7.4http://mobile.ikub.al/Femra/Mbi-personalitetin-1005180071.aspx5QTKA, Mësimdhënia në qendër nxënësin, Tiranë, 2005, f. 30.
9
2.1. Faktorët social
Formimi i personalitetit lidhet ngushtë me faktorin social, sepse kemi të bëjmë me
ndikimin e faktorëve social mbi bazën e të dhënave biologjike. Kushtet sociale, sidomos
aktivitetet me njerëz, janë të domosdoshme për t'u zhvilluar individualiteti njerëzor në qenien
humane, pra në qenien e cila ka karakteristika.6
Kur flasim për faktorët e edukimit të personalitetit, zakonisht, kemi parasysh familjen,
mikromjedisin social pedagogjik dhe shkollën. Faktori që është më i afërt me fëmijën është
familja, e cila mendohet se ndikon që në ditët e para të fëmijërisë që të zhvillohet
personaliteti. Jo vetëm ditët e para të fëmijërisë ndikojnë në formimin e personalitetit, por
edhe periudha e adoleshencës apo e rinisë ka ndikim në këtë proces, në të cilin fëmija kalon
në stadin e pavarësisë në mendime, në veprime në jetë, natyrisht paraqet një pavarësi
graduale e relative nga familja e prindërit.
Familja është bashkësi primare njerëzore, ku individi takohet me kushtet e jetës shoqërore,
të cilat ia përcaktojnë atij kornizën, në të cilën mund të zhvillohet ai person, ndërsa nga kjo
mund të themi se personaliteti njerëzor formohet në procesin e ndërveprimit shoqëror.7
Një faktor tjetër shumë i rëndësishëm, që kontribuon në zhvillimin e personalitetit është
shkolla. Shkolla përbën për fëmijën një mjedis të ri social. Nga pozicioni ynë i përgjithshëm
psikologjik ne vlerësojmë që në saje të marrëdhënieve dialektike që zhvillohen ndërmjet
subjektit dhe mjedisit të tij, ndërtohet personaliteti i një subjekti. Të ”shkosh në shkollë” do të
thotë të frekuentosh një mjedis të ri, të përdoresh dhe të zhvillosh aspekte të reja të
personalitetit. Në marrëdhëniet sociale të individit me individë të tjerë, të cilët nuk janë
bashkëmoshatarë të tij, zbulohen forma të reja të të mësuarit, personaliteti i individëve
pasurohet me përbërës të ri. Personaliteti zhvillohet në një shoqëri të vogël të strukturuar
sipas moshës së secilit fëmijë.8
6http://www.sa-kra.ch/mbi_personalitetin.htm7 Ma. Arben Hoti, Psikologji e personalitetit-Cikël leksionesh, Prishtinë, 1985, f. 22-24.8 Dava Pёrlala, Psikologjia e edukimit, Tiranё, 2008, f. 31-33.
10
2.2. Faktorët kulturor
Secili mjedis shoqëror dhe ekonomik, secila bashkësi, secili komb ka kulturën e vet.
Ndërmjet mjedisit kulturor dhe tipareve të personalitetit ekziston një ndërlidhje e ngushtë.
Pjesëtarët e një mjedisi kulturor kanë veti të sjelljeve, qëndrimeve dhe vlerave sociale të
përbashkëta, sepse burojnë nga një mjedis kulturor, që ka zakone, tradita, qëndrime, vlera
sociale etj., që është karakteristikë për atë mjedis. Në mjedisin e caktuar kulturor zhvillohet
familja, shkollat e të gjitha niveleve, te të gjitha tipave, sikurse edhe institucionet e tjera
kulturore, ekonomike, sociale e fetare. Këto institucione kanë një themel kulturor, zakone,
tradita, vlera, që mbi të gjitha nga këtu fillon zhvillimi dhe formimi i personalitetit. Shumë
fise kanë sistem vlerash kulturore të përbashkëta, mirëpo arkeologët kanë argumentuar se
këto fise ndryshojnë nga njëri-tjetri nga tiparet e sjelljeve të pjesëtarëve të tyre.
Në mjediset me kultura të ndryshme formohen personalitete tiparesh të ndryshme, që janë
karakteristikë për mjedisin e caktuar. Ose secili mjedis kulturor riprodhon personalitete sipas
sistemit të vlerave kulturore të tij. Për këtë shkak zhvillimi dhe formimi i tipareve të
personalitetit mbështetet në një themel të përbashkët, pak a shumë të ngjashëm të zhvillimit
të sistemit të sjelljeve të caktuara kulturore.
Sistemi i përbashkët kulturor ka rregulla, parime dhe norma të veçanta të sjelljeve
kulturore të pjesëtarëve të tij dhe mbi to zhvillohen dhe formohen tiparet e personalitetit, që
përputhen kryesisht me kërkesat kulturore të mjedisit të tyre. Sistemi i vlerave kulturore të
një vendi përcakton pozitën dhe rolin e secilit individ në atë sistem, kurse pjesëtarët e asaj
shoqërie, të atij institucioni orvaten t'ia përcaktojnë pozitën dhe rolin e secilit individ sipas
aktivitetit konkret dhe vijueshmërisë së atij aktivitetit.9
9 Ma. Arben Hoti, Psikologji e personalitetit- Cikël leksionesh, Prishtinë, 1985, f. 29-31.
11
3.Etapat e zhvillimit të personalitetit
Zhvillimi i personalitetit ndahet në katër etapa të cilat janë: etapa e fëmijërisë, etapa e
adoleshencës, etapa e pjekurisë dhe etapa e pjekurisë. Secila prej këtyre etapave ndryshon,
sepse ka të bëjë me moshë të ndryshme që nga lindja deri në vdekje.
3.1.Etapa e fëmijërisë
Etapa e zhvillimit të fëmijërisë shtrihet nga lindja e deri në moshën 13-15 vjeçare,
përkatësisht deri në moshën e pubertetit. Kjo periudhë shquhet me zhvillim të hovshëm
organik të fëmijës, është fazë e zhvillimit të shpejtuar organik, social, intelektual, emocional
dhe psikomotorik. Zhvillimi integral i individit në këtë moshë realizohet përmes një klime të
ngrohtë në familje. Gjatë periudhës së fëmijërisë zhvillimi i personalitetit është mjaft
dinamik.10
Studimet kanë treguar, se kushti më i mirë për zhvillimin e personalitetit të pjekur dhe të
shëndoshë, është qëndrimi i përzemërt dhe i ngrohtë i prindërve, por edhe njëfarë rigorozitetit
në evitimin e pasojave të pakënaqshme të reaksioneve te fëmijët. Moment tjetër i
rëndësishëm për zhvillimin e cilësive të personalitetit është fillimi i parë shkollor, që përbënë
një ndër bazat shumë të rëndësishme në zhvillimin e personalitetit dhe karakterit të
mëvonshëm të individit. Ardhja e fëmijës në shkollë, është ardhja në një rreth të ri, me
kërkesa të reja dhe me më shumë obligime, në të cilat ai duhet të gjendet, pasi ato ndryshojnë
dukshëm prej kërkesave familjare me të cilat ai është mësuar.11
Nga pikëpamja sociale, fëmija bëhet më pak i varur nga prindërit e tij dhe më shumë i
ndjeshëm ndaj moshatarëve. Zhvillimi kognitiv vazhdon të bëhet më shpejt, kur fëmija i
afrohet fundit të periudhës së fëmijërisë. Fëmijët përjetojnë ndikimin e fortë dhe madje
presionin e fëmijëve të tjerë të moshës së tyre. Nëse fëmijët e ndjejnë se moshatarët e tyre i
10www.Forumivirtual.net/psikologjia-60/zhvillimi-i-individit-n-p-r-etapa-453011http://www.sa-kra.ch/mbi_personalitetin.htm
12
duan ata do të kenë besim te vetja dhe do të përfshihen në më shumë sjellje pozitive. Por,
nëse ata refuzohen prej moshatarëve të tyre mund të bëhen agresiv dhe të padisiplinuar.12
3.2.Etapa e adoleshencës
Etapa e adoleshencës shtrihet nga mosha 13-22 të jetës së njeriut. Në këtë kohë individi
pëson ndryshime trupore, sociale dhe psikologjike të rëndësishme.13
Kjo periudhë karakterizohet me dy zhvillime të rëndësishme ato janë: zhvillimi fiziologjik
dhe ai social. Në zhvillimin fiziologjik kemi të bëjmë më rritjen e trupit, shtimin e peshës,
paraqitjen e karakteristikave seksuale dhe shumë kriza psikologjike shfaqën në këtë etapë. Në
zhvillimin social paraqiten interesime dhe qëndrime të reja mbi jetën, zhvillohet ndjenja e
vetëdijes dhe nevoja e pavarësimit si dhe formohen pikëpamje mbi çështjet e rëndësishme
shoqërore etj.
Një rol të veçantë në personalitetin e adoleshentit luan kryesisht familja, falë mënyrës së
komunikimit të vendosur mes prindërve dhe adoleshentit. Familja vazhdon të luajë rolin
primar në edukimin e adoleshentit. Ajo formon jo vetëm përfytyrimet fillestare për të mirë
dhe të keqën , por edhe për atë që lejohet e nuk lejohet mbi bazën e edukimit moral.14
Gjatë adoleshencës kalohet nëpër një sërë momentesh të rëndësishme fizike. Më i dukshmi
është vrulli i rritjes, një shtim i shpejtë i gjatësisë dhe peshës. Kjo periudhë karakterizohet jo
vetëm nga ndryshimet fizike të një trupi që zhvillohet, por edhe nga shumë ndryshime
kognitive dhe social-emocionale. Adoleshenca, në mënyrë të pashmangshme, shoqërohet
edhe me stres të madh, që lidhet me shkollën, familjen dhe moshatarët.15
Një nga burimet e tensionimit të adoleshentëve vjen nga fakti që ata piqen fizikisht dhe
seksualisht shumë vite përpara se ata të piqen në pikëpamje psikologjike dhe shumë më
përpara sesa koha kur bëhen të gatshëm financiarisht të përballojnë përgjegjësitë, që rrjedhin
nga martesa dhe rritja e fëmijëve. Për të kaluar veprimet specifike, shpesh bëhen kritik ndaj
12Terry F. Pettijohn, Psikologjia, Tiranё, 1996, fq.87.13Pajazit Nushi, Psikologjia e pёrgjithshme II, Prishtinё, 1999, f.143.14http://telegrafi.com/personaliteti-ne-moshё-e-adoleshences/15Charles G. Morris, Albert A. Maisto, Psikologjia shkenca e proceseve mendore dhe e sjelljes njerëzore,Tiranë, 2008, f. 331-332.
13
njerëzve, veprimet e të cilëve vinë në kundërshtim me parimet e tyre. Adoleshentët
dëshirojnë të projektojnë një botë më të mirë dhe mendimi ua mundëson këtë gjë. Gjithashtu,
ata janë në gjendje të imagjinojnë një numër të madh perspektiva të mundshme për të
ardhmen e tyre dhe përpiqen të vendosin se cila është më e mira për ta.16
Për kapërcimin e kësaj etape, e cila është e mbushur me trauma e probleme të ndryshme
psikike e fizike dhe për marrjen e kahjes vendimtare drejt cilësive të qëndrueshme të
personalitetit ( qoftë pozitive, apo negative ), ndikim parësor luajnë: faktorët e fëmijërisë së
hershme, qëndrimet e prindërve dhe të edukatorëve, pikëpamjet dhe normat shoqërore, si dhe
shumë faktorë të tjerë social.17
3.3.Etapa e pjekurisë
Faza e pjekurisë së personalitetit shtrihet prej moshës 20-65 vjeçare. Kjo është koha e
stabilizimit të personalitetit, përkatësisht e organizimit të tipareve të tij në një "organizëm"
psikik të tërësishëm. Tash bota e brendshme e individit ka unitet, përjetohet si tërësi
përvojash e përjetimesh specifike. Pas moshës 20 vjeçare, integriteti dhe identiteti i
personalitetit me veçoritë individuale dhe me konsekuencën e sjelljeve të tij, zhvillohet më
tepër në mbështetje të raporteve sociale dhe ekonomike, sesa mbi bazën biologjike të
personalitetit.
Faza e pjekurisë së personalitetit përfshin kohën më të gjatë dhe më produktive të
individit. Në këtë fazë individi formon kuptimin e jetës, të vlerave dhe të detyrimeve të saj,
sidomos në fushën e ngritjes së përgjegjësisë ndaj detyrimeve individuale dhe familjare dhe
ndaj të tjerëve.18.
Pjekuria është koha e marrjes së vendimeve. Në këtë etapë bëhet edhe zgjedhja dhe
zgjidhja e problemeve më të rëndësishme për jetën e njeriut si: zgjedhja e profesionit,
formimi i koncepteve mbi jetën, martesa dhe krijimi i familjes, që ngrit ndjenjën e
16 Anita Wolfolk, Psikologji e edukimit, Tiranё, 2010, f. 39-7917http://www.sa-kra.ch/mbi_personalitetin.htm18Pajazit Nushi, Psikologjia e pёrgjithshme II, Prishtinё, 1999, f. 144.
14
përgjegjësisë dhe i jep jetës kuptim më serioz në vazhdimësinë e formimit të mëtejmë të
cilësive të qëndrueshme të personalitetit.19
Rreth moshës 40 vjeç, njerëzit evoluojnë suksesin e tyre në bazë të arritjes së qëllimeve të
parashtruar, qysh në pjekurinë e hershme. Duke kuptuar, që tani e tutje më shumë nga koha,
do të mbetet prapa sesa përpara, sepse ata i cilësojnë vitet e mbetura si një vlerë në rritje.20
Personaliteti "nuk përcaktohet" në kohën kur individi arrin pjekurinë e plotë fizike në
moshën e rritur. Si një i rritur, individi duhet të përballojë dhe të mësojë që t'ia dalë mbanë
me sukses në shumë situata, që kanë të ngjarë të ndikojnë në personalitetin e tij siç janë:
martesa, karriera profesionale, rritja e fëmijëve, pensioni si dhe perspektiva e pleqërisë dhe të
vdekurit.21
3.4.Etapa e pleqërisë
Etapa e fundit nëpër të cilën kalon personaliteti është etapa e pleqërisë. Koha e pleqërisë
sot përcaktohet në momentin e përjetimit të sintomave të ngadalësimit dhe të ngecjes në
reagime, sidomos të regresit në plotësimin e motiveve biologjike, sociale dhe psikologjike.
Gjatë kohës së pleqërisë, personaliteti pas moshës 65 vjeçare, pëson ndryshime fizike,
shëndetësore, sociale e psikike.
Ndër ndryshimet më të dallueshme në këtë etapë janë: funksionet intelektuale, të cilat
vijnë duke u dobësuar vazhdimisht, interesimet dhe motivet personale humbin gradualisht
fuqinë e tyre, ndërsa të mbajturit në mend dhe riprodhimi i pleqëve është në proces të
dobësimit të vazhdueshëm. Atyre më lehtë u kujtohen situatat e përjetuara në rini se sa
situatat e përjetuara para disa ditësh.22
Këtë etapë e karakterizon personaliteti i mbyllur. Këta persona ndjehen të vetmuar e
shpeshherë edhe të tepërt në familjet e tyre. Personat e tillë kanë nevojë për ndihmën e
19http://www.sa-kra.ch/mbi_personalitetin.htm20Laura E. Berk, Zhvillimi pёrgjatё jetёs,Tiranё, 2001, f. 143.21 Terry F. Pettijohn, Psikologjia, Tiranё, 1996, f. 101.22Pajazit Nushi, Psikologjia e pёrgjithshme II, Prishtinё, 1999, f. 145-146.
15
tjerëve, pothuajse të gjithë kanë probleme shëndetësore, harrojnë shpejt, ndërsa për këto arsye
nevojitet angazhim më i madhe i shoqërisë ndaj këtyre personave që t'i kalojnë sa më lehtë
ditët e pleqërisë.
Përvoja shumë e pasur që kanë nga jeta iu mundëson atyre që me sukses t'i plotësojnë
kërkesat që kanë. Shumë persona e kanë të vështirë këtë etapë për arsye të frikës nga
përfundimi i jetës. Individët, që i përkasin kësaj etape, duhet t'ia përshtatin veprimtarinë e
tyre zvogëlimit të vazhdueshëm të aftësive fizike dhe atyre psikike. Këtu bënë pjesë edhe
përgatitja për vdekjen, si një proces i natyrshëm. Më përfundimin e kësaj periudhe përfundon
cikli i përbashkët i zhvillimit të personalitetit.
16
4.Temperamenti dhe tipat e tij
Temperamenti është aspekt i personalitetit, që është gjenetikisht i bazuar e i lindur përmes
të cilit paraqitet mënyra e mobilizimit të energjisë që një individ e ka në dispozicion. Kjo do
të thotë se temperamenti nuk kufizohet vetëm në mënyrën emocionale të reagimit, por edhe
në shpejtësinë, fuqinë dhe zgjatjen e reaksionit të individit në përgjithësi.23
Më çështjen e temperamentit të parët janë marrë grekët e vjetër. Filozofi dhe mjeku grek,
Hipokrati, i cili e ka bërë klasifikimin e parë të tipave të temperamentit, përshkrimin dhe
interpretimin e tyre.
Hipokrati mendonte se reagimet e njeriut janë të përcaktuara nga llojet e ndryshme të
lëngjeve në trupin e tij – gjaku, tëmthi i zi, tëmthi i verdhë dhe flegma. Kjo teori i prin po
kështu edhe vargut të teorive mbi tipat, sipas të cilave personaliteti varet nga konstitucioni
trupor dhe ai fizik. Ai mendonte se mënyra e përzierjes së lëngjeve varet se si do të jetë
temperamenti. Kjo përzierje është quajtur temperament që në latinisht kishte kuptimin
përzierje, masë e caktuar e gjërave të përziera.
Sipas Hipokratit temperamentet ndahen në katër tipa, të cilat janë: sanguinik, kolerik,
melankolik dhe flegmatik.
Tipi sanguinik i temperamentit është i qeshur dhe optimist, i këndshëm në shoqëri, komod
në punë. Sipas grekëve, tipi sanguin ka rezervë gjaku që nga latinishtja sangue kishte
kuptimin e gjakut. Sanguinët janë të ngrohtë, e të lagësht. Njerëzit sanguinë reagojnë shpejt,
ndjenjat e tyre nuk zgjasin shumë, ngaqë nuk janë të fuqishëm, por janë të qeshur, gazmorë,
karakterizohen nga reaksione të shpejta, janë të gjallë, kanë shumë nxitje, por frenim të mirë,
janë të gjindshëm për momentin, kanë intuitë të mirë, nuk mund t'i kesh miq përgjithmonë,
është i gatshëm të bëjë çdo gjë në çdo çast, por me karar, e marrin veten shpejt nga
përjetimet negative, janë optimist etj.
Tipi kolerik i temperamentit karakterizohet me fytyrë të zbehtë dhe muskuj të tensionuar.
Kolerikët janë tipa të ngrohtë dhe të thatë, shquhen për ndjenja të fuqishme, ndërmarrin
lehtësisht leksione, shpesh prekën, zemërohen e inatosen menjëherë. Karakterizohen nga
23Ma. Arben Hoti, Psikologji e personalitetit- Cikël leksionesh, Prishtinё, 1985, f. 88-90.
17
reaksionet të shpeshta, të papritura dhe të fuqishme, kanë shumë nxitje, por frenim të
dobët,janë të papërmbajtur, shpesh kryejnë sjellje apo veprime jo racionale dhe futen në
grindje me të tjerët, janë impulsiv, etj
Tipi flegmatik i temperamentit karakterizohet nga ngadalësia, përtacia dhe trishtimi. Emri
vjen nga fjala jargë. Flegmatikët janë të ftohtë e të lagshtë. Fizikisht, këta njerëz mendohen të
jenë disi të ftohët. Nuk kanë shumë nxitje, por kanë frenim të mirë, janë tipa racional,
mendimi i tyre është mjaft është mjaft i argumentuar, janë të urtë, të mençur, gjakftohtë, jo
shumë të ndjeshëm, ndjenjat e të cilëve manifestohen me vështirësi, kanë vetëbesim të vetja,
karakterizohen nga reaksione të dobëta e të ngadalshme.
Tipi i fundit është tipi melankolik. Këta njerëz priren të jenë të trishtuar, madje të
depresuar dhe kanë vizion pesimist për jetën. Melankolikët mendohet të jenë të ftohët e të
thatë, nuk kanë nxitje dhe kanë frenim të dobët. Karakterizohen nga reaksione të rralla, të
ngadalshme, por të fuqishme dhe reagojnë rrallë, por në ato pak raste kanë ndjenja intensive
që zgjasin në kohë. Vendimet i marrin me vështirësi, nuk janë shumë të zhdërvjellët, ndjenjat
e tyre bartin pakënaqësi, pikëllim dhe brengosje, janë tipa të dobët, shpesh këtu bëjnë pjesë
ata njerëz që etiketohen nga shoqëria me shprehje si të tilla si: qyqe, rrezik, njeri i mirë etj.24
Tipologjia e Hipokratit mbeti aktuale një kohë të gjatë deri në ditët e sotme. Ekzistojnë
edhe klasifikime të tjera të temperamentit ndërmjet të cilave dallohen klasifikimi i Jungut, i
Kreçmerit dhe i Sheldonit. Këto klasifikime mbështetën edhe në njësitë e tjera të
personalitetit dhe jo vetëm në cilësitë e temperamentit. Për këtë arsye, ato konsiderohen
tipologji të personalitetit.
4.1.Tipologjia e Jungut
Sipas psikiatrit dhe psikologut zviceran Karl Jung, qeniet njerëzore mund të ndahen në dy
tipa: ekstravert dhe introvert.
24 Ma. Arben Hoti, Psikologji e personalitetit- Cikël leksionesh, Prishtinё, 1985, f. 88-91
18
Ekstravertët e drejtojnë vëmendjen ndaj botës së jashtme. Zakonisht janë të qetë, kanë
vetëbesim dhe kanë dëshirë të flasin. Kur hasin në vështirësi, për ndihmë, u drejtohet të
tjerëve.
Introvertët janë tipa të kundërt me ekstravertët. Ata më së shumti i kushtojnë rëndësi botës
së tyre personale, janë të mbyllur në vete, të matur dhe botën e shikojnë subjektivisht.
Jungu i ndan njerëzit në individ racional, që i rregullojnë veprimet e tyre në të menduar
dhe në të ndjerë dhe individë irracional, që i bazojnë veprimet e tyre mbi perceptimet, qoftë
nëpërmjet shqisave ( ndijimit ) ose nëpërmjet proceseve të pavetëdijshme ( intuita ).
Shumica e njerëzve i shprehin katër funksionet psikologjike: të menduarit, të ndjerit,
ndjesinë, dhe intuitën. Njëra nga këto funksione, sipas Jungut, zakonisht mbetet
mbizotëruese. Personi që mendon që është racional dhe logjik vendos në bazë të fakteve.
Personi që ndjen është i ndjeshëm ndaj mjedisit rrethues, vepron me takt dhe ka ndjesi të
ekuilibruar vlerash. Tipi ndjesor bazohet kryesisht në perceptime sipërfaqësore dhe rallë
përdorë imagjinatën apo kuptimin më të thellë të gjërave. Tipi i fundit është tipi intuitiv. Ky
tip sheh përtej zgjidhjeve dhe fakteve të dukshme, për të parë mundësitë e ardhshme. Jungu
mendonte se zhvillimi psikik arrin pjekjen vetëm gjatë moshës së mesme.25
4.2.Tipologjia e Kreçmerit
Psikiatri gjerman Kreçmer, personalitetin e paraqet në lidhje të ngushtë me konstitucionin
trupore. Ai thotë se sipas ndërtimit trupor i takojnë tre tipa: piknik, atlet dhe leptosom.
Individët e tipit piknik janë të shkurtër, të trashë, rrumbullakë dhe barkmëdhenj. Të tipi atlet
dallohet kraharori i gjerë, muskujt e zhvilluar, eshtrat e gjerë. Tipi leptosom është i gjatë, i
dobët, me kraharor të ngushtë, gjymtyrë të gjata e të dobëta.
Gjithashtu ai përmend edhe dy tipa psikologjik: tipin skizotim dhe ciklotimi. Tipi
skizotim është i izoluar, preferon vetminë, është i tërhequr, ngacmohet lehtë, tenton ta mbaj
ndonjë ide me këmbëngulje dhe në mënyrë fanatike. Ndaj të tjerëve është i ftohtë, thumbues
dhe ironik.
25Charles G. Morris, Albert A. Maisto, Psikologjia shkenca e proceseve mendore dhe e sjelljes njerëzore,Tiranё, 2008, f. 360.
19
Ndërsa tipi ciklotim vë kontakte të shpeshta me të tjerët, interesohet për ngjarjet në
ambient, është i hapur, ka qëndrim miqësor, është i hareshëm, praktik dhe e preferon
humorin.
4.3.Tipologjia e Sheldonit
Psikologu amerikan Sheldon tipologjinë e vet e ka mbështetur në karakteristika trupore
njëjtë ashtu sikurse edhe Kreçmeri. Sheldoni dallon tri grupe karakteristika trupore:
komponentin endomorf, mezomorf dhe ektomorf.
Të individët endomorf dominojnë këta komponentë: janë të trashë, pjesa barkore dominon
mbi gjoks, trupin e kanë të rrumbullakët dhe të butë, gjymtyrët e holla dhe të dobëta, muskujt
e pazhvilluar. Njerëzit mezomorf i kanë këto karakteristika: kanë muskujt dhe eshtrat e
zhvilluar, kraharorin e gjerë, trupin e fortë dhe janë plot energji fizike. Ndërsa tipat ektomorf
dallohen me muskuj të pazhvilluar, trup të dobët dhe delikat, gjymtyrë të gjata, sistem nervor
dhe shqisa të zhvilluara.
Në bazë të disa analizave ai kishte ardhur në përfundim se mund të flitet për tri
komponentë të temperamentit: viscerotonik, somatotonik dhe cerebrotonik.
Temperamentin viscerotonik e karakterizon një stabilitet i përgjithshëm, dëshira për t'u
shoqëruar, dëshirë të madhe për ushqim, qëndrim të butë dhe ngrohtësi ndaj njerëzve.
Temperamenti somatotonik dallohet me një aktivitet të theksuar muskulor dhe fizik,
qëndrueshmëri trupore, etj
Temperamenti cerebrontonik i ka këto cilësi: shmangien nga aktiviteti dhe lëvizje, dëshirë
për të qëndruar vetëm, ndjeshmërinë emocionale, ikjen nga shoqëria dhe nga zhurma etj.26
26 Dr. Neki Juniku, Kaptina nga psikologjia, Prishtinё, 2015, f. 187-190.
20
5.Karakteri
Një karakteristikë tjetër e personalitetit të njeriut është edhe karakteri. Karakteri paraqet
organizmin e ndërlikuar psikik të cilësive, gjendjeve dhe proceseve të shumëllojshme psikike,
të cilat pasqyrojnë sjelljen e personalitetit. Paraqet bërthamën psikike të personalitetit. Fjala
karakter vjen nga greqishtja, që do të thotë vulë ose simbol, sipas të cilës njeriu konkret
dallohet prej të tjerëve. Karakteri pasqyron aspektin moral dhe të vullnetshëm të sjelljes së
njeriut dhe nënkupton cilësinë e vullnetshme të njeriut dhe atë kur paraqesim veprim të
vetëdijshëm të tij, që janë në përputhje me parimet dhe botëkuptimet morale të shoqërisë në
të cilën jetojmë.
Për këtë arsye mund të themi se karakteri përfshin dispozitat për të ashtuquajturën sjelljen
morale të njerëzve, ndërsa cilësitë e karakterit duhet të përfshijnë edhe motive, qëndrime dhe
vlerat e tij sociale. Zhvillimi i personalitetit paraqet, para së gjithash, procesin e formimit dhe
zhvillimit të karakterit të tij.
Te fëmija i vogël karakteri ende nuk është i formuar, mirëpo nën ndikimin e rrethit
familjar fillojnë të paraqiten tiparet themelore të tij siç janë: kureshtja, qëndrueshmëria dhe
disiplina, të cilat fillojnë të zhvillohen edhe më shumë me kontaktet më rrethin, shoqërinë. Në
shkollë zhvillohen dijenitë, mësohet qëndrimi ndaj njerëzve të tjerë dhe ndaj punës. Në
moshë pak më të madhe mësohet qëndrimi ndaj vetes, ndërtohet vetëdisiplina dhe forcohen
tiparet e karakterit nëpërmjet vetedukimit, formohen intereset dhe qëndrimet duke krijuar
idealet dhe ndjenjat moral te njeriut.27
Karakteri formohet gjatë jetës dhe shpreh rrugën e jetës, rrethanat, kushtet dhe mënyrën e
jetës së njeriut. Njeriu nuk lind sa përtac, as egoist, as mendjemadh, etj, por ai bëhet i tillë si
rezultat i ndikimeve që ushtrojnë mbi të shkolla, familja, shoqëria, ose të gjitha së bashku,
sepse njeriu nuk është qenie aktive, që u kundërvihet kushteve dhe rrethanave, por është
qenie aktive që u kundërvihet kushteve jo të favorshme dhe i shndërron këto kushte të
favorshme. Pra, ai është edhe objekt edhe subjekt i këtij edukimi.
Sikurse të gjitha fenomenet e tjera psikike edhe karakteri e ka bazën e vetë psikologjike.
Bazën fiziologjike të karakterit e përbëjnë sistemet e ndërlikuara të përkohshme nervore, që
27https://durreslajm.al/blog/ndikimi-i-shoq%C3%ABris%AB-n%C3%AB-karakterin-e-individit
21
ndikojnë thellësisht në formimin e tipareve të karakterit dhe në qëndrueshmërinë e tyre. Në
jetë vihen re këto tipa karakteresh: karaktere të forta dhe të dobëta, kontradiktorë dhe jo
kontradiktorë, të përcaktuar dhe të papërcaktuar.28
Individi, që ka vullnet të formësuar, thuhet se ka karakter. Nëse te një individ mungon ana
morale, nëse ai nuk ka kurrfarë parimesh morale pozitive, atëherë është fjala për një njeri pa
orientim moral, njeri i veprimit momental.
Në anën tjetër, nëse tek individi nuk hasim një vullnet të formësuar ( qëndrueshmëri,
vendosmëri, konsekuencë në sjellje), atëherë ai individ, ndonëse mund të ketë parime
pozitive morale, ato parime nuk mund t'i sendërtojë në praktikë, prandaj nuk mund të themi
se ka karakter të formuar.
Vlerësimin e karakterit e bëjmë duke u nisur nga zgjedhjet dhe vendimet që i merr individi
në rastet kur veprimet e tij ndikojnë në mirëqenien e të tjerëve. Individi me karakter bën
veprime të atilla, që shkojnë në të mirë të të tjerëve, si dhe në të mirë të vetes.29
28https://zbulime.wordpress.com/2012/02/05personaliteti-dhe-tipet-e-tij/29 Dr. Neki Juniku, Kaptina nga psikologjia, Prishtinё, 2015, f. 191.
22
Përfundim
Çdo ditë ne përballemi me tipa të ndryshëm që dallojnë nga njëri-tjetri. Ajo që e bën çdo
individ të ndryshëm ” unik” nga individët e tjerë është personaliteti. Sikurse të gjitha
funksionet psikike edhe personaliteti e ka bazën e vet biologjike, sepse çdo njeri lind me
karakteristika trashëguese të caktuara. Faktorët biologjik janë vetëm bazë e nevojshme për
zhvillimin e personalitetit, por faktorët që luajnë rol përfundimtar në zhvillimin dhe formimin
e personalitetit janë faktorët e rrethit, faktorët social, faktorët kulturor, etj.
Rëndësi të veçantë kanë ditët e para të fëmijërisë, mënyra se sa i ofrohet dashuri,
ngrohtësi, inkurajim nga mjedisi që e rrethon etj. Personaliteti zhvillohet dhe formohet nga të
mësuarit dhe pjekuria. Psikologët e konsiderojnë personalitetin si produkt të të mësuarit, të
pjekurisë dhe të ndikimit të faktorëve social. Në faktorët social hynë: trashëgimia sociale,
traditat, zakonet e mjedisit sociokulturor, familja, shkolla e shumë të tjerë. Roli i ndikimit të
mjedisit sociokulturor në zhvillimin dhe në formimin e personalitetit dhe përvetësimi i
mënyrës së sjelljeve karakteristike për mjediset e ndryshme me anën e të mësuarit është i
rëndësishëm, por ky faktor nuk është në gjendje t'i shpjegojë ndryshimet individuale në tipare
dhe në sjellje të individëve te të njëjtit mjedis social e kulturor.
Familja është kontakti i parë që merr një fëmijë, si dhe është institucioni bazë ku
realizohet formimi i adoleshentit. Ngrohtësia që i jepet një fëmije dhe ngrohtësia prindërore
me fëmijën luan një rol shumë të madh në zhvillimin e një personaliteti sa më të shëndosh.
Thuhet se një fidan i shëndosh i ka të gjitha gjasat që të jetë një pemë e shëndoshë, prandaj
është nevojë e veçantë, që sidomos prindërit, të kenë kujdes gjatë edukimit të fëmijëve të
tyre, sepse fëmijët bazën e shëndosh të edukimit e marrin në fëmijëri. Nga përmbushja e
nevojave themelore, që shfaqen që në lindjen e fëmijës, fillon zhvillimi i ndjenjës së sigurisë
dhe i ndjenjës së përkatësisë ndaj rrethit familjar social.
Çdo person që jeton, kalon edhe nëpër etapat e zhvillimit të personalitetit. Secila etapë lë
një vulë të veçantë në strukturën e personalitetit, në sjelljet karakteristike, në zhvillimin dhe
formimin e tij. Zhvillimi fizik i trupit të njeriut, sikurse edhe zhvillimi psikik i tij, nuk janë
gjithmonë tregues i pjekurisë së një individi, as i pjekurisë së tipareve të veçanta dhe i
organizmit të tyre në integritetin e personalitetit të njeriut.
23
Ajo çka e bën një personalitet të veçantë është edhe natyra e qenies njerëzore në të cilën
bëjnë pjesë temperamenti dhe karakteri, të cilat i kam shtjelluar në këtë punim.
Temperamenti është aspekt i personaliteti, i cili
gjenetikisht është i bazuar e i lindur përmes së cilit paraqitet energjia, të cilën një individ e ka
në dispozicion. Temperamenti nuk ka të bëjë vetëm më mënyrën emocionale të reagimit, por
ka të bëjë edhe me shpejtësinë, fuqinë dhe zgjatjen e reaksioneve të individit në mënyrë të
përgjithshme. Ndërsa karakteri ka të bëjë me qëndrimin, cilësitë, tiparet e individit dhe anën
morale që e shpreh me vullnetin e tij. Një person që nuk i ndryshon fjalët, që bën vepra të
mira... konsiderohet një person me karakter të mirë dhe të fortë, ndërsa ata që japin një
mendim dhe pas disa minutave e ndryshojnë atë dhe nuk mund t'i qëndrojnë asnjë mendimi
mbrapa, konsiderohen individë me karakter të dobët ose pa karakter fare.
24
Literatura
Berk E. Laura, Zhvillimi përgjatë jetës, Tiranë, 2001
Boeree George, Teoritë e personalitetit, Tiranë, 2004
Hoti Arben, Psikologji e personalitetit – Cikël leksionesh, Prishtinë, 19854.
Juniku Neki, Kaptina nga psikologjia, Prishtinë, 2015
Morris G. Charles, Maisto A. Albert, Psikologjia shkenca e proceseve mendore dhe e sjelljes
njerëzore, Qendra për Arsim Demokratikë, Tiranë, 2008
Nushi Pajazit, Psikologjia e përgjithshme II, Prishtinë, 1999
Pettijohn T.Terry, Psikologjia, Tiranë, 1996
Përlala Dava, Psikologjia e edukimit, Tiranë, 2008
QTKA, Mësimdhënia me në qendër nxënësin, Tiranë, 2005
WoolfokAnita, Psikologjia e edukimit, Tiranë, 2011
Burime nga interneti
https://durreslajm.al/blog/ndikimi-i-shoq%C3%ABris%AB-n%C3%AB-karakterin-e-
individit
www.Forumivirtual.net/psikologjia-60/zhvillimi-i-individit-n-p-r-etapa-4530
http://mobile.ikub.al/Femra/Mbi-personalitetin-1005180071.aspx
http://telegrafi.com/personaliteti-ne-moshё-e-adoleshences/
http://www.sa-kra.ch/mbi_personalitetin.htm
https://zbulime.wordpress.com/2012/02/05personaliteti-dhe-tipet-e-tij/
25