Upload
marinela-lika
View
240
Download
12
Embed Size (px)
DESCRIPTION
Â
Citation preview
Faqe 1 nga 15
Përmbledhje e Raportit të verifikimit të kritereve të ligjshmërisë në Institucionet e Arsimit të
Lartë, publike e private në vend
Verifikimi i kritereve të ligjshmërisë në Institucionet e Arsimit të Lartë (IAL) është një megaproces
inspektimi i IAL-ve, publike dhe private, që ka ndodhur për herë të parë pas 24 vitesh. Ky është
një raport i përmbledhur ku evidentohen elementët kryesorë të tij si dhe masat dhe masat që
propozohen nga Ministria e Arsimit dhe Sportit (MAS) ndaj IAL-ve publike dhe private.
Procesi është konceptuar që kur kjo qeveri ka marrë detyrën, si një ndër detyrat e posaçme, të
MAS: fillimin e një procesi inspektimi dhe transparence të të gjithë IAL-ve publike dhe private, si
një proces i cili do ishte në funksion të kontrollit të zbatimit të ligjshmërisë në këto institucione. U
konceptua që në fillim si një proces gjithëpërfshirës, transparent, profesional dhe tërësor me
pjesmarrje të të gjithë stafit te ministrisë por edhe të institucioneve të varësisë, që ofronin
ekspertizën më të mirë në këtë fushë. Ky proces u konceptua dhe u zhvillua në katër faza:
Faza e parë: Mbledhja e të gjithë informacioneve nga IAL-të publike dhe private:
Në janar të këtij viti nga ana e MAS nëpërmjet shkresave zyrtare iu kërkua të gjitha IAL-ve publike
e private, i gjithë informacioni i nevojshëm i cili do shërbente për të kuptuar situatën ligjore të çdo
institucioni të arsimit të lartë. Të dhënat kishin të bënin me stafin, infrastrukturën, programet e
studimit, strukturën, etj.
U përpunuan dhe u shqyrtuan në një kohë rekord të dhënat. Bazuar në panoramën ligjore që
kishin krijuar të dhënat e marra zyrtarisht nga IAL-të në, më 28 Mars 2014, Ministri i Arsimit dhe
Sportit me Urdher nr. 106, i kërkon IAL-ve të përcjellin në MAS një sërë dokumentash të detajuara
në 37 kërkesa specifike, të cilat bënin të mundur shqyrtimin e kritereve më të rëndësishme ligjore
që një institucion i arsimit të lartë duhet të plotësojë dhe zbatojë, në kuadër të respektimit të
kërkesave ligjore për të operuar konform ligjit për arsimin e lartë.
Faza e dytë: Përpunimi i të dhënave të marra nga IAL-të. Me një urdhër të dytë të Ministrit të
Arsimit dhe Sportit, ngrihet grupi i punës i përbërë nga 39 specialiste dhe drejtues te MAS. Ky
grup punoi për përpunimin e dokumentacionit të detajuar të mbledhur nga të gjitha IAL-të,
publike dhe private, në përgjigje të 37 kërkesave. U përgatitën skedat paraprake për çdo
institucion bazuar në vetëdeklarimin e tyre. U ngritën 59 grupe pune për 59 IAL, ku u angazhuan
mesatarisht 5 specialistë për grup nga MAS, Agjencia e Akreditimit të Arsimit të Lartë (APAAL)
dhe Inspektoriati Shtetëror i Arsimit (ISHA). Në përpunimin e këtyre të dhënave grupet e punës
konsumuan rreth 5000 orë pune.
Faqe 2 nga 15
Faza e tretë: Inspektimet në vend:
Në muajt maj, qershor dhe korrik, në nje kohë rekord u realizuan inspektimet në 59 institucionet
ku u verifikuan dokumentacionet, regjistrat, stafi, infrastruktura, struktura e IAL-ve, u
intervistuan studentë, staf akademik, staf administrativ dhe titullarë të institucioneve, etj. Në total
u kryen rreth 2000 orë inspektime, në përfundim të të cilave nëngrupet e kontrollit hartuan draft
raportet e kontrollit.
Në zbatim të parimeve më të mira të procesit të rregullt ligjor, draft raportet iu vunë në dispozion
të gjithë IAL-ve, duke iu lënë kohën e nevojshme në dispozicion për të kundërshtuar, observuar
apo pranuar gjetjet e konstatuara tashmë nga grupet e kontrollit.
Brenda 7 ditësh IAL-të sollën në ministri të gjithë objeksionet e tyre mbi draft raportet, të cilat iu
dërguan përsëri grupeve të kontrollit për shqyrtim dhe reflektim në draft raportet paraprake.
Faza e katërt: Dalja në konkluzione finale:
Në MAS ngrihet një komision i posaçëm nën drejtimin e Sekretarit të Përgjithshëm, në përbërje të
të cilit ishin drejtori i Drejtorisë Juridike në MAS, Drejtori i Arsimit të Lartë në MAS, drejtori i
APAAL dhe drejtori i Drejtorisë së Inspektimit dhe kontrollit të Ligjshmërisë në ISHA, të cilët në
një proces maratonë, diskutuan në seanca dëgjimore me nëngrupet e punës, në mënyrë specifike
për çdo IAL. U diskutuan të gjitha gjetjet, konkluzionet dhe objeksionet. Në disa raste ky komision
thirri në seanca dëgjimore edhe përfaqësuesit më të lartë të IAL-ve, në mënyrë që edhe ata të
jepnin shpjegimet e tyre mbi gjetjet e grupeve të kontrollit, për të mbërritur në konkluzione sa më
të drejta dhe shteruese. Në mbarim të diskutimeve, nëngrupet e punës kanë përgatitur raportet
finale për çdo institucion, që ia dorëzuan Sekretarit të Përgjitshëm të MAS. U shkruan 4000 faqe
raporte, janë administruar mbi 10000 faqe dokumentacion si prova shkresore.
Gjetjet kryesore të konstatuara në nivel makro nga ky inspektim kaq masiv dhe që në fakt është një
pasqyrë e qartë e situatës ligjore në të cilën ndodhet sot arsimi i lartë në Republikën e Shqipërisë,
janë:
Për IAL-të private:
- Mbi 90% e IAL-ve private nuk kanë staf të mjaftueshëm efektiv;
- Më shumë se 2/3 e IAL-ve nuk arrijnë të mbulojnë ngarkesën mësimore akademike me staf
të brendshëm, sipas standardeve të kërkuara ligjore;
- Mbi 90% e IAL-ve private nuk kanë akte të tyre rregullatore të brendshme për mirë
funksionimin e tyre, të miratuara nga organet kolegjiale;
- 88% e Institucioneve të arsimit të lartë kanë parregullsi ose paplotësi të regjistrave
themeltarë, të progresit akademik apo të diplomimit të studentëve;
- 85% e Institucioneve të arsimit të lartë nuk zbatojnë rregullat ligjore për administrimin dhe
ruajtjen e dokumentacionit zyrtar të institucionit;
Faqe 3 nga 15
- 80% e Institucioneve të arsimit të lartë kanë parregullsi në marrëdhëniet kontraktuale me
stafin akademik/studentët;
- Rreth 2/3 e Institucioneve të arsimit të lartë bëjnë reklamim/marketing të pandershëm,
përhapje informacioni të rremë për publikun dhe studentët;
- Në më shumë se 60% të Institucioneve të arsimit të lartë jopublik nuk funksionojnë organet
kolegjiale, sipas legjislacionit ne fuqi.
- 56% e Institucioneve të arsimit të lartë jopublik nuk ofrojnë garanci financiare për
vazhdimin e studimeve, as për studentët që kanë aktualisht në sistem.
- Më shumë se gjysma e institucioneve të arsimit të lartë jopublik nuk plotëson standardet
minimale të infrastrukturës dhe sigurisë së studentëve.
- Më shumë se gjysma e institucioneve të arsimit të lartë jopublik, që kanë ofruar të drejtën
për ofrimin e programeve të ciklit të tretë, nuk kanë kapacitet akademik ose nuk plotësojnë
standardet për të ofruar këto programe.
Për IAL-të publike:
- Asnjë nga Institucionet Publike të Arsimit të Lartë (përveç 1 IAL-je) nuk i janë nënshtruar
detyrimit ligjor për vlerësimin e cilësisë dhe akreditimin;
- Me pak përjashtime, thuajse të gjitha IAL-të kanë mangësi të rëndësishme dhe parregullsi
në dokumentacionin zyrtar, të personelit akademik dhe të studentëve;
- Rreth 2/3 e IAL-ve nuk plotësojnë standardet e të gjitha njësive bazë në përbërje të tyre në
lidhje me numrin dhe shkallën e kualifikimit të stafit akademik;
- Rreth ½ e IAL-ve nuk plotësojnë standardet e të gjithë njësive kryesore në përbërje të tyre;
- Me shumë se ½ e IAL nuk plotësojnë standardet minimale për treguesit staf
akademik/student dhe staf efektiv/staf i ftuar;
- në rreth 70% të IAL-ve organet kolegjale funksionojnë dhe/ose marrin vendime në
kundërshtim me aktet ligjore e nënligjore, madje dhe me vetë rregulloret e tyre;
- Në shumicën dërrmuese të IAL-ve autoritetet drejtuese të zgjedhura marrin kompetenca
dhe vendimmarrje/miratime në kundërshtim të hapur me ligjin, aktet nënligjore dhe vetë
aktet e miratuara të institucionit (statut, rregullore);
- Më shumë se ½ e IAL-ve nuk respektojne parimet, kriteret dhe procedurat për rekrutimin e
stafit akademik efektiv dhe të ftuar, si dhe atë adminsitrativ;
- Thuasje 100% e IAL-ve nuk respektojnë kriteret përzgjedhëse për pranimet e studenteve në
ciklin e dytë, Master profesional dhe rreth 70% as ato për pranimet në Master Shkencor;
- Më shumë se ½ e IAL-ve nuk kanë kapacitetet e duhura akademike dhe shkallën e
kualifikimit për të ofruar programet e studimit Master Shkencor dhe Doktoratë;
- Rreth 2/3 e IAL-ve shkelin ose nuk respektojnë kriteret dhe procedurat e pranimit në
programet e studimit të doktoratës;
- Më shume se ½ e IAL-ve nuk respektojnë kriteret dhe procedurat për promovimin për
grada dhe tituj akademike;
Faqe 4 nga 15
- Rreth ¾ e IAL-ve nuk plotësojnë as standardet minimale të infrastrukturës, mjediseve dhe
kritereve të sigurisë për stafin dhe studentët.
Masat dhe tipologjitë e tyre
Bazuar në këto gjetje dhe ballafaqimin e tyre me dispozitat ligjore dhe nënligjore, tipologjitë e
masave që MAS propozon për IAL-t janë:
Për IAL-të Private:
Masat për Institucionin:
- Heqje licence:
institucionit i hiqet e drejta e ushtrimit të aktivitetit në fushën e arsimit të lartë, duke
ndërprerë veprimtarinë në fushën e arsimit të lartë për të gjitha programet dhe vitet e
studimit. Institucioni ka detyrim të pajisë të gjithë studentët me dokumentacionin e
nevojshëm për vijimin e tyre në institucione të tjera, t’i rimbursojë ata financiarisht, si
dhe t’i dorëzojë zyrtarisht MAS-it të gjithë dokumentacionin zyrtar që disponon.
- Pezullim licence deri në një afat dy vjeçar dhe eventualisht kushte për t’u plotësuar brenda
fillimit të vitit akademik për vitet nga i dyti e më tej:
institucionit i hiqet e drejta të pranojë studentë të rinj për vitin akademik 2014-2015,
për të gjitha vitet dhe programet e studimit, si dhe të pranojë studentë që
transferohen nga institucione të tjera në këtë institucion. Institucioni duhet të
plotësojë të gjitha kushtet e vëna dhe të raportojë në MAS për plotësimin e tyre
brenda afatit të përcaktuar. MAS do të vlerësojë plotësimin e tyre dhe vetëm në rast
plotësimi do të vijojë me revokimin e pezullimit, në të kundërt do të vijohet me
heqjen e licencës.
- Mbyllje të programeve të studimit:
Për këto programe studimi nuk mund të vijohet me procesin mësimor në asnjë nga
vitet e studimit. Institucioni ka detyrim të pajisë të gjithë studentët e këtij programi
studimi me dokumentacionin e nevojshëm për vijimin e tyre në institucione të tjera.
- Rekomandime për t’u plotësuar brenda një afati të caktuar:
Faqe 5 nga 15
Institucioni duhet të plotësojë dhe informojë MAS-in brenda afateve të përcaktuara
mbi përmbushjen e rekomandimeve të lëna sipas tipologjisë. Në rast mosplotësimi
MAS- do të vijojë me masën e pezullimit/heqjes së licencës.
- Kallëzim penal për personin juridik. Në këtë proces të verifikimit të ligjshmërisë janë hasur
shpesh veprime apo sjellje të personit juridik, pra të institucionit, të cilat përbëjnë vepra
penale dhe denohen sipas legjislacionit penal në fuqi. Për këtë shkak nga ana e MAS,
përveç kallzimeve për individë të ndryshëm të përfshirë në konsumimin e veprave penale,
do kallëzojë penalisht edhe personat juridikë që me mënyrën e tyre të të organizuarit dhe të
funksionuarit kanë konsumuar elementë të veprave penale. Njëkohësisht do kërkojmë që
nga ana e prokurorisë të merret masa e sigurisë për bllokimin e aseteve të kompanive që
qëndrojnë pas këtyre personave juridikë.
- Si masa shoqeruese MAS ka gjykuar që në çdo rast, për çdo IAL private, t’i dërgojë
zyrtarisht Drejtorisë së Përgjithshme të Tatimeve dhe Inspektoriatit Shtetëror të Punës
raportet e kontrollit me kërkesën për fillimin e kontrollit tematik, për të gjithë IAL-të.
Për individët dhe organet vendimmarrëse të IAL-ve:
- Përvecç masave që do të merren për personat juridikë, nga MAS, pas
individualizimit të përgjegjësive do vijohet edhe për individë të veçantë me
kallëzime penale për vepren penale të “mashtrimit”, “fallsifikimit” apo
“shpërdorimit të detyrës”. Kjo do ndodhë jo vetëm për individë apo organe
individuale, por njëkohësisht edhe për organet kolegjiale. Nuk mundet me
të vijohet të ndiqet praktika e fshehjes së vendimeve të paligjshme nëpërmjet
vendimarrjeve nga organet kolegjiale. MAS do të kërkojë përgjegjësitë
individuale në organet kolegjiale.
- Për IAL-të publike:
Për institucionin:
- Mbyllje të institucionit:
institucioni mbyllet përfundimisht duke ndërprerë veprimtarinë në fushën e arsimit
të lartë për të gjitha programet dhe vitet e studimit. Institucioni ka detyrim të pajisë të
gjithë studentët me dokumentacionin e nevojshëm për vijimin e tyre në institucione të
tjera, eventualisht, si dhe t’i dorëzojë zyrtarisht MAS-it të gjithë dokumentacionin
zyrtar që disponon.
- Mbyllje të filialeve/njësive kryesore:
Faqe 6 nga 15
Filiali/njësia kryesore mbyllet përfundimisht duke ndërprerë veprimtarinë në fushën
e arsimit të lartë për të gjitha programet dhe vitet e studimit që ajo njësi mbulon.
Institucioni ka detyrim, në rastet e mbylljes së filialeve, të parashikojë transferimin e
studentëve të viteve nga i dyti e më tej pranë njësive kryesore të tij deri në
përfundimin e ciklit përkatës të studimeve ose, eventualisht, të pajisë të gjithë
studentët e interesuar me dokumentacionin e nevojshëm për vijimin e studimeve të
tyre në institucione të tjera.
Në rastet e mbylljes së njësive kryesore, institucioni ka detyrim, të pajisë të gjithë
studentët me dokumentacionin e nevojshëm për vijimin e studimeve të tyre në
institucione të tjera ose transferimin e tyre në programe të ngjashme sipas të gjitha
procedurave të parashikuara në aktet ligjore e nënligjore në fuqi.
- Riorganizim institucional ose i njësive kryesore dhe/ose atyre bazë:
Institucionet kanë detyrimin të kryejnë procesin e riorganizimit institucional dhe të
ndjekin të gjitha procedurat e vlerësimit dhe miratimit në përputhje me aktet ligjore e
nënligjore në fuqi, brenda afateve të lëna.
- Pezullim i programeve të studimit:
Për këto programe studimi nuk parashikohet të akordohen kuota pranimi për vitin
akademik 2014-2015 dhe më tej, deri në plotësimin e kushteve të vëna. Studentët,
tashmë të regjistruar në këto programe studimi nga viti i dytë e më pas, do të vijojnë
studimet deri në përfundimin e tyre. Institucioni ka detyrim të garantojë ofrimin e një
procesi mësimor brenda standardeve të parashikuara për studentët që do të vijojnë.
- Rekomandime për t’u plotësuar brenda një afati të caktuar:
Institucioni duhet të plotësojë dhe informojë MAS-in brenda afateve të përcaktuara
mbi përmbushjen e rekomandimeve të lëna sipas tipologjisë. Në rast mosplotësimi,
MAS do të vijojë me masat e përshkallëzuara sipas natyrës dhe tipologjisë së
rekomandimeve si dhe marrjen e masave për individët përgjegjës.
- Rishikim i kuotave të akorduara për programet e ndryshme të studimit bazuar në gjetjet e
këtij procesi verifikimi:
duke nisur nga viti akademik 2014-2015, për të gjitha institucionet, filialet/njësitë
kryesore, programet e studimit, të cilat nuk plotësojnë kriteret bazë (pjesërisht ose
plotësisht) është parashikuar në VKM-në përkatëse reduktim i kuotave të studimit
ose mosakordim i tyre për ciklin e parë të studimit me kohë të plotë në të gjitha IAL-
të publike. Mbështetur në vlerësimet dhe gjetjet e këtij procesi, do të vijohet edhe me
përcaktimin e kuotave për programet e ciklit të dytë dhe të tretë në vijim.
Për individët, organet individuale dhe kolegjiale:
Faqe 7 nga 15
- Do të kërkohet pezullimi dhe shkarkimi i çdo autoriteti drejtues i
institucioneve të arsimit të lartë, që nga rektori deri tek pedagogu, apo
nëpunësit administrativë.
- Do të kërkohet marrja e masave administrative dhe/ose kallëzim penal për
individët ose organet kolegjiale të IAL-ve. Siç e theksuam më lart, nuk do të
ketë më shmangie nga përgjegjësia nëpërmjet fshehjes në organet kolegjiale.
Do këtë përgjegjësi deri penale individuale për anëtarët e organeve
kolegjiale.
- Do të informohet Inspektoriati i Lartë i Deklarimit dhe Kontrollit të Pasurive
(ILDKP) për të evidentuar konflikte të mundshme interesi në institucionet
tona publike të arsimit të lartë.
Masat konkrete të propozuara nga MAS për IAL-të private:
A) Vijim i aktivitetit me kushte, apo rekomandime për përmirësim të kritereve:
1. Universiteti "Polis"
2. Universiteti katolik "Zoja e Këshillit të Mirë"
3. SHLUJ "Marubi"
4. Universiteti "Epoka"
5. IPAL "Shkolla e Lartë "Nehemia"
6. Universiteti Europian i Tiranës
7. SHLUJ "Universiteti i New Yorkut, Tiranë"
8. SHLUJ "Luarasi"
9. Akademia e studimeve të aplikuara "Reald"
10. "Shkolla e Lartë Private Mesdhetare e Shqipërisë"
11. SHLP "Tirana Business University"
12. SHPAL "Universiteti Metropolitan Tirana"
13. SHLUJ "Universiteti "Marin Barleti"
B) Pezullim i pjesshem apo i plote i aktivitetit:
1. Universiteti "Aldent"
2. SHLP "Hëna e plotë" (Bedër)
3. Kolegji Profesional privat "New Generation"
4. SHLP "Logos"
5. SHLUP "Instituti Kanadez i Teknologjisë"
6. Kolegji Profesional "Ivoclar Vivadent &Partners"
7. ShLAP "Pavarësia" Vlorë
8. Akademia Profesionale e Biznesit
9. IPAL "ISSAT"
10. ShLUJ "Sevasti dhe Parashqevi Qiriazi"
11. SHLUJ "Justicia"
12. SHLUP "Wisdom University"
Faqe 8 nga 15
13. Universiteti privat "Albanian University"
C) Heqje e licencës:
1. SHLUP "Vitrina"
2. SHLUJ "Universiteti Kristal"
3. SHLUJ "Justiniani I"
4. Akademia e Ndertimit, Tiranë
5. SHLP "Universiteti Elite"
6. IPAL "Shkolla e Lartë "Illyria"
7. Akademia e Studimeve te Aplikuara, Durrës
8. SHLP "Universiteti Planetar i Tiranës"
9. Akademia Pedagogjike, Tiranë
10. IALP "Shkolla e Lartë "Nëna Mbretëreshë Geraldinë"
11. IPAL "Kolegji profesional i sporteve, Fier"
12. Kolegj profesional "Argent", Shkodër
13. IALP "Shkolla e Lartë Amerikane e Tiranës"
14. Shkolla e Lartë Private e Edukimit
15. Kolegjet Profesionale, private "Medicom"
16. IP "Shkolla e Lartë Ndërkombëtare e Tiranës"
17. SHPAL "Gjon Buzuku", Shkodër
18. SHLUJ "Medikadent"
Masat e marra aktualisht dhe që do të ndërrmerren në vijim për IAL-të publike:
Universiteti i Tiranës
Propozim për mbyllje të filialeve Kukës dhe Sarandë dhe riorganizim institucional;
Pezullim i programeve të studimit;
Reduktim i kuotave të studimit ose mosakordim i tyre për ciklin e parë të studimit me kohë
të plotë, si dhe në vijim për ciklin e dytë dhe të tretë;
Institucioni duhet të plotësojë dhe informojë MAS-in, brenda afateve të përcaktuara, mbi
përmbushjen e rekomandimeve të lëna sipas tipologjisë. Në rast mosplotësimi, MAS do të
vijojë me masat e përshkallëzuara sipas natyrës dhe tipologjisë së rekomandimeve si dhe
marrjen e masave për individët përgjegjës;
Individualizimi i përgjegjësive për organet kolegjiale dhe individët përgjegjës për shkeljet e
vërejtura dhe masat përkatëse më tej për pezullim/shkarkim të autoriteteve drejtuese të
IAL-së, si dhe masa administrative dhe/ose kallëzim penal/civil për individët ose organet
kolegjiale;
Njoftim ILDKP për rastet e konfliktit të interesit.
Faqe 9 nga 15
Universiteti i Sporteve, Tiranë
Institucioni duhet të plotësojë dhe informojë MAS-in brenda afateve të përcaktuara mbi
përmbushjen e rekomandimeve të lëna sipas tipologjisë. Në rast mosplotësimi MAS do të
vijojë me masat e përshkallëzuara sipas natyrës dhe tipologjisë së rekomandimeve si dhe
marrjen e masave për individët përgjegjës;
Individualizimi i përgjegjësive për organet kolegjiale dhe individët përgjegjës për shkeljet e
vërejtura dhe masat përkatëse më tej për pezullim/shkarkim të autoriteteve drejtuese të
IAL-së si dhe masa administrative dhe/ose kallëzim penal/civil për individët ose organet
kolegjiale;
Njoftim ILDKP për rastet e konfliktit të interesit.
Universiteti i Arteve, Tiranë
Institucioni duhet të plotësojë dhe informojë MAS-in brenda afateve të përcaktuara mbi
përmbushjen e rekomandimeve të lëna sipas tipologjisë. Në rast mosplotësimi MAS do të
vijojë me masat e përshkallëzuara sipas natyrës dhe tipologjisë së rekomandimeve si dhe
marrjen e masave për individët përgjegjës;
Individualizimi i përgjegjësive për organet kolegjiale dhe individët përgjegjës për shkeljet e
vërejtura dhe masat përkatëse më tej për pezullim/shkarkim të autoriteteve drejtuese të
IAL-së si dhe masa administrative dhe/ose kallëzim penal/civil për individët ose organet
kolegjiale;
Njoftim ILDKP për rastet e konfliktit të interesit.
Universiteti i Mjekësisë, Tiranë
Propozim për mbyllje të filialeve Kukës dhe Sarandë dhe riorganizim institucional dhe/ose
shkrirje me një institucion tjetër të arsimit të lartë publik;
Pezullim i programeve të studimit të cikleve të ndryshme, përfshirë doktoratat;
Reduktim i kuotave të studimit ose mosakordim i tyre për ciklin e parë të studimit me kohë
të plotë si dhe në vijim për ciklin e dytë dhe të tretë;
Institucioni duhet të plotësojë dhe informojë MAS-in brenda afateve të përcaktuara mbi
përmbushjen e rekomandimeve të lëna sipas tipologjisë. Në rast mosplotësimi MAS do të
vijojë me masat e përshkallëzuara sipas natyrës dhe tipologjisë së rekomandimeve si dhe
marrjen e masave për individët përgjegjës;
Faqe 10 nga 15
Individualizimi i përgjegjësive për organet kolegjiale dhe individët përgjegjës për shkeljet e
vërejtura dhe masat përkatëse më tej për pezullim/shkarkim të autoriteteve drejtuese të
IAL-së si dhe masa administrative dhe/ose kallëzim penal/civil për individët ose organet
kolegjiale;
Njoftim ILDKP për rastet e konfliktit të interesit.
Universiteti Politeknik i Tiranës
Riorganizim institucional;
Reduktim i kuotave të studimit ose mosakordim i tyre për ciklin e parë të studimit me kohë
të plotë si dhe në vijim për ciklin e dytë dhe të tretë;
Institucioni duhet të plotësojë dhe informojë MAS-in brenda afateve të përcaktuara mbi
përmbushjen e rekomandimeve të lëna sipas tipologjisë. Në rast mosplotësimi MAS do të
vijojë me masat e përshkallëzuara sipas natyrës dhe tipologjisë së rekomandimeve si dhe
marrjen e masave për individët përgjegjës;
Individualizimi i përgjegjësive për organet kolegjiale dhe individët përgjegjës për shkeljet e
vërejtura dhe masat përkatëse më tej për pezullim/shkarkim të autoriteteve drejtuese të
IAL-së si dhe masa administrative dhe/ose kallëzim penal/civil për individët ose organet
kolegjiale;
Njoftim ILDKP për rastet e konfliktit të interesit.
Universiteti Bujqësor i Tiranës
Propozim për mbyllje të filialeve të Lushnjës dhe Gjirokastrës dhe riorganizim
institucional;
Pezullim i programeve të studimit;
Reduktim i kuotave të studimit ose mosakordim i tyre për ciklin e parë të studimit me kohë
të plotë si dhe në vijim për ciklin e dytë dhe të tretë;
Institucioni duhet të plotësojë dhe informojë MAS-in brenda afateve të përcaktuara mbi
përmbushjen e rekomandimeve të lëna sipas tipologjisë. Në rast mosplotësimi MAS do të
vijojë me masat e përshkallëzuara sipas natyrës dhe tipologjisë së rekomandimeve si dhe
marrjen e masave për individët përgjegjës;
Individualizimi i përgjegjësive për organet kolegjiale dhe individët përgjegjës për shkeljet e
vërejtura dhe masat përkatëse më tej për pezullim/shkarkim të autoriteteve drejtuese të
IAL-së si dhe masa administrative dhe/ose kallëzim penal/civil për individët ose organet
kolegjiale;
Faqe 11 nga 15
Njoftim ILDKP për rastet e konfliktit të interesit.
Qendra e Studimeve Albanologjike
Rivleresim i statusit juridik te QSA. Riorganizim teresor i ketij institucioni
Reduktim i kuotave të studimit ose mosakordim i tyre për të gjitha ciklet e studimit të
ofruara nga ky institucion;
Pezullim i programeve të studimit;
Institucioni duhet të plotësojë dhe informojë MAS-in brenda afateve të përcaktuara mbi
përmbushjen e rekomandimeve të lëna sipas tipologjisë. Në rast mosplotësimi MAS do të
vijojë me masat e përshkallëzuara sipas natyrës dhe tipologjisë së rekomandimeve si dhe
marrjen e masave për individët përgjegjës;
Individualizimi i përgjegjësive për organet kolegjiale dhe individët përgjegjës për shkeljet e
vërejtura dhe masat përkatëse më tej për pezullim/shkarkim të autoriteteve drejtuese të
IAL-së si dhe masa administrative dhe/ose kallëzim penal/civil për individët ose organet
kolegjiale;
Njoftim ILDKP për rastet e konfliktit të interesit.
Akademia e Forcave të Armatosura
Riorganizim institucional;
Institucioni duhet të plotësojë dhe informojë MAS-in brenda afateve të përcaktuara mbi
përmbushjen e rekomandimeve të lëna sipas tipologjisë. Në rast mosplotësimi MAS do të
vijojë me masat e përshkallëzuara sipas natyrës dhe tipologjisë së rekomandimeve si dhe
marrjen e masave për individët përgjegjës;
Individualizimi i përgjegjësive për organet kolegjiale dhe individët përgjegjës për shkeljet e
vërejtura dhe masat përkatëse më tej për pezullim/shkarkim të autoriteteve drejtuese të
IAL-së si dhe masa administrative dhe/ose kallëzim penal/civil për individët ose organet
kolegjiale;
Njoftim ILDKP për rastet e konfliktit të interesit.
Universiteti “Aleksandër Moisiu”, Durrës
Propozim për mbyllje të filialit të Peshkopisë dhe riorganizim institucional;
Pezullim i programeve të studimit;
Faqe 12 nga 15
Reduktim i kuotave të studimit ose mosakordim i tyre për ciklin e parë të studimit me kohë
të plotë si dhe në vijim për ciklin e dytë dhe të tretë;
Institucioni duhet të plotësojë dhe informojë MAS-in brenda afateve të përcaktuara mbi
përmbushjen e rekomandimeve të lëna sipas tipologjisë. Në rast mosplotësimi MAS do të
vijojë me masat e përshkallëzuara sipas natyrës dhe tipologjisë së rekomandimeve si dhe
marrjen e masave për individët përgjegjës;
Individualizimi i përgjegjësive për organet kolegjiale dhe individët përgjegjës për shkeljet e
vërejtura dhe masat përkatëse më tej për pezullim/shkarkim të autoriteteve drejtuese të
IAL-së si dhe masa administrative dhe/ose kallëzim penal/civil për individët ose organet
kolegjiale;
Njoftim ILDKP për rastet e konfliktit të interesit.
Universiteti “Ismail Qemali”, Vlorë
Riorganizim institucional;
Pezullim i programeve të studimit;
Reduktim i kuotave të studimit ose mosakordim i tyre për ciklin e parë të studimit me kohë
të plotë si dhe në vijim për ciklin e dytë dhe të tretë;
Institucioni duhet të plotësojë dhe informojë MAS-in brenda afateve të përcaktuara mbi
përmbushjen e rekomandimeve të lëna sipas tipologjisë. Në rast mosplotësimi MAS do të
vijojë me masat e përshkallëzuara sipas natyrës dhe tipologjisë së rekomandimeve si dhe
marrjen e masave për individët përgjegjës;
Individualizimi i përgjegjësive për organet kolegjiale dhe individët përgjegjës për shkeljet e
vërejtura dhe masat përkatëse më tej për pezullim/shkarkim të autoriteteve drejtuese të
IAL-së si dhe masa administrative dhe/ose kallëzim penal/civil për individët ose organet
kolegjiale;
Njoftim ILDKP për rastet e konfliktit të interesit.
Universiteti “Eqerem Çabej”, Gjirokastër
Riorganizim institucional;
Pezullim i programeve të studimit;
Reduktim i kuotave të studimit ose mosakordim i tyre për ciklin e parë të studimit me kohë
të plotë si dhe në vijim për ciklin e dytë dhe të tretë;
Faqe 13 nga 15
Institucioni duhet të plotësojë dhe informojë MAS-in brenda afateve të përcaktuara mbi
përmbushjen e rekomandimeve të lëna sipas tipologjisë. Në rast mosplotësimi MAS do të
vijojë me masat e përshkallëzuara sipas natyrës dhe tipologjisë së rekomandimeve si dhe
marrjen e masave për individët përgjegjës;
Individualizimi i përgjegjësive për organet kolegjiale dhe individët përgjegjës për shkeljet e
vërejtura dhe masat përkatëse më tej për pezullim/shkarkim të autoriteteve drejtuese të
IAL-së si dhe masa administrative dhe/ose kallëzim penal/civil për individët ose organet
kolegjiale;
Njoftim ILDKP për rastet e konfliktit të interesit.
Universiteti “Fan S. Noli”, Korçë
Riorganizim institucional;
Propozim për mbyllje të filialit të Pogradecit dhe riorganizim institucional;
Pezullim i programeve të studimit;
Reduktim i kuotave të studimit ose mosakordim i tyre për ciklin e parë të studimit me kohë
të plotë si dhe në vijim për ciklin e dytë dhe të tretë;
Institucioni duhet të plotësojë dhe informojë MAS-in brenda afateve të përcaktuara mbi
përmbushjen e rekomandimeve të lëna sipas tipologjisë. Në rast mosplotësimi MAS do të
vijojë me masat e përshkallëzuara sipas natyrës dhe tipologjisë së rekomandimeve si dhe
marrjen e masave për individët përgjegjës;
Individualizimi i përgjegjësive për organet kolegjiale dhe individët përgjegjës për shkeljet e
vërejtura dhe masat përkatëse më tej për pezullim/shkarkim të autoriteteve drejtuese të
IAL-së si dhe masa administrative dhe/ose kallëzim penal/civil për individët ose organet
kolegjiale;
Njoftim ILDKP për rastet e konfliktit të interesit.
Universiteti “Aleksandër Xhuvani”, Elbasan
Riorganizim institucional;
Pezullim i programeve të studimit;
Reduktim i kuotave të studimit ose mosakordim i tyre për ciklin e parë të studimit me kohë
të plotë si dhe në vijim për ciklin e dytë dhe të tretë;
Institucioni duhet të plotësojë dhe informojë MAS-in brenda afateve të përcaktuara mbi
përmbushjen e rekomandimeve të lëna sipas tipologjisë. Në rast mosplotësimi MAS do të
Faqe 14 nga 15
vijojë me masat e përshkallëzuara sipas natyrës dhe tipologjisë së rekomandimeve si dhe
marrjen e masave për individët përgjegjës;
Individualizimi i përgjegjësive për organet kolegjiale dhe individët përgjegjës për shkeljet e
vërejtura dhe masat përkatëse më tej për pezullim/shkarkim të autoriteteve drejtuese të
IAL-së si dhe masa administrative dhe/ose kallëzim penal/civil për individët ose organet
kolegjiale;
Njoftim ILDKP për rastet e konfliktit të interesit.
Universiteti “Luigj Gurakuqi”, Shkodër
Riorganizim institucional;
Reduktim i kuotave të studimit ose mosakordim i tyre për ciklin e parë të studimit me kohë
të plotë si dhe në vijim për ciklin e dytë dhe të tretë;
Institucioni duhet të plotësojë dhe informojë MAS-in brenda afateve të përcaktuara mbi
përmbushjen e rekomandimeve të lëna sipas tipologjisë. Në rast mosplotësimi MAS do të
vijojë me masat e përshkallëzuara sipas natyrës dhe tipologjisë së rekomandimeve si dhe
marrjen e masave për individët përgjegjës;
Individualizimi i përgjegjësive për organet kolegjiale dhe individët përgjegjës për shkeljet e
vërejtura dhe masat përkatëse më tej për pezullim/shkarkim të autoriteteve drejtuese të
IAL-së si dhe masa administrative dhe/ose kallëzim penal/civil për individët ose organet
kolegjiale;
Njoftim ILDKP për rastet e konfliktit të interesit.
Akademia e Arteve, Shkodër
Propozim për mbyllje IAL-së;
Nuk u akorduan kuota të reja studimi në të 13 programet që ky institucion ofronte, për
vitin akademik 2014-2015;
Të gjithë studentët që ndjekin studimet nga viti i dytë e më pas do të transferohen në
Universitetit të Arteve, Tiranë për vijimin e studimeve;
Institucioni ka detyrim të pajisë të gjithë studentët me dokumentacionin e nevojshëm për
vijimin e tyre në institucione të tjera, si dhe t’i dorëzojë zyrtarisht MAS-it të gjithë
dokumentacionin zyrtar që disponon;
Individualizimi i përgjegjësive për organet kolegjiale dhe individët përgjegjës për shkeljet e
vërejtura dhe masa administrative dhe/ose kallëzim penal/civil për individët ose organet
kolegjiale;
Faqe 15 nga 15
Njoftim ILDKP për rastet e konfliktit të interesit.
MAS, mbështetur në gjetjet e këtij procesi, po vijon punën për identifikimin dhe marrjen e
masave për përgjegjesitë individuale të individëve apo autoriteteve drejtuese, si dhe ato të
organeve kolegjiale, përfshirë dhe identifikimin e pasojave të shkaktuara nga
vendimmarrjet respektive, financiare apo të natyrave të tjera.
MAS, gjithashtu, që në fillim të këtij procesi, ka pasur në vëmendje konstante pasojat që ky
proces mund të sjellë eventualisht për studentët duke pasur shumë të qartë për
përgjegjësinë që vete shteti ka për situatën që është konstatuar në arsimin e lartë nëpërmjet
këtij kontrolli. Në respekt të plotë të një parimi kushtetues, siç është ai sigurisë juridike,
MAS do i gjendet pranë studentëve për çdo zgjidhje ligjore individuale që ato do të
kërkojnë. Për këtë shkak, po përgatitet një urdhër i Ministrit të Arsimit dhe Sportit, për
krijimin e një komisioni të posaçëm ad hoc, të përbërë nga profesionistë të fushës së arsimit
të lartë, i cili do të marrë në shqyrtim të gjithë kërkesat e studentëve që do të preken nga ky
proces.
MAS i bën të qartë publikut se, i gjithë ky proces, ka pasur për qëllim vetëm verifikimin e
përmbushjes së kritereve ligjore të institucioneve të arsimit të lartë dhe nuk sjell në vetvete
asnjë garanci për asnjë institucion të arsimit të lartë për cilësinë që ato ofrojnë nga
pikëpamja akademike. Kontrolli i ligjshmërisë ka për qëllim vetëm verifikimin e mundësive
juridike nëse një institucion i arsimit të lartë mund të vijojë të ushtrojë aktivitetin e tij si i
tillë apo jo. Kontrolli i cilësisë akademike, sigurisht, që do jetë një fazë e dytë dhe që do të
realizohet nga një kompani e mirënjohur ndërkombëtare e akreditimit.