A Daniel su orashon: Studiando e Skrituranan. Daniel 9:1-2.

— Daniel tabata studiando e Skrituranan, i el a deskrubrí ku Jerusalèm lo keda desolá(ruiná) pa 70 aña mientras nan tabata biba den Babilonia (Jeremias 25:11-12; 29:10). Esaki tabata un konsekuensia di e pikánan di Dios Su pueblo (Levitiko 26:31-35; mira 2 Kronikanan 36:17-21).

— Na e momentu ei (538 PK), Daniel tabata sirbi Babilonia pa kasi 70 aña (605 PK), i e desolashon total di Jerusalèm i e Tèmpel a tuma lugá kasi 50 aña promé (586 BC).

— El a komprendé e tempu ku é tabata biba aden, i el a bira na Dios pa reklamá Su promesanan. Rekonosiendo nan piká. Daniel 9:3-14.

— Daniel su orashon tabata unu di interseshon, manera Moisés su orashon (Eksodo 32:11-13) i Elias su orashon (1 Reinan 18:41-46).

— Daniel a hasi e pueblo su pikánan di djé, biniendo serka Dios ku tur nan piká i indignidat.— E no a purba pa despensá piká òf minimalis’é. Nan a kibra e Lei. Nan no a respondé(reakshoná)

na Dios Su spiertamentunan. Nan tabata meresé nan kastigu. Sinembargo, Daniel a intersedé pa e pueblo i a pidi pa Dios Su miserikòrdia.

— Ora ku nos hasi orashon pa otronan òf pa Dios Su pueblo, Dios ta tende nos orashonnan i E por aktua na nan fabor.

Pidiendo pa grasia. Daniel 9:15-19.— Daniel a hasi orashon pa Dios Su grasia i pordon inmeresí. Esaki ta kon nos orashonnan na Dios

mester.— Kual argumentunan Daniel a huza den su petishon pa Dios Su pordon?

(1) Dios Su hustisia (v. 16).(2) Dios Su amor (v. 17).(3) Dios Su miserikòrdia (v. 18).(4) Pa Dios Su kousa (v. 19a).(5) Pa kousa di Dios Su nòmber (v. 19b).

B Dios Su kontesta: Splikando e vishon. Daniel 9:20-24.

— Daniel tabata preokupá tokante di e vishon ei, pasombra el a komprendé ku e piká di su pueblo por hasi e desolashon di Jerusalèm dura aun mas largu (v. 16).

— Gabriel a kuminsá su splikashon dor di konta Daniel ku 70 siman a wòrdu stipulá(determiná) “pa bo pueblo i pa bo stat santu.” (v. 24)

— Durante e periodo di tempu ei, Dios Su pueblo lo mester prepará pa e trabou ku e Mesias lo tabata bai hasi pa nan (i pa nos).

— Kiko ta e trabou ku Hesus lo hasi despues di e 70 simannan ei? Daniel 9:24.(1) Pa terminá e transgreshon: Pa finalisá e rebelion kontra di Dios.(2) Pa trese piká na un fin: Pa pordoná piká.(3) Pa ekspiá(rekonsiliá) e inikidat: Pa paga e preis ku e Lei ta demandá(eksigí).(4) Pa trese den hustisia etèrno: Pa hasi nos hustu pa semper.(5) Pa seya e vishon i e profesia: Pa kumpli ku e profesianan Mesianiko.(6) Pa ungi e Santísimo: Pa habri e Santuario Selestial, kuminsando ku e trabou di intersedé.

E kalènder profétiko. Daniel 9:25-27.— E 70 simannan a wòrdu separá for di e periodo mas largu di 2,300-dianan, i ku tin e mesun

kuminsamentu.