Upload
liden99
View
212
Download
2
Embed Size (px)
Citation preview
@01a #/ /'phags pa dkon mchog brtsegs pa chen po chos kyi rnam
grangs le'u stong phrag brgya pa las le'u bcu drug pa ste/
'phags pa yab dang sras mjal ba zhes bya ba de kho na nges par
bstan pa/ bam
po dang po/ /rgya gar skad du/ a'arya pi t'a pu tra sa m'a ga
man n'a ma ma ? h'a y'a na s'u tra/ bod skad du/ 'phags pa yab
dang sras mjal ba zhes bya ba theg pa chen po'i mdo/ sangs rgyas
dang byang chub sems dpa' dang
'phags pa nyan thos dang rang sangs rgyas thams cad la phyag
'tshal lo/ /'di skad bdag gis thos pa dus gcig na/ bcom ldan 'das
grol ba grol ba'i 'khor dang ldan pa/ dul ba dul ba'i 'khor dang
ldan pa/
zhi ba zhi ba'i 'khor dang ldan pa/ rgal ba rgal ba'i 'khor dang
ldan pa/ pha rol du phyin pa pha rol du phyin pa'i 'khor dang
ldan pa/ thang la phyin pa thang la phyin pa'i 'khor dang ldan
pa/ dbugs phyin pa dbugs phyin pa'i
'khor dang ldan pa/ dge slong dge slong gi 'khor dang ldan pa/
nyon mongs pa bcom pa nyon mongs pa bcom pa'i 'khor dang ldan
pa/ dge sbyong dge sbyong gi 'khor dang ldan pa/ sdig pa bsal ba
sdig pa bsal ba'i 'khor
@02a */ /dang ldan pa/ tshangs pa tshangs pa'i 'khor dang ldan pa/
sdig bsal ba'i chos can sdig bsal ba'i chos can gyi 'khor dang
ldan pa/ rig pa can rig pa can gyi 'khor dang ldan pa/ khrus
byas pa khrus byas pa'i 'khor dang ldan pa/ sgrogs pa po sgrogs
pa
po'i 'khor dang ldan pa/ nyon mongs pa byang ba nyon mongs pa
byang ba'i 'khor dang ldan pa/ yan lag lnga rnam par bsal ba yan
lag lnga rnam par bsal ba'i 'khor dang ldan pa/ sgrib pa dang
rnam par bral ba sgrib pa dang rnam par bral ba'i 'khor dang
ldan pa/ yid rnam par
dang ba yid rnam par dang ba'i 'khor dang ldan pa/ yan lag drug
dang ldan pa yan lag drug dang ldan pa'i 'khor dang ldan pa/
bsnyen bsring dang bral ba bsnyen bsring dang bral ba'i 'khor
dang ldan pa/ bsrung ba gcig pa bsrung ba gcig pa'i 'khor dang
ldan pa/ dran pa'i
sgo srungs phun sum tshogs pa dran pa'i sgo srungs phun sum tshogs
pa'i 'khor dang ldan pa/ rton pa bzhi dang ldan pa rton pa bzhi
dang ldan pa'i 'khor dang ldan pa/ nyi tshe ba'i bden pa bsal ba
nyi tshe ba'i bden pa bsal ba'i 'khor dang ldan pa/ btsal ba
spangs pa btsal ba spangs
pa'i 'khor dang ldan pa/ mthar phyin pa mthar phyin pa'i 'khor
dang ldan pa/ don gyi mthar thug pa don gyi mthar thug pa'i
'khor dang ldan pa/ bdag nyid bsgoms pa bdag nyid bsgoms pa'i
'khor dang ldan pa/ kun tu rtog pa'i rnyog pa med pa kun tu rtog
pa'i rnyog pa
med pa'i 'khor dang ldan pa/ rnam par rtog pa yongs su chad pa
rnam par rtog pa yongs su chad pa'i 'khor dang ldan pa/ lus kyi
'du byed rab tu bsal ba lus kyi 'du byed rab tu bsal ba'i 'khor
dang ldan pa/ mi g.yo ba la mngon par mos pa mi g.yo ba la
mngon
@02b par mos pa'i 'khor dang ldan pa/ sems shin tu rnam par grol
ba sems shin tu rnam par grol ba'i 'khor dang ldan pa/ shes rab
shin tu rnam par grol ba shes rab shin tu rnam par grol ba'i
'khor dang ldan pa/ 'phags pa 'phags pa'i 'khor dang ldan pa/
yal ga
dang; lo ma dang/ 'dab ma dang/ lcug ma dang/ shun phrags kyi
skyon dang bral ba/ dag pa/ snying po la gnas pa/ sh'akya'i yul
na ser skya'i gnas/ shing n+ya gro dha'i kun dga' ra ba na lnga
sde dang/ grags byin dang/ 'char ka dang/ lteng rgyas 'od srung
dang/ ga ya 'od srung dang/
chu klung 'od srung dang/ 'od srung chen po dang/ sh'a ri'i bu
dang/ mOd gal gyi bu la sogs pa/ dge slong stong nyis brgya
lnga bcu'i dge slong gi dge 'dun chen po dang thabs cig tu
bzhugs te/ thams cad kyang dgra bcom pa/ zag pa zad pa/ nyon
mongs pa med pa/ dbang dang ldan par
gyur pa; sems shin tu rnam par grol ba/ shes rab shin tu rnam
par grol ba/ cang shes pa/ glang po chen po/ bya ba byas pa/
byed pa byas pa/ khur bor ba/ bdag gi don rjes su thob pa/ srid
par kun tu sbyor ba/ yongs su zad pa/ yang dag pa'i shes pas
sems shin tu rnam par grol ba/
sems thams cad kyi dbang gi dam pa'i pha rol du phyin pa sha
stag dang thabs cig ste/ de'i tshe nam gyi tho rangs kyi res la
bcom ldan 'das dge slong gi dge 'dun gyis yongs su bskor cing
dge slong gi dge 'dun gyis mdun gyis bltas te/ bla gab med pa na
bzhugs so/ /de'i tshe
bcom ldan 'das cang mi gsung bar thams cad dang ldan pa'i dge
slong gi dge 'dun cang mi smra ba la gzigs so/ /thams cad dang
ldan pa'i dge slong gi dge 'dun la gzigs nas dge slong rnams la
bka' stsal pa/ dge slong dag dge slong gang gis rgyal po zas
gtsang ma mngon par dad
par 'gyur ba de lta bu 'ga' zhig tshol cig /de nas tshe dang ldan
pa kun shes kO Di nya stan las langs te/ bla gos phrag pa gcig
tu gzar nas pus mo g.yas pa'i lha nga sa la btsugs te/ bcom
ldan 'das ga la ba de logs su thal mo sbyar ba btud nas/ bcom
ldan 'das
@03a */ /la 'di skad ces gsol to/ /bcom ldan 'das bdag gis rgyal
po zas gtsang ma mngon par dad par bgyi'o/ /de skad ces gsol pa
dang/ bcom ldan 'das kyis tshe dang ldan pa kun shes kO Di n+ya
la 'di skad ces bka' stsal to/ /kO Di n+ya khyod ni bla ma bla
mar bya ba'i chos dang ldan par bya ba yin gyis 'dug shig /de
bzhin du tshe dang ldan pa rlangs pa dang/ ming chen dang/ ming
chen dang/ grags byin dang/ lteng rgyas 'od srung dang/ chu
klung 'od srung dang/ ga ya 'od srung dang/ 'od srung chen po
dang/ tshe dang ldan pa sh'a ri'i bu dang/ mOd gal gyi bu chen
pos kyang bcom ldan 'das la 'di skad ces gsol to/ /bcom ldan
'das bdag gis rgyal po zas gtsang ma mngon par dad par bgyi'o/
/de skad ces gsol pa dang/ bcom ldan 'das kyis tshe dang ldan pa
mOd gal gyi bu chen po la 'di skad ces bka' stsal pa/ mOd
gal gyi bu khyod kyang bla ma bla mar bya ba'i chos dang ldan
par bya ba yin gyis 'dug shig /de nas tshe dang ldan pa mOd gal
gyi bu chen po 'di snyam du sems te/ rgyal po zas gtsang ma
mngon par dad par byed pa'i dge slong gang zhig bcom ldan 'das
bzhed snyam ste/ de nas tshe dang ldan
pa mOd gal gyi bu chen pos ting nge 'dzin gyi rnam pa de lta bu
la mnyam par bzhag ste/ de ltar mnyam par bzhag pa'i sems kyis
bcom ldan 'das kyis dgongs pa tshe dang ldan pa 'char ka la gnas
shing dge slong 'char ka 'di rgyal po zas gtsang ma mngon par
dad par byed do zhes
dgongs pa mthong ste 'di lta ste/ dper na khang pa brtsegs pa
'am/ khang pa brtsegs pa'i khyams sgo byang phyogs su lta ba'i
shar phyogs kyi skar khung nas nyi ma'i 'od zer byung ste/ nub
phyogs kyi rtsig ngos la shar ba de bzhin du de'i tshe tshe dang
ldan pa mOd gal gyi bu chen pos
bcom ldan 'das kyi dgongs pa tshe dang ldan pa 'char ka la shar
cing dge slong 'char ka 'di rgyal po zas gtsang ma mngon par dad
par byed do zhes dgongs pa mthong ngo/ /de nas tshe dang ldan pa
mOd gal gyi bu chen po ting nge 'dzin de las langs te/ tshe dang
ldan pa 'char ka ga
@03b la ba der song nas tshe dang ldan pa 'char ka la 'di skad
ces smras so/ /tshe dang ldan pa 'char ka bcom ldan 'das ni khyod
la dge slong 'char kas rgyal po zas gtsang ma mngon par dad par
bya bar nus so zhes dgongs shing bzhed do/ /tshe dang ldan pa
'char ka de lta yin gyis/
khyod kyis rgyal po zas gtsang ma mngon par dad par bya bar dad
pa skyed cig /de skad ces smras pa dang/ tshe dang ldan pa 'char
kas tshe dang ldan pa mOd gal gyi bu chen po la 'di skad ces
smras so/ /tshe dang ldan pa mOd gal gyi bu chen po rigs rnams
ni dad par bya bar shin tu dka'
ste; rgyal po'i rigs ni lhag par dka'o/ /de ci'i phyir zhe na/
rgyal po rgyal rigs spyi bo nas dbang bskur ba rnams ni mgu bar
dka' ba ste/ tshe dang ldan pa mOd gal gyi bu chen po 'di lta
ste/ dper na shing khur bcu 'am/ nyi shu 'am/ sum cu 'am/ bzhi
bcu 'am/
lnga bcu 'am/ shing khur brgya yang rung ste/ gsher bag med cing
skam la lo mang du lon pa zhig yod la de la mi la la zhig gis me
btang na me'i phung po chen po 'bar bar 'gyur ro/ /de la yang la
la zhig gis mar ram/ 'bru mar zhig gis gtor na me'i phung po de
bas ches
che bar 'bar te/ de'i steng ngam drung gi 'khor du 'gro ba ni
shin tu dka'o/ /tshe dang ldan pa mOd gal gyi bu chen po de
bzhin du rgyal po rgyal rigs spyi bo nas dbang bskur ba rnams ni
mgu bar dka' ba'o/ /tshe dang ldan pa mOd gal gyi bu chen po 'di
lta ste/ dper na glang po che
mche ba can kha gdangs pa'i so phrag tu 'gro ba ni shin tu
dka'o/ /tshe dang ldan pa mOd gal gyi bu chen po de bzhin du
rgyal po rgyal rigs spyi bo nas dbang bskur ba rnams kyang mgu
bar dka'o/ /de skad ces smras pa dang/ tshe dang ldan pa mOd gal
gyi bu chen pos tshe dang ldan pa
'char ka la 'di skad ces smras so/ /tshe dang ldan pa 'char ka de
ni de lta mod kyi/ 'on kyang khyod ni dge slong 'char ka 'dis
rgyal po zas gtsang ma mngon par dad par bya bar nus so zhes
bcom ldan 'das kyis dgongs shing bzhed pa yin no/ /smras pa/ tshe
dang ldan pa
@04a */ /mOd gal gyi bu chen po bcom ldan 'das kyis bdag la
rgyal po zas gtsang ma dad par byed par dgongs sam/ smras pa/
tshe dang ldan pa 'char ka de de bzhin te/ bcom ldan 'das kyis
dge slong 'char ka ni rgyal po zas gtsang ma dad par byed do
zhes dgongs so/ /
de nas bcom ldan 'das nyid kyis tshe dang ldan pa 'char ka la
bka' stsal pa/ 'char ka rgyal po zas gtsang ma dad par gyis shig
/de ci'i phyir zhe na/ 'char ka rgyal po zas gtsang ma ni yang
na ngas dad par bya yi/ yang na khyod kyis dad par bya'o/ /'char
ka nga'i nyan
thos ji snyed cig yod pa de dag gi nang na khyod ni 'di ltar
rigs dad par byed pa'i mchog yin no/ /de nas bcom ldan 'das kyis
de'i tshe tshe dang ldan pa 'char ka la tshigs su bcad de bka'
stsal pa/ 'char ka bzang po nga las mnyan par byos/ /khyod ni
rigs dad byed mchog rab yin
gyis; /sh'akya'i rigs rnams dga' ba skyed pa yi/ /rgyal po'i dam
pa myur du dad par byos/ /rgyal po'i rab de dad par byas na ni/
/rigs bu lha dag dang ni mi rnams la/ /mtha' dbus med pa'i legs
pa 'byung 'gyur gyis/ /mi yi dam pa myur du dad par byos/ /da
lta na ni
shakya'i bdag po de/ /mngon pa'i nga rgyal rtog pas dkrugs shing
nyams/ /ri yi ngos nas rbab 'dril ji bzhin du/ /brtson 'grus
rtsol ba thams cad btang ste gnas/ /dbang phyug nyams pa rjes su
dran byed pas/ /yid la gnod gyur sems dang yid kyang stor/ /
dper na tshong pa nor dang bral ba dag /rjes su dran zhing nyon
mongs gnas pa bzhin/ /lha yi gnas nas lha dag shi 'phos shing/
/lha rdzas 'dod pa rjes su dran pa bzhin/ /rgyal ba'i bstan pa
mngon par mi shes shing/ /rgyal po bde nyams snying rje smre
sngags 'don/ /nga yi rin po che ni sna bdun dang/ /mi yi phun
sum tshogs pa bzhi po dang/ /longs spyod dag ni rjes su dran byed
cing/ /sa bdag de ni snying rjer smre sngags 'don/ /mdangs
'phrog byed pa'i srin po stobs can gyis/ /ji ltar mi zhig yongs
su
@04b non gyur na/ /bdag kyang mi shes gzhan yang mi shes ltar/
/sa yi bdag po de yang de bzhin no/ /ti se'i gangs kyi ri bos
bsgribs gyur na/ /ji ltar mi dag blta bya mi mthong ba/ /de
bzhin nga rgyal chen pos bsgribs pas na/ /rgyal pos blta bar bya
ba mi mthong ngo/ /gnyid kyis
log gam shi bas myos 'gyur pa'i/ /mis ni rang gi sems kyang mi
shes te/ /de bzhin nga rgyal chen pos myos gyur pas/ /rgyal po
des kyang dge ba mi shes so/ /dper na khyim thab shi bas myos pa
yi/ /bud med snying rjer smre sngags 'don byed pa/ /de bzhin nga
rgyal chen pos
myos gyur pas/ /rgyal po de yang snying rjer smre sngags 'don/
/de lta bas na 'char ka thabs mkhas pa/ /khyod kyis 'dir ni
rgyal po dad par gyis/ /nga rgyal rgyal mtshan rab tu bsnyal bar
byos/ /chos kyi rgyal mtshan dam pa bslang bar gyis/ /'char ka
khyod ma gtogs par
srid pa yi/ /'gro ba dag na skal 'thun spyad med pas/ /rgyal
po'i sems ni rab tu dad bya bar/ /gang gis nus pa'i dge slong
gang yang med/ /'char ka sngon gyi dus na byung ba ni/ /'das
pa'i dus na sa yi bdag po zhig /ming ni bden pa 'phel zhes bya
ba ste/ /sa skyong byed pa
rnam par grags pa byung/ /de ni chos kyi rgyal po chos dang
ldan/ /srog chags bye ba khrag khrig rnams kyis mchod/ /rgya
mtsho'i mtha' mar thug pa'i sa 'di ni/ /chos dang ldan pa'i rgyal
po des kyang bskyangs/ /grong dang grong khyer dag kyang 'dab
nye zhing/ /bza' shing 'bras bu me
tog rgyas pas gang/ /'phags pa'i skye bo dag dang shed las
skyes/ /sdig dang bral ba rnams kyis rab tu gang/ /dri za brgya
mang dag gis gang ba ste/ /sdong dum tsher ma rtsva shing ngan pa
med/ /'jam zhing dge sbyong gnas kyi tshogs kyis sbras/ /chu
klung 'bab stegs bde
bas rab tu brgyan/ /drang srong tshogs brgya rjes su rgyu ba ste/
/skye bo'i dkar chos rnams kyis kun tu bsgrubs/ /ngan song lam
ngan rnams ni rab tu bcad/ /de nas sems can thams cad lha gnas
'dod/ /rgyal po de la bu dag yod pa ni/ /sngon gyi sangs rgyas
byung ba mthong
@05a */ /ba ste; /dge ba'i rtsa ba dag ni bskyed pa can/ /yon
tan mang pos bsgos pa'i blo gros ldan/ /ming ni blo gros snying
po zhes bya ste/ /srog chags bye ba khrag khrig rnams kyis
mchod/ /'dod pa rnams la skyon du lta ba can/ /mi bdag khyim na
gnas
kyang dben la dga'/ /rgyal po bden pa 'phel zhes bya ba des/
/lha yi pho brang 'dra ba'i khyim mchog 'dir/ /na chung tshogs
kyis kun nas mdun bdar te/ /'dod pa'i yon tan bzang la spyod ces
smras/ /bu yi dam pa khyod la nga yis ni/ /ji ltar 'dod pa'i bya
ba gang
ma byas/ /'dod pa rnams la khyod yid ci yi phyir/ /ma mos nga la
bu khyod myur du smros/ /srid pa'i 'gro ba'i yon tan mkhas gyis
te/ /bu khyod rin chen khyim la dga' ba skyed/ /bud med rin chen
'khor dang 'grogs gyis te/ /yul la dga' zhing mos pa bskyed
par gyis/ /dka' thub nags na 'khod pa'i drang srong dag /de
btang nas ni phyir yang 'di dag na/ /dka' thub btang zhing 'dod
pa'i dga' la spyod/ /'dod pa de dag bu gcig khyod la bstabs/ /de
lta bas na 'dod pa'i dga' la spyod/ /nga dang rgyal srid thams
cad khyod dang 'thun/ /
rnam thos bu yi gnas dang 'dra ba yi/ /gzhal med khang gi rgyan
can khyim 'dir spyod/ /'di dag rnams kyang mchog gi gzugs ldan
zhing/ /lha mo 'dra la sgyu rtsal tshar phyin pa/ /rol mo'i sgra
yi tshul dang glu la mkhas/ /bsnyen bkur snyoms shing yon tan yid
kyang 'phrog /
mig ni pad ma'i lo ma 'dra ba ste/ /bim pa'i mdog 'dra mchu
mdzes yid du 'ong/ /so dang bzhin mdog dri ma med cing bzang/
/dpral ba smin ma legs shing mgul pa sdug /brla ni glang po che
yi sna yang 'dra/ /phrag so shas rgyas thal gong legs dang ldan/
/lag dang
rkang pa'i mthil ni zangs kyi mdog /sor mo byin pa phra bar legs
dang ldan/ /lce ni zangs mdog 'dra ba srab cing dag /tshig ran
'jam par smra ba'i tshul dang ldan/ /so ni thags bzang so rnams
rad rod med/ /mche ba rab dkar mchog gi rgyan dang ldan/ /lto ba
phyang nger
@05b 'dug cing lte ba sdug /sta zur yangs shing rked pa rdo rje
'dra/ /byin pa glang po che yi so 'dra zhing/ /mda' rgyu snying
po legs par skyes pa bzhin/ /dregs bcas glang chen 'dra ba'i
'gros dang ldan/ /gzhan du mi sems yid kyis khyod la lta/ /rtse
ba 'dod
cing dar la bab dang ldan/ /gzhon nu snying rje ltos la brtse
bar byos/ /bu cig khyod dang bud med 'di dag gi /mdog bzang ba
dang dar la bab pa yang/ /shing gi rtse mo'i me tog bzhin ltung
gis/ /nga rgyal thong la 'dod pa bsten par gyis/ /blo gros
snying po ltan
des smre ba yi/ /pha dang 'khor rnams kun la 'di skad smras/
/yab cig khyod ni mad par gsung ba lags/ /gang dag tshig gis
grags pa ma smad mad/ /yon tan rnams la mos pa bdag gi tshig
/bsams te gtan la bab la rgyal po gson/ /ji ltar rmi lam
na yang 'dod la bdag /sems mi dga' zhing ma mos de 'dra gson/
/sa yi bdag pos bka' stsal 'di dag ni/ /mkhas pa rnams la mdzes
pa ma lags te/ /mi mkhas skye bo dag gis yang dag bsams/ /mkhas
pa rnams kyis de dag rtag tu smad/ /long ba
ma lags ci yi rgyu zhig gis/ /long ba'i tshig gis lam gol 'dzin
par bgyid/ /thang la gnas pa su zhig ji ltar na/ /mgon med chus
khyer ba la 'dod pa skyed/ /grol ba ji lta bur na bcings pa yi/
/tshig gis btson ra der ni 'jug par bgyid/ /sa mnyam gnas
shing ma 'khrul ji ltar na/ /nyam ngar gnas la 'dod pa skyed par
bgyid/ /sa bdag 'dod pa rnams la chags bcas shing/ /'dod pa'i
longs spyod dag gi chus khyer ba/ /long ba chus khyer btson rar
gnas pa dang/ /nyam ngar gnas 'drar bdag ni de snyam
bgyid/ /mi yi bdag po khyod ni long ba bzhin/ /bdag ni mig can
khyad par mthong ba lags/ /khyod ni 'dod pa'i chu bos khyer ba
lags/ /bdag ni 'dod pa rnams las rnam par smod/ /'dod pa dag ni
dug gi lo ma bzhin/ /sprul gyi mgo 'dra sdug bsdal bgyid pa
@06a */ /ste; /rtse gsum pa dang ral gri mdung thung 'dra/ /me
yi phung po shin tu 'bar ba bzhin/ /blo gros snying po ldan pas
de skad du/ /smre sngags 'don pa'i pha dang 'khor la smras/ /rin
chen sna bdun dag la ma bltas par/ /rgyal srid rnam par spangs
te rab tu
byung/ /sbrul gyi lpags rnying rjes pa ci 'dra dang/ /ngar snabs
rdus pa'i thal ba bzhin spangs te/ /blo gros snying po ldan pa
chags med par/ /sdig dang rnam par bral te rab tu byung/ /gzhon
nu de ltar rab tu byung gyur nas/ /blon po'i bu zhig rjes su rab
byung ba/ /ming
ni zla bas byin zhes bya ba ste/ /blo gros snying po'i rjes su
rab tu byung/ /gzhon nu de ltar rab tu byung gyur nas/ /tshangs
pa'i gnas pa bzhi po bskyed nas ni/ /grogs dang bcas pas mngon
par shes pa lnga/ /ma lus mtha' dag bskyed par byas par gyur/
/'dod pa
rnams la skyon du lta bas na/ /mi yi seng ge de ni 'dod khams
'das/ /tshangs pa yang dag nyid ni thob bya'i phyir/ /tshangs pa'i
'khor lo rab tu bskor ba byas/ /de ltar gzhon nu rab tu byung
bas na/ /pha de bu la ma dad gyur pa dang/ /zla bas byin pa de
yi gan song nas/ /legs
par bshad pa'i tshig gis dga' bar byas/ /'char ka khyod ni de la
ji snyam sems/ /de tshe blo gros snying po gzhan snyam 'am/ /nga
nyid de yi tshe na der gyur te/ /'dod pa'i longs spyod don du
gnyer ba med/ /'char ka khyod ni de la ji snyam sems/ /bden pa
'phel ba gzhan
zhig yin snyam 'am/ /mi bdag zas gtsang 'di nyid de yi tshe/
/rgyal po bden pa 'phel zhes bya bar gyur/ /'char ka khyod ni de
la ji snyam sems/ /rjes su rab byung zlas byin gzhan snyam 'am/
/khyod nyid de tshe de yi dus na ni/ /bden pa 'phel ba dad par
byed pa yin/ /
de lta bas na 'char ka khyod kyis 'dir/ /rgyal po zas gtsang dad
pa mngon skyed cig /sa skyong byed pa 'di ni dad gyur na/ /skyid
pa chen po phun sum tshogs par 'gyur/ /de nas tshe dang ldan pa
'char kas bcom ldan 'das la mi smra bar khas blangs so/ /de nas
tshe dang ldan pa 'char ka
@06b zhag de 'das nas snga dro'i dus kyi tshe chos gos dang sham
thabs bgos/ lhung bzed thogs te/ ser skya'i gnas kyi grong khyer
chen por song ngo/ /de'i tshe rgyal po zas gtsang ma btsun mo'i
'khor gyi mdun na sh'akya stong tsam zhig dang/ dgos pa zhig gi
ched du 'dus shing 'khod do/ /
rgyal po zas gtsang mas kyang bcom ldan 'das ser skya'i gnas su
byon cing/ ser skya'i gnas 'di nyid na shing n+ya gro dha'i kun
dga' ra ba na bzhugs so zhes thos nas de 'di snyam du sems te/
gzhon nu de rab tu byung bas bdag ni dbang phyug gi longs spyod
chen po las nyams par byas so/ /
gal te gzhon nu de khyim na gnas na 'khor los sgyur ba'i rgyal
po mtha' bzhir rnam par rgyal ba/ chos dang ldan pa/ chos kyi
rgyal po rin po che sna bdun dang ldan par 'gyur te/ de'i rin po
che sna bdun 'di dag ste/ 'di ltar 'khor lo rin po che dang/
glang po rin po che dang/
rta rin po che dang/ nor bu rin po che dang/ bud med rin po che
dang/ khyim bdag rin po che dang/ blon po rin po che ste 'di
bdun no/ /de la bu dpa' ba/ rtul phod pa/ yan lag mchog gi gzugs
dang ldan pa/ gzhan gyi sde rab tu 'joms pa stong yang tshang bar
'gyur
ba zhig /des gling chen po bzhi pa'i 'jig rten gyi khams 'di
yang chad pa med cing mtshon gyis bda' ba med la mnyam ste/ mi
mnyam pa med cing chos dang 'thun pas legs par phab nas bskal pa
rdzogs par legs par bskyangs par 'gyur ba zhig ste/ de ltar gyur
na bdag cag kyang 'khor los
sgyur ba'i rgyal srid la dbang phyug gi dbang dang ldan zhing
rim gro byas pa dang/ bkur sti byas pa dang/ bsti stang du byas
pa dang/ mchod par byas pa dang/ dbang phyug gi dbang chen po
yang rnyed par 'gyur ba zhig na da ltar bdag cag ni gzhon nu de
rab tu byung bas de lta bu'i longs spyod kyi
dbang chen po dang bral bar gyur to snyam mo/ /des de snyam du
bsams nas sh'akya rnams la bsgo ba/ nga'i bu de la blta ba 'am/
bsnyen bkur byed par su yang ma 'gro shig /la la zhig nga'i bu
de la blta ba 'am bsnyen bkur bya ba'i phyir 'gro na de'i lus la
gnod pa'i chad pas bcad
@07a */ /do; /de'i tshe sh'akya'i bu dga' ba'i bzhin zhes bya ba
zhig 'khor de nas byung nas song bar gyur te/ sha'kya'i bu dga'
ba'i bzhin gyis tshe dang ldan pa 'char ka rgyang ring po nas
'ong ba mthong nas tshe dang ldan pa 'char ka ga la ba der song
ste/ tshe dang ldan pa 'char ka la yang dag
par mgu bar byas nas/ tshe dang ldan pa 'char ka tshur sbyon/ tshe
dang ldan pa 'char ka byon pa legs so/ /tshe dang ldan pa 'char
ka yun kyang ring zhig nas byon to/ /tshe dang ldan pa 'char ka
bcom ldan 'das la snyun mi mnga' 'am/ stobs dang ldan nam/ bde
bar bzhugs
sam; mi bde ba mi mnga' 'am/ de la nyam nga ba ci yang mi mnga'
'am/ bcom ldan 'das bde bar byon tam/ shin tu ma mnyel tam/ bsod
snyoms kyis 'o ma brgyal tam/ de skad ces smras pa dang/ tshe dang
ldan pa 'char kas sh'akya'i bu dga' ba'i bzhin la 'di skad
ces smras so/ /dga' ba'i bzhin de de bzhin te/ bcom ldan 'das la
snyun mi mnga'o/ /stobs dang ldan no/ /bde bar bzhugs so/ /mi
bde ba mi mnga'o/ /de la nyam nga ba ci yang mi mnga'o/ /bde bar
byon to/ /mnyel ba med do/ /bsod snyoms kyis 'o brgyal ba
med do/ /sh'akya'i bu shin tu legs par sad kyis kyang sh'akya'i bu
dga' ba'i bzhin tshe dang ldan pa 'char ka dang lhan cig dben pa
na 'khod pa mthong nas 'khor de nas byung ste/ tshe dang ldan pa
'char ka ga la ba der song nas tshe dang ldan pa 'char ka la yang
dag par mgu bar byas te/ tshe dang
ldan pa 'char ka tshur sbyon/ tshe dang ldan pa 'char ka byon pa
legs so/ /tshe dang ldan pa 'char ka yun kyang ring zhig nas byon
to/ /tshe dang ldan pa 'char ka bcom ldan 'das la snyun mi mnga'
'am/ stobs dang ldan nam/ bde bar bzhugs sam/ mi bde ba mi mnga'
'am/
de la nyam nga ba ci yang mi mnga' 'am/ bcom ldan 'das bde bar
byon tam/ shin tu ma mnyel tam/ bsod snyoms kyis 'o ma brgyal
tam/ de skad ces smras pa dang/ tshe dang ldan pa 'char kas
sh'akya'i bu shin tu legs par sad la 'di skad ces smras so/
/shin tu legs par
@07b sad de de bzhin te/ bcom ldan 'das la snyun mi mnga'o/
/stobs dang ldan no/ /bde bar bzhugs so/ /mi bde ba mi mnga'o/
/de la nyam nga ba ci yang mi mnga'o/ /bde bar byon to/ /mnyel
ba med do/ /bsod snyoms kyis 'o brgyal ba med do/ /sh'akya'i bu
mya ngan med
dang; mya ngan bral gyis kyang tshe dang ldan pa 'char ka dang/
sh'akya'i bu dga' ba'i bzhin dang/ sh'akya'i bu shin tu legs par
sad gnas dben pa na 'khod pa mthong nas tshe dang ldan pa 'char
ka ga la ba der song ste/ tshe dang ldan pa 'char ka la yang dag
par mgu bar byas nas/
tshe dang ldan pa 'char ka tshur sbyon/ tshe dang ldan pa 'char ka
byon pa legs so/ /tshe dang ldan pa 'char ka yun kyang ring zhig
nas byon to/ /tshe dang ldan pa 'char ka bcom ldan 'das la snyun
mi mnga' 'am/ stobs dang ldan nam/ bde bar bzhugs sam/ mi bde ba
mi
mnga' 'am/ de la nyam nga ba ci yang mi mnga' 'am/ bcom ldan
'das bde bar byon tam/ shin tu ma mnyel tam/ bsod snyoms kyis 'o
ma brgyal tam/ de skad ces smras pa dang/ tshe dang ldan pa 'char
kas sh'akya'i bu mya ngan med dang/ mya ngan bral la 'di skad
ces
smras so/ /mya ngan med dang/ mya ngan bral bcom ldan 'das la
snyun mi mnga'o/ /stobs dang ldan no/ /bde bar bzhugs so/ /mi
bde ba mi mnga'o/ /de la nyam nga ba ci yang mi mnga'o/ /bde bar
byon to/ /mnyel ba med do/ /bsod snyoms kyis 'o brgyal ba med
do; /de ci'i phyir zhe na/ 'di ltar rgyal po chen po bzhi dang/
lha'i dbang po brgya byin dang/ mi mjed kyi bdag po tshangs pa
dag bcom ldan 'das la mchod pa'i phyir brtson par byed do/ /de
skad ces smras pa dang/ sh'akya'i bu de dag gis tshe dang ldan pa
'char ka la 'di
skad ces smras so/ /btsun pa 'char ka bdag cag ni bcom ldan 'das
la blta ba dang/ bsnyen bkur bya bar 'dod na bdag cag gis de
ltar mi nus so/ /de ci'i phyir zhe na/ 'di ltar rgyal po zas
gtsang mas nga'i bu la blta ba 'am bsnyen bkur bya ba'i phyir su
yang ma
@08a */ /'gro shi /la la zhig de la blta ba 'am/ bsnyen bkur bya
ba'i phyir song na lus la gnod pa'i chad pas gcad do zhes bka'
stsal to/ /de bas na 'phags pa 'char ka de ltar bdag cag rgyal
pos 'jigs pa'i phyir bcom ldan 'das la blta ba 'am bnyen
bkur byed du 'dong bar mi nus so/ /de nas tshe dang ldan pa 'char
ka 'di snyam du sems te/ kye ma rgyal po zas gtsang ma 'di ni
shin tu yang nga rgyal gyis non par gyur na ji ltar bdag gis
de'i drung du 'gro bar bya snyam nas des 'di snyam du bsams so/
/'on tang bdag gis nam
mkha' la rdzu 'phrul gyis shing ta la bdun srid du 'phags la
steng gi bar snang la skyil mo krung bcas te rgyal po zas gtsang
ma'i gan du 'gro bar bya'o snyam nas/ de nas tshe dang ldan pa
'char kas ting nge 'dzin gyi rnam pa de lta bu la mnyam par
bzhag ste/ sems mnyam par bzhag pa
des nam mkha' la shing ta la bdun srid du 'phags nas bar snang
la skyil mo krung bcas te/ rgyal po zas gtsang ma ga la ba der
song ngo/ /rgyal po zas gtsang mas kyang tshe dang ldan pa 'char
ka rgyang ring po nas nam mkha' la shing ta la bdun srid du
'phags te rdzu 'phrul gyis bar snang la skyil mo
krung bcas shing 'ong ba mthong nas de la thal mo sbyar te tshigs
su bcad nas smras pa/ tshon bsgyur gos can khyod ni gang nas
'ongs/ /khyod la ci dgos myur du smra bar byos/ /khyod la gang
dgos de yang myur du sbyin/ /brtul zhugs grub pa mthong bar shin
tu dka'/ /de skad ces
smras pa dang/ tshe dang ldan pa 'char kas rgyal po zas gtsang ma
la tshigs su bcad de slar smra pa/ rgyal po bdag ni khyod kyi
sras kyi bu/ /bdag la chos dgos rgyal po gang na bzhugs/ /bdag
ni de bzhin gshegs pa'i bshos skyel te/ /bde bar gshegs pa skyob
pa'i bshos bskur ro/ /yul 'khor bdag po che ba'i dpal mnga' ba/
/khyod la mi mchog sras mnga' grags pa thob/ /gzi brjid kyis ni
phyogs rnams kun tu 'bar/ /ston gyi nyi ma'i gung gi 'od dang
'dra/ /ji ltar sprin med nam mkha'i nyi ma ni/ /phyogs rnams kun
tu 'od
@08b byed mngon par 'bar/ /de bzhin rgyal po glang po khyod kyi
sras/ /ye shes mnga' bas phyogs rnams kun tu snang/ /ji ltar
ston gyi nyi ma shar ba na/ /srin bu me khyer zil gyis mnan cing
snang/ /de bzhin rgyal po glang po khyod kyi sras/ /mu stegs
gzhan rnams kun bcom
lam mer bzhugs/ /ji ltar nyi mas zil non skar ma rnams/ /nyin
par 'od stor lam mer mi rung ba/ /de bzhin rgyal po glang po
khyod sras kyis/ /zil gyis mnan pas mu stegs gzhan mi snang/ /ji
ltar nyi mas zil non zla ba ni/ /nam mkha'i dbyings nas 'od stor
nyid mi
snang; /de bzhin khyod sras zil mnan mu stegs rnams/ /nyi mas
zil non zla bzhin gsal ba med/ /seng ge'i nga ro thos nas phra
mo rnams/ /shugs kyis rmongs nas bsam pa ji bzhin du/ /ri sul
gseb tu byer nas 'khra zhing gnas/ /stag gi nga ro gzhan gyis
bzod par
dka'; / de bzhin rgyal ba drang srong chen po'i gsung/ /bdag med
nga ro mu stegs gzhan thos nas/ /shes rab dman pa srid pa'i rtser
phyin kyang/ gsung thos pas ni thams cad 'jigs par 'gyur/ /lha
dang bcas pa'i 'jig rten long ba la/ /spyan dang ldan pa des ni
mig kyang stsal/ /snang ba mdzad cing rdul kyang rnam par
sbyangs/ /ye shes snang ba'i dkyil 'khor mngon par shar/ /bde
dang mi bde'i lam gnyis rab tu bstan/ /lam dang gol ba'i lam
yang rgyal bas bstan/ /lam stor skye bo rnams ni lam du btsud/
/'dam du bying
pa rnams kyang thang la bton/ /ji ltar skom pa'i sa la sprin
gyis ni/ /sgang dang gshong bcas char gyis ngoms par byed/ /de
bzhin rgyal po glang po khyod kyi sras/ /'gro ba lhar bcas chos
kyis ngoms par mdzad/ /ji ltar char gyis ngoms pa'i ri sul nags/
/rtsva dang
gel pa nags tshal shing rnams dang/ /'khri shing sdong po sman
gyi rnam pa dang/ /me tog sna tshogs rnams kyis sa mdzes pa/ /de
bzhin stobs bcu mi 'jigs mnga' ba dang/ /ma 'dres bcva brgyad
chos mnga'i sdong po la/ /thams cad mkhyen pa'i ye shes me tog
dang//
@09a */ /'bras bus spras pas rgyal po'i sras mdzes so/ /ji ltar
rgya mtsho'i dbus na lhun po'i ri/ /lha yi gnas gyur mi sgul rnam
par mdzes/ /de bzhin rgyal po glang po khyod kyi sras/ /dge
sbyong rgya mtsho'i nang na rnam par mdzes/ /bde sogs khyim thab
brgya byin
lha dbang po/ /lha yi stan la 'dug na mdzes pa ltar/ /de bzhin
rgyal po glang po khyod kyi sras/ /dge sbyong tshogs kyi dbus na
rnam par mdzes/ /byams pa'i stobs can zab mo'i 'brug bsgrags te/
/thugs rje chen po'i glog phreng rir ldan pas/ /dran pa nyer
gzhag char
rgyun 'dab 'khrigs te/ /rgyal ba klu mchog de ni chos char
'bebs/ /yongs dag dkyil 'khor tshul khrims rab kyi gzer/ /ting
'dzin nyon mongs lha min rab 'joms shing/ /ye shes nyi zer srid
pa'i srid ? pa skems/ /rgyal ba'i nyi chen 'gro bar rnam par
mdzes/ /
ting nge 'dzin dang tshul khrims gzings dang gru chen te/ /dran
pa nye bar gzhag pa'i nor bu rin chen tshogs/ /byang chub yan lag
rin chen 'byung gnas bsam gtan rlabs/ /thar pa 'dod pas sangs
rgyas rgya mtsho bsten par bya/ /tshul khrims rnam dag rtsa ba
brtan
par zug /ting 'dzin lo ma dran pa yal ga 'dab/ /byang chub yan
lag me tog stong pa'i sdong/ /bdag med grib ldan rgyal ba'i
sdong po sten/ /tshul khrims nags mtha' sten pa'i stobs chen po/
/ting 'dzin zhi ba'i ri khrod phug na gnas/ /stong pa mtshan med
smon
med spyod yul can/ /rgyal ba stobs can seng ge khyod kyi sras/
/thub pa mi gnas gnas pa rnam par ston/ /rgyal bkhyu mchog brjid
pa'i stabs bzhud pas/ /byis pa so so mu stegs gzhan bsngags te/
/khyod kyi sras ni khyu mchog sgra yang 'byin/ /tshul
khrims gter dang yon tan dbyig gis brgyan/ /bsam gtan dang ba'i
zhi gnas nye bar bskyabs/ /ye shes kyis bsrungs thar pa'i spyod
yul can/ /rgyal ba tshong dpon gtso bo nor gtong mdzad/ /dge ba
yongs su bzung bas sdig bcom ste/ /nyon mongs zhi mdzad
@09b dge bsten bka' stsol pas/ /lha dang lha min bcas pa'i 'jig
rten na/ /rgyal po khyod kyi sras mchog rnam par mdzes/ /tshul
khrims mchog sprin blo gros glog 'byin cing/ /yan lag brgyad lam
char chen rlan gyis sbengs/ /thub pa gces pa'i lo tog 'bras bu
stsol/ /
khyod kyi sras ni klu chen 'brug sgra sgrogs/ /rgyal pos smras
pa/ gang zag mchog de bde bar 'ongs sam ci/ /bsod snyoms rgyu
bas 'dren pa ma ngal lam/ /de yi lus la ngal bas dub med dam/
/thang gnas ud pa la bzhin ma rnyis sam/ /'char kas smras pa/
rdzu 'phrul stobs mnga' bsam gtan spyod yul can/ /dgyes shing
bde bas yan lag yongs rgyas te/ /thub pa zhi ba'i snyoms 'jug
gnas bcas pas/ /gser gyi pad ma lta bur rgyal mi rnyis/ /rgyal
pos smras pa/ sngan chad rdza rnga rnga bran sgras bskul zhing/
/gling
bu'i sgra snyan nga ros bskul byas te/ /bud med glu yi dbyangs
kyis bslang bslang nas/ /da ltar sad na sdug bsngal mi myong
ngam/ ? /'char kas smras pa/ bsam gtan dgongs pas ting 'dzin zhi
yul can/ /ting 'dzin bsgrub pa'i tshul la mkhas pa ste/ /mnal tam
bzhengs sam bzhud dam bzhugs pa na/ /sdug bsngal mi mnga' rgyal
ba rtag tu dgyes/ /rgyal pos smras pa/ che ba'i rkyen 'os mal
mchog bshams pa la/ /me mar sdong pos kun nas mtha' bskor te/
/bud med tshogs kyis bskor cing nyal nyal na/ /da ltar
mun par nyal na cis mi rmongs/ /'char kas smras pa/ thub chen
'phags pa gzims mal gzims pa ni/ /byams pa'i gdan bting thugs
rjes bde bar bzhengs/ /dga' ba'i gnas pas dgyes dang ldan pas
na/ /srid med btang snyoms can la rmongs mi mnga'/ /rgyal
pos smras pa/ /sh'akya dpa' bos de rtag mdun du bdar/ /bstan
bcos mkhas dang rtse zhing dga' byas te/ /gzhal med khang 'dra'i
khyim du dga' byas na/ /nga yi bu de nags mthar ji ltar dga'/
/'char kas smras pa/ chos kyis byung ba zhi sems ldan rnams
kyis/ /
@10a */ /zhi ba'i thugs mnga' de rtag mdun du bdar/ /zhi ba'i
dgon par zhi ba bsten mdzad pas/ /ston pa 'jigs bral de ni der
dgyes so/ /rgyal pos smras pa/ /sngan chad gzhon nu khyim na
gnas pa'i tshe/ /yan lag spos kyi 'bru mar zhim byugs te/ /
rgyal po'i rkyen du 'os pas khrus byas na/ /nags kyi mtha' na
thub pa su yis bkru/ /'char kas smras pa/ khrims gtsang 'bab
stegs chos chu rdzing bu ste/ /thub pa des bkrus gzhan yang bkru
ba mdzad/ /sku la mi gsher sras dang bcas su 'bog /rang yang
rgal la skye bo phal cher sgrol/ /rgyal pos smras pa/ gser gyi
skud pa nor bu'i phreng bas brgyan/ /rgyal po'i rkyen 'os gos
mchog bzang po gyon/ /tsan dan zhim pos shing 'dab legs par
bris/ /nags chen de gseb thub pa su yis brgyan/ /'char kas smras
pa; tshul khrims spos byugs yon tan phreng bas brgyan/ /khrel yod
na bza' ting 'dzin bsam gtan rgyan/ /mngon shes rig pa rnam thar
brgyan pa'i sku/ /rnam grol gzi mnga' thub pa nags na mdzes/
/rgyal pos smras pa/ /rtse gnyis mtshon dang ral gri
mtshon thogs pa'i/ /dpa' bo g.yul du 'ongs pas lus bsrungs te/
/bla re gdugs kyis rtag tu dgab dgab pa/ /gcig pu nags na 'dug
na su yis bsrung/ /'char kas smras pa/ byams pa'i stobs kyis
thub pa yongs bsrungs te/ /de dpung ye shes
nyan thos zhabs 'bring g.yog /yon tan tshogs la nges pas 'jigs
mi mnga'/ /stobs bcu dgyes pa mnga' zhing mi 'jigs brnyes/
/rgyal pos smras pa/ da yi bu yi yon tan khyod kyis smras/ /chos
legs spyod cing dub med brjod pa thos/ /khyod kyang
zan zo bsod snyoms bkur bar gyis/ /bdag kyang mi yi dbang po
ltar 'gro'o/ /de skad ces smras pa dang/ tshe dang ldan pa 'char
kas rgyal po zas gtsang ma la 'di skad ces smras so/ /rgyal po
chen po bcom ldan 'das de ni tshogs kyi slob dpon/ tshogs kyi
@10b mchog /dge sbyong gi tshogs yongs su sdud pa/ drang srong
chen po ste/ dge sbyong gi tshogs kyi nang na bzhugs na dge
sbyong gi rgyal po lam me lhan ne lhang nge'o/ /rgyal po chen po
'di lta ste/ dper na/ zla ba yar gyi ngo tshes bcva lnga la zla
ba nya ste yongs su rgyas pa'i tshe
skar ma'i tshogs kyis kun nas bskor ba ni lam me lhan ne lhang
nge'o/ /de bzhin du bcom ldan 'das de yang dge sbyong gi tshogs
kyi ngang na bzhugs na lam me lhan ne lhang nge'o/ /rgyal po
chen po 'di lta ste/ dper na nyi ma ni ston ka'i dus na shin tu
lam me lhan ne
lhang nge'o/ /de bzhin du bcom ldan 'das de yang dge sbyong gi
tshogs kyi nang na bzhugs na shin tu lam me lhan ne lhang nge'o/
/'di lta ste/ dper na ri'i rgyal po ri rab rgyal mtsho'i nang na
'dug pa ni lam me lhan ne lhang nge'o/ /de bzhin du bcom ldan
'das de yang dge sbyong
gi tshogs kyi nang na bzhugs na lam me lhan ne lhang nge'o/ /'di
lta ste/ dper na lha'i dbang po brgya byin ni chos bzang lha'i
bdun sa na gnas na lam me lhan ne lhang nge'o/ /de bzhin du bcom
ldan 'das de yang dge sbyong gi tshogs kyi nang na bzhugs na lam
me lhan ne lhang nge'o/ /'di lta
ste; dper na lha'i bu rab 'thab bral dang/ lha'i bu yongs su
dga' ldan dang/ lha'i bu rab 'phrul dga' dang/ lha'i bu gzhan
'phrul dbang byed lha'i tshogs kyi nang na gnas na lam me lhan ne
lhang nge'o/ /de bzhin du bcom ldan 'das kyang dge sbyong gi
tshogs kyi nang na bzhugs
na lam me lhan ne lhang nge'o/ /'di lta ste/ dper na mi mjed kyi
bdag po tshangs pa ni tshangs pa bye ba phrag stong gis bskor na
lam me lhan ne lhang nge'o/ /de bzhin du bcom ldan 'das de yang
dge sbyong gi tshogs kyi nang na bzhugs na lam me lhan ne lhang
nge'o/ /de nas rgyal po zas gtsang
mas bcom ldan 'das kyi yon tan de lta bu brjod pa 'di thos nas
'di snyam du sems te/ 'di ni bcom ldan 'das de'i nyan thos su
zad na 'di ltar rdzu 'phrul che zhing 'di ltar mthu che la 'di
ltar dbang che bar grags na/ bcom ldan 'das thog ma btsas pa
nyid kyi tshes chen po 'di rnam pa drug
@11a */ /tu g.yos/ rab tu g.yos/ kun tu rab tu g.yos/ 'gul
rab tu 'gul/ kun tu rab tu 'gul/ ldeg rab tu ldeg /kun tu rab
tu ldeg /chem chem rab tu chem chem/ kun tu rab tu chem chem/
'ur 'ur rab tu 'ur 'ur/ kun tu rab tu 'ur 'ur/
'khrugs rab tu 'khrugs/ kun tu rab tu 'khrugs shing snang ba
dpag tu med pa byung ba lta ci smos/ btsas ma thag tu sus kyang
ma brten par sa la gom pa bdun bor ba dang/ steng gi bar snang
las chu'i rgyun grang dro rnam pa gnyis byung ste/ de gnyis kyis
khrus byas pa dang/
de'i lha'i khri bzang po dbus gser las byas pa byung ba dang/
steng gi bar snang las lha'i gdugs rnga yab dang bcas pa byung
ba lta ci smos/ btsas ma thag tu lha thams cad phyag 'tshal bar
gyur pa dang/ gang gi tshe btsas nas gang gi tshe mngon par byung
ba de'i bar du nam yang 'khrul
pa med pa/ rtag tu dam bcas pa la brtan pa/ ji skad smras pa de
ltar byed pa/ rtag tu rgyun mi gcod par brtson 'grus brtan pa/
yang dag par smra ba/ slu ba med pa lta ci smos/ gang gi tshe bla
na med pa yang dag par rdzogs pa'i byang chub mngon par rdzogs
par sangs rgyas te/ rgal
nas bsgral bar bya'o zhes smras pa lta ci smos snyam ste/ des de
ltar bcom ldan 'das byang chub sems dpar gyur pa'i dam bcas pa
de dran nas tshigs su bcad pa 'di dag smras so/ /blo mchog ldan
pa gang zhig bltam ma thag /nor ba med pa'i gsung ni brjod
mdzad de/ /gang zhig la ni
bden pa'i gsung mnga' ba/ /de la mkhas pa su zhig yid mi ches/
/gang zhig bltam par gyur ma thag nyid du/ /'jig rten gtso bor
'gyur bar bya'o zhes/ /mgon pos mnyam pa med pa'i gsung brjod
pa/ /de la mkhas pa su zhig yid mi ches/ /su zhig rmad lam rmi
ba'i dus na yang/ /brdzun gyi tshig ni nam yang ma gsungs te/ ji
skad gsungs pa de ltar mdzad mdzad pa/ /de la mkhas pa su zhig
yid mi ches/ /gser gyi phung po gangs ri mnyam pa yis/ /gang
zhig chags par bya bar ma nus shing/ /gang zhig chags las rnam
par
@11b 'das gyur pa/ /de la mkhas pa su zhig yid mi ches/ /mtshon
rnon 'dra ba'i ngag rtsub tshig rnams kyis/ /gang zhig khro bar
bya bar ma nus shing/ /zhe sdang dngos po las ni rab 'das pa/
/de la mkhas pa su zhig yid mi ches/ /chags par 'gyur dang zhe
sdang
rmongs 'gyur bas/ /gang zhig thul bar nus par ma gyur te/ /shes
rab rgyal po dang ni ldan gyur pa/ /de la mkhas pa su zhig yid
mi ches/ /'dod pa'i dga' dang bde rnams du ma dang/ /longs spyod
dag la rtog pa'i rnam pa yis/ /gang zhig bcing bar nus
par ma gyur pa/ /de la mkhas pa su zhig yid mi ches/ /rmad du
byung ba rnam pa brgyad dag gis/ /ngo mtshar 'dzin gzhug nam yang
ma nus te/ /dpal stug ldan zhing rtag tu mi ngam pa/ /de la
mkhas pa su zhig yid mi ches/ /mkhas pa dag gis brjod pa'i
tshig snyan pa/ /rnam pa sna tshogs du ma'i tshig gis kyang/ /gang
zhig bcing bar nus par ma gyur pa/ /de la mkhas pa su zhig yid
mi ches/ /don gyi tshul la brtson dang ldan pa dang/ /chos dang
'dod la nges pa'i tshig rnams kyis/ /gang zhig bcing bar nus par
ma gyur pa/ /de yi gsung la su zhig yid mi ches/ /dri ma med
stobs mtha' yas ldan gyur pa/ /gang zhig grong khyer mchog nas
'byung ba'i tshe/ /dpung rnams kyis ni thub par ma gyur pa/ /de
yi gsung la su zhig yid mi ches/ /byang chub dam pa mngon par
bzhed
pa'i phyir/ /gang zhig 'dod pa'i bde ba spangs nas su/ /'chi med
rgyu phyir ri dags spyod mdzad pa/ /de yi gsung la su zhig yid
mi ches/ /byang chub dam pa mngon par bzhed pa'i phyir/ /zhen pa
ma yin sems can gang zhig gis/ /lo drug bar du dka' thub drag
spyad pa/ /de yi
gsung la su zhig yid mi ches/ /'jig rten la ni phan dang bde
ba'i phyir/ /byang chub dam pa don du gnyer ba na/ /lo drug lon
pa'i tha mar tshod khu gsol/ /de yi gsung la su zhig yid mi ches/
/gang la lo drug bar du bdud kyis ni/ /rtag tu phyi bzhin
'brengs te glags btsal kyang/
@12a */ /de la glags ni rnyed par ma gyur pa/ /de yi gsung la su
zhig yid mi ches/ /gang zhig 'dod chags zhe sdang bral gyur
cing/ /su la cung zad tsam yang mi slong la/ /'jig rten dag gi
don ni mdzad gyur pa/ /de yi gsung la su zhig yid mi ches/ /gang
zhig
gzhan la gsan pa ma mdzad par/ /rtogs par dka' ba rab tu zhi ba
yi/ /byang chub bla med mngon rdzogs sangs rgyas pa/ /de yi
gsung la su zhig yid mi ches/ /gang zhig tshangs pa nyid kyis
gsol btab pas/ /bcom ldan 'das kyis de yi tshig gsan te/ /nyid
kyis
chos ni rab tu bshad pa na/ /de yi gsung la su zhig yid mi ches/
/gang zhig bdag la thugs brtse don gyi phyir/ /sh'akya'i grong
khyer khyim du byon gyur te/ /sh'akya'i tshogs rnams grol bar
mdzad pa na/ /de yi gsung la su zhig yid mi ches/ /rgal bar gyur
pa'i bcom ldan 'das gang
gis; /sngon gyi thugs dam bcas pa dgongs mdzad de/ /bdag cag
srid pa'i rgyun las sgrol mdzad na/ /de yi gsung la su zhig yid
mi ches/ /de dus nga bab de ltar dus mkhyen pas/ /bcom ldan 'das
kyis de yi dus mkhyen te/ /'dren pa dus su thugs brtse mdzad pa
po/ /de yi
gsung la su zhig yid mi ches/ /mi yi 'dren pa yi ni sku mchog
la/ /blta ba'i don du bdag ni 'gro bya zhes/ /rgyal po des ni
rang gi sems kyis su/ /de snyam du ni rjes su bsam pa byas/ /de
nas rgyal po zas gtsang mas de ltar ring zhig tu rjes su bsams
nas/ tshe dang ldan pa
'char ka la smras pa/ dge slong khyod la ci zhig dgos/ de skad
ces smras pa dang/ tshe dang ldan pa 'char kas rgyal po zas
gtsang ma la tshigs su bcad de slar smras pa/ rgyal po khyod kyi
don du bsam byas te/ /khyod nyid dad par bya phyir bdag 'dir
'ongs/ /stobs bcu mnga' la dad pa'i
sems bskyed na/ /skyes pa bud med dag kyang mtho ris 'dong/
/stobs bcu mnga' zhing yon tan tshad med ldan/ /drang srong chen
po sh'akya dga' mdzad pa/ 'dir byon rgyal po thugs dad skyed cig
dang/ /khyod kyi grags pa tshad med 'jig rten 'byung/ /khyod kyi
sras ni mi dbang dam
@12b pa ste; /stobs bcu thugs rje thugs brtse che mnga' ba/ /chu
khrod pad ma ji bzhin chags med par/ /stobs bcu chags med thugs
mnga' spyod pa mdzad/ /srid pa'i chu bo bzhi las rgal gyur nas/
/'gro ba mang po chu bo che las sgrol/ /rkang gnyis gtso bo mi
'jigs thang
'don gyis/ /'dren pa mi mchog la ni dad pa skyed/ /srid pa'i zug
rngu bzhi po kun bton te/ /sman pa'i gtso bo skye dgu'i zug rngu
'byin/ /gso ba byed pa mkhas pa dam pa'i mchog/ /'dren pa mi
mchog la ni dad pa skyed/ /bdud kyi sde chen dpag med pham mdzad
de/ /nag
po'i phyogs rnams sder bcas yongs mnan nas/ /mchog tu zhi ba'i
byang chub brnyes gyur gyis/ /'dren pa mi mchog la ni dad pa
skyed/ /'gro ba dgrol zhing chos kyang bstan pa dang/ /'chi med
zhi ba mi la bshad gsol zhes/ /mi dbang la ni lha dbang gsol
'debs kyis/ /'dren pa
mi mchog la ni dad pa skyed/ /phas kyi rgol ba'i tshogs rnams zil
mnan te/ /ston pa dpag yas 'khor lo rab bskor nas/ /sems can bye
ba tshad med 'dul mdzad kyis/ /'dren pa mi mchog la ni dad pa
skyed/ /rnam dag spyan mnga' de ni 'gro ba dag /mun pa rab
rib stug pos bsgribs pa yi/ /mig sbyong rab rib sel cing gsal
mdzad kyis/ /'dren pa mi mchog la ni dad pa skyed/ /rga dang
'chi ba'i 'jigs pas nyon mongs la/ /rga shi med mchog mi la ston
mdzad cing/ /'chi med gnas su sems can 'don mdzad kyis/ /'dren
pa mi mchog la ni dad pa skyed/ /me chen gsum gyis bsregs pa'i
'jig rten 'di/ /mes tshig sa la sprin chen char pa bzhin/ /bzhi
gnyis dam pa'i sprin gyi char 'bebs kyis/ /'dren pa mi mchog la
ni dad pa skyed/ /dri gsum dri ma spangs shing skyon bsal te/
/dri
ma gsum las skye bo 'grol mdzad cing/ /stobs bcu rnam par snang
ba skyed mdzad kyis/ /'dren pa mi mchog la ni dad pa skyed/
/skye dgu kun la pha bzhin thugs brtse bas/ /stobs bcu thugs rje
mnga' ba byams par dgongs/ /thugs rje thugs brtses sems can
'grol
@13a */ /mdzad kyis/ /'dren pa mi mchog la ni dad pa skyed/
/bcom ldan de ni ma dul sems can 'dul/ /thugs rje mnga' ba ma
zhi zhi mdzad cing/ /rgod pa rnams kyang nyon mongs zhi mdzad
kyis/ /'dren pa mi mchog la ni dad pa skyed/ /skye bo rnams kyi
srid
pa'i rgya mtsho skems/ /rgya mtsho las ni lha bus ji lta bar/
/stobs bcu thugs rje che mnga' sgrol mdzad kyis/ /'dren pa mi
mchog la ni dad pa skyed/ /tshad med yon tan tshogs kyis mdzes
gyur pa/ /thugs rje chen po dad pa'i 'thugs kyi spyod/ /yun ring
'khrugs
pa'i skye bo dad mdzad kyis/ /'dren pa mi mchog la ni dad pa
skyed/ /nor bu rin chen chu dang byed pa bzhin/ /rgyal ba skye
bo dang bar spyod mdzad cing/ /mi yi 'thab rnyog rab tu dang
mdzad kyis/ /'dren pa mi mchog la ni dad pa skyed/ /nor bu rin
chen rang bzhin yongs
dag pa/ /mkhas pa'i skye bo dga' ba yongs su skyed/ /rgyal ba de
bzhin skyon bsal dag pa'i thugs/ /mkhas pa'i skye bo dga' ba
yongs su skyed/ /'jig rten gtso la dad pa thob gyur na/ /lha
dang mi dag sdug bsngal khur yang 'dor/ /srid pa'i rgyud spangs
zhi ba mchog
tu 'dod/ /'dren pa mi mchog la ni dad pa skyed/ /bdag gis yon
tan phyogs gcig brjod pa ni/ /nam mkha'i dbyings la mkha' lding
rjes bzhin te/ /bdag ni rgyal ba'i yon tan mthar phyin min/
/'dren pa mi mchog la ni dad pa skyed/ /de nas rgyal po zas
gtsang
mas tshe dang ldan pa 'char ka las legs par bshad pa yang thos/
bcom ldan 'das byang chub sems dpa' mdzad pa'i yon tan de lta bu
yang nyid kyis mngon du mthong/ sngon bdag rgal nas skyes bu
khyu mchog khyod kyang bsgral bar bgyi'o/ /zhes dam bcas pa yang
rjes
su dran nas de'i tshe bcom ldan 'das la dad pa thob par gyur to/
/de ltar dad pa thob pa'i sems kyis tshe dang ldan pa 'char ka la
'di skad ces smras so/ /dge slong khyod ni nga'i bu'i chos las
skyes pa'i bu yin na/ khyod bdag zan zo la bcom ldan 'das kyi
bshos khyer te song shig /
@13b nga yang bcom ldan 'das la blta ba'i phyir phyi bzhin 'ong
ngo/ /de nas tshe dang ldan pa 'char kas de ltar rgyal po zas
gtsang ma mngon par dad par byas nas zan zos te bcom ldan 'das
kyi bshos khyer nas song ngo/ /de'i tshe bcom ldan 'das kyis dge
slong rnams la bka' stsal ba/
dge slong dag rgyal po zas gtsang ma ni dge slong 'char kas dad
par byas te/ deng skye bo phal po che'i don du 'gyur ro/ /de nas
tshe dang ldan pa 'char ka bcom ldan 'das kyi bshos khyer te/
bcom ldan 'das ga la ba der song nas bdag gis byas pa rnams bcom
ldan 'das la gsol
to; /de nas bcom ldan 'das kyis tshe dang ldan pa 'char ka la
legs so zhes bya ba gnang ste/ 'char ka legs so legs so/ /de
ring rgyal po zas gtsang ma dad par byas pas khyod kyis bsod
nams mang du bskyed do/ /de'i tshe bcom ldan 'das kyis dge slong
rnams la bka' stsal pa/
dge slong dag de ring dge slong 'char kas rgyal po zas gtsang ma
mngon par dad par byas pa'i bsod nams kyi phung po bskyed pa de
la/ gal te gzugs shig yod na ni phyogs bcu'i 'jig rten gyi khams
gang g'a'i klung gi bye ma snyed kyi 'jig rten gyi khams su yang
bsod nams kyi phung po de
mi shong ste/ bsod nams kyi phung po de ni de tsam du dpag tu
med do// //bam po gnyis pa/ de nas bcom ldan 'das bshos gsol
nas phyag bcabs lhung bzed bkrus te/ mtshan ma'i rnam pa 'di lta
bu mdzad do/ /mtshan ma'i rnam pa de lta bu
mdzad pas rgyal po chen po rnam thos kyi bu gnod sbyin bye ba
khrag khrig brgya stong gis yongs su bskor cing mdun du bdar nas
'di lta ste/ dper na skyes bu stobs dang ldan pas lag pa bskum
pa las brkyang ba'am/ brkyang pa las bskum pa tsam gyis rgyal po
chen po rnam thos kyi
bu rang gi gnas nas mi snang bar gyur nas bcom ldan 'das kyi
spyan sngar 'dug par gyur te/ des bcom ldan 'das kyi zhabs la
mgo bos phyag 'tshal nas byang phyogs su brten te/ steng gi bar
snang la gnod sbyin gyi tshogs kyis bskor nas thal mo sbyar te/
bcom
@14a */ /ldan 'das dang dge slong gi dge 'dun la mchod cing 'dug
par gyur to/ /rgyal po chen po yul 'khor srung yang dri za bye
ba khrag khrig brgya stong du mas yongs su bskor cing mdun du
bdar nas snga ma bzhin du bcom ldan 'das kyi spyan sngar 'dug
par gyur te/ des
bcom ldan 'das kyi zhabs la mgo bos phyag 'tshal nas shar phyogs
logs su brten te/ steng gi bar snang la dri za'i tshogs kyis
bskor nas thal mo sbyar te/ bcom ldan 'das dang dge slong gi dge
'dun la mchod cing 'dug par gyur to/ /rgyal po chen po 'phags
skyes bo yang
grul bum bye ba khrag khrig brgya stong du mas yongs su bskor
cing mdun du bdar nas snga ma bzhin du bcom ldan 'das kyi spyan
sngar 'dug par gyur te/ des bcom ldan 'das kyi zhabs la mgo bos
phyag 'tshal nas lho phyogs logs su brten te/ steng gi bar snang
la grul bum
gyi tshogs kyis bskor nas thal mo sbyar te/ bcom ldan 'das dang
dge slong gi dge 'dun la mchod cing 'dug par gyur to/ /rgyal po
chen po mig mi bzang yang klu bye ba khrag khrig brgya stong du
mas yongs su bskor cing/ mdun du bdar nas snga ma bzhin du bcom
ldan 'das
kyi spyan sngar 'dug par gyur te/ des bcom ldan 'das kyi zhabs
la mgo bos phyag 'tshal nas nub phyogs logs su brten te/ steng gi
bar snang la klu'i tshogs kyis bskor nas thal mo sbyar te/ bcom
ldan 'das dang dge slong gi dge 'dun la mchod cing 'dug par gyur
to/ /lha'i
dbang po brgya byin yang sum cu rtsa gsum ris kyi lha'i bu bye
ba khrag khrig brgya stong du mas yongs su bskor cing mdun du
bdar nas snga ma bzhin du steng gi bar snang la thal mo sbyar
te/ bcom ldan 'das dang dge slong gi dge 'dun la mchod cing 'dug
par gyur to/ /de bzhin du
lha'i rgyal po rab 'thab bral dang/ yongs su dga' ldan dang/ rab
'phrul dga' dang/ lha'i rgyal po gzhan 'phrul dbang byed dang/
mi mdzed kyi bdag po tshangs pa dang/ lha'i rgyal po 'od gsal
dang/ dge rgyas dang/ 'bras bu che dang/ gnas gtsang ma'i ris
kyi
@14b lha'i bu rnams kyang gnas gtsang ma'i lha'i ris nas mi
snang bar gyur te/ bcom ldan 'das kyi spyan sngar 'khod par gyur
nas bcom ldan 'das kyi zhabs la mgo bos phyag 'tshal te/ steng gi
bar snang la re re zhing yang g.yog lha'i bu bye ba khrag khrig
brgya stong du ma dang lhan cig tu
bcom ldan 'das dang dge slong gi dge 'dun la mchod cing 'dug par
gyur to/ /lha ma yin gyi dbang po thags zangs ris kyang lha ma
yin khrag khrig phrag drug cu dang lhan cig tu 'di lta ste/ dper
na skyes bu stobs dang ldan pa'i lag pa bskum pa las brkyang ba
'am/ brkyang
ba las bskum pa tsam gyis lha ma yin gyi dbang po thags zangs
ris lha ma yin gyi gnas nas mi snang bar gyur te/ bcom ldan 'das
kyi spyan sngar 'dug par gyur nas bcom ldan 'das kyi zhabs la
mgo bos phyag 'tshal te/ bcom ldan 'das dang dge slong gi dge
'dun la mchod cing 'dug par gyur to/ /bya'i rgyal po 'dab bzangs
brgyad khri drug stong yang rang rang gi gnas nas mi snang bar
gyur te/ bcom ldan 'das kyi spyan sngar 'khod par gyur nas bcom
ldan 'das kyi zhabs la mgo bos phyag 'tshal te/ bcom ldan
'das dang dge slong gi dge 'dun la mchod cing 'dug par gyur to/
/gzhan mu stegs can kun tu rgyu rgyal po'i khams tha dad pa nas
lhags pa bye ba phrag brgyad cu yang 'dus par gyur to/ /de la
'di skad ces bya ste/ nam mkha' yongs su dag pa'i dbyings dkyil
du/ /ma
lus rdzogs gyur zla ba nya ba yis/ /skar ma'i tshogs rnams zil
gyis mnan nas ni/ /nam mkhar zla ba bzhin du rnam par mdzes/
/zla ba dri med dkyil 'khor zhal mnga' ba/ /mun pa rab rib sel
cing dri gsum 'joms/ /rtog ge can tshogs zil gyis mnan nas
ni; /mkha' la skar ma'i bdag po bzhin du mdzes/ /nyi ma 'od zer
brgya yi lus 'dzin pa/ /ston gyi dus na mun sel rnam mdzes
shing/ /lha min tshogs rnams zil gyis mnan nas ni/ /nyi ma de ni
pad ma'i kha yang 'byed/ /nyi ma'i 'od zer brgya 'dra'i sku
mnga' bas/ /
@15a */ /stong gsum po dag zil gyis mnan nas ni/ /mi yi nyi ma
rnam par mdzes gyur cing/ /nyan thos pad ma'i tshal mchog kha yad
'byed/ /lha yi rgyal po dbang po brgya byin ni/ /mdun sar lha yi
tshogs kyis yongs bskor ba/ /lha yi 'khor
rnams zil gyis mnan nas ni/ /bde sogs khyim thab sbyin ldan rnam
par mdzes/ /rkang gnyis dbang po dpal stug stobs bcu yang/ /dge
sbyong tshogs kyis mdun bdar stong gsum na/ rtog ge'i tshogs rnams
zil gyis mnan nas ni/ /dge sbyong tshogs kyi
dbus na rnam par mdzes/ /lha yi dbang po 'thab bral dbang byed
pa/ /'thab bral bzang po lhas mchod btsun byas pa/ /'thab bral
bzang po lha tshogs nang zhugs te/ /'thab bral rnams kyi nang na
'dug pa mdzes/ /gzi brjid mtha' yas stobs bcu mnga' ba
yang; /lam ngan ngan 'gror 'dod ba zil mnan nas/ /yan lag brgyad
pa rab tu ston mdzad cing/ /stobs bcu yon tan rnams kyis rab tu
mdzes/ /lha yi rgyal po yongs su dga' ldan de/ /dga' ldan gnas
na lha yi tshogs kyis bskor/ /lha
tshogs mang po zil gyis mnan nas ni/ /sngon gyi dge ba'i rtsa bas
rab tu mdzes/ /de bzhin lha dang lha min bla ma yang/ /lha dang
lha min tshogs kyis bla mar byas/ /'khor brgyad po dag zil gyis
mnan nas ni/ /skyes bu seng ge dam pa 'jig rten mdzes/ /lha
yi dbang po bdag po rab 'phrul ni/ /lha tshogs mang po zil gyis
mnan nas su/ /rang gi bsod nams mthu yis lha gnas na/ /gnas
shing de ni rab tu rnam par mdzes/ /de bzhin nyon mongs rnams
las rnam grol zhing/ /stobs bcu mnga' ba nyon mongs bral ba po/
/
ma dul 'dul mdzad 'dul ba'i rgyal po yang/ /skye bo zil gyis
mnan nas rnam par mdzes/ /lha yi rgyal po dbang sgyur byed pa
ni/ /lha gnas 'dug cing lha tshogs zil mnan te/ /sngon gyi dge
ba'i rtsa ba'i gzi brjid kyis/ /rnam par mdzes par gyur pa ji
bzhin du/ /
@15b de ltar rgyal ba stobs bcu'i spyod pa dag /sngan chad
spyad pas lha mi zil mnan te/ /sngon gyi dge ba'i rtsa ba'i gzi
brjid kyis/ /rgyal ba de ni rab tu rnam par mdzes/ /tshangs pa'i
'jig rten na ni tshangs pa yang/ /tshangs pa'i 'khor rnams rang
gis zil mnan te/ /
shin tu snyan pa yan lag brgyad ldan dag /yongs su rjod par
byed cing mngon du mdzes/ /de ltar rgyal ba tshangs pa 'drar gyur
pa/ /dge sbyong rgyal po dge sbyong tshogs rnams kyis/ /mdun du
bdar te bden pa'i gtam gsung zhing/ /'jig rten gsum po dag na
mngon
par mdzes/ /nyan par 'dod pa lha dang mi rnams dang/ /lto 'phye
chen po dag ni 'dus mkhyen nas/ /skyes bu khyu mchog yan lag
brgyad ldan gyi/ /gsung rnams kyis ni rab tu ston par mdzad/
/bya lam nam mkha' dpag par nus kyang srid/ /rgya mtsho bum pas
gzhal du rung yang srid/ /ri rab srang brgyar gzhal du rung yang
srid/ /sangs rgyas yon tan mtha' rtogs mi nus so/ /rgyal po
mngon par dad par byas pa'i le'u ste dang po'o// //de nas tshe
dang ldan pa 'char ka song nas ring po ma lon par
rgyal po zas gtsang mas sh'akya rnams la bsgo ba/ grogs po dag
'di lta ste/ dper na nyi ma 'char ba'i snga ltas ni gang 'di
dmar ring 'char ba'o/ /dmar ring shar na nyi ma 'char bar shes
so/ /dgrogs po dag de bzhin du dge slong 'char ka yang bcom ldan
'das
thams cad mkhyen pa'i snga ltas yin te/ dge slong 'char kas yon
tan gang brjod pa de dag ni nges par thams cad mkhyen pa'i yon
tan yin no/ /grogs po dag de lta bas na bzhon pa'i mchog rnams
stod de sta gon gyis shig /de ci'i phyir zhe na/ /de ring kho
na bdag cag bcom
ldan 'das mchog tu blta na sdug pa de lta zhing 'dong ngo/ /lha
slegs so zhes gsol nas sh'akya rnams kyis rgyal po zas gtsang
ma'i ltar mnyan te/ theg pa'i mchog rnams myur du bstad do/
/de'i tshe rgyal po zas gtsang mas ser skya'i gnas dang/ n-ya
gro dh'a'i kun dga' ra ba'i
@16a */ /bar de dag thams cad rgyal po'i gshegs shul du mnyam
par byed du bcug cing bye ma gtsang ma bdal du bcug ste/ nyams
dga' ba dang/ me tog sil mas gang ba dang/ dar gyi lda ldi dang/
phreng ba mang pos brgyan te/ skabs skabs su gar mkhan dang/
glu mkhan dang/ gyad dang/ bum rnga thogs pa dang/ sil snyan
dang/ rol mo dang/ glu'i cha spyad ? dang/ yo byad thams cad
thogs pa dag bkod par gyur to/ /de nas rgyal po zas gtsang ma
bzhon pa'i mchog dang chas pa rnams dang/ bdag nyid kyang bzhon
pa'i mchog la zhon
te; ser skya'i gnas kyi grong khyer chen po nas byung nas n+ya
gro dha'i kun dga' ra ba ga la ba der song ngo/ /de'i tshe
sh'akya la la'i bzhon pa'i mchog ni rnam pa 'di lta bu ste/ 'di
ltar shing rta dag kyang thams cad sngo la rta sngon po rnams
kyis drangs shing/ rgyan rnams kyang sngo la dril
bu g.yer ka'i dra bas brgyan pa/ 'khor rgyan sngon po can gyis
bskor ba/ gdugs dang/ ral gri dang/ thod dang/ nor bu can gyi
rnga yab dang/ lha ? ma rgyan can sngon po dang ldan pa/ kha
tshar ma bcad pa'i ras sngon po gyon zhing rgyan sngon po thogs
pa'i zhal ta ba?
rnams zhal ta byed pa/ rgyan sngon po can gyi lcag thogs pa
dang/ khrid pa du ma dang ldan pa/ rgyal mtshan sngon po bsgreng
ba sha stag ste/ shing rta re re zhing yang rgyan sngon po can
gyi mi brgya phrag re res bskor bar gyur to/ /sh'akya la la'i
bzhon pa rnam pa 'di lta bu ste/ 'di
ltar shing rta dag kyang thams cad du ser ba nas thams cad du
dmar ba dang/ thams cad du dkar ba dang/ thams cad du bkra ba
dang/ shing rta re re zhing yang rgyan khra bo can gyi mi brgya
phrag re res bskor ba'i bar du snga ma bzhin no/ /shing rta de
dag re re'i phyi bzhin du yang
glang po che brgyad khri gser gyi rgyan gyis brgyan pa/ gser gyi
rgyal mtshan can/ gser gyi dra bas g.yogs pa sha stag bshams te/
glang po che brgyad khri po de dag gi steng du rin po che sna
bdun gyi khang pa brtsegs pa bkra ba/ blta na sdug pa brgyad
khri bzhag nas 'dong
@16b bar gyur to/ /glang po che brgyad khri po de dag gi phyi
bzhin rta gser gyi rgyan gyis brgyan pa/ gser gyi dril bu g.yer
ka brgyus pa/ rin po che sna bdun gyi rgyan dang ldan pa brgyad
khri bshams te 'dong bar gyur to/ /de nas bcom ldan 'das kyis
rgyal po zas gtsang ma dang/
sh'akya rnams rgyang ring po nas 'ong ba gzigs nas dge slong
rnams la bka' stsal pa/ dge slong dag khyed gang dag gis sum cu
rtsa gsum gyi lha skyed mos tshal du 'dong ba ma mthong ba de dag
gis sh'akya ser skya'i gnas nas 'ong ba 'di dag la ltos shig
/de ci'i phyir zhe na/ dge
slong dag sh'akya rnams ser skya'i gnas nas byung ba de dag ni
sum cu rtsa gsum gyi lha skyed mos tshal du 'dong ba dang rjes su
'thun pa'o/ /de la 'di skad ces bya ste/ ser skya zhes bya'i
grong khyer dam pa nas/ /rgyal po zas gtsang mi yi khyu mchog
de/ /'khor dang bcas te
ji ltar 'ong gyur pa/ /de ltar bstan gyis khyed rnams de nyon
cig /shing rta brgya stong mchog dang bcas pa dag /legs par
brgyan cing mdzes par spras nas ni/ /ser skya'i gnas kyi grong
khyer dam pa nas/ /mi yi dbang po dam pa byung bar gyur/ /shing
rta sngo
zhing rgyan kyang sngo ba dang/ /rta yang sngo zhing sngo ba'i
'khor dang bcas/ /mtshan ma lnga po dag kyang sngo ba ste/ /de
bzhin gos kyi dam pa dag kyang sngo/ /lcag kyang sngo zhing thag
srad rnams kyang sngo/ /dril bu g.yer ka'i dra ba rnams dang
bcas/ /mi rnams kyang ni sngon
po'i gos can te/ /rgyal mtshan sngon po bsgreng bas mdzes par
byas/ /shing rta ser zhing rgyan kyang ser ba dang/ /rta yang
ser zhing ser po'i 'khor dang bcas/ /mtshan ma lnga po dag kyang
ser po ste/ /de bzhin gos kyi dam pa dag kyang ser/ /lcag kyang
ser
zhing thag srad rnams kyang ser/ /dril bu g.yer ka'i dra ba
rnams dang bcas/ /mi rnams kyang ni ser po'i gos can te/ /rgyal
mtshan ser po bsgreng bas mdzes par byas/ /shing rta dmar zhing
rgyan kyang dmar ba dang/ /rta yang dmar zhing dmar po'i 'khor
@17a */ /dang bcas/ /mtshan ma lnga po dag kyang dmar po ste/ /de
bzhin gos kyi dam pa dag kyang dmar/ /lcag kyang dmar zhing thag
srang ? rnams kyang dmar/ /dril bu g.yer ka'i dra ba rnams dang
bcas/ /mi rnams kyang ni dmar po'i gos can te/ /rgyal
mtshan dmar po bsgreng bas mdzes par byas/ /shing rta dkar zhing
rgyan kyang dkar ba dang/ /rta yang dkar zhing dkar po'i 'khor
dang bcas/ /mtshan ma lnga po dag kyang dkar po ste/ /de bzhin
gos kyi dam pa dag kyang dkar/ /lcag kyang dkar zhing thag
srang rnams kyang dkar/ /dril bu g.yer ka'i dra ba rnams dang
bcas/ /mi rnams kyang ni dkar po'i gos can te/ /rgyal mtshan dkar
po bsgreng bas mdzes par byas/ /shing rta bgra zhing rgyan kyang
bkra ba dang/ /rta yang bkra zhing bkra ba'i 'khor dang
bcas; /mtshan ma lnga po dag kyang bkra ba ste/ /de bzhin gos kyi
dam pa dag kyang bkra/ /lcag kyang bkra zhing thag srang rnams
kyang bkra/ /dril bu g.yer ka'i dra ba rnams dang bcas/ /mi
rnams kyang ni bkra ba'i gos can te/ /rgyal mtshan khra bo
bsgreng bas mdzes
par byas/ /shing rta de dag rnams kyi phyi bzhin du/ /glang po
brgyad khri tshang bar bshams pa ni/ /gser gyi rgyal mtshan rnams
kyis legs par brgyan/ /glang chen rnams ni gser gyis tshal bar
brgyan/ /de dag steng du rin chen sna bdun gyi/ /khang pa
brtsegs pa dag ni bzhag nas su/ /rnam pa sna tshogs rgyan gyis
brgyan pa yi/ /shing rta rnams kyi phyi bzhin 'brang bar bshams/
/de bzhin rta mchog stong phrag brgyad cu yang/ /rin chen sna
bdun rgyan gyis dga' bar brgyan/ /rgyal po'i chas gos rgyal po
'cham stabs can/ /glang po de dag rnams ni phyi bzhin 'brang/
/rab tu dri zhim kha dog lnga pa yi/ /me tog sil ma rgyal po'i
lam du bkram/ /dar gyi lnga ldi dag kyang rab tu bres/ /bdug
spos snod rnams kyis ni legs par brgyan/ /glu mkhan gar mkhan
@17b rnams dang gyad rnams dang/ /bum rnga thogs pa rnams kyis
mdzes par byas/ /rol mo rnam pa sna tshogs byed pa yang/ /rab tu
dga' zhing rgyal po'i phyi bzhin 'brang/ /rgyal po gshegs pa'i
le'u ste gnyis pa'o// //de nas rgyal po zas
gtsang ma dang/ sh'akya rnams rta babs sa'i bar du bzhon pa dang
dong ste phyin nas bzhon pa las babs te/ rkang thang gi 'khor
gyis yongs su bskor cing mdun du bdar te n+ya gro dha'i kun
dga' ra bar dong ngo/ /de'i tshe bcom ldan 'das kyis rgyal po zas
gtsang ma nga
rgyal che bar mkhyen nas mi gang lhag tsam gyi steng gi bar
snang gi nam mkha' la rgyal po zas gtsang ma mngon par dad ?
par bya ba'i phyir 'chag cing bzhugs par gyur to/ /de'i tshe bcom
ldan 'das de ltar 'chag pa'i g.yas phyogs nas mi mjed kyi bdag
po tshangs
pa zhabs 'bring du 'chag cing 'gro'o/ /g.yon phyogs nas lha'i
dbang po brgya byin zhabs 'bring du 'chag cing 'gro'o/ /de ltar
bcom ldan 'das 'chag pa'i zhabs 'bring du lha'i rgyal po rab
'thab bral dang/ yongs su dga' ldan dang/ rab 'phrul dga' dang/
gzhan 'phrul dbang byed rnams bcom ldan 'das la mchod pa bya
ba'i phyir gdugs 'dzin cing bsil yab kyis g.yob par gyur to/
/rgyal po chen po rnam thos kyi bu dang/ yul 'khor srung gnyis
kyang bcom ldan 'das 'chag pa'i shar phyogs logs kyi thog ma
la bla gos phrag pa gcig tu gzar te/ pus mo g.yas pa'i lha nga
smad nas/ bcom ldan 'das ga la ba de logs su thal mo sbyar ba
btud de/ bcom ldan 'das la phyag 'tshal zhing 'khod par gyur to/
/rgyal po chen po 'phags skyes po dang/ mig mi
bzang gnyis kyang bcom ldan 'das 'chag pa'i nub phyogs logs kyi
thog ma la bla gos phrag pa gcig tu gzar te/ pus mo g.yas pa'i
lha nga smad nas bcom ldan 'das ga la ba de logs su thal mo
sbyar ba btud de/ bcom ldan 'das la phyag 'tshal zhing 'khod
@18a */ /par gyur to/ /de'i tshe rgyal chen bzhi'i ris kyi lha'i
bu rnams dang/ sum cu rtsa gsum dang/ 'thab bral dang/ dga' ldan
dang/ 'phrul dga' dang/ gzhan 'phrul dbang byed kyi lha'i bu
rnams kyang bcom ldan 'das la mchod pa bya ba'i phyir steng gi
bar snang la gnas te/ lha'i me tog ud pa la dang/ pad ma dang/
ku mu da dang/ pad ma dkar po dang/ lha'i man d'a ra ba dang/
man d'a ra ba chen po dang/ lha'i spos kyi phye ma rab tu 'thor
bar gyur to/ /bcom ldan 'das la mchod pa bya ba'i phyir lha'i
rol mo sil
snyan dang/ glu dbyangs dag kyang steng gi bar snang las sgra
'byin par gyur to/ /mi'i las 'das pa'i glu'i nga ro yang steng
gi bar snang las byung bar gyur to/ /sprin las spos kyi char zam
zim yang 'bab par gyur to/ /lha'i me tog ud pa la dang/ lha'i
tsan dan gyi phye ma'i char yang
bab par gyur to/ /de nas de'i tshe bcom ldan 'das kyis rdzu
'phrul gyi rnam pa gang mngon par mdzad pas lha dang mi rnams
kyang gcig gis gcig mthong bar 'gyur ba de lta bu'i rdzu 'phrul
mngon par mdzad do/ /de nas rgyal po zas gtsang mas lha de dag
bcom ldan 'das la mchod pa byed pa yang mthong/
lha'i rin po che sna bdun gyi rgyu las grub pa'i khang pa
brtsegs pas kyang bar snang gang bar mthong nas de 'di snyam du
sems te/ ji tsam du bcom ldan 'das kyis legs par gsungs pa de ni
ngo mtshar che ste/ sngon bcom ldan 'das gzhon nur gyur pa'i tshe
'di skad du ngal ni gling chen po
bzhi'i dbang phyug la dbang bar 'gyur ba ngo mtshar mi che ste/
ngas ni stong gsum gyi stong chen po'i 'jig rten gyi khams su
lha dang mi'i nang du chos kyi dbang phyug la dbang bar bya'o
zhes gsungs na/ bcom ldan 'das kyi chos kyi dbang phyug la dbang
ba de ni 'di yin pa lta ste/ bdag ni mi'i
'khor can du zad/ bcom ldan 'das ni lha dang mi'i 'khor can du
gyur to snyam mo/ /de nas rgyal po zas gtsang mas bla gos phyogs
gcig tu bgos te/ pus mo g.yas pa'i lha nga sa la btsugs nas
bcom ldan 'das kyi zhabs la spyi bos phyag 'tshal te tshig 'di
skad ces smras
@18b so; /bcom ldan 'das bltam ma thag tu sus kyang ma brten par
sa chen po la gom pa bdun bzhud de/ phyogs bzhir gzigs nas gsung
brjod pa/ nga ni 'jig rten na mchog / nga ni 'jig rten na gtso
bo/ nga ni 'jig rten na rab ste/ ngas skye ba dang/ rga ba dang/
na ba dang/ 'chi
ba mthar dbyung ngo zhes gsungs pa de'i tshe yang bdag gis bcom
ldan 'das kyi zhabs gnyis la mgo bos gtugs te phyag bgyis so/
/gang gi tshe bcom ldan 'das zhing pa'i grong du bzhud nas 'dzam
bu'i grib ma bsil ba la bzhugs pa'i tshe nyi ma yol yang 'dzam
bu'i grib
mas bcom ldan 'das kyi sku ma btang ste/ lha'i bu gzhon nu drug
thal mo sbyar nas phyag 'tshal zhing 'khod par gyur pa de'i tshe
yang bdag gis bcom ldan 'das la phyag bgyis so/ /de ? yang bcom
ldan 'das la 'di dang lan gsum du phyag 'tshal lo zhes smras nas
de'i tshe tshigs
su bcad pa 'di dag kyang smras so/ /gang tshe rkang gnyis gtso bo
khyod bltams nas/ /sa chen 'di la gom pa bdun bzhud de/ /nga ni
'jig rten na ni mchog ces gsungs/ /de tshe mkhas pa khyod la bdag
phyag 'tshal/ /gang tshe thub chen zhing pa'i grong bzhud tshe/
/'dzam bu'i grib
mas bzhugs pa ma btang zhing/ /lha bu gzhon nu drug gis btud
gyur pa/ /de tshe mchod 'os khyod la bdag phyag 'tshal/ /de ? yang
'di dang khyod la lan gsum du/ /thub pa khyod kyi zhabs la phyag
'tshal lo/ /thugs rje che mnga' lha mis mchod pa gtso/ /khyod
'dra
'jig rten ma mchis lhag ci smos/ /mtshan ni don grub lags zhes
sngon brjod pa/ /pha dang ma yis bsams te btags pa lags/ /khyod
kyi bsam rdzogs bdud rtsi brnyes pas na/ /don grub lags par bdag
gis da gdod 'tshal/ /de nas 'dod pa na spyod
pa'i lha rnams kyis de'i tshe bcom ldan 'das kyi seng ge'i khri
lha'i yid bzhin gyi ras bcos bu bting ba rnam pa sna tshogs su
spel ba bshams so/ /thams cad dang ldan pa'i n+ya gro dha'i kun
dga' ra bar yang lha'i yid bzhin gyi ras bcos bus yog par bting
ngo/ /steng du yang
@19a */ /lha'i yid bzhin gyi ras bcos bu'i bla res bres so/ /de
nas bcom ldan 'das bar snang gi 'chags de nas babs te/ /gang na
khri bshams pa la bzhugs so/ /rgyal po zas gtsang ma yang 'khor
dang bcas pas bcom ldan 'das kyi zhabs la mgo
bos phyag 'tshal te phyogs gcig tu 'dug go /'dod pa na spyod
pa'i lha rnams dang gzugs na spyod pa'i lha rnams kyang bcom
ldan 'das kyi zhabs la mgo bos phyag 'tshal te bar snang la 'khod
par gyur to/ /'di la 'di ni chos nyid yin te de la 'di skad ces
bya'o/ /ser skya zhes
bya grong khyer dam pa yi/ /n+ya gro dha yi ra ba nyams dga'
bar/ /rgyal po zas gtsang de dang gang gi tshe/ /'jig rten mgon
po phrad pa de yi tshe/ /skye bo mang po dag ni 'dus gyur te/
/lha ma yin dang mkha' lding dbang po dang/ /klu tshogs rnams
dang de bzhin grul bum
dang; /dri za'i rgyal po rnams kyang 'dus par gyur/ /de bzhin
gsang ba'i bdag po rnams 'dus te/ /mi 'am ci'i tshogs dang mi
rnams dang/ /de bzhin 'dod pa dag na spyod pa'i lha/ /rab tu
dga' ba rnams kyang 'dus par gyur/ /de bzhin gzugs kyi khams su
gtogs
pa yi/ /tshangs pa rnams dang tshangs pa'i ris rnams dang/ /'od
gsal ba dang dge rgyas pa dag dang/ /'bras bu che bar gtogs dang
gnas gtsang 'dus/ /dge sbyong dag dang de bzhin bram ze dang/
/spyod pa can dang kun tu rgyu dag dang/ /gcer bu ba dang mu
stegs gzhan mang
po; /log lam rjes su 'brang ba rnams kyang 'dus/ /sangs rgyas
nyid kyi gzi brjid dam pa yis/ /rgyal po chen po zas gtsang de
yi sems/ /yongs su smin par bya ba'i don gyi phyir/ /de yi tshe
na 'dus pa chen por gyur/ /sngon chad bcom ldan 'das kyis legs
bshad
pa'i; /tshig gis 'khor rnams yongs su tshim par mdzad/ /da ni
rgyal ba rgyal po zas gtsang la/ /rgyal ba'i mthu ni rab tu
bstan par bzhed/ /bcom ldan 'das la rgyal po zas gtsang gis/
/gzhon nu khyod ni sa bdag chen po yi/ /rgyal por 'gyur zhes
mkhas pas
@19b lung bstan gyis/ /khab nas ma byung shig ces sngon gsol pa/
/gling bzhir dbang ba'i 'khor los sgyur ba ste/ /srog chags bye
ba khrag khrig rnams kyis mchod/ /rin chen sna bdun dag dang
ldan par 'gyur/ /'byor pa bzhi po dang yang ldan par 'gyur/
/chos la gnas shing
sa yang skyong ba ste/ /gling bzhi dbang bar rgyal rigs rgyal
chen 'gyur/ /mi yi bdag dang mi yi mchod par 'ong/ /lto 'phye
ches mchod 'gyur zhes gsol ba btab/ /de nas de tshe byang chub
sems dpa' des/ /bskal pa bye ba khrag khrig dpag med nas/ /bdag
ni
rtag tu bden pa'i tshig smras kyis/ /rgyal po bdag gi tshig la
gson ces gsungs/ /'di ltar gling bzhi ba yi rgyal srid kyis/
/bdag la slu ba mdzad par bzhed pas na/ /de lta'i tshul las rgyal
po chen po khyod/ /bdag la cung zad tsam yang thugs mi re/
/rgyal po
tshen po sngon tshe byung ba ni/ /rgya mtsho'i rlabs kyis ru sbal
gcig cig 'phangs/ /rgya mtsho'i rlabs ni phyir log gyur pa dang/
/ru sbal de ni khron pa'i nang du ltung/ /de la khron pa'i nang
gi ru sbal gyis/ /rgya mtsho'i ru sbal gang nas 'dir 'ongs kwa'e/
/nga yi the tshom skyes
pa bcad pa'i phyir/ /myur du nga la smros zhes de skad smras/
/khron pa'i nang gi ru sbal de nyid la/ /rgya mtsho'i ru sbal blo
chen des smras pa/ /nga ni rgya mtsho'i rlabs kyis bkur bkur te/
/khron pa 'dir ni de ring bor bar gyur/ /rgya mtsho'i rlabs chen
de ni phyir log song/ /
nga ni slar log 'gro bar ma nus te/ /nga ni rlabs dang bral bar
gyur pas na/ /ru sbal khyod kyi khron par gnas 'cha'o/ /de la
khron pa'i nang gi ru sbal gyis/ /rgya mtsho de ni khron pa 'di
tsam 'am/ /'on te khron pa 'di bas che ba zhig /dris lan nga la
myur du smros zhes smras//
rgya mtsho'i ru sbal blo rgya chen po des/ /khron pa'i ru sbal de
la tshig smras pa/ /khron pa'i ru sbal khyod ni byis pa ste/ /blo
rgya chung zhing shes pa rab tu zhan/ /nga ni lan tshwa can gyi
chu der btsas/ /yun ring dus na de na skye skye yang/ /rgya
mtsho'i mtha' ma shes par ma nus na/ /dbus
@20a */ /lta shes pa ga la nus zhes smras/ /de ltar mi yi bdag
po khyod kyis kyang/ /bdag gi mthu ni thugs su ma chud de/
/gling bzhi pa yi mchod pa rnams kyis ni/ /khyod kyis bdag la
slu ba mdzad par bzhed/ /bdag ni chos can chos kyi rgyal por
'gyur/ /chad
pas mi gcad mtshon chas bda' med par/ /stong gsum 'jig rten khams
'di bskyang bar bya/ /'jig rten 'das pa'i mchod pa thob par
'gyur/ /rdzu 'phrul stobs bsgoms pa yi bdag nyid can/ /bcom ldan
'das kyis sngon tshig sbyang bzhed nas/ /de phyir
'khor chen po ni de dag dang/ /sems can rnams la thugs kyis
dgongs pa mdzad/ /rgyal po zas gtsang sems ni mgu bya'i phyir/
/thugs kyis yongs su bskul ba mdzad pa dang/ /'jig rten gsum po
mtha' dag ma lus par/ /de yi tshe na der ni 'dus par gyur/ /rgyal
po 'dun par byas pa'i le'u ste gsum pa'o// //de nas bcom ldan
'das kyis de'i tshe lha ma yin gyi dbang po thags zangs ris bcom
ldan 'das la mchod par bya ba'i sems thog mar skye bar 'gyur ba
de lta bu'i mtshan ma mdzad do/ /de nas lha ma yin gyi dbang po
thags zangs ris lha
ma yin khrag khrig phrag drug cu dang/ lha ma yin gyi bu mo
khrag khrig phrag drug cu dang bcas pas bcom ldan 'das la mchod
pa thog mar byas te/ de nas rgya mtsho chen po'i nang na rin po
che'i rin thang yod pa dang/ rin thang med pa ji snyed cig yod
pa de dag thams cad bcom ldan 'das la mchod par
bya ba'i phyir phul lo/ /rin po che gzhan rgya mtsho chen po de
na med pa dag kyang mngon par sprul pa byas te mchod par phul
lo/ /rin po che sna bdun gyi rang bzhin can gyi shing rta khrag
khrig phrag drug cu yang mngon par sprul to/ /shing rta de dag
re re zhing yang rta cang shes khrag khrig phrag drug cu drug cu
mngon
par sprul te/ rta de dag kyang rin po che sna bdun gyi dril bu
g.yer ka'i dra ba can la rkang lag gi rgyan gser las byas pa/
rin po che sna bdun gyis spras pa dang ldan pa/ rin po che sna
bdun las byas pa'i 'phyar 'dab can/ gser gyi rgyan gyis brgyan
pa sha stag go /rta cang shes de dag gi rgyan du bya
@20b ba'i phyir rin po che sna bdun gyi bla re dag kyang mngon
par sprul to/ /shing rta de dag kyang gser gyi rgyal mtshan can
gser gyi rgyan gyis brgyan pa sha stag go /yid bzhin gyi nor
bu'i bla re de dag kyang steng gi bar snang las shing rta de dag
gi phyi bzhin du 'brang bar gyur te/ /shing rta de dag 'dod ? na
ni rjes su 'dong/ shing rta de dag sdod na ni sdod pa sha tag go
/yid bzhin gyi nor bu'i bla re de dag la yang mdzes par bya ba'i
phyir rin po che sna bdun gyi phreng ba'i lda ldi mngon par
sbyangs so/ /yid bzhin gyi nor bu'i bla re de dag kyang rin po
che sna bdun gyi dril bu g.yer ka'i dra ba dang ldan
par mngon par sprul to/ /shing rta'i rgyan dang/ rta'i rgyan
dang/ yid bzhin gyi nor bu'i bla re'i rgyan de dag rlung gis
bskyod na sgra snyan cing yid du 'ong la mnyan na bde ba sha
stag 'byung bar gyur te/ 'di lta ste/ dper na rol mo sil snyan
yan lag brgyad dang ldan pa mkhas pas sgra phyung
na sgra snyan cing yid du 'ong ba dang/ mnyan na bde bar 'byung
ba de bzhin du shing rta'i rgyan de dag dang/ rta'i rgyan de dag
dang/ yid bzhin gyi nor bu'i bla re'i rgyan de dag rlung gis
bskyod na sgra snyan cing yid du 'ong la mnyan na bde ba sha
stag 'byung bar gyur to/ /shing rta de dag gi 'phang gis kyang
steng gi bar snang
la dpag tshad drug cu bsgribs te 'khod par gyur to/ /shing rta de
dag gi phyi bzhin yang rol mo sil snyan sna tshogs rjes su 'brang
bar gyur to/ /shing rta de dag thams cad la yang lha ma yin gyi
bu mo rgyan thams cad kyis brgyan pa dag 'khod do/ /bcom ldan
'das la mchod pa bya ba'i
phyir la la ni rol mo byed/ /la la ni sil snyan dkrol/ la la ni
glu len/ la la ni gar byed/ la la ni tsan dan dang ud pa la'i
phye mas 'thor/ la la ni a ga ru dang ta ma la'i lo ma'i phye
mas ? 'thor/ /la la ni lha ma yin gyi lha rdzas kyi phye mas
'thor/ la la ni gser dngul gyi phye
mas 'thor/ la la ni man d'ar ba dang/ man d'a ra ba chen po
dang/ man dzu SHa ka dang/ man dzu SHa ka chen po dang/ pa ru
SHa ka dang/ pa ru SHa ka chen po dang/ mdog dkar dang/ mdog
dkar chen po dang/ skya snar dang/ skya snar chen po dang/ skya
snar khra bo dang/ skya snar bkra chen gyi me
@21a */ /tog mngon par sprul cing bcom ldan 'das la mngon par
'thor ro/ /la la ni gser gyi me tog dang/ dngul gyi me tog dang/
shel gyi me tog dang/ bE d'urya'i me tog dang/ sbug gi me tog
dang/ mu tig dmar po'i me tog dang/ rdo'i snying po'i me tog gis
mngon
par 'thor ro/ /la la ni rin po che sna bdun dang dbyig gis snyim
pa bkang zhing bcom ldan 'das la mngon par 'thor ro/ /la la ni
na bza' dang/ rgyan 'bul lo/ /la la ni sku rags dang/ zhabs kyi
rgyan dang/ phyag gi rgyan dang/ sor gdub dang/ gdu bu dang/ gdu
bu tham pa dang/
dbu rgyan rtse gsum pa dang/ dpung rgyan dang/ cod pan dang/
gser skud dang/ mu tig gi do shal dang/ nor bu'i do shal dang/
se mo do dang/ gya do dang/ mgul rgyan sna tshogs 'thor bar gyur
to/ /la la ni tsong tsong gshibs pa/ la la ni mgo rgyan/ la la
ni rna cha gdub kor/
la la ni gser gyi phreng ba rin po ches spras pa/ la la ni rin
po che'i phreng ba gser gyis spras pa/ la la ni gser gyi dra ba/
la la ni gser gyi phreng ba dang/ nor bu'i phreng ba dang/ mu
tig gi phreng ba thogs so/ /la la ni gser gyi gdugs dang/ dngul
gyi gdugs dang/ bE d'urya'i gdugs dang/
shel gyi gdugs dang/ sbug gi gdugs dang/ rdo'i snying po'i gdugs
dang/ mu tig dmar po'i gdugs dang/ rin po che sna bdun gyi gdugs
dang/ rin po che'i rgyal mtshan sna tshogs tha dad pa dang/ rin po
che thams cad kyi ba dan kha dog sna tshogs dang/ tshon sna tshogs
can mang po
thogs so/ /la la ni spos chu'i char 'bebs shing 'khod par gyur
to/ /la la ni bcom ldan 'das la tshigs su bcad pa 'di dag gis
mngon par bstod par gyur to/ /mi mchog khyod la phyag 'tshal lo/
/mi phul khyod la phyag 'tshal lo/ /rkang gnyis gtso la phyag
'tshal lo/ /khyod la do zla
yong ma mchis/ /'jig rten gsal la phyag 'tshal lo/ /ye shes mtsho
la phyag 'tshal lo/ /dpal dang ldan la phyag 'tshal lo/ /rgyal
ba'i 'od la phyag 'tshal lo/ /yon tan rdzogs la phyag 'tshal lo/
/nyon mongs sel la phyag 'tshal lo/ /spyod dag khyod la phyag
'tshal lo/ /
@21b sems dag khyod la phyag 'tshal lo/ /gnas pa mi mnga' zhum mi
mda'/ ? /le lo mi mnga' rgod mi mnga'/ /brtson 'grus brtsams
shing rtul ba nyid/ /nges par rtogs la phyag 'tshal lo/ /rin po
che'i pho brang gi rdal blta na sdug pa/ mdzes pa/ rin po che
sna bdun gyi rang bzhin can khrag
khrig phrag drug cu drug cu yang mngon par sprul te/ rin po
che'i pho brang gi rdal de dag re re zhing yang bzhugs sa khrag
khrig phrag drug cu drug cu yang mngon par sprul to/ /bzhugs sa
de dag re re zhing yang ba gam bkra ba/ blta na sdug pa/ rin po
che sna bdun gyi rang bzhin can brgya phrag drug cu drug cu
mngon par sprul to/ /ba gam de dag re re la yang khang pa
brtsegs pa bkra ba blta na sdug pa/ rin po che sna bdun gyi rang
bzhin can khrag khrig phrag drug cu drug cu mngon par sprul to/
/khang pa brtsegs pa de dag re re zhing yang khyams bkra ba blta
na sdug pa/ rin po che sna bdun gyi rang bzhin can khrag
khrig phrag drug cu drug cu mngon par sbrul to/ /de la gser gyi
khyams rnams kyi gdung phyam ni dngul/ gral bu dang sgo 'phar ni
bE d'urya/ them pa dang kha khyer ni shel/ ka ba ni sbug /ka
zhu ni mu tig dmar po/ sa gzhi ni rdo'i snying po'i rang bzhin
can sha stag go /dngul gyi khyams
rnams kyi gdung phyam ni gser/ gral bu dang sgo 'phar ni bE
d'urya/ them pa dang kha khyer ni shel/ ka ba ni sbug /ka zhu ni
mu tig dmar po/ sa gzhi ni rdo'i snying po'i rang bzhin can sha
stag go /bE d'u rya'i khyams rnams kyi gdung phyam ni shel/
gral bu dang sgo 'phar ni gser/
them pa dang kha khyer ni dngul/ ka ba ni sbug /ka zhu ni mu tig
dmar po/ sa gzhi ni rdo'i snying po'i rang bzhin can sha stag go
/shel gyi khyams rnams kyi gdung phyam ni bE d'urya/ gral bu
dang sgo 'phar ni sbug /them pa dang kha khyer ni rdo'i snying
po/ ka ba ni gser/ ka zhu ni dngul/
sa gzhi ni mu tig dmar po'i rang bzhin can sha stag go /sbug gi
khyams rnams kyi gdung phyam ni rdo'i snying po/ gral bu dang
sgo 'phar ni mu tig dmar po/ them pa dang kha khyer ni gser/ ka
ba ni dngul/ ka zhu ni shel/ sa gzhi ni bE d'urya'i rang bzhin
can sha stag go /mu tig dmar
@22a */ /po'i khyams rnams kyi gdung phyam ni sbug /gral bu dang
sgo 'phar ni rdo'i snying po/ them pa dang kha khyer ni dngul/
ka ba ni gser/ ka zhu ni bE d'urya/ sa gzhi ni ke ke ru'i rang
bzhin can sha stag go /rdo'i snying po'i khyams rnams kyi gdung
phyam ni mu tig dmar po/ /
gral bu dang sgo 'phar ni gser/ them pa dang kha khyer ni dngul/
ka ba ni bE d'urya/ ka zhu ni ke ke ru/ sa gzhi ni shel gyi
rang bzhin can sha stag go /khyams de dag tu yang seng ge'i
khri rin po che sna bdun gyi rang bzhin can lha ma yin gyi lha
rdzas kyi gos sna tshogs bting pa/ ka ca lin di'i
steng g.yogs can/ mtha' gnyis su rten ma bzang po bkod pa khrag
khrig phrag drug cu drug cu mngon par sprul to/ /seng ge'i khri
de dag gi rkang rten rin po che sna bdun gyi rang bzhin can dag
la ras bcos bu sna tshogs 'di lta ste/ shing bal las byas pa shin
tu phra ba dang/ srin bal las
byas pa shin tu phra ba dang/ zar ma'i shun pa las byas pa shin
tu phra ba dang/ shun phrags las byas pa shin tu phra ba dang/
ka shi ka las byas pa shin tu phra ba bye ba phrag drug cu drug
cu bting bar gyur to/ /seng ge'i khri de dag re re'i ngos gnyis
su yang lha ma yin gyi bu mo rgyan thams
cad kyis brgyan pa/ rin po che sna bdun las byas pa'i bsil yab
thogs pa gnyis gnyis mngon par sbrul te/ seng ge'i khri de dag
la lha ma yin gyi bu mo gzhon nu 'khod pa dag la g.yob bo/
/khyams de dag re re zhing yang rin po che sna bdun las byas
pa'i gdugs khrag khrig phrag
drug cu drug cu mngon par sbrul to/ /khyams de dag re re zhing
yang rin po che sna bdun gyi rgyal mtshan khrag khrig phrag drug
cu drug cu mngon par sbrul to/ /de la gser gyi khyams rnams su
ni rgyal mtshan sngon po la yub ser po shel gyis spras pa dag
btsugs/ dngul gyi khyams rnams su
ni rgyal mtshan ser po yu ba dmar po gser gyis spras pa dag
btsugs/ bE d'urya'i khyams rnams su ni rgyal mtshan dmar po yu
ba ser po shel gyis spras pa dag btsugs/ shel gyi khyams rnams
su ni rgyal mtshan dkar po yu ba bE d'urya gser gyis spras pa
dag btsugs/
@22b rin po che sna tshogs kyi khyams rnams su ni rgyal mtshan
khra bo gser gyi yu ba bE d'uryas spras pa dag btsugs so/ /de
la rgyal mtshan sngon po rnams ni tog ser po rgyal mtshan ser po
rnams ni tog sngon po/ rgyal mtshan dmar po rnams ni tog dkar po/
rgyal mtshan dkar po
rnams ni tog dmar po/ rin po che sna tshogs kyi rgyal mtshan rnams
ni tog rin po che sna bdun pa sha stag go /rin po che'i pho
brang gi rdal de dag bar snang gi nam mkha' la lding zhing bcom
ldan 'das la lan gsum skor ba byed par gyur to/ /de 'di lta ste/
dper na sum cu rtsa gsum
gyi lha rnams kyi glang po che sa srung gi bu ni bar snang gi
nam mkha' las 'gro zhing sum cu rtsa gsum pa'i lha rnams skyed
mos tshal yongs 'dus brtol du nye bar 'jog go /de bzhin du pho
brang gi rdal de dag kyang bar snang gi nam mkha' la lding zhing
bcom ldan 'das la lan gsum skor ba byed do/ /
rin po che'i pho brang gi rdal de dag dang/ ba gam de dag dang/
bzhugs sa de dag dang/ khang pa brtsegs pa de dag dang/ khyams
de dag dang/ seng ge'i khri de dag dang/ gdugs de dag dang/
rgyal mtshan de dag dang/ ba dan de dag las lha'i tsan dan dang/
ud pa la dang/ a
ga ru'i phye ma'i char bab par gyur to/ /me tog man d'a ra ba
dang/ man d'a ra ba chen po dang/ manydzu SHa ka dang/ manydzu
SHa ka chen po dang/ pa ru SHa ka dang/ pa ru SHa ka chen po
dang/ mdog dkar dang/ mdog dkar chen po dang/ skya snar dang/
skya snar chen po dang/ skya snar khra bo dang/
skya snar bkra chen gyi char yang mngon par bab par gyur to/
/gser dang/ dngul dang/ bE d'urya dang/ shel dang/ sbug dang/
rdo'i snying po dang/ mu tig dmar po dang/ rin po che thams cad
kyi me tog dang/ dbyig dang/ gser dang/ yid bzhin gyi ras bcos
bu'i char yang mngon par
bab par gyur to/ /yid bzhin gyi nor bu'i bla re de dag gi mthus
lha ma yin gyi bu de dag rin po che gang dang gang gi char 'bab
par 'dod pa de dang de dag las mngon par bab par gyur to/ /de'i
tshe ser skya'i gnas kyi grong khyer chen po nas khor yug tu ni
dpag tshad drug khri 'phang du yang dpag tshad drug
@23a */ /khrir lha ma yin gyi mchod pa de lta bus rgyas par gang
bar gyur to/ /rin po che'i pho brang gi rdal de dag gis kyang
bcom ldan 'das la lan gsum bskor ba byas te/ bcom ldan 'das kyi
spyan sngar 'khod par gyur to/ /ser skya'i gnas kyi grong khyer
chen po
yang mi 'greng bdun tsam du me tog man d'a ra bas rgyas par gang
bar gyur to/ /spos chus kyang rdzab tu gyur to/ /sangs rgyas kyi
mthus stong gsum gyi stong chen po'i 'jig rten gyi khams kyang
spos chu'i rdzab kyi dri des khyab par gyur to/ /stong gsum gyi
stong chen po'i 'jig rten gyi khams
'di'i sems can gang dag gis spos chu'i rdzab kyi dri de tshor ba
de dag thams cad kyang bla na med pa yang dag par rdzogs pa'i
byang chub las phyir mi ldog par gyur te/ byang chub tu sems
dang po bskyed pa dag ni smos kyang mi dgos so/ /de nas lha ma
yin gyi dbang po thags zangs
ris rin po che sna bdun gyi shing rta la zhon te lan gsum bskor
ba byas nas/ bcom ldan 'das la tsan dan gyi phye mas mngon par
gtor te/ tshigs su bcad pa dag gis mngon par bstod pa/ byang chub
dam pa don du gnyer slad du/ /skyabs kyi dam pa rab tu mi sgul
ba/ /lhar
bcas 'jig rten mi 'jigs stsol ba po/ /khyod la bdag ni skyabs su
nye bar mchi/ /gang la dga' ba'i yid kyis skyabs song na/ /log
ltung dag tu ltung bar mi 'gyur ba/ /de la bdag ni skyabs su nye
bar mchi/ /dpe med byang chub 'tshal ba'i slad du'o/ /'khor ba'i
sdug bsngal dag ni bshig bcom zhing/ /mya ngan las rgal nyon
mongs dag gyur la/ /'dren pa gzhan gyi dring la mi 'jog pa/
/khyod la bdag ni skyabs su nye bar mchi/ /rga dang 'chi bas
nyen par gyur pa yi/ /lha dang mi rnams 'dren pa bcom ldan 'das/
/gang la skyabs
sod phyis kyang mi skye ba/ /khyod la bdag ni skyabs su nye bar
mchi/ /de nas lha ma yin gyi dbang po thags zangs ris kyis bcom
ldan 'das la lan gsum bskor ba byas pa'i tshe rta'i rgyan de dag
dang/ shing rta'i rgyan de dag dang/ lha ma yin gyi rgyan de dag
dang/ gdugs dang/
@23b rgyal mtshan dang/ ba dan gyi rgyan de dag dang/ bla re dang
dril bu g.yer ka'i rgyan de dag rlung gis bskyod pa las sgra
snyan cing yid du 'ong la mnyan na dga' ba 'di lta bu dag byung
bar gyur te/ 'di ltar dper na rol mo sil snyan yan lag brgyad pa
mkhas pas sgra phyung ba bzhin no/ /de ltar
lha ma yin gyi dbang po thags zangs ris kyis bcom ldan 'das la
lan gsum bskor ba byas pa'i tshe steng gi bar snang las lha'i
tsan dan dang/ ud pa la dang/ a ga ru dang/ ta ma la'i lo ma'i
phye ma'i char mngon par bab par gyur to/ /lha ma yin gyi spos
kyi phye ma rnam pa sna tshogs
du ma'i char mngon par bab par gyur to/ /lha'i me tog man d'a ra
ba dang/ man d'a ra ba chen po dang/ manydzu SHa ka dang/
manydzu SHa ka chen po dang/ ba ru SHa ka dang/ ba ru SHa ka
chen po dang/ mdog dkar dang/ mdog dkar chen po dang/ skya snar
dang/ skya snar chen po dang/
skya snar khra bo dang/ skya snar bkra chen gyi me tog rnams
dang/ sprul pa'i me tog sna tshogs kyi char mngon par bab bo/
/steng gi bar snang las gser dang/ dngul dang/ bE d'urya dang/
/shel dang/ sbug dang/ rdo'i snying po dang/ mu tig dmar po
dang/ rin po che thams cad
kyi me tog gi char yang mngon par bab bo/ /lha dang lha ma yin
gyi spos chu'i char yang mngon par bab bo/ /spos chu'i char de
bab pas ser skya'i gnas kyi grong khyer chen po nas khor yug tu
dpag tshad drug cu tshun chad spos chu'i rdzab tu gyur to/ /spos
chu'i rdzab kyi dri des kyang stong gsum
gyi stong chen po'i 'jig rten gyi khams thams cad rgyas par gang
bar gyur to/ /sems can gang dag gis spos kyi dri de tshor bar
gyur pa de dag thams cad kyang bla na med pa yang dag par rdzogs
pa'i byang chub las phyir mi ldog par gyur to/ /de ltar lha ma
yin gyi dbang po thags zangs ris kyis bcom
ldan 'das la lan gsum skor ba byed pa'i tshe/ bar snang las lha
ma yin gyi lha rdzas kyi sil snyan gyi sgra dag byung ngo/ /sil
snyan de dag gi sgras kyang stong gsum gyi stong chen po'i 'jig
rten gyi khams su grag par gyur to/ /theg pa chen po la yang dag
par zhugs pa'i sems can gang
@24a */ /dag gis sgra thos par gyur pa de dag thams cad bla na
med pa yang dag par rdzogs pa'i byang chub las phyir mi ldog par
gyur to/ /de ltar lha ma yin gyi dbang po thags zangs ris kyis
bcom ldan 'das la lan gsum bskor ba byas pa'i tshe lha ma yin gyi
bu mo brgya
stong dag bcom ldan 'das la mchod pa bya ba dang/ lha ma yin gyi
dbang po thags zangs ris kyi 'khor bya ba'i phyir la la ni glu
len/ la la ni sil snyan byed/ la la ni gar byed/ la la ni lus
kyi tshul sgyur/ la la ni tsan dan dang/ ud pa la dang/ a ga ru
dang; ta ma la'i lo ma'i phye ma 'thor/ la la ni lha'i me tog
man d'a ra ba dang/ man d'a ra ba chen po dang/ man dzu SHa ka
dang/ man dzu SHa ka chen po dang/ pa ru SHa ka dang/ pa ru SHa
ka chen po dang/ mdog dkar dang/ mdog dkar chen po dang/ skya
snar dang/ skya snar
chen po dang/ skya snar khra bo dang/ skya snar bkra chen dang/
sprul pa'i me tog rnams dang/ gser dang/ dngul dang/ bE d'urya
dang/ shel dang/ sbug dang/ rdo'i snying po dang/ mu tig dmar po
dang rin po che thams cad kyi me tog rnams 'thor zhing bcom ldan
'das la mngon par
'thor ro/ /la la ni na bza' dang/ rkang gdub dang/ sku rags
dang/ phyag gi rgyan dang/ sor gdub dang/ gdu bu dang/ gdu bu
tham pa dang/ dbu rgyan rtse gsum pa dang/ dpung rgyan dang/ cod
pan dang/ gser skud dang/ mu tig gi phreng ba dang/ nor bu'i do
shal dang/ se mo do dang/
gya do dang/ mgul rgyan sna tshogs dang/ rna cha dang/ rna cha
gdub kor dang/ tshong tshong gshibs pa dang/ mgo rgyan dang/
phreng ba'i lnga ldi dang/ spos kyi lda ldi dang/ nor bu'i
lnga ldi dag 'thor zhing me tog gi bla re dang/ spos kyi bla re
dang/ nor bu'i bla re dag thogs so/ /la la ni spos
chu'i char 'bebs so/ /la la ni phye ma'i char 'bebs so/ /la la
ni mu tig dmar pos snyim pa bkang ste/ bcom ldan 'das la mngon
par 'thor ro/ /la la ni rin po ches snyim pa bkang/ la la ni
gser gyis snyim pa bkang ste/ bcom ldan 'das la mngon par 'thor
ro/ /tshigs su
@24b bcad pa 'di yang smras so/ /gang brten gang la gnas bcas
nas/ /gang zag mchog la mchod 'gyur ba/ /de 'dra ba yi grogs po
dang/ /rtag par rgyun du phrad par shog /lha ma yin gyi dbang po
thags zangs ris kyis ji ltar byas pa de bzhin du lha ma yin gyi
dbang po rab si ma
gyis kyang bcom ldan 'das la mchod pa byas nas rin po che sna
bdun gyi shing rta la zhon te/ bcom ldan 'das la lan gsum skor
ba byed cing tshigs su bcad pa 'di dag gis bcom ldan 'das la
mngon par bstod pa/ stobs bcu brtson bden khyod la phyag 'tshal
lo/ /mi 'jigs
'jigs bral khyod la phyag 'tshal lo/ /chos la ma 'dres des par
gyur pa po/ /'gro ba'i 'dren pa khyod la phyag 'tshal lo/ /kun
sbyor 'ching ba gcod la phyag 'tshal lo/ /'khor rgyud mi gnas pa
la phyag 'tshal lo/ /mthar phyin thang gnas khyod la phyag 'tshal
lo/ /'gro ba bying
ba sgrol la phyag 'tshal lo/ /sems can 'grogs kyang rgod pa mi
mnga' zhing/ /'gro ba kun la thugs ni rnam grol te/ /pad ma chu
yis mi gos 'dra ba po/ /blo zab bsam mi khyab la phyag 'tshal lo/
/sangs rgyas thub pa khyod kyis stong nyid mkhyen/ /rnam pa kun
tu mtshan mthams
cad bshig /khyod ni gang du 'ang smon pa yong mi mnga'/ /mi gnas
nam mkha' mnyam la phyag 'tshal lo/ /lha ma yin gyi dbang po rab
sim gyis ji ltar byas pa de bzhin du lha ma yin gyi dbang po
shing rta bzang gis kyang/ bcom ldan 'das la mchod pa byas nas
rin po che sna bdun
gyi shing rta la zhon te/ bcom ldan 'das la lan gsum skor ba
byed cing gser phye dag gis gtor nas tshigs su bcad pa dag gis
bcom ldan 'das la mngon par bstod pa/ sa dang bar snang dad ni
lha'i yul na'ang/ /bde gshegs khyod mnyam ma mchis lhag ma
mchis/ /
mtshan mar gzung nas phyin ci log zhugs pa'i/ /'gro ba smig rgyu
'dra bar khyod kyis mkhyen/ /'di na byed pa tshor ba sems can
med/ /gang zag med cing bdag gir bya ba med/ /chos kun stong
zhing byed pa kun las dben/ /rang bzhin med cing g.yo med zhi
zhes bstan/ /su zhig
@25a */ /bde gshegs bstan pa 'dir mos te/ /chos kun byas pa med
pa'i rjes 'brang ba/ /de 'dir 'dren pa'i sras su gyur pa ste/
/ji ltar bstan pa de bzhin yab ltar sbyod/ /rnam 'dren khyod la
bdag bstong bsod nams gang skyes de/ /ji ltar rgyal ba mkhyen
pa yis ni mkhyen gyur pa/ /dge ba'i rtsa ba de kun ma lus mtha'
dag 'dir/ /'gro la stsal gyis thams cad sangs rgyas grub par
shog / //bam po gsum pa/ lha ma yin gyi dbang po shing rta bzang
gis ji ltar byas pa de bzhin du lha ma yin gyi dbang po stobs
ldan gyis kyang/ /bcom ldan 'das la mchod pa byas te rin po che
sna bdun gyi shing rta la zhon nas bcom ldan 'das la lan gsum
skor ba byed cing dngul gyi me tog rnams kyis gtor te/ tshigs su
bcad pa dag gis bcom ldan 'das la mngon par bstod pa/ 'khor ba'i
rgya mtsho chu las pha
rol rnams rgal ba/ /rgal nas skye bo rgyun gyi rjes 'gro sgrol
mdzad cing/ /bde gshegs pha rol thang bde 'jigs pa med 'jog pa/
/spyan mdzes bde bar gshegs pa khyod kyi zhabs la gtugs/ /blo
mchog khyod kyis 'gro ba thams cad kun tu mkhyen/ /phyin ci log
lta thibs por rab zhen
blo ldan te/ /'khrul pa smig rgyu lta bur ma shes gyur rnams la/
/mtshungs pa med pa'i thugs rje bskyed nas rtogs par mdzad/ /mi
mchog khyod kyis chos rnams thams cad sgyu ma dang/ /smig rgyu
'dra zhing mig yor mtshungs zhes rab tu bstan/ /thub pa dam pa
khyod kyis chos kyi
sras mchog bskyed/ /srid pa gsum po dag ni mi chags spyad pa
spyod/ /dngos po log pa'i don gyur rang bzhin bral ba dang/
/gzhan gyi dngos pos stong par mi dbang khyod kyis mkhyen/ /byis
pa rmongs pa'i blo gros rmi lam dga' lta bur/ /mi dbang khyod
kyi sras kyis tshal na spyad pa spyod/ /
lha ma yin gyi dbang po stobs ldan gyis ji ltar byas pa de bzhin
du lha ma yin gyi dbang po sgra gcan gyis kyang/ bcom ldan 'das
la mchod pa byas nas rin po che sna bdun gyi shing rta la zhon
te/ bcom ldan 'das la lan gsum skor ba byed cing me tog skya
snar khra bo rnams kyis gtor te tshigs su bcad pa
@25b dag gis bcom ldan 'das la mngon par bstod pa/ mi mchog
khyod kyi sku yis ni/ /lhar bcas 'jig rten 'di zil mnan/ /ri rab
kyis ni yungs 'bru dang/ /rgya mtshos ba rjes chu bzhin no/
/gzugs mdzes mtshan gyis rab tu brgyan/ /gzugs kyis
gzugs kyi dam pa dang/ /gzugs rnams thams cad zil gyis mnan/
/dper na nyi mas me khyer bzhin/ /gzi brjid phung po gzi brjid
kyis/ /sems can gzi ldan zil gyis mnan/ /zil mnan de dag lam me
min/ /nyi mas me khyer zil brlag
bzhin/ /ye shes rgya mtsho ye shes kyis/ /'jig rten gsum kun zil
gyis mnan/ /zil mnan de dag lam me min/ /nyi mas zla 'od zil
brlag bzhin/ /lha ma yin gyi dbang po sgra gcan gyis ji ltar
byas pa de bzhin du/ lha ma yin gyi dbang po bde mchog gis
kyang/ bcom ldan 'das la mchod pa byas nas rin po che sna bdun
gyi shing rta la zhon te/ bcom ldan 'das la lan gsum skor ba
byed cing me tog skya snar khra bos mngon par gtor te tshigs su
bcad pa dag gis bcom ldan 'das la mngon par bstod pa/ 'dren pa
blo gros
zhi ba po/ /zhi gnas dgyes pas 'gro ba yi/ /'dod sdang gti mug
rdul zhi mdzad/ /char pas rdul rnams zhi bgyid bzhin/ /'bar
zhing chos tshul 'bar bar mdzad/ /blugs spyin gyis ni me bzhin
no/ /nags btang nags mes shing sreg ltar/ /de bzhin nyon
mongs dra ba sreg /bskal pa bye ba khrag khrig ni/ /dpag tu med
par dge rtsa 'dzin/ /nyon mongs thams cad 'joms mdzad de/ /bdud
nrtsis lus byugs dug bzhin no/ /mun pa mun nag sel mdzad de/
/mun khung sgron ma 'bar ba bzhin/ /chos kyi tshul yang ston
mdzad de/ /nor mkhan rin chen yon tan bzhin/ /lha ma yin gyi
dbang po bde mchog gis ji ltar byas pa de bzhin du lha ma yin
gyi dbang po g.yul la mngon par dga' bas kyang/ bcom ldan 'das
la mchod pa byas nas rin po che sna bdun gyi shing rta la zhon
te/ bcom ldan 'das
@26a */ /la lan gsum skor ba byed cing rin po che'i me tog rnams
kyis gtor nas tshigs su bcad pa dag gis bcom ldan 'das la mngon
par bstod pa/ gdul dka' mi bzad sems ni khyod kyis btul/ /g.yul
la dpa' bas g.yul ngor dpa' bo
bzhin/ /shin tu tshar bcad rang gis dbang du mdzad/ /thugs dul mi
bsnyengs khyod la phyag 'tshal lo/ /khyod kyis dbang po thul cing
dgra yang bcom/ /gang du'ang mi bsnyengs mi bskyod bde ba
brnyes/ /khyod ni nyon mongs rnams kyis yang mi 'khrugs/ /rnam
pa kun tu dug ni ma lus bcom/ /mthu chen khyod kyis byams pa
legs bsgoms te/ /khyod kyi thugs ni dgra dang byams la mnyam/
/thub pa khyod kyis sems can blo gros bshig /'gro ba kun du
khyod ni bzhud mi mnga'/ /shes rab rnam grol srid pa'i sred pa
bskams/ /shes rab rnam dag khyod kyi thugs kyang dag /chos
rnams kun la thugs ni chags mi mnga'/ /thams cad zil mnan thub
mchog khyod 'dra med/ /lha ma yin gyi dbang po g.yul la mngon
par dga' bas ji ltar byas pa de bzhin du lha ma yin gyi dbang po
mig bzangs kyis kyang/ bcom ldan 'das la mchod pa byas nas rin
po che sna bdun gyi shing rta la zhon te/ bcom ldan 'das la lan
gsum skor ba byed cing bcom ldan 'das la gter chen po yang phul
nas tshigs su bcad pa dag gis bcom ldan 'das la mngon par bstod
pa; dpa' bo chen po khyod kyis ni/ /chos rnams yang dag mtshan
nyid mkhyen/ /gang 'di chos zhes brjod pa yang/ /de ni brdar
btags tshig tu zad/ /chos rnams chos kyi ngo bo yis/ /rnam pa kun
tu mi dmigs so/ /gang 'di chos shes brjod pa yang/ /
de ni ming tsam zad ces gsungs/ /ming ni ming gis dben pa ste/
/mtshan nyid kyang ni de bzhin no/ /chos rnams mtshan nyid med pa
ste/ /ming yang med ces khyod kyis bshad/ /rab tu bshad ces bgyi
ba yang/ /bshad pa ci yang ma mchis te/ /gang gis kyang ni
@26b ma bshad cing/ /su la'ang bshad pa ma mchis so/ /khyod kyi
sras po mi mchog rnams/ /chos rnams de ltar 'tshal nas ni/ /chos
rnams la yang mi chags par/ /rnam par spyad do thub pa che/ /lha
ma yin gyi dbang po mig bzangs kyis ji ltar byas pa de
bzhin du lha ma yin gyi dbang po 'jig rten gsum rnam par gnon
pas kyang/ bcom ldan 'das la mchod pa byas nas rin po che sna
bdun gyi shing rta la zhon te/ bcom ldan 'das la lan gsum skor
ba byed cing bcom ldan 'das la mu tig gi do shal yang phul nas
tshigs
su bcad pa dag gis bcom ldan 'das la mngon par bstod pa/ dgra
zla ma mchis khyod la bdag bstod do/ /tshul khrims dang ni gzugs
dang ye shes stobs/ /de ni 'jig rten gsum na mtshungs ma mchis/
/de phyir khyod ni dgra thul mtshungs ma mchis/ /khyod
kyi gzugs ni chos kyis bskyed pas na/ /gzugs kyi stobs kyis
khams gsum zil gyis mnan/ /sbyin pa'i stobs kyis mtshan ni phun
sum tshogs/ /dpe byad phun sum tshogs shing gzugs kyang dag /tshul
khrims stobs kyis khyod ni mi bskyod do/ /skye bo
mkhas pas so sor bsam mi lang/ /khyod ni tshul khrims ldan zhing
thugs kyang dag /mi yi seng ge mdzad pa thams cad 'byor/ /shes
rab stobs kyis khyod mtshungs 'ga' ma mchis/ /de na mi bsnyengs
'jig rten gsum btul nas/ /'khor du seng ge lta bur sgra
bsgrags te/ /rtog ge tshogs kyi blo gros zil gyis mnan/ /lha ma
yin gyi dbang po 'jig rten gsum rnam par gnon gyis ji ltar byas
pa de bzhin du lha ma yin gyi dbang po rnam par snang byed kyis
kyang/ bcom ldan 'das la mchod pa byas nas rin po che sna bdun
gyi shing rta la
zhon te/ bcom ldan 'das la lan gsum skor ba byed cing rin po
ches snyim pa bkang ste gtor nas tshigs su bcad pa dag gis bcom
ldan 'das la mngon par bstod pa/ thub pa chen po skye bo'i tshogs
pa 'di/ /dang ba'i yid kyis khyod kyi zhal du lta/ /kun gyis
rgyal ba
@27a */ /mdun na bzhugs par mthong/ /de ni rgyal ba'i sangs
rgyas ma 'dres mtshan/ /bcom ldan 'das kyis gsung gcig brjod pa
la/ /skye bo bsam pa ji bzhin so sor 'tshal/ /thub pa khyod kyi
gsung de de ltar 'byung/ /de ni rgyal ba'i sangs rgyas ma
'dres mtshan/ /bcom ldan 'das kyis gsung gcig brjod pa la/ /'khor
gyis tha dad gsung du rnam 'tshal cing/ /'gro bas rang don ci lta
bzhin du'ang 'tshal/ /de ni rgyal ba'i sangs rgyas ma 'dres
mtshan/ /gsung gcig rab tu brjod pa mdzad pas ni/ /gcig la
'jog gi gzhan ni dgag par mdzad/ /'dren pa su dag ma bslabs rtog
par mdzad/ /de ni rgyal ba'i sangs rgyas ma 'dres mtshan/ /lha ma
yin gyi dbang po rnam par snang byed kyis ji ltar byas pa de
bzhin du lha ma yin gyi dbang po btang bzung gis kyang/ bcom
ldan 'das la
mchod pa byas nas rin po che sna bdun gyi shing rta la zhon te/
bcom ldan 'das la lan gsum skor ba byed cing mu tig dmar pos
snyim pa bkang ste gtor nas tshigs su bcad pa dag gis bcom ldan
'das la mngon par bstod pa/ rgyags dang nga rgyal sdig pa'i lta
ba spyod pa gang/ /
yid dga' rab tu dang bas mi dbang bde gshegs kyi/ /blo la mngon
par dga' ba de dag bag mchis te/ /mtshungs med bsnyen bkur bgyid
pa de dag ston pa'i sras/ /chos rnams 'di dag ngo bo nyid kyis
ma mchis te/ /rmi lam dga' ba thams cad tshad ma ma lags 'dra/ /
rmi lam dga' spyod ma mchis kyang ni 'du shes mchis/ /de ltar
rgyal bas chos rnams thams cad rab tu gzigs/ /ston ka'i sprin
dang mtshungs shing chu yi zla ba 'dra/ /byis pa'i blo ldan rnams
kyi yid ni rmongs bar bgyi/ /gang dag rtag tu bag mchis bde
gshegs blo
mnga' ba/ /mkhas pa'i skye bo dag la 'di ni rmongs mi bgyid/
/rgyal ba khyod kyi bstan la rtag tu bag mchis gang/ /mi mchog
dam pa de dag mi dal yong mi mchi/ /chos rnams thams cad rmi lam
'dra bar rnam brtags nas/ /yang dag mthong ba de dag ting 'dzin
@27b thob par gyur/ /de nas thags zangs ris la sogs pa lha ma
yin gyi dbang po bye ba phrag drug cu po de dag gis mchod pa
rnam pa 'di lta bu byas nas byang chub la gzhol ba'i sems kyis
tshim zhing mgu la yi rangs te rab tu dga' nas/ dga' ba dang/ yid
bde ba skyes te thal mo
sbyar nas bcom ldan 'das nyid la phyag 'tshal zhing/ bcom ldan
'das kyi spyan sngar 'khod par gyur to/ /de nas bcom ldan 'das
kyis lha ma yin gyi dbang po'i mchod pa de dag kyang gzigs/ /lha
ma yin de dag gi lhag pa'i bsam pa yang thugs su chud nas de'i
tshe 'dzum pa
mdzad do/ /'di ni sangs rgyas bcom ldan 'das rnams kyi chos nyid
de gang gi tshe 'dzum pa mdzad pa de'i tshe/ bcom ldan 'das kyi
zhal gyi sgo nas 'od zer kha dog sna tshogs kha dog du ma 'di lta
ste/ sngon po dang/ ser po dang/ dmar po dang/ dkar po dang/ le
brgan dang/
shel dang/ dngul gyi kha dog lta bu dag byung nas de dag gis
thams cad dang ldan pa'i 'jig rten snang bas rgyas par bkang ste
phyir log nas/ bcom ldan 'das la lan gsum bskor ba byas nas bcom
ldan 'das kyi dbu'i gtsug tu nub po/ /de nas tshe dang ldan pa
rta thul stan las
langs te bla gos phrag pa gcig tu gzar nas bus mo g.yas pa'i
lha nga sa la btsugs te/ bcom ldan 'das ga la ba de logs su thal
mo sbyar ba btud nas bcom ldan 'das la 'dzum pa mdzad pa'i don
tshigs su bcad de zhus pa/ 'jig rten phan bzhed rgyu zhig ma
mchis par/ /
mi yi seng ge 'dzum pa mi mdzad na/ /drang srong chen po ci slad
'dzum pa mdzad/ /skyes bu mchog gis 'dzum pa'i rgyu yang gsungs/
/lha min mchod pa rgya chen gzigs gyur nas/ /'jig rten phan
bzhed khyod ni 'dzum mdzad na/ /lha min rnams la lung bstan bka'
stsal
gsol/ /de thos bdag cag rnams ni dga' bar 'gyur/ /de ring su yis
dogs med rgya chen sems/ /'khor 'dir yang dag bskyed par gyur
cig gu/ /de bzhin gshegs pas gang gi bsam mkhyen nas/ /mi yi
seng ge 'dzum pa mdzad par gyur/ /de ring yongs su dag pa'i
@28a */ /yid kyis su/ /mi yis mchog la dad pa gang gis bskyed/
/de bzhin gshegs pas gang gi bsam mkhyen te/ /yid du 'ong ba'i
'dzum pa mdzad par gyur/ /bde gshegs zhal nas 'dzum pa de mthong
nas/ /'di ltar bde gshegs 'dzum pa mdzad pa
'di; /su yi dpung bcas bdud ni deng bcom zhes/ /'khor 'di de
ring the tshom 'tshal par gyur/ /drang srong chen po rgyal ba dgra
las rgyal/ /the tshom 'tshal ba'i som nyi bcad du gsol/ /mi mchog
khyod kyis de ring 'gro ba yi/ /the tshom smyur te legs par bcad
du gsol/ /de
nas tshe dang ldan pa rta thul gyis zhu bzhus pa'i lan bcom ldan
'das kyis tshigs su bcad de tshe dang ldan pa rta thul la slar
bka' stsal pa/ rta thul khyod kyis dri ba legs par dris/ /'jig
rten phan phyir 'dzum pa ngas byas pa/ /de yis 'bras bu ma lus
bstan par bya/ /bstan pa de ni rtse
gcig yid kyis nyon/ /bla na med pa'i byang chub 'dod pa'i phyir/
/lha min rnams kyis nga mchod 'di byas te/ /de dag sems ni ci
la'ang chags med pas/ /nam mkha'i ngos la lag mthil chags med
bzhin/ /lha min tshogs kyis dad pa'i yid byas te/ /de dag nga la
mchod pa 'di
byas pas/ /blo can de dag lha min ris bor te/ /mtho ris dong nas
yun ring dga' bar 'gyur/ /de dag phyi dus rgyal ba mi'i seng ge
/gang g'a'i klung gi bye ma bye ba snyed/ /bsnyen bkur byas nas
yid 'ong bskal pa la/ /de dag thams cad mtshan 'thun rgyal bar
'gyur/ /de tshe bde
gshegs khrag khrig drug cu'i rnams/ /'jig rten sgron ma phyogs
su grags pa ste/ /de dag mi gnas chos ni ston mdzad cing/ /lha
dang bcas pa'i 'jig rten 'grel par 'gyur/ /'jig rten mkhas pa de
dag rnams kyi zhing/ /shin tu yangs shing snyigs ma med par
'gyur/ /de tshe
khrag khrig drug cur tshangs pa yi/ /rgyal ba rnams kyis stong
gsum sbyong bar 'gyur/ /de dag ngan song thams cad sel bar
mdzad/ /de dag zhing der dga' bar spyod par 'gyur/ /brtan pa de
dag mi khom thams cad sbyong/ /bla na med pa'i theg pa ston par
'gyur/ /de dag tshe yi
@28b tshad du gyur pa ni/ /bskal pa khrag khrig drug cu tshang bar
yang/ /rnam par 'dren pa de dag 'tsho bar 'gyur/ /chags pa med
pa'i chos kyang ston par mdzad/ /thub pa de dag mya ngan 'das
gyur te/ /'jig rten mkhas pa rab tu zhi gyur nas/ /bskal pa
khrag khrig drug cu tshang bar ni/ /
rang byung rnams kyi dam chos gnas par 'gyur/ /bde bar gshegs pa
de dag 'gro ba'i tshogs/ /gang g'a'i bye ma snyed kyi skye bo
'dul/ /dgra las rgyal ba'i rgyal bar mtshan 'thun 'gyur/ /zhing
dang tshe dang chos gnas 'gyur ba'ang 'thun/ /bde gshegs de dag
khrag khrig drug cu yi/ /
skyes pa bud med yongs su smin mdzad de/ /bla na med pa'i theg
pas 'dems par 'gyur/ /mkhas pa de dag rgyal ba'i gdung yang
'dzin/ /rgyal bas lha min de dag lung bstan pa/ /'jig rten phan
phyir drang srong chen pos gsungs/ /lha dang bcas pa'i 'jig rten
de thos nas/ /yi
rangs gyur cing stobs kyang skye bar gyur/ /lha ma yin lung
bstan pa'i le'u ste bzhi pa'o// //de nas tshe dang ldan pa 'od
srung chen pos lha ma yin gyi mchod pa rnam pa de lta bu 'di
mthong nas ngo mtshar du gyur te/ 'di snyam du de bzhin gshegs
pas sngon byang chub sems dpa'i spyad pa
spyod pa'i tshe dge ba'i rtsa ba ci lta bu zhig mngon par 'du
mdzad na 'di lta bu'i rnam par smin pa grub snyam nas/ de'i tshe
sems ji ltar mnyam par bzhag pas bskal pa grangs med pa yang
rjes su dran zhing/ bcom ldan 'das kyis srid pa'i rgyud de dang
der 'chi 'pho dang skye ba na dge ba'i rtsa ba gang
dag mngon par 'du mdzad pa dang/ dge ba'i rtsa ba gang dag gis
bla na med pa yang dag par rdzogs pa'i byang chub yang dag par
bsgrubs pa dang/ dge ba'i rtsa ba gang gis phyir mi ldog pa
brnyes par gyur pa de dag thams cad rjes su dran par 'gyur ba de
lta bu'i ting nge 'dzin la mnyam par bzhag
go; /de nas tshe dang ldan pa 'od srung chen pos bcom ldan 'das
kyi dge ba'i rtsa ba bdag nyid chen po rjes su dran par gyur nas
'di snyam du sems te/ bcom ldan 'das kyi dge ba'i rtsa ba bdag
nyid chen po de lta bu mdzad na de'i thugs bskyod pa gcig la
yang 'jig rten gyi khams gang g'a'i klung gi
@29a */ /bye ma snyed na sems can gang ji snyed cig 'khod pa de
dag thams cad mi'i lus thob par gyur te/ lha ma yin gyi mchod pa
ji snyed pa de snyed du sems can re res bskal pa gang g'a'i
klung gi bye ma snyed du mchod pa byas kyang de dag gi thugs
bskyed pa gcig la yang lan lon par mi
nus so snyam mo/ /de nas tshe dang ldan pa 'od srung chen po ting
nge 'dzin de las langs te/ ngo mtshar dang dad pa thob par gyur
nas de'i tshe bcom ldan 'das la tshigs su bcad de mngon par bstod
pa/ thub pa byang chub gzhol ba yi/ /thugs bskyed pa ni re re
la'ang/ /lha ma yin gyi mchod pa
'dis/ /cha tsam mi sbyod mi'i seng ge /de lta'i yon tan mthar
phyin te/ /lha dang mi yis mchod gyur pa/ /tsan dan phur ma ri
rab tsam/ /mi mchog khyod la mchod par 'os/ /mi yi seng ge khyod
la ni/ /gang g'a'i bye ma ches mang ba'i/ /rgya mtsho rab tu
bkang ba yi/ /spos chu dag gi
mchod par 'os/ /yon tan chen po mnga' ba la/ /gang g'a'i bye ma
ches mang ba'i/ /me tog tshogs ni ri bo mchog /khor yug chen po
mnyam mchod 'os/ /rgyal ba sgron ma rang byung ba/ /mar me'i
snying po ri rab tsam/ /'bru mar rgya mtsho'i chu snyed kyi/ /mar
me rnams kyis mchod par
'os; /mthu chen mnga' ba de lta bur/ /yon tan pha rol phyin gyur
pa/ /gang g'a'i bye ma ches mang ba'i/ /me tog mchod rten mchod
par 'os/ /mi dbang mchod pas thugs brtse ba/ /rin chen gdugs ni
che rnams kyis/ /bskal pa khrag khrig rnams su yang/ /sems can
mchog
la mchod par 'os/ /yon tan mtha' yas mnga' ba khyod/ /rin po che
yi rgyal mtshan gyis/ /phyogs bcu'i 'jig rten khams bkang ste/
/bskal pa bsam yas mchod par 'os/ /mi yi seng ge khyod la ni/
/bskal pa khrag khrig dpag med par/ /gang g'a'i bye ma ches mang
ba'i/ /
ba dan tshogs kyis mchod par 'os/ /drang srong chen po smra ba'i
stag /lha rnams dang ni mi dag dang/ /gzhan yang sems can gang
tshogs pa/ /brtag bzung dpe la gsan du gsol/ /gal te gang g'a'i
bye snyed kyi/ /phyogs bcu'i 'jig rten khams rnams kyi/ /sems
can thams
@29b cad sangs rgyas su/ /mi mchog stobs bcu'i stobs ldan la/
/de dag re re'i mgo bo yang/ /gang g'a'i bye ma snyed gyur te/
/mgo bo de dag re re zhing/ /de snyed kha dang ldan gyur la/
/kha rnams de dag re re zhing/ /lce dang kha yi grangs mnyam la/
/gang g'a'i klung gi bye snyed kyi/ /
bskal par bstod par bgyis kyang ni/ /rgyal ba de dag spobs mi
bas/ /khyod kyi yon tan mthar mi phyin/ /rgyal ba de lta'i yon
tan gyi/ /pha rol tu ni phyin par gyur/ /de'i tshe bcom ldan 'das
kyis dge slong rnams la bka' stsal pa/ dge slong dag legs so
legs so/ /nga'i
nyan thos rnams ni drang por gyur pa/ ye shes dang ldan par gyur
pa/ chos su gyur pa/ dpang du gyur pa/ tshad mar gyur pa sha stag
gnas te/ de dag ni nga'i yon tan gyi tshogs la 'jug pa sha stag
go /de ci'i phyir zhe na/ dge slong dag de bzhin gshegs pa ni
yon tan dpag tu med pa dang
ldan pa ste/ yon tan bsam gyis mi khyab pa dang ldan pa'o/ /dge
slong dag de bzhin gshegs pa'i yon tan rnams dang/ de bzhin
gshegs pa'i yon tan gyi pha rol tu phyin pa dang/ de bzhin
gshegs pa'i yon tan gyi tshogs ni bsam gyis mi khyab pa'o/ /dge
slong dag de bzhin
gshegs pa'i yon tan rnams gzugs can zhig yin na ni sems bskyed
pa re re'i yon tan gyi tshogs kyang 'jig rten gyi khams gang
g'a'i klung gi bye ma snyed du shong bar mi 'gyur te/ sems
bskyed pa re re'i yon tan gyi tshogs kyang de bzhin gshegs pa
gang g'a'i klung gi bye ma snyed kyis bskal pa gang g'a'i
klung gi bye ma snyed du gang 'di grangs kyi tshad gzung bar
brjod kyang brjod par mi nus/ bsams kyang bsam par mi nus so/
/de ci'i phyir zhe na/ de bzhin gshegs pa sngon byang chub sems
dpa'i spyad pa spyod pa'i tshe sems bskyed pa gang yang sems can
du bsdu bar bsdus pa sems can gang ji
snyed cig yod pa'i sems can de dag thams cad la phan pa dang bde
ba'i don du ma bskyed pa gcig kyang med de/ sems can gyi khams
ni tshad med pas sems can gyi khams ji snyed pa de snyed kyi bsod
nams de bzhin gshegs pa'i sems bskyed pa re re las 'byung ngo/
/sems can gyi khams
@30a */ /ni mi zad pa ste/ sems can gyi khams ji ltar mi zad pa
de ltar mi zad pa'i bsod nams de bzhin gshegs pa'i sems bskyed
pa re re las 'byung ngo/ /sems de ni sems can thams cad la phan
pa'i don du skyes pas sems can thams cad kyis mchod kyang lan
lon par mi nus so/ /de ci'i phyir zhe na/ 'jig rten pa'i mchod
pa ni zang zing dang bcas pa yin la/ byang chub sems dpa' sems
dpa' chen po'i sems sems can thams cad la phan pa'i don du
'byung ba ni sems can 'khor ba la gzhol ba 'di dag mya ngan las
'das pa la ji ltar gzhol
bar 'gyur zhes te zang zing med pa'i phyir ro/ /de bzhin gshegs
pa sngon byang chub sems dpa'i spyad pa spyod pa'i tshe sems can
rnams kyi don du zang zing med pa'i sems dpag tu med pa bskyed
par gyur to/ /dge slong dag sngon byung ba 'das pa'i dus bskal
pa dpag tu med pa/ /bgrang du
med pa/ bsam gyis mi khyab pa/ mtshungs pa med pa/ gzhal du med
pa/ brjod du med pa 'das pa de'i tshe de'i dus na de bzhin gshegs
pa dgra bcom pa yang dag par rdzogs pa'i sangs rgyas rig pa dang
zhabs su ldan pa/ bde bar gshegs pa/ 'jig rten mkhyen pa/ skyes
bu 'dul
ba'i kha lo sgyur ba/ bla na med pa/ lha dang mi rnams kyi ston
pa/ sangs rgyas bcom ldan 'das dbang po'i tog ces bya ba 'jig
rten du byung ste/ dge slong dag de bzhin gshegs pa dbang po'i
tog des sems bskyed pa re re zhing gang g'a'i klung gi bye ma
snyed kyi 'jig rten gyi khams kyi sems can
rnams la phan par dgongs par gyur te don kyang mdzad do/ /de
bzhin gshegs pa dbang po'i tog gi sangs rgyas kyi zhing yang
'jig rten gyi khams gang g'a'i klung gi bye ma snyed la sangs
rgyas kyi zhing gcig tu gyur te/ yongs su dag cing ngan song
dang mi khom pa thams cad yongs su chad pa ste/
de bzhin gshegs pa dbang po'i tog de'i sangs rgyas kyi zhing de
na log par nges pa'i sems can gyi skye ba yong med par gyur to/
/lta ba'i rnam pa yong med par gyur to/ /mngon pa'i nga rgyal
can yong med par gyur to/ /lus dang ngag dang/ yid kyi las kyi
mtha' yongs su ma dag pa dang
@30b ldan pa'i sems can yong med par gyur to/ /ngan song gi
rgyur 'gyur ba'i nyon mongs pa dang las 'byung ba yong med par
gyur to/ /de'i ci'i phyir zhe na/ de bzhin gshegs pa des yul
ring po nas sems can rnams dge ba'i chos rnams la btsud cing
btams te rjes su bstan cing bslabs
pa'i phyir ro/ /de bzhin gshegs pa dgra bcom pa yang dag par
rdzogs pa'i sangs rgyas dbang po'i tog gis sangs rgyas kyi zhing
de na 'khod pa'i sems can rnams kyang bde ba lnga thob par gyur
te/ 'di ltar la la ni 'dod pa'i bde ba dang ldan par gyur to/
/la la ni khyim nas 'byung ba'i bde
ba dang ldan par gyur to/ /la la ni bsam gtan gyi bde ba dang
ldan par gyur to/ /la la ni snyoms par 'jug pa'i bde ba dang
ldan par gyur to/ /la la ni bla na med par yang dag par rdzogs
pa'i byang chub kyi bde ba dang ldan par gyur te/ de dag bde ba
de la yang spyod la/ bde ba de dag la yang
mngon par zhen pa med par gyur to/ /'di lta ste/ dper na bung ba
me tog gi khu bas nye bar 'tsho yang de la mngon par zhen pa med
do/ /de bzhin du sems can de dag kyang bde ba de la yongs su
spyod kyang de la mngon par zhen pa med do/ /'di lta ste/ dper
na bar snang la rgyu ba'i bya ni bar snang la
yang rgyu la de la mngon par chags pa yang med do/ /de bzhin du
sems can de dag kyang bde ba de la yongs su spyod kyang de la
mngon par zhen pa med do/ /de bzhin gshegs pa dbang po'i tog
de'i sangs rgyas kyi zhing de na 'khod pa'i sems can rnams la
yid mi bde bar 'gyur ba'i mi dga' ba med
rmongs par 'gyur ba med de/ gzhan du na yid bde bar 'gyur ba'i
dga' ba sha stag la yongs su spyod de/ de ni 'di ltar sngon dge
ba'i rtsa ba de lta bu bskyed pa'i phyir ro/ /de ci'i phyir zhe
na/ sems can de dag ni de bzhin gshegs pa dbang po'i tog des
sngon byang chub sems dpa'i spyad pa
spyod pa'i tshe/ mi dge ba las yongs su bzlog ste/ dge ba la
btsud pas de dag la las gang gis sdug bsngal gyi tshor ba myong
bar 'gyur ba'i rnam par smin ba dbang med par 'byung ba mi dge
ba'i las de lta bu yong med de/ de ma bsags pa'i phyir sdug
bsngal tshor bar 'gyur ba'i rnam par smin ba mi
@31a */ /'byung ngo/ /de dag gis rmongs pa'i sems tsam gyis
kyang las gang gis rmongs pa rnams la sdug bsngal yang ma yin/
bde ba yang ma yin pa'i tshor ba 'byung bar 'gyur ba de lta bu
mngon par 'du ma byas te/ de ma bsags pa'i phyir rmongs par
'gyur ba'i tshor ba sdug bsngal
yang ma yin/ bde ba yang ma yin pa de mi 'byung ngo/ /de bzhin
gshegs pa dbang po'i tog de'i sangs rgyas kyi zhing de na rgyu
gang gis sems can de dag dus gyur pa las byung ba'i sdug bsngal
mi 'byung bas nyams su mi bde ba'i nyi ma mi 'char ro/ /rlung
nyams su mi bde ba mi ldang ngo/ /char
nyams su mi bde ba mi 'bab po/ /de bzhin gshegs pa dbang po'i
tog de sngon byang chub sems dpa'i spyad pa spyod pa'i tshe/ sems
can de dag la lus dang/ ngag dang/ yid kyi las thams cad shes pa
sngon du 'gro zhing shes pa'i rjes su 'brang ba bstan cing bshad
pas sems can de dag gis
kyang byang chub sems dpa' de las bstan pa de thos nas lus dang/
ngag dang/ yid kyi las thams cad shes pa sngon du 'gro zhing
shes pa'i rjes su 'brang bar yongs su bsgrubs pas las de'i rnam
par smin pas de dag la rmongs par 'gyur ba 'am yid mi dga' bar
'gyur ba med do/ /rmongs
pa rnams la rgyu gang gis bde ba yang ma yin/ sdug bsngal yang
ma yin pa'i tshor ba 'byung ba med do/ /de ltar sangs rgyas kyi
zhing de na sems can de dag la sdug bsngal gyi tshor ba med cing
bde ba yang ma yin/ sdug bsngal yang ma yin pa yang med do/
/sangs rgyas kyi zhing der skyes pa'i
sems can de bzhin gshegs pa des btams pa de dag ni chos la rim
gro bya ba chen pos nye bar gnas par gyur to/ /de dag 'chag na
yang chos nyid la sems shing chos la mos pas zhen pa'i yid kyis
'chag ste/ chos la mos shing zhen pa'i yid kyis 'chag pa de dag
la sdug bsngal gyi tshor ba
mi 'byung ngo/ /de bzhin du 'greng ba dang/ 'dug pa dang/ nyal
ba dang/ sad pa dang/ spyod lam thams cad du yang sdug bsngal mi
'byung ngo/ /sangs rgyas kyi zhing de'i sems can de dag la ya
nga ba ma spangs pa med de/ de'i phyir ya nga ba ma spangs pa'i
sdug bsngal gyi tshor ba mi 'byung
@31b do; /yang dag pa'i spang ba yod pas de dag la skyo ba med
de/ de'i phyir de dag la yang dag par spang bar bya ba'i sdug
bsngal yang med do/ /sems can de dag la 'gyur ba'i sdug bsngal
yang med de/ de ni 'di ltar sems can de dag chos thams cad la
mngon par zhen pa med pa'i phyir ro/ /
de dag la mi sdug pa dang phrad pa'i sdug bsngal yang med de/ de
ni 'di ltar sems can de dag sems can thams cad la mnyam pa nyid
kyi sems nye bar gnas pa'i phyir ro/ /de dag la sdug pa dang
bral ba'i sdug bsngal yang med de/ de ci'i phyir zhe na/ 'di
ltar de dag chos thams
cad la mngon par zhen pa med pa'i phyir ro/ /sdug pa dang bral
ba'i sdug bsngal ni sdug pa las 'byung ste/ de'i phyir de dag la
sdug pa dang bral ba'i sdug bsngal yang med do/ /sems can de dag
la sdug bsngal ba'i sdug bsngal yang mi 'byung ste/ 'di ltar de
na sdug bsngal gyi tshor ba rgyu ba
med pa'i phyir ro/ /gzhan du na 'du byed kyi sdug bsngal gcig pu
yod de/ 'di lta ste/ mi rtag pa'i sdug bsngal nyid do/ /de bzhin
gshegs pa de ni don dam pa'i chos ston te/ de bzhin gshegs pa
dbang po'i tog de bskal pa gang g'a'i klung gi bye ma snyed du
bzhugs pa'i tshe des
gsungs pa la phyir smra ba'i sems can gang yang sangs rgyas kyi
zhing der ma byung ste/ de ni 'di ltar sngon sems can de dag
legs par yongs su smin par byas pa'i phyir ro/ /dge slong dag de
la ji snyam du sems/ dge ba'i rtsa ba zhan pa dang/ dma' ba
dang/ zhum pa dang/ chung
ba dang/ sdug bsngal gyis yongs su bsgrubs pa dang/ sdug bsngal
dang 'dres pa dang/ sdug bsngal dang ldan pa dang/ sdug bsngal
gyis yongs su bzung ba dang/ nyes par bsams pa dang/ nyes par
bsgrubs pa'i dge ba'i rtsa bas sems can de snyed cig don bya
ba'am/ de
dag la phan par bsams pa'am/ bde ba bsgrub pa'am/ sdug bsngal
bsal ba'am/ de ltar tha gru che ba'i sangs rgyas kyi zhing yongs
su dag par bya ba'am/ sems can de snyed yongs su smin par bya
bar nus sam/ gsol pa/ bcom ldan 'das de ni ma lags so/ /bka'
@32a */ /stsal pa/ dge slong dag de la ji snyam du sems/ sems
zhan pa dang/ sems dma' ba nas nyes par bsgrubs pa'i bar gyi
sems kyis sems can de snyed cig gi don bya ba'am/ de dag la phan
par bsam pa'am/ bde bar bsgrub pa'am/ sdug bsngal
bsal ba'am/ de ltar tha gru che ba'i sangs rgyas kyi zhing yongs
su dag par bya ba'am/ sems can de snyed yongs su smin par bya
bar nus sam/ gsol pa/ bcom ldan 'das de ni ma lags so/ /bka'
stsal pa/ dge slong dag de la ji snyam du sems/ dad pa zhan pa
nas
nyes par bsgrubs pa'i dad pa'i bar dang/ tshul khrims zhan pa nas
nyes par bsgrubs pa'i tshul khrims kyi bar dang/ thos pa zhan pa
nas nyes par bsgrubs pa'i thos pa'i bar dang/ brtson 'grus zhan
pa nas nyes par bsgrubs pa'i brtson 'grus kyi bar dang/ dran pa
zhan pa nas nyes
par bsgrubs pa'i dran pa'i bar dang/ ting nge 'dzin zhan pa nas
nyes par bsgrubs pa'i ting nge 'dzin gyi bar dang/ shes rab zhan
pa nas nyes par bsgrubs pa'i shes rab kyi bar gyis sems can de
snyed cig gi don bya ba'am/ de dag la phan par bsam pa'am/ bde
bsgrub ba'am/
sdug bsngal bsal ba'am/ de ltar tha gru che ba'i sangs rgyas kyi
zhing yongs su dag par bya ba'am/ sems can de snyed yongs su
smin par bya bar nus sam/ gsol pa bcom ldan 'das de ni ma lags
so/ /bcom ldan 'das kyis bka' stsal pa/ dge slong dag legs so
legs
so; /de ni dge ba'i rtsa ba zhan pa dang/ sems zhan pa dang/ dad
pa dang/ tshul khrims dang/ thos pa dang/ brtson 'grus dang/ dran
pa dang/ ting nge 'dzin dang/ shes rab zhan pa dang/ dma' ba
dang/ zhum pa dang/ chung ba dang/ sdug bsngal gyis yongs su
bsgrubs pa dang/ sdug bsngal dang 'dres pa dang/ sdug bsngal
dang ldan pa dang/ sdug bsngal gyis yongs su bzung ba dang/ nyes
par bsams pa dang/ nyes par bsgrubs pa'i shes rab kyis sems can
de snyed kyi don bya ba'am/ de dag la phan par bsam pa'am/ bde
bar
@32b bsgrubs pa'am/ sdug bsngal bsal ba'am/ de ltar tha gru che
ba'i sangs rgyas kyi zhing yongs su dag par bya ba'am/ sems can
de snyed yongs su smin par bya bar mi nus so/ /dge slong dag de
la ji snyam du sems/ de'i tshe de'i dus na de bzhin gshegs pa
dbang po'i tog ces bya ba
byung ba de gang zhig yin snyam/ de skad ces bka' stsal pa dang/
dge slong de dag cang mi zer bar 'khod do/ /de'i tshe shar phyogs
logs su 'jig rten gyi khams gang g'a'i klung gi bye ma snyed
'das pa na 'jig rten gyi khams zla ba'i 'od zer gyis rab tu
brgyan pa zhes bya ba yod de/ de na de
bzhin gshegs pa gzi brjid 'phags pa'i rgyal po zhes bya ba da
ltar bzhugs te 'tsho zhing gzhes la chos kyang ston te/ der 'jam
dpal gzhon nur gyur pa 'dus shing 'dug par gyur pa des bcom ldan
'das kyi dgongs pa sems kyis shes nas/ bcom ldan 'das de bzhin
gshegs pa
gzi brjid 'phags pa'i rgyal po de la 'di skad ces gsol to/ /bcom
ldan 'das 'di ltar mi mjed kyi 'jig rten gyi khams na de bzhin
gshegs pa sh'akya thub pa chos ston gyis/ bcom ldan 'das sh'akya
thub pa de la bsnyen bkur bgyi ba'i slad du bdag kyang mchi'o/
/de skad ces gsol pa
dang; bcom ldan 'das de bzhin gshegs pa gzi brjid 'phags pa'i
rgyal pos 'jam dpal gzhon nur gyur pa la 'di skad ces bka' stsal
to/ /'jam dpal de'i dus la bab par shes na song shig /de nas
'jam dpal gzhon nur gyur pa stan las langs te bcom ldan 'das de
bzhin gshegs pa gzi brjid 'phags pa'i rgyal po'i zhabs la mgo
bos phyag 'tshal te lan gsum bskor ba byas nas/ 'di lta ste dper
na skyes bu stobs dang ldan pa'i lag pa bskum pa las brkyang
ba'am/ brkyang ba las bskum pa tsam gyis 'jam dpal gzhon nur
gyur pa 'jig rten gyi
khams zla ba'i 'od zer gyis rab tu brgyan pa de nas mi snang bar
gyur te/ bcom ldan 'das sh'akya thub pa'i spyan snga 'dir gnas
par gyur to/ /des bcom ldan 'das kyi zhabs la mgo bos phyag
'tshal te phyogs gcig tu 'dug go /phyogs gcig tu 'dug nas 'jam
dpal gzhon nur
@33a */ /gyur pas bcom ldan 'das la 'di skad ces gsol to/ /bcom
ldan 'das kyis gang 'di skad du dge slong dag de la ji snyam du
sems/ de'i tshe de'i dus na de bzhin gshegs pa dbang po'i tog ces
bya ba byung pa de gang zhig yin snyam zhes bka' stsal pa ni
bcom ldan
'das bcom ldan 'das nyid ni de'i tshe de'i dus na dbang po'i tog
ces bgyi ba'i de bzhin gshegs par gyur to/ /de ci'i slad du zhe
na/ 'di ltar bcom ldan 'das ni bsam gyis mi khyab pa'i thabs
mkhas pa dang ldan pa ste/ sems can yongs su smin par bgyi ba la
chog pa mi
mnga'; sangs rgyas kyi zhing yongs su dag par bgyi ba la rgyun
chad par bgyi ba ma mchis/ sems can rnams byang chub sems dpa'i
chos rnams la dgod pas chog pa mi mnga' ste/ la la zhig yang dag
par smra bas yang dag par smran/ rgyal ba gtso bo/ rgyal ba dam
pa/
rgyal ba mchog /rgyal ba rab ces brjod pa de ni bcom ldan 'das
nyid lags par yang dag par brjod pas yang dag par brjod do/ /de
skad ces smras nas/ 'jam dpal gzhon nur gyur pas de'i tshe tshigs
su bcad pa 'di dag smras so/ /dpa' bo rnams ni thabs mkhas te/ /
sems can rnams la thugs brtse zhing/ /sems can yongs su smin
mdzad phyir/ /dpa' bo chen po rnam par 'phrul/ /bye ba brgyad
cur rgyal ba nyid/ /sangs rgyas nyid du bstan gyur kyang/ /da
dung chog pa'i 'du shes bsal/ /byang chub mchog tu thugs kyang
'jug /stong
gsum drug cu rtsa gcig gi /sangs rgyas zhing rnams dag mdzad
pas/ /ji ltar thub pa thabs mkhas pa/ /rgyal ba khyod ni kun
gyis 'tshal/ /da dung dang po thugs bskyed par/ /de dang der ni
yongs bstan te/ /da dung du yang 'dren pa khyod/ /sangs rgyas
mang po ston pa mdzad/ /
rnam pa sna tshogs gzugs rnams kyis/ /gang zag mchog ni spyod pa
mdzad/ /chos kyi dbyings la chags mi mnga'/ /khyod kyi gang yang
mkhyen mdzad de/ /brgya byin tshangs pa'i cha byad dang/ /la lar
bdud kyi cha byad kyis/ /sems can rnams kyi don mdzad de/ /'jig
rten
@33b rnams kyis rtogs mi nus/ /bud med cha byad spyod pa mdzad/
/dud 'gro'i skye gnas rnams na'ang gda'/ /'jig rten chos kyis mi
gos te/ /pad ma chus mi chags pa bzhin/ /'dren pa sna tshogs
khams can gyi/ /'jig rten 'di yi rjes 'jug mdzad/ /des na skye
dgu 'di
dag rnams/ /gdugs mtshan khyod kyi yon tan brjod/ /la lar bltam
pa yongs su bstan/ /la lar mya ngan 'das pa bstan/ /la la na ni
'khor lo skor/ /la lar spyad pa spyod pa mdzad/ /sems can 'dul
ba'i don slad du/ /dgyes shing mgur len rol pa mdzad/ /
bshums mo dag kyang 'byin par mdzad/ /sems can sus kyang yong ma
'tshal/ /'dod chags mi mnga' chags pa'i tshul/ /'jigs pa mi mnga'
'jigs pa ltar/ /sems can rnam par gdul don du/ /'dren pa rnam
par 'phrul pa mdzad/ /rmongs med rmongs pa'i tshul bstan
te; /byis pa ma lags byis tshul gyis/ /sems can rnam par gdul
slad du/ /'dren pa rnam par 'phrul pa mdzad/ /smyos pa ma lags
smyos pa'i tshul/ /zha ba ma lags zha ba ltar/ /rnam par 'phrul
pa sna tshogs kyis/ /sems can rnams ni 'dul ba mdzad/ /de ltar
bsam yas mgon po khyod/ /dam pa'i chos kyang bsam mi khyab/
/dpa' chen khyod la phyag kyang 'tshal/ /sems can thub chen 'drar
gyur cig /sngon byung ba 'od srung chen pos zhus pa'i le'u ste
lnga pa'o// //de nas bya'i rgyal po 'dab bzangs brgyad khri
drug stong gis lha ma
yin gyi dbang po de dag gi mchod pa yang mthong/ /lung bstan pa
yang thos nas/ bcom ldan 'das la gzhal du med pa'i dad pa skyes
te/ bcom ldan 'das la mchod pa'i phyir brtson par gyur nas/ bcom
ldan 'das la mchod pa'i don du rin po che sna bdun gyi khang pa
brtsegs pa shin tu bkra pa
blta na sdug pa brgyad khri drug stong mngon par sprul to/
/lha'i rin po che sna bdun ni 'di lta ste/ gser dang/ dngul
dang/ bE d'urya dang/ shel dang/ spug dang/ mu tig dmar po
dang/ rdo'i snying po dang bdun no/ /khang pa brtsegs pa de dag
kyang rin po che sna bzhi'i lan kan gyi dra ba
@34a */ /ris bkra ba/ blta na sdug pa rim pa bdun gyis kun nas
bskor to/ /rin po che sna bzhi ni 'di lta ste/ gser dang/ dngul
dang/ bE d'urya dang/ shel lo/ /gser gyi lan kan rnams kyi ka
ba dang/ gdang bu rnams ni gser/ shar ba rnams ni dngul/ dngul
gyi lan kan rnams kyi ka ba dang ga dang bu rnams ni dngul/ shar
ba rnams ni gser/ bE d'urya'i lan kan rnams kyi ka ba dang
gdang bu ni bE d'urya/ shar ba rnams ni shel/ shel gyi lan kan
rnams kyi ka ba dang gdang bu rnams ni shel/ shar ba rnams ni
dngul las byas pa'o/ /khang pa brtsegs
pa de dag dril bu g.yer kha'i dra ba bkra ba blta na sdug pa
rim pa bdun gyis kun nas bskor to/ /de dag kyang rin po che sna
bdun las byas pa sha stag ste/ 'di ltar gser dang/ dngul dang/
bE d'urya dang/ shel dang/ spug dang/ mu tig dmar po dang/
rdo'i snying po dang bdun no/ /khang pa
brtsegs pa de dag rin po che sna bdun gyi dra ba bkra ba/ blta
na sdug pa 'di lta ste/ gser gyi dra ba dang/ dngul gyi dra ba
dang/ bE d'urya'i dra ba dang/ shel gyi dra ba dang/ mu tig
dmar po'i dra ba dang/ spug gi dra ba dang/ rdo'i snying po'i
dra bas kun nas bkab par gyur to/ /gdugs bkra ba/ blta na
sdug pa brgyad khri drug stong mngon par sprul te/ de dag kyang
'di ltar gser nas rdo'i snying po'i bar gyi rin po che sna bdun
las bsgrubs pa sha stag go /rgyal mtshan bkra ba/ blta na sdug pa
brgyad khri drug stong yang mngon par sprul te/ rgyal mtshan de
dag kyang gser dang/ dngul dang/
bE d'urya dang/ shel dang/ rin po che sna bzhi'i rgyu las
bsgrubs pa sha stag ste/ rgyal mtshan sngon po rnams ni tog ser
po can/ rgyal mtshan ser po rnams ni tog sngon po can/ rgyal
mtshan dmar po rnams ni tog dkar po can sha stag mngon par sprul
to/ /ba dan kha dog sna tshogs
can bkra ba/ blta na sdug pa brgyad khri drug stong yang mngon
par sprul par gyur to/ /bla re bkra ba/ blta na sdug pa brgyad
khri drug stong yang mngon par sprul par gyur te/ bla re de dag
kyang gser skud kyi bla re dang/ dngul skud kyi bla re dang/ bE
d'urya'i bla re dang/ shel gyi bla re dang/ mu tig
@34b dmar po'i bla re dang/ spug gi bla re dang/ rdo'i snying
po'i bla re ste/ rin po che sna bdun las bsgrubs pa sha stag go
/de nas bya'i rgyal po 'dab bzangs de dag gis khang pa brtsegs
pa brgyad khri drug stong po de dag dang/ gdugs brgyad khri drug
stong po de dag dang/ rgyal mtshan brgyad khri drug stong
po de dag dang/ ba dan brgyad khri drug stong po de dag dang/
bla re brgyad khri drug stong po de dag bcom ldan 'das la phul
ba dang/ de dag thams cad steng gi bar snang la lding zhing bcom
ldan 'das la lan gsum bskor ba byas so/ /'di lta ste/ dper na
glang po che'i rgyal po sa srung gi bu ni sum
cu rtsa gsum gyi lha rnams mgo la khyer zhing nam mkha' las song
ste/ yongs 'du sa brtol du gzhog go /de bzhin du khang pa
brtsegs pa de dag dang/ gdugs de dag dang/ rgyal mtshan de dag
dang/ ba dan de dag dang/ bla re de dag par snang gi nam mkha'
la lding zhing bcom ldan 'das la lan
gsum skor ba byed par gyur to/ /de nas 'dab bzangs brgyad khri
drug stong po de dag gis bcom ldan 'das la mchod pa byas te/
bcom ldan 'das la lan gsum bskor ba byas nas phyogs gcig tu
'khod de thal mo sbyar nas phyag 'tshal zhing tshigs su bcad pa
dag gis bcom ldan 'das la
mngon par bstod pa/ rga dang 'chi las rnam bral khyod la phyag
'tshal lo/ /rga dang 'chi las rnam 'grol khyod la phyag 'tshal lo/
/sems can gzhal yas kha lo sgyur la phyag 'tshal lo/ /khyod dang
mtshungs pa ma mchis lhag pa'ang ma mchis so/ /bdag cag rnams
kyang sred med bu yi lus
ldan zhing/ /sum cu rtsa gnyis mtshan gyis yan lag brgyan pa
dang/ /dpe byad bzang po brgyad cus shin tu mdzos byas pa'i/
/sangs rgyas rnam par 'dren pa khyod 'drar gyur par shog /bdag
cag 'dom gang 'od kyi gzi ldan zhing/ /mngon 'phags gzugs kyi
dam pas mdzes gyur te/ /spyod
lam mchog dang bdag cag ldan gyur cing/ /'gro ba rnams sbyong
mya ngan zlo bar shog /bdag cag tshul khrims ting 'dzin rab ldan
zhing/ /shes rab ldan pas mchog tu gyur par shog /de ltar rnam
par 'dren pa khyod lta bur/ /skye bo rab 'grel sangs rgyas grub
par shog /'dren pa 'jig rten mkhas pa
@35a */ /khyod lta bur/ /bdag cag 'dren pa stobs bcu ldan pa
dang/ /ma 'dres bco brgyad chos kyi mthar phyin cing/ /'jig rten
mkhas pa thams cad mkhyen du shog /bdag cag kun kyang 'gro ba
dngos med dang/ /rmi 'dra sgyu 'dra gnas pa med pa dang/ /brag
ca nam mkha' 'dra bar ston byed cing/ /
ji ltar rnam 'dren khyod ston bzhin du shog /de nas bcom ldan
'das kyis bya'i rgyal po 'dab bzangs de dag gi lhag pa'i bsam pa
mkhyen nas 'dzum pa mdzad do/ /de nas tshe dang ldan pa rta thul
gyis bcom ldan 'das la tshigs su bcad de gsol pa/ rgyal ba rnam
'dren gtso bo sangs rgyas rnams/ /
rgyu ma mchis par bzhad pa mi mdzad na/ /'dzum mdzad 'di la rgyu
rkyen gang lags pa/ /'jig rten phan mdzad thugs rje mnga' bas
gsungs/ /'dab bzangs rnams kyis rgyal ba mchod bgyis te/ /bla re
nam mkha' rgyas par gang ba bstan/ /lhar bcas 'jig rten 'de la
ngo mtshar skyed/ /rkang gnyis
dam pas de dag lung bstan gsol/ /'gro ba thams cad thal mo rab
sbyar cing/ /dga' ba'i sems dang mgu pa'i sems kyis 'khod/
/mkha' lding 'gro ba cir 'gyur nyan par 'tshal/ /rkang gnyis dam
pas de dag lung bstan gsol/ /mi mchog khyod la khong dag mchi ba
ni/ /'gro ba thams cad the
tshom med 'gyur zhing/ /the tshom med pas 'khor du 'jigs med
'gyur/ /'dis ni sangs rgyas mnyes par bgyis shes mchi/ /'khor
'dir 'jigs med rab tu dga' bar 'gyur/ /yongs su sbyangs shing
shin tu skyon bsal nas/ /rgyal bas lung bstan de dag mngon dga'
ste/ /slob ma mchog la bla
mas bstan pa bzhin/ /the tshom 'tshal ba'i the tshom gcad du gsol/
/rab tu dga' mdzad rjes su smon pa mdzod/ /dga' ba'i sems kyis
'khor 'di 'dus gyur gyis/ /rang byung mkha' lding 'gro ba cir
'gyur gsungs/ /de nas bcom ldan 'das kyis tshe dang ldan pa rta
thul la tshigs su bcad de slar bka'
stsal pa/ thams cad zil gnon stobs bcu brtson 'grus bden/ /rgyal
ba dbang po thub pa de bzhin gshegs/ /'dren pas yan lag brgyad
ldan gsung dbyangs kyis/ /'dab bzangs 'gro ba rta thul bka'
stsal pa/ /rta thul khyod kyis dri ba legs par dris/ /'jig rten
phan phyir 'dzum gang ngas bstan pa/ /de yi
@35b 'bras bu dga' ba'i yid kyis nyon/ /the tshom sol la rab tu
dga' ba skyed/ /bla na med pa'i byang chub zhi tshol zhing/
/stobs dang mi 'jigs bzhi po gang rnams kyis/ /'dren pa 'jigs
med 'gyur ba btsal ba'i phyir/ /'dab chags dbang pos nga la
mchod legs byas/ /ma 'dres bco brgyad chos ni smra ba yi/ /
sred med bu lus shin tu mkhregs pa dang/ /sum cu gnyis mtshan dpe
byad bzang po rnams/ /yongs su btsal phyi rang la mchod pa byas/
/rgyal ba'i tshul khrims ting 'dzin btsal ba dang/ /gzhan yang
sangs rgyas spyod yul shes rab dang/ /phun sum zhing dang 'gro
ba rnam dgol ba/ /'di dag kun btsal don
du mchod pa byas/ /de dag nga la dga' bas mchod byas pas/ /dud
'gro'i gnas nas de dag shi 'phos nas/ /lha dang brtul zhugs
'thun par de dag 'dong/ /'di ni ngan song srid pa'i tha ma yin/
/bskal pa bye ba gang g'a'i bye snyed du/ /de dag lha mi'i nang
na gnas gyur cing/ /rnam 'dren khrag khrig mtha'
yas mchod byas nas/ /de dag dbang po thul ba'i rgyal bar 'gyur/
/de dag zhing du ngan song mi 'byung ste/ /mi khom mi 'byung
mtshan dang mi ldan med/ /rgyal ba de dag mtshan ni kun tu mdzes/
/ri rab rgyal mtshan bskal la rang byung 'gyur/ /lo ni bye ba
brgyad cu bzhi bgrangs par/ /'jig rten phan phyir
'dren pa de dag bzhugs/ /'jig rten phan phyir rnam 'dren mnyam
bzhag pas/ /lus can rnams la mnyam pa'i don mdzad 'gyur/ /skyob
pa rdul med gyur pa de dag gi /'dus pa nga rgyal spangs pa
brgyad cur 'gyur/ /de tshe skyob pa rdul dang bral rnams kyi/
/shin tu sems dul bye ba brgyad cu 'byung/ /'dren pa
de dag 'gro ba'i nga bsal phyir/ /chos kyi 'khor lo rab tu skor
bar 'gyur/ /mi dag de ltar 'di rnams nga rgyal che/ /'dab bzangs
lus su gyur nas stobs po che/ /'di dag sngon tshe 'das pa'i dus
shig na/ /drang srong dka' thub drag po'i tshogs can gyur/ /stong
phrag brgyad cu rtsa drug tshang ba ste/ /dka' thub spyod
de rdzu 'phrul phun sum btsal/ /de dag rdzu 'phrul thob nas nga
rgyal gyis/ /dga' bas dka' thub drag dang ldan par gyur/ /tshul
khrims ma zhig de dag nags 'dab tu/ /tshe zad shi 'phos gyur te
rlus kyang zhig /nga rgyal des ni mkha' lding mkha' 'gror gyur/
/rdzu 'phrul sems kyis rdzu 'phrul ldan par skyes/ /tshul
@36a */ /khrims dag pas rgyal ba'i bstan la dad/ /nga rgyal gyis
ni byang chub sems kyang bskyed/ /nam mkha' lding lung bstan
pa'i le'u ste drug pa'o// //bam po bzhi pa/ de nas klu'i bu mo
bye ba phrag dgu bcu rtsa drug gis lha ma yin gyi dbang po de
dag dang/ nam mkha' lding gi dbang po de
dag gi mchod pa yang mthong/ lung bstan pa yang thos nas mchog
tu dga' ba chen po skyes te/ /de dag dga' mgu yi rangs nas rab
tu dga' ste/ dga' ba dang yid bde ba skyes nas bcom ldan 'das la
mchod pa'i phyir brtson par gyur to/ /de dag gis rin po che sna
bdun gyi gdugs bE d'urya'i dra ba lda ldir
bkye ba mu tig dmar po'i dra bas bskor ba/ gser gyi yu ba can/
bE d'urya'i thur ma brgya stong bkye ba/ rin po che'i chun po
sbyangs pa bye ba phrag dgu bcu rtsa drug mngon par sprul to/
/rta sngon po kha dog sngon po/ sngon po lta bur ston pa/ 'od
sngon po 'byung ba/ rgyan sngon pos brgyan pa/ bE d'urya'i srab
kyis bsrabs
pa; bye ba phrag dgu bcu rtsa drug mngon par sprul to/ /nor bu
skar mdog gi bla re kho ra khor yug tu dpag tshad drug cu yod la/
des 'khor de dag thams cad yog pa cig kyang steng gi bar snang
la mngon par sprul to/ /de la rin po che sna bdun gyi lda ldi
bkra ba mig tu mdzes pa bltan sdug pa bye ba phrag dgu bcu rtsa
drug
bres par mngon par sprul to/ /bla re de'i kho ra khor yug tu rin
po che sna bdun gyi dril bu g.yer ka'i dra ba mngon par sprul
te bres so/ /rin po che sna bdun gyi khrung khrung rkang dag
mngon par sprul to/ /klu'i rol mo sil snyan bye ba phrag dgu bcu
rtsa drug mngon par sprul to/ /de nas klu'i bu mo de dag rta
sngon po de dag la zhon nas
rin po che sna bdun gyi gdugs steng gi bar snang la bres te/ nam
mkha' las 'dong zhing rol mo'i sgra bye ba phrag dgu bcu rtsa
drug po de dag dkrol cing/ bcom ldan 'das la lan gsum skor ba
byed la lha'i tsan dan gyi phye ma dag kyang bcom ldan 'das la
mngon par 'thor/ lha'i a ga ru dang/ ta ma la'i lo ma dang/
ud pa la'i phye ma dang/ me tog sna tshogs kyang bcom ldan 'das
la mngon par 'thor/ me tog ud pa la dang/ tsam pa ka'i phreng
ba dag kyang 'thor/ me tog rnam pa sna tshogs kyi phreng ba dag
kyang 'thor/ spos sna tshogs kyi phreng ba dang/ na bza' dang/
rgyan dag kyang 'bul te/ lha ma yin gyis ji
@36b ltar byas pa de bzhin du mchod pa rgya cher byas so/ /de
nas de dag gis rol mo sil snyan bye ba phrag dgu bcu rtsa drug
po de dag byas pa'i sgras stong gsum gyi stong chen po'i 'jig
rten gyi khams rgyas par gang bar gyur te/ sems can gang dag gis
rol mo'i sgra de thos pa de dag thams cad kyang bla na
med pa yang dag par rdzogs pa'i byang chub las phyir mi ldog par
gyur to/ /nor bu skar mdog gi bla re dag dang/ rin po che sna
bdun gyi lda ldi de dag dang/ dril bu g.yer ka'i dra ba de dag
dang/ khrung khrung rkang de dag rlung gis bskyod pa las 'di lta
ste/ dper na rol mo sil snyan yan lag brgyad dang ldan pa
mkhas pas dkrol ba de lta bur snyan la de lta bur yid du 'ong
zhing mnyan na bde ba'i sgra byung bar gyur te/ /sgra des kyang
stong gsum gyi stong chen po'i 'jig rten gyi khams rgyas par
gang bar gyur te/ sems can gang gis rgyan gyi sgra de dag thos
par gyur pa de dag thams cad kyang/ bla na med pa yang
dag par rdzogs pa'i byang chub las phyir mi ldog par gyur to/
/de nas klu'i bu mo de dag gis me tog rnam pa sna tshogs kyi char
dang/ spos chu rnam pa sna tshogs kyi char mngon par phab par
gyur te/ me tog gi char de bab pa'i tshe spos kyi dri zhim po'i
ngad byung ste/ 'gro zhing ldog go/ spos chu'i char de bab pas
kyang ser skya'i gnas kyi grong khyer chen po'i kho ra khor yug
tu dpag tshad drug cu tshun chad spos chu'i rdzab tu gyur te/ spos
kyi dri des kyang stong gsum gyi stong chen po'i 'jig rten gyi
khams rgyas par gang bar gyur to/ /sems can gang gis spos kyi
dri de tshor bar gyur pa de dag thams cad kyang bla na med pa
yang dag par rdzogs pa'i byang chub las phyir mi ldog par gyur
to/ /de nas klu'i bu mo de dag gis gdugs bye ba phrag dgu bcu
rtsa drug dang/ rta bye ba phrag dgu bcu rtsa drug dang/ rol mo
sil snyan bye ba phrag dgu bcu rtsa drug po de dag gis bcom ldan
'das la mchod pa byas nas rgyan thams
cad dang ldan pa de dag bar snang gi nam mkha' la 'khod de/ bcom
ldan 'das kyi zhabs la mgo bos phyag 'tshal nas bcom ldan 'das la
lan gsum bskor ba byas te/ thal mo sbyar nas bcom ldan 'das la
phyag 'tshal zhing phyogs gcig tu 'khod par gyur to/ /de'i tshe
tshigs su bcad pa 'di dag kyang smras so//
@37a */ /klu yi bu mo mkhas pa de dag yi rangs dga' mgu yid kyis
su/ /byang chub zhi ba tshol zhing sh'akya thub la der ni mchod
pa chen po byas/ /rgyan gyis legs brgyan bye ba dgu bcu drug gi
gdugs rnams mngon sprul te/ /bde bar gshegs pa mchod cing rab tu
dul ba'i yid kyis chags dang bral/ /rgyan gyis legs brgyan bye
ba dgu bcu drug gi rta rnams mngon sprul te/ /kha dog sngo zhing
rgyan yang sngo ba'i rta la rgyal mtshan sngon pos brgyan/ /de
dag thams cad bar snang dong nas thub la rta yis mchod pa byed/
/klu yi bu mo
de dag dang ba'i yid kyis thub la mgos phyag 'tshal/ /mchog la
mchod pa'i don du klu yi gnas nas klu yi sil snyan gyis/ /mchod
pa'i 'os gyur 'dren pa sh'akya thub la der ni mchod pa byas/
/sil snyan de dag bde bar gshegs la mchod pa'i sgra de khams
gsum
grag ;sgra de thos pa'i sems can khrag khrig dag ni byang chub
yang dag zhugs/ /de dag rnams kyis der sprul mkha' la bla re
chen po gcig tu gyur/ /phyogs bcu'i dpag tshad drug cur rgyas
shing 'gro ba thams cad khebs par gyur/ /nor bu rin chen skar
ma'i
mdog gi gzi brjid phyogs su 'bar zhing gsal/ /klu yi bu mo dga'
nas 'gro ba'i don du rgyal la mchod pa byas/ /gzhal du med pa'i
sems bskyed dga' nas byang chub zhi ba tshol byed cing/ /'jig
rten don byed bde gshegs sangs rgyas 'jig rten mkhas pa
grub par shog /ji ltar stobs bcu mnga' ba khyod ni sems can sdug
bsngal 'grol ba ltar/ /chos kyang bstan te sems can nyon mongs
sdug bsngal bsgribs pa khrag khrig dgrol/ /chos rnams sgyu ma
smig rgyu 'dra zhing dbu ba lta bur nyam chung la/ /char rgyun
chu
la phog pa'i chu bur lta bur 'jig cing bdag po med/ /me long
nang gi gzugs brnyan 'dra bar 'gro ba thams cad brtags nas ni/
/'gro ba dag la chos kyi rang bzhin yang dag de nyid bstan par
bgyi/ /sgyu ma bkod pa lta bur ma mchis brdzun pa byis pa rmongs
bgyid pa/ /
@37b skye bo mi mkhas ji bzhin ma 'tshal ba dag ma rung rab bgyid
pa/ /byis pa rmongs bgyid chos rnams sdig med khyod kyis de ltar
legs par gzigs/ /de dag ji ltar gzigs pa de bzhin de dag sems
can rnams la bstan/ /ji ltar sa chen 'di la sprin 'khrigs gyur
na ri
ltar gda' ba yang/ /yang dag tu na ri ltar ngo bo nyid kyis de
la gnas ma mchis/ /de ltar 'gro ba thams cad rang bzhin ma mchis
dbang po rmongs par bgyid/ /shes pas brtags nas skye bo mkhas pa
dag ni rmongs par 'gyur ma mchis/ /yang dag tu na 'gro ba
thams cad rang bzhin ma mchis khyod ston pas/ /des na 'dren pa
rgyal ba khyod la skye bo mkhas pa mi phyed 'gyur/ /khyod kyi
sras rnams chos kyis yongs su tshim nas rdzab la zam pa 'dra/
/'di ni byis pa'i skye bo'i yul min 'gro ba 'di ni sgra phyir
'brang/ /de lta
lags pas sdig med yang dag ston pa byis pa'i skye bo'i mgon/
/skyabs dang dpung gnyen gnas dang rten dang rtsa lag khyod la
skyabs su mchi/ /gzhal yas byang chub de btsal slad du rnam par
'dren pa khyod la mchod/ /sangs rgyas gyur nas rtogs bgyid sdig
bral
'jig rten don rnams bgyid par shog /de nas bcom ldan 'das kyis
klu'i bu mo de dag gi lhag pa'i bsam pa thugs su chud nas 'dzum
pa mdzad do/ /de nas tshe dang ldan pa rta thul gyis bcom ldan
'das la tshigs su bcad de gsol pa/ /'jig rten na ni 'jig rten
mkhas pa rnam par 'dren mchog khyod 'dzum mdzad/ /dpal sdug
'dzum pa mdzad la rgyu ma mchis pa bdag gis yongs ma mthong/ /mi
yi dbang po dam pa 'dzum pa mdzad pa'i rgyu ni yang dag gsungs/
/de thos lha mi lha min tshogs dang klu yi bu mo gsang ba pa/
/dri
za rnams kyang skyob pa'i dgongs pa thos nas yid ni dga' bar
'gyur/ /'jig rten dag na 'jig rten rnam 'dren khyod kyis rgyu
rnams thams cad mkhyen/ /rgyal bas chos gang rgyu dang rnam pas
mkhyen par ma gyur yod ma mchis/ /de ltas bde gshegs rgyal ba
khyod kyis
@38a */ /ji ltar thugs chud 'dzum rgyu gsungs/ /de thos nas ni
'gro ba thams cad yi rangs dogs pa chad par 'gyur/ /thub pa bde
bar gshegs kyi bstan pa mchog la don kyang thob par mchi/ /'khor
rnams 'di dag don myong gyur nas yid ni rab tu zhi bar 'gyur//
kun rtog dbang du mi 'gyur byang chub yid kyis rgyal ba'i spyod
nyan 'gyur/ /bde gshegs khyod kyi 'dzum mdzad don thos rang
'byung nyid du nges par 'byung/ /'khor 'di rgyal ba khyod kyi
zhal nas 'dzum mthong the tshom 'tshal gyur te/ /sdug bsngal dogs
bcas yid mi bde zhing chos
la som nyi gang 'tshal ba/ /de dag la ni thub pa ston pas dogs
bsal the tshom dgum du gsol/ /drang srong khyod kyis gang slad
'dzum bstan myur du bka' stsal the tshom khum/ /rgyal ba gang gis
de ring yid ni rnam par sbyangs shing bdud bcom thul/ /su zhig
yid rab tshim nas
bcom ldan 'das la mchod pa dam pa bgyis/ /'di ni su yi mthu lags
ston pa 'gro ba'i mdun du 'di bka' stsol/ /thos nas bdag cag yi
rangs mchog tu dga' ba skyes nas bde bar 'gyur/ /khyod kyi zhabs
kyi drung du 'dus pa'i 'gro ba 'di dag the tshom 'tshal/ /'dzum
rgyu dga' ba skyed pa bka' stsol thub pa the tshom bsal du gsol/
/de thos lha dang bcas pa'i 'gro ba 'di dag the tshom ma mchis
'gyur/ /rgyal ba'i gsung sgra yang dag thos nas de dag yid dga'
'gyur/ /de nas bcom ldan 'das kyis/ tshe dang ldan pa rta thul la
tshigs
su bcad de slar bka' stsal pa/ rta thul legs so rgyal ba'i
dgongs pa 'dzum pa 'di ni legs par dris/ /klu yi bu mos mchod
tshe 'jig rten phan phyir ngas ni 'dzum pa bstan/ /de yi 'bras bu
bstan gyis yid gnyis tha ba spangs ba'i sems kyis nyon/ /gang gi
don du ngas ni 'dzum pa 'dir mdzad nga yi tshig la nyon/ /klu yi
bu mo 'di dag chags med yid kyis byang chub yang dag zhugs/
/'gro ba thams cad stong par rnam bshig blo ldan dogs med legs
par gnas/ /'di na byed med tshor med gang zag med cing skye ba po
yang med/ /
@38b chos rnams 'di dag brdzun zhing smig rgyu mtshungs la me
long gzugs brnyan 'dra/ /'di dag rnams kyis mchod byas byas gzo
blo gros yang dag ngas shes te/ /rgyal ba'i chos nyid dang ni
'gro ba stong zhing bdag po med mthong legs/ /mchod pa rnam par
phye zhing legs par bkod
pa 'di dag sgyu ma 'dra/ /byang chub gzhal yas gang du smon lam
btab pa de yang 'di 'drar stong/ /nga la gzhal yas mchod pa de
byas pa dang 'gro ba stong shes pas/ /klu las shi 'phos nas ni
lha gnas brgya byin gnas su 'gro bar 'gyur/ /sum cu rtsa gsum
song ste lha
yi nang du dga' bar tshe rdzogs nas/ /ma smad grags dang ldan
pa'i lha gnas 'thab bral gnas su 'gro bar 'gyur/ /'thab bral lha
nang gnas te lha yi gnas su lha yi dga' ba spyod/ /lhar gyur bde
gshegs sras rnams de ni tshe yi tshad du gnas par 'gyur/ /rgyal
ba'i
sras rnams 'thab bral dga' ba spyad nas che tshad zad pa dang/
/dga' ldan gnas su lha yi grong khyer lha dang brtul zhugs 'dra
bar 'gyur/ /de dag de na lha yi bu mos bskor nas lha yi dga' ba
spyod/ /pad ma chus mi chags pa bzhin du bde gshegs mi gnas blo
can gnas/ /
'gro ba thams cad stong par rtogs rig blo las nyams par yod mi
'gyur/ /skyob pa rnams kyi dran pa rdo la brkos pa bzhin du yod
mi nyams/ /de dag dga' ldan gnas der gnas te lha yi dga' ba
spyod nas ni/ /tshe tshad yongs su zad nas de tshe rab 'phrul dag
tu 'gro bar
'gyur; /bde gshegs ma smad grags ldan der yang lha mo'i tshogs
kyis mchod 'gyur te/ /mi gnas blo gros ldan pa tshe tshad bar tu
gnas na gnas par 'gyur/ /de dag gnas der rab 'phrul gyur te lha
yi dga' ba spyad nas ni/ /mkhas pa tshe zad blo gros ldan pa chos
kyi mthar ni phyin gyur nas/ /'dren pa bsam pa dag pa chags med
yid ldan chos kyi bsam pa can/ /chos dang ldan rnams gzhan
'phrul gnas su lha 'du bar ni 'gro bar 'gyur/ /de dag lha gnas
de na gnas shing lha yi dga' ba spyod par 'gyur/ /bde gshegs
@39a */ /ma rmongs blo ldan de dag rang gi tshe tshad gnas par
'gyur/ /mya ngan 'das ltar lha yi 'dod pa'i yon tan mnyam nyid
zhi bar rtogs/ /bsam gtan bsam pas tshangs gnas ma smad grags
dang ldan par 'gro bar 'gyur/ /tshangs pa'i gnas su bsam gtan
mkhas shing bsam gtan
'bras bu spyad gyur nas/ /der gnas dpe med gyur cing byang chub
yid kyis bskal par gnas par 'gyur/ /de dag bskal par tshangs gnas
mthun par ye shes don gnyer brtul zhugs bzang/ /thub pa mkhas pa
thabs mkhas de dag 'jig rten don ni mtha' yas byed/ /mkhas thub
de dag de na bsam
gtan spyod yul bsam gtan chags pa med/ /bsam gtan bde ba mnyam
nyid 'drar rig byang chub phyir ni dbang po zhi/ /kun du grol
yid drang srong byang chub phyir ni byang chub blo dang ldan/
/mya ngan 'das pa lta bur bsam gtan blo gcig zhi ba'i mtshan nyid
'gyur/ /bde bar gshegs dang bcom ldan sras po
byang chub zhi ba yongs tshol ba/ /tshangs pa'i yid ldan 'jig rten
don byed de dag tshangs gnas de na gnas/ /kun kyang tshangs pa'i
blo ldan mthar phyin sha stag byang chub don gyi phyir/ /rang
'byung dgongs pa khams gsum lam las 'das pa'i nges par 'byung ba
ston/ /tshangs pa la ni gus pa bskyed nas 'gro
ba byang chub tshol bar 'gyur/ /tshangs pa'i bsam pa rang byung
bsam pa nges 'byung mthar thug shes nas ni/ /bde bar gshegs kyi
bstan pa mchog la brtson pa de dag 'gro ba la/ /ci nas chos tshul
'bras bu myur du shes 'gyur de ltar chos kyang ston/ /de dag
tshangs gnas de na gnas shing 'jig rten
dag la byang chub phyir/ /phan pa byas nas srog chags bye ba
khrag khrig mang po byang chub bkod/ /rgyal ba kun la mchod
phyir 'jig rten khams mang khrag khrig 'gro bar 'gyur/ /dbang po
zhi ba de dag bskal pa skar ma 'dra la rgyal bar 'gyur/ /lha
dang mi dang klu dang 'dab bzangs dag dang lha min bcas pa
dang; /dri za grul bum mi 'am ci tshogs gnod sbyin 'gror bcas
dga' zhing mgu/ /bcom ldan 'das kyis byang chub tu ni yongs
sbyangs chos kyis stobs rnyed pa/ /de dag thams cad yi rangs
thal sbyar bde bar gshegs la mgos phyag 'tshal/ /klu'i bu mo lung
bstan pa'i le'u ste bdun pa'o// //
@39b de nas klu'i bu mo de dag gi mchod pa yang mthong/ lung
bstan pa yang thos/ yongs su rdzogs par yang rig nas klu'i rgyal
po dga' bo dang/ nye dga' la sogs pa klu bye ba phrag dgu bcu
ngo mtshar thob par gyur te/ 'di ltar de bzhin gshegs pa de sems
can thams cad kyi bsam pa mkhyen cing bcom
ldan 'das de la mi mkhyen pa 'am/ ma gzigs pa 'am/ ma gsan pa
'am/ mngon du ma mdzad pa gang yang med cing bcom ldan 'das kyi
chos ni legs par gsungs pa/ yang dag par mthong ba/ rims nad med
pa/ dus chad pa med pa/ nye bar gtod pa/ 'di mthong ba la don
yod pa/ mkhas pa rnams
kyis rang gis rig par bya ba ni ngo mtshar rmad du byung ba ste/
de bzhin gshegs pa de ni rdzu 'phrul che zhing mthu che ba mnga'
ba'o/ /'di ltar bud med du gyur pa/ rgod pa/ mi brten pa/ mi
gnas pa rnams kyis kyang bcom ldan 'das kyis chos bstan pa yongs
su shes pa dang/ de ltar bcom ldan 'das kyi
slob ma dge 'dun yang legs par zhugs pa/ drang por zhugs pa/
rigs par zhugs pa/ 'thun par zhugs pa/ 'di ltar bud med du gyur
pa 'dod chags dang/ zhe sdang dang/ gti mug mi bzad pa dang ldan
pa rnams kyang/ bcom ldan 'das kyi gsung rab la 'jug pa ni ngo
mtshar che'o snyam ste/ ngo mtshar thob pa de dag gis
bcom ldan 'das la mchod pa'i phyir 'dzam bu'i gling rgya mtsho'i
ri'i mthas gtugs pa thams cad spos kyi sprin chen pos kun nas
yog par byas te/ thams cad ngad ldan pa'i 'jig rten 'di spos kyi
ngad kyis khyab par byas so/ /spos kyi dri'i dad des kyang sangs
rgyas kyi zhing thams cad rgyas par gang bar gyur nas/
sems can gang dag gis spos kyi dri de tshor bar gyur pa de dag
thams cad bla na med pa yang dag par rdzogs pa'i byang chub las
phyir mi ldog par gyur to/ /bcom ldan 'das la mchod pa bya ba'i
phyir ser skya'i gnas kyi grong khyer chen po thams cad kyang
dpag tshad drug cu tshun chad mu tig dmar pos pus mo nub
tsam du rgyas par gang bar byas so/ /n+ya gro dha'i kun dga' ra
ba de yang rin thang med pa'i nor bu rin po ches chal par bkang
ngo/ /klu'i me tog gi 'dun khang rgyar dpag tshad drug cu yod pa/
rin po che sna bdun gyi ka ba dang ldan pa dag mngon par sprul
to/ /klu'i rol mo sil snyan dpag tu med pa dag kyang
@40a */ /mngon par sprul te sgra phyung ngo/ /klu'i me tog gi
'dun khang de la yang me tog rnam pa sna tshogs kyi lda ldi phye
ba phrag dgu bcu bres so/ /rin po che sna bdun gyi ka ba de dag
kyang bE d'urya'i dra bas legs par brgyan to/ /'dun khang de'i
gzhi yang rin thang med pa'i nor bu rin po ches yog par byas par
gyur
to; /'dun khang de'i gzhi ni 'jam pa bsgyur du rung ba ste/ 'di
lta ste/ dper na sum cu rtsa gsum pa'i lha rnams kyi rdo leb ar
mo nig ltar 'jam pa kha dog bE d'urya ltar 'dug pa/ ka tsa lin
di ka ltar reg na bde ba/ nyams dga' ba/ sems can mthong ba
rnams kyi mig mya ngan las 'da' bar 'gyur ba/ mi
dang lha rnams kyi yid du 'ong ba lta bu'o/ /nor bu rin po che
sna tshogs de dag gi nang nas nor bu la la las ni me 'byung/ la
la las ni chu 'byung ba sha stag ste/ de la'ang la la las ni chu
kha dog sngon po 'byung/ la la las ni chu kha dog ser po 'byung/
la la las ni chu kha dog dmar po 'byung/ la la las ni chu kha
dog dkar
po 'byung; la la las ni chu kha dog sna tshogs 'byung ngo/ /nor
bu la la las ni bde bar bsil ba'i rlung 'byung/ nor bu la la las
ni dam yin pa'i yo byad gzhan dag bsam pa bzhin du 'byung/ la la
ni snum gyi bya ba byed/ la la ni me long gi bya ba byed de
'khor de dag thams cad kyang nor bu rin po che de'i
nang du snang bar gyur to/ /ser skya'i gnas na sems can gang ji
snyed cig rgyu ba de dag thams cad kyang nor bu rin po che de
dag gi nang du snang bar gyur te/ thams cad dang ldan pa'i 'khor
gyi bcom ldan 'das rnam par sprul pa'i cho 'phrul de dag rnam
par sprul pa mdzad pa/ nyan thos kyi dge 'dun dang bcas pa
yang nor bu rin po che de dag gi nang na bzhugs par mthong bar
gyur to/ /'dun khang gi gzhi de'i 'og nas kyang klu'i mthus
gdugs rnam pa sna tshogs mngon par 'thon par gyur to/ /rgyal
mtshan rnam pa sna tshogs dang/ ba dan rnam pa sna tshogs dang/ me
tog gi lda ldi rnam pa sna tshogs dang/ spos kyi lda ldi rnam pa
sna
tshogs dang; rin po che'i lda ldi rnam pa sna tshogs dang/ mu tig
gi phreng ba rnam pa sna tshogs dang/ me tog brtsegs ma'i lda ldi
rnam pa sna tshogs dang/ rta rnam pa sna tshogs dang/ dril bu
g.yer ka'i dra ba rnam pa sna tshogs kyang 'thon par gyur to/
/de nas klu'i rgyal po dga' bo dang/ nye dga' la sogs pa klu
@40b bye ba phrag dgu bcus rta de rnams sngon du dkri ste rkang
gis dong nas bcom ldan 'das la lan gsum bskor ba byas te/ nor bu
rin po che ka tsa lin ? de ka ltar reg na bde ba dag gis bcom
ldan 'das la gtor mngon par gtor/ mngon par rab tu gtor to/
/'dun khang gi gzhi de nas rin po che gang dag mngon par
'thon pa de dag thams cad kyang/ bcom ldan 'das nyan thos kyi
dge 'dun dang bcas pa'i steng du char bzhin du bab par gyur to/
/klu'i rol mo sil snyan dpag tu med pa de dag kyang steng gi bar
snang las sgra 'brin par gyur to/ /de nas klu bye ba phrag dgu
bcu po de dag gis bcom ldan 'das la lan gsum
bskor ba byas te/ bcom ldan 'das kyi zhabs la mgo bos phyag
'tshal nas thal mo sbyar te/ cang mi zer bar bcom ldan 'das rnam
pas rjes su dran par byed cing mig mi 'dzums par lta la/ 'di
ltar sangs rgyas kyi yon tan 'dod pa'i phyir lhag pa'i bsam pas
byang chub tu yang dag par zhugs par
gyur to; /de nas de dag gis cung zad cig tu mi smra bar bcom
ldan 'das kyi yon tan rjes su dran par byas nas so so nas bla
gos phrag pa gcig tu gzar te/ pus mo g.yas pa'i lha nga sa la
btsugs nas/ bcom ldan 'das ga la ba de logs su thal mo sbyar ba
btud de/ bcom ldan 'das la yan
lag lngas phyag 'tshal nas tshigs su bcad pa dag gis mngon par
bstod pa/ /mtshan brgya rdzogs pa brtul zhugs legs spyad pa/
/dka' thub dgyes pa dri med thugs rje tsan/ /rin chen 'byung
gnas bcas pa'i sa spangs te/ /bde gshegs khyod ni grong khyer
mngon par byung/ /lo drug bar du
dka' thub dka' mdzad de/ /rgyal ba khyod kyis bdud rtsi ma
brnyes kyang/ /bde gshegs khyod kyi thugs ni zhum ma gyur/ /thub
pa khyod kyis byang chub thugs kyis spyad/ /ji ltar 'dren pa lha
mi'i bla ma khyod/ /'gro la phan bzhed dka' thub spyad mdzad de/
/'jig rten mgon po sdug bsngal btar gyur pa/ /
de thos pas kyang bdag cag yid mi dga'/ /thub pa dbu dang sbyan
ni btang ba dang/ /byang chub sems ni ji ltar sgrub mdzad pa/
/bde bar gshegs kyi dka' spyad thos gyur na/ /de thos pas kyang
bdag cag bde mi 'gyur/ /gang tshe ka ling rgyal pos bzod smra
ba'i/ /zhabs dang phyag dang snyan rnams gtubs
@41a */ /gyur te; /da bzhin shangs bcad rgyal ba mi 'khrugs pa/
/de thos pas kyang bdag cag yid mi dag'/ /phug ron skyabs su
mchis pa ma btang ste/ /gang tshe 'dren khyod srang la gcal gyur
pa/ /rgyal ba'i de thos pas kyang mi bde ste/ /bde gshegs byang
chub spyod pa sdug bsngal tshe/ /bdag cag mi 'tshal
ma lags ci zhe na/ /bde bar gshegs la 'gro ba gnod bgyid pa/
/ngan song mun par lhung bas bde gshegs kyi/ /sdug bsngal spyod
pa dran nas mi dga' lags/ /ji ltar 'jig rten 'dren pa blo 'phags
dang/ /bde gshegs spyod pa mi 'tshe blor gyur dang/ /sgrub pa'i
tshe na de la mi gnod pa/ /'jig rten 'dren pa spyod
bde bka' stsal gsol/ /mtha' yas blo mnga' bde gshegs spyod pa
la/ /thub pa klu tshogs 'di dag rab tu brtson/ /ji ltar khyod kyi
bka' bzhin spyod 'gyur ba/ /de ltar bde gshegs byang chub lam
bstan gsol/ /rga shi ma mchis go 'phang 'thob 'tshal zhing/ /klu
tshogs 'di rnams thub pa skom par gnas/ /
'gro ba 'di dag bde bar 'dul 'gyur ba'i/ /brtul zhugs spyod bde
bde gshegs bka' stsal gsol/ /de nas bcom ldan 'das kyis klu'i
mchod pa de dag kyang gzigs/ lhag pa'i bsam pas smon lam btab pa
de dag kyang thugs su chud nas de'i tshe 'dzum pa mdzad do/ /'di
ni chos nyid de sangs
rgyas bcom ldan 'das rnams gang gi tshe 'dzum pa mdzad pa de'i
tshe kha dog sna tshogs dang/ kha dog du ma'i 'od zer bcom ldan
'das kyi zhal gyi sgo nas byung ste tshangs pa'i 'jig rten gyi
bar du mngon par 'phags nas phyir log ste/ bcom ldan 'das kyi
dbu'i gtsug tu nub po/ /de nas tshe dang ldan pa rta thul gyis
de'i
tshe bcom ldan 'das la tshigs su bcad de gsol ba/ brtul zhugs
bzang po dge sbyong thub pa'i rnams/ /rgyu med rgyal ba 'dzum pa
mi mdzad na/ /'dren pa bde gshegs thugs rje che mnga' ba/
/mtshungs med bcom ldan 'dzum rgyu bka' stsal gsol/ /tshogs kyi
slob dpon skye bo 'di dag ni/ /'dzum rgyu nyan
'tshal khyod kyi zhal du lta/ /yid ni zhum gyur the tshom 'tshal
zhing mchis/ /mkhas pa the tshom rnam par bsal du gsol/ /'jig
rten mkhas pa ston pa sh'akya thub/ /de ring su zhig yid ni
yongs su dga'/ /gang gis bdud kyi dbang po mthong gyur te/
/rmongs par bgyis nas yid mi dga' bar bgyis/ /tshogs kyi
@41b slob dpon 'dren pa su zhig gis/ /bde gshegs chos nyid yab
la bsnyen bkur bgyis/ /bde bar gshegs la mchod pa dam pa bgyis/
/sh'akya seng ge bka' stsol the tshom khum/ /sor bcu thal mo
sbyar ba mgor bzhag cing/ /'gro ba 'di dag thub pa'i zhal du
lta/ /tshogs kyi slob dpon the tshom bsal
du gsol; /'dren pa 'dzum pa mdzad pa'i rgyu yang gsungs/ /de
thos skye bo 'di dag dgar gyur te/ /rgyal bas dgongs pa'i tshul
yang rtogs par 'gyur/ /bde bar gshegs pa'i 'khor rnams tshim
bgyis na/ /gzhan du mi sems nan tan gnas par 'gyur/ /de nas bcom
ldan 'das kyis tshe dang ldan pa rta
thul la tshigs su bcad de slar bka' stsal pa/ thub mkhas 'dren pa
tshogs kyi slob dpon gyis/ /tshangs 'dra yan lag brgyad ldan gsung
brjod kyis/ /rta thul skyon med sems kyis dad byos la/ /'dzum pa
mdzad pa'i rgyu de mnyan par gyis/ /klu yi bdag po 'di dag dang
gyur te/ /'gro ba zil gyis mnan nas
mchod pa byas/ /skye bo bde bar yongs smin bya ba'i phyir/
/sangs rgyas byang chub 'di ni yongs su tshol/ /snying rje chen
pos rnam 'dren med pa yi/ /'gro ba bltas nas sdug bsngal cis mi
bsten/ /'gro bas byang chub rgya chen thob bya la/ /'dren ba dag
ni skyo bar yod mi 'gyur/ /zhi gnas dga' ba ye shes
stobs ldan stobs/ /mtshan med stong pa de bzhin smon med pa/
/rnam thar sgo gsum yongs su bsgoms nas su/ /shin tu yongs dag
yid can bde bar 'gro/ /'gro ba mtha' dag mnyam pa nyid rtogs te/
/gang tshe rgyal bas shes rab mtshan thos nas/ /mnyam pa'i sems
dang byams dang
snying rje thob/ /'gro la snying rje chen po rab bskyed nas/
/snying brtse ldan pa mchog tu snying rje can/ /'jig rten mkhas
pa bla na med par 'gyur/ /rgyal ba de dag 'gro 'di mtshungs
bsgral nas/ /de dag dgra bcom rnam par 'dren par 'gyur/ /rtag tu
bdag med tshig ni nyan byed cing/ /'jig rten gtam gyi rgyud la mi
'jug ste/ /de
dag bde bar gshegs kyi 'chi med thob/ /de na bdud med mu stegs
tshogs kyang med/ /'dren pa bde gshegs snying rje ldan pa yi/
/rgyal ba de dag 'gro ba kun mos byed/ /bde gshegs bka' dang
tshig rnams thams cad dang/ /bde bar gshegs kyi dgongs la mos
byed 'gyur/ /srid par bde gshegs rnams kyi spyad
@42a */ /spyod cing/ /rab bder 'gro ba yongs smin byed par
'gyur/ /mtshungs med thob pa bde bar myur du yang/ /yongs su
'tshad rgya 'chi med thob par 'gyur/ /thob nas 'gro ba dag kyang
mos par 'gyur/ /skye bo kun kyang gzugs kyi mchog dang ldan/
/'gro ba thams cad bde gshegs de dag gi /dgongs pa'i tshig ni
mdon du shes par 'gyur/
phyugs dang bya dang gnod sbyin mi de dag /rang byung dgongs min
cung zad byed mi 'gyur/ /de dag kun du chos rtogs dran dang
ldan/ /bde bar gshegs rnams 'chi med 'thob par 'gyur/ /de dag
tshig thos sems can gang yang ni/ /bstan pa de la mi dgar 'gyur
ba med/ /bde gshegs de dag gsung la dga' ba yi/ /'gro ba 'chi
med yang dag
thob par 'gyur/ /de tshe 'gro bas rgyal ba'i dgongs legs rtogs/
/rga ba dang ni na dang 'chi ba dang/ /mya ngan smre sngags 'don
las yongs su 'grol/ /tshig de thos nas ngar 'dzin med par 'gyur/
/klu yi bsam pa sh'akya seng ge la/ /yongs su zhus nas ji ltar
de dag rnams/ /gzhal yas byang chub thob nas thub rnams kyi/ /ye
shes 'jug
'gyur de skad sras la bstan/ /klu rnams lung bstan yid du 'ong
ba yi/ /rgyal ba'i gsung thos 'khor rnams yid dga' ste/ /de la
yid ni rab tu zhi gyur nas/ /dga' ba'i yid kyis rgyal ba'i
skyabs su song/ /klu lung bstan pa'i le'u ste brgyad pa'o// //de
nas grul bum bye ba phrag bcva brgyad kyi lha ma yin rnams dang/
nam
mkha' lding rnams dang/ klu'i bu mo rnams dang/ klu rnams kyi
mchod pa yang mthong/ lung bstan pa yang thos nas tshim zhing mgu
la yi rangs te rab tu dga' zhing dga' ba dang/ yid bde ba skyes
nas ngo mtshar thob par gyur te/ 'di ltar de bzhin gshegs pa la
shes rab kyi mnga' chen po mnga' zhing/ 'di ltar bcom ldan 'das
la
mchod pa rgya chen po 'di lta bu byas pas kyang ngo mtshar du mi
dgongs te/ 'di lta ste/ dper na rgya mtsho chen po ni rgya che
zhing yongs su rgyas pa yin pas mtho ba'am dma' bar mi 'gyur ro/
/de bzhin du bcom ldan 'das kyang chos thams cad la the tshom mi
mnga' zhing yon tan thams cad yongs su rdzogs la/ thams cad
mkhyen pa'i ye
shes yangs pa mnga' bas mchod pa 'di lta bu dag bzhes kyang mtho
ba 'am dma' bar mi 'gyur zhing ngo mtshar du mi dgongs pa ni do
mtshar shin du che'o snyam mo/ /de nas grul bum bye ba phrag bcva
brgyad po de dag gis bdag cag nyid kyi mchod pas bcom ldan 'das
la mchod pa'i phyir rin po che sna bdun gyi bla re bye ba phrag
bcva brgyad mngon
@42b par sprul te; 'di lta ste/ gser gyi skud pa'i bla re dang/
dngul gyi skud pa'i bla re dang/ bE d'u r+ya'i bla re dang/
shel gyi bla re dang/ mu tig dmar po'i bla re dang/ spug gi bla
re dang/ rdo'i snying po'i bla re sha stag go /rin po che'i bla
re de dag la yang me tog sna tshogs kyi phreng ba'i lda ldi mngon
par sprul te/ gser gyi skud pa'i bla re rnams la ni dngul gyi me
tog gi phreng ba'i lda ldi bkye/ dngul gyi skud pa'i bla re
rnams la ni gser gyi me tog gi phreng ba'i lda ldi bkye/ bE d'u
r+ya'i bla re rnams la ni gyi me tog gi phreng ba'i lda ldi
bkye/ shel gyi bla re rnams la ni bE d'u r+ya'i me tog gi
phreng ba'i lda ldi bkye/ mu tig dmar po'i bla re rnams la ni
spug gi me tog gi phreng ba'i lda ldi bkye/ spug gi bla re rnams
la ni mu tig dmar po'i me tog gi phreng ba'i lda ldi bkye/ rdo'i
snying po'i bla re rnams la ni shel gyi me tog gi phreng ba'i
lda ldi bkye ba sha stag mngon par sprul to/ /shing rta bkra ba/
blta na sdug pa bye ba phrag bcva brgyad kyang mngon par sprul
te/ de dag kyang gser nas rdo'i snying po'i bar du'o/ /shing rta
de dag gi steng du rin po che sna bdun gyi gdugs
thur ma brgya ba gser gyi yu ba can dang/ bE d'u r+y'i yu ba
can dang/ shel gyi yu ba can bye ba phrag bcva brgyad mngon par
sprul to/ /gdugs de dag la yang rin po che rnam pa sna tshogs kyi
me tog gi lda ldi mngon par sprul te/ 'di lta ste/ gser gyi me
tog gi lda ldi dang/ dngul gyi me tog gi lda ldi dang/ bE
d'ur+y'i me tog gi lda ldi dang/ shel
gyi me tog gi lda ldi dang/ mu tig dmar po'i me tog gi lda ldi
dang/ klu'i nor bu'i me tog gi lda ldi sha stag go /mu tig dmar
po'i dra bdag kyang mngon par sprul te/ de dag gis gdugs de dag
dang/ me tog gi phreng ba de dag gi gzungs byas so/ /grul bum
gyi rol mo'i sil snyan dag kyang mngon par sprul to/ /shin rta
de dag re
re zhing yang bla re de dag re re rjes su 'brang bar gyur to/
/de nas grul bum de dag rin po che sna bdun gyi shing rta de dag
la zhon te/ rin po che sna bdun gyi gdugs dang/ bla re dang/ me
tog de dag gis bcom ldan 'das la mngon par gtor te mchod pa byed
cing/ bcom ldan 'das la steng gi bar snang las lan gsum bskor
to/ /
bskod nas shing rta de dag las babs te/ bcom ldan 'das kyi zhabs
la mgo bos phyag 'tshal nas/ phyogs gcig tu 'khod de/ bcom ldan
'das la tshigs su bcad pa dag gis mngon par bstod pa/ thams cad
du yang mi bsnyengs mnga' dbang can/ /thub pa chen po mi mtho mi
dma' ste/ /ri yi rgyal po lhun po'i
@43a */ /ri 'dra ba/ /mchod pa rgya chen 'di dag bzhes su gsol/
/'gro ba thams cad ming dang mtshan ma dang/ /tha snyad tsam
mkhyen thub pa chags mi mnga'/ /'dren pa khyod kyi ting 'dzin
zhi bsgrubs pas/ /shes rab ldan la dregs pa yong mi mnga'/
/rgyal ba khyod kyis 'gro ba sgyu 'drar mkhyen/ /rang bzhin
stong ste rmi lam dga' 'dra dang/ /chu zla nam mkha'i smig rgyu
lta bur ni/ /bde bar gshegs pas 'gro ba 'di dag gzigs/ /dri za'i
grong khyer ji ltar snang gyur kyang/ /grong khyer de ni phyogs
bcu kun na med/ /gzhan du grong khyer de ni ming tsam ste/ /de
bzhin bde bar gshegs pas 'gro 'di gzigs/ /mchod pa 'di kun brag
ca ji bzhin te/ /shing rta gdugs dang bla re sil snyan dang/ /me
tog rgyal mtshan thal mo sbyar bgyis pa/ /brag ca ji bzhin de dag
de ltar gda'/ /'dren pa mchod pa 'di bgyis bdag cag kyang/
/sangs rgyas rkang gnyis mchog tu myur 'gyur shog /rmi lam 'dra
bar 'gro ba bdag cag gis/ /rtogs bgyis rgyal ba khyod bzhin
bstan par bgyi/ /na dang rga shis yongs su gcos gyur pa'i/ /skye
bo mthong nas bdag cag rnams kyis kyang/ /byang chub myur thob
rga shi med pa'i gnas/ /gang thos grol 'gyur 'gro la bstan par
bgyi/ /bdag cag byang chub lam mchog sangs rgyas nas/ /sems can
blo stor rnams la bstan par bgyi/ /thub pa 'khrugs med
chos rnams rab ston pa/ /mya ngan 'das mchog sems can bstan par
bgyi/ /de nas bcom ldan 'das kyis grul bum de dag gi lhag pa'i
bsam pa thugs su chud nas 'dzum pa mdzad do/ /de nas tshe dang
ldan pa rta thul gyis bcom ldan 'das la tshigs su bcad de gsol
ba/ ston pa rgyu med 'dzum pa mi mdzad de/ /rnam 'dren
'jig rten mkhas la mtshar mi mnga'/ /ngo mtshar 'gyur med rgyal
bas 'dzum mdzad na/ /'dzum rgyu legs par bka' stsol nyan par
'tshal/ /rgyal ba'i zhal nas 'dzum pa mdzad mthong nas/ /'gro ba
'di dag the tshom som nyi 'tshal/ /the tshom 'tshal ba rnams kyi the
tshom khum/ /mi yi dbang po 'dzum pa'i rgyu yang gsungs/
gang gis de ring chos la yid bzhag gyur/ /de ring gang gis chos
kyi rgyal yang mthong/ /deng sus sangs rgyas bsngags pa'i mchod
pa bgyis/ /mi yi dam pa bdag ni nyan bar 'tshal/ /de ring 'dus
byas sdug bsngal shes gyur nas/ /gang gis 'du byed gyur pa'i yid
gcig bcom/ /gang zhig yang dag mtha' la mi
@43b g.yo gnas/ /rnam dag thugs mnga' bdag ni nyan par 'tshal/
/de ring su yis 'khor bcas bdud rnams bcom/ /thub pa ston pa
deng sus mnyes bar bgyis/ /'dren pa su zhig de ring gting rnyed
gyur/ /the tshom mchis te deng bdag de nyan 'tshal/ /'dzum mdzad
de yi don ni mnyan slad du/ /'gro ba kun kyang thal
mo sbyar cing gnas/ /'dren pa the tshom 'tshal ba'i the tshom sol/
/rkang gnyis dam pas lung yang bstan du gsol/ /de nas bcom ldan
'das kyis tshe dang ldan pa rta thul la tshigs su bcad de slar
bka' stsal ba/ rta thul khyod kyis dri ba legs par dris/ /'dzum
pa'i rgyu 'di yongs su dris bas na/ /'gro ba'i don yang khyod
kyis
byas par gyur/ /de don bstan byas rta thul mnyan par gyis/ /grul
bum tshogs kyis nga la mchod byas te/ /zhi ba'i chos la de dag
yid kyang bzhag /mtshar med nga mthong nas ni ngom gyur te/ /zhi
ba'i chos la de dag yid kyang bzhag /de dag rnams kyis de ring
nga mchod de/ /zhi ba'i chos la blo gros rnam par btang/ /lam
stor skye bo
rnams la snying brtse zhing/ /bsam pa thag pas snying rje chen
po bskyed/ /snying rje pas na nga la mchod pa byas/ /rab tu lam
stor rnams la byams par bsams/ /mkhas pa de dag las de byas pas
na/ /grul bum skye gnas shi 'phos brtul zhugs bzang/ /brgya byin
lha yi drung du 'dod bar 'gyur/ /thugs rje byams don mdzad skyob
drung du'ang 'dod/ ? /de ni cung zad yang dang yang bstan te/
/phyir zhing chos la the tshom med par 'gyur/ /de dag bskal pa
gang g'a'i bye snyeng du/ /zhing nas zhing du rnam par rgyu byed
cing/ /bdag nyid chen po'i chos la mchod pa byed/ /go cha chen
po rab tu bgos yid kyis/ /de dag skyo ba med par 'jig rten
khams/ /khrag khrig mtha' yas rnam
par spyod par 'gyur/ /skye bo mang po'i don byed 'dren 'gyur te/
/ngo mtshar med ces bya ba'i rgyal bar 'gyur/ /de dag zhing rnams
gang du 'gro rgyu ba/ /der ni 'gro bas rgyal ba byung bar shes/
/de dag thabs kyis ma 'ongs dus dag na/ /ngo mtshar med par skye
bo rnam grol byed/ /rgyal ba ngo mtshar med par zhing sbyong
zhing/ /rdzogs pa'i byang chub
bla med zhi ba tshol/ /de dag tshol ba la yang mi gnas te/ /'di
ltar bla med byang chub gnas phyir ro/ /de ltar 'dzum rgyu rgyal
bas lung bstan cing/ /bde bar gshegs pas 'jig rten dogs bsal te/
/grul bum mchod pa'i 'bras bu nges thos nas/ /'gro ba the tshom
bsal te dga' bar gyur/ /grul bum
@44a */ /lung bstan pa'i le'u ste dgu pa'o// //de nas de'i tshe
dri za bye ba phrag sum cu rtsa drug gis lha ma yin rnams dang/
nam mkha' lding rnams dang/ klu'i bu mo rnams dang/ klu rnams
dang/ grul bum rnams kyis mchod pa yang mthong
lung bstan pa yang thos nas tshim zhing mgu la yi rangs nas rab
tu dga' zhing dga' ba dang/ yid bde ba skyes nas ngo mtshar thob
par gyur te/ 'di ltar de bzhin gshegs pas chos kyi dbyings 'gyur
ba med par yang yang dag par bka' stsal/ bya ba rnams kyang yang
dag par bstan te/
dge ba'i rtsa ba 'phel ba yang bstan la/ chos gang la yang lung
bstan pa med par yang yang dag par bstan pa 'di ni ngo mtshar
rmad do snyam nas de dag gis chos de lta bu khong du chung de/
de bzhin gshegs pa la rim gro bya ba'i sems rgya chen bo skyes
nas bla na med pa yang dag par rdzogs pa'i
byang chub tu mos par gyur te/ rab tu dga' ba'i yid dang ldan pa
de dag bcom ldan 'das la mchod pa bya ba'i phyir brtson par gyur
ste/ glang po che'i rgyal po sa srung gi bu bye ba phrag sum cu
rtsa drug mngon par sprul to/ /glang po che sa srung gi bu de
dag re re zhing mgo bo bye ba phrag sum cu rtsa
drug drug mgo bo re re zhing so bye ba phrag sum cu rtsa drug
drug /so re re la yang rdzing bu bdun bdun/ /rdzing bu re re
zhing yang pad ma bdun bdun/ /pad ma re re zhing 'dab ma bye ba
phrag stong stong/ 'dab ma re re zhing yang lha'i bu mo bdun
bdun/ lha'i bu mo re re zhing yang 'khor rgyan thams cad kyis
brgyan pa lha'i bdug spos thogs pa bdun bdun zhing pad ma'i lo
ma'i mtha' mtha' na 'khod bas bskor ba mngon par sprul to/
/glang po ches srung gi bu de dag gi mgo bo re re la yang rin po
che sna bdun gyi gdugs nas rin po che sna bdun gyi dra ba dag
gis gzungs byas pa dang/ rin po che sna bdun
gyi lda ldi bres pa'i bar dang ldan pa bye ba phrag sum cu rtsa
drug drug mngon par sprul to/ /glang po che'i mgo thams cad la
yang lha'i spos kyi bla re sna tshogs rin po che sna tshogs kyi
lda ldi bres pa sha stag mngon par sprul te/ de nas dri za de
dag glang po che sa srung gi bu bye ba phrag sum cu rtsa drug po
de dag la
@44b zhon te/ lha'i rol mo sil snyan len cing nam mkha' las rgyu
ste/ bcom ldan 'das la lan sum cu rtsa drug tu bskor ba byas nas
lha'i tsan dan gyi phye mas bcom ldan 'das la gtor/ mngon par
gtor/ mngon par rab tu gtor to/ /lha'i a ga ru'i phye ma dang/
lha'i ta ma la'i lo ma
dang; ud pa la'i phye ma dang/ lha'i gser phye dang/ lha'i me
tog man d'a ra ba dang/ man d'a ra ba chen po dang/ man dzu SHa
ka dang/ man dzu SHa ka chen po dang/ pa ru SHa ka dang/ pa ru
SHa ka chen po dang/ mdog dkar dang/ mdog dkar chen po dang/
mdog dkar chen po dag gis bcom ldan 'das
la gtor/ mngon par gtor/ mngon par rab tu gtor to/ /gser dang/
dngul dang/ bE d'u r+ya dang/ shel dang/ spug dang/ mu tig
dmar po dang/ rdo'i snying po'i me tog rnams dang/ sprul pa'i me
tog rnams kyis bcom ldan 'das la gtor/ mngon par gtor/
mngon par rab tu gtor to/ /spos kyi bla re de dag las spos kyi
dad 'byung ste 'gro zhing ldog go /lha'i spos chu rnam pa sna
tshogs kyi char yang steng gi bar snang las mngon par bab bo/
/spos chu'i char de mngon par bab pas kyang ser skya'i gnas kyi
grong khyer chen po khor khor yug tu dpag tshad drug
cu tshun chad spos chus rdzab tu gyur te/ spos chu'i rdzab de'i
dris stong gsum gyi stong chen po'i 'jig rten gyi khams thams
chad rgyas par gang bar gyur nas sems can gang dag gis spos kyi
dri de tshor bar gyur pa dang/ rol mo sil snyan de dag gi sgra
thos par gyur pa de dag thams cad kyang bla na
med pa yang dag par rdzogs pa'i byang chub las phyir mi ldog par
gyur to/ /de ltar dri za re res kyang bcom ldan 'das la mchod
pa'i phyir glang po che sa srung ? gi bu mgo bye ba phrag sum cu
rtsa drug la lha'i bu mo glu len pa dang/ gar byed pa 'khod pa
dag gis mchod de skye bo thams cad kyang 'dun
par byas so/ /lha'i bu mo de dag las la la ni lus kyi tshul
sgyur/ la la ni tsan dan dang/ a ga ru dang/ ta ma la'i lo ma'i
phye ma 'thor la la ni lha ma yin gyi lha rdzas kyi phye ma
dang/ spos rnam pa sna tshogs kyi phye ma 'thor/ la la ni me tog
man d'a ra ba dang/ man d'a ra ba
@45a */ /chen po nas/ skya snar khra bo dang/ skya snar bkra
chen gyi bar gyi me tog dang/ sprul pa'i me tog rnams 'thor/ la
la ni gser gyi me tog nas rdo'i snying po'i bar gyi me tog dang/
dbyig dang/ gser dang/ rin po che snyim pas blangs te/ bcom ldan
'das la mngon par 'thor/ la la ni na bza' dag 'thor/ la la ni
zhabs kyi rgyan dang/ sku rags dang/ gser gyi phreng ba rin po
ches spras pa'i bar dag 'bul lo/ /la la ni gser gyi dra bdag
'dzin/ la la ni rin po che thams cad kyi rgyal mtshan dang/ rin
po che'i ba
dan kha dog sna tshogs dang/ tshon sna tshogs can 'dzin/ la la ni
lha'i spos chu'i char 'bebs te/ lha ma yin gyi bu mos tshigs su
bcad pa dag gis bcom ldan 'das la mngon par bstod pa'i bar du
snga ma bzhin no/ /de nas dri za de dag glang po che'i rgyal po
sa srung gi bu de dag
la zhon nas/ bcom ldan 'das la bskor pa byed byed pa las glang
po che sa srung gi bu de dag las babs te/ yang bcom ldan 'das la
lan gsum bskor ba byas nas zhabs la mgo bos phyag 'tshal te thal
mo sbyar nas phyogs gcig tu 'khod de/ bcom ldan 'das la tshigs su
bcad
pa dag gis mdon par bstod pa/ /bcom ldan bde gshegs srid pa
mthar 'byin pa/ /srid pa'i bcings las 'gro ba rnam grol mdzad/
/khyod 'dra srid gsum gang na'ang ma mchis te/ /khyu mchog khyod
ni gzugs dang mtshan mchog mnga'/ /mi mchog khyod kyis sa chen
'di steng du/ /
grags pa mtha' yas mnga' bas ngo mtshar bstan/ /'gyur bgyid chos
ni gang yang ma mchis la/ /dge ba'i tshogs la 'gro ba rab tu
bkod/ /bde gshegs 'gyur ba med pa'i de bzhin nyid/ /brjed pa
tsam ste gzhan ne ci ma mchis/ /tha snyad gdags dang tha snyad
'dogs ma
mchis; /'on kyang bde gshegs khyod ni 'gro ba sbyang/ /bde bar
gshegs pas song med 'ong med dang/ /gnas med rang bzhin gyis ni
stong pa dang/ /chos rnams 'di dag rang bzhin med ces bstan/
/rgyal ba mchog gis bya ba rnams kyang bstan/ /chos rnams gang
yang bya ba
@45b byed ma mchis/ /'jig rten gtso bos bya ba'ang yongs su
bstan/ /bdag dang gzhan gyi yon tan mi dgongs la/ /bcom ldan
'das kyis bgyi ba kun kyang bstan/ /shing rta'i yan lag rnam pa
sna tshogs dag /bdag dang gzhan gyi yon tan mi sems kyang/ /shing
rta'i bgyi
bdag kyang bgyid par 'gyur/ /de bzhin chos kun bde bar gshegs
pas gsungs/ /chos ni chos la yongs su skul mi bgyid/ /chos ni
chos la dran par bgyid ma mchis/ /chos rnams chos la nye bar mi
rten te/ /chos rnams gang yang ma skyes 'chi ma mchis/ /'gro
ba 'di dag kun rdzob mngon par gsungs/ /kun rdzob de yang de na
ma mchis te/ /'gro ba 'di kun kun rdzob ji bzhin zhes/ /tshogs
kyi slob dpon khyod kyis yongs dag gsungs/ /mig gi rang bzhin
gang na'ang ma mchis la/ /bde bar gshegs pas bya ba rnam par
gzhag ; /chos tshul 'di 'dra yongs su bstan pas na/ /'jig rten
mkhas pas shin tu ngo mtshar mdzad/ /de bzhin bdag cag bde gshegs
nyid gyur te/ /nor ba'i 'gro ba blo gros stor ba rnams/ /chos
kyis chos kyi tshul la gzung bgyis te/ /zhi ba'i go 'phang 'chi
med thob par bgyi/ /rnam par 'dren pa khyed ni ci 'dra bar/
/'dren ba bde gshegs grags pa mtha' yas pa/ /thugs rje ldan pa
phan bzhed 'jig rten mkhas/ /bsod nams brgya yi mtshan dang ldan
par shog /ji ltar bde gshegs khyod bzhin bdag cag gis/ /
nga rgyal bsgribs pa'i 'gro ba sdug bsngal ba/ /'dod pa'i yon
tan prgyun gyi rjes 'gro ba/ /mngon dga' sdug bsngal brgyad ldan
yongs su dgrol/ /ji ltar bde gshegs khyod bzhin bdag cag gis/
/'gro ba sdug bsngal gnod pa myong 'gyur la/ /g.yo yi zhags pas
zin
cing mu ma mthong/ /yongs 'thom spre'u ltar rgod pa yongs su
dgrol/ /ji ltar bde gshegs khyod bzhin bdag cag gis/ /'gro ba mi
mkhas mig dang bral ba yin/ /lha tshogs yongs skyo gnyid kyis log
gyur cing/ /bdag nyid las kyi 'bras bu chud gzon dgrol/ /de nas
@46a */ /bcom ldan 'das kyis dri za bye ba phrag sum cu rtsa
drug po de dag gi lhag pa'i bsam pa thugs su chud nas 'dzum pa
mdzad do/ /de nas tshe dang ldan pa rta thul gyis bcom ldan
'das la tshigs su bcad de gsol pa/ bde gshegs mtha' yas gzigs
pas 'dzum
pa mdzad/ /'dren pa rgyu ma mchis par mi 'dzum na/ /bde gshegs
'dzum pa'i rgyu ni myur du gsungs/ /nem nur gnod gyur rnams
kyi the tshom sol/ /bde gshegs khyod kyi zhal gyi 'dzum mthong
nas/ /skye bo 'di dag the tshom rnyed par 'gyur/ /'dzum pa'i
don ni de dag nyan
par 'tshal/ /thub chen 'gro ba'i the tshom bsal du gsol/ /bde
bar gshegs kyi bstan la su zhig zhugs/ /the tshom bral zhing
som nyi bsal bar gyur/ /bcom ldan 'das kyis gang gi bsam
mkhyen nas/ /mi yi mchog gis 'dzum pa bstan pa mdzad/ /su zhig
bde gshegs bka' stsal tshul bzhin du/ /blo gros rtogs pa chos
bzhin gnas par gyur/ /gang gis blo gros dran rtogs blo mkhyen
nas/ /bde gshegs 'gro ba'i nang du 'dzum pa mdzad/ /'gro ba
'di dag blo gzhan yongs btang ste/ /bde gshegs 'dzum don zhal
nas
thos par dga'/ /sor bcu thal sbyar mgo la bzhag bgyis shing/
/dga' ba'i yid kyis ston pa'i zhal du lta/ /nyon mongs bral
zhing mya ngan rab spangs pa/ /dgyes pa'i thugs mnga' thub
chen 'jig rten mig /'gro ba'i yid gnyis som nyi bsal du gsol/
/rgyal ba
thugs rje ldan pas 'dzum rgyu gsungs/ /de nas bcom ldan 'das
kyis tshe dang ldan pa rta thul la tshigs su bcad de slar bka'
stsal pa/ 'gro ba'i don du 'dzum pa ngas mdzad pa/ /khyod kyis
don dris 'thun zhing legs pa ste/ /'dzum pa de yi don ni lung
bstan pas/ /skye
bo'i tshogs chen don ni de ring 'phel/ /'dzum mdzad rgyu de rta
thul mnyan par gyis/ /rnam par 'dren pas 'dzum pa 'di mdzad
pa/ /de ni ma log par yang ngas bstan gyis/ /bstan pa de la
dga' ba'i sems kyis nyon/ /dri za 'di rnams chos kyi rjes
snyegs shing/ /bde
@46b bar gshegs la mchod pa 'di dag byas/ /chos nyid byung bar
gyur pa med pa ste/ /chos nyid zad par 'gyur ba'ang med pa
yin/ /rgyal ba rnam rtog sgyu ma lta bur gnas/ /rtog par mi
byed de dag rmongs par 'gyur/ /gang gis chos gang rjes su
brjod bya ba/ /des ni de nyid stong
zhes bde gshegs gsungs/ /de dag nga yi tshig de rtogs gyur nas/
/rta med glang po mchog gis mchod pa byas/ /byang chub rga med
'chi med tshol byed cing/ /dri za'i rgyal po rnams kyis nga
mchod do/ /nor pa'i 'gro la snying rje bskyed nas ni/ /thams
cad mkhyen pa nyid du 'di dag
mos; /'di dag nga la mchod pa 'di byas pas/ /dri za'i ris bor
dga' ba'i yid gyur te/ /blo gros bzang rnams lha gnas lha yul
ba/ /brgya byin lha 'dus par ni 'gro bar 'gyur/ /de dag sangs
rgyas bde gshegs rdul med pa/ /bye ba khrag khrig mang la
mchod byed 'gyur//
zhing nas zhing du rjes su rgyu byed cing/ /de dag la ni mkhas
pa chos kyang nyan/ /de dag bde gshegs spyod pa yongs su
spyod/ /de dag zhing yang rtag par yongs dag 'gyur/ /rgyal
ba'i gdung 'dzin de dag sems can ni/ /khrag khrig mang po dag
la byang chub ston/ /'gro ba 'di
dag rang bzhin stong rig nas/ /bde gshegs 'gro ba dag la ston
par 'gyur/ /rgyal ba thams cad mkhyen cing kun gzigs pa/ /rdul
med bskal pa khrag khrig bzhugs par 'gyur/ /sangs rgyas mtshan
ni mtha' yas rtogs pa ste/ /sangs rgyas re re khrag khrig
phrag mang ba'i//
bskal pa rnams su rdul med gnas par 'gyur/ /thams cad mkhyen
pa'i lam 'di rjes su ston/ /rgyal ba thub pa nyon mongs bcom
pa yis/ /de ltar de tshe dri zas mchod lung bstan/ /rta thul
gyis ni 'dzum pa'i don zhus pa/ /dri za lung bstan pa ni bshad
pa mdzad/ /dri za
lung bstan yid du 'thad 'gyur ba/ /de thos nas ni 'gro ba
thams cad dga'/ /der ni bde bar gshegs kyi gsung thos nas/
/sh'akya thub la thams cad skyabs su dong/ /dri za lung bstan
pa'i le'u ste bcu pa'o// //'phags pa yab dang sras
@47a */ /mjal ba zhes bya ba theg pa chen po'i mdo/ bam po lnga
pa/ /de nas gnod sbyin bye ba phrag brgyad cus lha ma yin rnams
nas dri za'i bar de dag gi mchod pa yang mthong/ lung bstan pa
yang thos nas tshim zhing mgu la yi rangs te/ rab tu dga' zhing
dga' ba dang/ yid bde ba skyes nas bcom ldan 'das kyi shes rab
kyi rnam pa la rim gro chen po bskyed de chos nyid la 'jug pa
yang thos pas ston pa'i 'du shes skyes par gyur to/ /bcom ldan
'das kyang blo zad mi shes pa'i 'du shes skyes par gyur te/ de
dag gi bcom
ldan 'das blo zad mi shes pa zhes bya bar rig nas sangs rgyas
kyi chos rnams la 'dod pa skyes par gyur to/ /sangs rgyas kyi
chos rnams la 'dod pa skyes par gyur nas bcom ldan 'das la
mchod pa'i phyir brtson par gyur te/ tshigs su bcad pa dag gis
bcom ldan 'das la
mngon par bstod pa/ mngon shes stobs ni kun du mtha' yas te/
/rgya mtsho chu 'dzin pas ma 'tshal dang 'dra/ /de bas mtshungs
med 'jig rten phan mdzad pa/ /mi yi seng ge khyod la 'di ltar
bstod/ /ri rab srang la gzhal bar nus kyang gda'/ /gzi brjid
chen po
nam mkha' gzhal rung gda'/ /shes rab mchog mnga' bde gshegs ye
shes stobs/ /tshad gzung dpag par nus pa yong ma mchis/ /'gro
ba kun gyi bsam pa thugs su chud/ /skye bo drang rung mi rung
gdul min ba/ /de dag las kyi rnam pa mngon par mkhyen/ /de
bas mtshungs med kun tu mtha' yang yas/ /de dag ci 'dra'i khams
la bsten pa dang/ /de dag sems rgyud ci 'drar 'byung ba dang/
/de dag mos pa ci 'dra ma lus mkhyen/ /de bas mtshungs med kun
tu mtha' yang yas/ /'dod chags spyod dang de bzhin zhe sdang
spyod/ /
mi yi gti mug spyod pa de bzhin mkhyen/ /phrag dog rnam pa'ang
de bzhin mkhyen pa ste/ /de bas mtshungs med kun tu mtha' yang
yas/ /'gro ba 'di dag lam rgyud gar 'khyams pa/ /de dag
mtshungs med khyod kyis rab tu mkhyen/ /de la ye shes rgyun tu
rab 'byung bas/ /de
@47b bas mtshungs med kun tu mtha' yang yas/ /bde bar gshegs
pas 'gro kun rab tu gzigs/ /chud za'i lam rgyud gang du
'khyams gyur cing/ /byams pa'i stobs las rab tu nyams gyur pa/
/de dag ma lus khyod kyis rab tu gzigs/ /'gro ba rnams ni ji
srid dus gnas
shing; /ci 'dra'i sdug bsngal de dag reg 'gyur dang/ /lus kyi
rnam pa ci 'dra 'chang ba rnams/ /de dag 'dren pa khyod kyis
rab tu gzigs/ /mi yi seng ges lta ba ci 'dra dang/ /gang gis
sdug bsngal rnam pa 'thob 'gyur bar/ /gang la rten cing las
rnams bgyid 'gyur ba/ /de dag rnams kyang 'dren pas
rab tu gzigs/ /de dag rgyal ba'i bstan la rab byung ste/ /rnam
par thar pa'i sgo ni gang zhig gis/ /ci 'dra'i lam la de dag
bsten bgyis shing/ /ci 'dra'i zhi ba 'thob 'gyur khyod kyis
mkhyen/ /byis pa gang rnams bde gshegs bstan pa la/ /rab tu
byung zhing 'jig
rten mkhas pa yis/ /bstan pa rab phra ji ltar spong 'gyur ba/
/de dag rnams kyang 'dren pas rab tu gzigs/ /'jig rten phan
pa'i bstan la brnyas bgyis pas/ /dmyal ba chen por ji srid
gnas pa dang/ /ci 'dra'i sdug bsngal de dag myong 'gyur ba/
/de dag rnams
kyang 'dren pas rab tu gzigs/ /gang dag rgyal ba rnams la dad
bskyed de/ /rab tu byung nas rgyal ba'i bstan 'dzin cing/
/chos kun stong pa nyid du rab brtags nas/ /mtshan ma thams cad
rnam par gzhig bgyis shing/ /'gro rgyud kun tu smon pa rnam
spangs te/ /lus
'di sgyu ma 'dra bar rab brtags nas/ /phung po brag ca 'dra
bar rtogs gyur te/ /byang chub sems ldan de dag rab tu gzigs/
/mgon po khyod la bstod pa'i bsod nams gang/ /mtshungs med
khyod kyis ji ltar thugs chud pa/ /de yis bla med sangs rgyas
'grub par
shog /'gro ba kun kyang rang byung thob gyur cig /de nas bcom
ldan 'das kyis de'i tshe gnod sbyin bye ba phrag brgyad cu po
de dag gi lhag pa'i bsam pa thugs su chud nas 'dzum pa mdzad
do/ /de nas tshe dang ldan pa rta thul gyis bcom ldan 'das la
tshigs su bcad de gsol pa/
@48a */ /mi yi seng ges 'dzum pa 'di mdzad pa/ /mi yi zla ba
rang byung gyur pa ni/ /rgyu ma mchis par 'dzum pa mi mdzad
na/ /'dzum pa de yi rgyu ni bka' stsal gsol/ /ston pa'i zhal
nas 'dzum pa de mthong nas/ /bcom ldan 'jig rten 'di dag the
tshom 'tshal/ /
mgon pos de dag the tshom bsal du gsol/ /'jig rten 'di dag dga'
ba'i yid du 'gyur/ /de ring su zhig rgyal la dad pa skyed/
/gang gis chos rgya chen po rnam par rtogs/ /gang gi sems ni
mi sgul gnas par gyur/ /de dag rgyal bas 'gro ba bstan du
gsol/ /
de ring 'khor rnams the tshom che 'tshal zhing/ /kun kyang rgyal
ba'i zhal du lta zhing sdod/ /ci nas the tshom ma mchis kun
'gyur ba/ /de ltar dpa' bos the tshom bsal du gsol/ /de ring
'di ni gang gi rnam 'phrul lags/ /gang gis brtson 'grus bzang
po 'dir bstan lags//
gang zhig khyod dang 'dir mjal don mchis gyur/ /de ni legs par
'gro la bka' stsal gsol/ /rgyal ba 'gro ba dag la phan bzhed
pa/ /the tshom 'tshal ba'i yid gnyis legs bsal gsol/ /de thos
lha dang bcas pa'i 'jig rten rnams/ /dga' zhing mgu ba dag
kyang 'thob par
'gyur; /de nas bcom ldan 'das kyis tshe dang ldan pa rta thul
la tshigs su bcad de slar bka' stsal pa/ rta thul khyod kyis
dri ba legs par dris/ /de ring 'gro ba dag gi don chen byas/
/rang byung 'dzum mdzad rgyu ni dris pas na/ /ston pa'i dgongs
pa'ang khyod kyis legs
par mthong/ /de dag lung bstan ma lus bstan par byas/ /gnod
sbyin tshogs kyi yid ni gzigs gyur nas/ /'gro la phan pa'i don
du 'dzum mdzad pa/ /dad pa'i yid kyis rta thul mnyan par gyis/
/rgyal ba'i byang chub zhi ba shes gyur nas/ /gnod sbyin tshogs
kyis mos
pa'i sems bskyed de/ /'byung po'i tshogs dbus sangs rgyas bstod
byas nas/ /rang byung dam pa mchog tu yid kyang btang/ /chos
rnams stong pa nyid du shes bya dang/ /mtshan ma thams cad rnam
par gzhig pa'i phyir/ /'gro ba kun tu smon pa rnam spangs
shing/ /byang chub mchog tu de
@48b dag yid kyang btang/ /rnal 'byor stobs kyis phung po rnam
bshig cing/ /kun rdzob tsam du rig nas mi chags te/ /srid pa
kun tu chu la pad mo bzhin/ /byang chub mchog tu de dag yid
kyang btang/ /de dag srid pa gang du chags 'gyur ba/ /stong
par bshig ste thams cad
legs rtogs pa/ /de nyid rgyal ba'i bla med byang chub ste/
/byang chub phyir ni dben pa'i brtul zhugs shes/ /skye dang
rga shi yong gis stong pa ste/ /de ni rgyal ba'i bla med byang
chub yin/ /dngos po'i rang bzhin stong par shes gyur nas/ /zhi
ba bla med byang chub 'thob par
'gyur; /phung po'i rang bzhin dben zhing stong pa nyid/ /byang
chub rang bzhin dben zhing stong pa nyid/ /gang spyod de yang
rang bzhin stong pa ste/ /ye shes ldan pas shes kyi byis pas
min/ /ye shes rang bzhin stong par rig gyur te/ /shes bya'i
rang bzhin stong par
rig gyur nas/ /shes pa po dang 'dra bar rtogs gyur na/ /byang
chub lam la de dag spyod ces bya/ /stong pa'i rang bzhin stong
par shes par bya/ /mtshan ma med pa'ang rang bzhin nyid kyis
stong/ /smon pa med pa'ang rang bzhin stong pa ste/ /de ltar
spyod na gzhan min
spyod pa yin/ /de thos lha dang bcas pa'i 'jig rten rnams/
/dga' zhing de dag stobs dang ldan par gyur/ /rang byung chos
la de dag yid ches te/ /zhi ba'i gnas shes byang chub yid ldan
gyur/ /gnod sbyin tshogs rnams deng mos yid gyur te/ /'di ltar
nga la mchod
pa rab byas pas/ /gnod sbyin rgyud nas shi 'phos blo chen
rnams/ /mtho ris dong zhing yun ring dga' bar 'gyur/ /de dag
ma 'ongs dus na rdzu 'phrul gyis/ /zhing du dong zhing skad
cig gcig la yang/ /blo chen de dag rgyal ba bye ba mchod/ /de
dag bzod mkhyen rgyal
ba gdams dag ston/ /de dag 'jig rten phyogs bcur rdzu 'phrul
gyis/ /mtshan ma med par spyod cing 'dod 'gyur te/ /'jig rten
'di dag sprul pa 'drar shes nas/ /'jig rten chags med mkhas pa
spyad pa spyod/ /de ltar brten pas rgyal ba rab mchod nas/
/byang chub bla med
@49a */ /de yang thob 'gyur te/ /de dag rnams kyi zhing ni
mtha' yas 'gyur/ /sems can mtha' yas pa dag rnam par 'grel/
/sangs rgyas mkhyen pa mtha' yas grags pa can/ /de dag ming ni
'jig rten mkhas shes bya/ /zhi ba'i blo ldan rgyal ba de dag
gi /tshe
tshad bskal pa stong ni tshang bar 'gyur/ /de dag nyan thos dge
'dun 'byung ba ni/ /rgyal sras mang po skar ma'i tshogs snyed
de/ /kun kyang bde bas bsam pa thob par 'gyur/ /'jig rten
mkhas pa rnams la sdug bsngal med/ /de skad thos nas lhar bcas
'jig rten
dag ; /rab tu dga' ba'i sems kyis byang chub tshol/ /ngoms par
gyur nas brtson 'grus brtan brtsams te/ /kun kyang brtson
'grus stobs kyis brtan par gyur/ /gnod sbyin lung bstan pa'i
le'u ste/ bcu gcig pa'o// //de nas mi 'am
ci'i rgyal po ljon pa la sogs pa mi 'am ci bye ba phrag brgyad
kyis lha ma yin gyi mchod pa de dag dang/ /gnod sbyin gyis
mchod pa'i bar dag kyang mthong/ lung bstan pa yang thos nas
shin tu ngo mtshar thob par gyur te/ khyod 'di ltar sems can
yang mi dmigs la srog dang/
skye ba po dang/ shed las skyes dang/ shed bu dang/ gang zag
dang/ bdag dang/ bdag gi yang gang yang med la phung po dang/
khams dang/ skye mched gang la sems can zhes gdags pa'i phung
po dang/ khams dang/ skye mched de dag kyang mi dmigs/ las
gang
yod pas rnam par smin pa gdags par bya ba'i las de yang mi
dmigs/ byang chub kyang mi dmigs/ byang chub sems dpa' yang mi
dmigs/ sangs rgyas kyang mi dmigs la/ 'on kyang bcom ldan 'das
kyis byang chub sems dpa' lung bstan pa mdzad pa 'di ni ngo
mtshar
rmad do/ /ci zhig las dgongs te/ bcom ldan 'das kyis byang
chub sems dpa' rnams sangs rgyas su 'gyur ro zhes lung bstan
pa mdzad/ ci zhig las dgongs te byang chub sems dpas yang dag
par bsgrub pa dang/ sangs rgyas kyi che ba nyid dang/ sems can
yongs su smin pa dang/
@49b zhing gi bkod pa dang/ der skye zhing yongs su dag pa
dang/ byang chub sems dpa' rnams zhing nas zhing du 'dong ba
dang/ de bzhin gshegs pa mchod pa dang/ mchod pa de'i mthu
dang/ sems can rnam par dgod pa dang/ bskal pa 'di snyed cig
gis sangs rgyas su 'gyur
ro zhes bya ba dang/ bskal pa 'di snyed cig tu sangs rgyas
bcom ldan 'das rnams bzhugs par 'gyur ro zhes bya ba dang/
sangs rgyas bcom ldan 'das de dag gi nyan thos 'dus pa ni 'di
snyed cig tu 'gyur ro zhes bya ba dang/ de dag yongs su mya
ngan las 'das nas dam pa'i chos
bskal pa 'di snyed cig tu gnas par 'gyur ro zhes de bzhin
gshegs pas lung bstan pa mdzad/ ci zhig las dgongs te sems can
rnams nye bar len pa med pas mya ngan las 'da' bar 'gyur ro
zhes bcom ldan 'das kyis dgongs pa mdzad snyam ste/ de nas mi
'am ci'i
rgyal po ljon pa de lta bu'i the tshom skyes nas bcom ldan 'das
ga la ba de logs su thal mo sbyar ba btud de/ bcom ldan 'das
la tshigs su bcad pa'i dbyangs kyis zhu bzhus pa/ rgyal ba'i
gsung ni thos gyur nas/ /shes rab che mnga' bdag dogs skyes/
/stong pa nyid dang lung
bstan pa/ /bde gshegs bdag gis de ma 'tshal/ /gsung ba'i zla ba
chos kyi dbyings/ /'gyur ma mchis la stong pa dang/ /rang
bzhin med gsung ji lta bu/ /mchod pa 'di ci gang zag mchog
/skye ba 'ang ma mchis byang chub tu/ /sems bskyed pa ni ji lta
bu/ /
skyes bu mchog gis bka' stsal pa'i/ /ldem po ngag de bdag ma
'tshal/ /mi dbang bdag po ji ltar na/ /'gag pa ma mchis 'chi
'pho gsung/ /de ni yang dag lung bstan pas/ /thub pa bdag gi
the tshom khum/ /sgyu ma 'dra la lhar skye zhes/ /gsungs pa de
ni ji
lta bu/ /ldem por gsungs pa 'di dag kyang/ /sh'akya seng ge
bdag ma 'tshal/ /gnas pa'ang mchis pa ma lags la/ /dge bshes
bsten gsung ji lta bu/ /ldem por gsungs pa 'di dag kyang/
/skyes bu khyu mchog bdag ma 'tshal/ /g.yo ba 'ang ma mchis
@50a */ /bgyi ba rnams/ /rkang gnyis mchog gsung ji lta bu/
/ldem por gsungs pa 'di dag kyang/ /dgra bsal bcom ldan bdag
ma 'tshal/ /rang bzhin stong ste stong pa yang/ /rtogs zhes
mgon gsung ji lta bu/ /the tshom rnam pa 'di 'dra skyes/ /
shes rab dpe med bdag ma 'tshal/ /zhi ba yod ces bka' stsal pa/
/chos kun zhi gsungs ji lta bu/ /mtshungs med 'di 'dra'i ldem
po dag /bdag la rnam par bstan du gsol/ /sku mdzes gyur kyang
chos kyi rnams/ /nam mkha' 'drar gsungs ji lta bu/ /chos
ni rab tu spang bgyis na/ /mi mkhas dmyal ltung ji lta bu/
/brtan pa mtho ris 'jig rten dang/ /'gro ba gzhan yang gsungs
pa dang/ /las de bgyid pa ma mchis la/ /rang las can gsungs ji
lta bu/ /bka' stsal tshul 'di rnam pa yang/ /zil gyis mi non
bdag ma 'tshal/ /mgon po de la bdag dogs na/ /bde gshegs bdag
gi the tshom sol/ /dge ba'i tshogs gyur ma mchis la/ /byang chub
yang dag bsgrub pa'ang gsungs/ /dge sbyong rgyal po'i gsung gi
tshul/ /de skad bka' stsal bdag ma 'tshal/ /chos rnams
zad pa med gsungs la/ /spong byed las ni zad bstan pa/ /tshad
med blo mnga' 'di la yang/ /bdag ni yid gnyis the tshom 'tshal/
/yang dag mtha' yang bka' stsal la/ /ma nor sbyin pa'ang bstan
mdzad pa/ /'di yang rab rib bral ba yi/ /spyan mnga' sdig
spangs bstan du gsol/ /thams cad gzigs pa ma gtogs par/ /gzhan
gyis bdag gi the tshom 'di/ /sel nus ma mchis de lta bas/
/bdag ni rgyal ba mchog la dad/ /de nas bcom ldan 'das kyis mi
'am ci'i rgyal po ljon pas the tshom dris pa 'di dag gsan
nas de la lan gdab pa'i phyir mi 'am ci'i rgyal po ljon pa la
tshigs su bcad de slar bka' stsal pa/ stong pa nyid dang lung
bstan pa/ /bdag gis ma 'tshal ces smras pa/ /gal te 'ga' zhig
mi stong na/ /rgyal bas de lung bstan mi gsung/ /ci phyir zhe
na 'di lta
@50b bur; /rang gi rang bzhin gnas gyur na/ /'gyur ba med cing
ther zug ste/ /de la 'phel med 'grib pa med/ /me long shin tu
yongs dag la/ /ji ltar rang bzhin med pa yi/ /gzugs brnyan
snang ba de bzhin du/ /ljon pa chos rnams shes par gyis/ /chos
kyi
dbyings ni 'gyur med na/ /mchod pa'i yan lag 'gyur gang zhes/
/yan lag rnams la brtag byos la/ /ljon pa mchod pa 'di la
dpyod/ /chos dbyings rnam pa thams cad du/ /'gyur med skye bo
mkhas pas rtogs/ /byis pa rnams ni 'di la 'khrul/ /blo sbyangs
pas ni med par shes/ /skye ba'ang ma mchis sems kyang bskyed/
/de ni ma 'tshal ces smras pa/ /stobs bcu mnga' ba'i ldem po
ngag /gzhan du ma sems mnyan par gyis/ /byis pa 'khor bar dga'
ba'i rnams/ /'khor bar mngon dga' sems zhen pa/ /
log pa'i sems dang 'du shes can/ /'khor ba'i sdug bsngal myong
bar gyur/ /de dag sngon cad ma thos pa'i/ /sems med chos ni
ngas bshad na/ /byis pa'i blo dang ldan pa rnams/ /'di la kun
tu rmongs par 'gyur/ /byang chub gzhol ba'i sems nyid dang/ /
byang chub phan yon thos gyur nas/ /zil gyis ma non rang byung
sems/ /rgya chen de ni thob par 'gyur/ /'gag pa ma mchis 'chi
'pho ba/ /de yang ma 'tshal ces smras pa/ /'chi 'pho yang dag
lung bstan gyis/ /gzhan du ma sems mnyan par gyis/ /gang dag
rtag 'dzin de dag la/ /'di la mi 'gyur ther zug med/ /dngos po
'di dag mi rtag ces/ /bde gshegs 'chi 'pho rnam par ston/
/sgyu ma 'dra la lhar skye ba/ /ji lta bu zhes dogs gyur pa/
/mthar phyin ma gyur slob pa dang/ /skye bo rnams la mtho ris
bshad//
gnas pa'ang yod pa ma yin la/ /dge bshes bsten ces gang smras
pa/ /gnas dang bral bar bya ba'i phyir/ /gnas pa med pa'i dge
bshes bsten/ /g.yo ba ma mchis bgyi ba rnams/ /bstan pa ma
'tshal zhes smras pa/ /shing rta'i yan lag 'dus
@51a */ /pa dang/ /shing rta'i bya ba gzhan du rtogs/ /mi gang
bdag yod khas len cing/ /bya ba'ang bdag gis byas zin pa/ /de
dag la ni bya ba dang/ /g.yo ba med par bde gshegs bshad/ /rang
bzhin stong ste stong pa yang/ /rtogs zhes nga yis gang
smras pa/ /byis pa log pa'i blo can rnams/ /rang bzhin stong par
mi shes pa/ /de dag rnams la bstan pa'i phyir/ /rang bzhin stong
zhes bde gshegs ston/ /kun tu rtog pa'i rtog pas bskyed/ /yang
dag ma yin rtog pas bcings/ /zhi ba yod cing chos kun
kyang; /zhi bar mthong zhes smras pa ni/ /mi shes rmongs par
gyur rnams kyis/ /kun tu rtog las sred pa skye/ /skom pas ji
ltar smig rgyu la/ /kun tu rtog pas skom pa skye/ /mi mkhas des
ni rtog pa'i rgyu/ /yod pa min la log par brtags/ /chu yin par
ni mthong gyur kyang/ /smig rgyu la ni chu med do/ /de bzhin
yongs su rtog pas dkrugs/ /sdug pa min la sdug par rtog /byis
pa 'dod chags ldan pa dag /sdug dang ldan pa rang bzhin gyis/
/sdug med smig rgyu chu bzhin te/ /smig rgyu la ni chu med do/
/de bzhin
gzugs la sdug pa med/ /gzugs de sdug pa ma yin na/ /byis pa log
pa'i 'du shes can/ /sdug par rtog pas bcings par gyur/ /chos
rnams nam mkha' 'dra ba dang/ /spong ba dmyal ltung zhes smras
pa/ /med pa mthong bar ma gyur pa/ /mi mkhas rnams
ni skrag par 'gyur/ /rang bzhin ngo bo nyid stong na/ /bdag zhen
dus ni mi shes pa/ /de dag stong zhes thos gyur na/ /bdag med
'gyur zhes skrag pa skye/ /de dag bdag tu mngon zhen te/ /nam
mkha' la ni mdud bor nas/ /stong pa gya nom spong byed de/ /mi
mkhas
sems dmyal chen por ltung/ /mtho ris 'jig rten ngas bstan dang/
/skye bo'i 'gro rgyud gzhan dag dang/ /las kyang ngas ni bstan
byas te/ /byed pa po ni rab tu bkag /yang dag tu ni 'gro ba dag
/rmi 'drar bshad par shes par gyis/ /rmi lam gang la'ang dngos
@51b po med/ /log pa'i blo ldan mngon par zhen/ /ngas ni las kyi
rnam pa bstan/ /byed po phyogs bcu rnams na med/ /shing rnams
rlung gis bsgul ba las/ /me 'byung 'gyur ba ji bzhin no/ /bdag
cag me 'di bskyed bya zhes/ /rlung dang shing la sems pa med/ /
'on kyang me ni 'byung ba ltar/ /las kyi byed po de bzhin no/
/bsod nams tshogs ni yod min la/ /byang chub yang dag bsgrub pa
dang/ /legs spyad yod ces zer ba ni/ /de tshul yang dag mnyan par
byos/ /mi yi tshe tshad lo brgya ste/ /de srid 'tsho zhes
brjod mod kyi/ /lo la phung por spungs pa med/ /sgrub pa de yang
de dang mtshungs/ /zad pa med ces gang smras dang/ /las zad ces
ni ngas smras pa/ /stong pa'i tshul du zad pa med/ /tha snyad
tshul du zad par bstan/ /yang dag mtha' ni ngas bshad pa/ /
phyin ci log de'ang yang dag mtha'/ /log pa'i blo can byis pa
rnams/ /yang dag mtha' ni mi shes so/ /mtshan nyid thams cad gcig
nyid de/ /mtshan nyid med par shes pa yi/ /ye shes lam du zhugs
rnams kyi/ /nges pa ljon pa khyod nyon cig /yi ge
gcig gis 'jug pa yi/ /byang chub blo ldan rnams la bstan/ /chos
rnams thams cad ma byas pa/ /A yi sgo yi gzungs su bstan/ /de
ltar spyod pa byed rnams la/ /mtshan nyid mtha' yas ngas bstan
te/ /'di 'dra'i tshul la 'jug pa ni/ /A yi sgo yi gzungs
su bstan/ /chos rnams thams cad 'gag med pa/ /A yis chos la
'jug par bstan/ /A yi sgo yi gzungs bstan pa/ /de yang ljon pas
shes par gyis/ /chos rnams rnam par rtog med pa/ /de yang chos
la 'jug par gsungs/ /chos kun 'gyur ba med
pa yang/ /A ni chos kun sgo mor bstan/ /A yi sgo yi gzungs 'di
dag /ljon pa 'di ltar shes par gyis/ /mi zad pa dang zad smras
pa/ /chos kun mi zad brjod bya ste/ /stobs bcu mnga' ba thams
cad kyis/ /mi zad sgo yi gzungs su bstan/ /
@52a */ /chos rnams kun la sgo med de/ /de dag med pas sgo mi
'byung/ /'di yang gzungs kyi sgo yin te/ /A la brten nas 'jug
par bya/ /chos kun bsam gyis mi khyab ces/ /yang dag ji bzhin
bde gshegs bstan/ /A yi sgo yi gzungs
bstan pa/ /'di yang ljon pas shes par gyis/ /chos kun lus med
byang chub ces/ /blo ldan rnams la ngas bstan pa/ /'di yang
gzungs kyi sgo yin te/ /A la brten nas 'jug par bya/ /chos
rnams 'ong ba med pa ste/ /med pas de dag 'ong ba'ang
med; /'di yang gzungs kyi sgo yin te/ /A la brten nas 'jug par
bya/ /chos rnams gdags pa med pa ste/ /med pas de dag gdags pa
med/ /'di yang gzungs kyi sgo yin te/ /A la brten nas 'jug par
bya/ /chos rnams rang bzhin med pa ste/ /
med pas de dag rang bzhin med/ /'di yang gzungs kyi sgo yin te/
/bde bar gshegs pas gzungs su bstan/ /gzungs kyi sgo mo nga las
nyon/ /chos kun yid la bya ba med/ /'di yang gzungs kyi sgo yin
ste/ /bde bar gshegs pas gzungs su
bstan; /med phyir chos kun sgrib med ces/ /de bzhin gshegs pas
bstan mdzad pa/ /'di yang gzungs kyi sgo yin te/ /A la brten
nas shes par bya/ /chos kun thogs pa med pa ste/ /thogs par bya
ba de mi dmigs/ /'di yang gzungs kyi
sgo yin te/ /A la brten nas 'jug par bya/ /chos rnams thams cad
ma skyes par/ /mkhas pas mtshan nyid gcig shes bya/ /chos rnams
gang dag ma skyes pa/ /de dag ming med shes par bya/ /chos rnams
yang dag ma yin te/ /de dag ma lus rang
bzhin med/ /'di yang gzungs kyi sgo yin te/ /A la brten nas
shes par bya/ /gang dag ma skyes ma byung ba/ /de dag mthong med
bstan par bya/ /lta ba po ni med pa dang/ /de dag rnams kyang
med phyir ro/ /chos kun mnyam med de bas na/ /mtshan nyid gcig
cing
@52b mtshan gzhi med/ /nam mkha' dang ni 'dra ba ste/ /chos kun
yod pa ma yin no/ /de ltar lhag med chad pa med/ /mnyam gzhag
med cing gnyis su med/ /gdung med bsil med tsha ba'ang med/ /blta
ba'i lam min med phyir ro/ /drang po ma yin yon po min/ /mun pa
ma yin snang ba min/ /
mthong ba med cing thos med de/ /med pas gzungs su shes par
gyis/ /g.yo med drang po 'ang med pa ste/ /chos rnams gsal med
g.yo ba 'ang med/ /'khrug pa med cing khro ba med/ /ci yang mi
byed nyer zhi med/ /sgyel ba med cing gnas kyang med/ /'gro med
ldog
med 'gro sems med/ /nyal ba med cing mi nyal med/ /sad pa med
par shes par gyis/ /mig can ma yin long ba min/ /lta ba ma yin
mun bsgribs min/ /sbas pa ma yin bzhag pa min/ /dul ba ma yin ma
dul min/ /rgod pa ma yin zhi ba min/ /
'khor min mya ngan 'das pa min/ /bden min brdzun min de lta bur/
/rgyal ba'i spyod yul shes par gyis/ /'jig rten gdul ba'i don
phyir gyi/ /'di la the tshom gang yang med/ /gang gcad bya ba'i
the tshom de/ /dam pa'i don du byung ba med/ /de nas mi 'am ci'i
rgyal
po ljon pas bcom ldan 'das la zhus pa lung bstan pa dang/ gzungs
des par bstan pas yongs su tshim par gyur nas/ /bcom ldan 'das la
mchod pa'i phyir brtson par gyur te/ /khang pa brtsegs pa shing
la rten pa dang/ pad ma la rten pa dang/ ri la rten pa rin
po che sna bdun gyi rang bzhin can/ rin po che'i gdugs kyis
mdzes par byas pa/ gdugs kyi lnga ldis mdzes par byas pa/ rgyal
mtshan dang ba dan gyis brgyan pa/ bla re dang lnga ldis brgyan
pa bye ba phrag brgyad mngon par sprul te/ mi 'am ci'i rol mo
sil snyan bye ba
phrag brgyad kyang mngon par sprul nas ri spos kyi ngang ldang
las skyes pa dang/ thang las skyes pa dang/ chu las skyes pa'i
me tog thams cad kyis kyang bcom ldan 'das la mchod pa byas nas/
de mi 'am ci'i tshogs dang lhan cig tu khang pa brtsegs pa bye ba
phrag brgyad po de dag tu 'khod
@53a */ /nas bcom ldan 'das la lan gsum bskor ba byas te/ thad
las skyes pa dang/ chu las skyes pa'i me tog de dag gis bcom
ldan 'das la gtor/ mngon par gtor/ mngon par rab tu gtor to/ /de
nas khang pa brtsegs pa de dag las babs te rkang pas dod nas
bcom ldan 'das la lan gsum bskor ba byas te/ bcom ldan 'das kyi
zhabs la mgo bos phyag 'tshal nas thal mo sbyar te/ bcom ldan
'das la mig mi 'dzum par lta zhing rnam pas sangs rgyas kyi yon
tan rjes su dran par byed cing phyogs gcig tu 'khod par gyur to/
/de nas bcom
ldan 'das kyis mi 'am ci'i rgyal po ljon pa 'khor dang bcas pa'i
lhag pa'i bsam pa thugs su chud nas 'dzum pa mdzad do/ /de nas
tshe dang ldan pa rta thul gyis/ bcom ldan 'das la tshigs su bcad
de gsol pa/ bde gshegs dri bral spyan mnga' ba/ /rgyu ma mchis
par
'dzum mi mdzad/ /lha mis mchod pa yang dag tu/ /'dzum mdzad rgyu
de bka' stsal gsol/ /thams cad mkhyen pa 'dzum mdzad pa/ /'khor
gyis mthong nas the tshom 'tshal/ /zla ba tshes la mi bzhin du/
/smra ba'i zla ba'i zhal du lta/ /bde gshegs mdzes pa deng su
zhig /
gnyis med chos la shes mchog skyes/ /bdag ni the tshom 'tshal bar
gyur/ /mi mchog dam pa the tshom sol/ /bde gshegs gang gis chos
nyid la/ /dad pa thob nas bcom ldan 'das/ /ji ltar 'dzum pa
mdzad par gyur/ /smra mchog bdag gi the tshom khum/ /
thams cad ldan pa'i 'khor 'di yis/ /bcom ldan bstan thos yid
dga' zhing/ /the tshom ma mchis som nyi chad/ /ji ltar bstan
bzhin gnas par 'gyur/ /de ltar rkang gnyis rnams kyi mchog
/'gro la thugs brtse mdzad pa dang/ /the tshom bcad slad ljon pa
dang/ /
mi ci rnams kyi lung bstan gsungs/ /de nas bcom ldan 'das kyis
tshe dang ldan pa rta thul la tshigs su bcad de slar bka' stsal
pa/ skye bo tshogs chen rnams nang du/ /sangs rgyas yon tan sten
'gyur ba/ /ljon pa'i lung bstan gang dris pa/ /rta thul khyod
kyis legs par dris/ /
@53b ye shes mthong ba sgrib med pa/ /bde gshegs ye shes ngo
mtshar can/ /de khyod dang ba'i yid byos la/ /skyo med yid kyis
nga la nyon/ /'jig rten phan dang bde ba'i phyir/ /ljon pas the
tshom gang dris pa/ /de yi 'bras bu brjod par byas/ /the tshom
bcad pa nga las
nyon; /ljon pa la sogs mi 'am ci/ /bye ba phrag brgyad 'dir
lhags pa/ /de dag nga la mchod byas nas/ /'di nas shi 'phos mtho
ris 'dong/ /bskal pa bye ba dgu bcu der/ /lha mi'i nang du 'khor
bar 'gyur/ /mngon par shes pa lnga bsgoms nas/ /sems
la dbang sgyur dbang ldan 'gyur/ /mi yi seng ge de dag gis/
/sangs rgyas zhing phrag khrag khrig tu/ /sprul bkye rang ni lha
gnas na/ /bsam gtan dga' ba'i bde ba myong/ /bskal pa bye ba dgu
bcur yang/ /de dag lha mir 'khor 'khor nas/ /rang rang zhing
rnams
sna tshogs su/ /byang chub rnam par 'tshang rgyar 'gyur/ /rtag tu
snang ba'i bskal pa la/ /mi yi seng ge 'jig rten mgon/ /chags
med ye shes mthong dpag yas/ /stobs bcu gzi brjid mtha' yas
'gyur/ /de dag zhing du sems can gang/ /yongs su ma smin 'ga'
mi skye/ /nyan thos theg pas gang byung ba/ /kun kyang srid pa
tha ma pa/ /mi yi seng ge'i zhing der ni/ /byang chub sems dpa'
gang skye ba/ /de dag tshe gcig thogs pa ste/ /mi mchog byang
chub thob par 'gyur/ /gang dag gtso bor gyur pa rnams/ /bdag cag
dpag
med sangs rgyas zhing/ /yongs su sbyang bar bya'o zhes/ /de
'dra'i bsam pas rab tu zhugs/ /sems can rlabs chen de dag ni/
/smon lam rgya chen yun ring btab/ /de dag 'di nas shi 'phos
nas/ /bsam pas rang zhing rnam par sbyong/ /nyon mongs 'joms pa
de
dag gi /zhing gi bkod par 'gyur ba ni/ /dga' ldan gnas kyi
longs spyod rnams/ /ngan song kun kyang yongs su dag /de dag
zhing du rnam kun tu/ /mi khom gang yang 'byung mi 'gyur/ /zhing
rnams yongs sbyangs de dag ni/ /sems can rnams kyang bde bar
'dren/ /
@54a */ /de ltar 'jig rten mgon po yis/ /mi ci rnams kyi lung
bstan bshad/ /lung bstan de thos 'khor gyi rnams/ /kun kyang yi
ni rangs par gyur/ /mi 'am ci lung bstan pa'i le'u ste bcu gnyis
pa'o// //de nas lha phreng ldan
glang po can brgyad khris lha ma yin rnams nas mi 'am ci'i bar
dag gis mchod pa yang mthong/ /lung bstan pa yang thos nas tshim
zhing mgu la yi rangs te/ rab tu dga' zhing dga' ba dang/ yid
bde ba skyes nas sangs rgyas kyi chos rnams la mos shing bcom
ldan 'das
la mchod pa'i phyir brtson par gyur te/ de dag gis ser skya'i
gnas kyi grong khyer chen po thams cad kyi khor yug tu dpag tshad
drug cu tshun chad me tog man d'a ra bas pus nub tsam du gang bar
byas so/ /de nas de dag gis bcom ldan 'das la lan gsum bskor ba
byas nas tshigs
su bcad pa dag gis mngon par bstod pa/ zhi ba'i dbang po 'dzum
pa'i zhal/ /srog chags kun la thugs brtse ba/ /bde bar gshegs pa
thugs rje can/ /'jig rten bdag po mi yi stag /sangs rgyas chos
la mos pa yi/ /'khor 'di ji srid 'dir gnas par/ /
zhabs mchog mdzes shing dga' ldan pa/ /thugs rje can la mgos
phyag 'tshal/ /ji ltar dgung zla nya ba'i tshe/ /mi rnams zla ba
phyag 'tshal ba/ /de bzhin lha tshogs 'di rnams kyang/ /bcom ldan
'das kyi zhal du lta/ /dpag tu med pa'i dge spyad pa/ /dpag
yas ye shes phung po ldan/ /gzi brjid dpag yas phung po can/
/blo mchog khyod la mgos phyag 'tshal/ /stobs bcu mnga' zhing
dpal stug pa/ /bden bzhi mi bsnyengs dri gsum sel/ /rgyal ba'i
bcva brgyad chos dang ldan/ /the tshom mi mda' smra ba'i mchog
/sum
cu rtsa gnyis mtshan mnga' zhing/ /dpe byad bzang po brgyad cu
ldan/ /dbang po'i rgyal mtshan mtshungs med thugs/ /bde gshegs
khyod la phyag 'tshal lo/ /tshul khrims stobs kyi mthar phyin pa/
/ting 'dzin stobs gnas mi bskyod pa/ /ye shes stobs kyi mtshon
cha
@54b can; /bdud stobs bcom thub rgyal ba lags/ /ye shes stobs
mchog rgyas gyur pa/ /ser sna mi mnga' nyan thos btul/ /zhi ba'i
thugs kyis spyod mdzad cing/ /lha dang bcas pa'i 'jig rten 'dul/
/skyes bu seng ge bde gshegs khyod/ /gti mug zhi
bgyid chos brnyes pa/ /bdag cag rnams kyang stobs bcu yi/ /chos
rnams 'dir ni thob par shog /ji ltar thub khyod sems can gyi/
/bsam mkhyen dang mdzad de bzhin du/ /'jig rten snang mdzad bdag
cag kyang/ /lha mir bcas pa'i 'gro dang bgyi/ /de
ltar 'gro ba'i don slad du/ /snying brtser nye bar bzung nas ni/
/'gro ba 'khor ba'i mtshor bying ba/ /srid pa'i rgyud las bsgral
bar bgyi/ /bdag cag lhar bcas 'jig rten gyi/ /'dren dang rab tu
'dren gyur cig /'gro ba sdug bsngal brgyas nyen pa/ /srid pa'i
rgyud las dgrol bar bgyi/ /de nas bcom ldan 'das kyis lha phreng
ldan glang po can rnams kyi bsam pa thugs su chud nas de'i tshe
'dzum pa mdzad do/ /de nas tshe dang ldan pa rta thul gyis bcom
ldan 'das la tshigs su bcad de gsol pa/ bde gshegs rnam par 'dren
pa po/ /rgyu ma mchis par 'dzum mi mdzad/ /stobs bcu khyod ni
'dzum mdzad pa'i/ /rgyu gang lags pa bka' stsal gsol/ /rgyal
ba'i zhal nas 'dzum mdzad pa/ /'gro ba dang bgyis byung mthong
nas/ /'khor kun the tshom 'tshal gyur te/ /'dzum pa'i don ni
nyan par 'tshal/ /don chen 'dzum pa mdzad pa'i don/ /bka' stsol
bka' stsol 'dren pa'i mchog /dge sbyong rnams kyi rgyal po
khyod/ /the tshom chad 'gyur bka' stsal gsol/ /gang gis rgyal ba
mnyes par bgyis/ /gang gis deng mchog bla med bgyis/ /su
zhig de ring gting thob gyur/ /bde gshegs bdag gi the tshom khum/
/de ring gang gis bdud kyi gnas/ /dkrugs g.yengs kun tu 'khrugs
par bgyis/ /deng sus lha gnas thams cad kyang/ /rab tu dga' yid
ldan par bgyis/ /rgyal ba thub pa de lung ston/ /'gro ba'i the
@55a */ /tshom myur du khum/ /de thos bde gshegs 'khor gyi rnams/
/kun kyang rab tu yid dga' 'gyur/ /de nas bcom ldan 'das kyis
tshigs su bcad de tshe dang ldan pa rta thul la slar bka' stsal
pa/ phreng ldan glang po can lha yi/ /lung bstan rta thul khyod
dris pas/ /des na 'gro ba mang po yi/ /don chen shin tu deng
byas 'gyur/ /stobs bcu rgyal ba ma dris par/ /sras mchog byang
chub lung mi ston/ /de ni 'gro ba mang don du/ /de ring khyod
kyis rgyal la zhus/ /phreng ldan glang po lha tshogs kyis/ /nga
la sems
dang nga mchod pas/ /bskal pa grangs med 'das 'og tu/ /nyon
mongs pham byas rgyal bar 'gyur/ /de dag 'di nas shi 'phos nas/
/'thun par mi yi nang skyes te/ /rgyal ba bye ba dpag med la/
/me tog mchog gis mchod par 'gyur/ /kun tu bde bar gshegs
kyi sems/ /skyed par 'gyur zhing 'phel byed 'gyur/ /rang byung
mi yi seng ge la/ /tshigs su bcad pas bstod par 'gyur/ /ma 'ongs
dus na 'di kun gyis/ /rgyal ba khrag khrig dpag yas mang/ /me
tog gis mchod tshigs bcad kyis/ /mi mchog rnams la
bstod byas te/ /de dag bde gshegs rnams mchod cing/ /mthu bo che
yi sku bstod nas/ /rab tu dga' ba'i bskal pa la/ /rnam par 'dren
par 'jig rten 'byung/ /grags pa ma smad nags rgyu ba/ /brgyad
khri po rnams de dag kun/ /bskal pa gcig la bde
gshegs 'gyur/ /me tog rgyal mtshan ldan zhes bya/ /de na dmyal
dang dud 'gro dang/ /ngan sod gshin rje'i 'jig rten med/ /zhing
de na ni lha min med/ /mi khom thams cad rab tu bcom/ /phreng
ldan glang po can lha yi/ /longs spyod sum cu rtsa gsum gyi/ /
ci 'dra ba ni de 'drar 'gyur/ /'gro ba'i tshe tshad dpag tu med/
/de tshe mi dge sgra mi grag /mi dge byed pa smos ci dgos/ /de
na rnam 'dren mchog rnams kyi/ /skye po rnams kyang chos can
'gyur/ /srog chags bye ba khrag khrig phrag /gang g'a'i bye ma
rab
@55b mang snyed/ /grol bar byed 'gyur stobs bcu rnams/ /gnas pa
med pa'i chos kyang ston/ /grags pa ma smad de dag gi /ring
bsrel dag kyang rgyas par 'gyur/ /de dag rnams kyi ring bsrel
la'ang/ /rgyal ba'i sku mang 'byung bar 'gyur/ /grags pa mtha'
yas ldan rnams kyi/ /ring bsrel cho 'phrul sku mthong nas/ /srog
chags bye ba khrag khrig mang/ /byang chub tu ni sems bskyed
'gyur/ /phreng ldan glang po can rnams kyi/ /lung bstan 'dren
pas bka' stsal pa/ /thos shing shes nas 'khor kun kyang/ /de tshe
sems ni rab tu dga'/ /phreng ldan glang po can lung bstan pa'i
le'u ste bcu gsum pa'o// //de nas rgyal chen bzhi'i ris kyi lha
dgu khris lha ma yin rnams nas phreng ldan glang po can gyi
lha'i bar de dag gi mchod pa yang mthong/ lung bstan pa
yang thos nas tshim zhing mgu la yi rangs te/ rab tu dga' zhing
dga' ba dang/ yid bde ba skyes nas sangs rgyas kyi chos rnams
thob par bya ba'i phyir mos pa drag po bskyed de 'di lta ste/
dper na kham pa'i gru la zhon pa'i mi zhig chu'i dbus su phyin
na gru chag tu 'ong zhes tshu rol
nas pha rol du 'gro bar bya ba'i phyir mos pa drag po skyes pa
de bzhin du rgyal chen bzhi'i ris kyi lha dgu khri po de dag
kyang sangs rgyas kyi chos kyi che ba nyid la dad pa skyes nas
sangs rgyas kyi chos rnams thob par bya ba'i phyir mos pa drag
po skyes par gyur nas de dag sangs rgyas kyi chos tshol
zhing bcom ldan 'das la mchod pa'i phyir brtson par gyur te/ de
dag rgyal po chen po bzhi dang lhan cig tu rin po che'i bla re
bkra ba blta na sdug pa dgu khri mngon par sprul to/ /de dag
kyang phal cher mu tig dmar po dang/ skar mdog dang/ bEd'urya
dang/ gser dang/
rdo rje'i rang bzhin can sha stag go /lha'i rol mo sil snyan dgu
khri yang mngon par sprul te/ /de dag nor bu rin po che sna
tshogs kyi bla re dgu khri po de dag thogs nas rol mo sil snyan
dgu khri po de dag byed cing steng gi bar snang las dong ste/
bcom ldan 'das la lan gsum
@56a */ /skor ba byed cing me tog man d'a ra ba dang/ man d'a ra
ba chen po dang/ man dzu SHa ka dang/ man dzu SHa ka chen po
dang/ pa ru SHa ka dang/ pa ru SHa ka chen po dang/ sprul pa'i
me tog rnams kyis bcom ldan 'das la gtor/ mngon par gtor/ mngon
par rab
tu gtor te/ de dag gis mchod pa byas nas yang bcom ldan 'das la
lan gsum bskor ba byas te/ tshigs su bcad pa dag gis mngon par
bstod pa/ rgyal ba'i yon tan mthong ba yi/ /lha ni dgu khri tham
pa dag /'dren pa khyod kyi spyan snga na/ /thal mo rab tu sbyar
nas mchis/ /rgod pa ma mchis zhum ma mchis/ /'dod pa ma mchis
'gyod ma mchis/ /mi blun ngo mtshar ma mchis pa/ /rkang gnyis
mchog la phyag kyang 'tshal/ /khyod ni srid pa'i rgyud rnams
bkum/ /mi shes pa ni rnam par sbyangs/ /sred pa'i phur pa rab tu
phyung; /nga rgyal rgyal mtshan khyod kyis bsnyal/ /khyod ni zug
rngu phyung ba ste/ /rma la gdug pa khyod kyis spangs/ /khyod ni
mkhyen bzhin spyod pa ste/ /'dren pa khyod kyis rma rnams sos/
/khyod kyis nyon mongs thams cad spangs/ /'ching ba dag ni thams
cad bcad/ /sbyor
ba kun dang bral ba ste/ /thub pa chags pa kun las 'das/ /rgyal
ba khyod kyi spyod yul ni/ /stong pa nyid dang mtshan ma med/
/bcom ldan khyod la smon pa yang/ /rnam pa kun tu mi mnga'o/
/khyod kyis sred pa drungs nas phyung/ /ma rig pas ni thugs
kyang phyung/ /rnam pa
bzhi po'i phyin ci log /rnam pa kun tu yongs su spangs/ /gang du
'jig rten mi chud de/ /ri dags rngon pas ji bzhin du/ /'jigs
shing skrag par 'gyur ba yi/ /yang dag mtha' ni khyod kyis
gzigs/ /sems can 'jig tshogs ltar lhung ste/ /stong pa nyid ni ma
'tshal bas/ /ma rig pa yi mun pas gtibs/ /'khor ba'i btson rar
dga' bar bgyid/ /khyod kyis yang dag ji bzhin du/ /'gro de chang
ba stod 'drar gzigs/ /gang gis rnam dag mig 'gyur ba'i/ /ye shes
snang ba rab tu bstan/ /phung po stong par rnam par
@56b bshig /ming dang gzugs kyang gsog 'dra zhing/ /khams rnams
dang ni skye mched dag /bdag med stong par rnam par bshig /chos
gang dang ni ming gang gis/ /chos gang mngon par brjod bgyi ba/
/chos de chos nges stong pa ste/ /thub pa khyod kyis stong par
bstan; /sgyu ma'i mkhan pos med pa la/ /skye bo'i tshogs chen
mngon sprul na/ /de la sems can gdags ma mchis/ /srog dang gang
zag ma mchis ltar/ /de bzhin phung po khams rnams dang/ /dbang
po dag dang skye mched kyang/ /yang dag ma yin sgyu ma zhes//
skyes bu dam pas bstan pa mdzad/ /ji ltar ri mo mkhan zhig gis/
/bud med gzugs ni rnam bris shing/ /mnyam pa dang ni mi mnyam
dang/ /lci dang yang ba bstan bgyis kyang/ /byis pa'i mig ni
bslus pa ste/ /de la mi mnyam ci ma mchis/ /de bzhin chos
dbyings
mnyam lags na/ /byis pa rnams ni de la rmongs/ /gang shes khyod
kyi bslab pa la/ /legs bslabs rmongs par mi 'gyur ba/ /lag mthil
skyu ru ra bzhin du/ /de ni kun mkhyen khyod kyis bstan/ /shes
rab chen po khyod kyis ni/ /ye shes sgron ma rab bus te/ /chos
kyi
'khor lo rab bskor nas/ /sems can rnams la chos bstan pa/ /de
ltar bdag cag myur du ni/ /bla med byang chub zhi thob ste/ /ji
ltar 'dren pa khyod bzhin du/ /chos kyi 'khor lo bskor bar bgyi/
/'khor ba'i lam log 'di dag tu/ /'khyams par gyur pa'i
sems can la/ /ji ltar 'dren pas bstan pa bzhin/ /bdag cag gis
kyang chos myur bstan/ /de nas bcom ldan 'das kyis rgyal chen
bzhi'i ris kyi lha rnams kyi lhag pa'i bsam pa thugs su chud nas
'dzum pa mdzad do/ /de nas tshe dang ldan pa rta thul gyis/ bcom
ldan 'das la tshigs su bcad de gsol pa/ rgyu ma mchis par rdzogs
sangs rgyas/ /'dren pa 'dzum pa mi mdzad na/ /'dzum pa mdzad
pa'i 'dzum gyi rgyu/ /dpa' bo chen pos lung bstan gsol/ /skyes
bu dam pa 'khor 'di dag /bde gshegs deng bzhad mthong nas
@57a */ /ni; /yid gnyis chen po 'tshal gyur te/ /kun kyang the
tshom 'tshal bar gyur/ /de ring su yis bdung pham bgyis/ /nem nur
gang gis bcad par gyur/ /su zhig de ring chos rtogs gyur/ /skyes
bu mchog gis lung bstan gsol/ /de ring khyod la su
yis mchod/ /ston pha gang gis bsnyen bkur bgyis/ /'gro kun nem
nur 'tshal gyur na/ /rnam par 'dren pas lung bstan gsol/ /ji ltar
rkang gnyis mchog khyod kyis/ /lung bstan 'di dag thos gyur na/
/'gro ba the tshom 'chad 'gyur ba/ /'dren pas de
ltar lung bstan gsol/ /ci nas rnam pa thams cad du/ /kun mkhyen
lam la gnas pa rnams/ /myur du byang chub thob 'gyur ba/ /de
ltar 'dren pas bstan du gsol/ /de nas bcom ldan 'das kyis tshe
dang ldan pa rta thul la tshigs su bcad de slar bka' stsal
pa; 'gro ba rnams la phan pa'i phyir/ /rdzogs pa'i sangs rgyas
mgon po la/ /'dzum pa'i rgyu rnams dri bya zhes/ /rta thul khyod
kyis dris pa legs/ /'jig rten kun la phan pa'i phyir/ /bstan pa
yid du 'ong 'gyur zhing/ /nyams dga' byed pa de bshad kyis/ /
dran pa mngon byos mnyan par gyis/ /dgu khri tham pa'i lha rnams
kyis/ /mchod pa'i rnam pa 'di lta bu/ /de ring de bzhin gshegs
pa la/ /shin tu dang ba'i yid kyis byas/ /sangs rgyas mngon par
bstod pa byas/ /stong pa nyid kyang shes par gyur/ /chos rnams
la ni nges pa rnyed/ /nga yi bstan la rab tu gnas/ /sngon yang
sangs rgyas bye ba phrag /brgyad cu dag la 'di dag mchod/ /ma
'ongs dus na'ang sangs rgyas ni/ /bye ba mtha' yas mchod par
'gyur/ /'dren pa de dag ji srid du/ /sangs rgyas bye ba ma mchod
cing/ /bsnyen
bkur byas par ma gyur pa/ /de srid byang chub 'tshang mi rgya/
/de bas shin tu 'phyi ba na/ /kun kyang gang zag mchog tu 'gyur/
/mtshan ni 'od zer 'chang ba ste/ /'jig rten kun mkhyen thub par
'gyur/ /'jig rten sgron ma de dag gi /nyan thos 'dus par 'gyur
ba ni/ /blo
@57b yi mchog dang ldan pa dag /'dus pa brgyad cu 'byung bar
'gyur/ /sgrib med gzigs pa de dag gi /mi rnams de yi dus kyi
tshe/ /lo grangs bye ba brgyad cu tham/ /srog gi dbang po gnas
bar 'gyur/ /shes rab mtha' yas de dag gi /nyan thos 'dod chags
bral ba
rnams; /lus kyi tha ma 'dzin pa dag /bye ba tshad med 'byung bar
'gyur/ /sems can rnams la thugs brtse ba'i/ /'jig rten mgon po
dpal ldan rnams/ /mya ngan 'das pa'i ring bsrel yang/ /shin tu
rgya cher 'byung bar 'gyur/ /mi dbang mya ngan 'das gyur
nas; /rnam par 'dren pa dpal ldan pa/ /rgyal ba'i mchod rten
rnams kyis ni/ /sangs rgyas zhing rnams legs brgyan 'gyur/ /'jig
rten mgon po skyob rnams kyi/ /mchod rten de dag thams cad la/
/srog chags brgya dang stong rnams dang/ /khrag khrig
rnams kyis mchod byas nas/ /byang chub mchog tu sems bskyed de/
/mya ngan 'das pa thob par 'gyur/ /rang byung mya ngan 'das nas
kyang/ /de dag dam chos gnas 'gyur ba/ /lo grangs bye ba khrag
khrig phrag /brgyad cu tshang bar gnas par 'gyur/ /chos kyi
rgyal po'i sras rnams kyis/ /bzung zhing yongs su bsrungs bar
gnas/ /'jig rten thugs brtse mdzad pa dang/ /sh'akya yongs su
smin mdzad phyir/ /rgyal chen bzhi yi ris rnams la/ /'jig rten
sgron mas lung bstan mdzad/ /de thos nas ni skye bo kun/ /kun tu
dga'
zhing rab dga' ste/ /sems mgu yid kyang rangs gyur nas/ /ston pa
la ni mngon par bstod/ /rgyal chen bzhi'i ris lung bstan pa'i
le'u ste bcu bzhi pa'o// //bam po drug pa/ de nas lha'i dbang po
brgya byin la sogs pa sum cu rtsa gsum ris kyi
lha bye ba phrag brgyad cus lha ma yin dag dang/ nam mkha' lding
dag dang/ klu'i bu mo dag dang/ klu dag dang/ grul bum dag dang/
dri za dag dang/ gnod sbyin dag dang/ mi 'am ci dag dang/ phreng
ldan glang po can dag dang/ rgyal chen bzhi'i ris kyi lha dag gi
mchod pa yang mthong/
@58a */ /lung bstan pa yang thos nas sangs rgyas kyi chos rnams
la tshim zhing mgu la yi rangs te/ rab tu dga' zhing dga' ba dang
yid bde ba skyes nas yid byung ba chen po skyes te/ 'dod pa'i
tshul gyis lha'i dbang po brgya byin la sogs pa bcom ldan 'das la
mchod pa'i
phyir brtson par gyur te/ de dag gis rin po che'i khang pa bkra
ba/ blta na sdug pa/ rin po che sna bdun gyi rang bzhin can/ mu
tig dmar po'i phreng ba dang/ bE d'urya'i phreng bas brgyan pa/
gser gyi phreng ba sna tshogs dang/ nor bu rin po che skar mdog
gi phreng bas brgyan pa/
sa gnas rim pa brgyad dang/ ba gam dang/ khang pa brtsegs pa
dang/ skar khung gis brgyan pa/ gdugs dang/ rgyal mtshan dang/ ba
dan dag gis brgyan pa/ lha rdzas kyi seng ge'i khris brgyan pa/
bla re chen po dang/ dril bu g.yer ka'i dra bas brgyan pa/
lha'i bu mo'i
tshogs kyis mdzes par byas pa/ lha'i rol mo sil snyan sgra rab tu
'byung ba bye ba phrag brgyad cu mngon par sprul to/ /rta cang
shes kyis drangs pa'i shing rta lha rdzas kyi rnam pas legs par
brgyan pa/ gdugs dang/ rgyal mtshan dang/ ba dan dag gis mdzes
par byas pa bye ba
phrag brgyad cu yang mngon par sprul to/ /ser skya'i gnas kyi
grong khyer chen po thams cad dang ldan pa'i kho ra khor yug tu
dpag tshad drug cu tshun chad me tog man d'a ra ba dang/ lha'i
mchod pa de dag gis rgyas par gang bar byas so/ /glang po che sa
srung gi bu bye ba phrag brgyad cu yang
mngon par sprul te/ glang po che sa srung gi bu de dag re re
zhing yang mgo bye ba phrag brgyad cu brgyad cu/ glang po che sa
srung gi bu'i mgo de dag re re zhing yang so drug drug/ so de
dag re re zhing yang rdzing bu bdun bdun/ rdzing bu de dag re re
zhing yang pad ma stong phrag bdun bdun/ pad ma
de dag re re zhing yang 'dab ma brgyad khri brgyad khri/ 'dab ma
re re zhing yang lha'i bu mo bdun bdun/ lha'i bu mo de dag re re
zhing yang 'khor bdun bdun yod pa/ rgyan thams cad kyis brgyan
pa sha stag mngon par sprul nas rin po che'i khang pa de dag
mdun du byas te/ dbus su glang po
@58b che sa srung gi bu dag btsud nas phyi bzhin shing rta de
ltar bshams pa de dag bkye nas bcom ldan 'das la mchod pa byas
so/ /rin po che'i khang pa de dag las kyang lha'i tsan dan dang/
a ga ru dang/ ud pa la dang/ ta ma la'i lo ma'i phye ma dang/
gser phye'i char mngon
par bab par gyur to/ /lha'i me tog man d'a ra ba dang/ man d'a
ra ba chen po dang/ manydzu SHa ka dang/ manydzu SHa ka chen po
dang/ pa ru SHa ka dang/ pa ru SHa ka chen po dang/ mdog dkar
dang/ mdog dkar chen po dang/ sprul pa'i me tog dag gi char yang
mngon
par bab bar gyur to/ /gser dang/ dngul dang/ bE d'urya dang/
shel dang/ mu tig dmar po dang/ sbug dang/ rdo'i snying po dang/
rin po che sna bdun gyi me tog gi char yang mngon par bab par
gyur to/ /lha'i bu mo de dag las la la ni glu len/ la la ni gar
byed/
la la ni rol mo byed/ la la ni lus kyi tshul sgyur zhing lha ma
yin gyi mchod pa lta bu dang/ glang po che sa srung gi bu de dag
dang/ rin po che'i khang pa rnams kyis mchod pa byas nas de'i
'og tu rta cang shes kyis drangs pa'i shing rta bye ba phrag
brgyad cu la zhon te/ bcom
ldan 'das la lan gsum bskor ba byas nas lha'i yo byad rnam pa
sna tshogs mang po yang phul bar gyur to/ /lha'i rol mo sil snyan
bye ba phrag brgyad cu yang bar snang las sgra 'byin par gyur
to/ /shing rta bye ba phrag brgyad cu po de dag la yang lha'i bu
mo gzhan bye ba phrag brgyad cu
brgyad cu mngon par sprul te/ lha'i bu mo de dag kyang la la ni
glu len/ la la ni gar byed/ la la ni rol mo byed/ la la ni lus
kyi tshul sgyur zhing lha ma yin gyi mchod pa ji lta ba bzhin du
byas so/ /de nas sum cu rtsa gsum ris kyi lha bye ba phrag
brgyad cu po de dag 'di snyam du sems
te; ji ltar sprul pa'i lha'i bu mo 'di dag bcom ldan 'das la
mchod pa byed pa las na chos thams cad kyang sprul pa dang 'dra
ba yin du nges so snyam nas de dag 'di snyam du chos 'di dag
thams cad ni ji ltar de bzhin gshegs pas bstan pa de bzhin te/
sprul pa dang 'dra ba yin no
@59a */ /snyam du sems par gyur cing de dag gis chos thams cad
sprul pa dang 'dra bar shes nas chos la the tshom med pa thob par
gyur to/ /de dag de ltar the tshom med cing nem nur med par gyur
nas bcom ldan 'das la lan gsum bskor ba byas te/ bcom ldan
'das kyi zhabs la mgo bos phyag 'tshal nas phyogs gcig tu 'khod
do/ /de dag chos thams cad sprul pa dang 'dra bar rtog cing bdag
cag kyang sprul pa dang 'dra bar mthong/ mchod pa de dag kyang
sprul pa dang 'dra bar mthong/ bcom ldan 'das kyang sprul pa
dang 'dra bar
mthong nas bcom ldan 'das kyis chos gang bstan pa de dag kyang
sprul pa dang 'dra bar yang dag par shes te/ de dag gis chos
thams cad sprul pa lta bu'o zhes bya bar shes nas the tshom med
cing nem nur med par gyur te/ de'i tshe bcom ldan 'das la tshigs
su bcad pa dag gis
mngon par bstod do/ /'gro ba kun gyis mchod pa gang bgyis dang/
/sprul pa'i mchod pa 'di dag gang bgyid dang/ /lha rnams kyis ni
sangs rgyas mchod byas pa/ /de ltar chos 'di thams cad sprul pa
nyid/ /'dren pas chos kun gsungs pa gang lags dang/ /de bzhin
gshegs pas lung bstan mtha' dag kyang/ /'di dag thams cad sprul
pa 'dra'o zhes/ /de ltar lha tshogs de dag blo gros skyes/ /bcom
ldan sprul pa 'di dag ji bzhin du/ /ston pa 'ang de bzhin sprul
dang 'dra ba ste/ /rgyal bas lung bstan bdag cag 'tshal gyur pas/
/'di
la bdag cag the tshom ma mchis so/ /rgyal bas so so'i skye bo
rnams mkhyen nas/ /byis pa'i sa thob tha snyad gang btags pa/
/de dag kun kyang sprul pa ji bzhin te/ /bde gshegs 'gro ba lung
bstan de bzhin no/ /slob pa rnams dang gang dag mi slob dang/
/bcom ldan
nyan thos dul ba'i sa thob pa/ /de dag kun kyang bcom ldan sprul
dang 'dra/ /bcom ldan bstan la the tshom ma mchis so/ /bcom ldan
gang rnams mi smra lhur len cing/ /bse ru lta bur gnyis med nyon
mongs spangs/ /de dag rnams kyang sprul 'dra bcom ldan 'das/
/bde
@59b gshegs bstan la the tshom ma mchis so/ /gang rnams 'gro ba
kun la bde phan phyir/ /rgyal ba'i byang chub spyad spyod bag
yod pa'i/ /byang chub sems dpa' bde gshegs sras dag kyang/
/khyad par ma mchis sprul pa 'di dang 'dra/ /bde gshegs rang
byung rnam par 'dren
pa mchog /stobs bcu shes rab mtha' yas thugs rje can/ /ye shes
stobs 'phags 'jig rten gtso bo dag /sprul pa 'di 'dra de dag
rang bzhin mtshungs/ /'dren pas 'di la chos rnams gang gsungs pa/
/gnas med zhi bsil nyon mongs med gyur cing/ /sdug
bsngal zhi byed mthar thug grangs med pa/ /de yang sprul pa 'di
dag ji bzhin no/ /bcom ldan 'di la chos rnams gang dag kyang/
/sprul pa'i rang bzhin ma lags de ma mchis/ /gang tshe gO ta
ma'i bstan pa 'di/ /bdag cag rtogs nas the tshom thams cad
spangs; /sprul pa 'di 'drar chos rnams kun mthong nas/ /bdag cag
rnams kyang 'jig rten mgon por 'gyur/ /bde gshegs spyod yul 'di
la spyod pa'i rnams/ /the tshom ma mchis rang byung 'dren par
'gyur/ /de nas bcom ldan 'das kyis de'i tshe sum cu rtsa
gsum ris kyi lha'i bu bye ba phrag brgyad cu po de dag gi lhag
pa'i bsam pa thugs su chud nas 'dzum pa mdzad do/ /de nas tshe
dang ldan pa rta thul gyis bcom ldan 'das la tshigs su bcad de
gsol pa/ gzhal yas grags mnga' mtha' yas gzi brjid can/ /bde
gshegs
rnams ni rgyu med 'dzum mi mdzad/ /rnam par 'dren pas 'dir ni
'dzum mdzad na/ /rgyal bas 'dzum pa'i tshig gsungs the tshom khum/
/rang byung bde gshegs zhal nas 'dzum pa 'di/ /byung bar rig nas
'jig rten the tshom 'tshal/ /'gro ba'i the tshom thub pas bsal du
gsol/ /'gro ba 'di dag the tshom ma mchis mdzod/ /lha tshogs 'di
dag rab tu yid dga' bas/ /rgyal ba bstod de lha rdzas rnams kyis
mchod/ /bde gshegs de dag don du 'dzum pa mdzad/ /rgyal ba 'khor
'di dga' mdzad bka' stsal gsol/ /zla ltar dri med 'od
@60a */ /mnga' mtha' yas gzi/ /ci nas bde gshegs bka' ni 'di
thos pas/ /mgon po 'gro ba thams cad dga' 'gyur bar/ /rgyal ba
lha tshogs mchod mkhyen bka' stsal gsol/ /bde gshegs lha tshogs
'di yis chos rnams kun/ /sprul pa lta bur
rnam par rtogs gyur nas/ /stobs bcu mnga' bas don 'di bka' stsol
te/ /rab rib bral ba lha yi bslab pa gsungs/ /skye bo 'di dag
the tshom bral gyur nas/ /thub pa de ltar byang chub spyod rtsom
'gyur/ /rab tu dpa' ba 'khor 'dis thos gyur te/ /dgongs pa rig
nas rgya
chen rtsom par 'gyur/ /de nas bcom ldan 'das kyis tshe dang ldan
pa rta thul la tshigs su bcad de slar bka' stsal pa/ lha tshogs
'di dag rab tu dga' shes nas/ /rta thul khyod kyis dus dang ldan
pa'i tshig /smras pa de ni dus la bab pa ste/ /'dzum pa dris pa
de ni lung bstan to/ /
lha rnams bsam shes 'dzum pa de dris pa/ /des ni khyod kyis 'gro
ba'i don chen byas/ /'dzum mdzad pa yi rgyu de ngas bstan gyis/
/dga' zhing dang ba'i sems kyis nga la nyon/ /lha tshogs rnams
kyis chos rnams 'di dag ni/ /ma lus sprul pa lta bur shes gyur
nas/ /chags med ye
shes mthong ba dpag med cing/ /rab rib bral ba'i 'jig rten mgon
por 'gyur/ /srid pa'i rgyud na sngon yang 'khor ba'i tshe/ /mi yi
gtso bo gang g'a'i bye snyed mchod/ /srid rgyun de na 'di dag
thub pa las/ /chos rnams sprul pa lta bur ma mthong ngo/ /'di
dag nga la mchod mchog 'dir
byas pas/ /chos rnams sprul pa 'dra bar mngon du mthong/ /bde
gshegs bstan pa 'di la byas pa ni/ /chud zos mi 'gyur bar chad
yong mi 'gyur/ /lha tshogs 'di yis nga la mchod byas te/ /chos
rnams thams cad sprul pa 'drar shes pas/ /bskal pa pad ma zhes
bya
byung ba'i tshe/ /smra ba'i zla ba mi yi mchog tu 'gyur/ /khyu
mchog ldan pa'i ming mchog 'gyur ba ni/ /bde gshegs rab mkhas
dbang po'i tog rgyal po/ /chos rnams thams cad sprul pa 'drar
ston cing/ /'gro ba khrag khrig dpag med 'grel par 'gyur/ /bde
gshegs
@60b de dag bstan la bag yod pa/ /chos rnams 'di dag sprul pa
'dra bar sems/ /zhi gnas de la su sten bag yod pa/ /myur du bla
med byang chub mchog zhi 'thob/ /sum cu rtsa gsum pa lung bstan
pa'i le'u ste bcva lnga pa'o// //de nas de'i tsho 'thab
bral gyi lha bye ba phrag bzhi bcus lha ma yin rnams nas sum cu
rtsa gsum ris kyi lha'i bar de dag gi mchod pa yang mthong/ lung
bstan pa yang thos nas tshim zhing mgu la yi rangs te/ rab tu
dga' zhing dga' ba dang yid bde ba skyes nas bcom ldan 'das
kyang lung bstan pa la
thogs pa mi mnga' bar shes shing sangs rgyas kyi chos rnams ni
nyams dga' ba ste/ de dag thob na ma shes pa 'am/ ma mthong ba
'am/ ma rtogs pa 'am/ mngon du ma byas pa 'am/ skye ba 'am/ 'gag
pa'am/ las sam/ las kyi rnam par smin pa gang yang med do zhes
sangs
rgyas kyi chos rnams la 'dod pa bskyed do/ /'di ltar de bzhin
gshegs pas kun rdzob dang don dam pa gnyis thugs su chud de/
shes par bya ba yang kun rdzob dang don dam pa 'dir zad do/ /de
yang bcom ldan 'das kyis stong pa nyid rab tu gzigs/ rab tu
mkhyen/ legs par
mngon du mdzad pas de'i phyir thams cad mkhyen pa zhes bya'o/
/de la kun rdzob ni 'jig rten gyi spyod par de bzhin gshegs pas
gzigs so/ /don dam pa gang yin pa de ni brjod du med pa ste/
shes par bya ba ma yin pa/ rnam par shes par bya ba ma yin pa/
yongs su shes
par bya ba ma yin pa/ ma bstan pa/ rab tu ma bstan pa/ ma thos
pa/ thos par ma byas pa/ ma shes pa/ rnam par ma shes pa/ ma
bstan pa/ ma mthong ba/ ma brtags pa/ 'dzin du ma ? bcug pa/
rtogs par ma byas pa/ thob par ma byas pa/ ma thob pa/ nye bar
ma bsnyen pa/
ma bor ba/ ma bzhag pa/ ma spangs pa/ bya ba med pa/ byed pa med
pa/ rab tu zhi ba med pa/ ma smad pa/ ma bstod pa/ thob pa ma
yin pa/ ma thob pa ma yin pa/ bde ba ma yin pa/ sdug bsngal ba
ma yin pa/ snyan pa ma yin pa/ mi snyan pa ma yin pa/ gzugs ma
yin pa/ gzugs
@61a */ /med pa ma yin pa/ grangs med pa/ bgrang ba med pa/ 'jig
rten med pa/ 'jig rten dang bral ba med pa/ kun nas nyon mongs
pa med pa/ rnam par byang ba med pa/ 'gro ba med pa/ ldog pa med
pa/ ma brtags pa/ rnam par ma brtags pa/ ma g.yos pa/
ma bsams pa/ ma bskyod pa/ mngon par 'dus ma byas pa/ ma spros
pa/ spros pa dang bral ba ste/ 'di ltar gzugs kyi mtshan ma mi
dmigs pa/ tshor ba dang/ 'du shes dang/ 'du byed dang/ rnam par
shes pa'i mtshan ma mi dmigs pa/ mig dang/ rna ba dang/ sna dang/
lce dang/ lus dang/ yid kyi mtshan ma mi dmigs pa/ gzugs dang/
sgra dang/ dri dang/ ro dang/ reg bya dang/ chos kyi mtshan ma mi
dmigs pa/ mig gi rnam par shes pa dang/ rna ba dang/ sna dang/
lce dang/ lus dang/ yid kyi rnam par shes pa'i mtshan ma mi
dmigs pa/ mig gi 'dus te reg pa dang/ rna ba dang/ sna dang/ lce
dang/ lus dang/ yid kyi 'dus te reg pa'i mtshan ma mi dmigs pa/
mig gi 'dus te reg pa las byung ba'i tshor ba'i mtshan ma mi dmigs
pa/ yid kyi 'dus te reg pa las byung ba'i tshor ba'i bar gyi
mtshan ma mi dmigs pa/ gzugs kyi 'du shes kyi mtshan ma mi dmigs
pa/ chos kyi bar gyi 'du shes kyi mtshan ma mi dmigs pa/ gzugs su
sems pa'i mtshan ma mi dmigs pa/ chos kyi bar du sems pa'i mtshan
ma mi dmigs pa/ yid la bya ba'i mtshan ma
mi dmigs pa/ sa dang/ chu dang/ me dang/ rlung dang/ nam mkha'
dang/ rnam par shes pa'i khams kyi mtshan ma mi dmigs pa/ 'dod pa
dang/ gzugs dang/ gzugs med pa'i khams kyi mtshan ma mi dmigs pa/
'dus byas dang/ 'dus ma byas kyi mtshan ma mi
dmigs pa ste/ 'di ltar chos gang dang gang brjod pa'i rang bzhin
gang dang gang gis brjod pa'i chos de dang/ de brjod pa'i rang
bzhin de dang des mi brjod pa ste/ sangs rgyas kyi chos rnams ni
de ltar nyams dga' ba yin na de byis pa so so'i skye bo thos pa
dang mi ldan pa mi shes
@61b pa rnams kyis thos na 'jigs shing dngang ? ba dang/ skrag
par 'gyur te/ des 'jigs par gyur pas thams cad mkhyen pa'i ye
shes las nyams par 'gyur te/ de dag ni lha dang bcas pa'i 'jig
rten gyis mya ngan du bya ba ste/ 'khor ba na yod pa'i sdug
bsngal gyi rgyun to zhes te/
de dag gis 'di ltar sangs rgyas kyi chos rnams la 'dod pa bskyed
nas sangs rgyas kyi chos rnams kyi don du bcom ldan 'das la
mchod pa'i phyir brtson par gyur to/ /de dag gis sum cu rtsa
gsum pa'i mchod pa las khyad par 'phags pas bcom ldan 'das la
mchod de/
bcom ldan 'das kyi zhabs la mgo bos phyag 'tshal nas/ bcom ldan
'das la lan gsum bskor ba byas te phyogs gcig tu 'khod do/
/phyogs gcig tu 'khod nas 'thab bral gyi lha de dag gis bcom
ldan 'das la tshigs su bcad pa dag gis mngon par bstod pa/
rgyal ba khyod kyis phung po dben par gzigs/ /khams dang skye
mched rnams kyang de bzhin te/ /dbang po'i grong ni mtshan mas
dben pa dag /kun kyang thub pa khyod kyis ji bzhin gzigs/ /'jig
rten mkhas pa'i bden pa gnyis yin te/ /khyod kyis gzhan las ma
gsan rang gis gzigs/ /de ni kun rdzob bden dang don dam ste/
/bden pa gsum pa gang yang ma mchis so/ /gang gis bde bar gshegs
la 'gro ba rnams/ /bde ba'i don du dad pa skyed 'gyur ba/ /rgyal
bas 'gro ba rnams kyi don slad du/ /'jig rten phan phyir kun
rdzob de bstan to/ /sems can tshogs kyi 'gro drug gang bstan pa/
/sems can dmyal dang dud 'gro yi dgas dang/ /lha min ris dang mi
dang lha yi rnams/ /mi yi seng ges kun rdzob btags pa mdzad/
/rigs dma' de bzhin mtho ba'i rigs rnams dang/ /phyug po'i khyim
dang dbul po'i khyim dag dang/ /bran gyi tshogs dang de bzhin
g.yog gi tshogs/ /bud med tshogs dang skyes pa ma ning dang/
/'gro ba'i khyad par ji snyed gang yang rung/ /mtshungs med khyod
kyis 'jig rten bstan mdzad pa/ /kun rdzob bden par mkhas pas
thugs chud nas/ /
@62a */ /'jig rten phan pas mi la de bstan to/ /de la dga' ba'i
'gro ba 'khor ba na/ /'gro ba'i chos brgyad de la mi 'byung ste/
/thob dang ma thob snyan dang mi snyan dang/ /bstod dang smad
dang bde dang sdug bsngal lo/ /thob pa rnyed na de la chags pa
skyed/ /ma thob
gyur na des kyang 'khrug par 'gyur/ /gang gzhan ma bstan tshul
'dis shes par bya/ /nad rnams brgyad kyis de rgyud gnod par
'gyur/ /kun rdzob de la don dam su smra ba/ /de dag nor ba'i blo
ldan shes par bya/ /mi sdug sdug dang sdug bsngal bde ba dang/
/bdag med
rang bzhin bdag tu smra ba dang/ /mi rtag chos la rtag ces smra
bgyid cing/ /de la dga' ste mtshan mar gang gnas pa/ /de dag bde
gshegs gsung ni thos gyur na/ /'jigs shing ji bzhin mi rtogs
spong bar 'gyur/ /de dag bde gshegs gsung ni spangs gyur pas/ /
sems can dmyal bar sdug bsngal mi bzad myong/ /de dag tshul min
bde ba tshol bgyid kyang/ /sdug bsngal brgyad dag byis pas myong
bar 'gyur/ /'jigs rten phan pa'i bstan pa su zhig gis/ /ma log
blos ni rnam par rtogs gyur na/ /sbrul gyi pags pa rnying ltar
rab
spangs te/ /srid pa kun las 'das nas zhi bar 'gyur/ /chos 'di
thams cad rang bzhin dben pa ste/ /stong pa mtshan ma med pa don
dam zhes/ /gang gis thos nas dga' ba bskyed 'gyur ba/ /de dag
bla med byang chub thob par 'gyur/ /ji ltar bde bar gshegs pas
gsungs
pa'i chos/ /de la lha rnams the tshom ma mchis te/ /'gro ba thams
cad yongs su dgrol ba'i phyir/ /de dag bla na med pa'i byang
chub tshol/ /byang chub blo can rnam dag blo can rnams/ /skyes bu
mchog gis dga' ba bskyed du gsol/ /de thos 'gro ba kun la sman
slang du/ /bla
na med pa'i byang chub thob par 'gyur/ /de nas de'i tshe bcom
ldan 'das kyis 'thab bral ris kyi lha bye ba phrag bzhi bcu po
dag gi lhag pa'i bsam pa thugs su chud nas de'i tshe 'dzum pa
mdzad do/ /de nas tshe dang ldan pa rta thul gyis bcom ldan 'das
la tshigs su bcad de gsol pa/
@62b 'jig rten phan pas 'dzum pa gang mdzad des/ /khyod kyi
'khor ni the tshom 'tshal bar gyur/ /mi mchog 'dzum pa'i rgyu de
bka' stsal gsol/ /des ni 'khor 'di rab tu dga' bar 'gyur/ /lha
rnams lung bstan de ni thos gyur na/ /'khor 'di shin tu dga'
zhing mgu bar
'gyur; /rigs pa ldan pa bstan pa 'di nyid la/ /bde bar nan tan
bgyid cing rtsom bar 'gyur/ /rgyal ba khyod 'khor 'di ni mchog
ldan te/ /drang srong chen po sangs rgyas yon tan snod/ /'gro ba
'di rnams bsdu bar mdzad slang du/ /snyan pa'i gsung ni legs par
brjod
du gsol/ /sangs rgyas yon tan mthu dag thob gyur na/ /skye dgu
kun la rab tu sman par 'gyur/ /bde bar gshegs pas lung bstan de
thos na/ /mkhas pa rnams ni tshul bzhin rtsom par 'gyur/ /mi yi
dam pa smra ba'i mchog gis 'dir/ /the tshom 'tshal ba'i nem nur
legs par sol/ /'khor rnams thams cad thos par dga' zhing sdod/
/lha rnams lung bstan pa ni bka' stsal gsol/ /kun kyang rim gror
gus par rna blags te/ /khyod kyis lung bstan rab tu dga' ba la/
/sgrib pa rab tu spangs shing de ngag nyan/ /'jig rten phan
phyir skyes bu mchog gis gsungs/ /de nas bcom ldan 'das kyis tshe
dang ldan pa rta thul la tshigs su bcad de slar bka' stsal pa/
'jig rten phan phyir mkhas pas 'dzum mdzad pa/ /rta thul khyod
kyis dris pa dus dang ldan/ /sangs rgyas yon tan mthu ni thos
gyur na/
skye bo tshogs chen rnams kyi don du 'gyur/ /sangs rgyas yon tan
tshogs la blo zhan cing/ /'dod chags blo dang zhe sdang blo ldan
dang/ /tshe rabs brgyar ni rtsod pa'i blo can dang/ /gti mug blo
can dga' ba skyer mi 'gyur/ /gang rnams rgyal bas bstan la dga'
ba dang/ /
gang gis rgyal ba rnams la sngon dris dang/ /gang rnams snying
rje che dang ldan pa dag /de kun sangs rgyas yon tan ldan par
'gyur/ /gang gis 'gro ba gdon zin mthong gyur te/ /mi yi seng ge
snying rje skyed byed pa/ /de dag sangs rgyas yon tan 'di thos
nas/ /Aud pa la phreng
@63a */ /bzhin mgo la khyer bar 'gyur/ /da yi 'khor 'di rab tu
dga' 'gyur ba/ /sngon gyi rgyal la bsnyen bkur sngon byas te/
/de dag sangs rgyas yon tan yid 'ong 'di/ /me tog phreng bzhin
de dag yang dag lta/ /'thab bral lha rnams sngon gyi rgyal kun
la/ /
bsnyen bkur byas shing chags pa spangs pa ste/ /nyon mongs dmad
cing sangs rgyas blo ldan 'gyur/ /snying rje ldan zhing nyon
mongs med blo ldan/ /rgyal ba mi yi seng ge gang g'a yi/ /bye
snyed kun la sngon chad bsnyen bkur byas/ /byang chub bla na med
par smon byed cing/ /
dge ba mtha' yas 'di dag kun gyis byas/ /sems can nyon mongs
'dam bying rig gyur nas/ /sdug bsngal gyur pa rnams la snying
rje skyed/ /de dag mi mchog sems can phan mdzad la/ /chos tshul
mtha' yas yongs su dris par gyur/ /gang thos nas ni rnam par
'dren
'gyur ba/ /rnam 'dren chos la 'jug pa 'chad par 'gyur/ /mi yi
nyon mongs spyod pa rab mkhyen nas/ /de dag rnams la rgya chen
chos kyang 'chad/ /rnam 'dren skyes bu dam pa'i mchog de dag
/rang bzhin med pa stong pa nyid kyang 'chad/ /de dag rgyal ba'i
gsung
de thos gyur nas/ /'gro ba thams cad stong par rab tu rtogs/
/cis stong zhe na mtshan ma'i rnam pas stong/ /rang bzhin med
cing mtshan ma med pa smra/ /rgyal ba'i chos rnams de ltar shes
gyur nas/ /kun kyang sangs rgyas yon tan rnams la gnas/ /de dag
nga la
mchod pa rgya chen byas/ /bdag gis chos bzhin du ni lung bstan
nas/ /skar tshogs mnyam pa'i bskal pa dam pa la/ /bla na med pa'i
byang chub thob par 'gyur/ /bde gshegs mnyam pa med pa bye ba
phrag /nyi shu nyi shus yongs su gang bar 'gyur/ /blo gros dag
ces bya ba'i grangs su 'gro/ /sems can bsam yas yongs su sbyong
bar 'gyur/ /'thab bral 'khod pa'i la yi bsam pa rnams/ /rta thul
gyis ni yongs su zhus byas pa/ /rgyal ba dgra rgyal drang srong
chen po yi/ /lung bstan lha dang bcas pa'i 'jig rten dga'/ /
@63b 'thab bral ba lung bstan pa'i le'u ste bcu drug pa'o// //de
nas dga' ldan ris kyi lha bye ba phrag brgyad cus lha ma yin
rnams nas 'thab bral gyi ris kyi lha'i bar de dag gi mchod pa
yang mthong/ lung bstan pa yang thos nas 'di snyam du sems te/
gang bcom ldan 'das kyis bla na med pa yang dag par rdzogs pa'i
byang chub tu lung bstan pa'i chos de gang zhig ci gzugs sam/
'on te tshor ba 'am/ 'on te 'du shes sam/ 'on te 'du byed dam/
'on te rnam par shes pa zhig bcom ldan 'das kyis bla na med pa
yang dag par
rdzogs pa'i byang chub tu lung bstan snyam nas de dag 'di snyam
du sems te/ gzugs ni bcom ldan 'das kyis bla na med pa yang dag
par rdzogs pa'i byang chub tu lung ma bstan to/ /tshor ba dang/
'du shes dang/ 'du byed dang/ rnam par shes pa ni bcom ldan 'das
kyis
bla na med pa yang dag par rdzogs pa'i byang chub tu lung ma
bstan to/ /de ci'i phyir zhe na/ gzugs kyang ma skyes pa/ byang
chub kyang ma skyes pa na ji ltar ma skyes pas ma skyes pa mngon
par rdzogs par 'tshang rgya bar bya/ tshor ba dang/ 'du shes dang/
'du byed dang/ rnam
par shes pa yang ma skyes pa/ byang chub kyang ma skyes pa na de
la ji ltar ma skyes pas ma skyes pa mngon par rdzogs par 'tshang
rgya bar bya/ gzugs kyang 'gag pa med pa/ byang chub kyang 'gag
pa med pa/ rnam par shes pa'i bar yang 'gag pa med pa/ byang
chub kyang
'gag pa med pa/ gzugs kyang spros pa med pa/ byang chub kyang
spros pa med pa/ rnam par shes pa'i bar yang spros pa med pa/
byang chub kyang spros pa med pa/ gzugs kyang gnyis su med pa/
byang chub kyang gnyis su med pa/ rnam par shes pa'i bar yang
gnyis su med pa/ byang chub kyang gnyis su med pa/ gzugs kyang
g.yo ba med pa/ byang chub kyang g.yo ba med pa rnam par shes
pa'i bar yang g.yo ba med pa/ byang chub kyang g.yo ba med pa/
gzugs kyang dmigs su med pa/ byang chub kyang dmigs su med pa
@64a */ /rnam par shes pa'i bar yang dmigs su med pa/ byang chub
kyang dmigs su med pa na ji ltar 'gag pa med pa dang/ spros pa
med pa dang/ gnyis su med pa dang/ g.yo ba med pa dang dmigs su
med pas 'gag pa med pa dang/ dmigs su med pa'i bar
du mngon par rdzogs par 'tshang rgya bar bya/ **[64a.2-64a.5] de ltar chos thams cad mi
dmigs na 'di la sangs rgyas ni gang/ byang chub sems dpa' ni gang/ byang chub ni gang/
lung bstan pa ni gang/ gzugs ni gzugs kyis stong/ tshor ba dang/ 'du shes dang/ 'du
byed dang/
rnam par shes pa ni rnam par shes pas stong/ sangs rgyas ni sangs rgyas kyi ngo bo nyid
kyis stong/ byang chub sems dpa' ni byang chub sems dpa'i ngo bo nyid kyis stong/ byang
chub ni byang chub kyi ngo bo nyid kyis stong/ lung bstan pa ni lung bstan pa'i ngo bo
nyid kyis stong ste/
de ltar chos thams cad rang bzhin gyis stong pa la gzugs zhes bya ba dang/ rnam par
shes pa'i bar zhes bya ba dang/ sangs rgyas zhes bya ba dang/ lung bstan pa'i bar zhes
bya ba de dag ni tha snyad tsam/ ming tsam/ brda tsam/ kun rdzob tsam/ brjod ba tsam/
gdags pa tsam
ste; de la mkhas pa rnams kyis mngon par zhen par bya ba'i mi cha'o/ /'di lta ste/ dper
na mi zhig nyal ba'i rmi lam na 'dod
pa'i yon tan lnga dang ldan zhing rtse rtse ba las de nyal ba
las sad na/ 'dod pa'i yon tan de dag mi mthong ste/ de rjes su
dran na yang mi rnyed cing de ltar
ma rnyed pa'i phyir sdug bsngal du 'gyur ba de bzhin du byang
chub sems dpa'i theg pa la yang dag par zhugs pa rnams kyang
byang chub tshol na de dag byang chub dang phrad par mi 'gyur te/
byang chub ma rnyed cing ro ma myong bas sdug bsngal du 'gyur
ro/ /de ci'i phyir zhe na/ 'di ltar chos
thams cad ni rmi lam lta bu nor ba ste/ chos de dag gi don ni
rnam pa gzhan la so so'i skye bo de dag kyang rnam pa gzhan du
zhan to/ /chos de dag ni de ltar shes par bya ba yin na de la
chos gang zhig sangs rgyas yin/ gang zhig byang chub sems dpa'
yin/ gang zhig byang chub yin
@64b gang zhig lung bstan pa yin/ de ltar chos thams cad dmigs
su med de/ so so'i skye bo yang dmigs su med/ so so'i skye bo'i
chos kyang dmigs su med/ nyan thos kyang dmigs su med/ nyan thos
kyi chos kyang dmigs su med/ rang sangs rgyas kyang dmigs su
med/
rang sangs rgyas kyi chos kyang dmigs su med/ byang chub sems
dpa' yang dmigs su med/ byang chub sems dpa'i chos kyang dmigs
su med/ sangs rgyas kyang dmigs su med/ sangs rgyas kyi chos
kyang dmigs su med/ byang chub kyang dmigs su med/ mya ngan
las 'das pa yang dmigs su med do/ /bcom ldan 'das de la ni bdag
cag the tshom ma mchis/ yid gnyis ma mchis so zhes gsol nas dga'
ldan ris kyi lha'i bu de dag chos de dag la the tshom med cing
nem nur med par gyur te/ bcom ldan 'das la mchod pa bya ba'i
phyir brtson par gyur nas de dag gis 'thab bral gyi mchod pa las
khyad par du 'phags pas bcom ldan 'das la mchod pa byas te/ bcom
ldan 'das kyi zhabs la mgo bos phyag 'tshal nas bcom ldan 'das la
lan gsum bskor ba byas te phyogs gcig tu 'khod do/ /phyogs
gcig tu 'khod nas bcom ldan 'das la tshigs su bcad pa dag gis
mngon par bstod pa/ gang dag sangs rgyas yon tan rab gnas pa/
/de dag 'jug pa de bzhin gshegs pas gsungs/ /rnam thar sgo gsum
po ni rnyed gyur pas/ /mtshungs pa med pa'i spyod yul spyod par
'gyur; /gzugs dang tshor ba 'du shes ma mchis te/ /sems dang bsam
pa de bzhin ma mchis pa/ /chags med blo mnga' rnams kyi spyod
yul lags/ /mi yi seng ge phung po dben la dgyes/ /skyes bu dam
pa mkhas pa de dag gi /byang chub sems kyang nam yang 'byung ma
mchis; /phung po dben pa'i yon tan myong gyur nas/ /sangs rgyas
dgongs la nem nur spangs blo ldan/ /de dag byang chub smon pa ma
mchis shing/ /byang chub sems la 'ang de dag mi smod de/ /dga'
dang zhum par 'gyur ba ma mchis par/ /bde gshegs sras rnams
spyad pa spyod
@65a */ /pa bgyid/ bde gshegs rnams kyis chos rnams mnyam par
gzigs/ /de la rgyal sras 'jigs dang bral ba rnams/ /yang dag
nyid du sangs rgyas legs spyod cing/ /mkhas pa de dag 'jig rten
'di na spyod/ /gzugs kyi mtshan ma rnam par gzhig bgyis shing/ /
mtshan ma'i rnam pa thams cad rab spangs te/ /srid pa gsum la de
dag yong mi smon/ /dngos po stong bar smon lam de dag bgyed/
/phung po 'di dag ma skyes rtogs gyur cing/ /lung bstan bde
gshegs nyid kyang ma skyes la/ /byang chub sems dpa' byang chub
kyang ma skyes/ /de
ltar gang 'tshal de la rmongs ma mchis/ /skye bo'i chos dang
sangs rgyas yon tan rnams/ /de dag kun dang bde gshegs ma skyes
te/ /mi yi seng ge de ltar gang 'chal ba/ /de ni khyod sras
khyod ni de yi yab/ /gang zhig phung po 'gag pa ma mchis shing/
/khams dang skye mched de bzhin
rgyal ba'i chos/ /byang chub rgyal ba de bzhin lung bstan pa/
/bcom ldan 'di kun 'gag med 'tshal ba dang/ /gang rnams byang
chub 'tshal zhing spyod bgyid pa/ /'jig rten mkhas pa de dag 'gag
ma mchis/ /'gro ba thams cad 'gag med blor gyur na/ /de 'dra'i
blo ldan byang chub rnyed mi
dka'; /phung po skye mched dag dang khams rnams dang/ /byang
chub rgyal ba rgyal sras mi g.yo bar/ /gang gis 'tshal ba de dag
rgyal sras te/ /de dag rgyal ba'i chos 'di 'dzin pa lags/ /phung
po sems med de bzhin skye mched dang/ /khams dang byang chub
rgyal ba rgyal sras dang/ /
lung bstan de bzhin sems pa ma mchis par/ /gang gis 'tshal ba de
dag rgyal ba'i sras/ /rang byung phung po dngos nyid stong pa
ste/ /khams dang skye mched dag dang rgyal ba dang/ /byang chub
dang ni lung bstan rgyal sras rnams/ /ngo bo nyid kyis stong bar
gang spyod dang/ /phung po spros
'dra de bzhin khams rnams dang/ /skye mched rkang gnyis mchog
dang byang chub dang/ /lung bstan spros pa med par gang spyod
cing/ /de ltar gang 'tshal de dag rgyal ba'i sras/ /gnas pa ma
mchis mi gnas ma lags te/ /mchis pa ma lags ma mchis yong ma
lags/ /
@65b 'dus byas ma lags 'dus ma byas ma lags/ /de ltar gang 'tshal
de dag rgyal ba'i sras/ /rgyal dang 'gro 'di de ltar yongs
mthong zhing/ /ston pa'i dgongs pa de ltar 'tshal gyur la/ /de
ltar bgyis na gang zag mchog mchod cing/ /'dren pa 'khor dang
bcas la bsnyen
bkur lags/ /rnam par 'dren la bstod pa'i bsod nams gang/ /ji
snyed 'jig rten phan mdzad mkhyen pa yi/ /dge ba de yis 'gro ba
rang byung ba/ /rgyal ba mtshan mchog ldan pa grub par shog /de
nas bcom ldan 'das kyis dga' ldan ris kyi lha de dag gi lhag
pa'i
bsam pa thugs su chud nas 'dzum pa mdzad do/ /de nas tshe dang
ldan pa rta thul gyis bcom ldan 'das la tshigs su bcad de gsol
pa/ 'dren pa rgyu yi stobs ni gang zhig gis/ /stobs bcu brnyes
pa 'di ltar 'dzum mdzad pa/ /'dzum pa'i rgyu de 'dren pas bka'
stsal
gsol; /des ni 'jig rten 'di dag dga' bar 'gyur/ /sh'akya thub
pa'i zhal nas 'dzum mdzad pa/ /'gro ba 'dis mthong the tshom
'tshal 'gyur te/ /nyan par 'tshal zhing gzhan du mi sems par/ /kun
kyang 'jig rten phan pa'i zhal du lta/ /'di ltar dper na nad pa
nas skyo ba/ /
sman pas bsgo ba zhin du 'dzin bgyid pa/ /de bzhin 'khor 'di
lung bstan thos 'tshal zhing/ /rkang gnyis dbang po bde gshegs
zhal du lta/ /'khor 'di thams cad rgya chen ldan pa ste/ /sangs
rgyas dgongs la zhen pa'i yid dang ldan/ /rgyal bas lung bstan
de dag thos 'tshal te//
kun kyang bde gshegs zhal du lta zhing sdod/ /de la rgyal bas
thugs rje che bskyed cing/ /ci nas 'khor 'di rab tu dgar 'gyur
dang/ /sangs rgyas dgongs la bsam pa gzhog 'gyur bar/ /ye shes
stobs kyis the tshom gcad du gsol/ /mi yi khyu mchog lung bstan
dus la bab/ /
the tshom 'tshal ba'i the tshom bsal du gsol/ /sangs rgyas slar
sdo'i dgra ni mi mnga' na/ /rtog ge'i tshogs kyi sde ni gzhig tu
gsol/ /de nas bcom ldan 'das kyis tshe dang ldan pa rta thul la
tshigs su bcad de slar bka' stsal pa/ rta thul khyod kyis 'jig
rten sgron mdzad la/ /'dzum
@66a */ /pa'i don dris de ni dus dang ldan/ /de ltar 'jig rten
mkhas la dris pas na/ /de ring 'gro ba 'di yi don chen byas/
/'jig rten phan phyir 'dzum pa 'di mdzad pa/ /gang gis chos rab
'di dag shes gyur te/ /nga la mchod pa rgya chen 'di byas pa'i/
/dga' ldan
lha yi bsam pa mkhyen nas mdzad/ /'gro ba yang dag rtogs pa
bzhin du mthong/ /rgyal ba'i dgongs pas chos nyid brnyes par
gyur/ /gang ? la 'gro ba thams cad rmongs gyur pa'i/ /rnam par
thar pa'i sgo gsum rab tu rtogs/ /sngon gyi rgyal ba rnams la
lhag bya byas/ /bsam
pa gcig gis zhu ba legs par zhus/ /de nyid du ni stong nyid legs
par bsgoms/ /sngon chad byas pa de ni 'dir yang bstan/ /de dag
de bzhin gshegs dang deng phrad cing/ /skyes bu mchog dang
'grogs pa thob gyur nas/ /stong pa nyid kyis 'dren pa bstod byas
pas/ /de ring
'gro ba'i don chen shin tu byas/ /'gro ba thams cad skye med ji
bzhin du/ /byang chub rgyal ba de bzhin lung bstan dang/ /gang
dag zhi ba thob nas spyod pa dang/ /byang chub de bzhin de dag
skye ba med/ /'gro ba kun gyi chos nyid 'di 'dra ba/ /nge shes
byang chub thob par 'gyur ro zhes/ /lha
rnams gang yang de la the tshom med/ /byang chub sems kyis rtag
par de ltar spyod/ /de bzhin 'gro ba 'gag med ji bzhin du/ /lha
tshogs 'di dag rtogs pa'i blo ldan te/ /mkhas pa 'di dag nem nur
med pas na/ /de phyir 'di dag rgyal ba rang byung 'gyur/ /gnas
pa med pa
la ni nges gyur nas/ /g.yo ba med pa de la nem nur med/ /'gro
ba kun la sems pa yod min pa/ /de la'ang lha rnams the tshom yod
med do/ /chos rnams ngo bo nyid kyis rang bzhin med/ /byang chub
sems dang de bzhin byang chub kyang/ /thams cad ngo bo nyid kyis
rang bzhin
med; /de la'ang lha rnams the tshom rnam par dag /blo mchog ldan
pa'i dga' ldan lha 'di rnams/ /kun kyang gnas med de la rab gnas
te/ /de phyir lha rnams byang chub rnyed mi dka'/ /rang byung
nyid ni myur du thob par 'gyur/ /'dren pas skar ma 'dra ba'i
bskal pa la/ /'gro
@66b ba mtha' yas rnam par 'grel bar 'gyur/ /rgyal ba de dag
mtshan du 'gyur ba ni/ /rang byung chos la rnam nges rgyal po'o/
/de ltar rgyal bas dga' ldan lha rnams kyi/ /bsam pa mkhyen te
'gro la bstan mdzad pa/ /de thos nas ni lhar bcas 'jig rten
yang/ /yi rangs gyur
cing stobs kyang thob par 'gyur/ /dga' ldan pa lung bstan pa'i
le'u ste bcu bdun pa'o// //de nas de'i tshe rab 'phrul la sogs pa
'phrul dga' ba bye ba phrag bdun cus lha ma yin rnams nas dga'
ldan ris kyi bar gyi lha de dag gi mchod pa yang mthong/
lung bstan pa yang thos nas tshim zhing mgu la yi rangs te/ rab
tu dga' zhing dga' ba dang/ yid bde ba skyes nas yang dag pa'i
mtha' la gnas shing de bzhin nyid la the tshom med par gyur nas
stan las langs te/ bcom ldan 'das kyi zhabs la mgo bos phyag
'tshal nas/ bcom ldan
'das ga la ba de logs su thal mo sbyar ba btud de/ bcom ldan
'das la 'di skad ces gsol to/ /bcom ldan 'das kyis gsungs pa'i
don bdag gis 'tshal ba ltar na/ chos thams cad ni yang dag pa'i
mtha' dang/ sgrib pa ma mchis pa'i mtha' dang/ mtha' yas pa'i
mtha' dang/
mi gnas pa'i mtha' dang/ mi zad pa'i mtha' dang/ mi gnyis pa'i
mtha' te/ mtha' ma mchis pa'o/ /bcom ldan 'das de la ma nor ba'i
slad du yang dag pa'i mtha' zhes bgyi'o/ /tshad ma mchis pa'i
slad du mtha' yas pa'i mtha' zhes bgyi'o/ /chags pa ma mchis
pa'i slad du
sgrib pa ma mchis pa'i mtha' zhes bgyi'o/ /ngo bo nyid ma mchis
pa'i slad du mi gnas pa'i mtha' zhes bgyi'o/ /'byung ba ma mchis
pa'i slad du mi zad pa'i mtha' zhes bgyi'o/ /ro gcig pa'i slad
du mi gnyis pa'i mtha' zhes bgyi'o/ /mtha' ma mchis pa'i slad du
mtha' ma mchis pa zhes
bgyi'o; /bcom ldan 'das yang dag pa'i mtha' 'di ni thams cad kyi
rjes su song ba lags te/ chos gang yang dag pa'i mtha' ma lags
pa'i chos de gang yang ma mchis so/ /bcom ldan 'das byang chub
ces bgyi ba 'di ni yang dag pa'i mtha' ste/ byang chub gang zhe
na/ bcom ldan
@67a */ /'das chos thams cad rang bzhin ma mchis pa ni byang
chub lags par rig par bgyi'o/ /tha na mtshams med pa rnams kyang
byang chub bo/ de ci'i slad du zhe na/ bcom ldan 'das byang chub
ni rang bzhin ma mchis pa ste/ mtshams med pa rnams kyang rang
bzhin ma mchis
pa lags pas de'i slad du mtshams med pa rnams kyang byang chub
ces bgyi'o/ /bcom ldan 'das phung po ma lus pa'i mya ngan las
'das pa'i dbyings ni rang bzhin ma mchis pa ste/ mtshams med pa
rnams kyang de'i rang bzhin no/ /de ci'i slad du zhe na/ bcom
ldan 'das chos thams cad
ni phung po ma lus pa'i mya ngan las 'das pa'i dbyings te/
mtshams med pa rnams kyang de'i rang bzhin no/ /bcom ldan 'das
gang su dag yongs su mya ngan las 'da' bar 'tshal ba de dag ni
gnod par 'gyur ba'i chos can te/ de ci'i slad du zhe na/ gal te
'khor bar zhugs pa zhig
mchis na ni mya ngan las 'da' ba yang btsal bar 'gyur na/ yang
dag pa'i mtha' la ni 'khor bar zhugs pa gang yang ma mchis na de
mya ngan las 'das pa ci zhig tshol bar 'gyur/ /bcom ldan 'das
yang dag pa'i mtha' ni gnyis su ma mchis pa ste/ bcom ldan 'das
de la
bdag cag som nyi ma mchis the tshom mchis so/ /bcom ldan 'das
gang la la zhig chos 'di la nem nur dang the tshom ma mchis na de
ni sngon gyi de bzhin gshegs pa dgra bcom pa yang dag par rdzogs
pa'i sangs rgyas rnams kyis bla na med pa yang dag par rdzogs
pa'i byang chub
tu lung bstan par 'tshal bar bgyi'o/ /de nas bcom ldan 'das kyis
de'i tshe lha'i rgyal po rab 'phrul la sogs pa/ 'phrul dga' ris
kyi lha bye ba phrag bdun cu po de dag rang gis rang lung bstan
pa gsan nas 'gro ba thams cad rab tu dga' bar bya ba'i phyir
de'i tshe 'dzum pa
mdzad do/ /de nas tshe dang ldan pa rta thul gyis bcom ldan 'das
la tshigs su bcad de gsol pa/ 'jig rten phan par bzhed pas 'dzum
pa mdzad/ /'dzum pa'i rgyu ni khyod kyis ma bstan te/ /rang
byung skyes bu dam pa gang dag kyang/ /rgyu ma mchis par 'dzum
pa mi mdzad pas/ /
@67b khyod kyi zhal nas 'dzum pa de mdzad pa/ /mthong nas lhar
bcas 'jig rten the tshom 'tshal/ /'dzum pa'i rgyu de gang lags
rang byung gsungs/ /the tshom 'tshal ba'i the tshom bsal du gsol/
/khyod kyis 'dzum mdzad rgyu de thos gyur na/ /'khor 'di thams
cad ngo mtshar thob par 'gyur/ /
byang chub mchog ni yongs su bsgrub slad du/ /de dag lam mchog
shin tu rnam dag 'gyur/ /the tshom 'tshal ba dag ni nam du yang/
/byang chub yid bzhin bde bar mi 'grub ste/ /the tshom som nyi
bsal nas mkhas pa rnams/ /byang chub mchog gi rgyu dang skal
ldan 'gyur/ /rkang
gnyis dbang po khyod kyi 'khor 'di dag /sdig pa yongs spangs
byang chub sems dang ldan/ /lha rnams lung bstan de dag thos
gyur na/ /rgyal ba'i go 'phang rgya chen thob par 'gyur/ /de bas
rgyal bas thugs rje che bskyed cing/ /the tshom 'tshal ba rnams la
thugs brtse bas/ /
lha tshogs 'di dag thams cad lung bstan cing/ /'gro ba 'di dag
thams cad dga' bar mdzod/ /de nas bcom ldan 'das kyis tshe dang
ldan pa rta thul la tshigs su bcad de slar bka' stsal pa/ ngas ni
'jig rten phan phyir 'dzum pa mdzad/ /rta thul khyod kyis zhu ba
de zhus pa/ /
lung bstan de ni khyod la ma lus par/ /bstan par ngas byas dang
bas kun kyang nyon/ /'phrul dga'i ris kyi lha tshogs 'di rnams
kyis/ /thams cad mkhyen par bdag cag lung bstan te/ /mu stegs
tshogs kyis bsam pa zil mnan nas/ /'khor 'dir seng ge'i nga ro
chen po
bsgrags; /gnam du rdo 'phangs sa la ltung ba ltar/ /de la the
tshom za bar mi 'gyur te/ /de ltar the tshom med pa'i tshul thob
pa/ /bdag cag nyid ni stobs bcur 'gyur bar shes/ /nyi ma nub
gyur nam sros gyur pa'i tshe/ /mi rnams zla ba myur du 'char bar
shes/ /de bzhin rgyal
ba'i sras po tshul thob dag /bdag cag nyid ni stobs bcur 'gyur
bar shes/ /skar tshogs dbus na zla ba gnas pa ni/ /sems can
mtshungs par 'di la the tshom med/ /de bzhin rgyal ba'i sras po
tshul thob dag /bdag cag thams cad mkhyen du 'gyur bar shes/ /ji
@68a */ /ltar nyi ma nub par gyur ba'i ? tshe/ /nyi ma mi mthong
sems can de dag shes/ /de bzhin bde gshegs sras po tshul shes pa/
/ye shes dam pa thob par 'gyur du shes/ /chu klung ji ltar gzhol
bar 'bab 'gyur zhing/ /rgya mtshor 'bab par mkhas pa rnams
kyis shes/ /de bzhin bde gshegs sras po tshul shes pa/ /byang
chub rgya chen thob par 'gyur bar shes/ /ji ltar gnam du bong ba
'phangs pa ni/ /sa la ltung bar 'gyur du the tshom med/ /de bzhin
rgyal sras mkhas pa de dag kyang/ /'jig rten mkhas par myur
'gyur ye shes
'jug /gang thos nas ni the tshom med 'gyur zhing/ /sangs rgyas
yon tan gnas par bdag shes la/ /rang gi sar nye lag stong ma yin
par/ /mkhas pa rnams kyi chos nyid rab tu mthong/ /gal te bdud
kyi tshogs ni bye ba dag /sangs rgyas gzugs bsgyur bar chad
smras byas
kyang; /chos la mkhas pa chos nyid rab mthong ba/ /de dag byang
chub las ni bzlog mi nus/ /de ltar sangs rgyas yon tan rab gnas
shing/ /bdag gis bdag nyid lung bstan rjod byed pa/ /de la 'dren
pa cho ga tshul mkhyen pa/ /mi dbang lung bstan de la yi rang
mdzod/ /de
ltar lha tshogs 'di dag tshul 'di la/ /gzhan gyi drid la mi 'jog
mngon shes shing/ /de dag bde gshegs 'gyur zhes rang smra la/
/'jig rten mkhas pa rjes su yi rang mdzad/ /rta thul de bas
mkhas pa gang gi rnams/ /bla med byang chub thob par byar sems
pa/ /de dag
tshul 'di shes par gang gyur pa'i/ /'phags pa'i skye bo mkhas la
bsten par bya/ /gang dag tshul la 'jug pa rab mthong zhing/
/mkhas pa gang dag bde gshegs bsnyen bkur ba/ /de dag byang chub
lag mthil 'dra bar gsal/ /tshul shes de dag rang gis rang 'byung
'gyur//
gang gis bskal pa stong du dka' thub spyad/ /sha khrag pags la
mi lta byas pa bas/ /gang gi tshul 'di skad cig rtogs gyur na/
/de ni khyad 'phags dka' thub da ltar min/ /'das pa'i rang byung
gang rnams byung ba dang/ /ma 'ongs sems cen phan bzhed gang
'byung dang/ /
@68b da ltar dus na 'dren pa gang bzhugs pa/ /kun kyang tshul
gyis bde bar gshegs pa thob/ /rab 'phrul lha tshogs thub pa'i
tshul shes pa/ /'di dag nga la mchod pa mchog byas shing/ /'dren
pa thams cad bsnyen bkur rab byas na/ /tshul gyis su ni rang
'byung thob par 'gyur
'jig rten mkhas pa'i ting 'dzin gang yin pa/ /de yis rgyal ba
rang byung gnas pa'i rnams/ /de dag thams cad rgyal ba'i spyod
yul lo/ /tshul thob rnams kyis mngon bsten myur du 'thob/ /de la
rta thul sangs rgyas sras rnams ni/ /sangs rgyas gnas pa de la
nem nur med/ /
sangs rgyas tshul la sems can rnam rtse ba/ /tshul shes pa dag
ston pa'i lam la spyod/ /de ltas tshul la dad pa'i yid byas te/
/brtsam par bya yi sdug bsngal spyod la min/ /rtag tu dge bshes
mkhas pa bsten byas na/ /bla med byang chub myur du thob par
'gyur/ /bde bar
gshegs pa'i gsung mchog thos nas ni/ /'khor kun rgyal ba'i byang
chub yi rangs te/ /rjes su yi rang the tshom med gyur nas/ /mthar
phyin blo gros la ni zhugs par gyur/ /'phrul dga' ba lung bstan
pa'i le'u ste bcvo brgyad pa'o// //bam po
bdun pa/ de nas de'i tshe lha'i rgyal po dbang sgyur la sogs pa
gzhan 'phrul dbang byed ris kyi lha khrag khrig phrag brgyad cus
lha ma yin rnams nas 'phrul dga'i lha'i bar dag gis mchod pa
yang mthong/ lung bstan pa yang thos nas tshim zhing mgu la yi
rangs te/ rab tu
dga' zhing dga' ba dang/ yid bde ba skyes nas bcom ldan 'das la
'di skad ces gsol to/ /bcom ldan 'das 'phrul dga'i lha rnams
kyis yang dag pa'i mtha' zhes gang smras pa de la bdag cag gis
ni yang dag pa yang mi dmigs na de'i mtha' lta smos kyang ci
'tshal/ /
de ci'i slad du zhe na/ bcom ldan 'das gang la la zhig gis yang
dag pa dmigs na ni mtha' yang des dmigs par 'gyur te de ni gnyis
kyis spyod pa'o/ /de lta bu de ni theg pa la yang dag par zhugs
pa'i rigs kyi bu dang/ rigs kyi bu mo rnams kyi spyod yul ma
lags so/ /
@69a */ /bcom ldan 'das gang la la zhig gnyis su ma mchis pa'i
chos rnams la chos rnams ni gnyis su med do zhes mi spyod ma mos
na de 'di snyam du bdag gis byang chub mngon par rdzogs par
'tshang rgya bar bya'o snyam du sems su lags kyang/ de ni lam log
par zhugs
par 'tshal bar bgyi ba'o/ /de ci'i slad du zhe na/ bcom ldan 'das
gang 'di byang chub tu smon pa de ni lam log par zhugs pa lags
te/ bcom ldan 'das gang mngon par rdzogs par 'tshang rgya bar
bgyi ba'i chos de gang yang ma mchis so/ /de ci'i slad du zhe
na/ /
bcom ldan 'das chos 'ga' zhig dmigs par gyur na byang chub mngon
par rdzogs par 'tshang rgya bar mi nus so/ /bcom ldan 'das chos
ni 'das pa ma lags/ ma 'ongs pa ma lags/ da ltar byung ba ma
lags/ 'dus byas ma lags/ /'dus ma byas ma lags/
dngos po ma lags/ dngos po ma mchis pa ma lags/ mngon par shes
par bgyi ba ma lags/ yongs su shes par bgyi ba ma lags/ spang
bar bgyi ba ma lags/ bsgom par bgyi ba ma lags/ mngon du bgyi ba
ma lags so/ /bcom ldan 'das byang chub ces bgyi
ba de yang chos gang gi gnyen po yang ma lags la chos gang yang
chos de'i gnyen po ma lags so/ /de ci'i slad du zhe na/ chos de
ni kun nas nyon mongs pa ma lags/ rnam par byad pa ma lags te/
gang gis chos gzhan gyi gnyen por gyur pa'i chos de yang rang
bzhin gyis
mi dmigs la gang chos de'i gnyen por gyur pa'i chos gzhan de
gang yang rang bzhin gyis mi dmigs so/ /de ci'i slad du zhe na/
bcom ldan 'das chos thams cad ni mtshan ma dang bral ba ste/ de
dag ni mngon par shes par bgyi ba ma lags/ yongs su shes par
bgyi ba ma
lags/ spang bar bgyi ba ma lags/ bsgom par bgyi ba ma lags/
mngon du bgyi ba ma lags te/ bcom ldan 'das gzugs ni gzugs kyi
mtshan ma dang bral ba'o/ /tshor ba dang/ 'du shes dang/ 'du byed
dang/ rnam par shes pa ni rnam par shes pa'i mtshan
@69b ma dang bral ba'o/ /gzugs kyi skye ba'i mtshan ma nas rnam
par shes pa'i bar gyi skye ba gang lags pa de yang skye ba'i
mtshan ma dang bral ba'o/ /gzugs kyi 'gag pa nas rnam par shes
pa'i bar gyi 'gag ba gang lags pa de yang 'gag pa'i mtshan ma
bral ba'o/ /bcom
ldan 'das 'das pa dang/ ma 'ongs pa dang/ da ltar byung ba yang
'das pa dang/ ma 'ongs pa dang/ da ltar byung ba dang bral ba'o/
/'dus byas kyang 'dus byas kyi mtshan ma dang bral ba'o/ /'dus ma
byas kyang 'dus ma byas kyi mtshan ma dang bral ba'o/ /bcom ldan
'das de ltar ji tsam du phung pos bzung ba 'am/ skye ba dang/
'gag pas bzung ba 'am/ 'das pas bzung ba 'am/ ma 'ongs pas bzung
ba 'am/ da ltar byung bas bzud ba 'am/ 'dus byas kyis bzung ba
'am/ 'dus ma byas kyis bzung ba de dag ni rnam pa thams
cad du mi dmigs te/ de ltar mi dmigs pa de ni mngon par shes par
bgyi ba ma lags/ yongs su shes par bgyi ba ma lags/ spang bar
bgyi ba ma lags/ bsgom par bgyi ba ma lags/ /mngon du bgyi ba ma
lags te/ bcom ldan 'das gang dag de ltar zhugs
pa'i rigs kyi bu dang/ rigs kyi bu mo de dag ni byang chub sems
dpa'i theg pa la yang dag par zhugs pa zhes bgyi'o/ /de nas
gzhan 'phrul dbang byed ris kyi lha de dag gis ji ltar shes pa'i
chos de ltar lung bstan nas de'i tshe/ bcom ldan 'das la tshigs su
bcad pa
dag gis mngon par bstod pa/ bcom ldan srid pa mthar 'byin legs
par gsungs/ /'dren pas srid pa'i snying po ma brnyes na/ skye bo
mi mkhas de dag 'jigs pa yis/ /'khor ba'i pha rol bgrod phyir
rab tu zhugs/ /phung po rnams ni kun tu mi dmigs te/ /
phung po'i mtshan mas phung po stong pa nyid/ /chos gang gang gi
gnyen por 'gyur ba ni/ /mtshan mas stong ste gang yang ma mchis
so/ /ngo bo nyid kyis stong phyir dngos po gang/ /yongs shes bya
dang spang bsgom mngon bya ba/ /gang yang ma mchis gang du 'ang
mi dmigs te/ /
@70a */ /dngos po rnams ni dngos med rang byung gsung/ /byang
chub gang yang mtshan mar mi dmigs te/ /byang chub phyogs kyi
chos rnams de bzhin no/ /sangs rgyas gang yang mtshan mar mi
dmigs te/ /byang chub sems dpa' mtshan mas rtogs mi 'gyur/
mi mkhas gang dag mtshan mar mngon zhen pa/ /de dag byang chub
'tshang rgyar sems bskyed kyang/ /mtshan mar spyod cing spyod yul
log pa ste/ /blo gros ngan pas byang chub lam mi spyod/ /mtshan
ma sus spangs sangs rgyas spyod yul la/ /spyod pa de dag sangs
rgyas
bstan la mkhas/ /mtshan ma de bzhin mtshan ma med spangs te/
/stong dang mi stong de bzhin dmigs med pa/ /mkhas pa de dag
byang chub lam la spyod/ /de dag byang chub dam pa zhi ba 'thob/
/phas kyi rgol ba kun gyi spyod yul min/ /gnas de nyan thos
rnams
kyis bgrod bya min/ /rang rgyal rnams kyang de la mi 'gro ste/
/rnam grol sems ldan zag med tha ba med/ /dgra bcom bstan pa 'di
la gang brtson dang/ /de bzhin rang rgyal skyab par gyur pa dag
/mkhas pa'i spyod yul de la spyod yul med/ /go 'phang de ni
mtshan
ma spyod pa dang/ /nyi tshe'i stong pa nyid la sgom pa dang/
/gang rnams stong pa stong zhes stong smra dang/ /chos kun rang
bzhin yong smras 'thob mi nus/ /sangs rgyas ma smad rnams kyi
bslab pa la/ /slob dang rnam bral slob pa slob pa'i rnams/
/mkhas de rtogs pa med
pas byang chub rtogs/ /ston pas bstan pa bzhin du dgyes byed
lags/ /sangs rgyas rkang gnyis gtso bo bstod pas na/ /bdag cag
bsod nams mi chung gang thob des/ /'gro ba byang chub dam pa
'tshang rgya zhing/ /mi shes ston mdzad sangs rgyas 'grub par
shog /de
nas bcom ldan 'das kyis de'i tshe lha'i rgyal po dbang sgyur la
sogs pa gzhan 'phrul dbang byed ris kyi lha khrag khrig phrag
brgyad cu po de dag gi lhag pa'i bsam pa thugs su chud nas skye
bo phal po che de dag gi dge ba'i rtsa ba bskyed pa'i phyir de'i
tshe 'dzum pa mdzad do/ /de nas
@70b tshe dang ldan pa rta thul gyis bcom ldan 'das la tshigs su
bcad de gsol pa/ gzhan 'phrul dbang byed lha yi bsam mkhyen nas/
/rkang gnyis gtso bo khyod kyis 'dzum mdzad la/ /thub pas 'dzum
pa'i rgyu de ma gsungs na/ /rgyal ba 'dzum pa'i rgyu ni bstan du
gsol/ /
'dren pa rgyu med 'dzum pa mi mdzad ces/ /rgyal ba khyu mchog
dam pas de skad gsungs/ /'jig rten don slad 'dzum pa mdzad pa'i
rgyu/ /'dren pas bka' stsol the tshom bsal du gsol/ /drang srong
chen po'i zhal nas 'dzum rig nas/ /thub chen khyod kyi 'khor
rnams
the tshom 'tshal/ /gO tam rgyal ba 'dren pas de dag la/ /'jig
rten sman slad 'dzum rgyu lung bstan gsol/ /'di dag 'khor ba'i
rgyud las rgyab phyogs te/ /mya ngan 'das pa'i sems kyis thal
sbyar sdod/ /'khor 'di yangs pa'i sems ldan the tshom 'tshal/ /
don yod grags mnga' som nyi bsal du gsol/ /bde gshegs bstan la
the tshom ma mchis te/ /phyir zhing dad bskyed rim gro cher bgyid
de/ /the tshom mi 'tshal sems ni grol 'gyur bar/ /rgyal bas skye
bo'i the tshom legs par khum/ /bde gshegs bstan
la 'di dag bder gnas shing/ /gang lam rang byung rgyal ba gshegs
gyur pa/ /lam de nas ni the tshom ma mchis mchi/ /de bas skye
bo'i the tshom gcod du gsol/ /de nas bcom ldan 'das kyis tshe dang
ldan pa rta thul la tshigs su bcad de slar bka' stsal pa/ skye bo
tshogs chen don dbang brten byas nas/ /tshigs su bcad de dus su
gang smras shig/ /'dzum pa'i don gyi rgyu ni yongs zhus pa/
/khyod kyi tshig ni dus dang ldan pa yin/ /rta thul dri ba de yi
don dris pas/ /skye bo tshogs chen 'di yi don byas gyur/ /khyod
kyis de dris skye bo
tshogs chen dag /byang chub mchog tu yang dag zhugs par 'gyur/
/gzhan 'phrul dbang byed bsam pa ngas mkhyen te/ /rta thul 'dzum
pa 'di ni ngas bstan to/ /'jig rten mkhyen pa'i bstan pa'i lam
de nas/ /don du gnyer ba de dag de bzhin 'dod/ /gang gis
@71a */ /'gro ba 'di dag mtshan med par/ /smig rgyu la ni ji ltar
chu bzhin mthong/ /byis pa rmongs pa mkhas pa'i tshul bzhin te/
/de dag rjes su byang chub 'dod pas bslab/ /mtshan ma'i 'du shes
spang phyir mi rnams gang/ /rtag tu mtshan ma mngon dga'
'jig 'gyur zhing/ /mtshan ma'i 'du shes log pa'i lam du 'dong/
/mtshan ma med pas byang chub mchog thob 'gyur/ /med pa'i rtog
ldan mtshan mar rnam brtags nas/ /ji ltar brtags pas de ltar
'ching ba yin/ /mtshan ma stong par rnam mthong mkhas pa yi/ /zhi
ba
dag ni grags pa dam pa thob/ /'du shes mtshan can mi mnyam sems
rgyud kyis/ /sdig pa brgya dag mi mkhas de dag byed/ /'gro ba
kun tu sdug bsngal mi chung myong/ /de ltar mi mkhas mtshan ma
brtag pa byas/ /mtshan mar 'du shes pa ni phung po dang/ /sangs
rgyas
byang chub byang chub sems dpa' mthong/ /de ltar mtshan ma med
cing stong mthong na/ /byang chub gzhal med bla na med pa 'thob/
/'du shes mtshan ma can la nyon mongs 'phel/ /mtshan ma med pa kun
tu sbyor ba spong/ /mtshan ma las ni kun sbyor gzhan med de/ /kun
tu
sbyor ba de nyid mtshan med yin/ /gang rnams byang chub thob par
bya rtog pa/ /rtog pa de nyid mi mkhas bar chad yin/ /mkhas pa'i
longs spyod rnam pa thob byed na/ /longs spyod de nyid mtshan ma
med par 'gyur/ /chos rnams gang yang rang bzhin nyid kyis med/
/rnam par rtog
pas chos byung kun kyang stong/ /rtog pa med pas mtshan ma med
par 'gyur/ /de nyid byang chub gzhan du mkhas mi smra/ /rgyal
bas gsungs pa de dag thos gyur nas/ /mi 'jigs ldan pa'i 'khor ni
the tshom bsal/ /dper na tsam pa'i phreng ba 'dzin pa ltar/
/mkhas rnams
thub pas gsungs la legs zhes 'dzin/ /'jigs pa med pa'i lha tshogs
'di dag gis/ /mchod pa 'phags pa bla na med byas shing/ /rgyal
ba'i spyod yul chos rnams yongs shes nas/ /'gro ba rnam par
'dren pa kun mkhyen 'gyur/ /gzhan 'phrul dbang byed pa lung
@71b bstan pa'i le'u ste bcu dgu pa'o// //de nas tshangs ris kyi
lha bye ba phrag drug cus lha ma yin rnams nas gzhan 'phrul
dbang byed ris kyi lha'i bar dag gi mchod pa yang mthong/ lung
bstan pa yang thos nas tshim zhing mgu la yi rangs te/ rab tu
dga' zhing dga' ba dang yid bde ba skyes nas sngon dge ba'i rtsa
ba bsags pa dang/ sngon gyi rgyal ba la bsnyen bkur byas pa
dang/ bsam pa yongs su dag pa'i phyir 'jig rten pa'i bsam gtan
la mi 'dod pa skyes shing de bzhin gshegs pa'i bstan pa 'di la
ni snang ba thob
ste; chos zab mo la bzod pa thob par gyur nas de dag gis chos
thams cad byas pa yang ma yin/ ma byas pa yang ma yin zhes bya
bar shes par gyur to/ /de bzhin du skyes pa yang ma yin/ ma
skyes pa yang ma yin/ byung ba yang ma yin/ ma byung ba yang ma
yin/
grub pa yang ma yin/ ma grub pa yang ma yin/ 'gags pa yang ma
yin/ ma 'gags pa yang ma yin/ gnas pa yang ma yin/ mi gnas pa
yang ma yin/ kun nas nyon mongs pa yang ma yin/ rnam par byang
ba yang ma yin/ rjes su chags pa yang ma yin/
khong khro ba yang ma yin/ rmongs pa yang ma yin/ ma rmongs pa
yang ma yin/ shes pa po yang ma yin/ shes pa po med pa yang ma
yin/ mthong ba po yang ma yin/ mthong ba po med pa yang ma yin/
tshor ba po yang ma yin/ tshor ba po med pa yang ma yin/ ston
pa po yang ma yin/ ston pa po med pa yang ma yin/ yod pa yang ma
yin/ med pa yang ma yin/ dngos po yang ma yin/ dngos po med pa
yang ma yin/ dmigs pa yang ma yin/ mi dmigs pa yang ma yin/ 'gro
ba yang ma yin/ 'ong ba yang ma yin/ song ba
yang ma yin/ 'ong ba yang ma yin/ stong pa yang ma yin/ mi stong
pa yang ma yin/ mtshan ma yod pa yang ma yin/ mtshan ma med pa
yang ma yin/ smon pa yong pa yang ma yin/ smon pa med pa yang ma
yin no zhes bya bar shes par gyur to/ /de dag de ltar chos thams
cad
@72a */ /la yong mi gnas pa'i yid kyis de dag ming la yang mi
gnas/ tha snyad la yang mi gnas/ brjod pa la yang mi gnas/ de
dag ni brjod pa'i 'du shes can yang ma yin brjod du med pa'i 'du
shes can yang ma yin/ bya ba'i 'du shes can yang ma yin/ bya ba
med
pa'i 'du shes can yang ma yin/ so so'i skye bo'i 'du shes can
yang ma yin/ so so'i skye bo ma yin pa'i 'du shes can yang ma
yin/ so so'i skye bo'i chos kyi 'du shes can yang ma yin/ so
so'i skye bo ma yin pa'i chos kyi 'du shes can yang ma yin/ nyan
thos kyi 'du shes
can yang ma yin/ nyan thos ma yin pa'i 'du shes can yang ma yin/
nyan thos kyi chos kyi 'du shes can yang ma yin/ nyan thos ma
yin pa'i chos kyi 'du shes can yang ma yin/ rang sangs rgyas kyi
'du shes can yang ma yin/ rang sangs rgyas ma yin pa'i 'du shes
can
yang ma yin/ rang sangs rgyas kyi chos kyi 'du shes can yang ma
yin/ rang sangs rgyas ma yin pa'i chos kyi 'du shes can yang ma
yin/ byang chub sems dpa'i 'du shes can yang ma yin/ byang chub
sems dpa' ma yin pa'i 'du shes can yang ma yin/ byang chub
sems dpa'i chos kyi 'du shes can yang ma yin/ byang chub sems
dpa' ma yin pa'i chos kyi 'du shes can yang ma yin/ sangs rgyas
kyi 'du shes can yang ma yin/ sangs rgyas ma yin pa'i 'du shes
can yang ma yin/ sangs rgyas kyi chos kyi 'du shes can yang ma
yin/
sangs rgyas ma yin pa'i chos kyi 'du shes can yang ma yin/ mya
ngan las 'das pa'i 'du shes can yang ma yin/ mya ngan las 'das
pa ma yin pa'i 'du shes can yang ma yin/ 'khor ba'i 'du shes can
yang ma yin/ 'khor ba med pa'i 'du shes can yang ma yin te/ de
ltar thams cad kyi thams cad du rtog pa med pa'i blo can nam
mkha' bzhin du dag cing gos pa med par gyur nas de rnams dag pa
dang gos pa med pa'i phyir de'i tshe de dag zhi bas/ bcom ldan
'das la tshigs su bcad pa dag gis mngon par bstod pa/ zhi la zhi
ba'i thugs mnga' zhi
@72b ba skyed cing zhi ba'i pha rol byon/ /zhi ba bsten par
mdzad cing 'gro la zhi ba bsten pa rjes su ston/ /zhi ba'i spyod
yul dgyes shing byang chub zhi la dri bral 'khrugs ma mchis/
/khyod kyis 'chi med zhi ba 'gro rgyud thams cad zad pa myur du
brnyes/ /zhi ba thob par bgyid pa'i zhi
ba'i lam mchog zhi ba yang dag bsten/ /yan lag brgyad pas nyon
mongs klong rnams zhi mdzad 'gro ba thams cad bton/ /sngon gyi
rgyal bas bsten pa'i byang chub gzhal yas zhi ba de la 'god/ /de
bsten sangs rgyas 'phags pas bsten pa'i grong khyer zhi bar deng
zhes gsung/ /
'dren pa de ltar 'gro ba 'di la rgyal bas bsten pa'i bslab pa
bstan/ /gal te bslab pa de slob 'gro ba 'di dag byang chub gzhal
yas 'thob/ /bslabs nas zhi zhing yid zhi zhi ba'i lam dong dbang
po zhi ba dag /'jig rten mkhas pa 'gro ba zhi byed mthu chen
zhi ba shes par
'gyur; /'dren pa khyod kyi sras mchog zhi ba 'gro ba zhi bgyid
gang dag gis/ /'chi med zhi ba mtshan ma thams cad zad pa rnam
par rtog gyur pa/ /de dag 'dren pa tshul la mkhas pa mchod pa
mchog gis mchod par 'gyur/ /nyon mongs zhi zhing mtshan ma kun
spangs zhi ba
rtag tu ston par 'gyur/ /'gro ba thams cad zhi zhing mtshan ma
bral ba de nyid mya ngan 'das/ /thub pa gang dag zhi las zhi
'dod sems pa de dag nyon mongs 'gyur/ /rgyal ba khyod kyi byang
chub dang ni 'gro kun chos kun bsam mi khyab/ /thub pa blo ldan
'dam las rgal
ba de la bdag cag dogs ma mchis/ /gang dag phung po bor te byang
chub zhi tshol de la zhi bar rtogs/ /phung po 'jig pa de dag
sh'akya thub pa'i bstan la dga' ma lags/ /dben pa'i blo gros
ldan pa zhi tshol de dag blo 'khrugs gyur ba ste/ /chos kyi mtshan
ma spyod yul
'di dag byis pa zhes ni ston pas gsungs/ /thams cad mkhyen pas
zhi dang mtshan ma'i 'ching ba 'di dag gsungs/ /thub pa gang dag
phung po rnams la rnam pa kun tu mtshan mi rnyed/ /de dag sh'akya
thub pa'i bstan pa mdzes byed gang dag mtshan med dga'/ /de dag
byang chub skyon bral
@73a */ /zhi ba mkhas pa'i spyod yul thob par 'gyur/ /bdud kyi
rtsod las rgyal nas nyon mongs zhi ba'i thams cad mkhyen pa
'thob/ /rnam 'dren zhi ba mdzad la bstod pas bdag cag bsod nams
gang rnyed pa/ /chags med thugs mnga' bde bar gshegs pas
'di tsam zhes ni mkhyen gyur pa/ /des ni 'gro ba thams cad lam
mchog thams cad mkhyen pas bsten gyur pa/ /zhi byed zhi ba bsten
nas mkhas pas mchod pa'i rang 'byung sdig med shog /de nas mi
mdzed kyi bdag po tshangs bas tshangs pa rnams dang/ lha rnams
kyis bcom
ldan 'das la bstod par rig nas bdag nyid kyis tshul dang 'dra
ba'i tshigs su bcad pa dag gis bcom ldan 'das la mngon par bstod
pa/ mi dbang khyod kyis chos rnams thams cad ni/ /log pa rmongs
byed chang ba stong 'di ? zhing/ /ston gyi sprin 'dra mig 'phrul
'dra bar
mkhyen; /rgyal bas 'dod pa'i yon tan med par mkhyen/ /ji ltar mi
zhig rmi lam bkres gyur pas/ /kha zas ro brgya zos kyang ma
'drangs pa/ /de la bkres med zas med sems can med/ /rmi lam de
'drar chos rnams thams cad gzigs/ /skom pa'i mi zhig nyal
ba'i rmi lam na/ /chu bsil dang zhing rnyog med 'thungs gyur
kyang/ /ngoms med tsha ba zhi bar mi 'gyur te/ /de bzhin khyod
kyis chos rnams thams cad gzigs/ /'di la byed med tshor med sems
can med/ /byas pa de bzhin med cing rnam smin med/ /'bras bu
myong bar
'gyur ba de med ces/ /'di 'dra'i chos mkhyen the tshom yong mi
mnga'/ /mi zhig yid du 'ong ba'i tshig smra na/ /dga' bar 'gyur
yang tshig la 'pho ba med/ /tshig nyid med cing dgar 'gyur dngos
kyang med/ /de mkhyen de la the tshom yong mi mnga'/ /pi bang
sgra snyan mnyan na rnar
snyan te/ /sgra de rang bzhin gang yang yod pa min/ /de ltar
mkhas pas phung po 'di gzigs na/ /phung po'i rang bzhin gang
yang dmigs mi mnga'/ /nor bu rin chen rang bzhin gsal dag pa/
/gos kyi drung bzhag sna tshogs tshon du 'gyur/ /de ltar rang
bzhin yongs dag
@73b chos rnams kyang/ /log pa'i rnam par rtog pas de ltar gyur/
/tsan dan dri med skyon dang bral ba yang/ /rkyen dang sbyar na
dri zhim gzhan du 'gyur/ /de ltar rang bzhin yongs dag chos
rnams kyang/ /so so rang gis brtags pa'i rnam pa bzhin/ /ji ltar
mi yis
dung gi sgra thos te/ /sgra 'di ga las byung zhes brtag byas
kyang/ /rang bzhin gyis stong dngos po de mi dmigs/ /mi dbang
khyod kyis de bzhin chos kun gzigs/ /ji ltar mi zhig bsod pa'i
kha zas la/ /yan lag srog phan ji ltar 'gyur brtags na/ /dngos
med
yan lag srog kyang de bzhin te/ /drang srong chen pos de bzhin
chos kun gzigs/ /ji ltar mi zhig nam mkha'i 'ja' mthong na/ /yan
lag gzhigs brtags rang bzhin med cing stong/ /nam mkha'i 'ja'
bzhin khyod gyis yan lag stong/ /drang srong chen pos de bzhin
chos kun gzigs/ /grong khyer mchog kyang yan lag rnam gzhigs na/
/grong khyer rang bzhin de bzhin ming mi dmigs/ /grong khyer ji
bzhin de ltar yan lag stong/ /mi dbang khyod kyis de bzhin chos
kun gzigs/ /skyes bu dga' bar rnga zhig brdungs bgyis na/ /
dga' ba skyed kyang sgra yi rang bzhin stong/ /ji ltar sgra
bzhin de ltar yan lag stong/ /mi dbang khyod kyis de bzhin chos
kun gzigs/ /skyes bus ji ltar rnga de brdungs pa'i tshe/ /sgra ni
phyogs su mi 'gro 'byung ba med/ /phyogs su de bzhin 'gag par mi
'gyur te/ /mi dbang
khyod kyis de bzhin chos kun gzigs/ /skyes bus ji ltar rnga de
brdungs pa'i tshe/ /thogs pa med cing snyan pa'i rang bzhin te/
/khyod kyi yan lag rnga sgra de dang 'dra/ /mi dbang khyod kyis
de bzhin chos kun gzigs/ /skyes bus ji ltar rnga de brdungs pa'i
tshe/ /sgra de 'jig rten
dga' byar rtog pa med/ /ji ltar sgra bzhin khyod kyi yan lag
stong/ /mi dbang khyod kyis chos kun de ltar gzigs/ /skyes bus
ji ltar rnga de brdungs pa'i tshe/ /g.yo ba med cing zhi ba'i
dngos kyang med/ /ji ltar rnga bzhin khyod kyi yan lag stong/
/mi dbang khyod kyis de bzhin
@74a */ /chos kun gzigs/ /skyes bus ji ltar rnga de brdungs pa'i
tshe/ /sgra de yan lag ma byung rang dbang min/ /ji ltar sgra
bzhin khyod kyi yan lag stong/ /mi dbang khyod kyis de bzhin
chos kun gzigs/ /de nas bcom ldan 'das kyis tshangs ris kyi lha
de dag
dang; /mi mdzed kyi bdag po tshangs pa de'i lhag pa'i bsam pa
thugs su chud cing zhi gnas dang ye shes mthong ba'i bstod pa
des de ltar bstod pas 'khor de yang dge ba'i rtsa ba bsags par
gyur par gzigs nas de'i tshe 'dzum pa mdzad do/ /de nas tshe dang
ldan pa rta thul
gyis bcom ldan 'das la tshigs su bcad de gsol pa/ sh'akya thub
pa'i zhal nas 'dzum mdzad dri med dag mthong nas/ /lhar bcas mir
bcas klu dang gnod sbyin bcas pa'i 'jig rten kun/ /skyob pa'i
'dzum mthong thams cad ldan pa'i 'gro ba the tshom 'tshal/
bde gshegs zhal bzangs de la lta zhing thos bar dga' ste sdod/
/rgyal ba 'dzum mdzad legs par bka' stsol the tshom dgum du gsol/
/rnam par 'dren pa thub mchog kun mkhyen sangs rgyas 'dren pa
rnams/ /rgyu ma mchis bar 'jig rten don byed 'dzum mdzad ma
mthong na/ /bde gshegs khyod kyis gang slad 'dzum mdzad the tshom
rgyu de gsungs/ /rgyal ba 'dzum mdzad rgyu thos 'gro ba rnams ni
dga' bar 'gyur/ /'khor 'di the tshom 'tshal nas thal mo sbyar te
khyod la sems/ /bde gshegs thub pa'i gsung mchog the tshom
gcod pa nyan 'tshal na/ /rnam 'dren thub pa 'dzum mdzad rgyu de
de dag rnams la gsungs/ /thos nas 'gro ba dga' zhing the tshom ma
mchis 'phel bar 'gyur/ /'khor 'di snying po ldan zhing rnyog med
sangs rgyas yon tan 'tshal/ /ston pa khyod kyi zhal mdzes zla ba
mdzes
pa 'dra la lta/ /'dren pa chags med rdzogs pa tshangs pa 'dra
ba'i gsung bsgrags gsol/ /de thos 'khor rnams the tshom chad cing
chos la gnas par 'gyur/ /khyod kyi tshangs pa'i gsung mchog don
ldan 'jig rten 'das rig nas/ /skye bo dga' zhing mgu ba'i yid
@74b ldan thams cad mkhyen pas tshim/ /de dag dogs bsal sbyangs
pa'i yid kyis thams cad mkhyen du sgrub/ /brtson 'grus stobs
chen bskyed nas 'dun pa stobs ldan rtsom par bgyid/ /de lta lags
pas 'jig rten 'dren pa phan mdzad gsung bsgrags gsol/ /rkang
gnyis dam pa'i gsung mchog mi g.yo thos nas de yis ni/ /dge ba
thob pa'i 'khor 'di thams cad mkhyen du sems 'gyur bar/ /stobs
bcu mnga' ba 'gro ba kun la phan pa legs par dgongs/ /de nas
bcom ldan 'das kyis tshe dang ldan pa rta thul la tshigs su
bcad de slar bka' stsal ba/ rta thul nga yis phan byed 'dzum pa
'gro ba kun la gang bstan pa/ /rtse gcig yid kyis snyen cing
bsngags pa mdzes pa de ni mnyan par byos/ /de thos 'gro ba yon
tan bsags pa myur du 'jig rten don byed pa/ /phan dang ldan pa'i
bya ba sangs
rgyas bka' stsal de la brtson 'grus rtsom/ /tshangs pa kun 'khor
'di dag dga' zhing chos rnams la ni the tshom med/ /bskal pa
khrag khrig gang g'a'i bye ma snyed du dge la legs par spyad/
/kun tu rnam pa dag la ma chags yid gyur 'du shes mkha' 'dra
ste/ /de ltar 'gyur
kyang bde gshegs byang chub rdzogs par 'tshang rgya sems ma
bskyed/ /'di dag ma 'ongs dus na bskal pa bye ba brgya phag
gzhal yas pa/ /gnag ga'i bye ma snyed na rdul bsal thams cad
mkhyen pa'i stobs la gnas/ /de dag phyi nas bde bar gshegs pa
che ldan sangs rgyas 'dren
che ba/ /srid pa sel cing 'gro ba stong par ston pa'i bcom ldan
'das su 'gyur/ /skyob pa de dag ji ltar spyod pa sku tshe'i tshad
kyang de ltar 'gyur/ /bde gshegs mtha' yas grags ldan 'jig rten
sdug bsngal 'grel cing gnas par 'gyur/ /de dag rnams kyi sangs
rgyas
zhing ni zhing gi 'byor ba gzhal yas te/ /'dren pa chen po rnams
kyis bskal pa khrag khrig rnam pa du mar ni/ /sangs rgyas mtha'
yas rnams kyis gsungs kyang de dag bkod pa zang mi nus/ /de tshe
de dag ye shes stobs ldan zhes bya'i rgyal bar 'thun par 'gyur/
/g.yo ba
@75a */ /med cing sems med mi gnas chos ni 'gro la ston par
'gyur/ /de dag zhing mchog rnams su skyob pa'i thams cad mkhyen
lam ma sbyangs pa'i/ /sems can gcig kyang mi 'byung srid pa de
la phal cher mya ngan 'da'/ /de dag na ni de tshe 'gro ba de dag
sdug
bsngal gcig shes te/ /mi rtag 'du byed sdug bsngal rab tu 'jigs
pas sems can yid 'byung ba'o/ /de na 'gyur ba'i sdug bsngal dang
ni sdug bsngal sdug bsngal yong mi 'gyur/ /de dag thams cad blo
'thun 'gyur zhing sla ba'i lam la myur bar 'gyur/ /de na
mi rnams dag gi sgra skad rang bzhin gzhan ni 'byung mi 'gyur/
/mi sdug mi rtag de bzhin nyid dang sdug bsngal de bzhin bdag
med dang/ /zhi ba stong nyid mtshan med 'chi med mya ngan 'das
dang byang chub zhi/ /sgra skad de dag yang dang yang 'byung de
dag rna la gnas par 'gyur/ /
sgra gang thos nas de dag 'khor ba grol gnas thob par mi 'gyur
pa/ /de 'dra'i sgra de shing dam rtsig pa dag dang gang na'ang
yod mi 'gyur/ /bla gab med dang mkha' dang gtsug lag khang dang
gnas khang rnams na med/ /de tshe sangs rgyas mthu yis yan lag
brgyad dang ldan
pa'i sgra dbyangs 'byung/ /de tshe 'dres pa'i nyes pa med cing
'dod chags dang ni zhe sdang dang/ /gti mug dag gis gzir ba
rnams kyi rnar ni dge ba'i sgra grag 'gyur/ /'gro ba thams cad
'khor ba las ni 'byung zhing mya ngan 'das 'gror 'gyur/ /de tshe
zhing mchog stong pa thams
cad dga' ba'i skye bos gang bar 'gyur/ /skyes bu dam pa de dag
bskal pa khrag khrig byang chub brtson byas nas/ /drang srong
chen po de dag smon lam gyis ni 'byor pa 'di brtsams te/ /zhing
mchog de na sems can tshogs gang yod pa de kun bde gshegs 'gyur/
/tshangs
pa'i smon lam yangs ba rgya chen zhi ba 'gro bas mthong gyur na/
/ji ltar sangs rgyas bka' stsal bzhin du tshangs pa'i tshogs kyis
bsten gyur pa/ /de la bslabs nas 'gro ba thams cad thogs pa med
pa'i 'dren par 'gyur/ /de dag rgyal ba thob nas 'gro ba 'di kun
dngos po med ces ston/ /
@75b de lta bas na tshul kun 'jug la mkhas pa'i spyod pa bstan
par gyis/ /tshangs pa lung bstan pa'i le'u ste nyi shu pa'o//
//de nas 'od gsal gyi lha bye ba phrag lnga bcu rtsa brgyad kyis
lha ma yin rnams nas tshangs pa'i bar gyi lha de dag gi mchod pa
yang mthong/ /lung bstan pa yang thos nas tshim zhing mgu la yi
rangs te/ rab tu dga' zhing dga' ba dang yid bde ba skyes nas
stan las langs te/ bla gos phrag pa gcig tu bgos nas pus mo
g.yas pa'i lha nga sa la btsugs te/ bcom ldan 'das ga la ba de
logs
su thal mo sbyar ba btud nas bcom ldan 'das la 'di skad ces gsol
to/ /bcom ldan 'das byang chub sems dpas tshul la 'jug pa'i slad
du gang la bslabs nas chos thams cad snang bar 'gyur ba'i ting
nge 'dzin chos thams cad snang ba zhes bgyi ba mchis te/ des
chos
thams cad kyi tshul la 'jug pa rtogs bar bgyid do/ /de rtogs pas
bsam gyis mi khyab pa'i spobs pa dang/ thogs pa ma mchis pa'i
spobs pa dang/ byin gyis brlabs pa'i spobs pa dang/ sna tshogs
kyi spobs pa dang/ 'jam pa'i spobs pa dang/ dge ba'i spobs
pa dang/ rigs pa'i spobs pa dang/ grol ba'i spobs pa dang/ nye
bar gyur pa'i spobs pa dang/ zab pa'i spobs pa dang/ phra ba'i
spobs pa dang/ thun mong ma yin pa'i spobs pa can du 'gyur te/
sangs rgyas kyi spobs pa yang thob par 'gyur ro/ /chos thams cad
snang ba zhes bgyi ba'i ting nge 'dzin de gang zhe na/ bcom ldan
'das 'di la byang chub sems dpa' sems dpa' chen po chos thams
cad kyi tshul la 'jug pa'i slad du rnam par rtog pa dang/ rnam
par dpyod pa thams cad yid la mi bgyid de/ de 'di snyam du chos
thams cad
ni rnam par rtog pa med de rnam par rtog pa yongs su chad pa'o/
/gang rnam par mi rtog pa de ni thams cad du song ba ste/ chos
gang yang rnam par rtog par nus pa ma mchis te/ de ci'i slad du
zhe na/ rang bzhin ma mchis pa'i slad du ste/ chos gang la rang
bzhin ma mchis pa
@76a */ /de la ji ltar rnam par rtog par 'gyur zhes chos thams
cad la rnam par mi rtog par a la 'jug pa'i spobs pa rab tu thob
cing/ de dag a'i sgo la zhugs pas spobs pa mtha' yas par 'gyur
te/ a zhes bgyi ba ni mtha' yas pa/ kun tu mtha' yas
pa; ma bgyis pa/ mngon par 'dus ma bgyis pa/ yongs su ma grub
pa/ dngos po ma mchis pa/ mi gnas pa/ mi g.yo ba/ 'du ba ma
mchis pa/ 'phro ba ma mchis pa/ rtog pa ma mchis pa/ rnam par
rtog pa ma mchis pa/ ma bsgrubs pa/ yongs su thug
pa ma mchis pa/ ma brtags pa/ gzugs ma mchis pa/ brtan du ma
mchis pa/ bltar ma mchis pa/ ma mthong ba/ bsam du ma mchis pa/
rnam par mi gnas pa/ ma shes pa/ rnam par ma shes pa/ ma smos
ba/ ma bstan pa/ bsam gyis mi khyab pa/
bsam du ma mchis pa/ song ba ma mchis pa/ 'ongs pa ma mchis pa/
nye ba ma lags pa/ ring ba ma lags pa/ ma brtags pa/ gdags pa ma
mchis pa'i chos can/ ming ma mchis pa/ tha snyad ma mchis pa/
gnyen po ma mchis pa/ sgrib pa ma mchis pa/
'pho ba ma mchis pa/ 'khrug pa ma mchis pa/ brtag tu ma mchis
pa/ mi zad pa/ gnyis su ma mchis pa/ ma byung ba/ brdzun pa ma
lags pa/ bden pa ma lags pa/ sho be ma lags pa/ ma skyes pa/ ma
'gags ba/ sbyangs pa ma lags ba/ sbyang bar
'os pa ma lags pa/ gdags su ma mchis pa/ mtshan mas ma bskyod ba/
ma bzung ba/ ma bor ba/ 'dzin pa ma mchis pa/ yongs su 'dzin pa
ma mchis pa/ gtad du ma mchis pa/ yongs su gtad du ma mchis pa/
ma btang ba/ yongs su ma btang ba ste/ a
zhes bgyi ba ni sus kyang ma bgyis pa/ chos gang gi byed pa po
yang ma lags so/ /A ni ma skyes pa ste/ chos gang yang skye bar
bgyid pa ma lags so/ /A ni ma skyes pa ste/ chos gang gi skye
ba'i rgyur 'gyur ba'ang ma lags so/ /A ni ma 'gags pa ste/ chos
@76b gang gi 'gag pa'i rgyur 'gyur ba'ang ma lags so/ /A ni ma
'gags pa yang ma lags pa ste/ chos gang gi mi 'gag ba'i rkyen du
'gyur ba'ang ma lags so/ /A ni gnas pa yang ma lags/ mi gnas pa
yang ma lags/ a ni btags pa yang ma lags/
ma btags pa yang ma lags/ a ni spangs pa yang ma lags/ ma
spangs pa yang ma lags/ a ni shes pa yang ma lags/ ma shes pa
yang ma lags/ a ni dmigs pa yang ma lags/ ma dmigs pa yang ma
lags/ a ni stong pa yang ma lags/ mi stong
pa yang ma lags/ a ni dmigs su mchis pa yang ma lags/ dmigs su
ma mchis pa yang ma lags/ a ni mtshan ma yang ma lags/ mtshan ma
ma mchis pa yang ma lags/ a ni smon pa yang ma lags/ smon pa ma
mchis pa yang ma lags te/ bcom ldan
'das de ltar na chos thams cad kyi mtshan nyid ni a'i tshul lo/
/chos thams cad ni tshul gcig pa ste a'i tshul lo/ /chos thams
cad ni 'gro ba gcig pa ste/ a'i 'gro ba'o/ /chos thams cad ni
'jug pa gcig pa ste a la 'jug pa'o/ /chos thams cad ni
gdags pa gcig pa ste as gdags pa'o/ /chos thams cad ni tha
snyad gcig pa ste a'i tha snyad do/ /chos thams cad ni brjod pa
gcig pa ste as brjod pa'o/ /bcom ldan 'das chos gang ma skyes
pa de dag ni rtogs par bgyi ba ma lags pa'i tshul gyis rtogs
par bgyi'o/ /chos gang ma byung ba de dag ni dngos po ma mchis
pa'i tshul gyis rtogs par bgyi'o/ /chos gang ma grub pa de dag ni
ma grub pa'i tshul gyis rtogs par bgyi'o/ /chos gang ma 'gags pa
de dag ni 'gag pa ma mchis pa'i tshul gyis rtogs par bgyi'o/ /
bcom ldan 'das chos gang mngon par 'du ma bgyis pa de dag ni/
'dus ma bgyis pa'i tshul gyis rtogs par bgyi ste/ de ni chos
thams cad kyi tshul lo/ /bcom ldan 'das chos gang ma skyes pa de
dag ni tha snyad ji ltar rtogs par bgyi zhe na/ 'di lta ste/
dper na rmi lam na
@77a */ /bya ba sna tshogs 'byung ba de bzhin du chos thams cad
blta bar bgyi'o/ /de ci'i slad du zhe na/ bcom ldan 'das rmi lam
gyi bya ba ni ma skyes pa/ ma byung ba/ dngos po ma mchis pa
ste/ 'on kyang de dag la gdags bar gsungs so/ /de bzhin du chos
thams cad kyi
byed pa yang 'tshal bar bgyi'o/ /bcom ldan 'das 'di lta ste/ dper
na brag ca la tha snyad mchis pa de bzhin du chos thams cad kyi
tha snyad kyang blta bar bgyi'o/ /bcom ldan 'das 'di lta ste/
dper na sgyu ma'i skyes bu la gdags pa mchis pa de bzhin du chos
thams cad
kyi gdags par blta'o/ /bcom ldan 'das 'di lta ste/ dper na smig
rgyu la chab tu gdags ba'i tha snyad mchis pa de bzhin du chos
thams cad kyi tha snyad blta bar bgyi'o/ /bcom ldan 'das 'di lta
ste/ dper na me long gi dkyil 'khor la bud med kyi gzugs sam/
skyes pa'i gzugs kyi tha snyad mchis pa de bzhin du chos thams
cad kyi tha snyad blta bar bgyi ste/ bcom ldan 'das byis pa
rnams dga' bar bgyi ba'i slad du rmi lam gyi bya ba tha snyad du
bgyi'i rmi lam gyi bya ba de dag ni ma mchis so/ /bcom ldan 'das
de bzhin du byis pa
dga' bar bgyi ba'i slad du mig yor dang/ smig rgyu dang/ brag
ca'i bya ba dag kyang tha snyad du bgyi ste/ brag ca la bya ba
ma mchis so/ /bcom ldan 'das de ltar bdag cag gis bcom ldan 'das
kyis gsungs pa'i don 'tshal te/ bcom ldan 'das 'di ni chos thams
cad
snang ba zhes bgyi ba'i ting nge 'dzin to/ /de skad ces gsol nas
'od gsal gyi lta rnams kyis bcom ldan 'das la tshigs su bcad pa
dag gis mngon par bstod pa/ bde gshegs khyod kyis tshul gcig
mkhyen te 'on kyang gzhan dang gzhan du gsungs/ /thub pa
'jig rten mkhas pa'i sras rnams rnam par rol pa'ang de bzhin no/
/de la 'jig rten blo med bdag tu lta ba rnams kyis khong mi
chud/ /bdag gi don de phyogs bcur ma mchis bdag nyid kyis ni
'gro ba stong/ /sgyu ma gsog dang smig rgyu chu ma mchis la chab
kyi 'du shes
@77b can; /byis pa de dag blo log de bzhin 'khrul te bdag tu
sbyor bar bgyid/ /de dag yang dag ma 'tshal mi mkhas gnas min
dngos la rten kyang 'cha'/ /de bzhin byis pa'i skye bo smig rgyu
'dra ba'i phung po yong ma 'tshal/ /'khor bar dga' ba zug rngus
zug cing sdug bsngal
de yis dbang po bdas/ /gang la mi mkhas des par sdug bsngal
myong ba de la dngos ma mchis/ /blo stor yid nor sdug bsngal
rnams la bde bar 'du shes nor ba la/ /nyon mongs 'jigs pa che
dang dug gsum rnams kyang rjes su 'gro zhing 'brang/ /'dod chags
zhe sdang gti
mug dug chen nyon mongs mtshungs med rjes su 'brang/ /blo stor de
dag sdug bsngal gang gis sdug bsngal gyur pa'i sdug bsngal ba/
/de rnams de dag rjes 'brang byis pa mi mkhas gnod pa'i khur
yang khyer/ /de dag rgyal ba'i tshul sgo thar pa bgyid pa stong
pa 'di thos nas/ /skyes
bu ngan pa blo zhan de dag bstan ngag bden pa nyid kyis 'jigs/
/bde gshegs khyod kyis a yi yi ge tshul chen sgo gcig de ltar
bstan/ /de la yang dag blo can sa las shing skye bzhin du yid
bskyed cing/ /bdud rnams bye ba dpung dang bcas btul byang chub
zhi ba mngon 'tshang rgya/ /
yan lag brgyad pa'i gru bcas skye bo nyon mongs rgya mtsho che
las sgrol/ /bde bar gshegs pa cang mkhyen des pa rnams ni tshul
gyi dam pa des/ /myur du nyon mongs dug bsal byang chub dpag yas
zhi ba 'thob 'gyur zhing/ /grol nas dug med gyur ba skye bo
gzhan mthong nges
pa'i mkhyen brnyes nas/ /pha rol myur phyin dug med bde zhing
gdug pa thams cad 'joms par mdzad/ /bde gshegs thams cad stong
yang bdag tu rtog rnams tshul dang tshul min rtog /'gro ba kun
gyi nang nas mkhas pa tshul dang tshul min bslabs pa dag /grol
nas
'gro ba kun la chags med yid kyis ngo bo nyid kyi chos/ /de yi
tshul mthong tshul la mkhas pa de dag mthu chen mgon por 'gyur/
/'ching dang bcings pa med cing bde bar gshegs pa chos rnams
chos nyid med/ /de bzhin nyid dang ma nor de bzhin nyid zhi mi
'dag nyon mi mongs/ /
@78a */ /nyon mongs mtshan ma med cing zhi byed med la nyon mongs
rnams kyang med/ /gang gis tshul chen dam pa 'di mthong de dag
thams cad mkhyen du 'gyur/ /grol zhing 'grol mdzad zhi ba'i chos
can zhi mdzad ngo mtshar 'gyur mi mnga'/ /bcom ldan lhar bcas
'jig rten
dpyid kyi smig rgyu bzhin du 'khrul pa ste/ /kun rtog bdag nyid
zil gnon bdag dang gzhan med skyes pa bud med rtog /'gro ba
sdug bsngal de na sna tshogs kyis bskyed sems kyis sems kyang ni/
/las dang 'bras bu med cing de myong gang gyur de yang med/ /bde
gshegs
de ltar sangs rgyas rnams kyi spyod yul tshul ni bdag cag 'tshal/
/des na da ltar bde gshegs zhi thugs dbang po zhi zhing des pa
ste/ /dge ba'i blo mnga' dag gtsang dri med chos kyis rab tu
mchod par 'gyur/ /sangs rgyas 'jig rten 'phags pa'i gtso bo
bstod pas
bsod nams gang byung ba/ /ji snyed dpal stug rkang gnyis gtso
bos rnam smin yongs su mkhyen gyur pa'i/ /bdag cag dge rtsa de
yis 'gro ba 'di kun kun mkhyen nyid thob shog /bsod nams 'di
kun 'gro ba kun gyi don bsngo kun kyang rgyal bar shog /de nas
bcom ldan 'das kyis 'od gsal gyi lha de dag gi lhag pa'i bsam pa
yongs su dag pa dang/ tshul gyi rjes su 'gro ba'i spobs pa phun
sum tshogs pa yang thugs su chud la 'khor de dag gis kyang khyad
par thob par 'gyur bar mkhyen nas de'i tshe 'dzum pa mdzad do/ /
de nas tshe dang ldan pa rta thul gyis bcom ldan 'das la tshigs su
bcad de gsol pa/ 'jig rten don mdzad rnam par 'dren mchog kun
mkhyen thams cad zil gnon pa/ /bde gshegs thugs rje ldan rnams
rgyu ma mchis par bzhad pa mi mdzad na/ /rgyal ba dpal stug
rkang gnyis mchog gis 'jig rten thugs brtses bka' stsal gsol/
/'jig rten 'das khyod ci slad 'dzum mdzad de rgyu bdag cag rnams
la gsungs/ /gtso bo de thos 'gro ba mtha' dag yid ni rab tu dang
'gyur zhing/ /rnam par 'dren pa nges 'byung las dang 'bras bu
@78b gzhal yas bgyid par 'gyur/ /des ni lha mir bcas pa'i 'jig
rten 'khor bar sdug bsngal nyam thag 'di/ /'phags lam yan lag
brgyad bstan srid pa'i rgya mtsho 'di nas sgrol bar 'gyur/ /drang
srong chen po'i gsung mchog yan lag brgyad ldan bzang po 'di
thos nas/ /
'gro ba thams cad sangs rgyas nyid 'tshal dge la brtson zhing
dga' bar 'gyur/ /the tshom bral gyur rnam dag yid kyis brtson
'grus drag po'i stobs bskyed cing/ /bde bar gshegs pa'i bstan pa
bzhin bgyid khyod dang 'thun byung sras su 'gyur/ /'khor rnams
'di dag
brten pa gzhan ma mchis par 'dren pa khyod kyi zhal du lta/
/'gro ba'i rtsa lag rtog pa yid gnyis bsal zhing bka' lung stsal
du gsol/ /bcom ldan 'jig rten 'di dag khyod kyi zhabs 'bring
gnas shing nyan par 'tshal/ /gsung rab legs brjod bdud rtsi'i
char phob
gang dag skom pa 'tshal bar 'gyur/ /'dren pa chen po khyod kyi
'khor 'di dag cing sangs rgyas yon tan 'tshal/ /ring du song ba'i
ma la bu lta bzhin du khyod kyi zhal du lta/ /bde gshegs lha
rnams lung bstan bka' stsol bzhad pa'i don kyang bstan du gsol/
/skyob pa'i
gsung mchog thos na 'jig rten don chen shin tu thob par 'gyur/
/thub pa de ring su zhig dge ba 'phel zhing grags pa don du
gnyer/ /su zhig 'dren pa'i yon tan gter rnyed 'gyur ba bdag cag
de nyan 'tshal/ /rgyal ba'i 'khor rnams khyod kyis gsungs pa de
dag thos
shing dgar gyur nas/ /tshul 'di ston cing ting 'dzin stobs ldan
shes rab la yang sgom par 'gyur/ /de nas bcom ldan 'das kyis tshe
dang ldan pa rta thul la tshigs su bcad de slar bka' stsal pa/
rta thul khyod kyi spobs pa legs par dus ldan skyes pa shin tu
legs; /bde gshegs rnam par sprul bzhin de ltar khyod kyi blo
gros 'byung 'gyur zhing/ /spobs pa che 'byung de phyir gang dang
gang dag khyod kyis dris gyur pa/ /de dag lung bstan ngas bshad
kun kyang dbang po zhi bas mnyan par gyis/ /'od gsal ba yi lha
rnams blo dag
@79a */ /sngon gyi rgyal ba mthong ba ste/ /'jig rten mgon med
yid can 'di dag mthong nas byang chub yang dag zhugs/ /byang
chub nges 'byung lam mchog yang dag rgyal bas spyad spyod pa/
/byang chub 'gro 'dod gang tshe ston med lam stor rnams la ston
par 'gyur/ /
tshul gyi dam pa shin tu gsal sgra thun mong ma yin 'di thos na/
/sangs rgyas yon tan don gnyer blo sbyangs de dag byang chub zhi
'thob 'gyur/ /de dag stobs skyes tshul dang tshul min mkhas shing
byang chub yid nges 'gyur/ /bu skyes ma bzhin dga' bas byang
chub mchog tu de dag
smon lam btab/ /'od gsal lha rnams 'di dag byang chub 'dod la
tshul gyi sgo bstan te/ /bskal pa khrag khrig brjod du med par
phra ba'i tshul 'di bstan byas nas/ /sems can skar ma'i grangs
pas ches mang ba dag byang chub dga' byas te/ /de yi 'og tu 'jig
rten mkhas
pa rang byung skyon bral kun mkhyen 'gyur/ /de dag zhing mchog
brjod du med pa zhing rnams bye ba brgya 'grangs par/ /yangs
shing shin tu dga' la mtha' dag bkod pa rnams kyis brgyan pa
ste/ /kun gyi zhing du ngan song rnams dang de bzhin mi khom
yong mi 'byung/ /bde
bar gshegs rnams thugs brtses sems can thams cad rang 'byung
mdzad par 'gyur/ /zhing rnams de dag gang na'ang nyan thos theg
pa ston par mi 'gyur te/ /sems can thams cad rang byung nyid du
mngon phyogs 'phrogs pa med par 'gyur/ /de na rang byung
sangs rgyas nyid ston mdzad pa 'jig rten mkhas rnams kyi/ /sku
tshe'i tshad ni bskal ba bye ba brgya 'grangs gang g'a'i bye snyed
'gyur/ /rta thul 'jig rten khrag khrig khams kyi nyan thos mya
ngan bzlas pa bas/ /gang yang skyes pa 'am bud med gcig cig
byang chub yang
dag dga' byas na/ /bsod nams de la snga mas grangs sam dper yang
bya bar mi nus so/ /de bas byang chub zhugs pa'i skyes bu dam pa
byang chub dga' bar gyis/ /rta thul 'di la 'dren pa thams cad
mkhyen pa 'byung ba rnyed sla min/ /de ni u dum ba ra'i me tog
'dra zhes
@79b sangs rgyas mtha' yas blo mnga'as gsungs/ /de phyir bla na
med pa'i zhi bde byang chub mi gang 'dod pa yis/ /shin tu blo
phra sten bzang mkhyen pa tshul mkhas 'dren la bsten par bya/ /de
bzhin gshegs kyi zhal nas don byed gsung dag de 'dra thos gyur
nas/ /'khor rnams thams
cad yi rangs mchog tu dga' zhing yang dag dga' bar 'gyur/ /khrag
khrig lha rnams nam mkhar 'khod nas gos kyi g.yab mo 'dor par
byed/ /dga' nas sangs rgyas dbang phyug khyod la phyag 'tshal lo
zhes sgra yang phyung/ /zhi ba thugs zhi skye bo nyon mongs rgod
pas rgod gyur zhi
bar mdzad/ /bdud rtsi ston cing dug gsum zhi mdzad sems can dug
ni bskyug tu gsol/ /khyod kyi ye shes thos nas skye dgu'i dug
med 'gyur zhing dgra med 'gyur/ /sdug bsngal rnams kyis 'dren
las tshul thos mi bzad srid pa'i rgyud las grol/ /'od gsal ba
lung bstan
pa'i le'u ste nyi shu rtsa gcig pa'o// //bam po brgyad pa/ de
nas dge rgyas ris kyi lha khrag khrig phrag bcu gnyis kyis lha
ma yin rnams nas 'od gsal ba'i lha'i bar dag gi mchod pa yang
mthong/ lung bstan pa yang thos nas tshim zhing mgu la
yi rangs te/ rab tu dga' zhing dga' ba dang yid bde ba skyes nas
bdag cag tshul phun sum tshogs par gyur pa yang brjod cing bcom
ldan 'das la 'di skad ces gsol to/ /bcom ldan 'das chos thams
cad la bde bar 'gro ba zhes bgyi ba'i ting nge 'dzin mchis te/
ting nge
'dzin de thob pas byang chub sems dpa' sems dpa' chen po dmigs
pa'i dngos po thams cad la bde ba'i tshor ba sha stag myong bar
'gyur zhing sdug bsngal gyi tshor ba mi myong la/ sdug bsngal
yang ma lags bde pa yang ma lags pa yang mi myong ste/ sems can
dmyal ba'i gnod
pas gnod par bgyis kyang bde ba'i 'du shes nye bar gnas pa dang/
mi'i gnod pas gnod par bgyis kyang bde ba'i 'du shes nye bar
gnas pa dang/ lag pa bcad dam/ rkang pa bcad dam/ rka lag bcad
dam/ rna ba 'am/ sna 'am rna ba dang sna gtubs kyang bde ba'i
'du
@80a */ /shes nye bar gnas par 'gyur ba dang/ sba lcag gis gzhus
sam/ spa lcag phyed tshal lam/ lcag gis gzhus kyang bde ba'i 'du
shes nye bar gnas par 'byur ba dang/ btson rar bcug gam/ lcags
sgrog dang/ shing sgrog tu bcug gam/
btson cha dam po la rgyas btab bam/ byis pa'i gtsug phud ltar
bcings sam/ dugs kyi snod ltar bdugs sam/ bu ram shing brdungs
pa ltar brdungs sam/ 'dam bu gzhom pa ltar bcom 'am/ 'bru mar
gyi mar me ltar 'bar bar byas sam/ mar gyi mar me
dang zho bskol ba ltar 'bar bar byas kyang bde ba'i 'du shes nye
bar gnas par 'gyur ba dang/ me'i nang du bor ram/ seng ge'i khar
bstabs sam/ stag gi khar bstabs sam/ sgam ril bya ba ltar gril
tam/ byi bo'i chad pa lta bus bcad dam/ nyes byung ba
bsgrags pa ltar bsgrags sam/ kar Sha pa Na tsam du gtubs sam/
'bras phye btso ba ltar btsos sam/ glang po che rnams kyis bcom
yang bde ba'i 'du shes nye bar gnas par 'gyur ba dang/ mig
phyung ngam/ gsal shing gi rtse mo la bzhag gam/ gsad pa'i gnas
su khrid de rnam pa thams cad du mog gcod kyang bde ba'i 'du
shes nye bar gnas par 'gyur te/ bde ba yang ma lags/ mi bde ba
yang ma lags pa'i 'du shes rnam pa thams cad du mi 'byung ngo/
/de ci'i slad cu zhe na/ 'di ltar byang chub sems dpa' sems dpa'
chen po de yun ring po nas spyad pa spyod pa'i tshe smon lam 'di
ltar btab ste/ gang gi bdag la kha zas byin pa de dag nye bar
zhi ba'i bde ba thob par gyur cig/ gang gis bdag la skom blad pa
dang/ gang gi bdag la rim gro byas pa dang/ bkur sti byas pa
dang/
bsti stang byas pa dang/ mchod pa byas pa de dag thams cad kyang
nye bar zhi ba'i bde ba thob par gyur cig/ gang yang bdag la
gshe ba dang/ mi bde bar byed pa dang/ brdeg pa dang/ mtshon gyis
'debs pa dang/ rnam pa thams cad du srog gcod pa'i bar du byed
pa de dag thams
@80b cad kyang byang chub kyi bde ba thob cing bla na med pa
yang dag par rdzogs pa'i byang chub mngon par rdzogs par 'tshang
rgya bar gyur cig ces smon lam btab ste/ de yid la bya ba de dag
dang ldan zhing de de lta bu'i las dang/ de lta bu'i smon lam
dang ldan pas sems can thams cad kyi
rjes su song ba'i bde ba'i 'du shes la sten cing snyen la sgom
zhing mang du byed de/ de las de'i rnam par smin pas chos thams
cad la bde bar 'gro ba'i ting nge 'dzin rab tu 'thob bo/ /gang
gi tshe byang chub sems dpas chos thams cad la bde bar 'gro ba'i
ting nge 'dzin thob par
gyur pa de'i tshe/ bdud kyi las thams cad kyis mi 'phrogs shing
mi 'khrugs par 'gyur te/ de'i tshe 'di ltar tshe la dbang ba dang/
skye ba la dbang ba dang/ las la dbang ba dang/ rnam par rtog pa
la dbang ba dang/ yo byad la dbang ba ste/ dbang lnga thob par
rig par
bgyi'o/ /de 'tshal na tshe rjes ma thag tu byang chub mngon par
rdzogs par 'tshang rgya'o/ /de 'tshal na bskal pa grangs ma mchis
par gnas so/ /de ci'i slad du zhe na/ 'di ltar byang chub sems
dpa' sems dpa' chen po de theg pa chen po la yang dag par zhugs
shing
byang chub sems dpa' sgrub pa dang/ byang chub sems dpa' yongs
su 'dzin pa dang/ ngan 'gro thams cad rab tu bsal ba dang/ 'gro
ba drug po kun tu skyes pa dang/ byang chub sems dpa'i bslab pa
thams cad la bslabs pa dang/ shes rab kyi pha rol tu phyin bas
yongs su bzung ba dang/ thabs mkhas pa dang ldan pa dang/ bdud
kyi las las rnam par rgyal ba dang/ chos thams cad khong du chud
par rig par bgyi ba'i slad du ste/ bcom ldan 'das gang gis byang
chub sems dpa' chos thams cad la nges pa'i rtogs pa thob par
'gyur ba thams cad ni de bzhin gshegs pa'i mthu'o/ /de nas dge
rgyas kyi lha rnams kyis ting nge 'dzin 'di brjod nas de'i tshe
tshigs su bcad pa dag gis bcom ldan 'das la mngon par bstod pa/
dge rgyas lha tshogs 'di dag thams cad chos la mthar thug gyur
pa ste/
@81a */ /ston pa dbang po zhi zhing zhi ba mkhyen la mgo bos
skyabs su mchis/ /de dag mkhas pas mchod pa'i sangs rgyas don
mkhyen 'khor ba rgal gyur pa/ /thub pa mi yi 'dren pa'i tshul
mkhas rgyal ba 'dren pa 'dren la bstod/ /'di na rang bzhin nges
pa'i
thub chos gnas pa gang na'ang ma mchis te/ /sgyu ma'i mkhan pos
sgyu ma ji bzhin khyod kyis thub pa legs par mkhyen/ /yan lag
sna tshogs sgra brnyan ri khrod 'byung ba mkhas pas rtogs pa
ltar/ /de bzhin bde gshegs drang srong khyod kyis lha mir bcas
pa'i 'jig rten
gzigs; /'di na sems can srog dang shed bu gso ba gang zag ma
mchis te/ /mi mchog khyod kyis 'du shes rnam par bshig cing
stong par rnam gzhag la/ /rkang gnyis dam pa sems can gtso bo
byams pa gzhal yas sgom pa'ang mdzad/ /rgyal ba sangs rgyas
dgongs
pa 'di ni 'gro ba kun gyis rtogs par dka'/ /byams pa dge sgom
sems can dmigs pa yin zhes 'dren pas bka' stsal la/ /sems can
rnam par bshig cing 'gro ba thams cad sems can med par mkhyen/
/de ltar rkang gnyis dam pa rnyog pa mi mnga' the tshom bral
thugs ldan/ /des na bde gshegs rnam brtags blo mnga' mchod 'os
khyod la mchod pa 'tshal/ /bde bar gshegs pa sdug bsngal phyogs
bcur gnas pa kun tu mi dmigs kyang/ /lha yi lhar gyur khyod kyis
sems can rnams la snying rje bgyi ba gsungs/ /de ltar
rgyal mchog bdag cag rgyal ba'i dgongs pa ji bzhin kun tu 'tshal/
/des na rkang gnyis gtso bo mi mchog mchod 'os khyod la mchod pa
'tshal/ /thub pa khyod kyis sems can dang ni bsal bgyi sdug
bsngal mi gzigs la/ /dgyes pa skyes nas rab tu dgyes pa'i thugs
kyis
mi dgyes rnam par bsal/ /de ltar sangs rgyas tshul ni bsam gyis
mi khyab tshul 'di ji bzhin 'tshal/ /des na mi mchog khyod la
mchod nas brnyes pa'i 'bras bu thob par bgyi/ /skyon bral khyod
kyis 'gro ba kun tu sdug bsngal mya ngan 'das ma dmigs/ /'on
kyang 'khor bar
@81b sems can gzigs shing don mdzad stobs dang ldan pa bskyed/
/sems can sdug bsngal 'gro dang thub dang mya ngan 'das dang
gnas ma mchis/ /sangs rgyas tshul 'di rtogs nas thub pa mchod 'os
khyod la mchod pa 'tshal/ /'dren pa tshad med bzhi po gzigs shing
de yang
gnyis su med par bstan/ /gang zhig der dul ma gzigs gang yang
tshad med gnas pa de ma gzigs/ /thub pas bag med gang yang ma
gzigs bag yod mi yang ma gzigs te/ /sangs rgyas tshul 'di 'tshal
nas thub pa ston pa khyod la mchod pa bgyis/ /thub
pa sku ni rnam par spangs pas sku btsal mdzad na ma brnyes
kyang/ /de ltar 'dren pa dran pa ma gsungs ma lags bsnyel ba
yang mi mnga'/ /bde bar gshegs pas lus la song ba'i bsgom pa
bsgom par gyis shes gsungs/ /sangs rgyas tshul 'di rig nas bde
bar
gshegs pa skyob la mchod pa bgyis/ /'dren pas tshor ba'i rang
bzhin btsal ba mdzad na brnyes par ma gyur la/ /tshor ba tshor bar
bgyid pa'ang thub pas yongs su btsal na ma brnyes te/ /de ltar
gang zhig dran sgom de ni sang rgyas kyis kyang yong ma gzigs/
/sangs
rgyas tshul 'di 'tshal nas ston pa la ni bdag cag mchod pa bgyis/
/thub pas sems dang sems las byung ba dgongs te btsal na ma
brnyes la/ /gang gi nye bar gzhag pa de yang dran pa med par rab
mkhyen kyang/ /thar pa 'dod pa rnams kyis sems 'dus dran pa
bsgom par gyis shes gsungs/ /bde bar gshegs pa'i dgongs pa'i 'di
'tshal nas ni ston la mchod pa bgyis/ /'jig rten phan par bzhed
pas chos dang chos la gang spyod de ma gzigs/ /bsgom par gang
gsungs dran pa de yang 'di na rang bzhin ma mchis la/ /thar pa
'dod pa rnams kyis chos 'dus dran pa bsgom par gyis shes gsungs/
/sangs rgyas tshul bzhi po 'di rab tu 'tshal nas skyob la mchod pa
bgyis/ /gnas gcig mchis pa ma lags gnyis sam gsum 'am bzhi lta
ga la mchis/ /gang gis gnas su brjod pa'i dran pa
@82a */ /de yang gang na'ang ma mchis te/ /de bas gang gi bde ba
'am sdug bsngal yang dag gang na'ang de ma mchis/ /ston pa'i
tshul 'di 'tshal nas des na bdag cag khyod la mchod pa 'tshal/
/ston pa'i tshul mchog bzhi po 'di rnams dge slong gang dag
'dzin bgyid na/ /'di dag thar pa nyid kyi lam ste 'khor ba las
ni 'byung bar 'gyur/ /de ltar de ni tshul 'dir ma bcing ma grol
byang chub 'dren pa min/ /bcom ldan 'das kyis brtags pa ma bshig
des na khyod la mchod pa 'tshal/ /thar mdzad slad du bcom ldan
'das kyis lam zhi rdzu 'phrul rkang pa gsungs/ /'di dag bsgoms
na mi rnams dbang po dul zhing mya ngan 'da' bar 'gyur/ /yang
dag du na rdzu 'phrul dang ni rkang pa sgom pa mi dmigs te/
/chad par mi 'gyur bya ba'ang ston cing byed pa po yang yong mi
dmigs/ /thams
cad mkhyen gyi bstan 'dir lha tshogs the tshom gang na'ang ma
mchis te/ /de dag de la nem nur ma mchis de bzhin som nyi ma
mchis 'gyur/ /'di ni mchod pa bzang po mchog ces mchod 'os sangs
rgyas rnams kyis gsungs/ /des na bde gshegs dpe med spyod mnga'
mchod 'os khyod la mchod par 'tshal/ /thar par mdzad slad 'jig
rten mkhas pas nges 'byung dbang po lnga yang gsungs/ /rtag tu
bag yod byos la mya ngan 'das 'gro'i lam 'di sgoms zhes bstan/
/thub pa dbang po dang ni sgom pa po dang thar ba'ang mi dmigs
te/ /
'di la lha 'khor the tshom ma mchis de slad khyod la mchod pa
'tshal/ /sangs rgyas rnams kyi mya ngan 'das par 'dro ba'i drang
lam stobs lnga po/ /de dag nyon mongs zad bgyid thar par bgyid
ces ston pa thub pas gsungs/ /de dag rang bzhin ma mchis nyon
mongs ma mchis
rgyal ba ma mchis te/ /thub pa bdag cag gang la'ang the tshom ma
mchis de slad khyod la mchod/ /byang chub yan lag bdun po 'di
dag dge ba lam gyi dam pa ste/ /sangs rgyas rnams kyi mya ngan
'das 'gro'i drang lam mchog ces thub pas gsungs/ /'ching ba
mchis pa ma lags
@82b grol ba ma mchis bcings pa'ang ma mchis te/ /sems can dkon
mchog 'di la bdag cag the tshom ma mchis khyod la mchod/ /rkang
gnyis gtso bo khyod kyis bzhi phrag gnyis lam sems can rnams la
bstan/ /brtson 'grus ldan par 'phags lam sdug bsngal mtha'
mar 'byin pa sgoms zhes gsungs/ /mi mchog lam dang de bzhin nyon
mongs 'di gnyis g.yo ba ma mchis te/ /'di la lha tshogs the tshom
ma mchis gyur pas mchod 'os khyod la mchod/ /'dod chags gnyen
por zhi gnas bka' stsal zhe sdang gnyen por byams pa gsungs//
gti mug gnyen por lhag mthong thub pa mchog gis sems can rnams
la bstan/ /'di dag thams cad g.yo ba ma mchis skad cig dag min
nyon mongs min/ /'di la lha tshogs the tshom ma mchis thub pa
mchod slad rtag tu brtson/ /sdug bsngal zhi bya phyir ni zhi
gnas lhag
mthong lam yang sgoms zhes gsungs/ /bcom ldan gang gis 'gro ba
nyon mongs bag chags bcas dri de dag zhi/ /thub pa zhi gnas lhag
mthong de bzhin dri ma thams cad stong pa ste/ /'di la lha tshogs
gang du 'ang the tshom ma mchis skyon bral khyod la mchod/ /stobs
bcu
sems can rnams la dge ba bcu yi las lam bstan mdzad de/ /gsod
dang 'khrig dang ma byin phra ma brdzun dang zhe gcod kyal tshig
dang/ /gnod sems dang ni mi rigs 'dod dang de bzhin log par rtog
pa rnams/ /mi dge'i las lam 'di yang bcom ldan 'das kyis
sems can rnams la bstan/ /sems can mi dmigs gsod pa ga la mchis
te lhag ma de dang 'dra/ /gnyen po dge ba ma mchis de ni ngo bo
nyid kyis stong pa ste/ /bde gshegs thub pa zag pa mi mnga'
rnams kyang ngo bo nyid kyis stong/ /rnam 'dren the tshom som nyi
ma
mchis de slad khyod la mchod par 'tshal/ /sangs rgyas sras po dge
ba'i blo can gang zhig spyod pa 'di sten pa/ /mkhas pa kun tu
dge ba nyid myong sdug bsngal myong bar yong mi 'gyur/ /bcom
ldan bde gshegs ye shes des ni tshul 'di bde bar thob par bgyis/
/'di
@83a */ /la lha tshogs the tshom ma mchis mchod 'os khyod la mchod
par 'tshal/ /de ltar dge rgyas kyi lha rnams kyis bcom ldan 'das
la mngon par bstod nas cang mi zer bar 'khod do/ /de nas bcom
ldan 'das kyis dge rgyas kyi lha rnams ? cad mi zer bar
'khod pa yang mkhyen/ de dag gi lhag pa'i bsam pas sgrub pa yang
thugs su chud nas de'i tshe 'dzum pa mdzad do/ /de nas tshe dang
ldan pa rta thul gyis bcom ldan 'das la tshigs su bcad de gsol
pa/ skye bo 'di kun bcom ldan khyod kyi mkhyen pa'i zil gyis zil
mnan nas/ /bde gshegs rgyal ba mchog khyod kyis ni 'dzum mdzad
pa 'di 'jig rten bstan/ /rgyu ma mchis par chos kun mkhas pa
rnams ni 'dzum pa mi mdzad na/ /'dzum rgyu don gnyer mig med
rnams la 'jig rten mkhas pas bka' stsal gsol/ /ma lus
'di dag thams cad gzhan du mi sems khyod 'dzum re zhing 'khod/
/dpal sdug khyod la bstod pa bgyid cing nyan par 'tshal ba'i yid
kyis gnas/ /sangs rgyas gsungs gi dbang phyug thos nas yid ni
rab tu rangs gyur te/ /chos rnams kun la nges pa'i blo dge ldan
pa'i
ston par skye bar 'gyur/ /bde gshegs mi mchog dge ba'i thugs can
de ring su zhig blo gros bskyed/ /de ring gang gis 'chi med zhi
ba rtogs shing phyogs rnams snang bar bgyis/ /su zhig 'jig rten
thugs brtse rgyal ba 'dren pa dpag tu med 'gyur ba/ /de dag
bka' stsol drang srong 'khor 'di legs par gsungs pas tshim par
mdzod/ /rgyal ba khyu mchog dge sbyong dam pa deng su btsun la
dad pa skyes/ /bdud kyi mi phrogs blo ldan gang zhig chos la
yang dag yongs su gnas/ /sangs rgyas sras po tshul mkhas gang
zhig de ring
nges pa thob par 'gyur/ /rkang gnyis gtso bo de dag bka' stsol
'gro 'di the tshom ma mchis mdzod/ /bde gshegs deng su 'gro la
dang bskyed skye dgu rnams la byams gyur cing/ /byang chub mthar
phyin blo gros brtan zhing thams cad mkhyen pa nyid la gnas/
/gang la 'dzum
@83b pa deng bstan bde gshegs bstan pa 'dzin pa de gang lags/
/bsod nams brgya yi mtshan mnga' de dag bka' stsol bdag gi the
tshom khum/ /'dren pa khyod gsung yan lag brgyad ldan legs par
bka' stsal thos gyur na/ /bde gshegs gsung gis thog mar
bdag cag 'dong zhing 'gro ba gzhan yang 'dren/ /de ltar gyur na
bde gshegs bstan rab 'di ni sras la gnas par 'gyur/ /'jig rten
'di dag yid ni myur du bde gshegs rnams la gnas par 'gyur/ /de
nas bcom ldan 'das kyis tshe dang ldan pa rta thul la
tshigs su bcad de slar bka' stsal pa/ nga yis 'jig rten don byed
'dzum mdzad rta thul khyod kyis mthong gyur cing/ /skyes bu dam
pa khyod kyis dus su dris te 'gro ba'i don byas pa/ /khyod kyis
bsod nams 'phel ba brjod du med de de ni zad mi 'gyur/ /de ni
khyod la
bstan gyis khyod dang 'gro ba 'di dag dga' bas nyon/ /dge rgyas
lha tshogs 'di dag nga yi chos nyid la ni the tshom med/ /kun
kyang yi rangs rab zhi yid kyis tshigs bcad dag gis nga la
bsngags/ /sngon gyi sangs rgyas bye ba khrag khrig stong bgrangs
mchod 'os mchod byas te//
the tshom med pa'i yid kyis tshul dris kun tu som nyi med par
gyur/ /de ltar sngon gyi rgyu des 'dir yang tshigs su bcad pas
nga la bstod/ /bskal pa bzang po'i rgyal ba bstod 'os kun la'ang
'di dag bstod par 'gyur/ /'di dag bskal pa ud pa la la rgyal ba
dgra
rgyal mthu chen 'gyur/ /'di dag sems can khrag khrig bsam yas
yongs su mya ngan 'da' bar byed/ /sangs rgyas drang srong chen
po de dag yid 'ong mtshan du gang 'gyur ba/ /de yang bstan gyis
dang ba'i yid kyis sems kyi tha ba spangs te nyon/ /rgyal ba de
kun
chos kyi tog ces bya ba 'dren pa gzhal yas 'gyur/ /'di dag re
res kyang ni khrag khrig bsam yas mya ngan bzla bar 'gyur/ /de
yi tshe na bde gshegs kun gyi ring bsrel shin tu rgyas 'gyur te/
/de tshe zhing rnams kun tu rgyal ba'i mchod rten me tog rgyas
par
@84a */ /'gyur; /thub pa grags chen de dag yongs su mya ngan
'das par gyur pa na/ /thub pa skyob pa de dag kun gyi ring bsrel
rgyas pas don chen 'gyur/ /sems can khrag khrig bsam yas rnams
kyis de tshe ring bsrel mchod byas te/ /
ring bsrel de dag mchod nas mya ngan 'das pa zhi ba 'chi med
'thob/ /thub pa rkang gnyis gtso bo de dag grags pa rgyun 'chad
mi 'gyur te/ /slob pa khrag khrig bsam yas rnams kyang de tshe
rgyal ba'i drung du 'du/ /ji ltar bye ba brgya bgrangs nga la
legs par spyad pa byas nas su/ /byams pa blta phyir rgya chen
yid kyis byams pa'i 'khor du 'dod 'gyur ba/ /de ltar rgyal ba'i
nyan thos slob tshogs de dag rgyal nas rgyal 'khor du/ /rkang
gnyis gtso bo de dag kun gyi ring bsrel mchod pa bya phyir
'dod//
bde gshegs gsung snyan 'gro ba thams cad ngo mtshar gyur pa de
thos shing/ /dge rgyas ris kyi lha yi bdag nyid chen po de tshe
thos gyur nas/ /'khor rnams thams cad rab tu dga' ste phal cher
byang chub sems kyang bskyed/ /bdag nyid chen po shes nas thub
pa'i
zhabs la mgo bos rab tu gtugs/ /dge rgyas ris lung bstan pa'i
le'u ste nyi shu rtsa gnyis pa'o// //de nas de'i tshe 'bras bu
che ba'i ris kyi lha bye ba phrag brgyad cus lha ma yin rnams
nas dge rgyas kyi lha'i bar dag gi mchod pa yang mthong lung
bstan pa yang thos nas tshim zhing mgu la yi rangs te/ rab tu
dga' ba dang/ mgu ba dang/ yid bde ba skyes nas/ tshul gcig la
zhugs pa dang/ chos re re las kyang chos kyi sgo mtha' yas pa
'byung bar yang dag par mthong zhing/ tshul la 'jug pa
thams cad las kyang mtha' yas pa'i spobs pa dang/ mi chod pa'i
spobs pa dang/ rigs pa'i spobs pa dang/ grol ba'i spobs pa dang/
thogs pa med pa'i spobs pa dang/ nye ba'i spobs pa dang/ phra
ba'i spobs pa dang/ zab pa'i spobs pa dang/ sna
@84b tshogs kyi spobs pa dang/ 'jam pa'i spobs pa dang/ 'brel
pa'i spobs pa dag kyang 'byung bar shes nas bcom ldan 'das la
dga' ba skyes te/ chos nyid brjod cing bcom ldan 'das la 'di
skad ces gsol to/ /bcom ldan 'das sgo'i tshul mtha'
yas pa zhes bgyi ba'i ting nge 'dzin mchis te/ de la brtson par
bgyis na byang chub sems dpa' sems dpa' chen po spobs pa 'thob
cing mi chod pa'i spongs pa thob par 'gyur ba dang/ dmigs pa
dang snyoms par 'jug pa thams cad la rmongs pa ma
mchis par 'gyur ro/ /de la dmigs pa gang yang gzugs lags par ma
'tshal ba'i tshul gyis sgrib par mi 'gyur ro/ /de ni phung po la
'jug bas kyang sgo'i tshul mtha' yas pa'i gzungs thob par 'gyur/
khams la 'jug pa dang/ skye mched la 'jug
pa dang/ dbang po la 'jug pa dang/ bden pa la 'jug pa dang/ rten
cing 'brel par 'byung ba la 'jug pa dang/ sems can la 'jug pa
dang/ sems can ma mchis pa la 'jug pa dang/ dngos po la 'jug pa
dang/ dngos po ma mchis pa la 'jug pa dang/
dmigs pa la 'jug pa dang/ dmigs pa ma mchis pa la 'jug pa dang/
bdag la 'jug pa dang/ stong pa la 'jug pa dang/ mtshan ma la 'jug
pa dang/ mtshan ma ma mchis pa la 'jug pa dang/ smon pa la 'jug
pa dang/ smon pa ma mchis pa la 'jug
pa dang/ gnas pa la 'jug pa dang/ gnas pa ma mchis pa la 'jug pa
dang/ 'dus byas la 'jug pa dang/ 'dus ma byas la 'jug pas kyang
sgo'i tshul mtha' yas pa'i gzungs thob par 'gyur te/ thams cad la
thogs pa ma mchis pa'i
spobs pa dang ldan par 'gyur ro/ /de ni phung po la 'jug pas
kyang 'di lta ste/ phung po zhes bya ba'i chos 'di ni yongs su
ma grub pa'o zhes gzungs rab tu 'thob bo/ /de ci'i slad du zhe
na/ gzugs ni gang yang yongs su grub pa ma mchis te/ sa
@85a */ /ni sar yongs su ma grub/ de bzhin du chu dang/ me dang/
rlung ni rlung du yongs su ma grub pa'o/ /de ci'i slad du zhe
na/ sa ni rang bzhin ma mchis pa ste/ chos gang la yang rang
bzhin ma mchis pa de ni yongs su ma grub pa'o/ /chu dag/ me
dang/ rlung ni rang zhin ma mchis
pa ste/ chos gang la yang rang bzhin ma mchis pa de ni yongs su
ma grub pa'o/ /de ltar yongs su ma grub pa'i gzugs ni 'das pa
zhes gdags par mi bgyi/ ma 'ongs pa zhes gdags par mi bgyi/ de
ltar byung ba zhes gdags par mi bgyi'o/ /de ci'i slad du zhe na/
'di ltar
gzugs ni dngos po ma mchis pa ste/ dngos po ma mchis pa'i slad
du skye ba ma mchis pa'o/ /gang la skye ba ma mchis pa de la
'gag pa ma mchis te gang ma skyes ma 'gags pa de ni gdags su ma
mchis so/ /de bzhin gshegs pas kyang 'das pa dang/ ma 'ongs pa
dang/
da ltar byung ba'i gzugs gang ci yang rung ste/ de dag thams cad
gcig tu bsdus nas gzugs kyi phung po'o zhes bka' stsal te/ gzugs
kyi rang bzhin ni dmigs su ma mchis na 'das par lta ga la 'gyur/
ma 'ongs par yang ga la 'gyur/ da ltar byung bar yang ga la
'gyur/
te; de bas na gzugs kyi phung po ni gdags su ma mchis pa'o/
/tshor ba dang/ 'du shes dang/ 'du byed dang/ rnam par shes pa'i
phung po rnams kyang de bzhin te/ de'i slad du phung po rnams ni
dmigs su ma mchis so/ /phung po dmigs su ma mchis pas gzungs
dmigs su ma
mchis te/ de ltar phung po la 'jug pas gzungs la 'jug par 'gyur
ro/ /gzungs de yang ming tsam dang/ tha snyad tsam dang/ brda
tsam dang/ kun rdzob tsam dang/ brjod pa tsam dang/ gdags pa
tsam ma gtogs par gzungs la 'jug pa mi dmigs te/ 'di la phung po
yang mi
dmigs/ gzungs kyang mi dmigs/ 'jug pa yang mi dmigs/ gzungs
kyang rang bzhin gyis mi dmigs so/ /de ci'i slad du zhen/ gang
'di phung po zhes bgyi ba de ni ma bgyis pa'i chos te/ chos gang
ma bgyis pa de la spungs pa yang ga la mchis te/ phung po ni
spungs pa'i
@85b slad du phung po zhes bgyi'o/ /dper na khyim dang/ khang
bzangs dang/ bsil khang dang/ khang pa brtsegs pa dang/ skar
khung khol ma dang/ ba gam dang/ dra ba dang/ stegs bu dang/ kha
khyer dang/ skar khung dang/ rta babs dang/ ra ba dang/ shing
thags dang/ 'obs dang/ chos mang po bsags pa la/
grong khyer zhes bgyi ba bzhin du phung po zhes bgyi ba yang de
bzhin te/ gzugs de yang ngo bo nyid kyis mi dmigs na de la
spungs pa lta ga la mchis/ spungs ba ma mchis pas na gzugs kyang
ma mchis/ gzugs kyi phung po yang ma mchis so/ /de bzhin du tshor
ba dang/ 'du shes dang/
'du byed dang/ rnam par shes pa yang rang bzhin gyis dmigs su ma
mchis na de la spungs pa lta ga la mchis te/ spungs pa ma mchis
pa'i slad du rnam par shes pa yang ma mchis/ rnam par shes pa'i
phung po yang ma mchis so/ /de ltar phung po la 'jug pas gzungs
thob par 'gyur/
gzungs thob pas spobs pa thob par 'gyur ro/ /de la skye mched la
'jug pas gzungs thob par 'gyur ba ni mig gi skye mched ces bgyi
ba ni ci'i skye mched ces bgyi na/ sdug bsngal gyi skye mched
do/ /de la mig gang zhe na/ 'byung ba chen po bzhi dang ba ste/
sa'i khams dang/ chu'i khams dang/
me'i khams dang/ rlung gi khams dang ba'o/ /de la sa'i khams
dang ba ni rang bzhin ma mchis pa ste/ chos gang gi rang bzhin
mi dmigs pa de ni yongs s ma grub pa'o/ /de bzhin du chu'i khams
dang ba dang/ me'i khams dang ba dang/ rlung gi khams dang ba ni
rang bzhin ma mchis pa ste/
chos gang gi rang bzhin mi dmigs pa de ni yongs su ma grub pa'o/
/de ltar yongs su ma grub pa'i mig gi skye mched de ni 'das pa
zhes gdags par bgyi ba ma lags/ ma 'ongs pa dang/ da ltar byung
ba zhes gdags par bgyi ba ma lags so/ /de ci'i slad du zhe na/
'di ltar mig gi skye
mched ni dngos po ma mchis pa ste/ dngos po ma mchis pa'i slad
du skye ba ma mchis pa'o/ /gang la skye ba ma mchis pa de la
'gag pa ma mchis te/ gang ma skyes ma 'gags pa de ni gdags su ma
mchis pa'o/ /de ltar mig kyang ma skyes ma 'gags/ skye mched
dang sdug bsngal yang ma skyes
@86a */ /ma 'gags pa'o/ /gang ma skyes ma 'gags pa de ni ming
tsam dang/ tha snyad tsam dang/ brda tsam dang/ kun rdzob tsam
dang/ brjod pa tsam ma gtogs par gdags su ma mchis pa ste/
ming de yang ming gis ma mchis pa'o/ /de ci'i slad du zhe na/
chos gang la mig ce
'am; skye mched ce 'am/ sdug bsngal zhes gdags par bgyi ba'i
chos de gang yang dmigs su ma mchis te/ ming yang ming du
brjod du ma mchis so/ /rna ba dang/ sna dang/ lce dang/ lus
dang/ yid dang/ gzugs dang/ sgra dang/ dri dang/ ro dang/ reg
bya dang/ chos rnams kyang de bzhin te/ de'i
slad du skye mched la 'jug pas gzungs 'thob/ gzungs la 'dug
pas spobs pa 'thob bo/ /de la khams la 'jug pas gzungs 'thob
pa ni mig ni mig gis ma mchis pa/ khams ni khams kyis ma mchis
pa ste/ de ci'i slad du zhe na/ mig ni mig gi rang bzhin dang
bral ba/ khams ni khams
kyi rang bzhin dang bral ba'i slad du ste/ chos gang la rang
bzhin ma mchis pa de ni dngos po ma mchis pa'o/ /gang la dngos
po ma mchis pa de ni yongs su ma grub pa'o/ /gang yongs su ma
grub pa de la ni skye ba ma mchis so/ /gang la skye ba ma
mchis pa de la 'gag pa ma mchis so/ /gang ma skyes
ma 'gags pa de ni ming tsam dang/ tha snyad tsam dang/ brda
tsam dang/ kun rdzob tsam dang/ brjod pa tsam ma gtogs par
'das pa zhes gdags par bgyi ba ma lags so/ /ma 'ongs pa dang/
da ltar byung ba zhes gdags par bgyi pa ma lags so/ /ming de
yang ming gis ma mchis/ brjod pa'i bar
de yang brjod pas ma mchis pa ste/ chos gang la rang bzhin ma
mchis pa de ni dngos po ma mchis pa'o/ /gang la dngos po ma
mchis pa de ni yongs su ma grub pa ste/ yongs su ma grub pa'i
slad du skye ba ma mchis pa'o/ /gang la skye ba ma mchis pa de
la 'gag pa ma mchis so/ /gang ma skyes ma
'gags pa de ni 'das pa zhes gdags par bgyi ba ma lags/ ma
'ongs pa dang/ da ltar byung ba zhes gdags par bgyi ba ma lags
so/ /gang dus gsum du gdags par bgyi ba ma lags pa de ni ming
ma mchis pa/ mtshan nyid ma mchis pa/ mtshan ma ma mchis pa/ tha
snyad ma mchis pa/
@86b brda ma mchis pa/ dngos po ma mchis pa/ 'dris pa ma mchis
pa/ brjod du ma mchis pa/ 'ong ba ma mchis pa/ 'gro ba ma
mchis pa/ ma bstan pa/ rab tu ma bstan pa/ mngon par shes par
bgyi ba ma lags pa/ yongs su shes par bgyi ba ma lags ba/ dkar
po ma lags pa/ nag po ma lags pa/
gnas ma lags pa/ rten ma lags pa/ thob pa ma lags pa/ thob par
bgyi ba ma lags pa/ rtogs pa ma lags pa/ rtogs par bgyi ba ma
lags pa/ mngon du bgyis pa ma lags pa/ mngon du bgyi ba ma
lags pa/ so so'i skye bo'i sa ma lags pa/ nyan thos kyi sa ma
lags pa/ rang
sangs rgyas kyi sa ma lags pa/ byang chub sems dpa'i sa ma
lags pa/ sangs rgyas kyi sa ma lags pa ste/ sa yang ma lags/
sa ma lags pa yang ma lags so/ /de ni de bzhin nyid dang/ ma
nor ba de bzhin nyid dang/ gzhan ma lags pa de bzhin nyid
dang/ zhi ba dang/ mtshan nyid ma mchis
pa ste/ tha snyad tsam du btags pa'o/ /des tha snyad du de
bzhin gshegs pa zhes bgyi ste don dam par ni ma lags so/ /de
ci'i slad du zhe na/ gang la de bzhin gshegs pa zhes bgyi ba'i
chos de mi dmigs so/ /de bzhin du gzugs kyi khams dang/ mig gi
rnam par shes pa'i khams dang/ yid kyi
khams dang/ chos kyi khams dang/ yid kyi rnam par shes pa'i
khams kyi bar du rgya cher khams thams cad kyis chos kyi
dbyings la 'jug par bgyi'o/ /bcom ldan 'das chos kyi dbyings
ni phung por btags kyang chos kyi dbyings nyid mi 'dor/ khams
dang/ skye mched dang/ dbang po dang/
bden pa dang/ rten cing 'brel par 'byung bar btags kyang chos
kyi dbyings nyid mi 'dor te/ chos kyi dbyings te ming gang
dang gang gis btags kyang de dang des chos kyi dbyings nyid mi
'dor ro/ /bcom ldan 'das 'di lta ste/ dper na sa'i khams ni
ming gang dang gang gis tha snyad du bgyis
kyang de dang des sa'i khams nyid mi 'dor ro/ /bcom ldan 'das
de bzhin du chos kyi dbyings kyang ming gang dang gang gis tha
snyad du bgyi ba de dang des chos kyi dbyings nyid mi 'dor ro/
/bcom ldan 'das 'di lta ste/ dper na chu'i khams dang/ me'i
khams dang/ rlung gi khams dang/ nam mkha'i khams
@87a */ /ni ming gang dang gang gis tha snyad du bgyi ba de
dang des chu dang/ me dang/ rlung dang/ nam mkha'i khams nyid
mi 'dor ro/ /bcom ldan 'das de bzhin du chos kyi dbyings kyang
ming gang dang gang gis tha snyad du bgyi ba de dang des chos
kyi dbyings nyid mi 'dor te/ de ltar
na khams la 'jug pas gzungs 'thob/ gzungs la 'jug pas spobs pa
'thob bo/ /bcom ldan 'das de la dbang po la 'jug pas chos kyi
dbyings la 'jug pa ni dbang po nyi shu gnyis te/ 'di lta ste/
mig gi dbang po dang/ rna ba'i dbang po dang/ sna'i dbang po
dang/
lce'i dbang po dang/ lus kyi dbang po dang/ yid kyi dbang po
dang/ mo'i dbang po dang/ pho'i dbang po dang/ srog gi dbang
po dang/ bde ba'i dbang po dang/ sdug bsngal gyi dbang po
dang/ yid bde ba'i dbang po dang/ yid mi bde ba'i dbang po
dang/ btang snyoms kyi dbang po
dang; dad pa'i dbang po dang/ brtson 'grus kyi dbang po dang/
dran pa'i dbang po dang/ ting nge 'dzin gyi dbang po dang/
shes rab kyi dbang po dang/ mi shes pa kun shes par byed pa'i
dbang po dang/ kun shes pa'i dbang po dang/ kun shes pa dang
ldan pa'i dbang po ste/ de la
mig ni mig gis ma mchis/ dbang po ni dbang pos ma mchis pa'o/
/de ci'i slad du zhe na/ mig ni mig gi rang bzhin dang bral ba
ste/ chos gang la rang bzhin ma mchis pa de ni dngos po ma
mchis pa'o/ /gang la dngos po ma mchis pa de ni yongs su ma
grub pa'o/ /gang yongs su ma
grub pa de ni mi skye ba/ gang mi skye ba ni mi 'gag pa/ gang
ma skyes ma 'gags pa de ni 'das pa zhes gdags par bgyi ba ma
lags/ ma 'ongs pa dang/ da ltar byung ba zhes gdags par bgyi
ba ma lags so/ /gang dus gsum du mi dmigs pa de ni mig ma
lags/ dbang po ma
lags so/ /gang mig ma lags shing dbang po ma lags pa de'i tha
snyad ji ltar 'tshal bar bgyi/ 'di lta ste/ dper na chang pa
stong pa ni brdzun pa/ yang dag pa ma lags pa/ ma mchis pa
ste/ 'di ltar ming du gdags par bas kyi/ don dam par ni stong
pa yang mi dmigs
@87b chad pa yang mi dmigs so/ /de bzhin du mig dang dbang po
yang chang pa stong pa ltar brdzun zhing ma mchis la/ yang dag
pa ma lags pa ste/ gsob/ gsog /log pa/ slu ba'i chos can/ byis
pa 'drid pa/ glen pa rmongs par bgyid pa ste/ 'di ltar ming du
gdags par
bas kyi/ don dam par ni mig kyang mi dmigs dbang po yang mi
dmigs na de ni bcom ldan 'das kyis thams cad mkhyen pa'i ye
shes brnyes nas ji tsam du phyin ci log la gnas pa'i sems can
rnams gzud pa'i slad du dbang po zhes btags kyi/ don dam par
ni ma lags so/ /
dbang po ni rang bzhin dang bral zhing dbang po'i ngo bo nyid
kyis stong pa ste/ chos gang chos gang gis stong pa de la des
tha snyad du bgyi ba ni/ brdzun pa/ ma mchis pa/ gsob/ gsog
/log pa/ slu ba'i chos can byis pa 'dring pa/ glen pa rmongs
par bgyid pa/ rang bzhin dang bral ba
ste; de ni mi skye mi 'gag go /gang ma skyes ma 'gags pa de ni
'das pa zhes gdags par bgyi ba ma lags/ ma 'ongs pa dang/ da
ltar byung ba zhes gdags par bgyi ba ma lags so/ /gang dus
gsum du ma mchis pa de ni ming ma mchis pa/ mtshan ma ma mchis
pa/
brdzun pa; mtshan nyid ma mchis pa/ gdags su ma mchis pa/ gdags
pa ma lags pa/ ma shes pa/ shes par bgyi ba ma lags pa/ rnam
par ma shes pa/ rnam par shes par bgyi ba ma lags pa/ ma thos
pa/ thos par bgyi ba ma lags pa/ rnam par ma rig pa/
rnam par rig par bgyi ba ma lags pa/ ma rtogs pa/ rtogs par
bgyi ba ma lags pa/ ma thob pa/ thob par bgyi ba ma lags pa/
ma mthong ba/ mthong bar bgyi ba ma lags pa/ ma rnyed pa/
rnyed par bgyi ba ma lags pa'o/ /de ci'i slad du zhe na/ ma
mchis shing
mchis pa ma lags pa'i slad du'o/ /'di lta ste/ dper na mi zhig
rmi lam na rgod pa dang/ dga' ba dang/ rtses pa dang/ dga'
mgur spyad pa dag nyal nyal ba las sad de rjes su dran la de
dran yang rnyed par mi 'gyur/ 'thob par mi 'gyur ro/ /de ci'i
slad du zhe na/ rmi lam
@88a */ /na yang mi des rgod pa dang/ dga' ba dang/ rtses pa
dang/ dga' mgur spyad pa de dag ma thob ma rnyed na/ nyal ba
las sad pa'i tshe lta smos kyang ci 'tshal te/ thob pa dang/
rnyed par bgyi ba de'i gnas ma mchis so/ /bcom ldan 'das de
bzhin du dbang po rnams ni rmi
lam lta bu ste/ ji ltar rmi lam na rgod pa dang/ dga' ba dang/
rtses pa dang/ dga' mgur spyad pa de dag dmigs su ma mchis pa
de bzhin du chos thams cad kyang ngo bo nyid kyis dmigs su ma
mchis pa ste/ de dag ni 'das pa zhes gdags par bgyi ba ma
lags/ ma 'ongs pa dang/ da
ltar byung ba zhes gdags par bgyi ba ma lags so/ /gang dus
gsum du dmigs su ma mchis pa de dag ni brjod du ma mchis pa
zhes bgyi ste/ dbang po thams cad kyang de bzhin du rig par
bgyi'o/ /de ltar na chos kyi dbyings la 'jug pas chos thams
cad la 'jug par bgyi/ chos thams
cad la 'jug pas kyang chos kyi dbyings la 'jug par bgyi'o/ /de
la ji ltar na bden pa la 'jug pas chos kyi dbyings la 'jug par
bgyi zhe na/ bzhi po 'di dag ni bden pa ste/ sdug bsngal dang/
kun 'byung dang/ 'gog pa dang/ lam mo/ /bcom ldan 'das kyis
kyang chos thams
cad ni stong pa ste/ sems can med pa/ srog med pa/ gang zag
med pa/ mtshan ma med pa/ mtshan nyid med pa'o zhes bka' stsal
te/ de la bdag cag the tshom ma mchis/ som nyi ma mchis so/
/bcom ldan 'das de la sems can ma mchis pa'i slad du sdug
bsngal ma mchis par rig
bar bgyi'o/ /de ci'i slad du zhe na/ gang la sems can ma mchis
pa de la sdug bsngal yang ma mchis so/ /bcom ldan 'das sdug
bsngal ma mchis pa'i slad du kun 'byung ba yang ma mchis par
rig par bgyi'o/ /de ci'i slad du zhe na/ gang la 'bras bu ma
mchis pa de ni rgyu ma lags pa'i
slad du'o/ /bcom ldan 'das kun 'byung ba ma mchis pa'i slad
du/ 'gog pa ma mchis par rig par bgyi'o/ /de ci'i slad du
zhe na/ kun 'byung ba ma mchis pa la spang ba ma mchis pa'i slad
du'o/ /bcom ldan 'das 'gog pa ma mchis pa'i slad du lam ma mchis
par rig par bgyi'o/ /
@88b de ci'i slad du zhe na/ gang spong bar mi bgyid pa de ni
lam ma lags te/ lam gyi 'bras bu ni 'gog pa ma lags la/ gang
spang ba'i 'gog pa'i nyon mongs pa de ni mi dmigs te/ 'gog pa
dmigs su ma mchis na lam du 'thad pa ma lags te/ 'bras bu ma
mchis pa'i lam yang ma mchis pas de ltar na
'phags pa'i bden pa bzhi po de dag ni brtags pa rnam par
bsgrubs pa ste/ gang brtags shing rnam par bsgrubs pa de ni ma
mchis pa'o/ /gang ma mchis pa de la ni 'das pa zhes tha snyad
du bgyi ba ma mchis so/ /ma 'ongs pa dang/ da ltar byung ba
zhes tha snyad du bgyi ba ma mchis so/ /gang
dus gsum du mi dmigs pa de ni ma skyes pa ma 'gags pa/ mtshan
nyid ma mchis pa mtshan ma ma mchis pa/ ma btags pa gdags par
mi bgyi ba/ ma bstan pa/ rab tu ma bstan pa/ bstan par bgyi ba
ma lags pa/ rab tu bstan par bgyi ba ma lags pa/ ma brjod pa/
brjod par bgyi ba ma lags
pa; mngon par ma brjod pa/ mngon par brjod par bgyi ba ma lags
pa/ ma mthong ba/ mthong bar bgyi ba ma lags pa/ ma shes pa/
shes par bgyi ba ma lags pa/ khong du ma chud pa/ khong du
chud par bgyi ba ma lags pa/ ma rtogs pa/ rtogs par bgyi ba ma
lags pa/ ma rnyed pa/ rnyed par bgyi
ba ma lags pa/ ma thob pa/ thob par bgyi ba ma lags pa/ ma
thos pa/ thos par bgyi ba ma lags pa/ ma mthong ba/ mthong bar
bgyi ba ma lags pa/ ma bsgrubs pa/ bsgrub par bgyi ba ma lags
pa/ mngon du ma bgyis pa/ mngon du bgyi ba ma lags pa/ dkar po
ma lags pa/ nag po ma
lags pa/ snang ba ma lags pa/ mun pa ma lags pa/ 'gro ba ma
lags pa/ 'ong ba ma lags pa/ gsal ba ma lags pa/ zab pa ma
lags pa/ 'khrugs pa ma lags pa/ dang ba ma lags pa/ 'jig pa ma
lags pa/ bde ba ma lags pa/ 'ching ba ma lags pa/ grol ba ma
lags pa/
rjes su chags pa ma lags pa/ khong khro ba ma lags pa/ kun nas
nyon mongs pa ma lags pa/ rnam par byang ba ma lags pa/ ye
shes ma lags pa/ rnam par shes pa ma lags pa/ lam ma lags pa/
lam gol ba ma lags pa/ 'jig pa ma lags pa/ rnam par 'jig pa ma
lags pa/ /
@89a */ /gzung ba ma lags pa/ mi gzung ba ma lags pa/ dor ba ma
lags pa/ rab tu dor ba ma lags pa/ dmigs pa ma lags pa/ dmigs su
ma mchis pa ma lags pa/ sems can ma lags pa/ sems can ma mchis
pa ma lags pa/ srog ma lags pa/ srog ma mchis pa ma lags
pa; gang zag ma lags pa/ gang zag ma mchis pa ma lags pa/ bdag
ma lags pa/ bdag ma mchis pa ma lags pa/ dngos po ma lags pa/
dngos po ma mchis pa ma lags pa/ stong pa ma lags pa/ mi stong
pa ma lags pa/ mtshan ma ma lags pa/ mtshan ma ma mchis pa ma
lags pa/ smon pa
ma lags pa/ smon pa ma mchis pa ma lags pa/ gnas ma lags pa/
gnas ma mchis pa ma lags pa/ 'dus byas ma lags pa/ 'dus ma byas
ma lags pa/ chad pa ma lags pa/ rtag pa ma lags pa/ log pa ma
lags pa/ yang dag pa ma lags pa/ bden pa ma lags pa/ brdzun pa
ma
lags pa/ mngon par zhen pa ma lags pa/ mngon par zhen pa ma
mchis pa ma lags pa/ rten ma lags pa/ rten ma mchis pa ma lags
pa/ gzhi ma lags pa/ gzhi ma mchis pa ma lags pa/ mngon par
shes par bgyi ba ma lags pa/ yongs su shes par bgyi ba ma lags
pa/ spang ba ma
lags pa/ bsgom pa ma lags pa/ mngon du bgyi ba ma lags pa/
rnyed pa ma lags pa/ rnyed par bgyi ba ma lags pa/ 'khor ba ma
lags pa/ mya ngan las 'das pa ma lags pa/ sangs rgyas ma lags
pa/ 'tshang rgya bar bgyi ba ma lags pa/ so so'i skye bo'i
spyod yul ma lags pa/ 'phags pa'i
spyod yul ma lags pa/ nyan thos kyi spyod yul ma lags pa/ rang
sangs rgyas kyi spyod yul ma lags pa/ byang chub sems dpa'i
spyod yul ma lags pa/ sangs rgyas kyi spyod yul ma lags pa/
spyod yul yang ma lags pa/ spyod yul ma lags pa yang ma lags
pa/ bgyis pa ma lags pa/ ma bgyis pa
ma lags pa/ dag pa ma lags pa/ dag par bgyi ba ma lags pa ste/
de ltar bden pa la 'jug pas chos kyi dbyings la 'jug par
'gyur/ chos kyi dbyings la 'jug pas gzungs thob par 'gyur/
gzungs thob pas spobs pa 'thob par 'gyur ro/ /de la ji ltar na
rten cing 'brel par 'byung ba la 'jug
@89b pas chos kyi dbyings la 'jug ce na/ ma rig pa'i rkyen
gyis 'du byed rnams/ 'du byed kyi rkyen gyis rnam par shes pa
nas de ltar sdug bsngal gyi phung po chen po 'di 'ba' zhig
'byung bar 'gyur ro zhes bgyi ba'i bar du ste/ 'di ni rten
cing 'brel par 'byung ba'o/ /bcom ldan 'das de la ma rig pa ni
ma rig
pas ma mchis so/ /de ci'i slad du zhe na/ 'di ltar ma rig pa
ni rang bzhin dang bral ba ste/ chos gang la rang bzhin ma
mchis pa de ni dngos po ma mchis pa'o/ /gang la dngos po ma
mchis pa de ni yongs su ma grub pa'o/ /gang yongs su ma grub
pa de ni mi skye ba'o/ /gang mi skye ba de ni mi 'gag pa'o/ /
gang ma skyes ma 'gags pa de ni 'das pa zhes gdags par bgyi ba
ma lags/ ma 'ongs pa dang/ da ltar byung ba zhes gdags par
bgyi ba ma lags so/ /gang dus gsum mi dmigs pa de ni ming ma
mchis pa/ mtshan nyid ma mchis pa/ mtshan ma ma mchis pa/ gdags
su ma mchis
pa ste/ gzhan du na ming tsam dang/ brda tsam dang/ tha snyad
tsam dang/ kun rdzob tsam dang/ brjod pa tsam dang/ gdags pa
tsam du sems can rnams gzung pa'i don du bgyi ba ma gtogs par
ma rig pa de ni don dam par dmigs su ma mchis so/ /chos gang
don dam par dmigs su ma
mchis pa de ni gdags su ma mchis pa/ tha snyad du bgyir ma
mchis pa/ brjod du ma mchis pa ste/ bcom ldan 'das gang ming
tsam zhes bgyi ba nas/ gdags pa tsam gyi bar de dag kyang yang
dag pa ma lags pa/ brdzun pa/ log pa/ brtags pa/ rnam par
bsgrubs pa/ yongs su brtags pa/ rnam par brtags
par rnam par dpyad pa/ ma zhi ba dang/ rab tu spros pa'o/ /ma
rig pa'i rkyen gyis 'du byed rnams zhes bgyi ba yang chos gang
ngo bo nyid kyis ma mchis pa de 'du byed skyed par yang ji
ltar 'gyur te/ de bas na ma rig pa ni ma rig pa ma mchis pa'o/
/de ltar ma rig pa ma mchis pas 'du byed rnams kyang
ma skyes pa'o/ /gang ma skyes pa de dag ni rga bar mi 'gyur/
na bar mi 'gyur/ 'chi bar mi 'gyur/ shi 'pho bar mi 'gyur/
skye bar mi 'gyur ro/ /de ci'i slad du zhe na/ bcom ldan 'das
chos gang ma skyes pa de la rga ba ga la mchis te/ gang la rga
ba ma mchis pa de ni na bar mi 'gyur/ 'chi bar
@90a */ /mi 'gyur/ shi 'pho bar mi 'gyur/ skye bar mi 'gyur
ro/ /'di ni 'das pa dang/ ma byon pa dang/ da ltar byung ba'i
sangs rgyas bcom ldan 'das rnams kyi byang chub ste ming tsam
du bas kyi/ don dam par ni ma lags so/ /ma rig pa gang lags pa
de nyid
byang chub bo/ /de bzhin du srid pa'i yan lag thams cad kyang
shes par bgyi ste/ de ltar na rten cing 'brel bar 'byung ba la
'jug pas chos kyi dbyings la 'jug par 'gyur ro/ /bcom ldan
'das de bzhin gshegs pa ni ma skyes pa ste/ chos thams cad
kyang ma skyes pa'o/ /de bas na
chos thams cad ni de bzhin gshegs pa'o/ /bcom ldan 'das de
bzhin gshegs pa ni ma 'gags pa ste chos thams cad kyang ma
'gags pa'o/ /bcom ldan 'das de bzhin du de bzhin gshegs pa ni
mtshan nyid ma mchis pa/ mtshan ma ma mchis pa/ dmigs su ma
mchis pa/ /
kun nas nyon mongs pa ma mchis pa/ rnam par byang ba ma mchis
pa/ rjes su chags pa ma mchis pa/ khong khro ba ma mchis pa
ste/ chos kyi dbyings dang/ de bzhin nyid dang/ yang dag pa'i
mtha' ste/ chos thams cad kyang yang dag pa'i mtha'o/ /de'i
slad du chos thams
cad ni de bzhin gshegs pa ste/ bcom ldan 'das de ltar na chos
gang dang gang dag gis de bzhin gshegs pa mchis pa'i chos de
dang de dag gis chos thams cad mchis pa ste/ de'i slad du chos
thams cad ni de bzhin gshegs pa'o/ /bcom ldan 'das gang la
la zhig 'di skad du de bzhin gshegs pa dgra bcom pa yang dag
par rdzogs pa'i sangs rgyas kyis byang chub mngon par rdzogs
par sangs rgyas so zhes mchi na de dag thams cad ni lta ba'i
rnam pa la mngon par zhen pa'o/ /de ci'i slad du zhe na/ de
bzhin gshegs
pa ni gnyis su ma mchis pa ste/ byang chub kyang gnyis su ma
mchis pa lags pas gnyis su ma mchis pas ni gnyis su ma mchis
pa mngon par rdzogs par 'tshang mi rgya'o/ /bcom ldan 'das de
bzhin du gang la la zhig 'di skad du de bzhin gshegs
@90b pas bla na med pa'i chos kyi 'khor lo bskor to zhes mchi
na de dag thams cad ni lta ba'i rnam pa la mngon par zhen
pa'o/ /de ci'i slad du zhe na/ /de bzhin gshegs pa ni zlog pa
'am skor bar mdzad pa ma lags so/ /bcom ldan 'das gang la la
zhig 'di skad du de bzhin gshegs
pas sems can tshad med pa yongs su mya ngan las bzlas so zhes
mchi na de dag thams cad ni lta ba'i rnam pa la mngon par zhen
pa'o/ /de ci'i slad du zhe na/ bcom ldan 'das chos thams cad
ni sems can ma mchis pa ste/ /de la yongs su mya ngan las 'das
pa gang yang ma mchis so/ /
bcom ldan 'das gang la la zhig 'di skad du de bzhin gshegs pas
sems can tshad med pa'i don mdzad do zhes mchi na de dag thams
cad ni lta ba'i rnam pa la mngon par zhen pa'o/ /de ci'i slad
du zhe na/ /bcom ldan 'das de bzhin gshegs pa ni chos gang la
yang phan pa 'am/
gnod pa'i rnam par nye bar gnas pa ma lags so/ /bcom ldan 'das
gang la la zhig 'di skad du de bzhin gshegs pas tshe'i 'du byed
bor ro zhes mchi na de dag thams cad ni lta ba'i rnam pa la
mngon par zhen pa'o/ /de ci'i slad du zhe na/ bcom ldan 'das
chos kyi dbyings ni
ci 'ang 'dor ba 'am/ len pa ma mchis so/ /bcom ldan 'das gang
la la zhig 'di skad du de bzhin gshegs pa ni phung po'i lhag
ma med pa'i mya ngan las 'das pa'i dbying su yongs su mya ngan
las 'das so zhes mchi na/ de dag thams cad ni lta ba'i rnam pa
la mngon
par zhen pa'o/ /de ci'i slad du zhe na/ bcom ldan 'das chos
kyi dbyings ni 'khor ba 'am/ yongs su mya ngan las 'da' ba ma
lags so/ /bcom ldan 'das gang la la zhig 'di lta bu'i chos la
nges par gyur na de dag thams cad bla na med pa yang dag par
rdzogs pa'i
byang chub las phyir mi ldog pa ste/ bcom ldan 'das chos kyi
dbyings la ni 'gyur ba ma mchis kyang gda'i/ rigs kyi bu 'am/
rigs kyi bu mo de dag ni bla na med pa yang dag par rdzogs
pa'i byang chub mngon par rdzogs par 'tshang rgya bar mi 'gyur
ba mi gda'o// //
@91a */ /bam po dgu pa/ de nas 'bras bu che ba'i lha bye ba
phrag brgyad cus bcom ldan 'das kyi spyan sngar chos nyid la
nges par 'gro ba brjod nas bcom ldan 'das kyi zhabs la mgo bos
phyag 'tshal te/ bcom ldan 'das la lan gsum bskor ba byas nas
thal mo
sbyar te/ phyogs gcig tu 'khod do/ /phyogs gcig tu 'khod nas
kyang de'i tshe bcom ldan 'das la tshigs su bcad pa dag gis mngon
par bstod pa/ bde gshegs mthu chen 'dren pa tshul dang tshul min
mkhyen la phyag 'tshal lo/ /'gro ba kun la thugs brtse thub
pa yang dag ji bzhin ston mdzad pa/ /'dren pa tshul mkhas khyod
kyis tshul ni yang dag nyid du yang dag bstan/ /mtha' yas yon tan
mnga' zhing ye shes mngon par 'phags la mgos phyag 'tshal/ /khyod
kyis byang chub nges par 'byung ba'i drang lam gcig pu bgrod
pa bstan/ /khyod kyis byang chub dam pa gzhal yas zhi ba shis pa
mi g.yo brnyes/ /srog chags bye ba khrag khrig 'khor ba'i sdug
bsngal nyam thag 'grol mdzad pa/ /mtha' yas yon tan mnga' zhing
ye shes mngon par 'phags la mgos phyag 'tshal/ /phung po rnams ni
ngo bo nyid stong shin tu phung po rnams dang bral/ /byis pa
rmongs byed rnams ni rab tu bral bar khyod kyis yongs su brtags/
/shes pa mi ldan skye bo phal chen 'dir bcings rnyong la spre'u
thogs pa bzhin/ /grol ba mkhas pa rnams ni mkha' la rlung bzhin
chags pa med par
'dod/ /khams rnams khams kyis rnam pa kun tu stong par thams cad
mkhyen pas gsungs/ /dper na brag ca rnam pa kun tu shin tu sgra
dang bral ba 'dra/ /des ni mi mkhas skye bo yang dag ji bzhin mi
shes mang po bcings/ /grol ba mkhas pa yang dag rtogs pa rnams
ni khams gsum chags ma mchis/ /skye mched ngo bo nyid kyis rtag
tu stong zhes thams cad mkhyen pas bstan/ /yang dag ma lags
brdzun zhing byis pa slu ba chang pa stong pa 'dra/ /mi mkhas
skye bo lam la gcig tu ma nges mang po de la chags/ /dper na
'gron po rgya mtsho chen
@91b por 'khyams pa bzhin du 'khor bar lhung/ /'dren pa dbang po
'di dag dbang po nyid kyis shin tu stong pa ste/ /thub pa me
long nang gi bzhin gyi dkyil 'khor lta bur shin tu stong/ /mi
mkhas skye bo yang dag ma 'tshal mang po dag ni de la chags/ /bya
dang mtsho yi nya dang srog
chags dag ni rgya la thogs pa bzhin/ /sems can sems can nyid
stong sems can bral zhing ngo bo nyid kyis stong/ /thub pa sems
can ri mo mkhan gyis gzugs bris bzhin du ma mchis na/ /mi mkhas
skye bo yang dag ji bzhin ma 'tshal mang po de la chags/ /mkhas
pa yang dag rtogs rnams sgo nga'i sbubs nas byung ba'i bya bzhin
grol/ /rten cing chos rnams de dag skad cig pa ste stong zhing
dmigs ma mchis/ /rmi lam dga' ba bzhin du gzung du ma mchis byis
pa rmongs bgyid pa/ /mi shes rtog pa'i slad du des kyang mi
mkhas skye
bo mang po bcings/ /mkhas pa yang dag rab tu rtogs rnams gzeb
nas thar ba'i bya bzhin grol/ /thub pas chos nyid bsam yas ji
bzhin chos rnams thams cad bsam mi khyab/ /thub pa zhi ba mya
ngan 'das pa ji bzhin chos kun mtshan nyid bral/ /thub pa khams
gsum mi
chags bzhin du chos kun gnas pa ma mchis te/ /de slad tshul gcig
'di 'tshal gyur na 'gro kun bde bar gshegs par 'gyur/ /thub pa
bdag dang gzhan du mi mkhyen lta bur chos kun g.yo ba med/
/thub pa'i ye shes rgyal ba'i bstan pa ji bzhin chos kun bsam mi
khyab; ;thub pa byis pa'i spyod yul ma lags ji bzhin chos kun
brtags ma lags/ /sangs rgyas rnams kyi spyod yul 'di ni rab gsal
de bzhin shes par bgyi/ /mi mkhas gang dag rgyel bas byang chub
gzhal yas brnyes shes smra ba dang/ /gang dag rgyal bas
'khor lo dam pa gzhal yas mchog bskor smra ba dang/ /gang dag
bde gshegs skyob bas srog chags khrag khrig mya ngan bzlas smra
ba/ /de dag thams cad yang dag ma 'tshal lta ba thibs por yongs
su dkris/ /gang dag bde bar gshegs bas tshe yi 'du byed btang
bzung smra ba
@92a */ /dang; ;gang dag stobs bcu 'gro ba'i don mdzad yongs su
mya ngan 'das smra ba/ /de dag thams cad lta bar sod la yid
chags bdud kyi lag tu mchis/ /chos kyis de bzhin nyid ma 'tshal
te 'dren pas mkhyen bzhin 'tshal bar bgyi/ /gang dag tshul dang
tshul min 'di la mkhas pa de dag 'dren pa 'tshal/ /de dag rkang
gnyis gtso bo dpal stug 'jig rten thugs brtse rgyal bar 'gyur/
/de bzhin nyid 'di 'gyur ba'i dbang dang ldan te de nyid chos
nyid lags/ /de ltar 'di 'tshal gyur nas tshul la mkhas pa mi yi
mchog tu 'gyur/ /de ltar 'bras bu che ba'i lha tshogs chos rnams
nges par rtogs gyur pa/ /ston pa'i spyan sngar brjod de lhag
pa'i bsam pa de yang bstan byas nas/ /kha cig yi rangs dogs med
yid kyis sangs rgyas nyid du bdag mthong nas/ /'dren sras de dag
tshul
'di nyid kyis bdag gis bdag lung bstan par gyur/ /de nas bcom
ldan 'das kyis 'bras bu che ba'i lha de dag gi lhag pa'i bsam pa
phun sum tshogs pa dang/ chos rnams nges par rtogs par thugs su
chud nas sems can rnams kyi dge ba'i rtsa ba bskyed pa'i phyir
de'i tshe 'dzum pa mdzad do/ /de nas tshe dang ldan pa rta thul
gyis bcom ldan 'das la tshigs su bcad de gsol pa/ dpal stug 'dren
pa rnams ni rgyu zhig gzigs nas 'dzum pa mdzad lags te/ /rgyu
med mi mdzad bka' stsal bdag gis bde gshegs mngon sum
de skad thos/ /'di ltar 'dren pa khyod kyis zhi ba bde ba bsil
ba'i 'dzum mdzad na/ /rgyal ba lha mi lha min bla ma 'dzum pa
mdzad pa'i rgyu de gsungs/ /de ring 'di ltar 'dren pa khyod kyi
zhal nas 'dzum mdzad bsil mthong nas/ /'gro ba 'di kun the tshom
'tshal te bde
gshegs khyod kyi zhal du lta/ /mi mchog thugs rje ldan pa khyod
kyis 'dzum rgyu de ni myur du gsungs/ /de thos gyur nas rgyal
mchog 'gro ba 'di dag the tshom ma mchis 'gyur/ /'dren pa dam pa
lha tshogs gang dag rang gis rang la lung bstan pa/ /de dag su
zhig gang
@92b gis ci 'thob mtha' bcas rnam par 'phrul pa gsungs/ /mi
mchog tshangs pa'i gsung dbyangs sgrog ste the tshom kun tu bsal
du gsol/ /de thos rgyal ba'i 'khor 'di rab tu dga' zhing mchog
tu mgu ba 'thob/ /bde gshegs rgyal mtshan mthon po de dag thams
cad
gzhan du mi sems par/ /'dren pa'i sras rnams byang chub gzhal
yas zhi ba dam pa sems shing mchis/ /thub pa 'dren mchog the
tshom 'tshal ba de dag rnams kyi the tshom khum/ /des ni ye shes
stobs ldan tshul dang tshul min mkhas kun rgyal bar 'gyur/ /rkang
gnyis
gtso bo'i yan lag brgyad ldan gsung thos gyur nas rab dga' ste/
/bde gshegs bstan pa bzhin du bgyid cing gsungs pa'i rjes 'jug
mkhas par 'gyur/ /de dag don gyi dbang la brten nas bde gshegs
'dren pa bka' stsal gsol/ /des ni yi rangs gyur te
'gro ba chos kyi mtha' mar phyin par 'gyur/ /'dren pa chen po
lha de dag gi sngon gyi spyod pa thos gyur cing/ /rgyal ba'i
gsung thos gyur nas brnag pa yongs rdzogs zhi zhing rab dga'
ste/ /tshul la zhugs shing tshul la mkhas rnams myur du thams cad
mkhyen par
'gyur; ;'gro ba rab tu 'grol mdzad ji bzhin yang dag ston par
mdzad par 'gyur/ /de nas bcom ldan 'das kyis tshe dang ldan pa
rta thul la tshigs su bcad de slar bka' stsal pa/ lha tshogs rnams
kyi ched du nga yis 'dzum pa 'jig rten bstan mdzad pa/ /rta
thul khyod kyis dus dang tshod shes nga la dris pa shin tu legs/
/gang phyir nga yis 'dzum pa mdzad pa 'di yi tshul dang rgyu/ /de
khyod bstan gyis khyod dang 'gro ba rtse gcig yid kyis nyon/
/thams cad mkhyen pa rnams ni rgyu yi 'bras bu rnam pa gsum
gzigs shing/ /
rgyu las gzigs nas rkang gnyis dam pa dpal stug rnams ni 'dzum
pa mdzad/ /kha cig blo zhan bdag cag nyan thos 'gyur zhes mya
ngan 'das zhugs dang/ /kha cig kha rog 'dug la dga' zhing rang
rgyal byang chub 'dod zhugs dang/ /kha cig bdag cag 'jig rten
@93a */ /'dren pa mthu bo cher ni 'gyur bya ste/ /skye bo sdug
bsngal lhung ba dgrol zhes zhugs pa'i bsam pa mkhyen gyur nas/
/'dzum pa chung mdzad gang byung nyan thos don du mdzad par shes
par bya/ /'dzum pa 'bring mdzad gang byung rang rgyal don du
mdzad par
rig par bya/ /'dzum mchog ngas gang mdzad pa 'di ni 'dren pa'i
don du shes par bya/ /rab 'bring tha ma rnam pa 'di gsum 'dzum
pa mdzad pa'i rgyur gsungs te/ /kha cig thar pa'i don gnyer lam
gsum zhugs pa'i 'jig rten 'di mkhyen nas/ /des na 'jig
rten mkhas pa rnam par 'dren pa dam pa 'dzum pa mdzad/ /rta thul
de la nyan thos don du 'dzum mdzad zhabs 'og nub par 'gyur/
/rang rgyal don du 'dzum pa gang mdzad sku yi dbus su nub par
'gyur/ /'dren pa stobs bcu'i don du 'dzum pa mdzad pa gtsug tu
nub
par 'gyur/ /de ltar rta thul khyod kyis 'dzum pa'i rgyu ni rnam
gsum shes par gyis/ /rgyal ba mchog rnams don du gang 'dzum de
kun nga yi gtsug tu nub/ /sdig pa gzhom pa'i tshul du de ltar
'dzum pa ngas bstan shes par gyis/ /'dren pa rnams kyi 'dzum pa
gang
yin de rgyu rnam gsum yang bshad kyis/ /kun kyang rtse gcig yid
byos de ni nga las legs par mnyan par gyis/ /dang po'i don du
'dren pa 'dzum pa ngas mdzad myur du thog mar nub/ /'bring gi
don ni dus tshod cung zad bsdad cing phyi nas nub par 'gyur/ /blo
mchog ldan phyir
'dzum pa rgyal ba ngas mdzad shin tu ring du gnas/ /rta thul
nyan thos don du gang gnas 'dzum de theg pa'i dbang gis mdzad/
/gzhan yang 'dzum rgyu rnam gsum bshad kyis rta thul khyod kyis
mnyan par gyis/ /gang dag rgyal ba drang po stobs bcu po la skor
ba byed pa ni/ /
de dag nga la skyen par bskor nas myur du shin tu mkhas par
'gyur/ /'bring don phyir ni srab cing chel dal gyis skor ba byed
par 'gyur/ /dal gyis g.yas phyogs bskor ba byas nas rgya cher
'gyur zhing mnan par 'gyur/ /gang dag gser rgyan la dkar steng
bzhag 'dra
@93b pa'i bde gshegs mthong gyur na/ /de ni rkang gnyis dam pa
thub pa'i sku kun khyab par gnas par 'gyur/ /thams cad mkhyen
pas 'dzum bstan 'di ni zhing gi dbang du shes par bya/ /gang tshe
gdugs 'dra mtha' yas mig ldan pas ni 'dren de 'gebs pa dang/
/gang
tshe me tog 'dra la 'dren pa'i steng gi mkha' la lding ba dang/
/gang tshe sgo mo 'dra zhing bde bar gshegs la lan gsum skor byed
pa/ /de ni 'jig rten 'das pa tshe yi dbang du 'dzum mdzad shes
par bya/ /bde gshegs rgyal ba rnams kyis 'dzum mdzad rgyu ni
rnam gsum
de tsam bstan/ /rta thul khyod kyis 'dzum mdzad rgyu rnams gsum
po de dag shes par gyis/ /des na 'jig rten don bstan bzhed nas
'jig rten rnam 'dren 'dzum pa mdzad/ /de thos gyur nas thams cad
mkhyen gyi bstan la the tshom med par gyis/ /'bras bu che ? ris
lha
tshogs bye ba brgyad cu tham pa 'di dag ni/ /zhing rnams dag tu
chos tshul shin tu rgya chen smra ba'i rgyal bar 'gyur/ /mkhas pa
de dag dpag med tshe ldan bskal pa mang por gnas par 'gyur/ /de
phyir bde bar gshegs pas 'dzum pa rgya chen mchog gi cha 'di
bstan/ /de
dag sngon gyi bskal pa sum cu drug gi rgyal ba rnams kyang
mthong/ /bskal pa sum cu drug tu thams cad mkhyen pa bsnyen bkur
spyad pa spyod/ /da dung tshul mkhas 'di dag bskal pa grangs med
sum cu rtsa drug tu/ /gang zag chen po 'di dag rgyal ba khyu
mchog mchod
pa byed cing gnas/ /thams cad du yang phun sum tshul rtogs rgyal
ba'i mchog la mchod pa byed/ /rkang gnyis gtso bo mchod de byang
chub zhi ba yongs su btsal byas nas/ /de dag de'i 'og tu dpal
stug rkang gnyis dam pa skyes bu mchog /'dren pa mthu chen yon
tan ldan par gser gyi rgyal mtshan bskal la 'byung/ /rgyal ba de
dag sna tshogs zhing na gnas shing rang rang zhing sbyangs te/
/sems can dam pa de kun nyi ma'i 'od kyi dkyil 'khor dpal zhes
bya/ /de tshe yon tan ldan pa de dag rnams kyi 'dus pa grangs med
de/
@94a */ /de tshe thub pa re re'i nyan thos 'dus par 'gyur ba de
dag ni/ /gal te bskal pa khrag khrig dag tu stobs bcus nyan thos
de bgrangs kyang/ /legs mdzad rnams kyi nyan thos 'dus pa dag ni
mthar phyir bgrangs mi 'gyur/ /'dus pa de dag thams cad
grangs med 'dus pa de ni ci 'dra ba/ /de las nyis gyur de tshe
byang chub tu ni yang dag zhugs par 'gyur/ /de tshe rgyal bar
zhugs kyi rgyal ba thams cad mkhyen pa nyid ma yin/ /de dag
thams cad yongs dag zhing du spyad nas kun kyang rgyal bar
'gyur/ /bde gshegs
de dag spyod pa gang yin de dag rnams kyi 'ang de nyid 'gyur/
/'jig rten mkhas pa de dag mya ngan 'das par gyur nas dam pa'i
chos/ /de tshe sras kyis gzung zhing bskal pa bye ba brgyad cur
gnas par 'gyur/ /de dag 'das nas ston pa'i gsung rab de la byang
chub
sems bskyed pa/ /gang g'a'i klung gi bye ma bas kyang shin tu
mang ba 'byung bar 'gyur/ /de dag 'das nas ston pa skyob pa
rnams kyi gsung rab de la ni/ /nyan thos rgya mtsho kun gyi bye
snyed dpag yas mya ngan 'da' bar 'gyur/ /de ltar 'jig rten don
rnams mdzad
pa rang byung de dag thams cad kyi/ /bstan pa gang yin de ni
chos dang yongs su legs par ldan gyur cing/ /yang dag shar bar
'gyur te de ni bstan ba rnams kyi chos nyid yin/ /mi mchog de yi
gsung rab de thos 'gro ba ma lus dad gyur nas/ /rkang gnyis dam
pa
gzhal yas 'jig rten don byed bdag cag 'gyur zhes te/ /thams cad
dga' nas rgyal ba'i zhabs la phyag 'tshal skye bo rab tu dga'/
/bde bar gshegs la dga' ba gzhal yas bskyed nas chos kyis bsnyen
bkur byas/ /de lta bas na dga' bar byos la mgo
la 'bar bzhin spyad spyod de/ /rtag tu shes rab pha rol phyin
dang dge ba'i bshes gnyen bsten byos la/ /yang dag mthong ba'i
spyad pa dge ba 'di la kun tu bsten byos te/ /dge slong khyed
cag rkang gnyis gtso bo 'jig rten thugs brtser 'gyur bar gyis/
/'bras bu
@94b cheb pa lung bstan pa'i le'u ste nyi shu rtsa gsum pa'o//
//de nas gnas gtsang ma'i ris kyi lha rnams kyis de'i tshe sems
can dpag tu med pa byang chub tu yang dag par zhugs par rig cing
sangs rgyas kyi chos rnams la the tshom med par gyur par rig nas
tshim
zhing mgu la yi rangs te rab tu dga' zhing dga' ba dang yid bde
ba skyes nas bcom ldan 'das la tshul dang 'dra ba'i tshigs su bcad
pa 'di dag gis so so nas mngon bar bstod do/ /de la lha'i bu
sbyin pa la mos pas gsol pa/ khyod kyis sdug pa'i sras rnams
dang/ /
btsun mo dang ni srog phangs btang/ /rgyal srid btang bar ci
smos te/ /sbyin mthar phyin la phyag kyang 'tshal/ /lha'i bu tshul
khrims la mos pas gsol pa/ khyod kyis tshul khrims rnam sbyangs
pa/ /rnam pa kun tu bsnyengs mi mnga'/ /shin tu bslabs pas
mthar phyin pa/ /khrims mthar phyin la phyag kyang 'tshal/ /lha'i
bu bzod pa la mos pas gsol pa/ khyod kyis bzod pa bsten mdzad
pas/ /yan lag gtubs pa'ang bzod par mdzad/ /zab mor sgyid lug ma
lags te/ /bzod mthar phyin la phyag kyang 'tshal/ /
lha'i bu brtson 'grus la mos pas gsol pa/ brtson pa ma btang
brtson 'grus te/ /stobs chen brtson 'grus ldan gyur pas/ /rdzogs
pa'i byang chub mchog brnyes pa/ /brtson mthar phyin la phyag
kyang 'tshal/ /lha'i bu bsam gtan la mos pas gsol pa/ khyod
kyis bsam gtan bsten mdzad pa/ /de la 'jig rten gting mi rnyeng/
/dus gsum mnyam pa nyid brnyes pa/ /bsam gtan mthar phyin phyag
kyang 'tshal/ /lha'i bu gzi brjid dang ldan pas gsol pa/ dpa' bos
shes rab pha rol phyin/ /yang dang yang ni
bsgoms pas na/ /thams cad mkhyen pa nyid brnyes pa/ /shes rab
mthar phyin phyag kyang 'tshal/ /lha'i bu khams kyi blo gros kyis
gsol pa/ sbyin pa dag dang ngag snyan dang/ /don spyad 'thun
pa'i don dag gis/ /'jig rten 'di dag khyod kyis btul/ /
@95a */ /'dren pa khyod la phyag kyang 'tshal/ /lha'i bu dge ba'i
blo gros kyis gsol pa/ /byams chen thugs rje chen po dag /yun
ring dus nas bsgoms mdzad de/ /sems can dpag yas yongs su
bsgral/ /gdos 'dzin khyod la phyag kyang 'tshal/ /lha'i bu
dag pa'i sems kyis gsol pa/ nyon mongs med pa'i mthar phyin
cing/ /thub chen dul ba'i sems mnga' bas/ /ma dul thams cad dul
mdzad pa/ /kha lo sgyur la phyag kyang 'tshal/ /lha'i bu blo gros
dri ma med kyis gsol pa/ sems dag mnyen pa'i sems
mnga' ba/ /sems dul dbang po zhi mnga' ba/ /sems can kun gyi
sems mkhyen pa/ /sems mkhyen khyod la phyag kyang 'tshal/ /lha'i
bu blo gros rnam par dag pas gsol pa/ shes rab ldan pa'i blo
gros can/ /blo gros mchog la rab tu zhugs/ /thugs gsal
phun sum tshogs pa'i blo/ /mi mkhas rtogs mdzad phyag kyang
'tshal/ /lha'i bu sems brgyan gyis gsol pa/ khyod kyi sems ni
rnam par sbyangs/ /sangs rgyas zhing yang rnam dag mdzad/ /sems
can blo yang rnam sbyangs pa/ /kun dag khyod la phyag kyang
'tshal/ /
lha'i bu pham pa med pas gsol pa/ dgongs pa pham pa mi mnga' ba/
/khyod kyis bdud kyi dpung yang bcom/ /khyod kyis lha tshogs
thams cad kyang/ /rab tu dga' ba'i yid du bsgyur/ /lha'i bu myur
du byed pas gsol pa/ khyod kyis chos rnams myur bar
mkhyen; /sems can myur bar rnam par sbyangs/ /zab cing blta
dka'i chos dag la/ /myur du mdzad la phyag kyang 'tshal/ /lha'i
bu brtson 'grus brtan pas gsol pa/ bral gyur yongs su bral gyur
pa/ /chu bo rgal te zag pa spangs/ /pha rol phyin cing thang
la bzhugs/ /brtson 'grus brtan la phyag kyang 'tshal/ /lha'i bu
spyod lam dang ldan pas gsol pa/ 'dod chags spangs shing zhe
sdang spangs/ /gti mug spangs pa zag med pa/ /sbyin gnas bsod
nams zhing gyur pa/ /'jig rten mchod 'os phyag kyang 'tshal/
/lha'i
@95b bu shin tu brtan pas gsol pa/ khyod kyi dam chos shin tu
brtan/ /'jig rten gsum du rab tu mchod/ /gcig pu bgrod pas bde
ba brnyes/ /de phyir khyod la phyag kyang 'tshal/ /lha'i bu mi
'khrugs pas gsol pa/ lhun stug gcig tu gyur pa'i ri/ /rlung gis
bskyod par mi nus te/ /de bzhin bstod dang smad pa yis/ /bde
gshegs bskyod par mi nus so/ /lha'i bu mnyam pa nyid thob pas
gsol pa/ dpa' bo chen po zab cing mnyam/ /mtshan rab sum cu rtsa
gnyis can/ /shes rab zab mo blo ldan pa/ /rgyal ba mdzes
la phyag kyang 'tshal/ /lha'i bu zab pa'i blo gros kyis gsol pa/
sku chen khyod la sku mi mnga'/ /de bzhin nyid la rab tu bzhugs/
/yang dag mtha' yang rab tu ston/ /khyod mtshungs gang zag yong
ma mchis/ /lha'i bu blo gros dang bas gsol pa/ gnyis su
med pas yang dag ston/ /dpa' bo dpa' bas rnam par gnon/ /gang
dag zab la zhum ma mchis/ /de dag khyod chos pha rol phyin/
/lha'i bu rab tu dga' bas gsol pa/ mchog tu dga' yid brtan pa
dag /khyod kyi slob la bslabs pa'i rnams/ /sbrul
rnams pags pa rnying 'dor bzhin/ /srid pa gsum po 'di dag 'dor/
/lha'i bu zhi ba'i yid kyis gsol pa/ ji ltar mar me mar zad
cing/ /snying po zad pas zhir 'gyur bzhin/ /khyod kyis bstan pa
myur thos nas/ /shes rab chen po mya ngan 'da'/ /lha'i
bu zhi gnas la gnas pas gsol pa/ gang gis kun mkhyen khyod
mthong ba'i/ /mi rnams 'dod chags bcings pa yang/ /shes rab
mtshon gyis mkhas pa dag /'dod chags zhags pa gcod par 'gyur/
/lha'i bu zhi gnas mang gis gsol pa/ zhi ba'i
sems mnga' zhi la spyod/ /cho ga spyod yul rab tu zhi/ /nyon
mongs thams cad zhi gyur pa/ /dgra rnams zhi la phyag kyang
'tshal/ /lha'i bu zhi gnas 'jigs med kyis gsol pa/ khyod kyi zhi
gnas bslabs pa yi/ /byang chub sems dpa' grags chen dag /
@96a */ /zhi gnas nyid kyis 'byung 'gyur zhing/ /sems zhi de
bzhin gshegs par 'gyur/ /lha'i bu zhi gnas zas kyis gsol pa/
chos rnams kun gyi zhi ba ni/ /dpa' bo khyod kyis rab tu bstan/
/shes rab chen pos de 'tshal na/ /de dag de bzhin
gshegs par 'gyur/ /lha'i bu rtag tu rnam par lta bas gsol pa/
khyod kyis sems can rtag tu gzigs/ /mkhas pa khyod ltar slob pa
rnams/ /ye shes mchog gis mnyam gzhag cing/ /byang chub mchog
kyang thob par 'gyur/ /lha'i bu snang 'dzin gyis
gsol pa/ shes rab pha rol phyin gyur pa/ /thub chen khyod las
gang slob pa/ /de dag 'jig rten snang mdzad cing/ /sgrib pa med
par gzigs par 'gyur/ /lha'i bu 'od byed kyis gsol pa/ 'jig rten
sgron ma khyod kyi gsungs/ /ye shes rgya mtsho de thos
nas/ /de dag dri med bde ba 'thob/ /bsam gyis mi khyab 'od kyang
'byung/ /lha'i bu dri ma med pa'i 'od kyis gsol pa/ chos rnams
thams cad rnam mi rtog /thabs la mkhas pas de dag gsungs/ /de
'dra'i ye shes ston bgyid pa/ /de dag gang zag mchog tu
'gyur; ;lha'i bu rab tu mi gnas kyis gsol pa/ /gnas ma mchis
shing blang ma mchis/ /chos rnams thams cad sems ma mchis/ /bdag
dang gzhan gyi rnam 'gyur ba/ /de dag khyod kyis de bzhin
mkhyen/ /lha'i bu gnas med blo gros kyis gsol pa/
chos rnams thams cad gzhi med par/ /rnam par 'dren pa khyod kyis
gzigs/ /de dag khyod kyis lugs bzlog ste/ /sems can rnams la
bstan pa mdzad/ /lha'i bu mi rten blo gros kyis gsol pa/ chos
rnams thams cad rten ma mchis/ /sems can
ma mchis phan tshun min/ /lag mthil skyu ru ra bzhag bzhin/ /yang
dag ji bzhin khyod kyis bstan/ /lha'i bu bar snang rgyu bas gsol
pa/ bde gshegs khyod kyis chos kyi rnams/ /bar snang lta bur
snang ba ste/ /skye dang 'gog pa med par gzigs/ /de slad
@96b 'jig rten chags mi mnga'/ /lha'i bu ngar 'dzin pa med pas
gsol pa/ khyod kyis 'gro ba 'di dag kun/ /lus kyi ngo bo nyid
kyis ni/ /g.yo ba med cing ngar 'dzin med/ /spyod med rtsol ba
med par gzigs/ /lha'i bu blo gros rnam par bsgoms kyis gsol
pa; sgyu ma sna tshogs legs bgyis pa/ /sgyu ma'i mkhan pos bstan
gyur na/ /de bzhin ma lags de bzhin gda'/ /thub pa de ltar mnyam
ma mchis/ /lha'i bu rab tu sad pa'i dang tshul gyis gsol pa/
gzugs brnyan ji ltar me long la/ /gda' yang
de ltar ma mchis pa/ /de bzhin chos rnams khyod kyis gzigs/ /de
bas 'jig rten rmongs mi mnga'/ /lha'i bu yid gnyis rnam par 'jig
gis gsol pa/ sangs rgyas gzugs brnyan lta bu ste/ /de bzhin
sangs rgyas chos kyi rnams/ /de bzhin khyod kyis
bstan pa mdzad/ /de ltar 'gro ba kun kyang mkhyen/ /lha'i bu
spobs pa thogs med kyis gsol pa/ chos nyid la ni khor zug tu/
/spobs pa rab tu 'byung 'gyur zhing/ /chos nyid de ni brnyes pas
na/ /de slad khyod ni spobs pa ldan/ /lha'i bu chags med blo
gros kyis gsol pa/ khyod kyi chos 'di thams cad ni/ /rang bzhin
mtshan nyid ma mchis par/ /yang dag ji bzhin rab tu mkhyen/ /de
bas thub pas rab rib bsal/ /lha'i bu mya ngan bral gyis gsol pa/
mya ngan med cing nyer len med/ /spros pa med cing
rnyog pa med/ /chos rnams kun tu nyon ma mongs/ /de dag rang
bzhin khyod kyis mkhyen/ /lha'i bu rtogs pa phun sum tshogs pas
gsol pa/ chos rnams yang dag ma lags de/ /'gro dang 'ong ba ma
mchis pa/ /de dag khyod kyis yang dag mkhyen/ /de bzhin
rab tu bstan par mdzad/ /lha'i bu blo gros mchog gis gsol pa/
lhun gyis grub cing blang med pa/ /rmongs pa med cing shes pa
med/ /chos rnams ci yang mi bgyid pa/ /khyod kyis rang bzhin
thugs su chud/ /lha'i bu sgrib med thob kyis gsol pa/ snang ba
@97a */ /ma mchis mun ma mchis/ /gzugs med ma lags gzugs can
min/ /gzung ba ma mchis grol ma mchis/ /khyod kyis rang bzhin
thugs su chud/ /lha'i bu mig dpas kyis gsol pa/ yul dang phyogs
na mi gnas pa/ /yod dang med pa ma
lags par/ /rmi lam 'dod pa ji bzhin du/ /de dag rang bzhin khyod
kyis gzigs/ /lha'i bu mig mi 'dzums kyis gsol pa/ byis pa rnams
kyi blo rmongs pa/ /ma skyes pa dang ma 'gags pa/ /bar na 'ang
gnas pa ma mchis pa/ /de dag rang bzhin khyod kyis
gzigs; /lha'i bu stong pa nyid la gnas pas gsol pa/ gang zag
sems can ma mchis pa/ /ma mchis tha snyad ma mchis pa/ /bstan
pa'i slad du brjod bgyi ba/ /de dag rang bzhin khyod kyis gzigs/
/lha'i bu mtshan ma med pa la gnas pas gsol pa/ gang
gis tha snyad gdags pa yi/ /mtshan ma de dag ma mchis te/ /chos
kun mtshan ma ma mchis par/ /rnam par 'dren pa khyod kyis gzigs/
/lha'i bu smon pa med pa la gnas pas gsol pa/ ji ltar mtshan ma
stong gyur cing/ /smon pa dmigs su ma mchis dang//
su la smon lam mchis gyur pa/ /de yang de lta'i tshul du mkhyen/
/lha'i bu ting nge 'dzin la gzhol bas gsol pa/ rnam thar sgo la
brten bgyis shing/ /gang zhig grol 'gyur de ma mchis/ /de bzhin
kun nas nyon mongs pa/ /de dag rang bzhin khyod kyis gzigs//
lha'i bu ma smad pas gsol pa/ khyod ni sdig pa kun spangs shing/
/bsod nams thams cad bsags gyur te/ /bde gshegs khyod la smad mi
mnga'/ /su smod de dag mkhas ma lags/ /lha'i bu glog gi sprin
gyis gsol pa/ ji ltar glog bcas sprin gyi tshogs//
char gyis sa chen ngoms par bgyid/ /de bzhin 'dren pas chos char
gyis/ /'jig rten rnams ni ngoms par mdzad/ /lha'i bu bsam pa don
yod kyis gsol pa/ thub khyod gsung ni don mchis te/ /chos kyi
'khor lo rab tu bskor/ /shin tu brtags te mdzad
@97b pas na/ /de ni thams cad mkhyen pa'i mtshan/ /lha'i bu blo
gros phun sum tshogs pas gsol pa/ chos rnams thams cad dngos nyid
kyis/ /ma skyes 'gags pa ma lags te/ /de dag bde gshegs khyod
kyis mkhyen/ /gzhan yang de bzhin rtogs par mdzad/ /
lha'i bu seng ge'i nga ros gsol pa/ khyod kyis stong pa nyid
bstan te/ /seng ge'i nga ro bsgrags mdzad pas/ /mu stegs can kun
rab 'jigs pa/ /seng ges ri dags phra mo bzhin/ /lha'i bu bag yod
las kyis gsol pa/ bag yod sngon du btang mdzad de/ /khyod kyis
spyod pa spyad bgyis pas/ /sangs rgyas chos la 'dren pa khyod/
/bag yod pas ni nges par 'byung/ /lha'i bu bag yod rab gnas kyis
gsol pa/ bag yod pa la rab gnas te/ /khyod kyis nyid kyi chos
kyang spel/ /stobs bcu gzhan yang sangs rgyas chos/ /bsam
gyis mi khyab rab tu spel/ /lha'i bu bag yod skyes kyis gsol pa/
bag yod pa la brtson pas na/ /byang chub phyogs rnams yang dag
skyes/ /thub chen rang yang grol gyur nas/ /de dag rnams ni 'jig
rten 'grel/ /lha'i bu bag yod nges par byung gis gsol pa/
byang chub sems dpa' nyan thos dag /ji snyed thar la rten pa'i
rnams/ /kun kyang khyod la bslabs pa ste/ /bag yod pas ni nges
par 'byung/ /lha'i bu bag yod gnas pas gsol ba/ bag yod yongs su
ma btang bas/ /rnam par 'dren pa khyod kyi sras/ /'gro ba
'di la ma chags par/ /thams cad mkhyen du nges par byung/ /lha'i
bu bag yod bsrungs kyis gsol pa/ byang chub lam la bsten mdzad
cing/ /khyod ni bag gis bsrungs pas na/ /thugs rje chen po mkhas
pa yis/ /byang chub dam pa brnyes par gyur/ /lha'i bu
bag yod brtson gyis gsol pa/ bag yod pa la rab brtson zhing/
/mtshan nyid gcig po rtogs bgyis pa/ /dpa' bo chen po khyod kyi
sras/ /yab kyi dkor yang thob par 'gyur/ /lha'i bu bag yod mngon
par dga' bas gsol pa/ bag yod dga' ba'i brtan pa
@98a */ /rnams; ;de dag sangs rgyas ye shes kyis/ /dpa' bo nyon
mongs ri 'jig pas/ /nga rgyal ri yang de bzhin bsnyil/ /lha'i bu
bag yod 'dzin gyis gsol pa/ sangs rgyas ye shes tshol mdzad tshe/
/khyod ni bag gis bzung bas na/ /bskal pa bye ba
grangs med du/ /khyod kyi thugs ni skyor ma gyur/ /lha'i bu zhi
gnas brtson gyis gsol pa/ chos rnams de dag rang bzhin zhi/ /de
ni sangs rgyas spyod yul lags/ /byang chub yang dag gang zhugs
dang/ /thams cad mkhyen pa der mi 'jigs/ /lha'i bu zhi gnas la
yang
dag par gnas pas gsol pa/ sangs rgyas zhi gnas bzhugs pa ste/
/'on kyang de la chags mi mnga'/ /sems can nyon mongs zhi bar
mdzad/ /rdul 'thul ba la char pa bzhin/ /lha'i bu zhi gnas la
rab tu gnas kyis gsol pa/ sangs rgyas zhi la rab tu bzhugs/ /
sus kyang mi bskyod ri bo bzhin/ /khyed la gnod bgyir mi nus te/
/sems zhi khyod la phyag kyang 'tshal/ /lha'i bu zhi gnas dul
gyis gsol pa/ khyod kyi sras rnams ma smad pa/ /zhi gnas kyis ni
yongs su dul/ /bdud rnams bye bas mi tshugs te/ /'dod chags
kyis ni gnod mi 'gyur/ /lha'i bu zhi gnas nges par byung gis
gsol pa/ zhi ba'i yid mnga' zhi gnas la/ /dpa' bo chen po bsgom
mdzad pas/ /ci la gnas te bsam gtan mdzad/ /sus kyang khyod kyi
tshul ma 'tshal/ /lha'i bu zhi gnas sngon du 'gros gsol
pa; ston pas sangs rgyas chos rnams kyi/ /sngon du zhi gnas 'gro
zhes gsungs/ /gang gis byang chub 'grub 'gyur ba'i/ /chos gzhan
de yi rjes su 'brang/ /lha'i bu zhi gnas rjes su 'brang gis gsol
pa/ 'jig rten sgron ma'i zhi gnas ni/ /sems kyi
rnyog pa 'dang bar bgyid/ /zhi ba'i sems ldan rnams kyis 'ching/
/de khyod mtha' yas dbang du mdzad/ /lha'i bu zhi gnas spyod yul
gyis gsol pa/ chos rnams kun gyi spyod yul ni/ /zhi gnas yin
zhes 'dren pas gsungs/ /de la chags med spyod
@98b pa ni/ /rnam par 'dren pa sangs rgyas 'gyur/ /lha'i bu zhi
gnas brlan gyis gsol pa/ bsam gtan gyis ni sngon brlan te/ /shes
rab kyis ni sems bsgoms pas/ /de ? phyir rdzogs pa'i byang chub
brnyes/ /de bzhin skye bo rnams kyang 'dren/ /lha'i bu zhi
gnas lhur len gyis gsol pa/ sangs rgyas chos rnams gang la yang/
/lam gzhan bdag gis ma mthong ste/ /zhi gnas ye shes che thob
na/ /rang byung nyid du nges par 'byung/ /lha'i bu lhag mthong
mngon dags gsol ba/ dpa' bo chen po lhag
mthong ni/ /chos rnams thams cad ston pa ste/ /de la khyod kyi
sras sbyod cing/ /rang byung nyid ni thob par 'gyur/ /lha'i bu
lhag mthong byung gis gsol pa/ shes rab pha rol phyin gnas
shing/ /rnam par 'dren pa 'byung bar 'gyur/ /sman pa'i rgyal po
ston pa ste/ /de bas lhag mthong dge ba lags/ /lha'i bu lhag
mthong rab gnas kyis gsol pa/ chos rnams thams cad btsal bgyis
te/ /yang dag ji bzhin mthong gyur na/ /brtan pa rdzogs pa'i
byang chub 'thob/ /byang chub nyid la gnas par 'dod/ /
lha'i bu lhag mthong nges 'byung gis gsol pa/ gang zag mchog
rnams ye shes kyis/ /byang chub mchog tu nges par byung/ /rdzogs
pa'i byang chub ye shes kyis/ /brnyes pa'i dran pa skye mi
'gyur/ /lha'i bu lhag mthong mngon dags gsol pa/ yang dag ji
bzhin yang dag tu/ /chos rnams rnam par gzigs bas na/ /byang
chub gzhal yas brnyes gyur te/ /de bas rnam 'dren sangs rgyas
lags/ /lha'i bu lhag mthong la mngon par brtson pas gsol pa/
mkhas pa ye shes gang brtson zhing/ /dka' ba mang po spyod
bgyid pa/ /de dag rgol tshogs thams cad kyis/ /pham par bgyi bar
yong mi nus/ /lha'i bu lhag mthong byung gis gsol pa/ chos rnams
rnam mthong bgyi slad du/ /rgyal sras gang dag zhugs pa'i rnams/
/chos rnams ngo bo nyid 'tshal cing/ /rang byung nyid
@99a */ /ni thob par 'gyur/ /lha'i bu lhag mthong la bsten pas
gsol pa/ rnam 'dren khyod kyis yun ring du/ /ye shes la ni bsten
mdzad pas/ /thams cad mkhyen pa brnyes nas ni/ /srog chags bye
ba grol bar mdzad/ /lha'i bu khyad par ldan gyis
gsol pa/ sangs rgyas mkhyen pas thams cad mkhyen/ /'dren pa dam
pa mngon par 'phags/ /srid pa'i rgya mtshos khyer ba yi/ /'jig
rten de yis sgrol bar mdzad/ /lha'i bu lhag mthong gnas kyis
gsol pa/ lhag mthong la ni gnas mdzad cing/ /chos
kun rnam par gzigs pas na/ /sangs rgyas chos rnams 'phel 'gyur
te/ /sa bzang n+ya gro dha skyes 'dra/ /lha'i bu lhag mthong
dang ma bral bas gsol pa/ rnam par 'dren pa khyod kyi sras/ /ye
shes kyis ni yongs bzung ste/ /byang chub mchog ni thob bgyis
shig /
skye bo mang po 'grel bar bgyid/ /lha'i bu lhag mthong la rnam
par rtse bas gsol pa/ sangs rgyas mkhyen la rnam par rol/ /chos
rnams kun la 'jigs mi mnga'/ /zhum pa ma mchis dngang mi mnga'/
/thub pa 'jig rten thams cad mkhyen/ /lha'i bu lhag mthong
la yang dag par 'jug gis gsol pa/ dpa' bo chen po chos kun ni/
/lhag mthong nyid du yang dag 'du/ /rang bzhin med par rnam
mthong na/ /de ni rang byung byang chub lags/ /lha'i bu lhag
mthong snying pos gsol pa/ sangs rgyas lhag mthong snying po
ste/ /chos
rnams kun la 'jigs mi mnga'/ /'jig rten sdug bsngal 'di gzigs
shing/ /thugs rje chen po shin tu skyed/ /lha'i bu lhag mthong
'gros kyis gsol pa/ byang chub phyir ni shes 'gro ba'i/ /'jig
rten mkhas pa nges par byung/ /de dag byang chub mchog kyang
'thob; ;grol nas skye dgu 'di dag 'grel/ /lha'i bu stong pa nyid
la bsten gyis gsol pa/ stong pa nyid kyi chos sten pa'i/ /mkhas
pa byang chub 'tshang rgya ste/ /sems can bcings las 'grol bgyid
cing/ /bcings pa thams cad rnam par gcod/ /
@99b lha'i bu stong pa nyid la mos kyis gsol pa/ stong pa nyid
la mos gyur pa/ /'gro ba 'di dag srog med gzigs/ /dmigs med ngo
bo nyid med pa/ /de ltar srog chags rnams la ston/ /lha'i bu
stong pa nyid kyi spyod yul gyis gsol pa/ /sangs rgyas kun gyi
spyod
yul ni/ /chos rnams rang bzhin stong pa ste/ /srog chags rnams
la thugs brtse bas/ /dpa' bos de la spyad par mdzad/ /lha'i bu
stong pa nyid kyi bsam pas gsol pa/ skyon dang bral zhing bcings
med la/ /'jigs skrag thams cad rab tu spangs/ /chos rnams
kun la mi gnas shing/ /nam mkha'i rlung bzhin spyod pa mdzad/
/lha'i bu stong pa nyid la mngon par dga' bas gsol pa/ stong
nyid chos la sten bgyid cing/ /sangs rgyas spyod yul gang mos
pa/ /de dag ston pa mchod pa ste/ /mchod pa de ni bla na med/
/lha'i
bu stong pa nyid kyis yang dag par 'phags kyis gsol pa/ gang gis
'dren pa 'phags gyur pa/ /de ni yang dag 'phags zhes gsungs/
/stong nyid chos la ston bgyid pa/ /ma smad de dag sangs rgyas
'gyur/ /lha'i bu stong pa nyid kyis 'dren gyis gsol pa/ dpa'
bo chen po chos rnams gang/ /mya ngan 'das min ston ma mchis/
/kun kyang mya ngan 'das par 'dren/ /drang srong chen po'i byang
chub lags/ /lha'i bu stong pa nyid kyis yang dag shar gyis gsol
pa/ stong nyid zhi la brten nas ni/ /khyod kyi slob ma yang dag
shar/ /
stong pa nyid la gang sten pa/ /de dag rim gro bgyid pa lags/
/lha'i bu stong pa nyid la sten gyis gsol pa/ gang rnams stong
pa nyid sten pa/ /mkhas pa de dag rmongs mi 'gyur/ /nyon mongs
med cing lta med rnams/ /byang chub rdul med thob par 'gyur/
/lha'i
bu stong pa nyid phun sum tshogs pas gsol pa/ gang rnams stong
nyid sten bgyid pa/ /sangs rgyas chos rnams phun sum tshogs/
/rang byung pham pa med par 'gyur/ /'jig rten don kyang bgyid
par 'gyur/ /lha'i bu stong pa nyid la yang dag par zhugs pas
@100a */ /gsol pa/ sangs rgyas chos la zhugs gyur te/ /stong pa
nyid la gang sten pa/ /de la bdud rnams bye ba phrag /stong gis
dkrug par mi nus so/ /lha'i bu mtshan ma med la dga' bas gsol pa/
mtshan ma med la mngon dgyes te/ /
dngos po thams cad rnam bshig nas/ /sangs rgyas 'jig rten rnams
nas byung/ /mtshan ma rnams la chags mi mnga'/ /lha'i bu mtshan ma
med la gnas pas gsol pa/ mtshan ma med la spyod gyur cing/ /zhi
ba zhi la spyod pa rnams/ /mtshan ma
rnam par bshig rnams kyis/ /tshul ni bdud kyis shes mi nus/
/lha'i bu mtshan ma med pa'i spyod yul gyis gsol pa/ sangs rgyas
kun gyis spyod yul la/ /'dren pa khyod ni spyod mdzad de/ /mtshan
ma mi mnga' rtogs dka' zhing/ /zhi spyod khyod
la phyag kyang 'tshal/ /lha'i bu mtshan ma med pas skom gyis gsol
pa/ thub pa'i 'khor 'di thams cad ni/ /mtshan ma med pas skom
gyur te/ /yab kyi dkor ni 'tshal gyur nas/ /de bzhin gshegs la
bkur sti bgyid/ /lha'i bu mtshan ma med pa la spyod
pas gsol pa/ mtshan ma med la nyin mtshan du/ /gang zag mchog ni
spyod mdzad pas/ /lha dang dri za mi dag kyang/ /khyod kyi tshul
ni ma 'tshal to/ /lha'i bu mtshan ma med pas rnam par grol gyis
gsol pa/ chos rnams thams cad rnam bshig cing/ /
dpa' chen 'jig rten sgron ma khyod/ /mtshan ma med la gnas par
mdzad/ /de bas khyod la phyag kyang 'tshal/ /lha'i bu mtshan ma
med pa la rnam par rtse bas gsol pa/ thub chen dpa' bo chen po
khyod/ /mtshan ma med la rnam par rol/ /mi rnams yongs su smin
mdzad cing/ /sangs rgyas ye shes mchog la zhugs/ /lha'i bu mtshan
ma med pas yongs su grub kyis gsol pa/ gang gis mtshan ma spangs
gyur pa/ /de dag byang chub grub pa ste/ /yab kyi chos kyi brtul
zhugs can/ /de dag rdzogs pa'i sangs rgyas mchod/
@100b lha'i bu mtshan ma med pa la dga' bas gsol pa/ /gang gis
mtshan ma rnam bshig pa/ /de dag sangs rgyas chos la dga'/ /bla
ma'i gnas la gnas pa ste/ /sems can kun gyi mchod rten lags/
/lha'i bu mtshan ma med pa la rten bas gsol pa/ /zhi
la spyod cing rnam grol ba/ /sangs rgyas 'jig rten bla na med/
/'byung bo kun gyi skyabs dang rten/ /dpung gnyen de bzhin gnas
kyang lags/ /lha'i bu mtshan ma med pa la mos pas gsol pa/ mtshan
ma med la mos gyur cing/ /zhi ba dgra las rgyal gyur
pa; ;sangs rgyas rgal ba 'gro sgrol ba/ /de dag tshad ni ga la
mchis/ /lha'i bu smon pa med pa rtogs kyis gsol pa/ mgon po gang
dag smon lam ni/ /rnam pa kun tu mi dmigs pa/ /de dag 'jig rten
bral ba ste/ /sangs rgyas 'jig rten nang nas byung/ /
lha'i bu smon pa med pa la sten pas gsol pa/ zhi ba'i thugs dang
ldan pa khyod/ /srid pa rnams su smon mi mdzad/ /sred pa yongs
su chad pas na/ /sangs rgyas 'jig rten yong mi gos/ /lha'i bu
smon pa med pas skyes kyis gsol pa/ gang gis srid pa yongs
bcom pa/ /de dag gzi mchog skyes pa ste/ /de dag 'jig rten mgon
po'i sras/ /rang gi yab la phyag kyang 'tshal/ /lha'i bu smon pa
med pas bskyed kyis gsol pa/ khyod kyi sras rnams ma smad pa/
/sred pa yongs su bcad pas na/ /srid pa 'jig
bgyid srid pa la/ /de dag smon pa mi bgyid do/ /lha'i bu smon pa
med pas yongs su grol bas gsol pa/ gang dag smon pa mi bgyid pa/
/gzi ldan khyod kyi sras kyi rnams/ /re ba btang zhing bcings
grol ba/ /de dag yongs su grol bar 'gyur/ /lha'i bu smon
pa med pas byung gis gsol pa/ gang gis sred pa rab bcom pa/ /de
dag mya ngan dgon pa rgal/ /de dag mi skom zang zing med/ /dpa'
chen khyod la deng phyag 'tshal/ /lha'i bu smon pa med la nges
pas gsol pa/ gang gis srid dang sdug bsngal dang/ /bde
@101a */ /ba dngos po med bsgoms pa/ /mgon khyod de dag rnams
kyi yab/ /de dag khyod kyi sras kyang lags/ /lha'i bu smon pa
med pa'i 'khor gyis gsol pa/ srid pa'i sdug bsngal sus mthong
ba/ /de dag khyod kyi bstan la dul/ /kha lo sgyur zhing srid sel
ba; ;sems dul khyod la phyag kyang 'tshal/ /lha'i bu smon pa med
pas byung gis gsol pa/ srid pa'i dgon las byung ba rnams/ /bde
ba thob cing zhi gnas te/ /nyon mongs dgra rnams pham mdzad pa/
/'jig rten mgon la phyag kyang 'tshal/ /lha'i bu smon pa med
pas ya mtshan du gyur pas gsol pa/ g.yul las rgyal bar gyur pa
ste/ /khyod ni rnam rgyal pham mi mnga'/ /bdud kyi dpung rnams
pham mdzad cing/ /srid pa kun tu smon mi mdzad/ /lha'i bu smon
pa med pa stobs ldan gyis gsol pa/ thar pa'i chos la stobs
ldan pas/ /bdud kyi zhags pa yongs bcad cing/ /khyod kyi sras
rnams bdud dag la/ /bskyab pa'i 'du shes mi bgyid do/ /lha'i bu
lus rnam par brtags kyis gsol pa/ lus med 'chi ba med tshul du/
/lus 'di gang gis mthong gyur pa/ /de dag sangs
rgyas spyod yul dga'/ /'dren pa khyod kyi rjes su zhugs/ /lha'i
bu lus nges par sems pas gsol pa/ mi gtsang rul pa rnag zag pa/
/lus 'di mi bzad nges bsams te/ /yang dag ji bzhin 'tshal gyur
nas/ /rnam 'dren khyod la phyag kyang 'tshal/ /
lha'i bu lus rtogs kyis gsol pa/ lus la mi gtsang brtags bgyis
te/ /lus la dran pa rnam dpyad cing/ /lus kyi sdug bsngal rnams
grol nas/ /nges pa khyod la phyag kyang 'tshal/ /lha'i bu lus
yongs su gtong gis gsol pa/ sbrul gyi pags pa rnying
bzhin du/ /rnag can lus 'di spangs nas ni/ /de bzhin gshegs pa
sku bo che/ /sku mi mnga' la phyag kyang 'tshal/ /lha'i bu lus la
smod pas gsol pa/ mi gtsang dri nga rnag zag cing/ /rul ba'i lus
la rtag smad de/ /mi gtsang gang ba rnam spangs nas/ /
@101b 'dren pa khyod la phyag kyang 'tshal/ /lha'i bu lus kyis
yongs su skyo bas gsol pa/ gang dag rul ba'i lus skyo zhing/
/rgyal sras gtsang ba 'tshal ba rnams/ /chos kyis rab tu bskyed
pa'i sras/ /de dag sangs rgyas phyag 'tshal 'gyur/ /lha'i bu lus
kyis
skrag pas gsol pa/ 'byung ba chen po sbrul gdug 'drar/ /gang gis
shin tu rtogs gyur pa/ /de dag lus las 'das pa ste/ /rkang gnyis
gtso la phyag kyang 'tshal/ /lha'i bu lus kyi skyon mthong bas
gsol pa/ lus kyi skyon la mngon sum ste/ /ye shes
gzigs pa'i spyan mnga' bas/ /sangs rgyas mkhyen pas mkhas pa dag
/srid gsum thams cad yongs su gzigs/ /lha'i bu lus la 'dod chags
dang bral bas gsol pa/ lus kyi 'du shes 'dod chags bral/ /chos
kyi 'du shes mi gnas pas/ /kun
sbyor kun las 'das pa ste/ /rnam 'grel sangs rgyas phyag kyang
'tshal/ /lha'i bu srid pa'i dgra'i blo gros kyis gsol pa/ srid
par srid pa 'joms mdzad pa/ /khyod kyis dgra yi 'du shes mkhyen/
/khyod kyi sras rnams sgom bgyid cing/ /mkhas pa byang
chub mngon 'tshang rgya/ /lha'i bu srid pa sel bas gsol pa/ srid
pa rnams kyi nyes dmigs mthong/ /mya ngan 'das pa 'jigs med
mthong/ /khyod kyi sras rnams 'gro phan phyir/ /byang chub spyad
pa spyod pa bgyid/ /lha'i bu srid pa rnam par spangs kyis gsol
pa
gang gis srid pa rnam spangs shing/ /'jig la mngon par mi dga'
ba/ /bral bar gyur cing sems dag pa/ /mkhas khyod zhabs la phyag
kyang 'tshal/ /lha'i bu srid pa bsal gyis gsol pa/ mi yi dam pa
khyod kyi sras/ /srid par khrid pa rab bsal te/ /khyod kyi
bslab la bslabs pa dag /stong gsum 'di na rnam par mdzes/
/lha'i bu srid pa las rgal bas gsol pa/ srid pa'i mtsho las rgal
ba yi/ /'jig rten mgon mchog skyob rnams la/ /grangs kyis rgyun
tu bgrang ba yi/ /grangs ni 'jig rten 'di na med/ /lha'i bu srid
@102a */ /pa 'joms kyis gsol pa/ srid pa thams cad yongs bcom
ste/ /gang dag rtag tu dran spyod pa/ /de dag rdzogs pa'i sangs
rgyas mchod/ /srog chags rnams la chos kyang ston/ /lha'i bu
srid pa las rab tu grol bas gsol pa/ srid pa'i rgyun las rab tu
grol; ;rnam par 'dren pa srid pa rgal/ /srid pa mthar 'byin
sangs rgyas te/ /srid pa sel la phyag kyang 'tshal/ /lha'i bu
srid pa rab tu zhi byed kyis gsol pa/ srid par khrid pa rab zhi
zhing/ /srid pa pham par mdzad nas gshegs/ /brten pa srid pa
mthar 'byin
pa; ;khyod la do zla ma mchis so/ /lha'i bu srid pa'i mthar 'gro
bas gsol pa/ /srid pa'i mthar phyin rab zhi ba/ /mgon po khyod
kyi srid pa'i mtha'/ /srid pa phyir 'byin thams cad mkhyen/
/sangs rgyas 'jig rten rtogs par mdzad/ /lha'i bu srid pa'i tha
ma'i
lus 'dzin gyis gsol pa/ srid pa'i rgyu ni rnam spangs nas/ /srid
pa tha ma 'dzin mdzad pa/ /gang gis srid pa len 'gyur ba'i/
/khyod kyis kun tu sbyor ba mthong/ /lha'i bu srid pa rab tu zhi
ba thob kyis gsol pa/ khyod kyis srid pa stong mkhyen te/ /srid
pa'i
rgyu yang de bzhin no/ /zhum dang rab tu zhum mi mnga'/ /mnyam
nyid gyur la phyag kyang 'tshal/ /lha'i bu srid pa'i pha rol du
'gro bas gsol pa/ srid ba'i pha rol rgal ba ste/ /srid par khrid
pa yang dag bsal/ /rnam par 'dren pa thugs brtse bas/ /skye bo
gzhan ni
sgrol ba mdzad// //bam po bcu pa/ lha'i bu tshor bas mnar gyis
gsol pa/ tshor ba bdag tu bgyi ma mchis/ /sems ma mchis shing
rtsol ma mchis/ /bsam gtan mdzad pa che khyod kyis/ /tshor ba chu
bur lta bur mkhyen/ /lha'i bu
tshor ba ston pas gsol pa/ ngo bo nyid kyis dngos med par/ /tshor
ba khyod kyis rab tu mkhyen/ /rmi lam sdug gu'i dga' 'dra ba/
/de la so so'i skye bo chags/ /lha'i bu tshor ba la yongs su
rtogs pas gsol pa/ shes rab bcas pas yongs brtags na/ /tshor ba
@102b 'gro bar ma song zhing/ 'ong ba med la dngos med par/ /de
ni thub chen khyod kyis gzigs/ /lha'i bu tshor ba dang bral bas
gsol pa/ tshor ba dang ni tshor ba po/ /rang bzhin med par khyod
kyis gzigs/ /zab mo blta dka'i tshig de yang/ /khyod kyis sems
can
rnams la bstan/ /lha'i bu tshor ba'i rgyud la nges pas gsol pa/
tshor ba de ni kun rdzob tsam/ /don dam nyid du mi dmigs te/
/khyod kyis sems can der btul bas/ /'gro ba the tshom ma mchis
gyur/ /lha'i bu tshor ba la mkhas pas gsol pa/ tshor ba'i phung
po mkhas pa po/ /mkha' la rlung gi dkyil 'khor bzhin/ /byis pa'i
blo can rmongs bgyid pa/ /de ni khyod kyis yang dag gzigs/
/lha'i bu tshor ba mngon par shes pas gsol pa/ tshor ba'i phung po
mngon mkhyen pa/ /rig cing rig pa'i mthar byon pa'i/ /
mkhas pa rnams kyi mchog khyod kyis/ /tshor ba bdag med rab tu
gzigs/ /lha'i bu tshor ba las rgal bas gsol pa/ rkang gnyis gtso
bo dam pa khyod/ /rgal dka' tshor ba'i mtsho las rgal/ /'dam la
rgal cing sdig med pa/ /byang chub mchog 'di sangs
rgyas gyur/ /lha'i bu tshor ba las byung gis gsol pa/ rnam par
'dren pas 'jig rten du/ /tshor ba rnams ni 'byung mkhyen nas/
/tshor ba'i phung po rab rgal te/ /sangs rgyas 'jig rten chags mi
mnga'/ /lha'i bu tshor ba rig pas gsol pa/ mi rnams
dag la gang 'ching ba'i/ /tshor ba thams cad khyod kyis mkhyen/
/nyon mongs zhags pas 'ching 'gyur ba/ /de yi rang bzhin khyod
kyis gzigs/ /lha'i bu sems la mkhas pas gsol pa/ khyod kyi sems
kyis nyon mongs pham/ /bdud rnams kyang ni spa bkong ste/ /
sems de rang bzhin ma mchis par/ /thub pa chen po khyod kyis
gzigs/ /lha'i bu sems yongs su shes pas gsol pa/ ji ltar sgyu
ma'i mkhan po yis/ /sgyu ma sna tshogs sprul pa bzhin/ /sems ni
bde gshegs khyod kyis mkhyen/ /de phyir khyod la 'jig rten
@103a */ /mchod; ;lha'i bu sems la yang dag par rtogs pas gsol
pa/ sgyu ma'i mkhan nam slob ma bzhin/ /gang gis 'gro ba 'di
bcings pa'i/ /sems de khyod kyis yang dag brtags/ /de ni khyod
kyis ji bzhin mkhyen/ /lha'i bu sems kyi spyod yul
la spyod pas gsol pa/ sems kyi spyod yul khyod kyis mkhyen/
/rnam par 'dren pa rmi lam na/ /ji ltar tshogs kyi grangs bzhin
du/ /byis pa'i sems rmongs bgyid par gzigs/ /lha'i bu sems kyi
dbang phyug gis gsol pa/ /dul gyur las su rung ba yi/ /sems
kyi rang bzhin rtog med pa/ /gang la 'jig rten gting mi rnyed/
/mtshan nyid brtan pa khyod kyis gzigs/ /lha'i bu sems la dpa'
bas gsol pa/ gang gis sems la sems med shes/ /mkhas pa sgyid lug
mi 'gyur zhing/ /bdud sde rab tu 'dul bgyid pa/ /de dag 'dir
ni dpa' zhes bgyi/ /lha'i bu sems kyis yang dag 'phags kyis gsol
pa/ gang dag sems la sems med shes/ /de dag sangs rgyas sras
lags te/ /dpa' chen sangs rgyas chos rnams la/ /skyes bu de dag
yang dag 'phags/ /lha'i bu zhi ba'i sems kyis gsol pa/
gang gis sems la dbang bgyis pa/ /sems can de dag zhi rab zhi/
/bdud kyi zhags las rab grol bas/ /de dag bdud kyi dbang mi
mchi/ /lha'i bu sems mnyen pas gsol pa/ mi rnams gang dag sems
mnyen zhing/ /bsnyen par dka' dang dpa' ba dang/ /khyod kyi
bstan
la gang mos pa/ /de dag 'dod par zhum mi 'gyur/ /lha'i bu sems
dag pas gsol pa/ sems dag las rnams gtsang gyur cing/ /yang dag
rtogs pas spyod bgyid pa/ /de dag rgyal ba'i bstan thos nas/
/zab mo rnams la zhum mi 'gyur/ /lha'i bu chos nyid la gnas
pas gsol pa/ gang gi yid ni chos nyid la/ /rab tu dga' zhing
thogs med pa/ /de dag mi dbang sras po ste/ /zhi ba'i sar ni
phyin pa lags/ /lha'i bu chos la sems pas gsol pa/ chos rnams
thams cad chos dbyings su/ /'dren pa de la bslabs pa rnams/
/chos
@103b nyid la ni gang sems pa/ /de dag spyod yul ma yin med/
/lha'i bu chos kyi dbyings la ngas par byung gis gsol pa/ mi
mchog khyod kyi sras kyi rnams/ /chos kyi dbyings la nges byung
ste/ /'dren pa khyod kyi sras de dag /mtshan nyid gcig gis nges
byung lags/ /lha'i
bu chos kyi dbyings kyi spyod yul gyis gsol pa/ chos rnams kun
gyi spyod yul ni/ /chos kyi dbyings zhes rgyal bas gsungs/ /dpa'
bo khyod ni gang spyod pa'i/ /ye shes de ni bsam mi khyab/
/lha'i bu chos kyi dbyings la zhugs pas gsol pa/ chos kyi
dbyings la
gang zhugs pa/ /de dag ye shes bsam yas te/ /sangs rgyas chos la
the tshom med/ /sems can bsam la de dag mkhas/ /lha'i bu chos kyi
dbyings la bab kyis gsol pa/ gang dag chos kyi mtshan nyid gcig
/chos kyi dbyings la bab pa rnams/ /de dag spobs
pa'i stobs bskyed pa/ /bsam gyis mi khyab thob par 'gyur/ /lha'i
bu chos kyi dbyings la 'jigs pa med pas gsol pa/ gang la de dag
gnas pa yi/ /'jigs pa med pa thob med pas/ /de dag rnams kyi
spobs dang stobs/ /de la mtshungs pa med pa 'byung/ /lha'i
bu chos kyi dbyings la mkhas pas gsol pa/ khyod ni chos dbyings
mkhas pa ste/ /chos rnams kun la shin tu mkhas/ /lag mthil skyu
ru ra bzhag bzhin/ /chos kyi dbyings kyang rnam par ston/ /lha'i
bu chos kyi dbyings la gnas pas gsol pa/ chos rnams rang bzhin
med gzigs pas/ /khyod ni chos kyi dbyings la bzhugs/ /mi gnas
zhum pa ma mchis te/ /bzung ba ma mchis btang ma mchis/ /lha'i
bu chos kyi dbyings la spyod pas gsol pa/ sangs rgyas spyod yul
gang lags pa'i/ /chos kyi dbyings la khyod spyod de/ /bar
snang mkha' dang 'dra ba yi/ /'jig rten mgon la phyag kyang
'tshal/ /lha'i bu chos kyi dbyings la rton pas gsol pa/ gang dang
gang gi sgo dag nas/ /skyes bu dam pa ston mdzad pa/ /de yi sgo
nas chos dbyings ston/ /de phyir rtags dang gzugs ma mchis/
/lha'i bu chos
@104a */ /kyi dbyings la brtson pas gsol pa/ mngon par brtson
pas chos kyi dbyings/ /skyes bu dam pa khyod kyis mkhyen/
/brtson bas rdzogs pa'i sangs rgyas rnams/ /ye shes pha rol
phyin par gyur/ /lha'i bu chos kyis tshim gyis gsol pa/ dpa' bo
khyod
kyis skye bo 'di/ /chos kyis rab tu tshim par mdzad/ /chos kyi
dbyings ni rnam mkhyen pas/ /'dren pa byang chub mchog la
bzhugs/ /lha'i bu chos nyid kyi gting rnyed pas gsol pa/ gting
rnyed gyur pa'i 'gro ba kun/ /'dren pa khyod kyi zhal du lta/
/chos dbyings rnam
par mkhyen pa yi/ /'dren pa khyod la phyag kyang 'tshal/ /lha'i
bu gnas shes pa la rab tu gnas pas gsol pa/ mi mchog 'dren pa
sangs rgyas kyi/ /ye shes gnas 'di chos dbyings te/ /rnam par
'dren pa stobs bcu po/ /gang la spyod pa de lags so/ /lha'i bu
gnas la gnas pas gsol pa/ chos kyi dbyings ni gnas chen te/
/thams cad mkhyen pa bzhud pa'i lam/ /de ni chos rnams thams cad
kyang/ /mtshan nyid gcig par shes pa lags/ /lha'i bu gnas mngon
par shes pas gsol pa/ khyod ni chos dbyings
mngon par mkhyen/ /mtshan nyid gcig la mkhas pa ste/ /sems can
kun gyi bsam pa yang/ /rkang gnyis gtso bo khyod kyis mkhyen/
/lha'i bu gnas nas nges par byung gis gsol pa/ rnam par 'dren pa
khyod kyi sras/ /gnas su bya ba chos dbyings shes/ /gsal
bar 'tshal ba'i mkhas pa rnams/ /rang byung nyid du nges par
byung/ /lha'i bu gnas la bslabs pas gsol pa/ chos kyi dbyings la
gang bslabs pa'i/ /skyes bu de dag byang chub zhugs/ /rang byung
nyid du gnas rnyed pas/ /de dag rkang gnyis mchog tu 'gyur/
/lha'i bu gnas
med pa la mkhas pas gsol pa/ gnas med pa ni gang 'tshal ba/ /de
dag bde gshegs dgongs la mos/ /bdud rnams bye ba stong gis
kyang/ /de dag rmongs par yod mi nus/ /lha'i bu gnas med pa
mngon par shes pas gsol pa/ gnas med gang gis rig gyur pa/ /
@104b de dag bdag cag bdud kyi tshogs/ /bye bas byang chub mi
skyod ces/ /mkhas pa de dag shin tu dga'/ /lha'i bu gnas med
pa'i dgongs pa la mkhas pas gsol pa/ gnas med 'du shes mkhas pa
ni/ /chos nyid la ni rab gnas te/ /sdig can bdud rnams bshal ba
ni/ /
ji ltar rta yis shing rta bzhin/ /lha'i bu gnas med pa la mkhas
pas gsol pa/ mtshan nyid gcig la mkhas pa po/ /chos kyi dbyings
la bgegs bgyid pa'i/ /bdud kyi las ni gnas med de/ /gnas med do
zhes rgyal bas gsungs/ /lha'i bu gnas dang gnas ma
yin pa rtogs pas gsol pa/ gnas dang de bzhin gnas min pa/ /byis
pa'i blo can rnams la bstan/ /rang gis de ni thugs chud nas/
/sems can rnams la khyod kyis bstan/ /lha'i bu sbyin pa la mkhas
pas gsol pa/ sngon chad rgyu ni gang dag dang/ /las 'dra
'byung ba ma 'tshal ba'i/ /rgyu de khyod kyis thugs su chud/ /las
kyi gnas kyang rab tu mkhyen/ /lha'i bu las la mkhas pas gsol
pa/ chags dang zhe sdang gti mug ni/ /las kyi rgyu zhes khyod
kyis mkhyen/ /gang gis rgyu yis bgyis de yang/ /gang zag mchog
gis
thugs su chud/ /lha'i bu ma 'ongs pa la mkhas pas gsol pa/ ma
'ongs pa yi dus dag na/ /mi rnams las gang bgyid 'gyur ba/ /de
yi rgyu dang len pa dang/ /gnas dang las kyang khyod kyis
mkhyen/ /lha'i bu da ltar byung ba la lta bas gsol pa/ phyogs
bcu'i
'jig rten 'di dag gi /sems can rnams dang rgyu dang las/ /gnas
dang las kyi len pa rnams/ /kun kyang 'dren pa khyod kyis
mkhyen/ /lha'i bu stobs kyi spyod yul gyis gsol pa/ mi dbang
khyod kyis ma gzigs pa'i/ /las dang rgyu dag ma mchis te/ /gnas
dang
skye ba'ang ma mchis so/ /de bas khyod ni gang zag mchog /lha'i
bu stobs la mngon par dga' bas gsol pa/ las dang rgyu dang de
bzhin gnas/ /dus la rnam smin rnam gsum dang/ /ji ltar de yi len
pa yang/ /khyod kyis mkhyen pas de slad mchod/ /lha'i bu stobs
@105a */ /kyi blo gros kyis gsol pa/ rgyu dang las dang len pa
dang/ /rnam par smin dang rkyen dang gnas/ /rang bzhin bral bar
khyod kyis mkhyen/ /de phyir rgyal ba mnyam pa med/ /lha'i bu
stobs kyis byung gis gsol pa/ /rgyu dang las dang len pa dang/
/gnas dang rkyen
dang rgyu rnams dang/ /rnam smin so so yang dag rig /thams cad
stong par rab tu mkhyen/ /lha'i bu stobs la dga' bas gsol pa/
/rgyu dang las dang len pa dang/ /gnas dang rkyen dang rgyud kyi
rnams/ /khyod nyid rang gis mngon mkhyen te/ /rang bzhin med par
bstan par
mdzad/ /lha'i bu stobs kyis rnams par rtse bas gsol pa/ /rgyu
dang las dang len pa dang/ /gnas dang rkyen dang rgyud kyi
rnams/ /'pho med dbang phyug med pa ste/ /rten cing 'byung bar
khyod kyis mkhyen/ /lha'i bu stobs kyis 'phags kyis gsol pa/
/rgyu dang rkyen dang las
rnams dang/ /rnam par smin pa sten pa rnams/ /de kun rang bzhin
stong ngo zhes/ /seng ge'i nga ror khyod kyis gsungs/ /lha'i bu
stobs kyi rjes su 'brang bas gsol pa/ /'jig rten las ni gang
zhig gis/ /khams ni gang zhig spel gyur pa/ /de dag rkang gnyis
gtso
bos mkhyen/ /de bas khyod ni do zla med/ /lha'i bu stobs dang
ldan gyis gsol pa/ khams gang la ni bsten bgyis shing/ /gang gis
mngon par las bgyis dang/ /de yi rnam smin ci 'dra ba/ /de kun
spyan dang ldan pas mkhyen/ /lha'i bu stobs yang dag 'phags kyis
gsol pa/ khams gang la ni bsten bgyis shing/ /ci 'dra'i rang
bzhin gyur pa yi/ /sems can thams cad khyod kyis mkhyen/ /phyag
gi sor mo lnga dang 'dra/ /lha'i bu stobs la spyod pas gsol pa/
khams gang la ni bsten bgyis shing/ /bshes gnyen ci 'dra rnyed
gyur nas/ /'du 'dzi ci 'dra bgyid gyur pa/ /de dag bla na med
pas mkhyen/ /lha'i bu stobs kyi byin gyis brlabs pas gsol pa/
stobs kyi byin gyis brlabs mkhyen cing/ /'dren pa de ni khams
dang ni/ /'du 'dzi bshes gnyen tshogs kyi rnams/ /de dag mi mchog
khyod kyis
@105b mkhyen/ /lha'i bu khams nges pas gsol pa/ khams de dang ni
len pa dang/ /bshes gnyen de dang de 'grogs pa/ /de la khyod kyi
mkhyen pa des/ /de phyir the tshom yong mi mnga'/ /lha'i bu khams
la rten pas gsol pa/ sems can gang na gnas gnas pa'i/ /
'khor ba de dang khams de dang/ /spyod dang skad dang 'gro ba
rnams/ /mi mchog khyod kyis rab tu mkhyen/ /lha'i bu khams la
mkhas pas gsol pa/ ye shes gang gis khams de ni/ /'dren pas
mngon par mkhyen pa yi/ /mkhyen de mkhyen pas stong ngo zhes/
/blo mchog
mnga' bas yang dag bstan/ /lha'i bu khams nas nges par 'byung
gis gsol pa/ khams gang la ni bsten bgyis na/ /'dus byas dag la
ji srid gnas/ /de ni khyod kyis ji bzhin mkhyen/ /khyod la do
zla ma mchis so/ /lha'i bu khams kyi rjes su song bas gsol pa/
khams gang la ni bsten bgyis pas/ /yon tan ji snyed bskyed pa
dang/ /rnam par smin dang 'bras bu dag /de dag ma lus khyod
kyis mkhyen/ /lha'i bu khams la yang dag zhugs pas gsol pa/
khams gang la ni bsten bgyid cing/ /'gro ba ci 'dra 'dod bgyid
pa/ /
de yang khyod kyis thogs med mkhyen/ /de phyir khyod ni mkhas
pas mchod/ /lha'i bu lam mngon par shes pas gsol pa/ khams gang
la ni bsten bgyis pas/ /'gro ba ci 'dra 'chi ba yi/ /sems can
rnams kyi lam dag kyang/ /ye shes mkhas pa khyod kyis mkhyen/ /
lha'i bu lam la mi 'jigs pas gsol pa/ sems can log pa nyid nges
shing/ /mya ngan 'das 'gro skal med pa/ /phung po gsum po de dag
la/ /khyod kyi ye shes nges par 'jug /lha'i bu lam gyis nges
par byung gis gsol pa/ sems can yang dag nyed nges te/ /
ngan 'gror 'gro ba'i skal med pa/ /de la 'jig rten sgron ma
khyod/ /rtogs pa thogs pa med par 'jug /lha'i bu lam la mos pas
gsol pa/ ma nges phung por gyur pa la/ /gang zag gang rnams gnas
pa rnams/ /de la ngan song ngan 'gro dang/ /mya ngan 'das ba
'ang khyod
@106a */ /kyis bstan/ /lha'i bu stobs kyi brdas gsol pa/ sangs
rgyas brda tsam nyid lags te/ /de bzhin stobs dang ye shes dang/
/mi 'jigs bzhi yang de bzhin du/ /kun rdzob ces ni thub pas
gsungs/ /lha'i bu yang dag pa mthong bas gsol ba/ sangs
rgyas sangs rgyas chos rnams med/ /ye shes gnas pa gzhan yang
med/ /don dam nyid du bstan te zhes/ /de bzhin gshegs pa khyod
kyis mkhyen/ /lha'i bu stobs la gnas kyis gsol pa/ sangs rgyas
chos la stobs gnas pas/ /des na de la 'jigs
med de/ /rgyal ba de bzhin gshegs kyi sras/ /ji ltar 'dod dgur
rnam par 'phrul/ /lha'i bu chos la 'jigs med kyis gsol pa/ kun
rdzob dang ni don dam dang/ /de dag rab tu bstan mchis kyang/
/kun rdzob dang ni don dam dang/ /brda yang dmigs su
ma mchis so/ /lha'i bu ye shes lhur len gyis gsol pa/ brjod pa
thams cad rnam pa gzhan/ /chos kyi mtshan nyid rnam pa gzhan/
/mtshan nyid ma mchis brjod ma mchis/ /khyod kyis chos kyi mtshan
nyid gzigs/ /lha'i bu lam la brtson pas gsol pa/
nges par gyur pa'i sems can rnams/ /gzhan gyi rgyud mchi'i gnas
ma mchis/ /log par nges rnams kun tu 'gror/ /drang srong chen po
khyod kyis gzigs/ /lha'i bu mos pa'i stobs kyis gsol pa/ khams
gang la ni bsten bgyis te/ /gang rnams ci 'drar mos
'gyur zhing/ /'dod chags khams la sdug bsngal ba/ /de dag thub
chen khyod kyis gzigs/ /lha'i bu mi sdug pa las nges par byung
gis gsol pa/ ma mchis yongs su brtags pas na/ /'dod chags khams
ni rab tu byung/ /de la mos pa nges 'byung ba/ /
de dag khyod kyis ji bzhin gzigs/ /lha'i bu byams pas nges par
byung gis gsol pa/ ma mchis yongs su brtags pas na/ /zhe sdang
khams ni rab tu byung/ /de la mos pa nges 'byung ba/ /de dag
khyod kyis ji bzhin gzigs/ /lha'i bu rkyen 'dis nges par byung
@106b gis gsol pa/ /ma mchis yongs su brtags pas na/ /gti mug
khams ni rab tu byung/ /de la mos pa nges 'byung ba/ /de dag
khyod kyis ji bzhin gzigs/ /lha'i bu gtong bas nges par byung
gis gsol pa/ 'tsho med 'jigs pa rnyed pa dag /ser sna
mngon par 'phel 'gyur te/ /de la mos pa nges 'byung ba/ /de dag
thub chen khyod kyis gzigs/ /lha'i bu dge ba'i bshes gnyen gyis
nges par byung gis gsol pa/ sdig pa'i grogs dang 'grogs pas na/
/'thun pa'i khams ni rab tu 'byung/ /de la
mos pa 'thob 'gyur ba/ /de dag 'dren pas rnam par mkhyen/ /lha'i
bu rnam par shes pa snying por 'dzin pas gsol pa/ 'khor ba na ni
'khor rnams kyis/ /ci 'dra'i khams la bsten pa dang/ /mos pa de
mthar phyin pa dag /khyod kyis ma lus rab tu
mkhyen; ;lha'i bu nan tan snying por byed pas gsol pa/ 'khor ba
na ni 'khor rnams kyis/ /gang gi rgyus byung nan tan dang/ /mos
pa de las gyur pa yang/ /smad pa med pa khyod kyis gzigs/ /lha'i
bu dbang po la mos pas gsol pa/ sems
can gang gis khams gang la/ /bsten na ji ltar 'gyur ba yi/ /rgyu
de khyod kyis rab tu mkhyen/ /des na khyod ni dga' bar mdzad/
/lha'i bu dbang po la spyod pas gsol pa/ sbyor ba gang gis skye
ba dang/ /gang gis rgya chen skye ba dang/ /dmigs pa dang ni
zhing rnams dang/ /dbang po khyod kyis rab tu mkhyen/ /lha'i bu
dbang pos nges par byung gis gsol pa/ /'dod pa'i sdug bsngal
gnod gyur dang/ /sred pa mngon par 'jug pa dang/ /srid pa zhi
bar bgyi ba'i don/ /de dag smra ba'i mchog gis mkhyen/ /lha'i
lha'i bu dbang po'i spyod yul gyis gsol pa/ dbang po nyam chung
rnam dag ni/ /gzugs kyi 'dod chags dben par 'tshal/ /srid pa rnam
par gzhig pa yang/ /rkang gnyis dam pas bsten pa mdzad/ /lha'i
bu dbang po rnam par rgyal bas gsol pa/ dbang po
@107a */ /rtul po dur khrod bsten/ /rang gi 'dod chags zhi bar
bgyid/ /rkang gnyis gtso bo'i zhal mthong nas/ /sred dang bcas
pa khyod la lta/ /lha'i bu dbang po rtogs kyis gsol pa/ 'dod
chags can dang 'dod chags dang/ /zhi dang shes dang mi shes
dang; /srid pa zhi dang dbang po rnams/ /rnam par gzigs na sngon
ma dmigs/ /lha'i bu dbang po la gnas pas gsol pa/ zhe sdang
gnyen por gyur pa yi/ /gnod sems med dang dben pa dag /dbang po
rtul po sten pa'i tshe/ /khyod kyis 'gro ba'i bsam pa
gzigs; /lha'i bu dbang po la brtson pas gsol pa/ zhe sdang gnyen
por byams pa gsung/ /sems can shes pa rjes su skye/ /zhe sdang
khams ni zhi bar bgyid/ /de dag mi mchog khyod kyis mkhyen/
/lha'i bu dbang po tshol bas gsol pa/ gnod sems
med dang byams pa dang/ /zhi ba'i ngo bo nyid ma gzigs/ /dag
dang nyon mongs ma dmigs te/ /des na 'jig rten khyad par 'phags/
/lha'i bu dbang po rjes su 'brang gis gsol pa/ log par rnam par
rtog pa dang/ /log par nye bar ston pa yang/ /nyon mongs dam
phyir kun sbyor te/ /bzlog pas thar par 'gyur ba gzigs/ /lha'i
bu ye shes yang dag shar gyis gsol pa/ 'dod chags zhe sdang gti
mug dang/ /dngos la 'dzin pa mun pa ste/ /bzlog pas snang ba
chen por 'gyur/ /de ni grags chen khyod kyis mkhyen/ /lha'i bu
ye shes 'dod chags chad pas gsol pa/ 'dod chags zhe sdang gti
mug dang/ /mun pa snang ba dngos po rnams/ /rang bzhin nyid kyis
ma mchis te/ /de ni rkang gnyis gtso bos gzigs/ /lha'i bu snang
ba 'dzin gyis gsol pa/ sems can gang gi shes pa gang/ /
ji tsam yongs su bsgrub bgyis dang/ /snod du gang rung ji snyed
pa/ /de dag mi mchog khyod kyis mkhyen/ /lha'i bu dbang po dang
zhe 'gras pas gsol pa/ nyon mongs spang phyir shes gang gis/
/shes pa de la rtog bgyid pa/ /de yang ston pa khyod kyis
mkhyen/ /de
@107b pas khyod la mngon par dga'/ /lha'i bu dbang po la dga'
bas gsol pa/ yul dang dus dang gnas dag dang/ /spyod pa rnam par
bsgom pa dang/ /nyon mongs snyon mongs rnam dag pa/ /thub pa
khyod kyis stong par gzigs/ /lha'i bu ye shes rgyal mtshan gyis
gsol pa/ dbang po rno rtul 'bring dag dang/ /gang zag dag gi
bsam pa dang/ /bcings dang thar dang zad dang shes/ /g.yo ba
med par khyod kyis mkhyen/ /lha'i bu dbang po'i rgyal mtshan gyis
gsol pa/ dbang po rab 'bring rtul po dang/ /nyon mongs ye shes
tshor ba dang/ /gdul dang gdul bar bgyid pa dag /khyod kyis mtshan
nyid med par gsungs/ /lha'i bu dbang po rnam par brtags kyis
gsol pa/ sems can rnams kyi bsam gtan dang/ /rnam thar kun nas
nyon mongs dang/ /snyoms 'jug ting 'dzin ldang ba
dang; /rnam byad thub pa khyod kyis mkhyen/ /lha'i bu stobs kyi
shugs kyis gsol pa/ zhi ba'i ting nge 'dzin bsten te/ /chos kun
ngo bo nyid kyis ni/ /rang bzhin med par khyod kyis mkhyen/ /des
na thams cad mkhyen ces bgyi/ /lha'i bu stobs kyi go cas
gsol pa/ chos rnams gang dang rang bzhin gang/ /chos gang gis ni
brjod bgyis pa/ /yang dag ji bzhin thugs su chud/ /des na dus
gsum chags mi mnga'/ /lha'i bu stobs 'dod kyis gsol pa/ log par
brtags pas kun nyon mongs/ /rnam pa bzhi
ni skye bar 'gyur/ /las las skyes par de dag mkhyen/ /des na
khyod la do zla med/ /lha'i bu stobs shes kyis gsol pa/ nyon
mongs rnams dang las rnams kyi/ /gnyen po rnam par byang ba
dang/ /bstan pa'ang khyod kyis rab tu mkhyen/ /des na khyod
la do zla med/ /lha'i bu stobs kyi 'od kyis gsol pa/ bsam gtan
rnam thar ldang ba dang/ /snyoms par 'jug dang ting 'dzin dang/
/kun nas nyon mongs rnam byang dag /ming tsam mo zhes khyod kyis
bstan/ /lha'i bu stobs las byung gis gsol pa/
@108a */ /bsam gtan rnam thar rnam byang dang/ /snyoms par 'jug
dang ting nge 'dzin/ /bag yod pa las byung ba ste/ /de la khyod
kyis ye shes 'jug /lha'i bu stobs rnam par spel gyis gsol pa/
dpa' bo khyod kyi mkhyen pa ni/ /bsam gtan la
sogs de dag dang/ /ldan dang rnam par byang la 'jug /de ni rlung
ltar chags pa med/ /lha'i bu sngon gyi mtha' la mkhas pas gsol
pa/ bskal pa bye ba grangs med du/ /srid pa 'di na sngon bzhugs
tshe/ /srid pa'i skyon dang yong ma 'dres/ /des na
khyod la do zla med/ /lha'i bu sngon gyi mtha' la gnas pas gsol
pa/ bskal pa bye ba grangs med du/ /byang chub gzhal yas tshol
mdzad cing/ /'dren pas yongs su spyad pas na/ /des na khyod ni
dpa' bo lags/ /lha'i bu sngon gyi mtha' la rtogs pas
gsol pa/ sngon mthar sbyin pa sna tshogs dag /blo mchog gsungs
tshe gsol pas na/ /spobs pa sna tshogs rab mnga' bar/ /rnam par
'dren pa des nges byung/ /lha'i bu sngon gyi mtha' la byang bas
gsol pa/ /sngon chad 'khor bar spyod pa'i tshe/ /tshul
rnams la ni tshul mkhas pa/ /'jig rten sgron rnams khyod kyis
gzigs/ /des na khyod ni tshul la mkhas/ /lha'i bu sngon gyi mtha'
tshar phyin pas gsol pa/ sngon mthar chos rgyal mang po la/ /dpa'
bos sngan chad spyod mdzad pas/ /thams cad mkhyen
du nges par yang/ /sems can mkhas la phyag kyang 'tshal/ /lha'i
bu sngon gyi tshul phun sum tshogs pas gsol pa/ byang chub mchog
ni btsal ba'i phyir/ /bskal pa bye ba grangs med du/ /sangs
rgyas bye ba mtha' yas pa/ /de la khyod kyi sa bon btab/ /
lha'i bu sngon gyi tshul la nges pas gsol pa/ bskal pa bye bar
brtag mdzad pas/ /chos kun sems can med pa zhes/ /chos rnams
thams cad nges par mkhyen/ /'du 'phrod tsam du rgyal bas gsung/
/lha'i bu sngon gyi mtha' la sems pas gsol pa/
@108b bskal pa bye ba grangs med du/ /gnas dang gnas min rab
mkhyen par/ /rnam par 'dren pa spyod mdzad pas/ /des na 'jig
rten rmongs mi mnga'/ /lha'i bu sngon gyi mtha' la dpyod pas
gsol pa/ gnas dang gnas min brten bgyis nas/ /las dang rgyu
rnams dpyad
bas na/ /khams dang dbang po mos pa dang/ /bsam gtan sngon gyi
mtha' yang mkhyen/ /lha'i bu sngon gyi mtha' la yongs su rtog
pas gsol pa/ khyod kyi sngon mtha' yongs brtags pas/ /stobs kyi
ye shes rnam bcu po/ /dpa' bo chen pos rnam par spel//
des ni 'jig rten 'di la gzigs/ /lha'i bu sngon gyi mtha'i spyod
yul gyis gsol pa/ dpa' bo sems can thams cad kyi/ /sngon gyi
mtha' yi spyod pa dang/ /dge dang mi dge'i rgyu ba rnams/
/mkhyen pas 'jig rten gso ba mdzad/ /lha'i bu sngon gyi mtha'i
spyod
pa la so sor rtog pas gsol pa/ thub bas sngon gyi sems can gyi/
/sngon mtha'i spyod pa rab mkhyen cing/ /khams dang mos pa
mkhyen pas na/ /de phyir sems can gso ba mdzad/ /lha'i bu mos
pa'i stobs can gyis gsol pa/ bskal pa bye ba mtha' yas su
sngon gyi mtha' la brtag bgyis kyang/ /khyod kyi dgongs pa chags
mi mnga'/ /des na mgon la bdag mos lags/ /lha'i bu ye shes la
mos pas gsol pa/ bskal pa bye ba grangs med du/ /sngon mtha'i
srid pa bsam bgyis kyang/ /rkang gnyis gtso bo'i
yon tan gyi/ /pha rol phyin nus 'ga' ma mchis/ lha'i bu phyi
ma'i mtha' la mkhas pas gsol pa/ phyogs bcu'i 'jig rten 'di dag
gi /skye dgu sna tshogs las ldan pa/ /shi 'pho skye bar 'gyur ba
dag /khyod kyis sangs rgyas spyan gyis gzigs/
lha'i bu phyi ma'i mtha' las nges par byung gis gsol pa/ rgyu
gang gis ni las gang zhig /bgyis shing rgyud drug mchir 'gyur
ba/ /de dag thams cad rgyal bas mkhyen/ /des na thams cad mkhyen
ces bgyi/ /lha'i bu shi 'pho dang skye ba mngon par shes
@109a */ /pas gsol pa/ khams gang gis ni sems can gang/ /bsgos
par gyur cing las bgyid pa'i/ /bag chags las dang sems can dag
/khyod kyis g.yo ba med par mkhyen/ /lha'i bu 'chi 'pho dang
skye ba rig pas gsol pa/ bshes gnyen
ci 'dra bsten bgyi shing/ /las gang mngon par 'dus bgyis pas/
/'gro ba gang du mchi 'gyur ba/ /thub pa khyod kyis de yang
mkhyen/ /lha'i bu dgos pa la mkhas pas gsol pa/ las de yi ni
bgyi ba gang/ /dgos pa khyod kyis rab tu mkhyen/ /gang
gi slad du las bgyis pa/ /de yang ma lus rab tu mkhyen/ /lha'i
bu dngos po la mkhas pas gsol pa/ dngos po gang dag dmigs pa
dang/ /las gang mngon par 'dus bgyis pa/ /thams cad mkhyen pas
de mkhyen te/ /de ni sangs rgyas spyod yul lags/ /
lha'i bu dngos po rig pas gsol pa/ sems can rnams kyis bsam
mkhas pa/ /dngos de ji ltar gnas pa dang/ /de ni ji ltar grub pa
yi/ /las de khyod kyis mngon par mkhyen/ /lha'i bu shes pa la
mkhas pas gsol pa/ shes pa gang gis dngos po de/ /
brtags par gyur pa rab tu mkhyen/ /de la ji ltar chags gyur
pa'ang/ /thub pa khyod kyis shin tu mkhyen/ /lha'i bu mngon par
'du byed pa la mkhas kyis gsol pa/ chags pa gang gis las de
rnams/ /nyon mongs gang gis 'du bgyis pa'i/ /nyon mongs de dag
yang dag mkhyen/ /de bas khyod ni bdag gi mgon/ /lha'i bu 'gro
ba la mkhas pas gsol pa/ 'gro ba gang du las gang gis/ /mchis
shing sgrib pa gang rnyed nas/ /'bras bu thob par mi 'gyur ba/
/de kun sbyan ldan khyod kyis mkhyen/ /lha'i bu dmigs pa la
mkhas pas gsol pa/ 'gro ba dag tu skyes rnams kyi/ /gang gis las
rnams smin 'gyur ba'i/ /dmigs pa khyod kyis rab mkhyen te/ /de
la khyod kyi blo gros 'jug /lha'i bu bag chags la mkhas kyis
gsol pa/ 'gro dang 'gro bar mi rnams kyis/ /sngan
@109b chad bgyis pa'i sdig las dang/ /de bzhin dge ba'i las
rnams kyi/ /bag chags khyod kyis rab tu mkhyen/ /lha'i bu las la
mkhas kyis gsol pa/ 'gro bar 'byung po thams cad kyi/ /rnying
dang gsar dang slad ma dang/ /las rnams gsum po khyod kyis
mkhyen/ /de la so so'i skye bo 'khrul/ /lha'i bu rnam par smin
pa la mkhas kyis gsol pa/ chung zhing rnam smin che ba dang/
/che zhing rnam smin chung ba dang/ /chung ngam che 'am mnyam pa
'ang rung/ /de la mu stegs can rnams rmongs/ /lha'i bu las la
mkhas kyis gsol pa/ tshe
'di'i las rnams gang lags dang/ /skye ba'i las rnams gang lags
dang/ /lan grangs gzhan gyi gang lags pa/ /de dag spyan ldan
khyod kyis mkhyen/ /lha'i bu tshe 'di la myong bar 'gyur ba la
mkhas kyis gsol pa/ tshe 'di la ni bgyis pa yi/ /las kyi rnam
smin mi
gang dag /myong bar 'gyur ba gang dag la/ /so so'i skye bo
rmongs pa mkhyen/ /lha'i bu skyes nas myong bar 'gyur ba la
mkhas kyis gsol pa/ gang gis las gang bsags gyur te/ /skyes nas
rnam par smin gyur pa/ /gang la 'jig rten gting mi rnyed/ /shes
rab chen pos de nyid mkhyen/ /lha'i bu lan grangs gzhan na myong
bar 'gyur ba la mkhas kyis gsol pa/ las gang bskal pa bye ba yi/
/phyi dus rnam par smin 'gyur zhing/ /dus gzhan dag na yang
'byung ba/ /de dag yang dag nyid du mkhyen/ /lha'i bu yongs
su ma smin pa myong bar 'gyur ba la mkhas kyis gsol pa/ las
rnams gang zhig bgyis gyur pa/ /yongs su smin par ma gyur na/
/de srid 'bras bu mi 'byin pa/ /rkang gnyis mchog gis de yang
mkhyen/ /lha'i bu yongs su ma smin pa myong bar 'gyur ba
la rtog pas gsol pa/ las gang dang ni ldan pas na/ /sems can 'di
ni skyer 'gyur ba/ /pham pa med pas de mkhyen te/ /yongs su
brtags nas rab tu mkhyen/ /lha'i bu yongs su smin pa myong bar
'gyur ba la mkhas pas gsol pa/ las ni ji ltar
@110a */ /yongs smin na/ /'bras bu dkar bar 'gyur ba mkhyen/ /de
la khyod kyi ye shes 'jug /de dag stong par rnam par mkhyen/
/lha'i bu yongs su smin pa myong bar 'gyur ba la nges pas gsol
pa/ thams cad mkhyen pas las kyi rnams/ /lci dang
yang ba rab tu mkhyen/ /sems can bsam pa thugs su chud/ /de slad
bcom ldan bdag gi bla/ /lha'i bu lci yang la mkhas kyis gsol pa/
las gang gis ni sems can rnams/ /ngan song mchi bar 'gyur ba
dang/ /lci ba dang ni yang ba gzigs/ /de shes
mkhyen pas rab tu mkhyen/ /lha'i bu sems can gyi spyod pa la
mkhas kyis gsol pa/ sems can spyod pa nyer bzung zhing/ /las kyi
lci dang yang ba dag /dpa' bo khyod kyis rab tu mkhyen/ /mu
stegs can rnams de la rmongs/ /lha'i bu sems can gyi spyod pa
la dpyod pas gsol pa/ sems can spyod pa dpyad mdzad cing/ /las
kyi rnam par smin pa bstan/ /phor bu'i chu dang gang g'a'i chu/
/lan tshvas rnam par bstan pa bzhin/ /lha'i bu las la mkhas kyis
gsol pa/ slob dang mi slob rnam par smin/ /rkang
gnyis dam pa ston mdzad cing/ /kun nas nyon mongs las myong nas/
/las ni zad par 'gyur ba bstan/ /lha'i bu sangs rgyas kyi ye
shes la reg par byed pas gsol pa/ sangs rgyas spyan gyis khams
gsum na/ /las kyi 'bras bu rten pa yi/ /byis pa
dag dang mkhas pa gzigs/ /phra gzigs khyod la phyag 'tshal lo/
/lha'i bu las zad par byed pas gsol pa/ 'jig rten dag na rnam
'dren khyod/ /sems can rnams kyi shi 'pho dang/ /skye ba kun la
ye shes 'jug /mkhyen pas 'jigs med phyag kyang
'tshal; ;lha'i bu dmigs pa med pa la spyod pas gsol pa/ 'chi 'pho
ba dang skye dang las/ /'gro dang de bzhin sems can dang/ /rnam
smin rmi lam 'drar bstan pa/ /'dren pa rkang gnyis mchog gis
mkhyen/ /lha'i bu nyon mongs pa la rtog pas gsol
@110b pa; ji ltar rmi lam skom pa zhig /shin tu bsil ba'i chu
'thungs bzhin/ /rkang gnyis mchog khyod 'dod chags dang/ /zhe
sdang gti mug rnams kyang zad/ /lha'i bu yongs su rtog pa dang
bral bas gsol pa/ 'dod chags zhe sdang gti mug rnams/ /yongs
su rtog las skyes pa ste/ /rmi lam dga' bar rtse ba bzhin/ /smra
mchog khyod la phyag kyang 'tshal/ /lha'i bu yongs su rtog pa zhi
bar byed pas gsol pa/ yongs su rtog pa rab zhi bas/ /nyon mongs
zad par rab bstan te/ /rmi lam na ni sprin med ltar/ /mi
mchog khyod kyis rab tu mkhyen/ /lha'i bu zag pa la rtog pas
gsol pa/ rmi lam char chen 'bab pa ltar/ /de bzhin zag pa rnam
'byung bar/ /zag pa 'byung la mkhas pa po/ /dpa' bo chen po
khyod kyis bstan/ /lha'i bu rmi lam rtog gis gsol pa/
rmi lam char chen 'bab pa ltar/ /de bzhin zag pa rnams 'byung
ste/ /nor pa rnams la zag 'byung bar/ /dpa' bo chen po khyod
kyis bstan/ /lha'i bu ji lta ba bzhin du rtog pas gsol pa/ ji
ltar bu mo'i rmi lam na/ /bu zhig byung la shi 'phos na/ /dga'
dang
sdug bsngal tshor 'gyur ba/ /de bzhin 'gro ba khyod kyis gzigs/
/lha'i bu rmi lam rtogs pas gsol pa/ rmi lam dag na mgo bcad
bzhin/ /khyod kyis zag pa zad pa gzigs/ /de ni mkhas pa rnams la
bstan/ /thams cad gzigs la phyag kyang 'tshal//
lha'i bu blo gros nges par brtags kyis gsol pa/ chos kun mkhyen
pa khyod kyis ni/ /ji ltar rmi lam mdza' phrad dang/ /bral ba
yang dag ma mchis gzigs/ /'gro ba ji bzhin tshim par mdzad/
/lha'i bu ye shes yid kyis gsol pa/ khyod kyi dam pa'i chos
ston pa/ /thos na yid ni dgar 'gyur te/ /rmi lam dag na rmi
bstan bzhin/ /de ltar rgyal bas bstan pa mdzad/ /lha'i bu yongs
su dga' ba'i yid kyis gsol pa/ me long gzugs brnyan snang ba
bzhin/ /'gro ba mtha' dag gzigs pas na/ /bsam
@111a */ /gtan mnga' ba khyod la ni/ /ltar bcas 'jig rten yid
kyang dga'/ /lha'i bu blo gros nges pas gsol pa/ thub pa pi bang
sgra 'dra ba'i/ /khyod kyi dam chos thos gyur na/ /lha bu rnams
kyang the tshom bor/ /rgyal ba mchog la phyag kyang 'tshal/ /lha'i
bu
sgyu mas tshim gyis gsol pa/ sgyu ma'i mkhan pos sgyu ma dag
/byis pa rmongs byed yongs bstan na/ /mi mkhas de la rmongs par
'gyur/ /sgyu ma bzhin du khyod kyis bstan/ /lha'i bu sprul pa la
sems pas gsol pa/ ji ltar rmi lam sgyu mthong ba/ /de ltar khyod
kyis
'gro ba gzigs/ /mgon po'i bstan pa de thos na/ /bdag cag the
tshom ma mchis so/ /lha'i bu sgyu ma las nges par byung gis gsol
pa/ sgyu ma'i mkhan pos sgyu sprul kyang/ /sgyu ma lags par
'tshal bas na/ /de la rmongs par 'gyur ma mchis/ /de bzhin khyod
kyis
'gro ba gzigs/ /lha'i bu rtog pa'i rjes su rtog pas gsol pa/ ji
ltar brtson pas rmi lam na/ /sangs rgyas sku gzugs brtags pa
bzhin/ /de ltar rtog pas 'jig rten bskyed/ /rnam par 'dren pa
khyod kyis gzigs/ /lha'i bu kun tu rtog pa 'joms kyis
gsol pa/ kun rtog 'dod chags rgyu lags te/ /'dod chags dngos pos
bskyed ma lags/ /rtog pa ngan las 'dod chags byung/ /de ni rnam
'dren khyod kyis gzigs/ /lha'i bu yongs su shes pa dang ldan pas
gsol pa/ ri sul dag na sgra byung ba/ /brag ca sems
can sgra ma lags/ /de bzhin 'jig rten khyod kyis gzigs/ /de slad
'jig rten chags mi mnga'/ /lha'i bu ston pa la mkhas pas gsol
pa/ /sgra ni gang yang ma mchis te/ /sgra ni brag ca 'dra ba
lags/ /'on kyang mi dbang khyod kyis bstan/ khyes pa mang po rab
tu
btsud; /lha'i bu nan tan la mkhas pas gsol pa/ chos rnams don ni
gzhan lags kyang/ /byis pa rnams kyis gzhan du brtags/ /nan tan
chos las shes par bgyi/ /de la bdag ni the tshom chad/ /lha'i bu
don gyi rjes su 'brang bas gsol ba/ /chos don yang dag
@111b gang lags pa/ /de ni sus kyang ma rtogs shing/ /sus kyang
ma bstan 'tshal ma gyur/ /de skad thub pa'i mchog gis gsungs/
/lha'i bu chos kyi brda rtogs pas gsol pa/ zag dang dri ma nyon
mongs dang/ /bag chags dang ni rtog dang rtog /kun nas nyon
mongs rnam dag pa/ /thub
pa brda yi tshig kyang lags/ /lha'i bu kun tu rtog pa la mkhas
pas gsol pa/ kun nas nyon mongs rnam dag dang/ /zag pa dag dang
nyon mongs dang/ /dag dang bshad dang nye du dang/ /ston pa 'di
kun ming tsam lags/ /lha'i bu mi gnas pa'i blo gros kyis gsol
pa/ khams gsum
rnams la ma chags te/ /nam mkha' 'dra ba'i thugs mnga' ba/ /bral
bar gyur cing sbyin pa'i gnas/ /zhi ba'i sems la phyag kyang
'tshal/ /lha'i bu ma gos pas gsol pa/ thub pa khyod kyi thugs yid
ni/ /gzugs dang gzugs med mi gnas shing/ /'dod dang
mya ngan 'das pa la/ /gnas pa ma mchis bar snang 'dra/ /lha'i bu
re ba med pas gsol pa/ 'dod pa'i khams la re ba spangs/ /gzugs
dang gzugs med gnyi gar min/ /'du 'dzi dag dang bral gyur pa/
/sred zad khyod la phyag kyang 'tshal/ /lha'i bu sred pa
phyung bas gsol pa/ 'byung ba dag dang 'jig pa la/ /khyod kyi
sred pa yang dag chad/ /khams gsum kun la chags mi mnga'/ /rnam
par 'dren la phyag kyang 'tshal/ /lha'i bu sred pa zil gyis gnon
gyis gsol pa/ 'jig rten 'di dag zil mnan nas/ /khyu mchog
dam pa spyod mdzad cing/ /sems can 'jig rten sgrol mdzad pa/
/thugs brtse khyod la phyag kyang 'tshal/ /lha'i bu sred pa dang
bral bas gsol pa/ kun tu sbyor dang bral ba ste/ /yang srid pas
pas zhi gyur pa/ /dag pa'i bdag nyid dag pa'i sems/ /dus dang
bral
la phyag kyang 'tshal/ /lha'i bu ji lta ba bzhin du rig pas gsol
pa/ chos rnams thams cad dngos med pa/ /ji bzhin dpa' bo khyod
kyis mkhyen/ /bcings pa ma mchis grol ma mchis/ /yang dag gzigs
la phyag kyang 'tshal/ /lha'i bung dam las rgal bas
@112a */ /gsol pa/ 'dod pa'i 'dam las rgal ba ste/ /srid pa'i
'dam las de bzhin rgal/ /gzigs pa mi mnga' len mi mnga'/ /yang
srid zad la phyag kyang 'tshal/ /lha'i bu zang zing spangs kyis
gsol pa/ /zang zing spangs shing dri ma spangs/ /re ba
spangs shing sdig pa 'ang spangs/ /sangs rgyas sgrib pa rnam
spangs pa/ /don rtogs khyod la phyag kyang 'tshal/ /lha'i bu re
ba spangs pas gsol pa/ don dang don ma lags pa spangs/ /chags pa
mi mnga' nges rtogs pa/ /bdud kyi zhags las rnam 'das pa/ /len
med khyod la phyag kyang 'tshal/ /lha'i bu phan par 'dod pas gsol
pa/ bdag nyid dang ni gzhan rnams kyi/ /lam gang nyon mongs rims
med pa/ /sgrib pa med par gzigs pa po/ /dpa' chen khyod kyis de
yang gzigs/ /lha'i bu grags pa thob pas gsol pa/
'dren pa 'jig rten rnam grags pa/ /khyod kyi mkhyen la brtson pa
rnams/ /ji skad bstan bzhin rab rtog na/ /nyon mongs rnams ni
nub par 'gyur/ /lha'i bu 'jigs pa med pas gsol pa/ chos rnams
kun la nges pas na/ /sngo ba gang yang yod ma gzigs/ /ye
shes rgya mtsho mi bsnyengs par/ /seng ge'i sgra ni sgrog pa
mdzad/ /lha'i bu gang nas kyang 'jigs pa med pas gsol pa/ 'jigs
pa kun las yang dag rgal/ /zug rngu thams cad kun tu bton/
/bsnyengs pa mi mnga' zhum mi mnga'/ /thams cad zil gnon phyag
kyang 'tshal/ /lha'i bu gnas med kyis gsol pa/ lha rnams dang ni
dri za dang/ /bdud dang tshangs par bcas pa yis/ /khyod kyi chos
la rgal mi nus/ /de bas khyod la bsnyengs mi mnga'/ /lha'i bu
seng ge'i rtsal gyis gsol pa/ chos rnams thams cad yongs
mkhyen pas/ /sangs rgyas gyur la 'jigs mi mnga'/ /bdag la chos
kyis su rgol zhes/ /bde gshegs khyod la dogs mi mnga'/ /lha'i bu
skrag med kyis gsol pa/ seng ge ri sul gnas pa ni/ /'jigs pa ma
mchis skrag ma mchis/ /ri dgas phra mo
@112b yongs btul te/ /spa bkong nags na nga ro sgrog /de bzhin
thams cad mkhyen pa yang/ /mu stegs can rnams yongs skrag ste/
/lha klu dri za'i 'jig rten na/ /mtshungs med gzigs nas gsung
yang sgrog /lha'i bu thams cad zil gnon gyis gsol pa/ 'jig rten
rnam 'dren 'jig rten na/ /sangs rgyas nyid la sdo bgyid pa/
/'jig rten gsum na ma mchis te/ /des na rgyal ba bdag gi skyabs/
/lha'i bu seng ge blo gros kyis gsol pa/ thams cad mkhyen pa
thams cad gzigs/ /chos rnams kun la 'jigs mi mnga'/ /khyod 'dra
'jig rten ma mchis te/ /cis mi bsnyengs la phyag kyang 'tshal/
/lha'i bu rjes su 'thun par skyes kyis gsol pa/ sangs rgyas nyid
du dam bcas na/ /'di na khyod la rgol ma mchis/ /'jig rten 'dren
pa chos kyis ni/ /khyod la gang rgol de ma mchis/ /lha'i bu
mdzod
'dzin gyis gsol pa/ seng ge'i nga ro gsung bsgrags te/ /khyod
kyi chos kyi mdzod bzung bas/ /srog chags bye ba stong dag gis/
/byang chub mchog tu sems kyang bskyed/ /lha'i bu brtul zhugs
rjes su 'thun gyis gsol pa/ sangs rgyas rjes 'thun brtul zhugs
can/ /dpa'
chen de dag thob chen thob/ /byang chub mchog tu sems btud cing/
/gang zag mchog tu de dag 'gyur/ /lha'i bu rjes su 'thun pa'i
chos la dga' bas gsol pa/ khyod kyi bstan pa sus thos te/ /byang
chub mchog tu sems btud pa/ /de dag 'jig rten sems can che/
/gang
zag mchog tu de dag 'gyur/ /lha'i bu sems dag pas gsol pa/ 'jig
rten dag na rgol med pa'i/ /rdzogs pa'i sangs rgyas gsung thos
nas/ /srog chags bye ba stong dag gis/ /byang chub mchog tu sems
kyang bskyed/ /lha'i bu sems rgyud yongs su dag pas gsol pa/
yun ring dus nas mi dbang gis/ /sangs rgyas bslab la legs bslabs
pas/ /de slad khyod ni thugs rgyud dag /mtshan rab sum cu gnyis
dang ldan/ /lha'i bu zag pa med pa'i yid kyis gsol pa/ zag pa
zad pa'i sangs rgyas kyis/ /seng ge'i nga ro bsgrags mdzad de/
/dam bcas pa
@113a */ /la mngon bzhugs na/ /rgol ba 'di ni yong ma mchis/
/lha'i bu de kho na'i rjes su song bas gsol pa/ khyod kyi gsung
la smra 'gyur ba'i/ /lha dang lha bu mi dag ni/ /'jig rten gsum
na ma mchis te/ /des na thub pa stobs dang ldan/ /lha'i bu zag
pa zad pa
la mkhas pas gsol pa/ dge sbyong dam pa'i zag pa ni/ /ma lus
yongs su bas pa ste/ /'di na khyod la rgol ma mchis/ /des na
sangs rgyas bdag gi pha/ /lha'i bu rtag tu brtson pas gsol pa/
khyod la nyon mongs lus so zhes/ /mi dbang khyod la gang rgol
ba/ /rnam pa
kun tu mi dmigs te/ /des na sangs rgyas bsnyengs mi mnga'/
/lha'i bu sems zhi bas gsol pa/ 'dod chags zhe sdang zhi ba ste/
/gti mug bag chags bcas pa zhi/ /nyes spyod las kyang zhi bas
na/ /sems zhi khyod la phyag 'tshal lo/ /lha'i bu rnal 'byor
spyod pas gsol
pa; rnal 'byor gang gis nyon mongs gang/ /bas par 'gyur bar lta
ba'i tshe/ /de la khyod kyi mkhyen kun 'jug /des na khyod la
phyag kyang 'tshal/ /lha'i bu rnal 'byor la mkhas pas gsol pa/
'dren pa gang la bslabs pa yi/ /rnal 'byor tshogs ni mtha' yas
te/ /thams cad
mkhyen pa de slad du/ /nyon mongs thams cad ma lus pas/ /lha'i
bu rnal 'byor blo gros kyis gsol pa/ 'jig rten sgron ma khyod
kyi blo/ /rnal 'byor las ni nyams ma mchis/ /des na khyod kyi
nyon mongs kun/ /bag chags bcas par yongs su bsal/ /lha'i bu zhi
ba rig pas gsol pa/
nyon mongs thams cad zhi gyur nas/ /bag chags ma lus yongs su
bsal/ /bsnyengs pa mi mnga' rgyal sras dang/ /cis kyang mi
bsnyengs spyod pa mdzad/ /lha'i bu zad pa la rtog pas gsol pa/
thub pa thams cad mkhyen pa khyod/ /nyon mongs bag chags bcas
par bas/ /'jig rten
sgron ma khyod la ni/ /mtshungs pa gang yang mi dmigs so/ /lha'i
bu bag la nyal phyung gis gsol pa/ khyod kyis bag chags ma lus
bsal/ /khyod la skyon dri yongs ma mchis/ /de slad sangs rgyas
thams cad mkhyen/ /lha rnams kun gyi thub pa'i thub/ /lha'i bu
mtha' na gnas pas
@113b gsol pa/ zag pa rnams ni spangs pas na/ /skye ba'ang skye
ba ma lags te/ /thub pa khyod skye tha ma pa/ /des na mgon po
bsnyengs mi mnga'/ /lha'i bu tshad srung gis gsol pa/ dpa' bo
khyod kyis sa bon spangs/ /sdug bsngal myu gu tshig par gyur/
/mya ngan 'khri shing rnam par bskams/ /gdung ba
med la phyag kyang 'tshal/ /lha'i bu shing btags bton gyis gsol
pa/ thub pa thams cad mkhyen pa khyod/ /ma rig shing btags rnams
kyang bsal/ /sangs rgyas spyod pa rnam par sbyangs/ /de bas ston
pa bsnyengs mi mnga'/ /lha'i bu srid pa'i pha rol tu song bas
gsol pa/ srid pa'i
mtsho las yang dag rgal/ /rnam par 'dren pa bya ba byas/ /khyod
kyis snang ba yang dag phyung/ /'jigs med khyod ni don kyang
grub/ /lha'i bu mya ngan las 'da' bar 'gro bas gsol pa/ thams
cad mkhyen pa zhir gyur pa/ /nyon mongs thams cad rab tu bshig
/bag chags rdul tsam
yong mi mnga'/ /mgon po khyod la phyag kyang 'tshal/ /lha'i bu
chos kyi rgyal mtshan gyis gsol pa/ khyod kyis chos kyi rgyal
mtshan bsgreng/ /nga rgyal rgyal mtshan rab tu bsnyal/ /chos kyi
lam srang mtha' yas pa/ /dpa' bo chen po khyod kyis bstan/
/lha'i bu chos kyi 'byung gnas kyis
gsol pa/ sangs rgyas chos kyi 'byung gnas so/ /thub pa chos
rnams kun mkhyen pa/ /sems can kun gyi dge bshes gnyen/ /ye shes
mtsho la phyag kyang 'tshal/ /lha'i bu chos kyi gos can gyis gsol
pa/ khyod kyi sras po 'jigs med pa/ /seng ge'i nga ro rnam sgrog
kyang; ;rgyal sras de dag chog med cing/ /sangs rgyas chos kyi
don gyis skom/ /lha'i bu chos don du gnyer bas gsol pa/ sangs
rgyas chos rnams don gnyer bar/ /khyod kyi sras rnams sems
bskyed cing/ /khyod kyi mi 'jigs thos gyur nas/ /mkhas pa de
dag byang chub tshol/ /lha'i bu chos kyis skom gyis gsol pa/
khyod kyis mi 'jigs thos gyur nas/ /sangs rgyas chos rnams btsal
ba'i phyir/ /srog chags bye ba skom gyur te/ /brtson 'grus brtan
pa rab tu rtsom// //
@114a */ /bam po bcu gcig pa/ lha'i bu chos kyis 'phags kyis
gsol pa/ sangs rgyas chos kyis mngon 'phags shing/ /'jigs pa med
par 'dul mdzad pa'i/ /gsung pa'i mchog gyur khyod mthong nas/
/brtul zhugs mchog can byang chub tshol/ /lha'i bu
chos 'dzin gyis gsol pa/ thub pa zab cing blta dka' ba'i/ /chos
ni khyod kyis rab bstan pa/ /khyod kyi sras kyis thos gyur nas/
/de dag bla med byang chub tshol/ /lha'i bu lta ba med pas gsol
pa/ khyod kyi seng ge'i gsung thos nas/ /khyod kyi sras po dpa'
des pa/ /
lus dang srog la mi lta bar/ /byang chub don du gnyer ba bgyid/
/lha'i bu gzhan du mi sems pa'i blo gros kyis gsol pa/ thub pa
bsnyengs pa mi mnga' ba/ /khyod kyi dam chos 'di thos nas/
/gzhan du sems pa ma mchis par/ /brtul zhugs mchog can byang
chub
tshol/ /lha'i bu gzhan du mi 'gro bas gsol pa/ mi dbang khyod kyi
gsung thos nas/ /theg pa gnyis po spang bgyis shing/ /lam gzhan
du ni mi mchi bar/ /bla na med pa'i byang chub tshol/ /lha'i bu
nye bar gnas kyis gsol pa/ seng ge'i nga ro 'di bsgrags pa/
/rgyal
ba'i sras kyis thos gyur na/ /byang chub mchog la nyer gyur
cing/ /de dag rkang gnyis dam par 'gyur/ /lha'i bu spobs pa nye
bar gyur pas gsol ba/ grags chen khyod kyis gsung brjod pa'i/
/spobs pa de ni thos gyur nas/ /sangs rgyas chos la khyod kyi
sras/ /kun kyang
dga' ba rab tu bskyed/ /lha'i bu spobs pa thob pas gsol pa/
'jigs med khyod kyis gsung bsgrags pa/ /ma smad sras kyis thos
gyur na/ /de dag spobs pa nam du yang/ /sangs rgyas nyid las
phyir mi ldog /lha'i bu rtag tu rab dags gsol pa/ 'jigs med
khyod kyis gsung bsgrags pas/ /stobs chen khyod kyi sras kyi
rnams/ /rtag tu rab tu dga' 'gyur cing/ /ma smad de dag byang
chub tshol/ /lha'i bu yid zhum pa med pas gsol pa/ khyod kyis
gsung bsgrags thos gyur nas/ /rkang gnyis dam pa khyod kyi sras/
/dga' zhing
@114b zhum pa ma mchis par/ /byang chub mchog ni tshol bar bgyid/
/lha'i bu thogs med yid kyis gsol pa/ khyod kyis gsung bsgrags
thos pas na/ /sems rangs gyur cing yid dga' ste/ /de dag yid ni
nam du yang/ /byang chub nyid du thogs ma mchis/ /lha'i bu chos
la bar
chad med la mkhas pas gsol pa/ chos rnams gang la bsten bgyis
kyang/ /dkar po'i phyogs dag mi 'grib cing/ /de yi bar chad mi
'gyur ba'i/ /gnas ni thub pa khyod kyis mkhyen/ /lha'i bu chos
nges par bstan pa la mkhas pas gsol pa/ dkar po'i phyogs la
spyod
pa la/ /bar chad 'byung bar mi 'gyur zhing/ /gnas kyang med par
thub pas mkhyen/ /des na ston pa bsnyengs mi mnga'/ /lha'i bu
chos kyi ngo bo nyid la mkhas pas gsol pa/ dge ba kun nas nyon
mongs pa/ /nag po'i phyogs kyi rang bzhin te/ /khyod kyi thugs
ni nges mi
gos/ /gnas kyang med par thub pas mkhyen/ /lha'i bu rig pa la
mkhas pas gsol pa/ nag po'i chos ni nam du yang/ /dkar po'i chos
dang mi 'grogs par/ /rigs par bcom ldan khyod kyis gsungs/ /des
na bcom ldan bdag gi bla/ /lha'i bu dge ba dang mi dge
ba rig pas gsol pa/ chos rnams thams cad ma 'dres par/ /dpa' bo
chen po khyod kyis mkhyen/ /kun nas nyon mongs brtags pas na/
/dkar po'i phyogs las 'grib par 'gyur/ /lha'i bu lam la mkhas
pas gsol pa/ kun nas nyon mongs spyod pa la/ /dkar
po'i phyogs ni mi 'byung ste/ /de ltar 'tshal bar ma gyur la/
/bar chad du ni 'gyur bar gsungs/ /lha'i bu thar pa 'dod kyis
gsol pa/ nag po'i phyogs la sten bgyid na/ /thar par 'dod pa
mang po yi/ /bar du gcod par 'gyur zhes gsungs/ /des na rgyal
khyod
thams cad mkhyen/ /lha'i bu dag pa'i sems kyis gsol pa/ sems
grol bgyi bar gang 'tshal bas/ /kun nas nyon mongs shes bya zhes/
/dpa' bo chen po khyod kyis gsungs/ /de khyod 'jig rten mchod
rten lags/ /lha'i bu nyon mongs mthong gis gsol pa/
@115a */ /kun nas nyon mongs spyod bgyid cing/ /kun nas nyon
mongs ma 'tshal na/ /dam pa'i chos ni shes mi nus/ /de skad bde
bar gshegs pas gsungs/ /lha'i bu sdig mthong gis gsol pa/ sdig
pa rnams la bsten byas kyang/ /dge ba mi 'grib gang smra ba/ /
de ni thar chos skal med ces/ /rkang gnyis dam pa khyod kyis
gsungs/ /lha'i bu gdul bar bya bas gsol pa/ chags pa gdul bar
gang 'dod dang/ /zhe sdang gti mug 'dul 'dod pas/ /thub pa'i
spobs ba ci 'dra ba/ /de lta bur ni nan tan bgyi/ /lha'i bu kun
nas nyon mongs pa dag
pas gsol pa/ dag dang kun nas nyon mongs pa/ /mi mkhas gang
rnams mi shes pa/ /de dag ston pa sangs rgyas min/ /de skad
drang srong mchog gis gsungs/ /lha'i bu thar pa la brtson gyis
gsol pa/ nyon mongs 'grib par 'gyur ba'i chos/ /rgyal ba yis ni
gang
bstan pa/ /de bsten nyon mongs mi zad ces/ /khyod la rgol ba
yongs ma mchis/ /lha'i bu thar pa la mngon par phyogs pas gsol
pa/ chos gang nyon mongs gang gi rnams/ /zad 'gyur thub pas
bstan pa la/ /yang dag brtson byas mi zad ces/ /rgol ba 'di ni
yong mi
dmigs/ /lha'i bu rnal 'byor la mngon par brtson pas gsol pa/
rgyal ba khyod kyis nyan thos la/ /gang gi don du chos bstan pa/
/de brtson bgyis pas mi 'thob ces/ /'di na khyod la rgol ma
mchis/ /lha'i bu mi 'jigs dpal gyis gsol pa/ 'dod chags spang
phyir
mi sdug pa/ /bstan la yang dag brtson bgyis na/ /'dod chags zad
par mi 'gyur zhes/ /khyod la rgol ba yong ma mchis/ /lha'i bu
'gro ba med pa rab tu shes kyis gsol pa/ shin tu bsnyengs pa mi
mnga' bas/ /zhe sdang spang phyir byams gsungs pa/ /de bsgrubs
sel
bar mi 'gyur zhes/ /dgra 'joms khyod la rgol ma mchis/ /lha'i bu
mig rnam par dag gis gsol pa/ shes rab gti mug spang ba'i phyir/
/gsungs pa de la bsten bgyis kyang/ /gti mug sel bar mi 'gyur
zhes/ /'di na khyod la rgol ma mchis/ /lha'i bu rnam par
@115b rtog pa 'joms kyis gsol pa/ rnam par rtog pa'i gnyen por
ni/ /dbugs dbyung rdub pa dran gsungs pa/ /de la brtson bgyis ma
zhi zhes/ /'di na khyod la rgol ma mchis/ /lha'i bu mtshan ma med
pa lhur len pas gsol pa/ nga'o snyam pa spang slad du/ /stong
nyid khyod
kyis bka' stsal te/ /des ni de zhi mi 'gyur zhes/ /'di na khyod
la rgol ma mchis/ /lha'i bu nga'o snyam pa'i nga rgyal spangs
kyis gsol pa/ nga snyam nga rgyal spang slad du/ /mtshan ma med
pa khyod kyis gsungs/ /bsten kyang zhi bar mi 'gyur zhes/ /'di
na khyod la rgol ma
mchis/ /lha'i bu sems rgyun rnam par dag pas gsol pa/ lhag pa'i
bsam pa dag pa yis/ /nyon mongs thams cad 'jig par 'gyur/ /des
ni nyon mongs mi zad ces/ /'di na khyod la rgol ma mchis/ /lha'i
bu 'du shes rnam par bshig gis gsol pa/ phyogs gang
gnyen po'i rnam pa dang/ /nyon mongs lam dang lam 'jug la/
/'jigs pa med par rgol ba ni/ /thub pa chen po ma mthong ngo/
/lha'i bu tha snyad shin tu shes pas gsol pa/ bcom ldan phyogs
dang phyogs min dang/ /zad dang ma zad tha snyed tsam/ /'jigs pa
ma mchis rgol
bgyid pa/ /thub pa de ni ming tsam mo/ /lha'i bu lus kyi las dul
bas gsol pa/ mkhyen pas yongs su mkhyen gyur nas/ /khyod kyi sku
yi phrin las 'jug /thams cad ma lus mkhyen pas na/ /des na 'dren
pa thams cad mkhyen/ /lha'i bu lus kyi las yongs su shes
pas gsol pa/ sems can rnams la thugs brtse bas/ /dpa' bo khyod
sku'i phrin las ni/ /mtha' dag shin tu nges pa lags/ /'jig rten
mgon la phyag kyang 'tshal/ /lha'i bu lus kyi las shin tu nges
pas gsol pa/ sku yi phrin las rab nges par/ /lus can kun la
sman slad du/ /'jig rten sgron ma khyod mdzad de/ /des na khyod
ni gang zag mchog /lha'i bu lus kyi las kyi mtha' shin tu
mthong bas gsol pa/ sems can kun la sman slad du/ /'dren pa
thams cad mkhyen pa ni/ /sku yi phrin las dag pa dang/ /legs par
yongs
@116a */ /su brtags dad ldan/ /lha'i bu lus kyi las kyi mtha'
shin tu mnyam par bzhag pas gsol pa/ shin tu mnyam par bzhag sku
dang/ /sku yi phrin las rnam dag dang/ /ldan par sems can bde
don du/ /gang zag mchog ni spyod par mdzad/ /lha'i bu tshig grub
kyis gsol pa/ snyan cing yon tan ldan pa dang/ /rtsub pa yongs
su spangs pa'i gsung/ /mkhyen pas shin tu yongs brtags shing/
/mgon po khyod ni gsung ba mdzad/ /lha'i bu dus su smra bas gsol
pa/ dus su don dang ldan pa dang/ /don med yongs su spangs pa'i
gsung/ /gsung bar 'os dang blang 'os pa/ /'dren pa khyod ni
gsung ba mdzad/ /lha'i bu sdums byed blo gros kyis gsol pa/
dbyen du 'gyur ba yongs spangs te/ /'dum par gyur dang yid 'ong
ba/ /dbyen med 'bras bu rnam par smin/ /sngon chad khyod kyis
gsung du brjod/ /
lha'i bu mi slu bas gsol pa/ srog gi don du'ang khyod kyis ni/
/srid pa rnams su brdzun ma gsungs/ /de bas khyod kyi grags pa
kun/ /'jig rten dag na thogs ma mchis/ /lha'i bu yang dag par
smra bas gsol pa/ 'di ltar 'gro ba thams cad kyang/ /sangs rgyas
chos
rnams btsal slad du/ /thub pa'i gsung la bstod pa ni/ /yang dag
gsungs pa'i rgyu 'thun lags/ /lha'i bu yang dag pa'i mtha' las
nges par byung gis gsol pa/ mi mchog khyod kyis bden pa yis/
/rdzogs pa'i byang chub 'di bsgrubs te/ /chos kyi yang dag rang
bzhin yang/ /rkang gnyis dam pa khyod kyis mkhyen/ /lha'i bu
yang dag pa la rtul bas gsol pa/ 'dus byas dag gi chos kyi
rnams/ /yang dag ji bzhin blta ba dang/ /chos rnams yang dag
mtshan nyid kyang/ /mi yi dbang pos rab tu mkhyen/ /lha'i bu las
la rtog pas gsol
pa/ ye shes yongs su dag pa yis/ /bdag nyid dang ni gzhan dag gi
/tshig gi las kyang rab tu mkhyen/ /des na rgyal ba mnyam ma
mchis/ /lha'i bu yid la rtog pas gsol pa/ mi yi dbang po'i thugs
kyi las/ /ji snyeng gang dag 'jug pa ni/ /de dag 'gro la
@116b thugs rjes 'jug /'gro phan khyod la phyag kyang 'tshal/
/lha'i bu yid kyi rnam par rtog pa la mkhas pas gsol pa/ 'gro la
thugs rje bskyed nas ni/ /gang la khyod ni spyod mdzad pa/ /de
la thugs ni dul bar byung/ /'gro phan khyod la phyag kyang
'tshal/ /lha'i bu thabs la mkhas pas
gsol pa/ 'gro ba'i bsam pa rnam dpyad nas/ /rnam 'dren thugs kyi
phrin las 'jug /thub pa ye shes sna tshogs ni/ /mkhyen bzhin kun
tu rab tu 'jug /lha'i bu yid rnam par bshig gis gsol pa/ sangs
rgyas sa dang yid kyi las/ /sems can thugs rjes gzigs
pas 'byung/ /sangs rgyas nyid la ye shes thabs/ /rang bzhin med
par rab tu mkhyen/ /lha'i bu 'das pa la mkhas pas gsol pa/ sbyin
dang tshul khrims bzod pa dang/ /brtson 'grus bsam gtan dag la
yang/ /gang gis gang la sngon spyad pa/ /sngon gyi dus kyang rab
tu mkhyen/ /
lha'i bu 'das pa la rtog pas gsol pa/ byang chub mchog ni tshol
mdzad cing/ /gang du khyod kyis sngon spyad pa/ /sngon gyi spyod
pa yongs brtags nas/ /sangs rgyas bya ba rab tu mkhyen/ /lha'i
bu sngon gyi tshul phun sum tshogs pas gsol pa/ bskal pa bye ba
grangs med du/ /gang du
khyod kyis sngon spyad pa/ /sngon gyi tshul ni dgongs mdzad
kyang/ /khyod kyi thugs yid thogs mi mnga'/ /lha'i bu sngon gyi
tshul la yongs su rtog pas gsol pa/ sangs rgyas mang las byung ba
yi/ /ting 'dzin mngon par bsgrub bya ba/ /sangs rgyas bye ba
grangs med la/ /rnam
par 'dren pa khyod kyis zhus/ /lha'i bu sngon gyi sbyor ba las
nges par byung gis gsol pa/ sngon gyi sangs rgyas drung dag tu/
/grangs med dpag tu med pa yi/ /ting 'dzin sgo dag ? 'dren pa
yis/ /zhus shing bsgom pa mdzad par gyur/ /lha'i bu sngon gyi
gnas la rtog pas
gsol pa/ 'khor ba'i nyes pa rab mang dang/ /bkur sti rnam pa sna
tshogs dag /gzigs pas sems can rnams la ston/ /sems can long ba
rnams kyang 'grel/ /lha'i bu sngon gyi dus na 'phrul pas gsol
pa/ gzhan dang gzhan dag zos shing 'tshal/ /rtse zhing rab tu
@117a */ /dga' ba bgyis/ /gnod pa mi bzad bgyis pa dag /gzhan
dang gzhan yang khyod kyis gzigs/ /lha'i bu sngon gyi spyod pas
yang dag par byung bas gsol pa/ thams cad mkhyen pa 'gro rtogs
pa/ /khyod kyi ye shes 'das dus kyi/ /las dang bsam
gtan snyoms 'jug dang/ /'gro ba rnams la thogs ma mchis/ /lha'i
bu phyi ma'i mtha' la mkhas pas gsol pa/ 'dren pa khyod kyi
mkhyen pa ni/ /ma 'ongs dus kyi 'chi 'pho dang/ /skye dang las
kyi rnam smin la/ /thogs par 'gyur ba ma mchis so/ /lha'i bu ma
'ongs pa'i spyod
yul gyis gsol pa/ brten pa 'gro ba mkhas khyod kyi/ /mkhyen pa
phyi dus sems can gyi/ /bsam dang las kyi 'bras bu dang/ /'gro
ba rnams la thogs ma mchis/ /lha'i bu srid pa las bskyod kyis
gsol pa/ khams rnams gsum po 'di dag dang/ /dus gsum kun la
mkhas khyod kyi/ /ye shes mchog ni mi chags te/ /srid pa'i spyod
yul khyod kyis mkhyen/ /lha'i bu tha snyad la spyod pas gsol pa/
las dang sems can 'gro ba dang/ /rnam par smin pa myong ba dag
/de dag thams cad ming tsam du/ /rkang gnyis dam pa bstan pa
mdzad/ /lha'i bud ltar byung ba la
yang dag par rtog pas gsol pa/ dpa' bo khyod kyi mkhyen pa ni/
/da ltar byung la thogs ma mchis/ /grangs med sangs rgyas zhing
rnams na/ /'jig rten mgon pos rab tu mkhyen/ /lha'i bu da ltar
byung ba la rnam par dpyod pas gsol pa/ /mi yi dbang pos rnam
dpyad nas/ /byis pa'i blo gros
rmongs bgyid pa/ /dus gsum dngos po ma mchis par/ /nges par
mnyam pa nyid du gzigs/ /lha'i bu mi gnas pa'i blo gros kyis
gsol pa/ dus gsum gnas pa ma mchis shing/ /ngo bo nyid la mi
gnas te/ /dngos po thams cad dngos med par/ /rnam par 'dren pa
khyod kyis gzigs/ /
lha'i bu dus gsum mngon par bskul bas gsol pa/ 'das pa dag dang
ma 'ongs dang/ /da ltar byung ba'i phung po rnams/ /ma mchis
dngos po ma mchis par/ /skyes bu dam pas bstan pa mdzad/ /lha'i
bu chags med yid kyis gsol pa/ /dus gsum sems can thams cad la/
/snying po mchis par
@117b ma bstan te/ /sgyu ma smig rgyu mig yor dang/ /brag ca lta
bur khyod kyis bstan/ /lha'i bu dus gsum dpog gis gsol pa/ 'dren
pa khyod kyi mkhyen pa ni/ /dus gsum po dag kun du yang/ /sgyu
ma lta bur mkhyen pas na/ /khyod kyi dbang po chags mi mnga'/
/lha'i bu mos pa yongs su rig par
byed kyis gsol pa/ gang gi nub mo dpa' khyod kyis/ /byang chub
mngon du bgyis gyur pa/ /de dus tshun chad mos pa la/ /bri bar
gyur par yong mi gda'/ /lha'i bu mos pa yang dag thob kyis gsol
pa/ 'jig rten sgrol ma'i mos pa ni/ /bar du rgyun chad mi 'gyur
te/ /rtag par khyod kyi mos pa
des/ /khyod kyi sras rnams mos pa che/ /lha'i bu mos pas mngon
'phags kyis gsol pa/ chab las pad ma ji bzhin du/ /khyod ni mos
pas mngon du 'phags/ /'jig rten dag gis mi gos te/ /pad ma chab
kyis ji bzhin no/ /lha'i bu mos pas yongs su grol gyis gsol pa/
'jig rten mgon dang mos pa ni/ /chos kyi dbyings zhes brjod pa
ste/ /gnyis med gnyis su bgyid ma mchis/ /smad pa med pa khyod
kyis gzigs/ /lha'i bu brtson 'grus yang dag thob kyis gsol pa/
gzi brjid chen po brtson 'grus kyis/ /byang chub yang dag brnyes
par gyur/ /mdzad
pa mdzad kyang mgon po khyod/ /brtson 'grus btang ba yong ma
mdzad/ /lha'i bu dran pa phun sum tshogs pas gsol pa/ dpa' bo
chen po'i dgongs pa ni/ /thams cad kun gyi rjes su 'jug /mdzad
pa mdzad kyang mgon po khyod/ /dgongs pa bri ba yong ma mchis/
/lha'i bu sems mnyam par
bzhag pas gsol pa/ mgon po rtag tu mnyam bzhag ste/ /sems can
rnams kyi spyod pa mkhyen/ /'dren pa spyod pa'i dbang gis ni/
/sems can rnams la chos kyang ston/ /lha'i bu shes rab lhur len
gyis gsol pa/ 'jig rten sgron mar gyur khyod kyi/ /ye shes rgya
mtsho'i mtha'
ma ni/ /bskal pa bye bar brjod bgyis kyang/ /sangs rgyas rnams
kyis bshad mi spyod/ /lha'i bu rnam par grol ba la mkhas pas
gsol pa/ rnam par grol dang ma grol ba/ /gang slad khyod kyis ma
brnyes pas/ /mtshungs pa med pa khyod la ni/ /rnam grol yongs su
nyams mi mnga'/ /
@118a */ /lha'i bu rnam par grol ba'i ye shes la brtson pas gsol
pa/ thub pa khyod ni rnam grol nas/ /ngo bo nyed med mkhyen pas
na/ /rnam grol ye shes gzigs pa ni/ /yang dag mkhyen pa nyams mi
mnga'/ /lha'i bu sngon gyi srid pa rnam par dpyod kyis gsol pa/
mar me mdzad pa
tshun chad du/ /dpa' bo yang dag gzigs khyod kyi/ /spyod la
'khrul pa mi mnga' ste/ /des na sangs rgyas legs zhes bstod/
/lha'i bu zab mo la spyod pas gsol pa/ srog chags gzhan dag ji
bzhin du/ /bde gshegs khyod la chags mi mnga'/ /chos kyi rang
bzhin mkhyen pas
na; /rang bzhin de la rmongs mi mnga'/ /lha'i bu blo gros yangs
pas gsol pa/ thams cad mkhyen pa khyod la ni/ /rnam pa kun du
bsnyel mi mnga'/ /mgon po'i dgongs pa nyer gzhag pas/ /thub pa
'bru mar snod dang 'dra/ /lha'i bu sems g.yeng ba med kyis gsol
pa/ 'jig
rten sgron ma khyod la ni/ /mnyam par ma bzhag sems mi mnga'/
/ma 'dres sangs rgyas chos kyi rnams/ /srog chags kun gyis shes
par dka'/ /lha'i bu ye shes la rab tu gnas kyis gsol pa/ bde bar
gshegs pa khyod la ni/ /ma brtags btang snyoms mi mnga' ste/ /mi
yi dbang po'i sangs rgyas chos/ /ma 'dres pa ni bsam mi khyab/
/lha'i bu thams cad zil gnon gyis gsol pa/ skyes bu khyu mchog
khyod la ni/ /'jig rten gsum na mtshungs ma mchis/ /thams cad
mkhyen pa ma pham pa/ /khyod kyis chos rnams thams cad mkhyen/
/lha'i bu snying po
blangs pas gsol pa/ sems can snying po bla na med/ /chos rnams
kun la 'jigs mi mnga'/ /sangs rgyas kun dang mnyam brnyes pa/
/sangs rgyas byang chub phyag 'tshal lo/ /gnas gtsang ma pa'i
le'u ste nyi shu rtsa bzhi pa'o// //de nas de'i tshe gzhan
mu stegs can spyod pa can dang/ kun tu rgyu drug khris lha ma
yin dang/ nam mkha' lding dang/ klu'i bu mo dang/ klu dang/ grul
bum dang/ dri za dang/ gnod sbyin dang/ mi 'am ci dang/ phreng
ldan glang po can dang/ rgyal chen bzhi'i ris dang/ sum cu rtsa
gsum dang/ 'thab
@118b bral dang/ dga' ldan dang/ 'phrul dga' dang/ gzhan 'phrul
dbang byed dang/ tshangs pa dang/ 'od gsal dang/ dge rgyas dang/
'bras bu che ba'i lha dag gis mchod pa yang mthong/ /lung bstan
pa yang thos/ gnas gtsang ma'i ris kyi lha dag gis bstod pa
brjod pa yang thos nas
ngo mtshar thob par gyur te chos kyi tshul la 'jug pa 'di thos nas
'di ltar sngon chad ma thos pa'i chos kyi tshul thos pas yid
gnyis su gyur/ nem nur dang/ the tshom za bar gyur nas bcom ldan
'das la 'di skad ces gsol to/ /kye gO ta ma sngon chad ma thos
pa'i chos bstan pa 'di thos nas
bdag cag ni kun du rgyu'i gnas kyang mi 'tshal/ khyim gyi gnas
kyang mi 'tshal bar gyur cing 'di ltar sngon chad ma thos pa'i
chos kyi tshul 'di thos nas chos 'di la nem nur dang the tshom du
gyur te/ sems dang bar yang ma gyur mod kyi/ 'on kyang dge
sbyong gO ta ma khyod la bdag cag yid ches pa
mchis so/ /de ci'i slad du zhe na/ 'di ltar dge sbyong gO ta ma
khyod kyis rdzu 'phrul mngon par 'du bya ba 'di lta bu mngon par
mdzad de/ rdzu 'phrul mngon par 'du bya ba ji lta bu mngon par
mdzad pas bdag cag gis lha'i 'khor rgya chen po 'di dag dang/
thams cad dang ldan pa'i 'khor phal cher gO ta
ma khyod kyi legs par gsungs pa 'tshal zhing yi rangs par gyur pa
mthong ste/ des na bdag cag dge sbyong gO ta ma khyod la dad pa
mchis par gyur to/ /kye gO ta ma gang 'bras bu che ba'i lha
rnams kyis chos thams cad ni de bzhin gshegs pa'o zhes smras pa
de la ji ltar chos thams cad de bzhin
gshegs pa snyam du bdag cag the tshom cher 'tshal lo/ /dge sbyong
gO ta ma khyod ni ci nas bdag cag legs par bshad pa'i don de
rtogs nas mun pa med par gyur te/ stan 'di las ldang bar 'gyur
ba de ltar bdag cag la chos ston spyod do snyam ste/ bdag cag
dge sbyong gO ta ma khyod
la de ltar mngon par dad par gyur to/ /de skad ces gsol pa dang/
bcom ldan 'das kyis gzhan mu stegs can spyod pa can dang/ kun tu
rgyu rnams la 'di skad ces bka' stsal to/ /kun tu rgyu dag de'i
phyir khyed nyid la dris/ khyed kyis ji ltar bzod pa de ltar lan
thob shig /dge
@119a */ /sbyong gO ta ma legs so zhes gsol te/ kun tu rgyu de
dag bcom ldan 'das kyi ltar nyan pa dang/ bcom ldan 'das kyis de
dag la 'di skad ces bka' stsal to/ /kun tu rgyu dag khyed kyis
ji ltar mngal du 'jug pa shes sam/ de dag gis gsol pa/ kye gO
ta
ma bdag cag gis bstan bcos las thos na gsum 'dus nas mngal du
'jug par 'gyur te/ gang 'di pha dang ma gnyis kyang tshogs pa
dang/ chags par yang gyur pa dang/ chags nas kyang 'dod pa'i
rnam par rtog pa rnams kyis rnam par brtags pas 'dod chags kyang
byung ba de'i tshe
mngal du 'jug par 'gyur ro zhe'o/ /bcom ldan 'das kyis bka'
stsal pa/ kun tu rgyu dag 'di la ji snyam du sems/ pha dang ma
gnyis rnam par rtog pa'i tshe 'dod chags de ma'i sems las byung
ngam gsol pa/ kye gO ta ma ma lags so/ /ma'i rnam par rtog pa
las byung ngam/
kye gO ta ma ma lags so/ /de pha'i sems las byung ngam/ kye gO
ta ma ma lags so/ /pha'i rnam par rtog pa las byung ngam/ kye
gO ta ma ma lags so/ /kun tu rgyu dag 'di la ji snyam du sems/
pha'i 'dod chags gang yin pa de ma'i mngal du zhugs sam/ kye gO
ta ma
de ni ma lags so/ /kun tu rgyu dag 'di ji snyam du sems/ pha'i
sems gang yin pa de ma'i mngal du zhugs sam/ kye gO ta ma de ni
ma lags so/ /kun tu rgyu dag 'di la ji snyam du sems/ pha'i kun
tu rtog pa de ma'i mngal du zhugs sam/ kye gO ta ma de ni ma
lags so/ /kun
tu rgyu dag 'di la ji snyam du sems/ mngal na gnas pa de lha las
shi 'phos te ma'i mngal du zhugs sam/ kye gO ta ma ma 'tshal to/
/kun tu rgyu dag 'di la ji snyam du sems/ mngal na gnas pa de mi
dang/ lha ma yin dang/ sems can dmyal ba dang/ dud 'gro'i skye
gnas dang/
gshin rje'i 'jig rten nas shi 'phos te ma'i mngal du zhugs sam/
kye gO ta ma ma 'tshal to/ /kun tu rgyu dag 'di la ji snyam du
sems/ mngal na gnas pa de gzugs yod pa'am/ gzugs med pa zhig
ma'i mngal du zhugs sam/ kye gO ta ma ma 'tshal to/ /kun tu rgyu
dag 'di la
@119b ji snyam du sems/ gzugs dang/ tshor ba dang/ 'du shes dang/
'du byed rnams dang/ rnam par shes pa ma'i mngal du zhugs sam/
kye gO ta ma ma 'tshal to/ /de skad ces gsol pa dang/ bcom ldan
'das kyis gzhan mu stegs can kun tu rgyu de dag la 'di skad ces
bka'
stsal to/ /kun tu rgyu dag chos 'di ni zab cing phra ste/ mkhas
pa shes pa blo dang ldan pas rig par bya ba yin te/ brtag tu med
cing brtag pa'i yul ma yin la/ blta dka' zhing shes par dka' bas
de ni khyed yun ring po gzhan du bltas pa/ gzhan du mos pa/
gzhan
du dad pa/ gzhan du brtson pa/ gzhan du lta ba'i gnas la gnas pa
rnams kyis shes par mi nus mod kyi/ kun tu rgyu dag 'on kyang
rigs kyi bu 'am/ rigs kyi bu mo dag tshul dang 'dra ba'i dge ba'i
bshes gnyen la brten nas chos zab mo rnams la mig skye bar 'gyur
te/ kun tu rgyu dag
'di lta ste/ dper na mi mig gi dbang po nyams pa ni de'i tshul
dang 'dra ba'i gso ba byed pa dge ba'i bshes gnyen la brten na
tshe 'di nyid la mig yongs su dag par 'gyur te/ mig des kyang tshe
'di nyid la gzugs rnams mthong bar 'gyur ro/ /kun tu rgyu dag de
bzhin du rigs kyi bu 'am/ rigs
kyi bu mo shes rab kyi mig nyams par gyur pas kyang tshul dang
'dra ba'i dge ba'i bshes gnyen la brten na shes rab kyi mig rnam
par dag par 'gyur te/ des kyang chos zab mo rnams mthong bar
'gyur ro/ /kun tu rgyu dag khyed kyang yun ring po nas gzhan du
bltas pa/ sngon log pa'i gdams
ngag gis bslus pa/ chos ma yin pa la chos su 'du shes pa/ thar
pa ma yin pa la thar par 'du shes pa/ 'byung ba ma yin pa la
'byung bar 'du shes pa/ chud zos pa rnams kyis chud gzan pa yin
te/ kun tu rgyu dag 'di lta ste/ dper na long ba'i dmigs bu long
bas byas na/
gang 'di bkri ba dang/ khrid pa de gnyi ga yang tshul ma yin par
sdug bsngal thob par 'gyur bar shes par bya'o/ /kun tu rgyu dag
de bzhin du dge slong ngam/ bram ze gang la la ston pa ma yin
par bdag cag ni ston pa yin no zhes khas 'che ba dang/ yang dag
par rdzogs pa'i sangs rgyas ma
@120a */ /yin par bdag cag ni yang dag par rdzogs pa'i sangs
rgyas yin no zhes khas 'che ba dang/ 'byung ba la mkhas pa ma
yin par bdag cag ni 'byung ba la mkhas pa'o zhes khas 'che ba
dang/ 'byang ba mthong ba ma yin par bdag cag ni 'byung ba
mthong ba yin no zhes khas 'che ba dang/ mu
stegs byed pa ma yin par bdag cag ni mu stegs byed pa yin no
zhes khas 'che ba yin te/ de dag ston pa ma yin par ston pa'o
zhes khas 'che zhing gang rjes su ston pa de ni log par rjes su
ston par 'gyur/ yang dag par rdzogs pa'i sangs rgyas ma yin par
gang khong du chud par byed pa de ni
log par khong du chud par byed par 'gyur/ gang 'byung ba la
mkhas pa ma yin par gang 'byin pa de ni log par 'byin par 'gyur/
'byung ba mthong ba ma yin par gang 'byung ba ston pa de ni log
par ston par 'gyur/ mu stegs byed pa ma yin par gang sgrol ba de
ni log par sgrol bar
'gyur te/ de dag ni tshul ma yin par sdug bsngal thob par 'gyur
ro/ /kun tu rgyu dag 'di lta ste/ dper na ba lang rdzi rab ka la
mkhas pa ma yin pas rab ka ma yin par ba lang bsgral na/ de'i ba
lang de dag gis pha rol dang tshul rol gyi 'gram ma rnyed nas
'khyil te/ de nyid du tshul ma yin par
sdug bsngal thob par 'gyur ro/ /de ci'i phyir zhe na/ 'di ltar
ba lang rdzi de rab ka la mi mkhas pa'i phyir ro/ /kun tu rgyu
dag de bzhin du gang la la mu stegs byed pa ma yin par mu stegs
byed par khas 'che zhing gang sgrol ba de ni tshul ma yin par
sdug bsngal thob par 'gyur ro/ /kun tu rgyu dag
nga ni ston pa nyid yin la ston par khas 'che bas da gang rjes
su ston pa de yang dag par rjes su ston pa yin/ yang dag par
rdzogs pa'i sangs rgyas nyid yin la yang dag par rdzogs pa'i
sangs rgyas su khas 'che bas/ da gang khong du chud par byed pa
de yang dag par khong du chud par byed pa
yin; 'byung ba la mkhas pa nyid yin la 'byung ba la mkhas par
khas 'che bas nga gang 'byin pa de dag yang dag par 'byin pa
yin/ 'byung ba mthong ba nyid yin la 'byung ba ston par khas
'che bas nga gang 'byung ba ston pa de yang dag par ston pa yin/
mu stegs byed pa yin la mu
@120b stegs byed par khas 'che bas nga gang sgrol ba de yang dag
par sgrol ba yin te/ ston pa'i chos rab tu shes nas ni rjes su
ston/ sangs rgyas kyi chos rab tu shes nas ni khong du chud par
byed/ 'byung ba rab tu shes nas ni 'byin/ yang dag par mthong
nas ni ston/ mu stegs
rab tu shes nas ni sgrol te/ gang sgrol ba de yang mu stegs bde
bar rab tu sgrol ba yin no/ /'di lta ste/ kun tu rgyu dag khyed
kyang thar par 'dod pa yin la/ nga yang ston pa mngon du bzhugs
pa yin te/ yang dag par ston pa/ yang dag par khong du chud par
byed pa/ 'byung ba phung sum
tshogs pa 'byung ba mthong ba/ yang dag pa'i mu stegs byed pa yin
gyis de'i phyir rna ba lhogs te mos pa skyed la dran pa nye bar
zhog ste/ yid 'dun par gyis la ma thob pa'i chos rnams thob par
bya ba dang/ sngon ma phyin pa'i lam du 'gro bar bya ba dang/
sngon ma song ba'i phyogs su
'gro bar bya ba dang/ sngon ma 'grogs pa'i lam grogs dang 'grogs
par bya ba dang/ sngon ma btsal ba'i lam btsal bar bya ba dang/
sngon ma thob pa'i chos kyi mdzod thob par bya ba'i phyir/
brtson 'grus yang dag par rtsoms shig /kun tu rgyu dag chos
gsum mngon du gyur pas mngal du 'jug
ces gang smras pa de legs par rab tu nyon la yid la zung shig
dang/ mngal du 'jug pa zhes bya ba'i chos kyi rnam grangs 'di
khyed la ngas bshad do/ /kun tu rgyu dag de la ma zhes gang
smras pa de ni sngon gyi las bsags pa'i rkyen du gsungs so/ /pha
zhes bya ba de ni sngon gyi las bsags
pa'i rgyur gsungs so/ /dri za zhes bya ba de ni rnam par shes pa
las kyis 'phangs pa'i tshig bla dags so/ /mer mer po zhes bya ba
de ni las kyis 'phangs pa'i rnam par shes pa'i gnas dang gzhi'o/
/ma'i mngal zhes bya ba de ni rnam par shes pa las kyis 'phangs
pa'i gzhi ste/ 'di ltar
ma'i mngal na gnas pa'i rnam par shes pa ni skye ba dang/ 'phel
ba dang/ rgyas par 'gyur ro/ /kun tu rgyu dag 'di lta ste dper
na/ sa chen po la gnas na rtsva dang/ shing gel ba dang/ sman
dang/ nags tshal dag skye zhing 'phel ba dang rgyas par 'gyur ro/
/de bzhin du ma'i mngal na
@121a */ /gnas pa'i rnam par shes pa yang skye ba dang/ 'phel
ba dang/ rgyas par 'gyur te/ 'phel nas skye bar 'gyur ro/ /btsas
nas rnam par 'phel lo/ /'phel nas spyod pa snang bar 'gyur te/
'gro ba gang dang gang nas shi 'phos nas de dang der skyes nas
de dang 'dra ba'i
spyod pa de dag de spyod par 'gyur te/ de dag kyang mkhas pas
shes par bya ba yin gyi/ glen pas ni ma yin no/ /yun ring po nas
'grogs 'grogs pas shes par bya ba yin gyis yun thung dus ma yin
no/ /yang dag par sems pas shes par bya ba yin gyi/ mi brtson
pas ma yin no/ /
kun tu rgyu dag de la sems can dmyal ba nas shi 'phos pa'i gang
zag gi rtags mkhas pas shes par bya ba ni 'di dag yin te/ 'di
lta ste/ skad sha sha po yin/ skad gyo dum gyi sgra lta bu yin/
skad brtag dgos pa yin/ skad che ba yin/ skang lhang lhang po
yin/ rtag tu dang ngas pa
yin/ rtag tu 'dar ba yin/ rtag tu spu zing zhes byed pa yin/ rmi
lam na me'i phung po 'bar ba mthong ba yin/ ri rgyug par mthong
ba yin/ me mdag 'bar bar mthong ba yin/ lcags zangs kyi nang du
btso ba mthong ba yin lag na dbyug pa thogs pa'i mi dag mthong
ba yin/ srin po
dag gis bdag 'phang bar mthong ba yin/ bdag nyid gson por gsal
shing gis gzugs par mthong ba yin/ khyi dag gis bdag dbang par
mthong ba yin/ khyi dag gis bdag bskor bar mthong ba yin/ bdag
nyid glang po che dang sbrul gyis gtses par mthong ba yin/
phyogs bzhir
bros nas phyogs mi shes pa yin/ sems can kun la yid mi rton pa
yin no/ /kun tu rgyu dag rnam pa nyi shu po de dag gis sems can
dmyal ba nas shi 'phos pa'i gang zag tu rig par bya'o/ /kun tu
rgyu dag de la dung 'gro'i skye gnas nas shi 'phos pa'i gang zag
gi mtshan ma ni 'di
dag yin te/ 'di lta ste/ rmugs shing gnyid che ba yin/ le lo che
ba yin/ mang du za ba yin/ sa la 'drung pa yin/ mi 'jigs pa med
pa yin/ mi gsal bar smra ba yin/ glen pa la dga' ba yin/ mun pa
la dga' ba yin/ 'dam rdzab la dga' ba yin/
@121b yang dang yang sos rtsva gcod pa yin/ rgyun du rkang pa'i
mthe bos sa rko ba yin/ yang dang yang mgo la sbrang ma 'du ba
yin/ yang dang yang nam mkha' la sos 'debs pa yin/ kun tu bskums
te nyal ba yin/ sa la nyal ba yin/ mi gtsang bas mi 'dog pa yin/
yang
dang yang nam mkha' la mnom pa yin/ yang dang yang ma smin par
za ba yin/ gzhan du smra zhing gzhan du byed de g.yo byed pa
yin/ bab bab tu spyod pa yin/ rmi lam na bdag rdzab kyis gos par
rmi ba yin/ rmi lam na bdag nags su song ste rtsva za bar rmi ba
yin/ sbrul gdug
pas bdag bskor bar mthong ba yin/ bdag nyid ri khrod du zhugs
par mthong ba yin te/ kun tu rgyu dag de dag la sogs pa dud
'gro'i skye gnas nas shi 'phos pa'i gang zag gi mtshan ma rnam pa
du mar shes par bya ste/ de dag ni bskal pa 'am/ bskal pa las
lhag par brjod kyang
zad par mi nus so/ /kun tu rgyu dag de la gshin rje'i 'jig rten
nas shi 'phos pa'i gang zag gi mtshan ma ni 'di dag yin te/ 'di
lta ste/ skra ser pa yin/ mig wa'i mig lta bu yin/ rtag par
bkres pa yin/ rtag tu skom pa yin/ ser sna che ba yin/ 'dod chen
che ba dang/
'thob pa mi rnyed pa yin/ gzhan gyi la re ba yin/ khro ba yin/
mig dmar ba yin/ bza' ba thams cad la sred pa yin/ bdog pa thams
cad la chags pa yin sbyin pa'i gnas dag mthong bar mi 'dod pa
yin/ dngos po kun la yang de brku ba'i sems yod pa yin/ dngos po
ngan pa rnams la yang dga' ba yin/ 'thob pa la mos pa yin/ zas
skom mi gtsang ba la dga' ba yin/ gzhan gyi phun sum tshogs pa la
phrag dog byed pa yin/ gzhan gyi longs spyod la sred pa skyed pa
yin/ gzhan gyi longs spyod gang yin pa de dag la bdag gi snyam
du
sems pa yin/ zas gtor na sems mi dga' ba yin/ tshong 'dus kyi
srang dag nas kyang shing thog len pa yin te/ kun tu rgyu dag
gshin rje'i 'jig rten nas shi 'phos pa'i gang zag gi rtags kyi
bye brag ni de dag la sogs pa mtha' yas par shes par bya'o/ /kun
tu rgyu dag
@122a */ /de la lha ma yin las shi 'phos pa'i gang zag gi mtshan
ma ni 'di dag yin te/ 'di lta ste/ khengs pa yin/ 'thab krol che
ba yin/ 'khon du 'dzin pa yin/ nga rgyal che ba yin/ lus che ba
yin/ mig che ba yin/ mig dkar ba yin/ mche
ba snang ba yin/ mthu dang ldan pa yin/ thab mo'i blo can yin/
dbyen la dga' ba yin/ bya ba thams cad la nga rgyal che ba yin/
so snang ba yin/ 'jig rten thams cad la brnyas pa'i 'du shes can
yin/ mtshon cha rno ba yin/ tshig na ba yin/ bdag gzengs stod
pa can yin/ mi shes pa'i stobs can yin/ nyon mongs pa'i stobs
can yin te/ kun tu rgyu dag de dag la sogs pa ni lha ma yin las
shi 'phos pa'i gang zag gi mtshan mar shes par bya'o/ /kun tu
rgyu dag de la mi las shi 'phos pa'i gang zag gi mtshan ma ni 'di
dag yin te/
'di lta ste/ do mtshar du 'dzin pa can yin/ 'phags pa dang sten
pa yin/ 'phags pa ma yin pa la smod pa yin/ dge ba byed pa yin/
mngon rtags 'dod pa yin/ grags pa 'dod pa yin/ snyan pa 'dod pa
yin/ bzo la dga' ba yin/ shes pa la dga' ba yin/ nyon
mongs pa chung ba yin/ khrel yod cing ngo tsha shes pa yin/ rigs
kyi bu'i tshul phun sum tshogs pa yin/ byas pa gzo ba yin/ mdza'
bo la gdu nga ba yin/ yongs su gtong ba dang ldan pa yin/ bye
brag shes pa yin/ byas pa dang ma byas pa la rtog pa yin/ tshig
gi mthu
yod pa yin/ gros gzung bar bya ba'i mthu yod pa yin/ 'dum par
bya ba dang/ 'thab mo bya ba la mngon par mkhas pa yin/ pho nya
nus pa yin/ skad thams cad 'dzin pa'i mthu yod pa yin/ gnas dang
gnas ma yin pa mngon par shes pa yin te/ kun tu rgyu dag de dag
la
sogs pa ni mi las shi 'phos pa'i gang zag gi rtags yin no/ /kun
tu rgyu dag de la lha las shi 'phos pa'i gang zag gi rtags ni
'di dag yin te/ 'di lta ste/ mdzes pa yin/ gtsad sbra che ba
yin/ phreng ba la dga' ba yin/ spos la dga' ba yin/ bdug pa la
dga' ba yin/ glu
@122b len pa'i ngang tshul can yin/ byug pa la dga' ba yin/ 'dod
pa'i yod tan ngan ngon gyis mi mgu zhing rgya chen po la dga' ba
yin/ rol mo'i sgra thams cad la dga' ba yin/ glu thams cad la
dga' ba yin/ skye bo rgya chen po dang 'grogs par dga' ba yin/
khang pa dang/ khang pa
brtsegs pa dang/ khyim dang/ longs spyod rgya chen po la dga' ba
yin/ de'i sems byams pa sngon du 'gro ba yin/ rgod pa'i ngang
tshul can yin/ 'jam par smra ba yin/ dga' ba la mkhas pa yin/
rgyan la dga' ba yin/ che ba'i dad tshul can yin/ 'gro ba'i ngang
tshul can yin/ lus kyi shugs 'byin pa'i ngang tshul can yin/ chags
pa'i mtshan ma dang mi chags pa'i mtshan ma shes pa yin/ phan par
bya ba la mkhas pa yin te/ kun tu rgyu dag mtshan ma de dag la
sogs pas/ mtho ris nas shi 'phos pa'i gang zag tu shes par
bya'o/ /
kun tu rgyu dag de la mtshan ma de dag las yang dag par 'da' bar
bya ba'i phyir rigs kyi bu 'am/ rigs kyi bu mo dag gis dge ba'i
bshes gnyen gang dag mtshan ma de dag las yang dag par 'da' bar
bya ba'i phyir chos ston par byed pa de lta bu'i dge ba'i bshes
gnyen rnams bsten par bya/
bsnyen par bya/ bsnyen bkur bar bya'o/ /de la sems can dmyal ba
nas shi 'phos pa'i gang zag gis ni sngon mir gyur pa'i tshe zhe
sdang la yongs su bsten pas des zhe sdang las byung ba'i las
mngon par 'du byas pas de las des sems can dmyal bar skyes te/
de'i phyir de sems can dmyal
bar gnas pa rnyed nas sems can dmyal ba'i spyod pa can du gyur
pas de mi'i nang du skyes te/ spyod pa'i rtags 'di dag thos nas
bdag ni sems can dmyal ba nas shi 'phos pa'o zhes bdag nyid kyis
shes par bya zhing/ des sems can dmyal ba'i las kyi rgyu spang
ba'i phyir dge ba'i
bshes gnyen btsal bar bya ste/ de la dge ba'i bshes gnyen de dag
zhe sdang gi gnyen por byams pa ston to/ /byams pa dang ldan
pa'i byang chub kyi phyogs kyi chos rnams dang/ byams pa dang
ldan pa'i tshul khrims kyi pha rol tu phyin pa ston to/ /des
kyang de'i zhe sdang gi bag la nyal
@123a */ /spong bar 'gyur te/ de byams pa chen po bsgoms pas pha
rol tu phyin pa drug po thams cad yongs su rdzogs par 'gyur ro/
/kun tu rgyu dag de la dud 'gro'i skye gnas nas shi 'phos pa'i
gang zag gis ni sngon mir gyur pa'i tshe/ gti mug la yongs su
bsten pas des gti
mug las byung ba'i las mngon par 'du byas pas/ de las des dud
'gro'i skyes gnas su skyes te/ de'i phyir de dud 'gro'i skye
gnas na gnas pa rnyed nas dud 'gro'i skye gnas kyi spyod pa can
du gyur pas de dud 'gro'i skye gnas nas shi 'phos te/ mi'i nang
du skyes kyang dud 'gro'i skye gnas
kyi spyod pa de dag nyid spyod par 'gyur te/ des spyod pa de dag
gis bdag ni dud 'gro'i gnas nas shi 'phos nas mi'i nang du skyes
so zhes bdag nyid kyis shes par bya zhing/ des dud 'gro'i skye
gnas kyi las de dag las yang dag par 'da' bar bya ba'i phyir dge
ba'i bshes gnyen btsal
bar bya ste/ de la dge ba'i bshes gnyen de dag gti mug spang
ba'i phyir rten cing 'brel par 'byung ba ston to/ /des kyang
de'i gti mug gi bag la nyal spong bar 'gyur ro/ /yang shes rab
kyi pha rol tu phyin pa dus gsum mnyam pa nyid ston te/ des de
gti mug de ni rang bzhin med pa'o zhes bya
bar shes pa skye bar 'gyur ro/ /yang na de la chos thams cad
mnyam pa nyid ston te/ des de shes rab kyi pha rol tu phyin pa
yongs su rdzogs shing thams cad mkhyen pa nyid thob par 'gyur
ro/ /kun tu rgyu dag de la gshin rje'i 'jig rten nas shi 'phos
pa'i gang zag gis ni sngon mir
gyur pa'i tshe ser sna la kun tu bsten cid bsgoms te mang du byas
pas des der ser sna dang ldan pa chags pa las byung ba'i las
mngon par 'du byas pas de las byas pa dang/ bsags pa dang/ zin
par byas pa dang/ rdzogs par byas pa dang/ blangs pa des gshin
rje'i 'jig
rten du skyes te/ de gshin rje'i 'jig rten na gnas pa des gshin
rje'i 'jig rten pa'i spyod pa can du gyur pas de gshin rje'i
'jig rten nas shi 'phos te mi'i nang du skyes kyang gshin rje'i
'jig rten pa'i spyod pa de dag nyid spyod par 'gyur te/ des
spyod pa de dag gis bdag ni gshin rje'i
@123b 'jig rten nas shi 'phos pa'o zhes bya bar bdag nyid kyis
shes par bya zhing/ des spyod pa de dag las yang dag par 'da'
bar bya ba'i phyir dge ba'i bshes gnyen btsal bar bya ste/ de
las dge ba'i bshes gnyen de dag ser sna spang ba'i phyir gtong
ba ston to/ /des kyang de'i ser sna'i
bag la nyal spong bar 'gyur ro/ /yang na de la gtong ba dang
ldan pa'i byang chub kyi phyogs kyi chos rnams ston/ sbyin pa'i
pha rol tu phyin pa ston te/ de bsgoms pas pha rol tu phyin pa
drug yongs su rdzogs par 'gyur ro/ /kun tu rgyu dag de la lha ma
yin las shi 'phos pa'i gang zag gis
sngon mir gyur pa'i tshe dge ba'i rtsa ba rgya chen po dag kyang
mngon par 'du byas la nga rgyal la yang yongs su bsten pas de
nga rgyal dang ldan pa'i las byas pa dang/ bsags pa dang/ zin
par byas pa dang/ rdzogs par byas pa dang/ blangs pa des lha ma
yin du skyes te/ lha ma yin gyi nang na
gnas pa des lha ma yin gyi spyod pa can du gyur pas de lha ma
yin nas shi 'phos te mi'i nang du skyes kyang lha ma yin gyi
spyod pa de dag nyid spyod par 'gyur te/ des spyod pa de dag gis
bdag ni lha ma yin las shi 'phos pa'o zhes bya bar bdag nyid
kyis shes par bya zhing/ des spyod pa de dag
las yang dag par 'da' bar bya ba'i phyir dge ba'i bshes gnyen
btsal bar bya ste/ de la dge ba'i bshes gnyen de dag nga rgyal
spang ba dang/ nga'o snyam pa'i nga rgyal gzhom pa'i phyir skye
mched rnams ston to/ /des kyang de'i nga rgyal spong bar 'gyur
ro/ /yang na de la stong pa nyid
ston te/ des de'i nga rgyal gyi bag la nyal spong ba dang/ bdag
rnam par 'jig par 'gyur ro/ /yang na ji ltar bya ba 'byung ba
rnams tshogs pa las byung ba'i tshul ston te/ des de'i nga rgyal
gyi bag la nyal spong bar 'gyur ro/ /yang na de la chos rnams
kyi
mtshan nyid gcig pa ston te/ des de'i shes rab kyi pha rol tu
phyin pa yongs su rdzogs par 'gyur zhing de bsgoms pas thams cad
mkhyen pa nyid du 'grub par 'gyur ro/ /kun tu rgyu dag de la mi
las shi 'phos pa'i gang zag gis ni sngon mir gyur pa'i tshe yang
dge ba bcu'i las kyi lam
@124a */ /la kun tu bsten cing bsgoms te mang du byas pas de las
de byas pa dang/ bsags pa dang/ zin par byas pa dang/ rdzogs par
byas pa dang/ blangs pas mir skyes te/ de mi'i nang na gnas pa
des mi'i spyod pa can du gyur pas de mi'i nang nas shi 'phos te
mi'i nang du skyes kyang mi'i spyod pa
de dag nyid spyod par 'gyur te/ de spyod pa de dag gis bdag ni
mi'i nang nas shi 'phos pa'o zhes bya bar bdag nyid kyis shes
par bya zhing des mi'i spyod pa de dag las yang dag par 'da' bar
bya ba'i phyir dge ba'i bshes gnyen btsal bar bya ste/ de la dge
ba'i bshes gnyen de dag mi rtag
pa'i 'du shes ston to/ /des kyang de'i spyod pa bag la nyal dang
bcas par spong bar 'gyur ro/ /yang na de la 'khor ba'i mi
bsngags pa dang/ mya ngan las 'das pa'i bsngags pa ston te/ des
de 'khor ba la mi dga' zhing mya ngan las 'das pa don du gnyer
bar 'gyur ro/ /yang na de
la pha rol tu phyin pa drug ston te/ de thos pas bla na med pa
yang dag par rdzogs pa'i byang chub tu sems bskyed par 'gyur ro/
/de la thabs mkhas pa yang ston to/ /des de'i pha rol tu phyin
pa drug po de dag shin tu bzung ba dang/ thams cad mkhyen pa
nyid kyang myur du thob par 'gyur
ro; /kun tu rgyu dag de la mtho ris nas shi 'phos pa'i gang zag
gis ni sngon mir gyur pa'i tshe tshangs par spyod pa mchog tu
bzung ste spyad pa dang/ sbyin pa mchog tu bzung ste byin pa
dang/ tshul khrims mchog tu bzung ste bsrungs pas de las de byas
pa dang/ bsags pa dang/ zin par
byas pa dang/ rdzogs par byas pa dang/ blangs pas lha'i nang du
skyes te/ de lha'i nang na gnas pa de lha'i spyod pa can du gyur
pas de lha las shi 'phos te/ mi'i nang du skyes kyang lha'i
spyod pa de dag nyid spyod par 'gyur te/ des spyod pa de dag gis
bdag ni lha'i nang nas shi 'phos pa'o
zhes bdag nyid kyis shes par bya zhing des spyod pa de dag las
yang dag par 'da' bar bya ba'i phyir dge ba'i bshes gnyen btsal
bar bya ste/ de la dge ba'i bshes gnyen de dag tshangs par spyod
pa mchog tu 'dzin pa'i nyes pa ston cing mi gnas pa'i tshangs par
spyod pa'i yon tan brjod
@124b do; /mchog tu 'dzin pa'i sbyin pa smod cing mchog tu 'dzin
pa med pa'i sbyin pa bsngags par 'gyur ro/ /mchog tu 'dzin pa'i
tshul khrims la dmod cing mchog tu 'dzin pa med pa'i tshul khrims
bsngags par 'gyur ro/ /des de'i tshul khrims dang brtul zhugs
mchog tu 'dzin pa bag la
nyal dang bcas par spong bar 'gyur ro/ /yang na de la tshul
khrims kyi pha rol tu phyin pa ston te/ de bsgoms pas pha rol tu
phyin pa drug yongs su rdzogs par 'gyur ro/ /de la thabs la
mkhas pa yang ston to/ /de dang ldan pas myur du thams cad
mkhyen pa nyid du nges par 'byung
bar 'gyur ro/ /kun tu rgyu dag de la sems can dmyal ba nas shi
'phos pa'i gang zag gis ni dge ba'i bshes gnyen la brten te/ dus
gsum mnyam pa nyid mnyan par bya'o/ /thos nas kyang shas cher
gnas par bya ste/ grong dang/ grong khyer dang/ grong rdal dang/
ljongs
dang/ yul 'khor dang/ rgyal po'i pho brang 'khor dag na dge
slong dang/ dge slong ma dang/ dge bsnyen dang/ dge bsnyen ma
dang/ 'khor bzhi po mad po yod pa dag tu gnas par bya zhing de
dag dang 'grogs par bya'o/ /des 'gro ba byas te goms pa'i rjes
su 'gro bas chos
thams cad ni dngos po med pa'i ngo bo nyid do zhes dus gsum
mnyam pa nyid mngon du 'gyur ro/ /kun tu rgyu dag de la dud
'gro'i skye gnas nas shi 'phos pa'i gang zag gis ni dge ba'i
bshes gnyen la brten te/ gti mug gi gnyen por bstan bcos la
mkhas pa'i skye bo dang lhan cig
dga' bar gnas par bya'o/ /des de'i gti mug spong bar 'gyur te/
des bstan bcos de dang bstan bcos shes pa de dag rang bzhin gyis
yang dag par brtag par bya'o/ /de'i phyir de la bstan bcos dang
bstan bcos shes pa rnams kyang rang bzhin med do/ /rang bzhin
med
do zhes bya bar snang bar gyur te/ des de la dus gsum mnyam pa
nyid mngon du 'gyur zhing myur du thams cad mkhyen pa nyid du
nges par 'byung bar 'gyur ro/ /kun tu rgyu dag de la gshin rje'i
'jig rten nas shi 'phos pa'i gang zag gis ni gang la rten na
de'i sbyin pa'i blo skye bar 'gyur ba dang
@125a */ /gang gis de la dus gsum mnyam pa nyid dang/ gang 'di
mtshan nyid med par mtshan nyid gcig pa mngon du 'gyur ba dang/ de
bsgoms pas myur du thams cad mkhyen pa nyid du nges par 'byung
bar 'gyur ba'i dge ba'i bshes gnyen la bsten par bya/ yon tan la
bsten par bya'o// //
bam po bcu gnyis pa/ kun tu rgyu dag de la lha ma yin las shi
'phos pa'i gang zag gis ni dge ba'i bshes gnyen la bsten te/
nyon mongs pa'i bdud dang 'thab par bya'o/ /'di lta ste/ nga
rgyal zhes bya ba'i chos de ni gang zhig /de ni ci zhig gis
yongs su bzung/ de ni su la
kun nas langs/ su zhig de spong bar byed ces yang dag par btsal
na nga rgyal de mi dmigs so/ /gang gis de yongs su bzung ba
dang/ gang la de kun nas langs pa dang/ gang de spang ba'i phyir
rtsol ba de yang mi dmigs te/ de ni yang dag pa ma yin par yongs
su bzung bas bdag
dang 'jig rten bslus par yang dag par rjes su mthong ngo/ /des
chos thams cad rang bzhin med par yang dag par rjes su mthong
zhing chos gang la rang bzhin med pa de ni dngos po med pa'o
zhes bya bar rab tu shes so/ /dngos po med pas yongs su ma grub
bo zhes bya bar rab tu shes so/ /yongs su ma grub
pas mi skye ba ste/ gang mi skye ba de ni mi 'gag go /gang mi
skye mi 'gag pa de ni gdags su med pa'o zhes bya bar rab tu shes
so/ /gad gdags su med pa de ni 'das pa yang ma yin/ ma 'ongs pa
yang ma yin/ da ltar byung ba yang ma yin no/ /gang dus gsum du
mi dmigs
pa de ni thob pa yang ma yin/ chud zos pa yad ma yin no zhes bya
bar rab tu shes so/ /kun tu rgyu dag de ltar na de ni chos thams
cad kyi chos nyid do/ /chos nyid gang gi chos thams cad de bzhin
nyid ma nor ba de bzhin nyid/ gzhan ma yin pa de bzhin nyid de/
de bzhin
gshegs pa yang de bzhin nyid/ ma nor ba de bzhin nyid/ gzhan ma
yin pa de bzhin nyid pas de'i phyir chos thams cad ni de bzhin
gshegs pa'o/ /kun tu rgyu dag ngas ni sngon chad dang da ltar
yang 'jig rten btags pa ni nga rgyal gyi rang bzhin no zhes
bshad do/ /nga rgyal gyis
@125b ni mi las shi 'phos pa gdags par 'gyur ro/ /nga rgyal gyis
ni mtho ris nas shi 'phos pa gdags par 'gyur ro/ /nga rgyal gyis
ni sems can dmyal ba'i bar du shi 'phos pa gdags par 'gyur ro/
/nga rgyal med na gdags pa med do/ /kun tu rgyu dag de ni nga
rgyal med pa'i ye shes
shes bya'o/ /de yang thabs mkhas pa dang ldan zhing shes rab kyi
pha rol tu phyin pa dang/ dge ba'i bshes gnyen gyis yongs su zin
pas shes par nus so/ /de nas kun tu rgyu drug khri po de dag gis
bstan pa 'di thos nas mi skye ba'i chos la bzod pa thob par gyur
te/ de dag
mi skye ba'i chos la bzod pa thob nas stan las langs te/ bcom
ldan 'das kyi zhabs la mgo bos phyag 'tshal nas phyogs gcig tu
'khod do phyogs gcig tu 'khod nas kyang de'i tshe bcom ldan 'das
la tshigs su bcad pa dag gis mngon par bstod pa/ mgon po ye shes
stobs kyis yang dag 'phags/ /'gro ba kun la gzhan gyi dring mi
'jog /'gro ba kun na spyod pa rnam gzigs te/ /lag pa'i mthil du
skyu ru ra bzhag bzhin/ /'jig rten lta ba'i rnam pas kun tu
dkrugs/ /sprin stug dag gis nam mkha' yog pa bzhin/ /de dag gis
ni
byis pa rmongs nas spyod/ /long ba'i tshogs rnams rab tu lam stor
bzhin/ /'jig rten rtag dang 'jig rten mi rtag dang/ /rtag kyang
rtag la mi rtag kha cig mchi/ /rtag pa ma yin mi rtag min zhes
te/ /glang po'i dbang po khyim du btags ltar brlag /'jig rten
mtha' yod
'jig rten mtha' med dang/ /mtha' yang yod la mtha' med kha cig
mchi/ /mtha' yod ma yin mtha' med min zhes te/ /dper na bya ni
gzeb tu bcug pa bzhin/ /la la dag ni lus 'di bdag ces mchi/ /la
la dag ni lus 'di gzhan zhes mchi/ /rtog pas yongs su
dkris nas nyal bgyid de/ /bya ni bya rgyar chud nas thogs pa
bzhin/ /la la dag ni dbang phyug sprul ces mchi/ /la la rgyu med
byung zhes 'dogs par bgyid/ /lta ba'i rnam pa dag gis kun nas
dkris/ /mkha' la gnas pa'i zla ltar rgyal bas gzigs/ /ji
@126a */ /ltar gzeb tu bcug pa'i bya rmongs pa/ /bu ga bu gar
thar par re ba ltar/ /mi mkhas lta ba'i rnam pas btags par gyur/
/thar pa mi 'thob rkang gnyis btags pa bzhin/ /tshangs dang skye
dgu'i bdag dang skem byed dang/ /gzhan yang 'khor lo 'dzin dang
rnam thos bu/ /phyogs dang rgya mtsho kun la phyag 'tshal te/
/rgyal pos mtshan mo rkun po bzung ba bzhin/ /dbul po bu lon
chags pa bu lon pas/ /bzung na gnyar sbron gsol ba 'debs pa
bzhin/ /lta ba'i rnam par gnas pa'i byis pa rnams/ /dbang phyug
las ni bde
ba tshol bgyid de/ /rkun po'i tshogs rnams btson rar stsal ba
bzhin/ /'gro ba rnams su sdug bsngal brgya myong ba/ /de dag de
bzhin gshegs pa khyod kyis gzigs/ /phyag gi mthil na sor mo lnga
dang mtshungs/ /de la mi dbang thugs rje bskyed nas ni/ /'gro ba
mkhyen pa 'gro
bar spyod mdzad de/ /blo mchog tshe rabs 'gro ba bkrol ba ni/
/dper na rgyal pos btson rnams bkye ba bzhin/ /'jig rten sman
slad bskal pa bsam yas su/ /dka' ba mdzad nas byang chub mchog
brnyes te/ /lta ba'i rnam par sems can 'khyams mkhyen nas/ /de
dag
bcings las khyod kyis grol bar mdzad/ /bde gshegs mi yi seng ge
rkang gnyis gtso/ /chos tshogs gang la mnga' dbang khyod mdzad
pa/ /lta ba'i rnam pa sgyu 'drar rmongs mi mnga'/ /bde gshegs
khyod ni de 'drar bdag cag 'tshal/ /stobs rnams gang gis rgyal ba
stobs
brnyes shing/ /mi 'jigs gang gis sdo ba'i dgra bsal te/ /'khor
gyi nang du seng ge'i sgra sgrogs pa/ /khyu mchog de ni bdag cag
thob par shog /gang gis rgyal ba 'jig rten gsum bskyod dang/
/gang gis mtha' yas 'od ni 'gyed pa dang/ /gang gis mi mchog
sems can
lung ston pa/ /de ring yud kyis bdag cag de thob shog /de nas
de'i tshe bcom ldan 'das kyis kun tu rgyu de dag gi lhag pa'i
bsam pa thugs su chud nas de'i tshe 'dzum pa mdzad do/ /de nas
tshe dang ldan pa rta thul gyis/ bcom ldan 'das la tshigs su bcad
de gsol pa/ 'jig
@126b rten phan bzhed 'dzum pa gang mdzad pa/ /mu stegs tshogs
'di shin tu 'phags gyur tam/ /mi mchog rang byung ci slad 'dzum
mdzad pa/ /'dzum rgyu de ni khyod kyis bka' stsal gsol/ /bde bar
gshegs pas 'dzum pa mdzad mthong nas/ /'jig rten phan bzhed 'gro
'di the tshom 'tshal/
zla ba nyal 'gro ba lta ba bzhin/ /lta zhing mchis na rgyal ba
'dzum rgyu gsungs/ /su zhig rgyal la mchod pa dam pa bgyis/
/gang gis de ring yab ni mnyes par bgyis/ /rgyal ba'i yon tan de
ring gang gis mthong/ /mkhas pa myur du legs par bka' stsal
gsol/ /mu stegs
can rnams lung bstan de thos nas/ /'jig rten thams cad rab tu
dga' bar 'gyur/ /'di ltar 'di dag bde bar gshegs pas btul/ /des
na 'gro ba kun gyi rnam 'dren lags/ /rgyal bas the tshom legs par
bsal du gsol/ /som nyi 'tshal ba'i som nyi dgum du
gsol/ /des ni 'khor rnams 'di dag yi rangs shing/ /sangs rgyas
khyod kyi dgongs la dad par mchi/ /de nas bcom ldan 'das kyis
tshe dang ldan pa rta thul la tshigs su bcad de slar bka' stsal
pa/ rta thul khyod kyis dus 'di shes gyur nas/ /rgyal ba dgra
las rgyal la dris
pa legs/ /'dren pa rang byung nyid la de dris pas/ /'jig rten
phan pa'i tshig kyang brjod par gyur/ /'dzum pa 'di ni ji ltar
ngas mdzad pa/ /'dzum rgyu ngas deng khyod la bstan par byas/
/yang dag ji bzhin nga yis bstan pa la/ /dga' ba'i yid du byos
te deng nyon cig /mu stegs tshogs
'di rab tu dul gyur te/ /lta ba'i rnam spangs lta ba bzang por
'gyur/ /lta ba'i rnam par 'jig rten 'khyams mthong nas/ /snying
rje can gyur byang chub rab tu zhugs/ /lta ba'i rnam pa dag ni
rab spangs te/ /lta ba drang po rnyog med rtogs gyur cing/ /nga
yis lung bstan thogs med
thos gyur nas/ /de dag kun gyis thams cad mkhyen sems bskyed/
/sngon gyi rgyal ba dag la dad bskyed de/ /thugs rje ldan pa
rkang gnyis dam pa po/ /rgyal ba bye ba nyi shur tshang ba la/
/bla med byang chub tshol zhing bsnyen bkur byas/ /rgyal ba rnams
la sbyin pa mi nyung phul/ /khrims dang
@127a */ /zhi ba'i ting 'dzin rnam par sbyangs/ /shes rab brtson
'grus stobs kyang 'bar bar byas/ /thugs rje ldan rnams drung du
bzod pa sten/ /byang chub dam pa btsal nas yun ring du/ /pha rol
phyin pa drug la blo yang zhugs/ /rgyal ba dgra las rgyal la zhu
ba
zhus/ /sangs rgyas brgya 'grangs dag la yid dga' byas/ /de dag
sdig pa'i grogs kyi dbang gis ni/ /lta ba'i rnam pa sdug la gnas
gyur pa/ /de dag bde gshegs rang byung mthong gyur nas/ /chags
pa med pas lta ba'i rnam pa spangs/ /ston pa'i dgongs pa yang
dag rnam
par rtogs/ /ston pa'i dgongs pa rnams la dad pa gnas/ /ma 'ongs
dus na byang chub tshol byed cing/ /rgyal ba bye ba bsnyen bkur
byed par 'gyur/ /ma 'ongs bskal pa skar ma 'dra ba la/ /rgyal ba
nga rgyal bcom par mtshan 'thun par/ /grags pa chen por phyogs su
rnam par
grags/ /'jig rten mkhas pa 'gro ba 'grel par 'gyur/ /de dag
sangs rgyas zhing yang dag 'gyur te/ /de dag bkod pa sna tshogs
mtshungs pa med/ /sangs rgyas zhing der sdig pa'i blo can med/
/blo gros dag par 'thun pa sha stag gnas/ /de ni ngan song thams
cad rnam par sbyangs/ /
mi khom bsal te dus de'i tha ma la/ /rgyal ba de dag sku tshe'i
stobs ldan te/ /lo ni stong phrag brgyad cu thub par 'gyur/ /mi
de dag gis byang chub 'di thos nas/ /de tshe mi mnyes par ni byed
mi 'gyur/ /chags med blo mnga' rnams kyi mtshan thos na/ /bud med
rnams kyang skyes
pa'i lus thob 'gyur/ /de ltar nga bcom rgyal ba drang srong che/
/ston pas mu stegs lung bstan bka' stsal pa/ /de thos gyur nas
lhar bcas 'jig rten rnams/ /yi rangs gyur cing stobs kyang skyes
par gyur/ /mu stegs can lung bstan pa'i le'u ste nyi shu lnga
pa'o// //
de nas rgyal po zas gtsang ma 'khor dang bcas pas lha ma yin
rnams dang/ nam mkha' lding rnams nas kun tu rgyu rnams kyi bar
gyi lung bstan pa thos nas 'di snyam du sems par gyur te/ 'di
ltar bcom ldan 'das kyis legs par gsungs pas 'gro ba thams cad
tshim par byas pa ni
@127b ngo mtshar to snyam nas de yang bu la chags pas kun tu
dkris par gyur to/ /de nas bcom ldan 'das kyis rgyal po zas
gtsang ma'i sems thugs su chud nas rgyal po zas gtsang ma la
bka' stsal pa/ rgyal po chen po khyod la tshangs par spyod pa/
thog mar dge ba/ bar du dge ba/ tha mar
dge ba/ don bzang po/ /tshig 'bru bzang po/ /ma 'dres pa/ yongs
su rdzogs pa/ yongs su dag pa/ yongs su byang ba'i chos 'di lta
ste/ khams drug rnam par dbye ba zhes bya ba'i chos kyi rnam
grangs bshad kyis de legs par rab tu nyon la yid la zud shig
dang ngas bshad
do; /bcom ldan 'das legs so zhes gsol nas/ rgyal po zas gtsang
ma bcom ldan 'das kyi ltar nyan pa dang/ de la bcom ldan 'das
kyis 'di skad ces bka' stsal to/ /rgyal po chen po khams drug
rnam par dbye ba zhes bya ba'i chos kyi rnam grangs de gang zhe
na/ [127b.3]
rgyal
po chen po skyes bu gang zag 'di ni khams drug pa/ reg pa'i skye
mched drug pa/ yid kyi nye bar spyod pa bco brgyad pa ste skyes
bu 'di ni khams drug pa zhes gang smras pa de ci las brten te
smras she na/ rgyal po chen po khams drug ni 'di dag go/ drug
gang zhe na/ 'di lta ste/ sa'i
khams dang/ chu'i khams dang/ me'i khams dang/ rlung gi khams
dang/ nam mkha'i khams dang/ rnam par shes pa'i khams so/ /rgyal
po chen po de dag ni khams drug ste/ skyes bu 'di ni khams drug
pa'o zhes gang ngas smras pa de ni de la brten te smras so/
/skyes bu 'di ni
reg pa'i skye mched drug pa'o zhes gang smras pa de ci las brten
te smras she na/ rgyal po chen po reg pa'i skye mched drug ni
'di dag ste/ drug gang zhe na/ gzugs rnams la lta ba'i phyir mig
reg pa'i skye mched dang/ sgra rnams la nyan pa'i phyir rna ba
reg pa'i skye mched dang/ dri rnams la
mnom pa'i phyir sna reg pa'i skye mched dang/ ro rnams la myang
ba'i phyir lce reg pa'i skye mched dang/ reg bya rnams la reg
pa'i phyir lus reg pa'i skye mched dang/ chos rnams rnam par
shes pa'i phyir yid reg pa'i skye mched do/ /rgyal po chen po de
dag ni reg pa'i skye mched drug ste/
@128a */ /skyes bu 'di ni reg pa'i skye mched drug pa'o zhes
gang ngas smras pa de ni de la brten te smras so/ /rgyal po chen
po skyes bu 'di ni yid kyi nye bar spyod pa bco brgyad pa'o zhes
gang smras pa de ci las brten te smras she na/ rgyal po chen po
yid kyi nye bar spyod pa bco brgyad ni
'di dag ste/ bco brgyad gang zhe na/ 'di la mis mig gis gzugs
mthong na yid bde ba dang/ yid mi bde ba dang/ btang snyoms su
'gyur bar gzugs la nye bar spyod do/ /rna bas sgra thos na yid
bde ba dang/ yid mi bde ba dang/ btang snyoms su 'gyur bar sgra
la nye bar
spyod do/ /snas dri tshor na yid bde ba dang/ yid mi bde ba dang/
btang snyoms su 'gyur bar dri la nye bar spyod do/ /lces ro
myong na yid bde ba dang/ yid mi bde ba dang/ btang snyoms su
'gyur bar ro la nye bar spyod do/ /lus kyis reg bya la reg na
yid bde ba dang/ yid
mi bde ba dang/ btang snyoms su 'gyur bar reg bya la nye bar
spyod do/ /yid kyis chos rig na yid bde ba dang/ yid mi bde ba
dang/ btang snyoms su 'gyur bar chos la nye bar spyod do/ /rgyal
po chen po de la gang dag yid bde bar nye bar spyod pa drug
dang/ gang dag yid mi bde
bar nye bar spyod pa drug dang/ gang dag btang snyoms su 'gyur
bar nye bar spyod pa drug po de dag gcig tu bsdus na yid kyi nye
bar spyod pa bco brgyad du 'gyur ro/ /rgyal po chen po bco
brgyad po de dag ni yid kyi nye bar spyod pa ste/ rgyal po chen
po skyes bu 'di ni yid kyi nye bar spyod
pa bco brgyad pa'o zhes gang ngas smras pa de ni de la brten te
smras so/ /rgyal bo chen po de la sa'i khams ni rnam ba gnyis te
nang gi yang yod/ /phyi rol gyi yang yod do/ /rgyal po chen po
nang gi sa'i khams gang zhe na/ gang ci yang rung ste/ lus 'di
la nang gi khong na sra ba dang/
mkhrang ba'i rnam pa dang/ nye bar gyur pa dang zin pa'o/ /de
yang gang zhe na/ 'di lta ste skra dang/ spu dang/ sen mo dang/
so dang/ rngul dang/ dri ma dang/ pags pa dang/ sha dang/ rtsa
dang/ chu rgyus dang/ rus pa dang/ rkang dang/ snying dang/
mchin pa dang/
@128b glo ba dang/ mkhal ma dang/ sul mngas dang/ mchin dri
dang/ rgyu ma dang/ gnye ma dang/ lgang pa dang/ mcher pa dang/
phyis dang/ gzhang dang/ klad pa dang/ klad rgyas dang/ gzhan
gang yang lus 'di la nang gi khong nas sra ba dang/ mkhrang ba'i
rnam pa dang/ lus su
gtogs par gyur pa dang/ zin pa 'di ni nang gi sa'i khams zhes
bya'o/ /rgyal po chen po phyi rol gyi sa'i khams gang zhe na/
gang ci yang rung ste/ phyi rol gyi sra ba dang/ mkhrang ba'i
rnam pa dang/ lus su ma gtogs pa dang/ ma zin pa 'di ni phyi rol
gyi sa'i khams shes bya'o/ /
rgyal po chen po de la nang gi sa'i khams 'byung ba'i tshe gang
nas kyang mi 'ong/ 'gag pa'i tshe yang gang du yang sogs bar mi
'gro'o/ /rgyal po chen po bud med nang du bdag ni bud med do
zhes rtog cing de nang du bud med ces brtags nas/ phyi rol du
skyes pa la skyes pa'o zhes rtog go/
de phyi rol du skyes pa la skyes pa zhes brtags nas chags par
gyur te/ phyi rol gyi skyes pa dang phrad par 'dod do/ /skyes pa
de yang nang du bdag skyes pa zhes rtog ste/ nang du bdag ni
skyes pa zhes brtags nas phyi rol du bud med la bud med ces rtog
go /phyi rol du bud med la bud
med ces brtags nas chags par 'gyur te/ phyi rol gyi bud med dang
phrad par 'dod do/ /phrad par 'dod pas phrad par 'gyur ro/
/phrad pa'i rkyen gyis mer mer po skye bar 'gyur ba'i dus de yod
do/ /rgyal po chen po gang la kun tu brtag pa dang/ gang kun tu
rtog pa de gnyi ga yang med
de/ /bud med la ni bud med med do/ /skyes pa la ni skyes pa med
do/ /de ltar med cing yang dag pa ma yin par kun tu rtog pa
skyes te/ kun tu rtog pa de yang ngo bo nyid kyis med do/ /kun
tu rtog pa ji lta ba de bzhin du phrad pa dang/ mer mer po yang
ngo bo nyid kyis med do/ /
gang ngo bo nyed med pa de ji ltar sra ba skyed par 'gyur/ rgyal
po chen po de ltar kun tu rtog pa shes par byas nas sra ba nyid
rtogs par bya ste/ ci nas sra ba ni skye ba'i tshe gang nas kyang
mi 'ong bar shes par bya'o/ /rgyal po chen po 'di ltar gang lus
'di dur khrod kyi mthar 'gyur ba'i dus
@129a */ /de yod de/ de'i sra ba de 'jig cing 'gag par 'gyur
ba'i tshe shar phyogs su mi 'gro/ /lho phyogs dang/ nub phyogs
dang/ byang phyogs dang/ steng dang/ 'og dang/ phyogs mtshams
rnams su yang mi 'gro ste/ rgyal po chen po nang gi sa'i khams
ni de ltar blta'o/ /
rgyal po chen po 'jig rten gnas pa 'di nam mkhar gyur pa la
tshangs pa'i gzhal med khang rin po che sna bdun gyi rgyu las
grub pa gnas pa'i dus de yod de/ rgyal po chen po de'i sra ba de
'byung ba'i tshe gang nas kyang mi 'ong/ gzhan 'phrul dbang byed
kyi lha rnams kyi gzhal med khang rin po che sna bdun gyi
rgyu las grub pa byung yang/ rgyal po chen po de'i sra ba de
'byung ba'i tshe gang nas kyang mi 'ong ngo/ /khor yug dang khor
yug chen po'i ri rdo rje'i rgyu las grub pa sra zhing brtan la
lhun stug pa rnams gnas par gyur kyang de dag gi sra ba de
'byung ba'i tshe gang nas kyang mi 'ong ngo/ /ri'i rgyal po
ri rab dag dang/ gnya' shing 'dzin dag dang/ mu khyud 'dzin dag
dang/ gshol mda' 'dzin dag dang/ rdo rje 'dzin dag dang/ seng
ldeng can dag dang/ rnam par 'dud dag dang/ ri rta rna dag dang/
blta na sdug dag dang/ blta na sdug chen po dag dang/ ther sgre
dag dang/ spos
kyi ngad ldang dag dang/ gangs ri dag dang/ de ma yin pa'i ri
nag po dag gnas pa dang/ thams cad dang ldan pa'i stong gsum gyi
stong chen po'i 'jig rten gyi khams gnas pa dang/ rngams su dpag
tshad brgyad khri bzhi stong yod la/ rgyar dpag tshad drug khri
yod pa'i sa chen po
gnas par gyur kyang/ rgyal po chen po sra ba de 'byung ba'i tshe
gang nas kyang mi 'ong ngo/ /rgyal po chen po 'jig rten 'di 'jig
par 'gyur ba'i tshe sa chen po 'di mes tshig pa'am/ chus bshig pa
'am/ rlung gis gtor bar 'gyur ba'i dus de yod de/ de mes tshig na
ni du
ba yang mi mngon/ thal ba'i lhag ma yang mi mngon par 'gyur ro/
/'di lta ste/ dper na nam mkha' la mar ram/ 'bru mar gyi mes
bsregs na du ba yang mi mngon zhing thal ba'i lhag ma yang mi
mngon par 'gyur ro/ /de bzhin du stong gsum gyi stong chen po'i
'jig rten gyi
@129b khams 'di mes tshig pa'i tshe du ba yang mi mngon zhing thal
ba'i lhag ma yang mi mngon par 'gyur ro/ /chus bshig pa'i tshe
yang lhag ma ci yang mi mngon par 'gyur te/ 'di lta ste/ dper na
lan tshva chu'i nang du zhu ba ni lhag ma cung zad kyang mi
mngon par 'gyur ro/ /de bzhin du
stong gsum gyi stong chen po'i 'jig rten gyi khams 'di yang chus
bshig pa'i tshe lhag ma cung zad kyang mi mngon par 'gyur ro/
/rlung gis gtor ba'i tshe yang lhag ma cung zad kyang mi mngon
par 'gyur te/ 'di lta ste/ dper na rnam par 'thor rlung gis bdas
pa'i bye'u ni lhag ma
cung zad kyang mi mngon par 'gyur ro/ /de bzhin du stong gsum
gyi stong chen po'i 'jig rten gyi khams 'di yang rlung gis gtor
ba'i tshe lhag ma cung zad kyang mi mngon par 'gyur ro/ /rgyal po
chen po de ltar sa'i khams de 'byung ba yang stong/ sa'i khams
'jig pa dang 'byung ba
yang ngo bo nyid kyis stong ngo/ /rgyal po chen po sa'i khams ni
tha snyad tsam ma gtogs par sa'i khams nyid du mi dmigs te/ tha
snyad de yang bud med ma yin/ skyes pa ma yin gyi/ rgyal po chen
po de ltar de yang dag pa ji lta ba bzhin gyi shes rab kyis
rtogs shig /rgyal po
chen po de la chu'i khams ni rnam pa gnyis te/ nang gi dang/
phyi rol gyi'o/ /nang gi chu'i khams gang zhe na/ gang ci yang
rung ste/ lus 'di la nang gi khong na chu dang/ chu'i rnam pa
dang/ chu nyid dang/ brlan pa dang/ brlan pa'i rnam pa dang/
brlan pa nyid dang/ gsher ba
nyid dang/ lus su gtogs pa dang/ zin pa'o/ /de yang gang zhe na/
'di lta ste/ mchi ma dang/ rngul dang/ mchil ma dang/ snabs
dang/ chu ser dang/ tshil dang/ mkhris pa dang/ ngar snabs dang/
rnag dang/ khrag dang/ 'o ma dang/ gcin dang/ gzhan
yang gang lus 'di la nang gi khong na chu dang/ chu'i rnam pa
dang/ chu nyid dang/ brlan pa dang/ brlan pa'i rnam pa dang/
brlan pa nyid dang/ gsher ba nyid dang/ lus su gtogs pa dang/
zin pa 'di ni nang gi chu'i khams zhes bya'o/ /phyi rol gyi
chu'i khams
@130a */ /gang zhe na/ gang phyi rol gyi chu dang/ chu'i rnam pa
dang/ chu nyid dang/ brlan pa dang/ brlan pa'i rnam pa dang/
brlan pa nyid dang/ gsher ba nyid dang/ lus su ma gtogs pa dang/
ma zin pa 'di ni phyi rol gyi chu'i khams zhes bya'o/ /rgyal po
chen po nga la nang gi chu'i khams 'byung ba'i tshe gang nas
kyang mi 'ong ngo/ /rgyal po chen po sdug pa mthong na mchi ma
'byung ba dang/ sdug bsngal gyis nyen pa dang/ chos kyi shugs
kyis mchi ma 'byung ba dang/ rlung gis btab bam/ rnam pa gzhan
dag gis kyang mchi ma 'byung ste/
dpyad byas pas kyang nang gi chu'i khams de 'phel bar 'gyur ba'i
dus de yod de/ rgyal po chen po chu'i khams de 'byung ba'i tshe
gang nas kyang mi 'ong ngo/ /rgyal po chen po gang nang gi chu'i
khams yongs su skam par 'gyur ba'i dus de yod de/ de yongs su
skam zhing 'gag pa'i
tshe gang du yang mi 'gro'o/ /rgyal po chen po gang nang gi me'i
khams shas che bar gyur na des nang gi chu'i khams yongs su
gdung bar 'gyur ba'i dus de yod de/ gdungs pa'i tshe gang du yang
mi 'gro'o/ /rgyal po chen po de bzhin du nang gi chu'i khams
'byung ba'i tshe gang nas kyang
mi 'ong/ 'gag pa'i tshe gang du yang mi 'gro'o/ /rgyal po chen po
gang 'jig rten 'di 'chags par 'gyur ba'i dus de yod de/ 'jig
rten gyi khams 'di 'chags par 'gyur ba'i tshe nam mkha' 'di la
kun tu sprin shin tu stug po'i tshogs sum cu rtsa gnyis 'khrigs
par 'gyur te/
de dag 'khrigs pas thams cad dang ldan pa'i stong gsum gyi stong
chen po'i 'jig rten gyi khams 'di thams cad yog par 'gyur te/ de
la bskal pa bar ma lnga'i bar du gshol mda' tsam gyi char gyi
rgyun 'bab bo/ /bskal pa bar ma lnga'i bar du glang po che'i pho
mtshan tsam gyi char
'bab po/ /bskal pa bar ma lnga'i bar du rgyun mi 'chad pa'i char
'bab bo/ /bskal pa bar ma lnga'i bar du thigs pa chen po'i char
'bab bo/ /des sa chen po 'di nas tshangs pa'i 'jig rten gyi bar
du chus khyab par gang bar 'gyur te/ rgyal po chen po chu'i
phung po chen po de 'byung ba'i tshe 'ang
@130b gang nas kyang mi 'ong ngo/ /rgyal po chen po gang 'jig
rten 'di 'jig par 'gyur ba'i dus de yod de/ 'jig rten gyi khams
'di 'jig par 'gyur ba'i tshe nyi ma gnyis 'jig rten du 'byung bar
'gyur te/ nyi ma gnyis 'jig rten du byung bas chu mig dang/ chu
bran rnams skam par 'gyur ro/ /de nas nyi ma gsum 'jig rten du
'byung ste/ nyi ma gsum 'jig rten du byung bas chu mig chen po
dang/ chu klung chen po rnams skam par 'gyur ro/ /de nas nyi ma
bzhi 'jig rten du 'byung ste/ nyi ma bzhi 'jig rten du byung bas
gang na chu klung chen po bzhi po 'di dag 'bab pa'i mtsho chen po
ma dros pa de yang
yongs su skam par 'gyur/ thim par 'gyur te med par 'gyur ro/ /de
nas nyi ma lnga 'jig rten du 'byung ste/ nyi ma lnga 'jig rten
du byung bas rgya mtsho chen po yang dpag tshad gcig tsam gyi chu
yongs su zad cing yongs su 'grib par 'gyur ro/ /dpag tshad gnyis
dang/
gsum dang/ bzhi dang/ lnga dang/ bcu dang/ nyi shu dang/ sum cu
dang/ bzhi bcu dang/ dpag tshad lnga bcu tsam gyi chu yongs su
zad cing yongs su 'grib par 'gyur ro/ /dpag tshad brgya dang/
nyis brgya dang/ sum brgya dang/ bzhi brgya dang/ dpag tshad lnga
brgya dang/ dpag tshad stong dang/ nyis stong dang/ sum stong
dang/ dpag tshad bzhi stong tsam du rgya mtsho chen po las chu
yongs su zad cing yongs su 'grib par 'gyur ro/ /rgyal po chen po
rgya mtsho chen po la dpag tshad bzhi khri'i chu las par 'gyur ba
dang/ dpag
tshad sum khri dang/ nyi khri dang/ khri dang/ dgu stong dang/
brgyad stong dang/ bdun stong dang/ drug stong dang/ lnga stong
dang/ bzhi stong dang/ sum stong dang/ nyis stong dang/ stong gi
chu las par 'gyur ba dang/ dpag tshad dgu brgya'i chu las par
'gyur ba dang/ dpag
tshad brgyad brgya dang/ bdun brgya dang/ drug brgya dang/ lnga
brgya dang/ bzhi brgya dang/ sum brgya dang/ nyis brgya dang/
brgya'i chu las par 'gyur ba dang/ dpag tshad lnga bcu dang/ bzhi
bcu dang/ sum cu dang/ nyi shu dang/ bcu dang/ dgu dang/ brgyad
dang/
@131a */ /bdun dang/ drug dang/ lnga dang/ bzhi dang/ gsum dang/
gnyis dang/ dpag tshad gcig gi chu las par 'gyur ba dang/ shing
ta la bcu dang/ dgu dang/ brgyad dang/ bdun dang/ drug dang/
lnga dang/ bzhi dang/ gsum dang/ shing ta la
gnyis tsam gyi chu las par 'gyur ba dang/ mi 'greng bcu dang/
dgu dang/ brgyad dang/ bdun dang/ drug dang/ lnga dang/ bzhi
dang/ gsum dang/ mi 'gred gnyis tsam gyi chu las par 'gyur ba
dang/ lkog ma nub tsam dang/ mchan khung nub tsam dang/
lte ba nub tsam dang/ pus mo nub tsam gyi chu las par 'gyur ba
nas/ ba lang gi rmig rjes kyi chu tsam gyi bar du las par 'gyur
ba'i dus de yod do/ /rgyal po chen po gang rgya mtsho chen po las
zil pa phra ma phrum tsam las par 'gyur ba'i dus de yod do/ /'di
lta ste/ dper na
char pa'i thigs pa chen po bab nas chen po la thog mar zil pa
phram phrum tsam du 'gyur ro/ /rgyal po chen po de bzhin du rgya
mtsho chen po de yang zil pa phram phrum tsam las par 'gyur ba'i
dus de yod do/ /rgyal po chen po gang rgya mtsho chen po de mdzub
mo smyugs pa tsam gyi chu yang
ma las par 'gyur ba'i dus de yod do/ /rgyal po chen po de tsam
du chu'i khams de 'gag pa'i tshe yang gang du yang mi 'gro ste/
shar phyogs dang/ lho phyogs dang/ nub phyogs dang/ byang phyogs
dang/ steng dang/ 'og dang/ phyogs mtshams rnams su
yang mi 'gro'o/ /rgyal po chen po chu'i khams de ni skye ba yang
stong/ 'jig pa yang stong/ gnas pa'i tshe yang chu'i khams de
rang bzhin gyis stong ste/ rgyal po chen po chu'i khams de ni
tha snyad tsam ma gtogs par chu'i khams kyis stong zhing mi
dmigs te/ tha snyad de yang bud med ma yin/ skyes pa ma yin
no/ /de ltar yang dag pa ji lta ba bzhin du yang dag pa'i shes
rab kyis rtogs shig /rgyal po chen po de la me'i khams ni rnam
pa gnyis te/ nang gi dang/ phyi rol gyi'o/ /nang gi me'i khams
gang zhe na/ gang ci yang rung ste/ lus 'di la me dang/ me'i
rnam pa dang/ dro ba
@131b dang/ dro ba'i rnam pa dang/ lus su gtogs pa dang/ zin
pa'o/ /de yang gang zhe na/ gang gis lus 'di gdung ba dang/ kun
tu gdung ba dang/ yongs su gdung ba dang/ gang gis zos pa dang/
'thungs ba dang/ 'chos pa dang/ myangs pa rnams
bde zhing legs par zhu bar 'gyur ba dang/ gang gi shas che na
rims so rims so zhes bya ba'i grangs su 'gro ba dang/ gzhan yang
gang lus 'di la nang gi khong na me dang/ me'i rnam pa dang/ dro
ba dang/ dro ba'i rnam pa dang/ lus su gtogs pa dang/ zin pa
'di ni nang gi me'i khams zhes bya'o/ /phyi rol gyi me'i khams
gang zhe na/ gang phyi rol gyi me dang/ me'i rnam pa dang/ dro
ba dang/ dro ba'i rnam pa dang/ lus su ma gtogs pa dang/ ma zin
pa ste/ de ni mi dag gtsub shing dang ldan pa 'am/ rtsva dang
ldan
pa 'am/ ba lang gi lci ba'i bur ma 'am/ shing bal gyi sgo nga
dang ldan par byas shing me 'byin te/ de byung nas grong yang
tshig /grong gi phyogs kyang tshig /grong khyer ram/ grong khyer
gyi phyogs sam/ yul lam/ yul gyi phyogs sam/ gling dam/ rtsva'i
gtos sam/ nags sam/ shing ngam/ rtsva 'am/ ba lang gi lci ba dag
sreg cing 'gro ba dang/ gzhan yang gang tshul 'di dang 'dra ba
'di ni phyi rol gyi me'i khams zhes bya'o/ /rgyal po chen po de
la phyi rol gyi me'i khams ni 'byung ba'i tshe yang gang nas
kyang mi 'ong ngo/ /
'gag pa'i tshe yang gang du yang sogs par mi 'gro ste/ de ni rang
bzhin dang bral ba'i phyir med pa las yod par 'gyur zhing/ yod
par gyur nas kyang med par 'gyur ro/ /rgyal po chen po de la
rlung gi khams kyang rnam pa gnyis te/ nang gi dang/ phyi rol
gyi'o/ /de la nang
gi rlung gi khams gang zhe na/ gang lus 'di la rlung dang/ rlung
gi rnam pa dang/ yang ba nyid dang/ g.yo ba nyid dang/ lus su
gtogs pa dang/ zin pa'o/ /de yang gang zhe na/ 'di lta ste/ gyen
du 'gro ba'i rlung dang thur du 'gro ba dang/ thad kar 'gro ba
dang/
@132a */ /rgyab tu 'gro ba dang/ rgyab na gnas pa dang/ lto na
gnas pa dang/ 'chad par byed pa dang/ 'gas par byed pa dang/
gzer ba dang/ 'dar bu dang/ sna skad dang/ rlung skran dang/
dbugs dbyung ba dang rngub pa dang ldan pa dang/ yan
lag dang nyid lag la gnas pa'i rlung dag dang/ gzhan yang gang
dag lus 'di la nang gi khong na rlung dang/ rlung gi rnam pa
dang/ yang ba nyid dang/ g.yo ba nyid dang/ lus su gtogs pa
dang/ zin pa 'di ni nang gi rlung gi khams zhes bya'o/ phyi rol
gyi rlung
gi khams gang zhe na/ gang phyi rol gyi rlung dang/ rlung gi
rnam pa dang/ yang pa nyid dang/ g.yo ba nyid dang/ lus su ma
gtogs pa dang/ ma zin pa dag ste/ phyi rol gyi rlung de yang
shar phyogs kyi rlung yod do/ /lho phyogs dang/ nub phyogs dang/
byang phyogs
kyi rlung yod do/ /rdul dang bcas pa dang/ rdul med pa dang/
chung ba dang/ che ba'i rlung yod do/ /kun tu khyab pa'i rlung
dang/ rnam par 'thor ba'i rlung dang/ tshub ma'i rlung dag kyang
yod do/ /rgyal po chen po rlung gi phung po chen po langs na
shing dag kyang gcog /
rtsig pa'i kha dog ? dang/ ri'i rtse mo dag kyang snyil zhing
bsnyil nas rmeg med par 'gyur ba dag dang/ yang sems can dag gos
kyi mtha' ma 'am/ spud pa 'am/ rlung yab dag gis rlung g.yob
pa'i dus de yod de gzhan yang gang tshul 'di dang 'dra ba de ni
phyi rol gyi
rlung gi khams zhes bya'o/ /rgyal po chen po de la nang dad
phyi'i rlung gi khams ni 'byung ba'i tshe yang gang nas kyang mi
'od do/ /'gag pa'i tshe yang gang du yang sogs par mi 'gro ste/
rang bzhin dang bral ba'i phyir med pa las yod par 'gyur zhing/
yod
par gyur nas kyang med par 'gyur ro/ /rgyal po chen po de la nam
mkha'i khams kyang rnam pa gnyis te/ nang gi dang/ phyi rol
gyi'o/ /nang gi nam mkha'i khams gang zhe na/ gang ci yang rung
ste/ lus 'di la nang gi khong na lus la yod pa dang/ zin pa
dang/
@132b nam mkha' dang/ nam mkha'i rnam pa nang zhes bya ba'i
grangs su 'gro ba/ ma gang ba dang/ pags pa dang/ sha dang khrag
gis dgang bar bya ba ma yin pa'o/ /de yang gang zhe na/ lus 'di
la mig gi nang zhe 'am/ rna ba dang sna'i nang zhe 'am/ kha zhe
'am/
kha'i nang zhe 'am/ kha'i sgo zhe'am/ lkog ma zhe 'am/ mid pa
zhe 'am/ gang na mid pa dang gang du gnas pa dang/ gang gis zos
pa dang/ 'thungs pa dang/ 'chos pa dang/ myangs pa rnams thur du
rgyu bar byed pa dang/ gzhan yang gang lus 'di la nang gi khong
na lus
la yod pa dang/ zin pa phung po gyur pa 'am/ khams su gyur pa
'am/ skye mched du gyur pa dag gi nam mkha' dang/ nam mkha'i
rnam pa dang/ ma gang ba dang/ pags pa dang/ sha dang/ khrag gis
dgang bar bya ba ma yin pa nang gi grangs su 'gro ba khong stong
dang/
bu ga zhes bya ba dag ste/ de ni nang gi nam mkha'i khams so/
/phyi rol gyi nam mkha'i khams gang zhe na/ gang ci yang rung
ste/ phyi rol gyi nam mkha' dang/ nam mkha'i rnam pa dang/ ma
gang ba dang/ gzugs su gyur pas dgang bar bya ba ma yin pa ma
'dres pa khong stong
dang; bu gar gyur pa 'di ni phyi rol gyi nam mkha'i khams zhes
bya'o/ /rgyal po chen po gang las kyi rkyen gyi skye mched rnams
'byung ba'i dus de yod de/ de dag nam mkha'i khams la sgrib par
'gyur te/ de nang gi nam mkha'i khams zhes bya ba'i grangs su
'gro yang de
ni ga las kyang ma 'ongs so/ /rgyal po chen po gzugs zhig na
thams cad nam mkhar 'gyur ba'i dus de yod do/ /de ci'i phyir zhe
na/ nam mkha'i khams ni zad mi shes pa'i phyir ro/ /de ni nang
gi nam mkha'i khams zhes bya bar shes par bya ste/ gnas shing
mi g.yo ba'o/ /rgyal po chen po 'di lta ste/ dper na 'dus ma
byas ni mya ngan las 'das pa'i dbyings te/ de bzhin du nam
mkha'i khams kyang thams cad du song bar blta bar bya'o/ /rgyal
po chen po 'di lta ste/ dper na mi zhig gis thad la khron pa'am/
rdzing bu
@133a */ /'am/ khron rings sam/ rdzing zhig brkos na/ rgyal po
chen po de la ji snyam du sems/ de'i nam mkha' de ga las 'ongs/
gsol pa/ bcom ldan 'das de ni ga las kyang ma mchis so/ /rgyal
po chen po 'di lta ste/ dper na mi des khron
pa nas rdzing gi bar de dag phyir bkang na/ rgyal po chen po de
la ji snyam du sems/ de'i nam mkha' de gang du song/ gsol pa/
bcom ldan 'das de ni gang du yang ma mchis te/ de ci'i slad du
zhe na/ nam mkha'i khams ni 'gro ba 'am 'ong bar nye bar gnas
pa ma lags/ bud med kyi dngos po dang/ skyes pa'i dngos por nye
bar gnas pa ma lags pa'i slad du'o/ /bka' stsal pa/ rgyal po
chen po de ltar na phyi rol gyi nam mkha'i khams ni mi g.yo mi
'gyur ba'o/ /de ci'i phyir zhe na/ nam mkha'i khams ni nam
mkha'i khams kyis stong zhing/ nam mkha'i khams ni nam mkha'i
khams dang bral ba ste/ nam mkha'i khams ni bud med kyi dngos
por nye bar mi gnas/ skyes pa'i dngos por nye bar mi gnas kyis/
de ltar yang dag pa ji lta ba bzhin du yang dag pa'i shes rab
kyis rtogs
shig /rgyal po chen po de la rnam par shes pa'i khams gang zhe
na/ mig gi dbang po ni bdag po/ /gzugs ni dmigs pa/ gzugs so sor
rnam par rig pa ste/ sngon po rnam par rig pa 'am/ ser po dang/
dmar po dang/ khra bo rnam par rig pa'am/
ring po dang/ thung ngu dang/ sbom po dang/ phra mo rnam par rig
pa ste/ rgyal po chen po de ltar gang ci yang rung/ kha dog
dang/ dbyibs rnam par rig pa 'di ni mig gi rnam par shes pa'i
khams zhes bya'o/ /de bzhin du gang ci yang rung rna ba'i dbang
po ni
bdag po nas/ yid kyi dbang po ni bdag po/ chos ni dmigs pa ste/
sgra rnam par rig pa 'am/ dri rnam par rig pa 'am/ ro rnam par
rig pa 'am/ rig rnam par rig pa 'am/ chos rnam par rig pa 'di ni
rna ba'i rnam par shes pa'i khams nas
@133b yid kyi rnam par shes pa'i bar gyi khams te/ de ltar dbang
po drug ni bdag po/ /yul drug ni dmigs pa yin la/ yul rnam par
rig pa 'di ni rnam par shes pa'i khams zhes bya'o/ /rgyal po
chen po rnam par shes pa'i khams de ni dbang po la mi rten/
yul rnams las ma 'ongs/ bar gyi dbus na mi gnas te/ de ni nang
na ma yin/ phyi rol na ma yin/ gnyig med pa la yang ma yin no/
/rnam par shes pa'i khams de ni dngos po so sor rnam par rig nas
'gag ste/ de 'byung ba'i tshe gang
nas kyang ma 'ongs/ 'gag pa'i tshe gang du yang mi 'gro'o/ /rnam
par shes pa'i khams de 'byung ba yang stong/ 'jig pa yang stong
ste/ rnam par shes pa'i khams de byung yang rang bzhin gyis
stong ngo/ /rgyal po chen po de ltar na tha snyad ma gtogs par
rnam par shes pa'i khams de ni rnam par shes pa'i khams nyid
kyis stong ste/ tha snyad de yang skyes pa ma yin/ bud med ma
yin gyis/ de ni de ltar yang dag pa ji lta ba bzhin du yang dag
pa'i shes rab kyis rtogs shig /rgyal po chen po de la mig
gi skye mched gang zhe na/ de ni 'byung ba chen po bzhi dang ba
ste/ 'di ltar sa'i khams dang/ chu'i khams dang/ me'i khams
dang/ rlung gi khams so/ /de la sa'i khams dang ba ni mig gi
skye mched ma yin no/ /chu'i khams dang ba yang
ma yin no/ /me'i khams dang ba yang ma yin no/ /rlung gi khams
dang ba yang mig gi skye mched ma yin no/ /de ci'i phyir zhe na/
sa'i khams dang ba ni chos gang la yang skye mched dam/ skye
mched thob par bya bar nye bar mi gnas so/ /de
bzhin du rlung gi bar gyi khams dang ba ni chos gang la yang
skye mched dam/ skye mched thob par bya bar nye bar mi gnas so/
/de ci'i phyir zhe na/ chos de dag ni sems pa med cing byed pa
med la ci yang mi nus pa ste/ rgyal po chen po chos rnams
@134a */ /ni re re nas btsal na tha snyad tsam ma gtogs par mig
gi skye mched mi dmigs so/ /de ci'i phyir zhe na/ sa'i khams
dang ba ni sa'i khams dang bas stong/ rlung gi khams dang ba'i
bar ni rlung gi khams dang bas stong ste/ chos
gang dag rang bzhin gyis stong pa de dag la dang ba 'am/ 'khrugs
par 'gyur ba yang ga la yod de/ gang la dang ba 'am/ 'khrugs pa
mi dmigs pa de dag ji ltar gzugs la lta bar 'gyur/ de ltar mig
gi skye mched ni mig gi skye mched kyi rang
bzhin gyis shin tu stong ste/ de ni 'ong ba dang/ 'gro ba med
pa'i phyir sngon gyi mthar yang mi dmigs so/ /phyi ma'i mthar
yang mi dmigs so/ /rang bzhin med pa'i phyir de la gnas pa yang
mi dmigs so/ gang rang bzhin gyis med pa
de ni bud med kyang ma yin/ skyes pa yang ma yin no/ /gang bud
med kyang ma yin/ skyes pa yang ma yin pa ni des rlom sems su ga
la 'gyur te/ rgyal po chen po rlom sems ni bdud kyi spyod yul
lo/ /rlom sems med pa ni sangs rgyas kyi spyod
yul lo/ /de ci'i phyir zhe na/ chos thams cad ni rlom sems dang
bral ba'o/ /rgyal po chen po yang dag pa ji lta ba bzhin du
rtogs na mig gi skye mched ni mig gi skye mched kyis stong ngo/
/de ci'i phyir zhe na/ mig gi skye mched 'di la ni mtshan
ma med de/ de'i phyir mig gi skye mched kyi mtshan ma 'di ni mig
gi skye mched kyis stong ste/ 'di ni stong pa nyid do/ /mig gi
skye mched ni mtshan ma dang bral ba ste/ 'di ni mtshan ma med
pa'o/ /de ni smon par mi byed pas 'di ni smon pa
med pa'o/ /rgyal po chen po de ltar na mig gi skye mched ni rnam
par thar pa'i sgo gsum ste/ mig gi skye mched ni rnam par thar
pa la mngon par phyogs pa'o/ /rgyal po chen po de la rna ba'i
skye mched nas lus kyi skye mched kyi bar gang zhe na/
@134b gang 'byung ba chen po bzhi dang ba'o/ /rgyal po chen po
de ltar na chos thams cad kyi bar ni rnam par thar pa la mngon
par phyogs pa/ chos kyi dbyings su nges pa/ nam mkha'i khams kyi
mthas klas pa/ gdags su med pa/ tha snyad med pa/ brjod
du med pa/ brjod par bya ba ma yin pa'o/ /rgyal po chen po gang
la dbang po rnams thogs par 'gyur ba de ni yul rnams zhes bya
ste/ mig ni gzugs rnams la thogs par 'gyur bas de'i phyir gzugs
rnams ni mig gi yul zhes bya'o/ /
de bzhin du rna ba ni sgra rnams la/ sna ni dri rnams la/ lce ni
ro rnams la/ lus ni reg bya rnams la/ yid ni chos rnams la thogs
par 'gyur pas de'i phyir chos rnams ni yid kyi yul zhes bya'o/
/de la mig gzugs rnams la
thogs so zhes bya ba 'di ni 'bab pa'i thogs par 'gyur bar bstan
te/ 'di ltar mig ni gzugs rnams la rnam pa gsum du 'bab ste/
'thun pa rnams la sdug pa'i 'du shes kyis 'bab pa dang/ mi 'thun
pa rnams la khong khro ba'i 'du shes
kyis 'bab pa dang/ 'thun pa yang ma yin mi 'thun pa yang ma yin
pa rnams la btang snyons kyi 'du shes kyis 'bab pa'o/ /de bzhin
du yid ni chos rnams la thogs par 'gyur ro/ /zhes bya ba 'di ni
'bab pa'i thogs par 'gyur bar bstan te/
'di ltar yid ni chos rnams la rnam pa gsum du 'bab ste/ 'thun pa
rnams la rjes su chags pas 'bab pa dang/ mi 'thun pa rnams la
khong khro bas 'bab pa dang/ 'thun pa yang ma yin mi 'thun pa
yang ma yin pa rnams la rmongs pas 'bab
pa'i yul de dag ni yid kyi spyod yul zhes bya ste/ de la yid
spyod cing rnam par spyod pas de'i phyir yid kyi spyod yul zhes
bya'o/ /rgyal po chen po yid de 'thun pa'i gzugs rnams la rjes
su chags par spyod pa des ni de'i 'dod chags skye bar 'gyur
@135a */ /mi 'thun pa'i gzugs rnams la khong khro bar spyod pa
des ni de'i zhe sdang skye bar 'gyur/ /'thun pa yang ma yin mi
'thun pa yang ma yin pa rnams la rmongs par spyod pa des ni de'i
gti mug skye bar 'gyur te/ de bzhin du sgra dang/ dri
dang; ro dang/ reg bya rnams la yang chos rnam pa gsum la dmigs
pa myong bar 'gyur te/ rjes su chags pa dang/ khong khro ba
dang/ rmongs par 'gyur ba'o/ /yid kyi shes bya 'thun pa'i chos
rnams la rjes su chags par spyod pa des ni de'i
'dod chags skye bar 'gyur/ mi 'thun pa'i chos rnams la khong
khro bar spyod pa des ni de'i zhe sdang skye bar 'gyur/ 'thun pa
yang ma yin mi 'thun pa yang ma yin pa'i chos rnams la rmongs
par spyod pa des ni de'i gti mug skye bar 'gyur ro/ /rgyal po
chen po de la dbang po rnams ni sgyu ma lta bu/ yul rnams ni rmi
lam lta bur shes par bya ste/ rgyal po chen po 'di lta ste/ dper
na mi zhig nyal ba'i rmi lam na yul gyi bzang mo dang lhan cig
tu yongs su spyod pa rmis la/ de nyal ba las sad na bud med
yul gyi bzang mo de rjes su dran par gyur na rgyal po chen po de
la ji snyam du sems rmi lam na mthong ba'i yul gyi bzang mo de
yod dam/ gsol pa/ bcom ldan 'das de ni ma mchis so/ bka' stsal
pa/ rgyal po chen po de la ji snyam du sems/
skyes bu gang rmi lam na yul gyi bzang mo rmi ba'i bud med de
dang lhan cig rtse ba dang/ dga' ba dang/ mdon par zhen par
'gyur ba de mkhas pa'i rang bzhin can yin nam/ gsol pa/ bcom
ldan 'das de ni ma lags te/ de ci'i slad du zhe na/ bcom
ldan 'das rmi lam na mthong ba'i yul gyi bzang mo de ni shin tu
ma mchis shing mi dmigs na de dang lhan cig tu yongs su spyod pa
lta ga la mchis te/ gzhan du na gang de la mngon par zhen pa'i
mi de ni phongs shing dub pa'i skal ba can du 'gyur ro/ /bcom
ldan
@135b 'das kyis bka' stsal pa/ rgyal po chen po de bzhin du byis
pa so so'i skye bo thos pa dang mi ldan pa yang mig gis gzugs
mthong na yid bde bar 'gyur ba rnams la mngon par zhen par 'gyur
te/ de mngon par zhen pas rjes su chags par 'gyur ro/ /
rjes su chags par gyur nas yongs su 'chags par 'gyur ro/ /yongs
su chags par gyur nas 'dod chags las byung ba'i las lus kyis ni
rnam pa gsum/ ngag gis ni rnam pa bzhi/ yid kyis ni rnam pa gsum
mngon par 'du byed de/ las
mngon par 'du byas pa de yang thog ma nyid nas zad cing 'gags la
bral zhing rnam par gyur pa ste/ shar phyogs su brten te gnas pa
ma yin/ lho phyogs dang/ nub phyogs dang/ byang phyogs dang/ 'og
dang/ steng dang/ phyogs mtshams rnams
su brten te gnas pa ma yin/ 'di na ma yin/ pha bi na ma yin/ bar
ma do na ma yin te/ dus gzhan na 'chi ba'i dus dang tshod nye bar
gnas pa'i tshe srog gi dbang po 'gags te/ tshe yang yongs su zad
cing de dang skal ba 'dra ba'i las rnams kyang zad nas
rnam par shes pa tha ma 'gag pa'i tshe 'di lta ste/ dper na nyal
nyal ba las sad pa'i yul gyi bzang mo dang 'dra bar yid kyis
dmigs par 'gyur ro/ /rgyal po chen po de la rnam par shes pa tha
ma'i dbang dang/ las dmigs pa de dag dang/ rkyen gnyis
kyis skye ba'i char gtogs pa'i rnam par shes pa dang po 'byung
ste/ yang na ni sems can dmyal bar/ yang na ni dud 'gro'i skye
gnas su/ yang na ni gshin rje'i 'jig rten du/ yang na ni lha ma
yin gyi ris su/ yang na ni mi'i nang du/ yang na ni lha'i nang
du 'byung bar
'gyur te/ rnam par shes pa dang po skye ba'i char gtogs pa de
'gags ma thag tu bar ma chad par gang la rnam par smin pa myong
bar 'gyur ba mngon pa'i sems kyi rgyud skal ba 'dra ba 'byung
ngo/ /de la gang rnam par shes pa tha ma 'gag pa de ni 'chi 'pho
zhes bya ba'i grangs
@136a */ /su 'gyur/ gang rnam par shes pa dang po 'byung ba de
ni skye ba zhes bya ste/ rgyal po chen po de ltar na chos gang
yang 'jig rten 'di nas 'jig rten pha rol du 'pho ba yang med la/
'chi 'pho dang skye bar mngon pa yang yod de/ rgyal po chen po
rnam par shes pa tha ma de skye ba'i tshe yang gang nas kyang
mi 'ong/ 'gag pa'i tshe yang gang du yang mi 'gro'o/ /las de yang
skye ba'i tshe yang gang nas kyang mi 'ong/ 'gag pa'i tshe yang
gang du yang mi 'gro'o/ /rnam par shes pa dang po de skye ba'i
tshe yang gang nas kyang mi 'ong/ 'gag pa'i tshe yang gang du yang
mi 'gro'o/ /de ci'i phyir zhe na/ ngo bo
nyid med pa'i phyir te/ rnam par shes pa tha ma ni rnam par shes
pa tha mas stong/ las ni las kyis stong/ rnam par shes pa dang
po ni rnam par shes pa dang pos stong/ 'chi 'pho ni 'chi 'phos
stong/ skye ba ni skye bas stong la/ las rnams 'bras bu med par
mi 'gyur zhing rnam par
smin pa myong bar mngon pa yang yod de/ de la ming gi brda tsam
ma gtogs par byed pa po 'am/ zab po gang yang med do/ /rgyal po
chen po 'di lta ste dper na mi zhig nyal ba'i rmi lam na dgra
dang 'thab pa zhig rmis la/ nyal ba las sad nas de nyid dran par
gyur na/ rgyal po chen po de la ji
snyam du sems/ rmi lam du rmis pa'i dgra de 'am/ dgra de dang
'thab pa yod dam/ gsol pa/ bcom ldan 'das de ni ma mchis so/
/bka' stsal pa/ rgyal po chen po 'di la ji snyam du sems/ 'o na
skyes bu gang rmi lam gyi dgra la mngon par zhen pa'am/ dgra
dang 'thab par gyur pa
de mkhas pa'i rang bzhin can yin nam/ gsol pa/ bcom ldan 'das de
ni ma lags te/ de ci'i slad du zhe na/ bcom ldan 'das rmi lam na
mthong ba'i dgra nyid kyang shin tu ma mchis shing mi dmigs na
de dang 'thab pa ltag la mchis te/ gzhan du na gang de la mngon
par zhen pa'i mi de na phongs shing dub
pa'i skal ba can du 'gyur ro/ /bcom ldan 'das kyis bka' stsal
pa/ rgyal po chen po de bzhin du byis pa so so'i skye bo thos pa
dang mi ldan pa yang mig gis gzugs mthong na yid mi bde bar
'gyur ba rnams la yang mngon par zhen par 'gyur te/ mngon par
zhen par gyur nas khong khro bar 'gyur/ khong khro
@136b bar gyur nas zhe sdang bar 'gyur/ zhe sdang bar gyur nas
zhe sdang las byung ba'i las lus kyis ni rnam pa gsum/ ngag gis
ni rnam pa bzhi/ yid kyis ni rnam pa gsum mngon par bdu byed de/
las mngon par 'du byas pa de yang thog ma nyid nas zad cing
'gags 'khral zhing rnam par gyur pa ste/ shar phyogs su brten te
gnas
pa ma yin/ lho phyogs dang/ nub phyogs dang/ byang phyogs dang/
'og dang/ steng dang/ phyogs mtshams rnams su brten te gnas pa ma
yin/ 'di na ma yin/ pha bin ma yin/ bar ma don ma yin te/ dus
gzhan na 'chi ba'i dus dang tshod nye bar gnas pa'i tshe srog gi
dbang po 'gags te tshe yang yongs su zad cing de dang skal ba
'dra ba'i
las rnams kyang zad nas rnam par shes pa tha ma 'gag pa'i tshe
'di lta ste/ dper na nyal nyal ba las sad pa'i dgra dang 'thab
pa dang 'dra bar yid kyis dmigs par 'gyur ro/ /rgyal po chen po
de la rnam par shes pa tha ma'i dbang dang/ las dmigs pa de
dang/ rkyen gnyis kyis skye ba'i char gtogs pa rnam par shes pa
dang po 'byung
ste skyes so zhes bya ba'i grangs su 'gro'o/ /rnam par shes pa
dang po de 'gags ma thag tu bar ma chad par gang la rnam par
smin pa myong bar 'gyur ba mngon pa'i sems kyi rgyud skal ba
'dra ba 'byung ngo/ /de la gang rnam par shes pa tha ma 'gag pa
de ni 'chi 'pho zhes bya ba'i grangs su 'gyur/ gang rnam par
shes pa dang po 'byung ba de la ni
skye ba zhes bya ste/ rgyal po chen po de ltar na chos gang yang
'jig rten 'di nas 'jig rten pha rol tu 'pho ba yang med la 'chi
'pho dang skye bar mngon pa yang yod de/ rgyal po chen po rnam
par shes pa tha ma de skye ba'i tshe yang gang nas kyang mi 'ong/
'gag pa'i tshe yang gang du yang mi 'gro'o/ /las de dang/ skye ba
de dang/
rnam par shes pa dang po skye ba'i char gtogs pa de yang skye
ba'i tshe yang gang nas kyang mi 'ong/ 'gag pa'i tshe yang gang du
yang mi 'gro'o/ /de ci'i phyir zhe na/ ngo bo nyid med pa'i
phyir te/ rnam par shes pa tha ma ni rnam par shes pa tha mas
stong/ rnam par shes pa dang po ni rnam par shes pa dang pos
stong/
las ni las kyis stong/ 'chi 'pho ni 'chi 'phos stong/ skye ba ni
skye bas stong la/ las rnams 'bras bu med par mi 'gyur zhing
rnam par smin pa myong bar mngon pa yang yod de de la ming gi
brdar bya ba ma gtogs par byed pa po 'am/ za ba po gang yang med
do// //
@137a */ /bam po bcu gsum pa/ rgyal po chen po 'di lta ste dper
na mi zhig nyal ba'i rmi lam na 'dres non pa rmis te/ 'jigs pas
shin tu rmongs par gyur la/ nyal ba las sad nas 'dre de dang
shin tu rmongs par gyur pa de dran par gyur na/ rgyal po chen po
de ji snyam
du sems; rmi lam na mthong ba'i 'dre dang shin tu rmongs par
gyur pa de yod dam/ gsol pa/ bcom ldan 'das de ni ma mchis so/
/bka' stsal pa/ rgyal po chen po de ji snyam du sems/ 'o na de
ltar rmi lam na mthong ba'i 'dre la mngon par zhen cing shin tu
rmongs
par gyur pa'i mi de mkhas pa'i rang bzhin can yin nam/ gsol pa/
bcom ldan 'das de ni ma lags te/ de ci'i slad du zhe na/ bcom
ldan 'das rmi lam gyi 'dre ni shin tu ma mchis na shin tu rmongs
pa lta ga la mchis te/ gzhan du gang de la mngon par zhen pa'i
mi de
ni phongs shing dub pa'i skal ba can du 'gyur ro/ /bcom ldan
'das kyis bka' stsal pa/ rgyal po chen po de bzhin du byis pa so
so'i skye bo thos pa dang mi ldan pa yang mig gis gzugs mthong
na btang snyoms su 'gyur ba rnams la yang mngon par zhen par
'gyur te/ mngon
par zhen pas shin tu rmongs par 'gyur ro/ /shin tu rmongs nas
kun nas nyon mongs par 'gyur ro/ /kun nas nyon mongs nas gti mug
las byung ba'i las lus kyis ni rnam pa gsum/ ngag gis ni rnam pa
bzhi/ yid kyis ni rnam pa gsum mngon par 'du byed de/ las
mngon par 'du byas pa de yang thog ma nyid nas zad cing 'gags la
bral zhing rnam par gyur pa ste/ shar phyogs su brten te gnas pa
ma yin/ lho phyogs dang/ nub phyogs dang/ byang phyogs dang/ 'og
dang/ steng dang/ phyogs mtshams rnams su brten te gnas
pa ma yin/ 'di na ma yin/ pha bi na ma yin/ bar ma don ma yin
te/ dus gzhan na 'chi ba'i dus dang tshod nye bar gnas pa'i tshe
srog gi dbang po 'gags te tshe yang yongs su zad cing de dang
skal ba 'dra ba'i las rnams kyang zad nas rnam par shes pa tha
ma 'gag pa'i tshe
@137b 'di lta ste dper na nyal nyal ba las sad pa'i 'dre dang
shin tu rmongs pa dang 'dra bar yid kyis dmigs par 'gyur ro/
/rgyal po chen po de la rnam par shes pa tha ma'i dbang dang/
las dmigs pa dang/ rkyen gnyis kyis skye ba'i char gtogs pa'i
rnam par shes pa dang
po 'byung ste/ rnam par shes pa dang po de 'gags ma thag tu bar
ma chad par gang la rnam par smin pa myong bar 'gyur ba mngon
pa'i sems kyi rgyud skal ba 'dra ba 'byung ngo/ /de la gang rnam
par shes pa tha ma 'gag pa de ni 'chi 'pho zhes bya ba'i grangs
su 'gyur/ gang
rnam par shes pa dang po 'byung ba de ni skye ba zhes bya ste/
rgyal po chen po de ltar na chos gang yang 'jig rten 'di nas
'jig rten pha rol du 'pho ba yang med la/ 'chi 'pho dang skye
bar mngon pa yang yod de/ rgyal po chen po rnam par shes pa tha
ma de skye ba'i tshe yang gad nas kyang
mi 'ong; 'gag pa'i tshe yang gang du yang mi 'gro'o/ /las de yang
skye ba'i tshe yang gang nas kyang mi 'ong/ 'gag pa'i tshe yang
gang du yang mi 'gro'o/ /rnam par shes pa dang po de yang skye
ba'i tshe yang gang nas kyang mi 'ong/ /'gag pa'i tshe yang gang
du yang mi
'gro'o; /de ci'i phyir zhe na/ ngo bo nyid med pa'i phyir te/
rnam par shes pa tha ma ni rnam par shes pa tha mas stong/ las
ni las kyis stong/ rnam par shes pa dang po ni rnam par shes pa
dang pos stong/ 'chi 'pho ni 'chi 'phos stong/ skye ba ni skye
bas
stong la; las 'bras bu med par mi 'gyur bar yang mngon zhing
rnam par smin pa myong bar mngon par yang yod de/ de la ming gi
brda tsam ma gtogs par byed pa po'am/ za ba po gang yang med do/
/rgyal po chen po 'di lta ste/ dper na mi zhig nyal ba'i rmi lam
na
yul gyi bud med bzang mo glu len pa'i glu snyan pa dang/ pi bang
len pa'i sgra snyan pa nyan cing/ de glu dang rol mo'i sgra de
yongs su spyod pa rmis la/ nyal ba las sad nas glu dang rol mo
de nyid dran par gyur na/ rgyal po chen po de ji snyam du sems/
rmi lam na mthong ba'i
@138a */ /yul gyi bud med bzang mo dang/ glu dang/ rol mo'i sgra
de yod dam/ gsol pa/ bcom ldan 'das de ni ma mchis so/ /bcom
ldan 'das kyis bka' stsal pa/ rgyal po chen po 'o na de ltar rmi
lam na mthong ba'i yul gyi bud med bzang mo dang/
glu dang/ rol mo'i sgra la mngon par zhen pa'i mi de mkhas pa'i
rang bzhin can yin nam/ gsol pa/ bcom ldan 'das de ni ma lags
te/ de ci'i slad du zhe na/ rmi lam na mthong ba'i yul gyi bud
med bzang mo de ni shin tu ma mchis shing mi dmigs na de'i glu
dang rol mo'i
sgra lta ga la mchis te/ gzhan du na gang de la zhen pa'i mi de
ni phongs shing dub pa'i skal ba can du 'gyur ro/ /bcom ldan
'das kyis bka' stsal pa/ rgyal po chen po de bzhin du byis pa so
so'i skye bo thos pa dang mi ldan pa yang rna bas sgra thos na
yid du 'ong ba rnams
la mngon par zhen par 'gyur te/ de mngon par zhen pas rjes su
chags par 'gyur ro/ /rjes su chags par gyur nas yongs su chags
par 'gyur ro/ /yongs su chags par gyur nas 'dod chags las byung
ba'i las lus kyis ni rnam pa gsum/ ngag gis ni rnam
pa bzhi; yid kyis ni rnam pa gsum mngon par 'du byed de/ las de
mngon par 'du byas pa de yang thog ma nyid nas zad cing 'gags la
bral zhing rnam par gyur pa ste/ shar phyogs su brten te gnas pa
ma yin/ lho phyogs dang/ nub phyogs dang/ byang phyogs
dang; 'og dang/ steng dang/ phyogs mtshams rnams su brten te gnas
pa ma yin/ 'di na ma yin/ pha bi na ma yin/ bar ma do na ma yin
te/ dus gzhan na 'chi ba'i dus dang tshod nye bar gnas pa'i tshe
srog gi dbang po 'gags te/ tshe yang yongs su zad cing de dang
skal ba 'dra ba'i las rnams kyang zad nas rnam par shes pa tha
ma 'gag pa'i tshe 'di lta ste/ dper na nyal nyal ba las sad pa'i
yul gyi bzang mo'i glu dang rol mo'i sgra lta bur yid kyis dmigs
par 'gyur ro/ /rgyal po chen po de la rnam par shes pa tha ma'i
dbang dang/
@138b las kyi dmigs pa de dang/ rkyen gnyis kyis skye ba'i char
gtogs pa'i rnam par shes pa dang po 'byung ste/ rnam par shes pa
dang po skye ba'i char gtogs pa de 'gags ma thag tu gang la rnam
par smin pa myong bar 'gyur ba mngon pa'i sems kyi rgyud skal ba
'dra ba 'byung ngo/ /
de la gang rnam par shes pa tha ma 'gag pa de ni 'chi 'pho zhes
bya ba'i grangs su 'gyur/ gang rnam par shes pa dang po 'byung
ba de ni skye ba zhes bya ste/ rgyal po chen po de ltar na chos
gang yang 'jig rten 'di nas 'jig rten pha rol du 'pho ba yang
med la/ 'chi 'pho dang skye
bar mngon par yang yod de/ rgyal po chen po rnam par shes pa tha
ma de skye ba'i tshe yang gang nas kyang mi 'ong/ 'gag pa'i tshe
yang gang du yang mi 'gro'o/ /las de yang skye ba'i tshe yang
gang nas kyang mi 'ong/ 'gag pa'i tshe yang gang du yang mi
'gro'o/ /rnam par shes pa dang po de
yang skye ba'i tshe yang gang nas kyang mi 'ong/ 'gag pa'i tshe
yang gang du yang mi 'gro'o/ /de ci'i phyir zhe na/ rang bzhin
gyis stong pa'i phyir te/ rnam par shes pa tha ma ni rnam par
shes pa tha mas stong/ las ni las kyis stong/ rnam par shes pa
dang po ni rnam par shes pa dang
pos stong/ 'chi 'pho ni 'chi 'phos stong/ skye ba ni skye bas
stong la/ las rnams 'bras bu med par mi 'gyur zhing rnam par
smin pa myong bar mngon pa yang yod de/ de la ming gi brda tsam
ma gtogs par byed pa po 'am/ za ba po gang yang med do/ /rgyal
po chen po 'di lta ste/
dper na mi zhig nyal ba'i rmi lam na ma shi ba 'am/ pha shi ba
'am/ sdug pa gang yang rung ba dag dang bral te/ sdug pa dang
bral bas mya ngan du gyur nas nyam thag par du ba zhig rmis la/
de nyal ba las sad nas sdug pa dang bral ba de dang/ sdug bsngal
zhing du du ba de dran na/
rgyal po chen po de ji snyam du sems/ rmi lam gyi sdug pa dang
bral ba de yod dam/ gsol pa/ bcom ldan 'das de ni ma mchis so/
/bka' stsal pa/ rgyal po chen po 'o na skyes bu gang rmi lam gyi
sdug pa dang bral ba dang/ sdug bsngal bar du ba la mngon par
zhen pa de
@139a */ /mkhas pa'i rang bzhin can yin nam/ gsol pa/ bcom ldan
'das de ni ma lags te/ de ci'i slad du zhe na/ bcom ldan 'das
rmi lam na mthong ba'i sdug pa nyid kyang shin tu ma mchis na/
de dang bral ba dang/ mya ngan bgyis pa dang/ dus pa dang/
smre sngags bton pa lta ga la mchis te/ gzhan du na gang rmi lam
na mthong ba'i sdug pa dang bral ba dang/ sdug bsngal dang/ dus
pa las mngon par zhen pa'i mi de ni phongs shing dub pa'i skal
ba can du 'gyur ro/ /bcom ldan 'das kyis bka' stsal pa/ rgyal po
chen po de bzhin
du byis pa so so'i skye bo thos pa dang mi ldan pa yang rna bas
sgra thos na yid du mi 'ong ba rnams la yang mngon par zhen par
'gyur te/ mngon par zhen nas khong khro bar 'gyur/ khong khro
bar gyur nas zhe sdang bar 'gyur/ zhe sdang bar gyur nas zhe
sdang las byud ba'i las lus kyis ni rnam pa
gsum; ngag gis ni rnam pa bzhi/ yid kyis ni rnam pa gsum mngon
par 'du byed de/ las mngon bar 'du byas pa de yang thog ma nyid
nas zad cing 'gags la bral zhing rnam par gyur pa ste/ shar
phyogs su brten te gnas pa ma yin/ lho phyogs dang/ nub phyogs
dang/ byang
phyogs dang/ 'og dang/ steng dang/ phyogs 'tshams rnams su brten
te gnas pa ma yin/ 'di na ma yin/ pha bi na ma yin/ bar ma don
ma yin te/ dus gzhan na 'chi ba'i dus dang tshod nye bar gnas
pa'i tshe srog gi dbang po 'gags te tshe yang yongs su zad cing de
dang skal
ba 'dra ba'i las rnams kyang zad nas rnam par shes pa tha ma
'gag pa'i tshe 'di lta ste dper na nyal nyal ba las sad pa'i sdug
pa dang bral ba dang/ sdug bsngal bar du ba lta bur yid kyis
dmigs par 'gyur ro/ /rgyal po chen po de la rnam par shes pa tha
ma'i dbang dang/
las dmigs pa de dang/ rkyen gnyis kyis skye ba'i char gtogs pa'i
rnam par shes pa dang po 'byung ste/ rnam par shes pa dang po de
'gags ma thag tu bar ma chad par gang la rnam par smin pa myong
bar 'gyur ba mngon pa'i sems kyi rgyud skal ba 'dra ba 'byung
ngo/ /de la gang rnam
@139b par shes pa tha ma 'gag pa de ni 'chi 'pho zhes bya ba'i
grangs su 'gyur/ gang rnam par shes pa dang po 'byung ba de ni
skye ba zhes bya ba'i grangs su 'gyur te/ rgyal po chen po de
ltar na chos gang yang 'jig rten 'di nas 'jig rten pha rol du
'pho ba yang med la/ 'chi 'pho dang skye
bar mngon pa yang yod de/ rgyal po chen po rnam par shes pa tha
ma de skye ba'i tshe yang gang nas kyang mi 'ong/ 'gag pa'i tshe
yang gang du yang mi 'gro'o/ /las dang/ rnam par smin pa dang/
rnam par shes pa dang po yang skye ba'i tshe yang gang nas kyang
mi 'ong/ /'gag pa'i tshe
yang gang du yang mi 'gro'o/ /de ci'i phyir zhe na/ rang bzhin
gyis stong pa'i phyir te/ rnam par shes pa tha ma ni rnam par
shes pa tha ma'i rang bzhin gyis stong/ las dang/ rnam par smin
pa dang/ rnam par shes pa dang po ni rnam par shes pa dang po'i
rang bzhin gyis stong
'chi 'pho ni 'chi 'pho'i rang bzhin gyis stong/ skye ba ni skye
ba'i rang bzhin gyis stong/ 'khor ba yang 'khor ba'i rang bzhin
gyis stong ste/ rgyal po chen po de ltar chos thams cad stong pa
'di ni rnam par thar pa'i sgo stong pa nyid do/ /gang stong pa
nyid kyi mtshan mas stod
pa 'di ni rnam par thar pa'i sgo mtshan ma med pa'o/ /gang la
mtshan ma med pa de la smon pa med de/ 'di ni rnam par thar pa'i
sgo smon pa med pa'o/ /rgyal po chen po de ltar na chos thams
cad ni rnam par thar pa'i sgo ste/ mya ngan las 'das pa la gzhol
ba/ stong pa nyid du yang dag
par 'du ba/ chos kyi dbyings su des pa/ nam mkha'i khams kyi
mthas gtugs pa'o/ /rgyal po chen po 'di lta ste dper na mi zhig
nyal ba'i rmi lam na tshig gi don ma shes pa'i sgra zhig thos la/
nyal ba las sad nas sgra de dran par gyur na rgyal po chen po de
ji snyam du sems/ rmi lam
na thos pa'i sgra de yod dam/ gsol ba/ bcom ldan 'das de ni ma
mchis so/ /bka' stsal pa/ rgyal po chen po de ji snyam du sems/
'o na rmi lam na don ma shes pa'i sgra thos pa la mngon par zhen
pa de mkhas pa'i rang bzhin can yin nam/ gsol pa/ bcom ldan 'das
de ni ma
@140a */ /lags te; de ci'i slad du zhe na/ bcom ldan 'das rmi lam
na thos pa'i sgra de nyid kyang shin tu ma mchis shing mi dmigs
na/ tshig de'i don shes pa 'am/ tshig gi don ma shes pa lta ga la
mchis te/ gzhan du na gang de la mngon par zhen pa'i mi de ni
phongs shing dub
pa'i skal ba can du 'gyur ro/ /bcom ldan 'das kyis bka' stsal
pa/ rgyal po de bzhin du byis pa so so'i skye bo thos pa dang mi
ldan pa yang rna bas sgra thos na btang snyoms su gyur pa rnams
la yang mngon par zhen par 'gyur te/ mngon par zhen nas shin tu
rmongs par 'gyur ro/ /
shin tu rmongs bas gti mug las byung ba'i las lus kyis ni rnam
pa gsum/ ngag gis ni rnam pa bzhi/ yid kyis ni rnam pa gsum
mngon par 'du byed de/ las mngon par 'du byas pa de yang thog ma
nyid nas zad cing 'gags la bral zhing rnam par gyur pa ste/ shar
phyogs
su brten te gnas pa ma yin/ lho phyogs dang/ nub phyogs dang/
byang phyogs dang/ 'og dang/ steng dang/ phyogs mtshams rnams su
brten te gnas pa ma yin/ 'di na ma yin/ pha bi na ma yin/ bar ma
don ma yin te/ dus gzhan na 'chi ba'i dus dang tshod nye bar gnas
pa'i tshe srog gi dbang po 'gags te tshe yang yongs su zad cing de
dang skal ba 'dra ba'i las rnams kyang zad nas rnam par she spa
tha ma 'gag pa'i tshe 'di lta ste dper na nyal nyal ba las sad
pa'i tshig gi don ma shes pa'i sgra lta bur yid kyis dmigs par
'gyur ro/ /rgyal po chen po de
la rnam par shes pa tha ma'i dbang dang/ las dmigs pa de dang/
rkyen gnyis kyis skye ba'i char gtogs pa'i rnam par shes pa dang
po 'byung ste/ rnam par shes pa dang po de 'gags ma thag tu bar
ma chad par gang la rnam par smin pa myong bar 'gyur ba mngon
pa'i sems kyi
rgyud skal ba 'dra ba 'byung ngo/ /de la gang rnam par shes pa
tha ma 'gag pa de ni 'chi 'pho zhes bya ba'i grangs su 'gyur/
gang rnam par shes pa dang po 'byung ba de ni skye ba zhes bya
ba'i grangs su 'gyur te/ rgyal po chen po de ltar na chos gang
yang 'jig rten 'di nas 'jig
@140b rten pha rol tu 'pho ba yang med la/ 'chi 'pho dang skye
bar mngon pa yang yod de/ rgyal po chen po rnam par shes pa tha
ma de skye ba'i tshe yang gang nas kyang mi 'ong/ 'gag pa'i tshe
yang gang du yang mi 'gro'o/ /las dang/ rnam par smin pa dang/
rnam par shes pa dang po yang
skye ba'i tshe yang gang nas kyang mi 'ong/ 'gag pa'i tshe yang
gang du yang mi 'gro'o/ /de ci'i phyir zhe na/ ngo bo nyid med
pa'i phyir te/ rnam par shes pa tha ma ni rnam par shes pa tha
ma'i rang bzhin gyis stong/ las ni las kyi rang bzhin gyis
stong/ rnam par smin pa ni rnam
par smin pa'i rang bzhin gyis stong/ rnam par shes pa dang po ni
rnam par shes pa dang po'i rang bzhin gyis stong/ 'chi 'pho dang
skye ba ni 'chi 'pho dang skye ba'i rang bzhin gyis stong/ 'khor
ba ni 'khor ba'i rang bzhin gyis stong la/ las rnams chud mi za
zhing rnam par smin
pa myong bar mngon pa yang yod de/ de la ming gi brda tsam yang
ma gtogs par byed pa po 'am/ za ba po gang yang med do/ /rgyal
po chen po 'di lta ste dper na mi zhig nyal ba'i rmi lam na tsan
dan nam/ ta ma la'i lo ma 'am/ spos kyi rnam pa gzhan gang yang
rung bas
bdag gi lus bskus par rmis la/ nyal ba las sad nas tsan dan nam/
ta ma la'i lo ma 'am/ spos kyi rnam pa gzhan gang yang rung ba
de dag dran par gyur na/ rgyal po chen po de ji snyam du sems/
rmi lam na mthong ba'i tsan dan nam/ ta ma la'i lo ma 'am/ spos
kyi rnam
pa gzhan gang yang rung ba de dag yod dam/ gsol pa/ bcom ldan
'das de ni ma mchis so/ /bka' stsal pa/ rgyal po chen po de ji
snyam du sems/ 'o na de ltar na rmi lam na mthong ba'i tsan dan
nam/ ta ma la'i lo ma 'am/ spos kyi rnam pa gang yang rung ba de
dag la
mngon par zhen cing des bdag gi lus skud pa de mkhas pa'i rang
bzhin can yin nam/ gsol pa/ bcom ldan 'das de ni ma lags te/ de
ci'i slad du zhe na/ bcom ldan 'das rmi lam gyi tsan dan nam/ ta
ma la'i lo ma 'am/ spos kyi rnam pa gang yang rung ba de
@141a */ /dag nyid kyang shin tu ma mchis shing mi dmigs na des
skud pa lta ga la mchis te/ gzhan du na gang de la mngon par
zhen pa'i mi de ni phongs shing dub pa'i skal ba can du 'gyur
ro/ /bcom ldan 'das kyis bka' stsal pa/ rgyal po chen po de
bzhin du byis
pa so so'i skye bo thos pa dang mi ldan pa yang snas dri tshor na
yid bde bar 'gyur ba rnams la mngon par zhen par 'gyur te/ de
mngon par zhen pas rjes su 'chags par 'gyur ro/ /rjes su chags
par gyur nas yongs su chags par 'gyur ro/ /yongs su chags par
gyur nas
'dod chags las byung ba'i las lus kyis ni rnam pa gsum/ ngag gis
ni rnam pa bzhi/ yid kyis ni rnam pa gsum mngon par 'du byed de/
las mngon par 'du byas pa de yang thog ma nyid nas zad cid 'gags
la bral zhing rnam par gyur pa ste/ shar phyogs su brten te gnas
pa ma yin/ lho phyogs dang/ nub phyogs dang/ byang phyogs dang/
'og dang/ steng dang/ phyogs mtshams rnams su brten te gnas pa ma
yin/ 'di na ma yin/ pha bi na ma yin/ bar ma do na ma yin te/
dus gzhan na 'chi ba'i dus dang tshod nye bar gnas pa'i tshe srog
gi
dbang po 'gags te tshe yang yongs su zad cing de dang skal ba
'dra ba'i las rnams kyang zad nas rnam par shes pa tha ma 'gag
pa'i tshe 'di lta ste dper na nyal nyal ba las sad pa'i tsan dan
nam/ ta ma la'i lo ma 'am/ spos kyi rnam pa gang yang rung ba de
lta bur yid kyis dmigs par
'gyur ro; /rgyal po chen po de la rnam par shes pa tha ma'i
dbang dang/ las dmigs pa de dang/ rkyen gnyis kyis skye ba'i
char gtogs pa'i rnam par shes pa ngang po 'byung ste/ rnam par
shes pa dang po de 'gags ma thag tu bar ma chad par gang la rnam
par smin pa myong bar 'gyur
ba mngon pa'i sems kyi rgyud skal ba 'dra ba 'byung ngo/ /de la
gang rnam par shes pa tha ma 'gag pa de ni 'chi 'pho zhes bya
ba'i grangs su 'gyur/ gang rnam par shes pa dang po 'byung ba de
ni skye ba zhes bya ba'i grangs su 'gyur te/ rgyal po chen po de
ltar na chos gang yang 'jig rten 'di
@141b nas 'jig rten pha rol du 'pho ba yang med la/ 'chi 'pho
dang skye bar mngon pa yang yod de/ rgyal po chen po rnam par
shes pa tha ma de skye ba'i tshe yang gang nas kyang mi 'ong/
'gag pa'i tshe yang gang du yang mi 'gro'o/ /las dang/ rnam par
smin pa dang/ rnam par shes pa dang
po de yang skye ba'i tshe yang gang nas kyang mi 'ong/ 'gag pa'i
tshe yang gang du yang mi 'gro'o/ /de ci'i phyir zhe na/ ngo bo
nyid med pa'i phyir te/ rnam par shes pa tha ma ni rnam par shes
pa tha ma'i rang bzhin gyis stong/ las ni las kyi rang bzhin
gyis stong/ rnam par smin pa ni
rnam par smin pa'i rang bzhin gyis stong/ rnam par shes pa dang
po ni rnam par shes pa dang po'i rang bzhin gyis stong/ 'chi
'pho dang skye ba ni 'chi 'pho dang skye ba'i rang bzhin gyis
stong/ 'khor ba ni 'khor ba'i rang bzhin gyis stong la/ las
rnams chud mi za zhing rnam par smin pa
myong bar mngon pa yang yod de/ de la ming gi brda tsam ma gtogs
par byed pa po 'am/ za ba po gang yang med do/ /rgyal po chen po
'di lta ste/ dper na mi zhig nyal ba'i rmi lam na khyi ro 'am/
mi ro 'am/ sbrul gyi ro mgul du btags pa zhig rmis la/ de nyal
ba las sad nas
de nyid dran par gyur na rgyal po chen po de ji snyam du sems/
rmi lam gyi khyi ro dang/ mi ro dang/ sbrul gyi ro de dag yod
dam/ gsol pa/ bcom ldan 'das de ni ma mchis so/ /bka' stsal pa/
rgyal po chen po 'o na skyes bu gang rmi lam gyi khyi ro dang/
mi ro dang/ sbrul gyi ro mgul
du btags pa la mngon par zhen pa de mkhas pa'i rang bzhin can
yin nam/ gsol pa/ bcom ldan 'das de ni ma lags te/ de ci'i slad
du zhe na/ bcom ldan 'das rmi lam na mthong ba'i khyi ro 'am/ mi
ro 'am/ sbrul gyi ro de nyid kyang shin tu ma mchis shing mi
dmigs
na; de mgul du btags pa lta ga la mchis te/ gzhan du na gad de
la mngon par zhen pa'i mi de ni phongs shing dub pa'i skal ba
can du 'gyur ro/ /bcom ldan 'das kyis bka' stsal pa/ rgyal po
chen po de bzhin du byis pa so so'i skye bo thos pa dang mi ldan
pa yang snas dri tshor ba
@142a */ /na yid du mi 'ong ba rnams la yang mngon par zhen par
'gyur te/ mngon par zhen nas khong khro bar 'gyur ro/ /khong
khro bar gyur nas zhe sdang bar 'gyur ro/ /zhe sdang bar gyur
nas zhe sdang las byung ba'i las lus kyis ni rnam pa gsum/ dang
gis ni rnam pa bzhi/ yid
kyis ni rnam pa gsum mngon par 'du byed de/ las mngon par 'du
byas pa de yang thog ma nyid nas zad cing 'gags la bral zhing
rnam par gyur pa ste/ shar phyogs su brten te gnas pa ma yin/
/lho phyogs dang/ nub phyogs dang/ byang phyogs dang/ 'og dang/
steng dang/
phyogs mtshams rnams su brten te gnas pa ma yin/ 'di na ma yin/
pha bi na ma yin/ bar ma do na ma yin te/ dus gzhan na 'chi ba'i
dus dang tshod nye bar gnas pa'i tshe srog gi dbang po 'gags te/
tshe yang yongs su zad cing de dang skal ba 'dra ba'i las rnams
kyang zad nas
rnam par shes pa tha ma 'gag pa'i tshe 'di lta ste/ dper na nyal
nyal ba las sad pa'i khyi ro dang/ mi ro dang/ sbrul gyi ro lta
bur yid kyis dmigs par 'gyur ro/ /rgyal po chen po de la rnam
par shes pa tha ma'i dbang dang/ las dmigs pa de dang/ rkyen
gnyis kyis skye
ba'i char gtogs pa'i rnam par shes pa dang po 'byung ste/ rnam
par shes pa dang po de 'gags ma thag tu bar ma chad par gang la
rnam par smin pa myong bar 'gyur ba mngon pa'i sems kyi rgyud
skal ba 'dra ba 'byung ngo/ /de la gang rnam par shes pa tha ma
'gag pa de ni 'chi 'pho zhes bya
ba'i grangs su 'gyur/ gang rnam par shes pa dang po 'byung ba de
ni skye ba zhes bya ba'i grangs su 'gyur te/ rgyal po chen po de
ltar na chos gang yang 'jig rten 'di nas 'jig rten pha rol du
'pho ba yang med la/ 'chi 'pho dang skye bar mngon pa yang yod
de/ rgyal po chen po de la rnam
par shes pa tha ma de skye ba'i tshe yang gang nas kyang mi 'ong/
'gag pa'i tshe yang gang du yang mi 'gro'o/ /las dang/ rnam par
smin pa dang/ rnam par shes pa dang po yang skye ba'i tshe yang
gang nas kyang mi 'ong/ 'gag pa'i tshe yang gang du yang mi
'gro'o/ /de ci'i phyir zhe na/
@142b rang bzhin gyis stong pa'i phyir te/ rnam par shes pa tha
ma ni rnam par shes pa tha ma'i rang bzhin gyis stong pa nas
'khor ba ni 'khor ba'i rang bzhin gyis stong pa'i bar du ste/ de
ni rnam par thar pa'i sgo stong pa nyid do/ /gang rang bzhin
gyis stong zhing med pa de ni mtshan ma med pa'o/ /
gang mtshan ma med pa de ni smon pa med pa'o/ /rgyal po chen po
de ltar chos thams cad ni rnam par thar pa'i sgo ste/ mya ngan
las 'das pa la gzhol ba/ stong pa nyid du yang dag par 'du ba/
chos kyi dbyings su nges pa/ nam mkha'i khams kyi mthas gtugs
pa'o/ /rgyal po
chen po 'di lta ste dben na mi zhig nyal ba'i rmi lam na bdag
nyid sna'i dbang po nyams par rmis la nyal ba las sad nas sna'i
dbang po nyams par gyur pa de nyid dran par gyur na/ rgyal po
chen po de ji snyam du sems/ rmi lam na mthong ba'i sna'i dbang
po nyams pa de yod dam/ gsol
pa; bcom ldan 'das de ni ma mchis so/ /bcom ldan 'das kyis bka'
stsal pa/ rgyal po chen po de ji snyam du sems/ 'o na de ltar
rmi lam na sna'i dbang po nyams pa la mngon par zhen pa de mkhas
pa'i rang bzhin can yin nam/ gsol pa/ bcom ldan 'das de ni ma
lags
te; de ci'i slad du zhe na/ bcom ldan 'das rmi lam na mthong
ba'i sna'i dbang po nyid kyang shin tu ma mchis shing mi dmigs
na de'i nyams pa lta ga la mchis te/ gzhan du na gang de la
mngon par zhen pa'i mi de ni phongs shing dub pa'i skal ba can
du 'gyur ro/ bcom ldan 'das kyis
bka' stsal pa/ rgyal po chen po de bzhin du byis pa so so'i skye
bo thos pa dang mi ldan pa yang snas dri tshor na btang snyoms su
'gyur ba rnams la yang mngon par zhen par 'gyur te/ mngon par
zhen nas shin tu rmongs par 'gyur ro/ /shin tu rmongs nas gti
mug las byung ba'i
las lus kyis ni rnam pa gsum/ ngag gis ni rnam pa bzhi/ yid kyis
ni rnam pa gsum mngon par 'du byed de/ las mngon par 'du byed pa
de yang zad cing 'gags la bral zhing rnam par gyur ba ste/ shar
phyogs su brten te gnas pa ma yin pa nas/ 'di na ma yin/
@143a */ /pha bi na ma yin/ bar ma don ma yin pa'i bar du ste
dus gzhan 'chi ba'i dus dang tshod nye bar gnas pa'i tshe srog gi
dbang po 'gags te tshe yang yongs su zad cing de dang skal ba
'dra ba'i las rnams kyang zad nas rnam par shes pa tha ma 'gag
pa'i tshe 'di lta ste dper na nyal
nyal ba las sad pa'i sna'i dbang po nyams pa lta bur yid kyis
dmigs par 'gyur ro/ /rgyal po chen po de la rnam par shes pa tha
ma'i dbang dang/ las dmigs pa de dang/ rkyen gnyis kyis skye
ba'i char gtogs pa'i rnam par shes pa dang po 'byung ste/ rnam
par shes pa dang
po de 'gags ma thag tu bar ma chad par gang la rnam par smin pa
myong bar 'gyur ba mngon pa'i sems kyi rgyud skal ba 'dra ba
'byung ngo/ /de la gang rnam par shes pa tha ma 'gag pa de ni
'chi 'pho zhes bya ba'i grangs su 'gyur/ gang rnam par shes pa
dang po 'byung ba de ni skye ba zhes bya ba'i
grangs su 'gyur te/ rgyal po chen po de ltar na chos gang yang
'jig rten 'di nas 'jig rten pha rol du 'pho ba yang med la/ 'chi
'pho dang skye bar mngon pa yang yod de/ rgyal po chen po rnam
par shes pa tha ma de skye ba'i tshe yang gang nas kyang mi 'ong/
'gag pa'i tshe yang gang du yang
mi 'gro'o/ /las dang/ rnam par smin pa dang rnam par shes pa
dang po yang skye ba'i tshe yang gang nas kyang mi 'ong/ 'gag
pa'i tshe yang gang du yang mi 'gro'o/ /de ci'i phyir zhe na/ ngo
bo nyid med pa'i phyir te/ rnam par shes pa tha ma ni rnam par
shes pa tha mas stong pa nas
'khor ba ni 'khor ba'i rang bzhin gyis stong pa'i bar du ste/
las rnams chud mi za zhing rnam par smin pa myong bar mngon pa
yang yod de/ de la ming gi brda tsam ma gtogs par byed pa po
'am/ za ba po gang yang med do/ /rgyal po chen po 'di lta ste
dper na/ mi zhig nyal ba'i
rmi lam na bkres pa las ro sna brgya dang ldan pa'i kha zas la
tshim tshim du zos pa zhig rmis la/ nyal ba las sad nas de nyid
dran par gyur na/ rgyal po chen po de ji snyam du sems/ rmi lam
na mthong ba'i kha zas ro brgya dang ldan pa de yod dam/ gsol
pa/ bcom ldan 'das de ni ma mchis so/ /
@143b bcom ldan 'das kyis bka' stsal pa/ rgyal po chen po de ji
snyam du sems/ 'o na rmi lam na mthong ba'i kha zas ro sna brgya
dang ldan pa la mngon par zhen pa de mkhas pa'i rang bzhin can
yin nam/ gsol pa/ bcom ldan 'das de ni ma lags te/ de ci'i slad
du zhe na/ bcom ldan
'das rmi lam gyi kha zas ro sna brgya dang ldan pa de nyid kyang
shin tu ma mchis shing mi dmigs na des don de la yongs su spyod
pa lta ga la mchis te/ gzhan du na gang de la mngon par zhen
pa'i mi de ni phongs shing dub pa'i skal ba can du 'gyur ro/
/bcom ldan 'das kyis bka' stsal pa/
rgyal po chen po de bzhin du byis pa so so'i skye bo thos pa
dang mi ldan pa yang lces ro myong na yid bde bar 'gyur ba rnams
la mngon par zhen te/ de la mngon par zhen pas rjes su chags par
'gyur ro/ /rjes su chags par gyur nas yongs su chag par 'gyur
ro/ /yongs su
chags par gyur nas/ 'dod chags las byung ba'i las lus kyis ni
rnam pa gsum/ ngag gis ni rnam pa bzhi/ yid kyis ni rnam pa gsum
mngon par 'du byed de/ las mngon par 'du byas pa de yang thog ma
nyid nas zad cing 'gags la bral zhing rnam par gyur
pa ste; de ni shar phyogs su brten te gnas pa ma yin pa nas 'di
na ma yin/ pha bi na ma yin/ bar ma do na ma yin pa'i bar du
ste/ dus gzhan na 'chi ba'i dus dang tshod nye bar gnas pa'i tshe
srog gi dbang po 'gags te/ tshe yang yongs su zad cing de dang
skal ba 'dra ba'i las rnams
kyang zad nas rnam par shes pa tha ma 'gags pa'i tshe 'di lta ste
dper na nyal nyal ba las sad pa'i kha zas ro sna brgya pa lta
bur yid kyis dmigs par 'gyur ro/ /rgyal po chen po de la rnam
par shes pa tha ma'i dbang dang/ las dmigs pa de dang/ rkyen
gnyis kyis skye ba'i char
gtogs pa'i rnam par shes pa dang po 'byung ste/ rnam par shes pa
dang po de 'gags ma thag tu bar ma chad par gang rnam par smin
pa myong bar 'gyur ba mngon pa'i sems kyi rgyud skal ba 'dra ba
'byung ngo/ /de la gang rnam par shes pa tha ma 'gag pa de ni
'chi 'pho zhes bya ba'i grangs
@144a */ /su 'gyur; gang la rnam par shes pa dang po 'byung ba
de ni skye ba zhes bya ba'i grangs su 'gyur te/ rgyal po chen po
de ltar na chos gang yang 'jig rten 'di nas 'jig rten pha rol tu
'pho ba yang med la/ 'chi 'pho dang skye bar mngon pa yang yod
de/ rgyal po chen po rnam
par shes pa tha ma de skye ba'i tshe yang gang nas kyang mi 'ong/
'gag pa'i tshe yang gang du yang mi 'gro'o/ /las dang/ rnam par
smin pa dang/ rnam par shes pa dang po yang skye ba'i tshe yang
gang nas kyang mi 'ong/ 'gag pa'i tshe yang gang du yang mi
'gro'o/ /de ci'i phyir zhe na/ ngo bo
nyid kyis stong pa'i phyir te/ rnam par shes pa tha ma ni rnam
par shes pa tha ma'i rang bzhin gyis stong pa nas 'khor ba ni
'khor ba'i rang bzhin gyis stong pa'i bar du ste/ las rnams chud
mi za zhing rnam par smin pa myong bar mngon pa yang yod de/ de
la kun rdzob kyi brda tsam ma gtogs par
byed pa po 'am/ za ba po gang yang med do/ /rgyal po chen po 'di
lta ste dper na/ mi zhig nyal ba'i rmi lam na shin tu bkres par
gyur te/ sku ba kha bo'i sa bon nam/ ko sha ta ka'i sa bon nam/
bi tsu mar da'i sa bon zhig zos par rmis la/ nyal ba las sad nas
de nyid dran par gyur na/
rgyal po chen po de ji snyam du sems/ rmi lam gyi sku ba kha bo
dang/ bi tsu mar da'i sa bon gyi bar du yod dam/ gsol pa/ bcom
ldan 'das de ni ma mchis so/ /bka' stsal pa/ rgyal po chen po 'o
na skyes bu gang rmi lam gyi sku ba kha bo dang/ bi tsu mar da'i
sa bon gyi bar du zos pa de la
mngon par zhen pa de mkhas pa'i rang bzhin can yin nam/ gsol pa/
bcom ldan 'das de ni ma lags te/ de ci'i slad du zhe na/ bcom
ldan 'das rmi lam na mthong ba'i sku ba kha bo dang/ bi tsu mar
da'i sa bon gyi bar de dag gnyid kyang shin tu ma mchis shing mi
dmigs na de dag za blta
ga la mchis te/ gzhan du na gang de la mngon par zhen pa'i mi de
ni phongs shing dub pa'i skal ba can du 'gyur ro/ /bcom ldan
'das kyis bka' stsal pa/ rgyal po chen po de bzhin du byis pa so
so'i skye bo thos pa dang mi ldan pa yang lces ro myong na yid
du mi 'ong ba rnams la yang
@144b mngon par zhen par 'gyur te/ mngon par zhen nas khong khro
bar 'gyur ro/ /khong khro bar gyur nas zhe sdang bar 'gyur ro/
/zhe sdang bar gyur nas zhe sdang las byung ba'i las lus kyis ni
rnam pa gsum/ ngag gis ni rnam pa bzhi/ yid kyis ni rnam pa gsum
mngon par 'du byed de/
las mngon par 'du byas pa de yang thog ma nyid nas zad cing
'gags la bral zhing rnam par gyur pa ste/ shar phyogs su brten
te gnas pa ma yin ba nas 'di na ma yin/ pha bi na ma yin/ bar ma
do na ma yin pa'i bar du ste/ dus gzhan na 'chi ba'i dus dang
tshod nye bar gnas pa'i tshe
srog gi dbang po 'gags te tshe yang yongs su zad cing de dang
skal ba 'dra ba'i las rnams kyang zang nas rnam par shes pa tha
ma 'gag pa'i tshe 'di lta ste dper na nyal nyal ba las sad pa'i
sku ba kha bo dang/ bi tsu mar da'i sa bon gyi bar du za ba lta
bur yid kyis dmigs par 'gyur ro/ /
rgyal po chen po de la rnam par shes pa tha ma'i dbang dang/ las
dmigs pa de dang/ rkyen gnyis kyis skye ba'i char gtogs pa'i
rnam par shes pa dang po 'byung ste/ rnam par shes pa dang po de
'gags ma thag tu bar ma chad par gang la rnam par smin pa myong
bar 'gyur ba mngon pa'i
sems kyi rgyud skal ba 'dra ba 'byung ngo/ /de la gang rnam par
shes pa tha ma 'gag pa de ni 'chi 'pho zhes bya ba'i grangs su
'gyur/ rnam par shes pa dang po 'byung ba de ni skye ba zhes bya
ba'i grangs su 'gyur te/ rgyal po chen po de ltar na chos gang
yang 'jig rten 'di nas
'jig rten pha rol tu 'pho ba yang med la 'chi 'pho dang skye bar
mngon pa yang yod de/ rgyal po chen po de la rnam par shes pa
tha ma de skye ba'i tshe yang gang nas kyang mi 'ong/ 'gag pa'i
tshe yang gang du yang mi 'gro'o/ /las dang/ rnam par smin pa
dang/ rnam par shes
pa dang po skye ba'i tshe yang gang nas kyang mi 'ong/ 'gag pa'i
tshe yang gang du yang mi 'gro'o/ /de ci'i phyir zhe na/ rang
bzhin gyis stong pa'i phyir te/ rnam par shes pa tha ma ni rnam
par shes pa tha ma'i rang bzhin gyis stong pa nas 'khor ba ni
'khor ba'i rang bzhin gyis stong
@145a */ /pa'i bar du ste/ rgyal po chen po de ltar na chos
thams cad stong pa 'di ni rnam par thar pa'i sgo stong pa nyid
do/ /gang stong pa nyid kyi mtshan mas stong pa 'di ni rnam par
thar pa'i sgo mtshan ma med pa'o/ /gang la mtshan ma med pa de la
smon pa med de/ 'di ni rnam
par thar pa'i sgo smon pa med pa'o/ /rgyal po chen po de ltar
chos thams cad ni rnam par thar pa'i sgo ste/ mya ngan las 'das
pa la gzhol ba/ stong pa nyid du yang dag par 'du ba/ chos kyi
dbyings su nges pa/ rnam mkha'i khams kyi mthas gtugs pa'o/
/rgyal po
chen po 'di lta ste dper na mi zhig nyal ba'i rmi lam na bdag
nyid lce'i dbang po nyams par rmis la/ nyal ba las sad nas lce'i
dbang po nyams par gyur pa de nyid dran par gyur na/ rgyal po
chen po de ji snyam du sems/ rmi lam na mthong ba'i lce'i dbang
po nyams pa de yod dam/
gsol pa/ bcom ldan 'das de ni ma mchis so/ /bcom ldan 'das kyis
bka' stsal pa/ rgyal po chen po de ji snyam du sems/ 'o na rmi
lam na lce'i dbang po nyams par gyur pa la mngon par zhen pa de
mkhas pa'i rang bzhin can yin nam/ gsol pa/ bcom ldan 'das
de ni ma lags te/ de ci'i slad du zhe na/ bcom ldan 'das rmi lam
na mthong ba'i lce'i dbang po nyid kyang shin tu ma mchis shing
mi dmigs na de'i nyams pa lta mchis par ga la 'gyur te/ gzhan du
na gang de la mngon par zhen pa'i mi de ni phongs shing dub pa'i
skal ba can du 'gyur ro/
bcom ldan 'das kyis bka' stsal pa/ rgyal po chen po de bzhin du
byis pa so so'i skye bo thos pa dang mi ldan pa yang lces ro
myong na btang snyoms su 'gyur ba rnams la yang mngon par zhen
par 'gyur te/ mngon par zhen nas shin tu rmongs par 'gyur ro/
/shin tu rmongs nas
gti mug las byung ba'i las lus kyis ni rnam pa gsum/ ngag gis ni
rnam pa bzhi/ yid kyis ni rnam pa gsum mngon par 'du byed de/
las mngon par 'du byas pa de yang thog ma nyid na zad cing 'gags
la bral zhing rnam par 'gyur pa ste/ shar phyogs su brten te
@145b gnas pa ma yin ba nas 'di na ma yin/ pha bi na ma yin/ bar
ma do na ma yin pa'i bar du ste/ dus gzhan na 'chi ba'i dus dang
tshod nye bar gnas pa'i tshe srog gi dbang po 'gags te tshe yang
yongs su zad cing de dang skal ba 'dra ba'i las rnams kyang zad
nas rnam par shes pa tha
ma 'gag pa'i tshe 'di lta ste dper na nyal nyal ba las sad pa'i
lce'i dbang po nyams pa lta bur yid kyis dmigs par 'gyur ro/
/rgyal po chen po de la rnam par shes pa tha ma'i dbang dang/
las dmigs pa de dang/ rkyen gnyis kyis skye ba'i char gtogs pa'i
rnam par shes
pa dang po 'byung ste/ rnam par shes pa dang po de 'gags ma thag
tu bar ma chad par gang rnam par smin pa myong bar 'gyur ba
mngon pa'i sems kyi rgyud skal ba 'dra ba 'byung ngo/ /de la
gang rnam par shes pa tha ma 'gags pa de ni 'chi 'pho zhes bya
ba'i grangs su 'gyur/ gang rnam par
shes pa dang po 'byung ba de ni skye ba zhes bya ba'i grangs su
'gyur te/ rgyal po chen po de ltar na chos gang yang 'jig rten
'di nas 'jig rten pha rol tu 'pho ba yang med la 'chi 'pho dang
skye bar mngon pa yang yod de/ rgyal po chen po de la rnam par
shes pa tha ma nas rnam par shes pa
dang po'i bar du skye ba'i tshe yang gang nas kyang mi 'ong/ 'gag
pa'i tshe yang gang du yang mi 'gro'o/ /de ci'i phyir zhe na/
rang bzhin gyis stong pa'i phyir te/ rnam par shes pa tha ma ni
rnam par shes pa tha mas stong pa nas 'khor ba ni 'khor ba'i
rang bzhin gyis stong pa'i bar
du ste; las rnams chud mi za zhing rnam par smin pa myong bar
mngon pa yang yod de/ de la kun rdzob kyi brda tsam ma gtogs par
byed pa po 'am/ za ba po gang yang med do/ /rgyal po chen po 'di
lta ste dper na mi zhig nyal ba'i rmi lam na yul gyi bzang mo
zhig pang du 'khyud
par rmis la/ de dang reg pa nyams su myong nas nyal ba las sad
de yul gyi bzang mo de nyid dran par gyur na/ rgyal po chen po
de ji snyam du sems/ rmi lam na mthong ba'i yul gyi bzang mo
dang reg pa de yod dam/ gsol pa/ bcom ldan 'das de ni ma mchis
so/ /bka'
@146a */ /stsal pa/ rgyal po chen po de ji snyam du sems/ 'o na
rmi lam na mthong ba'i yul gyi bzang mo de dang reg pa la mngon
par zhen pa de mkhas pa'i rang bzhin can yin nam/ gsol pa/ bcom
ldan 'das de ni ma lags te/ de ci'i slad du zhe na/ bcom ldan
'das
rmi lam gyi yul gyi bzang mo de nyid kyang shin tu ma mchis
shing mi dmigs na de dang reg pa lta ga la mchis/ bcom ldan 'das
kyis bka' stsal pa/ rgyal po chen po de bzhin du byis pa so so'i
skye bo thos pa dang mi ldan pa yang lus kyis reg bya rnams la
reg na/ yid bde bar
'gyur ba rnams la mngon par zhen par 'gyur te/ de mngon par zhen
pas rjes su chags par 'gyur ro/ /rjes su chags par gyur nas
yongs su chags par 'gyur ro/ /yongs su chags par gyur nas 'dod
chags las byung ba'i las lus kyis ni rnam pa gsum/ ngag
gis ni rnam pa bzhi/ yid kyis ni rnam pa gsum mngon par 'du byed
de/ las mngon par 'du byas pa de yang thog ma nyid nas zad cing
'gags la bral zhing rnam par gyur pa ste/ shar phyogs su brten
te gnas pa ma yin pa nas 'di na ma yin/ pha bi na ma yin/ bar ma
don
ma yin pa'i bar du ste/ dus gzhan na 'chi ba'i dus dang tshod nye
bar gnas pa'i tshe srog gi dbang po 'gags te tshe yang yongs su
zad cing de dang skal ba 'dra ba'i las rnams kyang zad nas rnam
par shes pa tha ma 'gag pa'i tshe 'di lta ste dper na nyal nyal
ba las sad pa'i yul gyi
bzang mo la reg pa lta bur yid kyis dmigs par 'gyur ro/ /rgyal
po chen po de la rnam par shes pa tha ma'i dbang dang/ las dmigs
pa de dang/ rkyen gnyis kyis skye ba'i char gtogs pa'i rnam par
shes pa dang po 'byung ste/ rnam par shes pa dang po skye ba'i
char gtogs
pa de 'gags ma thag tu bar ma chad par gang la rnam par smin pa
myong bar 'gyur ba mngon pa'i sems kyi rgyud skal ba 'dra ba
'byung ngo/ /de la gang rnam par shes pa tha ma 'gag pa de ni
'chi 'pho zhes bya ba'i grangs su 'gyur/ gang rnam par shes pa
dang po 'byung ba de ni skye ba zhes
@146b bya ba'i grangs su 'gyur te/ rgyal po chen po de ltar na
chos gang yang 'jig rten 'di nas 'jig rten pha rol tu 'pho ba
yang med la/ 'chi 'pho dang skye bar mngon pa yang yod de/ rgyal
po chen po de la rnam par shes pa tha ma nas rnam par shes pa
dang po'i bar du skye ba'i tshe yang gang
nas kyang mi 'ong/ 'gag pa'i tshe yang gang du yang mi 'gro'o/
/de ci'i phyir zhe na/ rang bzhin gyis stong pa'i phyir te/ las
rnams chud mi za zhing rnam par smin pa myong bar mngon pa yang
yod de/ de la kun rdzob kyi brda tsam ma gtogs par byed pa po
'am/ za ba po gang yang
med do; /rgyal po chen po 'di lta ste dper na mi zhig nyal ba'i
rmi lam na zangs kyi spang leb shin tu 'bar ba zhig pang du
'khyud pa rmis la/ de nyal ba las sad nas de nyid dran par gyur
na/ rgyal po chen po de ji snyam du sems/ rmi lam gyi zangs kyi
spang leb shin tu 'bar ba la reg pa
yod dam; gsol pa/ bcom ldan 'das de ni ma mchis so/ /bka' stsal
pa/ rgyal po chen po 'o na skyes bu gang rmi lam gyi zangs kyi
spang leb shin tu 'bar ba pang du 'khyud pa la mngon par zhen pa
de mkhas pa'i rang bzhin can yin nam/ gsol pa/ bcom ldan
'das de ni ma lags te/ de ci'i slad du zhe na/ bcom ldan 'das
rmi lam na mthong ba'i zangs kyi spang leb shin tu 'bar ba nyid
kyang shin tu ma mchis shing mi dmigs na de la reg pa lta ga la
mchis te/ gzhan du na gang de la mngon par zhen pa'i mi de ni
phongs shing du ba pa'i skal
ba can du 'gyur ro/ /bcom ldan 'das kyis bka' stsal pa/ rgyal po
chen po de bzhin du byis pa so so'i skye bo thos pa dang mi ldan
pa yang lus kyis reg bya rnams la reg na yid du mi 'ong ba rnams
la yang mngon par zhen par 'gyur te/ mngon par zhen nas khong
khro bar 'gyur ro/ /
khong khro bar gyur nas zhe sdang bar 'gyur ro/ /zhe sdang bar
gyur nas zhe sdang las byung ba'i las lus kyis ni rnam pa gsum/
ngag gis ni rnam pa bzhi/ yid kyis ni rnam pa gsum mngon par 'du
byed de/ las mngon par 'du byas pa de yang thog ma nyid nas zad
cing
@147a */ /'gags la bral zhing rnam par gyur pa ste/ shar phyogs
su brten te gnas pa ma yin pa nas/ 'di na ma yin/ pha bi na ma
yin/ bar ma do na ma yin pa'i bar du ste/ dus gzhan na 'chi ba'i
dus dang tshod nye bar gnas pa'i tshe srog gi dbang po 'gags te
tshe yang
yongs su zad cing de dang skal ba 'dra ba'i las rnams kyang zad
nas rnam par shes pa tha ma 'gag pa'i tshe 'di lta ste/ dper na
nyal nyal ba las sad pa'i zangs kyi spang leb shin tu 'bar ba
lta bur yid kyis dmigs par 'gyur ro/ /rgyal po chen po de la
rnam par shes pa tha ma'i dbang dang
las dmigs pa de dang/ rkyen gnyis kyis skye ba'i char gtogs pa'i
rnam par shes pa dang po 'byung ste/ rnam par shes pa dang po de
'gags ma thag tu bar ma chad par gang la rnam par smin pa myong
bar 'gyur ba mngon pa'i sems kyi rgyud skal ba 'dra ba 'byung
ngo/ /de la gang rnam
par shes pa tha ma 'gag pa de ni 'chi 'pho zhes bya ba'i grangs
su 'gyur/ gang rnam par shes pa dang po 'byung ba de ni skye ba
zhes bya ba'i grangs su 'gyur te/ rgyal po chen po de ltar na
chos gang yang 'jig rten 'di nas 'jig rten pha rol tu 'pho ba
yang med la/ 'chi 'pho dang skye bar mngon
pa yang yod de/ rnam par shes pa tha ma nas rnam par shes pa
dang po'i bar du skye ba'i tshe yang gang nas kyang mi 'ong/ 'gag
pa'i tshe yang gang du yang mi 'gro'o/ /de ci'i phyir zhe na/
rang bzhin gyis stong pa'i phyir te/ rnam par shes pa tha ma ni
rnam par shes pa tha ma'i rang bzhin
gyis stong pa nas 'khor ba yang 'khor ba'i rang bzhin gyis stong
pa'i bar du ste/ rgyal po chen po de ltar na chos thams cad
stong pa 'di ni rnam par thar pa'i sgo stong pa nyid do/ /gang
stong pa nyid kyi mtshan mas stong pa 'di ni rnam par thar pa'i
sgo mtshan ma med pa'o/ /gang la
mtshan ma med pa de la smon pa med de/ 'di ni rnam par thar pa'i
sgo smon pa med pa'o/ /rgyal po chen po de ltar chos thams cad
ni rnam par thar pa'i sgo ste/ mya ngan las 'das pa la gzhol ba/
stong pa nyid du yang dag par 'du ba/ chos kyi dbyings su nges
pa/ nam mkha'i
@147b khams kyi mthas gtugs pa'o/ /rgyal po chen po 'di lta ste
dper na mi zhig nyal ba'i rmi lam na bdag nyid lus kyis dbang po
nyams par rmis la/ de nyal ba las sad nas de nyid dran par gyur
na/ rgyal po chen po de ji snyam du sems/ rmi lam na mthong ba'i
lus kyi dbang
po nyams pa de yod dam/ gsol pa/ bcom ldan 'das de ni ma mchis
so/ /bka' stsal pa/ rgyal po chen po de ji snyam du sems/ 'o na
rmi lam na lus kyi dbang po nyams par gyur pa la mngon par zhen
pa de mkhas pa'i rang bzhin can yin nam/ gsol pa/ bcom ldan
'das de ni ma lags te/ de ci'i slad du zhe na/ bcom ldan 'das
rmi lam na mthong ba'i lus kyi dbang po nyid kyang shin tu ma
mchis shing mi dmigs na de nyams pa lta ga la mchis/ bcom ldan
'das kyis bka' stsal pa/ rgyal po chen po de bzhin du byis pa so
so'i skye bo thos pa dang
mi ldan pa yang lus kyis reg bya rnams la reg na btang snyoms su
'gyur ba rnams la yang mngon par zhen par 'gyur te/ mngon par
zhen nas shin tu rmongs par 'gyur ro/ /shin tu rmongs nas gti
mug las byung ba'i las lus kyis ni rnam pa gsum/ ngag gis ni
rnam pa bzhi/
yid kyis ni rnam pa gsum mngon par 'du byed de/ las mngon par
'du byas pa de yang thog ma nyid nas zad cing 'gags la bral
zhing rnam par gyur pa ste/ shar phyogs su brten te gnas pa ma
yin pa nas 'di na ma yin/ pha bi na ma yin/ bar ma do na ma yin
pa'i bar du ste/
dus gzhan na 'chi ba'i dus dang tshod nye bar gnas pa'i tshe srog
gi dbang po 'gags te tshe yang yongs su zad cing de dang skal ba
'dra ba'i las rnams kyang zad nas rnam par shes pa tha ma 'gag
pa'i tshe 'di lta ste dper na nyal nyal ba las sad pa'i lus kyi
dbang po nyams pa lta bur yid kyis
dmigs par 'gyur ro/ /rgyal po chen po de la rnam par shes pa tha
ma'i dbang dang/ las dmigs pa de dang/ rkyen gnyis kyis skye
ba'i char gtogs pa'i rnam par shes pa dang po 'byung ste/ rnam
par shes pa dang po de 'gags ma thag tu bar ma chad par gang la
rnam par smin pa
@148a */ /myong bar 'gyur ba mngon pa'i sems kyi rgyud skal ba
'dra ba 'byung ngo/ /de la gang rnam par shes pa tha ma 'gag pa
de ni 'chi 'pho zhes bya ba'i grangs su 'gyur/ gang rnam par
shes pa dang po 'byung ba de ni skye ba zhes bya ba'i grangs su
'gyur te/ rgyal po chen po de ltar na chos
gang yang 'jig rten 'di nas 'jig rten pha rol tu 'pho ba yang
med la/ 'chi 'pho dang skye bar mngon pa yang yod de/ rgyal po
chen po rnam par shes pa tha ma de nas rnam par shes pa dang
po'i bar du skye ba'i tshe yang gang nas kyang mi 'ong/ 'gag pa'i
tshe yang gang du yang mi 'gro'o//
de ci'i phyir zhe na/ ngo bo nyid kyis stong pa'i phyir te/ rnam
par shes pa tha ma ni rnam par shes pa tha mas stong pa nas/
'khor ba ni 'khor ba'i rang bzhin gyis stong pa'i bar du ste/
las rnams chud mi za zhing rnam par smin pa myong bar mngon pa
yang yod de/ de la ming gi brda tsam ma
gtogs par byed pa po 'am/ zab po gang yang med do// //bam po bcu
bzhi pa/ rgyal po chen po 'di lta ste dper na mi zhig nyal ba'i
rmi lam na sgyu ma'i mkhan pos sprul pa'i 'dod pa'i yon tan lnga
dang ldan par gyur te/ shin tu tshim par yongs su
spyod pa zhig rmis la/ nyal ba las sad nas 'dod pa'i yon tan de
dag dran par gyur na/ rgyal po chen po de ji snyam du sems/ rmi
lam na mthong ba'i 'dod pa'i yon tan lnga sgyu ma'i mkhan pos
sprul pa de dag yod dam/ gsol pa/ bcom ldan 'das de ni ma mchis
so/ /bka'
stsal pa/ rgyal po chen po de ji snyam du sems/ 'o na rmi lam na
mthong ba'i 'dod pa'i yon tan lnga po sgyu ma'i mkhan pos sprul
pa de dag la mngon par zhen pa de mkhas pa'i rang bzhin can yin
nam/ gsol pa/ bcom ldan 'das de ni ma lags te/ de ci'i slad du
zhe na/
bcom ldan 'das rmi lam gyi sgyu ma'i mkhan po nyid kyang shin tu
ma mchis shing mi dmigs na/ sprul pa'i 'dod pa'i yon tan lnga po
de dag dang/ de dag la yongs su spyod pa lta ga la mchis te/
gzhan du na gang de la mngon par zhen pa'i mi de ni phongs shing
dub pa'i skal ba
@148b can du 'gyur ro/ /bcom ldan 'das kyis bka' stsal pa/ rgyal
po chen po de bzhin du byis pa so so'i skye bo thos pa dang mi
ldan pa yang yid kyis chos rnams rnam par shes na yid bde bar
'gyur ba rnams la mngon par zhen par 'gyur te/ de mngon par zhen
pas rjes su
chags par 'gyur ro/ /rjes su chags par gyur nas yongs su chags
par 'gyur ro/ /yongs su chags par gyur nas 'dod chags las byung
ba'i las lus kyis ni rnam pa gsum/ ngag gis ni rnam pa bzhi/ yid
kyis ni rnam pa gsum mngon par 'du byed de/ las
mngon par 'du byas pa de yang thog ma nyid nas zad cing 'gags la
bral zhing rnam par gyur pa ste/ shar phyogs su brten te gnas pa
ma yin pa nas/ 'di na ma yin/ pha bi na ma yin/ bar do na ma yin
pa'i bar du ste/ dus gzhan na 'chi ba'i dus dang tshod nye bar
gnas pa'i
tshe srog gi dbang po 'gags te tshe yang yongs su zad cing de dang
skal ba 'dra ba'i las rnams kyang zang nas rnam par shes pa tham
'gag pa'i tshe 'di lta ste dper na nyal nyal ba las sad pa'i 'dod
pa'i yon tan lnga po sgyu ma mkhan gyi sprul pa lta bur yid kyis
dmigs par 'gyur ro/ /
rgyal po chen po de la rnam par shes pa tha ma'i dbang dang/ las
dmigs pa de dang/ rkyen gnyis kyis skye ba'i char gtogs pa'i
rnam par shes pa dang po yang na ni sems can dmyal ba rnams su/
yang na ni dud 'gro'i skye gnas su/ yang na ni gshin rje'i 'jig
rten du/ yang
na ni lha ma yin gyi ris su/ yang na ni mi'i nang du/ yang na ni
lha'i nang du ste/ rnam par shes pa dang po de 'gags ma thag tu
bar ma chad par gang la rnam par smin pa myong bar 'gyur ba
mngon pa'i sems kyi rgyud skal ba 'dra ba 'byung ngo/ /rgyal po
chen po de ltar na las kyang dmigs shing
rnam par smin pa yang dmigs la/ de la ming gi brda tsam ma gtogs
par tshor ba po gang yang med do/ /rgyal po chen po de la gang
rnam par shes pa tha ma 'gag pa de ni 'chi 'pho zhes bya ba'i
grangs su 'gyur/ gang rnam par shes pa dang po 'byung ba de ni
skye ba zhes bya ba'i grangs su
@149a */ /'gyur te; rgyal po chen po de ltar na chos gang yang
'jig rten 'di nas 'jig rten pha rol tu 'pho ba yang med la/ 'chi
'pho dang skye bar mngon pa yang yod de/ rgyal po chen po rnam
par shes pa tha ma de nas rnam par shes pa dang po'i bar du skye
ba'i tshe yang gang nas kyang mi 'ong/
'gag pa'i tshe yang gang du yang mi 'gro'o/ /de ci'i phyir zhe
na/ ngo bo nyid kyis stong pa'i phyir te/ rnam par shes pa tha
ma ni rnam par shes pa tha mas stong pa nas 'khor ba'i bar du
'khor ba'i rang bzhin gyis stong/ mya ngan las 'das pa yang mya
ngan las 'das pa'i rang bzhin gyis
stong; chos thams cad kyang chos thams cad kyi rang bzhin gyis
stong ste/ rgyal po chen po de ltar chos thams cad stong pa 'di
ni rnam par thar pa'i sgo stong pa nyid do/ /gang stong pa nyid
kyi mtshan mas stong pa 'di ni mtshan ma med pa'o/ /gang la mtshan
ma med pa de la smon pa med de/ 'di
ni smon pa med pa'o/ /rgyal po chen po de ltar na chos thams cad
ni rnam par thar pa'i sgo ste/ stong pa nyid du yang dag par 'du
ba/ mtshan ma med pa'i ngo bo nyid/ smon pa dang bral ba/ mya
ngan las 'das pa la gzhol ba chos kyi dbyings su nges pa/ nam
mkha'i khams kyi mthas
gtugs pa'o/ /rgyal po chen po 'di lta ste dper na mi zhig nyal
ba'i rmi lam na bdag nyid g.yog 'khor dang bcas te chu bo chen
pos khyer nas de de na sems las byung ba'i sdug bsngal dang yid
mi bde ba rnam pa du ma myong bar rmis la/ de nyal ba las sad
nas de nyid dran bar gyur na
rgyal po chen po de ji snyam du sems/ rmi lam gyi chu bo chen po
de yod dam/ gsol pa/ bcom ldan 'das de ni ma mchis so/ /bka'
stsal pa/ rgyal po chen po de ji snyam du sems/ 'o na skye bu
gang rmi lam na bdag nyid chu chen pos khyer zhing sdug bsngal
dang yid mi bde ba mthong ba
la mngon par zhen pa de mkhas pa'i rang bzhin can yin nam/ /gsol
pa/ bcom ldan 'das de ni ma lags te/ de ci'i slad du zhe na/
bcom ldan 'das rmi lam na chu gang gis mi de khyer ba'i chu chen
po de nyid kyang shin tu ma mchis shing mi dmigs na de'i sdug
bsngal dang yid mi bde ba
@149b lta ga la mchis te/ gzhan du na gang de la mngon par zhen
pa'i mi de ni phongs shing dub pa'i skal ba can du 'gyur ro/
/bcom ldan 'das kyis bka' stsal pa/ rgyal po chen po de bzhin du
byis pa so so'i skye bo thos pa dang mi ldan pa yang yid kyis
chos rnams rnam par shes na yid mi bde bar
'gyur ba rnams la yang mngon par zhen par 'gyur te/ mngon par
zhen nas khong khro bar 'gyur ro/ /khong khro bar gyur nas gnod
sems su 'gyur ro/ /gnod sems su gyur nas zhe sdang bar 'gyur ro/
/zhe sdang bar gyur nas zhe sdang las byung ba'i las lus kyis ni
rnam pa
gsum; ngag gis ni rnam pa bzhi/ yid kyis ni rnam pa gsum mngon
par 'du byed de/ las mngon par 'du byas pa de yang thog ma nyid
nas zad cing 'gags la bral zhing rnam par gyur pa ste/ shar
phyogs su brten te gnas pa ma yin pa nas/ 'di na ma yin/ pha bi
na ma
yin; bar ma don ma yin pa'i bar du ste/ dus gzhan na 'chi ba'i
dus dang tshod nye bar gnas pa'i tshe srog gi dbang po 'gags te
tshe yang yongs su zad cing de dang skal ba 'dra ba'i las rnams
kyang zad nas rnam par shes pa tha ma 'gag pa'i tshe 'di lta ste
dper na nyal nyal ba las
sad pa'i chu chen pos khyer zhing yid mi bde ba lta bur yid kyis
dmigs par 'gyur ro/ /rgyal po chen po de la rnam par shes pa tha
ma'i dbang dang/ las dmigs pa de dang/ rkyen gnyis kyis skye
ba'i char gtogs pa'i rnam par shes pa dang po 'byung ste/ rnam
par
shes pa dang po de 'gags ma thag tu bar ma chad par gang la rnam
par smin pa myong bar 'gyur ba mngon pa'i sems kyi rgyud skal pa
'dra ba 'byung ngo/ /rgyal po chen po de ltar na las kyang dmigs
la/ byed pa po yang gang yang med/ rnam par smin pa yang dmigs
la/ ming gi
brda tsam ma gtogs par 'di la tshor ba po gang yang med do/
/rgyal po chen po de la gang rnam par shes pa tha ma 'gags pa de
ni 'chi 'pho zhes bya ba'i grangs su 'gyur/ gang rnam par shes
pa dang po 'byung ba de ni skye ba zhes bya ba'i grangs su 'gyur
te/ rgyal po chen po de
@150a */ /ltar na chos gang yang 'jig rten 'di nas 'jig rten pha
rol tu 'pho ba yang med la/ 'chi 'pho dang skye bar mngon pa
yang yod de/ /rgyal po chen po rnam par shes pa tha ma de nas
rnam par shes pa dang po'i bar du skye ba'i tshe yang gang nas
kyang mi 'od/ 'gag pa'i tshe
yang gang du yang mi 'gro'o/ /de ci'i phyir zhe na/ ngo bo nyid
kyis stong pa'i phyir te/ rnam par shes pa tha ma ni rnam par
shes pa tha ma'i rang bzhin gyis stong pa nas/ 'khor ba'i bar du
ni 'khor ba'i rang bzhin gyis stong/ mya ngan las 'das pa yang
mya ngan las 'das pa'i rang bzhin gyis stong/
chos thams cad kyang chos thams cad kyi rang bzhin gyis stong
ste/ 'di ni rnam par thar ba'i sgo stong pa nyid do/ /gang stong
pa nyid kyi mtshan mas stong pa 'di ni rnam par thar pa'i sgo
mtshan ma med pa'o/ /gang la mtshan ma med pa de la smon pa med
de/ 'di ni rnam par thar pa'i
sgo smon pa med pa'o/ /rgyal po chen po de ltar chos thams cad
ni rnam par thar pa'i sgo ste/ stong pa nyid du yang dag par 'du
ba/ mtshan ma med pa'i ngo bo nyid/ smon pa dang bral ba/ mya
ngan las 'das pa la gzhol ba chos kyi dbyings su nges pa/ nam
mkha'i khams kyi mthas gtugs
pa'o; /rgyal po chen po 'di lta ste dper na mi zhig nyal ba'i
rmi lam na chang gis ra ro ste bdag nyid shin tu gti mug par
gyur nas de de na dge ba yang mi shes/ mi dge ba yang mi shes/
kha na ma tho ba dang bcas pa yang mi shes/ kha na ma tho ba med
pa yang mi shes/ phan pa yang mi shes/
gnod pa yang mi shes/ yon tan dang nyes pa yang rnam pa thams
cad du mi shes par gyur pa zhig rmis la/ de nyal ba las sad nas
chang gis ra ro ba'i gti mug de dran par gyur na/ /rgyal po chen
po de ji snyam du sems/ rmi lam na mthong ba'i chang gis ra ro
zhing gti mug pa de yod dam/
gsol pa/ bcom ldan 'das de ni ma mchis so/ /bka' stsal pa/ rgyal
po chen po de ji snyam du sems/ 'o na rmi lam gyi chang gis ra
ro ba la mngon par zhen pa de mkhas pa'i rang bzhin can yin nam/
gsol pa/ bcom ldan 'das de ni ma lags te/ de ci'i slad du zhe
na/
@150b bcom ldan 'das rmi lam na mthong ba'i chang nyid kyang
shing tu ma mchis shing mi dmigs na gti mug pa lta ga la mchis
te/ gzhan du na gang de la mngon par zhen pa'i mi de phongs
shing dub pa'i skal ba can du 'gyur ro/ /bcom ldan 'das kyis
bka' stsal pa/ rgyal po chen po de bzhin
du byis pa so so'i skye bo thos pa dang mi ldan pa yang yid kyis
chos rnams rnam par shes na btang snyoms su 'gyur ba rnams la
yang mngon par zhen par 'gyur te/ mngon par zhen nas shin tu
rmongs par 'gyur ro/ /shin tu rmongs nas gti mug las byung ba'i
las lus kyis ni rnam
pa gsum/ ngag gis ni rnam pa bzhi/ yid kyis ni rnam pa gsum
mngon par 'du byed de/ las mngon par 'du byas pa de yang thog ma
nyid nas zad cing 'gags la bral zhing rnam par gyur pa ste/ shar
phyogs su brten te gnas pa ma yin pa nas/ 'di na ma yin/ pha ba
ni ma yin/
bar ma do na ma yin pa'i bar du ste/ dus gzhan na 'chi ba'i dus
dang tshod nye bar gnas pa'i tshe srog gi dbang po 'gags te tshe
yang yongs su zad cing de dang skal ba 'dra ba'i las rnams kyang
zad nas rnam par shes pa tha ma 'gag pa'i tshe 'di lta ste dper
na nyal nyal ba las sad pa'i chang gis ra ro
ste gti mug pa lta bur yid kyis dmigs par 'gyur ro/ /rgyal po
chen po de la rnam par shes pa tha ma'i dbang dang/ las dmigs pa
de dang/ rkyen gnyis kyis rnam par shes pa dang po 'gro ba rnams
su 'byung ste/ rnam par shes pa dang po de 'gags ma thag tu bar
ma chad par
gang la rnam par smin pa myong bar 'gyur ba mngon pa'i sems kyi
rgyud skal ba 'dra ba 'byung ngo/ /rgyal po chen po de ltar na
las kyang dmigs la/ byed pa po yang gang yang med/ rnam par smin
pa yang dmigs la/ ming gi brda tsam ma gtogs par 'di la tshor ba
po gang yang med
do; /rgyal po chen po de la gang rnam par shes pa tha ma 'gag pa
de ni 'chi 'pho zhes bya ba'i grangs su 'gyur ro/ /gang rnam par
shes pa dang po 'byung ba de ni skye ba zhes bya ba'i grangs su
'gyur te/ rgyal po chen po de ltar na chos gang 'jig rten 'di
nas 'jig rten pha rol tu 'pho ba yang med
@151a */ /la; 'chi 'pho dang skye bar mngon pa yang yod do/
/rgyal po chen po rnam par shes pa tha ma de skye ba'i tshe yang
gang nas kyang mi 'ong/ 'gag pa'i tshe yang gang du yang mi
'gro'o/ /las dang/ rnam par smin pa dang/ 'chi 'pho dang/ skye
ba dang/ rnam par shes pa dang po skye
ba'i tshe yang gang nas kyang mi 'ong/ 'gag pa'i tshe yang gang du
yang mi 'gro'o/ /de ci'i phyir zhe na/ ngo bo nyid kyis stong
pa'i phyir te/ rnam par shes pa tha ma ni rnam par shes pa tha
ma'i rang bzhin gyis stong/ skye ba dang/ 'jig pa dang/ las
dang/ rnam par smin pa dang/ rnam par shes
pa dang po dang/ 'chi 'pho dang/ skye ba dang/ 'khor ba dang/
mya ngan las 'das pa ni mya ngan las 'das pa'i rang bzhin gyis
stong/ chos thams cad kyang chos thams cad kyi rang bzhin gyis
stong ste/ 'di ni rnam par thar pa'i sgo stong pa nyid do/ /gang
stong pa nyid kyi mtshan mas stong pa
'di ni rnam par thar pa'i sgo mtshan ma med pa'o/ /gang la mtshan
ma med pa de la smon pa med de/ 'di ni rnam par thar pa'i sgo
smon pa med pa'o/ /rgyal po chen po de ltar na chos thams cad ni
rnam par thar pa'i sgo ste/ stong pa nyid du yang dag par 'du
ba/ mtshan ma med pa'i ngo bo nyid/
smon lam dang bral ba/ mya ngan las 'das pa la gzhol ba/ chos
kyi dbyings su nges pa/ nam mkha'i khams kyi mthas gtugs pa'o/
/rgyal po chen po khyod kyis 'di la sems nges par bzhag pa dang/
sems nges par bzhag pa la brtson par bya'o/ /gzhan gyi drid la
mi 'jog cing
bdag nyid kyis shes par bya ste/ 'di ni 'das pa dang/ ma byon pa
dang/ ma byon pa dang/ da ltar byung ba'i sangs rgyas bcom ldan
'das rnams kyi byang chub ste/ dbang phyug la mngon par zhen pa
thams cad rab tu 'joms pa/ sred pa thams cad yongs su skems pa/
nga rgyal thams cad snyil ba/ lta ba'i
rnam pa dang/ the tshom thams cad yang dag par gcod pa/ chos
thams cad kyi mnyam pa nyid de/ byis pa so so'i skye bo rnams
kyis ma yin pa/ nyan thos rnams kyis ma non pa/ rang sangs rgyas
rnams kyi spyod yul ma yin pa/ byang chub sems dpa' rnams kyi
spyod pa yang dag par
@151b rdzogs pa'i sangs rgyas rnams kyis thugs su chud pa yin
gyis/ rgyal po chen po khyod kyis ji ltar na bdag lha dang bcas
pa'i 'jig rten gyi mig dang/ sgron ma dang/ mar me dang/ snang
ba dang/ gru dang/ dogs dang/ 'bab stegs dang/ 'dren pa dang/
yongs su 'dren pa dang/
ston pa dang/ ded dpon dang/ sngon du 'gro bar 'gyur snyam pa
dang/ bdag grol nas dgrol bar bya'o/ /rgal nas bsgral bar bya'o/
/dbugs phyin nas dbugs dbyung par bya'o/ /yongs su mya ngan las
'das nas yongs su mya ngan las bzla bar bya'o snyam du yid la
gzhag par bya'o/ /
rgyal po chen po dbang phyug lta zhig ni sngon myong bar gyur
pa'i mtha' yang mi mngon te/ rgyal po chen po de ltar dbang po
rnams ni sgyu ma lta bu ste/ chog mi shes pa'o/ /tshim par mi
rung ba'o/ /yul rnams ni rmi lam lta bu ste/ tshim par mi nus pa/
ngoms par ma gyur pa'o/ /rgyal po chen po sngon
byung ba 'das pa'i dus na rgyal po grags pa mtha' yas zhes bya
ba byung ste/ rgyal po chen po rgyal po grags pa mtha' yas de ni
khyogs dang/ dpung dang/ bzhon pa mtha' yas shing 'khor lo thogs
pa med pas sgyur ba/ mi 'khrugs pa'i theg pa dang tshul phun sum
tshogs pa dang ldan pa/ sngon
gyi sangs rgyas la dge ba'i rtsa ba bskyed pa/ yid bzhin du
'gyur ba'i stobs dang ldan pa ste/ de gang ci sems kyang rung/
de'i de thams cad 'grub cing de'i bsam pa don med par 'gyur ba
gang yang med do/ /de ltar rgyal po de ni rang gi dge ba'i rtsa
ba'i gzi brjid kyis bsam pa yid
bzhin du don med pa ma yin par gyur to/ /rgyal po chen po de nas
rgyal po grags pa mtha' yas de 'di snyam du bdag gi bsod nams
kyi stobs nyams pa med pa la brtag par bya'o snyam nas de 'di
snyam du sems te/ kye ma bdag gi gling chen po bzhi pa'i 'jig
rten gyi khams na shing ljon
pa ji snyed cig yod pa de dag thams cad yid bzhin du 'bras bu
chags par gyur cig snyam pa dang/ rgyal po grags pa mtha' yas
de'i sems bskyed ma thag tu gling chen po bzhi pa'i 'jig rten
gyi khams na shing ljon pa ji snyed cig yod pa de dag thams cad
yid bzhin du 'bras bu chags par
@152a */ /gyur to; /rgyal po chen po gzhan yang rgyal po grags
pa mtha' yas des yang bdag gi dge ba'i rtsa ba'i stobs bskyed pa
la brtag par 'dod nas 'di snyam du bsams te/ kye ma bdag gi
gling chen po bzhi pa'i 'jig rten gyi khams 'di na sems can
'khod pa 'di dag
thams cad gnod pa thams cad rgyun chad par gyur te/ yid la bsam
pa don yod par gyur cig snyam pa dang/ rgyal po grags pa mtha'
yas kyis sems bskyed ma thag tu gling chen po bzhi pa'i 'jig
rten gyi khams na sems can gang ji snyed cig 'khod pa de dag
thams cad gnod pa thams cad
rgyun chad de yid la bsam pa thams cad don yod par gyur to/
/rgyal po chen po gzhan yang rgyal po grags pa mtha' yas kyis
bdag gi dge ba'i rtsa ba'i stobs bskyed pa la brtag par 'dod nas
'di snyam du bsams te/ kye ma bdag gi gling chen po bzhi pa'i
'jig rten gyi khams 'dir spos chu'i
char rab tu 'bab par gyur cig snyam pa dang/ rgyal po chen po
rgyal po grags pa mtha' yas kyis sems bskyed ma thag tu gling
bzhi pa'i 'jig rten gyi khams thams cad du spos chu'i char rab
tu bab par gyur to/ /rgyal po chen po de nas yang rgyal po grags
pa mtha' yas kyis bdag gi dge ba'i rtsa
ba'i stobs bskyed pa la rgya cher brtag par 'dod nas 'di snyam
du bsams te/ kye ma bdag gi gling chen po bzhi pa'i 'jig rten
gyi khams 'dir me tog gi char rab tu 'bab par gyur cig snyam pa
dang/ rgyal po chen po rgyal po grags pa mtha' yas kyis sems
bskyed ma thag tu gling chen po bzhi
pa'i 'jig rten gyi khams thams cad du me tog gi char rab tu bab
par gyur to/ /rgyal po chen po gzhan yang rgyal po grags pa
mtha' yas gyis 'di snyam du bsams te/ kye ma bdag gi gling chen
po bzhi pa'i 'jig rten gyi khams 'dir lha'i gos kyi char dang/
dbyig gi char dang/ gser
gyi char dang/ rin po che sna tshogs kyi char dang/ yo byad thams
cad kyi char rab tu 'bab par gyur cig snyam pa dang/ rgyal po
chen po rgyal po grags pa mtha' yas kyis sems bskyed ma thag tu
'di ltar sems can thams cad dang thun mong du bsags pa'i dge
ba'i rtsa ba yangs pa dang ldan
@152b pa'i rgyus lha'i gos kyi char dang/ dbyig gi char dang/
gser gyi char dang/ rin po che sna tshogs kyi char dang/ yo byad
thams cad kyi char rab tu bab bo/ /rgyal po chen po de'i tshe
'dzam bu'i gling 'di ni rgyar dpag tshad khri brgyad stong yod
par gyur te/ de'i tshe 'dzam bu'i gling de na grong khyer bye
ba phrag drug cu yod par gyur nas 'dzam bu'i gling de'i dbus na
rin po ches rab tu brgyan pa zhes bya ba'i grong khyer rgyal
po'i pho brang 'khor du gyur pa chu zheng du dpag tshad bcu gnyis
bcu gnyis yod pa/ gru bzhi lham pa/ dri ma med pa shin tu 'brel
bar bres pa zhig yod par gyur te/ rgyal
po'i pho brang 'khor rin po ches rab tu brgyan pa de ni shing ta
la'i phreng ba rim pa bdun gyis kun nas yongs su bskor ba ste/
ta la de dag kyang rin po che sna bzhi'i rgyu las byung ba ste/
gser dang/ dngul dang/ bE d'u r+ya dang/ shel gyi ta la sha
stag go /de la gser gyi ta la rnams ni dngul gyi lo ma
dang; me tog dang/ 'bras bu dang ldan par gyur to/ /dngul gyi ta
la rnams ni gser gyi lo ma dang/ me tog dang/ 'bras bu dang ldan
par gyur to/ /bE d'u r+ya'i ta la rnams ni shel gyi lo ma
dang/ me tog dang/ 'bras bu dang ldan par gyur to/ /shel gyi ta
la rnams ni bE d'u r+ya'i lo
ma dang; me tog dang/ 'bras bu dang ldan par gyur to/ /rgyal
po'i pho brang 'khor rin po ches rab tu brgyan pa de rin po che
sna bdun gyi dril bu g.yer ka'i dra ba bkra ba/ blta na sdug pa
rim pa bdun steng du bres par gyur to/ /rin po che'i dra ba chen
po'i rin po che sna bdun ni 'di lta ste/
gser dang/ dngul dang/ bE d'u r+ya dang/ shel dang/ mu tig
dmar po dang/ spug dang/ rdo'i snying po dang bdun no/ /rgyal
po'i pho brang 'khor rin po ches rab tu brgyan pa de kun nas
'obs zab pa/ chu 'byung ba/ zabs su dpag tshad phyed yod pa/ kha
tshon du dpag tshad gcig
yod pa; yan lag brgyad dang ldan pa'i chus bya rog gis btung du
rung ba tsam du kha da chad du yongs su gang ba/ me tog ud pa
la dang/ pad ma dang/ ku mu da dang/ pad ma dkar pos kun tu gang
ba/ gser gyi bye ma brdal ba rim pa bdun gyis yongs su bskor bar
gyur te/ 'obs
@153a */ /de dag gi khor yug nas 'di lta ste/ gser dang/ dngul
dang/ bE d'u r+ya dang/ shel dang/ rin po che de bzhi las byas
pa'i them skas bkra ba/ blta na sdug pa sha stag bkod par gyur
to/ /de la gser gyi gzhi la ni dngul gyi them pa bkye/ dngul gyi
gzhi la ni
gser gyi them pa bkye/ bE d'u r+ya'i gzhi la ni shel gyi them
pa bkye/ shel gyi gzhi la ni bE d'u r+ya'i them pa bkye ba sha
stag ste/ them skas de dag kyang rin po che sna bdun gyi kha
khyer bkra ba/ blta na sdug pa rim pa bdun gyis kun nas bskor
bar gyur to/ /rin po che'i them skas
de dag gi steng steng du rin po che sna bdun gyi rta babs bkra
ba/ blta na sdug pa sha stag btsugs par gyur to/ /them skas de
dag so so'i khar 'dzam bu chu bo'i gser gyi chu shing ljon pa
bkra ba/ blta na sdug pa sha stag btsugs par gyur te/ 'obs kyi
chu de dag re re zhing yang rin po che sna
bdun gyi gru bkra ba blta na sdug pa sha stag bcas par gyur to/
/rgyal po chen po rgyal po grags pa mtha' yas kyi bsod nams kyi
gzi brjid kyis rgyal po'i pho brang 'khor rin po ches rab tu
brgyan pa'i khor yug tu skyed mos tshal bkra ba blta na sdug pa/
bdag gir bya ba med pa/ yongs
su bzung ba med pa/ brgyad khri byas par gyur to/ /de dag kyang
rgyal po grags pa mtha' yas kyis skye bo thams cad yongs su
longs spyod pa'i phyir byin te/ mi de dag skyed mos tshal de dag
tu dod nas phun sum tshogs pa'i bde ba mchog gis rtse dga' zhing
yongs su spyod par gyur to/ /
skyed mos tshal de dag re re zhing yang rdzing bu brgyad brgyad
bshams par gyur te/ rdzing bu de dag kun kyang rgyar rgyad grags
phyed phyed yod pa sha stag go /rdzing bu de dag re re zhing
yang rin po che sna bzhi 'di lta ste/ gser dang/ dngul dang/ bE
d'u r+ya dang/ shel gyi them skas bkra ba/ blta na
sdug pa brgyad brgyad dang ldan par gyur to/ /them skas de dag
gi steng steng du yang rin po che sna bdun gyi rta babs bkra ba/
blta na sdug pa sha stag btsugs par gyur to/ /them skas de dag
re re'i khar yang 'dzam bu chu bo'i gser gyi chu shing ljon pa
bkra ba/ blta na sdug pa sha stag btsugs par
@153b gyur to; /rdzing bu de dag kyang chu yan lag brgyad dang
ldan pas bya rog gis btung du rung ba tsam du kha da chad du
yongs su gang bar gyur to/ /rdzing bu de dag tu me tog chu las
skyes pa 'di lta bu dag bskyed par gyur te/ 'di ltar me tog ud
pa la dang/ pad ma dang/ ku mu da dang/ pad ma
dkar po dang/ dri zhim ldan rnams so/ /khor yug tu yang thang
las skyes pa'i me tog 'di lta bu dag bskyed par gyur te/ 'di
ltar a ti mug ta ka dang/ tsam pa ka dang/ bar sha ka dang/ sna
ma'i me tog dang/ ma yu ka dang/ da nu ska ri dang/ de ma yin
pa'i me tog thang las skyes pa
mang po dag kyang bskyed par gyur to/ /rgyal po'i pho brang
'khor rin po ches rab tu brgyan pa de'i steng gi bar snang la
dril bu g.yer ka'i dra ba chen po bris ? pa dang/ rgyal po'i
pho brang 'khor rin po ches rab tu brgyan pa'i shing ta la de
dag dang/ rin po che'i dra ba de dag dang/ dril bu g.yer
ka'i dra ba de dag rlung gis bskyod pa las 'di lta bu'i sgra
snyan cing yid du 'ong la mnyan na bde ba 'di lta ste dper na
yan lag lnga dang ldan pa'i rol mo sil snyan mkhas pas legs par
blangs pa'i sgra lta bu byung bar gyur to/ /de'i tshe rgyal po'i
pho brang 'khor rin po ches rab tu brgyan pa de na
mi ji snyed cig 'khod ? pa de dag thams cad kyang sgra des rtse
dga' zhing yongs su spyod par gyur to/ /rgyal po'i pho brang
'khor rin po ches rab tu brgyan pa de ni 'byor pa rgyas pa/ bde
ba/ lo legs pa/ skye bo mang po dang/ mis yongs su gang ba/ me
tog ud pa la dang/ pad ma dang/
ku mu da dang/ pad ma dkar pos yongs su gang bar gyur to/ de nas
rgyal po grags pa mtha' yas de 'di snyam du sems te/ 'o na bdag
ni shar gyi lus 'phags gling du 'gro'o snyam pa dang/ sems
bskyed ma thag tu dpung gi tshogs yan lag bzhi pa dang lhan cig
tu nam mkha'
la mngon par 'phags nas shar gyi lus 'phags gling ga la ba der
song ste/ des der lo brgya phrag mang po dang/ lo stong phrag
mang por rgyal po byas so/ /de nas rgyal po grags pa mtha' yas
de 'di snyam du sems te/ 'o na bdag ni nub kyi ba lang spyod kyi
gling du 'gro'o snyam pa
@154a */ /dang; /sems bskyed ma thag tu dpung gi tshogs yan lag
bzhi pa dang lhan cig tu nam mkha' la mngon par 'phags nas nub
kyi ba lang spyod ga la ba der song ste/ des der lo brgya phrag
mang po dang/ lo stong phrag mang por rgyal po byas so/ /de nas
rgyal po grags pa
mtha' yas de 'di snyam du sems te/ 'o na bdag ni byang gi sgra
mi snyan gyi gling du 'gro'o snyam pa dang/ sems bskyed ma thag
tu dpung gi tshogs yan lag bzhi pa dang lhan cig tu nam mkha' la
mngon par 'phags nas byang gi sgra mi snyan gyi gling chen po ga
la ba der song ste/ des der lo brgya phrag
mang po dang/ lo stong phrag mang por rang gi dpung gi tshogs la
rjes su bstan to/ /de nas rgyal po grags pa mtha' yas yun ring
po 'das pa'i dus shig na 'di snyam du sems te/ sum cu rtsa gsum
zhes bya ba'i lha ri rab kyi zom la gnas pa dag yod na bdag ni
sum cu rtsa gsum pa'i
lha ga la ba der 'gro'o snyam pa dang/ sems bskyed ma thag tu
dpung gi tshogs yan lag bzhi pa dang lhan cig tu nam mkha' la
mngon par 'phags nas glang po rin po che'i bya la khar zhon te
ri'i rgyal po ri rab kyi steng du song ngo/ /de nas rgyal po
grags pa mtha' yas kyis kha lo sgyur ba la
smras pa; kha lo sgyur ba gling chen po bzhi dang/ ri'i rgyal po
ri rab dang/ rgya mtsho chen po ji ltar mthong/ kha lo sgyur bas
smras pa/ rgyal po chen po 'di lta ste dper na rdza mkhan gyi
'khor lo dbyig pas 'phangs na yongs su 'khor ba de bzhin du
gling chen po bzhi dang/ ri'i rgyal po ri
rab dang/ rgya mtsho chen po 'di yang yongs su 'khor bar mthong
ngo/ /rgyal pos smras pa/ kha lo sgyur ba 'o na da dung glang po
rin po ches 'gros ma phyung ngo/ /yang rgyal po grags pa mtha'
yas kyis kha lo sgyur ba la smras pa/ kha lo sgyur ba gling chen
po bzhi dang/ ri'i rgyal po ri rab
dang; rgya mtsho chen po 'di da ji ltar mthong/ kha lo sgyur bas
smras pa/ rgyal po chen po gling chen po bzhi dang/ ri'i rgyal
po ri rab dang/ rgya mtsho chen po dag da ni 'gul zhing rab tu
'gul ba dang/ kun tu rab tu 'gul bar mthong ngo/ /rgyal pos
smras pa/ kha lo sgyur ba 'o na da dung
@154b glang po ches rin po ches 'gros ma phyung ngo/ /yang rgyal
po grags pa mtha' yas kyis kha lo sgyur ba la smras pa/ kha lo
sgyur ba gling chen po bzhi dang/ ri'i rgyal po ri rab dang/
rgya mtsho chen po 'di da ji ltar mthong/ kha lo sgyur bas smras
pa/ rgyal po chen po da ni gling chen po bzhi dang/ ri'i rgyal
po ri rab dang/ rgya mtsho chen po dag kyang g.yo ba'am 'gul ba
dang/ ldeg pa ma mchis par gnas par mthong ngo/ /rgyal pos smras
pa/ kha lo sgyur ba da ni glang po'i rgyal pos 'gros bslang ba
ltas ring po mi thogs par ri'i rgyal po ri rab kyi rtse mor
phyin par 'gyur ro/ /de nas rgyal
po grags pa mtha' yas dpung gi tshogs yan lag bzhi pa dang lhan
cig tu ring po mi thogs par ri'i rgyal po ri rab kyi rtse mor
phyin pa dang/ lha'i dbang po brgya byin gyis rgyal po grags pa
mtha' yas rgyad ring po nas 'od ba mthong ngo/ /mthong nas stan
gyi phyed la bdar te rgyal po chen
po tshur sbyon/ rgyal po chen po byon pa legs so/ /rgyal po chen
po stan gyi phyed la bzhugs shig ces smras pa dang/ rgyal po
grags pa mtha' yas lha'i dbang po brgya byin gyi stan gyi phyed
la 'dug ste/ des der lo brgya stong phrag mang por sum cu rtsa
gsum pa'i lha'i rgyal sring phyed kyi
dbang phyug la dbang byas par gyur to/ /de nas rgyal po grags pa
mtha' yas yun ring po 'das pa'i dus shig na 'di snyam du sems
te/ kye ma bdag gis brgya byin gyi stan thams cad la 'dug par
bya'o snyam pa dang/ des sems bskyed ma thag tu dpung gi tshogs
yan lag bzhi pa dang
lhan cig tu stan phyed po de las nyams nas 'dzam bu'i gling du
gnas par gyur te/ rgyal po'i pho brang 'khor rin po ches rab tu
brgyan pa'i skyed mos tshal gyi ra ba na 'khod pa'i mi rnams kyis
rgyal po grags pa mtha' yas rgyal po'i pho brang 'khor rin po
ches rab tu brgyan pa'i rin po che'i skyed mos
tshal du 'ongs shing de na 'dug pa mthong nas mthong ma thag tu
myur ba myur bar rings pa'i gzugs kyis rgyal po'i pho brang
'khor rin po ches rab tu brgyan pa de na rgyal po dga' byed ces
bya ba rgyal po byed cing 'dug pa la sbran to/ /rgyal po dga'
byed des rin po che'i za ma tog gi skyed mos tshal
@155a */ /na lha'i mi zhig dpung gi tshogs yan lag bzhi pa dang
lhan cig tu gnas zhes thos nas myur ba myur bar rings pa'i gzugs
su bzhon pa'i mchog la zhon te/ yan lag bzhi pa'i dpung gi tshogs
dang lhan cig tu rgyal po'i pho brang 'khor rin po ches rab tu
brgyan pa
nas byung nas rin po che'i za ma tog gi skyed mos tshal ga la ba
der song ngo/ /rgyal po'i pho brang 'khor rin po ches rab tu
brgyan pa na 'khod pa thams cad kyang ngo mtshar du gyur nas
rgyug par gyur to/ /de nas rgyal po dga' byed bzhon pa las babs
te/ rgyal po grags pa mtha'
yas ga la ba der dod nas/ des spos dang/ me tog dang/ phreng ba
dang/ byug pa dang/ bdug spos phul te/ gos phrag pa gcig la gzar
nas pus mo g.yas pa'i lha nga sa la btsugs te rgyal po grags pa
mtha' yas ga la ba de logs su thal mo sbyar ba btud nas rgyal po
grags
pa mtha' yas la khyod su zhig lags shes dris so/ /rgyal pos de
la smras pa/ rgyal po grags pa mtha' yas zhes bya ba zhig byung
ba de khyod kyis thos sam/ rgyal po dga' byed kyis smras pa/
bdag gis rab tu 'ang thos te/ rgan rabs dag mchi na rgyal po
grags pa mtha' yas
zhes bgyi ba 'khor los sgyur ba khyogs dang dpung dang bzhon pa
dang bcas te mtho ris su bzhud do zhes thos so/ /smras pa/ nga
ni rgyal po grags pa mtha' yas zhes bya ba de yin no/ /de nas
rgyal po grags pa mtha' yas de mi'i gzi brjing kyis mig ma gang
ste/ mi'i longs sbyod
mi bzod par gyur nas bying zhing mi gnas par gyur te/ 'di lta
ste dper na mar gyi gong bu 'am/ mar sar gyi gong bu bye ma tsha
ba la bzhag pa ni 'ju zhing mi gnas so/ /de bzhin du rgyal po
grags pa mtha' yas kyang bying zhing mi gnas par gyur to/ /de
nas rgyal po dga' byed kyis rgyal po grags
pa mtha' yas de ltar bying ba de la 'di skad ces smras so/
/rgyal po grags pa mtha' yas kyis legs par brjod pa ji skad cig
gsungs shes mchi na bdag gis 'jig rten rnams la ji skad cig lung
bstan par bgyi/ des smras pa/ rgyal po chen po grags pa mtha'
yas ni gling chen
@155b po bzhir rgyal srid kyi dbang phyug la dbang byas shing
bsam pa yid bzhin du grub la don med par ma gyur pa yang myong/
shing thams cad yid bzhin du 'bras bu chags pa dang/ gnod pa
thams cad rgyun chad pa dang/ sems can thams cad kyi yid la
bsams pa don yod pa dang
spos chu'i char 'bab pa dang/ lha'i yid bzhin gyi gos kyi char
'bab pa dang/ dbyig gi char 'bab pa dang/ gser gyi char 'bab pa
dang/ rin po che sna tshogs kyi char 'bab pa dang/ yo byad thams
cad kyi char 'bab pa yang myong bar gyur nas gling chen po bzhi
dag tu gnas te/
gling chen po bzhi'i rgyal srid kyi dbang phyug la dbang byas
nas brgya byin gyi stan phyed mnan pa las 'dod pa chen pos ma
btang ste/ 'dod pas ma ngoms bzhin du 'chi ba'i dus byas so zhes
rgyal po chen po khyod kyis lung ston cig /de skad ces smras
nas rgyal po grags pa mtha' yas de
'chi ba'i dus byas par gyur to/ /rgyal po chen po de'i tshe de'i
dus na 'khor los sgyur ba'i rgyal po grags pa mtha' yas zhes bya
ba byung ba de gzhan zhig yin pa snyam du khyod dogs shing the
tshom za na de de ltar mi blta'o/ /de ci'i phyir zhe na/ rgyal po
chen po nga nyid de'i tshe de'i dus na 'khor
los sgyur ba'i rgyal po grags pa mtha' yas zhes bya bar gyur to/
/de bas na rgyal po chen po khyod kyis dbang po rnams ni sgyu ma
lta bu/ yul rnams ni rmi lam lta bu'o zhes de ltar rig par byas
nas sems nges par bzhag par bya ste/ gzhan gyi dring mi 'jog par
bya'o/ /de nas bcom
ldan 'das kyis de'i tshe tshigs su bcad pa 'di dag gsungs so/
/'dod pa'i dbang phyug rnam pa las/ /sems ni mkhas pas bskyong
byas te/ /chos kyi dbang phyug dga' ba la/ /sems ni yang dag
nyid du gtang/ /'dod bde'i dbang phyug spang byas shing/ /chos
kyi dbang
la yid bzhag ste/ /sems gdul ba la rab brten na/ /nyon mongs rab
tu tshar chod 'gyur/ /nyon mogs tshar bcad brten rnams ni/ /las
kyi lam yang chad par 'gyur/ /las kyi lam ni chad gyur na/ /'jig
rten gyi ni mchod rten 'gyur/ /'dod la kun nas nyon ma mongs/ /
@156a */ /'dod pa'i nyes pa rab bsten te/ /sems can rnams la
phan sems pas/ /de phyir mchod pa'i rten ces bya/ /'dod pa'i
nyes pa thos gyur na/ /mi ni 'dod pa'i 'dod chags las/ /sems
sbyong ? byed pa thams cad mkhyen/ /de phyir mchod pa'i rten ces
bya/ /
sems can rnams kyi sdang spang ba/ /gang zag mchog gis rab tu
mkhyen/ /sdang las sems ni grol mdzad pas/ /de phyir mchod pa'i
rten ces bya/ /sems can rnams kyi rmongs spangs pa/ /sh'akya'i
khyu mchog rab mkhyen te/ /rmongs las sems ni sbyong mdzad pas/
/de phyir
mchod pa'i rten ces bya/ /sems can nga rgyal spang ba yang/
/sems can kha lo sgyur bas mkhyen/ /nga rgyal dag las sems
sbyong bas/ /de phyir mchod pa'i rten ces bya/ /bcom ldan 'das
kyis gzhan yang rgyal po zas gtsang ma la bka' stsal pa/ rgyal
po chen po sngon byung ba
'das pa'i dus na rgyal po sa'i lha zhes bya ba chos dang ldan pa
chos kyi rgyal po rin po che sna bdun dang ldan pa byung ste/
de'i rin po che sna bdun ni 'di dag ste/ 'di ltar 'khor lo rin
po che dang/ glang po rin po che dang/ rta rin po che dang/ nor
bu rin po che dang/ bud med rin po che dang/ khyim bdag rin po
che dang; blon po rin po che dang bdun no/ /rgyal po sa'i lha
de'i pha ni rgyal po sa 'byung zhes bya bar gyur to/ /rgyal po
sa 'byung de'i bu thu bo ni gzhon nu sa'i lha ste/ de nas rgyal
po sa 'byung 'chi ba'i dus byed pa'i tshe rgyal bu gzhon nu sa'i
lha rgyal srid la dbang bskur ro/ /de nas rgyal po sa'i lha
de rgyal po rgyal rigs spyi bo nas dbang bskur bar gyur to/ /de
nas rgyal po sa'i lha rgyal rigs spyi bo nas dbang bskur ba de
gso sbyong gi nyi ma zla ba nya ba'i tshe skra bkrus te ras bcos
bu sar ba bgos/ skra dang kha spu bcos/ phreng ba dang rgyan
btags/ nor bu dang rna cha gdub kor btags nas khang
steng na bud med kyi 'khor gyis bskor cing mdun du bdar te 'dug
'dug pa dang/ shar phyogs nas lha'i 'khor lo rin po che rtsibs
stong dang ldan pa/ lte ba dang bcas pa/ mu khyud dang bcas pa/
rnam pa thams cad kyi mchog dang ldan pa/ 'od zer dang ldan pa/
'od gsal ba/ 'phang du khru
@156b bdun yod pa/ thams cad gser las byas pa byung bar gyur to/
/rgyal po sa'i lha des sngon yang rgyal po rgyal rigs spyi bo
nas dbang bskur ba gang gso sbyong gi nyi ma zla ba nya ba'i tshe
zhes bya ba nas bud med kyi tshogs kyis bskor cing mdun du bdar
ba'i bar du snga ma bzhin te/ shar phyogs nas
lha'i 'khor lo rin po che rtsi bas stong dang ldan pa zhes bya
ba nas thams cad gser las byas pa'i bar dang ldan pa byung bar
gyur pa dang/ de 'khor los sgyur ba'i rgyal por 'gyur ro zhes
thos pas de 'di snyam du sems te/ bdag 'khor los sgyur ba'i
rgyal po lta yin nam de la bdag gis
sad par bya'o snyam nas rgyal po sa'i lha stan las langs te/ gos
phyogs gcig tu bgos nas pus mo g.yas pa'i lha nga sa la btsugs
te/ lha'i 'khor lo rin po che ga la ba de logs su thal mo sbyar
ba btud nas lha'i 'khor lo rin po che de la 'di skad ces smras
so/ /kye 'khor
lo rin po che bobs te sa la gnos shig ces byas pa dang/ de nas
lha'i 'khor lo rin po che de nam mkha' las babs te sa la gnas
par gyur to/ /de nas rgyal po sa'i lha des lha'i 'khor lo rin po
che de gos khye'u gtsang gis phyis te lag pa g.yas pas bskul
nas 'di skad ces
smras so; /kye 'khor lo rin po che shar phyogs las rnam par
rgyal bar gyis shig /de nas 'khor lo rin po che de shar phyogs
logs su gyur pa dang/ shar phyogs kyi gnas rnams su de nyid kyi
tshe sngon gyi 'khor los sgyur ba rnams kyi lam mnyam zhing shin
tu bde ba/ nyams
dga' ba; rin po che bdun gyi rgyu las grub pa/ me tog sil ma sna
tshogs kyis gang ba byung bar gyur te/ de'i gshong du gyur pa'i
phyogs rnams ni mtho bar gyur to/ /sgang du gyur ba rnams ni
dma' bar gyur to/ /de'i khron pa dang/ 'bab chu'i dngo ? dang/
mtsho dang/
mtshe'u dang/ chu klung skams pa rnams su ni yan lag brgyad dang
ldan pa'i chu byung bar gyur te/ 'di lta ste/ bsil ba dang/ zhim
pa dang/ yang ba dang/ 'jam pa dang/ dang ba dang/ dri nga ba
med pa dang/ 'thungs na lkog mar mi gnod pa dang/ 'thungs na lto
ba bde bas
@157a */ /yongs su gang bar gyur to/ /me tog gi shing ljon pa
rnams la yang me tog chags par gyur to/ /'bras bu'i shing ljon
pa rnams la yang 'bras bu chags par gyur to/ /me tog rgyas pa'i
shing rnams kyang rtag tu me tog rgyas par gyur to/ /'bras bu
chags pa'i shing
rnams kyang rtag tu 'bras bu chags par gyur to/ /'khor los sgyur
ba'i rgyal po dpung gi tshogs yan lag bzhi pa dang lhan cig tu
'khor lo rin po che de'i phyi bzhin song ste/ sa phyogs gang du
'khor lo rin po che de 'dug par gyur pa der 'khor los sgyur ba'i
rgyal po yang dpung gi
tshogs yan lag bzhi pa dang lhan cig tu 'dug par gyur to/ /de'i
tshe shar phyogs kyi rgyal po'am/ khams kyi rgyal po'am/ grong
rdal gyi mi'am/ zhing pa de dag thams cad gser gyi gzhong pa
dngul sil mas bkang ba dang/ dngul gyi gzhong pa gser phyes
bkang ba dag thogs te/
'khor los sgyur ba'i rgyal po de bsu zhing lha tshur gshegs/ lha
gshegs pa legs so/ /lha'i chags 'og tu mnga' ba 'di dag ni 'byor
cing rgyas la lo legs shing skye bo mang po dang mis gang ba
ste/ 'di dag dang bdag cag la lha mnga' mdzad du gsol/ de skad
ces smras pa dang/ 'khor
los sgyur ba'i rgyal po des de dag la 'di skad ces smras so/
/nga la longs spyod 'di dag mi dgos kyis/ 'di dag khyed kyi
longs spyod du gyur te nye bar 'tsho bar gyis shig /khyed 'di
ltar nga'i rjes su 'brang bar gyis shig /gal te khyed kyis srog
gcod pa spangs te/ ma byin bar
len pa spangs shing log par lta ba'i bar du spangs na nga yang
bdag gis ni yul 'di dag las rgyal te/ mi gang dag mar 'dzin pa
dang/ phar 'dzin pa dang/ dge sbyong du 'dzin pa dang/ bram zer
'dzin pa dang/ rigs kyi gtso bo la rim gro byed pa de dag ni
nga'i rjes su 'brang ba yin no snyam
du sems so/ /da phan chad khyed yul 'khor du chos ma yin pa'i
spyod pa dang/ mi rig pa'i spyod pa 'dod par ma byed cig /de
ltar byas na da ? yang yul 'di rnams las rgyal zhing mi de dag
kyang nga'i rjes su 'brang ba yin par sems so/ /de dag gis de la
legs so zhes nas de bzhin du nan tan
@157b byed do; /de'i lha'i 'khor lo rin po che des shar phyogs
su rnam par rgyal bar byas te/ shar phyogs kyi rgya mtsho las
rgal nas mdun du shing rta'i srog shing btsugs pa ltar 'dug par
gyur to/ /de bzhin du lho phyogs dang/ nub phyogs su yang rgya
cher rnam par rgyal bar byas nas/ byang
phyogs su byang gi sgra mi snyan gyi gling chen po'i bar las
rnam par rgyal bar byas te/ byang phyogs kyi rgya mtsho las rgal
nas 'khor los sgyur ba'i rgyal po'i pho brang gi sgo'i steng du/
shing rta'i srog shing btsugs pa bzhin du 'dug par gyur to/
/rgyal po sa'i lhas 'khor lo rin po che
bskor ma thag tu de nas de'i mod la gling chen po bzhi pa thams
cad rin po che'i rang bzhin bkra ba blta na sdug par gnas par
gyur te/ rin po che sna bdun ni 'di lta ste/ gser dang/ dngul
dang/ bE d'u rya dang/ shel dang/ mu tig dmar po dang/ spug
dang/ rdo'i snying po dang bdun no/ /
rgyal po sa'i lhas 'khor lo rin po che de bskor ma thag tu sems
can dmyal ba thams cad rgyun chad par gyur/ dud 'gro'i skye gnas
thams cad dang/ gshin rje'i 'jig rten thams cad dang/ lha ma yin
gyi ris thams cad dang/ mi khom pa thams cad kyang rgyun chad
par gyur to/ /mi
dge ba'i sgra rnams kyang yongs su nub par gyur to/ /'di ltar
rgyal po sa'i lha'i sngon gyi smon lam gyis gling chen po bzhi
po thams cad du ma rmos ma btab pa'i 'bras s'a lu'i 'bru yang
byung bar gyur/ dpag bsam gyi shing rnam pa sna tshogs kyang
byung bar gyur to/ /sems can de dag
gi nad kyi rnam pa yang 'di lta ste/ 'dod pa dang/ kha zas mi za
ba dang/ rga ba gsum ma gtogs par thams cad rgyun chad par gyur
to/ /sems can de dag gi tshe'i tshad ni lo bye ba tshang bar gyur
to/ /sems can de dag la sdug bsngal gyi sdug bsngal yang thams
cad du mi mngon
zhing mi gnod par gyur te/ de'i tshe 'di dag dang gzhan yang ngo
mtshar rmad du byung ba mtha' yas pa byung bar gyur to/ /rgyal po
chen po de nas rgyal po sa'i lha de 'di snyam du sems te/ mi'i
'jig rten na longs spyod 'di lta bu yod na longs spyod 'di bas
rgya che ba dang/ 'di las
@158a */ /khyad par du 'phags pa'i longs spyod gzhan 'ga' zhig
yod dam med snyam nas de 'di snyam du sems te/ bdag gis sum cu
rtsa gsum pa'i lha zhes bya ba ri rab kyi rtse mo la gnas pa dag
cig yod ces thos na de dag gi longs spyod de ci 'dra ba zhig yod
snyam mo/ /
de nas rgyal po sa'i lha de 'dod pa de ma spangs pa'i phyir mi'i
longs spyod la ni smod/ lha'i longs spyod la ni smon cing 'di
snyam du 'o na bdag sum cu rtsa gsum pa'i gnas su 'gro bar bya'o
snyam du sems bskyed par gyur to/ /rgyal po chen po de nas rgyal
po sa'i lha des sems bskyed ma thag tu dpung gi
tshogs yan lag bzhi ba dang lhan cig tu ri'i rgyal po ri rab kyi
rtse mo la phyin par gyur to/ /de nas lha'i dbang po brgya byin
gyis rgyal po sa'i lha rgyang ring po nas 'ong ba mthong nas 'di
skad ces smras te/ rgyal po chen po tshur sbyon/ rgyal po chen po
byon pa legs so zhes stan gyi phyed la
bdar te; rgyal po chen po gang gi dus la dbab par mkhyen na stan
'di la bzhugs shig ces smras pa dang/ rgyal po sa'i lha yang
brgya byin gyi stan phyed la 'dug ste/ des der lo brgya stong
phrag mang por sum cu rtsa gsum pa'i lha'i nang du rgyal srid
kyi dbang phyug phyed la dbang byas
so; /de yun ring po 'das pa'i dus shig na 'dod pa chen po'i
dbang gis 'di snyam du sems par gyur te/ kye ma bdag gis sum cu
rtsa gsum pa'i lha'i nang du rgyal srid kyi dbang phyug thams
cad la dbang bya'o snyam pa dang/ sems bskyed ma thag tu lha'i
dbang po brgya byin gyi
stan phyed las nyams nas phyir 'dzam bu'i gling gi grong khyer
bde ba'i khyim zhes bya bar gnas par gyur to/ /de lha'i gzi
brjid dang ldan pa las 'dzam bu'i gling du gnas par gyur bas
mi'i gzi brjid mi bzod par gyur nas de bying zhing mi gnas par
gyur to/ /de nas rgyal po sa'i
lha sa la 'bying ban de'i tshe tshigs su bcad pa 'di dag smras so/
/rgyal srid dbang phyug rgya chen gyis/ /'dod la sred pa zhi mi
'gyur/ /me la rtsva shing ji bzhin te/ /de bas 'dod pa rnam par
spang/ /yun ring rgyud kyi 'dod pa la/ /bsten na ngoms par mi
'gyur te/ /skom
@158b pas nyen pa tshva chu la/ /rab tu 'thungs kyang yongs gdung
bzhin/ /chu bo rnams kyis nam du yang/ /rgya mtsho ngoms par mi
'gyur te/ /de bzhin 'dod pa bsten byas na/ /gzhan yang ngoms par
mi 'gyur ro/ /shing dang rtsva dag rab bsregs kyang/ /me ni
ngoms par mi 'gyur ro/ /de
bzhin 'dod pa bsten byas na/ /'dod pa'i longs spyod ngoms mi
myong/ /me long ji ltar gzugs brnyan gyis/ /nam yang ngoms par
mi 'gyur ba/ /de bzhin gzugs rnams bsten byas na/ /'dod pa'i
longs spyod ngoms mi myong/ /brag ca ji ltar sgra rnams kyis/ /
nam yang ngoms par mi 'gyur ba/ /de bzhin sgra rnams bsten byas
na/ /'dod pa'i longs spyod ngoms mi myong/ /ji ltar spos snod
spos rnams kyis/ /nam yang ngoms par mi 'gyur ba/ /de bzhin dri
rnams bsten byas kyang/ /sna ni dri yis ngoms mi myong/ /ji ltar
gzar bu ro mchog gis/ /nam yang ngoms par mi 'gyur ba/ /de bzhin
lce ni ro mchog gis/ /nam yang ngoms par mi 'gyur ro/ /ji ltar
nam mkha' rlung rnams kyis/ /nam yang ngoms par mi 'gyur ba/ /de
bzhin lus ni reg rnams kyis/ /nam yang ngoms par mi
'gyur ro/ /dper na rmi lam rmis pa yi/ /chu 'thungs ngoms par mi
'gyur ba/ /de bzhin 'dod la chags pa yi/ /yid kyang ngoms par
'gyur ba med/ /sems can 'dod la sten pa ni/ /phyir zhing sred pa
'phel 'gyur te/ /yul la nye bar bsten byas na/ /'dod pas nam
yang ngoms pa med/ /skom dang me 'dra'i 'dod pa las/ /sdug
bsngal 'byung bar sus mthong ba/ /de dag sred pa zhir 'gyur te/
/me la chus ni blugs pa bzhin/ /rgyal po chen po de'i tshe de'i
dus na 'khor los sgyur ba'i rgyal po sa'i lha zhes bya ba byung
ba de gzhan zhig yin snyam du dogs
shing the tshom za 'am yid gnyis su gyur na khyod kyis de ltar mi
blta'o/ /de ci'i phyir zhe na/ rgyal po chen po de nyid de'i tshe
de'i dus na 'khor los sgyur ba'i rgyal po sa'i lha zhes bya bar
gyur to/ /de tsam du tshe zhing de tsam du yangs pa'i dbang phyug
la dbang byas kyang dbang phyug gis ma ngoms
@159a */ /bzhin du 'chi ba'i dus byas par gyur to/ /de ci'i
phyir zhe na/ rgyal po chen po dbang po rnams ni ma ngoms shing
ngoms par mi rung ba/ yul rnams ni ngoms par mi byed pa ste/
dbang po rnams ni me long dang 'dra/ yul rnams ni gzugs brnyan
dang 'dra/ dbang
po rnams ni brag ca dang 'dra/ yul rnams ni sgra brnyan dang
'dra/ dbang po rnams ni sgyu ma dang 'dra/ yul rnams ni rmi lam
dang 'dra ba yin gyis/ rgyal po chen po khyod de la yid gzhag
cing gzhan gyi dring mi 'jog par gyis shig / //bam po bcva ?
lnga pa
ste tha ma/ rgyal po chen po gzhan yang sngon byung ba 'das pa'i
dus na rgyal po nga las nu zhes bya ba rdzu 'phrul che zhing
mthu che la dbang che bar grags pa/ rgyal po gso sbyong 'phags
kyi spyi bo nas byung ba/ sngon dge ba'i rtsa ba bsags pa/ sangs
rgyas dpag tu med pa mthong ba/
dge ba'i rtsa ba yang dag par bsgrubs pa/ sangs rgyas bye ba
khrag khrig mang po la chos dkar po yongs su bsgrubs pa zhig
byung ste/ des gling chen po bzhir dbang phyug la dbang byas so/
/de 'dzam bu'i gling na gnas pa de'i tshe 'dod pa'i khams kyi
sems can mi dang lha ji snyed cig 'dod
pa la spyod par gyur pa de dag gi nang na rgyal po nga las nu de
'di ltar 'dod pa la longs spyod pas mchog tu brjod do/ /de'i tshe
'dzam bu'i gling ni 'byor cing rgyas la bde zhing lo legs pa
dang/ skye bo mang po dang mis gang ba dang/ grong dang/ grong
khyer dang/ grong rdal dang/ ljongs dang/
yul 'khor dang/ rgyal po'i pho brang 'khor yang 'dab nye bar
gyur pa/ grong rnams kyang bya gag gi 'phur stabs kyis son pa
tsam du nye bar gyur to/ /'di ltar chos kyis gnas par gyur pas
sa chen po 'di yang gseg ma dang/ gyo mo med cing gser dngul
mang po dang/ kun
dga' ra ba dang/ skyed mos tshal dang/ rdzing bu dang/ mtshe'u dag
gis mdzes par byas par gyur to/ /rgyal po nga las nu'i rgyal
po'i pho brang 'khor ni grong khyer mi tshugs pa zhes bya bar
gyur te/ shar nub tu chur ni dpag tshad bcu gnyis/ lho byang gi
zheng du ni dpag tshad bdun yod par
@159b gyur to; /de ni bskal pa'i dang po la byung ba'i 'khor los
sgyur ba'i rgyal po rigs chen por grags par skyes pa'i rgyal po
rnams kyi dang po'i grong khyer du gyur pa ste/ 'di lta ste dper
na sum cu rtsa gsum pa'i lha rnams kyi grong khyer chen po blta
na sdug ces bya ba ni steng gi phyogs nas dril bu
g.yer ka'i dra ba bres pa'i bar du rgya cher te/ de bzhin du
rgyal po nga las nu'i dbyid gnas pa ni zla ba 'char ba zhes bya
ba'i khang bzangs bshams par gyur to/ /dbyar gnas pa ni bE d'u
rya'i snying po zhes bya ba'i khang bzangs bshams par gyur te/
'di lta ste dper na lha'i dbang po
brgya byin gyi rnam par rgyal ba'i khang bzangs lta bu'o/ /rgyal
po nga las nu'i dgu na gnas pa ni nyi ma'i 'od zer yang dag
'phags zhes bya ba'i khang bzangs bshams par gyur te/ 'di lta
ste dper na lha'i dbang po brgya byin gyi rnam par rgyal ba'i
khang bzangs lta bu'o/ /rgyal po
nga las nu khang bzangs zla ba 'char bar gnas pa'i tshe ni btsun
mo dang bcas par 'di lta ste dper na tsan dan gyis bskus pa
bzhin du lus bsil bar gyur to/ /khang bzangs bE d'u rya'i
snying por gnas pa'i tshe ni 'di lta ste dper na ta ma la'i lo
mas bskus pa bzhin du lus dus dang
ldan par bde bar gyur to/ /khang bzangs nyi ma'i 'od zer yang
dag 'phags su gnas pa'i tshe ni 'di lta ste dper na a ga rus
bskus pa bzhin du lus dro bar gyur to/ /rgyal po chen po rgyal
po nga las nu'i bsam pa'i dbang gis khang bzangs de dag kyang
nyams su bde ba'i reg pa
'byin par gyur to/ /bsam pa'i dbang gis rlung ldang bar 'gyur/
char 'bab par 'gyur/ rol mo'i sgra 'byung bar 'gyur ro/ /bsam
pa'i dbang gis skyid pa dang/ longs spyod dang/ yongs su sbyang
ba'i rnam pa 'byung ngo/ /rgyal po chen po de nas rgyal po nga
las nu 'di
snyam du sems te/ kye ma bdag gi pho brang du zhag bdun du dbyig
gi char 'bab par gyur cig snyam pa dang/ sems bskyed ma thag tu
rgyal po nga las nu'i pho brang du zhag bdun du dbyig gi char
bab par gyur to/ /rgyal po chen po de nas rgyal po nga las nus
zhag bdun po de
@160a */ /'das nas dbyig gi char bab pa de la 'di snyam du sems
te/ ji tsam du yongs su dag pa'i las kyi rnam par smin pas bsam
pa yid bzhin du yongs su rdzogs pa dmigs shing bsod nams dag
kyang mi slu ba 'di ni ngo mtshar rmad du byung ngo snyam nas de
yang 'di snyam
du sems te/ bdag gi gling chen po 'dzam bu'i gling 'byor cing
rgyas la/ bde zhing lo legs pa dang/ skye bo mang po dang mis
gang ba la yang dbang byas/ bdag gi khyim du ni zhag bdun du
dbyig gi char bab na da ni bdag nub kyi ba lang spyod kyi gling
du 'gro'o snyam pa dang/ sems
bskyed ma thag tu rgyal po chen po rgyal po nga las nu dpung gi
tshogs yan lag bzhi pa dang lhan cig tu nam mkha' la mngon par
'phags te/ 'dzam bu'i gling nas nub kyi ba lang spyod kyi gling
du phyin nas/ des der lo brgya stong phrag mang por mi'i las
'das shing lha rdzas su
ma gyur ba'i longs spyod dang ldan pa'i rgyal po byas so/ /de
nub kyi ba lang spyod kyi gling chen po de na gnas pa'i tshe yang
sems bskyed ma thag tu 'dzam bu'i gling du bab pa bzhin du zhag
bdun gyi bar du dbyig gi char bab par gyur to/ /rgyal po chen po
de nas rgyal po nga las nu de 'di snyam du
sems te/ bdag gis 'dzam bu'i gling 'byor cing rgyas pa nas skye
bo mang po dang mis gang ba'i bar la ni dbang byas/ bdag gi
khyim du zhag bdun du dbyig gi char ni bab/ bdag gis nub kyi ba
lang spyod kyi gling chen po la yang dbang byas te/ bdag gi
khyim 'dir yang zhag bdun du
dbyig gi char bab na shar gyi lus 'phags zhes bya ba'i gling
chen po yod kyis/ bdag ni gling chen po shar gyi lus 'phags po
ga la ba der 'gro'o snyam pa dang/ sems bskyed ma thag tu rgyal
po chen po rgyal po nga las nu de dpung gi tshogs yan lag bzhi pa
dang lhan cig tu nam mkha' la
mngon par 'phags nas shar gyi lus 'phags po'i gling chen por
phyin par gyur te/ des der yang lo brgya stong phrag mang por
mi'i las 'das shing lha rdzas su ma gyur pa'i longs spyod pa
dang ldan par rgyal po byas so/ /rgyal po chen po de nas rgyal
po nga las nus der yang 'di snyam du
@160b bsams te/ bdag gis 'dzam bu'i gling dang/ nub kyi ba lang
spyod dang/ shar gyi lus 'phags po la ni dbang byas na da ni
bdag byang gi sgra mi snyan gyi gling chen por 'gro'o/ /de'i mi
rnams ni nga yir bya ba med cing yongs su 'dzin pa med mod kyi/
'on kyang der song ste rang gi dpung gi
tshogs la rjes su bstan par bya'o snyam pa dang/ sems bskyed ma
thag tu rgyal po nga las nu de dpung gi tshogs yan lag bzhi pa
dang lhan cig tu nam mkha' la mngon par 'phags nas shar gyi lus
'phags po'i gling chen po nas byang gi sgra mi snyan gyi gling
chen por phyin par gyur te/ des
der yang mi rnams nga yir bya ba med cing yongs su 'dzin pa med
pa'i nang du lo brgya stong phrag du mar bdag gi dpung gi tshogs
rnams la rjes su bstan to/ /rgyal po chen po de nas lo brgya
stong phrag mang po 'das pa zhig na rgyal po nga las nu de 'di
snyam du sems te/ bdag gis 'dzam bu'i gling la ni
dbang byas/ zhag bdun du ni khyim du dbyig gi char bab/ bdag gis
nub kyi ba lang spyod kyi gling chen po la yang dbang byas/ bdag
gis shar gyi lus 'phags kyi gling chen po la yang dbang byas/
bdag gis byang gi sgra mi snyan gyi gling chen po la yang dbang
byas na/ da ni sum cu rtsa
gsum pa zhes bya ba'i lha ri rab kyi rtse mo la 'khod pa zhig
yod ces grag gis sum cu rtsa gsum gyi gnas su 'gro'o snyam du
bsams so/ /rgyal po chen po de nas rgyal po nga las nus sems
bskyed ma thag tu dpung gi tshogs yan lag bzhi pa dang lhan cig
tu nam mkha' la mngon par
'phags nas ri rab kyi rtse mo la phyin par gyur to/ /de'i tshe
sum cu rtsa gsum pa'i lha rnams chos bzang lha'i mdun sa zhes
bya ba na 'dus shing 'khod 'khod pa las lha'i dbang po brgya
byin gyis rgyal po nga las nu rgyang ring po nas 'ong ba mthong
ste/ mthong nas stan gyi phyed la bdar te rgyal po chen po tshur
spyon rgyal po chen po byon pa legs so/ /gang gi dus la nga bab
par shes na stan gyi phyed la bzhugs shig ces smras pa dang/
rgyal po nga las nu lha'i dbang po brgya byin gyi stan gyi phyed
la 'dug go /rgyal po nga las nu brgya byin gyi stan phyed la
'dug ma thag tu sum cu rtsa gsum
@161a */ /pa'i lha thams cad lha'i gnas bcus zil gyis gnon to/
/bcu gang zhe na/ lha'i tshe dang/ lha'i grags pa dang/ lha'i kha
dog dang/ lha'i bde ba dang/ lha'i dbang phyug la dbang ba dang/
lha'i gzugs dang/ lha'i sgra dang/ lha'i dri dang/ lha'i ro
dang/ lha'i
reg dang rnam pa bcu ste/ de dag gis lha'i dbang po brgya byin
ma gtogs pa thams cad zil gyis mnan to/ /de ci'i phyir zhe na/
mig 'dzums pa dang/ mig mi 'dzums pa tsam las lha rnams kyis 'di
ni rgyal po nga las nu'o/ /'di ni lha'i dbang po brgya byin no
zhes bya bar shes pa
ma gtogs par rgyal po nga las nu de dang/ lha'i dbang po brgya
byin gnyis kyang gzugs mnyam par gyur spyod pa mnyam par gyur/
longs spyod mnyam par gyur te/ rgyal po chen po mir gyur pa
dang/ lhar gyur pa gnyis lus mnyam par grub pa de ni ngo mtshar
che'o/ /rgyal po chen po
rgyal po nga las nus der lo brgya stong phrag mang por sum cu
rtsa gsum pa'i lha'i nang du rgyal srid kyi dbang phyug phyed la
dbang byas so/ /rgyal po chen po de nas rgyal po nga las nus
gling chen po bzhi pa'i dbang phyug la dbang byas/ sum cu rtsa
gsum pa'i lha'i rgyal srid phyed la dbang byas kyang dbang
phyug gis ma ngoms nas 'di snyam du sems bskyed de/ kye ma bdag
gis sum cu rtsa gsum pa'i lha'i rgyal srid kyi dbang phyug thams
cad la dbang bya'o snyam pa dang/ sems bskyed ma thag tu dpung
gi tshogs yan lag bzhi pa dang lhan cig tu sum cu rtsa gsum gyi
gnas nas nyams te/ 'dzam
bu'i gling du rgyal po'i skyed mos tshal mchog tu phyin par gyur
to/ /de 'dzam bu'i gling du gnas par gyur pa'i tshe phyogs thams
cad kyang snang bar gyur te/ nyi ma'i 'od kyang zil gyis mnan
nas 'di lta ste dper na zla ba'i 'od nyi mas zil gyis mnan pa
lta bu'o/ /nyi ma nam mkha' la
'dug pa yang lham me ma yin te/ 'di lta ste dper na zla ba'i
dkyil 'khor steng gi bar snang la 'dug pa nyi mas zil gyis non
na mi snang ba bzhin no/ /de nas grong khyer mi tshugs pa'i pho
brang dam pa na mi 'khod pa rnams kyis rgyal po de skyed mos
tshal der phyin pa mthong bar gyur to/ /mthong
@161b nas kyang ngo mtshar du gyur te/ de dag grong du dong nas
kye grogs po dag 'di ltar lha'i bu zhig bar snang las babs te/
rgyal po'i skyed mos tshal 'dir phyin to zhes tshig tu brjod/ sgra
bsgrags so/ /rgyal po chen po de nas yul 'khor gyi mi dang rgyal
por bcas pas de skad thos nas
myur ba myur bar rings pa'i gzugs su glu dang/ rol mo dang/ me
tog dang/ spos dang/ phreng ba dang/ bdug spos dang/ byug pa
dang/ gdugs dang/ rgyal mtshan dang/ ba dan dang/ bla re dag
thogs nas gtsang sbra'i spyod pas grong khyer de nas byung ste/
skyed mos tshal de
ga la ba der dong ngo/ /rgyal po chen po rgyal po nga las nu de
skyed mos tshal der 'dug ma thag tu sa chen po 'di yang rnam pa
drug tu g.yos par gyur to/ /rgyal po chen po de nas yul 'khor
gyi mi dang rgyal por bcas pa mi'i dri khyad par du 'phags pas
rgyal po nga las nu'i drung du dong ba
dang; rgyal po nga las nu lha'i longs spyod la goms pas mi'i
longs spyod mi bzod par gyur nas sa la bying zhing mi gnas par
gyur te/ 'di lta ste dper na mar gyi gong bu 'am/ mar sar gyi
god bu bye ma tsha ba la bzhag na zhu zhing mi gnas pa de bzhin
du yul 'khor gyi mi dang rgyal por bcas
pas de bying bar gyur pa mthong nas khyod su zhig lags shes dris
so/ /de nas rgyal po nga las nus rgyal po dang/ yul 'khor gyi
mir bcas pa de dag la 'di skad ces smras so/ /khyed kyis rgyal
po nga las nu zhes bya ba zhig byung ba de thos sam/ de dag gis
smras pa/ bdag cag
gis rgan rabs dag las rgyal po nga las nu zhes bgyi ba zhig lus
de nyid kyis dpung gi tshogs yan lag bzhi pa dang lhan cig tu
mtho ris su bzhung do zhes thos so/ /rgyal po nga las nus de dag
la smras pa/ grogs po dag rgyal po nga las nus zhes bya ba de ni
kho bo yin te/ mtho ris
nas nyams nas lhung bar gyur to zhes smras nas/ rgyal po dang
yul 'khor gyi mir bcas pa de dag gis glu'i dbyangs kyi tshigs su
bcad pas de la 'di skad ces smras so/ /bdag cag rnams kyis rgan
rabs las/ /mi yi bdag po rdzu 'phrul che/ /mya ngan bral zhing
grags chen ldan/ /
@162a */ /nga las nu zhes bya ba byung/ /de ni khyogs dpung
bzhon dang bcas/ /g.yog bcas mtho ris 'jig rten bzhud/ /mi
dbang gtso bo lha gnas bzhugs/ /chos kyis sa yang skyong zhes
thos/ /de smras mi yi bdag po de/ /mi rtag nyen te phongs par
gyur/ /bde ba stor te
sdug bsngal thob/ /rgyal po de ni kho bo yin/ /de smras skye bo
thams cad kyis/ /thal mo sbyar te rkang par gtugs/ /rgyal po
bdag cag ci brjod pa/ /ya mtshan ngo mtshar bka' stsal gsol/ /de
smras rgyal po lha las nyams/ /sdug bsngal rnyed pa'i ngo mtshar
nyon/ /yun
ring bde bar 'dod pa yi/ /mis ni rtag tu bag yod bya/ /nga las
nu ba rgyal po'i mchog /rgyal pos gling bzhi rab bsten nas/
/'dod pa'i longs spyod mchog ldan te/ /'dod pas ma ngoms de 'das
so/ /de yi khyim du zhag bdun du/ /dbyig gi dra ba'i char pa
bab/ /gling bzhi pa
la rab bstan nas/ /'dod pas bsam ngoms de bying ngo/ /lha yi
dbang po brgya byin gyi/ /stan phyed la ni rgyal po 'dug /kun
tu rtog pa'i rtog pas brlag /bdag 'dod nga rgyal bcom nas rgud/
/mi mkhas 'khor ba'i rgya mtsho 'dir/ /'gro ba dag tu yang nub
ste/ /'dod pa rab tu
bsten byas na/ /rgyal bas bsngags pa'i ngoms mi rnyed/ /rmi lam
rmis pa'i chu lta bur/ /'thungs kyang ngoms par mi 'gyur ba/ /de
ltar 'dod pa'i longs spyod rnams/ /bsten na ngoms par mi 'gyur
ro/ /blo gros ldan pa gang dag gis/ /shes pas mun pa rnam bsal
te; /ngoms par bya phyir bcom ldan gyi/ /'phags pa'i shes rab
yang dag rtog /srid pa rnam bshig blo gros can/ /rga dang shi
dang skye la rtog /sred pa rab tu spangs nas su/ /srid pa
spangs te len mi byed/ /tshor ba'i rnam pa me 'drar rig /reg
pa'ang me 'drar rig nas ni/ /
tshor ba 'phags pa ma yin dang/ /reg pa de la sred mi byed/ /rol
mo'i sil snyan brdungs pa ltar/ /yul dang dbang po mi byed de/
/rgyal bstan byed pa dbang po rtogs/ /rang bzhin mthong ba dbang
po 'dor/ /skye mched drug po yod min yang/ /gzugs dang 'brel par
@162b yid bskyod do/ /rnam par shes par brtags pa'i phyir/ /tshor
ba kun tu rtog ces brjod/ /de ltar rig nas 'phags pa rnams/
/srid pa'i rgyud la yid mi rton/ /shes rab 'phags pas ngoms gyur
te/ /shing med me bzhin zhi bar 'gyur/ /srid pa mi rtag bstan
byas te/ /
rgyal po yul 'khor mir bcas la/ /nga nus de skad lung bstan nas/
/mi yi bdag po nub par gyur/ /rgyal po chen po de'i tshe de'i dus
na rgyal po da las nu zhes bya ba byung ba de gzhan zhig yin
snyam du dogs shing the tshom za 'am/ nem nur du gyur na khyod
kyis de ltar mi blta'o/ /de
ci'i phyir zhe na/ rgyal po chen po nga nyid de'i tshe de'i dus
na 'khor los sgyur ba'i rgyal po nga las nu zhes bya bar gyur
te/ rgyal srid kyi dbang phyug rgya chen po la dbang byas kyang
'dod pas ma ngoms bzhin du 'chi ba'i dus byas par gyur pa yin
no/ /rgyal po chen po de lta bas na de ltar rig par byas
la dbang phyug gi dregs pa spangs te bag yod par bya'o/ /bag yod
pa la gnas te khyod kyis dge ba'i rtsa ba rnams yang dag par
bsgrub par bya'o/ /rgyal po chen po bag yod pa la mngon par dga'
ba ni don 'grub par 'gyur gyis rgyal po chen po bag yod par
khams mnyam pa nyid
yang dag par bsgrub par bya ste/ rgyal po chen po 'dus byas kyi
khams dang/ 'dus ma byas kyi khams ni bud med ma yin/ skyes pa
ma yin/ 'das pa ma yin/ ma 'ongs pa ma yin/ da ltar byung ba ma
yin gyis rgyal po chen po 'di la khyod kyis sems nges par gzhag
cing gzhan gyi
dring mi 'jog par bya'o/ /rgyal po chen po sngon byung ba 'das
pa'i dus na rgyal po mu khyud ces bya ba chos dang ldan pa chos
kyi rgyal po bag yod pa lhur len pa zhig byung ste/ de bya ba
gang dang gang rtsom yang de dang de thams cad la bag yod par
spyod cing byed do/ /rgyal po chen po rgyal po mu khyud de
chos 'di dag thams cad ni dus gsum mnyam pa nyid kyis mnyam pa
ste/ 'das pa'i dus na yang chos thams cad rang bzhin dang bral
ba'o/ /ma 'ongs pa dang/ da ltar byung ba'i dus na yang chos
thams cad rang bzhin dang bral ba'o zhes dus gsum mnyam pa nyid
la brtson par gyur to/ /
@163a */ /des chos thams cad dus gsum mnyam pa nyid du mthong
bas chos thams cad la mngon par zhen pa med par gyur te/ des
sems phyin ci log bzhis sems phyin ci log tu gyur cing mi sdug
pa la sdug par 'du shes pa dang/ sdug bsngal ba la bde bar 'du
shes
pa dang; mi rtag pa la rtag par 'du shes pa dang/ bdag med pa la
bdag tu 'du shes pa dang mthong nas de 'di snyam du sems te/ 'di
ltar sems can 'di dag ni chos thams cad stong par ma mthong bas/
kye ma kyi hud 'jig rten gnas pa 'di ni phung ngo/ /kye ma 'jig
rten gnas pa 'di ni rnam par phung do snyam nas des 'di snyam du
bsams te/ bdag gis sems can 'di dag bsdu ba'i dngos po bzhis
bsdu bar bya'o/ /bdag gis de dag bsdu ba'i dngos po bzhis bsdus
na chos la sbyar ba la dbang du 'gyur ro snyam mo/ /rgyal po
chen po de nas rgyal
po mu khyud kyis thabs mkhas pa sngon du btang ste sems can
rnams bsdu ba'i dngos po bzhis bsdus nas dus gsum mnyam pa nyid
du gdams ngag gis bstan te/ kye sems can dag chos thams cad ni
rang bzhin gyis stod pa ste/ kye sems can dag chos gang la rang
bzhin med pa de ni 'das
pa yang ma yin/ ma 'ongs pa yang ma yin/ da ltar byung ba yang
ma yin no/ /de ci'i phyir zhe na/ rang bzhin med pa'i phyir te/
'das pa zhes gdags par bya ba ma yin ma 'ongs pa dang/ da ltar
byung ba zhes gdags par bya ba ma yin no/ /rgyal po chen po de
nas sems
can de dag rgyal po mu khyud des de ltar dus gsum mnyam pa nyid
la bskul bas srog chags bye ba khrag khrig brgya stong phrag
brgyad cu mi skye ba'i chos la bzod pa thob par gyur to/ /de'i
tshe sum cu rtsa gsum pa'i lha rnams chos bzang lha'i mdun sa na
'dus shing 'khod pa'i nang du bar skabs su 'di
lta bu'i gtam brjod pa byung ste/ 'di ltar phyin ci log tu gyur
pa'i sems can rnams la thabs mkhas pas phyin ci log med pa yang
dag par ston pa chos can chos kyi rgyal po thabs mkhas pa dang
ldan pa mu khyud 'di su dag gi rgyal po yin pa'i mi rnams ni kye
ma'o rnyed pa dang ldan pa ste/ /
@163b kye ma mi rnams ni rnyed pa legs par rnyed pa'o zhes zer
bar gyur to/ /de nas lha'i dbang po brgya byin chos bzang lha'i
mdun sa ga la ba der song ste phyin nas rang gi stan la 'dug ste
sum cu rtsa gsum pa'i lha rnams la smras pa/ khyed da ltar 'di
na 'khod pa rnams gtam ci zhig byed
byed; de skad ces smras pa dang/ sum cu rtsa gsum pa'i lha rnams
kyis lha'i dbang po brgya byin la 'di skad ces smras so/ /lha'i
dbang po bdag cag chos bzang lha'i mdun sa 'di na mchis pa'i tshe
bar skabs su 'di lta bu'i gtam brjod pa byung ste/ 'di ltar
phyin ci log tu gyur pa'i sems can rnams la thabs mkhas pas gang
'di chos thams cad rang bzhin med pa'o zhes phyin ci ma log par
ston pa chos can chos kyi rgyal po thabs mkhas pa dang ldan pa
mu khyud 'di su dag gi rgyal po yin pa'i mi rnams ni kye ma'o
rnyed pa dang ldan pa ste/
kye ma'o mi rnams ni rnyed pa legs par rnyed pa'o zhes bgyis so/
/de skad ces smras pa dang/ lha'i dbang po brgya byin gyis sum
cu rtsa gsum pa'i lha de dag la 'di skad ces smras so/ /kye
grogs po dag rgyal po mu khyud ces bya ba de ni thabs la mkhas
pa bsam gyis mi khyab
pa dang ldan pa yin na rgyal po mu khyud de 'dir 'ongs nas
mthong bar khyed 'dod dam mi 'dod/ sum cu rtsa gsum pa'i lha
rnams kyis smras pa/ lha'i dbang po rgyal po mu khyud de 'dir
mchis te mthong bar bdag cag kyang 'tshal lo/ /de nas lha'i dbang
po brgya byin gyis kha lo
sgyur ba ma ta li la smras pa/ ma ta li tshur shog /khyod lha'i
shing rta cang shes rtsibs stong dang ldan pa khrid la rgyal po
mu khyud ga la ba der song ste/ rgyal po mu khyud la 'di skad
gyis shig /rgyal po chen po sum cu rtsa gsum pa'i lha rnams kyi
shing rta cang shes rtsibs stong
dang ldan pa 'di bkri ste mchis na rgyal po chen po thags thogs
ma mchis par 'di la bcibs su gsol/ sum cu rtsa gsum pa'i lha
rnams ni khyod mthong bar dga'o zhes gyis la shing rta la zhon
pa dang 'di skad ces gyis shig /rgyal po chen po lam gang nas
gshegs
@164a */ /par gyi; gang gis phyin ci log tu gyur pa'i phyin ci
log gi sa nas bzhud dam/ phyin ci log ma mchis pa rnams kyi
phyin ci log ma mchis pa'i sa nas bzhud ces gyis shig /legs so
zhes smras nas/ kha lo sgyur ba ma ta lis lha'i dbang po brgya
byin gyi
ltar mnyan nas babs te ji skad bsgo ba bzhin rgyal po mu khyud
la de skad ces smras so/ /de skad ces smras pa dang/ rgyal po mu
khyud kyis kha lo sgyur ba ma ta li la 'di skad ces smras so/
/ma ta li de lta bas na lam de gnyig nas 'dong ngo zhes byas pa
dang/ kha lo sgyur ba ma ta lis rgyal po mu
khyud phyin ci log tu gyur pa rnams kyi phyin ci log gis dang/
phyin ci log med pa rnams kyi phyin ci log med pa'i sa de gnyi
ga nas drangs te dong ngo/ /rgyal po chen po de nas rgyal po mu
khyud kyis kha lo sgyur ba ma ta li la smras pa/ ma ta li de bas
na phyin ci log tu gyur pa'i sa bltas yud tsam zhig shing
rta sdod du chug shig /de nas kha lo sgyur ba ma ta lis shing
rta sdod du 'jug pa'i yun ji srid pa de nyid kyi bar skabs su
rgyal po mu khyud kyis srog chags bye ba phrag brgyad cu de kho
na nges par bstan pa'i ting nge 'dzin la bkod par gyur te/ 'di
ltar bag yod pa dang/ mngon par shes pas rnam par rtse
ba'i phyir ro/ /de dag gis kyang mi skye ba'i chos la bzod pa
thob par gyur to/ /kha lo sgyur ba ma ta lis ni rgyal po mu
khyud kyis las ci byas pa shes par ma gyur to/ /de nas kha lo
sgyur ba ma ta lis de bzhin du drangs te/ rgyal po mu khyud dang
ri rab kyi rtse mo la phyin to/ /de nas rgyal po mu khyud kyis
rgyang ring po nas nags tshal stug po rnam pa thams cad du sngo
ba mthong ste mthong nas kha lo sgyur ba ma ta li la 'di skad
ces smras so/ /ma ta li nags tshal stug po 'di ni the tshom med
par phyin ci log med pa'i sems can rnams kyi gnas yin no/ /ma ta
lis smras pa/ rgyal po chen po 'di ni sum cu rtsa
gsum pa'i lha rnams kyi chos bzang lha'i mdun sa lags te/ sum cu
rtsa gsum pa'i lha rnams kyang 'dir 'dus kyis rgyal po chen po
thags thogs ma mchis par bzhud cig /sum cu rtsa gsum pa'i lha
rnams ni khyod mthong bar 'tshal lo/ /rgyal po chen po de nas
rgyal po mu khyud de thags
@164b thogs med par nang du song ba dang/ lha'i dbang po brgya
byin gyis rgyal po mu khyud rgyang ring po nas 'ong ba mthong
ngo/ /mthong nas stan gyi phyed la bdar to/ /de nas rgyal po mu
khyud kyang brgya byin gyi stan phyed la 'dug go /de nas lha'i
dbang po brgya byin gyis rgyal po mu khyud stan la 'dug par shes
nas legs par shin du dga' bar byas te/ rgyal po chen po khyod
kyis de ltar sangs rgyas bcom ldan 'das rnams kyi bstan pa 'jig
rten du bzhag pa ni khyod kyis rnyed pa legs par rnyed do/ /de
nas lha'i dbang po brgya byin gyis sum cu rtsa gsum pa'i lha
rnams la smras pa/ kye grogs po dag /
rgyal po mu khyud 'di ni thabs mkhas pa bsam gyis mi khyab pa
dang ldan pa ste/ 'di ltar skad cig tsam la srog chags bye ba
phrag brgyad cu sangs rgyas kyi chos la btul bar gyur to/ /de
nas rgyal po mu khyud kyis lha'i dbang po brgya byin la 'di skad
ces smras so/ /lha'i dbang po bdag ni phyir 'dzam bu'i gling
du 'gro bar 'dod do/ /de ci'i phyir zhe na/ bdag der song ste/
de bzhin gshegs pa'i bstan pa yongs su gzung bar bya'o/ /brgya
byin gyis de la smras pa/ rgyal po chen po khyod gang gi dus la
dbab par mkhyen na bzhud cig /de nas rgyal po mu khyud de phyir
'dzam bu'i gling du phyin nas snying rje chen po dang
ldan zhing thabs mkhas pa la shin du bslabs pas sems can bye ba
phrag dpag tu med pa dag sangs rgyas kyi bstan pa la btul bar
gyur to/ /rgyal po chen po de'i tshe de'i dus na rgyal po mu
khyud ces bya ba byung ba de gzhan zhig yin pa snyam du the tshom
'am/ nem nur za na/ rgyal po chen po khyod kyis de
ltar mi blta'o/ /de ci'i phyir zhe na/ rgyal po chen po nga nyid
de'i tshe de'i dus na rgyal po mu khyud ces bya bar gyur to/
/rgyal po chen po 'di ltar rgyal po mu khyud lha'i dbang po
brgya byin gyi stan phyed la dga' ba med pas mu khyud kyi bag
yod pa'i stobs bskyed pa la ltos/ rgyal po chen po de lta bas na
khyod kyis
bag yod par sangs rgyas kyi chos rnams la brtson par bya'o/
/rgyal po chen po sangs rgyas kyi chos de dag kyang gang zhe na/
rgyal po chen po chos thams cad ni sangs rgyas kyi chos so/ /de
skad ces bka' stsal ba dang/ rgyal po zas gtsang mas bcom ldan
'das la 'di skad ces gsol to/ /bcom
@165a */ /ldan 'das de'i slad du gal te chos thams cad sangs
rgyas kyi chos lags na de lta na ni sems can thasm cad kyang
sangs rgyas lags so/ /bcom ldan 'das kyis bka' stsal pa/ rgyal
po chen po gang dag phyin ci ma log pa de dag ni sangs rgyas so/
/rgyal po chen
po sangs rgyas zhes bya ba de ni de kho na mthong ba'i tshig bla
dags so/ /de kho na mthong ba zhes bya ba de ni yang dag pa'i
mtha'i tshig bla dags so/ /yang dag pa'i mtha' zhes bya ba de ni
chos kyi dbyings kyi tshig bla dgas so/ /rgyal po chen po chos
kyi dbyings zhes bya ba de ni gzhan du na ming tsam 'am/ brda
tsam 'am/ tha snyad tsam 'am/ kun rdzob tsam 'am/ brjod pa tsam
'am/ gdangs pa tsam ma gtogs par bstan par mi nus so/ /rgyal po
chen po chos thams cad skye ba med pa 'di ni gzungs kyi sgo ste/
de ci'i phyir zhe na/ de la ni chos thams cad mi g.yo mi 'gul
zhing rlom sems med pas de'i
phyir de ni gzungs kyi sgo'o/ /rgyal po chen po chos thams cad
'gag pa med pa de ni gzungs kyi sgo ste/ de ci'i phyir zhe na/
de la ni chos thams cad mi g.yo mi 'gul zhing rlom sems med pas
de'i phyir de ni gzungs kyi sgo'o/ /de bzhin du chos thams cad
mtshan nyid med pa dang/ mtshan ma med pa dang/
ma skyes pa dang/ rang bzhin med pa dang/ rnam par rig pa med pa
dang/ ma byas pa dang/ mngon par 'dus ma byas pa dang/ 'ong ba
med pa dang/ 'gro ba med pa dang/ sems can med pa dang/ srog med
pa dang/ gso ba med pa dang/ gang zag med pa dang/ spros pa med
pa dang/ mtshan med pa
pa dang; btags pa med pa dang/ kun nas dkris pa med pa dang/ bag
la nyal med pa dang/ kun nas nyon mongs par gyur pa med pa dang/
rnam par byang ba med pa dang/ rjes su chags pa med pa dang/
khong khro ba med pa dang/ bcings pa med ba dang/ grol ba med pa
dang/ 'gro ba med pa dang/
rgyug pa med pa dang/ ldog pa med pa dang/ dma' ba med pa dang/
gnas pa med pa dang/ 'dug pa med pa dang/ mnyam par bzhag pa med
pa dang/ nor ba med pa dang/ shes pa po med pa dang/ rnam par
shes pa po med pa dang/ mthong ba po med pa dang/ mi mthong ba
med pa dang/ tshul khrims
@165b med pa dang/ tshul khrims ma yin pa med pa dang/ 'gyod pa
med pa dang/ mi 'gyod pa med pa dang/ mchog tu dga' ba med pa
dang/ mchog tu mi dga' ba med pa dang/ dga' ba med pa dang/ mi
dga' ba med pa dang/ shin tu sbyangs pa med pa dang/ shin tu ma
sbyangs
pa med pa dang/ bde ba med pa dang/ mi bde ba med pa dang/ ting
nge 'dzin med pa dang/ ting nge 'dzin ma yin pa med pa dang/
yang dag pa ji lta ba bzhin med pa dang/ log pa med pa dang/ yid
byung ba med pa dang/ yid ma byung ba med pa dang/ 'dod chags
dang bral ba med pa dang
'dod chags dang ma bral ba med pa dang; lta ba med pa dang/ lta
ba ma yin pa med pa dang/ rnam par grol ba med pa dang/ rnam par
ma grol ba med pa dang/ shes pa med pa dang/ mi shes pa med pa
dang/ mthong ba med pa dang/ ma mthong ba med pa dang/ las med
pa dang/ rnam
par smin pa med pa dang/ tshul bzhin med pa dang/ tshul bzhin ma
yin pa med pa dang/ rnam pa'i sgo bdun cu po de dag gis rgyal po
chos thams cad la 'jug par bya'o/ /rgyal po chen po gzugs kyi
rang bzhin ni ma byung mi 'byung da ltar yang med do/ /rgyal po
chen po de bzhin du tshor
ba dang; 'du shes dang/ 'du byed dang/ rnam par shes pa'i rang
bzhin ni ma byung mi 'byung da ltar yang med do/ /rgyal po chen
po 'di lta ste/ dper na gzugs brnyan gyi gzugs kyi rang bzhin ni
ma byung mi 'byung da ltar yang med do/ /rgyal po chen po de
bzhin du gzugs kyi rang bzhin dang/
tshor ba dang/ 'du shes dang/ 'du bye dang/ rnam par shes pa'i
rang bzhin yang ma byung mi 'byung da ltar yang med do/ /rgyal
po chen po 'di lta ste/ dper na brag ca'i sgra'i rang bzhin ni
ma byung mi 'byung da ltar yang med do/ /de bzhin du gzugs dang/
tshor ba dang/ 'du shes dang/ 'du byed dang/ rnam
par shes pa'i rang bzhin yang ma byung mi 'byung da ltar yang
med do/ /rgyal po chen po 'di lta ste/ dper na smig rgyu'i chu'i
rang bzhin ni ma byung mi 'byung da ltar yang med do/ /de bzhin
du gzugs dang/ tshor ba dang/ 'du shes dang/ 'du byed dang/ rnam
par shes pa'i rang bzhin yang ma byung mi 'byung da
@166a */ /ltar yang med do/ /rgyal po chen po 'di lta ste/ dper
na dbu ba rdos pa ni snying po med de/ ma byung mi 'byung da
ltar yang med do/ /de bzhin du gzugs kyi rang bzhin nas rnam par
shes pa'i rang bzhin gyi bar du ma byung mi 'byung da ltar yang
med do/ /rgyal po chen po 'di lta ste dper na rmi lam gyi
yul gyi bzang mo ni ma byung mi 'byung da ltar yang med do/ /de
bzhin du gzugs kyi rang bzhin nas rnam par shes pa'i rang bzhin
gyi bar du ma byung mi 'byung da ltar yang med do/ /rgyal po
chen po 'di lta ste dper na rmi lam gyi mo sham gyi bu'i skye ba
ni ma byung mi 'byung da ltar yang med do/ /de bzhin du gzugs
kyi rang bzhin nas rnam par shes pa'i rang bzhin gyi bar du ma
byung mi 'byung da ltar yang med do/ /rgyal po chen po 'di lta
ste dper na nam mkha' la gnas med do/ /de bzhin du gzugs nas
rnam par shes pa'i bar du gnas med do/ /rgyal po chen po gzugs
la ni skye ba med do/ /de bzhin du rnam par
shes pa'i bar du skye ba med do/ /rgyal po chen po gzugs la ni
'gag pa med do/ /de bzhin du rnam par shes pa'i bar du 'gag pa
med do/ /rgyal po chen po 'di lta ste dper na mya ngan las 'das
pa'i dbyings la skye ba 'am 'gag pa med do/ /de bzhin du gzugs
nas rnam par shes pa'i bar la skye ba
'am 'gag pa med do/ /rgyal po chen po 'di lta ste dper na chos
kyi dbyings la skye ba 'am 'gag pa med de/ de bzhin du gzugs nas
rnam par shes pa'i bar la skye ba 'am 'gag pa med do/ /rgyal po
chen po chos 'di dag ni de bzhin gshegs pa'i spyod yul te/ bsam
gyis mi khyab pa'i spyod yul lo/ /
byis pa so so'i skye bo thams cad dang thun mong ma yin pa'i
spyod yul te/ nyan thos dang/ rang sangs rgyas thams cad dang
thun mong ma yin/ phri ba ma yin/ bsnan pa ma yin/ thob pa ma
yin/ stor ba ma yin/ mngon par rdzogs par sangs rgyas pa ma yin/
mngon par rdzogs par sangs ma rgyas
pa ma yin/ mngon par shes pa ma yin/ mngon par ma shes pa ma
yin/ yongs su shes pa ma yin/ yongs su ma shes pa ma yin/ spangs
pa ma yin/ ma spangs pa ma yin/ bsgoms pa ma yin/ ma bsgoms pa
ma yin/ mngon du byas pa ma yin/ mngon du ma byas pa ma yin/
bstan pa ma yin/
@166b ma bstan pa ma yin/ rab tu bstan pa ma yin/ rab tu ma
bstan pa ma yin/ bsgrags pa ma yin/ ma bsgrags pa ma yin/ thos
par byas pa ma yin/ thos par ma byas pa ma yin/ thos pa ma yin
ma thos pa ma yin no/ /de ci'i phyir zhe na/ rgyal po chen po
gang bsnan par bya ba 'am/ dbri bar bya
ba'i chos de mi dmigs te/ rgyal po chen po chos thams cad ni
rang bzhin gyis med pa yin gyis/ rgyal po chen po 'di la yid
yongs su dga' bar bya zhing gzhan gyi dring mi 'jog par bya'o/
/de nas rgyal po zas gtsang mas 'di snyam du sems te/ 'di la ni
gang rtogs pas sangs rgyas zhes bya ba'i chos de gang
yang mi dmigs mod kyi/ 'on kyang dmigs su med pa'i chos rnams la
de bzhin gshegs pas gdags pa bstan to snyam nas de'i tshe rgyal
po zas gtsang ma la sogs pa sh'-kya bdun khri mi skye ba'i chos
rnams la bzod pa skyes so/ /de nas bcom ldan 'das kyis de dag gi
lhag pa'i bsam pa thugs su chud nas
'dzum pa mdzad do/ /'di ni sangs rgyas bcom ldan 'das rnams kyi
chos nyid de/ gang gi tshe 'dzum pa mdzad pa de'i tshe 'od zer kha
dog sna tshogs can/ kha dog du ma dang ldan pa dag bcom ldan 'das
kyi zhal gyi sgo nas byung ste/ 'jig rten gyi khams mtha' yas mu
med pa dag snang bas rgyas par bkang nas tshangs
pa'i 'jig rten gyi bar du mngon par 'phags te/ phyir log nas
bcom ldan 'das kyi dbu'i gtsug tu nub po/ /de nas tshe dang ldan
pa rta thul stan las langs te bla gos phrag pa gcig tu bgos nas
pus mo g.yas pa'i lha nga sa la btsugs te/ bcom ldan 'das ga la
ba de logs su thal mo sbyar ba btud nas
bcom ldan 'das la tshigs su bcad de zhus pa/ 'jig rten rnam par
'dren pa po/ /dpa' chen khyod kyis 'dzum mdzad pa/ /'jig rten
snang ba mdzad pa po/ /'dzum pa'i 'dzum rgyu bka' stsal gsol/
/thams cad mkhyen pa 'dren pa po/ /rgyu gang gis ni 'dzum bstan
pa/ /khyod kyis 'gro ba rnams la ston/ /
bdag gi the tshom myur du khum/ /sh'-kya'i tshogs kyi don slad
du/ /go'u ta mas ni 'dzum pa mdzad/ /dpa' bo 'gro ba dga' mdzad
pa/ /'gro ba'i the tshom bsal du gsol/ /bsam gtan chen po khyod
kyi gsung/ /thos na 'gro ba'i the tshom 'chad/ /mchog tu dga'
ba'i yid gyur te/ /kun kyang khyod kyi bstan
@167a */ /pa 'thob/ /rgyal ba'i 'dzum gyi phrin las 'di/ /khyod
kyi sras rnams 'tshal gyur na/ /nan tan gyis ni rab nges shing/
/shes pas rjes su mchi bar 'gyur/ /rgyal ba'i khyu mchog khyod
kyis ni/ /'gro ba'i the tshom 'di bsal gsol/ /'jig rten the tshom
chad gyur na/ /
bde ba rgya chen thob par 'gyur/ /de skad ces gsol pa dang/ bcom
ldan 'das kyis tshe dang ldan pa rta thul la tshigs su bcad de
slar bka' stsal pa/ ngas ni 'dzum zhing gang mdzad pa/ /rta thul
de ni nga las nyon/ /sh'-kya rnams kyi blo nges pa/ /yang dag
ji bzhin lung bstan to/ /chos rnams dmigs su
med par ni/ /sh'-kya rnams kyis yang dag shes/ /de phyir sangs
rgyas chos rnams la/ /'di dag yid ni nges par bzhag /dmigs su
med la brten nas ni/ /sh'-kya grags pa chen po pa/ /chos rnams
kun la nges gyur nas/ /bla med byang chub thob par 'gyur/
/sh'-kya nges pa 'di dag ni/ /mi yi
nang nas shi 'phos nas/ /bde ba can gyi 'jig rten du/ /'od dpag
med kyi drung du 'gro/ /byang chub sems dpa' 'jigs med pa/ /bde
ba can na gnas pa'i tshe/ /sangs rgyas bye ba grangs med la/
/phyogs bcu dag tu mchod byed 'gyur/ /mkhas pa rnams ni khams
gcig na/ /sangs rgyas
bzhugs rnams bsnyen bkur byed/ /sems can kun la phan tshol zhing/
/byang chub mchog tu smon lam 'debs/ /de bzhin gshegs rnams
mchod byed cing/ /zhing nas zhing du rnam par rgyu/ /gang du
sangs rgyas 'byung bar yang/ /rdzu 'phrul stobs kyis 'dong bar
'gyur/ /bskal pa bye ba
grangs med du/ /me tog rnam pa sna tshogs kyis/ /de bzhin gshegs
pa rnams mchod nas/ /de yi 'og tu 'dren par 'gyur/ /de tshe sangs
rgyas re re zhing/ /sems can khrag khrig mang po dag /byang
chub phyir ni sangs rgyas kyis/ /sangs rgyas dgongs la 'gro ba
'dul/ /sangs
rgyas kun gyi zhing rnams na/ /byang chub sems dpa' rnams la
ston/ /de na sangs rgyas gang yang ni/ /nyan thos 'dul bar yod
mi 'gyur/ /sangs rgyas de dag re re zhing/ /de na tshe tshad 'gyur
ba ni/ /bye ba grangs med lo rnams su/ /chos ston pa dag gnas
par 'gyur/ /de dag mya ngan yongs
@167b 'das nas/ /byang chub sems dpa' 'jigs med pa/ /rgyal ba'i
sras dag lo grangs ni/ /bye ba stong du dam chos 'dzin/ /mi
dbang sras po de dag kyang/ /stong pa nyid kyi chos bstan pas/
/sems can bye ba bsam yas dag /byang chub la ni 'dul
bar 'gyur/ /bag yod pa yi mi rnams ni/ /bag yod pa la gnas bcas
te/ /stong pa nyid kyi chos bsten nas/ /thams cad mkhyen du nges
par 'byung/ /rdzogs sangs rgyas kyis sh'-kya yi/ /bu yi 'gro
bstan 'di thos nas/ /lhar bcas 'jig rten dgar
gyur te; /byang chub phyir ni yid kyang btang/ /sh'-kya lung
bstan pa'i le'u ste nyi shu rtsa drug pa'o// //de nas bcom ldan
'das kyis tshe dang ldan pa sh'a ri'i bu la bka' stsal pa/ sh'a
ri'i bu byang chub sems dpa'i ting nge 'dzin de kho na nges par
bstan pa
'di byang chub sems dpa' mthar phyin pa rnams la bsgrag par
bya'o/ /de ci'i phyir zhe na/ sh'a ri'i bu ting nge 'dzin 'di ni
gang zag med pa ste/ de la de bzhin gshegs pas chos gang yang ma
dmigs so/ /gang ma dmigs pa de ni mngon par rdzogs par sangs ma
rgyas so/ /gang mngon par rdzogs par sangs ma rgyas pa de ni ma
bstan pa'o/ /gang ma bstan pa de ni ma shes pa'o/ /gang ma shes
pa de ni 'das pa dang/ ma byon pa dang/ da ltar byung ba'i sangs
rgyas bcom ldan 'das rnams kyi bstan pa ste/ de ni de bzhin
gshegs
pa rnams kyi chos kyi rnga chen po yin gyis/ ci nas byang chub
sems dpa'i ting nge 'dzin de kho na nges par bstan pa 'di gzung
ba dang/ bklag pa dang/ gzhan dag la yang rgya cher yang dag par
bstan par bya ba 'di sh'a ri'i bu khyod la yongs su gtad do/
/sh'a ri'i bu byang chub sems
dpa'i theg pa la yang dag par zhugs pa'i rigs kyi bu'am/ rigs
kyi bu mo gang gis bskal pa bcu'i bar du pha rol tu phyin pa
lnga shes rab kyi pha rol tu phyin pa dang bral bar spyad pa
bas/ sh'a ri'i bu gang gis byang chub sems dpa'i ting nge 'dzin
de kho na nges par bstan pa
@168a */ /'di tha na thos par gyur kyang de nyid de bas bsod
nams ches mang du 'phel lo/ /sh'a ri'i bu gang gis bskal pa
bcu'i bar du mnyan pa bas gang gis sems can gcig cig la 'di
bstan na de nyid de bas bsod nams ches mang du 'phel lo/ /gang
gis bskal
pa bcu'i bar du mnyan te gzhan la bsnyad pa bas gang gis se gol
gtogs pa tsam du 'di bsgoms na de nyid de bas ches bsod nams
mang du 'phel lo/ /sh'a ri'i bu de bas na byang chub sems dpa'i
ting nge 'dzin de kho na nges par bstan pa 'di nyid la byang
chub sems dpa' rnams nan tan thams
cad kyis gdams par bya'o/ /de ci'i phyir zhe na/ sh'a ri'i bu
byang chub sems dpa'i ting nge 'dzin de kho na nges par bstan pa
'di bsgoms pas ni myur du mi skye ba'i chos la bzod pa 'thob par
'gyur te/ sh'a ri'i bu gang bla na med pa yang dag par rdzogs
pa'i byang chub tu ngas
lung bstan pa'i byang chub sems dpa'i tshogs 'di dag thams cad
kyang/ byang chub sems dpa'i ting nge 'dzin de kho na nges par
bstan pa 'di la rab tu gnas pa sha stag go /bcom ldan 'das kyis
de skad ces bka' stsal na/ tshe dang ldan
pa sh'a ri'i bu dang/ dge slong de dag dang/ rgyal po zas gtsang
ma dang/ brgya byin dang/ tshangs pa dang/ 'jig rten skyong ba de
dag dang/ thams cad dang ldan pa'i 'khor de dang/ lha dang/ mi
dang/ lha ma yin dang/ dri zar bcas pa'i 'jig rten
yi rangs te/ bcom ldan 'das kyis gsungs pa la mngon par bstod
do// //'phags pa dkon mchog brtsegs pa chen po'i chos kyi rnam
grangs le'u stong phrag brgya pa las de kho na nges par bstan pa
yab dang sras mjal ba zhes bya ba'i le'u ste
bcu drug pa rdzogs so// //rgya gar gyi mkhan po sh'i len dra bo
dhi dang/ dzi na mi tra dang/ d'a na sh'i la dang/ zhu chen gyi
lo tstsha ba ban de ye shes sdes bsgyur cing zhus te skad gsar
chad kyis kyang bcos nas gtan la phab pa// //