Upload
dangquynh
View
251
Download
10
Embed Size (px)
Citation preview
1
RELACIONI PËR PROCESIN E ORGANIZIMIT TË SHORTIT PËR ZGJEDHJEN E
ANËTARËVE TË KËSHILLIT TË EMËRIMEVE NË DREJTËSI
Zhvilluar më datë 7.12.2017
I. Hyrje
Sot më datë 7 dhjetor 2017, ora 10:00, nën drejtimin e Zëvendëskryetares së Kuvendit,
znj.Vasilika Hysi, në mbështetje të pikës 3 të nenit 149/d dhe pikës 11 të nenit 179 të
Kushtetutës, dhe nenit 284 të ligjit nr. 115/2016 “Për organet e qeverisjes së sistemit të
drejtësisë”, si dhe Urdhrit nr. 1, datë 22.11.2017, të Kryetarit të Kuvendit “Për përcaktimin e
procedurës dhe rregullave të hedhjes së shortit për zgjedhjen e anëtarëve të Këshillit të
Emërimeve në Drejtësi”, dhe Urdhrit nr.2 datë 22.11.2017, të Kryetarit të Kuvendit “Për
caktimin e datës së hedhjes së shortit për zgjedhjen e anëtarëve të Këshillit të Emërimeve në
Drejtësi”, në ambientet e Kryesisë së Kuvendit, salla “Pjetër Arbnori”, u zhvillua procedura e
hedhjes së shortit për zgjedhjen e anëtarëve të Këshillit të Emërimeve në Drejtësi.
II. Vendimmarrja e Kryetarit të Kuvendit përpara datës së hedhjes së shortit
Presidenti i Republikës së Shqipërisë, me shkresë nr.2668 Prot., datë 10.11.2017, i është drejtuar
Kryetarit të Kuvendit të Shqipërisë duke i njoftuar pamundësinë e ushtrimit e kompetencës së tij
kushtetuese për organizimin e procedurës së shortit për përzgjedhjen e anëtarëve të Këshillit të
Emërimeve në Drejtësi.
Sipas nenit 149/d të Kushtetutës dhe ligjit nr. 115/2016 “Për organet e qeverisjes së sistemit të
drejtësisë”, nëse Presidenti nuk arrin të zgjedhë anëtarët e Këshillit të Emërimeve në Drejtësi,
brenda datës 5 Dhjetor, Kryetari i Kuvendi i zgjedh ata (anëtarët e KED) me short brenda datës
10 Dhjetor të atij viti kalendarik.
Në përfundim të shkresës drejtuar Kryetarit të Kuvendit të Shqipërisë, Presidenti i Republikës
shprehet se: “..me përgjegjësinë e lartë dhe me vullnetin e mirë për të mos humbur kohë,
..vlerëson se i takon Kuvendit të Shqipërisë të realizojë procesin e hedhjes së shortit...”.
Veprimet paraprake dhe aktet e nxjerra nga Kryetari para datës së hedhjes së
shortit
- Kërkesa drejtuar institucioneve që ngarkon ligji për përcjelljen e listave
Kryetari i Kuvendit, me qëllim zbatimin e detyrimit dhe kompetencës kushtetuese për hedhjen e
shortit për krijimin e organit të KED-së, nisi procedurat për organizimin e shortit, në përputhje
me afatet kushtetuese dhe ligjore.
2
Në datën 20.11.2017 Kryetari i Kuvendit i është drejtuar me shkresë zyrtare Kryetarit të Gjykatës
Kushtetuese, Kryetarit të Gjykatës së Lartë, Prokurorit të Përgjithshëm dhe Sekretarit të
Përgjithshëm të Këshillit të Lartë të Drejtësisë, për paraqitjen e listave të kandidatëve që
plotësojnë kushtet për të qenë anëtarë të Këshillit të Emërimeve në Drejtësi.
Në përgjigje të kërkesës së Kryetarit të Kuvendit, janë përcjellë zyrtarisht listat e kandidatëve për
Këshillin e Emërimeve në Drejtësi, përkatësisht nga:
-Gjykata Kushtetuese, me shkresën nr.356/1 datë 22.11.2017;
-Gjykata e Lartë, me shkresën nr. 4649/1, datë 24.11.2017;
-Prokurori i Përgjithshëm, me shkresën nr.2985, datë 30.11.2017,
-Këshilli i Lartë i Drejtësisë, me shkresën nr.3552/2 , datë 30.11.2017.
- Aktet e nxjerra
Në zbatim të pikës 3 të nenit 149/d, pikës 11 të nenit 179 të Kushtetutës, si dhe nenit 284 të ligjit
nr. 115/2016 “Për organet e qeverisjes së sistemit të drejtësisë” Kryetari i Kuvendit miratoi këto
akte:
- Urdhrin nr. 1, datë 22 nëntor 2017 “Për përcaktimin e procedurës dhe rregullave të
hedhjes së shortit për zgjedhjen e anëtarëve të Këshillit të Emërimeve në Drejtësi”. Ky
Urdhër u publikua në faqen zyrtare të Kuvendit në internet, si dhe në Fletoren Zyrtare,
nr.202, datë 22.11.2017.
- Urdhrin nr. 2, datë 22.11.2017, të Kryetarit të Kuvendit “Për caktimin e datës së hedhjes
së shortit për zgjedhjen e anëtarëve të Këshillit të Emërimeve në Drejtësi”.
Kryetari i Kuvendit, njoftoi zyrtarisht, për datën dhe orën e organizimit të shortit:
Kryetarin e Gjykatës Kushtetuese;
Kryetarin e Gjykatës së Lartë;
Prokurorin e Përgjithshëm;
Sekretarin e Përgjithshëm të Këshillit të Lartë të Drejtësisë;
Në mbështetje të dispozitave kushtetuese dhe të ligjit nr. 115/2016 “Për organet e qeverisjes në
sistemin e drejtësisë” Avokati i Popullit, u ftua për të marrë pjesë në këtë short në cilësinë e
vëzhguesit.
Gjithashtu në procedurën e hedhjes së shortit u ftuan të merrnin pjesë:
Përfaqësues të grupeve parlamentare;
Përfaqësitë e huaja diplomatike të akredituara në Republikën e Shqipërisë dhe organizatat
ndërkombëtare;
3
Mediat
Në kuadër të transparencës, njoftimi u publikua në faqen zyrtare të Kuvendit të Shqipërisë në
internet, në datën 22 nëntor 2017.
Kryetari i Kuvendit, me autorizimin nr.2927/17 Prot., datë 23.11.2017, ka autorizuar
Zëvendëskryetaren e Kuvendit, znj.Vasilika Hysi që të kryejë procedurat për hedhjen e shortit.
Ky autorizim u publikua menjëherë në faqen zyrtare të Kuvendit.
Në zbatim të pikës 3 të Urdhrit nr.1 datë 22.11.2017 të Kryetarit të Kuvendit, me Urdhrin nr.
264, datë 23.11.2017, të Sekretarit të Përgjithshëm të Kuvendit, u ngrit Sekretariati Teknik[1] i
cili organizoi procedurat e shortit për përzgjedhjen e anëtarëve në Këshillin e Emërimeve në
Drejtësi.
Listat e kandidatëve që plotësojnë kushtet e parashikuara nga ligji dhe që janë
përcjellë zyrtarisht Kuvendit nga institucionet përkatëse, është si vijon:
Lista e gjyqtarëve të Gjykatës Kushtetuese, depozituar në Kuvend me shkresën nr.356/1 datë
22.11.2017, me këtë përbërje:
1. Vitore Tusha
2. Altina Xhoxhaj
3. Fatmir Hoxha
4. Gani Dizdari
5. Fatos Lulo
6. Besnik Imeraj
Lista e gjyqtarëve të Gjykatës së Lartë të cilët plotësojnë kriteret për anëtar Këshilli është
depozituar në Kuvend, me shkresën nr. 4649/1, datë 24.11.2017, me këtë përbërje:
1. Edmond Islamaj
2. Shkëlzen Selimi
3. Artan Zeneli
4. Admir Thanza
5. Tom Ndreca
6. Artan Broci
7. Ardian Dvorani
8. Medi Bici
4
Lista e prokurorëve të Prokurorisë së Përgjithshme, depozituar në Kuvend, me shkresën
nr.2985, datë 30.11.2017, me këtë përbërje:
1. Rovena Gashi
Lista e prokurorëve nga Prokuroritë pranë Gjykatave të Apelit depozituar në Kuvend, me
shkresën nr.2985, datë 30.11.2017 të Prokurorisë së Përgjithshme, me këtë përbërje:
1. Gentian Trenova
2. Fatjona Memçaj
Lista e gjyqtarëve të Gjykatave të Apelit dhe Gjykatave Administrative depozituar në Kuvend,
nga Këshilli i Lartë i Drejtësisë, me këtë përbërje:
Gjyqtarët e gjykatave të apelit
1. Agim Bendo
2. Alaudin Malaj
3. Andi Civici
4. Artur Gaxha
5. Artur Kalaja
6. Asim Vokshi
7. Astrit Haxhialushi
8. Edlira Petri
9. Elbana Lluri
10. Elona Toro
11. Ervin Metalla
12. Evjeni Sinojmeri
13. Fatmira Hajdari
14. Fatos Qato
15. Fatri Islamaj
16. Fiqirete Mullaj
17. Flutura Skënderi
18. Genti Shala
19. Gramoz Levanaj
20. Gjin Gjoni
21. Hysni Demiraj
22. Ilir Toska
23. Maria Qirjazi
24. Metush Saraçi
25. Ridvan Hado
5
26. Shkëlqim Mustafa
27. Valdete Hoxha
28. Zegjine Sollaku
29. Agim Ferizaj
30. Anita Mici
31. Arben Vrioni
32. Arjan Balliu
33. Besim Trezhnjeva
34. Desart Avdulaj
35. Izet Dushaj
36. Kliton Spahiu
37. Petraq Dhimitri
38. Petrit Çeno
39. Tritan Hamitaj
40. Valbon Çekrezi
41. Dritan Banushi
42. Enton Dhimitri
43. Irena Brahimi
44. Izet Salaj
45. Miranda Andoni
46. Tomor Skreli
47. Brunilda Orhani
48. Entela Prifti
49. Etleva Temo
50. Olsi Xhavella
51. Sotiraq Lubonja
52. Stavri Kallço
53. Aleks Nikolli
54. Astrit Kalaja
55. Fuat Vjerdha
56. Hajrie Muçmata
57. Lindita Hoxha
58. Luan Dervishi
59. Marina Raboshta
60. Selim Kryeziu
61. Valbona Vata
62. Vojsava Osmanaj
63. Alma Liçaj
64. Brikena Ukperaj Lubonja
65. Hysen Saliko
6
66. Iliba Bezati
67. Klodiana Gjyrazi
68. Margarita Buhali
69. Nazmi Troka
70. Petrit Aliaj
71. Skënder Damini
72. Sokol Ngresi
73. Albana Boksi
74. Dhimitër Lara
75. Dhurata Haveri
76. Fehmi Petku
77. Gurali Brahimllari
78. Gjovalin Përnoca
79. Idriz Mulkurti
80. Nertina Kosova
81. Nure Dreni
82. Saida Dollani
83. Sokol Binaj
Gjyqtarët e gjykatave administrative
1. Alkelina Gazidede
2. Altina Nasufi
3. Amarildo Laçi
4. Arjan Qafa
5. Artur Malaj
6. Bari Shyti
7. Bernina Kondi
8. Blerona Hasa
9. Enkelejda Softa
10. Fjoralba Prifti
11. Kastriot Selita
12. Lindita Sinanaj
13. Rilinda Selimi
14. Ergys Gashi
15. Klodiana Mema Veizi
16. Marjana Velçani
17. Elidon Papazisi
18. Ramiz Lala
19. Etleva Gjamo
20. Sokol Ibi
7
21. Ahmet Jangulli
22. Valbona Durraj Seknaj
23. Astrit Shema
24. Gentiana Xhelili
25. Ken Dhima
26. Bevis Shehaj
27. Afërdita Maho
28. Arbena Ahmeti
29. Avni Sejdi
30. Bezart Kaçkini
31. Elda Vrioni
32. Elvana Çiçolli
33. Emiliano Ruli
34. Enerjeta Shehaj Deraj
35. Erarbër Madhi
36. Eriol Roshi
37. Gentian Hamiti
38. Gentian Medja
39. Gentiana Muçaj
40. Nafije Curri Hasko
41. Selvije Gjoçaj
42. Semiramis Hoxholli
III. Procedura e hedhjes së shortit
Prania e përfaqësuesve të institucioneve në hedhjen e shortit
Sekretariati Teknik verifikoi praninë e përfaqësuesve të institucioneve të sipërpërmendura. Nga
verifikimi rezultoi:
Nga Gjykata Kushtetuese: znj.Elsa Dobjani, Këshilltare e Kryetarit të Gjykatës
Kushtetuese;
Nga Gjykata e Lartë: Miran Kopani, Drejtor Kabineti i Kryetarit të Gjykatës së Lartë;
Nga Prokuroria e Përgjithshme: znj. Fjorida Ballauri, Drejtor Kabineti i Prokurorit të
Përgjithshëm, dhe znj.Ornela Xhembulla;
Nga Këshilli i Lartë i Drejtësisë, megjithëse është njoftuar, nuk ka përfaqësues prezent.
Avokati i Popullit, znj.Erinda Ballanca rezultoi e pranishme.
Gjithashtu, rezultuan të pranishëm:
8
Z.Ulsi Manja, përfaqësues i grupit parlamentar të Partisë Socialiste, z.Eduard Halimi,
përfaqësues i grupit parlamentar të Partisë Demokratike, z.Nasip Naço, përfaqësues i grupit
parlamentar të Partisë “Lëvizja Socialiste për Integrim”, përfaqësues nga organizatat
ndërkombëtare si dhe media.
Sekretariati Teknik kishte vënë në dispozicion të të pranishmëve dosje me korrespondencën
përkatëse, listën e kandidatëve si dhe materiale të tjera të lidhur me procesin e hedhjes së shortit.
I gjithë procesi i hedhjes së shortit u regjistrua në audio dhe video dhe u zhvillua në transmetim
direkt nga media.
Pretendimet për hedhjen e shortit
Para fillimit të procedurës për hedhjen e shortit, përfaqësuesi i grupit parlamentar të Partisë
Demokratike, z.Eduard Halimi, si dhe përfaqësuesi i grupit parlamentar të Partisë “Lëvizja
Socialiste për Integrim”, z.Nasip Naço, deklaruan qëndrimet e tyre lidhur me procesin e
organizimit të shortit, duke iu referuar dhe opinioneve të këtyre grupeve parlamentare drejtuar
Kryetarit të Kuvendit, respektivisht, me shkresat nr.3102, datë 6.12.2017, dhe nr. 3102/1, datë
6.12.2017.
Pas parashtrimit të qëndrimeve të këtyre dy grupeve parlamentare se procesi i iniciuar nga
Kryetari i Kuvendit po kryhet në një boshllëk kushtetues dhe ligjor dhe se në mungesë të
Këshillit të Lartë Gjyqësor dhe Këshillit të Lartë të Prokurorisë, po përdoren dispozita tranzitore
që e kanë humbur fuqinë e tyre, përfaqësuesi i grupit parlamentar të Partisë Socialiste, z.Ulsi
Manja paraqiti argumentet e tij për nevojën e përmbushjes së detyrimit kushtetues nga Kryetari i
Kuvendit për hedhjen e shortit për zgjedhjen e anëtarëve të KED-së, dhe vlerësoi se janë përsëri
kushtet e krijimit të Këshillit të Përkohshëm të Emërimeve në Drejtësi, për sa kohë nuk janë
ngritur organet e reja sipas Kushtetutës.
Drejtuesja e shortit, Znj.Hysi, solli në vëmendjen e të pranishmëve letrën e Presidentit të
Republikës komunikimin që ka pasur ai me misionet ndërkombëtare që kanë asistuar në
reformën në drejtësi, si dhe vendimin e Gjykatës Kushtetuese, nr. 34/2017, lidhur me
vazhdimësinë e funksioneve të vetë Këshillit të Lartë të Drejtësisë dhe organeve të tjera
ekzistuese kushtetuese, që vazhdojnë të ushtrojnë funksionet e tyre deri në konstituimin e plotë të
organeve të reja kushtetuese, KLGJ-së dhe KLP-së.
Pas fjalës së drejtueses së shortit, përfaqësuesit e grupeve parlamentare të PD, PS dhe LSI ishin
prezent gjatë gjithë procedurës së hedhjes së shortit, deri në shpalljen finale të fituesve të
përzgjedhur prej shortit te hedhur.
9
Hedhja e shortit
Zëvendëskryetarja e Kuvendit të Shqipërisë, znj.Vasilika Hysi, asistuar nga Sekretariati Teknik
zhvilloi procedurën e përgatitjes dhe të hedhjes së shortit sipas rregullave të përcaktuara në
Urdhrin nr.1, datë 22 nëntor 2017, të Kryetarit të Kuvendit.
- Shorti për anëtarë Këshilli nga gjyqtarët e Gjykatës Kushtetuese
Nga lista që është dërguar nga Gjykata Kushtetuese rezulton se janë 6 kandidatë për anëtarë të
Këshillit të Emërimeve në Drejtësi.
Sipas nenit 149/d të Kushtetutës dhe nenit 220 të ligjit nr.115/2016, në Këshillin e Emërimeve në
Drejtësi nga Gjykata Kushtetuese zgjidhen 2 anëtarë të përhershëm si dhe 1 anëtar zëvendësues.
Zëvendëskryetarja e Kuvendit, znj.Vasilika Hysi, ftoi Sekretariatin Teknik të fillojë procedurën
për hedhjen e shortit.
(Veprimet e Sekretariatit Teknik: U lexuan një e nga një emrat e 6 kandidatëve, të pasqyruara
në shirita letre. Çdo shirit u fut në gogël dhe goglat u hodhën në kuti. Të gjitha veprimet u kryen
përpara kamerave. Anëtarja e Sekretariatit e ngarkuar për tërheqjen e goglës, pasi rrotulloi
kutinë, tërhoqi goglën e parë. Hapi goglën, dhe më zë të lartë drejtuar nga kamerat deklaroi
emrin e anëtarit të zgjedhur: “Besnik Imeraj”. Më pas tërhoqi goglën e dytë. Hapi goglën, dhe
më zë të lartë drejtuar nga kamerat deklaroi emrin e anëtarit të zgjedhur: “Altina Xhoxhaj”.)
Zëvendëskryetarja e Kuvendit sqaroi se tërheqja e goglës së tretë është për anëtarin zëvendësues
për këtë institucion.
(Veprimet e Sekretariatit Teknik: Anëtarja e Sekretariatit e ngarkuar për tërheqjen e goglës, pasi
rrotulloi kutinë me gogla, tërhoqi goglën e tretë. Hapi goglën, dhe me zë të lartë, drejtuar nga
kamerat, deklaroi emrin e anëtarit të zgjedhur: “Vitore Tusha”).
- Shorti për anëtar Këshilli nga gjyqtarët e Gjykatës së Lartë
Sipas nenit 149/d të Kushtetutës dhe nenit 220 të ligjit nr.115/2016, në Këshillin e Emërimeve në
Drejtësi nga Gjykata e Lartë zgjidhet 1 anëtar i përhershëm si dhe 1 anëtar zëvendësues. Nga
lista që është dërguar nga Gjykata e Lartë rezulton se janë 8 kandidatë për anëtarë të Këshillit të
Emërimeve në Drejtësi.
Zëvendëskryetarja e Kuvendit ftoi Sekretariatin të fillojë procedurën për hedhjen e shortit.
(Veprimet e Sekretariatit Teknik: U lexuan një e nga një emrat e 8 kandidatëve, të pasqyruara
në shirita letre. Çdo shirit u fut në gogël dhe goglat u hodhën në kuti. Të gjitha veprimet u kryen
përpara kamerave. Anëtarja e Sekretariatit e ngarkuar për tërheqjen e goglës, pasi rrotulloi
10
kutinë, tërhoqi goglën e parë. Hapi goglën, dhe më zë të lartë drejtuar nga kamerat deklaroi
emrin e anëtarit të zgjedhur: “Artan Broci”. )
Zëvendëskryetarja e Kuvendit sqaroi se tërheqja e goglës së dytë është për anëtarin zëvendësues.
(Veprimet e Sekretariatit Teknik: Anëtarja e Sekretariatit e ngarkuar për tërheqjen e goglës, pasi
rrotulloi kutinë me gogla, tërhoqi goglën e tretë. Hapi goglën, dhe me zë të lartë, drejtuar nga
kamerat, deklaroi emrin e anëtarit të zgjedhur:“Shkëlzen Selimi”.)
- Shorti për anëtar Këshilli nga prokurorët e Prokurorisë së Përgjithshme
Prokuroria e Përgjithshme, me shkresën zyrtare nr.2985, datë 30.11.2017, drejtuar Kuvendit, ka
paraqitur si kandidate nga prokurorët e Prokurorisë së Përgjithshme znj.Rovena Gashi.
Sipas ligjit, në Këshillin e Emërimeve në Drejtësi zgjidhet 1 anëtar nga prokurorët e Prokurorisë
së Përgjithshme. Në këto kushte, nga Zëvendëskryetarja e Kuvendit u konstatua se procedura e
shortit për zgjedhjen e një anëtari të Këshillit që i përket kësaj kategorie nuk mund të zhvillohet,
pasi ka vetëm një kandidat të propozuar, që në këtë rast, do të konsiderohet ipso jure anëtar i
zgjedhur i Këshillit.
Pra, anëtar i Këshillit të Emërimeve në Drejtësi nga prokurorët e Prokurorisë së Përgjithshme,
rezultoi kandidatja e vetme e propozuar, prokurorja Rovena Gashi.
- Shorti për anëtarë Këshilli nga prokurorët pranë Gjykatave të Apelit
Prokuroria e Përgjithshme, me shkresën zyrtare nr.2985, datë 30.11.2017, drejtuar Kuvendit, ka
paraqitur 2 kandidatë nga prokurorët e prokurorive pranë Gjykatave të Apelit, z.Gentian Trenova
dhe znj.Fatjona Memçaj.
Në këto kushte, nga Zëvendëskryetarja e Kuvendit u konstatua se duke qenë se ligji parashikon
që në Këshillin e Emërimeve në Drejtësi të zgjidhen 2 anëtarë nga prokuroritë pranë Gjykatave
të Apelit, procedura e shortit për zgjedhjen e 2 anëtarëve nuk mund të zhvillohet pasi numri i
kandidaturave është i njëjtë me numrin e anëtarëve që duhet të zgjidhen.
Pra, anëtarë të Këshillit të Emërimeve në Drejtësi nga prokurorët e prokurorive pranë Gjykatave
të Apelit rezultuan 2 kandidatët e vetëm të propozuar, prokurorët Gentian Trenova dhe Fatjona
Memçaj.
Për shkak të numrit të kandidaturave të sjella, u konstatua se nuk mund të zhvillohej as
procedura e shortit për zgjedhjen e anëtarit zëvendësues që i përket Prokurorisë së Përgjithshme
dhe, për rrjedhojë, për këtë institucion nuk do të ketë anëtar zëvendësues.
- Shorti për anëtarë Këshilli nga gjyqtarët e Gjykatave të Apelit
Nga lista që është dërguar nga Këshilli i Lartë i Drejtësisë, me shkresën nr.3552/2, datë
30.11.2017, rezulton se nga gjykatat e apelit janë 83 kandidatë për anëtarë të Këshillit të
Emërimeve në Drejtësi.
11
Sipas nenit 149/d të Kushtetutës dhe nenit 220 të ligjit nr.115/2016, nga gjyqtarët e Gjykatave të
Apelit zgjidhen 2 anëtarë të përhershëm në Këshillin e Emërimeve në Drejtësi.
Zëvendëskryetarja e Kuvendit ftoi Sekretariatin të fillojë procedurën për hedhjen e shortit.
(Veprimet e Sekretariatit Teknik: U lexuan një e nga një emrat e 83 kandidatëve të pasqyruar në
shirita letre. Çdo shirit u fut në gogël dhe goglat u hodhën në kuti. Të gjitha veprimet u kryen
përpara kamerave. Anëtarja e Sekretariatit e ngarkuar për tërheqjen e goglës, pasi rrotulloi
kutinë, tërhoqi goglën e parë. Hapi goglën, dhe më zë të lartë drejtuar nga kamerat deklaroi:
emrin e anëtarit të zgjedhur “Enton Dhimitri”. Më pas tërhoqi goglën e dytë për anëtarin tjetër.
Hapi goglën, dhe më zë të lartë drejtuar nga kamerat deklaroi emrin e anëtarit të zgjedhur:
“Fatos Qato”.)
- Shorti për anëtar Këshilli nga gjyqtarët e Gjykatave Administrative
Nga lista që është dërguar nga Këshilli i Lartë i Drejtësisë, me shkresën nr.3552/2 Prot., datë
30.11.2017, rezulton se nga gjykatat administrative janë 42 kandidatë për anëtarë të Këshillit të
Emërimeve në Drejtësi.
Sipas nenit 149/d të Kushtetutës dhe nenit 220 të ligjit nr.115/2016, nga gjyqtarët e gjykatave
administrative zgjidhet 1 anëtar i përhershëm në Këshillin e Emërimeve në Drejtësi.
Zëvendëskryetarja e Kuvendit ftoi Sekretariatin të fillojë procedurën për hedhjen e shortit.
(Veprimet e Sekretariatit Teknik: U lexuan një e nga një emrat e 42 kandidatëve të pasqyruar në
shirita letre. Çdo shirit u fut në gogël dhe goglat u hodhën në kuti. Të gjitha veprimet u kryen
përpara kamerave. Anëtarja e Sekretariatit e ngarkuar për tërheqjen e goglës, pasi rrotulloi
kutinë, tërhoqi goglën. Hapi goglën, dhe më zë të lartë drejtuar nga kamerat deklaroi emrin e
anëtarit të zgjedhur:”Ahmet Jangulli”.)
- Shorti për anëtar zëvendësues Këshilli nga gjyqtarët e Gjykatave Administrative
dhe gjyqtarët e Gjykatave të Apelit
Zëvendëskryetarja e Kuvendit sqaroi se Gjykatat administrative dhe gjykatat e apelit, sipas ligjit
115/2016, kanë 1 anëtar zëvendësues të përbashkët. Prandaj, nga kandidatët e mbetur nga
gjykatat e apelit (81 kandidatë) dhe nga kandidatët e mbetur nga gjykatat administrative (41
kandidatë) hidhet shorti për anëtarin zëvendësues.
Zëvendëskryetarja e Kuvendit ftoi Sekretariatin Teknik të fillojë procedurën për hedhjen e shortit
për anëtarin zëvendësues.
(Pasi bashkohen në kuti goglat me emrat e të gjithë kandidatëve të mbetura nga të dy gjykatat,
anëtarja e Sekretariatit e ngarkuar për tërheqjen e goglës, pasi rrotulloi kutinë, tërhoqi goglën.
12
Hapi goglën, dhe më zë të lartë drejtuar nga kamerat deklaroi emrin e anëtarit
zëvendësues;“Sotiraq Lubonja”).
IV. Shpallja e rezultatit
Në përfundim të hedhjes së shortit, Zëvendëskryetarja e Kuvendit, znj.Vasilika Hysi, shpalli
emrat e 9 anëtarëve të Këshillit të Emërimeve në Drejtësi, të përzgjedhur nga shorti, si dhe emrat
e anëtarëve zëvendësues, si vijon:
Anëtarët e Këshillit të Emërimeve në Drejtësi:
1. Besnik Imeraj Gjyqtar i Gjykatës Kushtetuese
2. Altina Xhoxhaj Gjyqtar i Gjykatës Kushtetuese
3. Artan Broci Gjyqtar i Gjykatës së Lartë
4. Rovena Gashi Prokuror nga Prokuroria e Përgjithshme
5. Enton Dhimitri Gjyqtar nga gjykatat e apelit
6. Fatos Qato Gjyqtar nga gjykatat e apelit
7. Gentian Trenova Prokuror pranë gjykatave të apelit
8. Fatjona Memçaj Prokuror pranë gjykatave të apelit
9. Ahmet Jangulli Gjyqtar nga gjykatat administrative
Anëtarët zëvendësues për secilin institucion të parashikuar në ligjin 115/2016:
1. Vitore Tusha Nga Gjykata Kushtetuese
2. Shkëlzen Selimi Nga Gjykata e Lartë
3. Sotiraq Lubonja Nga Këshilli i Lartë i Drejtësisë
Nga Prokuroria e Përgjithshme nuk ka anëtar zëvendësues.
[1] Përbërja: Këshilltare: Iva Seseri, Isida Koka, Sonila Kadare; Sekretare:Evda Mema, Joana
Bitri, Enkeleda Bala, Suela Huta, Elona Toto;