Zunh Doz Nyei Hoc-Dauh:

Namx nyei Jiu-bang, Un-un nyei Jiu-bang,

Jorm nyei Jiu-bang

Laauc Yaangh 3:15-16

Zunh Doz Nyei Hoc-Dauh:

Namx nyei Jiu-bang, Un-un nyei Jiu-bang,

Jorm nyei Jiu-bang

Laauc Yaangh 3:15-16

Zeuz, YauzSingZeuz, YauzSing1

Gorngv Jiex gorn nyei waac: Fiev bun siec norm jiu-bang nyei fienx yiem Laauc Yaangh sou se benx zien jiu-bang yiem wuov norm ziangh hoc, mv baac fienx nyei eix-leiz gorngv taux zinh ndangc caux ih jaax nyei ziex nzangh jiu-bang. Mbuo haiz mienh gorngv Jiu-bang se haaix norm yaac fih hnangv nyei, weic zuqc ninh mbuo maiv doqc Laauc Yaangh sou 2-3 zang. Ih hnoi mbuo oix juangc jienv mangc taux buo nzangh jiu-bang, hnangv Yesu hemx taux Lao^ndi^sie nor, “Yie hiuv duqv meih zoux nyei gong, hiuv duqv meih maiv jorm yaac maiv namx. Feix duqv meih jorm fai maiv zei aeqv, namx. Mv baac, weic zuqc meih mbuo se un-un wuov, maiv jorm yaac maiv namx, yie oix liev meih cuotv yie nyei nzuih mingh.” Mbuo oix juangc jienv hoqc taux namx nyei jiu-bang, un-un nyei jiu-bang, caux jorm nyei jiu-bang. Tov Tin-Hungh bun mbuo nyei hnyouv haih fingv jiex daaih jorm hnyouv fu-sux Ninh.

2

A. The “Cold church”/Namx Nyei Jiu-bang1. Namx maaih haaix nyungc eix-leiz? Hnyouv namx fai Lingh

wuonh namx, maaih eix-leiz gorngv mengh zaqv nyei ngaengh Yesu caux kuv fienx.

2. Yesu gorngv taux Lau^ndie^sie jiu-bang, “Yie hiuv duqv meih zoux nyei gong, hiuv duqv meih maiv jorm yaac maiv namx. Feix duqv meih jorm fai maiv zei aeqv, namx” (Laauc Yaangh 3:15)

3. Ih jaax hnoi maaih mienh camv namx taux Tin-Hungh nyei sic, liemh maiv jorm hnyouv taux kuv fienx, Ninh mbuo maiv cau-fim maiv gunv taux lingh wuonh nyei jauv. Maiv gunv taux sienx Tin-Hungh nyei jauv, maiv dan ninh mbuo maiv gunv hnangv ninh mbuo dorng juangc gorngv mengh nyei ninh mbuo maiv zipv kuv fienx. Ninh mbuo namx gor taux Yesu nyei jauv zungv maiv oix mingh fatv mienh dongh gorngv taux Yesu nyei jauv. Ninh mbuo maiv gunv ninh mbuo se dingx laaih nyei mienh, maiv gunv ndortv deic nyuoqc. Maaih mienh liemh maiv oix muangx taux Yesu nyei jauv louc…corc nzorng zien leiz.

4. Hnyouv namx, lingh wuonh namx nyei mienh, kungx Singx Lingh hnangv haih fingv ninh mbuo nyei hnyouv yiem Ziouv nyei waac. Weic zuqc kuv fienx se Tin-Hungh nyei domh qaqv haih njoux yietc zungv sienx nyei mienh, njoux Yiutai Mienh ndaangc, nqa'haav cingx taux fingx-fingx Janx (Lomaa 1:16)

3

B. The “Lukewarm” Church/Un-Un Nyei Jiu-bang1. Un-un nyei jiu-bang, maiv souv wuonv yiem Ziouv nyei waac ,

Un-un nyei jiu-bang se zoux buonc ei Ziouv zoux buonc ei baamh gen, zoux buonc horpc Ziouv, zoux buonc horpc baamh mienh (1 Ko^lin^to 10:21)

2. Lau^ndie^sie jiu-bang se benx un-un nyei jiu-bang, ninh mbuo maiv dorng zuangc ngaengc Ziouv fai kuv fienx, mv baac ninh mbuo yaac maiv zipv nzengc Ziouv nyei waac. Naaiv nyungc jiu-bang zoux bun Yesu haih loqv nyei. Ih jaax hnoi mbuo buatc hnangv zinh ndangc nor, maaih jiu-bang zoux bun Ziouv a’hneiv, maaih zoux bun ninh qiex jiex, maaih jiu-bang zoux bun ninh nzauh, maaih jiu-bang zoux bun ninh loqv..

3. Un-un nyei jiu-bang mienh se ndam mengh sienx Ziouv nyei, lauh lauh mingh nzunc baav buoqc zangc nyei, ninh mbuo gorngv ninh mbuo sienx Yesu nyei, mv baac ninh mbuo ganh hiuv duqv ninh mbuo se beih zangc hnyouv njuotv nyei mienh, ninh mbuo zoux nyei sic maiv doix-diuc Ziouv njaaux nyei. Naaiv nyungc mienh hnangv Matv^tai 7:22-23 Yesu gorngv, ‘Yie liemh maiv hiuv duqv meih mbuo niaa. Meih mbuo zoux waaic nyei mienh gaanv biaux nqoi maah!’

4. Ninh mbuo se hnangv Baulo gorngv yiem 2 Ti^mo^tai 3:5 nor, beih zaangc zoux hnangv sienx Tin-Hungh, mv baac hnyouv maiv nyiemc ninh mbuo sienx nyei jauv maaih qaqv. Naaiv nyungc mienh meih oix zuqc simv nqoi. Ninh mbuohiuv taux haiz jiex mv baac maiv za’gengh zoix yungz jiex. 4

C. The “Hot” Church/Jorm nyei jiu-bang1. Jorm nyei jiu-bang se hnangv haaix nor? Jorm nyei jiu-bang se

zunv hnyouv, fingv nyei Jiu-bang. Jorm nyei jiu-bang hiuv duqv Ziouv, hnamv Ziouv, yaac ei jienv Ziouv nyei waac zoux nyei jiu-bang (naaiv se mbuo nyei jiu-bang nyei nyei mouz deic)

2. Se gorngv mbuo oix mangc jorm nyei jiu-bang zoux nyungc oix zuqc mangc Te^saa^lo^ni^gaa jiu-bang yiem 1 Te^saa^lo^ni^gaa 1:2-10 (Ninh mbuo benx Sienx Ziov nyei jiu-bang, benx mbuoqc Tin-Hungh nyei jiu-bang, benx zuqc diev kouv weic Ziouv nyei Jiu-bang, benx Jiu-bang dongh mingh mbuox mienh taux kuv fienx nyei Jiu-bang, benx zuov jienv Ziouv aengx daaih nyei Jiu-bang).

3. Tov Tin-Hungh bun mbuo haih zuotc ninh mbuo hnangv ziex norm Jiu-bang zuotc ninh mbuo nor, Tov Tin-Hungh bun mbuo hiuv duqv kuv fienx za’gengh zien weic Singx Lingh (1 Te^saa^lo^ni^gaa 1:5)

4. Ih jaax nyei lung ndiev namx jienv njiec, namx jangv jienv mingh taux Tin-Hungh nyei jauv caux kuv fienx, mbuo maiv haih zoux un-un nyei jiu-bang dongh liemh gaeng zungv doc maiv daic, mbuo oix zuqc jorm hnyouv fingv jiex daaih. Mbuo oix zuqc nyiemz mbuo zoux nyei zuiz, tov Tin-Hungh sotv guangc mbuo nyei zuiz, Tin-Hungh ziouc bun mbuo nyei hnyouv maaih ziangh hoc nyiemz fingv jiex daaih hangv Gong-zoh sou 2 zang wuov. 5

Dorh Ging-sou nyei eix-leiz daaih longc

1. Yie oix buatc naaiv norm Jiu-bang zoux nyungc zeiv gorngv, maengc se hnangv haaix nor se gorngv maaih Yesu zoux Ziouv. Zoux nyungc zeiv bun maiv sienx nyei mienh gorngv sienx Yesu nyei maengc se hnangv haaix nor, Benx orn sienx Yesu nyei mienh, mbuo mbuo nyei langc, yiem mbuo nyei deic bung, yiem naaiv lungh ndiev. Hnangv Te^saa^lo^ni^ga 1:8 gorngv nor, Ziouv nyei doz maiv daan yiem meih mbuo naaic zunh cuotv mingh gormx Maa^si^ndo^nie Saengv caux Aa^kaa^yaa Saengv hnangv, norm-norm dorngx nyei mienh yaac haiz gorngv meih mbuo sienx longx Tin-Hungh, yie mbuo ziouc maiv zuqc aengx gorngv haaix nyungc aqv.

2. Mmbuo nyei Jiu-bang jorm, fingv, nangh nyei jiu-bang fai? Mbuo laanh laanh mienh oix zuqc bieqc hnyouv jiu-bang nyei mouz deic, buoqc zangc Tin-Hungh, Hoqc ging-sou, ceix sai-gorx, lorz qiang zunh kuv fienx mbuox maiv gaengh sienx nyei mienh, yienc ei Ziouv, hlo yiem sienx fim, longc TH bun nyei zingh nyeic fu-sux Jiu-bang, oix zuqc siev jienv ganh nyei maengc weic Ziouv.

3. Mbuo haih benx jorm nyei jiu-bang, haih tengx Ziouv zoux zorng-zengx weic mbuo ganh nyei maengc duqv yienc. Duqv yienc nyei maengc se benx bui nyei zorngh zengx. Nzunc baav zungv maiv zuqc longc nzuih gorngv, mv baac se gorngv Ziouv bun qiangx longc nzuih zunh ninh nyei kuv fienx.

4. Yie zoux zunh doz mienh, Tin-Hungh nyei bou, yie nyei yietc nyungc mauv caux mouz deic se oix buatc jiu-bang mienh mbuoqc Ziouv nyei waac. Yie laengz zunv dingc hnyouv zunh Ziouv nyei doz, maiv pienx yaac maiv pien dongh yie hiuv duqv mengh nyei yie laengz zunh ei jienv Ziouv nyei waac. Tov Tin-Hungh bun mbuo haih ei jienv dongh mbuo duqv hoqc, duqv haiz, caux duqv hiuv nyei zien doz.

6