Fjala për ta Jetuar
Mars 2011
“Ja, unë jam shërbëtorja e Zotit: u bëftë
mbi mua vullneti yt!”
(Lk 1,38)
Ashtu si Marisë, Hyji dëshiron të na zbulojë vullnetin e vet secilit prej nesh, dëshiron të na ndihmojë ta njohim
identitetin tonë të vërtetë.
"Do që me ty dhe jetën tënde të bëj një kryevepër? – kështu duket sikur na thotë - Ndiq rrugën që të them dhe do të bëhesh çka gjithmonë ke qenë në zemrën
time.”
“Unë, ç’është e vërteta, të kam menduar e dashur që në krye të herës, kam përmendur emrin tënd. Duke të shfaqur vullnetin tim,
zbuloj qënien tënde të vërtetë ".
Jap pra, pse vullneti i tij nuk është detyrim shtrëngues, por zbulimi i dashurisë së tij për ne, i projektit të tij për ne; dhe
është kaq sublime, aq sa vetë Hyji, aq tërheqës dhe përdëllyes, sa vetë pamja e tij: është Ai vetë që ofrohet.
Vullneti i Hyut është një fill i artë, një model hyjnor sipas të cilit endet e gjithë jeta jonë tokësore dhe e përtejme; shkon nga përjetësia në përjetësi: më së pari në mendjen e Hyut, më pas në këtë tokë, e së
fundi në Parajsë.
Por, që vullneti i Hyjit të përmbushet plotësisht, ai kërkon pëlqimin tim, pëlqimin tënd, siç bëri dhe me Marinë. Vetëm
kështu përmbushet fjala e thënë në mua dhe në ty. Dhe bash si Maria, edhe ne jemi thirrur të themi:
"Ja, unë jam shërbëtorja e Zotit: u bëftë
mbi mua vullneti yt “
(Lk 1,38)
Natyrisht vullneti i tij nuk na është gjithmonë i qartë. Ashtu si Maria edhe ne duhet të kërkojmë
dritë për të kuptuar çka Hyji do.
Duhet ta dëgjojmë mirë zërin e tij brenda nesh, me sinqeritet të plotë, duke u këshilluar po qe nevoja me
këdo që mund të na ndihmojë. Por ama, me t’a kuptuar vullnetin i tij menjëherë i duhet thënë po.
Po ta kuptonim që vullneti i tij është gjëja më e madhe dhe më e bukur që mund të na ndodhë në jetë, nuk do të
ligështoheshim pse ¨duhet¨ bërë vullneti i Hyjit,
por do galdonim se ¨mund¨ ta kryejmë atë, se mund ta ndjekim projektin e tij që të përmbushet gjithë çka
menduar Ai për ne. Është më e mira që mund të bëjmë, është gjëja më e mençur.
Ndodh nganjëherë, që ndonjë kërkesë e tij mund të na tingëllojë absurde. Prandaj do të donim t’i bishtnonim,
ta merrnim vetë në dorë drejtimin e jetës sonë.
Madje do të tundoheshim deri aty sa ne, vetë ta këshillonim Hyjin, t´i themi si të bëjë e si të
mos bëjë.
Por nëse unë pranoj se Hyji është dashuri dhe i besoj Atij, e di që ajo që zotëroj në jetën time dhe në jetën e atyre që kam pranë është për të mirën time, për të
mirën e tyre.
Atëherë i dorëzohem Atij, braktisem me besim të plotë në
vullnetin e tij dhe e dua me gjithë qenien time, derisa të jem
një me të, duke ditur se të pranosh
vullnetin e tij do me thënë të pranosh Atë, të përqafosh Atë, të ushqehesh
me Të.
Duhet të besojmë se asgjë nuk ndodh rastësisht. Asnjë ngjarje, e gëzueshme qoftë, e rëndomtë apo e dhimbshme, asnjë takim, asnjë situatë në familje, punë, shkollë, asnjë
gjendje shëndetësore apo morale, asnjë s´është e pakuptim.
Por çdo gjë - ngjarje, situata, persona, - janë mbartës të një mesazhi nga ana e Hyjit, çdo gjë shërben për
përmbushjen e shestimit të tij, që vjen e zbulohet pak e nga pak, ditë pas dite, duke kryer si Maria, vullnetin e
Zotit.
Fjalët e Marisë - "Ja, unë jam shërbëtorja e Zotit" - janë përgjigjia e dashurisë sonë ndaj dashurisë së
Hyjit. Ato na orientojnë gjithnjë drejt tij, në dëgjesë, në bindje, me të vetmen dëshirë që të
kryejmë vullnetin e tij, për të qenë ashtu siç Ai na do.
"Ja, unë jam shërbëtorja e Zotit: u bëftë
mbi mua vullneti yt! “
(Lk 1,38)
Atëherë, si ta jetojmë këtë Fjalë? Po-ja jonë ndaj Fjalës së Hyjit do të thotë konkretisht të bësh mirë, plotësisht, për çdo çast, atë çka
vullneti i Hyut na kërkon.
Të jemi të gjithë aty, në atë vepër, duke shmangur çdo gjë tjetër: mendime, dëshira, kujtime, veprime që s’kanë
lidhje me të.
Le ta themi përpara çdo
veprimi tonë: ¨le të ndodhë¨ ¨u bëftë¨.
Dhe do të përmbushim çast pas çasti, hap pas
hapi, të mrekullueshmin, të
vetmin dhe të papërsëritshmin mozaik të jetës
sonë, që Hyji e ka menduar që në
krye të herës për gjithësecilin prej
nesh.
Përballë çdo vullneti të Hyjit, i dhimbshëm në qoftë, i gëzueshëm apo i rëndomtë, të mund të përsërisim: ¨le të ndodhë me mua ajo që ke thënë¨, apo, ashtu siç na
ka mësuar Jezusi në ¨Ati ynë¨: ¨u bëftë vullneti yt¨
" Ja, unë jam shërbëtorja e Zotit: u bëftë mbi mua vullneti yt!
“ (Lk 1,38)
““Fjala për ta jetuar”,Fjala për ta jetuar”, botim mujor i Lëvizjes së Fokolarëve.Shkrim i Kjara Lubik Dhjetor 2002.
Grafika Anna Lollo në bashkim me don Placido D’Omina (Siçili, Itali) Komenti i Fjalës për ta jetuar përkthehet në 96 gjuhë dhe idioma,
dhe arrin te miliona njerëz në gjithë botën përmes shtypit, radiotelevizionit dhe internetit. Për informacion www.focolare.org
PPS përkthehet në gjuhë të ndryshme dhe publikohet në www.santuariosancalogero.org
““Fjala për ta jetuar”,Fjala për ta jetuar”, botim mujor i Lëvizjes së Fokolarëve.Shkrim i Kjara Lubik Dhjetor 2002.
Grafika Anna Lollo në bashkim me don Placido D’Omina (Siçili, Itali) Komenti i Fjalës për ta jetuar përkthehet në 96 gjuhë dhe idioma,
dhe arrin te miliona njerëz në gjithë botën përmes shtypit, radiotelevizionit dhe internetit. Për informacion www.focolare.org
PPS përkthehet në gjuhë të ndryshme dhe publikohet në www.santuariosancalogero.org