Boletín do Equipo de Normalización e Dinamización Lingüística CEIP de Randufe Nº 46 marzo de 2014

Conversa na praia. Luís Seoane, 1976

NIN “A PARTIRES” NIN “A PESARES”

Estas dúas expresións son dous erros moi comúns no galego que se escoita e que se le e que cómpre evitar. Demasiado estendidas estas formas incorrectas pasarían, por adoptaren a forma, por infinitivos con-xugados cando en realidade non son formas verbais. CORRECTO INCORRECTO A festa comezará a partir das 18:00 horas. A festa comezará a partires das 18:00 horas. A partir de agora non me distraias. A partires de agora non me distraias. O negocio medra a pesar da crise. O negocio medra a pesares da crise. A pesar de que llo prohibiron, vaino facer. A pesares de que llo prohibiron, vaino facer.

Pesares e partires son correctas como formas de segunda persoa de infinitivo dos verbos pesar e partir: Por pesares noventa quilos non che serve a roupa. De partires cedo chegarás a tempo.

SOLETA, PATRÓN ou CADRO DE PERSOAL. NUNCA “PLANTILLA” A palabra “plantilla” non existe en galego en ningunha das acepcións que ten en castelán. Así, se fala-mos do revestimento interior da sola do calzado, que pode ir fixado a esta ou simplemente superposto, esta-mos a falar dunha soleta.

Teño que pór unhas soletas no calzado para curar as mancaduras dos pés.

Se nos referimos ao modelo a partir do que se fan cousas semellantes entón é un patrón ou padrón. Usaremos este patrón para facer os debuxos iguais.

E se queremos nomear ao conxunto de persoas que traballan nunha mesma empresa ou estabelece-mento deberemos dicir cadro de persoal.

A escola de Randufe ten un cadro de persoal de 17 mestres e mestras.

Hoxe a partir das oito da tarde retransmisión en di-recto da maratón do Baixo Miño! Grazas ao patroci-nio comercial de Soletas Martínez! A proba vaise celebrar a pesar do forte trebón das últimas horas.