Водоземци - amphibia

Карактеристично за водоземците е тоа што имаат двоен начин на живеење.

Поточно, тие се приспособиле на живот во вода и на копно. Преминот на копно придонесува за појава на белите дробови кои не се добро развиени.

Кај оваа класа кожата е тенка и лигава и учествува во размената на гасовите. За разлика од возрасните единки, ларвата живее исклучиво во вода и дише со жабри.

Телото на водоземците е поделено на глава, труп и два пара екстремитети. Во главата се наоѓа усниот отвор изграден од две вилици, најчесто без заби. Во устата имаат јазик кој е леплив и служи за ловење на пленот. Странично на главата има еден пар добро развиени очи, пред нив носни отвори, а екстремитетите завршуваат со прсти меѓу кои има пловни кожички.

РазвитокОплодувањето кај жабите е надворешно а кај други водоземци внатрешно.

Развитокот е преку метаморфоза

Oваа класа ја делиме во две групи:

oпашести и безопашести водоземци.

Познати претставници кои живеат кај нас се обичната крастава жаба и дождовникот со карактеристични жолти дамки.