нутгийн - erdenet.mnerdenet.mn/userfiles/file/jargalant 14 хоногийн...

Орон нутгийн хөгжлийн сангийн хөрөнгө оруулалтаар сумын төвийн төв зам дагуу гэрэлтүүлгийг “Арвилах” ХХК, Төв замын зам засварын ажлыг “Орхон АЗЗА” ТӨХК, Улаантолгой багийн нөөцийн усан сангийн ажлыг “Аварга соёо” ХХК –ууд тус тус хийж гүйцэтгэж байна.

2015 онд Орон нутгийн хөгжлийн сангийн хөрөнгө

оруулалтаар хийгдэх ажлуудын саналыг иргэдээс

авч эрэмбэлсэн. Нийт 725 иргэний 37 санал

эрэмблэгдсэн.

Орхон аймгийн ИТХ-ын дарга Б.Мягмарсүрэн болон ИТХ-ын төлөөлөгчид, аймаг сумын хэлтэс агентлагийн дарга холбогдох мэргэжилтэнүүд сумын ургац хураалтын байдалтай танилцаж цаашид шийдвэрлэх асуудлын талаар ногоочид тариаланчдын санал бодлыг сонссон байна.

Аймгийн Засаг даргын нэрэмжит Онцгой байдлын газар, Улаан загалмайгаас зохион явуулсан “Аврагч 2014” тэмцээнд сумаас анхны тусламжийн нөхөрлөл оролцож 4-р байр орж амжилттай оролцсон.

40-өөс дээш насны иргэдийн хөдөлмөр эрхлэлтийг дэмжих хүрээнд хийгдсэн төмс хүнсний ногоо тариалах ажилд хамрагдсан 25 иргэн намрын ургацаа хурааж авсан байна. Энэ ажлын хүрээнд 1 иргэнд 672 кг төмс, 400 кг нарийн ногоо хувиарлан өгч өрхийн орлогыг нэмэгдүүлсэн байна. Байнгийн ажлын байраар 5 иргэн түр ажлын байраар 178 иргэн хангагдан ажиллаж байна.

Аймгийн Өмчийн харилцааны газраас мэргэжилтнүүд ирж, актлах эд хөрөнгө, тоног төхөөрөмжийг бүртгэн авсан.

Улаанбаатар хотын “Дүнжингарав” худалдааны төвд болсон “Намрын ногоон өдрүүд” үзэсгэлэн худалдаанд сумаас 6 ногоочин 10 нэр төрлийн 12 тн ногоо хямд үнээр борлуулан ногоочид идэвхтэй оролцоод ирлээ.

Сумын Засаг даргын 2014 оны 04-р сарын 23 өдрийн А/73 тоот захирамжийн дагуу ажлын хэсэг 8 удаа ногооны талбайд мал орсон дуудлагаар очиж хохирлын хэмжээг тогтоож дүгнэлт гарган ажилласан. Нийт 1520000 мянган төгрөгний хохирлын акт тогтоогоод байна.

УРГАЦ ХУРААЛТЫН МЭДЭЭ

Одоогоор үр тарианы ангилан хадалт 1600 га-д хийгээд байна улаан буудай 1160 га-гаас 3098 тн хураагаад байна.

Төмс 129,3 га-аас- 1166,4 тн, өргөст хэмх 0,68 га-с-34,3 тн, байцаа 27,6 га-с 341,9 тн-ыг, шар манжин 6,6 га-с 53,6 хүрэн манжин 17,7 га-аас 154,3 тн, лууван 43,8-га-с 396,5 тн сонгино 8,67 га-аас 64,4 тн-ыг тус тус хураагаад байна.

ХАДЛАНГИЙН МЭДЭЭ:

Сумын аюулгүйн нөөцөд 120 тн, малчид 2900 тн байгалийн хадлан бэлтгэх төлөвлөгөөтэй бөгөөд одоогоор иргэд, аж ахуйн нэгж байгалийн хадлан 2776 тн, ногоон тэжээл-30 тн сумын фондод 121 тн өвс бэлтгэж хадлан , тэжээл бэлтгэлийн ажил 96 %-ийг бэлтгээд байна.

БАЙГАЛЬ ОРЧНЫ ХЭСЭГ:

-Байгаль орчны хэсэг, цагдаагийн хэсэгтэй хамтран эргүүл шалгалтыг 6 удаа хийлээ. Эргүүл шалгалтаар Урт, Арцат, Бааст, Согоотоор явж зохих зөвшөөрөлгүй мод бэлтгэсэн Баян-Өндөр сумын иргэн Хишигбямба, Жаргалант сумын Улаантолгой багийн иргэн Жаргалсайхан нарын бэлтгэсэн 8 метр куб түлээг хураан торгуулын арга хэмжээ авсан.

-Сэлэнгэ аймгийн Баруунбүрэн сумын байгаль орчны байцаагч, байгаль хамгаалагч нартай хамтран эргүүл шалгалт хийж мод бэлтгэх эрхийн бичигт заасан газраас мод бэлтгээгүй Баян-Өндөр сумын иргэн Энхболд, Жавхлан нарын бэлтгэсэн модыг хурааж арга хэмжээ авсан.

- Аймгийн байгаль орчны газартай хамтран бэлчээрийн-3, хүн амын ундны усны -3 нийт 6 худгийн усны дээжийг шинжилгээнд авч байгаль орчны газарт хүргүүллээ

-Бөөн бургасанд 2013 оноос хойш таригдсан бүх модыг тоолж амьдралтын хувийг тогтооход 13200 ширхэг Улиас, Бургас, Хайлаас, Шар хуас таригдсанаас 8400 ширхэг ургаж амьдралтын хувь 63,6 байна.

Бэрх оньс ХХК нь Багануур, Эрээний уурхайтай гэрээ байгуулж. 450 тн нүүрс татан авсан байна. Одоогийн байдлаар 2 сарын нөөцтэй байна.

ЦЭЦЭРЛЭГ

-Нийт 155 хүүхэд өдрийн төлөвлөгөөтэй ажиллаж байна.

-Цэцэрлэгийн дулааны шугамын засвартай холбоотой 3 анги бусад өрөө тасалгаа халахгүй байгааг холбогдох газарт хандан халаалтыг хэвийн ажлуулах арга хэмжээ авч ажиллаж байна.

-цэцэрлэгийн бүх өрөө тасалгаа болон гадна хаягийг шинэчлэн хийлгэхээр захиалга өгсөн.

БОЛОВСРОЛЫН ЧИГЛЭЛЭЭР:

-Орхон аймгийн ЕБС-ийн 8-р ангиудын дунд жил бүр зохион явуулдаг “Эко аялал-Орон нутаг судлал” интеграци хичээлд 8-р ангийн 23 сурагч 6 багш хамрагдсан.

-Багш нарын баярыг угтаж Орхон аймгийн багш нарын дунд зохион байгуулсан гар бөмбөг, сагсан бөмбөгийн тэмцээнд эрэгтэй, эмэгтэй баг тамирчид оролцож сагсан бөмбөгийн төрөлд эмэгтэй баг хүрэл медаль хүртсэн.

Багш нарын баярыг угтаж сумын албан байгууллагуудын хооронд гар бөмбөгийн тэмцээн ийг зохион явуулсан.

СУРГАЛТ

-Улаанбаатар хотруу өвлийн хүлэмж барих технологитой танилцах талбайн сургалтанд 5 иргэн хамрагдаад ирсэн.

-Цэцэрлэгийн эмч Д.Энхчимэг туслах багш нарт түлэнхий өвчин түүнд үзүүлэх анхны тусламж сэдэвт сургалт зохион явуулсан байна

- Сумын эрүүл мэндийн төвөөс зохион байгуулсан “Эрүүл мэндийн довтолгоо” сургалтанд ЕБС-ийн багш ажилчид хамрагдсан байна.