Nodyn i’r athro / athrawes : Argraffwch y cardiau canlynol gefn-wrth-gefn

Nodyn i’r athro/athrawes:

Argraffwch y cardiau canlynol gefn-wrth-gefn.

Rhowch un cerdyn i bob disgybl.

Bydd disgybl A yn darllen y frawddeg. Yna bydd disgybl B yn nodi’r camgymeriad, y cywiriad a’r rheswm gyda disgybl A yn ei wirio.

Bydd y dasg yn cael ei hail-adrodd gyda disgybl B yn holi y tro hwn.

Cyfnewid cardiau a mynd at bartner gwahanol.

Mae’r cath yn eistedd ar y gadair.

y cath > y gath

Mae’r enw benywaidd unigol ‘cath’ yn treiglo’n feddal ar ôl y fannod.

Mae y geffyl yn carlamu yn gyflym.

Camdreiglad. Dydi enw gwrywaidd ddim yn treiglo ar ôl y fannod.

y geffyl > y ceffyl

Hwn yw’r ddosbarth gorau i mi ei ddysgu erioed.

Camdreiglad. Nid yw enw gwrywaidd unigol yn treiglo ar ôl y fannod.

yw’r ddosbarth > yw’r dosbarth

Af i’r wely’n gynnar bob nos.

Camdreiglad. Nid yw enw gwrywaidd yn treiglo ar ôl y fannod.

i’r wely > i’r gwely

Mae gen i un raw yn y sied.

Un raw > un rhaw

Camdreiglad. Er bod enw benywaidd unigol yn treiglo’n feddal ar ôl y rhifolyn un, os yw’r enw yn dechrau â’r gytsain ‘rh’ ni cheir treiglad gan ei fod yn eithriad i’r rheol.

Mae’r blant yn hoffi gwylio snwcer.

Mae’r blant > mae’r plant

Camdreiglad. Nid yw enw lluosog yn treiglo ar ôl y fannod.