საქართველოს ეროვნული მუზეუმის ჟურნალი ,,მუზეუმი”. გამოცემა N3, 2014:2013 წელს საქართველოს ეროვნულმა მუზეუმმა ექვთიმე თაყაიშვილის 150 წლისთავი მნიშვნელოვანი ღონისძიებებით აღნიშნა. მათ შორის იყო შალვა ამირანაშვილის სახელობის ხელოვნების მუზეუმში მოწყობილი გამოფენა „ძველი საქართველოს მონუმენტური მხატვრობა და მისი მოამაგენი“, რომელზედაც შუა საუკუნეების ქართული კედლის მხატვრობისა და მოზაიკის მრავალრიცხოვანი ნიმუში იმავდროულად მათი შესწავლისა და გადარჩენის ასწლოვან ისტორიას წარმოადგენდა.
