Upload
3sektar-hrodna
View
242
Download
14
Embed Size (px)
DESCRIPTION
Â
Citation preview
Кроніка грамадскага жыцця Гарадзеншчыны
Навіны ГА "Цэнтр "Трэці сектар"
“Універсітэт Залатога Веку” запрашае слухачоў. Запрашаем сталых гарадзенцаў ва ўзросце ад 55
год і вышэй стаць удзельнікамі нашай праграмы. На працягу сямі месяцаў вас чакаюць цікавыя заняткі
па самых розных тэмах, інтэграцыйныя мерапрыемствы і грамадска-карысныя справы.
Адвакатаванне і яго ацэнка: падыходы і магчымасці для Беларусі. Што такое адвакатаванне і
ці рэальна займацца адстойваннем інтарэсаў грамадскасці ў беларускіх умовах? Якога кшталту
грамадскія кампаніі маюць больш шансаў на поспех і па якіх крытэрыях можна ацаніць, ці гэты поспех
быў дасягнуты?
Шукаем валанцёраў для арганізацыі міжкультурнага Фестывалю ў Турцыі. Запрашаем
прыняць ўдзел у арганізацыі міжкультурнага моладзевага Фестывалю ў Турцыі з 1 па 30 кастрычніка –
выдатны шанец паказаць свае таленты, правесці час карысна і знайсці сяброў з розных краінаў.
Навіны партнёраў
Гарадзенскія гісторыкі патрапілі ў шорт-ліст Прэміі Міжнароднага Кангрэса даследчыкаў
Беларусі.Эксперты намінавалі працы Святланы Куль-Сяльвестравай, Аляксандра Пагарэлага і Сяргея
Токця. Вызначэнне выніковых пераможцаў і ўрачыстае ўзнагароджанне адбудуцца 2-4 кастрычніка
2015 г. у Коўне (Літва).
Новыя курсы ад "Студыі карысных кампетэнцый". Адкрыты набор на курсы "Школа здаровай
асанкі і натуральнага руху" (кітайскія аздараўленчыя сістэмы), курсы вязання кручком і спіцамі, а
таксама разнастайныя курсы па ангельскай мове.
Раварыстаў Гродна запрашаюць да стварэння ВелаПатруля. Некамерцыйныя арганізацыі
ВелаГродна і ЦэнтрСпас аб'ядноўваюцца ў ідэі стварыць ВелаПатруль - валанцёрскую групу па пошуку
зніклых людзей.
Зялёны партал Гродзеншчыны шукае аўтараў для асвятлення экалагічнага жыцця
вобласці. Да супрацы запрашаюць аўтараў, фатографаў ды іншых добрых людзей з Гродна і вобласці
для асвятлення актуальных мясцовых навінаў.
Магчымасці
Трэнінг "Вырашэнне канфліктаў у міжкультурнай перспектыве". Трэнінг для працаўнікоў з
моладдзю пройдзе 5-14 кастрычніка ў Арменіі. Дэдлайн падачы заявак - 3 верасня.
Моладзевы праект «Ствараем будучыню — замацоўваем давер: моладзевая супраца ў
краінах Усходняга партнёрства». Мэта праекта - наладжванне міжкультурнага дыялогу паміж
прадстаўнікамі грамадскіх арганізацый краін Усходняга партнёрства (Украіна, Беларусь, Малдова,
Грузія) і Германіі.
Культура памяці: адукацыйны курс для журналістаў-пачаткоўцаў. Школа журналістыкі
Мінскага міжнароднага адукацыйнага цэнтра імя Ё. Рау (IBB) у супрацы з Амбасадай Федэратыўнай
Рэспублікі Германіі ў Беларусі запрашае журналістаў-пачаткоўцаў беларускіх СМІ паўдзельнічаць у
адукацыйным курсе.