ГОДИШЕН ИЗВЕШТАЈ

2012

1. ПРОЕКТИ

Име на проектот Emplo – Youth - Ability

Донатор Швајцарски Национален Младински Совет

Партнер SEED Switzerland

Опис Проектот Emplo-Youth-Ability беше имплементиран во партнерство со project is implemented SEED – Швајцарија и поддржан од Швајцарскиот Совет за Младински Активности преку програмата East Project. Проектот имаше за цел да ги подобри вештините за вработување на младите луѓе притоа помагајќи им да се справат со предизвиците на модерниот пазар на труд. Проектот опфати 5 модули, секој со различна но поврзана тема се со цел младите да се здобијат со вештини за да најдат вработување. Петте модули опфатија: МОДУЛ 1- Кариерни цели и личен развој МОДУЛ 2- CV, Мотивациско писмо и презентациски вештини МОДУЛ 3 – Донесување на одлуки, кретивно размисување и менаџирање со време МОДУЛ 4 – Права и обврски на работното место МОДУЛ 5 – Презентација на личните кариерни планови Понатаму, проектот вклучи и креирање на веб-сајт кој ќе служи како место преку кое младите ќе можат да се информираат за сите можности околу нивната кариера.

Временски период

Април – Октомври 2012

Опфат 25 учесници

Слика

2. ИНИЦИЈАТИВИ

Име на Иницијативата

Марш „ЗАЕДНО ЗА МИР“

Опис Во период на етнички немири и тензии, Младите можат се приклучија на иницијативата „Заедно за мир“ што резултираше во организација на марш за мир на 17 март 2012 година. Иницијативата преставуваше коалиција на невладини организации а беше поддржана од голем број музичари, актери, спортисти, политичари и други истомисленици. Маршот привлече огромо внимание, а беше организиран со цел да испрати порака кон пошироката јавност.

Временски период

17 Март 2012

Опфат 15 членови

Име на Иницијативата

International Candlelight Memorial Day

Опис На 20 мај 2012 за прв се организираше глобалниот централен настан, International Candlelight Memorial Day односно меѓународен ден за сеќавање за ХИВ и сида, во организација на YPEER Македонија на кој носечка организација беше НВО “Младите можат”, во соработка со ХЕРА, Црвен крст, Младински Образовен Форум, Заедно посилни- групата за поддршка и самопомош на лицата што живеат со ХИВ во Македонија, а со поддршка од агенции и програми на Обединетите Нации во земјава (UNFPA и UNAIDS) Настанот беше составен од два дела, Првиот дел се одржи во Градскиот парк, на локација ,”Школка”, од 12:00 до 14:00 часот. Во рамките на одбележувањето ќе се постават штандови на кои ќе се презентираат информации од областа на сексуалното здравје од страна на обучувачи за заштита од ХИВ/СИДА. Централниот настан се оддржи вечерта од 20:00 до 22:00 часот пред платото кај спомен куќата на Мајка Тереза, каде што беа запалени свеќи во вид на панделка, како знак на почит кон починатите од сида. Дополнително, беа поставени панели каде што граѓаните можеа да ги оставаат своите пораки за поддршка кон засегнатите од оваа болест.

Временски период

20 Мај2012

Опфат 100 учесници

Слика

Име на Иницијативата

Денови на младинско вмрежување

Опис Денови на младинско вмрежување е иницијален настан на кој претставници на заинтересираните и активни младински организации се собраа за да отпочнат процес на формирање на свое највисоко претставничко тело – Национална младинска организација. Затоа, младите ќе дискутираат и решаваат за неговата структура, начин на формирање и работа, како и улогата и надлежностите кои ова тело треба да ги има во општествениот контекст со цел зајакнување на позицијата на младите. Се очекува ова младинско вмрежување да ги охрабри младите и да ги зајакне нивните капацитети за демократска вклученост и демократско одлучување.

Иницијативата има за цел да ја обезбеди поддршката од државата за овој процес и се надева на позитивна реакција од страна на институциите и понатамошна поддршка на процесот. Процесот ќе продолжи и по завршувањето на настанот и останува отворен за приклучување на сите заинтересирани младински организации, без разлика на нивната форма, структура, етничка, верска и социјална позадина.

Временски период

25-28 Октомври 2012

Опфат 36 учесници

Слика

3. ЛОКАЛНИ ИНИЦИЈАТИВИ

Име на Иницијативата

Филмски вечери

Опис Во периодот од февруари до април, Младите можат организираа 8 филмски вечери отворени за сите млади. Темата на фимовите беше блиску поврзана со младински прашања и младински активизам и после секоја проекција следеше дискусија.

Временски период

Февруари – Април 2012

Опфат 64 присутни

Слика

Име на Баклава Ден

Иницијативата

Опис Младите можат во соработка со Лука Лидершип Македонија организираа Баклава ден под мотото „пријателството е слатко“ со намера да се придонесе кон подобар дијалог помеѓу различните етнички заедници. Присутните млади имаа шанса да се запознаат со другите култури, и да видат дека и покрај различните религии тие споделуваат исти културни вредности.

Временски период

21 Август 2012

Опфат 37 присутни

Слика

Име на Иницијативата

НВО Саем „Станица студентска“

Опис Младите можат зема учество на националниот настан каде студнтски и младински организации одржаа НВО саем на кој младите можеа одблиску да видат, што нудат младинските организации од Македонија.

Временски период

7 Декември 2012

Опфат 20

Слика

Име на Иницијативата

Играта продолжува

Опис Младите можат се вклучи во хуманитарна акција за собирање на играчки како подарок за новогодишните празници за децата без родители. Целата акција траеше еден месец, додека Младите можат организираше отворен ден во своите простории каде што сите нејзини членови можеа да донираат играчки и подароци. Повеќе од 100 играчки беа собрани и со тоа младите покажаа дека можат да бидат хумани.

Временски период

19 Декември 2012

Опфат 12 млади донираа играчки

Слика

4. ОБУКИ ЗА ГРАДЕЊЕ ВЕШТИНИ И КАПАЦИТЕТИ

Име на Иницијативата

Обука Проектен менаџмент

Опис Поранешниот потпретседател на Младите можат Софија Цали оддржа обука за проектен менаџмент за членовите на Младите можат, со цел

градење на капацитетите на организацијата.

Временски период

4 Април2012

Опфат 15 учесници

Име на Иницијативата

Тимбилдинг за членство - YOUth CAN - CookOut

Опис Младите можат еднаш во година организира активности за јакнење на тимскиот дух кај свите членови. Целта на оваа активност е запознавање на членовите на Младите можат со раководствот на организацијата.

Временски период

3 Ноември 2012

Опфат 19 членови

Слика

Име на Иницијативата

Обука „Организација на настани

Опис Учесниците на оваа обука имаа можност одблиску да се запознаат со процесот на успешно организирање на настани и добија одлични совети за:

- Логистистичка подготовка - Комуникација на настани - Промоција и брендинг - Тимска работа - Кризни ситуации

Временски период

9 Декември 2012

Опфат 17 учесници

Слика

5. ПРОГРАМА - МЛАДИ ВО АКЦИЈА

Име на Активноста

ЕВС Инфо сесии

Опис Инфо сесии на кои се промовираше програмата Млади во акција, со посебен акцент на промоција на Европскиот Волонтерски Сервис. На овие настани своите ЕВС искуства ги споделича наши волонтери кои волонтирале низ Европа, но и волонтери од неколку европски држави кои се на ЕВС во Македонија.

Временски период

19 Март и 4 Октомври 2012

Опфат 24 членови

Слика

Вкупно учесници испратени на тренинзи

15

Вкупно учесници испратени на размени

14

Вкупно испратени ЕВС волонтери

2