ЭРҮҮЛ МЭНДИЙН САЙДЫН ТУШААЛ

2003 оны 12 дугаар Дугаар 306 Улаанбаатар хот

сарын 25-ны өдөр

Журам батлах тухай

Хүн амын эрүүл мэндийг сахин хамгаалах, мансууруулах, сэтгэцэд нөлөөт эмийн

зохистой хэрэглээг төлөвшүүлэх зорилгоор “Эмийн тухай”, “Мансууруулах эм, сэтгэцэд

нөлөөт бодисын эргэлтэд хяналт тавих тухай” Монгол Улсын хууль, “Мансууруулах эм,

сэтгэцэд нөлөөт бодисын эргэлтэд хяналт тавих тухай хуулийг хэрэгжүүлэх зарим арга

хэмжээний тухай” Монгол Улсын Засгийн газрын 2003 оны 196 дугаар тогтоолыг

үндэслэн ТУШААХ нь:

1. “Мансууруулах эм, сэтгэцэд нөлөөт эмийг нийлүүлэх, үйлдвэрлэх, хэрэглэх

журам”-ыг 1 дүгээр, “Мансууруулах эм, сэтгэцэд нөлөөт эмийн импортын лицензийн

загвар”-ыг 2 дугаар, “Мансууруулах эм, сэтгэцэд нөлөөт эмийн импортын лиценз хүсэх

өргөдлийн загвар”-ыг 3 дугаар, “Монгол улсын хүн амын эмчилгээнд хэрэглэх

мансууруулах, сэтгэцэд нөлөөт эмийн жагсаалт”-ыг 4 дүгээр хавсралтын ёсоор тус тус

баталсугай:

2. Энэхүү тушаалын хэрэгжилтийг зохион байгуулж ажиллахыг Бодлогын

хэрэгжилтийг зохицуулах газар (Т.Эрхэмбаатар), Эмнэлгийн тусламжийг удирдах газар

(С.Дуламсүрэн), Эрүүл мэндийн чиглэлээр үйл ажиллагаа явуулах тусгай зөвшөөрөл

олгох комиссын дарга нарт даалгасугай.

3. Энэ тушаал гарсантай холбогдуулан Эрүүл мэнд, нийгмийн хамгааллын сайдын

1998 оны А/184 дүгээр тушаалыг хүчингүй болсонд тооцсугай.

САЙД П.НЯМДАВАА

2

Эрүүл мэндийн сайдын 2003 оны

306 дугаар тушаалын 1 дүгээр хавсралт

МАНСУУРУУЛАХ, СЭТГЭЦЭД НӨЛӨӨТ ЭМИЙГ

НИЙЛҮҮЛЭХ, ХЭРЭГЛЭХ, ҮЙЛДВЭРЛЭХ ЖУРАМ

Нэг. Нийтлэг үндэслэл

1.1.Энэхүү журмын зорилго нь мансууруулах, сэтгэцэд нөлөөт эм, тэдгээрийн

түүхий эд (цаашид “Мансууруулах, сэтгэцэд нөлөөт эм” гэх)-ийн импорт, үйлдвэрлэл,

хангалт, хэрэглээтэй холбогдсон асуудлыг Монгол Улсын “Эмийн тухай”,

“Мансууруулах эм, сэтгэцэд нөлөөт бодисын эргэлтэд хяналт тавих тухай” болон “Аж

ахуйн үйл ажиллагааны тусгай зөвшөөрлийн тухай” хуулийн хүрээнд зохицуулж, хяналт

тавихад оршино.

1.2.Мансууруулах, сэтгэцэд нөлөөт эмийг импортлох, үйлдвэрлэх, худалдаалах эм

ханган нийлүүлэх байгууллага, эмийн үйлдвэр, эмийн сан нь энэ чиглэлээр аж ахуйн үйл

ажиллагаа явуулах тусгай зөвшөөрөлтэй байна.

1.3.Мансууруулах, сэтгэцэд нөлөөт эмийн үйлдвэрлэл, импорт, бөөний худалдаа

эрхлэх тусгай зөвшөөрлийг Эрүүл мэндийн яамны Эрүүл мэндийн чиглэлээр үйл

ажиллагаа явуулах тусгай зөвшөөрөл олгох комисс, жижиглэнгийн худалдаа эрхлэх

тусгай зөвшөөрлийг аймаг, нийслэлийн комисс олгоно.

1.4.Шинжилгээ, судалгааны зориулалтаар мансууруулах, сэтгэцэд нөлөөт эмийг

ашиглахад Засгийн газрын 2003 оны 196 дугаар тогтоолыг мөрдөнө.

1.5.Тусгай зөвшөөрөл бүхий эм хангамжийн байгууллага нь энэхүү тушаалын 3

дугаар хавсралтаар батлагдсан эмээр эмнэлгийн байгууллага, өвчтөнг тасралтгүй, жигд,

боломжийн үнээр хангах зарчмыг үйл ажиллагаандаа мөрдлөг болгоно.

Хоёр. Мансууруулах, сэтгэцэд нөлөөт эмийг импортлох

2.1.Эмчилгээний зориулалтаар Монгол Улсын нутаг дэвсгэрт хэрэглэх

мансууруулах, сэтгэцэд нөлөөт эмийн импортын лицензийг тухайн эмийн жилийн

хэрэгцээг үндэслэн Эрүүл мэндийн яамнаас тухай бүр 6 сарын хугацаагаар олгоно.

2.2.Мансууруулах эмийн импортын лицензийн шар, сэтгэцэд нөлөөт эмийн

лицензийг ногоон өнгийн А4 цаасан дээр 5 хувь үйлдэж, 2 хувийг импортлогчид, гаалийн

байгууллага, экспортлогч улсын эрх бүхий байгууллагад тус тус 1 хувийг хүргүүлнэ.

2.3.Мансууруулах, сэтгэцэд нөлөөт эмийг нэмж импортлох шаардлагатай гэж

үзвэл Эрүүл мэндийн яам энэ тухайг Вена дахь Олон улсын мансууруулах бодисын

хяналтын зөвлөл (цаашид “зөвлөл” гэх)-д мэдэгдэж, хариуг авсан тохиолдолд импортын

лиценз олгоно.

2.4.Мансууруулах, сэтгэцэд нөлөөт эмийн импортын лиценз хүсэхэд дараах бичиг

баримтыг бүрдүүлсэн байна:

2.4.1.мансууруулах, сэтгэцэд нөлөөт эм ханган нийлүүлэх тусгай зөвшөөрөл;

2.4.2.экспортлогч талтай байгуулсан албан ёсны гэрээ;

3

2.4.3.эмийн бүртгэлийн гэрчилгээ;

2.4.4.импортын лиценз хүссэн өргөдөл /маягтын дагуу/.

2.5.Мансууруулах, сэтгэцэд нөлөөт эм импортлох тусгай зөвшөөрөл бүхий эм

ханган нийлүүлэх байгууллага нь дараах үүргийг хүлээнэ. Үүнд:

2.5.1.экспортлогч орны эрх бүхий байгууллагаас олгосон экспортын

зөвшөөрлийн бичгийг тухайн бичиг болон бараа ачигдсан мэдээ хүлээн авснаас 10

хоногийн дотор зөвшөөрөл олгогч байгууллагад ирүүлэх;

2.5.2.импортыг дурдсан хугацаанд багтаан гүйцэтгээгүй бол лицензийг

хугацаа дуусахаас 10 хоногийн өмнө зөвшөөрөл олгогч байгууллагад буцаах;

2.5.3.барааг өөрийн агуулахад татан авсан тухайгаа зөвшөөрөл олгогч

байгууллага болон Улсын мэргэжлийн хяналтын газарт хуулинд заасан хугацааны дотор

мэдэгдэж байх;

2.5.4.импортоор оруулж ирсэн эмийн нэр, тун, хэлбэр, тоо хэмжээ тэдгээрийг

хүлээн авсан, түгээсэн хэмжээ, экспортлогч болон ханган нийлүүлэх байгууллагын

нэрийг илтгэсэн бүртгэл хөтөлж, тайланг маягтын дагуу улирал бүр Эрүүл мэндийн

яаманд хүргүүлж байх;

2.5.5.импортоор оруулж ирсэн эмийг зөвхөн зөвшөөрөл бүхий эмийн сан

болон эмнэлэгт нийлүүлэх.

Гурав. Мансууруулах, сэтгэцэд нөлөөт эмийн жор бичих

3.1.Эмийн бэлдмэлийн найрлагад мансууруулах болон сэтгэцэд нөлөөт бодис

эмчилгээний тунгаар орсон байвал эмийн жор бичнэ.

3.2.Мансууруулах, сэтгэцэд нөлөөт эмийн жор нь бичигдсэн өдрөөс 10 хүртэлх

хоногийн хугацаанд хүчинтэй байна.

3.3.Мансууруулах эмийн жорыг нарийн мэргэжлийн эмчийн тогтоосон оношийг

үндэслэн өвчтөний харъяалагдах өрх, сумын болон хөнгөвчлөх эмчилгээний эмч бичиж,

ахлагч/эрхлэгчийн гарын үсэг, тэмдгээр баталгаажуулсан байна.

3.4.Хөдөө орон нутгийн өвчтөн нарийн мэргэжлийн эмчийн хяналтын дор

эмчлүүлж буй тохиолдолд түр оршин суугаа хорооны өрх, сумын эмч жор бичиж,

дээрхийн адил баталгаажуулна.

3.5.Мансууруулах эмийн жорын маягт нь стандартын дагуу батлагдсан хэмжээ

бүхий, шаардагдах мэдээллийг агуулсан байна.

3.6.Мансууруулах эмийн жорын хэвлэмэл маягтыг индексжүүлэн тэмдэг дарж

баталгаажуулсан байна.

3.7.Мансууруулах эмийн жорын маягтыг Эмнэлгийн тусламжийг удирдах газраас

захиалга, өмнөх сарын мансууруулах эмийн жорын маягтын зарцуулалтын тайланг

үндэслэн эмнэлгийн байгууллагад олгоно.

Дөрөв. Мансууруулах, сэтгэцэд нөлөөт эмийг

захиалах, хэрэглээнд хяналт тавих

4.1.Амбулаториор эмчлэгдэх өвчтөний болон эмнэлэгт хэрэглэгдэх мансууруулах,

сэтгэцэд нөлөөт эмийн хэрэгцээг үндэслэн захиалгыг эмнэлгийн байгууллага хагас

4

жилээр тооцон харъяа нийслэл, аймгийн Эрүүл мэндийн газарт жил бүрийн V, XI сард

хүргэнэ.

4.2.Эмнэлгийн тусламжийн удирдах газар нийслэл, аймгийн эрүүл мэндийн газар

болон улсын үйлчилгээтэй эмнэлгийн байгууллагын захиалгыг нэгтгэн мансууруулах,

сэтгэцэд нөлөөт эмийн улсын хэрэгцээг гаргаж Эрүүл мэндийн яаманд ирүүлнэ.

4.3.Захиалгыг үйлдээгүй, эсхүл буруу үйлдсэний улмаас шаардлагатай эмээр

тасарснаас үүдэх аливаа хариуцлагыг тухайн байгууллага хариуцна.

4.4.Мансууруулах, сэтгэцэд нөлөөт эм олгох тусгай зөвшөөрөл бүхий нийтийн

болон эмнэлэгийн эмийн санч нь дараах үүргийг хүлээнэ. Үүнд:

4.4.1.мансууруулах, сэтгэцэд нөлөөт эмийг жорын дагуу олгож, хэрэглэх арга,

илэрч болох гаж нөлөөнөөс сэргийлэх талаар дэлгэрэнгүй зааварчилгаа өгөх;

4.4.2.мансууруулах, сэтгэцэд нөлөөт эмийг Засгийн газрын 2003 оны 196 тоот

тогтоолын 4 дүгээр хавсралтад заасны дагуу хадгалах;

4.4.3.хүлээн авсан, олгосон, устгасан мансууруулах, сэтгэцэд нөлөөт эмийн

нэр, тун хэмжээ, огноо болон зарцуулалтын талаар бүртгэл хөтөлж, бүртгэлийг 2-оос

доошгүй жилийн хугацаатайгаар хадгалах;

4.4.4.мансууруулах, сэтгэцэд нөлөөт эмийн зарцуулалтын тайланг улирал

бүрийн дараа сарын 5-ны дотор холбогдох ханган нийлүүлэх байгууллагад ирүүлэх;

4.5.мансууруулах, сэтгэцэд нөлөөт эмээр үйлчлэх зөвшөөрөл бүхий эм ханган

нийлүүлэх байгууллага, эмийн сан нь уг эмүүдийг солилцох, бусад эмийн санд өгөхийг

хориглоно.

4.6.Эмнэлэгт хэрэглэх мансууруулах, сэтгэцэд нөлөөт эмийн захиалгыг тусад нь

үйлдэж, эмчилгээ эрхэлсэн болон ерөнхий эмчээр баталгаажуулна.

4.7.Эмнэлгийн яаралтай тусламжийн цүнхэнд байх мансууруулах, сэтгэцэд нөлөөт

эмийн нэр төрөл, нөөцийг тогтоохдоо эмнэлгийн бүтэц, үйл ажиллагааны тухай

стандартыг баримтална.

4.8.Мансууруулах эмийг өвчтөнд хэрэглэхдээ тухайн эмийн нэр, цувралын дугаар,

хэрэглэсэн аргыг өвчтөний түүхэнд тодорхой бичиж, баталгаажуулж, хэрэглэсэн эмийн

хоосон туншил, шахмал эмийн савыг эмийн санд эгүүлэн тушаан, тайлагнаж байна.

Тав. Мансууруулах, сэтгэцэд нөлөөт эмийг үйлдвэрлэх,

зөвшөөрөл олгоход тавигдах шаардлага

5.1.Мансууруулах, сэтгэцэд нөлөөт эм болон тэдгээрийн угтвар бодисыг ашиглан

эм бэлтгэх, үйлдвэрлэх зөвшөөрлийг үйлдвэрлэх эмийн нэр, хэлбэр бүрд олгоно.

5.2.Зөвшөөрөл олгоход дараах бичиг баримтыг бүрдүүлсэн байвал зохино. Үүнд:

5.2.1.мансууруулах, сэтгэцэд нөлөөт бодис бүхий ургамал ашиглах

тохиолдолд уг ургамлыг ашиглахад байгаль орчинд нөлөөлөх байдлын үнэлгээ, байгаль

орчны асуудал эрхэлсэн төрийн захиргаа төв байгууллагын дүгнэлт;

5.2.2.агуулахын талаарх Улсын мэргэжлийн хяналтын газрын дүгнэлт;

5

5.2.3.үйлдвэрлэлийн дамжлагад мансууруулах донтой, архаг архичин болон

өөр бусад шалтгаанаар мансууруулах болон сэтгэцэд нөлөөт эм, бодисыг зүй бусаар

хэрэглэдэг хүмүүс ажилладаггүй тухай Сэтгэцийн эмгэг, мансуурал судлалын төвийн

магадлагаа;

5.2.4.үйлдвэрлэлийн дамжлагад тавьж байгаа болон буй болгох хяналтын

тогтолцооны тухай танилцуулга;

5.2.5.үйлдвэрлэх эмийн нэр, хэмжээ болон “Эрүүл мэндийн тухай”, “Аж ахуйн

үйл ажиллагааны тусгай зөвшөөрлийн тухай” хуульд заасан бусад бичиг баримт.

5.3.Мансууруулах, сэтгэцэд нөлөөт эм үйлдвэрлэгч нь дараах үүргийг хүлээнэ.

Үүнд:

5.3.1.үйлдвэрлэх эмийн хэмжээг жилийн өмнө зөвшөөрөл олгогч байгууллагад

мэдэгдэж, тухайн жилийн хэрэгцээнд тусгуулсан байх;

5.3.2.зөвшөөрлийг эзэмшигч зөвшөөрлийн бичгийн хугацаа сунгуулах

хүсэлтээ хугацаа дуусахаас 2 сарын өмнө бичгээр гаргах;

5.3.3.үйлдвэрлэгч нь үйлдвэрлэсэн бүтээгдэхүүнийг зөвхөн тусгай зөвшөөрөл

бүхий ханган нийлүүлэх байгууллага, эмийн сангаар түгээх;

5.3.4.Холбогдох тайланг зөвшөөрөл олгогч байгууллагад тогтоосон хугацаанд

хүргүүлж байх.

Зургаа. Мансууруулах, сэтгэцэд нөлөөт эмийн

зарцуулалтын бүртгэл, тайлан

6.1.Мансууруулах, сэтгэцэд нөлөөт эм худалдаалах, үйлчлэх, импортлох,

үйлдвэрлэх тусгай зөвшөөрөл бүхий эмийн сан, эм ханган нийлүүлэх байгууллага, эмийн

үйлдвэр нь мансууруулах, сэтгэцэд нөлөөт эмийн бүртгэлийг дараах хүснэгтийн дагуу

үнэн зөв хөтөлнө. Үүнд:

А.Нийтийн үйлчилгээний эмийн сангийн зарцуулалтын бүртгэл

Эмийн нэр, тун, хэмжээ ___________хэмжих нэгж _____________Үнэ____________

№ Жорын

индекс

Жор

бичсэн

огноо

Эм олгосон

огноо

Цувралын

дугаар

Тоо

хэмжээ

Бүртгэл хөтөлсөн

Эмийн

санчийн

нэр

Гарын

үсэг

Б.Эмнэлгийн _______________ тасгийн зарцуулалтын бүртгэл

Эмийн нэр, тун хэмжээ _______________ Хэмжих нэгж _____________

№ Огноо Өвчтөний

түүхийн

дугаар

Өвчтөний

нэр

Хэрэглэсэн эмийн Сувилагчийн

Цувралын

дугаар

Тоо

хэмжээ

Нэр Гарын

үсэг

6

В. Мансууруулах, сэтгэцэд нөлөөлт эм/түүхий эдийн бүртгэл

Байгууллагын нэр ____________________________________________

№

Эм, түүхий

эдийн

Импортын

зөвшөөрлий

н дугаар

Хэмжи

х нэгж

Орлого Хүлээн

авсан

огноо

Экспортлогчи

йн нэр Тоо Нэгж

үнэ Нэр Цувралы

н дугаар

Г.Мансууруулах, сэтгэцэд нөлөөлт эм/түүхий эдийн зарцуурцуулалтын бүртгэл

Байгууллагын нэр ___________________________________________

№

түүхий эдийн Импортын

зөвшөөрлийн

дугаар

Хэмжих

нэгж

Зарлага Олгосон

байгууллагын

нэр

Зарлагын

падааны

огноо Нэр Цувралын

дугаар

Тоо Нэгж

үнэ

Д.Мансууруулах, сэтгэцэд нөлөөлт эм/түүхий эдийн устгалын бүртгэл

№ Эм,

түүхий

эдийн

нэр

Цувралын

дугаар

Зөвшөөрлийн

бичгийн

дугаар

Хэмжих

нэгж

Устгасан

тоо

хэмжээ

Шийдвэр

гаргасан

эрхийн

актын

дугаар

огноо

Тайлбар

6.2.Эмийн сан, эм ханган нийлүүлэх байгууллага, эмийн үйлдвэр нь бүртгэлийг

үндэслэн мансууруулах, сэтгэцэд нөлөөт эм/түүхий эдийн улирлын тайланг дараах

маягтаар гаргана.

Байгууллагын нэр ______________________ оны … дугаар улирлын тайлан

№ Эм,

түүхий

эдийн нэр,

тун,

хэмжээ

Хэмжи

х нэгж

Нэг

бүрийн

үнэ

Эхний

үлдэгдэ

л

Орлог

о

Экспортло

г-чийн

нэр

Зарлага Эцсийн

үлдэг-

дэл

7

6.3.Эмнэлгийн байгууллагууд нь мансууруулах эмийн жорын зарцуулалтын

тайланг дараах маягтаар гаргана.

Жорын эхний

үлдэгдэл,

индекс

Авсан жорын

маягтын тоо

Зарцуулсан

тоо

Индекс, эмчийн

нэр

үлдэгдэл жорын

маягтын тоо,

индекс

6.4.Тусгай зөвшөөрөл бүхий байгууллага нь импортолсон, үйлдвэрлэсэн,

хэрэглэсэн эм, бодисын талаархи тайланг улирлар гарган улирал бүрийн дараа сарын 10-

ны дотор Эрүүлмэндийн яаманд ирүүлнэ.

6.5.Эрүүл мэндийн яам нь НҮБ-ын “мансууруулах эмийн тухай” 1961 оны Нэгдсэн

Конвенц, “Сэтгэцэд нөлөөт бодисын тухай” 1971 оны Конвенц, “Мансууруулах эм,

сэтгэцэд нөлөөт бодисын хууль бус эргэлтийн эсрэг” 1988 оны Конвенцид нэгдсэн орсон

Талуудын хүрээнд холбогдох тайланг хугацаанд нь Зөвлөлд хүргүүлнэ.

---оОо---

8

Эрүүл мэндийн сайдын 2003 оны

306 дугаар тушаалын 2 дугаар хавсралт

МАНСУУРУУЛАХ / СЭТГЭЦ НӨЛӨӨТ ЭМИЙН ИМПОРТЫН ЛИЦЕНЗ

Import license of narcotic Dugs / Psychotropic Substances

---оОо---

9

Эрүүл мэндийн сайдын 2003 оны

306 дугаар тушаалын 3 дугаар хавсралт

МАНСУУРУУЛАХ / СЭТГЭЦ НӨЛӨӨТ ЭМИЙН ИМПОРТЫН

ЛИЦЕНЗ ХҮСЭХ ӨРГӨДӨЛ

Applycation form for Import license of narcotic Dugs / Psychotropic Substances

---оОо---

10

Эрүүл мэндийн сайдын 2003 оны

306 дугаар тушаалын 4 дүгээр хавсралт

МОНГОЛ УЛСЫН ХҮН АМЫН ЭМЧИЛГЭЭНД ХЭРЭГЛЭХ

МАНСУУРУУЛАХ, СЭТГЭЦЭД НӨЛӨӨТ ЭМИЙН ЖАГСААЛТ

А.Мансууруулах эмийн жагсаалт

11