1

GUM LOX TA T SON SANG HAOK HUAN KAING GAU KA LAI MAN

Lai man mawh lai meung heue. Hak tiex vax mawh hak tiex pa viex daux Meung Man tix dah, mawh dee khrawm pui ku ceu tix ot ka heue . Mawh jao krax dee ot dee koe mai: dex mai: meue praix hawx, plak nie kawn pui hak tiex vax mai: cao kaing : glawk mawx glawk an ang chix lai man ang chix lox man, glang bawg yam sum: been yien yawg, a so yax ka hoik sum: tix tawx cawng gau lai man tix blah heue. Kix ka hoik ploi: sara cao gau lai man hoek kaing: yiieh heue. Daux bawg yam pa hoik luan maw jao koe pa cud pa ang kub ka cub caw giex kaing ping nyia plak lox si diex lox gau ang kub , kaing kraix khrawm ka pui haoh pui hun ang kub, pau pon paoh cawng gau lai man glawk greung daux Pang Sang, cawng gau lai man daux Meung Pawg, daux veng kao daux Meung Mau, cawng an khan kix pon kieh nang pui chix pui laoh lih koe heue. Daux cawng tang dauh kaing gau ka lai man pau mawh ngie ceu kaux pa koe, viang gau kaing: num kawx ang tie chix lai man ang tie chix lox man koe yuh nin, heue. Hoik gau lai man koe kao(10) num haoh ang tie chix ka , Son in caw bre tix deeih keud ka heue. Caw bre thai loh rhawm keud tix, krax tawng krax yung bre kieh ih paox tix , bre yuh kriem kriem kre kre awx. Hak tiex vax mawh nang hak tiex pa viex daux meung man tix dah heue. Pa siao daux lum vax yam in mawh lai hawx kawx, in mawh tix vud tix cu khaing: heue. Khaix in hu si voe daux krax ot krax koe teu rien tix siao lai man heue. Bre keud jhak si voe tix, lai man mawh (lai meung ) grawng gau lai man caw tix giex jhawp mhawm mhiem, heue.

2

Son sang haok huan kaing gau lai man bang kum: bawg (3) son kaing gau lig lai hoik bre tix kum: kawng: ka heue. Kaw mi ti daux vawng hoik bre tix keud sawn dau bang : kum: tix, mai: kix si du rhawm grum rhawm ka mai: plih gum lox tat awm in plak greem:-

1. Daux hak tiex vax, pati, a so yax, daux tab cao kaing: glawk mawx glawk an kieh kaing gau lai man mawh kaing: ting awx. in mawh son sang plih ka pui pa yung pa chix lai man son pon plud ti siao lai man tang: lai hawx heue.

2. Kaw mi ti cao jhawp kaing: plak Seh (Nang pu:) Daux kaung:, daux V eng hak tiex blon ting (theux chi) daux tab an khan kix ka daux pa hoik mhawm gau ka lai man, cawng tang dah pa ang bax nyiang gau lai man kawx, kieh pon gau lai man awx. Khaix hoik uik num 2009 sax kieh pon gau ka lai man 80% son awx.

3. Hak tiex vax mawh dee grum ot pui ku ceu ka heue. Gau lai ku ceu daux cawng gau lai, in hoik khaw mai:dee ot dee koe ex heue. Yam gau lai kie nie, lai man, lai hawx, lai ka la, lai vax, lai la hu bre tix tang guah bawg yam ka heue.

(1) Daux cawng pa nie hun gau lai man bawg yam gau 50%, bawg yang gau lai ka la, lai hawx 25%.

(2) Daux cawng pa nie hun gau lai hawx bawg yam gau lai 50% bawg yam gau lai man 30%, bawg yam gau lai ka la, lai vax 20%.

(3) Cawng pon bo pa gau daux yaong sang gau lai ceu tit pon tix gau, deuh lai cao tix mawh kaing: ting mai: gau ka ehix heue.

(4) Cawng gau lai man cawng gau lai hawx bawg yam paoh cawng. Bawg yam nyeep cawng kie nie,

3

ih bawg yam meung man, ih bawg yam hawx ka chix heue.

4. KAING NU SON PON SARA CAO GAU Daux hak tiex ex son si dah kaing gau ka lui man kied si

daing: lo ka sara cao gau tom nie heue, Kaing: ting pa caw tix yuh.

(1) Si toe ka a so yax mai: cub caw pa yuh baoh meue praix haok huan, mhaing: kix ploi: sara cao gau lai man,phan mawh riang khix kix, mawh a so yax meung man cao tawx, dee ot dee sang yuh kix kaing mawh (ciao voe) cub caw kuang ping nyia meung vax cao pa guah ka heue.

(2) Ka daux num in, pui kaoh khaing gau tix lai daux meung man, mai: pui kaoh khaing gau tix daux cao ex, co ca tix tawx kix yuh sara cao gau awx.

(3) Daux kaung, daux Veng hak tiex blon ting, daux tab khan kix,phan mawh pui pa dex hawt baoh dee ot ex, phan mawh pui pa ang yuh kaing hak tiex pon tix tawx nawh yuh sara cao gau lai heue. Riang khix Sara cao gau lai man tawx si du awm cao gau lai hawx heue.

5. KAING NU SON PHUK LAI GAU. Phan mawh lai man kie nie, (1) A So yax mai: cub caw pa yuh kaing haok huan meue praix,

ca si toe tix teem: coi joh jhaung ka phuk gau lai man mai: lai ka la heue.

(2) Ang teei ngawh ca teem: coi, phuk lai pa yeen daux dee tawk yeen phuk lai daux cub caw ping nyia (cao voe)heue.

(3) Cub caw plak teem:gaw joh jhaung poat daux hak tiex vax.

4

Ca teem: gaw ex ka phuk lai gau. 6. Phan mawh cub caw cao giex kaing: ping nyia (cao

voe)kie nie, caw tix baox riang rao kaing gau lai man, mai: bre tix giex kuang mhawm mhiem awx. Rom tau mai: dah dee (tang voe) son sang grum mai: si dah haok huan kaing pa gau ka lai man caw coca sau riang tix yuh awx. (1) Kaw mi ti plak ping nyia (cao voe)son tang gau lai man

nong nong, kix mawh cao pa thuk bung: cao jhak kia ka, son sang grum gau lai man daux hak tiex vax heue.

(2) Lai chawk cawng kieh mawh tix ceu khaing:, Daux hak tiex vax kaing chawk cawng kieh brieb awx.

(3) Caw tix kieh been yaog eei liang mai: chawk cheng ka sara cao gau lai man koe heue. Phan yuh, yuh nin cub sara cao gau ka lai man tom chix haok huan lhak haing ka heue.

Gum lox tat in mawh gum lox pa hoik tat daux bang kum:

bawg (3)yam yuh bang kum: son kaing ping nyia meung vax daux 2007 num khix 12.10 ngaix dix.

Pati rob rom meung vax Dah dee ting kaing hak tiex Kaw miti kaing ping nyia 2007 num khix 12.10