1100

Jesuh Khrih Suahkehnak

1 Jesuh Khrih suahkehnak cu hi bangtuk in a si. Amah cu Abraham ih cithlah

David ih tesinfa a si.

2 Abraham ih fapa cu Isaak a si. Isaak ih

fapa cu Jakob a si. Jakob ih fapa cu Judah le a unau pawl an si. 3 Judah ih fapa cu Perez le Zerah an si (an nu cu Tamar a si), Perez ih fapa cu Hezron a si, Hezron ih fapa cu

MATTHAINganmi Thuthang ha

ThuhmaihruaiMatthai Thuthang ha sungah Jesuh cu Thukam Hlun cabu sungih rak kam ciami Runtu

Bawipa a si, ti langternak ih nganmi a si. Pathian in Jesuh sungin a minung pawl hnenih a thukamnak a kimter ti tla a lang. Jesuh cu Judah mi sungin a suak ih a nung, a sinan a Thuthang ha cu Judah mi hrang lawngah a si lo, leilung pumpuluk hrangah a si.

Matthai cabu hi ralringte in a sangsang ih nganmi a si. Jesuh suahnak in a thok ih cuih hnu ah baptistma a laknak, sualforh a tuarnak le a thusimnak, a thuzirhnak le Galilee ih mi a damternak thu pawl an si. Hi thu pawl a ngan hnuah Jesuh cu Galilee in Jerusalem lamih khual a tlawnnak le a nun sungih zarh neta bik thuhla a si ih thinglamtah parah an khennak le a thawhsalnak thuhla pawl an si.

Matthai Thuthang ha hin Jesuh cu zirhtu thiam zet a si ti a langter ih Pathian pekmi Daan tla a simfiang theitu a si ih Pathian Uknak thu tla zirhtu a si, ti a langter fawn. A thuzirhmi hmuahhmuah hi hen nga ah hen a theih.

(1) Tlangpar thuzirhmi sungah vancung Uknak sungih sungtel a si mi pawl ih ziaza, uanvo, covo le tumtah dingmi pawl a sim (Bung 5-7)

(2) Dungthluntu hleihnih pawl ih theih ulmi pawl (Bung 10)(3) Vancung Uknak thu tahhimnak pawl (Bung 13)(4) Dungthluntu si hi a tican ziang an si ti zirhnak le (Bung 18)(5) Hi sancemnak le a ra lai dingmi vancung Uknak thu pawl (Bung 24-25)

ThutlangpiJesuh ih pupa pawl le a suahnak (1.1-2.23)Baptisma petu Johan ih hnauannak (3.1-12)Jesuh baptisma laknak le sualforhnak (3.13-4.11)Galilee ramih Jesuh hnauannak (4.12-18.35)Galilee ihsin Jerusalem tiang (19.1-20.34)Jerusalem khuasung le kiangkap ah (21.1-27.66)Jesuh thawhsalnak le langnak (28.1-20)

1101

a Profet timi hi profet Mikah a si (Mik 5.2)

Ram a si, 4 Ram ih fapa cu Amminadab a si, Amminadab ih fapa cu Nahshon a si, Nahshon ih fapa cu Salmon a si, 5 Salmon ih fapa cu Boaz a si (a nu cu Rahab a si), Boaz ih fapa cu Obed a si (a nu cu Ruth a si), Obed ih fapa cu Jesse a si. Jesse ih fapa cu siangpahrang David a si.

6 David san ihsin Israel mi pawl Babilon

ram sal an taan tiang an pupa pawl cu a tanglam vekin an si. David ih fapa cu Solomon a si (a nu cu Uriah nupi a rak si.) 7 Solomon ih fapa cu Rehoboam a si, Rehoboam ih fapa cu Abijah a si, Abijah ih fapa cu Asa a si. 8 Asa ih fapa cu Jehoshafat a si, Jehoshafat ih fapa cu Joram a si. Joram ih fapa cu Uzziah a si. 9 Uzziah ih fapa cu Jotham a si, Jotham ih fapa cu Ahaz a si, Ahaz ih fapa cu Hezekiah a si, 10 Hezekiah ih fapa cu Manasseh a si, Manasseh ih fapa cu Amon a si, Amon ih fapa cu Josiah a si. 11 Josiah ih fapa cu Jehoiakhin le a unau pawl an si.

12 Babilon saltaannak ihsin Bawi Jesuh

suah tiang a tanglam vek an si. Jehoiakhin ih fapa cu Shealtiel a si, Shealtiel ih fapa cu Zerub-babel a si, 13 Zerub-babel ih fapa cu Abiud a si, Abiud ih fapa cu Eliakim a si, Eliakim ih fapa cu Azor a si, 14 Azor ih fapa cu Zadok a si, Zadok ih fa pa cu Akhim a si, Akhim ih fapa cu Eliud a si, 15

Eliud ih fapa cu Eleazar a si, Eleazar ih fapa cu Matthan a si, Matthan ih fapa cu Jakob a si, 16 Jakob ih fapa cu Josef a si, Josef cu Mari ih pasal a si, Mari in Messiah timi Jesuh a hring.

17 Curuangah Abraham ihsin David tiang

san hleili, David ihsin Babilon i sal an taan tiang san hleili, sal an taan ihsin Messiah a suah tiang san hleili a si.

Jesuh Khrih Suahnak (Luk 3.23-38)

18 Jesuh Khrih suahnak cu hiti in a si. A

nu Mari cu Josef thawn an ham aw ih an hit-awk hlanah Thlarau Thianghlim ih fa ka nei ding ti a thei. 19 A hamtu Josef cu

mi ha a si ruangah Mari kha mi hmaiah ningzak ih umter a duh lo ih an hamawknak cu a thupte ih phelh saal a tum. 20 Cumi thu a ruah rero laiah a mang ah Bawipa ih vancungmi pakhat a hnenah a lang ih, David tefa sin Josef, Mari hi na nupi ih hit dingah ih hlah. Ziangah tile fa a vunnak hi Thlarau Thianghlim thawngin a si. 21

Amah in fapa a hring ding ih a hmin ah Jesuh tiah na sak pei, ziangahtile a minung pawl kha an sualnak ihsin a run suak ding a si, tiah a ti.

22 Bawipa in profet hnen in, 23 Fala him

pakhat in fa a vun ding ih fapa a hring ding, a hmin ah Immanuel tiah an ko ding, tiih a rak sim ciami a kimnak dingah hi bangtuk in thil a hungcang a si. (Immanuel ti mi cu, Pathian kan hnenah a um, tinak a si.)

24 Josef cu a hung hang ih, Bawipa ih

vancungmi ih a fial vekin Mari cu a hit. 25

Asinain fapa a hrin hlantiang a ihpi lo. Fapa a hring ih a hmin ah Jesuh tiah a sak.

Nisuahnak Lam Mifim Pawl An Ra

2 Jesuh cu Herod in Judea ram ah siangpahrang a uan laiah, Judea ram Bethlehem khua ah a suak. A rei hlanah nisuahnak lam ihsin arsi zohthiam pawl Jerusalem khawpi ah an ra ih, 2 Judah mi pawl ih Siangpahrang dingah a suakmi naute khuiah so a um? Nisuahnak lamah a arsi kan hmu ih amah biak dingah kan ra a si, tiah an ti.

3 Cuih thu cu siangpahrang Herod in a

theih tikah a thin a har ngaingai. Jerusalem khua ih a ummi midang hmuahhmuah khal an thin a har ve. 4 Curuangah Herod in puithiam upa pawl le Daanthiam pawl a kokhawm ih, Messiah cu khuiah so a suah ding? tiah a sut.

5 Cutikah annih in, Judea ram Bethlehem

khua ah a suak ding, tiah an let.Profet ih ngantami cu: a

6 Judah ram sungih a ummiBethlehem,

Judah ram khawpi pawl lakah hin

MATTHAI 1 , 2

1102

b Hi profet hi profet Hosea a si (Hosea 11.1)2.18: Jer 31.15 2.23: Mar 1.24; Luk 2.39; Joh 1.45 3.3: Isai 40.3

a fate bik cu na si hrimhrim lo.Ziangah tile na sung ihsin

hruaitu pakhat a suak ding ih,Ka minung Israel mi pawl

a hruai ding, ti a si.7

Curuangah Herod in nisuahnak lamih mifim pawl cu a thupte in a ko ih, ziangtik teu-ah arsi a suak, ti kha feltein a sut.

8 Cule Bethlehem khua ah a thlah ih,

Va feh uhla naute cu hatein va hawl uh; nan hmuh asile kei khal i sim uhla amah biak dingah ka feh ve ding, tiah thu a cah hai.

9-10 Herod ih sim vek cun an feh ih

nisuahnak lamih an hmuhmi arsi cu an hmu sal. Cuih arsi an hmuh sal tikah an lung a awi ngaingai. An hmaiah a feh vivo ih naute umnak tlunah cun a cawl. 11 Inn sungah an vung lut ih naute cu a nu Mari thawn an vung hmuh tikah khukbil in an biak. An laksawng kenmi sui, frankincense rimhmui le mura zihmui an suah ih an pek.

12 Cule mifim pawl cu Pathian in an mang

ah Herod hnenih kir sal nawn lo dingin a sim ruangah lamzin dangin an ram ah an tlung.

Izipt Ram ah An Tlan13

Nisuah lam mifim pawl an feh hnuah Bawipa ih vancungmi pakhat cu Josef ih mangah a lang ih, Hi naute hi Herod in thah dingah a hawl ding. Curuangah tho awla naute le a nu thawn Izipt ramah tlan uh. Kir sal ding i ka lo sim hlan lo cutawkah nan um pei, tiah a ti.

14 A ti bangtuk in Josef cu a tho ih naute

le a nu thawn a zanzan in Izipt ram ah an tlan. 15 Herod ih thih tiang cutawkah an um. Hi bangtuk ih a sinak cu Bawipa in profet b kaa in, Ka Fapa cu Izipt ram ihsin ka ko suak, tiah a rak timi kha kimternak dingah a si.

Herod In Nauhak Pawl A That16

Nisuah lam mifim pawl in in bum ngah ti kha Herod in a theih tikah a thin a heng ngaingai. Cule mifim pawl ih simmi arsi suah caan thawn a vun tuat ih Bethlehem le a kiangkap khua ih a ummi mipa nauhak kum hnih le a hnuailam hmuahhmuah that heh dingin thu a pek.

17 Cuticun profet Jeremiah ih a rak sim

ciami kha a kim. A rak sim ciami cu: 18 Ramah khawsung in aw a thang,

ahnak le aihramnak aw a si.Rachel in a faate pawl a ah;

An thih heh ruangah a ap ih,Leem khal a theih nawn lo,

ti a si.

Izipt Ram Ihsin An Kir19

Herod a thih hnuah Izipt ramah cun Bawipa ih vancungmi pakhat Josef ih mangah a lang ih, 20 Tho awla naute le a nu kha Israel ram ah kirpi aw, ziangahtile naute thah a tumtu pawl an thi zo a si, tiah a ti. 21 A ti bangtuk in Josef cu a tho ih naute le a nu cu a hruai ih Israel ram ah kir dingin an feh.

22 Asinain Arkhelaus in a pa Herod ih

can-ai ah Judea siangpahrang a uan ti Josef in a theih tikah cutawkah cun a feh ngam lo. A mangih thu an sim bet vekin Galilee peng ah a feh ih, 23 Nazareth timi khua ah a um. Cuticun profet pawl ih an rak sim ciami, Amah cu Nazareth mi ti a si ding, timi cu a kim a si.

Baptisma Petu Johan Thusimnak

3 Cuih tikcu hrawngah baptisma petu Johan cu Judea peng ramhing ah a ra thleng ih thu a sim. 2 Vancung Uknak a nai zo a si. Nan sual sir aw uh, tiah a ti. 3

Profet Isaiah in,Mi pakhat cu hramlakah a au ih,

Bawipa ih hrangah lamzin sial uh,A fehnak ding lamzin kha

dingter uh, a ti,

MATTHAI 2 , 3

1103

4.4: Daan 8.3 4.6: Saam 91.11-12 4.7: Daan 6.16

tiih a rak timi kha a rak simsan duhmi cu Johan hi a si.

4 Johan ih hnipuan cu kalauk hmulih tahmi

a si, a taikhap cu savun ih tuahmi a si ih a rawl cu kharbok le hramlak khuaitizu a si. 5

Jerusalem in siseh, Judea ram khuazakip in le Jordan tiva kiangkap hmuahhmuah in siseh, a hnenah mi an ra. 6 An sualnak an phuang ih Jordan tiva ah baptisma a rak pek hai.

7 Johan in Farasi pawl le Sadusi pawl

a hnenah baptisma la dingih an rat kha a hmuh tikah, Maw rul hrin hrokhrawl pawl, a ra thleng dingmi Pathian ih hremnak sung ihsin nan luat thei ding, tiah zoso a lo sim? 8 Nan sual nan sir awknak kha nan rah in langter uh.

9 Abraham cu ci in thlahtu kan pu a

si, ti tahrat in hremnak ihsin kan luat ding, tiah va ruat hlah uh. Thungai in ka lo sim: Pathian cun hi lungto pawl hman hi Abraham tesinfa ah a tuah thei a si. 10

Thingkung tawhram ah hreitlung ret cia in a um zo. Rah ha a rah lomi thingkung hmuahhmuah cu hau tahratin meisa sungah paih an si ding. 11 Nan sualnak nan sir-aw ti theihnak ah kei cun tidai thawn baptisma ka lo pek, asinain keimah hnu ih a ra dingmi pa cun Thlarau Thianghlim le meisa thawn baptisma a lo pe ding. Amah cu kei hnakin a tum deuh ngaingai; kei cu a kedam kengtu hmanah ka tlak lo. 12 A kut sungah fang seepnak anga a keng. Fang ngai cu a cuam sungah a khum ding ih a hivai pawl cu a mit dah lomi meisa sungah a paih ding a si, tiah a ti.

Jesuh In Baptisma A Lak (Mar 1.1-8; Luk 3.1-8; Joh 1.19-28)

13 Cuih caanah Jesuh cu Galilee ihsin

Jordan Tiva ah Johan ih baptisma la dingin a ra. 14 Asinain Johan in a hnenah, Keimah sawn hi na hnen ihsin baptisma la ding ka si, ziangtinso nangmah riangri ka hnenih na rat? tiah a sut.

15 Sikhalsehla Jesuh in, Atu cu hiti in

tuah si ko seh. Ziangah tile Pathian in tuah dingih in fialmi cu hiti hin kimter thluh ding a si, tiah a ti. A ti vek cun Johan khal a lung a kim.

16 Jesuh cu baptisma a tuah ngah vete in

tidai sung ihsin a hung suak. Cutikah van khi a ong-aw ih Pathian ih Thlarau cu thuro bangin a rung um ih a parih a fut kha a hmu. 17 Cule van ihsin aw pakhat in, Hi pa hi ka duh zetmi ka Fapa a si, a parah ka lung a kimzet, tiah a ti.

Jesuh Hniksaknak

4 Cule Jesuh cu Satan ih hniksak dingah Thlarau in ramhing ah a fehpi. 2 Ni sawmli le zan sawmli rawl loih a um hnuah Jesuh cu a riil a rawng ngaingai. 3 Cutikah Satan a hnenah a ra ih, Pathian Fapa ngaingai na si ahcun hi lungto pawl hi saang ah cang dingin thu pe aw, tiah a ti.

4 Asinain Jesuh cun, Ca Thianghlim

in Milai nunnak cu rawl lawngin a si lo. Pathian hmurka in a suakmi ongkam in a si sawn, a ti, tiah a let.

5 Cule Satan in Jesuh cu Jerusalem

Khawpi Thianghlim ih Biakinn zim ah a fehpi ih, 6 a hnenah, Pathian Fapa na si ahcun hitawk ihsin dawp aw, ziangahtile Ca Thianghlim ah,

Pathian in na kiangih a ummivancungmi pawl thu a pe ding,

An kut in an lo dom ding ihna ke cu lungto thawn a khawngaw lo ding, tin a um,tiah a ti.

7 Asinain Jesuh cun, Ca Thianghlim in

Bawipa na Pathian cu na hniksak lo pei, a ti a si, tiah a let.

8 Cule Satan in Jesuh kha tlang saangpi parah

a fehpi ih leilung tlun ram hmuahhmuah kha an maksaknak thawn a hmuh heh. 9 Cuih hnuah Satan cun, Na khuk bilh tahratin i biak ahcun hi hmuahhmuah hi ka lo pe ding, tiah a ti.

MATTHAI 3 , 4

1104

c Dekhapolis timi cu Khua Pahra tican a si.4.10: Daan 6.13 4.15-16: Isai 9.1-2

10 Cutikah Jesuh in, Satan, tlan aw,

ziangahtile Ca Thianghlim in Bawipa na Pathian na biak pei ih amah lawng na rian pei, a ti a si, tiah a let.

11 Cule Satan cun a tlansan; cuih hnuah

vancungmi pawl in an rung tuamhlawm.

Jesuh Galilee Ah Hnauan A Thok (Mar 1.12-13; Luk 4.1-13)

12 Johan kha thawng ah an thlak ti a theih

tikah Jesuh cu Galilee ah a feh. 13 Nazareth ah um loin Kapernaum khua ih um dingin a feh. Kapernaum khua cu Zebulun le Naftali phun pawl ram sung Galilee Tili kapih a ummi khua a si. 14 Hitiih a umnak cu profet Isaiah ih a rak sim ciami kimternak dingah a si. Isaiah cun: 15 Zentail mi pawl ih umnak

Galilee ram sung,Jordan tiva ral khatih um,

Tipi lamah, Zebulun le Naftali ram,

16 Khawthim sungih a ummi pawl in,Tleunak maksak an hmu ding.

Thihnak ram thim sungih a ummipawl parah tleunak a suakding, tiah a rak ti.

17 Cuih tikcu ihsin Jesuh in, Nan sual sir

uh, ziangahtile vancung Uknak a nai zo, tiah thusim hram a thok.

Jesuh In Ngakaitu Pali A Ko (Mar 1.14-15; Luk 4.14-15)

18 Jesuh cu Galilee Tili kapih a feh rero

laiah ngakaitu unau pahnih, tili sungah sur vorh in nga an kaih rero kha a hmu. Cuih unau pahnih cu Simon (Piter tiih kawhmi) le a nau Andru an si. 19 Jesuh cun, Ka hnenah ra uhla mikaitu ah ka lo tuah ding, a ti. 20

Hmakhatteah an sur pawl cu an tanta ih amah cu an thlun.

21 A feh vivo ih Zebedi fapa pahnih Jeim

le Johan teih unau a hmu. Anmah cu an pa Zebedi thawn an long sungah an um ih an sur pawl an tholh rero. Jesuh cun a vun ko

ih, 22 hmakhatte ah an long le an pa tanta in Jesuh cu an thlun.

Jesuh In A Zirh, Mi A Damter (Mar 1.16-20; Luk 5.1-11)

23 Jesuh cu Galilee peng khuazakip ah a feh

ih sinakok kipah thu a zirh vivo. Vancung Uknak Thuthang ha a sim vivo ih natnak a phunphun a tuartu pawl kha a damter vivo. 24 A thuhla cu Siria ram hmuahhmuah tiangin a thang thluh; curuangah cun natnak le harsatnak a phunphun a tuartu, khawsia-ih polhmi pawl, merainat nei pawl le a zengmi pawl kha a hnenah an ratpi ih an zate in a damter heh. 25 Galilee le Dekhapolis c peng, Jerusalem le Judea peng le Jordan tiva ral ihsin mi tampi an ra ih amah cu an thlun.

Tlangpar Thuzirhnak

5 Jesuh in mipi a hmuh tikah tlangpar ah a hung kai; cutawkah cun a to ih a dungthluntu pawl a hnenah an ra. 2 Cule a kam a kau ih hiti in thu a zirh: 3 Thlarau lamah ka farah ti a thei

awtu pawl cu mi thluasuak an si;Ziangah tile vancung Uknak cu

anmah ih ta a si. 4 Ninghang lungsia pawl cu mi

thluasuak an si;Ziangahtile Pathian in a hneem

hai ding. 5 Lungnemmi pawl cu mi thluasuak

an si;Ziangah tile Pathian ih kam ciami

an co ding. 6 Pathian ih duhnak tuah dingih

a hiarhaaltu pawl cu mi thluasuakan si;

Ziangah tile Pathian in an lung dia riamter ding.

7 Mi zaangfah thiamtu pawl cu mithluasuak an si;

Ziangah tile Pathian in anmaha zaangfah ve ding.

MATTHAI 4 , 5

1105

d Ziang hmuahhmuah a kim heh hlan cu, ti mi hi ziang hmuahhmuah a cem heh hlan cu, ti khal a si thei.

8 Thinlung a thiangmi pawl cu mithluasuak an si;

Ziangah tile Pathian an hmu ding. 9 Remnak a tuahtu pawl cu mi

thluasuak an si;Ziangah tile Pathian ih fahniang

tiah kawh an si ding. 10 Pathian duhnak tuah ruangih

hremnak a tuartu pawl cu mithluasuak an si;

Ziangah tile vancung Uknak cuanmah ih ta a si.

11 Keimah ih dungthluntu nan si ruangah

mi in an lo hmuhsuam, an lo hrem ih thuphan a phunphun an lo puh tikah mi thluasuak nan si. 12 Nan lungawi in nan aipuang uh, ziangahtile nan hrangah tuarman tampi vancung ah ret a si. Nan hlanih profet pawl khal cu bangtuk in hrem an tuar zo.

Cite Le Tleunak13

Nannih cu mi phunkip hrangah cite nan si. Sihmansehla cite cu a alnak a ziam asile alter sal a theih nawn lo. hathnemnak zianghman a neih nawn lo ruangah hlon ding le pal men ding lawng a si.

14 Nannih cu leilung pumpi hrangah

tleunak nan si. Tlangpar ih tohmi khua cu thuh a theih lo. 15 Zohman in mei-inn an van tikah khengkuum an khuh dah lo. Mei-inn vannak tung parah an vang. Cutiin inn sungih a ummi zate hrangah tleunak a si. 16

Cubangtuk in nan tleunak cu mi hmaiah tleuter ding nan si. Cuticun thil ha nan tuahmi cu mi in an hmu ding ih vanih a ummi nan Pa kha an thanghat ding.

Daan Thu Zirhnak (Mar 9.50; Luk 14.34-35)

17 Moses Daan pawl le profet pawl ih

thuzirhmi siatsuah dingah a ra, tiah i ruat hlah uh. Cupawl siatsuah dingah ka ra lo, an zirhmi pawl kimter dingah ka ra sawn a si. 18 Hihi cing ha uh: lei le van a um sung cu Daan sungih daan terek bik pakhat

hman a hlo lo ding, ziang hmuahhmuah a kim heh hlan cu d pakhatte hman a hlo lo ding. 19 Curuangah zokhal sisehla thukham sungih a thupi lo bik pakhatte hman kha a thlun lo ih mi dang khal thlun lo dingin a zirh ve a si ahcun amah cu vancung Uknak ah mi tenau a si ding. Cule zokhal sisehla Daan kha a thlun ih mi dang khal thlun ve dingih a zirh a si ahcun amah cu vancung Uknak ah mi thupi a si ding. 20 Fiangtein ka lo sim: Pathian duhmi tuahnak ah Daanthiam pawl le Farasi pawl hnakih nan fel sawn lo ahcun vancung Uknak ah nan lut thei lo ding.

Thinhennak Thu21

Hlanlaiah cun Mi va that hlah, mi a thattu cu thuhennak a tuar ding a si, an rak timi nan thei zo. 22 Asinain kei cun: a unau parah a thin a hengtu cu thuhennak a tuar ding; zokhal sisehla a unau kha Zianghman ih hahnem lo, a titu cu thuhentu hmaiah suahpi a si pei ih a unau kha, Mi aa, a titu cu hell meisa sungah a tla ding tiah phan a um a si, tiah ka ti. 23 Curuangah biakheng ah laksawng Pathian hnenih pek na tum laiah na unau pakhatkhat na parah thinhengnak a nei ti na thei a si ahcun, 24 biakheng hmaiah na laksawng cu taanlawk awla zamrang zetin na unau hnenah feh tahratin remnak va tuah aw; cule ra sal awla na laksawng cu Pathian hnen ah pe aw.

25 Mi pakhatkhat in a lo khiing ih zungih

a lo thlenpi a si ahcun, zung nan thlen hlan a tikcu um laiah amah thawn remnak va tuah aw. Zung a lo thlenpi hnuah cun thuhentu kut ah a lo pe ding ih thuhentu in palik hnenah a lo pe lala ding ih thawng ah thlak na si ding. 26 Fiangtein ka lo sim: an lo cawhmi tangka na kuan heh hlan lo thawng sungah na um ding.

aangawm Sualnak Thu27

aangawm sualnak nan tuah lo pei, an ti heumi nan thei. 28 Asinain kei cun: nunau

MATTHAI 5

1106

kha hahio mit in a zohtu cu a thinlung in cu nu thawn aangawm sualnak a tuah zo, tiah ka lo ti. 29 Curuangah na vorhlam mit in a lo sualter asile phorh awla hlon aw. Na ruangpi hell sungih hlon tuar hnak cun na taksa hen pakhatkhat na sun cu na hrangah a ha sawn. 30 Na vorhlam kut in a lo sualter le sattan awla hlon aw. Na ruangpi hell sungih hlon tuar hnak cun na kutke pakhatkhat tan a si cu na hrangah a ha sawn.

Nupi Maaknak Thu31

Zokhal in a nupi a maak asile maaknak ca ken seh, timi nan thei. 32 Asinain kei cun: mi pakhat in a nupi kha, mipa dang thawn sualnak ruangah siar lo, a maak asile, a nupi cu pasal a neih tikah aangawm sualnak tuahtu a siter. Curuangah cupa cu mi sual a si. Cutiih a maak minu a hitu pa khal aangawm sualnak tuahtu a si ve.

Thukamnak Thu (Mat 19.9; Mar 10.11-12; Luk 16.18)

33 Khuahlan laiah cun Nan thukam

pelhter hlah uh, Bawipa hnenih thu nan kammi cu tuah suak uh, an ti heumi nan thei. 34 Asinain kei cun hiti in ka lo sim: thukamnak nan tuah tikah ziangtik hmanah siatcam in tuah hlah uh. Vancung hmin saal in thu kam hlah uh, ziangahtile Pathian tonak a si. 35 Leilung hmin saal khal in thu kam hlah uh, ziangahtile Pathian ke retnak a si. Jerusalem hmin saal khal in kam hlah uh, ziangahtile Siangpahrang maksak umnak khawpi a si. 36 Nan lu saal khal in thu kam hlah uh, ziangahtile nan lu parih sam phangkhat hman kha nan dumter thei lo ih nan rangter thei fawn lo. 37 A si, asilo, ti lawng hi sim uh; cuih hlei cu mi ha lo Khawsia hnen ihsin a suakmi an si.

Phulei Samnak Thu38

Mit ai ah mit, ha ai ah ha, tiih an simmi cu nan thei. 39 Sikhalsehla kei cun hiti in ka lo sim. A lo tisiattu parah phulei va sam hlah uh; mi pakhatkhat in na vorhlam biang

ah a lo beeng asile na kehlam biang khal tun lawlaw aw. 40 Cule mi pakhatkhat in na angki duh ah thuhennak zung tiang a lo thlenpi asile na kawt angki khal pe lawlaw aw. 41 Cun a lo uktu ralkap pakhatkhat in a thilri peng khat phur dingin a lo fial a si ahcun peng hnih tiang va phurhsak aw. 42

Mi pakhatkhat in thil pakhatkhat a lo dil a si ahcun va pe aw; na thil cawi a duhtu hnenah va coih aw.

Ral Pawl Duhdawtnak (Luk 6.29-30)

43 Nan rualpi nan duhdawt pei ih nan

ral pawl nan hua pei, timi cu nan thei zo. 44

Asinain kei cun hiti in ka lo sim: nan ral pawl duhdaw uhla a lo hremtu pawl hrangah thla cam uh; 45 cuticun vancungih a ummi nan Pa ih fa nan si ding. Ziangah tile Pathian in mi ha le mi ha lo tlunah bangrep in ni a tlangter ih thil ha a tuahtu le thil sia a tuahtu tlunah bangraan in ruah a surter. 46 A lo duhtu lawng nan duh a si ahcun ziangah so Pathian in laksawng a lo pek ding? Siahkhongtu hman in cu bangtuk cun an tuah ve a si! 47 Nan rualpi ha pawl lawng nan biak hat a si ahcun mi dang nan hleihnak ziangso a um cuang? Pathian bia lomi hman in cuvek cu an tuah a sisi! 48

Vancung ih a um nan Pa a famkim vekin nannih khal nan famkim ve pei.

Siannak Thu

6 Biaknak lamih thil ha nan tuahmi hi mi in in hmu hai seh tiin mizapi hmaiih tuah lo dingin ralring uh. Cutiih mipi hmaiih nan tuah ahcun vancungih a ummi nan Pa hnen ihsin hatman ziang hman nan ngah lo ding.

2 Curuangah mi tlasam hnenah thil

pakhatkhat nan hen tikah mititeraw pawl in sinakok le zalamzin ih an tuah vekin tawtawrawt tum in uang aw hlah uh. Annih cun mipi pawl ih lom dingah an tuah. Fiangtein ka lo sim: an ngah dingmi cu an ngah heh zo. 3 Sikhalsehla nannih cun mi tlasam nan bawm tikah nan vorhlam kut ih

MATTHAI 5 , 6

1107

e Kut ngan cabu hrekkhat ahcun Ziangah tile uknak le huham le sunlawinak cu kumkhua in na ta an si, tiah beetmi a um.

tuahmi kha nan kehlam kut khal in theih lo dingin va tuah uh. 4 Cuticun a thupte ih nan tuahmi a hmutu nan Pa in hatman a lo pek ding.

Thlacamnak Thu (Luk 11.2-4)

5 Thla nan cam tikah mititeraw pawl vekin

cam hlah uh. Annih cun mi hmuahhmuah in in hmu hai seh tiin sinakok le zalampi ah ding tahratin thlacam an duh ngaingai. Fiangtein ka lo sim: an ngah dingmi an hatman cu an ngah heh zo. 6 Sikhalsehla nannih cu thla nan cam tikah nan innkhaan sungah lut uhla sangka nan khar hnuah mithmuh lomi nan Pa hnenah thla cam uh. Cule a thupte ih nan tuahmi a hmutu nan Pa in nan hatman a lo pe ding.

7 Thla nan cam tikah Pathian thei lomi

pawl ih sullam nei tuk lomi ong tampi an ong vekin va tuah hlah uh. Annih cun reipi thla an cam tikah Pathian in a thei cuang ding tiah an ruat. 8 Anmah vek va si hlah uh. Nan ulmi cu nan dil hlan ihsin nan Pa in a thei cia zo. 9 Curuangah hi bangtuk in thla nan cam pei:

Vancung ih a ummi kan Pa,na hmin thianghlim cu upatsi ko seh;

10 Na Uknak thleng hram seh;Vancung i na duhnak tuah a si

bangin leitlun khalah tuahsi ve seh.

11 Nitin kan ulmi rawl in pe aw. 12 Mi in kan parah sualnak an tuah

ih kan ngaidam bangtuk in,Kanmah ih sualnak khal in ngaidam

ve aw. 13 A harmi hniksaknak tuarter loin,

siatnak ihsin in hum hram aw. e14

Nan parah sualnak a tuahtu pawl nan ngaidam a si ahcun vancungih a ummi nan Pa in a lo ngaidam ve ding. 15 Sikhalsehla midang sualnak nan ngaidam lo a si ahcun

nan sualnak cu nan Pa in a lo ngaidam ve lo ding.

Rawl Ulhnak Thu16

Rawl nan ulh tikah mititeraw pawl vekin riahsia mithmai in um hlah uh. Mihrek in rawl an ulh kha mi hmuahhmuah in in thei hai seh tiah an mithmai in an langter. Fiangtein ka lo sim: an ngah dingmi an hatman an ngah heh zo a si. 17 Nannih cu rawl nan ulh tikah nan hmai phiah in nan sam tla hatein hriat uh. 18 Cuticun zohman in rawl nan ulh kha an lo thei lo ding ih mithmuh lo nan Pa lawng in a lo thei ding. A thupte ih nan tuahmi a hmutu nan Pa in hatman a lo pek ding.

Vancung Ah Khawl Uh (Luk 12.33-34)

19 Tlap le nget ih a siatsuah theinak le

rukru pawl in an bauh ih an ruk theinak hi leitlun ah nan sumsaw khawl hlah uh. 20

Tlap le nget ih a siatsuah thei lonak le rukru pawl in an bauh ih an ruk thei lonak vancung ah nan sumsaw cu khawl sawn uh. 21 Ziangah tile nan sumsaw umnak ah nan thinlung khal a um ve ding.

Taksa Ruangpi Ih Tleunak (Luk 11.34-36)

22 Mit cu taksa ruangpi hrangah mei-inn

a si. Nan mit a fim le nan taksa ruangpi cu a tleu heh ding. 23 Sikhalsehla nan mit a hat lo ahcun nan ruangpi cu thimnak sungah a um ding. Cuti a si ruangah nan sungih tleunak cu thimnak a si ahcun ziangtluk ihnungza so thimnak cu a si ding!

Pathian Le Tangka Thu (Luk 16.13; 12.22-31)

24 Zokhal in bawi pahnih a rian thei lo.

Pakhat a duh ding ih pakhat a hua ding. Pakhat hnenah rintlak zetin a um ding ih pakhat cu a hmuhsuam ding. Pathian le tangka nan rian tlang thei lo ding.

MATTHAI 6

1108

25 Cuti a si ruangah ka lo sim: nan nunnak

hrangih nan ulmi ti le rawl le nan ruangpi hrangih hnipuan pawl thu ruat le donhar in um hlah uh. Thungai ih ti ahcun, nunnak hi rawl hnakin a thupi sawn lo maw? Hnipuan hnak khal in taksa ruangpi hi a thupi sawn lo maw? 26 Van ih a zuangmi vate khi zohhnik uh; annih in thlaici an tuh lo, rawl khal an khawm lo ih cuam sung khalah an khawl lo. Asinain vancungih a ummi nan Pa in a cawm thluh a si. Vate hnakin tampi nan sunglawi sawn a si lo maw? 27 Nan donhar ruangah nan nunnak caan tawite tal nan sauter thei maw?

28 Cun ziangah so hnipuan thu ah nan

don a har? Hramlakih pangpar khi zohhnik uh; hna an uan lo, pathnuk in thiam an tak fawn lo. 29 Asinain atu-ah ka lo sim: siangpahrang Solomon hman, kha tlukin a lian nan, a lennak le a hnipuan in hi pangpar ih mawinak a tluk lo a si. 30 Tuihsun ah a nung ih thaisun ah meisa sungih paih ding hrampi hman a ceimawitu Pathian cun cuih pawl hnakin nannih cu a lo thuam sawn lo ding maw? Nan zumnak a va mal lawmmam so!

31 Curuangah Ei in ding le sinfen ding

tla khui-in so ka ngah ding, tiin donhar in um hlah uh. 32 Hi pawl cu Pathian thei lo khawvel pawl ih an helhkam ringring mi an si. Vancung ih a ummi nan Pa in hi thil pawl nan ulzia cu a thei a si. 33 Cuhnakin Pathian Uknak le a felnak hawl hmaisa sawn uhla thil dang hmuahhmuah cu a lo pebeet ding a si. 34 Curuangah thaisun hrangah donhar in um hlah uh; thaisun in donharnak amah tawkin a nei ve ding. Ni ni khat ih a phurhmi harsatnak tlunah a dang beetcih ding a si lo.

Mi Soisel Hlah (Luk 6.37-38, 41-42)

7 Mi va soi hlah; cuticun Pathian in a lo soi ve lo ding. 2 Ziangah tile mi na soi vekin nangmah khal Pathian in a lo soi ve ding ih midang parih na hmanmi tahfung in Pathian in a lo tah ve ding. 3 Na mit sungih

thingtum hman poisa loin na unau mit sungih mithnawm fate kha ziangah so na poisat? 4

Na mit sungah thingtum a um nacingin ziangtinso na unau cu Na mithnawm ka lo coihsak ding, tiih na ti thei? 5 Mititer aw pa! Na mit sungih thingtum kha suah hmaisata awla cuticun na unau mit sungih mithnawm cu fiangtein na hmu thei ding ih na coihsak thei ding.

6 A thianghlimmi thil kha uico va pe hlah

uh; her tahratin nanmah riangri sawp seksek in a lo keu ding. Nan keplung mankhung pawl cu vok hmaiah thlak hlah uh; a ke in a pal lak men ding a si.

Dil Uh, Hawl Uh, King Uh (Luk 11.9-13)

7 Dil uh, nan ngah ding; hawl uh, nan

hmu ding; king uh, nan hrangah sangka on a si ding. 8 Ziangah tile a diltu hmuahhmuah cun an ngah ding, a hawltu hmuahhmuah cun an hmu ding ih a kingtu hmuahhmuah hrangah sangka cu on sak an si ding. 9 Nan faate pawl in saang an lo dil asile, nannih pale pawl in lungto nan pe ding maw? 10

Nga lo dil hai sehla rul nan pe ding maw? 11

Mi ha lo zet nan si nan nan faate pawl hrangah cun a hami thil pek nan thiam a si ahcun vancungih a ummi nan Pa in a diltu hnenah cun ziangtinso thil ha pek loin a um ding.

12 Mi in kan parah tuah hai seh ti nan

duh vekin mi dang parah tuah ve uh. Himi hi Moses Daan le profet pawl thuzirhnak ih sim duhmi taktak cu a si.

Kotka Fiak (Luk 13.24)

13 A fiakmi kotka sungin feh uh,

ziangahtile hell fehnak kotka cu a kau ih a lamzin khal a ol; curuangah a zawhtu khal an tam a si. 14 Sikhalsehla nunnak sungih luhnak kotka cu a fiak ih a fehnak lamzin khal a har; curuangah a thleng suaktu cu mi malte an si.

MATTHAI 6 , 7

1109

Thingkung Le A Rah (Luk 6.43-44)

15 Profet deu pawl khi ralring uh; an

lenglam cun tuu bangin nan lakah an tlang; asinain an sunglam cu cinghnia hrang vek an si. 16 Mi ziangvek an si ti cu an tuahmi in nan thei ding. Hling kung ihsin sabit a rah dah lo; lenhling khal in theipi a rah dah keel lo. 17 A harhdammi thingkung ha cun rah ha a rah ih thingkung ha lo cun rah sia a rah. 18 A harhdammi thingkung cun rah sia a rah thei lo ih thingkung ha lo cun rah ha a rah thei ve lo. 19 Cule rah ha a rah lomi thingkung cu an hau ih meisa sungah an paih heu. 20 Cuvekin profet deu pawl cu an tuahmi in nan theithiam ding.

Ka Lo Thei Dah Lo (Luk 13.25-27)

21 Bawipa, Bawipa, tiih i kotu

hmuahhmuah in vancung Uknak an thleng thluh lo ding; vancungih a ummi ka Pa ih duhnak a tuahtu lawnglawng an thleng ding a si. 22 Thuhen Ni a thlen tikah mi tampi in Bawipa, Bawipa, na hmin in thu kan sim, na hmin in khawsia tampi kan dawi suak ih mangbangza tampi kan tuah, tiah ka hnenah an ti ding. 23 Asinain kei cun, Ka lo thei dah lo! Ka hnen ihsin tlan uh, nannih mi ha lo pawl! tiah ka ti hai ding.

Inn Saktu Pahnih (Luk 6.47-49)

24 Curuangah hi ka ongmi a thei ih a

thluntu cu lungpi parih inn saktu mifim pa bangtuk a si. 25 Ruah napi in a sur, ti a lian ih thlipi in a nuai ciamco nan lungpi parih sakmi inn a si ruangah a sawn lo.

26 Sikhalsehla hi ka ongmi a thei nan a

thlun lotu cu vunnel parih inn saktu mi-aa bangtuk a si. 27 Ruah napi in a sur, ti a lian ih thlipi in a nuai tikah a sawn mai; a tlu ih a siatbal thluh a si, tiah a ti.

Jesuh Thuneihnak28

Jesuh in hi thu hmuahhmuah a sim heh tikah misenpi pawl cu a thuzirhmi

kha an mang a bang ngaingai. 29 Anih cun Daanthiam pawl vek si loin thunei zetin thu a zirh a si.

Jesuh In Miphar Pakhat A Damter (Mar 1.40-45; Luk 5.12-16)

8 Jesuh cu tlangpar ihsin a rung um ih mitampi in an thlun. 2 Cule miphaar pakhat a hnenah a ra ih a hmaiah a khukbil in a kun ih, Bawipa, na duh ahcun i damter thei a si, tiah a ti.

3 Jesuh cun a hei dawh ih a tham hnuah,

Ka lo damter ding, atu ihsin thiang thlang aw, tiah a ti. Hmakhatteah cupa cu a dam. 4

Cule Jesuh in, Ngai aw, hi thu hi zohman sim hlah; asinain puithiam hnenah va feh vurvo awla amah in rak lo zohseh. Cun na dam zo a si ti ih mizapi theih dingah Moses thupekmi vekin thawinak va pe aw, tiah a ti.

Rom Ralbawi Ih Hnen-um A Damter (Luk 7.1-10)

5 Jesuh cu Kapernaum khua a thlen tikah

Rom ralbawipa pakhat in a ra tong ih bomnak a ra dil. 6 Bawipa, ka hnen-umpa cu besia zetin a na ih caang thei loin inn ah a it ringring a si, tiah a ti.

7 Ka ra pei ih ka damter pei, tiah Jesuh

in a ti.8

Ralbawipa in, Bawipa, cuticun si hlahseh; nang ka inn tiangih ratter dingah kei ka tlak lo. Damnak thu pe awla ka hnen-umpa cu a dam ko ding. 9 Keimah khal ka tlunlam bawi pawl ih ukmi ka si ih ka kut hnuai khalah ralkap an um. Ka kut hnuai ralkap pakhatkhat cu, Feh aw, ka tile a feh; Ra aw, ka tile a ra. Ka hnen-um khal, Himi tuah aw, ka tile a tuah a si, tiah a ti.

10 Cumi cu Jesuh in a theih tikah a mang

a bang ngaingai ih amah a thluntu mizapi pawl hnenah, Thungai in ka lo sim: Israel mi lak hmanah hi pa ih zumnak bangtuk ka hmu hrih lo. 11 Fiangtein ka lo sim: nisuahnak le nitlaknak ihsin mi tampi an ra ding ih vancung Uknak rawl einak puai ah Abraham le Isaak le Jakob thawn an

MATTHAI 7 , 8

1110

f Pizon, timi hi Nupi-ih nu, tinak a si.8.17:Isai 53.4

to tlang ding. 12 Asinain vancung Uknak co ding a si mi pawl sawn kha ahnak le hacang rialnak hmun khawthim sungah hlon an si ding, a ti. 13 Cule Jesuh in ralbawipa hnenah, Inn ah va tlung awla na zumnak vekin tuah sak na si ding, tiah a ti.

Ralbawipa ih hnen-um cu cuih caan cekci ah a rak dam.

Jesuh In Mi Tampi A Damter (Mar 1.29-34; Luk 4.38-41)

14 Jesuh cu Piter inn ah a feh ih cutawkah

Piter ih pizon f cu khurhnat in a na ih ihkhun ah a rak it kha a hmu. 15 Jesuh cun a kut a vun tham ih a khurhnat cu a dam. Cule a tho ih Jesuh kha a tuamhlawm thei.

16 Zanlam a si tikah khawsia ih polhmi

pawl kha Jesuh hnenah an ratpi. A ong kam khat in khuavang pawl cu a dawi ih mina mi pawl cu a damter heh. 17 Hitiih a tuahnak cu profet Isaiah in, Amah rori in kan natnak cu a lak ih kan dam lonak pawl cu a phurhlo a si, tiah a rak simmi kimternak dingah a si.

Jesuh Thluntu Ding Pawl (Luk 9.57-62)

18 Jesuh in a kiangkapih misenpi a hmuh

tikah a dungthluntu pawl kha tili khatlam ralih feh dingah thu a pek.

19 Daanthiam saya pakhat a hnenah a ra

ih, Sayapa, na fehnak hmun kipah ka lo thlun ding, tiah a ti.

20 Cutikah Jesuh in, Cinghnia in kua

an nei ih vate in bu an nei; asinain Milai Fapa cun riahnak hmun hman a nei lo, tiah a ti.

21 A dungthluntu dang pakhat in Jesuh

hnen ah, Bawipa, ka va kirta hrih ding ih ka pa ka va phumta pei, tiah a ti.

22 Jesuh in, I thlun sawn aw, mithi pawl in

mithi cu phum ko hai seh, tiah a sawn.

Jesuh In Thlipi A Daiter (Mar 4.35-41; Luk 8.22-25)

23 Jesuh cu a dungthluntu pawl in an thlun

ih long sungah an lut. 24 Rinlopi-ah thlipi a huk ih long cu a pil zik. Asinain Jesuh cu a itthat. 25 Dungthluntu pawl in an va hang ih, Bawipa, in run aw! Kan thizik thlang a si, tiah an ti.

26 Cutikah Jesuh cun, Ziangah so cuticun

nan ih? Nan zumnak a va mal so! tiah a ti. Cule a tho ih thli le tilet cu dai dingin thu a pek; hmakhatte ah tili cu daitein a um sal. 27 Mi hmuahhmuah an mang a bang ih, Hi pa hi ziang bangtuk minung so a si? Thlipi le tilet hman in a thu an ngai! tiah an ti.

Khuavang Polhmi Pahnih A Damter (Mar 5.1-20; Luk 8.26-39)

28 Jesuh cu tili khatlam ral Gadara an timi

ramah a thleng ih cutawkih thlaan lungkua sung ihsin a ra suakmi pahnih in an rak tong. Himi pahnih cu khawsia polhmi an si ih ihnung ngaingai an si ruangah cuih lamzin cu zohman in an zawh ngam lo. 29

Hmakhatteah an au ih, Maw Pathian Fapa, nang le kannih ziangso kan seng aw? A tikcu a kim hlanah kanmah hrem dingah maw na rat? tiah an ti.

30 Cutawk ihsin hla nawn ah rawl a ei

reromi vok rual an um. 31 Khawsia pawl in Jesuh cu an dil ih, In dawisuak ding a si ahcun khitawk ih vok pawl sungah khin in lutter aw, an ti.

32 Jesuh cun, Va lut uh, tiah a ti. Khawsia

pawl cu cuih mi pahnih sungin an suak ih vok pawl sungah an va lut. Vok rual cu cutawk khaamhraap ihsin an dawp ciamco ih tili sungah an tlathat heh.

33 Vok kiltu pawl cu khawsungah an vung

tlan ih cuih thuhla pawl le khawsia polhmi pahnih parih thil a cangmi pawl cu kimtein an sim heh. 34 Curuangah khawsungmi hmuahhmuah cu Jesuh tong dingah an feh;

MATTHAI 8

1111

g Matthai inn, timi hi a inn ah, tiin Grik ong ah a um ih Jesuh inn ah, ti khal a si thei.9.13: Mat 12.7; Hos 6.6

Jesuh an hmuh tikah an ram ihsin hmun dangih feh dingah zaangfah an dil.

Jesuh In Mizengpa A Damter (Mar 2.1-12; Luk 5.17-26)

9 Jesuh cu long sungah a lut ih tili khatlam ralih a khua Kapernaum ah a kir sal. 2 Cule mizeng pakhat cu a ihkhun thawn Jesuh hnenah an rak zawn. Zumnak an neihzia kha Jesuh in a hmuh tikah, mizengpa hnenah cun, Ka fapa, zianghman phang hlah. Na sualnak cu ngaidam a si zo, tiah a ti.

3 Cule Daanthiam saya henkhat pawl in,

Hi pa hi Pathian thangsiat in a ong a si, tiah an ti aw.

4 Cutiih an ruah cu Jesuh in a thei ih,

Ziangah so hi bangtuk thil ha lo hi nan ruat? 5 Na sualnak cu ngaidam a si zo, ti maw Tho awla feh aw, ti so a ol sawn? 6

Milai Fapa in leilung parah mi sual ngaidam theinak thu a nei, tihi nan hmaiah ka langter ding, tiah a ti ih mizengpa hnenah cun, Tho aw, na ihphah la awla inn ah va tin aw, tiah a ti.

7 Mizengpa cu a tho ih a inn ah a tin. 8 Cumi

cu mipi in an hmuh tikah an thin a phang ih cubangtuk thuneihnak cu milai hnenah a pek ruangah Pathian an thanghat.

Jesuh In Matthai A Ko (Mar 2.13-17; Luk 5.27-32)

9 Cuih hmun ihsin Jesuh cu a suak ih a

feh rero laiah siahkhongtu pakhat Matthai an timi pa a zung sungih a to kha a hmu ih, I thlun aw, tiah a ti.

Matthai cu a tho ih Jesuh a thlun.10

Jesuh cu Matthai inn g ih zanriah a ei laiah siahkhongtu dang tampi le misual an si ti ih hnonmi pawl in Jesuh le a dungthluntu pawl cu rawl an eipi. 11 Farasi henkhat pawl in cumi cu an hmuh tikah a dungthluntu pawl kha, Nan sayapa hi ziangah so hibangtuk minung pawl thawn rawl an ei tlang? tiah an sut.

12 Cumi cu Jesuh in a theih tikah an hnenah,

A harhdammi in sibawi an hai lo, mina lawngin an ul a si. 13 Va feh uhla, ilva in thawinak pek ka ul lo, mi zaangfahnak thinlung a si ka duh, tiah Ca Thianghlim ih a timi hi a tican va ruathnik uh. Miding pawl ko dingah ka ra lo, misual pawl ko dingah ka ra a si, tiah a ti.

Rawl Ulhnak Thu (Mar 2.18-22; Luk 5.33-39)

14 Cule baptisma petu Johan ih dungthluntu

pawl Jesuh hnenah an ra ih, Kannih le Farasi pawl cu rawl kan ul heu nan ziangah so na dungthluntu pawl hmuah rawl an ulh dah lo? tiah an sut.

15 Jesuh in, Mo lomnak puai ih sawmmi

pawl cu ziangah so mopa a um sungah cun riahsia in an um ding? Riahsia in an um lo ding! Sikhalsehla an hnen ihsin mopa lakhlo a si tikcu a thleng leh ding ih cutikah rawl cu an ul leh ding.

16 Zohman in angki hlun tlek parah puan

thar an belh dah keel lo, ziangahtile belhmi thil thar kha a com ding ih angki a tlekmi kha a kau sinsin ding. 17 Cuvek thotho in zohman in savun thawl hlun sungah sabitti thar an thun dah lo; an thun asile savun thawl cu a kuai ding ih sabitti kha a zun hlo heh ding ih savun thawl cu a siatralta ding a si. Cu hnakin savun thawl thar sungih sabitti thar thun a si ahcun siatnak ziang hman um loin an pahnih in an him ding, tiah a ti.

Jesuh Puan A Thamtu Nunau Nu (Mar 5.21-43; Luk 8.40-56)

18 Cuih thu Jesuh in a sim rero laifangah

Judah mi lakih bawi pakhat Jesuh hnenah a ra ih khukbil in, Tubaite ah ka fanu a thi. Asinain nangmah na rat ih a parih na kut na suan ahcun a nung sal ding, tiah a ra ti.

19 Jesuh cu a tho ih cu pa cu a thlun ih a

dungthluntu pawl khal cun an thlun ve.

MATTHAI 8 , 9

1112

20 Culai ah nunau nu pakhat kum hleihnih

sung besia zetih thidok natnak a tuartu Jesuh dunglam ihsin a ra ih Jesuh ih puanzim kha a tham. 21 A puan zimte tal ka tham thei a si ahcun ka dam ko ding, tiah a thinlungte in a ruat.

22 Cutikah Jesuh cu a her ih cu nu cu a

hmu. Ka fanu, na thinphang hlah! Na zumnak in a lo damter zo, tiah a ti. Cuvete in cu nu cu a dam.

23 Cule Jesuh cu Judah hotupa ih inn

sungah a lut. Mithi topinak khuangdar tumtu pawl le minung hnok ceelceel ih an um a hmuh tikah, 24 Nan zatein suak heh uh! Hi nauhak nu cu a thi lo, a itthat a si, tiah a ti. Cutikah an hnihsan heh. 25

Asinain mi an suah thluh vete in Jesuh cu nauhak nu ih umnak khaan sungah a lut ih a kut a vun kaih vete in nauhak nu cu a hung tho. 26 Cuih thu cu a kiangkap ram sung hmuahhmuah ah a thang thluh.

Mitcaw Pahnih Khua A Hmuhter27

Jesuh cu cuih hmun ihsin a suak ih a feh rero laiah mitcaw pahnih in an dawi ih, Maw David Fapa, in zaangfah hram aw, tiah an au. 28 Jesuh cu inn sungah a lut ih mitcaw pahnih cu a hnenah an ra ih Jesuh cun, Ka lo damter thei ding tiin nan zum maw? tiah a sut. Asi, Bawipa, kan zum, tiah an ti.

29 Cutikah Jesuh in an mit a tham ih, Nan

zumnak vekin cang seh, a ti ih, 30 khua an hmu thei sal. Jesuh cun an hnenah, Hi thu hi zohman nan sim lo pei, tiah fek zetin a tiam.

31 Asinain an feh ih Jesuh ih thuhla cu

cuih kiangkap khuazakipah an than.

A ong Thei Lomi A ongter32

Mipi an inn ih an tin rero laiah midang pawl in khawsia in a polh ruangah a ong thei lomi mipa pakhat Jesuh hnenah cun an rak hruai. 33 Jesuh in khawsia a dawi suak sak vete in cupa cu a ong thei sal ih mi hmuahhmuah an mang a bang heh. Israel

mi lakah hi bangtuk cu kan hmu dah hrih lo, tiah an ti cio.

34 Sikhalsehla Farasi pawl cun, Khawsia

dawihlo theinak huham cu khawsia bawi in a hnenah a pek a si, tiah an ti.

Jesuh In Mipi A Zaangfah35

Cuticun Jesuh cu khual a tlawng ih khawpi siseh, khawte siseh, a pal phah vivo. Sinakok ah thu a zirh, vancung Uknak Thuthang ha a sim ih natnak le damlonak phunphun a neitu pawl a damter vivo. 36

Miseenpi pawl a hmuh tikah khaaltu nei lo tuu bangtuk in rethei le awloksong ih an um ruangah an parah zaangfahnak tampi a nei. 37 Curuangah a dungthluntu pawl hnen ah, Rawl khawm ding tampi a um nan a khawmtu ding minung an malte a si. 38 Curuangah rawl lak ding neitu bawi hnen ah rawl khawmtu ding milai tampi thlah dingah thlacam uh, tiah a ti. te

Tirhthlahmi Hleihnih (Mar 3.13-19; Luk 6.12-16)

10 Jesuh in a dungthluntu hleihnih kha hmun khatah a ko ih thlarau ha lo dawihlo theinak le natnak le dam lonak a phunphun damter theinak huham a pek. 2 Tirhthlahmi hleihnih ih hmin pawl cu, hmaisabik ah Simon (Piter timi) le a nau Andru; Zebedi ih fapa Jeim le a nau Johan; 3 Filip le Bartholomeo; Thomas le siahkhongtu Matthai; Alfias ih fapa Jeim le Tadias; 4 Phunan Simon le Jesuh a zuartu Judas Iskariot tla an si.

Tirhthlahmi Hleihnih Thucahmi (Mar 6.7-13; Luk 9.1-6)

5 Hi hleihnih pawl cu Jesuh in a thlah ih

hatein thu a cah hai. Zentail ram ah va feh hlah uhla Samaria khawsung ah va lut hlah uh. 6 Cuhnakin a hlomi tuu run Israel mi pawl hnenah nan feh pei. 7 Feh uh la, Vancung Uknak a nai zo, tiah va sim uh. 8 Mina damter uh, mithi thoter sal uh, phaarnat a neimi pawl damter uhla khuavang pawl dawihlo uh. Man loin nan ngahmi

MATTHAI 9 , 10

1113

kha man loin va pe uh. 9 Nan kordip ah sui tangka siseh, ngun tangka le dar tangka siseh, pai hlah uh. 10 Nan khualtlawnnak lamzin hrangah rawl dilnak ah cawdip siseh, angki hlei siseh, kedam le kianghrol siseh, keng hlah uh. Hnauantu pa cu a sammi hmuahhmuah pek thluh a si ding.

11 Khawpi siseh, khawte siseh nan thlen

tikah lungawite ih tlun-inn a lo ontu inn ah lut uhla nan feh sal hlan tiang cuih inn ah va cam uh. 12 Inn sungih nan luh tikah Nan hnenah daihnak um hram seh, tiah va ti uh. 13 Cuih inn sung mi pawl in tlun-inn an lo on asile daihnak hrang mal nan sawm sakmi cu cuih inn ah umseh. Asinain tlun-inn an lo on lo asile daihnak malsawmnak cu la kir sal uh. 14 Cule zokhal in tlun-inn an lo on lo ih nan thu khal an ngai duh lo asile cuih hmun cu tlansan uhla nan ke ih leivut cu thingthlata uh. 15 Thungai in ka lo sim: thuhennak Ni ah Pathian in cuih khua mi pawl hnakin Sodom le Gomorrah khua mi parah zaangfahnak tam deuh a nei ding a si, tiah a sim.

A Thleng Dingmi Hremnak (Mar 13.9-13; Luk 21.12-17)

16 Ngai uh! Cinghnia hraang rual lakih tuu

thlah bangtuk in ka lo thlah a si. Curuangah rul vekin fimkhur uhla thuro vekin nan nun nem uh. 17 Ralring uh, ziangahtile nanmah a lo kaitu dingah mi an suak ding; zungah an lo thlenpi ding ih sinakok ah an lo vuak ding. 18 Keimah ih ruangah uktu le siangpahrang pawl hmaiah an lo thlenpi ding ih anmah le Zentail mi pawl hnenah ka thu thantertu nan si ding. 19 Thuhennak hmunih thlenpi nan si tikah ziangso ka sim ding ti le ziangtinso ka sim ding, tiin nan donhar hlah uh. A tikcu a kim tikah nan sim dingmi cu theihter nan si leh ding. 20

Ziangah tile a ongtu ding cu nanmah si loin nan sung ihsin a ongtu nan Pa ih Thlarau ongkam a si ding.

21 Mi in anmah ih unau lala kha that

dingah midang kut ah an thlengter ding. Pale pawl khal in an faate tlunah cu bangtuk

hiamhiam in an tuah ding. Faale pawl khal in an pale pawl an ral ding ih midang kut ah an thlen ding. 22 Keimah ruangah mikip in an lo hua ding. Sikhalsehla a netnak ni tiang a ang theitu cu runsuak an si ding. 23

Khua pakhat ah an lo hrem asile khua dangah va tlan uh. Fiangtein ka lo sim: Milai Fapa a ra thlen hlanah Israel ram sung khua hmuahhmuahih nan hnauanmi cu nan heh man lo ding.

24 A saya hnakin a tum sawnmi tlawngta

zohman an um lo. A bawipa hnakin a tum sawnmi sal zohman an um lo. 25 Curuangah tlawngta pakhat cu a saya tluk a si ahcun lungkim ding a si ko; sal khal a bawipa tluk a si ahcun lungkim ding a si ko. Innsang ih lu bik kha khawsia bawi Beelzebul tiih kawh a si ahcun innsang sung um midang pawl cu cuhnakih hmin sia deuh in kawh an si ding.

Zoso ih Ding A si (Luk 12.2-7)

26 Curuangah milai ih hlah uh. Atuih

thuh-mi hi on heh a si ding ih thuthup hmuahhmuah khal phuan heh a si leh ding. 27 Khawthim lakih ka lo simmi hi sun khawvang ah sim sal uhla a thup ih nan theihmi hi innpar ihsin phuang uh. 28

Taksapum a that thei nan thlarau a that thei lotu pawl cu va ih hlah uh. Takpum le thlarau a pahnih in hell sungih a that theitu Pathian kha va ih sawn uh. 29 Paisasen pakhat in sunam pahnih nan lei thei a si lo maw? Asinain cuih sunam pakhat hman cu nan Pa ih thu loin leilung ah a tla lo. 30

Nannih sinsin cu nan samphang hman a siar heh a si. 31 Curuangah nan thin phang hlah uh. Sunam tampi hnakin nan man a khung sawn a si.

Mi Hmaiih Khrih annak (Luk 12.8-9)

32 Mi pakhat in mipi hmaiah ka minung a

sinak kha a anpi ngam a si ahcun vancung ka Pa hmaiah amah kha ka anpi ve ding.

MATTHAI 10

1114

h hi zawn ih vah timi cu fapa ih nupi tinak a si ih a ni le a rang in an kawhnak a si.11.5: Isai 35.5-6; 61.1 11.10: Mal 3.1

33 Sikhalsehla mipi hmaiih i hnongtu cu

vancung ka Pa hmaiah ka hnong ve ding.

Remnak Asilo Ralnam Sawn (Luk 12.51-53; 14.26-27)

34 Leilung tlunah remnak thlentertu ah

a ra tiah i ruat hlah uh. Remnak tuahtu ah ka ra lo, ralnam kengin ka ra sawn a si. 35

Pa le fapa, nu le fanu, ni le vah h pawl ral awter dingah ka ra a si. 36 Mi pakhat ih ral ihnung bik cu amah ih innsang mi an si ding.

37 Zokhal sisehla, keimah hnakin a nu

le a pa a duh sawntu cu i thluntu dingah a tlak lo. Keimah hnakin a fanu siseh, a fapa siseh, a duh sawntu cu i thluntu dingah a tlak lo. 38 Zokhal sisehla amah ih thinglamtah phur tahratin ka dungih i thlun lotu cu ka minung si dingah a tlak lo. 39 Amah ih nunnak hum a tumtu cu a nunnak a sung ding, asinain keimah ruangih a nunnak a liamtu cu a nunnak a hum ngah ding.

hatman A Ngah Ding (Mar 9.41)

40 Nanmah tlun-inn a lo ontu cu keimah

tlun-inn ontu a si ve; keimah tlun-inn i ontu cun keimah thlahtu khal a on ve a si. 41 Pathian thusimtu tlun-inn a ontu cu Pathian thuphurtu tlun-inn a on ruangah a thusimmi hatman a awm ve ding. Miha pakhat kha mi ha a si ruangih tlun-inn a ontu cu cuih mihapa ih hatman a awm ve ding. 42 Fiangte in ka lo sim: ka dungthluntu pawl lakih nauta bik kha ka dungthluntu a si ruangih tidai khuat khat a petu cu hatman a ngah tengteng ding, tiah a ti.

Baptisma Petu Johan Ih Thlahmi Pawl (Luk 7.18-35)

11 Jesuh in a dungthluntu hleihnih pawl hnenah thu a sim heh tikah cutawk hmun ihsin a suak ih a kiangkap khawsungah thuzirh ding le thuphuang dingah a feh.

2 Thawng sung ihsin baptisma petu Johan

in Khrih hnauanmi thuhla kha a theih tikah amah thluntu henkhat pawl a thlah ih, 3 A ra ding, an timi cu nangmah hi na si maw, a si lole midang kan hngak hrih ding maw? tiah Jesuh cu an sut.

4 Cutikah Jesuh in, Va feh uhla nan

hmuhmi le nan theihmi hi Johan hnenah cun va sim uh: 5 mitcaw in khua an hmu, ke-awl pawl an feh thei, miphaar pawl tla an thiang, hnaset pawl an hna a ong, mithi thawhter sal an si ih mifarah hnenah Thuthang ha phuan a si. 6 Keimah ih thuhla ah hin thinlung hukhunnak a nei lotu cu mi thluasuak an si, tiah a ti.

7 Johan ih dungthluntu pawl an feh sal

hnuah Jesuh in misenpi hnenah Johan ih thu cu a sim. Johan hnenah nelrawnih nan va feh tikah ziang hmu dingin so nan ruah awk? Thli in a sem ruangih a kur reromi phaikung maw? 8 Ziang zoh dingah so nan feh? Hnipuan mawi zetzet a hrukmi pa zoh dingah maw? Cubangtuk hnipuan a hruktu cu siangpahrang innih ummi an si. 9 I sim hnik uh, ziang hmu dingin so nan feh? Profet zoh dingah maw? Asi, profet nan hmu. Asinain nan hmuhmi hi profet hnakin a tum sawn a si. 10 Ziangah tile Johan thuhla hi Ca Thianghlim in, Pathian in na hrangih lamzin sialtu dingah na hmaiah ka palai ka thlah ding a si, a ti, tiah a ngan. 11 Fiangtein ka lo sim. Nunau ih hrinmi lakah baptisma petu Johan tlukih a tummi zohman an um dah lo. Sikhalsehla vancung Uknak ih mitenau bik hman khi Johan hnakin a tum sawn lai a si. 12 Johan ih thusim caan thokin atu tiang vancung Uknak cu dodalnak nasa zet a tong ih mi hel-hlong pawl in hramhram in laak an tum. 13

Khuahlan ihsin Johan san tiang profet pawl le Moses Daan pawl in hi vancung Uknak thu hi an sim. 14 An thu simmi nan zum duh a si ahcun Johan hi a ra ding tiih rak sim ciami Elijah kha amah hi a si. 15 Curuangah theihnak hna a neitu in thei uh.

MATTHAI 10 , 11

1115

16 Tuih san minung pawl hi ziang thawn

so ka tahhim ding? Anmah cu thil zuarnak hmunih a tomi nauhak pawl an bang. Nauhak bur khat in a dang nauhak bur khat hnenah, 17

Mopuai khuangdar kan lo tumsak nan nan laam duh lo! Mithi phumnak hla kan sak khalle nan ap duh cuang lo, an ti. 18

Johan a rat tikah rawl a ul ih sabitti khal in loin a um tikah mi hmuahhmuah in A sungah khawsia a lut a si, an ti. 19 Cun Milai Fapa a ra ih a ei le a in an hmuh tikah mi hmuahhmuah in, Hi pa hi zohhnik uh! Mi hrong dang le rawlpham zu-in pa hi; siahkhongtu pawl le misual pawl ih rualpi a si, an ti. Asinain Pathian ih fimnak cu a dik a si ti kha a hnauannak in a langter, tiah a ti.

A Zumlotu Khua Pawl (Luk 10.13-15)

20 Jesuh ih mangbangza tam bik a tuahnak

khuami pawl in an sualnak an sir awk cuang lo ruangah a kawk hai. 21 Maw Khorazin khua, na van a va duai ve! Maw Bethsaida khua, na van a va duai ve! Nan sungih mangbangza ka tuahmi pawl hi Tai-ar khua le Sidon khua ah rak tuah sisehla cuih khawsungmi pawl cun an sualsirnak langternak ah khumdip hnipuan hrukin vutcam an phulh awknak a reipi zo ding. 22

Fiangtein ka lo sim: Thuhennak Ni ah Pathian in nannih hnakin Tai-ar le Sidon khuami pawl parah zaangfahnak tam sawn a nei ding. 23 Cun nang Kapernaum khua! Van tiangih hlirso awk na duh maw? Hell sungah hlon na si ding! Na sungih tuahmi mangbangza pawl hi Sodom khua ah tuah rak sisehla siat loin tuihsun tiang hi a hmun hrih ding! 24 Fiangtein ka lo sim: Thuhen Ni ah nang hnakin Sodom khua parah Pathian in zaangfahnak tam sawn a nei ding a si, tiah a ti.

Ka Hnenah Ra Cawl Uh (Luk 10.21-22)

25 Culai ahcun Jesuh in, Maw Ka pa,

lei le vanih Bawi! Mifim le mithiam hnen

ihsin na rak thuh ringringmi kha atu-ah zianghman a thiam lomi hnenih na langter ruangah ka lo lawm a si. 26 Asi, Ka pa, hi bangtuk ih si ding hi na duhmi a rak si.

27 Ka Pa in ka kut sungah ziang

hmuahhmuah i pek heh zo. Pa siar lo zohman in Fapa an thei lo; cule Fapa le Fapa in thei ve hai seh tiih a hrilmi pawl siar lo, zohman in Pa an thei lo.

28 Thilrit a phurmi le zonzaih a tuartu

pawl, ka hnenah ra uh, colhdamnak ka lo pe ding. 29 Ka kawn hi phurhnik uh. Kei cu nunnem le tangdornak thinlung neimi ka si. Ka hnen ihsin zir uhla colhdamnak nan ngah ding. 30 Ziangah tile keiih kawn phurh cu a nuam ih ka thil khal a zaang a si, tiah a ti.

Sabbath Thu Suhnak (Mar 2.23-28; Luk 6.1-5)

12 Cuih hnu reilote-ah Sabbath ni ah Jesuh cu sangvut lo lakin a feh. A dungthluntu pawl an riil a rawn ruangah sangvut an zuut ih a fang kha an ei. 2 Cumi kha Farasi pawl in an hmuh tikah Jesuh hnenah, Zohhnik, na dungthluntu pawl in Sabbath ni ah hiti ih an tuah hi Daan an buar a si, tiah an ti.

3 Jesuh in, David le a rualpi pawl an

riil a rawn laiah David in ziang a rak tuah ti kha nan siar dah lo maw? 4 David cu Pathian inn sungah a lut ih Pathian hnenih pekmi saang a rualpi pawl thawn an ei a si kha! Cutiih an ei cu Daan ih duh lomi a si, ziangahtile cuih saang cu puithiam pawl lawngih ei theimi saang a si. 5 Cuih tlunah Sabbath tinte Biakinn sungah puithiam pawl in Sabbath daan an buar ringring ti kha Moses Daan sungah nan siar dah lo maw? Asinain mi sual ah ruah an si ual lo. 6 Thungai in ka lo sim: hitawk ah hin Biakinn hnakih tum sawn a um a si. 7 Ca Thianghlim in, ilva thawn raithawinak pek si loin mi zaangfahnak sawn ka duh a si, tiah a timi hi a tican ngaingai thei ngah uhla a sual lomi pawl kha nan sual a si, tiin

MATTHAI 11 , 12

1116

i Ziangvek ong siava an ong khalle, timi hi Pathian dodal in ziangvek an ong khalle, ti tla a si thei.12.18-21: Isai 42.1-4

nan ti lo ding. 8 Ziangah tile Milai Fapa hi Sabbath tlunih Bawi a si, tiah a ti.

Kutzeng Pa (Mar 3.16; Luk 6.6-11)

9 Cutawk ihsin Jesuh cu a feh ih sinakok

sungah a lut. 10 Cutawkah kutzeng pa pakhat a rak um. Jesuh sualpuh a duhtu pawl tla an rak um ve ih, Sabbath ni ih mi damter hi kan Daan ih duhmi a si maw? tiah Jesuh kha an sut.

11 Cutikah Jesuh in, Thuhimnak ah nanmah

lakih mi pakhat in a tuu Sabbath ni ah khur thukpi sungah tla sehla suah loin maw a um ding? 12 Minung cu tuu hnakin a let tampi in a sunglawi sawn a si. Curuangah Sabbath ni ah a hami tuah cu kan Daan ih duhmi a si, tiah a ti. 13 Cun kutzeng pa hnenah cun, Na kut hawi aw, tiah a ti. A kut cu a hawi ih a khatlam kut vekin a dam sal. 14 Cule Farasi pawl cu an feh ih Jesuh that dingah thu an ruat khawm.

Pathian Ih Hrilmi Riantu15

Phiar an tum kha Jesuh in a theih tikah cutawk ihsin a suak. Cule miburpi in an thlun vivo. Mina hmuahhmuah a damter ih, 16 amah ih thuhla kha midang zo hnen hmanih sim lo dingin thu a pek. 17 Hitiih a tinak cu profet Isaiah kaa in Pathian in:

18 Ka hrilmi i riantu cu hinah

a um;Ka duhdawtmi a si ih a parah

ka lung a awi.A parah ka Thlarau ka re ding ih,

Ka thuhennak cu miphun hmuahhmuah hnenah a than ding.

19 Mi thu eltu a si lo ding iha au ciamco fawn lo ding.

Lamzin ah ring zetin thu a simlo ding.

20 A derdaimi hnenah a thinlunga nem ding ih,

Bawmtu nei lo hnenah zaangfahnaka nei ding.

Dingnak kha nehtu a siter laihlan lo taimak a suah ding.

21 Cule a parah mi hmuahhmuah inruahsannak an nei ding,

tiih a timi kimternak dingah a si.

Jesuh Le Beelzebul (Mar 3.20-30; Luk 11.14-23)

22 Cun Jesuh hnenah khawsia ih polh ruangah

a mit a cawmi le a ong thei lomi pa pakhat an ratpi. Jesuh cun a damter ih a ong thei sal ih khua khal a hmu thei sal. 23 Cutikah misenpi an mang a bang ih, Hi pa hi David fapa a si ngai pei maw? tiah an ti.

24 Cumi cu Farasi pawl in an theih tikah,

Khawsia a dawi theinak cu khawsia bawi Beelzebul in huham a pek ruangah a si, an ti.

25 An thinlung ih ruahmi kha Jesuh in a thei

ih an hnenah, Khui ram khal sisehla hen aw ih mah le mah a do awmi cu reipi an awh lo ding. Cun khua siseh, innsang siseh, hen aw ih mah le mah a do awmi cu an eekdarh thluh ding a si. 26 Cuvek thotho in Satan in Satan lala a dawisuak a si ahcun mah le mah do aw a si ruangah ziangtinso a ram cu a hmun thei ding? 27 Nannih in, Khawsia a dawi theinak cu Beelzebul in huham a pek ruangah a si, tiah in ti. Cuti a si ahcun a lo thluntu pawl hnenah khawsia dawi theinak huham kha zo in so a pek? Nanmah a lo thluntu pawl ih tuahmi lala hin nan palh a si ti kha a langter. 28 Pathian ih pekmi Thlarau thawn khawsia ka dawi thei a si ruangah Pathian Uknak cu nan hnenah a thleng zo tinak a si.

29 Mi cakzet pa cu amah em hmaisa lo

cun zohman in a inn bauh tahrat in a thilri an laksak thei lo ding. Amah an em ngah hnu lawngah a thilri an ram thei ding a si.

30 Ka hnenih a ang lotu cu i dodaltu an

si. I finkhawmpi lotu cu a hekdarhtu an si. 31 Fiangtein ka lo sim: milai in ziangvek sualnak an tuah ih ziangvek ong siava an ong khalle i ngaithiam theih an si. Asinain Thlarau

MATTHAI 12

1117

Thianghlim a thangsiattu cu ngaithiam an si lo ding. 32 Milai Fapa a relsiatu cu ngaithiam theih an si ding. Asinain Thlarau Thianghlim a relsiatu cu atuih sanah siseh, hmailam sanah siseh, ngaithiam an si lo ding.

Thingkung Le A Rah (Luk 6.43-45)

33 Thingrah ha nei dingah thingkung

ha neih a ul. Thingkung sia na neih ahcun a rah an sia ding. Thingkung cu a rah in theih a theih. 34 Rul hrin pawl! Mi siava nan si ih ziangtinso ong ha cu nan ong thei ding? Kaa cun thinlung sungih a ummi a ong a si. 35 Mi ha cun thil ha a khawlmi sungin thil ha a suahter ih mi ha lo cun thil ha lo a khawlmi sungin thil ha lo a suahter a si.

36 Thungai in ka lo sim: zokhal sisehla

ralring loih a ongmi kha Thuhennak Ni ah ziang ruangah cutiin a ong ti a simfiang a ul leh ding. 37 Nangmah ih ong lala hi na mawh le mawh lo thuhennak ah hman a si ding, tiah a ti.

Hmuhsaknak Tuah An Fial (Mar 8.11-12; Luk 11.29-32)

38 Cule Daanthiam henkhat le Farasi

henkhat pawl in, Sayapa, hmuhsaknak pakhatkhat kan mit hmuh ahhin tuah cila kan duh, tiah an ti.

39 Cutikah Jesuh in, Tuih san milai hi

mi ha lo le Pathian ihzah lo pawl nan va si so! Hmuhsaknak tuah maw in fial? Ka tuah lo ding. Profet Jonah ih hmuhsaknak siar lo hmuhsaknak dang nan hmu lo ding. 40

Jonah cu ngapi pum sungah ni thum le zan thum a um vekin Milai Fapa khal leilung sungah ni thum le zan thum a um ve ding. 41 Thuhennak Ni ah Nineveh khuami pawl an ding pei ih an lo mawhthluk ding, ziangahtile Jonah thusimmi an theih tikah an sual an sir aw a si. Thungai in ka lo sim: Jonah hnakih tum sawn hinah a um. 42

Thuhennak Ni ah Sheba Siangpahrang bawinu a ding pei ih a lo mawhthluk ding, ziangahtile Siangpahrang Solomon

fimnak theih duh ah lam hlapi ihsin a hung. Fiangtein ka lo sim: Solomon hnakih tum sawn hinah a um.

Thlarau Thiang Lo A Kir Sal (Luk 11.24-26)

43 Thlarau thiang lo cu mi pakhat sung

ihsin a suah tikah ramhing ah colhnak hmun hawl in a vak vivo. Asinain colhnak hmun a hmuh lo tikah, 44 Ka tlansan mi ka inn ah ka kir sal pei, tiah a ruat. Cutiin a kir sal ngaingai ih a inn cu a lawngin faite ih phiahmi a rak si kha a hmu. 45 Cule a suak sal ih amah hnakih a siava sawnmi thlarau pasarih a sawm ih cuih inn ahcun an ra um; cutiin a hlan hnakin cupa cu a luar sinsin. Cu bangtuk in tuihsan mi ha lo pawl parah hin a thleng ding, tiah a ti.

Jesuh Ih Nu Le A Nau Pawl (Mar 3.31-35; Luk 8.19-21)

46 Jesuh cu misenpi hnenih a ong rero

laiah a nu le a nau pawl an ra. Amah ton duh ah a lengah an ding. 47 Cutawkih a um vemi mi pakhat in, Na nu le na nau pawl a lengah an ding, nangmah an lo biak duh a si, tiah a sim.

48 Cutikah Jesuh cun, Zoso ka nu cu a si?

Zoso ka naule pawl cu an si? a ti hnuah, 49 a Dungthluntu pawl kha a khih ih, Zohhnik uh! Hinah ka nu le ka naule pawl cu an um. 50

Zokhal sisehla vancungih a ummi ka Pa ih duhnak a tuahtu hmuahhmuah cu ka unau, ka farnu le ka nu an si, tiah a ti.

Thlaici Vorhtu Tahhimnak (Mar 4.1-9; Luk 8.4-8)

13 Cuih sun thotho ah Jesuh cu inn ihsin a suak ih tili kapah a va feh ih a to hnuah thu a zirh. 2 A kiangkapih a ra khawmmi misenpi pawl an tam tuk ruangah long sungah a lut ih a to. Miseenpi pawl cu tili kapah cun an ding. 3 Thuhimnak hmangin thu tampi a zirh:

Voikhat ah mi pakhat cu thlaici vorh dingah a feh. 4 Thlaici cu lo sungih a vorh tikah henkhat cu lamzin parah an tla ih cu

MATTHAI 12 , 13

1118

13.14-15: Isai 6.9-10

pawl cu vate in an ei heh. 5 A henkhat cu leilung malnak lungsedaap lakah an tla ih leilung a sah lo ruangah thlaici cu hmakhatte ah an o. 6 Asinain ni a sat tikah a o pekte pawl cu an thi sal; an hram in leilung thukpi ih hram a thlak thei lo ruangah an car lohli. 7 Thlaici a henkhat cu hlingbur lakah an tla ih an kho nan hlingbur cun a zaap ruangah an hang thei lo. 8 Sikhalsehla thlaici henkhat cu leilung hatnak ah an tla ih henkhat cu a let zakhat, henkhat cu a let sawmruk, henkhat cu a let sawmthum in rawl a suak, tiah a sim.

9 Jesuh cun, Theihnak hna a neitu in thei

uh, tiah a ti.

Tahhimnak Ih Tumtahmi (Mar 4.10-12; Luk 8.9-10)

10 Cun dungthluntu pawl a hnenah an ra ih,

Mipi hnenih thu na sim tikah ziangah so tahhimnak na hman heu? tiah an sut.

11 Jesuh in an hnenah, Vancung Uknak

thuthuuk theih theinak cu nan hnenah pek a si zo. Asinain mipi hnenah cun pek a si lo. 12

Ziangah tile a neimi hnenah a hleifuan ih a neih tiangin pek beet a si ding ih a nei lomi hnen ihsin a neihsunte hman kha lak sak a si hrih ding. 13 Ziang ruangah an hnenih ka ong tikah thuhimnak ka hmang tile annih cun an zoh nan an hmu thei lo, an ngai nan an thei thei lo. 14 Curuangah profet Isaiah ih simmi kha an parah a kim a si.Profet Isaiah cun:

Hi minung pawl in an ngai reroding nan an thei thei lo ding.

An zoh rero ding nan an hmuthei lo ding.

15 Ziangahtile an thinlung a pit tuk,an thutheihnak hna a pit ihan mit khal an meng lo a si.

Cu bangtuk in rak si hlah haisehlaan mit in an hmu ding,an hna in an thei ding ih,

an thinlung khal in an theithiam ding.

Cuticun ka lamah an her ding ih

ka damter hai ding a si, tiahPathian in a ti, tiah a sim.

16 Asinain nannih cu ziangtluk mi vannei

so nan si! Nan mit in a hmu ih nan hna khal in a thei. 17 Fiangtein ka lo sim: nan hmuhmi le nan theihmi hi profet tampi le Pathian minung tampi in hmuh le theih an rak duhzet ve nan an rak hmu thei lo ih an rak thei thei fawn lo.

Jesuh In A Simfiang (Mar 4.13-20; Luk 8.11-15)

18 Curuangah hi thlaici vorh tahhimnak

ih tican hi ngai uhla thei uh. 19 Lamzin tluan ih a tlami thlaici pawl cu vancung Uknak thu a thei nan a tican a thei thei lotu pawl an si. An thinlung sungih tuhmi kha Miha lo pa in a laksak sal a si. 20 Lungsedaap lakih a tlami thlaici cu vancung Uknak thu an theih vete in lungawi zetin a pomtu an si. 21

Lungawi zetin an pom nan an sungah thukpi a pil lo ih rei an daih lo. An pommi thu ruangah harsatnak le hremnak a ra thlen tikah an let sal lohli. 22 Hlingbur lakih a tlami thlaici pawl cu vancung Uknak thu a thei nan hi leilung tlun nunnak thuhla ah donhar ih a ummi pawl an si. Sum le saw an duhnak in cuih thu cu a tuam ih rah an nei thei lo. 23 Leilung ha ih a tlami thlaici pawl cu vancung Uknak thu a hna in a thei ih a tican tla a thei thiamtu pawl an si. Annih cun rah an nei ih a hen cu a let zakhat, a hen cu a let sawmruk, a hen cu a let sawmthum tiang an rah a si, tiah a sim.

Hrampi Tahhimnak24

Jesuh in tahhimnak dang pakhat a sim lala ih, Vancung Uknak cu hi bangtuk hi a si. Mi pakhat in a lo sungah thlaici ha a vorh. 25 Zan khatah mi hmuahhmuah an ihthat sungah a ralpa a ra ih rawl ci lak ahcun hrampi ci a vorhta ih a tlanhlo. 26

Thlai kho cu an hung hang ih an vuih tikah hrampi khal cu an lang ve. 27 Cule a hnen-um pawl a hnenah an ra ih, Bawipa,

MATTHAI 13

1119

13.35: Saam 78.2

na lo sungih na vorhmi cu thlaici ha an si lo maw? Khuiinso hrampi hi an rat? tiah an sut. 28 Anih in, Himi a tuahtu cu kan ralpa a si, tiah a sawn. Annih cun, Hrampi cu kan va bawt pei maw? tiah an sut sal. 29 Cutikah anih in, Bawt hlah uh, ziangahtile hrampi nan bawt zawng ah rawl kung tla nan bawtcih pang ding. 30

Rawl laak a cut hlan lo rawl kung le hrampi cu hang tlang ko hai seh. Cule rawl latu pawl kha hmaisabik ah hrampi bawt uhla nan tom hnuah ur uh; cuih hnuah rawl cu khawm uhla ka cuam sungah thun uh, ka ti hai ding, tiah a sim.

Anam Ci Tahhimnak (Mar 4.30-32; Luk 13.18-19)

31 Jesuh in tahhimnak dang pakhat a sim

sal. Vancung Uknak cu hi bangtuk a si. Mi pakhat in anam ci a lak ih a lo sungah a vorh. 32 Thlaici hmuahhmuah lakah a fate bikmi thlaici a si. Asinain a kho ih a han tikah cun rawl kung lakah a tum bikmi a si. Thingkung bangtuk a si ih vate pawl tla an ra ih a hnge lakah bu an sak, tiah a ti.

Thilnu Tahhimnak (Luk 13.20-21)

33 Jesuh in tahhimnak pakhat an hnenah a

sim sal. Vancung Uknak cu nunau pakhat in thilnu malte a lak ih sangphut reel khat sungih a rawimi bangtuk a si. Cuih thilnu malte cun saang bawm khat cu a zatein a thoter heh a si, tiah a ti.

Tahhimnak A Hman Daan (Mar 4.33-34)

34 Jesuh in hi bangtuk thu pawl hi misenpi

hnenih a sim tikah tahhimnak a hmang heu. Tahhimnak hmang loin an hnenah ziang hman a sim dah lo. 35 Hi vekih a simnak cu profet ih simmi kha a kim theinak dingah a si. Profet ih sim mi cu:

An hnenih ka ong tikahtahhimnak ka hmang ding;

Leilung hramthok ihsin theih dah

lomi thil kha an hnenahka phuang ding, ti a si.

Jesuh In Hrampi Thu A Fianter36

Jesuh cun misenpi kha a fehsan ih inn sungah a lut. Cutikah a dungthluntu pawl a hnenah an ra ih, Lo sungih hrampi tahhimnak kha a tican in sim aw, tiah an ti.

37 Jesuh in, Thlaici ha a vorhtu cu Milai

Fapa a si. 38 Lo cu hi leilungpi hi a si; thlaici ha cu vancung Uknak a cotu minung pawl an si ih hrampi cu Mi ha lo pa ih milai pawl an si. 39 Hrampi ci a vorhtu kan ral cu Satan a si. Rawlkhawm caan cu san cemnak caan a si ih rawlkhawmtu pawl cu vancungmi an si. 40 Hrampi cu an khawm ih meisa in an ur heh; cu bangtuk in san cemnak caanah cun a si ve ding. 41 Milai Fapa in a Uknak sung ihsin mi a sualtertu le thil ha lo a tuahtu pawl a lengih suahhlo dingah a vancungmi pawl a thlah ding. 42 Cumi pawl cu meisa sungah an paih ding ih cutawkah ap-ai in an hacang an rial ding. 43 Cun Pathian ih minung pawl cu an Pa Pathian ih Uknak sungah ni bangin an tleu ding. Theihnak hna a neitu in thei uh, tiah a ti.

Thuh-mi Hlawnthil Tahhimnak44

Vancung Uknak cu lo sungih thuhmi hlawnthil bangtuk a si. Cuih hlawnthil cu mi pakhatkhat in a hmuh tikah hatein a khuhta ih lungawi aipuang in innih a neihmi hmuahhmuah kha a zuar ih cuih lo cu a lei, tiah Jesuh in a sim.

Lung Mankhung Tahhimnak45

Vancung Uknak cu hi bangtuk a si. Sum tuahtu pakhat in keplung mankhung a hawl. 46 A man a khung taktakmi keplung a hmuh tikah a neihmi dang hmuahhmuah kha a zuar ih cuih lung cu a lei, tiah a sim.

Sur In Tahhimnak47

Vancung Uknak cu tili sungih vorhmi sur bangtuk a si. Nga kaitu hrekkhat in an sur cu tili sungah an vorh ih nga phunkim

MATTHAI 13

1120

an awk. 48 An sur a khah tikah ti kapah an hnuk ih an tohmun in nga cu an hril; nga ha pawl cu an bawm sungah an san ih nga ha lo cu an hlon. 49 Cu bangtuk in san cemnak caanah cun a si ding; vancungmi pawl an feh ding ih mi ha pawl lak ihsin mi ha lo pawl cu an khawm ding ih, 50 meisa sungah an hlon ding. Cutawkah an ap an raak ding ih an hacang an rial ding a si, tiah a ti.

Thudik Thar le Hlun51

Miseenpi pawl cu Jesuh in, Hi thu hmuahhmuah hi nan thei thei maw? tiah a sut.

Annih in, Kan thei, tiah an sawn.52

Cutikah Jesuh in, Cu a si ahcun vancung Uknak thu a zir zomi Daan zirhtu pohpoh cu a thilri retnak inn sung ihsin thil hlun le thil thar a hun suahtu, inn neitu pa bangtuk a si, tiah a sim.

Nazareth Ah Jesuh An Hnong (Mar 6.1-6; Luk 4.16-30)

53 Jesuh in hi tahhimnak pawl a sim heh

tikah cutawk ihsin a suak ih, 54 a khua ah a tlung. An sinakok ah thu a zirh hai ih a thu a theitu pawl cu an mang a bang ngaingai. Hi bangtuk fimnak hi khuitawk in so a lak? tiah an sut aw. Hi bangtuk mangbangza hi ziangtinso a tuah thei? 55 Lettama fapa a si lo maw? Mari kha a nu a si lo maw? Jeim, Josef, Simon le Judas kha a naule an si lo maw? 56 A far le tla hitawk ah an um heh a si lo maw? Khui-inso hi bangtuk hi a lak? tiah an ti. 57 Cuti cun Jesuh cu an hnong.

Jesuh in an hnenah, Profet cu amah ih suahnak khua le innsang siar lo hmun dangah cun upatnak a tong a si, tiah a ti. 58

Zumnak an neih lo ruangah cutawkah cun mangbangza tampi a tuah lo.

Baptisma Petu Johan Thihnak (Mar 6.14-29; Luk 9.7-9)

14 Cuih tikcu ah Galilee ram uktu Herod in Jesuh thuhla a thei.

2 Herod in, Hi pa hi baptisma petu Johan

a nung salmi a si ko. Cu ruangah a si hiti ih mangbangza a tuah thei, tiah a kut hnuai bawi pawl kha a sim.

3 Cuih hlanah Herod in Johan kaih ding

thu a pek; cule an kai ih thirhri in an khih hnuah thawng ah an thlak. Ziangah cutiin a tuah tile a naupa Filip ih nupi Herodias ruangah a si. 4 Tihnimtu Johan in Herod cu, Herodias na hit hi a dik lo, tiah a rak ti heu ruangah, 5 Herod in Johan cu thah a duh, asinain Judah mi pawl a ih, ziangahtile Johan cu profet a si tiah an ruahmi a si.

6 Cule Herod suah ni ah Herodias fanu

cu mizapi hmaiah a laam ciamco. Herod cu a lung a kim ngaingai ih a hnenah, 7 I dil mi pohpoh ka lo pe ding tiin ka lo kam a si, tiah a ti.

8 A nu ih ruahnak a pek vekin Herod

hnenah, Hitawk hmun rori ahhin baptistma petu Johan ih lu cu darkheng in i pe aw, tiah a fanu cun a ti.

9 Cutikah Siangpahrang bawipa cu a

riah a sia ngaingai. Sikhalsehla a sawmmi pawl hmai rori ih thukamnak a tuah zo ruangah a dil vekih tuah dingah thu a pek. 10 Curuangah Johan cu thawng sung rori ahcun a lu a tanter. 11 Johan ih lu cu darkheng in an run keng ih Herodias fanu cu an pek; anih in a nu Herodias hnenah a fehpi. 12 Cun Johan dungthluntu pawl cu an ra ih a ruak an lak ih an phum; cuih hnuah Jesuh cu an va sim.

Jesuh In Mi Thawngnga Rawl A Dar (Mar 6.30-44; Luk 9.10-17; Joh 6.1-14)

13 Jesuh cu Johan thuhla a theih tikah

a suak ih long a to ih a hinnak hmun ah amah lawng a feh. Cuih thu cu mipi in an theih tikah an khua cio in an pok ih lei par in an feh ih amah cu an thlun. 14 Jesuh cu long ihsin a suak ih misenpi kha a hmuh tikah a thinlung cu zaangfahnak in a khat ih cutawkah mina tampi tla a damter.

15 Cuih ni zanlam ah a dungthluntu pawl

cu a hnenah an ra ih, Khua a siim thlang,

MATTHAI 13 , 14

1121

j Pathian ta a si, timi cu Hebru ong in Korban an timi a si ih thawhlawm tican a si. Pathian hnenih thawhlawm ih pekmi cu thil dang hrangah hman a theih nawn lo.15.4: Suah 20.12; Daan 5.16 15.4: Suah 21.17; Pui 20.9

hitawk hi hmun hing a si fawn. Mipi hi kiangkap khua ah fehter awla anmah ih hrangah rawl va lei hai seh, tiah an ti.

16 Jesuh in, An feh a ul lo ding; nanmah

in an ei ding rawl ziangtal pe uh, a ti.17

Annih in, Hitawkih kan neihmi zate cu sanghlom nga le nga pum hnih lawng an si, an ti.

18 Cutikah Jesuh in, Ka hnenah rak keng

uh, a ti. 19 Miseenpi pawl cu hrampi parih to dingah thu a pekta ih saang hlom nga le nga pum hnih cu a lak hnuah van lam hoi in Pathian hnenah lungawi thu a sim. saang cu a phel ih a dungthlun pawl hnenah a pek; a dungthlun pawl in misenpi hnenah an zem sin. 20 Mi hmuahhmuah in an ei ih an khopzet. Cuih hnuah an hlahmi kha dungthluntu pawl in an sar ih bawm hleihnih a khat. 21 Rawl a eitu pawl cu nunau le nauhak pawl siar cih loin pacang hlir thawng nga tluk an si.

Tidai Parah Jesuh A Feh (Mar 6.45-52; Joh 6.15-21)

22 Cule Jesuh in misenpi pawl cu a tlunter.

A dungthluntu pawl cu long sungah a luhter ih tili khatlam kapah a fehter hai. 23 Miseenpi a tlunter hnuah amah lawng thlacam dingah tlang parah a hung kai. Khua a siim thlang nan cutawkah Jesuh cu amah lawng a um. 24

Long cu tili parah hlat nawn a thleng zo ih thli a hmaiton in a hraan ruangah tilet in long cu suk le so ah a den ciamco.

25 Zinglam nazi pathum le paruk karah

Jesuh cu tidai parah a feh ih a dungthluntu pawl hnen pan in a ra. 26 A dungthluntu pawl in tidai parih a feh rero an hmuh tikah an ih ngaingai. Muthla a si lo maw? tiah an ti ih thinphang in an raak ciamco.

27 Jesuh in hmakhatte ah, ih hlah uh!

Keimah ka si! Zianghman phan ding a um lo, tiah a ti.

28 Cule Piter in, Bawipa, nangmah na

si ngaingai ahcun na hnenah tidai parin i fehter ve aw, tiah a ti.

29 Jesuh in, Ra aw he, tiah a ti. Curuangah

Piter cu long sung ihsin a suak ih tidai par in Jesuh hnenah cun a feh. 30 Asinain thli na pi ih a hran kha a hmuh tikah a ih ih ti sungah cun a pil deuhdeuh. Cutikah, Bawipa, i run aw! tiah a au.

31 Hmakhatteah Jesuh in a hei dawh ih

a hei kaih ngah hnuah, Na zumnak a va mal so! Ziangah so na zum lo lawmmam? tiah a ti.

32 An pahnih cun long sungah an lut ih

thli cu a dai. 33 Cule dungthluntu pawl in long sungah Jesuh cu an biak ih,Nang cu Pathian Fapa ngaingai na si, tiah an ti.

Gennesaret Ah Mi A Damter (Mar 6.53-56)

34 Tili cu an tan ih Gennesaret peng an

va thleng. 35 Cutawk minung pawl khal in Jesuh cu an rak thei thiam. Curuangah kiangkapih a ummi mina hmuahhmuah an ko ih Jesuh hnenah an ratpi. 36 A dam lomi pawl in a puanzim tetal tham thei dingin an dil ih a puanzim a thamtu hmuahhmuah cu an dam thluh.

Pupa Pawlih Thuzirhmi (Mar 7.1-13)

15 Cule Farasi hrekkhat le Daanthiam henkhat pawl cu, Jerusalem ihsin Jesuh hnenah an ra ih, 2 Ziangah so na dungthluntu pawl in kan pupa pawl ih in zirhtami daan an buar? Rawl an ei hlanah a daan vekin an kut an kholh lo, tiah an ti.

3 Jesuh in, Cuti asile ziangah so nannih

teh nanmah ih thuzirhmi lawng nan thlun ih Pathian thukham sawn nan buar? 4 Pathian in, Nan nu le nan pa upat uh, a ti. A nu siseh, a pa siseh a camsiattu cu thah a si pei, tiin a ti. 5 Asinain nannih ih nan zirhmi cu: mi pakhatkhat in a nu maw, a pa maw bomnak dingah thil a neihmi kha, Himi cu Pathian ta a si, j a ti ahcun, 6 a nu siseh, a pa siseh a bawm a ul nawn lo, tiah nan ti. Cu

MATTHAI 14 , 15

1122

15.8-9: Isai 29.13

bangtuk in nanmah ih thuzirhmi nan thlun ih Pathian thukham sawn ziang hmanah nan siar lo. 7 Nannih titer-aw pawl! Profet Isaiah in nanmah ih thuhla a rak simmi hi a va dik lawmmam so! Isaiah in, 8 Himi pawl hin an kaa lawng in

in upat ih an thinlung ngaingaicun in hlat zet a si.

9 Milai ih tuahcopmi daan kha,Pathian pekmi daan vekin an zirhruangah,

Keimah in biak rero khal hihathnemnak zianghman a nei lo,tiah Pathian in a ti, tiaha sim, a ti.

Minung A Baaltertu Thil (Mar 7.14-23)

10 Cule Jesuh in mi tampi a hnenah a ko

ih, an hnenah, Ngai uhla theihnik uh! 11

Minung a baaltertu hi a kaa ihsin a lutmi thil an si lo, a kaa ihsin a hung suakmi in mi a baalter sawn a si, tiah a ti.

12 Cule a dungthluntu pawl a hnenah an

ra ih, Na ongmi in Farasi pawl an thin a natter, ti hi na thei maw? tiah an ti.

13 Jesuh in, Vancung i a ummi ka Pa in

a phun lomi kung cu bawt ding a si ko. 14

Anmah ruangah nan hnaihnok hlahseh! Annih tla cu hotu mitcaw pawl an si; mitcaw in mitcaw a hruai ahcun an pahnih in khursungah an tla ding, a ti.

15 Piter in, Cuih na ongmi cu fiangtein

in sim aw, tiah a ti.16

Jesuh in an hnenah, Midang pawl hnakin nan fim deuh cuang lo maw si? 17 Nan thei thei lo maw? Mi kaa sungin a lutmi thil cu a pumpi ah a thleng ih cuticun a lengah a lansuak. 18 Asinain a kaa in a suakmi cu a thinlung sung ihsin a hung suakmi a si ruangah cumi in minung a baalter a si. 19

Ziangah tile mi a thattertu, aangawm sualnak a tuahtertu, nupa sualnak a tuahtertu, ruk a rutertu, thuphan a pertertu, le mi a thangsiattertu ruahnak siava hmuahhmuah cu a thinlung sung ihsin a suakmi an si. 20 Hi

pawl in milai cu a baalter a si. Sikhalsehla rawl ei hlanih kut kholh lo cun mi a baalter lo, tiah a ti.

Nunau Nu Ih Zumnak (Mar 7.24-30)

21 Jesuh cu cutawk ihsin a suak ih Tai-ar

le Sidon khua kiangkap ah a feh. 22 Cuih ramih a ummi Kanaan nunau pakhat in Jesuh hnenah a ra ih, Maw David fapa, i zaangfah aw. Ka fanu cu khawsia in a polh ih vansaanglam in a um, tiah a ra ahhnawh.

23 Asinain a hnenah Jesuh in kam khat

hman a sawn lo. A dungthluntu pawl an ra ih, Hi nu hi dawihlo aw! In thlun ringring ih in auh ciamco, tiah Jesuh cu an dil.

24 Cutikah Jesuh in, Israel mi tuu hlo pawl

hrang lawngah thlah mi ka si, tiah a ti.25

Cutikah cuih nunau nu cu Jesuh ke hramah a ra bok ih, Bawipa, i zaangfah hramhram ko aw! tiah a ti.

26 Jesuh in, Nauhak rawl lak tahratin uico

pek cu a dik lo a si, tiah a sawn.27

Nunau nu in, Asi, bawipa, na timi cu a dikmi a si. Sikhalsehla bawi pawl ih cabuai ihsin a tlami rawl ilfuan cu uico tla in an ei heu ko a sisi! tiah a let.

28 Cutikah Jesuh in, Minu, na zumnak

cu a nasa a si. Na duhmi cu tuahsak na si pei, tiah a ti. Culaifang ah a fanu cu a rak dam.

Jesuh In Mi Tampi A Damter29

Jesuh cu cutawk ihsin a suak ih Galilee Tili kapin a feh. Tlang parah a hung kai ih cunah a to. 30 Mi tam ngaingai in amah cu an pan. Ke-awl, mitcaw, mizeng, ong thiam lo le a na mi tampi Jesuh ke hramah an rak hruai. Jesuh in an zatein a damter. 31

ong thiam lomi an ong thei, mizeng an dam, ke-awl pawl hatein an feh thei ih mitcaw tla in khua an hmuh sal kha mipi in an hmuh tikah an khuaruah a har ngaingai ih Israel Pathian an thanghat.

MATTHAI 15

1123

k Hi bung 16.2-3, hi kut ngan cabu hrekkhat sungah cun a um lo.

Jesuh In Mi Thawngli Rawl A Daar (Mar 8.1-10)

32 Jesuh in a dungthlun pawl kha a hnenah

a ko ih, Hi miburpi hi ka hnenah ni thum sung an um zo ih rawl ei ding zianghman an neih lo ruangah ka zaang an fak ngaingai. Rawl do ta loih tlunter cu ka duh lo, lamzin ah an aamsawl heh ding, tiah a ti.

33 Dungthluntu pawl cun, Milai hizat

daar dingah hi ramhing ahhin khuitawk rawl so kan va lak ding? an ti.

34 Jesuh in, saang hlom ziangzatso nan

neih? tiah a sut.Annih in, saang hlom sarih le nga fatete

malte lawng a um, tiah an ti.35

Jesuh in misenpi cu leilung ah a toter. 36

Cun saang hlom sarih le nga malte cu a lak ih Pathian hnenah lungawi thu a sim hnuah a phel ih a dungthlun pawl a pek. Dungthluntu pawl in mipi hnenah an zem sin. 37 An zatein an ei ih an khopzet. Cule an hlahmi kha dungthluntu pawl in an sar ih bawm sarih a khat. 38 A eitu pawl cu nunau le nauhak siarcih loin pacang hlir thawngli an si.

39 Cuih hnuah Jesuh in mipi cu a tlunter

ih amah cu long sungah a lut ih Magadan peng ah a feh.

Mangbangza Tuah An Fial (Mar 8.11-13; Luk 12.54-56)

16 Sadusi le Farasi henkhat cu Jesuh hnenah an ra ih, a sual hawl duh ah, Pathian ih umpi mi na si ahcun hmuhsaknak tuah hnik aw, tiah an ti. 2 Asinain Jesuh cun, Ni a tlak tikah Van a sen le nikhua a ha ding, tiah nan ti. 3 Cun zing thlapit ah Van kam a sen ih a dup asile khua a dur ruangah ruah a sur ding, nan ti. Van zoh tahratin ni khua hat le siat ding nan sim thei, asinain tuih caan khihhmuhtu pawl hi nan theithiam fawn lo! k 4 Tuih san minung hi mi ha lo le Pathian poisa lo pawl nan va si so! Mangbangza tuah dingah in fial, asinain ka tuah lo ding. Nan hrangah

Jonah thu siar lo mangbangza dang a um lo ding, tiah a ti.

Cutiin a suak ih a feh.

Farasi Le Sadusi Pawlih Thilnu (Mar 8.14-21)

5 Dungthluntu pawl cu tili an tan ih khatlam

ral an thleng; annih in saang ken an hngilh. 6

Jesuh in an hnenah, Daithlang hlah uh! Farasi le Sadusi pawl ih thilnu khi ralring uh, tiah a ti.

7 Sang kan ken lo ruangah hi bangtuk

in a sim a si pei, tiah pakhat le pakhat an ti aw.

8 Cutiih an rel ruri cu Jesuh in a theih

tikah, saang nan neih lo thu cu ziangah so nan rel duh rero? Nan zumnak a va mal so! 9 Nan thei thei hrih lo maw? Mi thawng nga hrangah saang hlom nga ka phel kha nan thei nawn lo maw? An hlah mi bawm ziangzat nan sar ti nan cing nawn lo maw? 10

Mi thawngli hrangih saang hlom sarih kha nan cing lai maw? An hlah mi bawm ziangzatso nan sar kha? 11 Nan hnenih ka simmi hi saang thu a si lo tihi ziangah so nan theih thei lo? Farasi le Sadusi pawl ih thilnu hi ralring uh, tiah a ti.

12 Cutikah a dungthlun pawl in, Ralring

uh, tiah a timi kha saangih rawimi thilnu si loin Farasi le Sadusi pawl ih zirhnak thilnu a si sawn, ti kha an thei thiam sal.

Piter In Jesuh Thu A Phuannak (Mar 8.27-30; Luk 9.18-21)

13 Jesuh cu Sisaria Filipi peng ah a feh ih

cu tawkah a dungthlun pawl kha, Mi in Milai Fapa hi zo a si in ti so? tiah a sut.

14 Annih in, Mi henkhat in baptisma petu

Johan a si an lo ti, mi henkhat in Elijah a si an lo ti. A henkhat cun Jeremiah, a si lole profet pakhatkhat a si ding an lo ti, tiah an let.

15 Jesuh in, Nannih in teh! Kei hi zo a

si in ti so? tiah a sut.16

Simon Piter in, Nang cu a nungmi Pathian ih Fapa Messiah na si, tiah a ti.

MATTHAI 15 , 16

1124

17 Cutikah Jesuh in, Johan fapa Simon, mi

vannei na si! Ziangah tile hi thu cu minung hnen ihsin na ngahmi a si lo, vancung i a um ka Pa in na hnenih a phuanmi a si. 18

Ka lo sim Piter, nang cu lungto na si; hi lungpi parah hin ka kawhhran ka din ding ih thihnak hman in a neh thei dah lo ding. 19 Vancung Uknak tawhfung ka lo pe ding ih leilung tlunih na khammi cu vancungah kham a si ve ding ih leilung tlunih na onmi cu vancung khalah on a si ve ding, tiah a ti.

20 Cule Jesuh in a dungthlun pawl kha

Messiah a si ti zohman sim lo dingin thu a pek.

Jesuh In A Thihnak Ding Thu A Sim (Mar 8.31-9.1; Luk 9.22-27)

21 Cuih caan thokin Jesuh in a dungthluntu

pawl hnenah, Jerusalem ah ka feh ding ih hotu pawl, puithiam upa pawl le Daan zirhtu pawl ih kut ah harnak ka tong ding. In that ding, asinain ni thum hnuah thawhter sal ka si ding, tiah fiangtein a sim.

22 Piter in Jesuh cu a dang deuhah a hruai

ih a mawhthluk.Bawipa, Pathian in duh hram hlahseh. Hi

bangtuk cu na parah thleng hram hlahseh, tiah a ti. 23 Jesuh cu a her ih Piter hnenah, Nang Satan, ka hnen ihsin tlan aw! Ka fehnak lamzin khamtu na si, ziangahtile hi bangtuk na ruahnak hi Pathian hnen ihsin a rami a si lo, milai hnenin a rami a si, tiah a ti.

24 Cun Jesuh in a dungthluntu pawl hnenah,

Zokhal keimah thlun a duhtu cu amah ih duhnak kha taan in a thinglamtah phur in i thlun seh. 25 Ziangah tile zokhal mah nunnak hum a duhtu cu a nunnak a sung ding; asinain keimah ruangah a nunnak a liamtu cun a nunnak a hum ngah ding. 26 Mi pakhat in leilung pumpuluk co khalsehla a nunnak a hloh ahcun ziang hathnemnak so a um? Zianghman a hahnem lo! A nunnak kha zianghman in a lei thei sal nawn lo ding. 27 Milai Fapa hi a Pa ih sunlawinak le vancungmi pawl thawn a ra cing ding

ih mi hmuahhmuah kha an hnauanmi vekin uanman a pek ding. 28 Fiangtein ka lo sim: Milai Fapa hi Siangpahrang vekin a rat nan hmuh hlan lo nanmah lakah a thi lo dingmi nan um, tiah a ti.

Jesuh Ih Hmuihmel Thlengnak (Mar 9.2-13; Luk 9.28-36)

17 Ni ruk hnuah Jesuh in Piter le Jeim le a nau Johan kha tlang saangpi parah a kaipi ih anmah lawng an um. 2 Cule an mithmuh rori ah Jesuh cu a hmuihmel a thleng aw; a hmai cu ni bangin a tleu ih a hnipuan cu mi tlet thei khopin a raang. 3

Cuih hnuah dungthluntu pathum cun Moses le Elijah kha Jesuh thawn thu ruah aw rero in an hmu. 4 Cule Piter in, Bawipa, hitawk ih kan um hi a ha tuk; na duhmi a si ahcun riahbuk pathum in ka sak ding; pakhat cu na hrangah, pakhat cu Moses hrangah, pakhat cu Elijah hrangah, tiah Jesuh hnenah a ti.

5 Cutiih a ong rero laiah a tleu zetmi

mero in a run zeel hai ih mero sungin aw pakhat in, Hi pa cu ka duhdawt zetmi ka Fapa a si; a parah ka lung a kimzet, a thu ngai uh, tiah a ti.

6 Cuih aw cu dungthluntu pawl in an

theih tikah an ih tuk ih leilung ah an bok. 7

Jesuh cu a ra ih a tham hai. Tho uh, ih hlah uh, a ti. 8 Cutikah an hun zoh ih Jesuh lawng a si kha an hmu.

9 Tlangpar ihsin an rung um tikah Jesuh

in, Hi nan hmuhmi hi Milai Fapa thihnak ihsin thawhter a si hlan cu zohman nan sim lo pei, tiah feltein a cah.

10 Cule dungthluntu pawl in Jesuh cu,

Ziangah so Daanthiam pawl in Elijah a ra hmaisa ding tiah an ti? tiah an sut.

11 Jesuh in, Elijah cu a ra hmaisa taktak

ding ih ziang hmuahhmuah amah in a rak timtuah cia ding a si. 12 Asinain ka lo sim: Elijah cu a ra thleng zo ih mi in zo a si ti an theih lo ruangah an duhtawk in an tuahsiat a si. Cuvek thotho in Milai Fapa khal hi an tuahsiat ve ding, a ti.

MATTHAI 16 , 17

1125

l 17:21 Kut ngan cabu hrekkhat ahcun 17.21, Asinain thlacamnak le rawl-ulhnak lawng in dawi thei a si, tiah an beetmi a um.

13 Cutikah dungthluntu pawl in a simmi

hi baptisma petu Johan ih thuhla a si, ti kha an thei thiam.

Jesuh In Khawsia Polhmi A Damter (Mar 9.14-29; Luk 9.37-43a)

14 Miseenpi hnenih an kir sal tikah mi

pakhat cu Jesuh hnenah a ra ih a hmaiah khukbil tahratin, 15 Bawipa, ka fapa hi zaangfah hram aw. Merai a nei ih a nat a thawh tikah cun awloksong ngaingai a si; meisa sung le tidai sung tla ah a paih aw heu. 16 Na dungthluntu pawl hnenah ka ratpi nan an damter thei lo, tiah a ti.

17 Jesuh in, Maw zumnak mal le misual

mipalh pawl! Ziangtik tiangso ka lo umpi hrih ding? Ziangtik tiangso ka lo zawi hrih hai ding? Nauhak pa cu ka hnenah ratpi uh, tiah a ti. 18 Jesuh in khawsia cu suak dingin a kawk ih nauhakpa ih sung ihsin khawsia cu a suak; cu ihsin nauhak pa cu a dam.

19 Cun dungthluntu pawl cu zohmanih

theih loin Jesuh hnenah an ra ih, Ziangah so kannih hmuah in kan dawi suak thei lo? tiah an sut.

20 Jesuh in, Nan zumnak a mal ruangah a

si. Fiangtein ka lo sim: anam ci tia zumnak nan neih ahcun hi tlang hi Hitawk ihsin khi tawkah hawn aw, nan ti ahcun a hawn ding. Ziang hmuahhmuah nan tuah thei ding a si, tiah a ti. l

Jesuh In A Thihnak Thu A Simsal (Mar 9.30-32; Luk 9.43b-45)

22 Dungthluntu pawl cu an zatein Galilee

ih an tonkhawm awk tikah Jesuh in an hnen ah, Milai Fapa hi milai kutah pek a si cing ding ih an that ding. 23 Asinain ni thum ni ah thawhter sal a si ding, tiah a sim.

Dungthluntu pawl cu an riah a sia ngaingai.

Biakinn Ngunkhuai Peknak24

Jesuh le a dungthluntu pawl cu Kapernaum khua an thlen tikah biakinn ngunkhuai khongtu pawl Piter hnenah an ra ih, Nan Sayapa hin biakinn ngunkhuai a pe maw? tiah an sut.

25 Piter in, Asi, a pe, tiah a ti.

Piter cu inn sungih a luh tikah Jesuh a ong hmaisa ih, Simon, ziangtin na ruat? Hi leitlun siangpahrang hnenah zo in so ramdang ihsin thil luhpi man, a si lole ngunkhuai an pek? Ramsung mi in maw, ramdang mi in so? tiah a sut.

26 Piter in, Ramdang mi in, tiah a let.

Jesuh in, A ha, cuti a si ahcun ramsung mi cun pek a ul lo tinak a si cu! 27 Asinain hi mi pawl thinhengter kan duh lo. Curuangah tili ah va feh awla sio va thlak aw. Na awh hmaisa bikmi nga kaa sungah nang le kei hrangah biakinn ngunkhuai pek ding tawkin tangka na hmu ding. Cumi cu la awla va pe aw, tiah a ti.

Zoso A Tum Bik (Mar 9.33-37; Luk 9.46-48)

18 Cuih caanah dungthluntu pawl cu Jesuh hnenah an ra ih, Vancung Uknak ah zoso a tum bik? tiah an sut.

2 Cutikah Jesuh in nauhakte pakhat a ko

ih an hmaiah a dinter hnuah, 3 Fiangtein ka lo sim: nan thinlung nan thleng ih hi nauhakte bangtuk nan si lo ahcun vancung Uknak sungah nan lut dah lo ding. 4 Mi tangah a dor ih hi nauhak bangtuk a si mi cu vancung Uknak sungah a tum bikmi a si. 5 Cun ka hmin in hi bangtuk nauhakte a cohlangtu cu keimah a cohlangtu a si.

Sual Forhnak (Mar 9.42-48; Luk 17.1-2)

6 Zokhal in hi nauhakte pakhatkhat

keimah i zumnak ihsin a pialtertu cu a hngawng ah fangcang rialnak lungtum thlaih tahratin tifinriat sungah thlak sisehla amah ih hrangah a ha sawn. 7 Leilung tlunah

MATTHAI 17 , 18

1126

m Kut ngan cabu henkhat ahcun 18.11, Milai Fapa cu a hlomi hawl dingah a ra, timi hi a tel lo. (Luka 19.10 sung lawngah a tel.)18.16: Daan 19.15

hin zumnak pialtertu thil tampi an um hi a poi ngaingai. Cubangtuk cu a um ringring ko ding; cutiih mi a pialtertu pawl cu an hrangah a poimawh bik miangmo a si.

8 Nan kut in siseh, nan ke in siseh, nan

zumnak a lo pialter a si ahcun tan uhla hlon uh. Kut pahnih le ke pahnih thawn kumkhua meisa sungih nan tlak hnak cun kut lo le ke loin nunnak sungih nan luh a ha sawn. 9 Cule nan mit in nan zumnak a hlohter a si ahc