Upload
others
View
0
Download
0
Embed Size (px)
Citation preview
6 Loffienuus 26 Maart 2014
LLOOFFFFIIEENNUUUUSS Nuusbrief 6/2014
Webblad: www.gelofte.co.za
Mense is soos teesakkies – jy weet nie hoe sterk hulle is voordat hulle in kookwater beland nie.
(Anoniem)
Geagte Ouer
1. SAKE VIR DIE HOOF SE AANDAG
Ons wys u graag daarop dat daar ‘n skeurstrokie aan die einde van hierdie Loffienuus is waarop u
enige sake (positief of negatief) onder die hoof se aandag kan bring. Die hoof se direkte fakslyn is
031 702 5741 en die direkte e-pos is [email protected]. Ons ondervinding is dat ouers dikwels
‘n ander perspektief op ‘n saak kry as hulle al die toepaslike inligting tot hul beskikking het. Vra dus
gerus as u ongelukkig of onseker is oor ‘n saak.
2. BELANGRIKE DATUMS
Neem asseblief kennis van die volgende belangrike datums vir die tweede kwartaal. Let asseblief
ook daarop dat hierdie slegs aktiwiteite is waarby ouers direk betrokke is. Daar is verskeie ander
aktiwiteite soos aangedui op die skool se kalender vir 2014. Die kalender is op die webblad
beskikbaar by www.gelofte.co.za asook op Communicator.
7 APRIL SKOOL HEROPEN VIR KWARTAAL 2
8 APRIL BEHEERLIGGAAMVERKIESING OM 18:00
10 APRIL GRAAD 6 KAMP BY SHONGWENI DAM
14 APRIL BEHEERLIGGAAMVERKIESING INDIEN GEEN KWORUM OP 8 APRIL NIE
16 APRIL KOEKVERKOPING - HOKKIE
16 APRIL GRAAD 1 (2015) - OPEDAG
16 APRIL RAPPORTE: GRAAD 4-12
18 APRIL OPENBARE VAKANSIEDAG – GOEIE VRYDAG
21 APRIL OPENBARE VAKANSIEDAG – GESINSDAG
22 APRIL OUERAAND: GRADE 1-7
23 APRIL OUERAAND: GRADE 8-12
24 APRIL GRAAD 8 (2015) – OPEDAG
24 APRIL HOP-AAND: GRONDSLAGFASE
25 APRIL KASKARAFDAG
28 APRIL OPENBARE VAKANSIEDAG
29 APRIL SKOOLVAKANSIEDAG
30 APRIL SKOOLVAKANSIEDAG
1 MEI OPENBARE VAKANSIEDAG - WERKERSDAG
2 MEI SKOOLVAKANSIEDAG
5 MEI KASKAR – WENKLAS SE AFDAG
7 MEI PUBLIEKE VAKANSIEDAG – NASIONALE VERKIESING
13 MEI STELWERKEKSAMEN: GRAAD 4-7
14 MEI STELWERKEKSAMEN: GRAAD 4-7
15 MEI STELWERKEKSAMEN: GRAAD 8-12
16 MEI STELWERKEKSAMEN: GRAAD 8-12
6 Loffienuus 26 Maart 2014
21 MEI KOEKVERKOPING: GRAAD 12
22 MEI HIP EN HOP AAND: GRAAD 4-7
23 MEI BLOEDSKENK
29 MEI HEMELVAART EREDIENS
11-27 JUNIE EKSAMEN: GRAAD 8-12
16 JUNIE OPENBARE VAKANSIEDAG – JEUGDAG
17–27 JUNIE EKSAMEN: GRAAD 4-7
27 JUNIE RAPPORTE: GRAAD 1-3
27 JUNIE SKOOL SLUIT VIR WINTERVAKANSIE OM 11:00
28 JUNIE SKOLLIEKAMP EN LANDSDIENSKAMPE TYDENS VAKANSIE
4. SKOOLGELD - SUBSIDIEAANSOEKE
Let asseblief daarop dat die sluitingsdatum vir subsidieaansoeke 28 Maart 2014 is.
5. KASKAR 2014
Gelofte se tradisionele weergawe van die Monte Carlo grand prix vind hierdie jaar plaas op
Donderdag, 27 Maart. Dit beloof om, soos in die verlede, ‘n geleentheid vol pret en opwinding te
wees. Ons wys u graag nou reeds daarop dat die wedren voortgaan ten spyte van sonskyn of
reënweer. (Met die uitsondering van donderweer) Die onderskeie grade se wedrentye is as volg:
Grade 1 – 3 17:30 - 18:00
Grade 4 – 6 18:15 - 19:00
Grade 7 – 12 19:15 - 20:15
Let asseblief daarop dat, anders as vroeër jare, geen volwassene/oud skoliere, toegelaat sal word om
te help stoot nie. Die kaskar moet uitsluitlik gestoot word deur die leerders in die betrokke klas.
6. BRAAI NA AFLOOP VAN KASKARWEDRENNE
Soos in die vorige Loffienuus verwys, het ons beoog om vure aan te steek en te braai na afloop van
die onderskeie kaskarwedrenne. Uit die terugvoer wat ontvang is deur middel van skeurstrokies,
blyk dit daar weinig of geen belangstelling hiervoor is nie. Ons vermoed die feit dat die kaskar op ‘n
weeksdag plaasvind die rede hiervoor is. Let dus asseblief daarop dat die onderskeie braaie nie meer
sal plaasvind nie. Ons sal volgende jaar, wanneer die kaskar terugkeer na die tradisionele
Vrydagaand, weer die water toets wat hierdie saak betref.
7. ALKOHOLIESE DRANK OP DIE SKOOLTERREIN
Ons wys graag weer daarop dat skole volgens wetgewing alkoholvrye gebiede is en dat geen
alkoholiese drank tydens enige skoolfunksie op die terrein toegelaat word nie.
8. SPORTBEPALINGS VIR KWARTAAL 2
Die sportbepalings vir kwartaal word aan die Loffienuus geheg. Let asseblief daarop dat ons in
sommige gevalle nog nie die bepalings ontvang het van die onderskeie unies nie.
Let asseblief verder daarop dat die datums in sommige gevalle slegs voorlopige datums is en dat dit
op kort kennisgewing kan verander. Ons het ongelukkig nie beheer daaroor nie.
9. APRILVAKANSIE NOMMER 2
Neem asseblief kennis daarvan dat die Nasionale Onderwysdepartement besluit het dat alle skole sal
sluit op 25 April en weer sal heropen op 5 Mei. Hierdie besluit is geneem as gevolg van die
hoeveelheid openbare vakansiedae en/of skoolvakansiedae wat in hierdie periode val. Leerders sal
6 Loffienuus 26 Maart 2014
op Vrydag, 25 April op die normale Vrydag uitkomtye verdaag en nie om 11:00 soos tydens
skoolvakansies nie.
10. INTERSKOLE TEEN WERDA
Die jaarlikse wintersport interskole teen Werda sal nie hierdie jaar plaasvind nie en waarskynlik ook
nie weer in die toekoms nie. Ons spanne sal steeds hierdie jaar teen Werda meeding maar nie in die
formaat van ‘n interskole met ‘n trofee op die spel nie.
11. PITKOS: PRAGTIGE AFRIKAANS
BITTERBESSIE DAGBREEK
(Deur Ingrid Jonker)
1933-1965
Bitterbessie dagbreek
bitterbessie son
'n spieël het gebreek
tussen my en hom
Soek ek na die grootpad
om daarlangs te draf
oral draai die paadjies
van sy woorde af
Dennebos herinnering
dennebos vergeet
het ek ook verdwaal
trap ek in my leed
papegaai-bont eggo
kierang kierang my
totdat ek bedroë
weer die koggel kry
Eggo is geen antwoord
antwoord hy alom
bitterbessie dagbreek
bitterbessie son
uit: Rook en oker (1963)
12. BEHEERLIGGAAM: TUSSENVERKIESING
Kennis word hiermee gegee dat 'n vergadering vir die nominasie en verkiesing van kandidate
vir die verkiesing van drie (3) ouerlede vir bogenoemde skool gehou sal word op 8 April 2014
om 18:00 in die skoolsaal van bogenoemde skool. Indien daar nie ‘n kworum teenwoordig is
soos voorgeskryf deur die wetgewing nie, sal die verkiesing gehou word op 14 April 2014 om
18:00 in die skoolsaal.
Kandidate, wat ouers of voogde van leerders van Gelofte skool moet wees en nie in diens van
die skool mag wees nie, mag genomineer word deur 'n nominasievorm wat volledig voltooi is
deur die kandidaat, voorsteller en sekondant by die verkiesingsbeampte in te handig. Beide die
voorsteller sowel as die sekondant moet ouers of voogde van leerders van Gelofte skool wees.
6 Loffienuus 26 Maart 2014
Die nominasievorm kan vanaf sewe dae voor die verkiesingsdatum maar nie later as 24 uur voor
die verkiesing ingehandig word nie.
Nominasies sal ook tydens die verkiesingsvergadering aanvaar word. Indien kandidate nie
teenwoordig kan wees tydens die nominasievergadering nie, moet skriftelike bewys deur die
kandidaat ingehandig word dat hy/sy wel beskikbaar is vir verkiesing as ouerlid van die
beheerliggaam.
Die nominasievergadering en verkiesingsvergadering sal beide op bogenoemde datum, tyd en
plek geskied.
DIT IS DIE VERANTWOORDELIKHEID VAN OUERS/VOOGDE OM TE VERSEKER
DAT HUL NAME OP DIE SKOOL SE TOELATINGSREGISTER IS. HIERDIE
TOELATINGSREGISTER KAN SEWE DAE VOOR DIE VERKIESING BY DIE SKOOL
BESIGTIG WORD. SLEGS OUERS/VOOGDE WAARVAN DIE NAME OP DIE
TOELATINGSREGISTER VERSKYN SAL TOEGELAAT WORD OM DEEL TE NEEM
AAN DIE VERKIESING VAN DIE SKOOL SE BEHEERLIGGAAM.
13. KLUB 100 OOP VIR ALMAL
Let asseblief daarop dat Klub 100 voortaan pa’s sowel as ma’s verwelkom as lede. Die kleinspan
kan saamgebring word na die vergaderings. Vergaderings vind as ‘n reël plaas op die eerste Dinsdag
van elke maand en begin om 18:00 in die Uitspan.
14. KOMMUNIKASIE
Ons versoek dat alle ouers wat nog nie gebruik maak van Communicator nie die sagteware sal aflaai
op hul rekenaars en selfone. Gaan bloot na www.school-communicator.com en volg die stappe.
Hierdie sagteware verseker dat u op hoogte bly van gebeure by die skool. DIT IS VERAL
BELANGRIK DAT U DIE SAGTEWARE AFLAAI OP U SELFOON.
15. VERJAARDAE
Baie geluk aan die Loffies wat in die volgende twee weke verjaar. Ons vertrou dat julle heerlik
bederf sal word en bid julle baie seën toe vir die nuwe lewensjaar.
Josua Human, Miné Nel, Dexton Rossouw, Zanri de Lange, Jacques van Zyl, Hardus Scheepers,
William Leamy, Natasha Pieterse, Thinus Roodt, Lille Fourie, André Heunis, Justine La Trobe,
Max Lewis, Zander Lubbe, Naledi Masakala, Alan Norie, Jean Rust, Ronan Murray, Mikayla van
Rooyen, Justin Botha, Armandt de Koker, Alissa Hugo, Bernelee Kok, Nathan van der Walt,
Andrea van Heerden, Laura van Heerden, Tinica Randall, Pieter Hougaard, Lara Prinsloo, Chandré
Joao-Luiz, RJ Raath, Mpumi Khanyile, Arno Swanepoel, Marko Dippenaar, Graeme Muler, Lana
Smuts, Ivan Dawson, Chris du Preez, Dedre Gravett, Beonie Pretorius, Chante Joubert, C-Jay
Bothma, BJ O’Callaghan.
16. SKAAKTOERNOOI – DANKIE!
Ons wil net baie dankie sê aan al die graadverteenwoordigers en moeders wat ‘n bydra gelewer het
met die etes vir die spanbestuurders en beamptes van die skaaktoernooi wat op 11 Maart 2014
plaasgevind het. Almal het heerlik gesmul aan die kos! Dankie ook aan die Gasvryheidstudie
leerders wat hul Saterdag opgeoffer het om te help met die bediening van die kos en die opruim na
afloop van die ete. Julle is sterre!
6 Loffienuus 26 Maart 2014
17. E-POS KOMMUNIKASIE
Die skoolhoof kan ongelukkig nie aandag gee aan alle kommunikasie met die skool nie bloot omdat
ander personeel u navrae oor sekere aangeleenthede vinniger en meer effektief sal kan beantwoord.
Ons versoek dus dat die volgende riglyn sal volg indien u navrae per e-pos aan die skool rig:
Inskrywing of vertrek van leerders [email protected] Reinette Janse van Rensburg
Inskrywing of vertrek van leerders [email protected] Edith van Dyk
Enige finansiële navrae of bewyse [email protected] Amanda Stoltz
Enige finansiële navrae of bewyse [email protected] Daleen Coetzee
Administratiewe navrae [email protected] Reinette Janse van Rensburg
Administratiewe navrae [email protected] Edith van Dyk
Afwesigheid van leerders [email protected] Reinette Janse van Rensburg
Afwesigheid van leerders [email protected] Edith van Dyk
Graad 4-7 aangeleenthede [email protected] Deon Pretorius
Graad 1-3 aangeleenthede [email protected] Riette Havemann
Akademiese navrae/probleme Vakonderwysers se e-pos adresse is op Communicator
Dissiplinêre probleme Vakonderwysers se e-pos adresse is op Communicator
18. E-POS
Ons het reeds ‘n baie groot aantal ouers wat die Loffienuus elektronies ontvang. Hierdie is
uiteraard ‘n baie meer betroubare manier om seker te maak dat u die nuusbrief ontvang,
aangesien die kinders soms vergeet van die nuusbrief wat in hul tasse lê. Indien u nog nie ‘n
elektroniese weergawe van die Loffienuus ontvang nie, is u welkom om ‘n e-pos te stuur na
[email protected]. Ons sal u dan op ons adreslys plaas. Die Loffienuus is ook op die webblad
(www.gelofte.co.za) en op Communicator beskikbaar. Indien u nie toegang tot die internet het nie
en graag ‘n harde kopie wil ontvang, voltooi die meegaande skeurstrokie en stuur terug skool toe.
19. KONTANTVRYE SONE
Ons beklemtoon graag weer die volgende. Ons streef daarna om die skool ‘n kontantvrye sone te
maak en sodoende die versoeking by kriminele elemente te verwyder om die skool as ‘n sagte teiken
te beskou. Dit sal dus waardeer word indien u van elektroniese betaalmetodes of tjeks gebruik sal
maak.
Die skool se bankbesonderhede is soos volg:
Bank: ABSA
Rekeningnaam: Gelofte Skool
Takkode: 632005
Rekeningnommer: 1137530569
Vriendelike groete
______________
D J STRYDOM
SKOOLHOOF
6 Loffienuus 26 Maart 2014
TERUGSTUURSTROKIE: KOMMENTAAR – VIR AANDAG MNR. D. STRYDOM
NAAM VAN OUER: ______________________________________________________________
NAAM VAN LEERDER: ________________________________________ GR. ______________
KOMMENTAAR: ________________________________________________________________
________________________________________________________________________________
______________________ _________________________
HANDTEKENING KONTAKNOMMER
TERUGSTUURSTROKIE: KASKAR RONDTETELLERS
NAAM VAN OUER: ______________________________________________________________
NAAM VAN LEERDER: ________________________________________ GR. ______________
______________________ _________________________
HANDTEKENING KONTAKNOMMER
6 Loffienuus 26 Maart 2014
ADVERTENSIES
SALON BEAUT’E
74 MANORS RD, PINETOWN
FACIALS AND WAXING
ANNIQUE AGENT
HILDA FOURIE
082 330 5659
E-MAIL:
6 Loffienuus 26 Maart 2014
CANON KAMERA
Canon PowerShot SX20 IS Super-zoom digitale kompakte kamera vir R2650 met: • 20x optiese vergroting en 4 x
digitale vergoting (dws x 80 vergroting)
• 2.5 duim roteerbare LCD skerm,
• 12.1MP sensor and bied 720p HD video opnames
Kom met al die standard oorspronklike kompo-nente in oorspronklike verpakking. Addisioneel: 1) 8GB geheue kaart 2) Waterbestande kamera sak waarde R600, 3) Batterye 4) Son filter
Kontak Pieter Hougaard 082 327 0733
6 Loffienuus 26 Maart 2014
Aandag: Skoolbeginners 2015
Gelofte Skool
Graad 1
Opedag
Woensdag, 16 April 2014
10:00 – 11:00
Cavershamweg 2, Pinetown
Gelofte Skool bied jou kind:
• Moedertaalonderrig
• ‘n Sterk akademiese agtergrond
• Sportdeelname
• Kultuuraktiwiteite
• Sosiale geleenthede
• Ons maak leer PRET
Bring gerus u graad R kleuter saam en kom
kyk self wat hier by die skool gebeur!