1

Afrikaans Siklus 6

Week 1 Week 2

Maandag (14 September) Maandag (2 1 September)

Dinsdag (15 September) Dindag (22 September)

Woensdag (16 September) Woensdag (23 September)

Donderdag (17 September) Donderdag (24 September)

Vrydag (18 September)

Geagte ouers

Let asseblief daarop dat die werk slegs vir die leerders is wat nog nie terug is by

die skool nie as gevolg van gesondheids redes.

Moet nie te veel werk op een dag doen met u kind nie, oefen die dag se werk in

voordat jul le vooruit werk.

Al le werk moet asb. in n boek of op n bladsy gedoen word in lopende skrif.

Dit is elke ouer en leerder se eie verantwoordelikheid om al die werk onder die knie

te kry by die huis, sodat die leerders goed voorbereid is vir die assesserings toetse.

Dankie vir jul le harde werk.

Groete

Gr.3 Personeel

2

Lees die volgende storie.

Die beeldskone prinses

Netta se ouma lees vir haar n mooi storie. Dit gaan oor n

koninkie wat nie in n paleis gewoon het nie, maar in n woninkie

langs n torinkie in die middel van n klein bossie.

In die torinkie was daar n beelskone prinses toegesluit. Sy was vasgemaak aan

haar enkel met n kettinkie. Daar was n beloninkie vir die persoon wat die prinses

kon red. Naby die torinkie was daar n vreeslike kwaai eekhorinkie wat die torinkie

bewaak het. Die prinses het n gunsteling kussinkie gehad wat sy altyd by haar

gehou het.

Op n dag het die koninkie die eekhorinkie verslaan met n dorinkie en die prinses

gered. Dit was vir haar n seëninkie om ten einde laas uit die torinkie gered te

wees.

Maandag (Week 1)

1. Skryf twee woorde neer by elke klank.

Die woorde hoef nie uit die storie te kom nie.

aai

ooi

oei

eeu

3

Skryf

Doel: Ons leer hoe om ’n storie te skryf en om ons gedagtes te orden. (Gebeure in

logiese volgorde te rangskik.)

Hoe begin ons?

Die leerder moet nou beplan deur na die prent te kyk wat vir haar/hom gegee word en

dan haar/sy gedagtes neer te skryf.

Die leerder skryf alles neer wat hulle in die prente sien, byvoorbeeld: kind,

dogtertjie, seuntjie huis, maats, hond, sonskyn, kat, padda, rivier, water, sambreel

ensovoorts.

Daar is ‘n blok waar die leerders die woorde gaan neerskryf, want dit is woorde wat

hulle in hul storie gaan gebruik.

Kom ons vra vrae oor die prentjie.

1. Wat dink jy doen die kat en padda?

2. Wat dink jy wil die kat/padda doen?

3. Wat het voor die tyd gebeur?

4. Wat gebeur na die tyd?

5. Hoe voel die kat/padda?

6. Oop einde vrae soos: Wat dan? Wat gebeur verder?

In jou klaswerkboek:

2.) Gebruik die volgende prentjie en skryf n storie oor dit.

Gebruik die vrae hierbo om jou te help.

Jou storie moet bestaan uit n titel, twee paragrawe

met 5 sinne in elke paragraaf.

Titel van my storie/Naam van my storie:

Woorde wat ek gaan gebruik in my storie:

Inleiding:

Middel:

Einde:

Name van karakters:

4

Lees die volgende storie

Die lewe van meneer Nelson Mandela

Toe Nelson Mandela was nege jaar oud toe, sy pa dood is en hy

het in die huis van die koning van die Tembu-stam gaan bly. Hy

het hard geleer en later universiteit toe gegaan.

Een vakansie vertel die koning hom dat hy vir hom n vrou gekies

het en dat hy sommer gou met haar moes trou. Net daar

besluit Nelson om weg te loop Johannesburg toe.

In Johannesburg het hy eers by die myne gaan werk. Al was hy baie arm, het hy

begin studeer om n prokureur te word.

Terwyl hy daar in die stad Johannesburg gebly het, het hy dikwels daaraan gedink

dat dit nie reg is dat al die mense in die land nie eenders behandel word nie. Dit

was nie vir hom reg dat swart mense nie kon stem nie.

Hy het kalm geluister as die mense daaroor kla, net soos hy by die koning van die

Tembu-stam gesien het. Hy het teen die regering begin praat. Baie mense het na

hom kom luister.

Nadat hy en sy vriende bomme gegooi het, is hul le in die tronk gegooi. Vir 27 jaar

lank was hy n gevangene, waar hy sy studies ook voltooi het. In die 27 jaar het

die mense van Suid-Afrika begin sien dat apartheid verkeerd was. Uiteindelik is

meneer Mandela uit die tronk vrygelaat. In 1994 is hy tot Suid-Afrika se eerste

swart president verkies.

5

Soorte sinne

Stelsin. Om iets te sê. Dit is die sin wat die meeste gebruik word.

Die sinne eindig met ‘n punt.

Bv. Ek hou van verf.

Vraagsin Om ‘n vraag te vra.

Dit het gewoonlik ‘n vraagteken aan die einde.

Bv. Wanneer kom die bus?

Uitroepsin As jy iets wil uitroep of om gevoelens uit te druk.

Bv. H’m, die koeldrank is lekker.

Eina! My voet bloei!

Bevelsin Om ‘n bevel (opdrag) te gee.

Die sin is gewoonlik kort en het ‘n uitroepteken aan die einde.

Bv. Hou op!

Dinsdag (Week 1)

1.) Antwoord die volgende vrae deur stelsinne te gebruik. Antwoord in vol ledige

sinne.

a.) Hoe oud was Nelson Mandela toe sy pa dood is?

b.) Waarom het hy van die koning van die Tembu se plek af weggeloop?

c.) Noem 3 dinge wat Nelson Mandela gepla het toe hy in Johannesburg

gebly het?

d.) Waarvoor het hy gestudeer?

e.) Hoe lank was by in die tronk?

f.) Wat, dink jy, het meneer Nelson Mandela vir ons land beteken?

2.) Lees die volgende stelsinne. Verander elke sin na n vraagsin. Begin jou vraagsin

met die woorde in hakies agteraan. Onthou n vraagsin eindig met n

vraagteken.

a.) Een vakansie vertel die koning hom dat hy vir hom n vrou gekies het en

dat hy sommer gou met haar moes trou. (Wat)

b.) Net daar besluit Nelson om weg te loop Johannesburg toe. (Wat)

c.) In Johannesburg het hy eers by die myne gaan werk. (Waar)

6

3.) Skryf 2 uitroepsinne oor die volgende woorde. Die eerste een is n voorbeeld.

Bv: Krieket: Sjoe, die bal trek ver!

a.) gras b.) winter c.) maats

4.) Kyk na die prente. Gee vir elke maat n gepaste bevel (opdrag). Onthou n bevel

sin is kort en eindig met n uitroepteken.

a.) b.) c.) d.)

Woensdag (Week 1)

1.) Elke een van ons het huiswerkies om te doen as ons by die huis kom. Van ons

moet dalk die honde kos gee of mamma help om toebroodjies te maak vir

middagete. Skryf 6 van jou huiswerkies punt gewys onder mekaar neer in

stelsinne.

2.) Jou maatjie het vir 2 weke vir sy/haar ouma gekuier by die see. Jy het

hom/haar vreeslik baie gemis en is baie nuuskierig oor hoe sy/haar vakansie was

en wat hul le al les gedoen het. Skryf nou 6 vrae neer wat jy graag vir jou

maat wil vra.

Donderdag (Week 1)

1.) Lees die volgende sinne. Skryf die sinne oor in jou boek en dui langs elke sin aan

watter sinsoort dit is.

a.) Vandag is dit Maandag. i.) Wil jy môre by my kom kuier?

b.) Hoekom is jy alweer laat vir skool? j.) Slaap jy al?

c.) Ag nee! Ek het my boek tuis vergeet. k.) Jippie! Ons gaan see toe!

d.) Ons stap elke dag skool toe. l.) My hond se naam is Rommel.

e.) Waarna toe gaan jul le? m.) Die skool begin môre.

f.) Kom kuier! Beveel mnr. Jansen. n.) Kom hier!

g.) Ek is moeg, ek wil slaap! o.) Ek hou nie van skool nie.

h.) My juffrou se naam is Martie.

7

Vrydag (Week 1)

Die eerste twee sinne sê altyd waaroor jou paragraaf gaan. Dit word die

kop van jou paragraaf genoem. Hier gaan jy jou hoofgedagte van die

paragraaf skryf.

Die volgende ses sinne vertel jou storie of gee die inligting deur. Dit word

die middel van jou paragraaf genoem. Hier gaan jy meer uitbrei en die

storie vertel.

Die laaste twee sinne gaan jou afsluiting wees. Hier gaan jy sê hoe jou

storie eindig en wat laaste gebeur het. Die twee sinne noem ons die voete

van jou paragraaf.

Die skool het gesluit en jy gaan saam met jou

familie op vakansie.

Skryf 2 paragrawe (8-10 sinne in elke

paragraaf) oor waarheen jul le gaan en wat

jul le gaan doen. Dit mag wees oor n vorige

vakansie of dit kan wees oor jou droom

vakansie. Gebruik jou verbeelding. Maak gebruik

van al 4 sinsoorte wat jy die week geleer het

om jou gevoelens uit te beeld.

8

Lees die volgende storie.

Wian en die sterk man

Op n dag neem Wian se ouers hom na die sirkus toe. Wian is baie

opgewonde daaroor! By die sirkus sien hy leeus, perde, twee

olifante en n beer. Daar is ook meisies wat op swaaie swaai,

maar die beste van al les is die sterk man. Wian wil so graag soos die sterk

man wees.

Die sterk man tel tien emmers vol water gelyk op. Wian tel sy

waterbotteltjie op en verbeel hom dit is tien emmers vol water. Die sterk

man tel twintig sakke vol sand op. Wian tel sy sakkie lekkers hoog bo sy kop op

en verbeel hom dis twintig sakke vol sand. Die sterk man kan n dik stuk yster

buig met sy hande. Wian buig sy strooitjie in die middel en verbeel hom dit is n

dik stuk yster. Die sterk man het daardie dag n groot trofee gekry omdat

hy die sterkste was.

Daardie aand speel Wian in sy kamer. Hy lig sy stoeltjie hoog bo sy kop, maar

die stoeltjie is te swaar vir hom om dit op te hou. Ek wil ook sterk wees soos

die sterk man in die sirkus, sê Wian. Dan sal jy baie

hard moet oefen, sê sy ma. Ek gaan solank die tafel

dek, terwyl jy die borde vir my uithaal. Ek soek n

sterk man om dit te dra, sê Wian se ma. Wian dra al

die borde na die eetkamer toe, terwyl hy na sy spiere

kyk in die spieël.

Jy kan solank vir my die kruiwa stoot, sê Wian se pa die volgende dag. Die

kruiwa is swaar en vol takke. Ek het n sterk man nodig om dit te doen. Wian

stoot die kruiwa om die huis, terwyl hy na sy spiere kyk in die spieël. Daardie

aand gee sy ma vir hom n roomys. Wian vat die roomys by sy ma, maar die

roomys se steeltjie breek. Wian giggel. Ek dink ek het te veel geoefen vandag,

sê hy. Nou is ek heeltemal te sterk. Môre gaan ek n bietjie rus.

9

Voegwoorde

Voegwoorde

n Voegwoord voeg twee sinne aanmekaar en die woordorde van die sin

mag verander.

Voorbeelde van voegwoorde is: en, maar, want, terwyl, daarom,

alhoewel, omdat en nog baie meer.

Daar is gewoonlik n komma net voor die voegwoord.

Byvoorbeeld

Sara wil by Katie gaan speel, maar dit is te koud buite.

Ek is baie moeg, want ek het ver gestap.

My sussie wil nie haar groente eet nie, omdat sy nie daarvan hou nie.

Voegwoorde: en, omdat, maar, terwyl, want, daarom

Maandag (Week 2)

1. Maak n lys van die voegwoorde wat jy in die storie raak lees.

2. Skryf vyf sinne neer uit die storie waar daar voegwoorde in is. Onderstreep

die voegwoorde.

3. Skryf die volgende sinne oor en kies die regte voegwoord in die hakies.

a. Wian (en/want) sy ouers was saam sirkus toe.

b. Wian dra al die borde na die eetkamer toe, (terwyl/omdat) hy na sy spiere

kyk in die spieël.

c. Die kruiwa is baie swaar, (want/maar) dit is vol takke.

d. Die sterk man eet al sy groente, (terwyl/daarom) is hy so sterk.

e. Wian doen elke dag al sy huiswerk, (of/want) dit maak sy brein sterk.

4. Sorteer die volgende woorde in alfabetiese volgorde.

kruiwa man meisies sterk sirkus beer borde

10

Dinsdag (Week 2)

1. Voeg die volgende sinne bymekaar deur die voegwoord in hakies te gebruik.

Byvoorbeeld: Ek is moeg. Ek het ver gestap. (want)

Ek is moeg, want ek het ver gestap.

Pappa kap die hout. Pappa maak ‘n vuur. (en)

Pappa kap die hout en maak ‘n vuur.

*(Ons hoef nie die woord pappa twee keer te gebruik nie.)

Die seun doen elke dag sy huiswerk. Hy kry goeie punte. (daarom)

Die seun doen elke dag sy huiswerk, daarom kry hy goeie punte.

*(Die woordorde van die sin mag verander.)

a. Ek kyk links en regs vir motors. Ek ry op my fiets. (terwyl)

b. Wian het in die ry gestaan. Daruis het by die deur gesit. (en)

c. Ek het skooltoe gegaan. Ek was siek. (alhoewel)

d. Wian eet sy kos. Hy is baie honger. (want)

e. Ek wil nie my groente eet nie. Ek hou nie van groente nie. (omdat)

2. Voltooi die volgende sinne deur die regte voegwoorde in te vul.

Onderstreep die voegwoorde in die sinne.

want terwyl maar of sodat

a. Wil jy buite gaan speel _______ wil jy televisie kyk?

b. Die kruiwa is baie swaar ________ dit is vol takke.

c. Wian wil eendag baie sterk wees _________ hy n trofee kan wen.

d. Wian vat die roomys by sy ma ________ die roomys se steeltjie breek.

e. Wian se ma bestuur die motor ________ sy met hom gesels.

3. Sorteer die volgende woorde in alfabetiese volgorde.

takke spieël lekkers spiere oefen man

11

Woensdag (Week 2)

1. Gebruik die voegwoorde in die blok om die brief te voltooi.

sodat waar daarna of en want terwyl

Beste Tiaan

Ontmoet my buite op die speelgrond _________ ons saam middagete kan

eet. Ons kan ons toebroodjies gou eet _______ lekker saam speel. Ons kan

________ my sjokolade koek ook deel. Kom ons sit onder die boom

_________ daar nou skaduwee is. Ons kan lemoensap drink nadat ons geëet

het _______ ons gaan baie dors wees.

Laat my weet _______ jy kom!

Hoop om jou weer te sien.

Liefde

Wian

2. Voltooi die blokkiesraaisel.

Lees die volgende sinne en kies die regte voegwoord tussen die hakies. Vul

dan die voegwoord op die blokkiesraaisel in.

a. Ons ry wildtuin toe (sodat/terwyl) dit nog donker is.

b. Ek is baie moeg, (want/of) ek het ver gestap.

c. Wian eet al sy groente, (sodat/daarom) hy sterk kan word.

d. Tiaan wil by Wian gaan speel, (omdat/maar) dit is te ver om te stap.

e. Die sterk man het n trofee gekry (omdat/sodat) hy die sterkste was.

f. Mamma dek die tafel (terwyl/en) ek haal die borde uit.

12

a.

c.

e.

f.

b.

d.

3. Gebruik die volgende voegwoorde en maak jou eie sinne.

Onderstreep die voegwoord in elke sin.

a. want

b. en

c. maar

d. omdat

e. terwyl

4. Klanke

Skryf twee woorde neer by elke klank.

Die woorde hoef nie uit die storie te kom nie.

aa

oo

ee

uu

13

Donderdag (Week 2)

Begripstoets

Lees die volgende artikel en beantwoord die vrae in jou klaswerkboek.

Eerbewyse en toekennings

Hoe het dit met Natalie du Toit by die Beijing Olimpiese Spele

gegaan?

Dit het baie goed gegaan. Sy het goue medaljes gewen vir die 400 meter

vryslag, 100 meter vryslag, 50 meter vryslag, 100 meter vlinderslag en 200

meter individuele aflos in haar klas. Wat n fantastiese swemmer! Wat n

briljante probeerslag.

Watter rol het sy by die 2008 Olimpiese en Paralimpiese openingseremonies

gespeel?

Suid-Afrika se Olimpiese Komitee het vir Natalie du Toit gekies om die Suid-

Afrikaanse vlag by die Olimpiese en Paralimpiese Spele te dra. Dit maak haar

die eerste atleet om die vlag by beide openingseremonies te dra.

Watter eerbewyse en toekenings het sy al ontvang?

In Augustus 2002 het sy die Wes-Kaapse Goue Kruis ontvang. Tydens die

seremonie het die destydse Wes-Kaapse Premier, Marthinus van Schalkwyk,

gesê sy het nie net in die harte van die Suid-Afrikaners geswem nie, maar ook

die van die hele wêreld. Die Suid-Afrikaanse Uitsaaikorporasie het haar in 2004

vereer as 48ste in die Top-100 Suid-Afrikaners. In Desember 2009 het sy die

Orde van Ikhamanga in Goud vir haar buitengewone prestasies in swem

ontvang. In Maart 2010 het sy die Laureus-toekening vir die Wêreld

Sportpersoon van die Jaar met n gestremdheid ontvang. Die toekenning is

spesifiek vir haar bydrae tot die afbreek van struikelblokke tussen sport van

gestemdes, en nie-gestremdes.

14

1.) Beantword die volgende vrae in vol sinne.

a.) Oor wie gaan hierdie artikel?

b.) Watter goue medaljes het Natalie du Toit gewen by die Beijing

Olimpiese Spele?

c.) Watter toekening het Natalie du Toit in Augustus 2002 ontvang?

d.) Wie het die toekening aan haar oorhandig?

e.) Wie het haar as een van die Top-100 Suid-Afrikaners vereer?

f.) Op watter gebied is Natalie du Toit n rolmodel?

2. Gebruik die volgende prentjie en skryf n storie oor dit.

Gebruik die vrae hierbo om jou te help.

Jou storie moet bestaan uit n titel, twee paragrawe van 10 sinne elk.

Titel van my storie/Naam van my storie:

______________________________________________

Woorde wat ek gaan gebruik in my storie:

Inleiding:

Middel:

Einde:

Name van karakters.

Man se naam: _____________

Voëltjie se naam: _____________