Upload
ellaadayamendiola
View
137
Download
8
Embed Size (px)
DESCRIPTION
aaaa
Citation preview
Alin and Higit na Mahalaga, Wikang Filipino o
Wikang English?
Isang Balagtasan ni Gng. Resy A. Felipe (New
Era Elementary School)
Lakandiwa:
Minamahal naming mga kamag-aral
Mga magulang, mga guro at prinsipal
Mga panauhing pinagpipitaganan
Naririto ngayon sa’ting paaralan.
Magandang umaga po, ang bating marangal
Ang Buwan ng Wika ating ipagdiwang
Ikalimang baitang ang amin pong alay
Ipagmamalaki, isang balagtasan.
Wikang Filipino ay sariling wika
At ang wikang English ay wikang banyaga
Kapwa ginagamit ng may pang-unawa
Higit na mahalaga, alin na nga kaya?
Sa umaga pong ito, aking ipinakikilala
Dalawang mahusay, maganda at batikang makata
Sa pangangatuwiran, hahanga ka sa kanila
Masigabong palakpakan pasalubungan natin sila.
Sa wikang Filipino ang mangangatuwiran
Si Bb. Irish ng Grade V- Emerald
At sa wikang English ang makakalaban
Bb. Lariza ng Grade V- Section one.
Wikang Filipino:
Sa puso at diwa, ako’y Pilipino
Mgandang Pilipinas ito ang bayan ko
May sariling wika, wikang Filipino
Na s’yang nagbubuklod sa sambayanan ko.
Wikang Filipino ay wikang panlahat
Ang ilaw at lakas ng tuwid na landas
Sa pagkakaisa naipahahayag
Mabisang kalasag tungo sa pag-unlad.
Wikang English:
Alam nating itong English, isang wikang pandaigdig
Sa lahat ng pag-aaral pangunahing ginagamit
Ang mga asignaturang Science, English at Mathematics
Paano mo ililiwat, di malirip, di maisip.
Ang bagong alpabeto hindi mo ba napapansin
Ang dating A B K D ngayon ay A B C D na
May computer, may internet, Facebook at may Google plus
pa
Ito’y mga pagbabagong Wikang English ang simula.
Wikang Filipino:
Alam nating sa’ting mundo marami ng pagbabago
Makabagong teknolohiya patuloy sa pag-asenso
Mentalidad na kolonyal dayuhan ang pasimuno
Ngunit naghihirap pa rin ang maraming Pilipino.
Sariling wika ay salamin nitong ating pagkatao
Matibay na pundasyon ng ating pagka-Pilipno
Isang wikang kinagisnan minana pa sa ninuno
Nararapat alagaan, itaguyod nang lumago.
Wikang English:
Sapagkat itong English isang wikang unibersal
Wikang ating ginagamit sa pakikipagtalastasan
Sa pakikipag-ugnayan sa mga dayuhan
Upang itong mga bansa ay magkaunawaan.
Kahit hindi ka nakatapos sa iyong pag-aaral
Kung mahusay kang mag-English sa call center ka mag-
apply
Siguradong matatanggap at kikita rin kaagad
Kaya nga lang, mga dayuhang makukulit, kausap mo sa
magdamag.
Wikang Filipino:
Sa mahal kong katunggali na kapwa ko Pilipino
Huwag nating kalimutan, dapat nating isapuso
Itong wikang kinagisnan, ang Wikang Filipino
Gamitin nating sandigan sa pag-unlad, pag-asenso.
Wikang English:
Hindi ko nalilimot na ako ay Pilipino
Mahalaga rin ang English at ‘yan ay nababatid mo
Lalo na kung may balak kang sa ibang bansa ay magtungo
Ang pandaigdig na wika, dapat pag-aralan mo.
Lakandiwa:
Tama na, sukat na, mahuhusay na makata
Ang pagtatalo n’yo ay h’wag nang palawigin pa
Sa madlang nanonood kayo na po ang magpasiya
Alin ang mas mahalaga, sariling wika o wikang banyaga?
Kaming tatlo ay narito, sa inyo’y nagpapasalamat
Mahal naming kamag-aral, mga guro at magulang
Taos pusong bumabati, maligayang pagdiriwang
Ang hiling po namin, masigabong palakpakan.
DAPAT BA O HINDI DAPAT SUMUKO SA PROBLEMA
Lakambini:
Mainit na umaga sa inyo bayan!
Tao! makinig at inyong tutunghayan
Isang napakainit na talakayan,
Ang inyong makikita at hahangaan.
Dapat:
Magandang umaga mga kababayan
Ako'y mag-aaral sa karatig bayan,
Pilit ko sanang lumahok sa usapan,
Panig sa dapat ang aking tatayuan.
Hindi Dapat:
Merong lumalaban munting kaisipan,
Panig ako sa hindi dapat lumaban
Sana babae ako iyong unlakan,
Dahil ako'y nananabik sa tanghalan.
Lakambini:
Tao'y may problemang pinagdadaanan,
May sumusuko at hindi lumalaban,
Sino ang dapat nating papalakpakan,
Ang sumusuko o itong lumalaban?
Dapat:
Kapartedo, wag takasan problema mo,
Magpatawad ka at wag maging magarbo,
Kung hindi ika'y maging katalo-talo
Dapat isipin lahat ng positibo.
Hindi Dapat:
Ako'y tanungin, problema'y susukuan,
Sapagkat lahat kami ay nahirapan.
Ang hindi pagsuko, aking sinubukan,
Subalit, hindi pagsuko ay biguan.
Dapat:
Ang problema'y hindi dapat katakutan,
Wag kang magpatalo at ika'y lumaban,
Lahat ng iyong problema'y malampasan
Kapag ang Diyos ay di kakalimutan.
Hindi Dapat:
Sa pamilya di mawala ang problema
Pinilit labanan bigo pa rin sila,
Walang problema, pamumuhay masaya,
Kaya sumuko na at may payapa pa.
Dapat:
Ang problema ay wag itong tatakasan
Dahil minsan bunga nito'y kasamaan,
Kaya harapin ito ng dahan-dahan,
Para makaiwas sa kapahamakan.
Hindi Dapat:
Problema ay sagabal sa ating buhay
Gagayahin mo ako ng matiwasay
Mas gusto ko pa ang maging isang tambay,
Kaysa haharap sa mukha mong kalansay.
Dapat:
Noon at ngayon, hanggang kasalukuyan,
Karamihan ng tao ay lumalaban
Sa bawat problemang pinagdadaanan
Lutasin ito upang di mahirapan.
Hindi Dapat:
Mas masaya kung ang tao ay susuko,
Kaysa ika'y nakadena at bilanggo,
Aanhin mo ang iyong maraming ginto,
Kung palaging labanan ang kumukulo?
Dapat:
Problema ay naglalaro sa isipin
Dapat kang hindi umiyak at lumaban,
Dahil kapag ika'y naging talonan
Magdiriwang ang kampon ng kadiliman.
Hindi Dapat:
Problemang dinaanan, dapat wakasan!
Ito'y nakasisira sa pamayanan
Dapat hindi na ito binabalikan,
Kaya kami ngayo'y may katahimikan.
Dapat:
Ang problema natin ay dapat tutukan
Huwag sana itong subukang takbuhan.
Harapin mo kahit kailan, kahit saan,
Dahil may oras pa tayong nakalaan.
Hindi Dapat:
Itong problema ay sakit lang sa ulo,
Kaya kinalimutan ko nalang ito,
Sana'y matanggap n'yo, susuko na ako,
Malugod kong tinaggap ang pagkatalo.
Lakambini:
At dito nagtatapos ang tatanghalin,
Mahusay kayo hindi nagpapabitin,
Kaya kayo ay dapat naming purihin,
Pero isa sa inyo ang lilisanin.
Dapat problema natin ay haharapin,
At ito'y itapon at wag ng lunukin,
Kaya manalig sa Diyos at lampasin,
Wala tayong sagabal na susubukin.
NAKABUBUTI BA O NAKASASAMA ANG PAGPAPALAGANAP NG PAGGAMIT NG FACEBOOK?Mga Mambabalagtas
Panig ng NAKABUBUTI: CARLITO REYES II
Panig ng NAKASASAMA:CHRISTIAN SIY
Papel ng LAKANDIWA
LAKANDIWA:
Ako ay bumabati
Na may malaking ngiti
Sana may umintindi
Sa aking sinasabi
Facebook ating usapan
Laganap sa’ting bayan
Minsa’y Kinagalakan
Minsa’y pinagdudahan
Kaya tayo’y narito
Para na rin i-klaro
Pag-usapan ng husto
Sa paraang pagtalo
NAKABUBUTI
Wala ka bang makausap
Walang sayang malasap
Ay alam na ang dapat
Na ibigin mong sapat
Sa mundo ng pag-Facebook
Hindi ka magsisisi
May makakasalisi
Kaya’t dapat lumahok
Ikaw ba’y nalulumbay?
Lungkot na walang humpay
Kulang sa kaibigan?
Talagang Facebook lang iyan!
Pansin ba ang habol mo?
Talagang matatamo
Pang KSP kasi ‘yan!
Puro “like” dito, “like” dyan
Mabuti ngang KSP
Tulay ‘to sa pagdami
Ng iyong mga koneksyon
Important ‘yan ngayon!
Ang dating kaibigan
Muling madaraanan
Dating pinagsamahan
Muling makakamtan
Pano ang mga kaibigan
Sa States naninirahan
Facebook lang katapat dyan
Libre’t maasahan
NAKASASAMA
Ang Facebook daw ang tulay
Ang tulay ng ‘yong buhay
Na i-a-aabot-kamay
Kahit nga sa kaaway
Ngunit meron din naman
Cellphone’t e-mail para diyan
‘Di naman kailangan
Sa Facebook idadaan
Ito ay iyong dinggin
Hindi kayang talunin
Ng kahit ano pa man
Ang magharap-harapan
Ngunit d’yan tayo talo
Kung ikaw ay nagloko
Isang tag ng photo mo
Huli ka at kabit mo
Facebook agad malaman
Pag ika’y siniraan
May nagpapakamatay
Sirang-sira ang buhay
Tapos imbis maghapunan
Abuso sa pagimbak
Sa pekeng tinataniman
Katamara’y talamak
LAKANDIWA
Ang bibig na matalim
Itago ng malalim
Ng hindi makasakit
At walang hinanakit
Wala ngang absoluto
Hindi rin makaboto
Facebook ba’y nakabuti
Sa gumamit o hindi
Ngunit dapat tandaan
Pag Facebook inabuso
At nawala sa uso
Balik sa dating daan
Kaya’t wag lilimutin
Ang dapat na gawain
Para ‘yong mabalanse
Ng ‘di iresponsable