Upload
others
View
3
Download
0
Embed Size (px)
Citation preview
1
Azərbaycan Respublikasının
Əmək və Əhalinin
Sosial Müdafiəsi nazirinin
“___”_________2019-cu il
tarixli
____________nömrəli
əmri ilə təsdiq edilmişdir.
Azərbaycan Respublikasının Əmək və Əhalinin Sosial Müdafiəsi
Nazirliyinin Aparatının Daxili nəzarət və audit şöbəsinin
Əsasnaməsi
I. Ümumi müddəalar
1.1 Azərbaycan Respublikasının Əmək və Əhalinin Sosial Müdafiəsi Nazirliyinin
(bundan sonra - Nazirlik) Aparatının struktur bölməsi olan Daxili nəzarət və audit şöbəsi
(bundan sonra-şöbə) bu Əsasnamə ilə verilən səlahiyyətlər çərçivəsində Nazirliyin
səlahiyyətlərinin həyata keçirilməsi ilə əlaqədar onun Aparatının bölmələrinin, strukturuna daxil
olan qurumların və strukturuna daxil olmayan tabeliyindəki digər qurumların (hüquqi şəxslər,
təşkilatlar və sair), Nazirliyin təsisçisi olduğu, səhmlərinin saxlanılması və ya idarə olunması
Nazirliyə həvalə olunmuş hüquqi şəxslərin (bundan sonra - Nazirliyin strukturları) funksional
fəaliyyəti və həmin strukturların əməkdaşlarının xidməti fəaliyyəti üzrə daxili nəzarət tədbirlərini,
anti-korrupsiya, sistemdaxili informasiya təhlükəsizliyi, vətəndaşların qəbulu zamanı etik
davranış qaydalarına əməl olunması, ərizə və şikayətlərə vaxtında baxılaraq tam və düzgün
cavablandırılması və daxili auditlə bağlı tədbirləri həyata keçirir.
1.2 Şöbə öz fəaliyyətində Azərbaycan Respublikasının Konstitusiyasını, Beynəlxalq
Audit və təsdiqləmə standartlarını, Azərbaycan Respublikasının “Daxili audit haqqında”
Qanununu "Dövlət qulluğu haqqında” Qanununu və digər qanunlarını, Azərbaycan Respublikası
Prezidentinin fərman və sərəncamlarını, Azərbaycan Respublikası Nazirlər Kabinetinin qərar və
sərəncamlarını, "Azərbaycan Respublikasının Əmək və Əhalinin Sosial Müdafiəsi Nazirliyi
haqqında Əsasnamə”ni, digər qanunvericilik aktlarını, Nazirliyin Kollegiya qərarlarını,
Azərbaycan Respublikası Əmək və Əhalinin Sosial Müdafiəsi nazirinin (bundan sonra - nazir)
2
əmr və sərəncamlarını və bu Əsasnaməni rəhbər tutur.
1.3 Şöbə öz vəzifələrini yerinə yetirərkən və hüquqlarını həyata keçirərkən Nazirliyin
strukturları, eləcə də mərkəzi və yerli icra hakimiyyəti orqanları ilə qarşılıqlı əlaqədə fəaliyyət
göstərir.
II. Şöbənin fəaliyyət istiqamətləri
2.1 Şöbə aşağıdakı istiqamətlərdə fəaliyyət göstərir:
2.1.1. Nazirliyin strukturlarında daxili nəzarət tədbirlərini təşkil edir və həyata
keçirir;
2.1.2. şöbənin fəaliyyətini reqlamentləşdirən və tətbiq etdiyi daxili nəzarət
sistemini tənzimləyən normativ-metodiki bazanı formalaşdırır və təkmilləşdirir;
2.1.3. Ölkə Prezidentinin fərman, sərəncam və digər tapşırıqları, o cümlədən milli
layihələr və strategiyalar, dövlət proqramları, inkişaf konsepsiyaları, tədbirlər və fəaliyyət
planları, eləcə də strateji yol xəritələri üzrə icra intizamına ümumi nəzarəti, metodiki-
inzibati və əməli rəhbərliyi həyata keçirir;
2.1.4. müvafiq sahənin inkişafını təmin edir;
2.1.5. qanunvericilikdə müəyyən edilmiş digər istiqamətlərdə fəaliyyət göstərir.
III. Şöbənin vəzifələri
3.1.1. Şöbənin bu Əsasnamə ilə müəyyən edilmiş fəaliyyət istiqamətlərinə uyğun
olaraq əsas vəzifələri aşağıdakılardır:
3.1.2. Nazirliyin strukturlarında bu Əsasnamə ilə verilən səlahiyyətlər
çərçivəsində daxili nəzarət tədbirləri, o cümlədən xidməti araşdırmalar, daxili audit
yoxlamaları və monitorinqlər həyata keçirmək;
3.1.3. Nazirliyin strukturları və əməkdaşları tərəfindən onların xidməti
fəaliyyətini tənzimləyən normativ-hüquqi və digər idarəetmə aktlarının, təşkilati-
sərəncamverici sənədlərin tələblərinə əməl olunmasına nəzarəti həyata keçirmək;
3.1.4. Nazirliyin strukturlarının əməkdaşlarının hərəkətləri (və ya hərəkətsizliyi)
barədə şöbəyə vətəndaşlardan, fiziki və hüquqi şəxslərdən, dövlət və qeyri-dövlət
təşkilatlarından, habelə Nazirliyin strukturlarından daxil olmuş təqdimatlar və müraciətlər
üzrə qanunvericiliyə uyğun tədbirlərin görülməsini təmin etmək;
3.1.5. "Dövlət qulluğu haqqında” Azərbaycan Respublikası Qanununun dövlət
qulluqçusunun əsas vəzifələri və dövlət qulluğu ilə əlaqədar məhdudiyyətlərə dair
müddəalarının tələblərinin pozulması halları üzrə xidməti araşdırma və yoxlamalar
aparmaq;
3
3.1.6. Nazirliyin strukturlarının əməkdaşları tərəfindən yol verilmiş korrupsiya ilə
əlaqədar hüquqpozma halları, habelə daxili audit yoxlamalarının və monitorinqlərin
nəticələri üzrə qanunvericiliyə uyğun olaraq xidməti araşdırmalar aparmaq;
3.1.7. Zərurət yarandığı hallarda Nazirliyin strukturları tərəfindən həyata
keçirilən cari və funksional işlərin icra vəziyyətinə praktiki nəzarət etmək məqsədilə
həmin tədbirlərdə bilavasitə iştirak etmək;
3.1.8. səlahiyyətlərinə aid olan məsələlər üzrə nəzarətin həyata keçirilməsinin
forma və metodlarını müəyyən etmək və onları təkmilləşdirmək, daxili nəzarət
proqramlarını tərtib etmək, Nazirliyin strukturlarında aparılacaq daxili audit və monitorinq
planlarını hazırlamaq;
3.1.9. Nazirliyin strukturları və əməkdaşları tərəfindən xidməti vəzifələrin və
funksiyaların icrası zamanı vətəndaşların, fiziki və hüquqi şəxslərin hüquq və qanuni
mənafelərinin pozulması hallarının qarşısının alınması ilə bağlı qabaqlayıcı tədbirlərə
dair fəaliyyət istiqamətləri üzrə müvafiq təkliflər vermək, vətəndaşların, fiziki və hüquqi
şəxslərin hüquqlarının pozulduğu hallarda qanunvericiliyə uyğun tədbirlər görmək,
onların hüquq və qanuni mənafelərinin gözlənilməsinə nəzarəti həyata keçirmək;
3.1.10. Ölkə Prezidentinin fərman, sərəncam və digər tapşırıqları, o cümlədən
milli layihələr və strategiyalar, dövlət proqramları, inkişaf konsepsiyaları, tədbirlər və
fəaliyyət planları, eləcə də strateji yol xəritələri üzrə nəzərdə tutulmuş aidiyyəti
tədbirlərin tam, vaxtında və mahiyyəti üzrə icra edilməsinə nəzarəti həyata keçirmək;
3.1.11. Ölkə Prezidentinin fərman, sərəncam və digərtapşırıqları, o cümlədən
milli layihələr və strategiyalar, dövlət proqramları, inkişaf konsepsiyaları, tədbirlər və
fəaliyyət planları, eləcə də strateji yol xəritələri üzrə nəzərdə tutulmuş aidiyyəti
tədbirlərin icrası zamanı yaranan problemlərin təhlil edilməsini və vaxtında aradan
qaldırılmasına dair təkliflərin verilməsini, icra intizamında risklərin qiymətləndirilməsi və
preventiv inzibati tədbirlərin görülməsini təmin etmək;
3.1.12. strateji yol xəritələrinin icra vəziyyəti və nəticələrinin qiymətləndirilməsi
üzrə aidiyyəti dövlət orqanları və koordinasiya qurumu ilə mərkəzləşdirilmiş və əlaqəli
əməkdaşlığın təşkilini həyata keçirmək;
3.1.13. Daxili nəzarət tədbirlərinin nəticələri üzrə cinayət tərkibinin əlamətləri
olan əməllər müəyyən edildiyi halda cinayət təqibinin həyata keçirilməsi üçün iş üzrə
materialların hüquq mühafizə orqanlarına aidiyyəti üzrə göndərilməsi barədə Nazirliyin
rəhbərliyi qarşısında məsələ qaldırmaq;
3.1.14. Daxili nəzarət tədbirlərinin nəticələri üzrə maliyyə pozuntuları və
çatışmazlıqlar müəyyən etdikdə aşkar olunan çatışmazlıqların, maliyyə pozuntularının
və sair halların davam etməsinin qarşısının alınması, vurulmuş maddi ziyanın
ödənilməsi və belə halların aradan qaldırılması üçün Nazirliyin rəhbərliyinə müvafiq
təkliflər vermək;
3.1.15. Daxili nəzarət sisteminin yaradılması və tətbiqinə, daxili nəzarətin və
risklərin idarə edilməsi sisteminin təkmilləşdirilməsinə dair Nazirliyin rəhbərliyinə
müvafiq təkliflər vermək;
3.1.16. Nazirliyin strukturlarının əməkdaşları tərəfindən korrupsiya
hüquqpozmalarına və korrupsiyaya şərait yaradan hüquqpozmalara yol verilməsinin
qarşısının alınması üçün zəruri preventiv tədbirlər görmək;
4
3.1.17. Korrupsiya ilə əlaqədar hüquqpozmalara dair daxil olmuş məlumatlar
əsasında Nazirliyin strukturlarında daxili nəzarət tədbirləri həyata keçirmək və nəticələri
barədə Nazirliyin rəhbərliyinə təkliflər vermək;
3.1.18. Fəaliyyət istiqamətlərinə uyğun olaraq xarici dövlətlərin qabaqcıl
təcrübəsini öyrənmək və yeniliklərin tətbiqi məqsədilə Nazirliyin rəhbərliyinə təkliflər
vermək;
3.1.19. Yeni iş proseslərinin, təşkilati-inzibati məsələlər üzrə həyata keçirilən
mütərəqqi modellərin və iş təcrübəsinin tətbiqi ilə əlaqədar Nazirliyin strukturlarına əməli
və metodiki köməklik göstərmək;
3.1.20. Daxili nəzarət tədbirlərinin nəticələri əsasında Nazirliyin strukturlarının
fəaliyyətinin təkmilləşdirilməsi və səmərəliliyinin artırılması, mütərəqqi və müasir iş
proseslərinin tətbiqi üzrə Nazirliyin rəhbərliyinə təkliflər vermək;
3.1.21. Nazirliyin strukturları üzrə inzibatçılığın və təşkilati-idarəetmə işlərinin
təkmilləşdirilməsi istiqamətində araşdırmalar aparmaq və nəticələri üzrə Nazirliyin
rəhbərliyinə təkliflər vermək;
3.1.22. Vətəndaşların, fiziki və hüquqi şəxslərin hüquqlarının müdafiəsinin daha
da möhkəmləndirilməsi və inkişafı istiqamətində fəaliyyət istiqamətləri üzrə
qanunvericiliyə uyğun tədbirlər görmək;
3.1.23. Daxili nəzarət tədbirlərinin nəticələrini ümumiləşdirərək, Nazirliyin
rəhbərliyinə müvafiq təkliflər vermək;
3.1.24. Nazirliyin fəaliyyət istiqamətləri üzrə qanunvericilik aktlarının, təşkilati-
sərəncamverici sənədlərin layihələrini hazırlamaq və ya hazırlanmasında iştirak etmək;
3.1.25. İş proseslərinin qanunvericiliyin tələblərinə uyğun aparılmasına öncədən,
cari və sonradan nəzarətin təmin olunması məqsədilə Nazirliyin strukturlarına əməli-
metodiki köməklik göstərmək;
3.1.26. Fəaliyyət istiqamətləri üzrə Nazirliyin inkişaf konsepsiyasının (strateji
planının) həyata keçirilməsini təmin etmək;
3.1.27. Qanunvericiliyə uyğun olaraq, konfidensiallıq əsasında şöbənin
fəaliyyətinə köməklik edən şəxslərlə əməkdaşlığın məxfiliyini və anonimliyini təmin
etmək;
3.1.28. Şöbənin əməkdaşları tərəfindən fəaliyyət prosesində qanunvericiliyə
uyğun olaraq xidməti məlumatların, dövlət və kommersiya sirrinin qorunmasını təmin
etmək;
3.1.29. Şöbədə kargüzarlıq işlərinin aparılmasını və məxfilik rejimini təmin
etmək;
3.1.30. Nazir tərəfindən verilən tapşırıqların icrasını təmin etmək.
3.1.31. Fəaliyyət istiqamətlərinə uyğun olaraq qanunvericiliklə nəzərdə tutulmuş
digər vəzifələri yerinə yetirmək;
IV. Şöbənin hüquqları
5
4.1. Şöbə öz vəzifələrini yerinə yetirmək üçün aşağıdakı hüquqlara malikdir:
4.1.1. Nazirliyin strukturlarında daxili nəzarət tədbirləri, o cümlədən daxili audit
yoxlamaları, xidməti araşdırmalar, monitorinqlər və müşahidə-baxış tədbirləri həyata
keçirmək, zərurət yarandığı hallarda daxili nəzarətin məqsədləri üçün Nazirliyin
strukturlarının funksional vəzifələrinə aid olan nəzarət və monitorinq tədbirlərinin həyata
keçirilməsi barədə məsələ qaldırmaq;
4.1.2. Nazirliyin strukturlarının əməkdaşlarının korrupsiya ilə bağlı
hüquqpozmalara yol vermə hallarına dair daxil olmuş materiallar üzrə xidməti
araşdırmalar və yoxlamalar aparmaq, daxili nəzarət tədbirləri nəticəsində aşkar edilmiş
hüquqpozmalar və onlara aidiyyəti olan şəxslər barədə sənədləri, hesabatları və
məlumatları Nazirliyin strukturlarından götürmək, yaranmış xidməti zərurətlə əlaqədar
maneəsiz olaraq Nazirliyin strukturlarının yerləşdiyi inzibati və xidməti binalara, iş
yerlərinə daxil olmaq və nəzarət tədbirləri həyata keçirmək;
4.1.3. Bu Əsasnamə ilə müəyyən edilmiş vəzifələrin yerinə yetirilməsi məqsədilə
Nazirliyin strukturlarının əməkdaşlarını, sahibkarları, onların nümayəndələrini və
vətəndaşları şöbəyə dəvət etmək, onlardan icraatda olan iş üzrə lazımi məlumat, arayış
və izahatlar almaq;
4.1.4. Nazirliyin strukturlarının fəaliyyət sahələri və istiqamətləri üzrə müstəqil
şəkildə təhlillər və araşdırmalar aparmaq, analitik materiallar hazırlamaq, müvafiq
təkliflər vermək;
4.1.5. Bu Əsasnamə ilə müəyyən edilmiş vəzifələrin yerinə yetirilməsi ilə
əlaqədar Nazirliyin strukturlarından şifahi və yazılı qaydada şöbənin müəyyən etdiyi
formada, müddətlərdə və dövrlər üzrə arayış, məlumat, hesabat və izahatlar (o
cümlədən, "Vəzifəli şəxslər tərəfindən maliyyə xarakterli məlumatların təqdim edilməsi
Qaydaları”nın təsdiq edilməsi haqqında Azərbaycan Respublikası Qanununa əsasən
Nazirliyin əməkdaşlarının nazir tərəfindən müəyyən olunan müvafiq quruma təqdim
etdikləri maliyyə xarakterli məlumatlar haqqında sənədləri) almaq, habelə Nazirlikdə
tətbiq olunan bütün elektron informasiya resurslarına daxil olmaq;
4.1.6. Daxili nəzarət tədbirlərinin xüsusiyyətləri nəzərə alınmaqla və zərurət
yarandıqda daxili nəzarət qruplarının tərkibinə daxil edilmək üçün Nazirliyin
strukturlarından, kənar təşkilatlardan mütəxəssislərin və ekspertlərin cəlb olunması
üçün Nazirliyin rəhbərliyi qarşısında məsələ qaldırmaq;
4.1.7. Daxili nəzarət tədbirləri zamanı vətəndaşların, fiziki və hüquqi şəxslərin
təşəbbüsü ilə onların mülkiyyətində və istifadəsində olan binalara, obyektlərə, tikililərə,
qurğulara və torpaq sahələrinə (yaşayış sahələri istisna olmaqla) daxil olmaq;
4.1.8. Öz vəzifələrinin icrası ilə bağlı zərurət yarandıqda Nazirliyin strukturlarının
əməkdaşlarından xidməti vəsiqələrini təqdim etmələrini tələb etmək;
4.1.9. Zərurət yarandığı hallarda daxili nəzarət tədbirləri ilə əhatə olunmuş dövr
üzrə təkrar tədbirlər həyata keçirmək;
4.1.10. Daxili nəzarət tədbirlərinin nəticələrinə əsasən Nazirliyin mənafeyini
qorumaq, baş verə biləcək qanun pozuntusunun qarşısını almaq, icra və əmək
intizamını təmin etmək məqsədilə Nazirliyin strukturlarının əməkdaşlarının işdən
müvəqqəti kənarlaşdırılması barədə rəhbərliyə təkliflər vermək;
4.1.11. Nazirliyin strukturlarının əməkdaşları tərəfindən qanunvericilik aktlarının,
təşkilati-sərəncamverici sənədlərin tələblərinin pozulmasını doğuran səbəb və şəraitin
6
aradan qaldırılmasına dair təkliflər vermək və zərurət yarandığı hallarda əməli köməklik
göstərmək, eləcə də əməkdaşların müvafiq məsuliyyətə cəlb olunması məsələsinə
baxılması barədə təqdimatlar vermək;
4.1.12. Xidməti zərurətlə əlaqədar Nazirliyin strukturlarına, dövlət, qeyri-dövlət və
yerli özünüidarəetmə orqanlarına, fiziki və hüquqi şəxslərə zəruri məlumatlar (sənədlər)
barədə müvafiq qaydada sorğu vermək və onlardan belə məlumatları (sənədləri) almaq;
4.1.13. Qanunvericiliyə uyğun olaraq, konfidensiallıq əsasında şöbənin
fəaliyyətinə kömək etməyə razılıq verən şəxslərlə əməkdaşlıq etmək;
4.1.14. Nazirliyin strukturları tərəfindən qanunvericilik aktlarının, təşkilati-
sərəncamverici sənədlərin layihələrinin hazırlanmasında iştirak etmək, onlara dair rəy
və təkliflər vermək;
4.1.15. Əhalinin sosial müdafiəsi və sosial təminat siyasətinin və inzibatçılığın
həyata keçirilməsinin təkmilləşdirilməsi sahəsində təkliflər vermək;
4.1.16. Fəaliyyət istiqamətlərinə uyğun xarici dövlətlərin təcrübəsini öyrənmək və
bu sahədə fəaliyyətin təkmilləşdirilməsi istiqamətində təkliflər vermək;
4.1.17. Nazirlikdə və digər dövlət qurumlarında yaradılmış komissiyalarda, işçi
qruplarında, fəaliyyətinə aid məsələlər üzrə keçirilən müxtəlif səviyyəli yerli və
beynəlxalq tədbirlərdə Nazirliyi təmsil etmək, onların işində iştirak etmək, müvafiq
sahədə mütəxəssislərin hazırlanması və ixtisasının artırılması üçün təkliflər vermək;
4.1.18. Fəaliyyət istiqamətlərinə uyğun olaraq qanunvericiliklə nəzərdə tutulmuş
digər hüquqları həyata keçirmək.
V. Şöbənin fəaliyyətinin təşkili
5.1. Şöbənin strukturu və əməkdaşlarının sayı nazir tərəfindən müəyyən və təsdiq
edilir. Şöbə bilavasitə Nazirə tabedir və onun qarşısında hesabat verir.
5.2. Şöbənin strukturuna Təftiş, monitorinq və təhlil sektoru, Funksional
vəzifələrin icrasına nəzarət sektoru, İcra və əmək intizamına nəzarət sektoru daxildir.
5.3. Şöbənin fəaliyyətinə nazir tərəfindən vəzifəyə təyin və vəzifədən azad
edilən şəxs (şöbə müdiri) rəhbərlik edir. Şöbə müdiri şöbəyə həvalə olunmuş vəzifələrin
yerinə yetirilməsi və hüquqların həyata keçirilməsi üçün şəxsən məsuliyyət daşıyır.
5.4. Şöbə müdirinin nazir tərəfindən vəzifəyə təyin və vəzifədən azad edilən
müavini vardır.
5.5. Şöbənin digər əməkdaşları nazir tərəfindən vəzifəyə təyin və vəzifədən
azad edilir.
5.6. Şöbə müdiri:
5.6.1. şöbənin fəaliyyətini təşkil edir və ona rəhbərlik edir;
5.6.2. tabeliyində olan sektorlar və əməkdaşlar arasında iş bölgüsü aparır,
onların fəaliyyətini əlaqələndirir, əmək, icra və xidmət intizamına riayət etmələrinə
nəzarət edir;
5.6.3. şöbəyə həvalə edilmiş vəzifələrin icrasını təmin etmək məqsədilə tərtib
edilmiş iş planını və digər bu kimi sənədləri imzalayır, habelə iş planında nəzərdə
tutulmuş tədbirlərin vaxtında və keyfiyyətlə icra edilməsinə nəzarət edir;
7
5.6.4. şöbə üzrə Nazirliyin Kollegiyasında müzakirə edilməli məsələləri müəyyən
edir və bu barədə təkliflərini Nazirliyin rəhbərliyinə təqdim edir, şöbə tərəfindən bu
Əsasnamənin 1.2.-ci bəndində göstərilən hüquqi aktların və Kollegiya qərarlarının
vaxtında və lazımi səviyyədə icrasını təmin edir;
5.6.5. şöbənin əməkdaşları barəsində həvəsləndirmə və intizam tənbehi
tədbirləri görülməsi üçün Nazirliyin rəhbərliyinə təqdimatlar verir;
5.6.6. şöbənin vəzifələrini yerinə yetirmək üçün səlahiyyətləri daxilində Nazirliyin
digər strukturlarından zəruri məlumat və sənədləri alır;
5.6.7. şöbə üzrə daxil olan məktub, ərizə, şikayət və təkliflərə qanunvericilikdə
nəzərdə tutulmuş qaydada baxılmasını təşkil edir;
5.6.8. şöbədə kargüzarlıq işlərinin aparılmasını və məxfilik rejimini təmin edir;
5.6.9. Şöbənin inzibati vəzifə tutan dövlət qulluqçularının fəaliyyətinin
qiymətləndirilməsini həyata keçirir;
5.6.10. Şöbənin fəaliyyəti barədə Nazirə hesabat verir;
5.6.11. Şöbənin əməkdaşlarının ixtisasının artırılması və əmək şəraitinin
yaxşılaşdırılması üçün müvafiq tədbirləri həyata keçirir;
5.6.12. Nazirin tapşırığı ilə tədbirlərdə Nazirliyi təmsil edir.
5.7. Şöbə müdirinin müavini şöbə müdiri tərəfindən ona həvalə edilmiş
vəzifələrin yerinə yetirilməsi və hüquqların həyata keçirilməsi üçün şəxsən məsuliyyət
daşıyır.
5.8. Şöbə müdiri olmadıqda onun səlahiyyətlərini müəyyən edilmiş qaydada
şöbə müdirinin müavini həyata keçirir.
5.9. Şöbənin əməkdaşları onlara tapşırılmış işlərin vaxtında və keyfiyyətlə yerinə
yetirilməsinə və bu Əsasnamənin tələblərinin pozulmasına görə Azərbaycan
Respublikasının qanunvericiliyi ilə nəzərdə tutulmuş qaydada məsuliyyət daşıyırlar.
VI. Şöbənin strukturuna daxil olan sektorların vəzifələri
6.1. Təftiş, monitorinq və təhlil sektorunun vəzifələri aşağıdakılardır:
6.1.1. daxili nəzarət məqsədləri üçün Nazirliyin strukturlarında daxili audit
yoxlamaları və monitorinqlə əhatə edilməli olan fəaliyyət sahələrini müəyyən etmək,
daxili auditin və monitorinqin keçirilmə metodikasını və prosedurunu hazırlamaq;
6.1.2. daxili audit yoxlamalarının (və ya monitorinqlərin) vaxtında həyata
keçirilməsinin təşkilini təmin etmək;
6.1.3. şöbənin əməkdaşlarının peşə hazırlığının təkmilləşdirilməsi və
ixtisaslarının artırılması istiqamətində Nazirliyin təmsil olunduğu təlim və tədris
kurslarında iştirak edəcək əməkdaşlar barədə şöbənin rəhbərliyinə təkliflər vermək;
6.1.4. "Dövlət qulluğu haqqında” Azərbaycan Respublikası Qanununun dövlət
qulluqçusunun əsas vəzifələri və dövlət qulluğu ilə əlaqədar məhdudiyyətlərə dair
8
müddəalarının tələblərinin pozulması halları üzrə xidməti yoxlamalar və araşdırmalar
aparmaq;
6.1.5. Nazirliyin strukturlarında çalışan əməkdaşlar barədə, o cümlədən daxili
nəzarət tədbirlərinin nəticələri üzrə dövlət qulluğu, əmək və digər qanunvericilik
aktlarının və bu Əsasnamənin müddəalarının pozulması ilə əlaqədar xidməti
araşdırmalar aparmaq;
6.1.6. şöbənin sektorlarının və əməkdaşlarının fəaliyyətində işlərin koordinasiyalı
təşkilinə nəzarət etmək, şöbə müdiri tərəfindən vətəndaşların qəbulu ilə əlaqədar
müvafiq təşkilati işlərin görülməsini təmin etmək;
6.1.7. Nazirliyin strukturlarının əməkdaşları tərəfindən yol verilmiş hüquq
pozuntularını ümumiləşdirmək, təhlil etmək, onların fəaliyyətində olan qanun
pozuntularının profilaktikasını təmin etmək və nöqsanların baş vermə səbəb və
şəraitinin aradan qaldırılması ilə bağlı preventiv tədbirlərə dair təkliflər vermək;
6.1.8. Nazirliyin strukturlarının əməkdaşlarının korrupsiya ilə əlaqədar
hüquqpozmalarını, onların xidməti, əmək, icra intizamını və qanunvericilik aktlarının,
təşkilati-sərəncamverici sənədlərin tələblərini pozması, Nazirlikdə dövlət qulluğu ilə bir
araya sığmayan fəaliyyətlə məşğul olması hallarını araşdırmaq, cinayət tərkibinin
əlamətləri müəyyən edildiyi halda cinayət təqibinin həyata keçirilməsi üçün materialların
aidiyyəti üzrə göndərilməsi barədə məsələ qaldırmaq, korrupsiya ilə əlaqədar
hüquqpozmalara yol vermiş əməkdaşlar barəsində qanunvericiliyə uyğun tədbirlərin
görülməsini təmin etmək;
6.1.9. daxili nəzarət tədbirlərinin nəticələri əsasında Nazirliyin strukturlarının
fəaliyyətinin təkmilləşdirilməsi və səmərəliliyinin artırılması, mütərəqqi və müasir iş
proseslərinin tətbiqi üzrə təkliflər vermək;
6.1.10. Nazirliyin strukturlarında aparılacaq daxili audit yoxlamalarının və
monitorinqlərin planlarını tərtib etmək;
6.1.11. şöbə tərəfindən həyata keçirilən daxili nəzarət tədbirləri nəticəsində
Nazirliyin strukturlarının fəaliyyətində, habelə əməkdaşlarının vəzifələrinin icrasında
aşkar olunmuş nöqsan və pozuntuları xarakterinə görə təsnifləşdirmək, nəticəsi üzrə
müvafiq tədbirlərin görülməsi üçün şöbənin rəhbərliyinə təkliflər vermək;
6.1.12. Nazirliyin strukturlarının fəaliyyətində yol verilə biləcək nöqsan və
çatışmazlıqların vaxtında müəyyənləşdirilməsi üçün elektron və kağız informasiya
daşıyıcıları əsasında fəaliyyət göstəricilərinin ilkin təhlilini aparmaq, təhlilin nəticəsinə
uyğun olaraq aidiyyəti şöbələrlə razılaşdırmaqla daxili audit yoxlaması və monitorinq
planlarının layihəsini hazırlayaraq, baxılmaq üçün şöbənin rəhbərliyinə təqdim etmək;
6.1.13. Nazirliyin strukturlarında daxili nəzarət sisteminin tətbiqinə əməli və
metodiki rəhbərliyi həyata keçirmək;
6.1.14. Nazirlikdə tətbiq olunan daxili nəzarət sisteminin inkişaf etdirilməsi
məqsədilə digər dövlətlərin qabaqcıl təcrübəsinin öyrənilməsinə və bu sahədə
yeniliklərin təbiqinə dair təkliflər vermək;
6.1.15. şöbənin əməkdaşları tərəfindən mövcud qanunvericilik aktlarının,
təşkilati- sərəncamverici sənədlərin öyrənilməsini, bununla əlaqədar müvafiq treninqlərin
keçirilməsini təşkil etmək;
6.1.16. fəaliyyət istiqamətləri üzrə qanunvericilik aktlarının, təşkilati-
sərəncamverici sənədlərin layihələrini hazırlamaq və ya hazırlanmasında iştirak etmək;
9
6.1.17. daxili nəzarət fəaliyyətini təmin etmək üçün elektron informasiya
sistemini yaratmaq;
6.1.18. fəaliyyət istiqamətlərinə uyğun olaraq qanunvericiliklə nəzərdə tutulmuş digər
vəzifələri yerinə yetirmək.
6.2. Funksional vəzifələrin icrasına nəzarət sektorunun vəzifələri
aşağıdakılardır:
6.2.1. nazirin, onun səlahiyyət verdiyi nazir müavininin və şöbə müdirinin
göstərişi ilə və dövlət orqanlarından, Nazirliyin strukturlarından daxil olmuş və ya şöbə
tərəfindən əldə edilmiş (o cümlədən, nəzarət tədbirləri vasitəsilə), kütləvi və elektron
informasiya vasitələrində əks etdirilmiş məlumatlar, vətəndaşların fiziki və hüquqi
şəxslərin müraciətləri, habelə məhkəmə və hüquq mühafizə orqanlarından daxil olmuş
xüsusi qərarlar, təqdimatlar və sair sənədlər əsasında xidməti araşdırmalar aparmaq,
müvafiq fəaliyyət sahələri üzrə daxili audit yoxlamaları və monitorinqlər həyata
keçirmək, nəticələrini müvafiq qaydalara uyğun olaraq Nazirliyin rəhbərliyinə təqdim
etmək;
6.2.2. Nazirliyin strukturlarının əməkdaşlarının korrupsiya ilə bağlı törədilmiş və
ya hazırlanan hüquqpozmaları ilə əlaqədar daxil olmuş müraciətlərlə bağlı öz
səlahiyyətləri daxilində araşdırmalar aparmaq, bununla bağlı aidiyyəti şəxslər barəsində
sənədləri, hesabatları və məlumatları qanunvericiliyə uyğun tələb etmək və götürmək,
zərurət olduqda yerində yoxlamalar və monitorinqlərin aparılması ilə bağlı şöbə
müdirinə təklif vermək;
6.2.3. Şöbəyə daxil olmuş məktub və müraciətlər əsasında Nazirliyin
strukturlarında nöqsana yol vermiş əməkdaşlardan və aidiyyəti şəxslərdən məlumat,
arayış və izahatlar alaraq, yoxlamaların nəticələri barədə materialların Nazirliyin
rəhbərliyinə təqdim edilməsini təşkil və təmin etmək;
6.2.4. Şöbəyə daxil olmuş məktub və müraciətlərin araşdırılması zamanı
qanunvericiliyin tələblərinin pozulması, habelə vətəndaşlara, fiziki və hüquqi şəxslərə
münasibətdə qanunvericiliyin düzgün tətbiq edilməməsi halları aşkar olunduqda müvafiq
tədbirlərin görülməsi və zərurət yarandığı hallarda daxili audit məqsədləri üçün dövlət
nəzarəti tədbirlərinin həyata keçirilməsi barədə məsələ qaldırmaq;
6.2.5. Nazirliyin strukturlarının əməkdaşları tərəfindən xidməti vəzifələrinin icrası
zamanı vətəndaşların, fiziki və hüquqi şəxslərin hüquqlarının və qanuni mənafelərinin
gözlənilməsi üzrə fəaliyyətlərinə nəzarəti həyata keçirmək;
6.2.6. Nazirliyin əməkdaşlarının korrupsiya ilə əlaqədar hüquqpozmaları üzrə
Azərbaycan Respublikası ilə hüquqi yardım göstərilməsi barədə müqaviləsi olan xarici
dövlətlərin rəsmi müraciətləri ilə bağlı araşdırmalar aparmaq;
6.2.7. Öz səlahiyyətləri daxilində daxili nəzarət tədbirləri zamanı aşkar edilmiş
nöqsan və çatışmazlıqların baş vermə səbəblərini və şəraitini müəyyənləşdirmək,
aradan qaldırılması prosedurları barədə şöbənin rəhbərliyinə təkliflər vermək;
10
6.2.8. Öz səlahiyyətləri daxilində daxili nəzarət tədbirləri zamanı Nazirliyin
strukturlarının əməkdaşları tərəfindən törədilən və ya hazırlanan korrupsiya ilə bağlı
hüquqpozmalara yol verilməsi halları aşkar edildikdə, materialların dərhal hüquq
mühafizə orqanlarına aidiyyəti üzrə təqdim olunmasını təmin etmək;
6.2.9. fəaliyyət istiqamətləri üzrə qanunvericilik aktlarının, təşkilati-sərəncamverici
sənədlərin layihələrini hazırlamaq və ya hazırlanmasında iştirak etmək;
6.2.10. Nazirliyin strukturlarında aparılacaq daxili audit yoxlamalarının və
monitorinq planlarının tərtib edilməsində iştirak etmək;
6.2.11. fəaliyyət istiqamətlərinə uyğun olaraq qanunvericiliklə nəzərdə tutulmuş
digər vəzifələri yerinə yetirmək.
6.3. İcra və əmək intizamına nəzarət sektorunun vəzifələri aşağıdakılardır:
6.3.1. Azərbaycan Respublikasının qanunları, Azərbaycan Respublikası
Prezidentinin fərman, sərəncam və digər tapşırıqların, o cümlədən milli layihələr və
strategiyaların, dövlət proqramlarının, inkişaf konsepsiyalarının, tədbirlər və fəaliyyət
planlarının, eləcə də strateji yol xəritələrinin, Nazirlər Kabinetinin qərar və
sərəncamlarının, nazirin və onun müavinlərinin əmr, sərəncam və göstərişlərinin, digər
qanunvericilik aktları və təşkilati-sərəncamverici sənədlərlə verilmiş tapşırıqların, habelə
digər dövlət orqanlarının sorğularının icrasını Nazirliyin strukturlarında yoxlayaraq,
nəticəsi barədə şöbənin rəhbərliyinə arayış təqdim etmək, Nazirliyin strukturlarının
əməkdaşları tərəfindən bu məsələlərin icra olunmasına müntəzəm nəzarətin həyata
keçirilməsi üçün müvafiq tədbirlər görmək;
6.3.2. təşkilati-sərəncamverici sənədlərlə verilmiş tapşırıqların Nazirliyin aidiyyəti
strukturları tərəfindən vaxtında, tam və mahiyyəti üzrə icra olunmasına nəzarət etmək;
6.3.3. Nazirliyə daxil olmuş müraciətlərin rüblük və illik təhlilini aparmaq
(müraciətlərin sayı, icra vəziyyəti, ötən dövrlə müqayisəli təhlili, gecikən icraların
statistikası, gecikmənin artım və azalma səbəbləri və.s) və təhlilin nəticələri barədə
şöbə müdirinə hesabat təqdim etmək;
6.3.4. Nazirliyin strukturlarında əmək, icra və xidmət intizamı qaydalarına əməl
olunması üzrə müşahidə-baxış tədbirləri həyata keçirmək, aşkar edilmiş
kənarlaşmaların baş vermə səbəb və şəraitinin aradan qaldırılmasına, habelə funksional
iş proseslərinə və tətbiq olunan yeniliklərə dair əməli-metodiki köməklik göstərmək;
6.3.5. Nazirliyin strukturlarında əmək və icra intizamına əməl etməyən
əməkdaşlar barəsində intizam tənbeh tədbirlərinin görülməsi barədə şöbə müdiri
qarşısında təkliflə çıxış etmək;
6.3.6. Nazirliyin strukturları üzrə inzibatçılığın və təşkilati-idarəetmə işlərinin
təkmilləşdirilməsi istiqamətində araşdırmalar aparmaq və nəticələri üzrə şöbənin
rəhbərliyinə təkliflər vermək;
6.3.7. şöbənin iş planının, Nazirliyin Kollegiyasında şöbənin təşəbbüsü ilə
11
müzakirə olunmalı məsələlərin, hesabat dövrləri üzrə məruzələrinin layihəsini
hazırlayaraq, baxılmaq üçün şöbənin rəhbərliyinə təqdim etmək;
6.3.8. şöbənin iş planlarında nəzərdə tutulmuş tədbirlərin vaxtında həyata
keçirilməsini təmin etmək və iş planında nəzərdə tutulmuş tədbirlərin icrasının nəticələri
barədə məruzə hazırlayaraq, baxılmaq üçün şöbənin rəhbərliyinə təqdim etmək, iş
planlarında nəzərdə tutulmuş işlərin müəyyən edilmiş müddətlərdə icrasına cari nəzarəti
təşkil etmək;
6.3.9. Proqram və aktlarda Nazirliyin əsas və digər icraçısı olduğu tədbirlər, eləcə
də Nazirliyin əlaqələndiricisi olduğu strateji yol xəritələri üzrə ümumi nəzarəti, metodiki-
inzibati və əməli rəhbərliyi həyata keçirmək;
6.3.10. Proqram və aktlarda Nazirliyinin əsas və digər icraçı olduğu, eləcə də
Nazirliyinin əlaqələndiricisi olduğu strateji yol xəritələrindəki tədbirlərin tam, vaxtında və
mahiyyəti üzrə yerinə yetirilməsinə, tədbirlərin hər biri üzrə fərdi və məsuliyyətli
yanaşmanın tətbiq olunaraq gözlənilən nəticələrin əldə olunması üçün bütün mümkün
tədbirlərin görülməsinə, tədbirlərin icrasında gecikmələrin və icra intizamında yaranan
problemlərin, habelə mümkün risklərin vaxtında müəyyən olunaraq aidiyyəti üzrə
müzakirəyə çıxarılmasına və müvafiq təkliflərin verilməsinə, eləcə də Nazirliyin
əlaqələndiricisi olduğu strateji yol xəritələri üzrə digər dövlət qurumları ilə ümumi
koordinasiya işlərinin həyata keçirilməsinə operativ nəzarəti həyat keçirmək;
6.3.11. Proqram və aktlarda Nazirliyin əsas və digər icraçı olduğu, eləcə də
Nazirliyin əlaqələndiricisi olduğu strateji yol xəritələrindəki tədbirlərin icrası zamanı
yaranan problemlərin təhlil edilməsini və vaxtında aradan qaldırılmasına dair təkliflərin
və müvafiq tövsiyələrin verilməsini, icra intizamında risklərin qiymətləndirilməsi və
preventiv inzibati tədbirlərin görülməsini təmin etmək;
6.3.12. Proqram və aktlarda Nazirliyin əsas və digər icraçı olduğu, eləcə də
Nazirliyin əlaqələndiricisi olduğu starteji yol xəritələrindəki tədbirlərin icrasının
surətləndirilməsi, bu istiqamətdə operativliyin və çevikliyin artırılması və çatışmazlıqların
aradan qaldırılması üçün preventiv tədbirlərin görülməsi məqsədilə aidiyyəti icraçı
struktur bölmələrlə əlaqələndirmə işlərini həyata keçirmək;
6.3.13. Proqram və aktlarda nəzərdə tutulan aidiyyəti tədbirlərin icrası üzrə
səmərəliliyin daha da artırılması, hesabatların tərtibində vahid yanaşmanın, eləcə də bu
sahədə birgə fəaliyyətin təmin edilməsi məqsədilə Proqram və aktların icra vəziyyəti və
nəticələrinin qiymətləndirilməsi üzrə aidiyyəti dövlət orqanları və koordinasiya qurumu
ilə mərkəzləşdirilmiş və əlaqəli əməkdaşlığın təşkilini həyata keçirmək;
6.3.14. Proqram və aktlarda Nazirliyin əsas icraçı olduğu tədbirlər və prioritet
istiqamətlər üzrə yaradılmış işçi qruplarının mütəmadi olaraq rüblük iclaslarının
keçirilməsinə, iclaslarda işçi qruplarının üzvlərinin, eləcə də koordinasiya qurumunun
nümayəndələrinin iştirakının təmin edilməsinə və tələb olunduqda kənar ekspertərin
cəlb olunmasına nəzarəti həyata keçirmək;
6.3.15. Nazirliyin fəaliyyət istiqamətlərinə dair strateji planların, dövlət
proqramlarının, inkişaf konsepsiyalarının, strategiyaların, tədbirlər və iş planlarının
layihələrinə əsas sektorlar üzrə strateji yol xəritələrinin Tədbirlər Planlarında Nazirliyin
əsas və digər icraçı olduğu tədbirlərin daxil edilməsinə nəzarəti həyata keçirmək;
6.3.16. Azərbaycan Respublikası Prezidentinin fərman, sərəncam və digər
göstərişləri ilə verilmiş aidiyyəti tapşırıqların, o cümlədən milli layihələr və
12
strategiyaların, dövlət proqramlarının, inkişaf konsepsiyalarının, tədbirlər və fəaliyyət
planlarının, eləcə də strateji yol xəritələrinin, Nazirlər Kabinetinin qərar və
sərəncamlarının, nazirin və onun müavinlərinin əmr, sərəncam və göstərişlərinin, digər
qanunvericilik aktları və təşkilati-sərəncamverici sənədlərlə verilmiş tapşırıqların
(Proqram və aktlar) icra intizamına onlayn nəzarət olunması və hesabatlılığın təmin
edilməsi məqsədilə məsul şəxslər tərəfindən Nazirliyin əsas və digər icraçı olduğu
tədbirlərin icra vəziyyətinə dair aylıq və rüblük məlumatların Nazirliyin Mərkəzi
İnformasiya Sisteminin Tapşırıqlar Alt Sistemində (bundan sonra - “ TAS”) mütəmadi
olaraq yerləşdirilməsinə operativ nəzarəti həyata keçirmək;
6.3.17. Proqram və aktların icrası ilə bağlı TAS-da yerləşdirilmiş məlumatların
rüblük monitorinqini, təhlilini və qiymətləndirilməsini həyata keçirərək, nəticələrinin
nazirə məruzə olunması, eləcə də həmin məlumatların ümumiləşdirilərək tələb olunan
müddət ərzində aidiyyəti üzrə təqdim edilməsi üçün müvafiq tədbirlərin görülməsini
təmin etmək;
6.3.18. şöbənin iş planının hazırlanmasında iştirak etmək və əsas sektorlar üzrə
strateji yol xəritələrinin icrası ilə bağlı Nazirliyin Kollegiyasında müzakirə olunmalı
məsələləri müəyyən edərək, bu barədə təklifləri baxılmaq üçün şöbənin rəhbərliyinə
təqdim etmək;
6.3.19. Proqram və aktlarda Nazirliyinin əsas və digər icraçı olduğu, eləcə də
Nazirliyin əlaqələndiricisi olduğu Proqram və aktlardakı tədbirlərin icrası zamanı aşkar
edilmiş nöqsan və çatışmazlıqlar barədə icraçı struktur bölmələrin rəhbərlərindən,
əməkdaşlarından və digər şəxslərdən məlumat, arayış və izahatlar almaq və müvafiq
tədbirlərin görülməsi üçün şöbənin rəhbərliyi qarşısında məsələ qaldırmaq;
6.3.20. Proqram və aktlarda aidiyyəti tədbirlərin icrası zamanı aşkar edilmiş
nöqsan və çatışmazlıqların baş vermə səbəblərini və şəraitini müəyyənləşdirmək,
aradan qaldırılması prosedurları barədə şöbənin rəhbərliyinə təkliflər vermək;
6.3.21. fəaliyyət istiqamətləri üzrə qanunvericilik aktlarının, təşkilati-
sərəncamverici sənədlərin layihələrini hazırlamaq və ya hazırlanmasında iştirak etmək;
6.3.22. Nazirliyin strukturlarında əmək, icra və xidmət intizamı qaydalarına əməl
olunması üzrə müşahidə-baxış tədbirləri həyata keçirmək;
6.3.23. fəaliyyət istiqamətlərinə uyğun olaraq qanunvericiliklə nəzərdə tutulmuş
digər vəzifələri yerinə yetirmək.