Bujur - gbkpbatangseranganmedan.or.id

PEKAN DOA GBKP TAHUN 2021

1

Kata Penaruh

Bujur sikataken man Dibatanta si tetap nemani ras naruhken perdalanen

geluh ras gerejanta seh ku bas paksa enda. Enggo lebih sada tahun

pandemic covid 19 lit i tengah-tengah kegeluhenta. Pandemi enda mbaba

erbage perubahen i bas kegeluhenta, subuk i bas jabu, gereja, masyarakat

ras bangsanta. La banci la kita beluh ngaturken kegeluhenta, pendahinta

teptep wari ras pelayanenta i gereja gelah banci si bentasi masa-masa si

bagenda rupa alu mejuah-juah. Janah i bas si e maka tetap kita kerina

erpengendes ras ernalem man baNa.

Enggo ka seh paksana kita erbahan Pra Pekan Doa ras Pekan Doanta

tahun enda. Si ilakoken kita menaken paksa siperingeti Tuhan Jesus

nangkih ku surga seh nusur Kesah Si Badia. I je me mbue waktunta guna

ertoto man Dibata. Tema Umum Pekan Doanta tahun enda eme “Ertoto La

Erngadi-ngadi.” Semangat si ibangun arah Pekan Doa enda maka kerina

kita ngawan ni perpulungen entah uga gia deba kecibal kegeluhenta subuk i

bas keriahen entah i bas kesusahen la pernah kita ngadi erkomunikasi ras

Dibata arah pertoton-pertotonta. Alu sada pengarapen maka tetap kita

kerina megegeh ndalani kegeluhenta bagi si ngena ate Dibata.

Man Runggun Gereja gelah beluh kita ngaturken pelaksanaan Pekan Doa

enda. Banci jadi la seri kerina kecibal kegeluhenta erpalasken situsi covid

19 enda. Adi enggo banci pulung ras-ras maka tetap patuhi protokol

kesehaten bagi anjuren pemerentahta. Adi langa banci entah i bas jabu

kepkepen. Bage pe entah i bas jabu sekalak-sekalak make live streaming

entah arah buku si ibagiken banta. Apai pe asalken alu tutus kita

ndalankenca kerina ngena ate Dibata. Jenari iarapken pe gelah Runggun

Gereja ngaturken perdalanen sermon bahan Pekan enda alu mehuli. La

terjeng kotbahna tapi kerina liturgi pelaksananna. Banci imodifikasi rikutken

kebutuhen i bas perpulungen.


2

Moderaman GBKP la lupa ngataken bujur man PPWG si enggo nikapken

bahan-bahan Pekan-Pekan alu mehuli. Bage pe ras Percetaken Abdi Karya

si enggo ngelitken rusur i bas bentuk buku kerina bahan Pekan-Pekannta.

Dibata masu-masu kerina kegeluhenndu ras isi jabundu.

Kabanjahe, Maret 2021

Selamat Ngikuti Pekan Doa GBKP Tahun 2021”

Rikut Tabi Ras Mejuah- Juah, MODERAMEN GEREJA BATAK KARO PROTESTAN

Plt. Ketua Umum, Sekretaris Umum,

( Pdt. Sarianto Purba, M.Min.) ( Pdt. Rehpelita Ginting, S.Th M.Min )


3

DAFTAR ISI

Kata Penaruh .......................................................................................................................... 1

Daftar Isi ................................................................................................................................... 3

1. Kebaktin Pra Pekan Doa GBKP, Kamis 13 Mei 2021

Tema : Nehken Pasu-Pasu Man Anak (Kej. 49:1-28) .......................................... 4

2. Kebaktin Pra Pekan Doa GBKP, Jumat 14 Mei 2021

Tema : Nghamati Bapa Ras Nande (Kel. 20:12) .................................................. 8

3. Kebaktin Pra Pekan Doa GBKP, Sabtu 15 Mei 2021

Tema : Makeken Kesempaten Guna Ertoto (Mrk. 1:35) ........................................ 10

4. Kebaktin Pekan Doa GBKP Tahun 2021 Wari I Minggu, 16 Mei 2021

Tema : Ertoto Alu Meriah Ukur (Pil. 1:3-8) ............................................................... 13

5. Kebaktin Pekan Doa GBKP Tahun 2021 Wari II Senin, 17 Mei 2021

Tema : Erjaga-jaga Dingen Tutus Ertoto (Ep. 6:18-20) ......................................... 19

6. Kebaktin Pekan Doa GBKP Tahun 2021 Wari III Selasa, 18 Mei 2021

Tema : Ersikaplah Kam (Jos. 1:1-9) .......................................................................... 24

7. Kebaktin Pekan Doa GBKP Tahun 2021 Wari IV Rabu, 19 Mei 2021

Tema : Tetap Ersembah Ras Sikelengen (Perb. 2:43-47) ..................................... 29

8. Kebaktin Pekan Doa GBKP Tahun 2021 Wari V Kamis, 20 Mei 2021

Tema : Ertoto Guna Pentar (1 Raj. 3:1-9) ................................................................ 34

9. Kebaktin Pekan Doa GBKP Tahun 2021 Wari VI Jumat, 21 Mei 2021

Tema : Ulih Pertoton (Jak. 5:13-18) ........................................................................... 39

10. Kebaktin Pekan Doa GBKP Tahun 2021 Wari VII Sabtu, 22 Mei 2021

Tema : Ertoto La Erngadi-Ngadi (Perb. 10:1-4) ....................................................... 45

Tim Sinikapken Kebaktin Pekan Doa GBKP Tahun 2021 ................................................ 51

Lembar Saran .......................................................................................................................... 52

0000oo0oo0000


4

KEBAKTIN PRA PEKAN DOA GBKP ( i Rumah )

WARI/BERNGI I, KAMIS 13 MEI 2021

TEMA UMUM : Ertoto La Erngadi-ngadi (bdk. Perb. 10:1-4)

I. Persikapen Banci arih bapa/nande/anak simabai kebaktin

1. Rende KEE 205:1-2

1. Rehlah min o Tuhan, sikap kami k’rina Ersembah man baNdu jenda Nusurlah min Tuhan, bahan sikap k’rina Ukur kami pe badia O Bapa b’re gelah, daten pasu-pasu kami k’rina enda

2. Tuhan Dibatanta lit bas rumah enda Nembah kita k’rina baNa Alu kehamaten mungkuklah man baNa Kula tendi pe kerina

Aloken kataNa ras pasu-pasuNa, usekenNa banta

2. Ertoto

3. Renungen

Nats : Kejadian 49:1-28

Tema : Nehken Pasu-Pasu Man Anak

Mejuah-juah man banta kerina jabu-jabu sinikelengi Dibata. I bas wari/ berngi si pemena Pra-Pekan Doa enda meriah ukurta banci sipakeken waktuta guna mpebagesi pengertinta kerna toto.

I bas Kejadin 49:1-28 enda nuriken kerna kegeluhen jabu Jakup ija Jakup nehken pedahna erkiteken igejapkenna maka lanai ndekah ia nggeluh. Jakup mpepulung 12 anakna ras mereken pedah si perpudina man anak-anakna.

I bas ayat 3-4 enda kerna anakna sintua e me Ruben, pupusna i bas Lea nari. Ruben selaku anak sintua ngaloken hak pasu-pasu i bas bapana nari. Selaku anak sintua Ruben jadi kemegahen si mbelin i bas kerina anak-anak Jakub.


5

I bas ayat 5-7 enda nuriken kerna Simeon ras Lewi, anak sipeduaken ras

sipeteluken i bas Lea nari. Simeon ras Lewi enda anaknya si berwatak

keras.

I bas ayat 8-12 enda nuriken kerna Juda, anak pe empatken i bas Lea nari.

Ija Juda anak si ngasup memimpin senina-seninana sabab ia ipujiken

seninana. Juda enda anak si ncikep tungkat kinirajan, kesusurenna erkuasa

seh rasa lalap, bangsa-bangsa maba persembahen man bana janah

nembah alu erkemalangen man bana.

I bas ayat 13, nuriken kerna Sebulon, anak pe enemken i bas Lea nari.

Sebulon pagin tading i tepi lawit ingan kapal ngadi-ngadi, janah mbelang

pagin daerahna.

I bas ayat 14-15, nuriken kerna Isakar, anak pe limaken i bas Lea nari.

Isakar pagin jadi kalak upahen si megegeh erdahin si igambarken bagi

kelede.

I bas ayat 16-17, nuriken kerna Dan anak si pemena i bas Bilha nari. Dan

pagin jadi pemimpin bangsana.

I bas ayat 19, nuriken kerna Gat, anak si pemena i bas Zilpa nari. I bas

kegeluhenna pagin Gat enda ndatken kesangapen, ia ngasup ngalaken

kerina perbeben.

I bas ayat 20, nuriken kerna Aser, anak sipeduaken i bas Zilpa nari.

Kegeluhenna pagin pe ngenanami keriahen iandingken alu uli tanehna

pangan si ntabeh.

I bas ayat 21, nuriken kerna Naptali, enda anak si peduaken i bas Bilha nari.

Naptali bagi belkih beru-beru si pulah ertina ialokenna pagin kesusuren si

mejile ras bujur.

I bas ayat 22-26, nuriken kerna Jusup, anak si pemena i bas Rahel nari.

Jusup enda anak sinikelengi Jakup kel. Iberekenna pasu-pasuna man

Jusup. Jusup kalak si megegeh erkiteken tetap ikawali Permakan si Mada

Kuasa. Dibata tetap ncukupi keperlun Jusup.


6

I bas ayat 27, enda nuriken kerna Benyamin, e me anak si peduaken i bas

Rahel nari. Benyamin ndatken keleng ate i bas bapana Jakup erkiteken

Jusup pe lanai idah. Benyamin anak si tutus erdahin. Kai pe sinidahikenna

labo guna dirina jine tapi nggit ka nge ia berbagi.

Bage me Jakup selaku bapa nehken pasu-pasuna man kerina anakna.

Amin gia pe erbage-bage sinisehken Jakup si jadi toto pasu-pasuna man

anak-anakna e nuduhken maka Jakup si tuhuna enggo nehken

tanggungjababna selaku orangtua guna notoken ras mereken pasu-pasu

man kerina anak-anakna.

Tema-nta “Nehken Pasu-Pasu Man Anak”, ertina selaku orangtua kita arus

nehken (memberi) pasu-pasu (toto mehuli/pengharapan) nandangi anak-

anakta. Janah nehken pasu-pasu e jadi salah sada tanggungjabab si arus

isehken, labo terjeng meteh saja perlu idalanken. Genduari orangtua arus

nggejab maka ia me wakil Dibata i bas doni enda lako banci mpekena-kena

kegeluhen anak-anak jabuna. Wakil Dibata ertina “orang kepercayaan

Allah” e maka orangtua e jadi “pendoa” man anak-anakna. Guna si e mehuli

kel kune orangtua (bapa si jadi imam jabu ras nande si jadi tiang doa)

erbahan jadwal rutin guna notoken anak-anakna sada persada rikut ras

nuriken pengarapen kerna anak-anakna e. Jenari reh payona selaku wakil

Dibata orangtua mereken pasu-pasu man anak-anakna tupung anak e

medem (secara psikologi enda tentu lit nge pengaruhna guna

perkembangen anak-anakta). Mari dage man banta kerina orangtua

sisehken totonta, sabab Dibata ngenca si ngasup mereken jawaban

pengarapenta, bagi Jakup si tangkas tuhu nuriken nubuat kerna kegeluhen

anak-anakna sada persada.

3. Rende “Di Doa Ibuku (bapakku)” (dinyanyikan dua kali pertama dengan

kata ibuku kedua dengan kata bapakku)

Di waktu ku masih kecil, gembira dan senang

Tiada duka ku kenal, tak kunjung mengerang

Di sore hari nan sepi, ibuku (bapakku) bertelut

Sujud berdoa ku dengar namaku disebut.

Di doa ibuku (bapakku) namaku disebut

Di doa ibu (bapak) kudengar ada namaku disebut


7

Seringlah kini ku kenang, di masa yang berat

Di kala hidup mendesak dan nyaris ku sesat

Melintas gambar ibuku (bapakku), sewaktu bertelut

Kembali sayup kudengar, namaku disebut

Di doa ibuku (bapakku), namaku disebut

Di doa ibu (bapak) kudengar ada namaku disebut 2x

4. Ertoto Sapaat ras Pertoton Tuhan.

Siturah i bas jabu

Gereja, bangsa ras negara Indonesia

Pdt. Oktoria Br. Surbakti, M.Th.


8


WARI/BERNGI II, JUMAT 14 MEI 2021

1. Rende : KEE 457:1) iendeken 3x (ibabai anak)

Bagi keleng ate orang tua, nandangi kita anak-anakna

Bage me keleng ate Tuhanta, nandangi kita buah ateNa

Malem tuhu ban keleng ateNa

2. Ertoto (ibabai Bapa)

3. Rende : KEE 406:1-3 (ibabai nande)

O Bapa ngeranalah Kam, kami enggo sikap k’rina

Megiken kataNdu Tuhan, ngeranalah Bapa

O Bapa Kusekenlah min sura, pedah ras ajarNdu

Man kami anakNdu Tuhan, ngeranalah Bapa

O Bapa, erkuasalah i bas pusuh kami k’rina

Gelahna ngasup ngaloken sura-sura Tuhan

4. Renungen : Keluaren 20:12 (iogeken anak)

Tema : Nghamati Bapa Ras Nande Kenca Dibata mulahi bangsa Israel i perbudaken Mesir nari, iberekenNa sepuluh pedah-pedah si jadi orat nggeluh si mbaru man bangsaNa. Pedah enda lenga iberekenNa tupung bangsa Israel tading i Mesir tapi kenca ia pulah i Mesir nari. Ngatakenca, pedah e ibereken kenca bangsa Israel ngaloken pemere Dibata si mbelin e me keselamaten i bas perbudaken nari. Bangsa e enggo ngidah ras nggejapken kuasa Dibata i bas kegeluhenna. I teruh deleng Sinai iajari me banga enda nggeluh rikutken sura-sura Tuhan, si enggo maba ras nelamatken geluhna. Arah e banci si idah maka sepuluh pedah Dibata e idalanken labo gelah selamat tapi erkiteken enggo iselamatken Dibata. Emaka ikataken orat nggeluh kalak si enggo iselamatken. Bage me pe pedah e seh man banta kalak Kristen, erkiteken kita enggo ngaloken perkuah ate Tuhan Jesus


9

Kristus, kita enggo itebus ras ngaloken keterkelinen, sepuluh pedah Dibata e jadi orat geluhta si teptep wari.

Salah sada pedah Dibata e me mehamat man nande bapa. Mehamat ertina, hormat, patuh, taat, ras encidahken kekelengen. Kai si iajarken bapa nande e rehna i bas Dibata nari. Bapa nande e me wakil Dibata i bas doni enda si mpekena-kena, mpebelin-belin ras ngajari anak-anakna ku si mehuli. Orang tua e me tan Dibata guna engkelengi anak-anakna. E me si jadi kite-kite engkai anak-anak perlu mehamat man bapa nandena. I bas encibalken kehamaten e si la banci lang arus lit i je e me ertoto guna bapa nande. Ertoto e e me dalanta ngerana-ngerana ras Tuhan dingen megiken sura-suraNa guna idalanken bas kegeluhen si teptep wari. Arah ertoto si dat pemeteh ras gegeh ngelakoken si mehuli man bapa nande. Si gejap tuhu maka kita la ngasup erbalas nandangi kekelengen si enggo isehkenna man banta. E me dalanna kita ertoto mindo Tuhan masu-masu bapa nade subuk arah kesehaten, gegeh, pemeteh, rejeki bage pe kinitekenna. I bas kita notoken bapa nande, kita enggo nehken sura-sura Tuhan. Budayakenlah ertoto e i bas kegeluhen jabunta.

5. Rende KEE 469)3x Tuhan ku begi katandu, Tuhan ku aloken kataNdu Haleluya, haleluya, Tuhan ku pake kataNdu

6. Pertoton sapaat berantai bapa, nande ras anak-anak kerina sijemaken tan ras pegancihen maba pertoton - Kerina anak alu pegancihen notoken bapa nande i bas jabu bage

pe senina bapa ras senina nande - Bapa ras nande notoken orangtuana (nini bulang anak jabu) bage

pe orang tua si tading denga (sembuyak bapa entah sembuyak nande)

- kenca nggo dung ertoto nina bapa, mari si dungi pertotonta alu ngendeken : Tuhan begiken totoku enda) KEE 476)3x

Tuhan begiken totoku enda, bengketi pusuhku Tuhan begiken totoku enda, begiken min Tuhan

7. Pertoton Tuhan.

Pdt. Nurbety br Ginting, M.Th.


10


WARI/BERNGI III, SABTU 15 MEI 2021 1. Rende KEE GBKP No. 187:2,3 (ibabai anak)

Adi dua telu kalak gia, tutus pulung i bas gelarNa

Reh me IA ku tengah-tengahna, sabab e nggo ipadankenNa

O Tuhan ku pindo Kamlah saja, nemani geluhku tiap jam

Amin ‘tah kentisik saja gia, la ateku erleka ras Kam

Tiap wari Tuhan kap ras aku, pemereNa nge geluhku e

IangkatNa adi guling aku, talukenNa iblis jahat e

Malem kel ateku temaniNa, keleng ate dem kap bas IA

Tah ndekah tah kentisik pe gia, la ateku sirang ras IA

2. Ertoto (ibabai anak)

3. Renungen (isehken bapa/nande)

Teks : Markus 1:35

Tema : Makeken Kesempaten Guna Ertoto

Tuhan Jesus e me tuhu-tuhu Dibata ras manusia. Selaku Dibata, IA kuh i bas gegeh ras kepentaren. E maka ngasup IA ngelakoken kai pe. Tapi selaku manusia, gegehNa lit sibarna. E maka tetap IA ersada i bas toto ras bapaNa si ni surga. E maka i bas kesibukenNa nehken pelayanen ras pengajaren, tetap ipakekenNa kesempaten guna ertoto. KesibukenNa nehken pelayanen ras pengajaren la pernah ngambati IA ertoto. I bas ertoto IA ercakap-cakap ras Bapa si ni surga. I bas ercakap-cakap e me IA nuriken kerna kecibalNa bage pe IA ngaloken gegeh gelah banci tetap megegeh ndahiken dahin pelayanen ras pengajaren.

I bas teks renungenta, ituriken maka lampas erpagi-pagi ope denga terang wari keke Jesus lawes ku ingan si melenget. I je ertoto IA. Lampas erpagi-pagi e me waktu si ipakeken Jesus guna ertoto. Tujunna e me gelah kalak si deban lenga medak e maka banci IA ertoto. Lit kesempatenNa ertoto sabab gedang-gedang wari jelma si enterem ngikut-ngikut IA. IA ertoto i bas ingan si melenget. Ingan e ipilih Jesus gelah banci fokus ertoto. La iganggu jelma si enterem si tuhu-tuhu ertedeh ate megiken pengajaren Tuhan Jesus. Alu bage pemilihen waktu ras ingan si ilakoken Tuhan Jesus tuhu-tuhu tepat. Emaka ertoto IA ngerana ras Bapa si ni surga.


11

Perban lampasna Tuhan Jesus ertoto, ajar-ajarNa jine pe la metehsa. Emaka idaramina IA. Kenca jumpa, ibelasken ajar-ajar man Jesus maka kerina kalak ndarami IA. Perkatan ajar-ajar encidahken maka jelma si enterem enggo ndahi Jesus ku inganNa tading i Kapernaum erkiteken kerincuhenna megiken pengajaren Tuhan Jesus dingen lit pengarapenna maka Tuhan Jesus erbahan tanda sengget mpepalem kalak si pinakiten ras si debanna. Tapi Tuhan Jesus erbelas maka IA ras ajar-ajarNa arus berkat ku Galilea nerusken pengajaren. Tentu tujun Tuhan Jesus e me gelah reh belangna daerah ras reh teremna jelma banci megiken pengajarenNa dingen ngenanami pelayanenNa.

Arah kai siilakoken Tuhan Jesus, teridah maka ertoto e me pengerakut kiniersadanNa ras Bapa si ni surga. Hubungen si mehuli tetap lit i bas toto. Tentu bage ka me si jadi i bas kegeluhenta selaku anak-anak Dibata. Hubungenta ras Tuhan Dibata irakut i bas toto. I bas toto kita ngerana man Dibata dingen Dibata ngerana man banta. Kita nuriken pingko-pingkonta dingen Dibata nuriken sura-suraNa. Alu bage kegeluhen pertendinta tetap mehuli dingen kita nggeluh i bas si ngena ate Dibata. Tuhu-tuhu kita megegeh ndalani kegeluhenta i bas mpermuliaken Tuhan Dibata.

I bas kegeluhen jabu, toto e me si mpersadaken jabuta ras Dibata. Jabu perlu ersada ras Dibata gelah kiniersadan isi jabu banci tetap mehuli sabab kerina isi jabu ersada ras Dibata. E maka ersada arih dingen siangkan i bas ndalani kegeluhen si teptep wari. Erdandanken si e kenca i bas wari pemena Pra Pekan Doa iajuk orang tua notoken anak dingen i bas wari peduaken anak notoken orang tua, i bas wari peteluken enda iajuk maka seisi jabu makeken kesempaten guna ertoto. Ertina lit kesempaten se isi jabu ersada i bas toto. Kesempaten enda me perlu iarihken katawari ilakoken. Banci erpagi-pagi ntah berngi. Labo muat dekahna. Si perlu e me tetap (konsisten) ilakoken. Di kune 5-10 menit saja teptep wari enggo seh kel ulina. Pegancih-gancih bapa, nande ras anak-anak maba pertoton dingen banci pe ilakoken toto berantai. Di kune isi jabu pedauh erkiteken pendahin bage pe sekolah ntah kuliah, maka ertoto banci ilakoken arah Video Call makeken teknologi si lit genduari. Tek kita adi ertoto enda konsisten silakoken jadi me kiniersadan si paguh dingen pertumbuhen kiniteken si mehuli se isi jabu. Emaka tutus ndahiken dahin, sekolah ras kuliah bage pe kerina aktifitas kegeluhen si teptep wari. Kerna topik pertoton i bas jabu banci iaturken rikutken situasi jabu umpamana pendahin, sekolah, kuliah, kegeluhen kiniteken, keriahen bage pe perbeben si lit i bas jabu. Perlu pe itotoken kerna biak-biak se isi jabu si


12

kurang mehuli gelah berubah jadi mehuli i bas penampat Tuhan Dibata. Alu bage jabunta tuhu-tuhu jadi jabu si sempabu. Tentu malem kel ateta. Bage pe perlu sitotoken perpulungenta, sangkep geluhta ras bangsanta. Pengarapenta Tuhan Dibata si nampati gelah radu sikap kita kerina sabab sikapna kerinana e nambahi ketenengen geluh ras kemalemen ateta.

Mari dage si umban Tuhan Jesus i bas makeken kesempaten guna ertoto. Kentisik pe kesempaten ipakekenNa guna nambahi gegehNa nehken pengajaren ras pelayanen. Waktu si kentisik pe si pakeken guna nambahi gegehta ndalani geluhta dingen mpeturah kemalemen ateta. Kerina kita jadi pelaku (subjek) toto. Emaka mehuli persadanta ras Dibata, se isi jabunta bage pe ras jelma si enterem. Amin. 4. Ertoto (ibabai nande/bapa)

5. Rende KEE GBKP No. 202:1,3 (ibabai anak)

Ernalem gelah man Yesus, kula ukur tendingku

Endesken geluhndu baNa, keleng ateNa bandu

Reff : Ernalem gelah, tutus min gelah

O Yesusku bahan aku, ernalem gelah

Ola lupa ertoto baNa, ras kataken bujur pe

Mbue kapen pemereNa, ola lupa kita e Reff ….

6. Pertoton Sapaat (ibabai bapa/nande)

- Kerna jabu

- Gelah ngasup makeken kesempaten guna ertoto i bas jabu

- Kerna teman sada perpulungen ras sangkep geluh

7. Rende KEE GBKP No. 189:1,4 (ibabai anak)

Kam o Yesus Tuhan kami, tatap kami k’rina min

Pulung krina m’riah kami, pasu-pasu gelah min

Pegegehi tiap wari, alokenlah kami min

Kam o Yesus guru kami, ajar kami min gelah

Lah ertoto tiap wari, tetap kami tutuslah

Kam dage ikutken kami, make kata ras pedah

8. Pertoton Tuhan (ibabai nande/bapa)

Pdt. Christopher Sinulingga, M.Th.


13

KEBAKTIN PEKAN DOA GBKP ( I Perpulungen )

WARI/BERNGI I, MINGGU 16 MEI 2021

A. PERSIKAPEN

Adi kebaktin pekan doa enda ilakoken i rumahta sekalak-sekalak maka adi la serayan Tuhan singelai (Pdt/Pt/Dk/Em) maka : Votum, Salam, ras pemasu-masun la padah sibelasken.

Adi ilakoken i sektor, i jabu kepkepen, banci sidalanken bagi semalna alu tetap ngikuti protokol kesehaten.

Adi via daring (zoom, google meet, rsd) siaturken alu ratur banci erdalan alu mehuli.

Generasi muda (Permata, KAKR) terlibat i bas kebaktin enda (runggun gereja momokenca, orang tua ngiahkenca).

Kata Penaruh Ku Bas Kebaktin

Mejuah-juah man banta kerina perpulungen si ikelengi Tuhan. Meriah

ukurta i bas wari enda bengket me kita ku bas wari si pemena Kebaktin

Pekan Doanta. Aminna gia erbage-bage perbeben si man alanken,

kinitekennta ngerana maka Dibata labo pernah nadingken kita. Erkiteken

si e, turah lalap ketedehen ateta jumpa ras Tuhan baik arah ngoge

Pustaka Si Badia bage pe arah pertotonta. Si jadi Tema Pekan Doa-nta

wari si pemena enda e me Ertoto Alu Meriah Ukur. Mari dage si

pesikap ukurta guna bengket ku bas kebaktin enda. Si pindo lebe gegeh

man Tuhan arah pertoton. Ras kita ertoto......

Rende KEE No 20:1 “Reh Kam Min” (Perp. Tedis)

Reh kam min, reh kam min! Dahi Tuhan si mbelin

B’reken baNa ras pujin. Dahi min, dahi min, dahi min

---------Si maba kebaktin bengket ku ingan si enggo isikapken--------

B. KEBAKTIN

1. Votum : Kebaktin Pekan Doa berngi/wari si pemena enda

ibenaken i bas gelar Dibata Bapa, AnakNa Jesus

Kristus ras Kesah Si Badia.


14

2. Salam : Perkuah ate ras dame i bas Dibata Bapa ras i bas

Tuhan Jesus Kristus nari, i bas kerembaken Kesah

Si Badia ras kita (kam) kerina gelah. Amin.

Ialoi Perpulungen : Amin…Amin…Amin… (Iendeken)

3. Invocatio : “Kenca ieteh Daniel maka perentah e enggo

iesahken, mulih ia ku rumahna. I das loteng

rumahna e lit sada kamar jendelana ngala kempak

Jerusalem. Bagi semalna, erjimpuh ia i je ertoto man

Dibata telu kali sada wari, janah jendelana talang”,

(Dan. 6:10).

-------------- Perp. Kundul --------------

4. Rende KEE No. 202:3 “Ernalem Gelah Man Yesus”

Ola lupa r’toto baNa, ras kataken bujur pe

Mbue kapen pemereNa, ola lupa kita e

Reff : Ernalem gelah, tutus min gelah

O Yesusku bahan aku ernalem gelah

5. Renungen : Pilipi 1:3-8 (ibenai ras idungi alu ertoto) Tema: “Ertoto Alu Meriah Ukur”

Ertoto e me salah sada gaya hidup kalak si tek man Tuhan Jesus. Ertoto

enggo jadi bagin penting si arus terus menerus ilakoken kalak Kristen.

Ertoto e me sada kebutuhen mendasar (pokok) man banta guna

pertumbuhen kiniteken bage pe mpengaruhi caranta rukur ras bertindak i

bas keseharianta. Alu bage lalap meriah ukurta ertoto man Tuhan. Labo

situasi erbahanca meriah ukurta ertoto. Ertoto alu meriah ukur ertina turah

penggejapenta maka ertoto e jadi kebutuhen pokok (penting kal), labo

keterpaksaan/beban entah pe rutinitas.

Erpalasken bahan Renungen bage pe Invocationta, mari si nen uga kin

gambaren ertoto alu meriah ukur.

a. Pilipi 1:3-8.

Kuinget kenca kam, kukataken bujur (mengucap syukur) man

Dibatangku....


15

Menarik kal cara Paulus menyapa perpulungen i Pilipi. Mehuli kesan

Paulus nandangi perpulungen i Pilipi e maka ingetna rusur

perpulungen e i bas pertotonna. Ingetna perpupulungen Pilipi,

ngataken bujur ia man Tuhan. Adi kita uga, si inget kenca temanta

sada perpulungen i bas pertoton, uga nge reaksinta? Meriah nge

siakap entah uga?

Teptep aku ertoto kerna kam kerina, ertoto aku alu meriah ukur.

I pake Paulus kata “teptep aku ertoto”. E ertina maka tiap kali

(berulang kali) Paulus ertoto kerna perpulungen Pilipi, ertoto Paulus

alu meriah ukur. Jadi labo sekali ngenca ia ermeriah ukur, tapi

teptep ertoto lit suasana keriahen i bas ukur Paulus. Kai e erbanca?

Si enda banci si idah i bas penjelasen berikut.

Nginget kuga kam nampati aku i bas dahin meritaken Berita Si

Meriah.

Enda ke pe latar belakang Paulus ermeriah ukur i bas pertotonna.

Perpulungen Pilipi ikut nampati Paulus i bas dahin meritaken Berita

Si Meriah. Tersampat Paulus ndahiken dahinna. Alu kata si deban,

alu penampat perpulungen Pilipi, reh mbarna Berita Si Meriah e seh

ku enterem jelma (nen Pilipi 4:14-20). Erdandanken si e nina Paulus:

Kuinget kam lalap.

Kuinget kam lalap.

Biasana lit 2 hal si erbahanca si inget lalap kalak si deban. Si

pemena banci perban kiniulinna, si peduaken banci perban si la

mehuli ibanna man banta. Adi Paulus, ingetna lalap perpulungen e

perban kiniulin perpulungen i Pilipi si ndukung ia pembarken Berita

Si Meriah. Tentu enda pe jadi motivasi man banta i bas jaman enda,

gelah muat bagin ka kita ndukung dahin Pekabaran Injil i bas GBKP

enda sue ras kengasupenta sekalak-sekalak.

Ras-ras i bas keadaan si kuga pa na pe.

Kiniulin perpulungen Pilipi si debanna man Paulus e me tupung

Paulus i bas penjara bage pe tupung Paulus bebas denga,

perpulungen Pilipi e tetap jadi teman arih-arih ras sepenggejapen.


16

Ituriken Paulus nina “sabab kerina kam enggo ras aku ngenanami

lias ate Dibata, subuk....aku i penjara, bage pe....aku bebas denga.

Jadi lias ate Dibata si igejapken ras-ras, jadi dalan kita banci saling

mendukung ras menguatkan sada ras si debanna.

Tuhu-tuhu tedeh kal ateku nandangi kam kerina alu keleng ate

si rehna i bas Jesus Kristus nari.

Jadi, ulih kebersamaan si nteguh antara Paulus ras perpulungen i

Pilipi erbahanca tedeh kal ate Paulus perpulungen e ras keleng pe

ate Paulus ia kerina. Relasi si mehuli antara Paulus ras Perpulungen

Pilipi palasna e me keleng ate si rehna i bas Jesus Kristus nari.

b. Bahan Invocatio.

Keadaan si inanami Daniel i Babel labo keadaan si sikap aminna gia

lit jabatenna si meganjang selaku salah sada wakil raja. Teman-

temanna sependahin ngukurken rencana si la mehuli nandangi

Daniel. Alu sengaja iajuk pemimpin-pemimpin si deban gelah raja

mpedarat sada peraturen maka kidekah 30 wari kerina rakyat i Babel

arus nembah man raja, adi ngelanggar itamaken ku lubang singa

(Dan. 6:5-10). Enda me latar belakang bahan Invocationta.

Tapi kai si ilakoken Daniel i bas keadaan si bage rupana? Lawes ia

ku kamarna, i loteng, jendelana talang, ertoto ia 3 kali sada wari. Kai

si ilakoken Daniel enda labo “menantang” entah “mekeng”. Tapi, ia

ertoto 3 kali sada wari sebage bagin keriahenna njumpai Tuhan si

isembahna i bas pertoton. Sabab sadar kal Daniel, terbatas kal

gegehna mbatalken perintah raja, e maka madin iakapna ngadap

man Tuhan arah pertoton ulu gegehna ras petetap ukurna guna

tetap setia nembah man Tuhan, kai pe keadanna.

Adi Paulus ndatken dukungen arah perpulungen Pilipi, tapi Daniel,

ibahan teman-temanna sada rencana guna nidingi ia. Tapi, subuk

Paulus bage pe Daniel njadiken keadaan si inanamina e jadi

kesempaten guna ertoto alu tutus. Ertoto jadi dalanna jumpa ras

Tuhan guna nuriken keadaan si inanamina. E maka kita pe ngawan

GBKP, arah Pekan Doanta enda, mari kita jadi pelaku (subjek) si

terus menerus ertoto guna kiniulin gerejanta, jabunta, bage pe


17

lingkungen i ja pa pe kita tading. Dukungenta arah pertoton,

erbahanca melala kalak tersampat ras mbelang dahin terdungi.

Tambah si e, marilah si jadiken ertoto jadi keriahennta. Riahen

siakap ertoto asangken numpah padan. Riahen siakap ertoto

asangken rukur sisada. Riahen siakap ertoto asangken ndarami

gegeh doni enda. Ise saja si ertoto jadi sada keriahen man bana,

pasti malem atena ndalani kegeluhen enda uga pa pe keadanna

sabab tek ia Dibata ngaturken si mehulina man bana. Tapi adi

gegehta entah ukurta si penalem, kai pe lit bas kita labo ateta

malem. Apai ka keri si nasana, uga pa pe siakap enggo bali. Apai

dage pangen? Tentu pangen me si pemena ndai e me ertoto jadi

keriahen man banta. Bagi nina John Wesley: Aku punya banyak hal

untuk dikerjakan sehingga aku harus meluangkan beberapa jam

dalam doa sebelum aku mampu mengerjakannya.” Selamat ndalani

kegeluhen ertoto e me keriahenta. Amin.

6. Pengakun Kiniteken (Perp. Tedis)

7. Nehken Persembahen Pengataken Bujur (Perp. Kundul)

a. Kata Dibata kerna persembahen: Ngataken bujur e me

persembahen si pehagaken Aku, janah si patuh ngikutken Aku tentu

Kukelini (Msm. 50:23).

b. Rende KEE No. 343:1 “Pasu-Pasu Bas Tuhan Nari”

Pasu-pasu bas Tuhan nari, gejapken kami teptep wari

Bas paksa-paksa geluh kami, Kam me kap tetap si’ngkawali

Pasu-pasu bas Tuhan nari, jadi pergegeh tendi kami

Guna ndalani wari-wari si rehna bas Kam Tuhan nari

Reff : Pasu-pasu dage o Tuhan, persembahen kami anakNdu

Labo kapen enda metunggung persembahen si ‘nggo pepulung

AjariNdu min kami gelah min, tetap ngasup mere man Tuhan.

8. Pertoton Persembahen ras Sapaat :

Bangsa ras Negara

Serayan, perpulungen, runggun, klasis, moderamen GBKP

Si turah i bas perpulungen/jabu


18

9. Rende KEE No. 270:1 “Ermengkah Ras Ertoto” (Perp. Tedis)

Ermengkah ras ertoto, em keg’luhen si payo

Bas Kristus k’riahenta, meteruk ukurta

Reff : I bas senang ntah susah, kecibal geluhta

Pujilah Tuhan kataken bujur, alu bulat ukur.

10. Pertoton Tuhan.

11. Pemasu-masun. Mulihlah alu dame ras mejuah-juah, aloken pasu-pasu idur Dibata nari: “Ipasu-pasu janah ikawali Dibata kita (kam), siang ayo Dibata ersinalsal ibabonta (ndu), janah melias ateNa ngenehen kita (kam). Itatap Dibata ku kita (kam), janah malem ateta (ndu) ibahanNa. Amin. Ialoi Perpulungen : Amin…Amin…Amin... (Iendeken)

--- Tedis/kundul rikutken situasi ---

Pdt. Jekson Barus, M.Th.


19


WARI/BERNGI II, SENIN 17 MEI 2021

A. PERSIKAPEN

Adi kebaktin pekan doa enda ilakoken i rumahta sekalak-sekalak maka adi la serayan Tuhan singelai (Pdt/Pt/Dk/Em) maka : Votum, Salam, ras pemasu-masun la padah sibelasken.

Adi ilakoken i sektor, i jabu kepkepen, banci sidalanken bagi semalna alu tetap ngikuti protokol kesehaten.

Adi via daring (zoom, google meet, rsd) siaturken alu ratur banci erdalan alu mehuli.

Generasi muda (Permata, KAKR) terlibat i bas kebaktin enda (runggun gereja momokenca, orang tua ngiahkenca).

Kata Penaruh

Senina ras turang gia erbage-bage perbeben ras kiniseran jadi bas geluhta,

Tuhan Jesus la pernah nadingken kita, IA tetap nemani ras jagai kita. IA me

temanta si tuhu-tuhu, keleng ateNa kita. I bas wari/berngi si peduaken

kebaktin Pekan Doa enda, mari dage si pesikap pusuhta guna muji Tuhan,

ersembah kita man baNa arah pertoton-pertotonta. “Erjaga-jaga dingen

tutus ertoto” e me tema kebaktin pekan doanta wari/berngi enda. Mari ras

kita ertoto :……………………

Si puji Tuhan ras kita rende : KEE GBKP No. 342 : 1 “Yesus Lape-lape tendingku” (Perp. Tedis)

Yesus lape-lape tendingku, IA njagai kita Mberat pe si man tangkelenta, IA njagai kita Reff :….. (si endeken 2x) Tuhan njagai kita, paksa senang ntah mesera IA njagai kita, Tuhan njagai kita B. KEBAKTIN

Votum ras Salam L Kebaktin enda ibenaken i bas gelar Dibata Bapa si njadiken langit

ras doni, i bas gelar anakNa Jesus Kristus si jadi juru selamat doni ras i bas gelar kesah Si Badia si jadi penampat man banta (bandu).


20

Perkuah ate ras dame i bas Dibata Bapa, AnakNa Jesus Kristus ras Kesah si Badia nemani kita (kam) genduari nari seh si rasa lalap. Amin

P Amin…Amin…Amin…. (iendeken) L O Tuhan Dibatangku sampati aku; erkiteken keleng ateNdu si tetap

kelini min aku (Msm. 109:26)

Sipuji Tuhan ras kita rende : KEE GBKP No. 342 : 2 “Yesus Lape-lape tendingku” I bas melala perbebenta, IA njagai kita Dalan gelap arah lebenta, IA njagai kita Reff :….. ( si endeken 2x) Tuhan njagai kita, paksa senang ntah mesera IA njagai kita, Tuhan njagai kita

-------------- Perp. Kundul --------------

Ertoto (Ibabai : Nande/Bapa)

Kerna kecibal covid 19, Tim Medis, Vaksin Covid, si sakit, Gugus tugas.

Rende : KEE No.360 : 1 ”I bas Tuhan aku megegeh” I bas Tuhan aku megegeh, Tuhan me kupujiken Tuhan me jadi gegehku, I bas IA lit kesenangen I bas IA lit kesenangen

Ertoto (ibabai : Bapa/Nande)

kerna gereja, pengurus PJJ, kategorial, guru KAKR Pendeta, Pertua, Diaken, Emeritus (ibabai : Bapa/Nande)

kerna Pemerintah, bangsa ras negara Rende : KEE No.360 : 1 ”I bas Tuhan aku megegeh” I bas Tuhan aku megegeh, Tuhan me kupujiken Tuhan me jadi gegehku, I bas IA lit kesenangen I bas IA lit kesenangen

Ketetapen ukur si ibereken Dibata (bdk. Jes.41:10)

L Pandemi Covid 19 si jadi ngkenai erbage-bage dampar kegeluhen. Lenga si eteh digan ngadina. Selaku kalak si erkiniteken tek kita maka Dibata ngkelini kita. “Ola mbiar, sabab aku kap ras kam! Aku kap Dibatandu, e maka ola atendu aru”


21

P (Rende) KEE No. 275 : 1 “Kam Tuhan sekawalku” Kam Tuhan sekawalku, la lit kebiarenku Amin gulut ukurku, ernalem tetap baNdu Galumbang si merawa, jadi i bas geluhku Lalap aku erpengendes, sebab Kam kap bentengku

L Virus Corona la si idah tapi banci erbahan jelma sakit, deba nggo leben berkat nadingken kita. Melala si sehat mulihi dingen ersaksi maka Dibata sinampati ras sinemani. “Kusampati kam, janah Aku mahanca kam megegeh. Kukawali kam, janah kukelini pe.”

P (Rende) KEE No. 275 : 1 “Kam Tuhan sekawalku” Kam Tuhan sekawalku, la lit kebiarenku Amin gulut ukurku, ernalem tetap baNdu Galumbang si merawa, jadi i bas geluhku Lalap aku erpengendes, sebab Kam kap bentengku

L “Erjaga-jaga dingen tutus ertoto” i bas dalani kegeluhenta.

P Amin

Renungen : Epesus 6:18-20 (ibenai ras idungi alu toto) Tema : Erjaga-jaga Dingen Tutus Ertoto

Paulus nuratken erbage-bage senjata si ibereken Dibata man kalak si tutus i bas kegeluhenna i bas persadan ras Kristus Jesus e me : ketuhu-tuhun jadi benting, kinibujuren jadi baju besi, keriahen ukur meritaken Berita Si Meriah, kemalemen ate jadi sepatu, kiniteken jadi ampang ampang, keterkelinen jadi topi waja, kata Dibata jadi pedang.

Senjata si ibereken Dibata mpengasup tedis ngelawan akal iblis si jahat e, ngelawan serangen-serangen musuh, sabab labo manusia si man lawanen, tapi kuasa pemerentah ras penguasa si la teridah, kuasa doni si gelap ras kesah si jahat. Serangen-serangen iblis erbanca geluh la bujur, aru ate, urak rumat erberita si meriah, kote kiniteken, dingen la makeken kata Dibata.

Erkiteken lit musuh si atena nirangken kita ras Dibata e maka perlu erjaga-jaga. Senjata si ibereken Dibata erguna jagai dirinta bage pe guna ngelawan musuh. Senjata si ibereken Dibata ipakeken gelah megegeh i bas persadan ras Tuhan, alu ertoto mindo penampat man Dibata. Ertoto i bas bukuna alu kuasa Kesah. Penalemen si tuhu-tuhu e me kempak penampat Dibata labo kempak senjata e. Toto me si mpengasup kita makeken senjata si ibereken Dibata. Erkiteken si e kita arus tutus i bas ertoto.


22

Ertoto la terjeng guna dirinta tapi pe guna kalak si deban. “Ertotolah rusur guna kerina anak-anak Dibata”. I bas toto e lit persadan ras kalak si deban i bas Kristus Jesus. Banci jadi erkiteken kecibal kedauhen ras anak-anakta, kade-kadenta, temanta bage pe senina ras turangta sada perpulungen. Banci jadi erkiteken lenga banci kita jumpa bage pe pulung ras. Toto e me si mpersadaken kita ngaloken gegeh ras kuasa i bas Dibata nari subuk i bas meriah ukur, i bas perbeben, i bas sakit, litna bencana alam, pandemic Covid 19, rsd. Toto e me si ngerakut kita guna banci tetap sikeleng-kelengen ras kalak si deban gia kita la jumpa, i bas toto kita ersada.

Paulus pe ngataken man perpulungen Epesus guna notoken ia. Gelah ibere Dibata kata-kata si payo adi ia ngerana, dingen gelah pang ngerana mpetangkas rahasia Berita Si Meriah e bagi arusna. Igejabken Paulus maka la ia serta, igejabkenna mbue tantangen i bas er Berita Si Meriah. Erkiteken si e mindo ia gelah itotoken. Selaku anak-anak Dibata guna ngasup erBerita Si Meriah toto-toto sisehken keluargata, teman-temanta sada perpulungen ku Tuhan e mbelin kel gunana lako mpegegehi kita. Alu bage si gejab maka la kita sekalak ngenca i bas ndahiken dahin e. Arah toto si ipeseh kalak si deban sigejab maka Tuhan tetap si mpengasup kita lako ersaksi ras erberita si meriah.

Mari dage sidalani kegeluhenta alu tetap ersada i bas Kristus Jesus. I bas Tuhan kita megegeh, i bas Tuhan la lit si metahat. Terlebih i bas kecibal pandemic Covid 19 si jadi paksa enda, virus si la teridah nggo nerang erbage-bage dampar kegeluhenta. Subuk kesehaten, sosial, ekonomi, pendidiken, budaya bage pe kiniteken, rsd. Adi tetap nteguh persadanta ras Kristus Jesus kita banci tetap megegeh, tetap ngasup tedis, tetap erpengarapen ras pang ngalaken kerina keadaan alu tetap mindo penampatNa arah toto. Adi la kita tetap nteguh i bas persadan ras Kristus Jesus banci kote kiniteken dingen turah aru ate si banci erbahanca kesehatenta pe terganggu. Erkiteken si e selaku anak-anak Tuhan tetap erjaga-jaga dingen tutus ertoto. Amin. PENGAKUN KINITEKEN (Perp. Tedis)

PERSEMBAHEN (Perp. Kundul) L Lalap aku ngataken bujur man Tuhan, kupuji IA la erngadi-ngadi

(Msm. 34:2).

Iher sipedalan persembahenta mari si puji Tuhan arah KEE GBKP No.420:1 “Asa gegeh ras kengasupen”


23

Asa gegeh ras kengasupen, kami nehken persembahen Endesken kami bandu Tuhan, alu dem keriahen Reff : Ajari kami ngergaken, talenta ras kiniliten

Arah ukur ras perbahanen, Tuhan ipermuliaken

Ertoto : Kerna persembahan (ibabai anak)

RENDE KEE GBKP No.199:1 “Senang gundari geluhku”

Senang gundari geluhku, ban Tuhan negu langkahku Ku ja pa pe perdalanku, tetap tanNa gelemenku Reff : Tuhan nemani geluhku, cikepna tanku meteguh

Dibata pengendesenku, i bas tanNa aku nggeluh

Pertoton Sapaat (ibabai si ngelai/Liturgis)

Kerna persekolahen, kesehatan, pendahin ras keperlun geluh

Si turah bas jabu/perpulungen

RENDE KEE GBKP No.199:2 “Senang gundari geluhku” (Perp. Tedis) ‘Tah paksa berngi si gelap, ‘tah paksa g’luhku la sikap Man baNa aku ernalem, kataNa lalap kugelem Reff : Tuhan nemani geluhku, cikepna tanku meteguh

Dibata pengendesenku, i bas tanNa aku nggeluh

PERTOTON TUHAN

PEMASU-MASUN L Mulihlah alu dame ras mejuah-juah, alokenlah pasu-pasu idur Dibata

nari : “Ipasu-pasu janah ikawali Dibata kita (kam), siang ayo Dibata ersinalsal ibabonta (ndu) janah melias ateNa ngenehen kita (kam), itatap Dibata kita (kam) janah malem ateta (ndu) ibahanNa. Amin

P Amin...Amin...Amin… (iendeken)

---- Tedis/kundul rikutken situasi ---

Pdt. Karvintaria br Ginting, S.Th.,M.M.


24


WARI/BERNGI III, SELASA 18 MEI 2021

A. PERSIKAPEN

Adi kebaktin pekan doa enda ilakoken i rumahta sekalak-sekalak maka

adi la serayan Tuhan singelai (Pdt/Pt/Dk/Em) maka : Votum, Salam, ras

pemasu-masun la padah sibelasken.

Adi ilakoken i sektor, i jabu kepkepen, banci sidalanken bagi semalna alu

tetap ngikuti protokol kesehaten.

Adi via daring (zoom, google meet, rsd) siaturken alu ratur banci erdalan

alu mehuli.

Generasi muda (Permata, KAKR) terlibat i bas kebaktin enda (runggun

gereja momokenca, orang tua ngiahkenca).

B. KEBAKTIN 1. Kata Penaruh (Ibabai Runggun Gereja)

Turang ras senina, sendah bengket kita ku bas Pekan Doa GBKP

wari/berngi si pe teluken. Mari dage kita ngadap man Dibata lako ertoto

kerna kerina serayan Tuhan i bas GBKP enda. Terlebih, sehubungen ras

ulih pemilihen Moderamen GBKP rikutken Keputusen Sidang Majelis

Sinode GBKP 2021. Bage pe, pemilihen BP Majelis Klasis rikutken

Keputusen Sidang Majelis Klasis si nandangi ilakoken. Atan pe, lit ka

kemahen Tuhan, e me Pandita nta si bakal mutasi ntah pe perpindahen

ingan pelayanen.

Guna si e, mari dage ras kita lebe ertoto:.

Rende: KEE GBKP No. 213:1 (Serayan Kebaktin Bengket ku Mimbar)

(Perp. Tedis)

Si puji si puji, si puji lah lebe. Si puji gelarNa si puji me dage

Dibata Bapanta si mada kuasa e, sinasa kerina ‘nggo itepaNa pe

‘Lah banci kita ‘rdame

2. Votum – Salam L I bas gelar Dibata Bapa si jadi inganta (ndu) guna nehken

pertoton kerna serayanNa, i bas gelar Jesus Kristus si ngajari kita

(kam) ertoto selaku serayanNa bage pe ngawan perpulungenNa,


25

ras i bas gelar Kesah si Badia si ertoto man gunanta (ndu)

raduken ras kerina tendinta (ndu).

Perkuah ate i bas Dibata Bapa, i bas Jesus Kristus nari ras i bas

kerembaken Kesah si Badia ras kita (kam) kerina gelah. Amin.

P Amin... Amin... Amin... (Iendeken)

3. Berita Kerna Perbahanen Ras Sura-sura Dibata (Invocatio) L “Aku kap Dibatandu, e maka Kuembah-embah kam, seh kam

metua janah ubanen. Aku si njadiken kam, e maka Kutatang-tatang, Kuangkip-angkip, janah Kukelini kam”. (Jes. 46:4) Erpalasken Kata Dibata enda, sipuji IA alu ras kita ngendeken: KEE GBKP No. 68:1 DahinNdu si mbelin Tuhan, kerajang kami pe Ban Kam si mada kerajan, la masap lalap e Tapina bagi page me, gelah ersuli turah pe. E mate kap benih lebe, bage pe kami k’rina nge Nggit mate pe, ’lah turah page nge.

---------------- Perp. Kundul ---------------

4. Berita Kerna pendilo Tuhan nandangi serayanNa L Turang ras senina, seh kal ulina sura-sura Dibata i bas ndilo

manusia jadi serayanNa, jenari selaku ringring ni Kristus, kita kerina idilo guna sitatang-tatangen i bas pertoton kerna serayanNa maka iayukenna pendilo Tuhan dingen idalankenna alu tutus.

Nginget perbahanen Dibata si mehuli e, sipujilah IA erkiteken kiniulinNa alu ngendeken: KEE GBKP No. 297:1

Man baNdu Raja G’reja, isehken kami bujur Kam kap si njayamsa geluh perpulungenNdu Pasu-pasuNdu Tuhan, kuse min bagi udan Maka serayanNdu, idemi kuasaNdu Latih ia la mbiar, ukurna tetap nggintar Kek’lengenNdu simpar, b’ritaNdu jadi mbincar

5. Pertoton kerna Kinata Kegeluhen Serayan Tuhan I Lebe-lebeNa L Marilah ertoto ku adepen Tuhan kerna serayanNa si enggo

ipilihNa e gelah min nggeluh rikutken si ngena ate Tuhan… . P (Ertoto i bas pusuh sekalak-sekalak kerna kerina Pertua, Diaken,

Emeritus ras Pandita GBKP) L Mari dage sipepaguhi pertotonta alu ngendeken: KEE GBKP

No. 297:2


26

Bahanlah min o Tuhan, erdolat serayanNdu Ngayu ras tersuan, ngaloken pendiloNdu Ukur, pengarapenna, man baNdu saja ngenca Tutus ras setia, kataNdu la tersia Lagu langkah mulia, e Kam si pesikapsa Tutus kel atena, mbarken Kata Dibata

6. Dibata Megiken dingen Ngaloken Pertoton kerna serayanNa (Perp. Tedis) L Turang ras senina, marilah tetap ertoto kerna serayan Tuhan e:

SerayanNa si enggo ipilihNa jadi Moderamen GBKP (paksa teneng)

SerayanNa si bakal ipilihNa jadi BP Majelis Klasis GBKP (paksa teneng)

SerayanNa si ikut i bas proses mutasi ntah pe perpindahen (paksa teneng)

Maka kerina serayan Tuhan tetap ndalanken pendilo Tuhan i bas ingan pelayanenna sekalak-sekalak guna kemulianNa, kemajun gereja bage pe perpulungen Tuhan.

Emaka genduari sicidahken keriahen ukurta, dingen ngataken bujur man Dibata arah ende-endenta: KEE GBKP No. 273:1 Ingetlah min gelar Yesus, susah ‘ntah senang gia IA me kap Penampatndu, ku ja pa pe perlawesndu Mehaga gelarNa, pengarapenta k’rina Mehaga gelarNa, ermulia gelarNa

---- Perp. Kundul ----

7. Renungen erpalasken Josua 1:1–9 (Ibenaken ras idungi alu pertoton)

Tema : “Ersikaplah Kam”

Ngelai i bas perpulungen e me sada dahin pelayanen si enggo ialoken serayan Tuhan. I bas proses jadi serayan, Pertua ras Diaken, mentasi piga-piga tahapen: sosialisasi, pemilihen calon, penetapen calon, pemilihen ras penetapen bage pe seh ku kursus ras penangkuhen ntah pe pengukuhen. Bage pe, lako jadi sekalak Pandita, arus kap ndatken pendidiken Teologi, mentasi masa Vicaris ntah pe calon Pandita bage pe itangkuhken. Si enda kerina proses pemilihen Dibata kerna serayan i bas peken anggurNa i bas GBKP si malem enda.

Rikutken Tata Gereja GBKP maka siikataken serayan e me pelayan khusus, si meliputi : Pandita (Pdt), Pertua, (Pt) ras Diaken (Dk). Dahin pelayan khusus e me lako mperlengkapi kerina warga GBKP maka


27

ngasup ndalanken misi GBKP. Bage pe, pelayan khusus enda me si ipilih Tuhan lako ngelai selaku Moderamen, BP Majelis Klasis bage pe BP Majelis Runggun rikutken periodena. Khusus i bas periode enda, pemilihen si oratna ilakoken i bas 2020 tapi iundurken ku 2021 erkiteken pandemi Covid 19.

Sendalanen ras palas renungen Pekan Doa nta enda, Josua 1:1-9, Tuhan me si ngerana ntah pe milih Josua lako jadi pengganti Musa si enggo mate. Pemilihen Tuhan Dibata e rikut pe ras nehken pendahin si arus idahiken Josua e radu ras kerina kalak Israel ngkepari Lau Jordan lako mengketi negeri si ibereken Tuhan man bana. I bas si e, Tuhan Dibata erpadan lako ngkawali Josua seh maka ise pe la ngasup naluken Josua kidekah ia nggeluh. Tuhan ras Josua bagi Tuhan enggo ras Musa dingen la ndigan pe ia itadingkenNa. Alu kata si melias e, tentu iarapken pe maka tetap ukur Josua, sabap Josua me si minpin bangsa enda guna ndatken taneh si enggo ipadanken Tuhan. Selaku pemimpin, tentuna Josua pe arus patuh dingen ngikutken kerina undang-undang si enggo lit ndube i bas masa Musa. Sada bagin pe ola lupaken. Bage pe, kitab undang-undang e arus tetap rusur iogeken i bas kebaktinna, ipelajari suari ras berngi. Enda me palasna maka Josua ras bangsa Israel e pe ndatken kesangapen janah seh sura-surana.Tuhan sendiri ngataken man Josua: “Ola kam mbiar, ola aru atendu, sabap aku TUHAN Dibatandu, tetap ras kam ku japa pe kam lawes."

Bage me, selaku ngawan ni perpulungen si ertoto, i ja salah sada topik si man totonken e me kerna serayan Tuhan sehubungen ras periodesasi i bas Moderamen ras Klasis, arus min igejapken maka periodesasi e rikutken pengaturken Tuhan Dibata kap. Gia pe pemilihenna ilakoken arah Sidang Majelis Sinode bage pe Sidang Majelis Klasis, kerina si lit i bas GBKP enda iarapken ngergaken ulih pemilihen Tuhan, bagi Tuhan milih Josua lako nggantiken Musa. Enda me bentuk dukungen dingen arah si e me maka kerina serayan Tuhan e itatang-tatang ngawan ni perpulungen lako ndahiken pendahinna (bdk. Invocatio).

Bage pe, i bas Pandita, lit ka “mutasi” ntah pe perpindahen ingan pelayanen rikutken waktuna bage pe inganna sue ras aturen si lit i bas GBKP. Ngawan ni perpulungen bage pe Pertua, Diaken ras Emeritus rikut pe ras Pandita e sendiri banci min nggejapken dingen ngergaken “mutasi” bagin i bas cara Tuhan lako ncibalken serayanNa rikutken sura-sura Tuhan ku si terulin guna kemajun gereja ras ngawan ni perpulungen.


28

Erkiteken si e, marilah kita kerina ersikap lako ndahiken pendahin si enggo iampeken Tuhan man banta dingen tetap kita kerina sitatang-tatangen lako ndahiken pendahinNa e guna kemulian gelarNa. Sitotoken kerina Moderamen ras BP Majelis Klasis bage pe Panditanta i bas GBKP enda lako ndahiken pendilo Tuhan e asa gegeh dingen kengasupen si enggo iberekenNa. Amin

8. Pengakun Kiniteken (Perp. Tedis) 9. Persembahen (Perp. Kundul)

L Turang ras senina, seh paksana siendesken persembahen pengataken bujurta si mehulina man Dibata erpalasken Kata Dibata, niNa :

“Kalak si ernalem man Tuhan, bali kap ras deleng Sion, enteguh la mugur-ugur dingen la terpiser rasa lalap. Bali ras deleng-deleng sekelewet Jerusalem, bage pe pengkeleweti Tuhan bangsaNa genduari nari seh rasa lalap” (Msm. 125:1-2).

Tupung sipepulung persembahenta rende kita arah: KEE GBKP No. 302:1 Nginget perkuah Dibata si mbelin, si isehkenNa man banta k’rina kin I bas kerina dampar kegeluhen, i doni si dem alu keguluten. Endeskenlah kula nta man Dibata, kerina na si lit i bas geluhta Selaku persembahenta si nggeluh, em persembahen si ngena ateNa

Pertoton Persembahen ras Pertoton Sapaat Siturah i bas perpulungen/jabu Bangsa ras negara

10. Perpadanen Man Dibata (Perp. Tedis) L O kam kerina ngawan ni perpulungen Tuhan! Tetaplah kita

(kam) ertoto kerna serayan Tuhan e Serayan Erpadan aku O Tuhan, maka kudahiken pendahinNdu e asa

gegeh dingen kengasupen si iberekenNdu man serayanNdu bage pe jabu kami.

P Bujur Tuhan sabab enggo ilitkenNdu serayan Tuhan si ngelai i bas GBKP enda, i bas Moderamen, Klasis bage pe Runggun, dingen tetap itotoken kami pe..

L Sipuji Tuhan alu ngendeken: KEE GBKP No.288:3 TemaniNdu kap aku, bas dalin geluhku CikepNdu tetap tanku, k’leng ateNdu tuhu Alu kuasa KesahNdu, pengasupNdu aku E maka la aku lupa, peb’linken gelarNdu.

11. Pertoton Tuhan


29

12. Pengutusen Ras Pasu-pasu Dibata L Geluhkenlah geluhta (ndu) selaku serayan Tuhan bage pe ngawan

ni perpulungenNa i bas pertoton. Dibata ndengkehken pertotonta (ndu), jenari alokenlah pasu-pasu idur Dibata nari:

“Dibata si mada perkuah ate, si enggo nenahken kita (kam) ku kemulianNa si rasa lalap i bas Kristus, njadiken kita (kam) serta, megegeh dingen paguh. IA nge si mada kuasa seh rasa lalap”. Amin.

P Amin...Amin...Amin...(Iendeken)


Pdt. Agustinus Ginting Manik, M.Th


30


WARI/BERNGI IV, RABU 19 MEI 2021

PERSIKAPEN







alu mehuli.



Sikapken 4 kalak si mbaba pertoton syafaat (P1, P2, P3,P4).

Pt/Dk Si Mbaba Persikapen ras Penaruh:

Senina ras turang sendah enggo kita seh ku bas wari/berngi pe empatken Kebaktin Pekan Doanta. Sigejap maka i bas masa genduari ija kegeluhenta serba la pasti ras la terukuri kita kai si nandangi jadi tole i bas kegeluhen enda. Erdandanken si e maka selaku gereja kita arus meter beluh ngaturken kegeluhennta, jabunta ras gerejanta sue ras perubahen si lit. Emaka erlajar kita arah Kata Dibata i bas wari/berngi sendah uga kita nggeluh alu payo i bas kerina perubahan si lit e.

Mari dage ras kita ertoto mindo gegeh gelah kemahen Tuhan ipengasupna guna ngelai i bas kebaktinta enda. Ras kita ertoto....

Mari radu ras kita rende i bas KEE 348:1-2 (Perp.Tedis, ngendesken perlengkapen simbaba kebaktin) Ersembah perlu i bas doni enda, e desken bingke bas kegeluhenta Ersembah em pedah kata Dibata, pehaga Tuhan bas kegeluhenta

Isuruh Tuhan ‘lah kita ersembah, peturah penggejapen si meriah Kita diloNa ‘lah tutus min gelah, ngajuk kerina teman reh ersembah.


31

L Kebaktin Pekan Doa wari/berngi pe empatken enda lit i bas gelar Dibata Bapa si tetap ncukupken keperlunta (ndu) guna ndalanken si sentudu ras sura-suraNa, I bas gelar Jesus Kristus si jadi usihen i bas ndalanken peraten Dibata, i bas gelar Kesah Si Badia si mpengasup kita (kam) tetap nggeluh bagi si ngena ate Dibata.

Perkuah ate ras dame i bas Dibata nari, kekelengen Jesus Kristus ras kerembaken Kesah Si Badia nemani kita (kam) kerina gelah, genduari nari seh rasa lalap. Amin.

P Amin...Amin...Amin... (iendeken)

L Ibahan Nuah sada batar-batar ingan persembahen man Tuhan, ibuatna sada i bas teptep erbage rubia-rubia si la pantangen rikutken aturen agama. Kenca bage itutungna bulat-bulat i datas batar-batar ndai, jadi persembahen (Kej. 8:20).

L Mari si puji Tuhan alu ras kita rende : 354:1-2 Kam si Mbelin, Kam terbr’ita, Kam kap si termulia Mehuli Kam, dingen erkuasa, Kam Si mada k’rina si nasa Reff : Sinalsal keleng ate Tuhan, bagi emas si labo luntur Rejin tuhu dolatNdu Tuhan, ngarak-ngarak kegeluhen

Erta-erta, kebayaken, i bas Kam nari rehen Kam merentah alu kuasa, ras gegehNdu Tuhan Dibata Reff : …

---- (Perp. Kundul) ----

L Gereja nggeluh i tengah doni janah Dibata ersura-sura gelah maka banci jadi usihen i bas kerina dampar kegeluhen. Tapi rusur kita la ngasup ndalanken si enda i bas kegeluhenta.

L+P Rende: KEE 362:1 AlemiNdu aku bas dosangku, alemiNdu aku bas lepakku O Tuhan sasap min, O Yesus sasap min, alemi dosangku

L Sura-sura Dibatanta maka i bas kerina situasi tetap ngasup kerina anak-anakNa ersembah dingen ernalem man baNa dingen tetap nggeluh sikeleng-kelengen.

L+P Rende: KEE 362:2 Si la payo dem i bas geluhku, ngaku aku baNdu o Yesusku O Tuhan sasap min, O Yesus sasap min, alemi dosangku

L Ngena ate Tuhan man anak-anakNa si nggit rusur rukur kerna kegeluhen enda. Ngena ate Tuhan man anak-anakNa si nggit ngaku kinilatunggenna i adepen Dibata. Janah ngenakal ate Dibata man


32

anak-anakNa si erkadiola nandangi kerina dosa-dosana dingen i bas ukurna ngakui kinilatunggenna. Nina Dibata man kalak si bage: “Kam enggo erkubang-kubang ibahan dosa, tapi kuperidi kam maka bersih bagi salju. Aminna gia erkiteken dosandu kam enggo mbiring bagi tengguang, mulihi kam jadi mbentar bagi kapas. Adi kam erkemalangen man bangKu, ipanndu me kai si mehuli ulih tanehndu enda.” (Jes. 1:18)

L+P Rende : 96:1,2 Riah ukurku banNdu, ngidah lias Yesusku Si ndarami manusia, si mulahi kita krina ItebusiNa kita, Iban kekelengenNa Riah ukurku baNdu, iban Yesus Tuhanku Aku nggo me itebusNa, Alu mereken geluhNa K’rina me dosangku e, Ialemi Yesus e

L Mari si pesikap pusuh ras perukurenta guna megiken Kata Dibata alu ras kita rende : KEE 345:1,3

Nggo kami sikap ndengkeh KataNdu, Tuhan ng’ranalah Nggo kami sikap megi kataNdu, Tuhan ng’ranalah Reff : Seh ken KataNdu man kami min, arah kemahenNdu Seh ken PedahNdu man kami min, arah kemahenNdu

Kam si pepanken KataNdu jine, Tuhan sampatlah Kesah Badia ngajari kami, megi KataNdu Reff : …

L Renungen : Ertoto sope ras kenca Bahan : Perbahanen Rasul-Rasul 2:43-47

Tema : Tetap Ersembah Ras Sikelengen

Kenca nusur Kesah Si Badia, rasul-rasul ersaksi kerna Jesus me Juruselamat doni enda. Kesaksin ajar-ajar mpeturah gereja i babo doni enda. Gereja (persadan kalak si tek enda) benana ngikuti kebaktin-kebaktin bagi aturen kalak Jahudi. Kedungenna maka itambahi kalak enda alu litna kebaktin harian. Ertina selain kebaktin si enggo lit sedekah enda, ikembangken perpulungen enda alu erbage kegiaten kebaktin guna njabab keperlunna selaku persadan si mbaru i babo doni enda. Gereja mula-mula la terjeng nerusken tradisi si lit.

Bage pe uga ia sikeleng-kelengen sada ras si debanna isesuaikenna ras situasina. Idayakenna tanehna ras erta-ertana janah ipergunakenna ras-ras sue ras keperlunna. Si enda nuduhken maka bagenda me situasi paksa si e si erbanca persadan enda banci nggeluh i bas tantangen si lit. Ertina maka i


33

bas ia sikeleng-kelengen ngelebihi aturen-aturen si lit bagi siajarken i bas Undang-Undang Musa (Taurat).

Bage me cara nggeluh gereja i bas paksa genduari pe. Gereja si nggeluh e me gereja si njabab tantangen ras persoalenna (adaptif dan responsif). Adaptif ertina beluh kita ncocokken pelayanenta ras situasinta. Adi si nen gereja mula-mula, lit paksana ia ngikuti kebaktin kalak Jahudi, lit ka paksana ia pulung ras-ras kalak si enggo tek man Jesus saja, janah kedungenna maka lit ka paksana ia ersembah i bas kuburen-kuburen (katakombe). Bage me pe kita i bas masa pandemi ras paksa si reh enda, la si eteh kai si jadi i bas doni enda ras pe kegeluhenta. Si pasti maka kita tetap ersembah man Tuhan entah i gereja, i sektor bage i bas jabunta. Responsif ertina maka meter kita nanggapi kai si jadi i bas kegeluhen enda. Gereja mula-mula idalankenna ngelebihi aturen Taurat guna njabab keperlunna. Bage me pe kita, ula dekahen runggu, melawen erdahin. Meter kita njabab kai si iperluken rikutken perkembangen jaman janah sicocokken ras ingannta (konteks). Kita kerina arus kreatif guna memajuken pelayanen gerejanta. Subuk i bas kebaktin-kebaktinta, bage pe uga kita sikeleng-kelengen sada ras si debanna.

--- (Perp. Tedis) ---

L Mari radu ras kita ngakuken kinitekenta raduken kerina kalak Kristen i bas kerina paksa ras ingan i doni enda, ninta dage ras-ras, Aku tek man Dibata Bapa……..

--- (Perp. Kundul) ---

Kata Dibata kerna persembahen : Masmur 34:2 “Lalap aku ngataken bujur man Tuhan, kupuji IA la erngadi-ngadi.”

Tupung si endesken persembahenta mari radu ras kita rende i bas KEE No. 272 : 1

Ise kin kami enda o, Bapa, maka kami ngasup mere baNdu Labo ban gegeh kami o, Bapa, lako mere man baNdu Reff : Kai pe si lit ibas kami o, Bapa E kap bekas pemereNdu man kami Enda sada bagin Bapa, ipersembahken kami

Pertoton Persembahen ras Sapaat P1 Ertoto gelah GBKP ngasup jadi gereja si mereken pelayanen sue

ras keperlun perpulungen ras perubahen jaman . (Dung P1 maba pertoton, ialoi perpulungen alu rende KEE 466)

Bujur o Tuhanku, bujur o Tuhanku Terpujilah gelarNdu

Bujur O Tuhanku


34

P2 Ertoto kerna si turah i bas perpulungen (Dung P2 maba pertoton, ialoi perpulungen alu rende KEE 466)


Bujur O Tuhanku

P3 Pertoton kerna Persembahen (Ibabai Permata) (Dung P3 maba pertoton, ialoi perpulungen alu rende KEE 466)


Bujur O Tuhanku P4 Bangsa ras negara, Penanganan Covid 19

(Dung P4 maba pertoton, ialoi perpulungen alu rende KEE 466) Bujur o Tuhanku, bujur o Tuhanku

Terpujilah gelarNdu Bujur O Tuhanku

---- (Perp. Tedis) ---

L Gereja lit jadi pasu-pasu man doni enda. P Nggit aku ipake Tuhan mbaba pasu-pasu man sekelewetku. L Gereja arus tetap njabab perbeben rikutken situasina P Nggit kami terus erlajar guna pehuli pelayanen gerejaNdu L Si pindo gegeh gelah ngasup kita ndalanken sura-sura Dibata i bas

kegeluhenta alu ras kita rende KEE 360 si endeken kari telu kali. I bas Tuhan aku megegeh, Tuhan me ku pujiken Tuhan me jadi gegehku, i bas IA lit kesenangen,

I bas IA lit kesenangen......

L Mari radu ras kita ertoto bagi siniajari Tuhan ninta dage radu ras “O Bapa kami......”

L Alokenlah pasu-pasu idur Dibata nari si mere gegeh man banta (bandu) guna tetap tutus i bas kiniteken ras i bas kerina dampar kegeluhenta (ndu): “TUHAN si mere gegeh dingen ampang-ampang kita (kam) Ku IA lah kita (kam) ernalem. IA si nampati ras periah ukurta (ndu), puji IA alu ende-enden si meriah”(bdk Msm. 28:7).

P Amin...Amin...Amin... (iendeken)

(Tedis Kundul rikutken kecibal)

Pdt. Yunus Bangun, M.Th.


35


WARI/BERNGI V, KAMIS 20 MEI 2021

A. PERSIKAPEN







alu mehuli.



B. KEBAKTIN 1. Kata Penaruh Mejuah-juah man banta kerina, sikataken bujur man Dibata si enggo

naruhken kita ngumputi kebaktin pekan doanta i bas berngi/wari si pelimaken enda. Arapenta i bas berngi enda anak-anakta si nguda denga ngasup ngelumbaken dirina ertoto man Dibata. Sabab jenari me gegeh si banci mabai ia ndalani kegeluhen enda. Marilah si persada ukurta, radu ras kita ertoto man Dibata arah paksa tenengta……

--------paksa teneng iiringi musik instrumental--------

Sipuji Tuhan arah ende-endenta: (Perp. Tedis) KEE No. 345:1 “Nggo Kami Sikap” (2x iendeken) ‘Nggo kami sikap, ndengkeh kataNdu, Tuhan ng’ranalah ‘Nggo kami sikap megi kataNdu Tuhan ng’ranalah Reff: Sehken kataNdu man kami min, arah kemahenNdu Sehken pedahNdu man kami min, arah kemahenNdu

2. Votum + Salam L I bas gelar Dibata Bapa si nepa doni enda, i bas gelar Jesus

Kristus si jadi ulu pertoton, ras i bas gelar kesah si Badia si ngajari manusia ertoto.

Perkuah ate i bas Dibata Bapa, i bas anakNa Jesus Kristus ras i bas gelar Kesah si Badia. Amin.

P Amin…Amin…Amin… (iendeken)


36

Invocatio L “Ola aru atendu kerna kai pe, tapi i bas kerina pertotonndu,

pindolah man Dibata kai si iperlukenndu, janah pindolah rusur man baNa alu pusuh si dem pengataken bujur.” (Pil. 4:6)

Sisehkenlah pertotonta man Tuhan tandana kita ngataken bujur man baNa arah ende-endenta:

KEE No. 176:1 (Iulih-ulihi 2x) I bas toto ku belasken, seh man baNdu Tuhanku Ajar aku lah ngaloken, si mehuli akapNdu Pertotonku bagi Jesus, sanga bas kinis’ranNa Labo peratenku Bapa, peratenNdu jadilah

-------------- Perp. Kundul -------------

3. Pujin Man Dibata si Jadi Ulu Pertoton L Dibata erkeleng ate kap man kerina manusia. IbegikenNa pertoton

kalak si erlebuh man baNa. P Terpujilah Tuhan, si katawari paksa pe ndengkehken kerina

pertoton anak-anakNa. L Sisehken puji-pujinta man Dibata arah ende-endenta: KEE No. 365:1 “Kudahi Kam Tuhan Dibatangku” Kudahi Kam Tuhan Dibatangku Ku penangkih totoku man baNdu Kukataken bujur ermengkah ukurku I bas ngaloken perkuah ateNdu Reff: ‘Nggo tangkas peratenNdu bas geluhku Bujur o Bapa ‘nggo malem ateku

4. Kegeluhen Manusia I Bas Ertoto L Pertoton e me ingan kalak si erkiniteken ngataken bujur dingen

mindo gegeh man Dibata. P Ngaku kami Tuhan, megati denga kami lupa ngataken bujur man

baNdu arah pertoton kami L Pertoton me ingan kalak si erkiniteken ndatken pemeteh ras

kepentaren. P Ngaku kami Tuhan, kurang denga kal kinitutusen kami mindo

pemeteh ras kepentarenNdu arah toto kami. L Siakuken kinilangasupenta megenggeng ertoto arah ende-endenta:

KEE No. 412:1 “Bas Toto” (iulih-ulihi 2x) Bas toto ku endesken geluhku Ku Tuhan si njayam kegeluhen Begiken min pingko-pingkoku Tuhan Latih mberat baban kegeluhenku


37

5. Pergegeh Gelah Manusia Tutus Ertoto (Perp. Tedis)

L Kata Dibata si ngajuk manusia gelah megenggeng dingen tutus

ertoto, niNa: “Erkiteken si e erjaga-jaga dingen tutuslah kam i bas

ertoto. Ertotolah rusur guna kerina anak-anak Dibata” (Ep 6:18c)

E maka mari si pujilah Dibata alu ngendeken:

KEE No. 270:1 (iulih-ulihi 3x)

Ermengkah ras ertoto, em keg’luhen si payo

Bas Kristus k’riahenta, meteruk ukurta

Reff: I bas senang ntah susah, kecibal geluhta

Pujilah Tuhan kataken bujur, alu bulat ukur --- Perp. Kundul ---

6. Renungen Renungen : 1 Raja-raja 3:1-9 (ibenai ras idungi alu ertoto) Tema : “ERTOTO GUNA PENTAR”

Adi ibereken kesempaten man banta mindo, kira-kira kai nge si perlebena kal si pindo man Dibata? Kesenangen ras kiniulin man dirinta ntah man jelma si nterem? Banci jadi enterem denga kita si ertoto guna dirinta jine. Langa kita ertoto guna kiniulin kalak si deban. E ngatakensa maka biakta i bas ertoto memang ipengaruhi kepentingen ras sura-suranta. Mungkin turah ka penungkunen salah kin adi i bas pertotonta kita ertoto guna dirinta jine? Tentu lang. Sabab ertoto e me ingan man man banta lako nuriken isi pusuhta man Dibata. Tentu i bas nuriken isi pusuh e lit ka nge ije pemindon ras sura-suranta. Tapi hal si perlu si eteh maka i bas pertoton e pindolah pemeteh ras kepentaren guna ndalanken si bujur bas kegeluhenta.

Keterpilihen Salomo i bas kiningudanna jadi sekalak pemimpin man bangsa Israel nuduhken maka Dibata banci make ise pe jadi alatna lako encidahken kemulian ras kuasaNa bas doni enda. Ertina maka Dibata la mbatasi usia manusia gelahna banci jadi pasu-pasu man doni enda. Subuk nguda ntah metua, banci ipake Dibata jadi pasu-pasu man kerina tinepaNa. Si enda me si isaksiken Salomo i bas geluhna. Tupung Dibata milih ia jadi Raja (pemimpin) gelahna bangsa Israel banci nggejapken pemere Dibata erkelang-kelangken Salomo. Alu bage, tentu teridah alu tangkas maka i bas rancangen Dibata e, banci ipakeNa kerina tinepaNa lako mpetangkassa. Alu bage, Salomo ngasup nuduhken maka ia pe banci jadi alat pasu-pasu si ipake Dibata man doni enda.

I bas kiningudanna selaku sekalak pemimpin e, tentu isadari Salomo kal maka melala kekurangen ras keterbatasenna. Secara khusus i bas kiningasupenna lako merentah ras ngaturken bangsa si mbelin e. Sebab bangsa Israel termasuk bangsa si cukup mekeng, ras megati kal


38

perukurenna pe mobah-obah. Erpalasken si e me maka Salomo ertoto mindo penampat man Dibata. Ituduhken Salomo maka i bas kekurangenna e lit nge gegeh si banci ialokenna i bas Dibata nari. E maka si iandalkenna ije e me kap: ertoto mindo gegeh ras penampat i bas Dibata nari. Aminna pe ia nguda denga, la ipebelinna sura-sura pusuhna. Tapi ituduhkenna maka gegeh Dibata kap si erdahin i bas ia. Bage me isehken Salomo pertotonna man Dibata gelah ikuhi Dibata min ia alu kepentaren situjunna guna ngaturken bangsa e alu bujur. Dingen ipindona pe kinibeluhen lako mbedaken si bujur ras si jahat.

Adi ipernehen i bas sisi kiningudan Salomo, tentu ituduhkenna kal biak kiniteken si paguh i bas ia. Sabap megati kal kalak si nguda mekarus makeken gegeh si lit bas ia. Megati denga isorot kepemimpinen kalak si nguda erkiteken iakap kurang mbue ertimbang. Tapi Salomo nuduhken maka metua ras nguda labo jadi pengaruh. Si terpenting i je kinitutusenna erpengendes ras ernalem kempak kuasa Dibata. Salomo berhasil i bas si e. Ituduhkenna maka sope ibenakenna dahinna selaku pemimpin man bangsa si mbelin e, leben ipindona gegeh, kepentaren ras kinibeluhen man Dibata arah pertototna. Tentu enda perlu kal jadi usihen man kerina anakta singuda denga. Ituduhken Salomo maka ia kalak si mengandalken gegeh toto bas kegeluhenna. Janah pertotonna pe teridah nge integritasna selaku kalak si erkiniteken.

Sasaren tahun pelayanen GBKP i bas tahun 2021 enda e me Generasi Muda Menjadi Berkat. Salah sada hal si perlu ituduhken generasi muda GBKP e me megenggeng ras tutus i bas ertoto. Ertina masa muda e me masa mpersiapken ras mengasah diri gelah tutus i bas ertoto. Alu bage, i bas kiningudan e pe enggo ngasup ia jadi pasu-pasu man sekelewetna. Ituduhkenna maka ertoto e enggo jadi sada biak si penting i bas geluhna. Bagi nina ungkapen, doa adalah nafas orang percaya. Arus lit keyakinen i bas generasi muda maka adi ia nggeluh bas kinibujuren, pertotonna pe pasti nge erkuasa. E maka ertotolah guna ndatken kepentaren, gelah banci jadi pasu-pasu kempak doni enda.

7. Pengakun Kiniteken (Perp. Tedis)

8. Persembahen Pengataken Bujur (Perp. Kundul) a) Kata Dibata si jadi palas i bas nehken persembahen e me kap: ”Lit

kalak melumbar mere, tapi tambah-tambah kebayakenna, lit kalak degil, tapi tambah-tambah kemusilenna. Melumbarlah mere maka kam reh bayakna, sampatilah kalak maka kam pe isampati” (Kua. 11:24-25).

b) Tupung siendesken persembahenta, rende kita i bas: KEE No. 282:1,3 “Kukataken Bujur BaNdu”


39

Kukataken bujur baNdu, o Kam Tuhan penebus Aku enggo s’lamatkenNdu, arah lias ateNdu Reff: Keleng kal ateNdu aku Simpar kap ngaruhNdu bangku Lias ateNdu lanai terpilasi, Kupuji kam teptep wari

Arah perkuah ateNdu, mejuah-juah aku Senang me kapen geluhku, kupujilah gelarNdu Reff : …

c) Pertoton persembahen ras pertoton sapaat (Si maba pertoton e me anak-anak Permata ras Remaja) Pemerentahen Indonesia i bas ngatasi Pandemi Covid 19 Generasi muda gelah ngasup jadi pasu-pasu ku sekelewetna Si turah i bas perpulungen Si mada jabu Si mada jabu wari si berikutna

9. Perpadanen manusia kempak Dibata (Perp. Tedis) L Ajarilah anak-anakta si nguda denga gelah makeken toto jadi

asamna ndalani kegeluhen. P Erpadan kami Tuhan, mabai anak-anak kami si nguda denga gelah

njadiken ertoto jadi biak geluhna. L Sipeteguhi perpadanenta arah ende-endenta: KEE No. 75:1 (Iulih-ulihi 3x) Tetapkenlah ukurta, ngikutken Yesus e Si gelemlah pedahNa, tutus ateta pe Piher tendinta pe, ban IA penalemen Kesusahen i doni, talu ibanNa pe

10. Pertoton Tuhan

11. Pemasu-masun L Bahanlah pertotonndu jadi dalanndu ersaksi man doni enda,

dingen alokenlah pasu-pasu idur Dibata nari: “Ipasu-pasu janah ikawali Dibata kam (kita), siang ayo Dibata

ersinalsal ibabondu (nta). Janah melias ate-Na ngenehen kam (kita). Itatap Dibata ku kam (kita), janah malem ate-Ndu (ta) ibahan-Na. “ Amin.

P Amin…Amin…Amin...(iendeken)


Pdt. Dicky A. Bangun, M.Th.


40


WARI/BERNGI VI, JUMAT 21 MEI 2021 Persikapen 1. Adi kebaktin Pekan Doata enda ilakoken i bas rumah sekalak-sekalak,

si la ielai serayan (pendeta, Pt. Dk) kerna votum, salam, ras pemasu-masun la padah ibelasken.

2. Adi enggo banci silakoken i bas PJJ ntah alu sistem Jetro maka banci si lakoken bagi liturgi si lit dingen mperdiateken adaptasi kebiasan baru.

3. Adi ilakoken alu daring (zoom, google meet ras si debanna) banci ilakoken rikutken situasina gelah kerina erdalan alu mehuli.

4. Siusahaken maka anak-anakta, generasi muda, banci ikut muat bagin i bas kebaktin enda.

Kata Penaruh Mejuah-juah man banta kerina, salam sehat… Terpuji Tuhan sitetap ngkuhi kegeluhenta alu kerina si mehuli, ipengasupNa kita mentasi kegeluhenta alu penampat ras keleng ateNa. Teptep paksa kita nggeluh i bas pertoton, teptep tahun kita bengket ku bas sepuluh wari ertoto alu bage reh beluhna, reh ngasupna kita ertoto dingen reh tangkasna man banta kuasa Dibata i bas njabab ras nehi pertotonta alu ngantusi rahasia bage pe ulih kerina sibelasken kita man Dibata i bas pertotonta e. I bas wari /berngi si peenemken enda ibabai kita ngidah ulih pertoton-pertotonta si peseh kita man Dibata si jadi alamat totota e. Megati turah penggejapen ras pengangkan maka la lit ulih pertotonta, la ijabab Dibata, itundalkenNa kita. Pengangkan si bagenda rupana erbahan mekisat ntah pe bosan kita ertoto. Arah kebaktinta enda mari tole kita erlajar kerna pertoton ras ulihna. Sibenaken alu tetap ngataken bujur man Dibata arah pertotonta. Ertoto Rende KEE No. 205:1 (Perp. Tedis) Rehlah min o Tuhan, sikap kami k’rina, ersembah man banNdu jenda Nusurlah min o Tuhan, bahan sikap k’rina, ukur kami pe badia O Bapa, b’re gelah, daten pasu-pasu, kami k’rina enda


41

Votum, Salam, Invocatio L Kebaktin Pekan Doa wari/berngi pe enemken enda ibenaken i bas

gelar Dibata Bapa sinepa doni ras kerina isina. I bas gelar Jesus Kristus si enggo ngajari kita ertoto. I bas gelar Kesah si Badia si nemani kegeluhenta i bas doni enda.

Perkuah ate Tuhan Jesus Kristus, kekelengen Dibata Bapa ras kerembaken Kesah Si Badia ras kita (kam) kerina gelah. Amin

P Amin…Amin…Amin… (iendeken) L NiNa i bas pertotonNa, “O BapangKu, o BapangKu! La kap lit si

metahat i bas Kam. Agui min calung kiniseran enda i bas Aku nari. Tapi labo peratenKu, peratenNdulah jadi (Mark. 14:36)

Sipuji Tuhan i bas kitab ende-endenta No. 176:1,3 I bas toto kubelasken, seh man baNdu Tuhanku Ajar aku ‘lah ngaloken, si mehuli akapNdu Pertotonku bagi Yesus, sanga bas kinis’ranNa Labo peratenku Bapa, peratenNdu jadilah

Malem ate bas geluhku, i bas kekelengenNdu I bas susah sampatiNdu, Kam kap penalemenku Kuakuken bagi Yesus. sanga bas kinis’ranNa Labo peratenku Bapa, peratenNdu jadilah

----------- Perp. Kundul -----------

Pengajaren Dibata kerna ertoto (Matius 6:7-8) L Adi ertoto kam ola mulih-ulih bagi kalak si la nandai Tuhan. Ia

erpengakap maka adi gedang pertotonNa ibegiken Dibata kap P Bujur Tuhan, Kam me guru kami, iajariNdu kami gelah payo

pengangkan ras pendalanken kami kerna ertoto. L Tapi kam ola bage. Sabab ope denga ipindondu, enggo leben ieteh

bapandu kai siiperlukenndu. P Tangkas kal kerina isi pusuh kami iadepenNdu Tuhan, amin enggo

ietehNdu kerna geluh kami. Tetap ate kami nuri-nuri man banNdu. L+P Amin L Sipuji Tuhan si enggo ngajari kita kerna ertoto arah KEE No. 249:1 Ajar aku o Tuhanku, make kata ras pedahNdu Kueteh payo ras sentudu, kuikutken bas geluhku Singikut pedah Dibata, daten me kerembakenNa Pedah Kata tangkas k’rina, em jadi gelementa


42

Pengakun ras pengalemi dosa i bas kurang tutus L Geluh kalak si erkiniteken e me ertoto. Arah ertoto mehuli ras mbages

kal hubungenta ras Dibata. Amin bage gia perluna ertoto, megati kal kita la tutus ertoto. Lit si adi perlu ia, ertoto, adi la iakapna perlu labo ingetna ertoto. Lit ka si tutus ras rajin ertoto tapi alu la igejabna turah menek-menekna sabab la iakapna ibegiken Dibata pertotonna. Lit ka si ertoto, tapi jabapen, ulih pertoton e enggo itentukenna sue ras sura-surana. Kuga nge ndia kita i bas pengalamen ras pengangkanta kerna ertoto sedekah enda?

…..paksa teneng….

L Sidahi Tuhan, mari siakuken salah lepakta, i bas kurang denga pengangkanta kerna ulih pertotonta.

P Alemi kal kami Tuhan, bagi sura-sura kami ate kami sijadi ulih pertoton sisehken man baNdu.

L Sidahi Tuhan arah ende-endenta KEE No. 412:1 (iulih-ulihi 2-3 kali) Bas toto kuendesken geluhku, ku Tuhan sinjayam kegeluhen

Begiken min pingko-pingkoku Tuhan, latih mberat baban kegeluhenku L Dibatata e me Dibata si dem keleng ate. Mbelin ras mbages kal

keleng ateNa man banta. E maka labo itaktakiNa erbage-bage kekurangenta, e maka ialemiNa kerina salah lepakta, Nina i bas Esekiel 33:16 ‘Kualemi dosa siibahanna, janah nggeluh me ia sabab enggo benar dingen bujur perbahanenna’.

L Sikataken bujur man Dibata si enggo ngalemi dosanta, sipuji IA arah nehken puji-pujinta, rende kita KEE No. 402:1 (iulih-ulihi)

Perban kekelengenNdu, tebusiNdu dosangku Alu mambur darehNdu, geluhku jadi mbaru Reff : Asa ngasup gegehku, kuikutken kataNdu Yesus Kam si perkuah, kupuji ras kusembah

Renungen : Jakub 5:13-18 (ertoto sope ras kenca renungen) Tema : Ulih Pertoton

Ulih, e jadi sada perayaken i bas kerina silakoken manusia i bas kegeluhenna. Megati ulih e enggo sitentuken desken target, janah rusaha kita guna ndatken ras nehisa. Termasuk selaku kalak si tek, i bas kerina usahata la saja sidahiken, siperjuangken tapi pe si totoken, gelah seh bagi nisura. I bas si e megati jadi la sitik kalak si kecewa dikune la seh kai si itotokenna, si kedungenna nalahken Dibata, ngataken Dibata la erkeleng ate, jungut-jungut ras si debanna.


43

Arah renungeta enda ibabai kita tole ngangkai pertoton i bas kerina dampar geluhta. Jakub ngajuk maka i bas kerina dampar geluhta arus tetap ertoto. Piga-piga si man renungenken, maka i bas kerina kecibal geluh arus tetap ertoto.

Mesera, senang, sakit enda kecibal geluh si arus ibentasi ras inanami manusia. I bas si e ertoto, rende, ngataken bujur jadi caranta tetap njaga hubungenta ras Dibata.

Tanggungjabab serayan notoken perpulungen janah pertoton e mbelin kal iarapken mpepalem kalak sakit. Amin la kepe kerina pinakit ipepalem amin bage gia gereja arus terus ertoto gelah kalak sakit ipepalem. I bas si e pe perlu kal kita erdame ras dirinta, sapi-sapih temanta bage pe ras Dibata, alu bage malem pinakitta (daging kula ntah pe pusuh).

Jakub pe nuratken pengalamen nabi Elia i bas ertoto sanga ia jumpa ras dewa-dewa Baal, teridah maka seh pertotonNa, lego telu tahun dingen udan ka i bas paksana. Bage me ikataken maka pertoton kalak tutus ergegeh kal. Janah kerina enda jadi erkiteken sura-sura Dibata.

Adi siperdiateken i bas kegeluhenta la sitik si kecewa erkiteken la seh sitotokenna: pinakit la malem-malem seh mate, kiniseran langa dung sada reh ka si deban, dahin siusahaken kita la seh, cita-cita anak singuda: sekolah, dahin ntah pe teman geluhna. Deba memaksa, ngotot, gelah bagi sura-surana atena si jadi, siatur ateta Tuhan gelah nehi kai sura-surata. Perlu kal siantusi maka ulih pertoton e, la saja seh pemindonta, arapenta tapi mengubah sura-sura ras sudut (cara) pandangta nandangi sura-surata dingen sura-sura Dibata. Reh belinna kengasupenta ngangkai kegeluhen enda, reh buena dampar si banci sidat si jadi ulih i bas rusurna kita ertoto. Tapi la sitik kita si tutus ertoto alu sada ulih si enggo sitetapken, sipastiken ras siarapken. Reh rusurna kita ertoto arusna reh buena siidah cara Dibata ngaturken kegeluhen; reh belinna siidah kuasa Dibata i bas mereken jabapen; reh gegehna kita ndalani kegeluhen, janah la sempit cara rukurta alu ngaturken ulih pertotonta. Nina anak singuda genduari kita arus ngasup move on i bas cara rukur sibage rupa. Arus lebih sitandai dirinta, sura-surata bage pe Dibata si jadi alamat pertotonta e.

Lit sekalak anak diberu, umur 7 tahun, si ertoto erkiteken bene gulina (kelereng). Teptep wari ertoto ia gelah ituduhken Tuhan i ja kelerengna ndai janahna tetap kidaram. Kenca piga-piga wari nungkun nandena, ‘enggo datndu gulindu ndai nakku’? Sabab idah nandena lanai lesek ate anak e ndai bagi piga-piga wari perpudi enda, enggo mulai siang ayona. Ijabab anak e ndai nina, ‘aku enggo puas ertoto janah la kudat gulingku ndai e maka gundari pertotonku gelah lanai morah ateku gulingku ndai janah ipengasup Tuhan aku melepassa’.


44

Bage me Jesus i bas pertotonNa, puncak kiniseran, kebiarenna ngalaken kematen. IantusiNa kal kai si lit i adepenNa, si man bentasenNa tapi secara manusia i bas kebiarenNa e, ertoto IA mindo adi banci la ibentasiNa kiniseran e, sabab ietehNa kal labo lit simetahat i bas Dibata, ietehNa kal si jadi e kerina pelin-pelin kuasa ras otoritas Dibata, la lit si jadi tanpa ijinNa. I bas pengangkanNa si bage rupa, ibelaskenNa pengendesen diriNa ‘labo peratenku tapi peratenNdulah’. Ngelebeken sura-sura Dibata i bas rancangenNa si mbelin arah kerina kegeluhen doni enda. Amin kerina si jadi e rikut ras sura-sura Dibata la ngataken maka kita ngadi ertoto, ietehNdu kap kerina Tuhan, erkuasa kap Kam, e maka lanai kita ertoto. Labo bage. Kita arus tetap ertoto (ngataken bujur, nehken pemindon, nuriken ukur, ercakap-cakap ras Dibata) sabab e me tanda kegeluhen kalak si tek, nggeluh selaku keluarga Dibata, tetap erkomunikasi, gelah reh deherna kita ras reh belinna penandaita kerna IA. Pengakun Kiniteken (Perp. Tedis) Persembahen (Perp. Kundul) L Kata Dibata si jadi palasta mpepulung persembahenta, siisuratken i

bas Masmur 116:17 ‘Kubaba ateku persembahen pengataken bujurku, janahku ertoto man baNdu’. Tupung kita maba persembahen pengataken bujurta sipuji Tuhan arah

KEE No. 270:1 (iulih-ulihi) Ermengkah ras ertoto, em keg’luhen si payo Bas Kristus k’riahenta, meteruk ukurta I bas senang ntah susah, kecibal geluhta Pujilah Tuhan kataken bujur, alu bulat ukur Pertoton Persembahen ras sapaat

Persembahen

Kerina perpulungen tutus ertoto ras meteh ulih pertotonna

Siturah i bas perpulungen Tekad, Pengutusen ras pasu-pasu (Perp. Tedis) L Enggo reh payona pengangkanta kerna pertotonta ras ulihna, kuga

dage tekadta wari-wari sireh enda?

P Reh tutusna aku ertoto, notoken kerina dampar kegeluhen dingen pasti ku dat ulih si payo ras sura-sura Dibata.

L+P Amin


45

L I bas pendungi kebaktinta, sipuji Tuhan alu ngendeken KEE No. 379:1

Tuhan tetap nemani geluhku, dingen mereken dalan man bangku Ernalem gelah tetap, ras ertoto man baNa Tuhan tetap, nemani geluhku

L Ertoto kita bagi pertoton si enggo iajari Tuhan Jesus man banta kerina. Nintalah radu ras ertoto: O Bapa kami sinisurga…..

L Tetaplah kam nggeluh i bas pertoton man Dibata, penanam-nanam ulih pertoton e i bas geluhta. Reh ngasupna kita ngangkai sura-sura Tuhan i bas kegeluhenta, ipasu-pasuNa kita, alokenlah pasu-pasuNa e ‘Dibata si mada perkuah ate, si enggo nenahken kita (kam) ku kemulianNa si rasa lalap i bas Kristus, njadiken kita (kam) serta, tetap megegeh dingen paguh. IA nge si mada kuasa seh rasa lalap. Amin

P Amin…Amin…Amin… (iendeken)


Pdt. Suenita br Sinulingga, M.Th.


46


WARI/BERNGI VII, SABTU 22 MEI 2021

A. PERSIKAPEN

Adi kebaktin Pekan Doa enda ilakoken i bas rumah sekalak-sekalak, si la ielai serayan (pendeta, Pt/Dk) kerna votum, salam, ras pemasu-masun la padah ibelasken.

Adi enggo banci silakoken i bas PJJ ntah alu sistem Jetro maka banci si lakoken bagi liturgi si lit dingen mperdiateken adaptasi kebiasan baru.

Adi ilakoken alu daring (zoom, google meet ras si debanna) banci ilakoken rikutken situasina gelah kerina erdalan alu mehuli.

Siusahaken maka anak-anakta, generasi muda, banci ikut muat bagin i bas kebaktin enda.

B. KEBAKTIN 1. Kata Penaruh

Mejuah-juah man banta kerina turang ras senina i bas kekelengen Tuhanta Jesus Kristus. Perlebe patut kita ngataken bujur man Dibata i bas lias ras perkuah ateNa ipeatankenNa kita i bas kebaktin pekan doa wari si pepituken e me wari pendungi pekan doanta i bas tahun enda. Kebaktin pekan doanta tahun enda ngajuk ras ngiahken kita segelah ertoto la erngadi-ngadi. Kita megegeh i bas ndalani kegeluhen enda e me erkiteken gegeh ras penampat si rehna i dur Dibata nari. Marilah sipesikap pusuh ras perukurenta guna mengketi kebaktinta, mari ras kita ertoto………

2. Rende KEE No. 202:1 (Perp. Tedis) Ernalem gelah, man Yesus kula ukur tendingku Endesken geluhndu baNa, keleng ateNa bandu Reff : Ernalem gelah, tutus min gelah O Yesusku, bahan aku ernalem gelah

3. Votum - Salam L I bas gelar Dibata Bapa inganta nehken pertoton, i bas gelar

AnakNa Jesus Kristus si jadi kelang-kelangta (ndu) nehken pertoton, ras i bas gelar Kesah si Badia si nampati kita (kam) guna nehken pertoton.

Malem ateta (ndu) erkiteken seh wari enda, Dibata tetap encidahken lias ras perkuah ateNa ras si tetap megiken pertoton kalak si erkiniteken. Amin.

P Amin... Amin... Amin... (Iendeken)


47

4. Berita Kerna Perbahanen Ras Sura-sura Dibata (Invocatio) L “Meriahlah atendu i bas kam erpengarapen, megenggenglah

kam i bas kiniseranndu, janah ertotolah kam man Dibata la erngadi-ngadi” (Rm. 12:12).

Erpalasken Kata Dibata enda, sipuji IA alu ras kita rende : KEE No. 270:1

Ermengkah ras ertoto, Em kegeluhen si payo. Bas Kristus k’riahenta, meteruk ukurta. Reff : I bas senang tah susah, kecibal geluhta. Pujilah Tuhan kataken bujur, alu bulat ukur.

5. Kinata Kegeluhen Manusia i Ertoto (Perp. Kundul) L Dibata sikap katawari pe ndengkehken pertoton kalak si

erkiniteken. P Ngaku aku Tuhan, kurang kel aku tutus ertoto ras anem gia

kusehken pertotonku megati kurang tek aku nandangi pertotonku. L Ola aru atendu, Dibata meteh kai simehulina guna isehkenNa

man anak-anakNa. P Ngaku aku Tuhan, megati tupung i bas paksa lit perbeben ntah

kiniseran e saja aku ertoto. Tuhan, alemilah aku. L Sisehken pingko-pingkonta man Dibata alu ngendeken: KEE

No. 76:1 (2x) Ku lebeNdu Dibatangku, Aku nembah ‘rjimpuh pe. Dengkehkenlah min totonku, Nen iluhku mambur e.

6. Padan Dibata Man Si Ngakuken Kinilatunggungenna (Perp. Tedis) L Selaku persuruhen Dibata, aku nehken kataNa man banta (ndu)

si erkadiola dingen nggit jera i bas dosa ras kelepakenta (ndu) : “Ula aru atendu kerna kai pe, tapi i bas kerina pertotonndu,

pindolah man Dibata kai si iperlukenndu, janah pindolah rusur man BaNa alu pusuh si dem pengataken bujur” (Pil.4:6).

Meriah ukurta i bas kita enggo ngaloken padanNa, e maka rende kita i bas : KEE No. 171:1

Gelar Tuhan Yesus Kristus, lit seh si rasa lalap Gelar Yesus maba dame, keriahen si tetap

Reff: Pemasu-masunNa lit me, man k’rina manusia IdiloNa kita k’rina, ku bas kesenangen e

-------------- Perp. Kundul --------------

7. Renungen Renungen : Perbahanen Rasul-Rasul 10:1-4 Tema : Ertoto La Erngadi-ngadi


48

Kinata kegeluhen i doni enda erpaksa-paksa kap. Dibata kap sinjadikenca kerina jadi i bas paksa si payo. Kerina perbahanen Dibata tetap rasa lalap seh rasa lalap. Manusia sitik pe la ngasup engkurangi ntah nambahisa kai si ibahan Dibata e. Bage perbahanen Dibata, gelah malang kita man BaNa. Manusia arus malang man Dibata Si Mada Kuasa. Raja Salomo nuriken “Kenca kerina nggo kutimbang, enda me tampukna si kudat. Erkemalangenlah man Dibata dingen patuh man PeratenNa, sabap guna si e saja me manusia itepa” (Peng. 12:13). Erkemalangen man Dibata icidahken salah sada arah ertoto la erngadi-ngadi. Ertina, arah nehken pertoton sibelasken kerina kecibal i bas geluhta, subuk susah ntah senang, sisehken puji-pujinta, pengataken bujurta, pemindon ras si debanna. Ertina, kai-kai saja pe jadi i bas geluhta sisehken man Dibata.

Erlajar kita arah sekalak tokoh si tergelar Kornelius. Tangkas ituriken kerna ise kin Kornelius. I Kesarea lit sekalak dilaki gelarna Kornelius. Ia sekalak komandan i bas pasukan tentera Romawi si igelari "Pasukan Itali". Ia kalak si tutus i bas agama; ia ras isi jabuna nembah man Dibata. Isampatina kalak Jahudi si musil janah la erngadi-ngadi ertoto ia ku Dibata. Kornelius sekalak si erpangkat, anem gia ia erpangkat i tengah-tengah kalak si jadi jajahen Romawi, teridah maka perbahanenna labo encidahken biak-biak si njajah si mpereh kiniseran man kalak si deban. Tapi orat geluhna tuhu-tuhu mehuli si teridah arah orat geluhna e me: Kornelius e me sekalak si tutus i bas agama. Anem gia Kornelius

sekalak Romawi tapi tek dingen igeluhkenna kegeluhenna rikutken agama Jahudi.

Kornelius ras isi jabuna nembah man Dibata. Teridah maka Kornelius labo terjeng ngasup jadi komandan i bas tentera Romawi tapi i bas jabuna pe teridah tuhu-tuhu ngasup minpin isi jabuna nembah man Dibata.

Kornelius mbelin kel i bassa biak nampati. Isampatina kalak Jahudi si musil. Kornelius muat bagin lako mulahi kalak Jahudi si musil. Perbahanenna enda tuhu-tuhu petembil ras perbahanen kalak si njajah sada bangsa. Semalna, penjajah mpeturah kiniseran, kemusilen ras kiniseran nandangi kalak ntah bangsa siijajahna. Tapi Kornelius mpenahangi kiniseran kalak ntah bangsa si ijajah.

Kornelius kalak si erkiniteken man Dibata, teridah arah ketutusenna ertoto, la erngadi-ngadi ertoto ia ku Dibata.

Enda me orat geluh si man usihen, tuhu-tuhu teridah buah kinitekenna arah perbahanenna. I bas orat geluhna si mehuli ras ketutusenna ertoto man Dibata teridah kel keleng ate Dibata nusur ku jabu Kornelius. Ituriken i bas renungenta “Sekali jadi kira-kira jam telu karaben ialokenna sada pengenehenen. I bas pengenehenenna idahna alu tangkas sekalak malekat


49

Dibata bengket ku bas rumahna. Nina malekat e man bana, "O Kornelius." Itatap Kornelius malekat e alu dem kebiaren, janah nina, "Kai Tuan?" Erjabap malekat ndai, "Pertotonndu nggo ibegiken Dibata. Nggo IdahNa kai si nggo ibahanndu nandangi kalak si musil, janah nggo IngetNa pe kam. Ertina, isehken Dibata me ulih pertoton e man kalak si alu tutus ndalanken singena ate Dibata ras si la ngadi-ngadi ertoto.

I bas wari/berngi pendungi Pra Pekan Doa ras Pekan Doa, isehken me man banta si jadi tema umum kerna sepuluh wari GBKP ertoto. “Ertoto La Erngadi-ngadi” jadi pengajuk man banta, terlebih-lebih i bas paksa-paksa pandemi Covid-19 si seh paksa enda la erkedungen. Anem gia paksa enda, pandemi enda lenga erkedungen ola surut semangatta. Bagi nina i bas Invocatio “Meriahlah atendu i bas kam erpengarapen, megenggenglah kam i bas kiniseranndu, janah ertotolah kam man Dibata la erngadi-ngadi” (Rm. 12:12).

Marilah sisehken penampatta, terlebih-lebih nandangi kalak musil segelah tersampat. Sabab erkiteken pandemi Covid-19 enda enggo enterem kalak jadi musil. Sisehken penampatta, alu bage mpenahangi baban si mberat temanta si musil. Bage pe tetaplah alu setia erpengendes, ernalem ras erpengarapen man Dibata. Marilah sisehken pertotonta alu la erngadi-ngadi man Dibata. Tek kita maka i bas kecibal si ugapana pe Dibata tetap erkuasa. Dibata pasti mereken serpang pulah dingen tetap engkawali anak-anakNa si ernalem man baNa. Bagi kerehen Malekat ku jabu Kornelius, tek kita maka Dibata pe reh alu penampat Kesah Si Badia ku tengah jabunta, ku bas geluhta guna mpetetap ukur, mpegegehi ras mereken serpang pulah man banta kerina, Amin. 8. Pengakun Kiniteken (Perp. Tedis) 9. Persembahen (Perp. Kundul)

L Kata Dibata si jadi palas i bas kita ngendesken persembahenta man Dibata :

“Dibata si simpar alu kebayaken si lit i bas Kristus Jesus mereken kerina keperlunndu” (Pil. 4: 19).

Iherta ngendesken persembahen rende kita i bas : KEE No. 354:1,3

1. Kam simbelin Kam terb’rita, Kam kap si termulia Mehuli Kam dingen erkuasa, Kam si mada k’rina sinasa Reff : Sinalsal keleng ate Tuhan, bagi emas si labo luntur Rejin Tuhu dolatNdu Tuhan, ngarak-ngarak kegeluhen 3. Genduari O Dibata, kusehken bujur banNdu Terpuji Kam si mada k’rina, singkelengi kegeluhenku, Reff :


50

Pertoton Sapaat, Notoken : 1. Persembahen (ibabai PERMATA) 2. Gelah perpulungen encidahken orat geluh selaku kalak si erkiniteken

alu ertoto la erngadi-ngadi (ibabai Mamre) 3. Si Turah i bas Perpulungen (ibabai Moria) 4. Si Mada Jabu (ibabai sekalak Serayan)

10. Perpadanen Man Dibata (Perp. Tedis) L Kinata kegeluhen enda erpaksa-paksa kap. Selaku kalak si

erkiniteken aruslah encidahken orat geluh ertoto la erngadi-ngadi. P Erpadan aku Tuhan, tetap aku njumpai kam lako melasken

kerina kecibalku arah pertotonku. L Kuga gia sekali kecibalta (ndu), erpengendeslah man Dibata,

bahanlah si e kerina alu ertoto. Ertotolah i bas bukuna alu kuasa Kesah. Tutuslah kam i bas ertoto. Ertotolah rusur guna kerina anak-anak Dibata.

P Erpadan aku Tuhan, kupakeken me kataNdu. Ertoto aku la erngadi-ngadi.

L Guna peteguhi perpadanenta (ndu) man Dibata, sipuji Tuhan alu rende : KEE No. 202:3 (2X) Ola lupa ‘rtoto baNa, ras kataken bujur pe. Mbue kapen pemereNa, ola lupa kita e Reff : Ernalem gelah, tutus min gelah O Yesusku, bahan aku ernalem gelah

11. Pertoton Tuhan 12. Pengutusen Ras Pasu-pasu Dibata

L Berkatlah dingen bengketilah kegeluhenta (ndu), tetaplah sehken pertoton la erngadi-ngadi. Sabab niNa Dibata Perbahan si e Kukataken pe man bandu: Adi ertoto kam bage pe mindo janah tek maka nggo ialokenndu, ibere Dibata nge man bandu kai pe si ipindondu. Guna mpegegehi kita (kam), alokenlah pasu-pasu si rehna i bas Dibata nari:

“Dibata sumbul kemalemen ate e gelah sincukupi keperlunta (ndu) guna ndalanken si sentudu ras peratenNa. Janah Dibatalah erdahin i bas kita (kam) arah Jesus Kristus, gelah kita (kam) ngelakoken kai si ngena ateNa, man Kristuslah kemulian seh rasa lalap”. Amin.

P Amin...Amin...Amin...(Iendeken)


Pdt. DR. Kalvinsius Jawak


51

GELAR ARON SI EMPERSIAPKEN BAHAN PEKAN DOA GBKP TAHUN 2021

1. Pdt. Agustinus Ginting Manik, M.Th. 2. Pdt. Christopher Sinulingga, M.Th. 3. Pdt. Dicky A. Bangun, M.Th. 4. Pdt. DR. Kalvinsius Jawak 5. Pdt. Jekson Barus, M.Th. 6. Pdt. Karvintaria br Ginting, S.Th., M.M 7. Pdt. Nurbety br Ginting, M.Th. 8. Pdt. Oktoria br Surbakti, M.Th. 9. Pdt. Suenita br Sinulingga, M.Th. 10. Pdt. Yunus Bangun, M.Th.

Ula Lupa Kita Ngikuti

LAKON PERSADAAN SI BADIA

Minggu, 23 Mei 2021


52

LEMBAR SARAN : ………………………………………………………………………………………………………………………

………………………………………………………………………………………………………………………

………………………………………………………………………………………………………………………

………………………………………………………………………………………………………………………

………………………………………………………………………………………………………………………

………………………………………………………………………………………………………………………

………………………………………………………………………………………………………………………

………………………………………………………………………………………………………………………

………………………………………………………………………………………………………………………

………………………………………………………………………………………………………………………

………………………………………………………………………………………………………………………

………………………………………………………………………………………………………………………

………………………………………………………………………………………………………………………

………………………………………………………………………………………………………………………

………………………………………………………………………………………………………………………

………………………………………………………………………………………………………………………

………………………………………………………………………………………………………………………

………………………………………………………………………………………………………………………

………………………………………………………………………………………………………………………

CATATEN : Adi lit masuken / usulenta guna pehuliken Bahan Pekan Doa GBKP 2021 enda ku bas wari-wari si reh enda banci ikirimkenndu ku PUSAT PEMBINAAN WARGA GEREJA (PPWG) GBKP, Jalan Nabung Surbakti No. 2 Kabanjahe, Sumatera Utara 22115. Banci ka ikirimkenndu arah email : [email protected]

Documents

Bujur - gbkpbatangseranganmedan.or.id