Flarussen krant 2013

Nummer: 03 3de Jaorgang 12 Pagina’s Verspreiding: ‘t Raodhoes Bliërick november 2013

Speciale oetgave: Straks bisse weer wie niej!

Bliërick november 2013Straks bisse weer wie niej!

KLEUR CHECKENStraks bisse weer wie niej!

De Flarussen... herbaore. We schrieve alweer 2013, ut jaor wao in weej as niej opgerichte Flarussen veur d’n derde kiër ôs veurstelling in ut Raodhoes op de bühne gaon bringe. In maart 2010 zien weej met ein stök of dreej minse beejein gewaes um ut vruugere theatergezelschap ‘De Flarussen’ opniej laeve in te blaoze. Beej de oprichtingsvergadering op 11 april 2010 ware weej met ôngeviër 30 enthousiastelinge en woord beslaote det weej ech daor zoele gaon, en waal ônder de naam ‘Sociëteit de Flarussen’.

Dit is inmiddels al weer de derde kiër det weej ein veurstelling veur ôg meuge make. En ouk now steit de Paerdskoel en ‘t Raod-hoes weer centraal. Allein gebeurt d’r now iets waat nemus kôs vermoede….

De bestuurstake ware verdeild en d’r woort keihard geschreve um ein verhaol op de büh-ne te kriëge, want weej woele al in november 2010 aan Bliërick en umstreke laote zeen det weej d’r ware. Beej ein verhaol huurt natuur-lik ouk ein decor en geej kint ôg meschien veurstelle wat ut beteikent um binne pakweg ein hallef jaor tekste te schrieve, ein decor te bedinke en te make, beejpassende kleijer en grime te vinde, en dan ouk nog tiëd te vinde um minstes eine kiër per waek onder leiding van ein echte regisseuse te rippetere um ôs vervolgens aan ôs publiek te kinne prissentere.

Geld hadde we natuurlik ouk neet en d’r woort ein sponsoraksie op touw gezatte um toch de benuedigde pecunia op te haole. Neemes wilt geluive wat det iërste hallef jaor van ut bestaon van Sociëteit de Flarussen aan energie gekos haet van allemaaol ôs leeje!Weej hebbe ut dudelik euver leeje die dus echt lid zien van ôs vereiniging, die zellefs kôn-tribusie betalen um überhaupt mei te meuge doon.Inmiddels zien weej dreej jaor vaerder en dörve weej te zegge det weej same toch iets neergezatte hebbe in Bliërick. Alle veurstel-linge gewoën oëtverkoch!

En ouk in ut verleeje hebbe we nog iets kinne doon veur de bewoëners van ut alde verzör-gingstehoës ‘Onder de Wieën‘ en dit jaor doon weej nog wat veur ut S.O.B. en de Zonnebloem.Maar beste minse, zoëiets waas noëijts meuge-lik gewaes zônder ôs sponsore, wat subsidie

Nae…det gaon ik oëteraard neet vertelle. Daor meug geej zellef naor kômme kiëke. Maar now weej ut toch taege ôg as publiek hebbe, ut feit blief, det weej neet zônder ôg kinne. Idder jaor kômp geej trouw. En daor meuge weej bes waal efkes beej stilstaon. Weej haope ôg dan ouk eine leuke en ôngecompliceerde aovend te kinne bezörge. Efkes alle zörg aan de kant en achtereuver gaon hange. Minse, bedank det geej d’r weer ziet!

Paula Nelissen, Flarussen regissseuse

van de Gemeinte Venlo en ôg, bezeukers van ôs veurstellingen. En natuurlik ouk van ôs ‘live’ orkest. Want bin noow iërlik, optraeje veur eine laege zaal zônder meziëk stelt hiele-maol niks veur!

Weej zien as vereiniging inmiddels oëtge-greujd naor ôngeviër 60 leeje en weej doon d’r allemaol ôs uëterste bes veur um ôg ouk dit jaor weer eine geweldige aovend te bezörge.Veur ôg, maar ouk ein bietje veur ôszellef want wat is d’r noow moëijer um eine volle zaal aan ut lache te kriëge. En geluif ôs, ge-lache wuurt d’r weer!

Flarus Gerard GielenÔgge Flarussen veurzitter

Leef Flarussenpubliek...

Letste niejsTheaterstök van

SOCIËTEIT DE FLARUSSEN

‘ram’ oëtverkoch!

De FlarussenTeks en meziëk: Peter JansenHeej zien de Flarussen, de Flarussen de FlarussenHeej zien de Flarussen, de Flarussen, veur ôg!Wat weej bringe, wat weej zingeZien oët Bliërick allerhande dinge,Wat heej gedach is, wat heej gezag is,Hebbe weej beejein gezôch,Heej zien de Flarussen, de Flarussen veur ôg

Weej hebbe ech allein benöl,Van al wat krangs, verkiërd of raar is,En helt geej van dae flauweköl,Zeet geej zelf auk eine flarus.Heej zien de Flarussen, de Flarussen de FlarussenHeej zien de Flarussen, de Flarussen, veur ôg!Wat weej bringe, wat weej zingeZien oët Bliërick allerhande dinge,Wat heej gedach is, wat heej gezag is,Hebbe weej beejein gezôch,Heej zien de Flarussen, de Flarussen, veur ôg!

De

Flar

usse

n

Bliërick

Holt-Bliërick

Bookend

Venlo

Bliërick

Holt-Bliërick

Bookend

Venlo

Euverdaag 28° s’Nachs 12°Beej ‘t Raodhoes, wao De Flarussen eur jeur-likse theaterstök opveure, is ‘t hiel erg werm. Of haet die wermte ‘n andere oorzaak?

Wat ’n waer

In Bliërick hebbe ze aaf en toe

‘n kort luntje

Bliërickse minse

waere steeds dieker

De Flarussenzien d’r

klaor veur...toch?

Kortere wachtieje

beej Bliërickse tandarts




KLEUR CHECKEN

Hay Ruijs, iërelidvan deFlarussen

SPONSORSPONSOR

Brand in ‘t RaodhoësSmoke on the water - Deep Purple - (Blackmore/Gillian)Tekst: Peter Jansen

Umstander 1: Ik loog gewoën te luime, Einen hielen depe slaop, Maar midde in mien moeije druime, Ginge mien auge aop. Ik toepde zach mien vrouw aan, Die zag: noow neet en gen genäöl Ik zeg, kôm op en trek dich gauw aan, Want ik heb ein veurgeveul!Saame: Brand in ’t Raodhoës! Kôm es effe kiëke! (de wets neet wasse zuus!) Brand in ’t Raodhoës!Umstander 2: Wie kôs det noow gebeure?Umstander 3: Jao, det is toch allerhand!Umstander 4: Wie lang geit det heej noow nog deure?

Pliessie: Noow got ens aan de kant!Brandwaer: Is idderein nao boëte?Pyromaan: ’t Is toch bes waal intressantTien: Die kinne zeker noow waal sloëte!Journalis: Kiëk maar morge in de krant.Allemaol: Brand in ’t Raodhoës! Kôm es effe kiëke (de wets neet wasse zuus!) Brand in ’t Raodhoës! Help!!

Brand in ‘t Raodhoes

ADVERTENTIE

Doot miër met ôg logo

WWW.DERELATIEGESCHENKENKOMPANIE.NL

De kleier- en grimegroep hebbe de hand vol um d’r iets leuks van te make. Zeej zien al maonde bezig met ‘t zeuke nao pas-sende kleier, ‘n sjaaltje, det leuke kledje, dae sjieke bloes, det blonde pruukske of ‘n ‘extra diekmaakpak’. En vinde ze det neet, dan make ze det, of ze kômme met ‘n andere oplossing. En det is genne kattepis beej dit stel Flarussen.

‘Det zuut neet oet’, is de meist gehuurde op-merking beej de kleier- en grimegroep. ‘Dich zuus d’r oet wie ‘nne geweide. Det is ‘n hiele klus um heej iets van te make’. En det duit de kleier- en grimegroep dan auk, zeej zörge det die speulers kriege wat ze nuedig hebbe. Staon die Flarussen dan intelik d’r moei op,

Zônder leuke kleier en grime is ‘t

maar ‘n lillik stel

ADVERTENTIE

‘N PROBLEEM MET DE BUURE?

Advekaotekantoër LinkeSoep 077-1234567

kriege ze nog ‘n kleurke op de snoet, want ‘t vekantiebroen is alweer aan ‘t verbleike. En ‘n theaterstök opveure met ‘nne haup bleike en kranke minse is auk gen gezich. Staon ze d’r dan ‘op en top’ beej, wille ze nog wat in de hand, umdet eur rol dan wat dudelikker wuurt, ‘n tasje, ‘n waegschaol, ‘nne filmcamera, ‘n glaeske beer op ‘t terras, jao zellufs ‘nne hond aan de liën. En eigelik meug geej bes waal ‘ns stil staon beej dees groep, want net as de changeurs haet dees groep gen pauze, want in de pauze zörge zeej weer veur de kômmende scenes.

De kleier- en grimegroep zien pas klaor as de speulersgroep ‘aaf’ is, want zeg now zel-luf, ‘t is maar ‘n lillik stel, of neet?




KLEUR CHECKEN

De rijdende rechter(Surfin usa, Beach Boys)Tekst: Peter Jansen/Wilma AndersonHeb je eens kleine problemen? (hoeoeoeoe)En kom je daar niet uit? (hoeoeoeoe)Kun je niet geven en nemen? (hoeoeoeoe)Trek dan geen vieze snuit, (hoeoeoeoe)want ik weet ’n zeker iemand, (hoeoeoeoe)die je wel bij wil staan. (hoeoeoeoe)Ja, ja, ik weet hij laat niemand (hoeoeoeoe)ontevreden gaan. (hoeoeoeoe)

Ongegronde verwijten; (rijdende rechter maakt alles goed)of onterecht geklaag; (rijdende rechter maakt alles goed)honden, die overal schijten; (rijdende rechter maakt alles goed)getimmer en gezaag. (rijdende rechter maakt alles goed)Gaat ’t u steeds slechter? (rijdende rechter maakt alles goed)Verlies dan niet de moed, (rijdende rechter maakt alles goed)want de rijdende rechter, die maakt alles goed.Heb je ‘ns mot met de buren? (hoeoeoeoe)Dat recht van overpad! (hoeoeoeoe)Moet alles zolang duren? (hoeoeoeoe)Ben je het nu ècht zat? (hoeoeoeoe)Over deze twee terrassen (hoeoeoeoe)is ook een groot geschil. (hoeoeoeoe)Nou, laat je maar ‘ns verrassen (hoeoeoeoe)door de rechters wil. (hoeoeoeoe)

Ongegronde verwijten; (rijdende rechter maakt alles goed)of onterecht geklaag; (rijdende rechter maakt alles goed)honden, die overal schijten; (rijdende rechter maakt alles goed)getimmer en gezaag. (rijdende rechter maakt alles goed)Gaat ’t u steeds slechter? (rijdende rechter maakt alles goed)Verlies dan niet de moed, (rijdende rechter maakt alles goed)want de rijdende rechter, die maakt alles goed.

De

rijd

ende

rec

hter

In Bliërick hebbe ze aaf en toe

‘n kort luntjeHeb geej auk waal ens ‘boenje’ met de buure? Ziën die al 5 jaor ‘t hoës aan ‘t ver- bouwe en waert geej knettergek van det ge-tummer en gezaag? Schiet eure hônd altiëd beej ôg in d’n tuin? Kinne zeej neet gaeve en neme, verleer dan neet de mood, want weej hebbe ‘n paar tips um ‘t op te losse.

1. Is d’n buurman waer ‘ns bezig met tummere, en dink geej: die badkamer meug toch onder-hand waal ens klaor zien? Zet dan de meziëk gewoën wat harder, leefs van dae knetterende house, en douw ôg zelf ‘nne gas watte in de oëre. Probleem opgelos.

2. Schiet d’n hônd van de buure alttiëd nao zien rundje beej ôg in d’n tuin? Dan hebbe weej nog ‘nne alderwetsen tip. Pak d’n haup op en wikkel dae in ‘nne krant, leg um beej de buure veur de deur, bel aan en staek de krant in de fik, buurman of -vrouw kump nao boëte en stamp ‘t veur oët. D’n hond schiet veurtaan örges anders.

3. Kin de buurvrouw neet good kaoke, en stink ‘t regelmaotig wie ‘rottend aafval’, maak dan veur eur ‘n aafspraok beej de GGD um ‘t hoës te kômme ôntsmette en gaef eur op beej ein of andere kookklup. Det soort initiatieve waere zeker in dank aafgenaome.

4. Neemp ‘nne baum van de buure al ‘t zôn-leech beej ôg weg? Heur dan tiëdens eure vekantie ‘n motorzaag, zaag d’n baum um en zaag al ‘t holt in moeije kleine stökskes en sta-pel det netjes op achter ‘t scheurke. Hang dao ‘n kaertje op met: Weej winse og ‘nne lekkere werme winter, vuuel staokplezeer.

5. Zitte die buure op ‘nne werme zomeraovend tot 3 oor boëte te tatele en te lache? En geit de meziek met ‘t oor harder en harder? Goeij dan um ‘t gezelschap wat aaf te keule, ‘nne eimer met kalt water nao beneeje. Zeker weite, det die nao baove rope ‘danke buurman’.

Geej zeet waal, ‘t kin zoë mekkelik zien, verleer neet de mood, alles kump good.

ADVERTENTIE

De BuurmanKettingzaag

Aktie 199,-SPONSOR

Ein van de zwaorwaegende punte beej De Flarussen is altiëd gewaes det weej beej de veurstellinge ‘live’ meziëk woele bringe.Daorum hebbe weej beej ut alleriërste be-gin emus van boëte De Flarussen gevraog um veur ôs ein orkes te formaere. En weej dinke te kinne stelle det det good gelök is.

Weej beschikke op dit moment euver ein 10tal topmuzikante die net zoë gemekkelik noëte van pepeer laeze as det eine normale mins ’s morges de krant lues. En neet allein noëte laeze, nae det ouk nog daor middel van eur meziëkinstrument aan ôs kinne laote huure.Nieuwsgierig as ik bin, bin ik ens naor ein rippetisie gegaon van ôs orkes. Wie det huurt beej muzikante en artieste beginne zeej dus ôngeviër ein hallef oor later as gepland. Maar dan houwe die dan ouk in eine kiër flink van zak.As muzikale leek vind ik ut al geliëk geweldig klinke, maar dan steit dao zônne ‘lange’ met zôn klein saxofoontje in de hand dae letterlik alles huurt wat in zien auge neet good klink en leet de zaak stil. En die andere kiëke dan hiel gedwee op naor dae lange en trekke ônmid-dellik ut boetekleid aan um dan gewoën det nummer nog maar eine kiër te oefene. Maar

umdet die jônge van ôs orkest natuurlik thoës ouk hiel vuul oefene geit ut binne ein mum van tiëd preciës wie dae lange ut gaer huurt. Ein iërste rippetisie met zengers en zangeresse geit hiel anders. Die leeje van De Flarussen die meuge zinge hebbe allemaol ein CD’tje thoës gekrege um alvès te oefenen, en det hebbe ze natuurlik ouk vol euvergave gedaon. Maar met dae schoëlmeisterachtige ‘lange’ in de buurt wuurt ut veur ein aantal toch wat moeilikker, schient. Maar, alwaer volges dae ‘lange’, det kump met nog ein aantal rippetisies veur de oëtveuringe in november nog bes in orde, meint hae. Al zaet hae hiel takties, d’r ziën d’r ein paar beej die bes nog waal ein oëtdaging hebbe!Dus gaon weej d’r van oët det weej straks (veur ôg vanaovend ) in ôs Raodhoes weer ein aantal klinkende nummers met geweldige zang op de bühne bringe.Nao de rippetisie drinke ôs orkesleeje nog ge-zellig ein glaeske baer of vruchtesap en ik kin ôg verzekere det zeej dan det hallef eurke wat zeej te laat begônne zien royaal weer good-make.

Eine van ôs Flarussen.

De Flarussen bringe

‘live’ meziëk




KLEUR CHECKEN

Mien waegschaolDiana - Paul Anka - (Anka)

Tekst: Peter Jansen

Daag en nach dink ik aan dich,

De’s ein zaak van vuul gewich,

Heb ik aete veur mich staon,

Zeen ik diene wiëzer gaon,

Zelfs als ik ens water drink,

Dink ik: Is det neet te link?

Aoh, wat haat ik dich, mien waegschaol.

Nao de frietkraom of de Griek,

Liek ’t of hae hiel kwaod kiek,

Dink ik aan um idders kiër,

Smak mich zelfs de vlaai neet miër,

Kreeg um neet oët miene kop,

Toch oot ik die vlaai toen op!


As ik aafval, effe kiëke, neem ik koekjes beej d’n thee,

As ik aafval, effe kiëke, ojee ojee,

D’r is al weer ein unske beej,

’t Leefste goeide ik um weg,

Maar ik heb de mood neet ech,

Geit det dingk dan aan de kant,

Staon ik met de mônd vol tand,

Neum mich nog ens ein dingk dan,

Wao ik euver täöte kan,


Mien waegschaol

Bliërickse minse waere steeds dieker

Auk met gladgestreke nekke, velt ‘t laeve

neet te rekke...Vraog det maar aan Schoënmooder Klep (Annie Renkien)

De dames van ‘Gen gezich zôn gewich’ zeu-ke nieje leeje, en ‘n niej ônderkômme veur eur waekelikse beejeinkômste.

As geej probleme heb met ôg gewich, sjeneer ôg neet en meld ôg aan beej dees gezellige vereiniging. Geej veult og metein thoes tösse dees gezellige tantes. Geej krieg professioneel advies, wie det geej kint aafvalle en binne ‘n

paar waeke kint geej ‘t resultaat in de spee-gel zeen. Auk manne zien welkôm, maar die hebbe ‘n eige klupke ‘Wat ‘n waer, met zon-nen haup beer’. Op elke woensdaagaovend um 20.00 oor in de Paerdskoel kint geej beej ôs binnelaupe en ôg opgaeve. Kaup dae bikini maar vesjes, en det gede-tailleerd T-shirt, want straks zeet geej d’r oët um door ‘n näöldje te haole.

ADVERTENTIE

SPONSOR

Zoë as iddere kiër probere weej as teks-schrievers en bestuur bepaolde verrassin-gen in ut stök in te bouwe. Ein van die ver-rassingen dit jaor is ontstaon oët ein toevallig moment.

Weej zooge iets, det mekkelik in ein van ôs stökskes kôs mei laupe. Weej meuste allein nog de juuste persoën veur dit stökske bena-dere. Dees dame of maedje, wao weej euver spraeke, waas ôntzettend veriërd (trouwes weej auk), wie weej eur vroge um mei te speu-le in de veurstelling van dit jaor.

Weej spraeke euver nemus minder dan Annie Renkien, de ‘Grande Dame’ oët ut alde Fla-russengezelschap, det in de jaore zestig meus stoppe, umdet de tillevisie zien intreeje deej. En dan zuusse metein det ut bühnevirus, as ut dich einmaol gepak haet, noeits miër los luut. Annie zit ut speule in ut blood, met passie, euvertuging en ein enorme oëtstraoling, en zoë steit ut auk te speule.

Zoë kint ge maar zeen, zelfs op hoëge laeftied is eine mins in staot um miër te doon as achter de geraniums te zitte. Aan de andere kant is

auk dit weer iets wat de Flarussen uniek mak, ald, jônk, klein, diek, dun of knap, lillik, zinge of neet, met mimiek of zônder, zoë kriegs ze eine moeije minselikke mix, waomei in prin-cipe alles meugelik is, en weej as Flarussen ‘de Lach’ oëtdrage.

Dus vanaaf dees plaats, Annie, hartstikke be-dank desse meispeuls.

Hebbe weej nog wat te näöle?

ik dach ‘t neet... dan laot ôs maar beginne!




KLEUR CHECKEN

ADVERTENTIE

SPONSOR SPONSOR

Ein gesprek met de schrieversRep: Hiëre, wat is ôg driefvaer um zoë iets te doon?Wil: Nou, gewoen, umdet weej ut gaer doon, hè Willem?Willem: Eh, klop, jao.Rep: Wie kômp geej aan de ideeje?

Willem: Weej dinke nao, of neet Wil?Wil: Jao... of neet.Rep: Zal waal eine haup werk zien, zôn stök schrieve?Wil: Gewoën aan beginne zoel ik zegge, waat meins dich, Willem?Willem: Jao det mein ik auk, gewoën aan beginne, en as ‘t begin d’r is, kump de res van zelf.Rep: Juus jao, maar ‘t begin liek mich moeilik…toch?Wil: Jao, det vônde weej auk.Willem: Tot we ‘t gevonde hebbe, vanaaf daor wuurt ‘t gemekkelik. En ik môt zegge, tösse Wil en mich klik ‘t waal, als weej einmaol aan ‘t beume zien, dan hebbe weej zuue 40 ideeje.Wil: En daorvan goeije we d’r dan nao eine nach slaope ein stök of 30 weg, en halde de tiën beste euver.Willem: En daormei gaon weej aan de slaag, en meistal slage weej dan waal um iets geks op pepeer te kriege,

Effe in ut kort de schrievers die gestalte gegaeve hebbe aan ‘t stök wat dit jaor op de bühne gebrach wuurd. Ut zien de hiëre Wil Coopmans en Willem Gerats. D’n hiër Peter Jansen haet behalve alle leedjestekste auk ein beejdrage geleverd aan de toeniëltekste.

neet Wil?Wil: Bin ‘t weer hulemaol met dich ens.Rep: Dus as ik ôg good begriëp, stelt ‘t eigelik neet zuvuul veur as ze ‘t begin haes?Wil: Det zoel ik neet wille zegge, of waal Willem?Willem: Ja, det vind ik waal ein bietje erg kort daor d’n baog, ‘t môt auk wat inhalt hebbe... neet?Wil: Oëtintelik is zo’n dreijbook toch zôn 60 toet 70 A-veertjes vol.Willem: Jao, neet gans, der mot tösse de regels auk nog plaats zien um waat te verandere.Rep: Effe truuk kômme op det ‘gaer doon’ in ‘t begin, waat bedoelt geej dao mei?Willem en Wil: Eigelik um dae lach, weej vinde ‘t allebei tôf, as zônne zaal oët zien daak geit.Rep: Dus, miër is det neet?Wil: Waat... det is neet miër, waat is d’r now moeijer as gewoën eine kiër efkus de sleur van de daag te vergaete, det minse gewoën ens kinne lache, det wuurd toch vuuls te weinig gedaon.

Willem: Kiëk maar nao de niejslaezer saovus beej ‘t journaal, dae wins dich iërs eine gooije aovund en vervolges vertelt hae allein maar, wie slech alles geit in de waereld. Daovan vergeit mienen hônd nog ‘t lache…!Rep: Hiëre,meug ik ôg bedanke veur dit interview.Wil en Willem: DET MEUG.

Kwats make isgenne flauweköl

De Flarussen hebbe ‘n niej vaandel

De ganse club haet zich weer oët de näöd gewerk um ôg ein paar leuke eurkes te bezörge, um ôg weer ens te laote lache. En det is nuedig, zekere in dezen tiëd van crisis. Maar minse aan ’t lache kriege is gen gemek-kelikke taak. Minse laote bäöke is hiel wat simpeler, maar det kin ôs regering al zoë good, dao hoove De Flarusse niks miër aan toe te vooge.

Nae, zeej zeuke de lach met flauweköl, dae neet te deep of te wiëd geit. De lach dae veur de hand leet, in herkinbare situaties, gewoën doën beej de grônd, maar zônder plat te waere. Met eine kleine grinnik, een tevreeje snoët of eine klaterende lach beloënt geej de Flarusse veur al eur inspanninge van ’t aafgelaupe jaor.

En det zal d’r auk veur zörge, det zeej nao de letste veurstelling al weer vlot en hiel serieus gaon naodinke euver allerhande kwats veur de

D’r is ein oëtspraok van Winston Churchill die hiel good pas beej De Flarusse. Die op-merking zal ik maar vertale, want zien Bliëricks waas aeve slech as mien ingels: “Kwats make is genne flauweköl” ( a joke is a very serious thing). En det klop: auk heej in Bliërick is weer serieus werk gemak van ein veurstelling , die allesbehalve serieus is.

volgende kiër. Ge weit noow, det det genne flauweköl is. Ammezeer ôg!

Peter Jansen, liedjes- en teksschriever

Wae schrief, dae blief!Verschillende cursusse: • Hoe hald ik de pen vas• Wao mot ik in godsnaam euver schrieve• Calligrafiologie• Met ‘d’, met ‘t’, of met ‘dt’• Bin mien pen vergaete

Vaandeleuverdrach: Bestuur van Sociëteit De Flarusen (Marcel Kikken, Pierre Geurts, John Janssen, Gerard Gielen en ‘Peek’ Joep Dückers (Hay Ruys steit neet op de foto).

Willem Gerats, teksschriever Wil Coopmans, teksschriever




KLEUR CHECKEN

Net wie ikMein kleiner grüner Kaktus - Comedian Harmonists -

(Bert Reisfeld)Tekst: Peter Jansen

Wat ein ellende, heej beej die bende

Van allemaol zôn stoere binke

Allemaol auge, die gaar neet dauge

Wie deep toch eine mins kin zinke

Refr.:Noow zit ik heej te zitte

Ônschöldig in de lik,

Net wie ik! Net wie ik! Net wie ik!

Ze hebbe laupe pitte,

Ik heb det neet geflik.


Ik weit neet wie of wao,

Ik waas allein maar dao,

Ik zeg ’t ôg, ik stônd d’r beej en keek d’r nao.

Ik kin ’t neet verdrage, heej waer ik nog getik,


Bliërickse woute, die make foute,

Dao kin ik ech neet euver zwiëge,

Want die lamzakke, jao ech, die pakke

D’n iërste dae ze kinne kriëge.

Net wie ik Stinkende ‘Sintermerte’ opgepak

waeges Raodhoesbrand Opniej is d’r eine verdachte opgepak in verband met d’n brand in ‘t Raodhoes. Nao d’n oëtbater, de kôffiejuffrouw, d’n ober en de geluudstechnicus, is now ‘Sintermerte’ dae toevallig stond te kiëke, opgepak en in ‘t kotje geflikkerd. In ‘t onderzeuk nao d’n brand in ‘t Raodhoes is ‘nne verdachte opgepak dae ontzettend nao rauk stônk en toevallig stônd te kiëke. Hae waas ônschöldig en neumde zich zelf ‘Sin-termerte’. Hae kwaam net van ‘n klusje in Venlo-Zuid. ‘t Môt neet gekker waere, van

kleieroetdeiler nao brandstichter is bliëkbaar maar ‘n klein stepke. Beej de pliesie waas ne-mus bereikbaar veur commentaar. Recher-cheur Van Gageldonk haet ôzze verslaaggae-ver efkes te woord gestaon, maar door taal-probleme waas dae gooije man neet te verstaon en ziene tolk Joep had net toevallig iësvreej.

Alles beejein toch ‘n vraemde ôntwikkeling in dees zaak wao maar gen ind aan kump en det Raodhoes steit dao maar te verpietere. Me-schien môtte weej ‘n beloëning oëtlove veur de golden tip, want dit schuut neet op.

ADVERTENTIE

MÔSSE RUUKE

ANTIROOK TAEGE VERDACHTE LUCHJES

ADVERTENTIE

SPONSOR SPONSOR

Te heur:Sintermerte!(gen strafblaad)




KLEUR CHECKEN

Wachkamertango(Kriminaltango - Hazy Osterwald sextett - (Trombetta/Feltz)Tekst: Peter Jansen

Wachkamertango,strakke gezichte, die zich maar richte, dao op die deur ...Wie mien tendjes bleve douwe en ik gaar neet miër kôs kauwe,Woord ik zônder vuul vertrouwe nao d’n tandarts haer gesteurd.En dae man waas eine nieje en det kôs ik al neet lieje,En benauwd waas ik veur twië, wie ik wachde op mien beurt.

Wachkamertango,strakke gezichte, die zich maar richte, dao op die deur, Ik laes aandachtig Libelles, de’s prachtig, oët negetiëntachtig, ald en verscheurd.

En dao zoot ik dan te zitte, ik kreeg langzaamaan det witte,Dach allein maar aan gebitte, groet en sterk en moei en gaaf,Toch begôs ik draan te winne, kwaam ein bietje weer beej zinne,Maar ´t schoekde gans van binne, want dae zoemer ging weer aaf.Wachkamertango,strakke gezichte, die zich maar richte, dao op die deur,Pak weer die krentjes met trillende hendjes,Ik dink aan mien tendjes, ald en verkleurd.

Eine zoot te aldehore euver allerhands gevaore,Van ’t spuite en ’t bore, kreeg de kriebels in mien kneen.Emus anders zag tevreeje, wie daen dokter lang geleeje,In zien bakkes had gesneeje en det leet dae auk nog zeen!Wachkamertango, Strakke gezichte, die zich maar richte, dao op die deurKiek ens dao hesse zien sikkertaresse,’t Wuurd mich slech,Maar mien tandpien die is weg.

Wac

hkam

erta

ngo

ADVERTENTIE

Kortere wachtiejebeej d’n tandarts

Beej tandarts ‘Kieze of deile’ op ‘t Tendjes-plein kint geej veurtaan metein terech, die zette ôg noeits miër met de tillefoon in de wach en auk ôg tendjes waere metein ge-trokke, geboord of vermuibeld.

Nemus hoof miër met tandpien rônd te laupe, want geej kint metein terech um die pien te

verhelpe. Völle of trekke det is ôs um ‘t aeve, ôg tendjes zal ôs ‘n zörg zien. Weej fakkele dao neet met en geej ziët van herte welkôm op ôzze aope daag, um ‘ns rônd te kiëke. Moch geej toevallig pien aan ôg tendjes hebbe, geef ôg dan op as vreejwilliger veur de aope daag, dan hebbe die andere minse auk wat te lache, en geej genne wachtiëd.

SPONSOR

Met decors wuurt ’t spel ôndersteund. ’t De-cor van Sociëteit de Flarussen wuurt gebouwd door ’n groep decorbouwers die heejveur maonde langk in ’n loëds de diverse de-corstökke vervaardige. In ’nne korte tiëd veur de generale rippetitie wuurt ’t decor dan in de treks (hijswerk) gehange en opgebouwd in ’t Raodhoes. En ônderwiel de oëtveuring löp, waere de verschillende scènes door de chan-geurs zoë snel meugelik umgebouwd, zoëdet d’r ‘n gooje verhaolôndersteuning ôntsteit.

Vaerder zörge de changeurs ouk veur de speciale effekte. As geej in de pauze van ôg konsumptie geneet, dink dan ens efkes aan de decorgroep, die tiëdes deze pauze veur ’n gigantische decorwisseling zörg. Maar bin gerös, ôg belaeving is veur de decorbouwers en changeurs ’n compliment! Weej zien d’r

Geej, ’t Publiek in de zaal ziet getuuge van ’n door speulers gespeuld spel op de buun. En hoewal det geej ze neet waorneemp, zien d’r tösse de koulisse en achter de scherme kontinu changeurs en decorbouwers op de buun aanwezig.

van euvertuug det geej zult genete. Names eur wins ik ôg ’nne fijne aovend toe!

Ted Cornelissen, hoofd techniekgroep.

Changeurs en decorbouwers hebbe

gen pauze!

De Flarussen van d’n Heiten Haspel

Op unne fijne vriedaagaovend örges in mei, hadde weej zoeëas iddere vriedaagaovend, rippetiesie beej de Boos. Veurdet weej ech gaon rippetere, wuurt altiëd iërs de waek efkes daorgenaome, netuurlik ônder ’t genot van ein pilske. Plots krege weej bezeuk van eine Flarus.

Dae waar op zeuk naor ein paar geweide, die met woele doon veur un kleine verrassings-act in eur veurstellinge. Det leek ôs wal tôf, zonder twiëfel zeie weej met ôs dreeje dan auk drek jao! De res van de joekskepèl dörfde neet, maar dreej man ware gelökkig auk genôg. D’n dônderdaag daornao, stapde weej op ôs staole ros op waeg naor ’t Raodhoes , um daor oëtleg

te kriege euver wat weej noow persies meuste gaon opveure en kinnis te make met de strenge regisseuse Paula. Ôs iërste reactie: Potdomme, det wuurt nog wat. D’r meug namelik gen pilske gedrônke waere veur de rippetiesie! Det zoele we nao de rippetiesies dan maar inhaole. In juni, in groët geheim en aan de cola, zien weej begônne met rippetere. Noow, tig rippetiesies en veu-ral unne hielen haup lol wiejer, zien weej d’r klaor veur! Weej haope det geej geneet van ôs stökske en d’r net zoëvuul plezeer um heb as det weej det auk hebbe.

Thijs, Siem en BasJoekskepèl D’n Heiten Haspel




KLEUR CHECKENDe Flarussen ziend’r klaor veur...toch?

De tekste zien geschreve, de rolle zien ver-deild, idderein kin ziën teks (haope weej), en de decors hange of staon klaor, ‘t orkes speult zich werm, weej kinne beginne.

Idderein schiet op ‘t augenblik zeve kleure strônt, want idderein is nerveus. Kin ik mien

teks, duit miene microfoon ‘t, môt ik harder praote, passe mich de kleier, kump ‘t decor neet nao ônder, pas mich de pruuk, heb ik tiëd genôg um mich um te trekke, ‘n puuske op de neus, dan maar wat miër schmink, as mich maar niks oët de hand velt, ik môt aete maar ik kin neet aete...help!

De rollatorwalsThe Veleta (Arthur Morris)

Tekst: Peter Jansen

Kint geej de rollatorwals?

Dae-se oeit ens danse zals?

Zing maar mei al is ’t vals

Doot met ôs de rollatorwals.

Asse op dien buurvrouw knals

Dinkse as ônneuz’le hals,

Desse zachjes valle zals

Neet met deze rollatorwals.

Effe linksum effe rechsum

In ’t gooie spoor,

Effe wachte effe kiëke

Det is gaar neet zwaor,

En nao veure en nao achter

Gen gealdehoor,

Ein twie hup en ein twië hup

Noow laot mich toch ens door.

Kiëk ôs heej met z’n beije (dreie!)

Lever laot ik mich leije (dreie!)

Drek lig ik op de keie (dreie!)

Dreije, dreije dreije.

En as ’t dich geit duzele en hebse ’t heit,

Kôm ef op verhaol, doot det met beleid

Want hesse miër as viefentachtig toere gedreid,

Pak diene stool, det geit!

Kint geej de rollatorwals?

Dae-se oeit ens danse zals?

Zing maar mei al is ’t vals

Doot met ôs de rollatorwals.

Asse op dien buurvrouw knals

Dinkse as ônneuz’le hals,

Desse zachjes valle zals

Neet met deze rollatorwalsDe

rolla

torw

als

SPONSOR

ADVERTENTIE

SO

CIË

TE

IT D

E F

LA

RU

SSE

N




KLEUR CHECKEN

Det zeet geej neet Let it be me - Everly Brothers - (Becaud/DeLanoë/Curtis)Tekst: Peter Jansen

Ik heb wat aan mien augeWao brille neet veur daugeWant ik zeen dinger,Det zeet geej neet…

Van allemaol die geiste,Daovan drei ik de meisteUm miene vinger,Det zeet geej neet…

Kint geej mich ef laote,Heb ik ze geschaote,En zeen ik ze praote,Det zeet geej neet…

Laot mich maar effe bliëke,Det geej dan mei wilt kiëke,Ik zeen die dinger,Det zeet geej neet…

Of lillik of moeije,Jao, euveral schoeijeDie laevende doeije,Det zeet geej neet…

’t Is neet veur te stelle,Maar nao zôn oor vertelle,Bliëf ik ‘nt telle,Det zeet geej neet…

Det

zee

t gee

j nee

tADVERTENTIE

SPONSOR

Ietsje sterker messchien?

Och adres veur ‘n meutje dieker - www.opsterkte.nl




KLEUR CHECKEN

Mien RaodhoesVa pensiero – Nabucco – (Verdi)Tekst: Peter Jansen

Och mien Raodhoes, wie bisse gewaore,Gans gebläökerd, zoë steisse heej te kiëkeOch mien raodhoës, bis dich noow verlaore?Is dan noow dienen glorietiëd ech iëwig veurbeej?Eine nach wis emus heej dich te bedôndere,Eine nach, en we kôste dich nimmer bewôndereOch mien Raodhoes, bis dich noow verlaore?Is dan noow dienen glorietiëd ech iëwig veurbeej?

Genne Bliërickse mins wilt ôs moei Raodhoes heej toch kwiëtWant d’r is al genôg heej verdwene,Genne Bliërickse mins, dus ’t kump ech heej neet zoë wiëd,Want weej make dich gaer weer gans wie niej.Van ein troefel, ein schöp en ‘ne maeter,Wuurd ’t Raodhoes vanzellef weer baeter,Och mien Raodhoes, de bis neet verlaore,Nao ein eurke flink peze bis dich weer gans wie niejBin maar blie, bin maar blie, dan bis dich weer wie niej.Bin maar blie, bin maar blie, dan bis dich weer wie niej.Weer wie niej, weer wie niej

Mien Raodhoes

De pyromaanFire – Pointer Sisters – (Springsteen)

Tekst: Peter Jansen

D’n eine helt van kaviaar,

D’n andre duit vuul met de hendjes,

D’n eine rent van hot nao haar,

D’n andre spaart sigarebendjes,

Zoë heb ik auk ein hobby, en det is gans mien dingske,

Intressant, want: Brand! Brand!

Beej iddre Sintermerteshaup,

Bin ik present in alle wiëke,

Ik staon as ik ens örges laup,

Beej iddren barbecue te kiëke,

Beej ôs in hoës bekiëk ik de waakvlam van de geiser.

Intressant, want: Brand! Brand!

Ik gaon veur iddren brand geheid door ’t veur,

Veur det moei geknetter en die lekkere geur

Jao, idd’re brand dae guf mich altiëd dae kick

En zelfs mien leef klein hundje det hit Fik.

En waar d’r lang gen brendje heej,

Dan bört ’t heej beej mich van binne,

Maar met ein zwaevelke of dreej,

Kin dan mien hobby weer beginne,

Staon zelf in veur en vlam ,veul mich gans aangestaoke,

Intressant, want: Brand! Brand! Brand!

De pyromaan

Omes en TantesAutobedrijf DeinumRestaurant De CantarelMeubelatelier John VosHorse Service InternationalBloemenboetiek DingsPetatte WielDSV Road BVDhr. T.van AstenKies MondzorgE-special Consultancy and SupportLei en Trudy van HeijsterBloemsierkunst Jan GrubbenMeubelstoffeerderij Herman BerkersImming HorecabenodigdhedenRutten NaaimachinesAnnette en Jeu CanjelsHaarstudio HalferkampVishandel Ed en DaveAdecco Gé van BeekHoeijmakers GroepCoenen InterieurinrichtingMarcel Walda

Paetomes en PaettantesBerden Mode en WonenTranslog VenloBlerickse Krant

De Flarussen bedanke alle Omes, Tantes, Paetomes, Paettantes,

Sôkkeromes, Sôkkertantes en Bestevaders veur eur beejdrage

Vostermans CompagnieKaashandel TebbenCovebo VenloSchreurs OliemaatschappijHoefnagel Metals RecyclingCafé De PaerdskoelDrogisterij SeurenABN-AMROSeacon LogisticsAks BouwWD-40 Company Bosman Tandtechnisch LaboratoriumNotariskantoor Moonen

Sôkkeromes en Sôkkertantes Verhalle HoldingAdministratiekantoor JessenBekkerie ut BruëdjeJosé Dückers GelaegenheidskleidingImbalie Metals

BestevadersVan EnckevortMetaalketen Zuid B.V.AB Aluminium Solar B.V.AB Aluminium Europa B.V.Van Heijster Blerick B.V.‘t Raodhoes

SPONSOR




KLEUR CHECKEN

Wuurt meugelik gemak door:




KLEUR CHECKEN

De veurstellinge van SOCIËTEIT DE FLARUSSEN waere gehalde opDônderdaag 21-11, Vriëdaag 22-11, Zaoterdaag 23-11, Dônderdaag 28-11,Vriëdaag 29-11, Zaoterdaag 30-11

Alle veurstellinge beginne um 20.00 oor in ‘t Raodhoes van BliërickKaarte koste € 19,50 per stök (incl. garderobe en pauze-drenkske)Veurverkaup 16-9 en 17-9 van 19.00 - 21.00 oor in ‘t Raodhoes

SOCIËTEIT DE FLARUSSEN prissenteert ‘t theaterstök

€ 19,50

Flarussen Poster.indd 1 27-08-2013 09:25:19

Documents

Flarussen krant 2013