Upload
dennis-raymundo
View
23
Download
6
Embed Size (px)
DESCRIPTION
Gabay Sa Talakayan Hinggil Sa Lumalalang Krisis Sa Ilalim Ng Rehimeng Aquino (1)
Citation preview
Gabay sa Pagtatalakay Hinggil sa Lumalalang Krisis sa
ilalim ng rehimeng US-Aquino
Inihanda ng Alaysining
Lalong sumasahol ang kalagayan ng mga mamamayan sa
ilalim ng rehimeng US-Aquino. Sa loob ng mahigit apat (4)
na taon ng kanyang pamumuno, tumindi ang kalagayang
mala-kolonyal at mala-pyudal ng Pilipinas. Sadyang malaki
na ang kasalanan ng rehimen sa mga mamamayan:
1. Kawalan ng batayang serbisyong panlipunan at
pagsunod sa neoliberal na mga patakaran
Lalong inilalayo sa mga mamamayan ang mga karapatan
nito sa edukasyon, kalusugan at iba pang batayang
serbisyo. Pinasahol pa lalo ng rehimeng Aquino ang
kalagayang ito sa pamamagitan ng pagsunod sa mga
neoliberalistang patakaran ng pribatisasyon na tulak ng
Estados Unidos at ng mga ahensya nito tulad ng
International Monetary Fund at World Bank.
Sa pagsisimula ng pasukan, sinalubong ang mga kabataan
ng muling pagtataas ng matrikula at iba pang mga bayarin.
Ayon sa pagaaral ng NUSP, mahigit 400 na pribadong
pamantasan ang inaprubahan ng CHED na magtaas na
matrikula para sa akademikong taong 2014-2015.
Samantala, ang mga pampublikong pamantasan naman
tulad ng UP ay nakararanas din ng matataas na bayarin. Sa
pag-abruba ng reporma sa bagong Socialized Tuition
System, lalong pinadali ang paniningil ng mataas na
matrikula sa mga iskolar ng bayan na aabot sa P1,500 kada
unit. Sa loob ng STS, maging ang mga may student number
na 2012-pababa ay kailangang mag-apply. Ibig sabihin,
P1,500 ang default tuition ng LAHAT ng estudyanteng
papasok sa darating na semestre kung hindi sila
mabibigyan ng tuition discount. Dagdag pa, bahagi ng
neoliberalistang patakaran sa pamantasan ang
pagpapatupad ng Academic Calendar Shift, na naglalayong
palalain ang kolonyal na katangian ng edukasyon sa
pamantasan. Tinutulak din ngayon ang pagbebenta ng mga
assets ng mga pampublikong institusyon, halimbawa dito
ang pag-lease ng lupa ng UP para sa bagong proyekto ng
Ayala na UP Town Center.
Sa ilalim ng Public Private Partnership Program, lalong
naitutulak ang pribatisasyon ng mga pampublikong
institusyon at lupain. Maraming komunidad ang may banta
ng demolisyon upang pagtayuan ng mga negosyo. Sa mga
komunidad sa Quezon City, upang ma-extend ang QCCBD
project, layong i-demolish at ipa-auction ang ilang lupa sa
Brgy. Pansol sa UP, at pag-benta naman sa komunidad sa
Commonwealth avenue bilang bahagi ng Controlled
Economic Zone o CEZ.
2. Lumalalang kahirapan at kawalang kabuhayan sa
bansa
Habang patuloy na sumusunod sa patakarang neoliberal
ang gubyernong Aquino, tumitindi lalo ang kahirapan at
kawalan ng kabuhayan sa bansa . Ang 7% pagtaas ng
ekonomiya na ipinagmamayabang ni Aquino ay hindi
sumasalamin sa kalagayan ng mga mamamayan. Sa
katunayan, lalong dumarami ang nagugutom at mahirap.
Ayon sa IBON, umabot sa 4.5 Milyon ang walang trabaho
sa bansa nitong 2013. Walang kasiguraduhan sa trabaho
dahil laganap ang kontraktuwalisasyon. Wala pa ring
substansyal na umento sa sahod kahit mahigit P1,054 kada
araw ang kailangan ng isang pamilya.
Itinutulak din ang deregulasyon ng presyo ng mga
batayang produkto tulad ng langis, tubig at kuryente. Sa
ilalim ng Oil Deregulation Law, walang-habas na sumisirit
ang presyo ng langis na nagtutulak sa pagtaas ng
pamasahe patungong P8.50 para sa minimum fare.
Samantala, nananatili pa rin ang panukala na itaas ng
P4.15/kwh ang singil sa kuryente na pinadudulas ng
Electric and Power Industy Reform Act o EPIRA.
Laganap pa rin ang kawalan ng lupa para sa mahigit 75%
ng mamamayang Pilipino. Ngayong Hunyo ay magtatapos
na ang CARPER, ngunit malayo pa rin sa target nito ang
lupang naipapamahagi sa mga magsasaka. Ayon mismo sa
DAR, wala pa sa 40% ng target nitong lupa ang
naipapamahagi. Sa katunayan, sa loob ng mahigit 26 taon
ng pagpapatupad nito, ang CARPER ay nagsilbing batas
upang mapanatili pa sa kamay ng iilang mga Panginoong
Maylupa ang libu-libong ektarya ng mga lupang sakahan.
Pinananatili nito ang atrasadong katangian ng ekonomiya
ng Pilipinas at ang kawalan ng pambansang industriya.
Ilang buwan matapos rumagasa ang bagyong Yolanda,
hindi pa rin nakakabangon at lalo pang lumalala ang
kalagayan ng mga mamamayan lalo na sa Eastern Visayas.
hindi pa rin sapat at nanatiling inutil ang gubyernong
Aquino sa pagsisiguro ng rehabilitasyon sa mga nasalanta.
Nagpatupad pa ng no-build zone policy ang gubyerno na
pumipigil sa mga mamamayan ng Eastern Visayas na
muling maitindig ang kanilang mga bahay at kabuhayan
para lamang papasukin ang interes ng mga malalaking
negosyante.
3. Pagsuko ng soberanya ng bansa at pagpasok ng base-
militar ng US
Pormal na isinuko ni Aquino ang soberanya ng bansa ng
pirmahan niya ang Enhance Defense Cooperation
Agreement o EDCA. Layon ng kasunduang ito na bigyang
laya ang mga tropang Amerikano na mag-base saan mang
lugar sa bansa. Ginagamit ng Imperyalismong Estados
Unidos at ni Aquino ang pagpasok ng Tsina bilang dahilan
upang palakasin ang presensya ng tropang Kano sa bansa.
Ngunit nanggaling na mismo sa bibig ni Obama na hindi
awtomatikong tutulong ang US kung sakaling magkaroon
ng digmaan sa pagitan ng Pilipinas at Tsina. Sa katunayan,
malaki ang ganansya ng US sa Tsina dahil ang kalakhan ng
kapital na ine-export nito, lalo na sa manupaktura, ay
napupunta sa Tsina. Ang Tsina din ang pinaka-malaking
pinagkakautangan ng US.
Ang EDCA ay bahagi ng pagpapalakas ng presensya o pivot
ng US sa Asia-Pacific upang maisalba ang naghihingalo
nitong ekonomiya laban sa lumalaking mga kakumpitensya
nito kabilang ang Tsina. Bahagi ang EDCA ng ilang pang
mga di-pantay na kasunduang militar sa pagitan ng US at
Pilipinas tulad na lamang ng Visiting Forces Agreement,
Mutual Logistics Support Agreement, at Mutual Defense
Treaty.
Sa katunayan, ang pulitikal na maniobra na ito ay may
kaakibat na polisiyang pang-ekonomiya; niluluto ng
gubyerno ngayon, na may basbas ng US, ang Charter
Change o Cha-Cha na magtutulak pa ng liberalisasyon ng
ekonomiya. Sa pag-amyenda sa konstitusyon ay
papayagan nito ang 100% na pagmamay-ari ng dayuhan sa
mga rekurso ng bansa. Tulak ito ng Imperyalistang US
bilang bahagi ng Trans Pacific Partnership Agreement na
lalong magtatali sa ekonomiya ng Pilipinas sa kontrol ng US.
4. Tumitinding isyu ng kurapsyon at katiwalian
Lalong nailantad ang lumalalang kurapsyon at kabulukan
ng rehimen nang maisiwalat ang usapin ng Pork Barrel
scam. Pilit pa ring pinagtatakpan ni Aquino ang malalang
kurapsyon sa kanyang rehimen na mismong mga ka-alyado
niya ang sangkot. Sa katunayan, matagal nang alam ni
Aquino kasama ng mga alyado nito tulad ni Butch Abad at
Proceso Alcala ang listahan at kaso ng mga sangkot sa Pork
Barrel scam.
Hindi pa rin nito tinatanggal ang sistema ng pork barrel at
ipinagtanggol pa nito ang panuhol nitong Disbursement
Acceleration Program Fund o DAP. Sa katunayan, higit sa
1Trillion pa rin o halos kalahati ng pambansang badyet ay
nasa discretion pa rin ni Aquino. Lalong pinasahol ang
korapsyon sa bansa dahil na konsentra na lamang sa iilan
ang pondo ng gubyerno.
Bukod pa dito ang iba pang mga kaso ng anomalya tulad
na lamang sa mga kontrata ng gubyerno bilang bahagi ng
Public Private Partnership Projects nito.
5. Pasismo at lumalalang kaso ng paglabag sa
karapatang-pantao sa ilalim ni Aquino
Habang tumitindi ang kahirapan na dinaranas ng
mamamayan, lalo pa silang sinusupil ng gubyernong
Aquino sa pamamagitan ng pag-atake sa mga progresibong
organisasyon at ang ganap na pagpapalaganap ng pasismo.
Ang programa kontra-insurhensya ay nagpalala pa ng kaso
ng paglabag sa karapatang tao sa bansa. Sa ilalim ng Oplan
Bayanihan, pinalalakas ngayon ang militarisasyon lalo na
sa bahagi ng Mindanao kung saan malaki ang interes ng
mga dayuhang negosyo sa usapin ng rekurso. Target
nitong tapusin ang insurhensya sa bansa kahit hindi naman
nasasagot ang pundamental na usapin ng pagkakaroon ng
ganito.
Ayon sa datos ng Karapatan, sa unang kwarto pa lamang
ng taon, umaabot na sa 192 na ang kaso ng Extra-judicial
killings, 21 Enforced Disappereances, at 94 na kaso ng
torture. Dumarami din ang mga bilanggong pulitikal sa
ilalim ni Aquino. Kabilang dito ang ating kapwa iskolar ng
bayan na si Maricon Montajes, isang film student, na
tinaguriang pinaka-batang bilanggong pulitikal sa bansa.
Wala pa ring balak ang gubyernong Aquino na buksan ang
usapang pang-kapayapaan. Patuloy pa rin ang mga kaso ng
paglabag nito sa Comprehensive Agreement for Respect
for Human Rights and the International Humanitarian Law
o CARHRIHL sa pamamagitan ng arbitraryong paghuli at
pagpatay sa mga NDF consultants. Hindi pa rin
pinapakawalan and mga tulad nina Benito Tiamzon at
Wilma Austria na mga dokumentadong NDF consultants.
Sadyang walang pakundangan ang rehimen na ito lalo na
sa mga mamayang nanggigiit ng kanilang mga karapatan.
Sa harap ng tumitinding krisis sa ilalim ng bulok na
sistemang pinapairal ng rehimeng US-Aquino, ano ang
dapat gawin ng mga kabataan at mga artista ng bayan?
Malinaw na sa atin ang kabulukan ng rehimeng US-Aquino.
Kayat wala nang iba pang akmang gawin kung hindi ang
ipanawagan ang agarang pagpapatalsik kay Aquino. Hindi
na makakaasa ang mamamayan sa Tuwid na Daan na para
lamang sa iilan at mga dayuhan. Kinakailangang buong-
siglang pabagsakin ng mamamayan ang rehimen ni Aquino
at isulong ang tunay na kalayaan at demokrasya sa bansa.
Para magawa ito ay kinakailangang:
1. Mapukaw natin ang pinaka-malawak na hanay ng
kabataan at mamamayan upang maipakita ang
katotohanan sa ilalim ng bulok na sistemang. Dapat
tayong lumikha ng mga sining na sumasalamin sa
kalagayan ng lipunan at naghihimok sa mga kabataan
at mamamayan na kumilos. Kailangang pasiglahin din
ang mga pagaaral hinggil sa lipunan at rebolusyong
Pilipino upang mapalalim ang unawa ng mga kabataan
at artista ng bayan sa kalagayan ng lipunan at kung
paano babaguhin ito.
2. Ma-organisa ang malawak na hanay ng kabataan at
mamamayan upang sama-samang tumindig para sa
ating mga karapatan. Bukas ang Alaysining para sa
lahat ng kabataan at manggagawang pangkultura na
nais baguhin ang lipunan. Palakasin ang kasapian ng
ating mga organisasyon.
3. Mapa-kilos ang pinaka-malawak na hanay ng
kabataan mula sa ating pamantasan, maging sa mga
komunidad, pabrika, at sakahan, upang ganap na
mailantad ang despotikong rehimeng Aquino. Tanging
sa sama-samang pagkilos lamang natin tunay na
malalabanan ang kabulukan ng sistemang panlipunan
at maitataguyod ang ating mga batayang karapatan.
Mga kagyat na aktibidad:
June 30- Peasant mobilization against CARPER
July 8- Peoples Surge Mob 8 months after Yolanda
July 18- State of the Youth Address
July 28- Peoples SONA
Ilantad at singilin ang pabaya, pahirap, tuta, at
kurap rehimeng US-Aquino!
Labanan ang tumitinding pasismo sa
mamamayan!
Isulong ang pambansang soberanya at
demokratikong karapatan!