Xəbər bülleteni № 27http://transparency.az/cnews/

Ünvan: AZ1001, Bakı, Cəfər Cabbarlı, 16, mən. 7Tel: (+994 12) 497 81 70; 497 68 15; Fax: (+994 12) 596 20 38E-mail: info©transparency.az

Mart 2016

Gömrük hüquqpozmalarının statistikası17.03.2016

2016-cı ilin yanvar və fevral ayı üzrə gömrük hüquqpozmalarının statistikası açıqlanıb. Transparency.az-ın məlumatına görə, Dövlət Gömrük Komitəsinin hesabatında bildirilir ki, ötən iki ayda gömrük orqanları cinayət xarakterli 89 fakt aşkarlayıb. Bunun 50-si qaçaqmalçılıq faktı, 13-ü narkotik vasitələrin və psixotrop maddələrin qanunsuz dövriyyəsi ilə əlaqədar faktlar, 4-ü gömrük ödənişlərindən yayınma, 12-si aksiz markası ilə markalanmalı olan malları belə marka olmadan idxal etmə, 25-i digər cinayət xarakterli faktlardır.

Ötən iki ayda gömrük hüquqpozmalarında 93 şəxs təqsirləndirilib.

Hesabat dövrü ərzində Dövlət Gömrük Komitəsi 1443 inzibati xəta faktı ortaya çıxarıb.Azərbaycanda saatı irəli-geri çəkmək qaydası ləğv olundu17.03.2016

Martın 17-də Nazirlər Kabineti Azərbaycan Milli Elmlər Akademiyasının təklifini nəzərə alaraq yay vaxtının tətbiq edilməsi haqqında 1997-ci ildən qüvvədə olan qərarı ləğv edib.

Milli Elmlər Akademiyasının Rəyasət Heyəti Azərbaycanda yay və qış vaxtlarına keçid məsələsini ötən həftə müzakirə etmiş, hökumətə cari vaxt hesabını saxlamağın məqsədəuyğun olduğu barədə məlumat göndərmişdi.

Nazirlər Kabinetinin 17 mart 1997-ci il qərarına əsasən, hər il mart ayının son bazar günü əqrəblərin bir saat qabağa çəkilməsi ilə yay vaxtına keçilir, oktyabr ayının son bazar günü isə əqrəblərin bir saat geri çəkilməsi ilə yay vaxtı ləğv olunurdu.

MDB ölkələrinə ixrac 47,91% artıb, idxal 49,02% azalıb17.03.2016

Bu ilin yanvar və fevral aylarında MDB ölkələri üzrə ixrac ötən ilin müvafiq dövrü ilə müqayisədə 47,91% artıb. Avropa İttifaqı üzrə ixracda 48,25%, digər ölkələr üzrə ixracda 53,19% azalma olub.

2016-cı ilin ilk iki ayında MDB ölkələrindən idxal 2015-ci ilin müvafiq ayları ilə müqayisədə 49,02% azalıb. Avropa İttifaqı ölkələri üzrə idxalda 15,49% azalma var. Digər ölkələrdən idxal isə ötən ilin ilk iki ayı ilə müqayisədə 50,51% aşağı düşüb.

Bu il Azərbaycanın xarici ticarətdə əsas tərəfdaşı İtaliyadır. İtaliya ilə ticarət dövriyyəsinin həcmi ümumi dövriyyənin 14,81%-dir.

Transparency.az Dövlət Gömrük Komitəsinə istinadla bildirir ki, bu göstərici üzrə ikinci yerdə 8,79%-lə Almaniya gəlir.Rusiya 7,08%-lə üçüncü, Fransa 6,76%-lə dördüncü, Türkiyə 6,40%-lə beşincidir.

İlin ilk iki ayında Azərbaycanın ixracında ən böyük pay İtaliyaya düşür. Bu ölkəyə ixrac ümumi ixracın 22,29%-dir.

İdxalda əsas ölkələrin siyahısına Rusiya başçılıq edir (12,66%).

MDB-yə Azərbaycanla bərabər Moldova, Belarus, Ukrayna, Rusiya, Ermənistan, Qazaxıstan, Qırğızıstan, Tacikistan, Özbəkistan, Türkmənistan üzvdür, Avropa İttifaqına isə 28 ölkə daxildir: Almaniya, Avstriya, Belçika, Bolqarıstan, Böyük Britaniya, Çexiya, Danimarka, Estoniya, Finlandiya, Fransa, Xorvatiya, İrlandiya, İspaniya, İsveç, İtaliya, Kipr, Latviya, Litva, Lüksemburq, Macarıstan, Malta, Niderland, Polşa, Portuqaliya, Rumıniya, Slovakiya, Sloveniya, Yunanıstan.

Gürcüstan Milli Bankına yeni prezident təyin olundu17.03.2016

Martın 17-də Gürcüstanın dövlət başçısı Milli Banka yeni prezident təyin edib. Novator.az xəbər verir ki, bu post Koba Qvenetadzeyə həvalə olunub.

Milli Bankın əvvəlki prezidenti Georgi Kadaqidzenin səlahiyyət müddəti fevralın 25-də bitib. O, Milli Banka 7 il rəhbərlik edib.

Koba Qvenetadze 2015-ci ilin noyabrından “Galt and Taggart” şirkətinin iqtisadi məsələlər üzrə müşaviri idi. Əvvəllər Beynəlxalq Valyuta Fondunun Orta Şərq və Mərkəzi Aşıya Departamentində böyük iqtisadçı vəzifəsində çalışıb, dövlət nazirinin müavini, maliyyə nazirinin müavini olub.

Əfv sərəncamı17.03.2016

Martın 17-də prezident İlham Əliyev əfv sərəncamı imzalayıb. İmzalandığı gündən qüvvəyə minən sərəncama əsasən, azadlıqdan məhrum etmə cəzasına məhkum edilmiş aşağıdakı şəxslər cəzanın çəkilməmiş hissəsindən azad edilir:

Abbasov Adil Yaqub oğlu, 1984-cü ildə anadan olmuş, Azərbaycan Respublikasının vətəndaşı, Ağır Cinayətlərə Dair İşlər üzrə Azərbaycan Respublikası Məhkəməsinin 2009-cu il 10 iyul tarixli hökmü ilə məhkum edilmişdir.

Abbasov Anar Azər oğlu, 1987-ci ildə anadan olmuş, Azərbaycan Respublikasının vətəndaşı, Lənkəran Ağır Cinayətlər Məhkəməsinin 2013-cü il 18 mart tarixli hökmü ilə məhkum edilmişdir.

Abbasov Eynur Fikrət oğlu, 1993-cü ildə anadan olmuş, Azərbaycan Respublikasının vətəndaşı, Gəncə hərbi məhkəməsinin 2015-ci il 5 fevral tarixli hökmü ilə məhkum edilmişdir.

Abasov İsmayıl Vidadi oğlu, 1989-cu ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2015-ci il 21 aprel tarixli hökmü ilə məhkum edilmişdir.

Abdullayev Elnur Lətif oğlu, 1980-ci ildə anadan olmuş, Azərbaycan Respublikasının vətəndaşı, Bakı şəhəri Yasamal rayon məhkəməsinin 2012-ci il 16 mart tarixli hökmü ilə məhkum edilmişdir.

Abdullayev Elsevər Vaqif oğlu, 1980-ci ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2012-ci il 5 noyabr tarixli hökmü ilə məhkum edilmişdir.

Abdulsalamov Alimurad Maqomedaliyeviç, 1986-cı ildə anadan olmuş, Rusiya Federasiyasının vətəndaşı, Qusar rayon məhkəməsinin 2015-ci il 7 aprel tarixli hökmü ilə məhkum edilmişdir.

Ağayarov Süleyman Müseyib oğlu, 1970-ci ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2012-ci il 27 iyun tarixli hökmü ilə məhkum edilmişdir.

Ağayev Eşqin Seyfəddin oğlu, 1991-ci ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2014-cü il 17 iyul tarixli hökmü ilə məhkum edilmişdir.

Ağayev Rəfi Xalıqverdi oğlu, 1976-cı ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2011-ci il 19 avqust tarixli hökmü ilə məhkum edilmişdir.

Ağayev Tural Ağasəf oğlu, 1986-cı ildə anadan olmuş, Azərbaycan Respublikasının vətəndaşı, Ağır Cinayətlərə Dair İşlər üzrə Azərbaycan Respublikası Məhkəməsinin 2007-ci il 1 avqust tarixli hökmü ilə məhkum edilmişdir.

Axundov Rəşadət Fikrət oğlu, 1984-cü ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2014-cü il 6 may tarixli hökmü ilə məhkum edilmişdir.

Alıyev Çingiz Rafiq oğlu, 1989-cu ildə anadan olmuş, Azərbaycan Respublikasının vətəndaşı, Gəncə Ağır Cinayətlər Məhkəməsinin 2014-cü il 26 dekabr tarixli hökmü ilə məhkum edilmişdir.

Allahverdiyev Aytəş Zülfüqar oğlu, 1991-ci ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2011-ci il 3 oktyabr tarixli hökmü ilə məhkum edilmişdir.

Arkişiyev Rəşad Alıhacı oğlu, 1979-cu ildə anadan olmuş, Azərbaycan Respublikasının vətəndaşı, Ağır Cinayətlərə Dair İşlər üzrə Azərbaycan Respublikası Məhkəməsinin 2007-ci il 6 noyabr tarixli hökmü ilə məhkum edilmişdir.

Bağırov Qasım Xəlil oğlu, 1968-ci ildə anadan olmuş, Azərbaycan Respublikasının vətəndaşı, Quba rayon məhkəməsinin 2014-cü il 1 may tarixli hökmü ilə məhkum edilmişdir.

Bağıyev Nahid Niyətulla oğlu, 1988-ci ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2012-ci il 21 dekabr tarixli hökmü ilə məhkum edilmişdir.

Baqaturi Zurab Rajdenoviç, 1959-cu ildə anadan olmuş, Gürcüstan vətəndaşı, Ağdaş rayon məhkəməsinin 2015-ci il 1 may tarixli hökmü ilə məhkum edilmişdir.

Bala-Əliyev Kamran Firudin oğlu, 1996-cı ildə anadan olmuş, Azərbaycan Respublikasının vətəndaşı, Gəncə hərbi məhkəməsinin 2015-ci il 6 mart tarixli hökmü ilə məhkum edilmişdir.

Bassin Vladislav Mixayloviç, 1964-cü ildə anadan olmuş, İsrail Dövlətinin vətəndaşı, Ağır Cinayətlərə Dair İşlər üzrə Azərbaycan Respublikası Məhkəməsinin 2007-ci il 11 dekabr tarixli hökmü ilə məhkum edilmişdir.

Bayramova Şəbnəm Səfər qızı, 1986-cı ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2011-ci il 10 noyabr tarixli hökmü ilə məhkum edilmişdir.

Bədirov Əliağa Mübariz oğlu, 1997-ci ildə anadan olmuş, Azərbaycan Respublikasının vətəndaşı, Gəncə Ağır Cinayətlər Məhkəməsinin 2015-ci il 3 iyul tarixli hökmü ilə məhkum edilmişdir.

Bəyzadlı Orxan Ramiz oğlu, 1988-ci ildə anadan olmuş, Azərbaycan Respublikasının vətəndaşı, Füzuli rayon məhkəməsinin 2015-ci il 6 iyul tarixli hökmü ilə məhkum edilmişdir.

Bibin Sergey Nikitoviç, 1962-ci ildə anadan olmuş, Ukrayna vətəndaşı, Bakı Ağır Cinayətlər Məhkəməsinin 2011-ci il 2 may tarixli hökmü ilə məhkum edilmişdir.

Cavadlı Tural Güloğlan oğlu, 1993-cü ildə anadan olmuş, Azərbaycan Respublikasının vətəndaşı, Lənkəran Ağır Cinayətlər Məhkəməsinin 2012-ci il 4 iyul tarixli hökmü ilə məhkum edilmişdir.

Cəfərov Qüdrət Fikrət oğlu, 1980-ci ildə anadan olmuş, Azərbaycan Respublikasının vətəndaşı, Bakı hərbi məhkəməsinin 2014-cü il 6 may tarixli hökmü ilə məhkum edilmişdir.

Cəfərov Rəsul Ağahəsən oğlu, 1984-cü ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2015-ci il 16 aprel tarixli hökmü ilə məhkum edilmişdir.

Cəfərov Ziyad Muxtar oğlu, 1967-ci ildə anadan olmuş, Azərbaycan Respublikasının vətəndaşı, Yevlax rayon məhkəməsinin 2014-cü il 18 noyabr tarixli hökmü ilə məhkum edilmişdir.

Dadaşov Tamerlan Arif oğlu, 1992-ci ildə anadan olmuş, Azərbaycan Respublikasının vətəndaşı, Astara rayon məhkəməsinin 2015-ci il 23 fevral tarixli hökmü ilə məhkum edilmişdir.

Daşdəmirov Sunqulu Ramiz oğlu, 1997-ci ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2015-ci il 5 mart tarixli hökmü ilə məhkum edilmişdir.

Eminov Roman Pəhlivan oğlu, 1987-ci ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2013-cü il 12 mart tarixli hökmü ilə məhkum edilmişdir.

Əflaki Xudaverdi Rafiq oğlu, 1992-ci ildə anadan olmuş, Azərbaycan Respublikasının vətəndaşı, Gəncə Ağır Cinayətlər Məhkəməsinin 2013-cü il 4 sentyabr tarixli hökmü ilə məhkum edilmişdir.

Əkbərov Bəhlul İxtiyar oğlu, 1987-ci ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2012-ci il 15 noyabr tarixli hökmü ilə məhkum edilmişdir.

Əkbərov Elçin Nazim oğlu, 1984-cü ildə anadan olmuş, Azərbaycan Respublikasının vətəndaşı, Şəki Ağır Cinayətlər Məhkəməsinin 2014-cü il 12 dekabr tarixli hökmü ilə məhkum edilmişdir.

Ələkbərov Rəfail Şərif oğlu, 1993-cü ildə anadan olmuş, Azərbaycan Respublikasının vətəndaşı, Cəlilabad hərbi məhkəməsinin 2013-cü il 6 avqust tarixli hökmü ilə məhkum edilmişdir.

Əliyev Azər Əzizağa oğlu, 1973-cü ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2014-cü il 11 avqust tarixli hökmü ilə məhkum edilmişdir.

Əliyev Emil Əlizamin oğlu, 1994-cü ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2013-cü il 3 iyul tarixli hökmü ilə məhkum edilmişdir.

1.38 Əliyev Firdovsi Camal oğlu, 1970-ci ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2013-cü il 24 iyul tarixli hökmü ilə məhkum edilmişdir.

Əliyev Orxan Loğman oğlu, 1987-ci ildə anadan olmuş, Azərbaycan Respublikasının vətəndaşı, Ağır Cinayətlərə Dair İşlər üzrə Azərbaycan Respublikası Məhkəməsinin 2010-cu il 12 yanvar tarixli hökmü ilə məhkum edilmişdir.

Əliyev Ramis Qurban oğlu, 1984-cü ildə anadan olmuş, Gürcüstan vətəndaşı, Bakı Ağır Cinayətlər Məhkəməsinin 2014-cü il 29 yanvar tarixli hökmü ilə məhkum edilmişdir.

Əliyev Ruhin Asif oğlu, 1994-cü ildə anadan olmuş, Azərbaycan Respublikasının vətəndaşı, Gəncə Ağır Cinayətlər Məhkəməsinin 2015-ci il 17 sentyabr tarixli hökmü ilə məhkum edilmişdir.

Əliyev Yadigar Oktay oğlu, 1977-ci ildə anadan olmuş, Azərbaycan Respublikasının vətəndaşı, Gəncə Ağır Cinayətlər Məhkəməsinin 2014-cü il 16 sentyabr tarixli hökmü ilə məhkum edilmişdir.

Əlizehi Bəşir Seid, 1988-ci ildə anadan olmuş, Əfqanıstan İslam Respublikasının vətəndaşı, Lənkəran Ağır Cinayətlər Məhkəməsinin 2012-ci il 12 dekabr tarixli hökmü ilə məhkum edilmişdir.

Əmirquliyev Anar Paşa oğlu, 1985-ci ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2011-ci il 20 dekabr tarixli hökmü ilə məhkum edilmişdir.

Əsədov Ruslan Rauf oğlu, 1986-cı ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2013-cü il 24 yanvar tarixli hökmü ilə məhkum edilmişdir.

Əsədullayev Şəhriyar Vəlixan oğlu, 1978-ci ildə anadan olmuş, Azərbaycan Respublikasının vətəndaşı, Astara rayon məhkəməsinin 2014-cü il 18 dekabr tarixli hökmü ilə məhkum edilmişdir.

Əsgərov Aydın Eldar oğlu, 1982-ci ildə anadan olmuş, Azərbaycan Respublikasının vətəndaşı, Gəncə hərbi məhkəməsinin 2015-ci il 22 yanvar tarixli hökmü ilə məhkum edilmişdir.

Əzizov Məmməd Rasim oğlu, 1992-ci ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2014-cü il 6 may tarixli hökmü ilə məhkum edilmişdir.

Faridjafarnezhad Alireza Hossein, 1981-ci ildə anadan olmuş, İran İslam Respublikasının vətəndaşı, Biləsuvar rayon məhkəməsinin 2014-cü il 21 yanvar tarixli hökmü ilə məhkum edilmişdir.

Fərzəliyev Mərfət Telman oğlu, 1986-cı ildə anadan olmuş, Azərbaycan Respublikasının vətəndaşı, Ağır Cinayətlərə Dair İşlər üzrə Azərbaycan Respublikası Məhkəməsinin 2010-cu il 8 iyun tarixli hökmü ilə məhkum edilmişdir.

Gülməmmədov Camal Vaqif oğlu, 1995-ci ildə anadan olmuş, Azərbaycan Respublikasının vətəndaşı, Gəncə Ağır Cinayətlər Məhkəməsinin 2015-ci il 30 sentyabr tarixli hökmü ilə məhkum edilmişdir.

Hacıyev Rəşid Akif oğlu, 1994-cü ildə anadan olmuş, Azərbaycan Respublikasının vətəndaşı, Füzuli hərbi məhkəməsinin 2014-cü il 2 dekabr tarixli hökmü ilə məhkum edilmişdir.

Hacıyev Telman Ənvər oğlu, 1976-cı ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2013-cü il 7 noyabr tarixli hökmü ilə məhkum edilmişdir.

Hacızadə Xaliq Mütəllim oğlu, 1993-cü ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2014-cü il 24 yanvar tarixli hökmü ilə məhkum edilmişdir.

Həmidov Vüqar Ağalar oğlu, 1982-ci ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2014-cü il 18 iyul tarixli hökmü ilə məhkum edilmişdir.

Həmzəyev Fərid Həsən oğlu, 1975-ci ildə anadan olmuş, Azərbaycan Respublikasının vətəndaşı, Rusiya Federasiyası Çuvaş Respublikasının Çeboksarı şəhəri Kalinin rayon məhkəməsinin 2013-cü il 5 fevral tarixli hökmü ilə məhkum edilmişdir.

Hənfəzadə Elvin Tarix oğlu, 1994-cü ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2012-ci il 29 yanvar tarixli hökmü ilə məhkum edilmişdir.

Həsənov Fərhad İmran oğlu, 1947-ci ildə anadan olmuş, Azərbaycan Respublikasının vətəndaşı, Tovuz rayon məhkəməsinin 2015-ci il 14 may tarixli hökmü ilə məhkum edilmişdir.

Həsənov Məmmədhəsən Şakir oğlu, 1987-ci ildə anadan olmuş, Azərbaycan Respublikasının vətəndaşı, Gəncə Ağır Cinayətlər Məhkəməsinin 2014-cü il 24 sentyabr tarixli hökmü ilə məhkum edilmişdir.

Həsənov Rəşad Zeynalabdin oğlu, 1985-ci ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2014-cü il 6 may tarixli hökmü ilə məhkum edilmişdir.

Həsənov Şahlar Telman oğlu, 1988-ci ildə anadan olmuş, Azərbaycan Respublikasının vətəndaşı, Gəncə Ağır Cinayətlər Məhkəməsinin 2012-ci il 5 iyul tarixli hökmü ilə məhkum edilmişdir.

Həşimov Pərviz Kamran oğlu, 1981-ci ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2014-cü il 15 may tarixli hökmü ilə məhkum edilmişdir.

Hüseynov Azər Sabir oğlu, 1979-cu ildə anadan olmuş, Azərbaycan Respublikasının vətəndaşı, Gəncə Ağır Cinayətlər Məhkəməsinin 2015-ci il 17 sentyabr tarixli hökmü ilə məhkum edilmişdir.

Hüseynov Rəcəb Hüseyn oğlu, 1991-ci ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2013-cü il 26 dekabr tarixli hökmü ilə məhkum edilmişdir.

Xasməmmədov Taleh Vidadi oğlu, 1978-ci ildə anadan olmuş, Azərbaycan Respublikasının vətəndaşı, Göyçay rayon məhkəməsinin 2015-ci il 22 iyul tarixli hökmü ilə məhkum edilmişdir.

İbrəhimov Ruslan Əslan oğlu, 1991-ci ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2012-ci il 25 aprel tarixli hökmü ilə məhkum edilmişdir.

İlyasov İlyas Əlihüseyn oğlu, 1974-cü ildə anadan olmuş, Azərbaycan Respublikasının vətəndaşı, Şəki Ağır Cinayətlər Məhkəməsinin 2012-ci il 7 avqust tarixli hökmü ilə məhkum edilmişdir.

İsmayılov Elnur Vaqif oğlu, 1992-ci ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2014-cü il 1 may tarixli hökmü ilə məhkum edilmişdir.

İsmayılov Şöhrət Raqib oğlu, 1989-cu ildə anadan olmuş, Azərbaycan Respublikasının vətəndaşı, Gəncə Ağır Cinayətlər Məhkəməsinin 2014-cü il 1 sentyabr tarixli hökmü ilə məhkum edilmişdir.

Joudi Heragh Alireza Yaghoub, 1977-ci ildə anadan olmuş, İran İslam Respublikasının vətəndaşı, Biləsuvar rayon məhkəməsinin 2013-cü il 4 iyun tarixli hökmü ilə məhkum edilmişdir.

Kərimli Sirac Raqif oğlu, 1984-cü ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2015-ci il 16 mart tarixli hökmü ilə məhkum edilmişdir.

Khodjayeva Mastura Urakovna, 1968-ci ildə anadan olmuş, Özbəkistan Respublikasının vətəndaşı, Ağır Cinayətlərə Dair İşlər üzrə Azərbaycan Respublikası Məhkəməsinin 2009-cu il 13 oktyabr tarixli hökmü ilə məhkum edilmişdir.

Kutlasov Rəhman Cəhbar oğlu, 1998-ci ildə anadan olmuş, Azərbaycan Respublikasının vətəndaşı, Şəki Ağır Cinayətlər Məhkəməsinin 2014-cü il 30 may tarixli hökmü ilə məhkum edilmişdir.

Qarayev Elmir Eldar oğlu, 1996-cı ildə anadan olmuş, Azərbaycan Respublikasının vətəndaşı, Gəncə hərbi məhkəməsinin 2014-cü il 1 sentyabr tarixli hökmü ilə məhkum edilmişdir.

Qasımov Elxan Həsən oğlu, 1975-ci ildə anadan olmuş, Azərbaycan Respublikasının vətəndaşı, Gəncə hərbi məhkəməsinin 2014-cü il 30 aprel tarixli hökmü ilə məhkum edilmişdir.

Qasımov Kamran Fərhad oğlu, 1991-ci ildə anadan olmuş, Azərbaycan Respublikasının vətəndaşı, Gəncə hərbi məhkəməsinin 2012-ci il 30 mart tarixli hökmü ilə məhkum edilmişdir.

Qasımov Vəli Qərib oğlu, 1972-ci ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2013-cü il 12 mart tarixli hökmü ilə məhkum edilmişdir.

Qaşimova Zuxra Kamalovna, 1967-ci ildə anadan olmuş, Rusiya Federasiyasının vətəndaşı, Xaçmaz rayon məhkəməsinin 2014-cü il 29 may tarixli hökmü ilə məhkum edilmişdir.

Qayıbov Müşviq Oktay oğlu, 1974-cü ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2012-ci il 11 iyun tarixli hökmü ilə məhkum edilmişdir.

Qədirli Tərlan Mirzəxan oğlu, 1993-cü ildə anadan olmuş, Azərbaycan Respublikasının vətəndaşı, Lənkəran Ağır Cinayətlər Məhkəməsinin 2015-ci il 18 fevral tarixli hökmü ilə məhkum edilmişdir.

Qəniyev Asif Gürcuvan oğlu, 1982-ci ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2015-ci il 26 yanvar tarixli hökmü ilə məhkum edilmişdir.

Qubadov Qubad Balacan oğlu, 1956-cı ildə anadan olmuş, Azərbaycan Respublikasının vətəndaşı, Şabran rayon məhkəməsinin 2014-cü il 12 mart tarixli hökmü ilə məhkum edilmişdir.

Quliyev Namiq Filman oğlu, 1977-ci ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2013-cü il 20 avqust tarixli hökmü ilə məhkum edilmişdir.

Quliyev Nicat İmran oğlu, 1992-ci ildə anadan olmuş, Azərbaycan Respublikasının vətəndaşı, Bakı şəhəri Yasamal rayon məhkəməsinin 2014-cü il 1 dekabr tarixli hökmü ilə məhkum edilmişdir.

Qurbanov Fəxri Əli oğlu, 1986-cı ildə anadan olmuş, Azərbaycan Respublikasının vətəndaşı, Gəncə Ağır Cinayətlər Məhkəməsinin 2014-cü il 13 iyun tarixli hökmü ilə məhkum edilmişdir.

Qurbanov Xəyyam Rüzgar oğlu, 1991-ci ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2012-ci il 23 noyabr tarixli hökmü ilə məhkum edilmişdir.

Qurbanov Yaşar Şair oğlu, 1983-cü ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2012-ci il 7 sentyabr tarixli hökmü ilə məhkum edilmişdir.

Məmmədli Anar Asəf oğlu, 1978-ci ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2014-cü il 26 may tarixli hökmü ilə məhkum edilmişdir.

Məmmədov Faiq Nadir oğlu, 1986-cı ildə anadan olmuş, Azərbaycan Respublikasının vətəndaşı, Bakı şəhəri Nizami rayon məhkəməsinin 2015-ci il 20 oktyabr tarixli hökmü ilə məhkum edilmişdir.

Məmmədov Hilal Əlif oğlu, 1959-cu ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2013-cü il 27 sentyabr tarixli hökmü ilə məhkum edilmişdir.

Məmmədov İbrahim Rəşid oğlu, 1993-cü ildə anadan olmuş, Azərbaycan Respublikasının vətəndaşı, Gəncə Ağır Cinayətlər Məhkəməsinin 2015-ci il 17 sentyabr tarixli hökmü ilə məhkum edilmişdir.

Məmmədov Kamran Sahib oğlu, 1991-ci ildə anadan olmuş, Azərbaycan Respublikasının vətəndaşı, Gəncə Ağır Cinayətlər Məhkəməsinin 2014-cü il 6 noyabr tarixli hökmü ilə məhkum edilmişdir.

Məmmədov Ömər Elyar oğlu, 1995-ci ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2014-cü il 4 iyul tarixli hökmü ilə məhkum edilmişdir.

Məmmədov Şəhriyar Bəxtiyar oğlu, 1994-cü ildə anadan olmuş, Azərbaycan Respublikasının vətəndaşı, Naxçıvan Muxtar Respublikası Hərbi Məhkəməsinin 2014-cü il 16 iyul tarixli hökmü ilə məhkum edilmişdir.

Məmmədov Tural Mail oğlu, 1993-cü ildə anadan olmuş, Azərbaycan Respublikasının vətəndaşı, Bakı hərbi məhkəməsinin 2014-cü il 7 avqust tarixli hökmü ilə məhkum edilmişdir.

Məmmədzadə Rəşad Kamil oğlu, 1984-cü ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2014-cü il 2 may tarixli hökmü ilə məhkum edilmişdir.

Mənsiyev Pərvin Canpolad oğlu, 1991-ci ildə anadan olmuş, Azərbaycan Respublikasının vətəndaşı, Gəncə hərbi məhkəməsinin 2014-cü il 30 aprel tarixli hökmü ilə məhkum edilmişdir.

Mikayılov Yusif Vahid oğlu, 1988-ci ildə anadan olmuş, Azərbaycan Respublikasının vətəndaşı, Lənkəran Ağır Cinayətlər Məhkəməsinin 2013-cü il 6 noyabr tarixli hökmü ilə məhkum edilmişdir.

Mirzəyev Sərraf Məhərrəm oğlu, 1968-ci ildə anadan olmuş, Azərbaycan Respublikasının vətəndaşı, Lənkəran Ağır Cinayətlər Məhkəməsinin 2012-ci il 11 dekabr tarixli hökmü ilə məhkum edilmişdir.

Mofatesh Janali Hossein, 1965-ci ildə anadan olmuş, İran İslam Respublikasının vətəndaşı, Biləsuvar rayon məhkəməsinin 2013-cü il 2 dekabr tarixli hökmü ilə məhkum edilmişdir.

Muradverdiyev Akif Şəmsəddin oğlu, 1948-ci ildə anadan olmuş, Azərbaycan Respublikasının vətəndaşı, Bakı şəhəri Xəzər rayon məhkəməsinin 2013-cü il 13 dekabr tarixli hökmü ilə məhkum edilmişdir.

Murtuzov Pərviz Qeys oğlu, 1992-ci ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2014-cü il 8 dekabr tarixli hökmü ilə məhkum edilmişdir.

Mustafayev Şaiq Gülqardaş oğlu, 1981-ci ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2014-cü il 23 aprel tarixli hökmü ilə məhkum edilmişdir.

Mustafayev Taleh Arif oğlu, 1995-ci ildə anadan olmuş, Azərbaycan Respublikasının vətəndaşı, Gəncə hərbi məhkəməsinin 2014-cü il 12 dekabr tarixli hökmü ilə məhkum edilmişdir.

Müzəffərov Əskər Ayaz oğlu, 1980-ci ildə anadan olmuş, Azərbaycan Respublikasının vətəndaşı, Rusiya Federasiyasının Moskva şəhəri İzmayılov rayon məhkəməsinin 2011-ci il 31 mart tarixli hökmü ilə məhkum edilmişdir.

Nəcəfov Vasif Sübhan oğlu, 1990-cı ildə anadan olmuş, Azərbaycan Respublikasının vətəndaşı, Gəncə hərbi məhkəməsinin 2014-cü il 29 oktyabr tarixli hökmü ilə məhkum edilmişdir.

Nəsibov Əfqan Tahir oğlu, 1992-ci ildə anadan olmuş, Azərbaycan Respublikasının vətəndaşı, Şəki Ağır Cinayətlər Məhkəməsinin 2014-cü il 20 noyabr tarixli hökmü ilə məhkum edilmişdir.

Niftiyev Taleh Dünyamalı oğlu, 1986-cı ildə anadan olmuş, Azərbaycan Respublikasının vətəndaşı, Lənkəran Ağır Cinayətlər Məhkəməsinin 2014-cü il 20 iyun tarixli hökmü ilə məhkum edilmişdir.

Novruzov Elgün Rəşid oğlu, 1978-ci ildə anadan olmuş, Azərbaycan Respublikasının vətəndaşı, Lənkəran Ağır Cinayətlər Məhkəməsinin 2013-cü il 7 fevral tarixli hökmü ilə məhkum edilmişdir.

Novruzov Ələddin Məmməd oğlu, 1964-cü ildə anadan olmuş, Rusiya Federasiyasının vətəndaşı, Bakı şəhəri Səbail rayon məhkəməsinin 2014-cü il 30 iyun tarixli hökmü ilə məhkum edilmişdir.

Novruzov Yalçın Rafiq oğlu, 1970-ci ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2014-cü il 17 noyabr tarixli hökmü ilə məhkum edilmişdir.

Orucov Güloğlan Mirzə oğlu, 1993-cü ildə anadan olmuş, Azərbaycan Respublikasının vətəndaşı, Bakı şəhər Suraxanı rayon məhkəməsinin 2014-cü il 7 may tarixli hökmü ilə məhkum edilmişdir.

Ömərov Qasım Camal oğlu, 1975-ci ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2014-cü il 22 iyul tarixli hökmü ilə məhkum edilmişdir.

Pənahlı Nemət Əhəd oğlu, 1962-ci ildə anadan olmuş, Azərbaycan Respublikasının vətəndaşı, Bakı şəhəri Nəsimi rayon məhkəməsinin 2011-ci il 17 iyun tarixli hökmü ilə məhkum edilmişdir.

Ramazanov Eldəniz Mövlüd oğlu, 1987-ci ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2013-cü il 4 noyabr tarixli hökmü ilə məhkum edilmişdir.

Rəhimov Sakit Məqsəd oğlu, 1982-ci ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2012-ci il 9 avqust tarixli hökmü ilə məhkum edilmişdir.

Rouzdar Omıd Ghorban, 1981-ci ildə anadan olmuş, İran İslam Respublikasının vətəndaşı, Lənkəran Ağır Cinayətlər Məhkəməsinin 2014-cü il 31 mart tarixli hökmü ilə məhkum edilmişdir.

Rzayev Sahib Qəzənfər oğlu, 1955-ci ildə anadan olmuş, Azərbaycan Respublikasının vətəndaşı, Gədəbəy rayon məhkəməsinin 2014-cü il 20 noyabr tarixli hökmü ilə məhkum edilmişdir.

Sadıqov Alyoşa Cəmil oğlu, 1962-ci ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2011-ci il 2 may tarixli hökmü ilə məhkum edilmişdir.

Sadıqov Yadigar Sadıq oğlu, 1968-ci ildə anadan olmuş, Azərbaycan Respublikasının vətəndaşı, Lənkəran rayon məhkəməsinin 2014-cü il 13 yanvar tarixli hökmü ilə məhkum edilmişdir.

Seyidov Namiq Mirməhəmmədəli oğlu, 1982-ci ildə anadan olmuş, Azərbaycan Respublikasının vətəndaşı, Rusiya Federasiyası Çuvaş Respublikasının Çeboksarı şəhəri Kalinin rayon məhkəməsinin 2013-cü il 5 fevral tarixli hökmü ilə məhkum edilmişdir.

Sədiyarov Əlizamin Şahin oğlu, 1988-ci ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2015-ci il 11 fevral tarixli hökmü ilə məhkum edilmişdir.

Səfərov Ramel Salman oğlu, 1995-ci ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2014-cü il 7 noyabr tarixli hökmü ilə məhkum edilmişdir.

Səfərov Rövşən Akif oğlu, 1978-ci ildə anadan olmuş, Azərbaycan Respublikasının vətəndaşı, Bakı şəhəri Xəzər rayon məhkəməsinin 2013-cü il 27 dekabr tarixli hökmü ilə məhkum edilmişdir.

Səmədov Səid Nuhbaba oğlu, 1980-ci ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2013-cü il 5 iyul tarixli hökmü ilə məhkum edilmişdir.

Shojae Ahmad Nasrolah, 1968-ci ildə anadan olmuş, İran İslam Respublikasının vətəndaşı, Biləsuvar rayon məhkəməsinin 2014-cü il 2 dekabr tarixli hökmü ilə məhkum edilmişdir.

Sultan Coşqun İntiqam oğlu, 1995-ci ildə anadan olmuş, Azərbaycan Respublikasının vətəndaşı, Gəncə hərbi məhkəməsinin 2014-cü il 28 oktyabr tarixli hökmü ilə məhkum edilmişdir.

Süleymanov Namiq Tofiq oğlu, 1964-cü ildə anadan olmuş, Azərbaycan Respublikasının vətəndaşı, Ağır Cinayətlərə Dair İşlər üzrə Azərbaycan Respublikası Məhkəməsinin 2006-cı il 27 iyun tarixli hökmü ilə məhkum edilmişdir.

Şahbazov Əli Malik oğlu, 1973-cü ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2015-ci il 11 fevral tarixli hökmü ilə məhkum edilmişdir.

Takidze Roland Pridonoviç, 1961-ci ildə anadan olmuş, Gürcüstan vətəndaşı, Qazax rayon məhkəməsinin 2014-cü il 22 oktyabr tarixli hökmü ilə məhkum edilmişdir.

Talıbov Röya Fərhad oğlu, 1991-ci ildə anadan olmuş, Azərbaycan Respublikasının vətəndaşı, Bakı hərbi məhkəməsinin 2014-cü il 1 iyul tarixli hökmü ilə məhkum edilmişdir.

Temirov Təyyar Alırza oğlu, 1985-ci ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2013-cü il 10 sentyabr tarixli hökmü ilə məhkum edilmişdir.

Truxaçev Ruslan Vladimiroviç, 1991-ci ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2013-cü il 13 noyabr tarixli hökmü ilə məhkum edilmişdir.

Verdiyev Hafiz Abbas oğlu, 1977-ci ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2014-cü il 22 oktyabr tarixli hökmü ilə məhkum edilmişdir.

Yaqublu Tofiq Rəşid oğlu, 1961-ci ildə anadan olmuş, Azərbaycan Respublikasının vətəndaşı, Şəki Ağır Cinayətlər Məhkəməsinin 2014-cü il 17 mart tarixli hökmü ilə məhkum edilmişdir.

Yaman Gökhan İsmail oğlu, 1984-cü ildə anadan olmuş, Türkiyə Respublikasının vətəndaşı, Yardımlı rayon məhkəməsinin 2015-ci il 21 avqust tarixli hökmü ilə məhkum edilmişdir.

Zeynalov Rəmzi Ramiz oğlu, 1971-ci ildə anadan olmuş, Azərbaycan Respublikasının vətəndaşı, Sabirabad rayon məhkəməsinin 2015-ci il 11 mart tarixli hökmü ilə məhkum edilmişdir.

İslah işləri cəzasına məhkum edilmiş aşağıdakı şəxslər cəzanın çəkilməmiş hissəsindən azad edilir:Babayev Samin Məmmədəli oğlu, 1984-cü ildə anadan olmuş, Azərbaycan Respublikasının vətəndaşı, Bakı şəhəri Binəqədi rayon məhkəməsinin 2014-cü il 2 may tarixli hökmü ilə məhkum edilmişdir.

İsmayılov Faiq Mahmud oğlu, 1970-ci ildə anadan olmuş, Azərbaycan Respublikasının vətəndaşı, Yevlax rayon məhkəməsinin 2014-cü il 13 noyabr tarixli hökmü ilə məhkum edilmişdir.

Qədəşov Rəşad Əlmurad oğlu, 1991-ci ildə anadan olmuş, Azərbaycan Respublikasının vətəndaşı, Quba rayon məhkəməsinin 2014-cü il 6 may tarixli hökmü ilə məhkum edilmişdir.

Qurbanov Ceyhun Museyib oğlu, 1970-ci ildə anadan olmuş, Azərbaycan Respublikasının vətəndaşı, Gəncə şəhəri Kəpəz rayon məhkəməsinin 2014-cü il 5 noyabr tarixli hökmü ilə məhkum edilmişdir.

Orucov Oruc Bəhrəm oğlu, 1958-ci ildə anadan olmuş, Azərbaycan Respublikasının vətəndaşı, Bakı şəhəri Səbail rayon məhkəməsinin 2015-ci il 25 fevral tarixli hökmü ilə məhkum edilmişdir.

Şirinov Zakir Nəsir oğlu, 1965-ci ildə anadan olmuş, Azərbaycan Respublikasının vətəndaşı, Bakı şəhəri Qaradağ rayon məhkəməsinin 2014-cü il 3 noyabr tarixli hökmü ilə məhkum edilmişdir.

Cərimə cəzasına məhkum edilmiş aşağıdakı şəxslər cəzadan azad edilir:Adıgözəlova Elmira Bağır qızı, 1948-ci ildə anadan olmuş, Azərbaycan Respublikasının vətəndaşı, Ağcabədi rayon məhkəməsinin 2013-cü il 25 sentyabr tarixli hökmü ilə məhkum edilmişdir.

Həsənova Sultan İsrafil qızı, 1962-ci ildə anadan olmuş, Azərbaycan Respublikasının vətəndaşı, Bakı şəhəri Xətai rayon məhkəməsinin 2014-cü il 16 iyul tarixli hökmü ilə məhkum edilmişdir.

Məmmədov Sabit Saqi oğlu, 1984-cü ildə anadan olmuş, Azərbaycan Respublikasının vətəndaşı, Yevlax rayon məhkəməsinin 2013-cü il 3 dekabr tarixli hökmü ilə məhkum edilmişdir.

Rəhimova Məlahət İsgəndər qızı, 1963-cü ildə anadan olmuş, Azərbaycan Respublikasının vətəndaşı, Bakı şəhəri Sabunçu rayon məhkəməsinin 2014-cü il 31 iyul tarixli hökmü ilə məhkum edilmişdir.

Şeydayev Qüdrət Vaqif oğlu, 1978-ci ildə anadan olmuş, Azərbaycan Respublikasının vətəndaşı, Bakı şəhəri Nərimanov rayon məhkəməsinin 2008-ci il 15 avqust tarixli hökmü ilə məhkum edilmişdir.

Məcburi köçkünlərə orta aylıq əməkhaqqı verilməsinin müddəti uzadıldı17.03.2016

Nazirlər Kabineti məcburi köçkünlərin sosial müdafiəsi üzrə əlavə tədbirlər haqqında qərar qəbul edib. Qərara əsasən, büdcədən maliyyələşdirilən müəssisələrdə, təşkilatlarda çalışmış, özlərindən asılı olmayan səbəblərə görə iş yerlərindən məhrum olmuş və işlə təmin olunmamış məcburi köçkünlərə orta aylıq əməkhaqqı verilməsinin müddəti 2017-ci il yanvarın 1-dək uzadılır.

Nazirlər Kabinetinin mətbuat xidmətindən AZƏRTAC-a bildiriblər ki, qərarda aidiyyəti nazirliklərə, dövlət orqanlarına və əraziləri işğal olunmuş rayonların icra hakimiyyətinə müvafiq tədbirlərin görülməsinin daha da gücləndirilməsi barədə konkret tapşırıqlar verilib.

Ermənistanın işğalı nəticəsində Azərbaycanın Dağlıq Qarabağ bölgəsinin və Laçın, Kəlbəcər, Qubadlı, Zəngilan, Cəbrayıl, Füzuli, Ağdam rayonlarının əhalisi 22 ildən çoxdur məcburi köçkün vəziyyətində yaşayır.

Rəsmi məlumatına görə, Azərbaycanda 1 milyon 200 minə yaxın qaçqın və məcburi köçkün var.

Dövlət Statistika Komitəsinin məlumatına görə, ölkədə orta aylıq nominal əməkhaqqı 466,4 manatdır.

Siyasi məhbus sayılan şəxslərdən kimlər azadlığa çıxdı?17.03.2016

Martın 17-də prezident İlham Əliyevin imzaladığı əfv sərəncamına “siyasi məhbus” və ya “problemli məhbuslar” adlanan şəxslərdən də düşən olub.Novator.az xəbər verir ki, söhbət bu şəxslərdən gedir: Rəşadət Axundov (NİDA-çı), Rəsul Cəfərov (hüquq müdafiəçisi), Məmməd Əzizov (NİDA-çı), Rəşad Həsənov (NİDA-çı), Pərviz Həşimli (jurnalist), Taleh Xasməmmədov (hüquq müdafiəçisi), Sirac Kərimli (Müsavat Partiyası başqanının müavini, hazırda həbsdə olan Fərəc Kərimovun qardaşı), Nicat Quliyev (keçmiş xarici iqtisadi əlaqələr naziri), Anar Məmmədli (hüquq müdafiəçisi), Hilal Məmmədov (jurnalist), Ömər Məmmədov (bloqçu), Akif Muradverdiyev (Prezident Administrasiyasının keçmiş işlər müdiri), Nemət Pənahlı (siyasətçi), Yadigar Sadıqov (Müsavat başqanının müavini), Tofiq Yaqublu (Müsavat başqanının müavini).

Bu sərəncama qədər Azərbaycanın bəzi hüquq müdafiəçilərinin hazırladığı siyasi məhbus siyahısında 93 nəfərin adı var idi. Göründüyü kimi, onlardan 15 nəfəri əfvə düşüb.Ümumilikdə 17 mart sərəncamı ilə azadlıqdan məhrum etmə cəzasına məhkum olunmuş 137 nəfər cəzasının çəkilməmiş hissəsindən azad edilib, 6 nəfər islah işləri cəzasının çəkilməmiş hissəsindən, 5 nəfər isə cərimə cəzasından azad olunub.

Həbsdə kimlər qaldı?17.03.2016

Problemli məhbusların işi üzrə dövlət nümayəndələri və hüquq müdafiəçilərinin daxil olduğu işçi qrup Əfv Məsələləri Komissiyasına 24 nəfərlik siyahı təqdim etmişdi. Qrupun üzvü, hüquq müdafiəçisi Novella Cəfəroğlu Transparency.az-a deyib ki, prezidentin 17 mart sərəncamı ilə onlardan 15 nəfər azadlığa buraxılıb. Daha bir nəfər – jurnalist Rauf Mirqədirov həmin gün məhkəmə qərarı ilə azadlığa çıxıb.

Problemli məhbusların işi üzrə dövlət nümayəndələri və hüquq müdafiəçilərinin daxil olduğu işçi qrupun siyahısındakı 8 nəfər isə həbsdə qalıb: bloqçu Əbdül Əbilov, jurnalistlər Xədicə İsmayıl, Seymur Həzi, Müsavat başqanının müavini Fərəc Kərimov, hüquq müdafiəçisi İntiqam Əliyev, gənc fəal İlkin Rüstəmzadə, REAL Hərəkatının sədri İlqar Məmmədov, keçmiş səhiyyə naziri Əli İnsanov.

Rauf Mirqədirov azadlığa buraxıldıƏfv sərəncamı

Siyasi məhbus sayılan şəxslərdən kimlər azadlığa çıxdı?Hansı ölkədə neçə partiya var?17.03.2016

Azərbaycanın Ədliyyə Nazirliyi 1992-ci ildən bəri 55 siyasi partiyanı dövlət qeydiyyatına alıb. Sonuncu qeydiyyat 2011-ci ilə təsadüf edir. Həmin il mayın 31-də Milli Dirçəliş Hərəkatı Partiyası qeydiyyata götürülüb.

Transparency.az qonşu ölkələrin göstəricilərinə də nəzər salıb. Ermənistan Ədliyyə Nazirliyinin bu ilin fevralında açıqladığı statistikaya görə, 79 partiya dövlət qeydiyyatından keçib.

Türkiyədə dövlət qeydiyyatındakı partiyaların sayı 97-dir.

Rusiya Ədliyyə Nazirliyinin saytında dövlət qeydiyyatına alınmış 77 siyasi partiyanın adı var. Sonuncu qeydiyyat 2015-ci il sentyabrın 7-də olub. Ötən il ümumən 4 partiya qeydiyyata götürülüb.

Gürcüstan Ədliyyə Nazirliyinin qeydə aldığı partiya və siyasi hərəkatların sayı 200-dən çoxdur.

2015-ci ilin noyabrına olan statistikaya əsasən, Qazaxıstanın Ədliyyə Nazirliyi 9 siyasi partiyanı qeydiyyata alıb. Qırğızıstanda isə dövlət 199 partiyanı qeydiyyata götürüb.

Özbəkistanda qeydiyyatdan keçmiş 4 partiya var.

Ukrayna Seçicilər Komitəsinin məlumatına görə, 2015-ci ilin aprelində ölkədə 262 rəsmi partiya olub. Ötən il Ukraynada 27 siyasi partiya dövlət qeydiyyatından keçib.

Belarusda 15 qeydiyyatlı partiya fəaliyyət göstərir.

Ayrı-ayrı qaynaqların bilgilərinə görə, Moldovada 42, Latviyada 57, Litvada 41 rəsmi siyasi partiya fəaliyyət göstərir.

Yanvar-fevral ayları üzrə makroiqtisadi göstəricilər17.03.2016

Dövlət Statistika Komitəsi 2016-cı ilin yanvar-fevral ayları üzrə makroiqtisadi göstəriciləri açıqlayıb. Transparency.az xəbər verir ki, hesabata görə, yanvar-fevral aylarında ölkədə fəaliyyət göstərən müəssisə, təşkilat və fərdi sahibkarlar 7 milyard 888,7 milyon manatlıq və ya əvvəlki ilin müvafiq dövrünə nisbətən 3,2 faiz az ümumi daxili məhsul istehsal (ÜDM) edib.

ÜDM-in 38,1 faizi sənayedə, 13 faizi ticarət, nəqliyyat vasitələrinin təmiri, 8,7 faizi tikinti, 7,2 faizi nəqliyyat və anbar təsərrüfatı, 3,6 faizi turistlərin yerləşdirilməsi və ictimai iaşə, 3,1 faizi kənd təsərrüfatı, meşə təsərrüfatı və balıqçılıq, 2,1 faizi informasiya və rabitə, 13,6 faizi isə digər sahələrdə istehsal edilib. Məhsula və idxala xalis vergilər ÜDM-in 10,6 faizinə bərabər, əhalinin hər nəfərinə düşən ÜDM 822,3 manat olub.

Sənaye müəssisələri və bu sahədə fəaliyyət göstərən fərdi sahibkarlar 2016-cı ilin yanvar-fevral aylarında 4 milyard 308,9 milyon manatlıq və ya əvvəlki ilin müvafiq dövrü ilə müqayisədə 0,1 faiz az sənaye məhsulu istehsal edib. Enişə xam neft hasilatının 1,4 faiz, qaz hasilatının 8,3 faiz, elektrik enerjisi istehsalının 6,4 faiz, habelə bir sıra emal sənayesi məhsullarının istehsalının azalması səbəb  olub.

Mədən sektorunda məhsul istehsalı 0,8 faiz azalıb.

Emal sektorunda qida məhsullarının istehsalı 2 faiz, tütün məmulatlarının istehsalı 80,4 faiz, toxuculuq sənayesi məhsullarının istehsalı 3,1 dəfə, geyim istehsalı 23,5 faiz, metallurgiya məhsullarının istehsalı 50,8 faiz, hazır metal məmulatlarının istehsalı 93,7 faiz, kompüter, elektron və optik məhsulların istehsalı 67,6 faiz, avtomobil, qoşqu və yarımqoşquların istehsalı 19,6 faiz, maşın və avadanlıqların quraşdırılması və təmiri işləri 2,5 dəfə artıb.

İçkilərin istehsalı 18,7 faiz, ağacın emalı və ağacdan məmulatların istehsalı 15,1 faiz, poliqrafiya məhsullarının istehsalı 2,2 faiz, kimya sənayesi məhsullarının istehsalı 13,7 faiz, rezin və plastik kütlə məmulatlarının istehsalı 50,5 faiz, tikinti materiallarının istehsalı 48,5 faiz, elektrik avadanlıqlarının istehsalı 44,3 faiz, maşın və avadanlıqların istehsalı 31,7 faiz, mebel istehsalı isə 3,9 faiz aşağı düşüb.

Elektrik enerjisi, qaz və buxar istehsalı, bölüşdürülməsi və təchizatı sektorunda istehsalın həcmi 5,1 faiz, su təchizatı, tullantıların təmizlənməsi və emalı sektorunda isə 3,5 faiz azalıb.

Sənayenin qeyri-neft sektorunda məhsul istehsalı 4,5 faiz artıb, neft sektorunda isə 0,7 faiz enib.

Kənd təsərrüfatına gəlincə, 2016-cı ilin yanvar-fevral aylarında diri çəkidə 73,4 min ton ət, 290,1 min ton süd, 270,9 milyon ədəd yumurta, 4,2 min ton tərəvəz istehsal olunub. Əvvəlki ilin müvafiq dövrü ilə müqayisədə ət istehsalı 1,5 faiz, süd istehsalı 3,8 faiz, yumurta istehsalı 4,7 faiz, tərəvəz istehsalı isə 6,1 faiz artıb.

Kənd təsərrüfatının ümumi məhsulu 2,6 faiz, o cümlədən bitkiçilik məhsulları istehsalı 4,5 faiz, heyvandarlıq məhsulları istehsalı 2,6 faiz çoxalıb.

2016-cı ilin yanvar-fevral aylarında iqtisadiyyata 1 milyard 834,9 milyon manat məbləğində vəsait yönəldilib. Əsas kapitala yönəldilmiş vəsaitlərin 593,8 milyon manatını və ya 32,4 faizini daxili vəsaitlər təşkil edib.

2015-ci ilin müvafiq dövrü ilə müqayisədə yük daşınması 5,3 faiz azalıb, sərnişin daşınması isə 1,4 faiz artıb.

Dövlət Gömrük Komitəsinin məlumatlarına əsasən, 2016-cı ilin yanvar ayında xarici ticarət dövriyyəsi 1 milyard 99,9 milyon ABŞ dolları olub. Ticarət dövriyyəsinin 657,1 milyon dollarını və ya 59,7 faizini ölkədən ixrac olunmuş məhsullar, 442,8 milyon dollarını (40,3 faizini) isə idxal məhsulları təşkil edib. İxracın idxalı üstələməsi nəticəsində 214,3 milyon dollar məbləğində müsbət saldo yaranıb. 2015-ci ilin eyni dövrü ilə müqayisədə xarici ticarət dövriyyəsi 25,3 faiz, o cümlədən ixrac 26,3 faiz, idxal isə 23,3 faiz azalıb.

2016-cı ilin yanvar-fevral aylarında 2015-ci ilin müvafiq dövrünə nisbətən istehlak məhsullarının və xidmətlərin qiymətləri 11,7 faiz, o cümlədən ərzaq məhsullarının qiymətləri 14,8 faiz, qeyri-ərzaq məhsullarının qiymətləri 15,7 faiz, əhaliyə göstərilən ödənişli xidmətlərin qiymətləri isə 4 faiz yüksəlib.

2016-cı ilin yanvar ayında muzdla işləyənlərin orta aylıq nominal əməkhaqqı 2015-ci ilin yanvar ayı ilə müqayisədə 8 faiz artaraq 480,1 manat olub.

İlin ilk iki ayında əvvəlki ilin müvafiq dövrü ilə müqayisədə əhalinin gəlirləri nominal ifadədə 10,2 faiz artaraq 6 milyard 459,3 milyon manata çatıb.

Maliyyə Nazirliyinin məlumatlarına əsasən, 2016-cı ilin yanvar ayında dövlət büdcəsinə 1 milyard 349,6 milyon manat vəsait daxil olub, büdcədən 516,4 milyon manat vəsait xərclənib, büdcənin icrasında yaranmış 833,2 milyon manatlıq profisit ümumi daxili məhsulun 20,8 faizi səviyyəsində olub.

Mərkəzi Bankın məlumatlarına görə, 2016-cı ilin fevral ayının 1-nə ölkənin bank sektorunun kredit portfeli milli valyuta ekvivalentində 21 milyard 186,2 milyon manat təşkil edib. Kredit portfeli 2015-ci il fevral ayının 1-i ilə müqayisədə 14 faiz artıb. Ödəmə vaxtı keçmiş kreditlərin məbləği ümumi kredit portfelinin 6,2 faizini təşkil edib.

Əhalinin banklardakı əmanətlərinin milli valyuta ekvivalentində məbləği 2016-cı il fevral ayının 1-nə 8 milyard 643,3 milyon manat olub.

2016-ci ilin yanvar ayında əhalinin sayı 7,9 min nəfər və ya 0,1 faiz artaraq fevral ayının 1-nə 9 milyard 713 min 500 nəfərə çatıb.

Dövlət başçısı xüsusi iqtisadi zonanın yaradılmasına sərəncam verdi17.03.2016

Martın 17-də prezident İlham Əliyev Qaradağ rayonunun Ələt qəsəbəsində yeni Bakı Beynəlxalq Dəniz Ticarət Limanının ərazisi daxil olmaqla azad ticarət zonası tipli xüsusi iqtisadi zonanın yaradılması ilə bağlı tədbirlər haqqında sərəncam imzalayıb.

Sərəncama əsasən, İqtisadiyyat Nazirliyi “Bakı Beynəlxalq Dəniz Ticarət Limanı” QSC ilə birlikdə altı ay müddətində sözügedən xüsusi iqtisadi zonanın yaradılması, həmin zonanın infrastrukturu və idarə olunması, eləcə də zonada həyata keçiriləcək sahibkarlıq fəaliyyətinin növləri və xüsusiyyətləri haqda təkliflərini ölkə prezidentinə təqdim etməlidir.

Ekologiya və Təbii Sərvətlər Nazirliyi, Əmlak Məsələləri Dövlət Komitəsi və Bakı Şəhər İcra Hakimiyyəti isə zonanın ərazisinə dair təkliflərini, həmin ərazinin torpaq sahələrinin mülkiyyətçilərinin və torpaq istifadəçilərinin siyahısını, zonanın ərazi sərhədlərinin dəqiq təsvirini və ərazinin planını, torpaqların tərkibi haqqında məlumatları, iqtisadi, sosial və ekoloji şəraitin təhlilinə, maddi və əmək resurslarına, kommunikasiyalar və digər infrastrukturla təminat imkanlarına dair məlumatları dövlət başçısına çatdırmalıdır.

İmtahandan keçmiş müəllimlərin maaşı artırıldı18.03.2016

Prezident İlham Əliyev dövlət ümumi təhsil müəssisələrində çalışan işçilərin sosial müdafiəsi ilə bağlı sərəncam imzalayıb. Sənədə əsasən, bilik və bacarıqlarının diaqnostik qiymətləndirilməsi aparılan müəllimlərin dərs yükünün və əməkhaqqının artırılması haqqında 16 yanvar 2015-ci il sərəncamı ilə müəyyən edilmiş aylıq vəzifə maaşları bu il aprelin 1-dən orta hesabla 10 faiz artırılır.

Nazirlər Kabineti bilik və bacarıqlarının diaqnostik qiymətləndirilməsi aparılan dövlət ümumi təhsil müəssisələrində çalışan müəllimlərin, həmin müəssisələrin direktor və direktor müavinlərinin vəzifə maaşları sxemi və məbləğlərini, vəzifə maaşlarına əlavələrin məbləğlərini 2016-cı il aprelin 1-dək təsdiq etməlidir.

Transparency.az bildirir ki, prezidentin 16 yanvar 2015-ci il sərəncamı ilə bilik və bacarıqlarının diaqnostik qiymətləndirilməsi aparılan dövlət ümumi təhsil müəssisələri müəllimlərinin həftəlik dərs yükü norması 1,5 dəfə, aylıq vəzifə maaşları orta hesabla 2 dəfə artırılıb.

Təhsil Nazirliyinin bu ilin əvvəlində yaydığı rəsmi məlumata görə, ölkənin 12 bölgəsi üzrə keçirilən diaqnostik qiymətləndirməyə dəvət olunmuş 25 989 nəfərdən 25 693-ü (98,86 faiz) imtahanda iştirak edib, onların təxminən 1 faizi müvafiq keçid balını toplaya bilməyib: “Əməkhaqqı artımı diaqnostik qiymətləndirmədən keçən 25 431 müəllimə (qiymətləndirmədə iştirak edən müəllimlərin 99 faizi) şamil ediləcək. Artımın məbləği müəllimin dərs yükündən, pedaqoji fəaliyyət üzrə stajından, ali və ya orta ixtisas təhsilli olmasından, sinif rəhbəri və fəxri adının olub-olmamasından və digər bir neçə meyardan asılıdır. Bu meyarlara uyğun olaraq əmək haqları 30-40 faiz artırılacaq”.

İcra başçısı “Şöhrət” ordeni ilə təltif edilib18.03.2016

Şuşanın icra başçısı, Dağlıq Qarabağın azərbaycanlı icmasının rəhbəri Bayram Səfərov “Şöhrət” ordeni ilə təltif edilib. Prezidentin 17 mart sərəncamında təltif Bayram Səfərovun Azərbaycan Respublikasının ictimai-siyasi həyatında xidmətləri ilə əsaslandırılıb.

Transparency.az bildirir ki, mart ayında Bayram Səfərovun 65 yaşı tamam olur. 1951-ci ildə Şuşada anadan olan Bayram Səfərov iqtisadçıdır. Şuşa Rayon İstehlak Cəmiyyətinin sədri, icra hakimiyyəti başçısının müavini vəzifələrində işləyib, “Azərbaycan Hava Yolları” Qapalı Səhmdar Cəmiyyətində çalışıb.

2009-cu il fevralın 27-dən Şuşa Rayon İcra Hakimiyyətinin başçısı, həmin il iyunun 5-dən “Dağlıq Qarabağ bölgəsinin azərbaycanlı icması” İctimai Birliyinin sədridir.

Dollar 1 manat 60 qəpikdən aşağı düşüb18.03.2016

Martın 18-də ABŞ dolları Azərbaycan manatı qarşısında ucuzlaşıb. Transparency.az xəbər verir ki, dolların rəsmi məzənnəsi 1,6102 manatdan 1,5971 manata enib.

Avro və Rusiya rublu isə bahalaşıb. Avronun rəsmi kursu 1,8063 manatdan 1,8066 manata, rublun məzənnəsi 0,0234 manatdan 0,0235 manata yüksəlib.

MəzənnələrABŞ Dövlət Departamenti əfv sərəncamını alqışladı18.03.2016

ABŞ Dövlət Departamenti prezident İlham Əliyevin imzaladığı əfv sərəncamına münasibət bildirib. 17 mart sərəncamı ilə azadlıqdan məhrum olunmuş 137 nəfər cəzasının çəkilməmiş hissəsindən, 6 nəfər islah işləri cəzasının çəkilməmiş hissəsindən, 5 nəfər isə cərimə cəzasından azad olunub.

“Azadlıq” radiosunun məlumatına görə, ABŞ-ın Azərbaycandakı səfirliyi Dövlət Departamentinin sözçüsü Con Kirbinin əfv barədə açıqlamasını yayıb. Açıqlamada deyilir: “Amerika Birləşmiş Ştatları Azərbaycan hökumətinin insan haqları sahəsindəki işlərinə və ya öz fundamental azadlıqlarını həyata keçirdiyinə görə həbs edilmiş 10-dan çox şəxsin azadlığa buraxılması kimi müsbət addımını alqışlayır. Azad edilmişlər arasında tanınmış hüquq müdafiəçisi Rəsul Cəfərov, Seçkilərin Monitorinqi və Demokratiyanın Tədrisi Mərkəzinin sədri Anar Məmmədli, talış etnik azlığının nəşrinin baş redaktoru Hilal Məmmədov və Müsavat Partiyasının sədr müavini Tofiq Yaqublu var. Jurnalist və sülh fəalı Rauf Mirqədirov da şərti azadlığa buraxılıb.

Birləşmiş Ştatlar Azərbaycan hökuməti ilə əlavə müsbət addımlar üzərində işləməyə hazırdır. Biz həmçinin hökuməti eyni azadlıqları həyata keçirdiyinə görə həbs olunmuş sayılan digər məhbusları da azad etməyə və azadlığa çıxmışların hərəkət etmə azadlıqlarına qoyulmuş məhdudiyyətləri aradan götürməyə çağırırıq”.

Əfv sərəncamına siyasi məhbus sayılan şəxslərdən 15 nəfər düşüb. Gənc fəallar Rəşadət Axundov, Məmməd Əzizov, Rəşad Həsənov, Ömər Məmmədov, hüquq müdafiəçiləri Rəsul Cəfərov, Taleh Xasməmmədov, Anar Məmmədli,  jurnalistlər Pərviz Həşimli, Hilal Məmmədov, siyasətçilər Nemət Pənahlı, Yadigar Sadıqov, Tofiq Yaqublu, sabiq məmurlar Nicat Quliyev, Akif Muradverdiyev, Müsavat Partiyası başqanının müavini, hazırda həbsdə olan

Fərəc Kərimovun qardaşı Sirac Kərimli azadlığa çıxıb. Daha bir nəfər – jurnalist Rauf Mirqədirov həmin gün məhkəmə qərarı ilə sərbəst buraxılıb.

Azərbaycanın bəzi hüquq müdafiəçilərinin hazırladığı siyasi məhbus siyahısında martın 17-dək 93 nəfərin adı vardı.

Azərbaycan nefti 42 dollardan baha satılır18.03.2016

Dünya birjalarında neftin bahalaşması davam edir. Martın 18-də Nyu-York birjasında “Layt” markalı neftin bir barreli 40,24 dollara, London birjasında “Brent” markalı neftin bir barreli 41,63 dollara qalxıb.

AZƏRTAC xəbər verir ki, “AzəriLayt” markalı neftin bir barreli 1,53 dollar bahalaşaraq 42,63 dollara satılır.

Ekoloji pozuntular: hüquq mühafizə orqanlarına 23, məhkəmələrə isə 6 iş göndərilib18.03.2016

Ekologiya və Təbii Sərvətlər Nazirliyinin Ətraf Mühitin Mühafizəsi Departamentinin əməkdaşları 1-15 mart arası ekoloji qanunvericiliyin tələblərinə riayət olunmasını yoxlamaq məqsədilə araşdırma aparıb. Rəsmi məlumata əsasən, müxtəlif qanun pozuntularına görə 130 akt və protokol tərtib olunub, nöqsanların aradan qaldırılması üçün icrası məcburi olan 31 müddətli göstəriş verilib.

Ümumilikdə 14 iş üzrə 11420 manat məbləğində inzibati qaydada cərimə tətbiq edilib, ətraf mühitə dəymiş ziyana görə 8 iş üzrə 921,61 manat məbləğində iddia qaldırılıb, ətraf mühitə tullantıların atılmasına və axıdılmasına görə hüquqi və fiziki şəxslərə qarşı 179 iş üzrə 36704,16 manat məbləğində ödəmə tətbiq edilib.

Tədbir görülməsi üçün hüquq mühafizə orqanlarına 23, icra qurumlarına 4, məhkəmələrə isə 6 iş göndərilib.

Azərbaycanın ümumi daxili məhsulu son 20 ildə ilk dəfə azalıb18.03.2016

Dövlət Statistika Komitəsinin rəsmi hesabatına görə, 2016-cı ilin yanvar-fevral aylarında Azərbaycanda 7 milyard 888 milyon 700 min manatlıq ümumi daxili məhsul istehsal (ÜDM) edilib. Bu, 2015-ci ilin müvafiq dövrünə nisbətən 3,2 faiz azdır. Transparency.az bildirir ki, Azərbaycanın ümumi daxili məhsulu son 20 ildə ilk dəfədir əvvəlki illə müqayisədə azalaraq mənfi işarə göstərir.

2015-ci ildə ölkədə istehsal edilmiş ümumi daxili məhsulun həcmi əvvəlki illə müqayisədə 1,1% artmışdı. 2014-cü ildə ÜDM-də 2,8%, 2013-cü ildə 5,8% artım olmuşdu. 2012-ci ildə 2,2%, 2011-ci ildə 0,1% artım qeydə alınmışdı.

İlham Əliyevin prezidentliyinin ilk ili olan 2003-də ÜDM-in artımı 11,2% təşkil edib. 2004-cü ildə 10,2%, 2005-ci ildə 26,4%, 2006-cı ildə 34,5%, 2007-ci ildə 25%, 2008-ci ildə 10,8%, 2009-cu ildə 9,3%, 2010-cu ildə 5% artım olub.

Transparency.az-ın məlumatına görə, son 20 ilin əvvəlki illərində ümumi daxili məhsulun həcmi belə artıb:

1996-cı il – 1,3%

1997-ci il – 5,8%

1998-ci il – 10%

1999-cü il – 7,4%

2000-ci il – 11,1%

2001-ci il – 9,9%

2002-ci il – 10,6%.

Manata sərf olunan valyutanın həcmi 2 milyard dollara çatır18.03.2016

Martın 18-də Mərkəzi Bankın hərracı təşkil edilib. Dövlət Neft Fondunun məlumatına görə, qurum hərraca 100 milyon ABŞ dolları məbləğində vəsait çıxarıb və 2 banka 34,3 milyon dollar satıb.

Transparency.az bildirir ki, bununla Dövlət Neft Fondunun bu il hərraclarda satdığı valyutanın həcmi 1 milyard 224 milyon 476 min dollara çatıb. 2016-cı ilin hərraclarında Mərkəzi Bankın özündən isə 685 milyon 488 min ABŞ dolları alınıb.

İki qurumun manatın sabitliyinə bu il sərf etdiyi xarici valyutanın həcmi 1 milyard 909 milyon 964 min dollardır.

Bu il Azərbaycan neftinin qiyməti necə dəyişib?18.03.2016

Transparency.az Azərbaycan neftinin qiymətinin 2016-cı ildə necə dəyişdiyinə nəzər salıb.

Yanvarın 5-də “AzəriLayt” markalı neftin bir barreli 37,64 dollara satılıb. Bu, ötən ilin son günlərində qeydə alınmış qiymətdən (38,23 dollar) aşağı olub. Ardınca ucuzlaşma gedib. Yanvarın 11-də “AzəriLayt”ın bir barreli 34 dollara, yanvarın 15-də 31,54 dollara təklif olunub.

Yanvarın 21-də “AzəriLayt” 28,82 dollara satılıb, ayın 26-da isə qiymət 32,90 dollara qalxıb.

Azərbaycan nefti fevral ayına bir barrel üçün 35,78 dollarla başlayıb. Fevralın 5-də “AzəriLayt” 35,40 dollara, ayın 10-da 32,61dollara, 16-da 34,08 dollara, 22-də 33,26 dollara gedib. Fevral 27-də isə Azərbaycan neftinin qiyməti 37,22 dollara yüksəlib.

Mart ayında qiymətlər belə dəyişib: 4 mart – 37,24 dollar; 10 mart – 41,45 dollar, 18 mart – 42,63 dollar.

Hazırda “AzəriLayt” dövlət büdcəsində nəzərdə tutulan qiymətdən 18 dollaradək yuxarı qiymətə satılır. Dövlət büdcəsində xam neftin satış qiyməti bir barrel üçün 25 ABŞ dolları götürülüb.

Düz bir il əvvəl “AzəriLayt” markalı neftin bir barreli London birjasında 54,24 dollara təklif edilib. 2014-cü il martında isə “AzəriLayt”ın bir barreli London birjasında 112 dollardan baha olub.

İqtisadçı ekspert: “Gecikirik, Rusiyanı əldən çıxarırıq”18.03.2016

İqtisadçı ekspert Qalib Toğrul hökuməti turizm sektorunun inkişafı üçün viza islahatlarını sürətləndirməyə səsləyib. Transparency.az-ın məlumatına görə, ekspert vurğulayıb ki,

iqtisadiyyatın prioritet sahələrindən biri də turizm və əyləncədir: “Azərbaycanda turizm sektorunun inkişafının başlıca şərti viza rejimini sadələşdirmək və viza sənədləşdirmə xərclərini azaltmaqdır. Məsələn, Yunanıstan artıq Rusiya vətəndaşlarına bir, uzağı iki günə viza verilməsi barədə qərar qəbul edib. Yunanıstanla Rusiya arasında viza sənədləşdirmə xərclərinin aşağı salınması üçün də iş aparılır. Hazırda məbləğ 35 avrodur.

Bizim turizm sektorunun əsas müştəriləri elə rusiyalılardır. Dil baryeri, demək olar ki, yoxdur, mədəniyyətlər yaxındır, nəqliyyat xərcləri aşağıdır. Ancaq biz gecikirik, Rusiyanı əldən çıxarırıq. Qonşuluqda Gürcüstan kimi nümunə və rəqib var. Biz onlardan həm öyrənməli, həm də rəqabətə davamlı turizm sektoru formalaşdırmalıyıq”.

Vakant direktor vəzifələrinin tutulması üçün müsabiqə keçiriləcək18.03.2016

Ümumi təhsil müəssisələrinə vakant direktor vəzifələrinin tutulması üçün mərkəzləşdirilmiş qaydada müsabiqə keçiriləcək. Təhsil Nazirliyinin məlumatına görə, 4 mərhələdən ibarət müsabiqə mart-aprel aylarında baş tutacaq.

Təsdiq edilmiş yeni qaydalara əsasən, pedaqoji və ya idarəetmə sahəsi üzrə ali təhsili olan, azı 5 il pedaqoji staja malik hər bir şəxsin direktor vəzifəsinin tutulması müsabiqəsində iştirak etmək imkanı var. Müsabiqədə iştirak etmək istəyən şəxs qeydiyyatda olduğu və ya faktiki yaşadığı rayon (şəhər) məktəblərinin vakant direktor vəzifəsini seçə bilər.

Direktor olmaq istəyən şəxslərdən əmək və təhsil qanunvericiliyi, məktəb idarəçiliyi, maliyyə və statistika sahəsində test tapşırıqlarını cavablandırmaq, həm də əvvəlcədən təqdim olunmuş mövzu üzrə esse yazmaq tələb olunur.

Serbiyada 46 məmur korrupsiya ittihamı ilə tutulub18.03.2016

Serbiyanın hüquq mühafizə orqanları “Skaner” adlı xüsusi əməliyyat keçirərək iqtisadi cinayətkarlıqda və çirkli pulların yuyulmasında şübhəli bilinən 46 nəfəri saxlayıb. Novator.az-ın məlumatına görə, ölkənin daxili işlər naziri Neboyşa Stefanoviç martın 18-də jurnalistlərə belə açıqlama verib.

Nazir bildirib ki, saxlanan şəxslərin qanunsuz fəaliyyətindən ölkənin və bələdiyyələrin büdcəsinə 7 milyon avro ziyan dəyib.

Tutulanlar arasında Belqrad Yol Polisinin rüşvət almış 15 əməkdaşı, Quça şəhərindən hakim və ayrı-ayrı şəxslərə saxta əmək stajı qeydə almış Pensiya Fondunun qadın məmuru da var.

Neboyşa Stefanoviç bundan sonra da korrupsiyaya qarşı mübarizə aparılacağını qeyd edib.

Siyasi məhbus siyahısı yenilənəcək18.03.2016

Azərbaycanın bəzi hüquq müdafiəçiləri və ictimai fəallarının tərtib etdiyi siyasi məhbus siyahısı yenilənəcək. Transparency.az-ın əldə etdiyi məlumata görə, tərtibçilər Novruz tətilindən sonra siyahıya yenidən nəzər salacaqlar.

Son günlərədək siyahıda 93 nəfərin adı olub. Martın 17-də 1 nəfər məhkəmə qərarı ilə azadlığa çıxıb, martın 18-də isə 15 nəfər əfv sərəncamı əsasında həbsdən buraxılıb.

İndi siyahının jurnalistlər və bloqçular bölümündə 8 nəfərin adı qalır: Əbdül Əbilov, Nicat Əliyev, Xədicə İsmayıl, Seymur Həzi, Araz Quliyev, Tofiq Həsənov, Fərəc Kərimov, Rəşad Ramazanov.

Həmin bölümə adı salınmış Pərviz Həşimli, Hilal Məmmədov, Tofiq Yaqublu, Rauf Mirqədirov, Ömər Məmmədov azadlığa çıxıblar.

Hüquq müdafiəçilərindən 2 nəfər həbsdədir: Əliabbas Rüstəmov, İntiqam Əliyev.

Yenicə azadlığa buraxılmış Rəsul Cəfərov, Taleh Xasməmmədov, Anar Məmmədli həmin bölümdə yer alırdılar.

Siyahının gənc fəallar bölümündə adı olmuş Rəşadət Axundov, Məmməd Əzizov, Rəşad Həsənov azadlığa buraxılıblar.

İndi 1 gənc fəal – İlkin Rüstəmzadə siyasi məhbusdur.

Müxalif siyasətçilərdən 8 nəfərin adı siyasi məhbus siyahısındadır: İlqar Məmmədov, Fuad Qəhrəmanlı, Məmməd İbrahim, Asif Yusifov, Qadir Xudabaxşıyev, Elvin Abdullayev, Zeynalabdin Bağırzadə, Nazim Mahmudov.

Bu bölüm üzrə Yadigar Sadıqov azadlığa çıxıb.

Adı siyasi məhbus siyahısının digər işlər bölümünə düşmüş şəxslərdən Nemət Pənahlı, Nicat Quliyev, Akif Muradverdiyev, Sirac Kərimli azadlığa buraxılıblar.

Digər işlər bölümündə keçmiş səhiyyə naziri Əli İnsanovun da var.

Siyasi məhbus siyahısının digər iki bölümü üzrə azadlığa çıxan olmayıb. İnanclı fəallar bölümündə 43 məhbusun adı yer alır. Onların arasında İslam Partiyasının lideri Mövsüm Səmədov, ilahiyyatçı Abgül Süleymanovun da adlarına rast gəlmək mümkündür. Ömürlüklər bölümündə keçmiş Xüsusi Təyinatlı Polis Dəstəsinə görə məhkum olunmuş 3 nəfərin adı var: Elçin Əmiraslanov, Arif Kazımov, Səfa Poladov.

Transparency.az xatırladır ki, Avropa Şurası 2012-ci ildə siyasi məhbus anlayışının meyarlarını müəyyənləşdirib. Meyarlara görə, azadlıqdan məhrum edilən şəxsə bu hallarda siyasi məhbus kimi baxılmalıdır:

- saxlanma fikir, vicdan və din azadlığı, fikrin ifadə olunması və informasiya azadlığı, toplaşma və assosiasiya azadlığı pozulmaqla həyata keçirilibsə;

- saxlanma istənilən cinayətlə əlaqəsi olmadan siyasi səbəblərdən həyata keçirilibsə;

- həbsdə saxlamanın müddəti və ya onun şərtləri şəxsin ittiham olunduğu cinayətə proporsional deyilsə;

- vətəndaş digər şəxslərlə müqayisədə ayrı-seçkilik əsasında saxlanıbsa və ya saxlama ədalətsiz məhkəmə çəkişməsinin nəticəsidirsə və bu, hakimiyyətin siyasi motivləri ilə bağlıdırsa.

Dövlət Neft Fondunun büdcəsi dəyişdi: gəlir azaldı, xərc çoxaldı18.03.2016

Martın 18-də prezident İlham Əliyev fərman imzalayaraq Dövlət Neft Fondunun 2016-cı il büdcəsinə düzəliş edib.Transparency.az bildirir ki, yeniliyə görə, Dövlət Neft Fondunun büdcəsinin gəlirləri 6 milyard 711 milyon 564,1 min manatdan 4 milyard 578 milyon 474,6 min manata endirilib.

Xərclər isə 8 milyard 181 milyon 399,7 min manatdan 10 milyard 325 milyon 623 min manata qaldırılıb.

Xarici valyutanın Azərbaycana gətirilməsi və Azərbaycandan çıxarılması qaydaları təsdiqlənib18.03.2016

Mərkəzi Bank xarici valyutanın Azərbaycana gətirilməsi və Azərbaycandan çıxarılması qaydalarını təsdiqləyib. AZƏRTAC  xəbər verir ki, yeni qaydalara əsasən, rezident və qeyri-rezident fiziki və hüquqi şəxslər xarici valyutanı gömrük prosedurlarına əməl etməklə məhdudiyyət olmadan Azərbaycana gətirə bilər.

Rezident və qeyri-rezident fiziki və hüquqi şəxslər məbləği 10 min ABŞ dolları ekvivalentinədək olan xarici valyutanı gömrük orqanında şifahi formada bəyan etməklə ölkədən nağd şəkildə çıxara bilərlər.

Rezident və qeyri-rezident fiziki və hüquqi şəxslər 10 min ABŞ dolları ekvivalenti məbləğindən 50 min ABŞ dolları ekvivalenti məbləğinədək xarici valyutanı onun əvvəllər Azərbaycana nağd şəkildə gətirilməsini təsdiq edən gömrük sənədlərini və yazılı formada bəyannaməni gömrük orqanına təqdim etməklə ölkədən nağd şəkildə çıxara bilərlər.

Bu hallar istisna olmaqla bütün digər hallarda xarici valyutanın rezident və qeyri-rezident fiziki və hüquqi şəxslərin ölkədən çıxarması yalnız müvəkkil banklar və poçt rabitəsinin milli operatoru vasitəsilə köçürmə yolu ilə həyata keçirilə bilər.

Yeni qaydalar martın 16-dan qüvvəyə minib.

“ASAN xidmət”də 1050-dən artıq lisenziya verilib18.03.2016

İqtisadiyyat Nazirliyinin məlumatına görə, indiyədək “ASAN xidmət” mərkəzləri ilə sahibkarlıq subyektlərinə 1050-dən artıq lisenziya verilib.

İqtisadiyyat Nazirliyinin məlumatına görə, indiyədək “ASAN xidmət” mərkəzləri ilə sahibkarlıq subyektlərinə 1050-dən artıq lisenziya verilib.

Prezidentin 19 oktyabr 2015-ci il fərmanına uyğun olaraq İqtisadiyyat Nazirliyi “ASAN xidmət” mərkəzlərində lisenziyalar verməyə başlayıb.

Bakıda lisenziyalar 5 saylı “ASAN xidmət” mərkəzində (Nizami rayonu, Heydər Əliyev prospekti 115) verilir.

Regionlardakı “ASAN xidmət” mərkəzlərinin ünvanları Economy.gov.az-da yerləşdirlib. Qaçqın və məcburi köçkün olan sahibkarlar fəaliyyət göstərdikləri ərazi üzrə “ASAN xidmət” mərkəzlərinə müraciət edə bilərlər (Lisenziya verilən ünvanlar).Milli Məclisin iclasında üç məsələyə baxılıb18.03.2016

Martın 18-də Milli Məclisin iclası keçirilib. AZƏRTAC xəbər verir ki, iclasda “Nüvə materialının fiziki mühafizəsi haqqında” konvensiyaya düzəliş Azərbaycan Respublikasının müvafiq bəyanatı ilə (Bəyanat) təsdiq edilib.“Nüvə materialının fiziki mühafizəsi haqqında” konvensiya 1979-cu il oktyabrın 26-da qəbul edilib. Azərbaycan həmin konvensiyaya 2003-cu ilin dekabrında qoşulub. 2005-ci ildə isə konvensiyaya düzəlişlər qəbul edilib. Düzəlişlərə uyğun olaraq konvensiyanın preambulası dəyişdirilib. Preambulada dəyişikliyin əsas məqsədi nüvə materiallarının, nüvə qurğularının daşınması, saxlanması və təhlükəsizliyini, onun mühafizə olunmasını daha da möhkəmləndirməkdən ibarətdir.

Eyni zamanda burada prinsiplər müəyyən olunub. Həmin prinsiplər birinci növbədə dövlətlərin məsuliyyətini müəyyən edir. Düzəlişdə nüvə materiallarının, nüvə qurğularının daşınması, təhlükəsizlik mədəniyyəti, eyni zamanda fövqəladə hallar zamanı nüvə materialları ilə necə rəftar edilməsi və digər məsələlər əksini tapıb.

İclasda Cinayət Məcəlləsində də dəyişiklik edilib. Sənədin 213-1.3-cü maddəsində dəyişiklik aksiz markası ilə markalanmalı olan məhsulları nağd qaydada xeyli miqdarda satma, həmçinin belə məhsulları satış məqsədləri üçün nağd qaydada xeyli miqdarda alma, pivənin və tütün məmulatlarının pərakəndə satışı istisna olunmaqla, Cinayət Məcəlləsində təsbit edilməsi məqsədi daşıyır.

Deputatlar həmçinin “Güclü təsir edən maddələr və onların külli miqdarının, habelə zəhərli maddələrin siyahılarının təsdiq edilməsi haqqında” qanuna səs veriblər. Qanun layihəsində 81 adda güclü təsir edən maddələr və onların külli miqdarının, 52 adda zəhərli maddələrin siyahısı göstərilib. Sənədə əsasən, sadalanan maddələrin daxil olduğu bütün dərman formaları (qarışıq və məhlullar) hansı firma (ticari) adına malik olmasından asılı olmayaraq güclü təsir edən maddələrə aiddir.

Zəhərli maddələrin siyahısı ilə bağlı qeyddə deyilir ki, bu siyahıda göstərilən maddələr elmi-tədqiqat laboratoriyalarında və tibb müəssisələrində kimyəvi reaktiv kimi, həmçinin elmi və tibbi məqsədlər üçün istifadə oluna bilər.

Cinayət Məcəlləsinin 240.3.2-ci və 240-cı maddələrinə bununla bağlı əlavə və dəyişiklik edilib.

Prezident: “Dayanıqlı inkişaf bizim hədəfimizdir”20.03.2016

Martın 19-u Bakıda keçirilən Novruz şənliyinə qatılan prezident İlham Əliyev çıxışında iqtisadi məsələlərə də toxunub. Dövlət başçısı deyib ki, iqtisadi sahədə dərin islahatların neft amilindən asılılığı tamamilə aradan götürəcəyinə əmindir: “Bu bizim məqsədimizdir, bu məqsədə doğru gedirik. Keçən ilin sonlarından başlayaraq bu il də davam edən islahatlar siyasəti artıq gözəl nəticələr verir. Qanunvericilikdə dəyişikliklər edilib, müvafiq sərəncamlar imzalanıb. Azərbaycanın uzunmüddətli, dayanıqlı iqtisadi inkişafının təmin edilməsi üçün konkret addımlar atılır. Əminəm, ilin sonuna qədər davam edən əsas islahatlar, yəni qəbul ediləcək qərarlar ondan sonra elə şərait yaradacaq ki, Azərbaycan iqtisadiyyatı neft amilindən asılılığını azaldacaq və dediyim kimi, tam aradan götürəcək. Dayanıqlı inkişaf bizim hədəfimizdir.

Biz ancaq öz resurslarımıza əsaslanırıq. Düzdür, bəzi kütləvi informasiya vasitələrində yazılıb ki, Azərbaycan xarici dəstək, xarici maliyyə yardımı istəyib. Bu, tamamilə yalan və mötəbər mətbu orqanlara yaraşmayan təxribatdır. Biz öz hesabımıza yaşamışıq, yaşayacağıq. İndi bizim nə qədər imkanımız varsa, iqtisadi inkişafı o qədər də təmin edəcəyik. Ancaq qeyd etməliyəm ki, mötəbər beynəlxalq qurumlar, xüsusilə Beynəlxalq Valyuta Fondu bizim siyasətimizi, iqtisadi islahatlarımızı dəstəkləyir və bu siyasətimizə çox yüksək qiymət verir.

Onu da qeyd etməliyəm ki, neftin qiymətinin kəskin şəkildə aşağı düşməsinə baxmayaraq Davos Dünya İqtisadi Forumu Azərbaycan iqtisadiyyatını rəqabət qabiliyyətinə görə dünya miqyasında 40-cı yerə layiq görüb. Bu da çox böyük göstəricidir. İslahatlar dərinləşəcək, bütün sahələrdə şəffaflıq tam təmin ediləcək. Biz gələcək iqtisadi fəaliyyətimizi, siyasətimizi yeni iqtisadi model üzərində aparacağıq və əminəm ki, yaxın zamanlarda daha da böyük nəticələrə nail olacağıq.

Qəbul edilmiş təcili tədbirlər nəticəsində təkcə ilin birinci rübündə, — hələ rüb başa çatmayıb, — dövlət sektorunda 30 minə yaxın yeni iş yeri açılıb. Bu mənim göstərişimlə həyata keçirilən tədbirlərdir. Əlbəttə, biz yaxşı başa düşürük, hər bir ölkə çalışmalıdır ki, özəl sektorda iş yerləri açılsın. Bu istiqamətdə də işlər gedir. Biznes qurumlarına müvafiq tövsiyələr verildi. Onlara maliyyə dəstəyi də veriləcək. Xüsusilə bu il icrası nəzərdə tutulan layihələrin həcmi təxminən 1,5-2 milyard manat ətrafındadır. Yəni bu, on minlərlə yeni iş yerinin yaradılmasına gətirib çıxaracaq. Ancaq təcili tədbirlərin görülməsi də labüd idi. Yenə də deyirəm, dövlət sektorunda, dövlət şirkətləri və dövlət qurumları 30 minə yaxın iş yeri açıb. Bax, budur bizim sosial siyasətimiz. Çünki bizim siyasətimizin mərkəzində Azərbaycan vətəndaşı dayanır. Baxmayaraq ki, gəlirlərimiz azalıb, neftin qiyməti kəskin şəkildə aşağı düşüb, biz maaşların, pensiyaların artırılması ilə bağlı qərar qəbul etmişik, 10 faiz artıb. Hələlik bizim

buna imkanımız çatır. Ancaq onu da qeyd etmək istəyirəm ki, əgər ətrafa baxsaq görərik ki, bu da nadir bir haldır, çünki xüsusilə dünya böhranı zamanı maaşlar artırılmır, kəsilir, verilmir. Biz isə sosial siyasətimizi bir daha göstəririk. Göstəririk ki, Azərbaycan inamla inkişaf edəcək. Bu əminlik var. Heç bir böhran, neftin qiymətinin ucuzlaşması bizim siyasətimizə təsir etməyəcək. Bizim kifayət qədər resurslarımız, valyuta ehtiyatlarımız var, iqtisadi göstəricilərimiz çox müsbətdir. Əlbəttə ki, aparılan islahatlar bizi daha da gücləndirəcək.

Biz yeni sahələri işə salırıq ki, o sahələr ölkəmizə böyük siyasi və iqtisadi mənfəət gətirəcək. Nəqliyyat sektorunu xüsusilə qeyd etmək istərdim. Biz indi Şərq-Qərb və Şimal-Cənub dəhlizlərinin yaradılması üzərində işləyirik, ilkin nəticələr var. Apardığımız siyasət, irəli sürdüyümüz təşəbbüslər nəticə verir. Biz Şərq-Qərb nəqliyyat dəhlizinin cəlbediciliyini artırmaq üçün qonşu ölkələr olan Gürcüstan və Türkiyə ilə vahid tarif siyasəti aparmaq barədə təşəbbüs irəli sürmüşük. Bu təşəbbüs müsbət qarşılanıb. Artıq işlər görülür. Keçən ilin sonlarında mənim Gürcüstana, Çinə və bu yaxınlarda Türkiyəyə səfərlərim çərçivəsində həmin məsələlər müzakirə edilib. Biz yeni dəhliz yaradırıq. Asiyadan Avropaya ən qısa yol Azərbaycan ərazisindən keçəcək. Buna nail olmaq üçün biz lazımi infrastrukturu yaratmışıq və yaradırıq, eyni zamanda qonşu ölkələrlə vahid tarif siyasəti aparılmalıdır ki, burada xərclər daha da azalsın.

Şimal-Cənub nəqliyyat dəhlizinin bu yaxınlarda icrasının sürətlənməsi yenə də bizim təşəbbüsümüzlə bağlıdır. İndi həm İran, həm Rusiya ilə danışıqlar aparılır və yenə də Azərbaycan burada öz önəmli rolunu oynayır. Əminəm ki, bu dəhlizi də biz yaradacağıq. Beləliklə, bu dəhlizlər yaranandan sonra onilliklər ərzində Azərbaycan böyük siyasi və iqtisadi mənfəət götürəcək. Nəqliyyat sektorunun gəlirləri neftdən fərqli olaraq tükənən sərvət deyil.

Bu ilin fevral ayında Bakıda Cənub Qaz Dəhlizi Məşvərət Şurasının ikinci toplantısı keçirilib, birgə bəyannamə imzalanıb. Bu bəyannaməni 11 ölkə — Azərbaycan, Gürcüstan, Türkiyə, Yunanıstan, Bolqarıstan, Albaniya, İtaliya, Xorvatiya, Monteneqro, Amerika Birləşmiş Ştatları, Böyük Britaniya və Avropa Komissiyası imzalayıb. Bəyannamənin əsas mahiyyəti ondan ibarətdir ki, əlaqələndirmə işləri bundan sonra da davam etdiriləcək. Sənəddə Azərbaycanın bu işlərdə aparıcı, strateji, liderlik rolu qeyd edilib. Bunu bütün beynəlxalq ictimaiyyət qəbul edir və bilir ki, biz təşəbbüs göstərməsəydik, maliyyə vəsaiti ayırmasaydıq, “Cənub” qaz dəhlizi gözəl ideya kimi hələ qalacaqdı, bunu onilliklər bundan sonra da müzakirə edəcəkdik. Biz bu ideyanı reallığa çeviririk. “Cənub” qaz dəhlizi bizim üçün çox böyük əhəmiyyətə malik olan bir layihədir və imkan verəcək ki, zəngin qaz resurslarımızı ixrac edək. Əgər bu layihə icra edilməsəydi, bu ehtiyatlar dənizin dibində qalacaqdı. Biz onları çıxarırıq, minlərlə, on minlərlə iş yeri yaradılmaqdadır. Azərbaycanın ixrac potensialı güclənəcək. Bizim önəmimiz daha da artacaq. Azərbaycan Avropa üçün əvəzolunmaz ölkəyə çevrilir. Bizim maraqlarımız təmin ediləcək, gücümüz daha da artacaq”.

Nazirlər Kabineti qurumlarının sayı 36-ya enib20.03.2016

Dövlət Sosial Müdafiə Fondu Əmək və Əhalinin Sosial Müdafiəsi Nazirliyinin strukturuna daxil edilib. Prezident İlham Əliyevin 18 mart fərmanında bu, sosial müdafiə sahəsində vahid dövlət siyasətinin və səmərəli idarəetmənin həyata keçirilməsi, əhalinin sosial tələbatlarının ödənilməsində müasir informasiya texnologiyalarının tətbiqi ilə kompleks yanaşmanın gerçəkləşdirilməsi, o

cümlədən əmək pensiyaları və digər sosial ödənişlərin təyinatının “bir pəncərə” prinsipi üzrə təşkilinin təmin edilməsi məqsədi ilə əsaslandırlıb.

Yenilənmiş qurum Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondu adlandırılıb. Əmək və Əhalinin Sosial Müdafiəsi Nazirliyinə qurumun strukturunun və fəaliyyətinin optimallaşdırılması, habelə işçilərinin ümumi say həddi barədə təkliflərini bir ay müddətində hazırlayıb prezidentə təqdim etmək tapşırılıb.

Transparency.az bildirir ki, yenilik Nazirlər Kabinetində qurumların sayını 36-ya endirib. Bu yaxınlarda Qiymətli Kağızlar üzrə Dövlət Komitəsinin bazasında Maliyyə Bazarlarına Nəzarət Palatası yaradılanda hökumət strukturlarının sayı 37 olmuşdu. Hazırda Azərbaycanda 19 nazirlik, 9 dövlət komitəsi, 5 dövlət xidməti, 2 administrasiya, 1 idarə var.

Cəbhənin Qazax bölgəsində gərginlik: iki hərbçi şəhid oldu28.03.2016

Martın 28-də Müdafiə Nazirliyi rəsmi məlumat yayıb. Məlumatda deyilir: “Son günlər işğal olunmuş ərazilərdə xeyli itkiyə məruz qalan erməni tərəfi uğursuzluqların əvəzini çıxmağa can ataraq Azərbaycan-Ermənistan dövlət sərhədində törətdiyi təxribatların sayını artırıb. Əməliyyat şəraitində üstünlüyü itirən düşmən dövlət sərhədində gərginliyi artırmaqla bəzi beynəlxalq qurumları, o cümlədən Ermənistanın üzv olduğu hərbi-siyasi təşkilata daxil olan dövlətləri münaqişədə iştiraka sövq etməyə çalışır.

Martın 27-də Ermənistan silahlı qüvvələrinin bölmələri Qazax rayonu ərazisində dövlət sərhədini pozaraq ərazimizə soxulmağa cəhd göstərib. Bu istiqamətdə yerləşən bölmələrimizin sayıqlığı nəticəsində düşmənin hərəkəti qabaqcadan aşkar edilib və qarşısının alınması məqsədilə müvafiq tədbirlər həyata keçirilib. İtkilərə məruz qalan işğalçılar geri çəkilməyə məcbur edilib.

Düşmənlə döyüş toqquşmasında Silahlı Qüvvələrimizin zabiti leytenant Zülfüqarlı Qalib Laim oğlu və əsgər Hacıyev Qəfərəli İntiqam oğlu həlak olub. Müdafiə Nazirliyinin rəhbərliyi şəhidlərin yaxınları və əzizlərinə dərin hüznlə başsağlığı verir və səbir diləyir!”

Məlumata görə, müdafiə naziri general-polkovnik Zakir Həsənovun əmri ilə hər iki hərbi qulluqçu ölümündən sonra “Hərbi xidmətdə fərqlənməyə görə” 3-cü dərəcəli medalı ilə təltif edilib.

Həm dollar, həm avro, həm də rubl ucuzlaşıb28.03.2016

ABŞ dolları martın 28-də Azərbaycan manatına nəzərən dəyər itirib. Transparency.az xəbər verir ki, dolların rəsmi məzənnəsi 1,5876 manata düşüb. Novruz tətilindən öncə, martın 18-də 1 dollar 1,5971 manata satılıb.

Avro və Rusiya rublu da ucuzlaşıb. Avronun rəsmi kursu 1,8066 manatdan 1,7722 manata, rublun məzənnəsi 0,0235 manatdan 0,0233 manata düşüb.

İntiqam Əliyevin işinə yenidən baxılır28.03.2016

Martın 28-də Ali Məhkəmənin Plenumu baş prokuror Zakir Qaralovun məhbus hüquq müdafiəçisi İntiqam Əliyevin işindən kassasiya protestinə baxır. Protestdə cəzanın dəyişdirilməsi məsələsi qoyulub.

İntiqam Əliyev 2014-cü il avqustun 8-dən həbsdədir. 2015-ci ildə Bakı Ağır Cinayətlər Məhkəməsinin hökmü ilə İntiqam Əliyev vergidən yayınma, vəzifə səlahiyyətlərindən sui-istifadə etmə, qanunsuz sahibkarlıq, mənimsəmədə təqsirli bilinərək 3 il hər hansı vəzifə tutmaq hüququndan məhrum edilməklə 7 il 6 ay həbs cəzası alıb. Bakı Apellyasiya Məhkəməsi İntiqam Əliyevin şikayətini təmin etməyib, birinci instansiya məhkəməsinin hökmünü qüvvədə saxlayıb. Bu il fevralın 24-də Ali Məhkəmə də eyni qərar çıxarıb.

53 yaşlı İntiqam Əliyev hüquqçu fəaliyyətinə 1990-cı ildən başlayıb. 1999-cu ildən Hüquq Maarifçiliyi Cəmiyyətinin rəhbəridir. Vəkillik fəaliyyəti ilə məşğul olan İntiqam Əliyev əsasən insan hüquqlarının müdafiəsi sahəsində ixtisaslaşıb.

İntiqam Əliyev Bakıdakı 6 saylı Cəzaçəkmə Müəssisəsində saxlanır.

İki ayda 1 milyard 101 milyon manatdan çox vergi yığılıb28.03.2016

2016-cı ilin yanvar-fevral ayları ərzində Vergilər Nazirliyinin xətti ilə dövlət büdcəsinə 1 milyard 101 milyon 497,6 min manat vəsait daxil olub, proqnoz tapşırığına 101,3 faiz əməl edilib. Xəbəri Vergilər Nazirliyi yayıb.

2016-cı il üçün dövlət büdcəsinin gəlirləri 16 milyard 822 milyon manat proqnozlaşdırılır. Vergilər Nazirliyinin xətti ilə dövlət büdcəsinə 7 milyard 10 milyon manat daxilolma proqnozlaşdırılır. Bu, cəmi gəlirlərin 41,7 faizidir.

Belarusda pensiya yaşı artırılır28.03.2016

Belarus hökuməti pensiya yaşını üç il artırır. Novator.az xəbər verir ki, baş nazirin müavini Natalya Koçanova martın 28-də prezident Aleksandr Lukaşenkonun yanında keçirilmiş iclasın nəticələri ilə bağlı açıqlamada belə deyib.

Koçanova pensiya yaşının hər yarım ildən bir artımla 6 il ərzində 3 ilə qədər qaldırılacağını qeyd edib. O bildirib ki, pensiya yaşı qadınlar üçün 58, kişilər üçün 63 olacaq. Baş nazirin müavini tezliklə rəsmiləşəcək hüquqi aktın hökumətə pensiya yaşını gələcəkdə də artırmaq imkanı verəcəyini deyib.

Hazırda Belarusda qadınlar üçün pensiya yaşı 55, kişilər üçün isə 60-dır.

8 ildə 1434 nəfər Azərbaycan vətəndaşlığına qəbul edilib28.03.2016

Dövlət Miqrasiya Xidmətinin rəsmi məlumatına görə, qurumun yaradıldığı 2008-ci ildən bəri 1434 nəfər Azərbaycan Respublikasının vətəndaşlığına qəbul edilib. Bu müddət ərzində 36 min 467 şəxsin Azərbaycan Respublikası vətəndaşlığına mənsubiyyəti tanınıb və onlara şəxsiyyəti təsdiq edən sənədlər verilib.

Məlumatda qeyd olunur ki, martın 18-də vətəndaşlığa qəbul edilmiş daha 147 və bərpa edilmiş 5 şəxs and içiblər.

Transparency.az bildirir ki, “Azərbaycan Respublikasının vətəndaşlığı haqqında” qanuna görə, Azərbaycan Respublikasının ərazisində son beş il ərzində fasiləsiz olaraq qanuni əsaslarla daimi yaşayan, qanuni gəlir mənbəyi olan, Azərbaycan Respublikasının Konstitusiyasına və qanunlarına riayət olunması barədə öhdəlik götürən, habelə Azərbaycan Respublikasının dövlət dilini bilməsi haqqında sənəd təqdim edən əcnəbi və vətəndaşlığı olmayan şəxs öz vəsatəti ilə Azərbaycan Respublikasının vətəndaşlığına qəbul edilə bilər.Şəxsin elm, texnika, mədəniyyət və ya idman sahələrində yüksək nailiyyətləri olduqda, şəxs Azərbaycan Respublikası üçün xüsusi maraq kəsb etdikdə və digər müstəsna hallarda əcnəbilərin və vətəndaşlığı olmayan şəxslərin müddət nəzərə alınmadan Azərbaycan Respublikasının vətəndaşlığına qəbulu mümkündür. Azərbaycan Respublikasının qarşısında xüsusi xidmətləri olan şəxs şərtlər nəzərə alınmadan Azərbaycan Respublikasının vətəndaşlığına qəbul edilə bilər.

Qanun əvvəllər Azərbaycan Respublikasının vətəndaşı olmuş və ya Azərbaycan Respublikası vətəndaşlığına xitam verilmiş şəxsin müəyyən məhdudiyyətlər nəzərə alınmaqla Azərbaycan Respublikasının vətəndaşlığına bərpasını da nəzərdə tutur.

Azərbaycan Respublikasının vətəndaşlığına qəbul edilmiş və ya Azərbaycan Respublikasının vətəndaşlığına bərpa edilmiş və 14 yaşı tamam olmuş şəxs Azərbaycan Respublikasının dövlət dilində Azərbaycan Respublikasına sadiq olacağı barədə and içir.

Hərraca çıxarılmış 100 milyon dolların yalnız 500 min dolları satıldı28.03.2016

Martın 28-də Mərkəzi Bankın hərracı təşkil edilib. Dövlət Neft Fondu hərraca 100 milyon ABŞ dolları məbləğində vəsait çıxarıb. Bu vəsaitdən 500 min ABŞ dolları 3 banka satılıb.

Transparency.az bildirir ki, bununla Dövlət Neft Fondunun bu il hərraclarda satdığı valyutanın həcmi 1 milyard 224 milyon 976 min dollara çatıb. 2016-cı ilin hərraclarında Mərkəzi Bankın özündən isə 685 milyon 488 min ABŞ dolları alınıb.

Rusiyada benzin bahalaşır28.03.2016

Rusiyada aksiz dərəcələrinin bu il aprelin 1-dən artırılması barədə qanun təsdiqlənib. Qanuna əsasən, avtomobil benzini, dizel yanacağı və texnoloji benzinə tətbiq olunan aksizlərin dərəcəsi artırılır.

Maliyyə Nazirliyinin proqnozlarına görə, aksiz dərəcələrinin yüksəlməsi ilə əlaqədar ilin sonunadək ölkədə benzinin qiyməti 6,5 faiz artacaq. Beşinci dərəcəli benzinin bir tonu üçün aksiz hazırda 7530 rubldur (156 manat), artımdan sonra bu göstərici 10 min 130 rubla (210 manata) çatacaq.

Artırılmış tariflər 2016-cı ilin sonuna qədər saxlanacaq. Hökumətin planına əsasən, 2017-ci ildə aksiz dərəcələri yenidən aşağı salınaraq 2015-ci il səviyyəsinə gətiriləcək.

Xəbəri AZƏRTAC Vergiler.az saytına istinadla yayıb.

Ali Məhkəmə Plenumunun iclası keçirilib28.03.2016

Martın 28-də Ali Məhkəmə Plenumunun iclası keçirilib. AZƏRTAC xəbər verir ki, Ramiz Rzayevin sədrliyi ilə keçirilən iclasda nikahın pozulması və yetkinlik yaşına çatmamış uşaqlar üçün valideynlərdən aliment tutulması tələbinə dair işlərə baxılarkən qanunvericiliyin məhkəmələrdə tətbiqi təcrübəsi haqqında qərar layihəsi geniş müzakirə olunub və təhlillər aparılıb. Həmçinin konkret cinayət işlərinə və mülki işlərə də baxılıb.

İclasda ədliyyə naziri, Məhkəmə-Hüquq Şurasının sədri Fikrət Məmmədov, Ailə, Qadın və Uşaq Problemləri üzrə Dövlət Komitəsinin sədri Hicran Hüseynova çıxış ediblər.

Məhbus hüquq müdafiəçisinin azadlığa buraxılmasına qərar verildi28.03.2016

Martın 28-də Ali Məhkəmənin Plenumu baş prokuror Zakir Qaralovun məhbus hüquq müdafiəçisi İntiqam Əliyevin işindən kassasiya protestinə baxıb. Protestdə cəzanın dəyişdirilməsi məsələsi qoyulmuşdu.

Plenum İntiqam Əliyevə verilmiş həbs cəzasının şərti hesab olunaraq onun azadlığa buraxılmasına qərar verib. Məhbus Bakıdakı 6 saylı Cəzaçəkmə Müəssisəsində saxlanır.

İntiqam Əliyev 2014-cü il avqustun 8-də həbs edilib. Bakı Ağır Cinayətlər Məhkəməsinin hökmü ilə İntiqam Əliyev vergidən yayınma, vəzifə səlahiyyətlərindən sui-istifadə etmə, qanunsuz sahibkarlıq, mənimsəmədə təqsirli bilinərək 3 il hər hansı vəzifə tutmaq hüququndan məhrum edilməklə 7 il 6 ay həbs cəzası almışdı. Bakı Apellyasiya Məhkəməsi və Ali Məhkəmə hökmü qüvvədə saxlamışdı.

53 yaşlı İntiqam Əliyev hüquqçu fəaliyyətinə 1990-cı ildən başlayıb. 1999-cu ildən Hüquq Maarifçiliyi Cəmiyyətinin rəhbəridir. Vəkillik fəaliyyəti ilə məşğul olan İntiqam Əliyev əsasən insan hüquqlarının müdafiəsi sahəsində ixtisaslaşıb.

Xədicə İsmayılın cəzası yüngülləşə bilər

28.03.2016

Bakı Apellyasiya Məhkəməsinin jurnalist Xədicə İsmayıl haqqında qərarından kassasiya şikayətinə Ali Məhkəmənin hakim Əli Seyfəliyevin sədrliyi ilə baxılacaq. Jurnalistin vəkili Fariz Namazlı Transparency.az-a deyib ki, Ali Məhkəmənin Xədicə İsmayılın cəzasını yüngülləşdirəcəyinə ümid edirlər: “Prosesin vaxtı hələ təyin olunmayıb. Kassasiya baxışı nəticəsində Xədicə İsmayıl haqqında müsbət qərar çıxarılacağı ehtimal olunur”.

Xədicə İsmayıl 4 saylı Cəzaçəkmə Müəssisəsində saxlanır. O, 2014-cü il dekabrın 5-dən həbsdədir.

Bakı Ağır Cinayətlər Məhkəməsi ötən il sentyabrın 1-də Xədicə İsmayıla 7 il 6 ay azadlıqdan məhrumetmə cəzası kəsib. Bundan başqa o, 3 il müddətinə vəzifə tutmaq hüququndan məhrum edilib.

İttihama görə, Xədicə İsmayıl “Azadlıq” radiosunun Bakı bürosunun rəhbəri kimi qulluq səlahiyyətlərindən sui-istifadə edib, vergi ödəməkdən yayınıb, xidməti müqavilələr bağlatmaqla digərlərinin də az vergi ödəməsinə səbəb olub.

2015-ci il noyabrın 25-də Bakı Apellyasiya Məhkəməsi əvvəlki instansiyanın jurnalist haqqında hökmünü qüvvədə saxlayıb.

1976-cı ildə Bakıda anadan olan Xədicə İsmayıl 1997-ci ildə Bakı Dövlət Universitetini bitirib. Jurnalist fəaliyyətinə “Günaydın” qəzetində başlayıb, bir sıra KİV-lərdə, o cümlədən “Zerkalo”, “Exo” qəzetlərində, “Amerikanın səsi” radiosunda çalışıb. 2008-ci ildən “Azadlıq” radiosunda işləyir. 2008-2010-ci illərdə radionun Bakı bürosuna rəhbərlik edib.

Transparency.az xatırladır ki, martın 28-də Ali Məhkəmənin Plenumu baş prokuror Zakir Qaralovun məhbus hüquq müdafiəçisi İntiqam Əliyevin işindən kassasiya protestinə baxıb. Protestdə cəzanın dəyişdirilməsi məsələsi qoyulmuşdu. Plenum İntiqam Əliyevə verilmiş 7 il 6 ay həbs cəzasının şərti hesab olunaraq onun azadlığa buraxılmasına qərar verib. Məhbus Bakıdakı 6 saylı Cəzaçəkmə Müəssisəsində saxlanır.

1 kiloqrama qədər qızılın ölkədən çıxarılmasının qarşısı alınıb28.03.2016

Dövlət Gömrük Komitəsinin mətbuat xidməti 1 kiloqrama qədər qızılın qaçaqmalçılıq yolu ilə ölkədən çıxarılması cəhdi barədə məlumat yayıb. Qeyd olunur ki, Heydər Əliyev Beynəlxalq Hava Limanında Bakı-İstanbul aviareysi ilə getmək istəyən Azərbaycan vətəndaşını Hava Nəqliyyatında Baş Gömrük İdarəsinin əməkdaşları saxlayıb. Yoxlama zamanı həmin vətəndaşda ümumi çəkisi 941,33 qram olan qızıl məmulatları aşkarlanıb.

Faktla bağlı araşdırma aparılır.

REAL-da yeni təyinatlar28.03.2016

Respublikaçı Alternativ (REAL) Hərəkatının bazasında yaradılan eyniadlı partiyanın təşkilat komitəsinin iclası keçirilib. İclasda təşkilat komitəsinin sədri İlqar Məmmədovun təyinatları müzakirəyə çıxarılaraq təsdiq edilib. Azər Qasımlı ictimai-siyasi məsələlər, Natiq Cəfərli təşkilati məsələlər, Erkin Qədirli konseptual məsələlər, Xalid Bağırov isə hüquqi məsələlər üzrə katib təyin edilib.

2008-ci ildə təsis edilmiş REAL-a İlqar Məmmədov rəhbərlik edir.

İlqar Məmmədov 2013-cu il fevralın 4-dən həbsdədir. O, həmin il İsmayıllı şəhərində baş verən iğtişaşlara görə tutulub və Şəki Ağır Cinayətlər Məhkəməsinin hökmü ilə 7 il müddətinə azadlıqdan məhrum edilib.

REAL-ın partiya quruculuğu üzrə təşkilat komitəsi 2016-cı ilin martında yaradılıb.

Bu il Azərbaycanın təhlükəsizlik və müdafiə sektoru 11 hərbi qulluqçu itirib28.03.2016

2016-cı ildə Azərbaycanın təhlükəsizlik və müdafiə sektoru 11 hərbi qulluqçu itirib. Xəzər Hərbi Tədqiqatlar İnstitutunun monitorinqinə görə, itkilərin 7-si döyüş, 4-ü qeyri-döyüş itkisidir.

Silahlı Qüvvələrin 7 hərbi qulluqçusu cəbhə xəttində Ermənistan ordusunun açdığı atəş nəticəsində həlak olub. 1 hərbi qulluqçunun avtomobil qəzasında, 1 əsgərin xəstəlik nəticəsində, 1 nəfərin bədbəxt hadisədə dünyasını dəyişdiyi bildirilir. 1 nəfərsə əsgər yoldaşının açdığı atəş nəticəsində həyatını itirib.

Dünyasını dəyişənlərin 7-si əsgər, 2-si müddətdən artıq hərbi xidmət keçən hərbi qulluqçu, 2-si leytenant rütbəli zabit olub.

İtkilərin 10-u Müdafiə Nazirliyinin, 1-i Dövlət Sərhəd Xidmətinin payına düşür.

600 direktor yerinə 1700 nəfər iddia edir28.03.2016

Təhsil Nazirliyi məktəb direktorlarının işə qəbulu ilə bağlı elektron ərizələrin qeydiyyatını davam etdirir. Transparency.az bildirir ki, rəsmi məlumata görə, müsabiqədə iştirak üçün martın 18-dən başlanan elektron ərizə qeydiyyatı ayın 31-də bitəcək. Ümumi təhsil müəssisələrinə vakant direktor vəzifələrinin tutulması üçün 600 vakant yerə martın 28-nə qədər 1700 nəfər elektron ərizə ilə müraciət edib. Ərizəsi təsdiqlənən namizədlər üçün növbəti mərhələ apreldə olacaq.

Təhsil Nazirliyi məktəb direktorlarının işə qəbulu ilə bağlı 4 mərhələdən ibarət müsabiqə keçirir.

Qaydalara əsasən, pedaqoji və ya idarəetmə sahəsi üzrə ali təhsili olan, azı 5 il pedaqoji staja malik hər bir şəxsin direktor vəzifəsinin tutulması müsabiqəsində iştirak etmək imkanı var. Müsabiqədə iştirak etmək istəyən şəxs qeydiyyatda olduğu və ya faktiki yaşadığı rayon (şəhər) məktəblərinin vakant direktor vəzifəsini seçə bilər.

Direktor olmaq istəyən şəxslərdən əmək və təhsil qanunvericiliyi, məktəb idarəçiliyi, maliyyə və statistika sahəsində test tapşırıqlarını cavablandırmaq, həm də əvvəlcədən təqdim olunmuş mövzu üzrə esse yazmaq tələb olunur.

11 gündə siyasi məhbus siyahısında 17 azalma qeydə alınıb28.03.2016

Martın 28-də Ali Məhkəmənin Plenumu məhbus hüquq müdafiəçisi İntiqam Əliyevin şərti cəza ilə azadlığa buraxılmasına qərar verib. Transparency.az bildirir ki, bununla hüquq müdafiəçiləri və ictimai fəalların tərtib etdiyi siyasi məhbus siyahısı yenidən dəyişir. İntiqam Əliyevin adı siyasi məhbus siyahısının hüquq müdafiəçiləri bölümündə yer alırdı. 93 nəfərin adı salınmış siyahıda son günlər 17 azalma qeydə alınıb.

Adı siyahının jurnalistlər və bloqçular bölümündə olmuş Rauf Mirqədirov martın 17-də məhkəmə qərarı ilə azadlığa çıxıb. 15 nəfər isə prezidentin martın 17-də imzaladığı əfv sərəncamı əsasında həbsdən buraxılıb. Siyahının jurnalistlər və bloqçular bölümündən Pərviz Həşimli, Hilal Məmmədov, Tofiq Yaqublu, Ömər Məmmədov, hüquq

müdafiəçiləri bölümündən Rəsul Cəfərov, Taleh Xasməmmədov, Anar Məmmədli, gənc fəallar bölümündən Rəşadət Axundov, Məmməd Əzizov, Rəşad Həsənov, müxalif siyasətçilər bölümündən Yadigar Sadıqov, digər işlər bölümündən Nemət Pənahlı, Nicat Quliyev, Akif Muradverdiyev, Sirac Kərimli əfvə düşüblər.

ABŞ və Avropa İttifaqı İntiqam Əliyevin azadlığa çıxmasını alqışlayıb29.03.2016

ABŞ Dövlət Departamenti hüquq müdafiəçisi İntiqam Əliyevin azadlığa buraxılmasına münasibət bildirib. Azadliq.org-un məlumatına görə, departamentin sözçüsü Con Kirbi deyib ki, Birləşmiş Ştatlar Ali Məhkəmənin hüquqşünası şərti cəza ilə azad etməsini alqışlayır: “Daha öncə, martın 17-də 10-dan çox digər məhbus buraxılmışdı. Azərbaycan hökumətini fundamental azadlıqlardan istifadə etdiyinə görə həbsə atılmış digər şəxsləri də buraxmağa, buraxılanların hərəkət azadlığına məhdudiyyəti qaldırmağa çağırır, əlavə müsbət addımlar üzərində birgə işləməyi səbirsizliklə gözləyirik”.

Avropa İttifaqının xarici işlər və təhlükəsizlik siyasəti üzrə ali təmsilçisi Federika Mogerini İntiqam Əliyevin azad olunmasını müsbət irəliləyiş saydığını bəyan edib: “Son iki ilini həbsxanada keçirən insan haqları üzrə vəkil İntiqam Əliyevin azadlığa buraxılması qərarı bu ay siyasi partiya, QHT və jurnalistlərin azadlığa buraxılması ilə bağlı əfv sərəncamından sonra Azərbaycanda daha bir müsbət irəliləyişdir. Bu addımlar uzun müddətdir gözlənirdi. Avropa İttifaqı ümid edir ki, yeni həbs olunmuşların, siyasi səbəbdən ölkədən çıxmasına qadağa qoyulmuş şəxslərin tam azadlığa buraxılması və reabilitasiyası ilə bu addımlar davam edəcək. Bunu BMT-nin, ATƏT-in üzvü olan Azərbaycanın götürdüyü öhdəliklər tələb edir. Azad vətəndaş cəmiyyəti ölkənin rifahı və sabitliyi üçün vacib töhfə yaradır”. Xəbəri APA yayıb.

Martın 28-də Ali Məhkəmə Plenumunun qərarından bir neçə saat sonra hüquq müdafiəçisi İntiqam Əliyev saxlandığı 6 saylı Cəzaçəkmə Müəssisəsindən azadlığa buraxılıb.

İntiqam Əliyev 2014-cü il avqustun 8-də tutulmuş, Bakı Ağır Cinayətlər Məhkəməsinin hökmü ilə vergidən yayınma, vəzifə səlahiyyətlərindən sui-istifadə etmə, qanunsuz sahibkarlıq, mənimsəmədə təqsirli bilinərək 7 il 6 ay müddətinə azadlıqdan məhrum olunmuşdu. Hökmə görə, onun 3 il hər hansı vəzifə tutmaq hüququ da alınıb.

2016-cı ildə baş prokuror Zakir Qaralov İntiqam Əliyevin cəzasının dəyişdirilməsi ilə bağlı əlavə kassasiya qaydasında protest verib. Ali Məhkəmənin Plenumu martın 28-də protesti təmin edib. Nəticədə İntiqam Əliyevin 7 il 6 aylıq həbs cəzası 5 il sınaq müddəti müəyyən edilməklə şərti olaraq tətbiq edilib.

53 yaşlı İntiqam Əliyev hüquqçu fəaliyyətinə 1990-cı ildən başlayıb. 1999-cu ildən Hüquq Maarifçiliyi Cəmiyyətinin rəhbəridir. Vəkillik fəaliyyəti ilə məşğul olan İntiqam Əliyev əsasən insan hüquqlarının müdafiəsi sahəsində ixtisaslaşıb.

Dövlət Mükafatları Komissiyasının yeni tərkibi təsdiqlənib

29.03.2016

Prezident İlham Əliyev Elm, Texnika, Memarlıq, Mədəniyyət və Ədəbiyyat üzrə Dövlət Mükafatları Komissiyasının yeni tərkibini təsdiq edib. Fərmana görə, komissiyaya baş nazir Artur Rasizadə sədrlik edəcək.

Komissiyanın üzvləri bu şəxslərdir:

Elçin Əfəndiyev – baş nazirin müavini

Akif Əlizadə – Milli Elmlər Akademiyasının prezidenti

Əbülfəs Qarayev – mədəniyyət və turizm naziri

Oqtay Şirəliyev – səhiyyə naziri

Mikayıl Cabbarov – təhsil naziri

Abbas Ələsgərov – Dövlət Şəhərsalma və Arxitektura Komitəsinin sədri

Arif Mehdiyev – Ali Attestasiya Komissiyasının sədri

İsmayıl Sadıqov – Nazirlər Kabineti Aparatının humanitar məsələlər şöbəsinin müdiri

İbrahim Quliyev – Milli Elmlər Akademiyasının vitse-prezidenti

İsa Həbibbəyli – Milli Elmlər Akademiyasının vitse-prezidenti

İsmayıl Hacıyev – Milli Elmlər Akademiyası Naxçıvan bölməsinin sədri

Əhliman Əmiraslanov – Milli Elmlər Akademiyasının Biologiya və Tibb Elmləri Bölməsinin akademik-katibi

Ömər Eldarov – Azərbaycan Rəssamlıq Akademiyasının rektoru

Abel Məhərrəmov – Bakı Dövlət Universitetinin rektoru

Siyavuş Kərimi – Azərbaycan Milli Konservatoriyasının rektoru

Çingiz Abdullayev – Azərbaycan Yazıçılar Birliyinin katibi

Cəlal Abbasov – Azərbaycan Bəstəkarlar İttifaqının katibi

Altay Hacıyev – xalq rəssamı

Arif Məlikov – xalq artisti

Şəfiqə Məmmədova – Azərbaycan Respublikası Kinematoqrafçılar İttifaqının sədri

Elbay Qasımzadə – Azərbaycan Memarlar İttifaqı İdarə Heyətinin sədri

Mövlud Süleymanlı – xalq yazıçısı

Məhərrəm Qasımlı – Azərbaycan Aşıqlar Birliyinin sədri.

Rektor vəzifədən ordenlə getdi29.03.2016

Asəf İsgəndərov Lənkəran Dövlət Universitetinin rektoru vəzifəsindən azad edilib. Sərəncamı prezident İlham Əliyev martın 28-də imzalayıb. Dövlət başçısının həmin gün verdiyi başqa bir sərəncamla Asəf İsgəndərov təhsil sahəsində uzunmüddətli səmərəli fəaliyyətinə görə “Şöhrət” ordeni ilə təltif edilib.

Transparency.az bildirir ki, 75 yaşlı Asəf İsgəndərov Lənkəran Dövlət Universitetinin rektoru postunu 7 aprel 2005-ci ildən tuturdu.

1941-ci ildə Lerikdə doğulan Asəf İsgəndərov Azərbaycan Dövlət Universitetini və Moskva Dövlət Universitetinin aspiranturasını bitirib, fizika-riyaziyyat elmləri doktoru, professordur. 1967-ci ildən Bakı Dövlət Universitetində pedaqoji fəaliyyət göstərib. Əməkdar müəllim və əməkdar elm xadimidir.

Manat bahalaşıb29.03.2016

Martın 29-da Azərbaycan manatı əksər xarici valyutalara nəzərən bahalaşıb. Yalnız Braziliya rialı (1 Braziliya rialı 0,434 manatdır) və Yeni Zelandiya dolları (1 Yeni Zelandiya dolları 1,062 manatdır) qarşısında ucuzlaşma qeydə alınıb.

Transparency.az-ın məlumatına görə, dolların rəsmi məzənnəsi 1,5876 manatdan 1,5737 manata enib.

Avro və Rusiya rublu da dəyər itirib. Avronun rəsmi kursu 1,7722 manatdan 1,7611 manata, rublun məzənnəsi 0,0233 manatdan 0,0229 manata düşüb.

Mərkəzi Bank digər valyutalar üzrə kursu belə müəyyən edib:

1 gürcü larisi – 0,6682 manat

1 ingilis funt sterlinqi – 2,24 manat

1 İsveçrə frankı – 1,6144 manat

1 türk lirəsi – 0,5483 manat.

Dövlət orqanları rəhbərlərinin qəbul cədvəli29.03.2016

Mərkəzi icra hakimiyyəti orqanları rəhbərlərinin aprel ayında vətəndaşları nə vaxt və harada qəbul edəcəyi açıqlanıb. Qəbul cədvəlini oxucuların diqqətinə çatdırırıq:

Qəbul edən Gün Yer Əhatə olunan şəhər və rayonlar

Mikayıl Cabbarov

Təhsil naziri 4 Bərdə Bərdə, Mingəçevir, Yevlax, Ağdaş

Ramin Quluzadə

Rabitə və yüksək texnologiyalar naziri 7 Mingəçevir Mingəçevir, Ağdaş, Göyçay, Ucar, Kürdəmir

Əbülfəs Qarayev

Mədəniyyət və turizm naziri 8 Ucar Ucar, Kürdəmir, Zərdab, Ağdaş, Göyçay

Məleykə Abbaszadə

Tələbə Qəbulu üzrə Dövlət Komissiyasının sədri 8 Beyləqan Beyləqan, İmişli, Füzuli, Zərdab

Zakir Qaralov

Baş prokuror 15 Ucar Ucar, Mingəçevir, Yevlax, Ağdaş, Bərdə, Zərdab

Oqtay Şirəliyev

Səhiyyə naziri 15 Mingəçevir Mingəçevir, Şəki, Yevlax, Bərdə, Goranboy

Elçin Quliyev

Dövlət Sərhəd Xidmətinin rəisi 21 Cəlilabad Cəlilabad, Biləsuvar, İmişli, Neftçala

Arzu Rəhimov

Səfərbərlik və Hərbi Xidmətə Çağırış üzrə Dövlət Xidmətinin rəisi 21 Qusar Qusar, Quba, Xaçmaz, Şabran, Siyəzən, Xızı

Səlim Müslümov 22 Xızı Xızı, Sumqayıt, Abşeron, Qubadlı

Əmək və əhalinin sosial müdafiəsi naziri

Azad Rəhimov

Gənclər və idman naziri 22 Göyçay

Göyçay, Mingəçevir, Yevlax, Ağdaş, Bərdə, Tərtər,

Kürdəmir, Ağsu, Ucar, Zərdab

Şahin Mustafayev

İqtisadiyyat naziri 22 Lənkəran Lənkəran, Astara, Lerik

Heydər Əsədov

Kənd təsərrüfatı naziri 22 Şəmkir Şəmkir, Gədəbəy, Tovuz, Ağstafa, Qazax

Ziya Məmmədov

Nəqliyyat naziri 22 Lerik Lerik, Lənkəran, Astara

Fazil Məmmədov

Vergilər naziri 22 Neftçala Neftçala, Şirvan, Salyan

Hicran Hüseynova

Ailə, Qadın və Uşaq problemləri üzrə Dövlət Komitəsinin sədri 22 Tovuz

Tovuz, Qazax, Ağstafa, Şəmkir, Gədəbəy,

Daşkəsən

Mübariz Qurbanlı

Dini Qurumlarla İş üzrə Dövlət Komitəsinin sədri 26 Qəbələ Qəbələ, Şəki, Oğuz

Hüseynqulu Bağırov

Ekologiya və təbii sərvətlər naziri 29 Füzuli Füzuli, İmişli, Beyləqan, Ağcabədi, Ağdam

Fikrət Məmmədov

Ədliyyə naziri 29 Zərdab Zərdab, Ucar, Ağcabədi

Kəmaləddin Heydərov

Fövqəladə hallar naziri 29 Masallı

Masallı, Lənkəran, Astara, Lerik, Yardımlı,

Cəlilabad

Aydın Əliyev

Dövlət Gömrük Komitəsinin sədri 29 Şəki Şəki, Mingəçevir, Oğuz, Qəbələ

Kərəm Həsənov 29 İsmayıllı İsmayıllı, Qəbələ, Oğuz

Əmlak Məsələləri Dövlət Komitəsinin sədri

Ramil Usubov

Daxili işlər naziri 30 Göyçay

Göyçay, Mingəçevir, Yevlax, Ağdaş, Ağsu, Şamaxı,

İsmayıllı, Ucar, Kürdəmir

Orta əməkhaqqı 8 faiz artaraq 480 manatı ötüb29.03.2016

Dövlət Statistika Komitəsi iqtisadiyyatda işləyənlərin sayı və əməkhaqqı barədə məlumat açıqlayıb. Transparency.az xəbər verir ki, rəsmi hesabata görə, 2016-cı il fevralın 1-nə ölkə iqtisadiyyatında muzdla çalışan işçilərin sayı 1 milyon 488,3 min nəfər olub, onlardan 874,7 min nəfəri iqtisadiyyatın dövlət sektorunda, 613,6 min nəfəri isə qeyri-dövlət sektorunda fəaliyyət göstərib.

Hesabatda qeyd olunur ki, 2016-cı ilin yanvar ayında ölkə iqtisadiyyatında muzdla çalışan işçilərin orta aylıq nominal əməkhaqqı əvvəlki ilin müvafiq dövrünə nisbətən 8 faiz artaraq 480,1 manat olub.

2016-cı ilin yanvar-fevral aylarında ölkə əhalisinin gəlirləri əvvəlki ilin eyni dövrü ilə müqayisədə nominal ifadədə 10,2 faiz artaraq 6 milyard 459,3 milyon manata çatıb. Əhalinin hər nəfərinə düşən gəlirlər isə 673,3 manat və ya ayda orta hesabla 356,6 manat təşkil edib.

Dövlət Statistika Komitəsi bildirir ki, gəlirlərin 81 faizi son istehlak xərclərinə, 10,7 faizi vergilərin, sığorta və üzvlük haqlarının, 2,4 faizi kreditlər üzrə faizlərin ödənilməsinə sərf edilib, 5,9 faizi isə yığıma yönəldilib. Bütün icbari və könüllü haqlar ödənildikdən sonra əhalinin sərəncamında 5 milyard 769,5 milyon manat və ya əhalinin hər nəfərinə orta hesabla 601,4 manat vəsait qalıb.

Əhalinin hər nəfərinə düşən ümumi daxili məhsulun həcmi açıqlanıb29.03.2016

Azərbaycanda əhalinin hər nəfərinə düşən ümumi daxili məhsul (ÜDM) 822,3 manatdır (521,4 ABŞ dolları). Transparency.az xəbər verir ki, Dövlət Statistika Komitəsi belə hesabat yayıb.

Rəsmi hesabata görə, bu ilin yanvar-fevral aylarında ölkədə 7 milyard 888,7 milyon manatlıq və ya əvvəlki ilin müvafiq dövrünə nisbətən müqayisəli qiymətlərlə 3,2 faiz az ümumi daxili məhsul istehsal edilib. ÜDM istehsalının 66,8 faizi qeyri-neft sahələrinin payına düşüb.

Pərakəndə ticarət dövriyyəsi haqqında hesabata əsasən, yanvar-fevral aylarında istehlakçılara 4 milyard 258,2 milyon manatlıq və ya 2015-ci ilin eyni dövrü ilə müqayisədə 4,2 faiz çox məhsul satılıb. Ərzaq məhsulları, içkilər və tütün məmulatları üzrə satışın dəyəri real ifadədə 5,5 faiz artaraq 2 milyard 150 milyon manata, qeyri-ərzaq məhsulları üzrə isə 3 faiz artaraq 2 milyard 108,2 milyon manata bərabər olub.

Hesabat dövründə istehlakçıların pərakəndə ticarət şəbəkələrində xərclədiyi vəsaitin 50,5 faizi ərzaq məhsulları, içkilər və tütün məmulatlarının alınmasına sərf olunub.

Ukrayna parlamenti baş prokurorun istefasına səs verdi29.03.2016

Martın 29-da Ukrayna parlamenti baş prokuror Viktor Şokinin istefasına səs verib. Novator.az-ın məlumatına görə, istefa qərarını 289 deputat dəstəkləyib. Baş prokurorun istefası üçün 226 deputatın səsi kifayət edirdi.

Şokin parlamentdə keçirilən səsvermənin gedişində iştirak etməyib.

Fevralın 16-da ölkə prezidenti Pyotr Poroşenko baş prokurordan istefa tələb edib. 3 gün sonra Şokin istefa ərizəsi yazıb və Poroşenko müvafiq sənədi Ali Radaya göndərib.

Şokin baş prokuror postunu 2015-ci ilin fevralından tuturdu.

İtalyanların vergi yükü ilə bağlı araşdırma aparılıb29.03.2016

Tutulan vergilərin məbləği üzrə İtaliya və Avropa İttifaqının göstəriciləri arasında müqayisə aparılıb. İtaliyada fəaliyyət göstərən kiçik biznes assosiasiyasının apardığı hesablamaya əsasən, bu ölkədə Avropa İttifaqının vergi dərəcələri və vergitutma qaydaları tətbiq olunsa, hər bir italiyalı ildə 557 avro (952 manat) pula qənaət etmiş olardı. Bu isə bütün ölkə üzrə 34 milyard avro (58,12 milyard manat) deməkdir.

AZƏRTAC Vergiler.az saytına istinadla bildirir ki, ölkədə nüfuz sahibi olan assosiasiya İtaliyanın Avropa səviyyəsində ümumi maliyyə nazirliyi yaratmaq ideyasını dəstəkləyir. Təklifə görə, bu nazirlik avro zonasına daxil olan 19 ölkənin vergi sisteminin uyğunlaşdırılmasına məsul olacaq.

İtaliya Avropa İttifaqında vergi yükü üzrə (ÜDM-in 43,6 faizi) beşinci yerdədir, avro zonasında isə orta vergi yükü göstəricisi 41,5 faizdir.

Hazırda ölkədə əsas vergilər əhəmiyyətli dərəcədə artıb. Hesablamalara görə, İtaliya vətəndaşları hər il Almaniya vətəndaşları ilə müqayisədə 1141avro (1950 manat), Niderland vətəndaşları ilə müqayisədə 1593 avro (2723 manat), İspaniya vətəndaşları ilə müqayisədə isə 2389 avro (4083 manat) artıq vergi ödəyirlər.

Tibbi reabilitasiya xidmətləri hesabatı29.03.2016

Əmək və Əhalinin Sosial Müdafiəsi Nazirliyinin bərpa-müalicə müəssisələri yanvar-fevral aylarında 2642 nəfər əlilliyi olan şəxsə tibbi reabilitasiya xidmətləri göstərib. Onlardan 1392 nəfəri stasionar, qalanları isə ambulator şəraitdə bərpa-müalicə xidməti ilə təmin olunub. Rəsmi hesabatda belə deyilir.

Nazirliyin ölkənin müxtəlif bölgələri üzrə ümumilikdə 14 bərpa-müalicə müəssisəsi, o cümlədən Bakı və Naxçıvan şəhərlərində uşaq bərpa mərkəzləri fəaliyyət göstərir.

Narkomanlığa düçar olan şəxslərin psixiatriya stasionarına məcburi yerləşdirilməsi barədə qanun qəbul edilir29.03.2016

Martın 29-da Milli Məclisin səhiyyə komitəsinin iclası keçirilib. AZƏRTAC xəbər verir ki, iclasda “Əhalinin sağlamlığının qorunması haqqında” və “Psixiatriya yardımı haqqında” qanunlarda dəyişiklik layihələrinə baxılıb.

“Əhalinin sağlamlığının qorunması haqqında” qanuna təklif olunan dəyişikliklər cinayət və ya inzibati həbs nəzərdə tutan inzibati xəta törətməmiş, lakin öz davranış və hərəkətləri nəticəsində dəfələrlə yaxın qohumlarına maddi və mənəvi zərər yetirmiş, uşaqların tərbiyəsinə mənfi təsir göstərmiş, onların hüquqlarını kobudcasına pozmuş, təklif olunmuş könüllü müalicədən dəfələrlə imtina etmiş narkomanlıq xəstəliyinə düçar olan şəxslərin Mülki Prosessual Məcəlləyə uyğun olaraq psixiatriya stasionarına qeyri-könüllü yerləşdirilməsini nəzərdə tutur.

“Psixiatriya yardımı haqqında” qanunda dəyişiklik edilməsi barədə qanun layihəsinə görə isə sənədin 29.3-cü maddəsi yeni redaksiyada veriləcək. Bu maddədə deyilir: “Psixi pozuntusu ilə əlaqədar barəsində tibbi xarakterli məcburi tədbirlər tətbiq edilmiş şəxs psixiatriya stasionarından yalnız həmin məcburi tədbirlərin tətbiqinin dəyişdirilməsi və ya ləğv edilməsi haqqında məhkəmənin qərarı əsasında çıxır”.

Qanun layihələri Milli Məclisin plenar iclasına tövsiyə edilib.

İcra başçısı 70 yaşı ərəfəsində təltif olundu29.03.2016

Prezident İlham Əliyev Yasamal Rayon İcra Hakimiyyətinin başçısı İbrahim Mehdiyevi “Şöhrət” ordeni ilə təltif edib. Təltif icra başçısının ölkənin ictimai-siyasi həyatında xidmətləri ilə əsaslandırılıb.

Transparency.az bildirir ki, aprelin 1-də İbrahim Mehdiyevin 70 yaşı tamam olur. 1946-cı ildə Ağdaş rayonunda anadan olan İbrahim Mehdiyev Azərbaycan Dövlət Neft və Kimya İnstitutunu bitirib.

2000-ci ildən Xətai Rayon İcra Hakimiyyətinin başçısı olub. 2006-cı ildən Yasamal Rayon İcra Hakimiyyətinin başçısıdır.

1993-cü ilin fevral ayından Yeni Azərbaycan Partiyasının üzvüdür.

İnanclı fəallar niyə əfvə düşmür?29.03.2016

Azərbaycanın bəzi hüquq müdafiəçiləri və ictimai fəallarının tərtib etdiyi siyasi məhbus siyahısında xeyli inanclı fəal var: jurnalistlər Nicat Əliyev, Araz Quliyev, bloqçu Rəşad Ramazanov, İslam Partiyasının lideri Mövsüm Səmədov, ilahiyyatçı Abgül Süleymanov və digərləri.

İnanclı fəalların çoxu ağır ittihamlarla uzun müddətə məhkum olunub. Məsələn, 2012-ci ildə tutulan Nicat Əliyev 10 il, Araz Quliyev 8 il, 2013-cü ildə tutulan Rəşad Ramazanov 9 il müddətinə azadlıqdan məhrum edilib. 2011-ci ildə tutulmuş Mövsüm Səmədov 12 il, Abgül Süleymanov 11 il həbs cəzası alıb. Uzaq 2007-ci ildən həbsdə olan inanclı fəallar da az deyil.

Son əfv sərəncamları inanclı kəsimdən heç kimə şamil olunmayıb. Transparency.az vəkil Yalçın İmanov və İslam Partiyasının məsul nümayəndəsi Akif Heydərlini bu mövzuda danışdırıb.

Yalçın İmanov deyib ki, inanclı məhbuslara laqeydliyin kompleks səbəbləri var: “Əfv qərarlarının inanclılara şamil edilməməsi narahatlıq doğurur. Onların əksəriyyətinə qurama ittiham verilib. Məhkəmələrin çoxsaylı, kobud pozuntularla müşayiət olunması da dini kəsim nümayəndələrinin qeyri-obyektiv şəkildə, baxışlarına görə həbs edildiyini düşünməyə əsas verir.

Dindar təbəqənin həbsdə qalmasında hüquqi deyil, siyasi məqamlar rol oynayır. Aydın görünür ki, əfv edilən siyasi məhbuslar əsasən beynəlxalq təşkilatların israrla azadlığını tələb etdiyi şəxslərdir”.

Akif Heydərli bildirir ki, inanclı kəsimə laqeydlik ilk növbədə yerli hüquq müdafiəçilərindən gəlir: “Biz inanclı şəxslərin siyasi məhbus kateqoriyasına aid edilməsi üçün yerli hüquq müdafiəçilərinə çox müraciət etmişik, Avropa qurumlarına da üz tutmuşuq, amma neqativ cavab alınıb. Bu məsələləri idarə edən mərkəzlərin dindar təbəqəyə münasibəti ikili standartlara uyğundur. Hər bir müraciətimizin cavabında qərəzli mövqe və ikili standartın şahidi oluruq. Azərbaycanda 100-ə qədər inanclı şəxs siyasi məqsədlərlə həbs edilib. Əfv üçün müraciətlər etsələr də, azadlığa qovuşa bilmirlər.

Məsələ təkcə hakimiyyətlə bitmir. Beynəlxalq aləmdə islamçı ibadət əhlinə münasibət Azərbaycan hakimiyyətini də sığortalayır. Yəni dini kəsimə hədsiz təzyiqin səbəbləri ölkənin sərhədlərindən kənara çıxır. Hakimiyyət beynəlxalq təşkilatların dindarlara münasibətindən sui-istifadə edir. Əslində isə bu, cəmiyyət üçün zərərlidir”.

Prezident Mədəniyyət və Turizm Nazirliyinin strukturunu dəyişdi29.03.2016

Prezident İlham Əliyev Mədəniyyət və Turizm Nazirliyinin strukturunu təkmilləşdirməyə sərəncam verib. Sərəncama əsasən, Mədəniyyət və Turizm Nazirliyinin Bakı Şəhər Mədəniyyət və Turizm İdarəsinin bazasında Bakı Şəhər Mədəniyyət və Turizm Baş İdarəsi yaradılır.

Mədəniyyət və Turizm Nazirliyinin bu regional idarələri qurulacaq:

- Sumqayıt şəhər, Abşeron, Xızı, Zəngilan, Qubadlı və Şuşa rayon mədəniyyət və turizm idarə və şöbələrinin bazasında Sumqayıt Regional Mədəniyyət və Turizm İdarəsi;

- Xaçmaz, Quba, Qusar, Şabran və Siyəzən rayon mədəniyyət və turizm şöbələrinin bazasında Xaçmaz Regional Mədəniyyət və Turizm İdarəsi;

- İsmayıllı, Ağsu, Şamaxı, Qobustan və Qəbələ rayon mədəniyyət və turizm şöbələrinin bazasında İsmayıllı Regional Mədəniyyət və Turizm İdarəsi;

- Şəki şəhər, Oğuz, Qax, Zaqatala və Balakən rayon mədəniyyət və turizm şöbələrinin bazasında Şəki Regional Mədəniyyət və Turizm İdarəsi;

- Kürdəmir, İmişli, Füzuli, Beyləqan və Xocavənd rayon mədəniyyət və turizm şöbələrinin bazasında Kürdəmir Regional Mədəniyyət və Turizm İdarəsi;

- Ağstafa, Qazax və Tovuz rayon mədəniyyət və turizm şöbələrinin bazasında Ağstafa Regional Mədəniyyət və Turizm İdarəsi;

- Şəmkir, Göygöl, Gədəbəy və Daşkəsən rayon mədəniyyət və turizm şöbələrinin bazasında Şəmkir Regional Mədəniyyət və Turizm İdarəsi;

- Gəncə və Naftalan şəhər, Samux, Goranboy, Kəlbəcər və Xocalı rayon mədəniyyət və turizm idarə və şöbələrinin bazasında Gəncə Regional Mədəniyyət və Turizm İdarəsi;

- Yevlax və Mingəçevir şəhər, Bərdə və Tərtər rayon mədəniyyət və turizm şöbələrinin bazasında Bərdə Regional Mədəniyyət və Turizm İdarəsi;

- Ağcabədi, Ağdam və Laçın rayon mədəniyyət və turizm şöbələrinin bazasında Ağcabədi Regional Mədəniyyət və Turizm İdarəsi;

- Ağdaş, Ucar, Zərdab və Göyçay rayon mədəniyyət və turizm şöbələrinin bazasında Ağdaş Regional Mədəniyyət və Turizm İdarəsi;

- Şirvan şəhər, Sabirabad, Saatlı, və Hacıqabul rayon mədəniyyət və turizm şöbələrinin bazasında Sabirabad Regional Mədəniyyət və Turizm İdarəsi;

- Biləsuvar, Salyan, Neftçala və Cəbrayıl rayon mədəniyyət və turizm şöbələrinin bazasında Biləsuvar Regional Mədəniyyət və Turizm İdarəsi;

- Masallı, Yardımlı və Cəlilabad rayon mədəniyyət və turizm şöbələrinin bazasında Masallı Regional Mədəniyyət və Turizm İdarəsi;

- Lənkəran şəhər, Astara və Lerik rayon mədəniyyət və turizm şöbələrinin bazasında Lənkəran Regional Mədəniyyət və Turizm İdarəsi.

Mədəniyyət və Turizm Nazirliyinin Bakı Şəhər Mədəniyyət və Turizm Baş İdarəsinin və regional idarələrinin abidə mühafizəçiləri ştatları Mədəni İrsin Qorunması, İnkişafı və Bərpası üzrə Dövlət Xidmətinə verilir.

Yeni təyinatlar29.03.2016

Martın 29-da prezident İlham Əliyev Sahir Polad oğlu Məmmədxanovun vergilər nazirinin birinci müavini, İlkin Etibar oğlu Vəliyevin isə vergilər nazirinin müavini vəzifələrinə təyin edilməsi haqda sərəncamlar imzalayıb.

Sahir Məmmədxanov buna qədər vergilər nazirinin müavini, İlkin Vəliyev isə Vergilər Nazirliyində idarə rəisi olub.

Sahir Məmmədxanovdan qabaq vergilər nazirinin birinci müavini postunu Natiq Əmirov tutub. Natiq Əmirov bu il yanvarın 25-də prezidentin iqtisadi islahatlar üzrə köməkçisi təyin edilib.

Martın 29-da prezident İlham Əliyev Nigar Ramiz qızı Məmmədovanın Maliyyə Bazarlarına Nəzarət Palatası publik hüquqi şəxsin Direktorlar Şurası sədrinin müavini, İbrahim Əsəd oğlu Alışovun isə sözügedən palatanın baş icraçı direktoru təyin edilməsi barədə də sərəncamlar imzalayıb.

Maliyyə Bazarlarına Nəzarət Palatası bu il fevralın 3-də dövlət başçısının fərmanı ilə yaradılıb. Palatanın Direktorlar Şurasının sədri Rüfət Aslanlıdır.

Dollar 1 manat 56 qəpikdən aşağı düşüb30.03.2016

Martın 30-da aparıcı xarici valyutalar Azərbaycan manatı qarşısında dəyər itirib. Transparency.az-ın məlumatına görə, dolların rəsmi məzənnəsi 1,5737 manatdan 1,5586 manata, avronun kursu 1,7611 manatdan 1,7608 manata, rublun kursu 0,0229 manatdan 0,0228 manata düşüb.

Mərkəzi Bankın məzənnə cədvəlində (Məzənnələr) bəzi xarici valyutaların, o cümlədən ingilis funt sterlinqinin bahalaşdığı da görünür. 100 ingilis funt sterlinqi hazırda 224 manat 3 qəpiyə təklif olunur.Neftin qiyməti 30 dollaradək düşə bilər30.03.2016

Dünya birjalarında neft ucuzlaşır. Nyu-York birjasında “Layt” markalı neftin bir barreli 0,52 dollar ucuzlaşaraq 38,60 dollar, Londonun İCE birjasında “Brent” markalı neftin bir barrelinin qiyməti 0,60 dollar azalaraq 39,31 dollar olub.

AZƏRTAC xəbər verir ki, martın 30-da “AzəriLayt” markalı neftin bir barreli 0,93 dollar ucuzlaşaraq 40,26 dollara təklif olunur.

İngiltərənin “Barclays” bankı xam neftin barrel qiymətinin bu ilin ikinci rübündə 30 dollaradək düşəcəyi qənaətindədir. Bankın həftəlik hesabatında bildirilir ki, ilin ilk rübündə xam neft də daxil olmaqla əmtəə qiymətləri yüksəlib, bu da güclü iqtisadi təməllərə söykənir. Hesabatda investorların ilin ikinci rübündə uzunmüddətli əməliyyatlar əvəzinə daha qısa müddətdə gəlir əldə etməyə çalışacaqları qeyd edilib. Bu əməliyyatların reallaşdırılması nəticəsində əmtəə qiymətlərinin 20-25 faiz arasında azalacağı qeyd edilən hesabatda xam neftin barrel qiymətinin də 30 dollaradək düşəcəyi vurğulanır.

Sənaye istehsalı: iki aylıq göstəricilər30.03.2016

Sənaye müəssisələri və bu sahədə fəaliyyət göstərən fərdi sahibkarlar 2016-cı ilin yanvar-fevral aylarında 4,3 milyard manatlıq və ya əvvəlki ilin müvafiq dövrü ilə müqayisədə 0,1 faiz az sənaye məhsulu istehsal edib.

Transparency.az bildirir ki, Dövlət Statistika Komitəsinin rəsmi hesabatına görə, sənaye məhsulunun 61,7 faizi mədən sektorunda, 29,4 faizi emal sektorunda, 8 faizi elektrik enerjisi, qaz və buxar istehsalı, bölüşdürülməsi və təchizatı sektorunda, 0,9 faizi isə su təchizatı, tullantıların təmizlənməsi və emalı sektorunda istehsal olunub.

Mədən sektorunda əmtəəlik qaz hasilatı 8,3 faiz, neft hasilatı isə 1,4 faiz azalıb.

Emal sektorunda qida məhsullarının istehsalı 2 faiz, tütün məmulatlarının istehsalı 80,4 faiz, toxuculuq sənayesi məhsullarının istehsalı 3,1 dəfə, geyim istehsalı 23,5 faiz, metallurgiya məhsullarının istehsalı 50,8 faiz, hazır metal məhsullarının istehsalı 93,7 faiz, kompüter, elektron və optik məhsulların istehsalı 67,6 faiz, avtomobil, qoşqu və yarımqoşquların istehsalı 19,6 faiz, maşın və avadanlıqların quraşdırılması və təmiri işləri 2,5 dəfə artıb.

İçkilərin istehsalı 18,7 faiz, ağacın emalı və ağacdan məmulatların istehsalı 15,1 faiz, poliqrafiya məhsullarının istehsalı 2,2 faiz, kimya sənayesi məhsullarının istehsalı 13,7 faiz, rezin və plastik kütlə məmulatlarının istehsalı 50,5 faiz, tikinti materiallarının istehsalı 48,5 faiz, elektrik avadanlıqlarının istehsalı 44,3 faiz, maşın və avadanlıqların istehsalı 31,7 faiz, mebel istehsalı isə 3,9 faiz azalıb.

Elektrik enerjisi, qaz və buxar istehsalı, bölüşdürülməsi və təchizatı sektorunda istehsalın həcmi 5,1 faiz, su təchizatı, tullantıların təmizlənməsi və emalı sektorunda isə 3,5 faiz azalıb.

Sənayenin qeyri-neft sektorunda məhsul istehsalı 4,5 faiz artıb, neft sektorunda isə 0,7 faiz azalıb.

Prezidentin Nazirlər Kabineti30.03.2016

Azərbaycanın Nazirlər Kabinetini çox zaman hökumət kimi təqdim edilir. Əslində isə Nazirlər Kabinetinin statusu başqadır. Transparency.az bildirir ki, Azərbaycan Konstitusiyasının 114-cü maddəsində Nazirlər Kabinetinin statusu ölkə prezidentinin yuxarı icra orqanı kimi müəyyən olunub. Həmin maddəyə görə, ölkə prezidenti icra səlahiyyətlərinin həyata keçirilməsinin təşkili məqsədi ilə Nazirlər Kabineti yaradır. Nazirlər Kabineti yuxarı icra orqanı kimi prezidentə tabedir və onun qarşısında cavabdehdir. Nazirlər Kabinetinin iş qaydasını da dövlət başçısı müəyyən edir.

Konstitusiyanın digər maddələrinə əsasən, Nazirlər Kabinetinin tərkibinə baş nazir, onun müavinləri, nazirlər və başqa mərkəzi icra hakimiyyəti orqanlarının rəhbərləri daxildirlər. Yeni seçilmiş prezident vəzifəsini tutduğu və səlahiyyətlərini icra etməyə başladığı gün Nazirlər Kabineti istefa verir.

Baş naziri Milli Məclisin razılığı ilə prezident təyin edir. Prezidentin təqdim etdiyi namizədlərin baş nazir vəzifəsinə təyin olunmasına üç dəfə razılıq verilməzsə, baş nazir Milli Məclisin razılığı olmadan təyin edilə bilər.

Nazirlər Kabinetinin səlahiyyətləri bunlardır:

- dövlət büdcəsinin layihəsini hazırlayıb prezidentə təqdim etmək;

- dövlət büdcəsinin icrasını təmin etmək;

- maliyyə-kredit və pul siyasətinin həyata keçirilməsini təmin etmək;

- dövlət iqtisadi proqramlarının həyata keçirilməsini təmin etmək;

- dövlət sosial təminat proqramlarının həyata keçirilməsini təmin etmək;

- nazirliklərə və digər mərkəzi icra hakimiyyəti orqanlarına rəhbərlik etmək, onların aktlarını ləğv etmək;

- prezidentin onun səlahiyyətlərinə aid etdiyi digər məsələləri həll etmək.

Konstitusiyanın 99-cu maddəsinə görə, Azərbaycan Respublikasında icra hakimiyyəti prezidentə mənsubdur. Nazirlər Kabinetinin üzvlərini vəzifəyə təyin və vəzifədən azad etmək onun səlahiyyətindədir.

Respublikaçı Alternativ Hərəkatının üzvü Azər Qasımlı Transparency.az-a deyib ki, hökumətin statusu dövlətin idarə üsulundan – prezident, yaxud parlament respublikası olmasından asılıdır: “Nazirlər Kabineti, təbii ki, hökumətdir. Amma prezident respublikasında hökumətin səlahiyyətləri daha çox olanda prezidentlə baş nazir arasında problemlər yaşanır.

Azərbaycana indiki mərhələdə sadə, klassik prezident respublikası modeli uyğundur. Siyasi mədəniyyətin yüksək inkişafından sonra tədricən parlament respublikası idarə üsuluna keçmək olar. Hələlik icraedici prezident və qanunverici parlament arasında sərt və aydın hakimiyyət bölgüsü daha məqsədəuyğundur. Prezidentin veto haqqı, parlamentin real impiçment imkanı olmalıdır. Nazirlər Kabineti adında orqana isə gərək yoxdur, dövlət başçısı hökumətə Prezident Administrasiyası vasitəsilə rəhbərlik etməlidir”.

Dövlət komitəsinin sabiq aparat rəhbərinə cinayət işi qaldırılıb30.03.2016

Ailə, Qadın və Uşaq Problemləri üzrə Dövlət Komitəsinin sabiq aparat rəhbəri Səfər İmanova cinayət işi başlanıb.

Baş Prokurorluğun mətbuat xidmətinin yaydığı məlumata görə, Səfər İmanovun vətəndaş Eynur Kərimovu işə düzəltmək adı ilə ondan külli miqdarda pul alıb aldatması ilə əlaqədar Ailə, Qadın və Uşaq Problemləri üzrə Dövlət Komitəsindən daxil olan müraciət Baş Prokuror yanında Korrupsiyaya Qarşı Mübarizə Baş İdarəsində araşdırılıb.

Araşdırma zamanı Səfər İmanovun 2012-ci ildə vəzifə səlahiyyətlərindən sui-istifadə edərək Eynur Kərimovu məsul vəzifəyə təyin etdirəcəyi vədi ilə aldadaraq 170 min ABŞ dolları məbləğində pulunu ələ keçirməsində şübhələr üçün əsaslar olduğu müəyyənləşib. Fakta görə Cinayət Məcəlləsinin 178.3.2-ci (külli miqdarda ziyan vurmaqla dələduzluq) və 308.2-ci (vəzifə səlahiyyətlərindən sui-istifadə) maddələri ilə cinayət işi başlanıb.

Baş Prokurorluğun mətbuat xidməti bildirir ki, hazırda iş üzrə zəruri istintaq-əməliyyat tədbirləri davam etdirilir.

Yeni hərrac: Dövlət Neft Fondunun xərci 1 milyard 253 milyonu ötdü30.03.2016

Martın 30-da Mərkəzi Bankın hərracı təşkil edilib. Dövlət Neft Fondu hərraca 100 milyon ABŞ dolları məbləğində vəsait çıxarıb. Bu vəsaitdən 28 milyon 350 min ABŞ dolları 5 banka satılıb.

Transparency.az bildirir ki, bununla Dövlət Neft Fondunun bu il hərraclarda satdığı valyutanın həcmi 1 milyard 253 milyon 326 min dollara çatıb.

2016-cı ilin hərraclarında Mərkəzi Bankın özündən 685 milyon 488 min ABŞ dolları alınıb.

Azərbaycana ən çox sərmayə qoyan ölkələrin adları açıqlanıb30.03.2016

2016-cı ilin yanvar-fevral aylarında ölkəyə 1 milyard 834,9 milyon manat məbləğində sərmayə qoyulub. Transparency.az xəbər verir ki, Dövlət Statistika Komitəsinin rəsmi hesabatına görə, vəsaitin 1 milyard 591,6 milyon manatı və ya 86,7 faizi məhsul istehsalı obyektlərinin, 142 milyon manatı (7,8 faizi) xidmət sahələri üzrə obyektlərin, 101,3 milyon manatı (5,5 faizi) isə yaşayış evlərinin tikintisinə sərf olunub.

Sərmayənin 593,8 milyon manatını və ya 32,4 faizini daxili vəsaitlər təşkil edib.

2016-cı ilin yanvar-fevral aylarında xarici müəssisə və təşkilatlar ölkəyə 1 milyard 241,1 milyon manat vəsait yönəldib. Dövlət Statistika Komitəsindən AZƏRTAC-a bildirilib ki, xarici ölkələr və beynəlxalq təşkilatların vəsaitləri hesabına yönəldilmiş vəsaitin 1 milyard 45,8 milyon manatı (84,3 faizi) Birləşmiş Krallıq, Türkiyə, Malayziya, İsveçrə, Rusiya və İran sərmayədarlarına məxsus olub.

Manatı nələr möhkəmləndirir?30.03.2016

İqtisadçı ekspert Samir Əliyev milli valyutanın son günlər möhkəmlənməsini şərh edib. Transparency.az-ın məlumatına görə, ekspert sosial şəbəkədə yazıb ki, həm dünyada, həm də ölkədə cərəyan edən proseslər manata güc verib. Ekspert həmin proseslərin müvəqqəti xarakter daşıdığını vurğulayıb: “Neftin qiymətinin 40 dollar civarında sabitləşməsi və ABŞ-da Mərkəzi Bank funksiyası daşıyan Federal Ehtiyat Sistemi (FES) rəhbərinin uçot dərəcələrini ehtiyatla qaldırmaq haqda açıqlaması dünyada dolların möhkəmlənməsini bir müddətə dayandırıb. Dollar əsas valyutalara münasibətdə ucuzlaşmağa başlayıb. Bu, manata xarici təzyiqi azaldır.

Digər tərəfdən Azərbaycan Mərkəzi Bankı manat kütləsini azaltdığından banklarda manat qıtlığı yaranıb və valyuta hərracında bankların dollara tələbatı kəskin azalıb. Elə buna görə də manat son günlər bahalaşır. Eyni zamanda vergi ödənişi dövrü yaxınlaşıb. Xüsusilə iri şirkətlər xarici valyutada olan vəsaitlərini manata çevirir. Həm bazara əlavə dollar çıxması, həm də manata ehtiyacın artması milli valyutanı gücləndirib.

Qarşıdakı bir-iki həftədə manat dollar qarşısında güclənməkdə davam edəcək. Hətta 1 dollar 1 manat 50 qəpiyə düşə bilər. Hər bir halda bunlar müvəqqəti xarakter daşıyır. Uzunmüddətli dövrdə manatın ucuzlaşması qaçılmazdır. Çünki manatın bahalaşmasının heç bir iqtisadi əsası yoxdur və milli valyuta hazırda daha çox inzibati addımlardan dəstək alır”.

Samir Əliyevin sözlərinə görə, manatın məzənnəsi real səviyyəsini almadığından neftin bahalaşması onun möhkəmlənməsini şərtləndirmir.

Martın 30-da “AzəriLayt” markalı neftin bir barreli dünya bazarında 40,26 dollara təklif olunub.

Həmin günə Azərbaycanda dolların rəsmi məzənnəsi 1 manat 56 qəpiyə yaxın olub. Mart ayının əvvəllərində dolların rəsmi məzənnəsi 1 manat 64 qəpiyə çatmışdı.

Dövlət başçısının yerli təmsilçiləri: ən cavanı kim, ən yaşlısı kim?30.03.2016

Azərbaycanın yerli icra hakimiyyətlərinin başçıları arasında ən cavanı da, ən yaşlısı da şimal bölgəsinin payına düşür. Transparency.az bildirir ki, ən cavan icra başçısı Siyəzənə rəhbərlik edir. Rayonun icra başçısı Asif Hüseynovun bu il 35 yaşı olur. Ən yaşlı icra başçısı isə Xaçmaz rayonunun rəhbəridir: Şəmsəddin Xanbabayevin 76 yaşı var.

İcra başçıları içində yaşı 70-i ötən başqa şəxslər də var: paytaxt Bakının icra başçısı Hacıbala Abutalıbovun və Tovuzun icra başçısı Tofiq Zeynalovun bu il 72 yaşı tamam olur.

Yasamal rayonunun icra başçısı İbrahim Mehdiyev 70 yaşındadır.

Mübariz Əhmədovun (Zaqatala) 69 yaşı var. Alı Qocayev də (Samux) bu il 69 yaşını tamamlayacaq.

Yaşı 60-ı ötmüş icra başçıları arasında digər yaşlı şəxs Xəzər rayonuna rəhbərlik edir. Gülağa İslamovun 67 yaşı var.

İsmayıllının icra başçısı Mirdaməd Sadıqovun bu il 66 yaşı tamam olacaq.

Şuşanın və Hacıqabulun icra başçıları Bayram Səfərovla Əhməd Muxtarov 65 yaşdadırlar.

Sabirabadın icra başçısı Nazim İsmayılov və Qobustana rəhbərlik edən Adil Məmmədov 64 yaşın içindədirlər.

Göyçay, Qubadlı, Xocalı və Masallının icra başçıları Mübariz Ağayev, Malik İsaqov, Şahmar Usubov, Rafil Hüseynovun isə 2016-cı ildə 63 yaşları tamam olacaq.

Sumqayıtın icra başçısı Zakir Fərəcovun 62 yaşı var. Goranboyun və Şabranın icra başçıları Nizaməddin Quliyevlə Novruz Novruzovun 62 yaşı bu il tamam olacaq.

Füzulinin icra başçısı Alı Alıyevin 61 yaşı var.

Vaqif Abdullayev (Beyləqan), Niyazi Bayramov (Mingəçevir) 60 yaşdadırlar.

Şirvan şəhərinə rəhbərlik edən Mərdan Camalov və Qubanın icra başçısı Yaşar Məmmədovun 60 yaşı bu il tamam olacaq.

Cavan icra başçıları arasında Naftalan şəhərinə rəhbərlik edən Natiq Aslanovun adını çəkmək olar: bu il onun 40 yaşı tamamlanır.

Azərbaycan Konstitusiyasının 124-cü maddəsinə görə, yerlərdə icra hakimiyyətini icra başçıları həyata keçirir. İcra hakimiyyəti başçılarını prezident vəzifəyə təyin və vəzifədən azad edir.

Rusiyada minimum əməkhaqqı 21% artır30.03.2016

Rusiya Dövlət Dumasına ölkədə minimum əməkhaqqının 21% artımını nəzərdə tutan qanun layihəsi daxil olub. Novator.az xəbər verir ki, minimum əməkhaqqını 7 min 500 rubla (171 manat) çatdırmaq planlaşdırılır.

Dövlət Dumasının əmək komitəsinin sədr müavini Olqa Batalina jurnalistlərə bildirib ki, minimum əməkhaqqının artımı 1 milyonadək işçiyə şamil olunacaq. Onların 87%-i dövlət və bələdiyyə sektorunda, 13%-i özəl sektorda çalışır.

Artımın büdcəyə 6 milyard rubla başa gələcəyi, yeniliyin iyulun 1-dən tətbiq olunacağı bildirilir.

Hazırda Rusiyada minimum əməkhaqqı 6204 rubldur (141 manat).

Prezident ABŞ-da dövlət katibi ilə bir araya gəlib, başqa görüşlər keçirib31.03.2016

Nüvə Təhlükəsizliyi Sammitində iştirak üçün Amerika Birləşmiş Ştatlarının paytaxtı Vaşinqtona səfər edən Azərbaycan prezidenti İlham Əliyev martın 30-da dövlət katibi Con Kerri ilə görüşüb. Görüşdən əvvəl dövlət katibi və prezident mətbuata bəyanatlarla çıxış ediblər.

Con Kerri deyib ki, ABŞ-la Azərbaycanın qarşılıqlı maraqları var: “Biz sülhməramlı əməliyyatlara verdiyi töhfəsinə, Əfqanıstandakı səylərinə görə Azərbaycana çox minnətdarıq. Məlumdur ki, Azərbaycan mürəkkəb bir regionda yerləşir. Hesab edirəm ki, prezident Əliyev, xüsusilə “Cənub Qaz Dəhlizi” layihəsinə etdiyi rəhbərliyi ilə bu ehtiyacların bəzilərinin necə qarşılanması üçün çox ciddi səylər göstərib və bu məsələni diqqət mərkəzində saxlayıb. Bu, Avropanın uzunmüddətli strateji maraqları naminə və səmimi söyləsəm, vacib olan enerji mənbələrinin şaxaləndirilməsinə cəhd göstərmək üçün atılmış çox ciddi bir addımdır.

Əlbəttə ki, digər maraqlarımız da var. Terrorizmlə mübarizə. Biz donmuş münaqişə olan Dağlıq Qarabağ probleminin, nəhayət, öz həllini tapmasını görmək istəyirik. Bu münaqişənin həlli üçün danışıqlar aparılmalıdır. Bu məsələ öz həllini tapmalıdır.

Cənab prezidentə Nüvə Təhlükəsizliyi Sammitində iştirak etmək üçün buraya təşrif buyurduğuna və Azərbaycan üçün iqtisadi imkanların, eləcə də regional təhlükəsizlik münasibətlərinin uyğunlaşdırılması üzərində işlədiyi müddətdə və bu yaxınlarda göstərdiyi bir çox səylərinə görə təşəkkürümü ifadə etmək istəyirəm”.

İlham Əliyev qeyd edib ki, ABŞ-Azərbaycan münasibətlərinin 25 illik uzun tarixi var: “Bu münasibətlər həmişə sıx, səmimi olub, indi isə strateji əhəmiyyət kəsb edən münasibətlər səviyyəsinə çatıb. Aramızda fəal siyasi dialoq mövcuddur. İnkişaf etməkdə olan iqtisadi əməkdaşlıq aparılır. ABŞ şirkətləri iqtisadiyyatımıza 10 milyard dollardan artıq sərmayə yatırıb. Bu da iqtisadi əməkdaşlığın, həmçinin ölkəmizin inkişafının yaxşı göstəricisidir.

Biz ilk dəfə Xəzər və Aralıq dənizlərini bir-biri ilə birləşdirən neft kəmərlərinin tikintisi kimi əhəmiyyətli layihələri Amerika Birləşmiş Ştatlarının güclü dəstəyi ilə birlikdə icra etmişik. İndi isə cənab katibin qeyd etdiyi kimi, “Cənub Qaz Dəhlizi” layihəsi üzərində birlikdə işləyirik. Bu, enerji təhlükəsizliyinə, mənbələrin şaxələndirilməsinə və həmin layihəyə cəlb olunmuş bütün tərəflərə – istehsalçı, tranzit və istehlakçı ölkələrə uzunmüddətli fayda verən bir layihədir. Biz bu layihənin icrasına ciddi dəstək göstərdiyinə görə Amerika Birləşmiş Ştatlarının hökumətinə çox minnətdarıq. Səmimi desəm, bu dəstək olmasaydı, həmin layihənin həyata keçirilməsi üçün daha çox müddət və səylərin göstərilməsi tələb oluna bilərdi. İşlər vaxt cədvəlinə uyğun gedir, işlər vaxtında icra olunacaq və 2-3 il ərzində “Cənub Qaz Dəhlizi” layihəsi işlək olacaq.

Ermənistan və Azərbaycan arasında uzun müddət davam edən münaqişənin həlli yollarının tapılması istiqamətində göstərdiyi səylərinə görə ABŞ hökumətinə minnətdarıq. Hesab edirik ki, münaqişə Ermənistan ordusunun işğal olunmuş ərazilərdən dərhal və qeyd-şərtsiz çıxarılmasını tələb edən BMT Təhlükəsizlik Şurasının qəbul etdiyi qətnamələr əsasında həllini tapmalıdır. Ermənistan və Azərbaycan arasındakı münaqişə, postsovet məkanında olan və ümumiyyətlə, dünyada baş verən bütün münaqişələr öz həllini ölkələrin ərazi bütövlüyü əsasında tapmalıdır.

Biz, həmçinin regional təhlükəsizlik məsələləri üzrə tərəfdaşıq. Azərbaycan Əfqanıstandakı əməliyyatlara öz logistika dəstəyini təmin edir, ərazimiz üzərindən aparılan uçuşlara və yerüstü daşımalara şərait yaradır. Həmçinin bizim NATO hərbiçiləri ilə çiyin-çiyinə Əfqanıstanda xidmət göstərən 100-ə yaxın hərbiçimiz var. Beləliklə, münasibətlərimizin gündəliyi çox genişdir”.

Görüşdə Con Kerri Birləşmiş Ştatların Azərbaycanla güclü və uzunmüddətli əməkdaşlığın daha da inkişaf etdirilməsində maraqlı olduğunu bildirib. O, Azərbaycanda gedən iqtisadi islahatlar, iqtisadiyyatın şaxələndirilməsi proseslərinin ABŞ-da maraqla izləndiyini vurğulayıb.

İlham Əliyev Azərbaycanda iqtisadi sahədə görülən işlərdən, əsas iqtisadi prioritetlər – kənd təsərrüfatı, informasiya-kommunikasiya texnologiyaları, vergi və gömrük, infrastruktur sahələrində həyata keçirilən islahatlardan danışıb. Dövlət başçısı iqtisadi inkişafın qanunvericilik proseslərində Azərbaycanın beynəlxalq təşkilatlarla sıx əməkdaşlıq etdiyini diqqətə çatdırıb.

Söhbət zamanı Azərbaycanın Avropanın enerji təhlükəsizliyinin təminində rolu qeyd edilib, ABŞ-ın bu işdə verdiyi dəstək yüksək qiymətləndirilib, “Cənub Qaz Dəhlizi” layihəsinin önəmi vurğulanıb.

İlham Əliyev dünyada neftin qiymətinin aşağı düşməsinə baxmayaraq Azərbaycanda əsas iqtisadi parametrlərin qorunub saxlandığını və iqtisadiyyatın yaxşı vəziyyətdə olduğunu bildirib. Dövlət başçısı neftin qiymətinin düşməsi fonunda Azərbaycanda büdcə sisteminin möhkəmləndirilməsi istiqamətində mühüm addımlar atıldığını diqqətə çatdırıb.

Görüşdə ABŞ şirkətlərinin Azərbaycanda daha fəal iştirakının və onların ölkəyə investisiya qoymasında qarşılıqlı marağın olduğu vurğulanıb.

AZƏRTAC-ın 31 mart məlumatlarına görə, martın 30-da İlham Əliyev Amerika Birləşmiş Ştatlarının ticarət naziri Penni Pritzker, Amerika İsrail İctimaiyyətlə Əlaqələr Komitəsinin, Avrasiya Yəhudilərinə Dəstək Milli Koalisiyasının və Əsas Amerika Yəhudi Təşkilatlarının Prezidentləri Konfransının rəhbərliyi, eləcə də bir sıra konqresmenlərlə görüşüb.

Manatın kursu ən yüksək səviyyəyə qalxıb31.03.2016

Azərbaycan manatının rəsmi kursu üzən məzənnə rejiminin tətbiqindən bəri ən yüksək səviyyəyə qalxıb. Mərkəzi Bank martın 31-də 1 ABŞ dollarına 1,5421 manat qiymət qoyub (Məzənnələr). Ötən gün rəsmi məzənnə 1,5586 manat idi.Ötən il dekabrın 21-də Mərkəzi Bank üzən məzənnə rejiminə keçilməsi barədə qərar qəbul edib. Qərarın ardınca rəsmi kurs 1 dollara qarşı 1 manat 5 qəpikdən 1 manat 55 qəpiyə qalxıb. Həmin gündən sonra kurs artan xətlə gedib, bəzən düşmələr qeydə alınıb, amma dollar heç zaman 1 manat 55 qəpikdən aşağı qiymətə təklif olunmayıb.

Azərbaycan nefti 1,15 dollar bahalaşıb31.03.2016

Dünya birjalarında neftin qiyməti martın 31-i müxtəlif istiqamətlərdə dəyişib. AZƏRTAC-ın məlumatına görə, Nyu-York birjasında “Layt” markalı neftin bir barreli 75 sent ucuzlaşaraq 37,85 dollara düşüb. Londonun İCE birjasında isə “Brent” markalı neftin bir barreli 30 sent bahalaşaraq 39,61 dollara qalxıb.

“AzəriLayt” markalı neftin bir barreli 1,15 dollar bahalaşma ilə 41,41 dollara satılır. Bu, Azərbaycanın dövlət büdcəsində nəzərdə tutulan qiymətdən 16 dollar 41 sent yuxarı qiymətdir. Dövlət büdcəsində xam neftin satış qiyməti bir barrel üçün 25 ABŞ dolları götürülüb.

Transparency.az bildirir ki, “AzəriLayt”ın bir barreli iki il öncə eyni gündə 109,64 dollara, bir il öncə isə 57,27 dollara idi.

Apreldə 31 dərəcəyədək isti proqnozlaşdırılır31.03.2016

Ekologiya və Təbii Sərvətlər Nazirliyi aprel ayına olan hava proqnozunu açıqlayıb. Orta aylıq temperatur bölgələr üzrə belə proqnozlaşdırılır:

Bakıda və Abşeron yarımadasında 11-14 dərəcə isti (bəzi günlərdə 22-26 dərəcə isti, ayın sonunda 29 dərəcəyədək yüksələcək);

Naxçıvan Muxtar Respublikasında 12-16 dərəcə isti (bəzi günlərdə 25-30 dərəcəyədək yüksələcək);

Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, Daşkəsən və Gədəbəy rayonlarında 8-12 dərəcə isti (bəzi günlərdə 21-26 dərəcəyədək yüksələcək);

Qazax, Gəncə, Goranboy, Tərtər, Ağdam, Füzuli, Cəbrayıl rayonlarında 12-16 dərəcə isti (bəzi günlərdə 25-30 dərəcəyədək yüksələcək);

Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Xızı, Siyəzən, Şabran, Quba, Qusar, Xaçmaz rayonlarında 11-15 dərəcə isti (bəzi günlərdə 23-28 dərəcəyədək yüksələcək);

Mingəçevir, Yevlax, Göyçay, Ağdaş, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında 14-17 dərəcə isti (bəzi günlərdə 26-31 dərəcəyədək yüksələcək);

Masallı, Yardımlı, Lerik, Lənkəran, Astara rayonlarında 10-14 dərəcə isti (bəzi günlərdə 22-27 dərəcəyədək yüksələcək).

Vyetnam parlamentinə ilk dəfə qadın rəhbərlik edəcək31.03.2016

Vyetnam parlamentinə ilk dəfə qadın rəhbərlik edəcək. Novator.az xəbər verir ki, deputatların 95,5%-nin səsini qazanan Vyetnam Kommunist Partiyasının yüksək rəsmisi Nquen Txi Kim Nqan parlamentin sədri seçilib.

61 yaşlı Nquen Txi Kim Nqan son 5 ildə parlament sədrinin müavini vəzifəsini tutub. O, əvvəllər Maliyyə Nazirliyi sistemində işləyib. 2016-cı ilin yanvarında Nquen Txi Kim Nqan Kommunist Partiyası Mərkəzi Komitəsinin Siyasi Bürosuna üzv seçilib.

Nardaranda Abşeron küçəsi necə yenilənib?31.03.2016

“Azəravtoyol” ASC Bakının Nardaran qəsəbəsində Abşeron küçəsinin yenidən qurulması işlərini yekunlaşdırıb. ASC-nin mətbuat xidmətindən AZƏRTAC-a bildirilib ki, küçənin uzunluğu 2,2 kilometr, eni 8 metr olub, indi genişləndirilərək 2 gediş, 2 gəliş hərəkət zolağı olmaqla 18 metrə çatdırılıb. Bunun üçün küçə boyu yaşayış və qeyri-yaşayış obyektlərinin söküntüsü işləri aparılıb. Sökülən evlərin və obyektlərin sahiblərinə kompensasiya ödənilib.

Küçə boyu yeni hasarlar tikilib, suvanıb və rənglənib, sakinlərin həyətlərinin girişinə estetik baxımından küçəyə gözəllik qatan yeni giriş qapıları qoyulub. Yenidənqurma işləri çərçivəsində yeni yeraltı kommunikasiya xətləri (qaz, işıq, rabitə, su və kanalizasiya ) çəkilib, köhnələri isə tamamilə təzələnib.

Küçə boyu hər iki istiqamət üzrə 2 metr enində yeni piyada səkiləri tikilib, Nəsrulla Əsgərov küçəsi ilə kəsişmədə 10 metr diametrində yeni dairə inşa edilib.

Prezidentin martın 2-də verdiyi sərəncamla Nardaran qəsəbəsinin daxili avtomobil yollarında yenidənqurma işləri üçün dövlət büdcəsindən 17,4 milyon manat vəsait ayrılıb.

Əmlak Məsələləri Dövlət Komitəsi təmənnasız hüquqi yardımlara başlayıb31.03.2016

Əmlak Məsələləri Dövlət Komitəsi əhaliyə geniş hüquqi məsləhət xidmətləri göstərməyə başlayıb. Qurumun yaydığı məlumata görə, vətəndaşlar, mülkiyyət sahibləri daşınmaz əmlakla bağlı əməliyyat aparmazdan öncə Daşınmaz Əmlakın Dövlət Reyestri Xidmətinin yerli ofislərində təmənnasız göstərilən hüquqi yardımlardan faydalana bilər. Məqsəd vətəndaşları daşınmaz əmlakın qeydiyyatı ilə bağlı qanunvericilik və proseduralar haqda maarifləndirməkdir.

Xidmət vətəndaşların əmlak qeydiyyatı, alğı-satqısı, mənzillər, fərdi evlər, həyətyanı, pay və digər torpaq sahələrinə çıxarış və digər arayışların alınması qaydaları barədə hüquqi biliklərinin artırılmasını təmin edir: “İstənilən şəxs

komitənin ərazi qeydiyyat idarələrinə müraciət edib öz əmlakı, onunla aparmaq istədiyi əməliyyat, əmlakın qeydiyyatı və sair xidmətlərlə bağlı suallarını ünvanlaya bilər. Komitənin hüquqşünasları və qeydiyyat ekspertləri bu istiqamətdə müvafiq məsləhətlərini verir və zəruri hüquqi yardım göstərirlər. Müraciət edən şəxslərə tələb olunan sənədlərin siyahısı ilə yanaşı həmin sənədləri hansı qurumların verdiyi, əldə edilməsinin qanunla müəyyən edilmiş qaydaları da izah edilir”.

55 partiyadan 44-ü MSK-ya maliyyə hesabatı verib31.03.2016

Aprelin 1-də siyasi partiyaların 2015-ci illə bağlı maliyyə hesabatlarını Mərkəzi Seçki Komissiyasına təqdim etmək üçün nəzərdə tutulmuş müddət başa çatır. MSK sədrinin müavini Natiq Məmmədovun APA-ya verdiyi məlumata görə, martın 31-nə qədər 55 rəsmi siyasi partiyadan 44-ü MSK-ya hesabat təqdim edib.

Natiq Məmmədov deyib ki, keçən illə müqayisədə siyasi partiyaların maliyyə hesabatlarını MSK-ya təqdim etməsi sahəsində irəliləyiş hiss olunur: “2015-ci illə müqayisə etsək, siyasi partiyaların maliyyə hesabatlarını MSK-ya təqdim etməsi sahəsində 90 faizə qədər irəliləyiş var. Təşkilatçılıq, tərtib etmə baxımından açıq irəliləyişlər hiss olunur. MSK-nın təşkil etdiyi seminarlar, maarifləndirmə xarakterli tədbirlər öz nəticələrini verir”.

2014-cü ildə Milli Məclis “Siyasi partiyalar haqqında” qanuna dəyişikliklər edib. Dəyişikliyə əsasən, siyasi partiyalar illik maliyyə hesabatlarını auditor rəyi ilə birlikdə hər il aprel ayının 1-dən gec olmayaraq MSK-ya təqdim etməlidir. MSK bu barədə məlumatları internet saytında yerləşdirməli və ictimaiyyət məlumatlandırılmalıdır. Ədliyyə Nazirliyinin maliyyə hesabatlarını təqdim etməyən siyasi partiyaların dövlət qeydiyyatını ləğv etmək səlahiyyəti var.

Partiyaların gəlir-çıxarı31.03.2016

Transparency.az daha bir neçə partiyanın Mərkəzi Seçki Komissiyasına təqdim etdiyi maliyyə hesabatına nəzər salıb.

Böyük Quruluş Partiyası hesabatında 2015-ci ildə 106 min 300 manat gəliri olduğunu göstərib. Məbləğin 195 manatı üzvlük haqqından əldə olunub, qalan vəsait dövlət büdcəsinin payına düşüb. Partiya seçkidə iştiraka 51 min manatdan çox pul xərcləyib.

Dövlət büdcəsindən Milli Dirçəliş Hərəkatı Partiyasına 107 min manata yaxın vəsait ayrılıb. Partiya bu pulun 6 min manatdan çoxunu seçkiyə və ictimaiyyətlə əlaqəyə, 93 minə qədərini qurumun saxlanmasına sərf edib.

Müsavat Partiyasının gəlirləri üzvlük haqqından toplanıb: 7529 manat. Bu vəsait partiyanın saxlanmasına və informasiya təminatına xərclənib.

Milli İstiqlal Partiyası da ötən il gəlirlərini üzvlük haqqından əldə edib. Partiyanın gəlirləri 2252, xərcləri 3136 manata yaxın olub.

Sosial Demokrat, Vətəndaş Birliyi, Klassik Xalq Cəbhəsi, Azərbaycan Demokrat partiyalarının MSK-ya təqdim etdiyi hesabatlarda ötən il gəlirlərinin və xərclərinin olmadığı göstərilib (Başqa partiyaların hesabatı).“Siyasi partiyalar haqqında” qanuna əsasən, siyasi partiyalar illik maliyyə hesabatlarını auditor rəyi ilə birlikdə hər il aprel ayının 1-dən gec olmayaraq MSK-ya təqdim etməlidir. Martın 31-nə qədər 55 rəsmi siyasi partiyadan 44-ü MSK-ya hesabat təqdim edib.

Bəzi partiyaların maliyyə hesabatı MSK-nın saytında yerləşdirilib.Naxçıvan hökuməti31.03.2016

Naxçıvan Muxtar Respublikasının Nazirlər Kabineti necə formalaşır, kimə tabedir, onun hansı səlahiyyətləri var? Transparency.az bu suallara aydınlıq gətirmək üçün arayış hazırlayıb.

Naxçıvan Konstitusiyasına görə, Nazirlər Kabineti muxtar respublikada icra hakimiyyətini həyata keçirir. Nazirlər Kabineti Naxçıvan Muxtar Respublikasının yuxarı icra orqanıdır, Ali Məclisə tabedir və onun qarşısında müntəzəm hesabat verir.

Hökumətin statusu bölgənin ana yasasında belə müəyyənləşib: Nazirlər Kabineti Azərbaycan Konstitusiyası, qanunları, Azərbaycan prezidentinin fərmanları, Naxçıvan Muxtar Respublikasının Konstitusiyası, qanunları ilə onun səlahiyyətlərinə aid edilən məsələlərin həllində müstəqildir.

Nazirlər Kabineti baş nazir, onun müavinləri, nazirlər və başqa mərkəzi icra hakimiyyəti orqanlarının rəhbərlərindən ibarətdir. Hökumətin tərkibini baş nazirin təklifi ilə Ali Məclis təsdiqləyir.

Naxçıvan Muxtar Respublikasının baş nazirini Azərbaycan Respublikasının prezidentinin təqdimatı əsasında Ali Məclis təyin edir.

Nazirlər Kabinetinin bu səlahiyyətləri var:

- muxtar respublika büdcəsinin layihəsini hazırlayıb Naxçıvan Muxtar Respublikasının Ali Məclisinə təqdim etmək;

- muxtar respublikanın büdcəsini icra etmək;

- muxtar respublikanın iqtisadi proqramlarının həyata keçirilməsini təmin etmək;

- muxtar respublikanın sosial proqramlarının həyata keçirilməsini təmin etmək;

- nazirliklər və digər mərkəzi icra hakimiyyəti orqanlarına rəhbərlik etmək, onların aktlarını ləğv etmək;

- Azərbaycan Respublikası prezidentinin onun səlahiyyətlərinə aid etdiyi digər məsələləri həll etmək.

Nazirlər Kabineti iqtisadi və mədəni sahələrdə Naxçıvan Muxtar Respublikasını Azərbaycanın Nazirlər Kabinetində təmsil edir.

Naxçıvan Muxtar Respublikasının baş naziri vəzifəsinə yaşı 30-dan aşağı olmayan, ali təhsilli, seçkilərdə iştirak etmək hüququna malik, başqa dövlət qarşısında öhdəliyi olmayan Azərbaycan Respublikasının vətəndaşı təyin edilir. Baş nazirin müavini, nazir, digər mərkəzi icra hakimiyyəti orqanının rəhbəri vəzifələrinə təyinat üçün aşağı yaş həddi 25-dir.

Transparency.az bildirir ki, hazırda Naxçıvan Muxtar Respublikasının baş naziri vəzifəsini Əlövsət Baxşıyev tutur. 59 yaşlı Əlövsət Baxşıyev baş nazir vəzifəsinə 2000-ci ildə təyin olunub.

Naxçıvan Muxtar Respublikasının ali vəzifəli şəxsi Ali Məclisin sədridir. Onun Naxçıvan Muxtar Respublikası Nazirlər Kabinetinin istefası haqqında qərar qəbul etmək səlahiyyəti var.

Parlament prezidenti postundan azad etdi31.03.2016

Vyetnam parlamentinin martın 31-də keçirilən iclasında ölkə prezidenti Çıonq Tan Şanq vəzifəsindən azad edilib.

Novator.az bildirir ki, səsvermədə iştirak edən 473 deputatdan 447-si Çıonq Tan Şanqın prezident postundan azad olunmasına tərəfdar çıxıb.

Prezidentin postundan azad edilməsindən bir neçə saat əvvəl parlament özünə yeni sədr seçib. Parlament sədri postunu Vyetnam Kommunist Partiyasının yüksək rəsmisi Nquen Txi Kim Nqan tutub. Onun prezident postuna irəli sürdüyü yeganə namizəd ictimai təhlükəsizlik naziri Çan Day Kuanqdır. Yeni prezidentin aprelin 2-də seçilməsi planlaşdırılıb. Həmin gün parlament baş naziri də seçəcək.

Uşaqların kompleks tibbi müayinəsi ilə bağlı rəsmi hesabat31.03.2016

Ötən il Azərbaycanda uşaqların 92%-i icbari dispanserizasiya (kompleks tibbi müayinə) tədbirlərinə cəlb olunub. Səhiyyə Nazirliyinin yaydığı məlumata görə, müayinələr nəticəsində uşaqların 5%-nə qədərində sağlamlığın pozulması riski və xəstəliklər aşkar edilib. Bunların əksəriyyəti tənəffüs yollarının xəstəlikləri, uşaqlıq dövründə rast gəlinən xəstəliklər və qurd invaziyaları olub.

Uşaqların icbari dispanserizasiyası üzrə keçirilən müayinələrdə həkim briqadasına pediatr, nevropatoloq, oftalmoloq, cərrah, otorinolarinqoloq, endokrinoloq, stomatoloq və ehtiyac olduqda digər mütəxəssislər daxil olur. Tibbi müayinələr zamanı xəstəliklər və yaxud sağlamlığın pozulması riski aşkar edildikdə uşaqlar dispanser qeydiyyatına götürülür, müalicə-sağlamlıq tədbirlərinə cəlb olunurlar.

İcbari dispanserizasiya tədbirləri uşaq ambulatoriya klinik müəssisələrində, məktəblərdə, bağçalarda həyata keçirilir. Bölgələrdə uşaqları icbari dispanserizasiya tədbirlərinə cəlb etmək üçün səyyar həkim briqadaları təşkil olunur. Səhiyyə Nazirliyi icbari dispanserizasiya tədbirlərinin monitorinqi üçün mobil qruplar yaradıb. Qruplar ildə iki dəfə regionlarda icbari dispanserizasiya tədbirlərinin gedişinə nəzarət həyata keçirir.

Dispanserizasiya tədbirləri prezidentin 10 dekabr 2013-cü il sərəncamı ilə təsdiqlənən dövlət proqramı əsasında görülür. Müayinə Azərbaycanda 18 yaşına qədər əhalini, 2,6 milyondan çox uşağı əhatə edir. Yeni doğulan və 3 yaşına qədər olan uşaqlar ildə bir neçə dəfə, 3 yaşından böyük olan uşaqlar isə il ərzində kompleks tibbi müayinələrə cəlb olunur. İcbari dispanserizasiya tədbirləri dövlət səhiyyə müəssisələrində dövlət vəsaiti hesabına həyata keçirilir.

Qiyməti dövlət qərarı ilə tənzimlənən xidmətlərin siyahısına əlavə olundu31.03.2016

Nazirlər Kabineti qiyməti dövlətin qərarı ilə tənzimlənən malların, işlərin, xidmətlərin siyahısına dəyişiklik edib. Transparency.az xəbər verir ki, martın 31-də dərc olunmuş qərarla dəmir yolu və dəniz nəqliyyatı ilə tranzit yüklərin daşınması, tranzit yüklərlə bağlı liman qurğularının istismarı, dəniz terminallarında yükaşırma xidmətləri və dəniz limanında göstərilən digər xidmətlərin, həmçinin bu xidmətlər üzrə nəqliyyat-ekspedisiya xidmətlərinin qiymətlərini dövlət tənzimləyəcək.

Azərbaycanda dövlət tənzimlənməsi tətbiq edilən qiymətlərin (tariflərin), xidmət haqlarının, yığımların dövlət tənzimlənməsi kollegial icra hakimiyyəti orqanı olan Tarif (qiymət) Şurasının səlahiyyətindədir. Şuraya iqtisadiyyat naziri sədrlik edir. Onun üzvləri maliyyə, vergilər, ədliyyə, energetika, nəqliyyat, rabitə və yüksək texnologiyalar,

kənd təsərrüfat, səhiyyə, təhsil, əmək və əhalinin sosial müdafiəsi nazirlərinin müavinləri, eləcə də Dövlət Gömrük və Dövlət Şəhərsalma və Arxitektura komitələri sədrlərinin müavinləridir.

Əkrəm Əylisliyə cinayət işi başlanıb31.03.2016

Yazıçı Əkrəm Əylisliyə Cinayət Məcəlləsinin 221.1-ci (xuliqanlıq) maddəsi ilə cinayət işi başlanıb. Bunu “Turan” agentliyinə yazıçının oğlu Nəcəf bildirib. Oğlu deyib ki, Əkrəm Əylisli Dövlət Sərhəd Xidmətinin əməkdaşına qarşı zorakılıq törətməkdə ittiham olunur.

Cinayət Məcəlləsinin 221.1-ci maddəsində 160 saatdan 200 saata qədər ictimai iş və ya 1 ilə qədər islah işləri, yaxud 1 ilə qədər azadlıqdan məhrumetmə cəzası nəzərdə tutulur.

Martın 30-u səhər Əkrəm Əylisli Venesiyada keçirilən beynəlxalq ədəbiyyat festivalında iştirak etmək üçün təyyarə ilə Azərbaycandan çıxmaq istəyib. Ancaq paytaxt Bakının hava limanında sərhədçilər onu, həmçinin böyük oğlu İlyası saxlayıblar. Əkrəm Əylisli Nəqliyyatda Baş Polis İdarəsinin aeroportdakı bölməsinə aparılıb. 15 saat saxlandıqdan sonra o, sərbəst buraxılıb.

Əkrəm Əylisli “Turan”a bildirib: “Sərhədçilər məni pasport nəzarətinə buraxmadılar, dedilər ki, çıxışıma qadağa qoyulub. Sonra gömrükçülər sərhəd xidməti işçilərinin iştirakı ilə məni və əl yükümü beş dəfə yoxladılar, cəmi səkkiz nəfər idi. Sonra məni polisə təhvil verdilər və axşama qədər orada qaldım”.

Daxili İşlər Nazirliyinin mətbuat xidməti bəyan edib ki, Əkrəm Əylisli gömrük əməkdaşları ilə münaqişə yaratdığına görə saxlanılıb.

“Sərhədçilərdən biri mənim əleyhimə ifadə verdi ki, guya mən qapalı, müşahidə kamerasının olmadığı yerdə onun sinəsindən vurmuşam və onda qançır əmələ gəlib” deyə yazıçı “Turan” agentliyinə açıqlamasında bildirib.

Əkrəm Əylisli qeyd edib ki, saxlandığı müddətdə xidmət əməkdaşları harasa telefonla zəng edərək nəyisə dəqiqləşdirməyə çalışıblar: “Bildirdilər ki, mən xalq düşməniyəm və məni dindirməyə çağıracaqlar”.

Əkrəm Əylisli hesab edir ki, hakimiyyət onu saxlamaqla Venesiyadakı ədəbiyyat festivalında iştirakının qarşısını almaq istəyib: “Mən “Hakimiyyət və yazıçı” şərti adı altında məruzə ilə çıxış etməliydim və mənim çıxışımı gözləyirdilər”.

Əkrəm Əylislinin APA-ya bildirdiyinə görə, martın 31-də oğlu İlyas ifadə vermək üçün polisə çağırılıb: “İfadəsi alındıqdan sonra ona deyiblər ki, mənim barəmdə Cinayət Məcəlləsinin xuliqanlıq maddəsi ilə cinayət işi başlanıb. Mən bu ittihamı qəbul etmirəm”.

Daxili İşlər Nazirliyinin mətbuat xidmətindən məlumatı təsdiqləyiblər.

3 il öncə Əkrəm Əylisli “Daş yuxular” romanına görə ciddi tənqidlərlə üzləşib, prezident İlham Əliyevin sərəncamları ilə “Xalq yazıçısı” fəxri adından və prezident təqaüdündən məhrum edilib.