GRAAD 11 NOVEMBER 2014 AFRIKAANS HUISTAAL V1

NASIONALE SENIOR SERTIFIKAAT

GRAAD 11

NOVEMBER 2014

AFRIKAANS HUISTAAL V1

PUNTE: 70 TYD: 2 uur

Hierdie vraestel bestaan uit 13 bladsye.

*IAFRHL1*

2 AFRIKAANS HUISTAAL V1 (NOVEMBER 2014)

Kopiereg voorbehou Blaai om asseblief

INSTRUKSIES EN INLIGTING 1. Hierdie vraestel bestaan uit DRIE afdelings: AFDELING A: Leesbegrip (30)

AFDELING B: Opsomming (10) AFDELING C: Taal (30)

2. Lees ALLE instruksies versigtig deur. 3. Beantwoord AL die vrae. 4. Begin ELKE afdeling op ŉ NUWE bladsy. 5. Trek ŉ streep ná elke afdeling. 6. Nommer elke antwoord presies soos wat die vrae op die vraestel

genommer is. 7. Laat ŉ reël oop na elke antwoord. 8. Skryf netjies en leesbaar. 9. Skenk veral baie aandag aan spelling en sinskonstruksie.

(NOVEMBER 2014) AFRIKAANS HUISTAAL V1 3


AFDELING A: LEESBEGRIP VRAAG 1 Lees en kyk na die onderstaande tekste en beantwoord die vrae wat daarna volg. TEKS 1: ARTIKEL

DIE LOT VAN DIE DWELMMUIL – Liesl Peyper

1. Hy het nog nie ŉ enkele dag in die nuwe Suid-Afrika deurgebring nie. Alexander ”Shani” Krebs is op 26 April 1994 – die dag voor ons demokratiese verkiesing – in Bangkok, Thailand, in hegtenis geneem omdat hy heroïen uit die land probeer smokkel het. Hy was 34 jaar oud, in die fleur van sy lewe.

2. Na 20 jaar agter tralies in een van die vreesaanjaendste tronke ter wêreld,

maak dié 52-jarige boorling van Johannesburg hom nou reg vir sy vrylating. Krebs se doodvonnis is omgeskakel na 40 jaar tronkstraf en uiteindelik tot 18 jaar verminder danksy amnesties wat op die verjaardae van die Thaise koning of koningin aangekondig is.

3. Hy sal na verwagting op 28 April uit Bangkok se Bang Kwang-sentrale

gevangenis vrygelaat word – dit word spottenderwys die “Bangkok Hilton” genoem. Hier word inwoners in selle van ses by vier meter gestop en gedwing om styf teen mekaar te slaap en ŉ oop rioolstelsel te gebruik, het die Mail&Guardian berig.

4. Janice Linden (38) van KwaZulu-Natal was nie so gelukkig nie. Op 12

Desember verlede jaar, het Sjina Suid-Afrika ingelig dat Linden met ŉ dodelike inspuiting tereggestel is, drie jaar nadat sy op ŉ Sjinese lughawe met 3 kg metamfetamien (tik) in haar besit betrap is.

5. Krebs en Linden is maar twee van die gevalle – daar is ŉ konstante stroom

Suid-Afrikaners wat oorsee of buitelanders wat plaaslik met dwelms in hul besit betrap word. Trouens, die probleem is so erg dat misdaadintelligensie offisiere gesê het net in KwaZulu-Natal alleen het amper 100 dwelmmuile verlede jaar die land verlaat. Die polisie in die provinsie vermoed sowat 45 dwelmmuile wat in die provinsie gewerf is, wag op opdragte van hul base om uit Brasilië, Indië en Doebai terug te keer.

6. “Ons weet presies wanneer, waar en hoe sommige van hierdie muile weer

na Suid-Afrika gaan terugkeer,” het Vincent Mdunge, polisiewoordvoerder, aan IOL gesê. “Ons gaan hulle vastrek.” Maar die polisie weet maar alte goed aansienlik meer dwelmmuile ontglip die polisie as dié wat uiteindelik vasgetrek word.



7. Kontant is die grootste rede waarom mense instem om ŉ dwelmmuil te

word, selfs al verdien hulle so min as R23 000 op ŉ keer het Health24 berig. Dwelmmuile kom gewoonlik uit ŉ arm huis en is tussen 20 en 45 jaar oud. Die meeste van dié wat Suid-Afrika verlaat het, is enkel ma’s wat in Port Shepstone, Richardsbaai, Chatsworth, Sentraal-Durban en die Transkei gewerf is, het intelligensie-amptenare aan IOL gesê.

8. Die vroue word genader deur dwelmbase wat by nagklubs, universiteite en

skuilings uithang en hulle werk met ŉ vet salaris, eksotiese vakansies en duur klere belowe. “Die vroue wat hiervoor val, word óf maklik ŉ rat voor die oë gedraai óf hulle is erg gulsig,” het ingeligtes aan IOL gesê.

9. Die dwelmmuile kry opdragte oor presies wat hulle moet doen en wie hulle

moet kontak indien hulle vasgetrek word. Volgens die polisie word twee of drie muile soms op dieselfde vlug gestuur, en die dwelmbase probeer self die aandag aflei deur die polisie in te lig oor die een met die kleinste hoeveelheid dwelmmiddels om te verseker dat die ander maklik deur doeanebeheer glip.

10. Ondanks die groot getal Suid-Afrkaners wat in buitelandse tronke in

aanhouding is, het Suid-Afrika volgens die departement van internasionale betrekkinge steeds geen ooreenkoms oor die oordrag van gevangenes met enige ander land gesluit nie.

11 Die ouers van kinders wat in oorsese tronke vonnisse uitdien weens

dwelmverwante oortredings, probeer die regering vergeefs oortuig om in te gryp. In 2010 het Patricia Gerber, direkteur van die organisasie Locked up in Foreign Prison, die regering voor die hof gedaag om haar seun uitgelewer te kry – hy dien tans nege jaar tronkstraf in Mauritius uit nadat hy met heroïen betrap is. Haar aansoek is egter deur die hooggeregshof in Pretoria van die hand gewys.

12. Volgens Fairlady het Jacob van Garderen, ŉ menseregteprokureur, gesê die

regering se weiering om gevangene-oordragooreenkomste te sluit druis in teen die beginsels van die Grondwet, wat diplomatieke beskerming aan alle Suid-Afrikaners waarborg.

[Aangepas uit: www.nn.co.za]



1.1 Waarom kon Alexander Krebs nog nie die demokrasie van Suid-Afrika

ervaar nie? (2) 1.2 Waarom staan die naam in paragraaf 1 tussen aanhalingstekens? (1) 1.3 Verduidelik kortliks die uitdrukking in die laaste sin van paragraaf 1. (1) 1.4 Sê presies hoe lank Alexander in die gevangenis was. (1) 1.5 Die geluk tref soms gevangenes. Watter geluk het Alexander tydens sy

vonnisoplegging en later in die gevangenis te beurt geval? (2) 1.6 Die tronk in Bangkok word spottenderwys die “Bangkok Hilton” genoem.

Wat is die Hilton wat in die VSA aangetref word. (1)

1.7 Sê of die volgende stelling ŉ feit of ŉ mening is en motiveer jou antwoord:

Die Sjinese regering onderhandel nie oor dwelmsmokkelary nie en is onverbiddelik. (2)

1.8 Waarom dink jy, word gevangenes in die Bang Kwang gevangenis so sleg

behandel? (1) 1.9 Waarom kan Krebs en Linden nie as uitsonderlike gevalle beskou word

nie? (1) 1.10 Verduidelik die ironie wat in die laaste aanhaling van paragraaf 6

opgesluit lê. (1) 1.11 Wat is die rede waarom mense hul lewe en vryheid op die spel plaas om

ŉ dwelmmuil te word? (1) 1.12 Skets (met ander woorde beskryf) die tipiese profiel van ŉ dwelmmuil. (4) 1.13 Bewys dat dwelmmuile uit alle sfere (vlakke) van die samelewing kom. (2) 1.14 Tot watter gevolgtrekking kom IOL na aanleiding van paragraaf 8? (2) 1.15 Hoe word dwelmmuile deur hul werkgewers verraai? (1) 1.16 Wat is die implikasie van die hooggeregshof in Pretoria se bevinding ten

opsigte van Suid-Afrikaanse gevangenes in buitelandse tronke? (1)



TEKS 2: PAMFLET

Hoe dwelms gesmokkel word

1. Luidens ŉ verslag deur die Verenigde Nasies se kantoor vir dwelms en

misdaad is Suid-Afrika dikwels die oorsprong, deurgangsroete en eindbestemming van talle dwelmroetes.

2. So gaan hulle te werk:

Maag: Een van die algemeenste metodes is om die dwelms mondelings in te neem. Dwelmmuile verdoof die keel sodat hulle groot hoeveelhede kapsules, lateksballonne (dikwels kondome of handskoene) of pakkies vol dwelmmiddels gesluk kan kry. Dit is baie gevaarlik omdat die pakkies of kapsules tydens die reis kan bars.

3. Hondjies: ŉ Colombiaanse dwelmhandelgroep is in 2006 betrap toe

hulle probeer het om vloeibare dwelmmiddels in babahondjies in te smokkel wat kastig skouhonde was.

4. Kinders: ŉ Mexikaanse vrou is in Mei 2008 in hegtenis geneem omdat

sy dwelms in Brittanje probeer insmokkel het deur dit aan die bene van twee kinders van 11 en 13 oud vas te maak. Sy is nege en ŉ half jaar tronkstraf opgelê en die kinders is in die sorg van die kinderdiens geplaas.

[Aangepas uit: www.nn.co.za] 1.17 Watter ooreenstemming is daar tussen paragraaf 1 van Teks 2 en

paragraaf 6 van Teks 1? (2) 1.18 Watter metode van smokkelary vind jy die snaaksste? Verstrek ŉ rede

vir jou antwoord. (2) 1.19 Watter goeie raad sal jy aan jou vriend of vriendin gee wat oorweeg

om dwelms te smokkel? (2) TOTAAL AFDELING A: 30



AFDELING B: OPSOMMING VRAAG 2 As bemarker van BlackBerry moet jy die selfoongebruikers oorreed om na BlackBerry Z30 oor te skakel. Som die foon se plus- en minuspunte in ŉ paragraaf van 80 woorde op. Jou opsomming moet in volsinne aangebied word en mag nie meer as 80 woorde beslaan nie.

BlackBerry Z30: Puik, maar dalk te laat Neil Joubert 1. Is dit ŉ geval van te min, te laat vir BlackBerry? Die Kanadese

selfoonmaatskappy het onlangs sy nuutste selfoon, die BlackBerry Z30, bekend gestel.

2. Die resensent het die afgelope maand die foon getoets en hoewel dit ŉ

goeie slimfoon is, was die oorweldigende reaksie van ander mense: Waarom ŉ BlackBerry as jy die nuwe iPhone of Samsung se Galaxy S4 kan kry?

3. Dit is ŉ goeie vraag. As mense eers van jou vergeet het – of nie van jou

weet nie – is dit moeilik om hulle terug te wen, of in die eerste plek te kry om jou produk te toets en dan hopelik te gebruik.

4. Die HTC One is ŉ goeie voorbeeld. Dit is een van die beste fone op die

mark, maar in Suid-Afrika sal jy nie sommer iemand kry wat dit gebruik nie. 5. Die jongste foon van BlackBarry is sy beste nog. Hy het in Januarie sy

nuwe bedryfstelsel, BlackBerry 10, bekend gestel en die Z30 het weergawe 10.2, wat verskeie verbeteringe en nuwe kenmerke het.

6. Die Z30 het ŉ 5”skerm wat helder en duidelik is, hoëgehalte-luidsprekers

en ŉ kamera wat nie te versmaai is nie. ŉ Sterk verkoopspunt is dat hy ŉ lang batterylewe het – afhangende van waarvoor jy die foon gebruik, kan die battery sowat 25 uur hou. Die prioriteitspilpunt vir boodskappe is ŉ nuttige eienskap – dit gee jou onmiddellike toegang tot jou belangrikste gesprekke, inhoud en kontakte.

7. Een van die nadele is die relatief minder toepassings (apps) wat in

BlackBerry World (sy toepassingswinkel) beskikbaar is vergeleke met toepassings vir Android en iOS (Apple). Dit is ook effens swaarder as ander slimfone, maar nie in so ŉ mate dat dit ŉ groot probleem is nie.

8. BlackBerry se groot probleem is dat vandag se gebruikers nie sentimenteel

is nie en vinnig aan beweeg. Daar is nie twyfel dat dit ŉ goeie foon is nie, maar in vandag se mark is dit glad nie goed genoeg nie.

[Aangepas uit: Die Burger, 4 Desember 2013]

TOTAAL AFDELING B: 10



AFDELING C: TAAL VRAAG 3: ADVERTENSIE Lees die onderstaande teks en beantwoord die daaropvolgende vrae. IS JOU GEWRIGTE OP DIE AFDRAANDE PAD? 1. OsteoEze Gold 90’s het van die hoogste konsentrasies

glukosamienesulfaat (1 500 mg per dag) en chondroïtiensulfaat (801 mg per dag) op die mark. In kombinasie teiken hierdie twee natuurlike bestanddele kraakbeendegenerasie – wat die onderliggende oorsaak van baie gewrigsprobleme is.

2. Internasionale navorsing toon aan dat hoë konsentrasies

glukosamiene die liggaam bystaan om gewrigsvernouing, verswakte mobiliteit en pyn teen te staan. Hoë dosisse chondroïtien help die liggaam om gewrigskade verswakte mobiliteit inflammasie en pyn hok te slaan.

3. Alhoewel chondroïtien tot agt keer duurder as glukosamiene is, sal jy

vind dat OsteoEze Gold verbasend bekostigbaar is. Vitamiene C (wat met kollageenproduksie help) en mangaan (ŉ kragtige antioksidant) maak die res van hierdie fieterjasielose formule uit.

4. Met OsteoEze Gold se kragtige formule, hoef jy net 1 kapsule drie

maal ... dag te neem. Hou slegs by die dosis en jy sal verbaas wees met die resultate.

5. OsteoEze Gold is beskikbaar by die voorste apteke en uitsoekwinkels.

[Aangepas uit: Vrouekeur, 29 November 2013]



3.1 Hoekom sal die opskrif onmiddellik lesers se aandag trek? (1) 3.2 Verduidelik kortliks hoe die woord gold (goud) bydra tot die effektiwiteit

van die advertensie. (1) 3.3 Gee die vergrotende trap van die onderstreepte woord in paragraaf 1. (1) 3.4 Skryf die afkorting in paragraaf 1 voluit. (1) 3.5 In die laaste sin van paragraaf 2 ontbreek kommas. Skryf die sin oor en

voeg die kommas in. (1) 3.6 Herskryf die eerste sin van paragraaf 3, maar moenie met die

voegwoord begin nie. Dit moet op ŉ ander plek in die sin gebruik word. (1) 3.7 As watter woordsoort word die eerste onderstreepte woord in

paragraaf 3 gebruik? (1) 3.8 Wat is die betekenis van die postmorfeem in die tweede onderstreepte

woord in paragraaf 3? (1) 3.9 Skryf die ontbrekende voorsetsel van die sin in paragraaf 4 neer. (1) 3.10 Wat is die onderwerp van die onderstreepte sin in paragraaf 4? (1) [10]



VRAAG 4: STROKIES Lees die onderstaande strokies en beantwoord die daaropvolgende vrae.

[Aangepas uit: Sarie, Julie 1997]



4.1 Wat is die gevoelswaarde van die uitroep of tussenwerpsel in raampie 1? (1) 4.2 Verduidelik die geïmpliseerde betekenis van die meisie se woorde in die

eerste raampie. (1) 4.3 Brei die onderwerp in die tweede sin van raampie 2 met ŉ gepaste bysin

uit. (1) 4.4 Die meisie in raampie 4 gryp na die boek, want sy is ernstig om Bryan te

sien. Watter stylfiguur gebruik die meisie om haar erns te beklemtoon? (1) 4.5 Benoem die eerste aksentteken wat in raampie 5 aangetref word. (1) 4.6 Gee die funksie van die tweede beletselteken in raampie 6. (1) 4.7 Skryf die bepaler van die samestelling in raampie 6 neer. (1) 4.8 Herskryf die laaste sin van die meisies in raampie 6 in die ontkennende

vorm. (1) 4.9 Gee die sinoniem van die onderstreepte woord in raampie 8 volgens die

konteks van die twee raampies. (1) 4.10 Skryf die tweede sin van Gerard in raampie 8 in die indirekte rede. Begin

jou antwoord as volg: Gerard het gesê ... (1)

[10]



VRAAG 5: RUBRIEK Lees die onderstaande teks en beantwoord die daaropvolgende vrae.

Kommer dat e-sigarette kinders kan trek Die Nederlandse departement van gesondheid het onlangs ná wetenskaplike navorsing deur die nasionale instituut vir openbare gesondheid waarskuwings oor die moontlike gesondheidsgevare van elektroniese sigarette uitgereik. 2. Die instituut is glo bekommerd oor die tekort aan inligting oor die

moontlike newe-effekte van e-sigarette. As voorsorg moet dit nie deur swanger vroue of naby kinders gebruik word nie.

3. Sommige gesondheidskenners sê e-sigarette (battery-aangedrewe

metaalstafies wat ŉ vloeistof waarby nikotien gevoeg is, in walms verander) is dalk die antwoord wat miljoene rokers kan speen van sigarette en so die negatiewe effek van rook kan hokslaan. [Die rook van tabak kan longkanker en ander chroniese asemhalingsiektes veroorsaak.] Ook is dit ŉ belangrike bydraende faktor tot hartsiektes – die wêreld se grootste oorsaak van sterftes.

4. Meer as ses miljoen mense wêreldwyd sterf jaarliks as gevolg van die

gebruik van tabak sê die Wêreldgesondheidsorganisasie, en dit kan teen 2030 agt miljoen bereik as mense nie dringend ophou rook nie.

5. Al die top-maatskappye belê deesdae in e-sigarette, en sommige kenners

voorspel dat die verkope daarvan binne die volgende 10 jaar die verkope van gewone sigarette gaan oortref.

6. Maar dié sigarette word beslis nie universeel as gesond beskou nie.

Sommige (kritici) meen dit sal nie help om ŉ nikotienverslawing te verbreek nie en kan sommige verbruikers tot gewone sigarette lei. Die vinnig groeiende mark vir e-sigarette word glad nie gereguleer nie.

7. Die Nederlandse instituut beveel aan dat daar ŉ (verbied) geplaas moet

word op die gebruik van gegeurde sigarette omdat die vrees bestaan dat dit vir die kinders aanlokliker lyk. Boonop is e-sigarette net so verslawend soos tabaksigarette omdat dit nikotien bevat en daar geen bewyse deur die vervaardigers van e-sigarette is dat dit rokers sal help om op te hou rook nie.

8. Die Nederlanders is ook bekommerd dat die helder kleure en

“juweelagtige” voorkoms van e-sigarette ook vir ander jong mense aanloklik kan wees.

[Aangepas uit: Leefstyl, 04/12/2013]



5.1 Waarom is die verbindingsklank in die onderstreepte woord in paragraaf

1 nie ŉ morfeem nie? (1) 5.2 Wat beteken die onderstreepte uitdrukking in paragraaf 3? (1) 5.3 Skryf die sin tussen die reghoekige hakies in paragraaf 3 in die lydende

vorm. (1) 5.4 Wat is die stamme van die onderstreepte woord in paragraaf 4? (1) 5.5 Gee die gepaste antoniem van die onderstreepte woord in paragraaf 5. (1) 5.6 Gee die enkelvoud van die woord tussen hakies in paragraaf 6. (1) 5.7 Skryf die homofoon van die onderstreepte woord in paragraaf 6 neer en

maak ŉ duidelike sin daarmee. (1) 5.8 Soek ŉ teenwoordige deelwoord in paragraaf 6 en skryf dit neer. (1) 5.9 Skryf die korrekte vorm van die woord tussen hakies in paragraaf 7 neer. (1) 5.10 Benoem die beeldspraak wat in paragraaf 7 aangetref word. (1) [10] TOTAAL AFDELING C: 30 GROOTTOTAAL: 70

NASIONALE SENIOR SERTIFIKAAT

GRAAD 11

NOVEMBER 2014

AFRIKAANS HUISTAAL V1

MEMORANDUM

PUNTE: 70

Hierdie memorandum bestaan uit 7 bladsye.



AFDELING A: LEESBEGRIP VRAAG 1: RUBRIEK EN SPOTPRENT Nasien van die leesbegrip: x Spelfoute in een-woord-antwoorde word by Huistaal gepenaliseer. x Spel- en taalfoute in langer antwoorde word nie gepenaliseer nie omdat die

fokus op begrip is.

x FEIT/MENING en ŉ punt vir die rede/motivering/aanhaling. x Vir vrae wat aanhalings uit die leesstuk verg, word nie gepenaliseer indien

die aanhalingstekens ontbreek nie.

x Waar een-woord-antwoorde gevra word en die kandidaat ŉ volsin gee, is dit korrek mits die korrekte woord onderstreep word of op een of ander wyse uitgelig word.

x Wanneer twee, drie of vier feite/punte vereis word en die kandidaat gee ŉ hele reeks, word slegs die eerste twee of drie feite/punte nagesien.

x Indien die kandidaat woorde uit ŉ ander taal gebruik as die taal waarin die vraestel verskyn, word die vreemde woorde geïgnoreer. Indien die antwoord sonder die vreemde woorde sinvol is, word die kandidaat nie gepenaliseer nie. Indien die vreemde woord in die antwoord vereis word, word dit aanvaar.

x Aanvaar dialektiese variasies.

Vraag Antwoord Punt 1.1 Hy is voor die demokratiese verkiesing in hegtenis geneem. (2) 1.2 Dis ŉ bynaam/noemnaam./Dis nie sy regte naam nie. (1) 1.3 Hy is nog jonk./ Tydperk van volle krag. (1) 1.4 20 jaar (1) 1.5 Sy doodvonis is na 40 jaar tronkstraf omgeskakel en toe verder

verminder na 18 jaar. (2) 1.6 ŉ Spoggerige/luukse hotel. (1) 1.7 Feit. Linden het die dodelike inspuiting gekry. (2) 1.8 Dit skrik dwelmhandelaars/dwelmmuile af./ Hulle moenie die oortreding

herhaal nie./ ŉ Sinvolle antwoord is aanvaarbaar. (1) 1.9 Suid-Afrikaners word gereeld met dwelms in hul besit betrap. (1)



1.10 Die dwelmmuile ontglip die polisie./ Meer dwelmmuile ontglip die polisie. (1) 1.11 Kontant / geld (1) 1.12 x Hulle kom uit ŉ arm huis.

x Tussen 20 en 45 jaar oud. x Gewoonlik enkel ma’s. x Kom uit kwaZulu-Natal en die Oos-Kaap. (4)

1.13 Hulle hou van die nagklubs/naglewe./ Universiteitstudente en is soms

armoedig/boemelaars. (2) 1.14 Die vroue wat instem, word óf maklik ŉ rat voor die oë gedraai óf hulle is

erg gulsig. (2) 1.15 Die dwelmbase bel die polisie om die aandag af te lei van die dwelmmuil

met baie dwelms. (1) 1.16 Hulle sal hul straf moet uitdien./ Die Suid-Afrikaanse regering gaan nie

binnekort sy beleid verander nie. (1) 1.17 Dwelms word maklik in SA ingebring. (2) 1.18 Kandidaat se keuse en motivering moet geassesseer word. (2) 1.19 Twee gepaste/relevante antwoorde word aanvaar. (2) TOTAAL AFDELING A: 30



AFDELING B: OPSOMMING VRAAG 2 Nasien van die opsomming

x Opskrif/titel: Daar word nie van kandidate verwag om die leesstuk van ŉ opskrif/titel te voorsien nie.

x Kandidate moet die opsomming in hul eie sinne kan skryf. x Kandidate moet die opsomming in die vereiste formaat aanbied.

Opsommings in die verkeerde formaat word nie geassesseer nie./Opsommings in die verkeerde formaat word geassesseer, maar leerders verloor 1 punt vir aanbieding in die verkeerde formaat.

x Slegs feite wat in volsinne aangebied word, verdien punte. x Rofwerk/beplanning moet duidelik aangedui word. Indien dit nie die geval is

nie, word die eerste opsomming nagesien.

x Kandidate moet die korrekte getal woorde aandui.

x Punte word soos volg toegeken vir HT: o 7 punte vir 7 feite o 3 punte vir taal o Penaliseer soos volg:

� Indien die opsomming te lank is, word daar slegs 5 ekstra woorde toegelaat. Die res van die opsomming word geïgnoreer.

� Indien die opsomming te kort is, maar dit bevat al die vereiste inligting, word die kandidaat nie gepenaliseer nie.

x Verspreiding van punte vir taal:

1–3 antwoorde reg kry 1 punt. 4–5 antwoorde reg kry 2 punte. 6–7 antwoorde reg kry 3 punte. LET WEL: Kandidate mag nie afkortings gebruik in hul opsommings nie, maar

indien dit in die opsomming voorkom, word elke afkorting getel volgens die getal woorde wat dit voorstel.

Antwoord: soek die volgende feite. Dit MOET in paragraafvorm aangebring

word.

x Dit het ŉ 5”skerm wat helder en duidelik is. x Dit het hoëgehalte-luidsprekers. x Die kamera is nie te versmaai nie. x Hy het ŉ lang batterylewe./ Die battery hou sowat 25 uur. x Die prioriteitspilpunt vir boodskappe is ŉ nuttige eienskap. x Een van die nadele is die relatief minder toepassings. x Dit is ook effens swaarder as ander slimfone.

(62 woorde)

TOTAAL AFDELING B: 10



AFDELING C: TAAL VRAAG 3: ADVERTENSIE Nasien van hierdie afdeling: x Spelling:

o Een-woord-antwoorde word verkeerd gemerk as die spelling verkeerd is. o In volsin-antwoorde word verkeerde spelling net gepenaliseer indien die

fout in die taalstruktuur getoets word. o Waar ŉ afkorting getoets word, behoort die punte op die regte plek te

wees.

x Sinskonstruksies moet taalkundig korrek wees en in volsinne aangebied word soos in die instruksie aangedui.

x Waar direkte en indirekte rede en punktuasie getoets word, mag ½ punte toegeken word.

x Vir meervoudigekeuse-vrae word BEIDE die letter wat ooreenstem met die korrekte antwoord EN die antwoord wat uitgeskryf word, aanvaar.

Vraag Antwoord Punt 3.1 Groter / ander lettertipe / swart (1) 3.2 Goud is duur./ Dit word altyd aan gehalte verbind. (1) 3.3 hoër (spelling moet reg wees) (1) 3.4 milligram (spelling moet reg wees) (1) 3.5 Hoë dosisse chondroïtien help die liggaam om gewrigskade, verswakte

mobiliteit, inflammasie en pyn hok te slaan. (1) 3.6 Jy sal vind dat OsteoEze Gold verbasend bekostigbaar is; alhoewel

chondroïtien tot agt keer duurder as glukosamiene is. (1) 3.7 Byvoeglike naamwoord (1) 3.8 Sonder (1) 3.9 Per (1) 3.10 Jy (1) [10]



VRAAG 4: STROKIES Vraag Antwoord Punt 4.1 Verbasing (1) 4.2 Hy het ŉ vorige keer ook iets by hom gehad./ Hy het altyd iets by hom. (1) 4.3 ... wat die tegnieke verduidelik (in die trant) (1) 4.4 Herhaling/repetisie (spelling moet reg wees) (1) 4.5 Gravis (spelling moet reg wees) (1) 4.6 Woorde ontbreek omdat sy so meegevoer word. (1) 4.7 Sport (spelling moet reg wees) (1) 4.8 Hy is dus glad nie bereikbaar nie. (ŉ Gepaste bywoord is ŉ vereiste.) (1) 4.9 Definitief/beslis/sekerlik (spelling moet reg wees) (1) 4.10 Gerard het gesê hy het nie geweet hulle weet iets van rugby af nie./

Gerard het gesê dat hy nie geweet het hulle weet iets van rugby af nie. (1) [10] VRAAG 5: RUBRIEK Vraag Antwoord Punt 5.1 Dit het nie betekenis nie. (1) 5.2 Beperk / keer / stop (1) 5.3 Longkanker en ander chroniese asemhalingsiektes kan deur die rook van

tabak veroorsaak word. (1) 5.4 Wêreld- gesond- organisasie (1) 5.5 Aankope (1) 5.6 Kritikus (1) 5.7 Die kind ly honger. (1)



5.8 Groeiende (1) 5.9 Verbod (1) 5.10 Vergelyking (1) [10]

TOTAAL AFDELING C: 30

GROOTTOTAAL: 70

Documents

GRAAD 11 NOVEMBER 2014 AFRIKAANS HUISTAAL V1