Upload
others
View
1
Download
0
Embed Size (px)
Citation preview
Ved Stranden 18 – DK–1061 København K – Sími +45 33 96 02 00
www.norden.org
GREINARGERÐ TIL NORÐURLANDARÁÐS
Greinargerð samstarfsráðherranna um frjálsa för og stjórnsýsluhindranir til þings Norðurlandaráðs 2019
Efnisyfirlit Efnisyfirlit ................................................................................................................. 1
1. Inngangur ......................................................................................................... 2
2. Framkvæmdaáætlun um frjálsa för milli Norðurlanda ........................................ 2
3. Vinnan við að ryðja stjórnsýsluhindrunum á Norðurlöndum úr vegi .................... 4
4. Afnám eða afgreiðsla núverandi stjórnsýsluhindrana ......................................... 4
5. Komið í veg fyrir nýjar stjórnsýsluhindranir ........................................................ 6
6. Að efla upplýsingaþjónustuna og gera hana skilvirkari ....................................... 7
7. Annað starf á tímabilinu 2018–2019 ................................................................... 8
Fylgiskjal 1 – Staða forgangsmála Stjórnsýsluhindranaráðs ..................................... 11
Fylgiskjal 2 – Greinargerð fagsviðanna .................................................................... 22
2 / 28
1. Inngangur
Samþætting og frjáls för milli landa hafa verið meðal höfuðmarkmiða norræns
samstarfs um margra ára skeið – og svo var einnig áður en Norræna ráðherranefndin
var sett á stofn. Dæmi um það er að norrænt löggjafarsamstarf byggist á langri og
ágætri hefð sem nær allt aftur fyrir aldamótin 1900. Grundvallarsamningar sem
tryggja frjálsa för milli Norðurlanda, svo sem vegabréfasambandið, sameiginlegur
vinnumarkaður, félagsmálasáttmálinn og sameiginlegur menntamarkaður, bera vott
um góðan árangur af formlegu samstarfi Norðurlanda á fyrstu árunum eftir
heimsstyrjöldina síðari.
Afnám stjórnsýsluhindrana hefur verið meðal höfuðviðfangsefna norrænnar
samvinnu, einkum frá fyrstu árum þessarar aldar. Markmið samvinnunnar hefur um
margra ára skeið verið „Norðurlönd án landamæra“.
Sú framtíðarsýn að gera Norðurlönd að samþættasta svæði veraldar samræmist því
vel hvernig norræn samvinna hefur þróast fram að þessu. Frjáls för milli landa og
samþætting Norðurlandanna eru meðal meginstoða norrænnar samvinnu.
Framkvæmdaáætlun Norrænu ráðherranefndarinnar um frjálsa för milli Norðurlanda
2019–2021, sem samþykkt var á fundi samstarfsráðherranna í febrúar 2019, er enn
eitt skrefið í átt að gera Norðurlönd að samþættara svæði með fleiri möguleikum og
færri stjórnsýsluhindrunum.
Greinargerðin sem hér birtist er yfirlit um það sem gert hefur verið á vegum Norrænu
ráðherranefndarinnar til að auðvelda frjálsa för milli Norðurlanda á tímabilinu 1. júlí
2018 til 30. júní 2019.
2. Framkvæmdaáætlun um frjálsa för milli Norðurlanda Markmið framkvæmdaáætlunarinnar er að styðja þá framtíðarsýn forsætisráðherranna að Norðurlönd verði samþættasta svæði veraldar með því að safna saman í einu skjali upplýsingum um allar aðgerðir sem ráðist hefur verið í til að auðvelda frjálsa för milli landanna. Allar fagráðherranefndir Norrænu ráðherranefndarinnar hafa lagt sitt að mörkum með því að skilgreina markmið og móta aðgerðir. Aðgerðir samkvæmt framkvæmdaáætluninni eru í meginatriðum af tvennu tagi:
1) Aðgerðir sem stuðla að frjálsri för með beinum hætti, þ.e. tryggja Norðurlandabúum – meðal annars börnum og ungmennum, námsfólki, kennurum, fræðimönnum, listamönnum og atvinnuleitendum – góð tækifæri til að ferðast til annars norræns ríkis en heimalandsins til náms eða starfa.
3 / 28
2) Aðgerðir sem greiða fyrir frjálsri för (undir þetta fellur m.a. afnám stjórnsýsluhindrana), þ.e. hafa það markmið að skapa betri forsendur fyrir frjálsri för einstaklinga og fyrirtækja milli Norðurlandanna.
Aðgerðaáætlunin felur einnig í sér aðgerðir sem varða málskilning og norræna samkennd og menningu, en slíkir þættir eru sjálfur grundvöllur frjálsrar farar og samþættingar á Norðurlöndum. Auk þess sem nefnt hefur verið er upplýsingastarfið kjarnaverkefni. Unnið er með það að markmiði að gera bestu tiltækar upplýsingar aðgengilegar þeim einstaklingum og fyrirtækjum sem hyggjast flytja frá einu norrænu ríki til annars. Vinnan við afnám stjórnsýsluhindrana er einn af helstu þáttum þess starfs sem unnið er í Norrænu ráðherranefndinni til að auðvelda frjálsa för milli Norðurlanda. Í framkvæmdaáætluninni er það markmið sett að Stjórnsýsluhindranaráð stuðli að því, á grundvelli starfsumboðs síns og í samvinnu við stofnanir sem starfa á héraðs- eða landsvísu, fagráðherranefndirnar og ráðuneyti sem sinna þessum málaflokki, að ár hvert verði afgreiddar 8–12 stjórnsýsluhindranir sem takmarka frjálsa för almennings og fyrirtækja. Meðal annarra helstu markmiða áætlunarinnar má nefna:
1) að koma á fót norræn-baltnesku svæði án landamæra, meðal annars með því að koma því til leiðar að rafræn auðkenni njóti viðurkenningar yfir landamæri,
2) að vinna að samræmingu norrænna byggingastaðla, 3) að tryggja að starfsréttindi njóti sjálfvirkrar viðurkenningar milli
ríkjanna.
Stjórnsýsluhindranaráð hefur litið á framangreindar þrjár stjórnsýsluhindranir sem forgangsmál og í nýju framkvæmdaáætluninni er gengið skrefinu lengra með því að færa þær ofar á vettvangi stjórnmálanna, sjá einnig fylgiskjal 2. Fyrirhugað er að styrkja upplýsingastarfið enn frekar á þessu tímabili, jafnt á vettvangi Norðurlandasamstarfsins, en þar hefur upplýsingaþjónusta Norrænu ráðherranefndarinnar, Info Norden, fengið nýtt og aukið hlutverk, sem á vettvangi landamærasvæða fyrir tilstuðlan upplýsingaskrifstofanna sem þar eru starfræktar. Upplýsingaskrifstofurnar gegna lykilhlutverki í allri vinnu við að auðvelda frjálsa för og ryðja stjórnsýsluhindrunum úr vegi sökum þess að tengslin við almenning og fyrirtæki myndast í gegnum þær. Fyrirhugað er að samstarfsráðherrarnir fái í hendur á árinu 2020 fyrsta heildaryfirlit um hvernig vinnunni við markmið og aðgerðir framkvæmdaáætlunar um frjálsa för milli Norðurlanda miðar. Framkvæmdaáætlun Norrænu ráðherranefndarinnar um frjálsa för milli Norðurlanda 2019–21 er að finna hér: http://norden.diva-portal.org/smash/get/diva2:1290244/FULLTEXT01.ppdf
4 / 28
3. Vinnan við að ryðja stjórnsýsluhindrunum á Norðurlöndum úr vegi
Samstarfsráðherrarnir settu Stjórnsýsluhindranaráð á laggirnar árið 2014 að
frumkvæði forsætisráðherranna. Eftir að ráðið tók til starfa hafa
58 stjórnsýsluhindranir hlotið afgreiðslu að tilstuðlan þess.
Stjórnsýsluhindranaráð varpar ljósi á vandkvæði sem tengjast frjálsri för almennings
og fyrirtækja milli Norðurlandanna í samstarfi við stofnanir sem sinna því verkefni að
leita uppi stjórnsýsluhindranir og ryðja þeim úr vegi, og stuðlar þannig bæði að auknu
gagnsæi og víðtækri þátttöku í starfi ráðsins. Verkefni Stjórnsýsluhindranaráðs skiptast í þrjú áherslusvið:
1. Að afnema eða afgreiða stjórnsýsluhindranir sem nú eru milli norrænu
ríkjanna.
2. Að koma í veg fyrir að nýjar stjórnsýsluhindranir verði til.
3. Að efla upplýsingaþjónustuna og gera hana skilvirkari.
4. Afnám eða afgreiðsla núverandi stjórnsýsluhindrana
Vinnan við afnám eða afgreiðslu stjórnsýsluhindrana hefst með því að ábendingar
berast um slíkar hindranir, oftast frá norrænu upplýsingaskrifstofunum í framhaldi af
fyrirspurnum almennra borgara og fyrirtækja um flutning yfir landamæri. Gagna er
aflað og Stjórnsýsluhindranaráð skráir stjórnsýsluhindranirnar í gagnagrunn sinn. Á
5 / 28
grundvelli upplýsinga í gagnagrunninum velja fulltrúar í Stjórnsýsluhindranaráði á
hverju ári nokkurn fjölda stjórnsýsluhindrana sem þeir vilja sinna sérstaklega.
Vinnunni við að ryðja hverri hindrun úr vegi er haldið áfram þar til árangur næst eða
hlutaðeigandi ráðuneyti eða stjórnvald tilkynnir að engin lausn hafi fundist. Hlutverk
Stjórnsýsluráðs er eingöngu að knýja á um breytingar; stjórnsýsluhindrunum verður
aðeins rutt úr vegi fyrir tilstuðlan ráðamanna og stjórnvalda á Norðurlöndum, og þá
með samningum eða breytingum á gildandi reglum í hverju ríki um sig.
Stjórnsýsluhindranaráð: hindranir sem hlutu afgreiðslu frá 1. júlí 2018 til 30. júní
2019
Á tímabilinu 1. júlí 2018 til 30. júní 2019 hlutu afgreiðslu 13 þeirra stjórnsýsluhindrana
sem ráðið hafði skilgreint sem forgangsmál. Tíu hindrunum var rutt úr vegi og þrjú
mál voru felld niður í hlutaðeigandi ráðuneyti.
Eftirtalin mál voru leyst:
1. Umsókn um framhaldsskólanám í Noregi
2. Innflutningur á norskum laxaseiðum til Svíþjóðar
3. Fjögurra mánaða reglan í Finnlandi
4. Kröfur sem varða ferðaskilríki í tengslum við flug innan Norðurlanda
5. Óljós réttur til almannatrygginga hjá þeim starfsmönnum EES sem vinna
bæði í Svíþjóð og Danmörku
6. Kröfur um gögn vegna skráningar í þjóðskrá í Noregi
7. Réttur til starfsleyfis til að sinna pólitísku starfi í öðru norrænu ríki (leyst í
Noregi)*
8. Viðurkenning á grænlenskum ökuskírteinum (leyst í Danmörku)*
9. Norrænir sjúkraliðar í Danmörku – veiting réttinda/heimildar til að starfa sem
social- og sundhedsassistent (leyst að því er varðar helsefagmedarbejder frá
Noregi)*
10. Lægri fæðingarorlofsgreiðslur vegna námslána eða námsstyrkja frá „röngu“
landi
* Mál sem merkt eru með * hafa verið leyst að hluta, þ.e. ekki í öllum hlutaðeigandi
ríkjum.
Nokkur dæmi um góðan árangur (varða 3., 6. og 7. lið):
• Þeir íbúar í öðru norrænu ríki sem hafa starfað sem launþegar í Finnlandi skemur en 4 mánuði njóta nú fullrar aðildar að almannatryggingum í Finnlandi þar sem þeir vinna. Áætlað er að hér sé um að ræða 1.500 einstaklinga.
6 / 28
• Við skráningu Norðurlandabúa í þjóðskrá í Noregi hafa komið í ljós vandkvæði sem tengjast ströngum kröfum um framlagningu gagna og misræmi í málsmeðferð í norska stjórnsýslukerfinu. Stjórnsýsluhindranaráð tók málið upp og hefur nú fengið þær upplýsingar frá stjórnvöldum í Noregi að vandinn hafi verið leystur.
• Starfsfólk sem sækir vinnu í Noregi frá öðru norrænu ríki (um 35.000 launþegar) njóta nú sömu lýðræðislegu réttinda og starfsfólk í heimaríkinu. Þetta þýðir að samkvæmt nýrri norskri löggjöf er starfsfólki sem sækir vinnu í Noregi frá öðru landi heimilt að taka sér leyfi frá störfum til að sinna stjórnmálastörfum í heimasveitarfélagi sínu (t.d. að sækja nauðsynlega fundi sem fulltrúar í sveitarstjórn eða sinna störfum sem kommunalråd í sænsku nágrannasveitarfélagi). Stjórnsýsluhindranaráð hyggst vinna áfram að þessu máli til þess að ná fram lausn fyrir öll Norðurlönd.
Mál sem felld hafa verið niður (stjórnsýsluhindranir sem teknar voru til umfjöllunar en
hlutaðeigandi ráðuneyti gátu ekki leyst úr)
1. Tilhögun skattskila í Noregi torveldar framkvæmd verkefna í byggingariðnaði
2. Tímafrek formsatriði vegna millilandaflutninga á sýnum úr sjávarspendýrum
3. Tímabundinn flutningur á hestum milli Noregs og Svíþjóðar
Frekari upplýsingar um stjórnsýsluhindranir sem Stjórnsýsluhindranaráð hefur gert
að forgangsmálum, svo og um vinnu einstakra sviða við að ryðja slíkum hindrunum úr
vegi, er að finna í fylgiskjölum 1 og 2.
5. Komið í veg fyrir nýjar stjórnsýsluhindranir
Annar þáttur vinnunnar við afnám stjórnsýsluhindrana er að koma í veg fyrir að nýjar
stjórnsýsluhindranir verði til.
Í framkvæmdaáætlun um frjálsa för milli Norðurlanda 2019–2021 kemur fram hvernig
þeirri fyrirbyggjandi vinnu verður háttað. Áformað er að hver fagráðherranefnd sinni
fyrirbyggjandi starfi á sínu sviði og tryggi eftir föngum að framkvæmd
Evrópulöggjafar verði með sama hætti í öllum norrænu ríkjunum, og að ríkin hafi
samráð sín í milli þegar unnið er að setningu nýrra laga eða reglna til þess að koma í
veg fyrir að nýjar stjórnsýsluhindranir verði til.
Stjórnsýsluhindranaráð og upplýsingaskrifstofurnar sinna einnig fyrirbyggjandi starfi.
Dæmi um það er málþing um langan afgreiðslutíma ESB-mála á sviði
almannatrygginga sem skrifstofa Stjórnsýsluhindranaráðs hélt í Helsinki haustið 2018
í samvinnu við Info Norden og finnsku lífeyrisstofnanirnar Pensionsskyddscentralen
og Folkpensionsanstalten.
7 / 28
Á málþinginu héldu reyndir starfsmenn almannatrygginga hvaðanæva af
Norðurlöndum erindi sem ætlað var að auka gagnkvæman skilning á
almannatryggingakerfum landanna. Fjallað var um nýjar leiðir til að bæta starfið á
þessu sviði. Til dæmis mætti stytta afgreiðslutíma milli Norðurlandanna með því að
auka notkun öruggra tölvuskeytasendinga.
Til athugunar er að halda framhaldsráðstefnu árið 2020.
6. Að efla upplýsingaþjónustuna og gera hana skilvirkari Fjármunir til rekstrar Info Norden og upplýsingaskrifstofa landamærasvæðanna koma
ýmist að öllu leyti eða að hluta frá skrifstofu Norrænu ráðherranefndarinnar.
Upplýsingaskrifstofurnar sinna þrenns konar verkefnum fyrir Stjórnsýsluhindranaráð.
1. Að fræða einstaklinga sem flytjast milli Norðurlanda um reglurnar sem gilda í
hverju landi og til hvaða stjórnvalda ber að leita.
2. Að vinna úr ábendingum um stjórnsýsluhindranir og tilkynna þær skrifstofu
Stjórnsýsluhindranaráðs með það fyrir augum að byggja upp norrænan
gagnagrunn um stjórnsýsluhindranir.
3. Að halda lausnamiðaða vinnufundi.
Starfið sem unnið er hjá Info Norden og upplýsingaskrifstofunum þremur fyrir
landamærasvæði fellur einnig undir framkvæmdaáætlun ráðherranefndarinnar um
frjálsa för milli Norðurlanda 2019–2021, sjá markmiðið um að styrkja
upplýsingastarfsemi á Norðurlöndum. Upplýsingaskrifstofurnar fengu á tímabilinu
1. júlí 2018–30. júní 2019 samtals meira en 1.400.000 heimsóknir á vefsíður og
einstaklingssamskipti hafa átt sér stað rúmlega 45.000 sinnum (heimsóknir,
tölvuskeyti, símtöl og hópheimsóknir).
*Mikil fækkun heimsókna á vefsíður Info Norden og fyrirspurna til skrifstofunnar stafar af því að vefsíður Info Norden
hafa raðast illa í leitarvélum stóran hluta tímabilsins. Aðrar vefsíður á norden.org höfðu verið fluttar í nýtt
vefumsjónarkerfi, en síður Info Norden voru enn vistaðar á undirléni. S íður Info Norden voru fluttar í nýjar
vefumsjónarkerfið í lok febrúar 2019.
8 / 28
Vinnan við afnám stjórnsýsluhindrana varð skilvirkari við það að skrifstofa
Stjórnsýsluhindranaráðs kom upp sameiginlegum samstarfsvettvangi í samstarfi við
upplýsingaskrifstofurnar, svonefndum LOTS-hópi (á sænsku „den Nordiska
Lösningsfokuserade Orienterande Tjänstgörande Samordnare-gruppen“). Hópurinn
kemur saman þrisvar á ári.
Ítarlegri upplýsingar um upplýsingaskrifstofurnar má lesa hér: http://norden.diva-portal.org/smash/get/diva2:1345331/FULLTEXT01.ppdf
7. Annað starf á tímabilinu 2018–2019
Hér fyrir neðan er að finna stutta lýsingu á starfinu sem unnið hefur verið á sviði
frjálsrar farar og að því er varðar skipulag Stjórnsýsluhindranaráðs og samskipti við
stofnanir í öðrum löndum.
7.1 Starfsemisskýrsla í stað ársskýrslu
Stjórnsýsluhindranaráð gaf ekki út ársskýrslu árið 2018; þess í stað verður tekin
saman starfsemisskýrsla fyrir tímabilið 1. janúar 2018–30. júní 2019 (18 mánaða
tímabil). Þetta er gert til þess að starfssemisskýrslan taki til sama tímabils og
greinargerðin sem samin er fyrir samstarfsráðherrana.
Starfsemisskýrslan verður birt haustið 2019 í rafrænni útgáfu. Þar er um að ræða
sjálfbærari lausn en áður hefur verið notuð, auk þess sem auðveldara verður að vekja
athygli á efni skýrslunnar í rafrænum miðlum.
7.2 Gagnagrunnur um stjórnsýsluhindranir
Til þess að tryggja að fulltrúar í Stjórnsýsluhindranaráði hafi sem áreiðanlegastar
upplýsingar í höndum við forgangsröðun nýrra stjórnsýsluhindrana og í úrvinnslu eldri
forgangsmála er mikilvægt að uppfærsla gagnagrunns um stjórnsýsluhindranir eigi
sér stað árlega.
Öll mál í gagnagrunninum sem enn eru óleyst eða felld hafa verið niður (um 60
talsins) hafa á skýrslutímanum verið til meðferðar hjá hlutaðeigandi ráðuneytum til
gæðaeftirlits og uppfærslu. Á grundvelli svara frá ráðuneytunum hefur skrifstofa
Stjórnsýsluhindranaráðs getað tryggt að upplýsingar í gagnagrunni um
stjórnsýsluhindranir séu réttar. Auk mála sem þegar höfðu verið skráð hafa
upplýsingaskrifstofurnar gert grein fyrir og tilkynnt nýjar stjórnsýsluhindranir, sem
síðan hafa gengist undir gæðaeftirlit.
9 / 28
Vorið 2019 var gagnagrunnurinn jafnframt færður yfir í nýtt kerfi. Nýja
gagnagrunninn er að finna á slóðinni
https://www.norden.org/is/gagnagrunnurumstjornsysluhindranir
7.3 Vefgátt
Í samræðum við aðila vinnumarkaðarins hefur komið fram að setja þurfi upp
upplýsingagátt fyrir atvinnulífið. Norræna ráðherranefndin hefur opnað vefgátt fyrir
atvinnurekendur á Norðurlöndum, og er henni einkum ætlað að þjóna litlum og
meðalstórum fyrirtækjum.
Til þess að styrkja vefgáttina í sessi og kynna hana betur á Norðurlöndum hefur
skrifstofan farið þá leið að leggja sérstaka áherslu á markaðssetningu, m.a. með
leitarvélabestun (SEO).
http://nordenbusiness.org/is
7.4 Stjórnsýsluhindranahópurinn
Stjórnsýsluhindranahópurinn er skipaður þingmönnum úr öllum nefndum
Norðurlandaráðs. Hlutverk hópsins er að fylgjast með málum á sviði
stjórnsýsluhindrana og styðja Stjórnsýsluhindranaráð í störfum sínum, meðal annars
með umfjöllun á vettvangi stjórnmálanna um aðstæður sem takmarka frjálsa för milli
Norðurlandanna. Stjórnsýsluhindranahópurinn og Stjórnsýsluhindranaráð hafa
komið saman til fundar tvisvar á tímabilinu og stefnt er að reglulegum samskiptum í
því skyni að samræma starfið. Á næstliðnum fundi, sem var haldinn 8. apríl, hittu
fulltrúar hvers ríkis í Stjórnsýsluhindranaráði landa sína í stjórnsýsluhindranahópnum
og þótti það gott framtak sem hvert land gæti nýtt sér í vinnunni við afnám
stjórnsýsluhindrana í framtíðinni.
7.5 Alþjóðastarf
Starf Stjórnsýsluhindranaráðs vekur eftir sem áður athygli á alþjóðavettvangi og vart
hefur orðið aukins áhuga á því hvernig samstarfið um afnám stjórnsýsluhindrana er
skipulagt. Því vinnulagi Stjórnsýsluhindranaráðs að leita samstarfs við bæði
héraðsbundnar stofnanir og stofnanir sem starfa á landsvísu eða á norrænum
vettvangi í þeim tilgangi að auðvelda frjálsa för hefur verið lýst með þeim orðum að
það sé til fyrirmyndar um hvernig standa beri að afnámi stjórnsýsluhindrana. Af því
tilefni hefur Stjórnsýsluhindranaráði verið boðið að kynna skipulag starfsemi sinnar á
alþjóðlegum ráðstefnum.
10 / 28
Cross-border cooperation North Rhine-Westphalia/NL Stjórnsýsluhindranaráði var boðið að kynna starfsemi sína og skipulag í Brussel hinn
27. september 2018 fyrir fulltrúum 20 mismunandi stofnana, þeirra á meðal DG-Regio
(framkvæmdastjórn Evrópusambandsins), ITEM og cross-border cooperation North
Rhine-Westphalia/NL. Í kjölfar ráðstefnu sem DG-Regio hélt ásamt
Stjórnsýsluhindranaráði í Kaupmannahöfn í janúar 2018 lýstu m.a. Maastricht
University og Benelux áhuga á að leita til ráðsins til þess að fræðast betur um
samstarf Norðurlandanna um afnám stjórnsýsluhindrana og komast að því hvort
áþekk tilhögun gæti hentað þessum löndum.
ITEM
Stjórnsýsluhindranaráð tók þátt í árlegri ráðstefnu ITEM (Institute for Transnational
and Euregional cross-border cooperation and Mobility) sem haldin var í Brussel
dagana 15.–16. nóvember 2018 í samvinnu við svæðanefnd Evrópusambandsins og
DG-Regio (framkvæmdastjórnina). Ráðstefnuna sátu fulltrúar ýmissa
landamærasvæða í Evrópu og Stjórnsýsluhindranaráð kynnti þar aðferðirnar sem það
hefur unnið eftir og tók þátt í umræðum með yfirskriftinni „cross-border cooperation;
challenges ahead“.
CESCI
Dagana 25.–26. apríl 2019 sótti Stjórnsýsluhindranaráð alþjóðlega ráðstefnu á vegum
CESCI (Central European Service for Cross-border Initiatives) í Budapest. Ráðið tók
þátt í pallborðsumræðum um „Cross-Border Policy Making“ og kynnti skipulag
starfsemi sinnar undir yfirskriftinni „The Nordic Model of Freedom of Movement“.
Stjórnsýsluhindranaráðið sendi einnig fulltrúa á ráðstefnuna „Legal accessibility
among V4 countries“ í Košice dagana 19–20. júní 2019 og kynntu þeir starfsemi
ráðsins og tóku þátt í pallborðsumræðum með yfirskriftinni „Legal accessibility in
Europe“ ásamt fulltrúum annarra stofnana sem sinna málefnum landamærasvæða,
háskólasamfélagsins, framkvæmdastjórn Evrópusambandsins o.fl. Ráðstefnan var
haldin á vegum CESCI og var hún lokaráðstefna verkefnis sem naut fjárveitingar frá
Visegrad Fund. Verkefnið hafði það markmið að koma á laggirnar, fyrst og fremst
með því að draga lærdóm af starfi Norðurlandanna á þessu sviði, kerfi sem Visegrád-
ríkin – V4 – gætu notað til að ryðja úr vegi stjórnsýsluhindrunum milli landanna.
11 / 28
Fylgiskjal 1 – Staða forgangsmála Stjórnsýsluhindranaráðs
Staða forgangsmála Stjórnsýsluhindranaráðs Fulltrúar í Stjórnsýsluhindranaráði hafa hver og einn valið nokkrar
stjórnsýsluhindranir sem þeir vilja sinna sem forgangsmálum. Í nokkrum tilvikum
sinna tveir eða fleiri fulltrúar tiltekinni stjórnsýsluhindrun í sameiningu.
Á tímabilinu frá 1. júlí 2018 til 30. júní 2019 hlutu 13 stjórnsýsluhindranir afgreiðslu.
Þar af var 10 hindrunum rutt úr vegi en 3 mál ákváðu hlutaðeigandi ráðuneyti að fella
niður, en það merkir að vinnu við þær hindranir verður hætt.
Hér fyrir neðan er stöðu hvers forgangsmáls lýst í stuttu máli.
Hindranirnar eru flokkaðar með aðstoð fjögurra lita.
Blátt merkir að endanlegt svar hafi borist frá hlutaðeigandi ráðuneyti og hindrunin
hlotið afgreiðslu. Það þýðir að hindruninni hafi verið rutt úr vegi eða að löndin hafi
ákveðið að fella málið niður og reyna ekki frekar að finna lausn á því.
Grænt merkir að unnið er eftir áætlun sem viðkomandi fulltrúi hefur gert um hvernig
afla megi endanlegra svara við því hvort ryðja megi hindruninni úr vegi.
Gult merkir að vinna er hafin við hindrunina að einu eða öðru leyti.
Rautt merkir að hindrunin er sem stendur ekki forgangsmál hjá hlutaðeigandi
ráðuneytum eða stjórnvöldum.
Hindranir sem hlutu afgreiðslu frá 1. júlí 2018 til 30. júní
2019
Hér á eftir fylgir greinargerð um hindranir sem rutt var úr vegi og mál sem felld voru
niður.
Lausn fundin í hlutaðeigandi ráðuneyti
Umsókn um framhaldsskólanám í Noregi BLÁTT
Í Noregi getur í sumum tilvikum reynst erfiðleikum bundið fyrir norræna ríkisborgara
að hefja framhaldsskólanám sökum þess að í sumum fylkjum eru ákvæði annarra laga
(6. kafla laga um menntamál) túlkuð á þann hátt að ekki megi samþykkja umsókn um
skólavist nema umsækjandi sé skráður í þjóðskrá í Noregi og með lögheimili í
12 / 28
viðkomandi héraði við upphaf skólaárs, og helst þegar frestur til að sækja um
skólavist rennur út (1. mars).
Hindrun sem Vibeke Hammer-Madsen, Noregi, hefur sinnt sem forgangsmáli frá
árinu 2017.
Innflutningur á norskum laxaseiðum til Svíþjóðar BLÁTT
Fyrirtækjum, sem hafa hug á að hefja laxeldi í landstöðvum, er óheimilt samkvæmt
sænskum lögum að flytja inn laxaseiði frá Noregi eða Færeyjum. Bannið gerir
sænskum eldisfyrirtækjum erfitt um vik að færa út kvíarnar, en innflutningur
laxaseiða frá Noregi gæti aukið samkeppnishæfni greinarinnar.
Hindrun sem Eva Tarselius-Hallgren, Svíþjóð, hefur sinnt sem forgangsmáli frá
árinu 2017.
Fjögurra mánaða reglan í Finnlandi BLÁTT
Í aðdraganda stækkunar Evrópusambandsins árið 2004 voru settar í Finnlandi reglur
um búsetutengda aðstoð sem hafa í för með sér að fólk, sem er ekki búsett í Finnlandi
og hefur starfað þar sem launþegar skemur en fjóra mánuði, nýtur ekki allra sömu
réttinda í almannatryggingakerfinu og það hefði ella notið á grundvelli búsetu sinnar í
Finnlandi.
Hindrun sem Kimmo Sasi, Finnlandi, hefur sinnt sem forgangsmáli frá árinu 2014.
Kröfur sem varða ferðaskilríki í tengslum við flug innan Norðurlanda BLÁTT
Í ferðum innan Norðurlanda er fólki með norrænt ríkisfang ekki skylt að sýna
vegabréf, heldur aðeins gild persónuskilríki. Sænska lögreglan greindi frá því árið
2018 að norrænt flugfélag hefði meinað ferðamönnum, sem ætluðu til annars
norræns lands, að ganga um borð með vísan til reglna flugfélagsins um vegabréf.
Kröfur um að vegabréf sé sýnt brjóta gegn reglum norræna vegabréfasambandsins.
Hindrun sem Siv Friðleifsdóttir, Íslandi, hefur sinnt sem forgangsmáli frá árinu 2018.
Óljós réttur til almannatrygginga hjá þeim starfsmönnum EES sem vinna bæði í
Svíþjóð og Danmörku BLÁTT
Hindrun sem Bertel Haarder, Danmörku, hefur sinnt sem forgangsmáli frá árinu 2018.
13 / 28
Kröfur um gögn vegna skráningar í þjóðskrá í Noregi BLÁTT
Við flutning til Noregs frá öðru norrænu landi til lengri dvalar en sex mánaða er fólki
með norrænt ríkisfang, og þá einnig norskum ríkisborgurum, skylt að sækja um
skráningu í þjóðskrá hjá Skatteetaten í Noregi. Kröfur um framlagningu gagna eru
ólíkar því sem tíðkast annars staðar á Norðurlöndum.
Hindrun sem Vibeke Hammer-Madsen, Noregi, hefur sinnt sem forgangsmáli frá
árinu 2017.
Réttur til starfsleyfis til að sinna pólitísku starfi í öðru norrænu ríki BLÁTT NO*
Þau sem búa í einu landi og starfa í öðru eiga ekki rétt á starfsleyfi til að sinna
pólitískum störfum í búsetulandinu. Þetta getur aftrað þeim frá að taka að sér pólitísk
verkefni.
Hindrun sem Eva Tarselius-Hallgren, Svíþjóð, og Bertel Haarder, Danmörku, hafa sinnt
sem forgangsmáli frá árinu 2014.
Viðurkenning á grænlenskum ökuskírteinum BLÁTT leyst í Danmörku*
Heimilt er að nota grænlenskt ökuskírteini í 90 daga eftir flutning til Danmerkur en að
þeim tíma liðnum er skylt að taka próf til að staðfesta aksturshæfni. Próf til að
staðfesta aksturshæfni verður að teljast tilgangslaust ef ökumaður hefur þegar haft
akstursheimild í 90 daga. Á Norðurlöndum gilda mismunandi reglur um færeysk
ökuskírteini annars vegar og grænlensk hins vegar, og eru reglurnar um færeysk
skírteini oft hagfelldari en þær sem gilda um grænlensk skírteini. Heimilt er að nota
færeyskt ökuskírteini í Danmörku án þess að endurnýja skírteinið eða gangast undir
ökupróf.
Hindrun sem Lisbeth Møller Jensen, Grænlandi, hefur sinnt sem forgangsmáli frá
árinu 2014. Norrænir sjúkraliðar í Danmörku – veiting réttinda/heimildar til að starfa sem social- og sundhedsassistent BLÁTT NO* Hindrun sem Bertel Haarder, Danmörku, hefur sinnt sem forgangsmáli frá árinu 2018.
Lægri fæðingarorlofsgreiðslur vegna námslána eða námsstyrkja frá „röngu“ landi BLÁTT Hindrun sem Eva Tarselius-Hallgren, Svíþjóð, hefur sinnt sem forgangsmáli frá
árinu 2019.
14 / 28
----
Mál sem merkt eru með * hafa verið leyst að hluta, þ.e. ekki í öllum hlutaðeigandi
ríkjum.
Mál sem felld hafa verið niður í hlutaðeigandi ráðuneyti. Mál sem hlotið hafa
afgreiðslu án þess þó að lausn hafi fundist.
Tilhögun skattskila í Noregi torveldar framkvæmd verkefna í byggingariðnaði
BLÁTT
Fyrirtæki, meðal annars í byggingariðnaði, sem taka að sér tímabundin verkefni í
Noregi mæta miklum erfiðleikum í samskiptum sínum við stjórnsýslustofnanir,
jafnvel þótt um sé að ræða stök verkefni sem standa aðeins um nokkurra mánaða
skeið. Forsvarsmenn fyrirtækjanna telja að skattyfirvöld í Noregi afgreiði mál með
vísan til norskra reglna, en ekki ákvæða norræna tvísköttunarsamningsins. Þetta
hefur leitt til þess að tvö af hverjum þremur dönskum fyrirtækjum gefast upp í
tilraunum sínum við að hefja starfsemi á norska markaðnum – annað hvort strax í
upphafi eða áður en ár er liðið.
Hindrun sem Vibeke Hammer-Madsen, Noregi, og Bertel Haarder, Danmörku, hafa sinnt
sem forgangsmáli frá árinu 2015.
Tímafrek formsatriði vegna millilandaflutninga á sýnum úr sjávarspendýrum
BLÁTT
Hindrun sem John Johannessen, Færeyjum, og Lisbeth Møller Jensen, Grænlandi, hafa
sinnt sem forgangsmáli frá árinu 2018.
Tímabundinn flutningur á hestum milli Noregs og Svíþjóðar BLÁTT
Algengt er að dýraeigendur lendi í miklum erfiðleikum þegar þeir hyggjast flytja
hesta sína yfir landamærin milli Noregs og Svíþjóðar, annað hvort til keppni eða
æfinga.
Hindrun sem Vibeke Hammer-Madsen, Noregi, og Eva Tarselius-Hallgren, Svíþjóð, hafa
sinnt sem forgangsmáli frá árinu 2017.
15 / 28
Önnur forgangsmál á sviði stjórnsýsluhindrana sem
Stjórnsýsluhindranaráð hefur unnið að á tímabilinu 1. júlí 2018–
30. júní 2019
Sjúkrabætur fyrir ferðir sjúklinga milli Noregs og Finnlands/Svíþjóðar GRÆNT SE
Launþegar sem búsettir eru í Finnlandi eða Svíþjóð en sækja vinnu í Noregi, og njóta
þar með almannatrygginga og eru skattskyldir í Noregi, eiga ekki sama rétt til bóta
vegna ferða sem þeir fara frá heimili sínu í Finnlandi eða Svíþjóð til að sækja sér
læknisaðstoð eða umönnun á sjúkrahúsi í Noregi og vinnufélagar þeirra sem eru bæði
búsettir og sækja vinnu í Noregi.
Hindrun sem Eva Tarselius-Hallgren, Svíþjóð, hefur sinnt sem forgangsmáli frá
árinu 2017.
Viðurkenning á færeyskum ökuskírteinum GRÆNT
Færeysku ökuskírteini fæst ekki skipt fyrir sænskt eða finnskt skírteini við
búferlaflutning til þessara landa.
Hindrun sem John Johannessen, Færeyjum, hefur sinnt sem forgangsmáli frá
árinu 2014.
Viðurkenning á grænlenskum ökuskírteinum GRÆNT (óleyst í öðrum norrænum
ríkjum en DK)
Heimilt er að nota grænlenskt ökuskírteini í 90 daga eftir flutning til Danmerkur en að
þeim tíma liðnum er skylt að taka próf til að staðfesta aksturshæfni. Próf til að
staðfesta aksturshæfni verður að teljast tilgangslaust ef ökumaður hefur þegar haft
akstursheimild í 90 daga. Á Norðurlöndum gilda mismunandi reglur um færeysk
ökuskírteini annars vegar og grænlensk hins vegar, og eru reglurnar um færeysk
skírteini oft hagfelldari en þær sem gilda um grænlensk skírteini. Heimilt er að nota
færeyskt ökuskírteini í Danmörku án þess að endurnýja skírteinið eða gangast undir
ökupróf.
Hindrun sem Lisbeth Møller Jensen, Grænlandi, hefur sinnt sem forgangsmáli frá
árinu 2014.
Réttur til starfsleyfis til að sinna pólitísku starfi í öðru norrænu ríki GRÆNT SE DK
Þau sem búa í einu landi og starfa í öðru eiga ekki rétt á starfsleyfi til að sinna
pólitískum störfum í búsetulandinu. Þetta getur aftrað þeim frá að taka að sér pólitísk
verkefni.
16 / 28
Hindrun sem Eva Tarselius-Hallgren, Svíþjóð, og Bertel Haarder, Danmörku, hafa sinnt
sem forgangsmáli frá árinu 2014.
Kennitala fyrir erlenda eigendur sumarbústaða í Svíþjóð GRÆNT
Erlendum eigendum sumarbústaða í Svíþjóð getur reynst erfitt að skrá sig fyrir
rafmagni, síma og nettengingu þar sem þeir hafa hvorki venjulega sænska kennitölu
né kennitölu fyrir einstaklinga utan þjóðskrár.
Hindrun sem Eva Tarselius-Hallgren, Svíþjóð, og Bertel Haarder, Danmörku, hafa sinnt
sem forgangsmáli frá árinu 2014.
Færeysk ökuritakort GRÆNT
Færeyskum atvinnubílstjórum reynist örðugt að fá útgefin rafræn ökuritakort í
Færeyjum. Bílstjórar geta því ekki skráð aksturstíma sinn í samræmi við reglur sem
gilda í Danmörku og annars staðar á Norðurlöndum.
Hindrun sem John Johannessen, Færeyjum, hefur sinnt sem forgangsmáli frá
árinu 2014.
Mismunandi kröfur um merkingu lyfja og um tungumál á fylgiseðlum með lyfjum
GRÆNT
Á Norðurlöndum eru kröfur um merkingu lyfja breytilegar frá einu landi til annars.
Fyrir kemur að fullnægja þurfi mismunandi lagaákvæðum um merkingar þótt
samræmdar reglur gildi um lyfin sjálf. Fyrirtæki þurfa oft ekki aðeins að þýða
merkingarnar, heldur láta endurhanna umbúðirnar að öllu leyti. Afleiðingin er hærra
verð til neytenda og minna vöruúrval.
Hindrun sem John Johannessen, Færeyjum, Siv Friðleifsdóttir, Íslandi, Lisbeth Møller
Jensen, Grænlandi, og Bertel Haarder, Danmörku hafa sinnt sem forgangsmáli frá
árinu 2016.
Flutningar einstaklinga sem búa á stofnunum GRÆNT
Samkvæmt ákvæðum Norðurlandasamnings um félagslega aðstoð og félagslega
þjónustu ber hlutaðeigandi stjórnvöldum að hafa með sér samstarf um að gera
öldruðum og þeim sem dvelja á stofnunum kleift að flytja til þess lands sem þeir
tengjast sterkustum böndum. Þetta hefur reynst erfitt í framkvæmd þar eð óljóst er
hvernig löndin eiga að skipta með sér kostnaði og ábyrgð.
Hindrun sem Bertel Haarder, Danmörku, hefur sinnt sem forgangsmáli frá árinu 2014.
17 / 28
Umönnunarbætur fást ekki greiddar nema umönnunaraðili og sjúklingur njóti
báðir trygginga í Svíþjóð GRÆNT
Umönnunarbætur eru greiðslur til einstaklings vegna vinnu við umönnun náins
ættingja sem þjáist af svo alvarlegum sjúkdómi að líf hans er í mikilli hættu.
Hindrun sem Eva Tarselius-Hallgren, Svíþjóð, og Gunnar Westerholm, Álandseyjum,
hafa sinnt sem forgangsmáli frá árinu 2016.
Tollar og tryggingagjöld vegna millilandaflutninga á vörum GRÆNT
Vandkvæða vegna tollgreiðslna verður oft vart í tengslum við tímabundinn
innflutning á vörum, ekki síst til Noregs, enda eru norskar tollareglur almennt taldar
hafa í för með sér meiri stjórnsýslubyrði og umfangsmeiri gjaldtöku en fyrirtæki eiga
að venjast.
Hindrun sem Kimmo Sasi, Finnlandi, hefur sinnt sem forgangsmáli frá árinu 2017.
Ferðaþjónusta fyrir fatlað fólk GRÆNT
Reglur einstakra landa um rétt til ferðaþjónustu gera það kostnaðarsamt og flókið
fyrir fatlað fólk að ferðast innan Norðurlanda. Vandinn stafar að hluta til af því að
ákvarðanir um rétt til ferðaþjónustu eru teknar í mismunandi stofnunum og á
mismunandi stjórnsýslustigum í norrænu löndunum.
Hindrun sem Vibeke Hammer-Madsen, Noregi, hefur sinnt sem forgangsmáli frá
árinu 2017.
Leiðsöguhundur á ferðalögum GRÆNT IS
Fólk sem ferðast með leiðsöguhund innan Evrópusambandsins þurfa sem stendur að
hlíta sömu reglum og ferðamenn sem ferðast með gæludýr. Því fylgir mikill kostnaður
og langur afgreiðslutími vegna bólusetninga og útgáfu vottorða fyrir hundinn.
Hindrun sem Siv Friðleifsdóttir, Íslandi, hefur sinnt sem forgangsmáli frá árinu 2018.
18 / 28
Persónulegur aðstoðarmaður við búferlaflutninga GRÆNT
Mjög hreyfihömluðu fólki með persónulegan aðstoðarmann getur reynst erfitt að
halda aðstoðarmanninum í tengslum við búferlaflutninga. Rétturinn til
aðstoðarmanns er metinn sérstaklega í hverju landi og ráðningarkjör persónulegra
aðstoðarmanna eru ólík eftir löndum.
Hindrun sem Vibeke Hammer-Madsen, Noregi, hefur sinnt sem forgangsmáli frá
árinu 2017.
Viðurkenning foreldratengsla í fjölskyldum með samkynja foreldrum GRÆNT SE
Í sumum Norðurlandanna eru foreldratengsl sem til hefur stofnast á grundvelli
samþykkis ekki viðurkennd ef foreldrarnir eru af sama kyni og hafa eignast barnið
með aðstoð tæknifrjóvgunar.
Hindrun sem Siv Friðleifsdóttir, Íslandi, hefur sinnt sem forgangsmáli frá árinu 2017.
Verðmætaflutningar yfir landamæri GRÆNT
Kröfur, sem finnsk verðmætaflutningafyrirtæki og starfsmenn þeirra verða að
fullnægja samkvæmt sænskum reglum til þess að mega flytja evrur frá verslunum í
hinum sænska hluta Torneå Haparanda, valda því að fyrirtækin verða að koma sér
upp ýmsum viðbótarbúnaði og greiða kostnað við viðbótarmenntun starfsmannanna.
Þessar kröfur gera finnskum verðmætaflutningafyrirtækjum í reynd ókleift að sækja
evrur til verslana Svíþjóðarmegin landamæranna og flytja þær beint í finnskan banka.
Hindrun sem Kimmo Sasi, Finnlandi, hefur sinnt sem forgangsmáli frá árinu 2017.
Réttur til atvinnuleysisbóta í framhaldi af launalausu leyfi og uppsögn úr starfi í
Noregi GRÆNT
Launþegar sem eru búsettir í Svíþjóð og hafa fengið launalaust leyfi frá starfi í Noregi
eða Finnlandi eiga erfitt með að fá atvinnuleysisbætur.
Hindrun sem Kimmo Sasi, Finnlandi, hefur sinnt sem forgangsmáli frá árinu 2017.
Lærlingsstöður í Danmörku og Svíþjóð GRÆNT
Hindrun sem Bertel Haarder, Danmörku, hefur sinnt sem forgangsmáli frá árinu 2018.
19 / 28
Norrænir sjúkraliðar í Danmörku – veiting réttinda/heimildar til að starfa sem social- og sundhedsassistent GRÆNT SE Hindrun sem Bertel Haarder, Danmörku, hefur sinnt sem forgangsmáli frá árinu 2018.
Dreifitálmun GRÆNT
Hindrun sem Bertel Haarder, Danmörku, hefur sinnt sem forgangsmáli frá árinu 2018.
Hraðari upplýsingagjöf til þeirra sem búa erlendis GRÆNT
Hindrun sem Gunnar Westerholm, Álandseyjum, hefur sinnt sem forgangsmáli frá
árinu 2018.
Starfsþjálfun sálfræðinga á Álandseyjum GRÆNT
Sænskir sálfræðinemar geta ekki lokið skyldubundinni starfsþjálfun sinni að öllu leyti
á Álandseyjum sökum þess ákvæðis í gildandi reglum að starfsþjálfunin verði að fara
fram í Svíþjóð að hluta til enda þótt sams konar þjálfun sé veitt á Álandseyjum.
Starfsnemar forðast Álandseyjar af þessum sökum með þeim afleiðingum að örðugra
verður á komandi árum að fá til starfa skólasálfræðinga, meðal annarra.
Hindrun sem Gunnar Westerholm, Álandseyjum, hefur sinnt sem forgangsmáli frá
árinu 2018.
Íslensk börn sem flytjast til Danmerkur eru látin setjast í lægri bekk í skóla en jafnaldrar þeirra GRÆNT
Fréttir hafa borist af því að sum íslensk börn hafi verið látin setjast í lægri bekk í skóla
eftir flutning til Danmerkur.
Hindrun sem Siv Friðleifsdóttir, Íslandi, hefur sinnt sem forgangsmáli frá árinu 2018.
Talnagögn frá landamærasvæðum GRÆNT
Hindrun sem Eva Tarselius-Hallgren, Svíþjóð, hefur sinnt sem forgangsmáli frá
árinu 2019.
20 / 28
Upplýsingagjöf til útlanda þegar fólk með tvöfalt ríkisfang fellur frá GRÆNT Hindrun sem Gunnar Westerholm, Álandseyjum, og Kimmo Sasi, Finnlandi, hafa sinnt
sem forgangsmáli frá árinu 2019.
Greiðslur úr félagslega kerfinu þegar vafi leikur á því hvaða land ber greiðsluskyldu GRÆNT Hindrun sem Kimmo Sasi, Finnlandi, hefur sinnt sem forgangsmáli frá árinu 2019.
Innheimta meðlagsgreiðslna GRÆNT
Hindrun sem Siv Friðleifsdóttir, Íslandi, hefur sinnt sem forgangsmáli frá árinu 2019
Umfjöllun færð ofar á vettvangi stjórnmálanna
Stjórnsýsluhindranaráð hefur allt frá fyrsta starfstímabili sínu sinnt neðangreindum
þremur stjórnsýsluhindrunum sem forgangsmálum. Sú vinna hefur skilað þeim
árangri að með hinni nýju framkvæmdaáætlun um frjálsa för milli Norðurlanda færast
þessar þrjár hindranir ofar á vettvangi stjórnmálanna, þ.e. til hlutaðeigandi
fagráðherranefnda. Stjórnsýsluhindranaráð fylgist með vinnu fagráðherranefndanna
við afnám stjórnsýsluhindrana og er þeim innan handar þegar óskað er eftir.
Viðurkenning starfsréttinda GRÆNT
Á Norðurlöndum njóta margar starfsgreinar verndunar, annað hvort af hálfu hins
opinbera – t.d. samkvæmt lögum – eða á grundvelli reglna sem settar hafa verið í
einstökum greinum atvinnulífsins. Slík ákvæði eru í sumum tilvikum mismunandi milli
norrænu ríkjanna og hindra því frjálsa för launþega.
Hindrun sem Paula Lehtomäki, Norrænu ráðherranefndinni, Kimmo Sasi, Finnlandi,
John Johannessen, Færeyjum, Vibeke Hammer-Madsen, Noregi, og Bertel Haarder,
Danmörku, hafa sinnt sem forgangsmáli frá árinu 2014.
Mismunandi byggingarreglugerðir GRÆNT
Mismunandi ákvæði byggingarreglugerða á Norðurlöndum torvelda starfsemi
verktaka og hamla viðskiptum milli landanna.
Hindrun sem Bertel Haarder, Danmörku, Kimmo Sasi, Finnlandi, og Gunnar
Westerholm, Álandseyjum, hafa sinnt sem forgangsmáli frá árinu 2014.
21 / 28
Stafræn tækni sem notuð er til samskipta við hið opinbera virkar ekki þvert á
landamæri norrænu ríkjanna GRÆNT
Stafræn tækni á borð við rafræn skilríki eða rafrænar undirskriftir, sem opinberar
stofnanir á Norðurlöndum nota í samskiptum sínum við einstaklinga og fyrirtæki,
virka ekki þvert á landamæri ríkjanna.
Hindrun sem Siv Friðleifsdóttir, Íslandi, John Johannessen, Færeyjum, Kimmo Sasi,
Finnlandi, og Eva Tarselius-Hallgren, Svíþjóð, hafa sinnt sem forgangsmáli frá
árinu 2016.
22 / 28
Fylgiskjal 2 – Greinargerð fagsviðanna
Ný og yfirstandandi verkefni á fagsviðunum
1. Félags- og heilbrigðismál, MR-S
Breyttar áherslur að því er varðar stjórnsýsluhindranir sem falla undir MR-S
Vinna MR-S/EK-S við afnám stjórnsýsluhindrana á Norðurlöndum hefur að miklu leyti
beinst að hindrunum sem fjallað var um í skýrslunni „Gränshinder i Norden på social-
och arbetsmarknadsområdet“ (Stjórnsýsluhindranir á Norðurlöndum á sviði félags-
og vinnumarkaðsmála, 2012). Mörgum þessara fyrstu stjórnsýsluhindrana hefur verið
rutt úr vegi og ýmsar þeirra sem eftir standa eru þess eðlis að finna þarf lausn á þeim
innanlands eða í samstarfi við önnur Evrópuríki. Stöðuskýrslur undanfarinna ár hafa
af þessum sökum verið nær óbreyttar í hverju tilviki frá næstu skýrslu á undan.
EK-S ákvað því í október 2016 að leggja framvegis mesta áherslu á að fylgja eftir
fáeinum stjórnsýsluhindrunum sem hafa verið ofarlega á baugi á vettvangi
stjórnmálanna, og sinna ekki lengur með samræmdum hætti þeim hindrunum sem
enn standa eftir af þeim sem fram komu í skýrslunni „Gränshinder i Norden på social-
och arbetsmarknadsområdet“. MR-S/EK-S hyggst framvegis leggja mesta áherslu á
stjórnsýsluhindranir sem unnt er að leysa með norrænu samstarfi.
Mál sem varða stjórnsýsluhindranir eru tekin til umfjöllunar eftir þörfum í þeim
hópum MR-S sem sinna almannatryggingamálum annars vegar og aðstoðarmálum
hins vegar. Hóparnir geta einnig sent EK/MR-S nýjar stjórnsýsluhindranir til
umfjöllunar og ber að leggja sérstaka áherslu á ákvarðanir um slíkar hindranir í
norrænu samstarfi á sviði félags- og heilbrigðismála.
Tekið skal fram að MR-S/EK-S hefur ráðist í ýmis verkefni í því skyni að ryðja
stjórnsýsluhindrunum úr vegi og auðvelda frjálsa för milli Norðurlanda. Þar er m.a.
um að ræða eftirtalið:
Hleypt verður af stokkunum fastmótuðum verkefnum á sviði sjaldgæfra sjúkdóma og
mjög sérhæfðrar meðferðar á grundvelli tillagna norræns starfshóps um mjög
sérhæfða meðferð og norræns samstarfsnets um sjaldgæfar sjúkdómsgreiningar.
Eitt af áherslusviðum framkvæmdaáætlunar Norrænu ráðherranefndarinnar um
norrænt samstarf um málefni fatlaðs fólks 2018–2022 er að auðvelda frjálsa för og
ryðja úr vegi stjórnsýsluhindrunum sem varða umfram allt fólk með fötlun.
MR-S hefur tekið saman bréf til framkvæmdastjórnar Evrópusambandsins í tilefni af
væntanlegri endurskoðun evrópsku lyfjalöggjafarinnar og vekur þar máls á því hvort
löndin geti tekið sig saman um að nota aðeins rafræna fylgiseðla til þess að tryggja
fullnægjandi lyfjaframboð, einkum í löndum með litlum málsvæðum.
23 / 28
Árið 2019 var ákveðið að nokkur hluti fjárveitingar vegna aðgerða til að auðvelda
frjálsa för yrði nýttur til að halda málþing um aðgang heyrnarlausra að
táknmálstúlkun í tengslum við ferðir, störf, nám eða búferlaflutninga á
Norðurlöndum, svo og um réttindi heyrnarlausra til túlkunar á grundvelli
félagsmálasáttmálans.
2. Menntamálasvið, MR-U
Stjórnsýsluhindranir sem njóta forgangs
Viðurkenning starfsréttinda
Nr. 14-122 í gagnagrunni um stjórnsýsluhindranir.
Margar starfsgreinar njóta verndunar, annað hvort af hálfu hins opinbera, t.d.
samkvæmt lögum, eða á grundvelli reglna sem settar hafa verið í einstökum greinum
atvinnulífsins. Slík ákvæði eru mismunandi milli norrænu ríkjanna og hindra því frjálsa
för launþega.
Forgangsmál í Stjórnsýsluráði.
Staða:
Norræna ráðherranefndin telur að opinberar reglur um viðurkenningu löggiltra
starfsgreina á Norðurlöndum þjóni hlutverki sínu vel og hindri í meginatriðum ekki
frjálsa för launþega. Þetta er niðurstaða þeirrar kortlagningar opinberra reglna á
Norðurlöndum um viðurkenningu umsækjenda sem hlotið hafa menntun og
starfsréttindi erlendis sem Norræna ráðherranefndin lét vinna árið 2017 með það fyrir
augum að draga úr stjórnsýsluhindrunum milli norrænu ríkjanna, Færeyja, Grænlands
og Álandseyja. Kortlagningin tók einnig til þeirra sem hafa aflað sér menntunar
og/eða starfsréttinda í landi utan Norðurlanda og Evrópusambandsins.
Kortlagningunni var lýst í skýrslunum „Utdanning, Arbeid og Integrering i Norden –
Delrapport 1“ og „Utdanning, Arbeid og Integrering i Norden – Delrapport 2“.
Til þess að fylgja skýrslunum eftir var í febrúar 2019 skipaður sérstakur starfshópur
sem falið var að skoða hvaða leiðir mætti fara til að auka notkun stafrænna lausna í
tengslum við viðurkenningu erlendrar menntunar og starfsréttinda í því skyni að gera
ferlið vandaðra og skilvirkara. Þá er áformað að frá haustinu 2019 verði byrjað að
athuga hvernig breikka megi núverandi norrænt samstarf um viðurkenningu á
vitnisburði um æðri menntun þannig að það nái einnig til annarra tegunda
vitnisburðar, til að mynda á sviði starfsmenntunar.
Á vegum Norrænu ráðherranefndarinnar verður einnig hleypt af stokkunum
tilraunaverkefni sem fólgið verður í því að velja eina eða tvær tilteknar starfsgreinar
og rannsaka hvort þær geti sinnt þessu verkefni með því að setja sér sjálfar reglur.
Greinarnar verða valdar með það í huga að hefja viðræður við fulltrúa hverrar
24 / 28
starfsgreinar um hvert umfang reglnanna ætti að vera og hvernig þær gætu nýst til að
tryggja frjálsa för á norrænum vinnumarkaði.
Samstarfsráðherrarnir samþykktu framkvæmdaáætlun Norrænu
ráðherranefndarinnar um frjálsa för milli Norðurlanda 2019–2021 hinn
7. febrúar 2019. Samkvæmt áætluninni á Norræna ráðherranefndin meðal annars að
vinna að því að tryggja að eftirtalin markmið náist fyrir tilstuðlan MR-U í samvinnu við
menntamálasviðið: 1. Gagnkvæm viðurkenning á menntun, 2. sjálfvirk viðurkenning
og 3. gagnkvæm viðurkenning á starfsréttindum og faggildingu. Með þessum hætti
eru náin tengsl milli framkvæmdaáætlunarinnar annars vegar og yfirstandandi og
áformaðrar starfsemi á þessu sviði hins vegar.
Að öðru leyti vísast til svars Norrænu ráðherranefndarinnar við tilmælum 19/2016
Samræming á vinnureglum og viðurkenning á menntun auðveldi frjálst flæði
vinnuafls.
3. Vinnumálasvið, MR-A – Stjórnsýsluhindranir sem njóta forgangs
Stjórnsýsluhindranir sem ekki hefur verið leyst úr
Viðbótarkröfur um unnin störf til að geta lagt saman starfs- og tryggingartímabil
frá öðru landi þegar sótt er um atvinnuleysisbætur
Nr. 14-090 í gagnagrunni um stjórnsýsluhindranir.
Þegar starfs- og tryggingartímabil frá öðru norrænu landi eru lögð saman gera sum
löndin viðbótarkröfur um að einstaklingurinn hafi starfað í tiltekinn tíma í landinu.
Staða: Reglum í Noregi var breytt haustið 2011. Eftir þá breytingu er þess ekki
lengur krafist að launþegi hafi unnið í landinu í átta vikur eða lengur til þess að
heimilt sé að leggja saman starfstímabil og réttindatímabil í almannatryggingakerfi
annars EES-ríkis þegar sótt er um atvinnuleysisbætur. Hindruninni hefur því verið
rutt úr vegi í Noregi. Svíar telja að hindrunin eigi ekki við í Svíþjóð. Vera kann að
lausn verði fundin á vettvangi Evrópusambandsins í tengslum við túlkun á ákvæðum
6. kafla reglugerðar (EB) nr. 883/2004. Í Danmörku og Finnlandi er þess beðið að
slíkri umfjöllun um 6. kafla reglugerðar nr. 883/2004 ljúki.
Langur afgreiðslutími ESB-mála
Nr. 14-042 í gagnagrunni um stjórnsýsluhindranir.
Afgreiðslutími umsókna um almannatrygginga- og atvinnuleysisbætur er mislangur á
Norðurlöndum. Afgreiðslutími ESB-mála getur orðið enn lengri sökum þess að
stofnunin sem á í hlut getur þurft að afla sér upplýsinga frá samsvarandi stofnun í
öðru landi. Þetta getur valdið þeim sem um ræðir erfiðleikum við framfærslu. Mikil
fjölgun á atvinnuleysisskrá getur einnig leitt til lengri afgreiðslutíma.
25 / 28
Staða: Hvatt er til þess að áfram verði unnið að styttingu afgreiðslutímans í hverju
landi. Haustið 2018 var haldið málþing með þátttöku starfsmanna í stofnunum sem
sinna málum af þessu tagi, með það fyrir augum að stytta afgreiðslutíma og bæta
samstarf. EK-A hyggst kalla eftir upplýsingum um stöðu þessara mála á árinu 2019
eftir að þau hafa verið rædd í norræna almannatryggingahópnum og norræna
atvinnuleysistryggingahópnum.
Hindranir sem rutt hefur verið úr vegi eða hlotið hafa afgreiðslu
Ferðastyrkir fást ekki greiddir vegna atvinnuviðtala í öðrum löndum
Nr. 14-018 í gagnagrunni um stjórnsýsluhindranir.
Atvinnuleitendur geta fengið ferðastyrk vegna atvinnuviðtala innanlands en ekki
vegna atvinnuviðtala í öðrum löndum.
Staða: Litið er svo á að hindruninni hafi verið rutt úr vegi í Svíþjóð, Noregi, Danmörku
og Finnlandi. Samkvæmt ákvörðun EK-A, sem tekin var með skriflegri meðferð, telst
þessari stjórnsýsluhindrun hafa verið rutt úr vegi í löndunum sem um ræðir.
Krafa um samfellda aðild að atvinnuleysistryggingum í mismunandi löndum til að
ekki sé hætta á skerðingu atvinnuleysisbóta
Nr. 14-004 í gagnagrunni um stjórnsýsluhindranir.
Einstaklingur sem búsettur er í einu landi og hefur störf í öðru en öðlast ekki aðild að
atvinnuleysistryggingasjóði frá fyrsta starfsdegi getur átt á hættu að
atvinnuleysisbætur verði skertar vegna rofs á tryggingatímabili.
Forgangsmál í Stjórnsýsluráði.
Staða: Hindruninni hefur verið rutt úr vegi með laga- og reglugerðarbreytingum sem
öðluðust gildi 2. júlí 2018. Í lögunum kemur nú skýrt fram að forsenda þess að öðlast
rétt til tekjutengdra bóta er samfelld aðild að sjóðnum um að minnsta kosti tólf
mánaða skeið. Í reglugerð er tilgreint í hvaða tilvikum rof á samfelldri aðild að
atvinnuleysistryggingasjóði skuli teljast heimilt þegar sjóðurinn metur hvort
aðildarskilyrði atvinnuleysistryggingarinnar hefur verið fullnægt.
Í dönsku löggjöfinni er tekið tillit til þess að tryggingatímabil geti rofnað í allt að
8 vikur (2×8 vikur). Stjórnsýsluhindrunin varðar hvorki Noreg né Finnland.
Réttur til atvinnuleysisbóta að loknu tímabili þar sem greiddar voru t.a.m.
vinnumatsgreiðslur (arbeidsavklaringspenge) frá Noregi
Nr. 14-034 í gagnagrunni um stjórnsýsluhindranir.
26 / 28
Þegar einstaklingur sem hefur starfað í öðru landi sækir um atvinnuleysisbætur í
búsetulandinu þarf hann að afhenda stofnuninni sem metur rétt hans til
atvinnuleysisbóta vottorð til staðfestingar á trygginga- og ráðningartímabili í fyrra
starfslandi. Ólíkar reglur gilda í löndunum um hvaða tímabil skuli votta og taka tillit
til. Greiðslutímabil svonefndra arbeidsavklaringspenger teljast ekki til
tryggingatímabila samkvæmt norskum lögum og þrengja því réttinn til tekjutengdra
atvinnuleysisbóta.
Forgangsmál í Stjórnsýsluráði.
Staða: Viðræður milli hlutaðeigandi stjórnvalda/stofnana í Svíþjóð og Noregi hafa
leitt til þess að fram er komin hagnýt lausn sem að sögn hefur reynst fullnægjandi.
Svíar telja að sá þáttur málsins sem varðar réttinn til atvinnuleysisbóta hafi verið
leystur með því að staðfesting á tímabili komi fram í fylgiskjali. Tekjutengdar bætur
fáist þó ekki greiddar þar eð tímabilið þegar AAP eru greiddir geti ekki talist
tryggingatímabil sökum þess að enginn réttur til atvinnuleysisbóta stofnast vegna
þess tíma í Noregi heldur.
Vinnumálaráðuneytið í Svíþjóð lítur svo á að afar erfitt yrði að leysa þetta með
breytingum á sænskri löggjöf. Stjórnsýsluhindranaráð lítur svo á að hindruninni sem
varðar staðfestingu á tímabili hafi verið rutt úr vegi og hindrunin sem varðar
tekjutengdar bætur hefur verið afgreidd þótt ekki hafi tekist að finna lausn á henni. Á
þessum grunni hafa EK-A og MR-A ákveðið að sinna þessari stjórnsýsluhindrun ekki
frekar. Áframhaldandi samræður verða milli Norðmanna og Svía um þessa
stjórnsýsluhindrun.
Aldursmörk vegna skráningar í sænskan atvinnuleysistryggingasjóð
Nr. 14-092 í gagnagrunni um stjórnsýsluhindranir.
Skráning í sænskan atvinnuleysistryggingasjóð getur ekki átt sér stað eftir að 64 ára
aldri er náð. Þetta getur valdið þeim erfiðleikum sem starfað hafa í öðru landi og
misst atvinnuna. Án aðildar að atvinnuleysistryggingasjóði myndast enginn réttur til
tekjutengdra atvinnuleysisbóta í Svíþjóð.
Staða: Hindruninni hefur verið rutt úr vegi með lagabreytingu sem öðlaðist gildi
2. júlí 2018. Rétturinn til aðildar að atvinnuleysistryggingasjóði er víkkaður og gildir
nú til næstu mánaðamóta fyrir mánuðinn sem umsækjandi nær 65 ára aldri.
4. MR-Vækst (atvinnulíf); stjórnsýsluhindranir sem njóta forgangs
Stjórnsýsluhindranir sem ekki hefur verið leyst úr
Hindranir sem sviðið hefur gert að forgangsmálum
27 / 28
Ólíkir staðlar fyrir byggingarefni Nr. 14-076 í gagnagrunni um stjórnsýsluhindranir.
Staðlar fyrir byggingarefni eru mismunandi á Norðurlöndum og torveldar það
viðskipti yfir landamæri og starfsemi byggingarfyrirtækja í fleiri en einu landi.
Áhersluatriði að því er varðar stjórnsýsluhindrun 14-076 eru raki, lofthæð, handrið,
dyr, gluggar, aðgengi, hljóðvist og brunavarnir.
Forgangsmál í Stjórnsýsluráði
Staða: Hinn 29. maí 2018 var haldinn á vegum MR-VÆKST (atvinnulíf) fundur með
ráðherrum byggingarmála í Svíþjóð, Noregi, Finnlandi, Íslandi og Álandseyjum og
samþykktu þeir yfirlýsingu um að auka norræna samvinnu á þessu sviði. Áhersluatriði
yfirlýsingarinnar eru sem hér segir: samræming byggingarreglna, skilvirkari tilhögun
skipulags og framkvæmda með aðstoð stafrænnar væðingar, og loftslagsáhrif
bygginga þegar litið er til heildarlíftíma þeirra. Samstarfssvið um atvinnustefnu
samþykkti hinn 9. október 2018 áætlun um hvernig yfirlýsingunni skyldi fylgt eftir og
lýsti yfir að yfirumsjón með áætluninni yrði á hendi sviðsins. Meðal fyrstu aðgerða í
því samhengi er að sviðið hefur ákveðið að ráðstafa fjármunum til tilraunaverkefnis
um samræmingu á sviði aðgengismála, og í tengslum við undirbúning
fjárhagsáætlunar ársins 2020 hefur sviðið lagt til að áhersla verði lögð á að fylgja
yfirlýsingunni, en að auki hefur sviðið í áætlun MR-SAM um að auðvelda frjálsa för
fengið úthlutað 1 milljón danskra króna til að vinna að samræmingu byggingarreglna.
Fyrir tilstuðlan Nordic Innovation hélt samstarfssvið um atvinnustefnu ásamt
Standard Norge einnig norrænan samræðufund um byggingarstaðla hinn
11. desember 2018. Tilgangur fundarins var að gefa fulltrúum staðlasamtaka og
stjórnvalda tækifæri til að hittast og styrkja þannig samvinnu þeirra í milli um
samræmingu byggingarreglna og byggingarstaðla. Rætt var um hugsanlega
samvinnu norrænu ríkjanna um Eurocodes með það að markmiði að móta
sameiginleg viðmið um gerð þjóðarviðauka, og hvernig tryggja mætti á norrænum
vettvangi að sama aðferð verði notuð við innleiðingu alþjóðastaðla í löggjöf allra
norrænu ríkjanna.
Ásmundur Einar Daðason, íslenski félagsmálaráðherrann, hefur boðað ráðherra
byggingar- og húsnæðismála til fundar hinn 10. október 2019.
28 / 28
5. MR-DIGITAL Stafræn tækni sem notuð er til samskipta við hið opinbera virkar ekki þvert á
landamæri norrænu ríkjanna
Stafræn tækni á borð við rafræn skilríki eða rafrænar undirskriftir, sem opinberar
stofnanir á Norðurlöndum nota í samskiptum sínum við einstaklinga og fyrirtæki,
virka ekki þvert á landamæri ríkjanna.
Á vegum MR-DIGITAL verður haustið 2019 hafin vinna við tölvuskeytasendingar milli
hins opinbera og almennings (G2C). Verkefnið verður þáttur í viðameiri starfsáætlun
sem ætlað er að tryggja aðgang að stafrænni þjónustu þvert yfir landamæri. Fyrsta
skrefið verður að kortleggja þær lausnir sem Norðurlönd (og Eystrasaltsríkin) hafa
notast við. Útboð hefur verið auglýst og þess er að vænta að ráðgjafarfyrirtæki ljúki
kortlagningunni fyrir fund MR-DIGITAL í nóvemberlok. Næsta verkefni verður síðan
að skoða hvernig tengja má lausnirnar þvert á landamæri til þess að gera
stjórnvöldum hvers norræns lands kleift að nota netföng íbúa í öðru landi. Þessi vinna
hefst árið 2020 undir forystu Danmarks Digitaliseringsstyrelse.