Upload
others
View
0
Download
0
Embed Size (px)
Citation preview
Il-Malti – Il-Qari u l-Kitba – L-Għaxar Sena – Rotta 3 – 2017 Paġna 1 minn 12
ID-DIRETTORAT GĦAL KWALITÀ U STANDARDS FL-EDUKAZZJONI
Id-Dipartiment tat-Tmexxija tal-Kurrikulu
It-Taqsima tal-Assessjar Edukattiv
L-Eżamijiet Annwali 2017
L-GĦAXAR SENA IL-MALTI (Il-Qari u l-Kitba) IL-ĦIN: Sagħtejn
L-isem u l-kunjom: ____________________________________ Il-klassi: _______________
Għall-istudent/a:
1. Wieġeb il-mistoqsijiet kollha kif mitlub/a.
2. L-ortografija, il-punteġġjatura, is-sintassi, l-ideat u l-preżentazzjoni tajbin jgħinuk tikseb
riżultati aħjar.
Għall-għalliema:
Il-M
AR
KI
It-Taħdit 10
Il-Fehim mis-Smigħ 10
Il-Qari u l-Kitba 80
IT-TOTAL 100
Taqsima 1A 1B 1Ċ 1D 1E 2A 2B TOTAL
Marka 10 4 8 8 20 15 15 80
Marka
tal-
Istudent/a
Kummenti:
___________________________________________________________________________________
___________________________________________________________________________________
___________________________________________________________________________________
Rotta 3
Paġna 2 minn 12 Il-Malti – Il-Qari u l-Kitba – L-Għaxar Sena – Rotta 3 – 2017
L-EWWEL TAQSIMA: IL-LINGWA (50 MARKA)
Aqra s-silta li ġejja u wieġeb il-mistoqsijiet ta’ wara.
Il-Vulkan Vessuvju
Il-Vulkan Vessuvju li jinsab qrib ħafna ta’ Napli baqa’ msemmi
minħabba li kien qered kompletament iż-żewġt ibliet ta’ Pompej
u Erkolanum meta dan żbroffa fis-sena 79 Wara Kristu. Min forsi
xi darba sema’ b’din l-istorja jew inkella ra l-film Pompeii, jaf
il-ħerba kbira li ħalla dan il-vulkan fl-iżbroff ta’ dak iż-żmien.
Allura tistgħu timmaġinaw x’jiġri jekk il-Vessuvju, li hu kkunsidrat bħala wieħed mill-aktar perikolużi
fid-dinja, jerġa’ jiżbroffa bl-istess qawwa llum il-ġurnata! (par.1)
Milli jidher, skont l-esperti f’dan il-qasam, il-mistoqsija mhijiex jekk il-Vessuvju jiżbroffax jew le iżda
meta dan se jiżbroffa! Il-ġeoloġi u l-vulkanoloġisti li jinsabu kontinwament jistudjaw dan il-vulkan, qed
isostnu li l-Vessuvju wasal biex jiżbroffa u għaldaqstant bħalissa jinsab taħt il-lenti 24 siegħa kuljum.
Bħala prevenzjoni, f’dawn l-aħħar ġimgħat, l-awtoritajiet Taljani ħejjew ukoll pjan ta’ evakwazzjoni
għall-bliet tal-madwar li jinsabu f’dawk li huma magħrufa bħala żoni ħomor. Bħalissa hemm madwar
600,000 ruħ jgħixu f’dawn it-tmintax-il belt. (par.2)
Il-pjan juri biċ-ċar kif jistgħu jiġu evakwati dawn il-bliet sa minn 72 siegħa qabel ma jseħħ l-iżbroff.
L-esperti qed javżaw lill-Gvern Taljan li l-pjan għandu jiġi estiż ukoll għall-belt ta’ Napli minħabba li
jekk l-iżbroff tal-vulkan ikun b’saħħtu ħafna, jista’ jitfa’ lava sa 12-il mil ’il bogħod. Jekk jiġri hekk,
il-ħajja ta’ madwar 3 miljun persuna tista’ tkun fil-periklu. L-aħħar darba li żbroffa l-Vessuvju kien
fl-1944. Dan l-iżbroff kien wieħed żgħir li ma tantx ikkawża ħsara u fih kienu tilfu ħajjithom 26
persuna. (par.3)
Skont riċerka li saret dan l-aħħar, din il-muntanja ħajja mhux se tkun ħanina darb’oħra! Il-Vessuvju
jinsab fuq massa ta’ magma kbira madwar 154 mil kwadru. Meta din il-massa tal-Vessuvju tkun
imqabbla ma’ dik iżgħar li hemm taħt il-Vulkan Kilaeua, li huwa l-aktar wieħed attiv tad-dinja, tant li
żbroffa 34 darba sa mill-1952, tinduna kemm hija akbar il-qawwa tal-Vessuvju, minkejja li żbroffa biss
30 darba mis-sena 79 Wara Kristu. L-iżbroff li jmiss tal-Vessuvju huwa mistenni li jkun b’forza kbira;
żbroff li huwa magħruf bħala plinean, b’titjir ta’ ġebel u rmied b’saħħa ta’ 100 mil fis-siegħa. F’kelma
waħda, il-Vulkan Vessuvju għandu potenzjal tant qawwi li jista’ jordom għalkollox saħansitra l-belt ta’
Napli, minkejja li mhijiex waħda mill-bliet li jinsabu f’żoni ħomor. (par.4)
(Addattata minn Wasal biex jiżbroffa?, mir-rivista Mużajk, Novembru, 2016)
Il-Malti – Il-Qari u l-Kitba – L-Għaxar Sena – Rotta 3 – 2017 Paġna 3 minn 12
1A. Fehim it-Test
Wieġeb il-mistoqsijiet fuq li għadek kemm qrajt.
1. Minn dak li qrajt fl-ewwel paragrafu, taħseb li l-iżbroff tal-vulkan Vessuvju fis-sena 79 Wara Kristu
kien wieħed żgħir jew qawwi?
_____________________________________________________________________________(marka)
2. i. Semmi grupp ta’ professjonisti li kontinwament qed jistudjaw dan il-vulkan.
_____________________________________________________________________________(marka)
ii. Għid fi kliemek x’qed isostnu.
___________________________________________________________________________________
___________________________________________________________________________________
(marka)
3. X’għamlu l-awtoritajiet f’każ li jsir żbroff?
___________________________________________________________________________________
(2 marki)
4. Skont is-silta, x’tifhem bil-frażi “żoni ħomor” ?
___________________________________________________________________________________
(marka)
5. Minkejja li l-esperti jisħqu fuq il-qawwa li għandu l-Vulkan Vessuvju, nistgħu ngħidu li dan huwa
l-aktar wieħed attiv fid-dinja? Għaliex?
___________________________________________________________________________________
___________________________________________________________________________________
(2 marki)
6. Fi kliemek iddeskrivi l-forza u x’tip ta’ żbroff mistenni jkun hemm mill-Vessuvju. Għid ukoll
x’konsegwenza jsemmi l-awtur li tista’ sseħħ minħabba dan kollu.
___________________________________________________________________________________
___________________________________________________________________________________
___________________________________________________________________________________
(2 marki)
___
10 marki
Paġna 4 minn 12 Il-Malti – Il-Qari u l-Kitba – L-Għaxar Sena – Rotta 3 – 2017
1B. Għarfien il-Lingwa
1. Fisser dan il-kliem skont kif użat fis-silta:
i. kompletament (par.1): (marka)
ii. jordom (par.4): (marka)
2. “...għaldaqstant bħalissa jinsab taħt il-lenti 24 siegħa kuljum.” (par.2)
Agħti frażi jew kelma oħra li tista’ tuża minflok “taħt il-lenti” biex iżżomm l-istess tifsira tas-silta.
_____________________________________________________________________________(marka)
3. “...din il-muntanja ħajja mhux se tkun ħanina darb’oħra!”
Skont dak li qrajt, x’messaġġ trid tagħti din il-frażi?
___________________________________________________________________________________
_____________________________________________________________________________(marka)
1Ċ. Il-Grammatika
Aqra din is-silta.
Jagħmilha fl-età ta' 105 snin!
Robert Marchand irnexxielu jikseb rekord u jitla’ fl-1 post fil-kategorija taċ-ċiklisti ta’ 105 snin
’il fuq! Dan hekk kif f’siegħa qadef 22.5km. Iċ-ċiklista Franċiż injora l-parir tal-kowċ tiegħu biex
jitlaq ir-rota għax biha mhu se jikseb xejn u baqa’ jaqdef. Ta’ età żgħira huwa beda jaqdef imma kien
ikkunsidrat żgħir wisq għal dan l-isport. Biss ma qatax qalbu u ta’ 67 sena reġa’ rikeb ir-rota u minn
dakinhar baqa’ jaqdef mingħajr waqfien. Iċ-ċiklista diġà kien kiser rekord fil-klassifika tal-età ta’ 100
sena. Fl-2012 huwa kien kiser ir-rekord billi qadef kważi 27 km f’siegħa waħda. F’intervista li ġiet
irrappurtata mill-midja, iċ-ċiklista qal li ma qadifx biex ikun rebbieħ imma biex juri li, minkejja l-età
tiegħu, xorta kien għadu jħossu b’saħħtu u seta’ jirkeb ir-rota.
(Addattata minn artiklu ta’ Alvin Vassallo fis-sit elettroniku Newsbook tal-4 ta’ Jannar, 2015)
___
4 marki
___
8 marki
Il-Malti – Il-Qari u l-Kitba – L-Għaxar Sena – Rotta 3 – 2017 Paġna 5 minn 12
Agħżel tmien mistoqsijiet u weġibhom.
1.
Oħroġ il-partiċipju attiv mill-verb immarkat f’din
is-sentenza:
“Ta’ età żgħira hu beda jaqdef.”
2. Sib mis-silta eżempju ta’ partiċipju passiv li ġej
mir-rumanz.
3. Ikteb fi kliem din il-pożizzjoni: “l-1 post”
4. Ikteb id-distanza fi kliem: “27 kilometru”
5. Ta’ liema forma hu l-verb “jħossu” fl-aħħar
sentenza?
6.
Liema hu l-verb kompost f’din il-parti
tas-sentenza?
“Iċ-ċiklista diġà kien kiser rekord fil-klassifika
tal-età ta’100 sena.”
7. Agħti z-zokk morfemiku tal-verb “jelimina”.
8. Liema hu s-suffiss fl-aġġettiv “Franċiż”?
9. Sib avverbju mill-frażi “...kien għadu jħossu
b’saħħtu”.
10. Oħloq mistoqsija diretta għal din it-tweġiba:
“Iċ-ċiklista qal li ma qadifx biex ikun rebbieħ.”
Paġna 6 minn 12 Il-Malti – Il-Qari u l-Kitba – L-Għaxar Sena – Rotta 3 – 2017
1D. Il-Kitba Komunikattiva
L-Ittra Elettronika: Agħżel mistoqsija WAĦDA minn (i) jew (ii).
(i) Għadek kif ġejt lura Malta minn żjara edukattiva li għamilt f’belt Ewropea ma’ grupp ta’ studenti
oħra mill-iskola tiegħek. Ikteb ittra elettronika ta’ bejn 60 u 80 kelma lill-għalliem li ħa ħsiebkom,
is-Sur Mario Deguara. Fiha se tirringrazzjah tal-opportunità li tak biex tkun parti minn dan il-grupp
u tal-programm interessanti li ħejjielkom.
L-indirizz elettroniku tiegħek hu: [email protected]
L-indirizz elettroniku tal-għalliem hu: [email protected]
Ismek hu: Marco Muscat jew Marica Muscat.
Id-data hi: Il-15 ta’ Mejju 2017.
JEW
(ii) Julian hu student li twieled Malta u għex l-ewwel snin tiegħu f’pajjiżna. Meta missieru mar jaħdem
il-Belġju, huwa kompla l-edukazzjoni sekondarja tiegħu fi Brussell. Hu jaf jitkellem tajjeb bil-Malti
u inti ġieli tkellmu u tibgħatlu xi ritratti b’mezzi elettroniċi. Iktiblu ittra elettronika ta’ bejn 60 u 80
kelma biex tħajru jiġi jqatta’ l-vaganzi tas-sajf li ġej mal-familja tiegħek f’Malta.
L-indirizz elettroniku tiegħek hu: [email protected]
L-indirizz elettroniku ta’ Julian hu: [email protected]
Ismek hu: Marco Muscat jew Marica Muscat.
Id-data hi: Il-15 ta’ Mejju 2017.
___
8 marki
Il-Malti – Il-Qari u l-Kitba – L-Għaxar Sena – Rotta 3 – 2017 Paġna 7 minn 12
Ikteb x’għażilt: ___
Lil:____________________________________________________
Mingħand:______________________________________________
Data: ___________________________________
Suġġett:________________________________________________
..............................................................................................................................................................
..............................................................................................................................................................
..............................................................................................................................................................
..............................................................................................................................................................
..............................................................................................................................................................
..............................................................................................................................................................
..............................................................................................................................................................
..............................................................................................................................................................
..............................................................................................................................................................
..............................................................................................................................................................
..............................................................................................................................................................
..............................................................................................................................................................
..............................................................................................................................................................
..............................................................................................................................................................
..............................................................................................................................................................
..............................................................................................................................................................
..............................................................................................................................................................
..............................................................................................................................................................
..............................................................................................................................................................
Paġna 8 minn 12 Il-Malti – Il-Qari u l-Kitba – L-Għaxar Sena – Rotta 3 – 2017
1E. Il-Komponiment
Ikteb madwar 300 kelma fuq WIEĦED minn dawn is-suġġetti fuq karta separata.
1. L-enerġija alternattiva tgħinna ngħixu kemm f’ambjent nadif kif ukoll finanzjarjament aħjar!
Saħħaħ din l-affermazzjoni.
2. Kellha tkun l-ewwel u l-aħħar darba!
3. Waħdi fuq stejġ nistenna l-karozza għall-iskola. Osservazzjonijiet.
4. Is-siti soċjali qed iwasslu biex il-bniedem ikun iktar fiżikament ’il bogħod mis-soċjetà.thn
Taqbel jew ma taqbilx?
IT-TIENI TAQSIMA: IL-LETTERATURA (30 MARKA)
2A. Ir-Referenza għall-Kuntest: Il-Poeżija (Bejn Ħaltejn)
Agħżel WAĦDA (i) jew (ii).
i . Aqra l-poeżija Jum San Valentin ta’ Maria Grech Gando u wieġeb il-mistoqsijiet fuqha.
X’inhi l-kelma qed tirtogħod
hemm fuq ix-xefaq ta’ dan il-jum?
Mhijiex ballun, ħafif u lest
għal-logħob. Pjuttost xi balla
li din l-għodwa qiegħda tistenna 5
l-kanun ta’ ħalqi, lil qalbi
mkebbsa b’rabja liema bħalha –
tistenna l-isfog.
Mela llum sejra npittirlek
kartolina, u nħażżiżilha 10
l-kuluri li jixirqulha:
iswed duħħan bħal moħħi
aħmar nar bħal demmi jbaqbaq –
ja traditur
ma xbajtx tirreġettani minn ġo 15
ħajtek!
Ħa mela ilqa’ u ibla’
dil-balla li rrid naqla’ jien
minn fuq l-istonku.
Ibla’ u ilqa’ 20
u jekk tista’
itfagħhieli lura
qisha ballun.
___
15-il marka
___
20 marka
Il-Malti – Il-Qari u l-Kitba – L-Għaxar Sena – Rotta 3 – 2017 Paġna 9 minn 12
Wieġeb:
1. X’ton qed tuża l-poetessa f’din il-poeżija u għaliex taħseb li qed tużah?
_______________________________________________________________________________
_______________________________________________________________________________
(2 marki)
2. Xi trid tfisser il-poetessa:
i. bl-“iswed duħħan bħal moħħi” (v.12) ____________________________________________
_____________________________________________________________________________
ii. bl-“aħmar nar bħal demmi jbaqbaq” (v.13) _______________________________________
_____________________________________________________________________________
(2 marki)
3. Il-frażi “qisha ballun” (v.23) hija figura tat-taħdit magħrufa bħala _________________________
(marka)
4. i. Għaliex taħseb li l-poetessa tuża ħafna l-apostrofi f’din il-poeżija?
______________________________________________________________________________
(2 marki)
ii. Agħti eżempju ta’ kif il-poetessa tagħmel dan.
__________________________________ (marka)
5. i. Mir-raba’ strofa, sib kelma/frażi li turi r-rabja li l-poetessa qed tħoss ġo fiha.
_____________________________________________________________________________
(marka)
ii. F’din l-istrofa nsibu eżempju ta’ (agħmel fil-kaxxa tat-tweġiba t-tajba)
metafora. similitudni. onomatopea. (marka)
6. Minn dak li hemm fl-aħħar strofa, taħseb li l-poetessa trid li ttemm il-konverżazzjoni mal-‘maħbub
tagħha’? X’taħseb li tixtieq il-poetessa?
_______________________________________________________________________________
_______________________________________________________________________________
(2 marki)
7. Tkellem fuq il-bidla fl-emozzjonijiet tal-poetessa minn kif bdiet il-poeżija sakemm spiċċatha.
_______________________________________________________________________________
_______________________________________________________________________________
_______________________________________________________________________________
(3 marki)
Paġna 10 minn 12 Il-Malti – Il-Qari u l-Kitba – L-Għaxar Sena – Rotta 3 – 2017
JEW
ii . Aqra sewwa l-poeżija B’idejna ta’ Adrian Grima u wieġeb il-mistoqsijiet fuqha.
Waqt l-innu nazzjonali
ma nkunx naf x’se naqbad nagħmel b’idejja.
Huma jaħasra jistennew mumenti bħal dawn bil-ħerqa,
għax niftakar fihom kif inhuma,
mhux bħala strumenti f’idejja. 5
L-innu tagħna, niskopri kull darba,
jindaqq biex ifakkarni li jien dak li jien,
li nilbes dil-ġilda lewn ix-xemx
u dan il-moħħ lewn ix-xagħri.
Meta nħares lejn l-oħrajn 10
nintebaħ x’għandi nagħmel
u ġieli nitfa’ jdejja wara dahri.
Inħossni qisni spalliera
li waħedha baqgħet tistenna li titgħatta;
fidil f’salib it-toroq jitħabat ma’ stering ta’ karozza 15
li ma tridx tistartja;
poplu qed jistenna wara l-bieb ta’ uffiċjal pubbliku
biex isir nazzjon, mingħajr ma jemmen fil-kredenzjali tiegħu stess,
jew l-utilità.
Darb’oħra forsi npoġġihom quddiem għajnejja 20
u nsodd widnejja, f’salt.
Wieġeb:
1. X’ton qed juża l-poeta f’din il-poeżija?
___________________________________________________________________________________
(marka)
2. X’tifsira għandu l-Innu Malti għall-poeta?
___________________________________________________________________________________
(marka)
3. i. Xi jrid ifisser il-poeta meta jgħid “nilbes dil-ġilda lewn ix-xemx”(v.8)?
________________________________________________________________________________
ii. Il-frażi “dil-ġilda lewn ix-xemx” hija figura tat-taħdit magħrufa bħala ______________________
(2 marki)
Il-Malti – Il-Qari u l-Kitba – L-Għaxar Sena – Rotta 3 – 2017 Paġna 11 minn 12
4. Ikkwota żewġ frażijiet mit-tielet strofa li jindikaw kif qed iħossu l-poeta u fissirhom fi kliemek skont
il-kuntest tal-poeżija.
_______________________________________________________________________________
_______________________________________________________________________________
_______________________________________________________________________________
_______________________________________________________________________________
_______________________________________________________________________________
_______________________________________________________________________________
(4 marki)
5. Semmi żewġ karatteristiċi tal-metrika li jagħmlu din il-poeżija waħda moderna.
______________________________________________________________________________
______________________________________________________________________________
(2 marki)
6. X’opinjoni tħoss li għandu l-poeta dwar il-poplu Malti f’din il-poeżija?
_________________________________________________________________________________
_________________________________________________________________________________
_________________________________________________________________________________
(2 marki)
7. Fl-aħħar strofa l-poeta jieħu deċiżjoni importanti. Għaliex taħseb li wasal għaliha din id-deċiżjoni?
_______________________________________________________________________________
_______________________________________________________________________________
_______________________________________________________________________________
(3 marki)
Paġna 12 minn 12 Il-Malti – Il-Qari u l-Kitba – L-Għaxar Sena – Rotta 3 – 2017
2B. Il-Komponiment Letterarju: Ir-Rumanzett (Il-Ħarsa ta’ Rużann)
Agħżel WAĦDA minn (i) jew (ii) u wieġeb fuq karta separata.
Ikteb madwar 200 kelma fuq WIEĦED minn dawn is-suġġetti.
i. Fir-rumanzett Il-Ħarsa ta’ Rużann, naraw li r-relazzjoni ta’ mħabba bejn Rużann u Mark
Antonin twassal għal deċiżjonijiet iebsa. Fid-dawl tal-ambjent li kienu qed jgħixu fih Rużann u
Mark Antonin, iddiskuti d-diffikultajiet li nibtu minn din ir-relazzjoni u x’riżultati kellhom.
JEW
ii. Tul ir-rumanzett, il-leħħiet ta’ Rużann f’għajnejn id-dixxendenti tagħha joffru kuraġġ f’mumenti
diffiċli. Iddiskuti dan fid-dawl ta’ dak li seħħ minn ġenerazzjoni għall-oħra fir-rumanzett ta’
Francis Ebejer, Il-Ħarsa ta’ Rużann.
TMIEM IL-KARTA
___
15-il marka