Upload
idan-fraedslusetur
View
235
Download
3
Embed Size (px)
DESCRIPTION
Ársskýrsla IÐUNNAR fræðsluseturs 2012 - 2013.
Citation preview
ÁRSSKÝRSLA 2012 - 2013 1
ÁRSSKÝRSLA 2012 -2013
2 ÁRSSKÝRSLA 2012 - 2013
INNGANGUR 3
STJÓRN IÐUNNAR 4
IÐAN FRÆÐSLUSETUR 5
FRAMTÍÐARSÝN 6
IÐAN Í TÖLUM 9
GÆÐASTJÓRNUN 10
SÍMENNTUN 11
FYRIRTÆKJAÞJÓNUSTA IÐUNNAR 14
NÝJUNGAR Í FRÆÐSLUSTARFI 16
NÁMS- OG STARFSRÁÐGJÖF 20
IPA 21
NETKÖNNUN 22
ATVINNULEITENDUR 24
NÝJUNGAR Á ÁRINU 25
SVEINSPRÓF 26
NÁMSSAMNINGAR 27
VINNUSTAÐANÁMSSJÓÐUR 29
VERKEFNAVINNA 30
EFNISYFIRLIT
ÁRSSKÝRSLA 2012 - 2013 3
Senn lýkur sjöunda starfsári IÐUNNAR. Starfsemi hófst vorið
2006 en þá sameinuðust fjórar fræðslustofnanir undir merkjum
IÐUNNAR. Fimmta fræðslumiðstöðin bættist svo við skömmu
síðar. Sameining fræðslumiðstöðva í iðnaði hefur skilað sér með
skýrum hætti í mun öflugri starfsemi undir merkjum IÐUNNAR.
Velta og eigið fé hefur aukist með ári hverju. Heildarfjöldi
haldinna námskeiða hefur farið úr 124 árið 2006 í 254 árið 2012.
Frá miðju ári 2012 til miðs árs 2013 voru haldin 268 námskeið.
Enn hefur orðið aukning á framboði námskeiða en fjöldi
þátttakenda hefur dregist lítillega saman á milli ára. Það helgast
af því að fjöldi átaksnámskeiða var haldinn á árinu 2011. Fjöldi
þátttakenda á námskeiðum árið 2006 var samtals 1.366 en
starfsárið 2012-2013 var fjöldinn kominn upp í 2.551.
Á haustdögum árið 2012 voru þau Sigurður Fjalar Jónsson
verkefnastjóri og Þorgerður Jóhannsdóttir matráður ráðin til
starfa. Björn M. Sigurjónsson sviðsstjóri prenttæknisviðs hætti
störfum í apríl 2013 og við hans starfi tók Ingi Rafn Ólafsson.
Hildur Elín Vignir er framkvæmdastjóri IÐUNNAR. Starfsmenn eru
samtals 22.
Tilgangur IÐUNNAR
• Að þjóna fyrirtækjum og starfsmönnum í greinum IÐUNNAR
(bíl-, bygginga- og málmiðngreinum, prentiðnaði og
matvæla- og veitingagreinum) með því að efla hæfni þeirra
með greiningu menntunarþarfa og, markvissri og öflugri
símenntun.
• Að þjónusta yfirvöld menntamála sem tengiliður þeirra við
atvinnulífið. Þetta er gert til þess að hjálpa til við að efla
mannauð, framleiðni og samkeppnishæfni og stuðla að
framgangi iðn- og starfsmenntunar.
• Að efla ímynd greinanna og styðja við hluthafa félagsins
til að auka vöxt fyrirtækja, bæta samkeppnishæfni og
auka starfsmöguleika starfsmanna. Að gera vinnustaði og
starfsmenn eftirsóttari, auka gæða- og kostnaðarvitund.
• Að stuðla að virðissköpun viðskiptavina með því að bjóða
upp á öfluga símenntun sem er í takt við þarfir fyrirtækja
og starfsmanna og tekur mið af framtíðarsýn þeirra og
tækniþróun.
• Að efla umhverfis- og vinnuvernd í greinum IÐUNNAR og
beita sér fyrir varðveislu eldri og hefðbundinna vinnuaðferða
og handverks.
INNGANGUR
4 ÁRSSKÝRSLA 2012 - 2013
STJÓRN IÐUNNAR
Varamenn í stjórn voru Friðrik Á. Ólafsson, SI, Jóhannes
Jóhannesson, BGS, Heimir Kristinsson, Samiðn, Oddgeir Þór
Gunnarsson, FBM, Ragnheiður Héðinsdóttir, SI og Þröstur
Hafsteinsson, SI. Varamenn og áheyrnarfulltrúar í stjórn voru
Ingólfur Haraldsson, SAF og Guðmundur Ragnarsson, VM.
Eignarhlutar IÐUNNAR skiptast í níu hluta: Samtök iðnaðarins
fara með 33%, Samiðn 14,7%, Bílgreinasambandið 10%, Félag
bókagerðarmanna 10%, FIT 10%, MATVÍS 10%, Félag vélstjóra
og málmtæknimanna 5,3%, Samtök ferðaþjónustunnar 5% og
Meistarafélag húsasmiða 2%.
Aðalmenn í stjórn IÐUNNAR árið 2012-2013 voru Katrín
Dóra Þorsteinsdóttir, SI, formaður, Hilmar Harðarson, FIT, Atli
Vilhjálmsson, BGS, Bjarni Thoroddsen, SI, Finnbjörn Hermanns-
son, Samiðn, Georg Páll Skúlason, FBM, Jóhann Rúnar
Sigurðsson, Samiðn, Magnús Stefánsson, MFH, Níels Sigurður
Olgeirsson, MATVÍS og Þorsteinn Víglundsson, SI.
ÁRSSKÝRSLA 2012 - 2013 5
IÐAN fræðslusetur
Skerpt á stefnu IÐUNNAR
Á starfsárinu fór stjórn IÐUNNAR í vinnu við að skerpa á stefnu
fyrirtækisins, farið var yfir tilgang, framtíðarsýn og stefnuna og
settu starfsmenn fram gildi IÐUNNAR. Helstu niðurstöður þeirrar
vinnu eru:
Tilgangur IÐUNNAR og hlutverk er:
• Að þjóna fyrirtækjum og starfsmönnum í greinum IÐUNNAR
(bíl-, bygginga- og málmiðngreinum, prentiðnaði og
matvæla- og veitingagreinum) með því að efla hæfni þeirra
með greiningu menntunarþarfa og tímanlegri, markvissri og
öflugri símenntun.
• Að þjónusta yfirvöld menntamála sem tengiliður þeirra við
atvinnulífið. Þetta er gert til þess að hjálpa til við að efla
mannauð, framleiðni og samkeppnishæfni og stuðla að
framgangi iðn- og starfsmenntunar.
• Að efla ímynd greinanna og styðja við hluthafa félagsins
til að auka vöxt fyrirtækja, bæta samkeppnishæfni og
auka starfsmöguleika starfsmanna. Að gera vinnustaði og
starfsmenn eftirsóttari og auka gæða- og kostnaðarvitund.
• Að stuðla að virðissköpun viðskiptavina með því að bjóða
upp á öfluga símenntun sem er í takt við þarfir fyrirtækja
og starfsmanna og tekur mið af framtíðarsýn þeirra og
tækniþróun.
• Að efla umhverfis- og vinnuvernd í greinum IÐUNNAR og
beita sér fyrir varðveislu eldri og hefðbundinna vinnuaðferða
og handverks.
IÐAN sinnir símenntun starfsmanna í bílgreinum, bygginga-
og mannvirkjagreinum, málm- og véltæknigreinum,
prenttæknigreinum og matvæla- og veitingagreinum. Hlutverk
IÐUNNAR er að sjá fyrirtækjum og einstaklingum fyrir nýrri
þekkingu og færni eftir því sem þörf krefur. Áhersla er lögð á
að bregðast skjótt við þörfum iðnaðarins fyrir nýja þekkingu.
Með öflugri símenntun móta einstaklingar starfsþróun sína
eftir kröfum atvinnulífsins og með þeim hætti verður þekking
þeirra verðmætari bæði fyrir þá sjálfa og samfélagið í heild.
IÐAN býður fyrirtækjum og einstaklingum markviss tækifæri
og lausnir í símenntun. Á vegum IÐUNNAR fer fram greining á
þörfum fyrirtækja fyrir þekkingu. Þjálfun og þekkingu er miðlað
með hliðsjón af því sem hentar aðstæðum og þörfum hvers og
eins, hvort sem um er að ræða kennslu í skólastofu, þjálfun á
vinnustað eða einstaklingsbundna leiðsögn.
Stjórn IÐUNNAR hélt samtals 11 fundi á starfsárinu 2012-2013
auk aðalfundar sem var haldinn 27. september 2012.
6 ÁRSSKÝRSLA 2012 - 2013
Framtíðarsýn IÐUNNAR 2017:
• Viðskiptavinir IÐUNNAR hrósa okkur fyrir framsýni og
framsækið símenntunarframboð sem er í boði á réttum
tíma. Vefsetrið hefur unnið til verðlauna og þjónar þörfum
notenda á framúrskarandi hátt. Ánægja viðskiptavina með
þjónustu IÐUNNAR mælist há og framsækni, fagmennska og
virðing einkenna öll störf á vegum fyrirtækisins.
• Helgun og ánægja starfsmanna mælist með því hæsta sem
þekkist á sambærilegum vinnustöðum. Starfsmenn vita til
hvers er ætlast af þeim og hvert framlag þeirra er til að ná
markmiðum IÐUNNAR.
• Gæðakerfið tryggir að allir meginferlar eru kortlagðir og
skráðir. Við fylgjum þessum ferlum og þróum þá eftir
þörfum.
• Með sveigjanlegri kostnaðaruppbyggingu tekst að bregðast
við sveiflum í tekjum og eftirspurn og tryggja jafnvægi
í afkomu sviðanna. IÐAN vex og dafnar með markvissu
símenntunarframboði og þjónustu við fleiri iðn- og
tæknigreinar.
Gildi IÐUNNAR eru:
Framsækni
Við erum í fararbroddi á okkar sviði, erum óhrædd við
að tileinka okkur nýjungar og sýna frumkvæði.
Fagmennska
Við vinnum saman að úrlausn mála með fagmennsku
og gæði að leiðarljósi. Við erum jákvæð og sýnum
viðskiptavinum og hvert öðru trúnað og traust.
Virðing
Okkar samskipti einkennast af virðingu fyrir
skoðunum, hugmyndum og viðhorfum hvers annars.
Við leggjum áherslu á heiðarleika í samskiptum,
veitum ráðgjöf og styðjum jafnræði til náms.
Helstu markmið:
• Að auka ánægju viðskiptavina.
• Að auka ánægju þeirra sem sækja námskeið IÐUNNAR.
• Að vefsíða IÐUNNAR verði í farabroddi hvað varðar
upplýsingamiðlun og nám og kennslu á netinu.
• Töluleg markmið hafa verið skilgreind um fjölda almennra
og sérsniðinna námskeiða, fjölda þátttakenda á almennum-
og fyrirtækjanámskeiðum sem og fjölda kennslustunda.
• Þátttakendafjölda sem % af aðildarfélögum.
• Að auka þjónustu við raunfærnimatsþátttakendur.
• Að auka starfsánægju starfsmanna IÐUNNAR.
• Rekstrarleg markmið.
• Að viðhalda EQM gæðavottun.
FRAMTÍÐARSÝN
ÁRSSKÝRSLA 2012 - 2013 7
Endurskoðun samþykkta IÐUNNAR
Starfshópur skipaður fulltrúum allra eigenda hefur á starfsárinu
unnið að endurskoðun samþykkta og hluthafasamkomulags
um IÐUNA. Verða tillögurnar lagðar fyrir aðalfund IÐUNNAR
til samþykktar þann 26. september 2013. Munu tillögurnar
koma í stað eldri samþykkta auk þess sem samstarfssamningur
eigenda frá 24. apríl 2007 fellur úr gildi. Hluti af því sem var í
samstarfssamningum kemur inn í endurskoðaða stjórnarhætti
IÐUNNAR sem einnig verður fjallað um á fundinum auk þess
sem skerpt hefur verið á tilgangi, framtíðarsýn og markmiðum
IÐUNNAR, sem einnig voru hluti af samstarfssamningi hluthafa,
í stefnumótun stjórnar.
Markaðs- og kynningarmál
Námsvísirinn er mikilvægasta markaðstæki IÐUNNAR. Á síðasta
ári var námsvísirinn gefinn út að hausti og vori í tæplega 16.000
eintökum. Námsvísinum var dreift til félagsmanna í pósti auk
þess sem hægt var að sækja hann rafrænt á Netinu.
Vefur IÐUNNAR er í mikilli sókn og sýna mælingar að aðsókn
á vefinn og notkun fer stöðugt vaxandi. Undir lok árs 2012 var
aukið við pistlaskrif og fréttabirtingar á vefnum og auk þess
boðið upp á áskrift að rafrænu fréttabréfi IÐUNNAR. Fréttabréfið
kemur út mánaðarlega og er sent til áskrifenda í tölvupósti.
Fylgjendum IÐUNNAR á Facebook fer einnig fjölgandi og
hefur áhersla verið lögð á að miðla þar upplýsingum um
starfsemi félagsins og námsframboð. Auk þess eru birtar á
Facebook vísanir í áhugaverðar fréttir og annað efni sem snertir
félagsmenn.
Vatnagarðar 20
Húsnæðismál voru fyrirferðamikil í starfi stjórnar á starfsárinu.
Skipuð var sérstök húsnæðisnefnd á vegum stjórnar
sem vann að vali á húsnæði. Í nefndinni sátu Finnbjörn
Hermannsson, Magnús Stefánsson og Þorsteinn Víglundsson
auk framkvæmdastjóra IÐUNNAR. Hópurinn vann að vali á
framtíðar húsnæði fyrir starfsemi IÐUNNAR. Voru tugir bygginga
skoðaðar en fest var kaup á húsnæði í Vatnagörðum 20. Mikil
vinna hefur verið lögð í að hanna þær breytingar sem gera
þarf svo húsnæðið falli að margþættum þörfum IÐUNNAR.
Þar mun fara fram verkleg kennsla í fjölmörgum greinum
sem nú eru m.a. annars kenndar í Síðumúla, á Gylfaflöt og
víða í verkmenntaskólum á höfuðborgarsvæðinu sem og á
landsbyggðinni. Einnig verða skrifstofur IÐUNNAR sem nú eru í
Skúlatúni 2, fluttar í Vatnagarða á komandi starfsári.
IÐAN er í hópi framúrskarandi fyrirtækja árið 2012. Fyrirtækið
Creditinfo stendur fyrir þessu vali en uppfylla þarf ákveðin
skilyrði um styrkleika sem lögð eru til grundvallar greiningu á
framúrskarandi fyrirtækjum sem efla íslenskt atvinnulíf. IÐAN er
þar í hópi 1% fyrirtækja á landinu sem uppfylla þau viðmið sem
sett eru.
8 ÁRSSKÝRSLA 2012 - 2013
ÁRSSKÝRSLA 2012 - 2013 9
IÐAN Í TÖLUM
Fjöldi þátttakenda í raunfærnimati
Fjöldi námssamninga
Fjöldi námskeiða
Námskeiðsþátttakendur sem % af aðildarfélögum
Metnar einingar
Fjöldi sveinsprófa
Fjöldi þátttakenda
Eigið fé (millj. króna)
10 ÁRSSKÝRSLA 2012 - 2013
Gæðastjórnun og EQM vottun
Margar alþjóðlegar rannsóknir hafa sýnt að fyrirtækjum sem
stjórnað er með fyrirfram ákveðnum ferlum og stjórnkerfum, ná
betri árangri með tilliti til rekstrarafkomu, ánægju viðskiptavina
og virkni og ánægju starfsmanna. Þetta var ein af ástæðunum
fyrir því að IÐAN tók ákvörðun um að koma sér upp gæðakerfi.
Á sama tíma var einnig tekin ákvörðun um að uppfylla svokölluð
EQM viðmið og fá vottun samkvæmt þeim. IÐAN fékk slíka
vottun í júní 2012 fyrst allra endurmenntunarfyrirtækja. Það
er Fræðslumiðstöð atvinnulífsins sem sér um EQM vottun og
hefur fengið til liðs við sig BSI á Íslandi sem úttektaraðila. Með
því að innleiða gæðakerfi sem uppfyllir skilyrði EQM er verið að
gefa loforð um að unnið skuli að lágmarki samkvæmt kröfum
EQM viðmiða. Vottunaraðilinn framkvæmir úttekt einu sinni
á ári, skoðar gögn og ræðir við starfsmenn um hvernig starfið
hafi gengið fyrir sig og hvort verið sé að vinna í samræmi við
gæðakerfið. Þannig úttekt fór fram í júní á þessu ári og stóðst
IÐAN hana með sóma. Það sýnir að verið er að vinna með
markvissum hætti að því markmiði sem stjórn IÐUNNAR setti sér
síðastliðinn vetur um að viðhalda gæðavottuninni og að unnið
sé samkvæmt fyrirfram skilgreindum ferlum.
Endurskoðun gæðakerfa er mikilvæg. Með því er verið að
tryggja að stöðugt sé leitað leiða til að gera betur í rekstri og
hefðbundinni starfsemi. Á árinu var farið með markvissum hætti í
gegnum allt gæðakerfi IÐUNNAR og gerðar nokkrar minniháttar
breytingar og uppfærslur á því.
Til að halda úti vettvangi fyrir gæðastjórnunarumræðu og
umbætur á gæðakerfinu er starfandi gæðaráð IÐUNNAR. Í því
sitja Hildur Elín Vignir, Kristján Kristjánsson, Ólafur Ástgeirsson
og Valdís Axfjörð. Eyjólfur Bjarnason hefur verið gæðaráðinu
til aðstoðar.
Það er sannfæring starfsmanna að gæðakerfið skili IÐUNNI lengra
áfram í því að gera betur í ár en á síðasta ári.
GÆÐASTJÓRNUN
ÁRSSKÝRSLA 2012 - 2013 11
Heimsmeistaramót iðn- og verkgreina
– World Skills
IÐAN fræðslusetur er aðili að Verkiðn, öðru nafni Skills Iceland
fyrir hönd eigenda sinna. Verkiðn hefur það að markmiði að
auka sýnileika iðn- og starfsmenntunar og bæta ímynd iðn- og
verkgreina. Haldin eru Íslandsmót iðn- og verkgreina annað hvert
ár sem vekja athygli á tækifærum sem felast í námi og starfi í
þessum greinum. Verkiðn er aðili að World Skills.
Heimsmeistaramót í iðn- og verkgreinum, World Skills var haldið
í Leipzig í Þýskalandi 3. – 7. júlí 2013. Fjórir þátttakendur kepptu
þar fyrir Íslands hönd: Börkur Guðmundsson í rafvirkjun, Laufey
Dröfn Matthíasdóttir í grafískri miðlun, Lena Magnúsdóttir í
hársnyrtiiðn og Þorri Pétur Þorláksson í pípulögnum. Ísland
sendi einn dómara með hverjum keppanda auk fjögurra í viðbót
sem voru að kynna sér keppnir í málmsuðu, rafeindavirkjun,
umönnun á heilsustofnunum og hugbúnaðarlausnum. Þetta
var í 42. sinn sem heimsmeistaramótið var haldið og það stærsta
hingað til. Eitt þúsund keppendur frá 60 þjóðlöndum kepptu í 46
mismunandi greinum. Fjöldi Íslendinga kom til Leipzig til þess að
fylgjast með íslensku keppendunum.
Símenntun
Námsframboði IÐUNNAR er lýst í námsvísi sem kemur út tvisvar
á ári. Honum er dreift til allra aðila IÐUNNAR og er upplag rétt
tæplega 16.000 eintök. Námsvísirinn er einnig aðgengilegur á vef
IÐUNNAR.
Félagsmenn eiga kost á ferðastyrk til þess að sækja námskeið hjá
IÐUNNI. Styrkurinn er veittur eftir ákveðnum reglum sem kynntar
eru nánar á heimasíðunni, www.idan.is. Skilyrði fyrir styrkveitingu
eru þau að greidd hafi verið símenntunargjöld af styrkþega til
IÐUNNAR.
Á starfsárinu 2012 voru haldin 268 námskeið. Fjöldi þátttakenda
var samtals 2.551.
Námskeið IÐUNNAR eru haldin um allt land. Vaxandi áhugi
er hjá fyrirtækjum innan IÐUNNAR að fá námskeið haldin
fyrir sína starfsmenn. Í janúarmánuði stóð IÐAN fyrir viku
símenntunar á Norðurlandi. Framkvæmd vikunnar tókst einkar
vel og var þátttaka á viðburðum hennar góð. Fyrirhugaðar eru
sambærilegar vikur á Norður- og Suðurlandi á haustmánuðum.
Gott samstarf hefur verið við símenntunarmiðstöðvar á
landsbyggðinni vegna námskeiðahalds.
SÍMENNTUN
12 ÁRSSKÝRSLA 2012 - 2013
Tafla 1. Fjöldi þátttakenda og námskeiða IÐUNNAR haustið 2012
Haust 2012 Haldin Fjöldi Kennslu- Heildar
námskeið þátttakenda stundir kennslustundir
Bílgreinasvið 25 286 395 4713
Bygginga- og mannvirkjasvið 40 367 566 4582
Hársnyrtiiðn 4 14 113 299
IÐAN námskeið 9 38 206 914
Matvæla- og veitingasvið 18 108 135 1468
Málm- og véltæknisvið 27 165 638 1450
Prenttæknisvið 10 147 92 1310
Samtals 123 1.125 2.145 17.436
Á haustönn 2012 voru haldin 123 námskeið og þátttakendur voru samtals 1.125.
Tafla 2. Fjöldi þátttakenda og námskeiða IÐUNNAR vorið 2013
Vor 2013 Haldin Fjöldi Kennslu- Heildar
námskeið þátttakenda stundir kennslustundir
Bílgreinasvið 33 321 628 5339
Bygginga- og mannvirkjasvið 53 585 764 8223
Hársnyrtiiðn 3 65 16 327
IÐAN námskeið 10 49 211 1085
Matvæla- og veitingasvið 11 179 233 3295
Málm- og véltæknisvið 28 165 856 5964
Prenttæknisvið 7 62 81 596
Samtals 145 1.426 2.789 24.829
Á vorönn 2013 voru haldin 145 námskeið og þátttakendur voru samtals 1.426.
SÍMENNTUN
ÁRSSKÝRSLA 2012 - 2013 13
Tafla 3. Skipting þátttakenda eftir félagsaðild haustið 2012
Haust 2012 Félagsmenn Aðrir Félagmenn sem %
af heild hvers sviðs
Bílgreinasvið 246 40 86%
Bygginga- og mannvirkjasvið 256 111 70%
Hársnyrtiiðn 14 0 100%
IÐAN námskeið 38 0 100%
Matvæla- og veitingasvið 50 58 46%
Málm- og véltæknisvið 157 8 95%
Prenttæknisvið 147 0 100%
Samtals 908 217 81%
Tafla 4. Skipting þátttakenda eftir félagsaðild vorið 2013
Vor 2013 Félagsmenn Aðrir Félagmenn sem %
af heild hvers sviðs
Bílgreinasvið 317 4 99%
Bygginga- og mannvirkjasvið 389 196 66%
Hársnyrtiiðn 54 11 83%
IÐAN námskeið 45 4 92%
Matvæla- og veitingasvið 115 64 64%
Málm- og véltæknisvið 148 17 90%
Prenttæknisvið 55 7 89%
Samtals 1.123 303 79%
Á starfsárinu 2012 fram á mitt ár 2013 voru haldin 268 námskeið.
Þátttakendur á námskeiðum IÐUNNAR á starfsárinu voru 2.551.
SÍMENNTUN
14 ÁRSSKÝRSLA 2012 - 2013
FYRIRTÆKJAÞJÓNUSTA IÐUNNAR
Haustið 2011 hóf IÐAN fræðslusetur þróun á nýrri nálgun í
vinnustaðaheimsóknum. Markmiðið var að bæta þjónustustig
við aðildarfélaga, bæta tengsl við félagsmenn, kynna raunfærni-
mat og náms- og starfsráðgjöf á vinnustað. Auk þess er boðið
er upp á sérsniðnar lausnir handa þeim fjölbreytta hópi
fyrirtækja sem rúmast innan vébanda IÐUNNAR. Þjónustan fékk
nafnið Fyrirtækjaþjónusta IÐUNNAR og er aðildarfélögum að
kostnaðarlausu.
Markaðssetning Fyrirtækjaþjónustunnar byggir á persónulegum
samskiptum sviðsstjóra hvers fagsviðs innan IÐUNNAR og
náms- og starfsráðgjafa við stjórnendur fyrirtækja. Þar að auki
er þjónustan auglýst í kynningarbæklingi, í námsvísi og á
heimasíðu IÐUNNAR. Haft er samband við fyrirtæki sem greiða
símenntunargjöld af starfsmönnum til IÐUNNAR og boðið upp
á heimsókn sviðsstjóra og náms- og starfsráðgjafa í fyrirtækið.
Í slíkri heimsókn fer fram kynning á námsframboði IÐUNNAR,
þeim réttindum sem aðild veitir og hlustað er eftir hugmyndum
félagsmanna um nýbreytni í námskeiðsframboði. Auk þess er
raunfærnimat kynnt og þeir möguleikar sem það gefur skoðaðir
og boðið upp á viðtöl náms- og starfsráðgjafa á vinnustað.
Fyrirtækjum er boðið upp á aðstoð við greiningu á fræðsluþörf
innan fyrirtækis, mótun stefnu í fræðslumálum og tillögur að
sérsniðnum lausnum í námskeiðshaldi fyrir smærri eða stærri
hópa innan fyrirtækis. Eins og áður kom fram er þessi þjónusta
fyrirtækjunum að kostnaðarlausu og hefur mælst mjög vel
fyrir og undantekningarlaust er vel tekið í slíkar heimsóknir hjá
fyrirtækjum.
Á árinu 2012-2013 voru 82 fyrirtæki og starfsstöðvar heimsóttar
víðs vegar um landið og rúmlega 400 manns fengu kynningu.
Kynningarnar voru ýmist fyrir stjórnendur á vinnustað eða
smærri hópa starfsmanna. Alls voru tekin 63 einstaklingsviðtöl
eftir heimsókn í fyrirtæki.
Samantekt fyrir júní 2012 - júní 2013
Samtals voru 82 fyrirtæki og starfsstöðvar heimsótt á tímabilinu.
Haust Vor Samtals
Málm- og véltæknigreinar 12 9 21
Matvælagreinar 9 6 15
Bílgreinar 15 13 28
Bygginga- og mannvirkjagreinar 1 8 9
Prenttæknigreinar 1 0 1
Háriðn 0 8 8
ÁRSSKÝRSLA 2012 - 2013 15
16 ÁRSSKÝRSLA 2012 - 2013
NÝJUNGAR Í FRÆÐSLUSTARFI
Nýjungar í málm- og véltæknigreinum
Á málm- og véltæknisviði voru námskeið með hefðbundnum
hætti, þó ber þess að geta að svo kallaðar suðusmiðjur í
pinnasuðu urðu þrjár á síðasta ári. Hver smiðja tekur 80
klukkustundir og er kennt í 20 klukkustundir á viku. Til þess að
geta haldið þessar smiðjur varð að fá aukin tækjabúnað og
viðbótarhúsnæði. Smiðjurnar voru og eru haldnar í Síðumúla
25. Keyptar voru sex pinnasuðuvélar, sjö suðuborð og fjórar
tvöfaldar ryksugur. Vinna við hæfnisvottanir tóku líka drjúgan
tíma. Áfyllingarnámskeið í kælitækni voru fjögur og gengu vel.
Þá voru nokkur námskeið í vökvatækni haldin og eitt námskeið
í iðntölvustýringum. Á árinu var keyptur búnaður til kennslu
á vökvabúnað fartækja og mun uppbygging á því sviði halda
áfram á næsta ári. AutoCAD námskeiðin voru ágætlega sótt að
venju. Aukin áhersla hefur verið á fyrirtækjanámskeið í málm- og
véliðngreinum.
Nýjungar í prentiðngreinum
Á haustönn var boðið upp á níu námskeið. Að þessu
sinni hófst önnin með námskeiði Jens Niemann frá
gyllingarframleiðandanum Kurz sem var vel sótt að vanda. Að
öðru leyti var boðið upp á hefðbundið námskeiðsframboð, fyrir
utan fáein námskeið sem varða margmiðlun, tölvuleikjagerð
og þrívídd. Markmiðið með þeim námskeiðum er að starfsfólk
í prentiðnaði geti haslað sér frekari völl í margmiðlun og
hreyfimyndagerð.
Fyrirtæki nýta sér í auknu mæli þann möguleika að halda
námskeið innan sinna veggja og nota til þess styrki
Prenttæknisjóðs sem greiða allt að 70% af útlögðum kostnaði við
námskeiðin.
Áfram var haldið með þá þjónustu að Ólafur Brynjólfsson
aðstoðaði viðskiptavini prentfyrirtækja með skjástillingar
og stillingar á prentferlinu með notkun mælitækja sem
prenttæknisviðið fjárfesti í fyrir um tveimur árum.
Á vormánuðum 2013 var haldinn mjög vel sóttur fundur um
framtíðarnámsframboð IÐUNNAR í prenttæknigreinum.
ÁRSSKÝRSLA 2012 - 2013 17
Nýjungar í bygginga- og mannvirkjagreinum
Á starfsárinu voru haldin nokkur ný námskeið sem hafa verið í
undirbúningi á vegum bygginga- og mannvirkjasviðs. Boðið
var upp á námskeið um asfaltþakpappa í samvinnu við BYKO.
Einnig var haldið námskeið um heimasíður fyrir fagmenn. Í
samvinnu við Endurmenntun Lbhí voru haldin námskeið um
húsgagnagerð úr skógarefni og torf- og grjóthleðslur. Haldið
var námskeið um dagsbirtu og vistvæna lýsingu sem var afurð
Vistmenntarverkefnisins sem IÐAN var aðili að. Það var haldið
í samvinnu við Rafiðnaðarskólann. Kennd voru námskeið
um gæðakerfi fyrir einyrkja og undirverktaka en áður var í
boði stærra námskeið um gæðakerfi í byggingariðnaði. BIM
(Building Information Modeling) er ný aðferðafræði við hönnun
mannvirkja þar sem sett er upp þrívítt líkan af mannvirkjum.
Á námskeiði um BIM var þátttakendum kennt að nota
skoðunarforrit til að skoða teikningar. Ný byggingareglugerð tók
gildi á árinu og voru haldin námskeið til að kynna hana. Boðið
var upp á nýtt námskeið um hljóðvist í húsum sem skiptir orðið
mjög miklu máli varðandi frágang. Einnig var haldið námskeið
um frágang rakavarnarlaga í timburhúsum. Auk þessara
námskeiða voru kennd fjölmörg eldri námskeið. Áfram var haldið
víðtæku samstarfi við Vinnueftirlitið um réttindanámskeið og
námskeið á sviði öryggis og vinnuverndar.
Námskeið í bygginga- og mannvirkjagreinum voru haldin víða
á landsbyggðinni m.a.: Borgarnesi, Ísafirði, Sauðárkróki, Akureyri,
Egilsstöðum, Reyðarfirði og Selfossi.
Nýjungar í matvæla- og veitingagreinum
Á tímabilinu voru haldin 20 námskeið þar sem áhersla var
lögð á námskeið fyrir fagfólk í greinunum. Auk þess voru
nokkur námskeið haldin fyrir starfsfólk í ferðaþjónustu.
Framboð námskeiða einkenndist af nýjungum t.a.m. kjötmati. Í
framreiðslu var áhersla lögð á vínfræði, bæði almenn námskeið
og framhaldsnámskeið en samtals sóttu um 50 þátttakendur
þau. Námskeið voru haldin um nýjungar í bakstri og bakaraiðn
og eins í matreiðslu. Haldin voru námskeið um mat og næringu,
notkun og nýtingu á Microsoft Excel í kjötvinnslum, um kalda
18 ÁRSSKÝRSLA 2012 - 2013
NÝJUNGAR Í FRÆÐSLUSTARFI
eldhúsið og í ferðaþjónustu fyrir leigubílstjóra svo dæmi séu
tekin. Fagnámskeið I, II og III voru haldin á árinu og þátttakendur
á námskeiðunum voru samtals um 30. Námskeið sem tekin
eru í fagnáminu eru metin inn í formlega skólakerfið og veita
þar ákveðna styttingu á námi í matvæla- og veitingagreinum,
kjósi þátttakendur að halda áfram. Algengt er að þátttakendur
sem hafa lokið fagnámskeiðunum óski eftir raunfærnimati og
haldi áfram formlegu námi í greinunum. Námskeið eru í auknu
mæli sérsniðin fyrir fyrirtæki og kennslan færst til þeirra og um
leið nær þátttakendum. Sjö sérsniðin námskeið voru kennd úti í
fyrirtækjum á þessu starfsári.
Nýjungar í bíliðngreinum
Á starfsárinu var bílgreinasviði boðið að senda nemendur til
Danmerkur í keppni hjá Teknisk Skole Silkeborg (TSS). Þátttaka
í keppninni hefur skilað sér í góðu samstarfi og hafa kennarar
frá TSS komið til landsins og kennt á námskeiðum sviðsins
bæði á Akureyri og í Reykjavík. Þeir eru einnig væntanlegir
aftur á haustdögum. Til stendur að senda hóp fagmanna
utan á námskeið. Boðið var upp á námskeið fyrir réttinga- og
málningarverkstæðin þar sem leiðbeinandi var frá Renault
verksmiðjunum í Frakklandi. Leiðbeinandinn er Íslendingur
og mikill sérfræðingur á sínu sviði. Þróunarvinna hefur átt sér
stað til að efla kennslu á nýjum sviðum svo sem raf-, twin-
, metan- og vetnisbílum. Örar framfarir á þessum sviðum kalla
á öfluga fræðslu fyrir bílgreinar. Unnið er náið með flestum
bílaumboðunum og hafa þau talsvert nýtt sér aðstöðuna
að Gylfaflöt 19. Fyrirtækjanámskeið hafa verið all nokkur
auk sértækra námskeiða. Á starfsárinu var unnið áfram að
fræðslumálum og nýjungum tengdum Cabas-kerfinu.
Nýjungar í háriðngreinum
Endurmenntun fagmanna í hársnyrtiiðn fer mikið til í gegnum
heildsölur. Fagmenn vilja læra sérstaklega á þau vörumerki sem
þeir vinna með. Því hefur verið lögð áhersla á að vinna með
stærstu heildsölunum bæði að smærri námskeiðum sem og
stærri sýningum. Framboð námskeiða er endurnýjað á hverri
önn og tekur mið af árstíðum og tísku. Áherslan er bæði á
minni verkleg námskeið og stærri sýningar með innlendum og
erlendum kennurum. Einnig hefur verið boðið upp á námskeið í
stjórnun og rekstri í samvinnu við Endurmenntun Háskóla Íslands
og léttari námskeið sem ekki tengjast iðngreininni með beinum
hætti heldur eru til þess fallin að efla hópanda og létta lund.
ÁRSSKÝRSLA 2012 - 2013 19
20 ÁRSSKÝRSLA 2012 - 2013
Hlutverk náms- og starfsráðgjafar IÐUNNAR fræðsluseturs er að
veita einstaklingum stuðning og aðstoð í námi og starfi. Markmið
ráðgjafarinnar er að stuðla að auknum árangri einstaklinga t.d.
með raunfærnimati og almennri ráðgjöf.
Helstu verkefnin eru ráðgjöf við atvinnuleitendur, fyrirtækja-
þjónusta, raunfærnimat, áhugasviðsgreiningar og almenn
náms- og starfsráðgjöf. Að auki hafa náms- og starfsráðgjafar
IÐUNNAR tekið þátt í vinnu starfsgreinaráða, verið fulltrúar
í átaksnefnd MMR um kynningu á iðn- og verknámi, komið
að námskynningum í framhaldsskólum, unnið að gerð
námsferilbóka og veitt umsagnir vegna viðurkenninga á erlendri
starfsmenntun.
Viðtölum fjölgaði á starfsárinu eins og sést á mynd 1 og má
þar nefna sérstaklega hópráðgjöf en henni er beitt í ráðgjöf
við atvinnuleitendur og í raunfærnimatinu. Raunfærnimat
skipar sem fyrr stóran sess hjá IÐUNNI fræðslusetri og er í
auknum mæli leitað eftir þekkingu og reynslu IÐUNNAR í
raunfærnimati bæði innanlands og erlendis. Unnið er í samstarfi
við símenntunarmiðstöðvar landsins þar sem IÐAN fer með
verkefnastjórn raunfærnimatsins.
Árið 2012 einkenndist af því að fjármagn frá Fræðslusjóði til
raunfærnimats var skert og mynd 2 og 3 sýna það glögglega þar
sem færri fóru í raunfærnimat á árinu og þ.a.l. voru færri einingar
metnar. Um áramótin 2012-2013 voru því komnir langir biðlistar
í ýmsum greinum en þó kom aftur skerðing á fjármagni frá
Fræðslusjóði. Í júní 2013 var fjármagn ársins að mestu uppurið en
176 einstaklingar voru metnir með 5.296 einingar.
Eftirfylgni við þátttakendur er nauðsynlegur þáttur raunfærni-
mats og mikilvægur hluti í ferlinu til að tryggja góðan árangur.
Á mynd 4 má sjá að 66% hópsins frá árinu 2007 hefur farið í nám
og af þeim hafa nú þegar 26% lokið sínu réttindanámi. Nýjustu
tölur sýna að raunfærnimat er að nýtast við að efla einstaklinga
og hækka menntunarstig í landinu.
Hópurinn sem lauk raunfærnimati á síðasta starfsári hefur verið
öflugur að sækja sér formlegt nám að raunfærnimatinu loknu,
70% hans er í námi í dag. Þar sem hópurinn stækkar með hverju
árinu eykst þörfin fyrir áætlun um eftirfylgni og markmið næsta
starfsárs verður að mæta henni.
NÁMS- OG STARFSRÁÐGJÖF
ÁRSSKÝRSLA 2012 - 2013 21
IPA verkefni FA
IÐAN fræðslusetur er í samstarfi við Fræðslumiðstöð
atvinnulífsins (FA) og hefur það samstarf gengið mjög vel.
FA hefur leitað til IÐUNNAR eftir tilboðum í fjögur IPA
raunfærnimatsverkefni og hefur IÐAN sóst eftir þremur
þeirra. Einu tilboði IÐUNNAR var tekið og var það í
skrúðgarðyrkju. Unnið hefur verið að undirbúningi
verkefnisins og áætlað er að því ljúki í lok árs 2014.
IPA
Mynd 2. Fjöldi þátttakenda í raunfærnimati
Mynd 1.
Fjöldi atvinnuleitanda frá STARFI vinnumiðlun og ráðgjöf
Mynd 3. Metnar einingar
Mynd 4.
Staða þátttakenda að loknu raunfærnimati í júní 2013
22 ÁRSSKÝRSLA 2012 - 2013
NETKÖNNUN
Niðurstöður netkönnunar og rýnihóps náms- og starfsráðgjafarinnar
Náms- og starfsráðgjöf IÐUNNAR leitaði til þátttakenda
raunfærnimats árið 2012 um viðhorf þeirra til starfsins líkt og
gert var árið 2011. Voru þátttakendur beðnir að svara nafnlausri
netkönnun og svarhlutfall var gott eða 65%. Samanburður milli
ára sést á myndum 5-9. Markmið ársins var að efla þjónustu við
ráðþega enn frekar og miðuðust spurningar netkönnunarinnar
við það. Bendir svörun hópsins til þess að sett markmið hafi
náðst.
Raunfærnimatið stóðst væntingar 99% svarenda eins og kemur
fram á mynd 5 en árið áður svöruðu 85% svarenda því játandi.
Má áætla að útskýringar og upplýsingagjöf ráðgjafa IÐUNNAR
hafi verið það skýr að næstum allir hafi áttað sig á hvernig
staðið er að matinu og hvers sé að vænta. Spurt var nánar út í
upplýsingagjöfina og töldu 96% svarenda sig hafa fengið nægar
upplýsingar miðað við 86% frá fyrra ári, sjá mynd 6.
Mat svarenda á náms- og starfsráðgjöfinni í raunfærnimatsferlinu
var mjög góð. Á mynd 7 sést að 63% svarenda voru mjög
ánægðir með hana miðað við 43% svarenda árið áður. 97%
svarenda fannst mjög vel eða vel staðið að ráðgjöfinni miðað við
85% svarenda frá fyrra ári.
Ýmsar vangaveltur voru um markaðssetningu raunfærnimatsins
og var því ákveðið að spyrja hópinn hvar hann hefði fyrst
fengið upplýsingar um það. Sýna niðurstöður að góð reynsla af
raunfærnimati berst manna á milli og heyrðu 51% svarenda af
því frá samstarfsaðila og vinnuveitendum. Prentmiðillinn kemur
þar á eftir en 29% sáu fyrst um raunfærnimatið þar og 13%
heyrðu fyrst af því hjá stéttarfélagi sínu, sjá mynd 8.
Báðir hóparnir sem tóku þátt í netkönnuninni 2011 og 2012
voru sammála um að helstu hindranir fyrir þá að ljúka námi væri
tímaskortur (48%) og kostnaður (31%).
ÁRSSKÝRSLA 2012 - 2013 23
Mynd 5. Stóð raunfærnimatið undir væntingum þínum? Mynd 8. Hvar fékkstu upplýsingar um raunfærnimat?
Mynd 6. Fékkstu nægar upplýsingar um
raunfærnimatið meðan það stóð yfir?
Mynd 7. Hvernig var staðið að náms- og starfsráðgjöf til þín?
Mynd 9. Ertu í námi í dag?
24 ÁRSSKÝRSLA 2012 - 2013
ATVINNULEITENDUR
Atvinnuleitendur
Gerður var áframhaldandi samningur við Vinnumálastofnun
um ráðgjöf við atvinnuleitendur. Verkferli ráðgjafarinnar var
með sama hætti og áður. Nafnalisti var sendur frá VMST og
IÐAN kallaði atvinnuleitendur í viðtal. Nýjung í ráðgjöf fyrir
atvinnuleitendur var tilkoma STARFS - vinnumiðlunar og
ráðgjafar sem er í eigu Samtaka atvinnulífsins og Alþýðu-
sambands Íslands. Hlutverk náms- og starfsráðgjafar IÐUNNAR
fræðsluseturs var að veita þjónustu í samstarfi við ráðgjafa
STARFS til atvinnuleitenda sem eru félagsmenn í FIT og Byggiðn.
Af listum VMST komu 66 atvinnuleitendur í viðtal á starfsárinu,
sjá mynd 10. Kynjahlutfallið var eins og á fyrri árum. Heildarfjöldi
viðtala var 84 og þar af eru rafræn viðtöl 43. Af listum VMST
hafa frá upphafi komið 691 einstaklingur í viðtal til náms- og
starfsráðgjafa IÐUNNAR.
Áherslan í viðtali náms- og starfsráðgjafa við atvinnuleitendur
var á starfsleitina, mikilvægi góðrar ferilskrár og kynningarbréfs.
Atvinnuleitendur fengu aðstoð við ferilskráargerð, rætt var um
væntingar og möguleika á vinnumarkaði og hvernig haga bæri
starfsleitinni á sem árangursríkastan hátt. Einnig var fjallað um
endurmenntun og hvernig mætti viðhalda og öðlast nýja hæfni.
Atvinnuleitendur tengdust öllum sviðum IÐUNNAR en flestir
tengdust byggingasviði.
Fjöldi Kyn Viðtalafjöldi
Júlí - des. 2012 44 31 karl 26 hefðbundin
13 konur 33 símaviðtöl
Janúar - júní 2013 22 14 karlar 15 hefðbundin
8 konur 10 símaviðtöl
Samtals 66 45 karlar 41 hefðbundið
21 kona 43 símaviðtöl
Heildarviðtalsfjöldi 84
ÁRSSKÝRSLA 2012 - 2013 25
Starfsgreinaráð
IÐAN þjónar starfsgreinaráðum í upplýsinga- og fjölmiðla-
greinum, matvæla-, veitinga-, og ferðaþjónustugreinum,
bygginga- og mannvirkjagreinum, farartækja- og flutnings-
greinum, hönnunar- og handverksgreinum og snyrtigreinum.
Helstu verkefni ráðanna á síðasta starfsári voru að raða
námslokum og námsbrautum á þrep íslenska viðmiðarammans
og hefja vinnu við að lýsa hæfnikröfum í þeim greinum sem falla
undir starfsgreinaráðin.
Starfsgreinaráðin eru skipuð af menntamálaráðherra samkvæmt
tilnefningu samtaka á vinnumarkaði. Starfsgreinaráðin gegna
veigamiklu hlutverki í samstarfi atvinnulífs og skóla, m.a. við að
koma óskum og tillögum vinnumarkaðarins um skólastarf á
framfæri við skóla og ráðuneyti.
NÝJUNGAR Á ÁRINU
Nýjungar á árinu
Eins og áður kom fram tók STARF-ráðgjöf og vinnumiðlun við
atvinnuleitendum sem eru aðildarfélagar í FIT og Byggiðn.
Talsvert samstarf hefur verið við ráðgjafa STARFS og hefur það
falist í fundum, kynningum, viðtölum og námskeiðum. Ráðgjafar
IÐUNNAR mættu á alls 11 kynningarfundi sem haldnir voru
með atvinnuleitendum og kynntu þeim ýmis námsúrræði, s.s.
raunfærnimat og ferilskrárgerð og buðu upp á einstaklingsviðtöl
og hópráðgjöf. Á starfsárinu komu 179 einstaklingar í hópráðgjöf
og í framhaldi af því hefur hluti þeirra nýtt sér einstaklingsráðgjöf,
sjá mynd 6.
Á fundunum með atvinnuleitendum voru kynnt námskeið og
smiðjur, sem sérstaklega voru hannaðar með atvinnuleitendur
í huga. Tvær suðusmiðjur fóru af stað í kjölfarið og einnig þrjú
sérsniðin námskeið. Eitt þeirra var um nýjungar í byggingaiðnaði
og hin tengdust tölvufærni. Á fundunum með atvinnuleitendum
í hópi iðnaðarmanna kom í ljós að marga vantaði grunnkunnáttu
í tölvunotkun. Ýmis fjölbreytt námskeið eru í boði þar sem gert
er ráð fyrir ákveðinni grunnþekkingu en bent var á að hópur fólks
gæti ekki nýtt sér slík námskeið þar sem hana vantaði. Við þessu
var brugðist með því að bjóða upp á tölvunámskeið þar sem
grunnfærni var kennd.
Eins og sjá má hefur starfsárið verið viðburðaríkt og verkefnin
fjölbreytt og skemmtileg. Ekkert er því til fyrirstöðu að náms- og
starfsráðgjöf IÐUNNAR fræðsluseturs muni halda áfram að eflast.
26 ÁRSSKÝRSLA 2012 - 2013
IÐAN rekur umfangsmikla þjónustu við nemendur í verknámi.
Fyrirtækið sér um gerð námssamninga og heldur utan um skrár
yfir nemendur í vinnustaðanámi fyrir um 30 löggiltar iðngreinar.
Jafnframt veitir IÐAN sveinsprófsnefndum þessara löggiltu
iðngreina þjónustu með skráningu nemenda í sveinspróf,
við undirbúning prófa og aðstoð við gerð verklagsreglna um
framkvæmd prófa. IÐAN aðstoðar nemaleyfisnefndir við störf
þeirra við mat á fyrirtækjum sem sækja um heimild til þess að
taka nema á námssamning.
IÐAN hefur umsjón með sveinsprófum í 28 löggiltum
iðngreinum. Árið 2012 þreyttu samtals 438 nemar sveinspróf
í þeim iðngreinum sem IÐAN þjónar. Það er fjölgun milli ára úr
418 nemum árið 2011.
IÐAN hefur staðið fyrir kynningum á gæðahandbók fyrir
sveinsprófsnefndir. Tilgangurinn með handbókinni er að lýsa
hlutverki og tilgangi nefndanna, ásamt því að lýsa verklagi með
það að leiðarljósi að auka gæði og gagnsæi við framkvæmd
prófanna.
Alls starfa á fjórða tug nefnda í þeim löggiltu iðngreinum sem
IÐAN þjónar með á annað hundrað nefndarmenn.
Fjöldi sveinsprófstaka í greinum sem IÐAN
annast á árunum 2008–2012.
Iðngrein 2008 2009 2010 2011 2012
Almenn ljósmyndun 7 9 3 6 8
Bakaraiðn 3 9 7 4 2
Bifreiðasmíði 5 7 9 10 10
Bifvélavirkjun 32 31 35 27 27
Bílamálun 5 10 7 9 12
Blikksmíði 8 8 4 1 5
Bókband 1 3 2
Framreiðsluiðn 11 15 7 12 10
Gull- og silfursmíði 6 5 3 6
Hársnyrtiiðn 71 47 74 49 68
Húsasmíði 253 199 170 92 112
Húsgagnasmíði 6 2 2 3 0
Kjólasaumur 12 8 11 6 15
Kjötiðn 3 4 2 4 4
Klæðskurður 7 4 6 9
Matreiðsla 45 32 39 27 42
Málaraiðn 21 35 25 23 22
Málmsuða 0
Múraraiðn 11 10 12 10 7
Netagerð 2 0
Pípulagnir 57 49 39 37 31
Prentsm./grafísk miðlun 8 9 1 8 6
Prentun 3 7 1
Rennismíði 10 5 6 9
Skósmíðaiðn 1 0
Snyrtifræði 51 36 49 36 41
Stálsmíði 8 6 5 12
Söðlasmíði 1 0
Úrsmíði 1 1
Veggfóðrun 3 4 2 1 0
Vélvirkjun 50 79 90 97 78
Samtals 681 639 604 485 539
SVEINSPRÓF
ÁRSSKÝRSLA 2012 - 2013 27
Þjónusta IÐUNNAR fræðsluseturs felst í því að taka á móti
umsóknum um gerð námssamninga, meta fylgigögn og
áætla námslok nema. Samningsaðilar fá námssamninga
senda. Þegar nemi og meistari hafa skrifað undir samninginn
og hann verið samþykktur af skólanum er hann staðfestur af
IÐUNNI fræðslusetri.
Í töflu 4 er yfirlit yfir fjölda námssamninga sem staðfestir hafa
verið árin 2008–2012.
Fram kemur að staðfestum námssamningum fækkar milli
áranna 2009 og 2010 um rúm 4%.
Töluverð brögð eru að því að umsóknir um námssamninga
verði aldrei að staðfestum námssamningum. Kemur þar
margt til, t.d. að fullnægjandi gögn berast ekki með umsókn,
nemi hættir í námi eða námssamningur kemur ekki til
staðfestingar þó hann hafi verið sendur til nema og meistara.
Fjöldi staðfestra námssamninga í löggiltum
iðngreinum á árunum 2008–2012.
NÁMSSAMNINGAR
Iðngrein 2008 2009 2010 2011 2012
Almenn ljósmyndun 8 5 1 9 8
Bakaraiðn 9 4 7 16 7
Bifreiðasmíði 7 6 12 3 9
Bifvélavirkjun 48 19 29 29 47
Bílamálun 8 5 6 7 16
Blikksmíði 8 3 3 1 9
Bókasafns- og upplýsingat. 3
Bókband 3 1 1
Framreiðsluiðn 13 20 24 40 38
Gull- og silfursmíði 3 1 5 4 12
Hársnyrtiiðn 74 68 64 57 52
Húsasmíði 169 95 77 79 73
Húsgagnabólstrun 1 1
Húsgagnasmíði 7 1 1 1 7
Kjólasaumur 9 7 8 9 17
Kjötiðn 9 3 8 11 14
Klæðskurður 7 4 8 8
Matreiðsla 83 64 62 107 136
Málaraiðn 28 11 8 23 12
Mjólkuriðn 3 6 2 7
Konidor 1
Múraraiðn 17 8 12 9 8
Netagerð 2 4
Pípulagnir 33 28 22 29 18
Prentsmíð og grafísk miðlun 7 3 4 11 5
Prentun 3 3 4
Rennismíði 7 14 4 3 10
Skipa- og bátasmíði 1
Skósmíði 1
Snyrtifræði 49 38 43 43 52
Söðlasmíði 2
Úrsmíði -- -- -- -- 1
Stálsmíði 8 9 4 10 15
Veggfóðrun og dúkl. 1 1
Vélvirkjun 62 80 73 66 60
Samtals 687 507 485 589 643
28 ÁRSSKÝRSLA 2012 - 2013
ÁRSSKÝRSLA 2012 - 2013 29
VINNUSTAÐANÁMSSJÓÐUR
Mennta- og menningarmálaráðuneytið úthlutaði í fyrsta sinn
úr Vinnustaðanámssjóði til fyrirtækja sem voru með nema á
námssamningi haustið 2011. Markmiðið með styrkjunum er að
hvetja fyrirtæki og stofnanir til þess að taka við nemendum sem
stunda vinnustaðanám sem hluta af námi á framhaldsskólastigi
og gera þeim kleift að hefja og/eða ljúka tilskildu
vinnustaðanámi samkvæmt aðalnámskrá framhaldsskóla. Rétt
til að sækja um styrk eiga fyrirtæki eða stofnanir sem bjóða
vinnustaðanám sem fer fram samkvæmt ákvæðum aðalnámskrár
framhaldsskóla og hafa á að skipa hæfum tilsjónaraðila sem
ber ábyrgð á námi nemanda á vinnustað. Umsækjendur skulu
uppfylla almenn skilyrði gildandi reglugerðar um námssamninga
og starfsþjálfun um hæfi til þess að annast nemendur í
starfsnámi. Úthlutað er úr sjóðnum tvisvar á ári. Við fyrri úthlutun
2012 fengu 90 fyrirtæki styrk fyrir samtals 243 nema, sótt var um
fyrir 281 nema. Í síðari úthlutun 2012 sóttu 115 fyrirtæki um styrk
og fengu úthlutað fyrir 278 nema en sótt var um fyrir 301 nema.
Á fyrri hluta ársins 2013 sóttu 114 fyrirtæki um styrki fyrir 347
nema en 328 nemastyrkjum var úthlutað.
Hlutverk IÐUNNAR er að staðfesta að vinnustaðurinn uppfylli
skilyrði um nemaleyfi, að fyrir liggi staðfesting á að neminn sé
á námssamningi og sé í vinnustaðanámi. Að lokinni greiningu
á umsóknum eru upplýsingar sendar til MMR sem svarar
umsækjendum. IÐAN annast síðan útborgun styrkja í umboði
MMR samkvæmt úthlutunarreglum. Að lokinni úthlutun sendir
IÐAN yfirlit um afgreiðslu styrkja.
30 ÁRSSKÝRSLA 2012 - 2013
Mannaskiptaverkefni og Europass – starfsmenntavegabréf
Markmiðið með starfsmenntavegabréfinu er að stuðla að
viðurkenningu starfsþjálfunar í öðru Evrópulandi. IÐAN
staðfesti samtals 16 starfsmenntavegabréf á árinu 2012 og
18 starfsmenntavegabréf fyrstu sex mánuði ársins 2013.
Dvalartíminn er afar mismunandi, frá því að vera ein vika
í allt að sex mánuði eftir þörfum hvers og eins. Verkefnin
voru styrkt af Norrænu ráðherranefndinni og Menntaáætlun
Evrópusambandsins. Árið 2012 fóru alls sex iðnnemar til
Danmerkur, Svíþjóðar, Noregs og Spánar. Sama ár fóru 11
sérfræðingar til Frakklands og Englands. Á fyrri hluta ársins
2013 hafa 10 nemar farið til Frakklands, Danmerkur, Svíþjóðar,
Noregs og Finnlands. Á sama tímabili fóru átta sérfræðingar til
Danmerkur, Finnlands, Englands og N-Írlands.
Móttaka erlendra nema og fagmanna
IÐAN tekur þátt í að taka á móti verknámsnemendum og
sérfræðingum sem tengjast greinunum. IÐAN útvegar þeim
starfsþjálfunarpláss hjá fyrirtækjum hér á landi. Almenn ánægja
hefur verið á meðal erlendu gestanna sem og þeirra fyrirtækja
sem hafa tekið þátt í þessum verkefnum. Árið 2012 var tekið
á móti 29 iðnnemum og sex sérfræðingum frá Finnlandi og
N-Írlandi. Á þessu ári 2013 hefur verið tekið á móti 14 iðnnemum
og 15 sérfræðingum frá Finnlandi, N-Írlandi og Belgíu.
Eftirfarandi fyrirtæki tóku þátt í þessum verkefnum: Perlan, Vox,
Fiskmarkaðurinn, Grillmarkaðurinn, Baðhúsið, Nordica Spa,
Snyrtiakademían, Reykjavík Backpackers og Iceland Excursions.
Verkefnin eru styrkt af Menntaáætlun Evrópusambandsins.
Mat og viðurkenning á námi erlendis
Árið 2012 bárust 25 umsóknir vegna mats og viðurkenningar
á námi erlendis frá. Flestir umsækjendur koma frá Evrópska
efnahagssvæðinu og eru þá umsóknir frá Póllandi mest
áberandi. Fimm umsækjendanna voru íslenskir ríkisborgarar. Frá
1. janúar 2013 til 1. júlí 2013 sóttu alls 14 einstaklingar um mat
og viðurkenningu á sinni menntun frá sjö löndum. Mennta- og
menningamálaráðuneytið kallar eftir umsögnum fræðsluaðila
skv. reglugerð en sýslumenn veita vottorð um þá grein sem
viðkomandi má starfa við og hversu lengi.
Móttaka nema í vinnustaðanámi í löggiltum iðngreinum
Á starfsárinu voru haldin tvö námskeið um móttöku nema í
vinnustaðanámi haldin, eitt á Akureyri og annað í Reykjavík.
Að þessu sinni var sérstök áhersla lögð á nærveru í þjálfun og
hvernig eigi að spyrja nema spurninga um fagið og fá nemann til
að taka ábyrgð á þjálfun sinni.
Sveinspróf, ferilbækur og nemaleyfi
Á vormánuðum 2012 skilaði IÐAN fræðslusetur af sér samræmdri
endurskoðun á framkvæmd sveinsprófa til mennta- og
menningamálaráðuneytisins samkvæmt verksamningi. Afurðir
verkefnisins má sjá á heimsíðu IÐUNNAR. Lögð var áhersla
að skýra frá skyldum hlutaðeigendi varðandi undirbúning,
framkvæmd og skipulag sveinsprófa. Í þessari samantekt er
einnig gerð grein fyrir prófþáttalýsingu og matsaðferðum
nefndanna. Á vormánuðum 2013 skilaði IÐAN fræðslusetur
ferilbókum í 23 greinum þar sem tilgangi, markmiðum og
verkþáttum greinarinnar var lýst sem og hlutverki og skyldum
hlutaðeigendi. Þrepaskiptingu verkþátta var lýst aðeins að
takmörkuðu leyti sem helgaðist aðallega af því að umræddar
þrepaskiptingar voru ekki aðgengilegar. Gengið er út frá því
að bókin sé eign nemans og á hans ábyrgð. Staða nemaleyfa
og nemaleyfisnefnda var kortlögð. Lögð var fram tillaga að
samræmdum reglum um nemaleyfi og verklag.
VERKEFNAVINNA
ÁRSSKÝRSLA 2012 - 2013 31
32 ÁRSSKÝRSLA 2012 - 2013
Skúlatún 2 - 105 Reykjavík - Sími 590 6400 - Fax 590 6401
[email protected] - www.idan.is
HÖ
NN
UN
: AU
GLÝ
SIN
GA
STO
FAN
DA
GSV
ERK