VERUM UPPBYGGILEG

ÍÞRÓTTA- OG ÓLYMPÍUSAMBAND ÍSLANDS

MARS 3. TBL. 2011

Í íþróttum er reynt að starfa eftir

ákveðnum gildum – sem í senn eru

samfélagslega mikilvæg og hafa reynst

vænleg til íþróttalegs árangurs. Meðal

þessa er að læra að taka tapi, og raunar

ekki síður hvernig á að höndla sigur.

Afreksmaður í íþróttum er tæknilega vel

þjálfaður og þarf að hafa persónuleika til

að fara með sína hæfileika. Virðing fyrir

andstæðingum jafnt sem eigin

hæfileikum og takmörkum er

nauðsynlegur þáttur til að ná árangri.

Keppni í íþróttum kallar meira en margt

annað fram tilfinningar á borð við reiði

og gleði. Það er okkur eðlislægt, hvort

heldur við erum þátttakendur eða

áhorfendur. Þessar tilfinningar þurfa

ekki að vera óeðlilegar eða

varhugaverðar – málið snýst fremur um

það hvernig menn höndla þær til

árangurs. Þar kemur til stórt hlutverk

leikstjórnenda og þjálfara, auk hugarfars

viðkomandi íþróttamanns.

Vel má vera að keppandi sem missir

einbeitingu vegna reiði, og sóar orku

sinni í að nöldra yfir dómgæslu allan

leikinn, fái útrás fyrir tilfinningar sínar –

og vel má vera að hann hafi eitthvað til

síns máls um réttmæti sinnar reiði. En

íþróttalegi árangurinn verður einfaldlega

ekki sá sami. Hér er mikilvægt að

forgangsraða rétt. Það er einkenni

afreksíþróttafólks að halda yfirvegun og

einbeitingu – og það er einkenni klókra

þjálfara að virkja tilfinningar sinna

leikmanna til árangurs.

Þessi orð eru hér sett fram ekki síst í

samhengi við vaxandi neikvæða

umræðu í íslensku samfélagi í kjölfar

efnhagshruns. Ekki skal gert lítið úr því

að margir hafa haft tilefni til reiði – en

samhengið hér er hvort stundum sé ekki

nóg komið – hvort ekki sé skynsamlegra

að líta til framtíðar og uppbyggingar

árangurs. Hvort ekki sé ráð að draga

lærdóm af okkar afreksíþróttafólki og

yfirvinna mótlætið – hversu réttlætanleg

sem reiðin að baki því kann annars að

vera. Virkja tilfinningarnar frekar til að

ná markmiðum til framtíðar en að rífa

niður vegna fortíðar.

Það getur vissulega verið nauðsynlegt

að líta annað slagið í baksýnisspegilinn

til þess að skilja hvaðan við erum að

koma til að ákvarða hvaða leið er farin

til framtíðar. En þar sem við getum ekki

breytt atburðarrás fortíðar er

varhugavert að dvelja of lengi við liðna

tíð umfram þann lærdóm sem við

drögum af mistökum. Afreksíþróttafólk

sem nær ekki að yfirstíga tap síðasta

tímabils mun ekki ná sigrum á því

næsta. Síðasta tímabil er liðið hvort

sem okkur líkar það betur eða verr.

Það gilda sambærileg lögmál á sviði

stjórnunarstiga íþróttahreyfingarinnar.

Hvar sem við erum stödd í

pýramídanum, frá leikmanni til þjálfara,

frá þjálfara til stjórnar félags, frá félagi

til sérsambands eða íþróttahéraðs, eða

þaðan til Íþrótta- og Ólympíusambands

Íslands. Á öllum þessum stigum þurfum

við að gæta vel að því að beina orkunni

að uppbyggingu til framtíðar – setja

niður allar óþarfa deilur, hlúa hvert að

öðru og virkja okkar félagsmenn með

jákvæðum hætti til árangurs á öllum

sviðum. Ef við lítum til hugarfars

afreksíþróttamannsins og þjálfarans – að

ná fram því besta úr hverjum

þátttakanda og stefna einbeitt að þeim

markmiðum sem við setjum okkur – þá

mun okkur farnast vel.

MEÐAL EFNIS:

Miðasala London 2012

Lífshlaupið 2011

Íþróttaþing 2011

SIDE-

ÓLYMPÍUFJÖLSKYLDA ÍSÍ

Ábyrgðin er mikil. Skjólstæðingarnir eru

að stóru leyti æska landsins – framtíð

þjóðarinnar. Íslensk íþróttahreyfing er –

og á að vera – í fararbroddi jákvæðrar

uppbyggingar samfélagsins. Afreksfólkið

okkar er fyrirmynd hins uppbyggilega

hugarfars sem íslenskt samfélag þarf á

að halda. Það er okkar hlutverk að

koma því á framfæri við æsku landsins,

og landsmenn alla. Þetta hlutverk

íþróttahreyfingarinnar hefur líklega

aldrei verið jafn mikilvægt og einmitt nú.

Stöndum saman – sendum uppbyggileg

skilaboð til samfélagsins.

Ólafur E. Rafnsson,

forseti ÍSÍ

síðar á þessu ári, og á fyrri hluta ársins

2012 og er gert ráð fyrir að

fyrirkomulag sölunnar taki m.a. mið af

árangri þeirra.

„Þetta er spennandi verkefni fyrir

okkur. Ólympíuleikar draga að sér

geysilegan fjölda gesta og að þessu

sinni búumst við við miklum áhuga

Íslendinga á leikunum m.a. vegna þess

að fátítt er að Ólympíuleikar séu haldnir

í borg svo nálægt Íslandi og með jafn

góðar flugsamgöngur við landið, en

Icelandair flýgur tvisvar á dag til

London", segir Birkir Hólm Guðnason,

framkvæmdastjóri Icelandair.

Á myndinni handsala Ólafur Rafnsson,

forseti Íþrótta- og Ólympíusambands

Íslands og Birkir Hólm Guðnason,

framkvæmdastjóri Icelandair

samkomulagið.

MIÐASALA — LONDON 2012

Íþrótta- og Ólympíusamband Íslands og

Icelandair hafa samið um að Icelandair

taki að sér miðasölu á Íslandi fyrir

Ólympíuleikana sem verða haldnir í

London 27. júlí til 12. ágúst 2012.

Miðasalan á Íslandi hefst 3. maí

næstkomandi og mun Icelandair kynna

söluferlið nánar þegar nær dregur.

„Við í íslensku íþróttahreyfingunni

gerum ráð fyrir að þjóðin verði mjög

áhugasöm um leikana á næsta ári. Þeir

Íslendingar sem vilja einhverntíman á

lífsleiðinni upplifa Ólympíuleika hafa til

þess einstakt tækifæri vegna

nálægðarinnar við London. Auk þess

eru líkur eru á að Íslendingar sendi sinn

stærsta keppendahóp frá upphafi á þá,

en bæði A-landslið karla í handknattleik

og U-23 lið karla í knattspyrnu eiga t.d.

möguleika á að tryggja sér

þátttökurétt", segir Ólafur Rafnsson,

forseti Íþrótta- og Ólympíusambands

Íslands.

Í samkomulaginu felst að Icelandair

verður söluaðili á Íslandi fyrir

aðgangsmiða á einstaka viðburði á

Ólympíuleikunum. Í tengslum við

miðasöluna mun Icelandair einnig bjóða

sérsniðnar pakkaferðir til London og

gefa þannig öllum Íslendingum færi á

að upplifa og njóta eins og best verður

á kosið þessa stærsta íþróttaviðburðar

ársins 2012. Þátttaka íslenskra

íþróttamanna á leikunum skýrist nánar

HÖNNUNARSAMKEPPNI

Nú stendur yfir hönnunarsamkeppni á

nýjum verðlaunapeningum fyrir fyrstu

vetrarólympíuleika ungmenna sem verða

í Innsbruck, Austurríki árið 2012. Nú

gefst áhugasömum tækifæri á að koma

nafni sínu og hönnun í sögubækurnar.

Hægt er að senda inn hönnunina fram til

miðnættis þann 29. apríl 2011 (CET).

Sigurvegarinn hlýtur VIP ferð til

Innsbruck 2012 á setningarhátíðina,

eftirprentun af verðlaunapeningnum,

ásamt miðum inn á keppnisviðburði. Þá

verður haldin athöfn til heiðurs

sigurvegaranum þar sem honum/henni

eru veitar þakkir fyrir sitt framlag til

leikanna.

Kosið verður í opinni netkostningu frá 4

maí 2011 til 30 júní 2011 úr innsendum

tillögum og búinn til topp tíu listi. Að

lokum kemur dómnefnd til með að

dæma úr þessum topp tíu lista, einn

sigurvegara. Frekari upplýsingar eru á

heimasíður ÍSÍ, www.isi.is

LEIKAR 2011

SMÁÞJÓÐALEIKAR EVRÓPU

30. MAÍ – 4. JÚNÍ

ÓLYMPÍUHÁTÍÐ EVRÓPUÆSKUNNAR

24.– 29. JÚLÍ

3. TBL. 2011

LÍFSHLAUPIÐ 2011

Verðlaunaafhending Lífshlaupsins 2011

fór fram föstudaginn 25. febrúar sl.

Ólafur Rafnsson forseti ÍSÍ ávarpaði

gesti og veitti verðlaun til sigurliða

ásamt Gesti G. Gestssyni, forstjóra

Skýrr. Ávaxtabíllinn sá um hollar og

ferskar veitingar fyrir þá sem mættu og

smökkuðust þær vel að vanda.

Heildarfjöldi þátttakenda jókst á milli ára

um 23% og var nú 16.499 en var árið

2010 13.337. 10.910 tóku þátt í

vinnustaðakeppninni og 4.705 í

hvatningarleik grunnskólanna. 834

einstaklingar eru að skrá stig inn í

einstaklingskeppnina. 1.432 lið frá 432

fyrirtækjum tóku þátt í

vinnustaðakeppninni og 340 bekkir frá

40 skólum tóku þátt í

hvatningarleiknum.

Sú tegund hreyfingar sem var vinsælust

meðal þátttakenda var ganga með

24,40%, líkamsrækt með 14,95%, hlaup

með 3,97% og skíði með 3,41%.

Samstarfsaðilar Lífshlaupsins eru:

mennta- og

menningarmálaráðuneytið,velferðar-

ráðuneytið, Lýðheilsustöð, Rás 2, Skýrr

og Ávaxtabíllinn.

Á meðfylgjandi mynd eru nemendur

og kennarar frá Víkurskóla, en

nemendurnir þar urðu í fyrsta sæti í

sínum flokki og kennararnir í 2. sæti í

hlutfalli daga og 3. sæti í hlutfalli

mínútna í sínum flokki.

ANDLÁT — SIGURÐUR MAGNÚSSON

Sigurður Magnússon, Heiðursfélagi ÍSÍ

og fyrrverandi framkvæmdastjóri ÍSÍ,

lést sunnudaginn 27. mars sl. 82 ára að

aldri.

Sigurður hóf starfsferil sinn í

íþróttahreyfingunni liðlega tvítugur, sem

fyrsti framkvæmdastjóri

Íþróttabandalags Reykjavíkur. Eftir árin

hjá ÍBR helgaði Sigurður sig viðskiptum

og kaupmennsku um áratuga skeið en

réð sig svo sem skrifstofu- og

útbreiðslustjóra ÍSÍ árin 1971 til

1980. Árin 1981 til 1985 var hann

framkvæmdastjóri Styrktarfélags

lamaðra og fatlaðra en áhugi hans á

málefnum íþróttahreyfingarinnar var

alltaf til staðar og árið 1985 réðst hann

til ÍSÍ sem framkvæmdastjóri. Því starfi

gegndi hann til starfsloka.

Sigurður gegndi fjölmörgum

trúnaðarstörfum. M.a. var hann

formaður Kaupmannasamtaka Íslands

1961 til 1967 og formaður Óháða

safnaðarins 1967 til 1984. Þá var

Sigurður fyrsti formaður

Íþróttasambands fatlaðra 1979 og beitti

sér mjög í starfi samtakanna.

Sigurður lætur eftir sig eiginkonu,

Sigrúnu Sigurðardóttur, og tvo

uppkomna syni, Sigurð Rúnar og

Jóhann.

Með Sigurði er genginn ötull og góður

liðsmaður íþróttahreyfingarinnar, sem

markaði spor sín í starfsemi samtakanna

með hagsmuni hreyfingarinnar að

leiðarljósi.

ALMENNINGSÍÞRÓTTAVIÐBURÐIR 2011

4.– 24. MAÍ 4. JÚNÍ

ÍSÍ sendir fjölskyldu Sigurðar

Magnússonar og öllum

aðstandendum innilegar

samúðarkveðjur með þakklæti fyrir

farsæla og gefandi samleið.

Útför Sigurðar fer fram frá

Fríkirkjunni í Reykjavík föstudaginn

1. apríl nk.

Íþróttamiðstöðinni í Laugardal

Engjavegi 6

104 Reykjavík

Sími: 514 4000

Fax: 514 4001

Netfang: isi@isi.is

ÍÞRÓTTA- OG

ÓLYMPÍUSAMBAND ÍSLANDS Íþrótta- og Ólympíusamband Íslands (ÍSÍ) varð til við sameiningu

Íþróttasambands Íslands og Ólympíunefndar Íslands árið 1997.

ÍSÍ er landssamband héraðssambanda/íþróttabandalaga og sérsambanda og er einu heildarsamtök íþróttahreyfingarinnar á Íslandi. ÍSÍ er æðsti aðili frjálsrar íþróttastarfsemi í landinu samkvæmt íþróttalögum.

Félagsaðildir í íþróttahreyfingunni eru rúmlega 200 þúsund og fjöldi virkra iðkenda er um 85 þúsund.

STARFSSKÝRSLUSKIL Í FELIX

Sambandsaðilar eru minntir á að skila þarf starfsskýrslum til ÍSÍ vegna starfsársins 2010 fyrir 15. apríl nk.

Opið er fyrir skilin á www.felix.is

Aðstoð er veitt á skrifstofu ÍSÍ vegna skila á starfsskýrslum.

Á heimasíðu ÍSÍ má finna frekari upplýsingar um viðburði ársins 2011,

Ólympíuleika, Lífshlaupið og fjölmargt annað um íþróttir á Íslandi.

www.isi.is

MYND MÁNAÐARINS Þingfulltrúar á 46. Íþróttaþingi ÍSÍ 1952.

AFMÆLISDAGAR

26. mars

KSÍ— stofnað 1947, 64 ára

30. mars

USAH— stofnað 1912, 99 ára

ÍSÍ fréttir ● 3. tbl. 2011 ● Ábyrgðarmaður: Ólafur E. Rafnsson ● Ritstjóri: Andri Stefánsson ● Myndir: Úr safni ÍSÍ

70. ÍÞRÓTTAÞING ÍSÍ 2011 GULLHÖMRUM Í GRAFARHOLTI 8.– 9. APRÍL NK.

Föstudagur 8. apríl Kl. 15:30 Þinggögn afhent Kl. 16:30 Setning íþróttaþings Kaffihlé Kl. 17:30 Skýrsla stjórnar og reikningar Kl. 18:00 Lagðar fram tillögur þingsins og þeim

vísað í nefndir Kl. 18:45 Kynnt framboð til forseta,

framkvæmdastjórnar og varastjórnar Kl. 19:30 Þingnefndir starfa - Íþróttamiðstöðin í

Laugardal

Laugardagur 9. apríl Kl. 10:00 Þingstörf hefjast að nýju – þingmál

afgreidd Kl. 12:00 Hádegisverður Kl. 13:00 Kosning til embættis forseta ÍSÍ

Kjör til framkvæmdastjórnar ÍSÍ Þingmál afgreidd Kl. 16:00 Þingslit Kl. 19:00 Kvöldverður – Gullhömrum Grafarholti