Katinngat nutaamik aallarteqqippoq - Ilagiit...2 KATINNGA 1 2019 Katinngat nutaamik aallarteqqippoq Paneeraq SiegStad Munk, ProvSt Ilagiit kalaallit lutherikkuusut qangaanerusoq 1900-kkoqarallarmat

Katinngat nutaamik

aallarteqqippoq

Katinngat • Normu siulleq - Marsi 2019

2 KATINNGAT · NORMU 1 · 2019

Katinngat nutaamik aallarteqqippoqPaneeraq SiegStad Munk, ProvSt

Ilagiit kalaallit lutherikkuusut qangaanerusoq 1900- kkoqarallarmat aviiseerannguat inger lal lu-ar ni kuul luni sivisuumik uninngasimasoq aallarte-qqippoq. Tas sunga ilanngunneqarsinnaapput ilagiit ingerlaatsitsinni pisartut, sulinermut tunngasunik paasissutissat, ilagiinniluunniit arlaanik oqallisissia-tut saqqummiukkusutat.

Suliap ingerlateqqinniarnera sivisuumik uninngasi-mammat, taamalu suliaqartartut utoqqalinertik pillugu suliunnaanngikkunik toqukkut qimagutereersimamma-ta naqqaniik aallarteqqinniarsimavara. Taamaattumik pingaartumik palasit suliamut tunngasunik, teologimul-luunniit tunngasunik eqqarsaatersuutinik allaaserisanil-luunniit ilanngussisarnissaat kissaatiginaqaaq.

Takorloorpara ukiumut pingasoriarluni saqqummer-tassasoq, ilanngutassiat apeqqutaallutik imaassinnaavoq ilaanni annikinnerusumik ilaannilu annertunerusumik imaqartarumaartoq. Marts aallarniutitut, Juni apersor-tittunut tunngasunik itisiliiviusoq aamma september ukialernerani pilersaarutinik diakonilu pillugit ilaatigut imaqartussatut saqqummerfiussasut takorloorpara.

Atuagassiannguaq upperisarsiornerup iluani eqqarsaa-tersuutinik paasissutissanilluunniit immersortagassaq illit immersueqataaffigisinnaavat. E-mailikkut nassius-sisinnaanngikkuit Provsteqarfik Kujataanut allakkatigut nassiussisinnaavutit, sammisassaqqissunilluunniit itisi-lersikkusutarnik piukkussaqaruit qulequttamik sammi-sinnaasannik aamma kissaateqarsinnaavusi.

Sapaatit tamaasa oqaluffinni sineriak tamaat, Guutip oqaasia biibilimik aallaavilimmik oqaluussissutigisar-parput. Unali atuagassiannguaq ilagiittut ataqatigiiffiu-sunik ataatsimoorussatsinnillu immersorneqarsinnaam-mat atorluaqunaqaaq.

Aviiseeqqap aallartilernerani qujaffigerusuppakka Aasianni palasiunerma nalaani aviiseeqqamik ingerlatit-sinissamik noqqaasarsimasut. Puilasoq Aasianni nalliut-torsuit nallilerneranni saqqummersarnikup suliarinera-ni ilinniutigisimaqigakku.

Qanortoq sinerissami suleqaterpassuagut ilagiit sin-niisaat, ajoqit, pattattut, palasillu Naalakkatta Jiisusip Kristusip nukissamik tunilisi. Suliassinnilu pilluaqune-qaritsi.

Aaqqissuisoq: Paneeraq Siegstad MunkIlusilersornera, aaqqissorneralu: Info Design apsNaqiterivik: Nuuk Offset aps

Narsarmijit oqaluffia

Igalikup oqaluffia

3KATINNGAT · NORMU 1 · 2019

Ukioq 2018 Kalaallit Nunaata biskopeqarfianiBiSkoP Sof ie PeterSen

Ukiut siuliinisut biskopeqarfimmi pisartut pisarsimap-put, sulisut ilagiit sinniisaallu suliatik assigiin ngitsut ingerlassimavaat; palaseqarfiit ilaani naalagiartitsine-rit avataatigut ilagiinnik sammisaqartitsisoqartarsi-mavoq oqaluffiillu assigiinngitsunut atorneqarlutik. Tamatumunngalu sumiiffinni sullissiumaneq apeq-qutaasupilussuuvoq. Kajumissaariumavungalu ilagiit sinniisaanngikkaluaraanniluunniit aamma ilagiit sin-niisaannut ilagiinnilu sulisuusunut saaffiginnittarnis-samut arlaannik aaqqissuussiniaraanni isumassamil-luunniit pigisaqaraanni.

Ukioq 2018-imi palasit akornanni nutsertoqanngaatsiarsi-mavoq, tamannalu kinguneqarpoq aamma palaseqarfiit ar-lallit palaseqannginnerannik. Palaseqarfiit uku: Qaanaaq, Upernavik, Uummannaq Ittoqqortoormiit-llu palase-qanngillat. Narsami palasiusimasoq soraarpoq, Paamiuni palasi soraarluni Nuuk-mut nuuppoq, Uummannami pa-lasi Ilulissanut nuuppoq, Nanortalimmi palasi Paamiunut nuulluni, Maniitsumi palasi Narsamut, 1. februar 2019 Qaanaami palasi Maniitsumut nuussaaq. Palasinngorlaarlu Nanortalimmi 15. januar 2019 atorfinippoq.

Palasit marluk soraarninngorsimapput, aappaalu Isak Davidsen dom-provstitut suliunnaarmat domprovstitaaq John Johansen 1. september 2018 sulilerpoq. Ilulissani pa-lasi, siornatigut Provsteqarfik Avannaani provstiusimasoq Hans Johan Lennert soraarninngorportaaq.

Palasit ataatsimiittarnerat ukioq allorlugu pisartoq 2018 Nuummi pivoq, tassanilu assigiinngitsut sammineqar-

put soorlu apersortittussanik atuartitsineq nutaanerusoq atuakkamik nutaamik tunngaveqartumik, biibili tunngavi-galugu tarnikkut isumaginninneq, inatsisit allallu sulinit-sinnut attuumasuteqartut.

Ajoqinik pattattunillu ilinniartitsinerit ingerlajuarsin-narput: 2017-mi ajoqissat 13-nik aallartipput massakkullu 8 ilinniartuupput.

Pattattut (kirkemusiker) 7-it 2018 naammassipput, nu-taamillu ilinniartitsinerit ukioq manna aallartissapput.

Provsteqarfikkuutaartumillu pattannermik ilinniartitsi-nerit sumiiffinni ataasiakkaani ingerlanneqartuarput.

Pattattunik, ajoqinik palasinillu pikkorissartitsinerit in-gerlajuarput, ilai pinngitsooratik peqataaffigineqartussat allalli nammineq soqutiginninneq aallaavigalugu qinnute-qarfigineqarsinnaasut.

Pastoralseminaria, tassa palasinngornissamik eqqar-saateqartut Ilimasimatusarfimmi ilinniareersimasut su-liamut attuumassuteqarluinnartumik ilinniartinneqarfiat, septemberimiit novemberip naaneranut ingerlanneqarsi-mavoq. Ilinniartut sisamat allagartartaarput, taakkunann-galu ataaseq palasitut atorfinilluni sulilereerpoq.

Ilageeqarnermi oqariartuut – asanninnikkut nallerneqar-sinnaanngitsukkut Kristusikkut imaannaanngitsumik tu-nineqarsimanerput – nalissaqanngilaq, tamanullu tunnius-sassaqarluni, taamaattumik matumuuna kajumissaassavak-ka pattattutut, ajoqitut palasitulluunniit ilagiinnik kiffar-tuussiumasut palaseqarfinnut ataasikkaanut aamma paasi-niaallutik saaffiginnittaqqullugit.

Palasit konventeqartut Nuuk september 2018


Avannaata provstianitallattoq: ProvSt Marianne Platou olSen

Ukioq 2018 Avannaata Provsteqarfia ilaatigut unammillernarsin-naagaluarluni suliffiuvoq pissanganartoq nuanner-sorlu.

Avannaata Provsteqarfia 8-nik Palaseqarfeqarpoq, 29-nil-lu nunaqarfittaqarluni. Qaanaamiit Kangaatsiamut palase-qarfiit Avannaata Provsteqarfianut atapput.

Provsteqarfipput palasinik amigaateqarpoq ukunani pa-laseqarfinni: Upernavik sivitsortumik palaseqanngilaq. Uummannaq 1. Oktober 2018 palaseeruppoq. Palasiat Ilulissat Palaseqarfianut nuunnera pissutigalugu.

Avannaata Provsteqarfiani ilagiit sinniisaat amerlane-rit ilaasortaqarput, qinersinerulli kingulliup 2017-imi pisup kingorna nunaqarfiit uku ilagiit sinniisaannik qi-nersiviunngitsoorput, taamaattumillu ilagiit sinniiseqa-ratik: Siorapaluk, Kangersuatsiaq, Nuussuaq, Saattut, Kangerluk; Akunnaaq kiisalu Qeqertaq.

Avannaata Provsteqarfiani ajoqit amigaataasut ukuna-niipput: Savissivik (atuaasoqarpoq), Kangersuatsiaq (atuaasoqarpoq), Kullorsuaq (soqanngilaq), Naajaat (soqanngilaq), Attu (atuaasoqarpoq), Akunnaaq (atuaa-soqarpoq), Ilimanaq (soqanngilaq).

2018 aasakkut palasi Hans Johan Lennert soraarnin-ngorluni Danmarkimut nuuppoq. Provsteqarfiup allaf-fimmiua november 2018 soraarpoq, malitsigalugulu al-laffimmiumik nutaamik allaffimmiortaarpugut november naalersoq.

Ukioq 20192019-imi pilersaarutit pisussallu:Provsteqarfik Avannaanut Palaseqarfik Qaanaaq ataqqi-lerpoq 1.februar 2019 aallarnerfigalugu, Qaanaami palasi Maniitsumut palasinngortussaammat.

Qasigiannguit palasiat qaammat marts 2019 erniner-minut atatillugu sulinngiffeqalertussaavoq, taamaasilluni Qasigiannguit palaseerukkallassapput.

2019-imi angorusuagut angorusunnaqaat makkuusut: Avannaani palaseqanngitsut palasitaarnissaat, kiisalu pala-sit illuisa iluarsartariallit iluarsarneqarnissaat, palasinngo-rumaartussanut kajuminnarnerusunngorlugit.

Kissaatitta anginerit ilagaat Oqaluffiup Zionip iluarsar-neqarnissaa. Oqaluffik ukiukkut issitsillugu naalagiarfigi-neqarsinnaajunnaartarmat taamaattumillu qaammatit 3-t missaani matoqqasariaqartarluni, Naalakkatta Illua kisimi naalagiarfiulertarluni.

Ukioq 2018 provsteqarfitsinni palaseqarfiini nunaqar-fiinilu ingerlaneq aningaasaqarniarnikkut suleqatigiinnik-kullu ajunngitsumik ingerlasutut nalilerusuppara, taassu-munngalu pissutaavoq suleqatigiinneq ajunngitsoq paase-qatigiilluarlunilu ingerlaneq biskoppeqarfiup, provsteqar-fiup palaseqarfiillu akornanni ajunngitsumik ingerlasima-soq.

2019 neriulluarfigaarput suli suleqatigiinneq ajunngit-sumik ingerlassasoq, ikioqatigiinnikkut ingerlaqatigiin-nermi. Neriuutillu angisuut piviusunngortinneqarumaar-neri neriuutigaagut. Palaseqanngitsut palasitaarnissaat, oqaluffiit aammalu palasit illuisa aserfallannikut suliarine-qarnissaat.

Paamiuni palasip illua allaffiutigisoq


Aasiaat oqaluffiatSul iar inn ittoq: qujana fle iScher

Aasianni Ilagiit sinniisaat:Siulittaasoq: Qujana FleischerTullia: Johanne SchultzAllatsi: Wilhelm SøholmIlaasortat: Tobias Rasmussen, Amalie Kûitse.

Aasianni Ilagiit sinniisaasa suliaqartarnerannut tunngasut:Ilagiit sinniisaat qaammatit tamaasa ataatsimiittarput, naak ukiumut sisamariarluta ataatsimiittarnissaannut oqariartuuteqartoqaraluartoq ataatsimiinnersiutee-rarsuagut neqitsiullugit, kisiannili taakkua annerutin-nagit ilagiinnut sullissiniarnerput annerutittuarpar-put, tamannalumi nunaqarfittatsinnut Kitsissuarsuit, Akunnaarlu suleqatigiilluarnitsinnut tunuliaqutit ilagilluinnarpaat, aallaallumi illoqarfiit arlaanniit saaf-figineqartuartarpugut suliagut pillugit.

Aviisinnguaq Puilasoq sapaatini annerni ilagiinnut saqqu-mersittarparput, nammineerluta suliaralutigu, assigiin-ngittunik sapaatini nalliuttuni tulluartunik, ilagiillu oqa-riartutaannik imaqartittarparput.

ukiup aallartinnerani qaammatini tulliuttut ingerlanis-saanni ilagiit sinniisaanniit palaseqarfik suleqatigalugu pi-lersaarusiortarpugut pisussanik ataatsimiinnitsinni eqqar-tueqatigiittarpugut, pilersaarutit ilagiinnut tusarliunniar-tarpagut, aammalu ilagiit oqariartuutaat tusarusuttarluti-git sapaatini arlaanni naalagiareernerup kingorna.

Juullilernerani pisartut ilagaat meeqqerivimmiut, atuar-tullu minnerit naalagiarnerisa nalaani ilagiit sinniisaasa suliaannik isiginnaangassiannguamik takutitsilaartarneq, tassalu Jiisusinnguup inunngornerani pisimasoq, taannalu meeqqanik nuannarineqarluartarpoq.

Ammattaarlu juullilernerani utoqqaat pisinnaajunnarsi-masut kaageaqqanik pajugutissanik suliaqartitsisoqartar-poq, tamakkulu aamma ilagiit sinniisaanniik palaseqarfim-miillu aningaasanik Diakonimut qinnuteqaassussinikkut pisarlutik.

Oqaluffipput ullumikkut nutartertuarpoq, suleqatigiin-nitsigut aaqqitassat pisariaqartut ingerlanneqartuarput, sulilu ingerlallutit, soorunalumi pinngittoorusunngilagut peqatigiiffiit, suliffeqarfiit, inuinnaallumi tunissuteqartar-neri qujassuteqassalluta, tamakkulu ilagiit sinniisaannut palaseqarfimmullu suliniarnitsinnut nukittorsaataasarput.

Ukiup ingerlanerani pisartut:Qeqertarsuup tunuani Ilagiit Sinniisaat nunaqarfinniit, illoqarfinniillu ukiut tamaasa isumasioqatigiittarpugut, soorunami isumasioqatigiittarnerup aallarteqqaarnera-ni avannaani Upernavik tikillugu peqataasoqartarpoq, kisiannili aqqutit peqqutaallutik akuttunerulersimap-put, 2018-mi Akunnaami 25 - 26 sept. isumasioqatigiis-simapput peqataasimallutik Qeqertarsuaq, Kitsissuarsuit, Aasiaat, Akunnaaq, Ikamiut, ulloq taanna sila anorlernera, aammalu angallassisussaqannginneq pequtaalluni Saqqaq Ilulissat, Oqaatsut peqataatitaqanngitsoorput, aappatigut uggornalaarpoq illoqarfiit, nunaqarfiillu allat peqataati-taqannginnerat pingaaruteqarluinnartarmat ilagiinnut sullissiniarnermit immitsinnut immersueqatigiittarnissaq,

Isumasioqatigiinnermi amerlanngikkaluarluta oqallise-qatigiinnerput immersoqatigiinnitsigullu pissarsiaqarfi-geqaarput, soorunami nunaqarfimmi innuttaasut minin-neqanngillat isumasioqatigiinneq naammassimmat un-nukkut aggersaasimavugut Ilagiit sinniisaasa suliarisarta-gaat nassuiaassutigineqarput, apeqquteqartitsisarsimallu-talu, tullissaanimut Ilagiit sinniisaannut qinersisoqalerpat qinigassanngortittoqarsinnaanissaanut kajumissaarutitut piareersaataasumik, aappaagumullu Qeqertarsuarmi pi-sussatut aliagiiffigineqarsimavoq.

Kitsissuarsuit Oqaluffiat 90-liisoq:Kitsissuarsuit oqaluffittaarnera oktoberip qulaaluaani 1928 pisimavoq, tamannalu nalliuttorsiutigineqarsimavoq sapaammi 28 okt. nal. quliniit naalagiaqatigiinnermi, Aasianniillu palasi, palasinngorniarlu, ilagiit sinniisaan-nilu ilaasortat ilaat peqataasimavugut naalagiareernerup kingorna atuarfimmi najoqqaasitsisoqarpoq, taassumallu saniatigut ajoqi Thele ukiuni 19-ni alajaalluni ilagiinnut sullissilluartoq ilagiit sinniisaanniit palaseqarfimmiillu tu-nissuteqarfigineqarpoq, aammalumi oqaluffiat nalliuttor-siortoq mininneqanngilaq.

Egedep Oqaluffia


Uppernarsaatinik nutaanik peqqinniarneqStiftSkontorchef Morten nornild- iM it

Uppernarsaatinik nutaanik peqqinniaraanni, up-pernarsaatinik tuluttuunik piniaraanni atermillu allan nguiniaraanni akiliisalernissaq pillugu 2019-imi upernaami malittarisassat nutaat takkutiler-sut.

Akiliisalernissaq pillugu malittarisassat nutaat ukiuni ar-laqartuni piareersarneqareersimalerlutik maanna kiisa-mi atuutinneqalissapput. Tamanna isumaqarpoq upper-narsaatit aalajangersimasut nutaamillu atertaarniartarne-rit amerlanerit piniarniaraanni akiliisoqaqqaartalissasoq. Uppernarsaatit kalaallisut allassimasut kisimik nutaa-mik piniaqqinneqartarneri akeqalissapput. Imaappoq, su-li inunngornermut kuisinnermullu allagartaq, katissima-nermut uppernarsaat naalagiarnertalimmilluunniit tun-ngasuni allani uppernarsaasiorneq suli “akeqassanngillat”. Kisianni uppernarsaat tammarsimagaanni nutaamillu pi-niaqqinniaraanni, taava nutaassaq akeqalissaaq.

2014-imili uppernarsaammik nalinginnarmik ilagiinnit kalaallineersumik tuluttut/kalaallisut allassimasumik pis-sarsinissaq ajornarunnaarnikuuvoq. Tuluttut allassimasut immikkut kiffartuussinertut isigineqartarput siunissamilu taakku tamatigut akeqartalissapput.

Atermik allanngortitsiniarnerit amerlanerit tamarmik aamma siunissami akeqalertussaapput. Tassunga ilaan-ngillat angajoqqaat katinneq aqqutigalugu atertaartar-nerat, nammineq kinguliarisimasap kinguliareqqilernera (katittoqartillugu/avittoqartilluguluunniit), angajoqqaar-siat kinguliaat kinguliarilertarneri, kinguliarisimasalluun-niit siuliup kinguliareqqilerneranut uppernarsaatit.

Siunissami inniminniilluni immersugassatut ittumik im-mersuisoqartalissaaq (uppernarsaammik nutaamik aala-jangersimasumik piniarluni, atermilluunniit allanngortit-siniarnermi), taanna palaseqarfimmut inunngorfigisima-samut kuisiffigisimasamulluunniit nassiunneqassaaq tun-niunneqassalluniluunniit. Najugarisami palaseqarfimmut

AngeruseqMinna WinSløW, B iSkoPPeqarf ik

Ilagiit kalaallit lutherikkuusut nutaamik apersortit-tussanut atuakkamik saqqummersitsipput taallugu ”Angeruseq”. Atuagaq illoqarfinnut tamanut nassius-suunneqareerpoq Palaseqarfiit nunaqarfittaminnut ingerlatitseqqissapput.

Atuartitsissutissatut atuagaq Danmarkimi sanaajunngi-laq, kisiannili nunatsinni pissutsit aallaavigalugit uagut ilagiit kalaallit lutherikkuusut atuagassatsitut sanaajulluni. Perorsaanermi suleriutsit assigiinngitsut atorlugit aaqqis-suussaavoq, sammisassat assigiinngitsut periarfissaallutik. Taamaalilluni nukappiaqqat uummaarissut niviarsiaqqallu tunuarsimaartortaqarpata tamarmik peqataatinniarneqar-nissaanut sakkussaasinnaallutik. Atuakkami ajoqersuussi-niarnertut eqqarsaateqarnani kisiannili uppernerup qanoq atorneqarsinnaanera salliutinneqarpoq. Taamaattumik sammisassani issiaannarnani atuartitsinissaq Angerutsimi maluginiagassaavoq.

Palasip atuagaata imarai atuartitsinermi qanoq iliornis-samut ilitsersuutit aamma quppernerit kopeerneqarsin-naasut, taakku suliassartaqartarput. Taamaalilluni ajoqi

atuaasorluunniit apersugassanik atuartitsippat iliuusissat tassani takuneqarsinnaapput.

Atuagaannaanngitsunik nassiussuivugut, suliaqarnermi atortuusinnaasut qalipaatit assigisaallu ilanngullugit nas-siussuunneqareerput.

Angeruseq atuagaq pillugu apeqqutissaqartoqaruni ima-luunniit uparuaatissaqaraanni Minna Winsløw biskoppe-qarfimmiittoq attavigineqarsinnaavoq uunga: [email protected]


Kalaallit Nunaanni Ilagiit

Church of Greenland

Inunngornermut kuisinnermullu uppernarsaat

Birth and Baptismal Certificate

NaggatFamily name

SiuliaqutitFirst name(s)

Inunngorfik:Place of birth registration:

Ukioq ullorlu inuuffik:

Year and date of birth:

Oqaluffik kuisiffik tangeqar-

tiffilluunniit: Church in which the child was

baptized:

Ukioq ullorlu kuisiffik:

Year and date of baptism:

Angajoqqaat angajoqqaarsial-

luunniit aqqi:Full name of parents or adop-

tive parents:

Folkekirkimut ilanngunnermik

aninermilluunniit nalunaarut:

Annotation regarding

membership of the National

Church: Kirkebogi eqqortumik assilinera uppernarsarneqarpoq

The accordance with the church records is certified

Palasip aqqa / Signature

Atorfimmi naqitsit

Official stamp

Inuup normua/National ID No:

Ulloq / Date

Sumiiffik / Place

FORMULAR 5-01


Den Grønlandske Folkekirke

Inunngornermut kuisinnermullu uppernarsaat

Fødsels- og dåbsattest

NaggatEfternavn

Siuliaqut akunnequtillu

For- og mellemnavne

Inunngorfik:

Fødested:


Fødselsår og dag:

Oqaluffik kuisiffia tangeqar-

tiffialuunniit:

Kirken, hvori barnet er døbt

el ler fremstillet efter hjemme-

dåb:

Ukioq ullorlu kuisiffia tange-

qartiffialuunniit - ukioq ullorlu

oqaluffimmi saqqummiunne-

qarnera:Dåbsår og dåbsdag, samt hvis

barnet er hjemmedøbt - år og

dag for fremstilling i kirken:


luunniit aqqi:

Forældrenes eller adoptivforæl-

drenes fulde navn:

Ilagiinnut ilanngunnermik

aninermiluunniit nalunaarut:

Anmærkninger angående

optagelse eller udtrædelse af

Folkekirken: Kirkebogi eqqortumik assilinera uppernarsarneqarpoq:

Overensstemmelse med ministerialbogen bevidnes:

Palasip aqqa / Præstens navn

Atorfimmi naqitsit

Embedsstempel eller segl

Inuup normua/Person nr.

Ulloq / Dato

Sumiiffik / Sted

FORMULAR 1-01(2015)


Church of Greenland

Inunngornermut atserneqarnermullu uppernarsaat

Birth and Name Certificate

Naggat Family name

SiuliaqutitFirst name(s)

Inunngorfik:

Place of birth registration:


Year and date of birth:

Palaseqarfik atserneqarfik:

Place of registration:

Ukioq ullorlu atserneqarfik:

Year and date of registration:


luunniit aqqi:Full name of parents or adop-

tive parents:

Folkekirkimut ilanngunnermik

aninermilluunniit nalunaarut:

Annotation regarding

membership of the National

Church: Kirkebogi eqqortumik assilinera uppernarsarneqarpoq

The accordance with the church records is certified

Palasip aqqa / Signature

Atorfimmi naqitsit

Official stamp

Inuup normua/Person nr.

Ulloq / Date

Sumiiffik / Place

FORMULAR 5-02


Den Grønlandske Folkekirke

Katinnermut uppernarsaat

Vielsesattest

PART 1 Naggat:

Efternavn:

Nammineq naggat:

Eget efternavn:

Siuliaqut akunnequtillu:

For- og mellemnavne:

Inunngorfik:

Fødested:

PART 1-ip kinguliami siornatigut nammineq kinguliarisimasani

akunnequtitut atorpaa:

Anvender eget efternavn som mellemnavn foran giftenavn:

PART 2 Naggat:

Efternavn:

Nammineq naggat:

Eget efternavn:

Siuliaqut akunnequtillu:

For- og mellemnavne:

Kirkebogi eqqortumik assilinera uppernarsarneqarpoq:

Overensstemmelse med ministerialbogen bevidnes:

Palasip aqqa / Præstens navn

Atorfimmi naqitsit

Embedsstempel eller segl

Ulloq / Dato

Sumiiffik / Sted

FORMULAR 1-03(2015)

KATINNEQ

Ukioq ullorlu katiffik:

VIELSENVielsesår- og dag:

Sumi katinneq:

Vielsessted:

Inuup normua

CPR-nummer:

o Naagga / Nej o Aap / Ja

Inunngorfik:

Fødested:

Inuup normua

CPR-nummer:

PART 2-p kinguliami siornatigut nammineq kinguliarisimasani

akunnequtitut atorpaa:

Anvender eget efternavn som mellemnavn foran giftenavn:

o Naagga / Nej o Aap / Ja

aamma tunniunneqarsinnaavoq, taakkulu nassiuteqqinnis-saa isumagissavaat. Tamatuma kingorna 150 kr.-mik (up-pernarsaammut) imalt. 300 kr.-mik (atermik allannguiner-mut) atatillugu akiliisoqartalissaaq. Uppernarsaat piareer-pat, oqarasuaatikkut nalunaarutigineqarsinnaavoq aasa-riaannanngortoq.

Ilitsersuut kalaallisut qallunaatullu allassimasoq sa-qqummersinneqarsimavoq, taannalu ilagiit.gl-imi imalt. sullissivik.gl-imi alakkarterneqarsinnaavoq, tassanilu ilit-sersuutitaqarpoq uppernarsaatit nutaamik aterluunniit allanngortinniaraanni qanoq iliortoqarsinnaaneranut. Tamatuma saniatigut soorunami aamma palasi attavigine-qarsinnaavoq.

Akiliisarnissamut malittarisassat nutaat atuutilissapput 2019-imi marsip aallaqqaataani imalt. apriilip aallaqqaa-taani.

Palasit erinnersaartarnerat pilluguPaneeraq SiegStad Munk

Aperineqarpunga sooq palasit ilai erinnersaarneq ajor-nersut. Apeqqut soqutiginarmat erinnersaartarnermut tunngasumik naatsunnguamik allaaserisaqalaalerpun-ga. Sooq palasit ilai erinnersaaratik naalagiartitsillutik erinnersaartakkat atuaannartarpaat?

Nunatsinni isumaqarpunga ukioq 2005 missaani pisoqar-toq. Ukiormi taanna Rituali maannakkut atuuttoq naqi-terneqarluni atortussanngortinneqarpoq.

2004-mi palasinngorpunga angumeraaralu erinnersaar-nermut pikkorissarneq. Tassa palasit sulisut akornanni taa-maattussaannartut suli ingerlasimassaaq uanga palasinn-gornerma nalaani.

Allakkalli ritualillu kalaallisut saqqummersartut misis-soraanni nassaassaavoq 1887-imi saqqummersoq: malig-taríssagssat palasit suliokataisalo nâlagiartitsissarneráne, Ritual for den grønlandske Kirke, Kjbh.: A. Rosenbergs Bogtrykkeri taanna naqinneqaqqittarsimavoq ukiuni 1888; 1918; 1919; Naqitikkat nutaat 1935; 1959 allaassu-tigiinnarpaat naqiterivik allanngortoq tassaalerluni J. H. Schultz bogtrykkeri. Ukioq 1887-imi saqqummersumi qupperneq 6-imi “sapìngikune erìnersârdlune” atuakkalli sinnerani allaqqavoq: “erìnersârdlune”. Tassa erinnersaar-neq taamaattussaannartut isigineqarpoq.

1988 Ritualissamut siunnersuut, Ilagiit Kalaallit Siulersuisui naqitami erinnersaarneq oqaatsimik ataatsi-milluunniit taaneqanngilaq. Kisianni soorlu eqqaareerin-ga 2003 palasinngorniarama erinnersaarnissamut allaat praktikkerfinni sungiusarneqarpunga.

2005 Rituali, Ilagiit kalaallit lutherikkuusut naalagiarner-ni oqaluffinnilu suliaasuni atugassat. Ataqqinartorsuarmit Dronning Margrethe II-mit atortussanngorti-taq. Biskoppeqarfik Kalaallit Nunaat. Danmarkimi Biibilissiiniaqatigiit. Tassani allassimalerpoq ungaluu-serlugu: (Erinnersaarneqarsinnaavoq). Tassalu tamatu-ma kingorna Ilageeqarnermut inatsiseqalerpugut 2010. Ilinniartitaaneq biskoppeqarfimmit tigummineqalerpoq. Tassanilu aatsaat erseqqissumik oqaatigineqartalerpoq pa-lasi kiffaanngissuseqartoq erinnersaarusunnerluni erin-nersaarusunnginnerluniluunniit.

Nunatsinni pisut Danmarkimi folkekirkemut atagat-ta tassani pissutsit amerlasuut nunatsinnut apuuttarput. Taamaakkami oqaluttuarisaanikkut atanerput ilageeqar-nermut aamma attuumassuteqartarmat Teolog Holger Villadsenip Bibelselskabip hjemmesideani allaaserisima-saanik tigulaarinnillunga tunulequtaa itisileriffigilaassava-ra.

Danmarkimi ukioq 1949-mi palasit nammineq aala-jangersinnaalerpaat erinnersaassanerlutik atuaaginnas-sanerlutilluunniit. Oqaluttuarisaanermili ilageeqarnerup iluani erinnersaarneq ileqquuvoq qangarsuaaniilli inger-laavarsimasoq, naalagiartoqarneranullu atalluinnartutut inissisimasoq.

Ukiuni akullerni naliginnaasuuvoq palasi erinnersaar-tarluni. Tamannami ilageeqaleqqaarneraniilli ingerlasi-mavoq. Isumaqartoqarsinnaagaluarpoq Lutherikkut nu-tarsaaqqinneranni tamanna ilanngullugu allanngortin-neqarsimasinnaasoq – taamaanngilarli. Tassami Lutherip

attestit assigiinngitsut


nammineq erinnersaarnermut nipit nuutiliorlugit siun-nersuuteqarsimavoq ukioq 1526-mi. Siunnersuutaali taakkua atulinngisaannarsimapput Tysklandimi Danmarkimiluunniit. Imaappoq Lutherip aamma ileqqoq taanna taamaattussaannartut isigisimagaa.

Ukiuni akullerni Danmarkimi ileqqoq tamanna inger-lasimaneranut takussutissaavoq Thomissønip tussiutit na-qitertitaani 1569-meersuni. Tussiutimmi tunuanni ilagiiit lutherikkuusut evangeliulersaartut palasiisa erinnersaar-nerannut ilagiillu akissutaannut nuutit ilanngunneqarsi-mammata. Nuutit taakkua nutaarsaasoqanngikkallarmal-li ingerlasuusimapput, nutarsaasoqaraluarmat ataannarsi-masutut taasariallit.

Piffissami 1685imiik 1992 tungaanut tunngaviusu-mik ritualit malillugit Ilagiit lutherikkuusut taama inger-laaseqarsimapput. Tassami Rituali 1685-imi saqqummer-soq malinneqartarsimammat. Allassimavoq palasi alteri-miikkaangami suut tamarluinnangajaasa erinnersaassa-gai. Naalakkap najorlisi. Qinuniarta tamatta. Biibilimik atuaalernermi. Ataatarpooq aamma Nerliiviliarnerup ato-qqaartinneqarnerani. Naalakkap pilluaqussutaa.

Ritualimi nassuitsumik allanneqarsimanngilaq nuuti-lersorlugu qanoq palasi erinnersaartassanersoq, “ileqqor-li malillugu erinnersaartoqassasoq”. Tassa palasit ataasiak-kaarlutik erinnersaarnermi pissusilersuutit ingerlattarsi-mavaat.

Danmarkimi 1700-kkut naalerneranniit palasit ilai erin-nersaartarunnaarsimapput, ileqqoq sungiusimanagu mi-sigisalersimagamik. Ajoraluartumik tamatuma kingorna pattagissamik ingiorteqarluni tussiartarneq annertuumik atungaanerulerpoq, taamaalilluni palasip erinnersaarnera-nit ilagiit akissutaat pattagissamik ingiorneqartut palasip ilagiillu akornanni “naligiinngitsumik” pissuseqartarneq ingerlalersimalluni. Imannak paasillugu ilagiit nipaan-narmik tussiaraangamik palasilu erinnersaaraangat naa-

lagiarneq naligiilluni ingerlanertut isigineqarsinnaasoq. Taamaalilluni pattangiamik ingiorteqarani palasi erinner-saaraangami sungiusimanninngitsunut eqqumiiginarsisi-masinnaalluni.

Palasilli amerlasuut erinnersaartarneq ingerlatiin-narsimavaat 1832-mi saqqummerput Kantor Johannes Wibergip “Erinnersaarnermi nuutit”. Tamatuma kingor-na pastoralseminariani atorfinitsitsisoqarpoq erinnersaar-nermut atuartitsisussanik.

Ukioq 1935 Jens Peter Larsen atuakkamik naqiterisit-sivoq erinnersaartarneq nutarteriffiginiarlugu, imaluun-niit Wiberg sioqqullugu ileqqunut uterteqqikkumallugu. Taanna arlaleriarluni saqqummersineqaqqittarpoq, kingu-llermik 1998-imi.

Ukioq 1949 danskit biskoppii Naalagiarnermi ritualit pillugit ilitsersuummik nalunaaruteqarput. Tassani palasit erinnersaartartut naatsersuutigineqarpoq. Maannali pe-riarfissatut nutaatut taaneqarpoq palasip qinnutit atuagas-sallu erinnersaarnani pisinnaagai. Tassa taannaavoq siul-lerpaamik pisortatigoortumik takussutissalimmik erinner-saarnani pisoqarsinnaaneranik naqitaq.

Danmarkimi rituali kingulleq 1992-imi saqqummerpoq. Tassanilu erinnersaarneq siullertut taaneqarunnaarluni atuaaneq siulliullugu allanneqarsimavoq. Tassani allassi-malerpoq: “Palasip atuassavaa”, taamaalilluni ingerlaan-naq erinnersaassanerlugu taamaattussaannartut eqqarsar-toqartarunnaarsimasoq takussutissaqalerpoq. Taamani ii-vangkiliu oqaluussissutissaq oqaluttarfimmiik atuarneqar-tarpoq, oqaluttarfimmiillu erinnersaarneq atorneqarneq ajorpoq.

Ullutsinni Danmarkimi nunatsinnilu palasit amerlann-gitsut kisimik erinnersaartarput, imaluunniit erinnersaa-neqarsinnaasut ilaannai naalagiartitsinerminni erinner-saartarlugit.

Qujamasunneq pillugu biibilimit allassimaffiit tallimatPaneeraq SiegStad Munk

Qujamasunneq

Pilianik peqqumaateqalernerup qujamasunneq mi-sigitittarpaa. Qujamasunnerluuna ilaatigut biibilimi qanoq eqqartorneqartoq. Qulequtalerlugit ima saq-qummiutsigit:

1. Qujamasunneq naatsersuutiginninnerluTussiaatit 145 vers 10 + 14-16:

Pinngortitavit tamarmik qutsavigissavaatsit, Naalagaq, ilinnullu upperluartut unnersiutigissavaatsit. Naalakkap najummisarpai orlulersut tamaasa, massitsittarlugil-lu taaqqungasut tamaasa. Tamarmik isaat ilinnut sam-mipput, nerisassaannik tunisarpatit piffissaq eqqorlugu.


Assatit ammartarpatit pinngortitallu tamaasa kissaatigi-saannik qaarsillartittarlugit.

Oqaatsit “isaat ilinnut sammipput” takutitsipput isi-ginnittut inuit arlaanik naatsersuutigisaqartut. Tassalu nerisassanik tunineqarnissamik neriuttut. Guutimmi as-sani ammartarpai qaarsillaatissittarlutalu.

2. Qujamasunneq eqqasuuteqannginnerluMarkusip evangeliuani kap.4, 26-32:»Guutip naalagaaffia soorlu tassa inuk naatsiiassanik nunamut siaruarterisimasoq. Sinittarpoq makittarlu-nilu, unnukkut ullukkullu, karrillu naajartorput alliar-torlutillu, naluaali qanoq pisut. Nuna imminik ineriti-taqarpoq – siullermik kanaartamik, taava karrertaqar-fimmik taavalu karrertaqarfimmi karrertanik inerissi-masunik. Karrilli inerikkaangata erniinnaq killuilersar-poq katersuiffik nalliummat.«

Oqarporlu: »Guutip naalagaaffia sumik assissarsisin-naavarput assersuulluunniit suna atorlugu oqaatigissa-varput? Soorlu tassa siinuppip naatsiiassartaa: Nunamut ikkunneqarnermini nunarsuarmi naatsiiassanit tamanit minnerusarpoq; siaruarterneqareeraangamili allisarpoq naatitanit allanit tamanit annerulersarluni avalequte-qalerluni angisuunik alannguani qilaap timmiai ullu-liorsinnaalersillugit.«

Nammineerusuttangaaratta suna tamaat aqukkusut-taraluaqaarput. Ilaanni angummassinnaanngitsutut al-laat misigilersarluta. Allassimaffimmili atuarsinnaavar-put inuunerup ingerlanerani suna tamaat aqussinnaa-sanngikkipput. Soorlu narsaatini naajartortartut anne-rusumik uangut inuit sunniteqarfigisinnaasanngikkigut. Inuunermili nammineq qanoq iliuuseqarfigisinnaasagut sapinngisamik ajunngitsumik iliorluta ingerlanniartigit. Inuunermi qujamasuutigissavarput Guutip qimanngi-saannaraatit.

3. Qujamasunneq eqqarsaatillu nikinneratPaulusip Filippimiunut allagai kap.4,4-7:Naalakkami tipaatsuttuinnaritsi! Oqaqqippunga: Tipaatsugitsi! Qanilaarsusersi ilisimaneqalerli inunnit tamanit. Naalagaq qanippoq. Sumilluunniit isumaku-luuteqarnaveeritsi, kissaatigisasili qanoq ittukkulluun-niit Guutimut saqqummiuttarsigit qinullusi torlulal-lusilu qujallusilu. Taava eqqissinerup Guutimit pisup siuneqassusernit tamanit annerungaartup uummatisi eqqarsaatisilu sernigissavai Kristusi-Jiisusimi.

Isumakuluuteqarneq qujamasunnerup akerleraa. Biibilimi allassimaffiup suut isumakuluutigut Guutimut tunniutequai, taamaalilluni qujamasunninngussam-mata. Allassimaffik upperigutsigu qamani qanilaarneq

pilissaaq. Uani pineqarunanngilaq inuttut ajunngit-suaannartunngussasugut, kisiannili eqqarsaatit Guutip tungaanut saatsikkutsigit sunniuteqarumaarneri pine-qarpoq. Allamimmi pitsaaneqarunanngilaq qujama-suleraangatta inoqatitsinnut qanilaarnerulertaratta. Isumatusaarsinnaalersarluta, tuniserusunnerlu aamma misigilersarlutigu.

4. Qujamasunneq inuunerullu pingaassusaaPaulusip Thessalonikamiunut allagai siulliit kap.5,16-18:“Tipaatsuttuaannaritsi, qinuttuinnaritsi, qanorluunniit atugaqaraluarussi qujasaritsi, tassaammat Guutip ilissi pillusi piumasaa Kristusi-Jiisusimi.”

Qujaneq eqqaamajuk! Imaanngitsoq qaffassimaartun-ngussasugut, kisiannili inuunerup pingaassusaanik ua-gullu imminut angisuutinngitsugut ersersinneqartar-mat. Qujasanngikkuttami inuuneq taamaattussaannar-tut isigineqalissaaq, soqutaarpiarunnaarluni isumaarut-tarlunilu. Tunissutisiatit kisikkit: Timi, inuussutissat, ikinngutit, timmiaaqqat qarlorpaluat, nipilersuutit, asa-sat – anersaartorsinnaasutit. Taakku pillugit Guuti qut-savigisaruk.

5. Qujamasunneq aamma naassaanngitsoqPetrusip allagai siulliit Kap.1,3:Unnersiutigineqarli Guuti Naalakkatta Jiisusi-Kristusip Ataataa, naakkinninnersuani naapertorlugu Jiisusi-Kristusip toqusunit makinneratigut ernioqqissikkamisi-gut neriugisamut uumasumut.

Neriugisaq uumasoq pillugu qujamasunnitta inuu-nerput ilusimavaalusooq. Oqaatsimmi taakkua kui-sittoqarnerani aamma ilisinermi oqaatigisarpagut. Aallaqqaataallutillu naggataajupput kristumiusut inuu-nermi. Ilaatigummi neriugisap uumasup qanoriliorfee-ruteqqasugut massitseqqittarpaatigut. Naak ilaanni nukissaqanngitsutut misigisimasugut ingerlateqqittar-paatigut. Ilaanni annaasaqarsimalluta aliasuuteqartugut oqaluffinnguaq ornittaraarput Guuti qutsavigalugu ne-riullutalu assamminit iperanngisaannassagaatigut.

Gertrud Raschip Oqaluffia, Qaqortoq


Atuagaq ”aliasunneq – nuannaarnerup eqqaassutissartaa”

Ukiaq 2018 nuannaarluta atuagaq nutsersimasara to-qukkut annaasaqarnermut tunngassuteqartoq naqi-tertereerlugu tuniniarnera aallartilersorlu paasitin-neqarpunga qallunaatut atuakkiortuata kukkuneqar-mat siammartequnngikkaa. Suliaq naammassereermat Palaseqarfinnullu nassiussuunneqaleraluarmat ajual-laatigigaluarlugu aalajangiinnarnikuuvunga siam-marteqqinneqarani unitsiinnarneqassasoq.

Saqqummermat KNR radiokkut allaat eqqartorlugu sa-qqummereernikuugaluarama ilagiinnit paatsuugasoqas-sammat una nassuiaatitut naatsumik ilannguppara.

Suliami nunami allamiut atuakkiaanik nutserinermi sa-qqummersitsinermilu mianernartoqarsinnaasoq paasi-vara. Taamaattumik maannakkut piffissaqarfinni sam-misaq toqukkut qimagaanermi aqqusaakkanut tunnga-soq unitsiinnarusunnagu piareersarpara, nammineq ka-

laallit aallaavigaluta imaqartumik immersorniarlugu. Qaqugukkulluunniimmi toqorsuaq takkuttarpoq, ilagiin-nilu sulisuusugut allatut ilioriaqqiffissaaruffimmi saaffigi-neqartuartaratta pisariaqarpoq itisiliisumik sammineqar-nissaa.

Palasinik ivertitsineritProvsteqarfik Kujataani palaseqarfiit sisamaa-sut tamarmik palaseqarput, uangalu tallimaliullun-ga Palaseqarfiit Paamiut, Narsaq, Qaqortoq aamma Nanortalik palasiuvugut. Ilagiinni sulisutut allatuul-li ingerlagaluarluta taasariaqarsoraara agguaqatigii-sillugit ukiugut alutorilaarakkit, ullumikkut 42-voq. Nukarliit marluk 35-nik ukioqartoq angajullersarput 62-nik ukioqarpoq.

Palaseqarfik Paamiut 14. oktober 2018 James Ignatiussen ivertinneqarpoq.

Palaseqarfik Narsaq 16. december 2018 Nukannguaq-Augustine Petrussen ivertinneqarpoq.

Palaseqarfik Nanortalik 13. februar 2019 Hans Fre de-rik sen ivertinneqarpoq.

Neriuppunga ilagiit palasitaatillu nuannersumik toqqis-sinartumik ineriartuutaasumillu suleqatigiilluarumaartut.

Atuakkap saqqaa

Paamiuni Ilagiit sinniisaat Narsami Ilagiit sinniisaat


Palasit inissisimanerat 2017 2018Nanortalik: James Ignatiussen James IgnatiussenQaqortoq: Paneeraq S. Munk Paneeraq S. Munk Minik Schmidt Minik SchmidtNarsaq: Nukánguak Adolfsen Nukánguak Adolfsen/ Nukannguaq A.PetrussenPaamiut: John Johansen John Johansen/James IgnatiussenNuuk: Isak Davidsen Isak Davidsen/John Johansen Emilie Steenholdt Emilie Steenholt Mãnguak Dalager Mãnguak Dalager Aviaja R. Hansen Aviaja R. HansenManiitsoq: Nukannguaq A. Petrussen Nukannguaq A. PetrussenSisimiut: Paulus Christensen Paulus ChristensenKangaatsiaq: Parma Andersen Parma AndersenAasiaat: Paneeraq S. Munk/ Dorthe T. Petersen Dorthe T. Petersen Qasigiannguit: Henriette Didriksen Henriette DidriksenQeqertarsuaq: Bendt Kristiansen Bendt KristiansenIlulissat: Marianne P. Olsen Marianne P. Olsen Hans Johan Lennert Hans Johan Lennert/Ludvig FleischerUummannaq: Ludvig Fleischer Ludvig FleischerUpernavik: Eqilana Simigaq *Qaanaaq: Juaanna Platou Juaanna PlatouAmmassalik: James Ignatiussen James Ignatiussen/Thala SamuelsenIttoqqortoormiit: * *Qallunaat Nunaat: Jens-Kristian Kleist Jens-Kristian Kleist*: Palaseqanngilaq

SMS 1771 aamma artorsarneq.glInternetikkut mobilikkullu palasimut attaveqarsin-naaneq ukioq 2018 periarfissaalerpoq. Ammasarpoq Ataasinngorneq, pingasunngorneq tallimanngornerlu nalunaaquttap akunneri 15 – 17 aamma 20 – 22.

Kinaanerit taanngikkaluarlugu sunilluunniit palasimut oqaloqatigiissutigerusutaq pillugu saaffiginnissinnaavutit. Palasit arfinillit paarlakaalluta piareersimasuusarpugut. Ilaanni allaqateqaraangatta saaffiginnittullu allaqatigiin-neq naammaginngippagu, palasi toqqarlugu ornillugulu oqaloqatigineranut innersuussisinnaasarpugut.

Palasi nipangersimasussaatitaalluinnarpoq, suulluunniit eqqartukkat palasilu kinaanersiluunniit paasinagu kisissi pigisarpasi, oqaloqatigiissutaasartut nalunaarsorneqarneq ajorput. Pingaarnerpaavoq pisariaqartitsisoq saaffiginnik-

kami inuttut killiffiani peqatiginissaa. Amerlasuutigullu tusarnaarneqarneq eqqarsaatinilluunniit avitseqateqarneq tuppallersaataasarpoq.

Qaqortumi naneruutit apummi ikumasut


Pikkorissarnissami pilersaarut 2019BiSkoPPeqarf ik

Qeqqani organistitut atorfilinnut organistitut pik-korissartitsineq – Jens Gjeraae-mit Marlunngorneq februarip 19-iat – sisamanngorneq februarip 21-at Hotel Hans Egede-miQinnuteqarfissaq kingusinnerpaaq februarip aallaqqaataatAmerlanerpaamik peqataasinnaasut: 10Qinnuteqarfissaq kingusinnerpaaq: februarip 8-at

Bibeli aqqutigalugu tarnikkut isumaginninneq na-laataminnillu kingunerlutsitsisimasut pillugit pikko-rissaaneq, palasit ataatsimiinnerisa nalaanni qulequt-tat sammineqarsimanngitsut. Minna Winsløw-imit Marlunngorneq marsip 12-iat sisamanngorneq mar-sip 14-iat Hotel Arctic-imiMeeqqanut tarnikkut isumaginninneq, ajunaarnersuaqar-tillugu, meeqqamik katatsisoqartillugu, imminut toqutto-qarsimatillugu il.il. isumaginninneq. Pikkorissartussatut ilaasussat siumoortumik sorleq sammerusunnerlugu nalu-naassapput tamakkernissaannut piffissaqanngimmat.Amerlanerpaamik peqataasinnaasut: 8Qinnuteqarfissaq kingusinnerpaaq: februaarip 22-at

Palasi siuttuusutut suleqatitulluPingasunngorneq 3. april – Sisamanngorneq 4. april, Hotel Hans Egede-mi. Palasit affaasa siulliit pinngit-sooratik pikkorissarfissaat (Affaasa aappaat aappaagu)Sammisassat:Palasi, provsti biskopilu siuttuusututAqutsineq attaveqaqatigiinnissamullu iliuusissatAqutsisuusarnermut teoriit Søren Kierkegaard isumassar-siffigaluguAtuartitsisut Sofie Petersen, Marianne Platou Olsen, Morten Nornild, Minna WinsløwUkioq manna peqataasussat: Paneeraq, Parma, Aviaja, John, Paalu, Nukannguaq, Marianne, Bendt, Jens Kristian.Aappaagu: Emilie, Mãnguak, Henriette, Juaanna, Thala, Looqi, Minik, Hans, Dorthe, James.

Kujataani ajoqitut atorfillit pinngitsooratik pikkoris-sarfissaatMarlunngorneq 10. september – sisamanngorneq 13. september, QaqortumiEqqaasitseqqissutitut pikkorissarneq misilittakkanik apeq-qutinillu taartigeeqatigiiffik:Ajoqitut ileqqussat tarnikkullu isumaginninneq Minna Winsløw-imit.Apersortittussanut atortussat nutaat “Angeruseq” ilisari-tinneqassapput ilitsersuutitai sungiusaatitaalu ilanngullu-git.

Tarnikkut isumaginninnermi qulequttat makku sammis-savagut: Nipangiussisussaatitaaneq, tarnikkut isumagin-ninnermi oqaloqatigiittarneq aamma angumerisinnaagut-sigit, soorlu makku: Aliasuuteqartunik isumassuineq, im-minut toqunneq, meeqqanik atornerluinerit il.il.

Peqataasut: Arsuk: Janus Sørensen, Qaqortoq: Karoline Motzfeldt, Narsaq: Lone Egede, Nanortalik: Morten Gyllich, Aappilattoq: Johan Gideonsen, Narsarmijit: Theodora Simonsen, Tasiusaq: Ferdinand Semsen, Ammassivik: Ananias Thorsteinsen, Alluitsup Paa: Louise Joelsen

Oqaluffimmi nipilersornermut pikkorissarneq (Siu-sin nerusukkut pattattunut ilinniarneq) modul 1Pingasunngorneq 18. september – Pingasunngorneq 16. oktober Hotel Arctic-imi, IlulissatQinnuteqarfissaq kingusinnerpaaq: 1. aprilAmerlanerpaamik peqataasinnaasut: 14

Ajoqitut ilinniarneq modul 3Tallimanngorneq 13. september – sapaat 13. Oktober Hotel Arctic-imi, Ilulissat.

Saarlup Oqaluffia

Asuki Qasigiannguani


Anniarsiorfiit nalaat 2019 qanoq atorumaarpiuk?BiSkoP Sof ie PeterSen

Ukiup ingerlanerani ullut suut nalleraangatsigit inuunitsinni pisarsimasut kingumut eqqaanngitsoor-tanngilagut. Anniarsiorfiit nalleraangatsigit meeraa-nerup ullui eqqaasarpakka; ullut nipaarsaarfiit silami-luunniit aneeraangatta nilliaqqusaanngilagut, ullut-sinnili ilaasaluunniit anniarsiorfiit - ullut immikkuul-larinnerat - naluaat.

Eqqarsaatiginngitsoornerlu ajorpara 2001-imi Ilisi ma tu-sarfimmi ilinniartut Fyn-imilu domprovsti angalaqataa-lu ilagalugit Israel-imi angalanermi Via Dolorosa (An ni-arnerup aqqutaa) aqqutigigatsigu malugisara: uagut ka-laallit nalunanngitsumik qamuuna attortissimalluta ni-paatsumik ingerlanerput ukulu angalaqativut soorlulu-sooq immikkut attortisimanngitsut, pisarnermissut oqa-loqisut.

Soorunalumi Anniarsiorfiit nalaani Naalakkatta Jiisusi-Kristusip anniarneranik toquneranillu oqaluttuaq atuar-tarpara naalagiarnernullu malinnaaniartarlunga, ila-mi oqaluttuaq nalunngilluinnaraluarlugu taamaattoq atuaqqinnera eqqarsalersitsisarpoq. Ulluinnarniillu an-nerusumik pisut uatsinnut qanoq isumaqarnersut eqqar-saatigisarlugu qujaniutigisarlugulu, ilami asanninneq tas-suuna uatsinnut tunniunneqartoq tupinnarlunilu tuppal-lernaqimmat.

Nalunngilara anniarsiorfiit nalaat ilaannit ima ator-neqartartut: Neqitornaveersaarfittut, mamakujuttunngiffittut, imigas-samik attuinngiffittut, fjernsyn-imik isiginnaanngiffittut, radiomik nipilersuutinillu tusarnaanngiffittut tassa ulluin-narni sungiusimasamik allaanerusumik ileqquliussaqar-nermik, ullullu taakkua allanik eqqarsaateqarsinnaaner-mut isumaliuteqarsinnaanermullu atorlugit.

Uanga tamanna tamakkiisumik atunngilara atornerusarlu-guli ”nipaallisimaffittut”, soorlu nipiliutit – radio, fjernsy-ni nipilersuutilluunniit – ammatittuaannarnagit. Anniami oqaluttuaq atuariarlugu nammineq isumaliutersuutiga-lugu eqqarsaatigalugulu, Tussiutitsinni tussiutivut ”Jiisusi anniarlunilu toqusoq” ataani allassimasut imaluunniit atuakkat atuaqqillugit soorlu Mathias Storch-ip atuakkiaa ”Naammassivoq”, atuakkalluunniit allat upperisatsinnut attuumassuteqartut.

Taama nipaallisimaneq isumaliutersorfimmik eqqarsaate-qarfissamillu imminut piffissaqartitsineq pingaartillugu-lu atuineq imaannaanngitsumik tunisisarpoq qaratsamut piinnarani aamma qamuuna, soorlulusooq nukissanik nu-taanik tunineqarluni.

Nalunngikkaluarpara allarpassuit aamma taamaaliortar-tut, kajumissaarutigissavarali allanut aamma misileqqul-lugu.

Saarlumi atuaasoq Dana Kanuthsen

Ajoqi Louise Joelsen, Organi Johannes Kleist


Aasianni 2018-imi juullilernerani pisutallattoq dorthe t. PeterSen

Namminneq piumassutsiminnik kaageeraliornikut aper-sortittussat peqatigalugit illoqarfimmi utoqqarnut ag-guaassinissaminnut piareersartut.

Apersortittussat poortuinissaminnut utaqqisut

Tele Post-imit puussiaaqqat tunniunneqartut Aviiseeraq Juullisiut, naneruutinik marlunnik, kaagiaqqanik kiisalu mamakujunnik immeriarlugu illoqarfimmi nunaqarfinni-lu utoqqannguanut agguaanneqartarput, tamanit nuan-naarutigineqartunik.


Egedep oqaluffia Aasiaat 2018-ip aasaani qaliata suliarineqarneraallattoq dorthe t. PeterSen

Oqaatigineqarpoq maannakkut qisuaqqat ikkussuunne-qartut

Kalaallit Nunaata silaannaanut naleqquttuusut

Suliarinnginnerani isikkua

Naammassilerluni isikkua

Qinnuthenriette didr ikSen

Guuterput qujanaq inuunermi maani ikinngummik, uummatitta asasaannik, qaammaqqutaanik tarnittalu kisaanik ingiaqateqartikkatsigu. Taamatut tunisininni periarfissinneqarpugut uumatitta nanertuutigisaanik annissuiffeqarnissatsinnut, oqilisaaqatigiinnissatsin-nut, aammali nuannaaqatigiinnisatsinnut illakulooqa-tigiinnissatsinnullu periarfissilluta sanileqartikkatsigu.

Illimmi nalunngilat inuit qanoq pisariaqartitsiginerip-put ikinngutitsinnik qanigisaqarnissarput, taakkuum-mata qungujulanitsinni uumatitta anniaataanik takun-nissinnaasut.

Ikinngupput unnummi maani najornerani tasioruk, tarniga paariuk, ilaqutai qanigisai tamaasa tasiukkit. Pisariaqartitsilissappatalu nukissaannik tunikkit uan-nut saaffiginnissinnaaqqullugit ilinnulluunniit. Ullullu tamaasa pilluaqqusakkit najortuarlugillu.

Inunnguit, nunaqqatigut nunarsuarmioqatigullumi su-li ikinngummik taamaattumik nassaarsimanngitsut, nas saarnissaannut aqqutissiuukkit kiserliortutut misi-geq qunagit.Guuterput, qujanaq ikinngummut taama asanartigisu-mut tunniussannut, amen.

Narsami palasitaamik ivertitsineqPalasi Nukannguaq-Augustine Petrussen ivertinneqarpoq ulloq 16.december 2018 Narsap Oqaluffiani. Ivertitsineq nuannersumik kusanartumillu ingerlavoq. Naalagiarnermilu erinarsoqatigiit N.E.P.80 palasinn-gortoq tikilluaquniarlugu tussiarput, ajoqi soraarnerup aqutsisuusullu Sebulon Poulsen taalliaa erinaraa “Illu qaarsumi sanaasoq” atorlugu una:

Nuannaarfigaarput ulloqulloq pilluaqqusaqkiffassatut sassalermat ilagiinnut ullumi.Pilluaqqusaali aammaGuutip saani suliaq Ilagiinnilu tamaani Tuppallernartuugili.

Sulinermi aqqutaavoq tateqarneq pavanisuliap ingerlanissaa issorissumiissappat.Naatsiiassaq ikkutassaqinerilluassappat kisimi nakooqutaammat qutsinnermi naalagaq.

Aqqutaajumaarpoq aammatarnini merngortuniaqqutaassavorlu taanna eqqississutaalluni taannami oqarsimammat qaagitsi tamassiaa qasuerfissaq qanimmat saanni piareersagaq.

Documents

Katinngat nutaamik aallarteqqippoq - Ilagiit...2 KATINNGA 1 2019 Katinngat nutaamik aallarteqqippoq Paneeraq SiegStad Munk, ProvSt Ilagiit kalaallit lutherikkuusut qangaanerusoq 1900-kkoqarallarmat